سند الأنثى رجل - الفصل 6 - بقلم shosho - مكتملة | روايتك

عماد حدف عليها المخده: حيوااان ماينفعش فيك خير وناض قعمزهي الزفت طيرت النووم النهارات خلي نشوف منى استاحشت وليد وليد ولدي طبعاا وان شاء الله ان شاء الله مايطلعش زي خاله هو : مااصح وجهك من زيه كان جي زي خااله عماد : بالله عليك روميو الهاليي في روحك وفكرلك في نوسة قالها بصووت زي البنت هو : طول عمرك تقعد حيوان اتكى وهو يفكر وينها ليش مسكرة ايميلها كيف بنوصل فيها امتى بنكمل ونروح نشوفها زعما صح تزوجت ونستني زعما يانسيبة وقام يده وشاف ليده للخاتم والساعه والله استاحشتك واستاحشت هبالك وحط يده ورا راسه ورجع راسه ع المخدة وفكر فكر ورقد ....... نضت الصبح جتني الممرضة وداوتلي جرح كتفي وقالتلي انه جف وتمام اتصلت بيا ماما تتطمن عليا وبعدها جاني الدكتور ودارلي خروج فررحت اني خلااص بنطلع مليت اتصلت على طول بايمن : صباح الخيررر ايمن : صبااح الورد زااهية الحمامه اني : هههه زاهية الدكتور دارلي خروج ايمن : بااه مبروك استنيني ساعه بس تانية نكمل الي في دي ونجي نروح بيك اني : تمام واسمع ماتقولش لماما وكان كلماتك قوللها انك علي اساس تجيبها لعشية خلي نفاجئهم ايمن : هههه باه حاضر هي سلام اني : مع السلامه سكرت وتنهدت وشفت لخاتم وليد ونضت ساعدت روحي نوقف بالعكازات وقعدت نلم في حاجاتي حطيتهم في الشنطة ولميت كل شي وقعمزت ع السرير ونفكر اني نسيبة قوية لازم نوقف علي رجليا ونحاول نسند روحي علي روحي ونعتمد علي نفسي صح اني مكسورة وقلبي حساته ضعيف بس لازم نكون قوية حتى على شان الناس الي حوليا والي يفكرو فيا ومتعبتهم معاي ايمن قاعد بيني وبين امه ماما الي تفكر في مسؤوليتها ومشي سندها في الحياة وخلاها تواجه بروحها وتحاول ماتنقص شي علي بناتها اخواتي الي اصغر مني محتاجينلي هما في مراحل مراهقه لازم نكون معاهم بابا طول حياته يعود فيا اني نكون قوية ومانضعفش لاي سبب ووصاني اني نهتم بااخواتي اااه ياربي ساعدني اني نبي نطلع من الي اني فيه يااربي اني مش معترضة علي حكمك بس والله هلبا عليا ياربي اني ضعيفه وحاسة اني فقدت كل شي ياربي قعدت نتخبط في مشاعري وافكاري لحد قريب الساعه واحد الظهر طق الباب قلت اكيد ايمن : ادخل خش ايمن وكان ماسك كيسة فيها شكلاته : السلام عليكم كيف حالك اليوم اني : الحمد لله انت كيف حالك وحال عمتي اليوم ايمن : نقولو الحمد لله هي شن شكلك موتيه حاجاتك اني : ايه لميت كل شي ايمن : رجلك قلتي لوحدة من الممرضات مفروض تساعدك اني : عادي تمام مش حاسة بوجع وبعدين نبي نتعوود نعتمد علي نفسي ونتعود ع العكازات ايمن :هي هاتي الشنطة وساعدي روحك نمشو اني : هي وطلعنا اول ماطلعت من باب المستشفى خدييت نفس كبيررر : واخيراا ايمن : ههههه تقول كنتي محبوسة اني : شن تقول اصلا كنت محبوسة امالا شنو مقعمزة علي سرير مانتحركش منه بين اربع حيطان ..... اما عند محمود فناض الظهر الساعه 12 فطر وركب سيارته وطلع يبي يمشي للمستشفى وصل مع 1 ونص خش وكان قاعد متدكرة الحجرة قعد يدور القي الحجرة مفتوحة وطالعه منها ممرضة : السلام عليكم لو سمحتي هادي حجرة المريضة نسيبة الممرضة : ايه اليوم دارولها خروج محمود : امتى طلعت الممرضة : من نص ساعه تقريبا محمود : اووف الزفت وامشي للاستعلامات لو سمحتي كان في الحجرة 12 الدور الثاني مريضة اسمها نسيبة الي في الاستعلامات : ايه طلعت اليوم محمود : ايه بس ممكن نبي نسال علي اسمها يعني اسم بوها ولقبها ..: انت تقربلها محمود : لو كان نقربلها مانعرفش لقبها بس نبيها ضروري تقدري تساعديني ..: اسفة ممنوع نعطي اي معلومات محمود : تي غير بالله حاولي ..: اسفه مانقدرش وخلاص ماتديرليش دوشة محمود : خبط علي طاولة بتاعها وطلع ..... وصلت لحوشنا ونزل ايمن الشنطه ونزل معاي شريننا ع الباب ردت نوال : منو ايمن : اني ايمن فتحت نوال الباب الخارجي وخشينا للجنان وفتحت نوال الباب الخارجي شافتني ناضت تعيط :ماااماا يااماما تعاااالي نسيبة روووحت وانقلب الحووش صووت جري وعياط اني قعدت نضحك وفرحت لفرحتهم اضبطتهم كلهم وسلمو عليا وخشينا ايمن : نحن هنا رااهو حتى اني جيت مش بس نسيبة ماما :ههههه صحيت ياوليدي ايمن : مافيشي جميل ياامرت خالي نوال : انت عادي ديما تجي ومافيك شي تنقز اهو ايمن : هههههه باهي يانوال ماما : تحشمي ام اللسان الطويل هادي نرجس : تعرفي الحوش اخي مظلم من غيرك نورس : ايه يعع استاحشناك نوال : ايه والله استاحشت جو الانسة ناضلي في الحوش كلنا : هههههه ايمن : قصدكم عايشة جو الاخت الكبيرة نوال : ليين خلااص وقعدت تقلد في صوتي وحركاتي " غيريها اللبسة هادي ماتصلحش غدووة بتمشو للمدرسة ومن غير نقااش نوضي اقري من غير لعب فكك من الدوة الفاضية " اني : ههههه خيزي اني مانديرش هكي نورس : انتي ماتديريش هكي انتي اكثر بشوية كلهم : هههههه وقعدنا نهدرزو ونضحكو قدرو يضحكوني ويغيرولي جوي استاحشت هاللمه في دفء حوشنا بعدها حطتنا الغدي نورس ونرجس وتغدينا وتغدى معانا ايمن بعدها طلع وامشت معاه ماما بتشوف عمتي وقعدت اني واخواتي في دار المعيشة اني : ماعندكمش قراية انتو نوال : بديناا اني : هههه نسال اني حمارة وحدفت عليها المخدة نوال : قاعدين علي خاطرك وانتي تلزي نورس : اني شبه كملت قراية موادي كلها والاحد الجاي امتحاناتي الفترة التانية نرجس : واحني معاها امتحانات نصفية مع بعض اني : اهاا تمام وانتي نورس بعدها تاخدو عطلة للامتحانات النهائية بكل والا نورس : اييه بس قعدلي درس في الرياضيات مش فاهماته اني : جيبيهولي يمكن نفهمه نرجس : حتى اني عندي درس اني : جيبيه وتلفتت لنوال وانتي نوال : اخطوني من القراية الغبرة اني : امتى بتديري عقل نوال : خلااص تو ننتبه مع نرجس اني : باه جيبي كتابك نوال : نرررررررررجس بااعلى صوتها جيبيلي كتابي حتى اني فووق مكتبتي اني : ودني مزال نبيها قعدت نشرح لنورس في الاول والحمد لله قدرت نفهمه وحتى نوال ونرجس وبعدها قعدنا نهدرزو لين جتني العشية هاجر لما عرفتني روحت وقعدنا نهدرزو بعدها جت ماما وايمن ايمن : السلام عليكم هو خش وهاجر : طالعه من المطبخ نسيبة رااهو امتحاناتنا مزال عليهمم شهر واحني مادين خلايقناا قاعدين ماقرينااش ايمن واقف يشبحلها وهي ماشبحتاشي ماتتدريش عليه واقف قدام الباب وماما ركبت تغير حوايجها واني ونرجس في الصالة اني : هههههه هاجر : تو شن يضحك تضحكي علي عاازتك والا قهرتك رجلك ممدودة والامتحانات مزال شهر بس والدكتور الجمل هداكا متحلف فينااا وووه عليا ووه نرجس : هههههه اني : ههههه هاجر : قرقري انتي وياااها واني ماده زومتي معاك ياطيااح سعدي وسعدك ايمن : هههههههههههههههه هاجر : انخلعت ويبست في مكانها تلفتت شافاته انت من امتى اهني ايمن : من لما انتي بلعتي الراديو ههههه تتكلمي زي حناي هاجر : طيح سعدك وخيرك ماتتكلمش ايمن : ههههه انتي حولة اني قدامك من بكري هاجر : حوولة عينك وامشت تجري للمطبخ اني ونرجس نتفرجو عليهم ونضحكو ايمن : هي هكي ديما مطرشقة اني : هههه للاسف هاجر من المطبخ : باااهي ياااصاحبتي نسمع فيك رااهو تي غيرر يمشي هالاحول الما نطلع نوريك خييزي هدا العيش والملح الي بيناتنا ايمن ميت بالضحك علي كلامها: ههههه مش عارف من الاحول اني والا هي الي واقف هكي عرضي وماشافتنيش اني : ههههه صااحبتي عسل راهوو فكني من سوك مانلقاش من يجيبلي المحاضرات هاجر لفت وشاحها وطلعت : جت قعمزت جنبي وقرصتني اني : ااااي هاجر : تستاهلي ايمن قاعد واقف ع الباب ويشوفلها : شكلها شريرة بكل هالهاجر هاجر : وانت من وين تعرف اسمي ايمن : عصفورة قالتلي هاجر : ماتقولوليش خيره دمه خفيف ولد عمتكم ايمن : اخف من دمك هاجر : اني دمي عسلل ايمن : ههههه اني النحلة بداتها كان انتي عسل وخشت ماما : ماتقولوليش من الي يتعارك هاجر تحشمت ايمن : وحدة يامرت خالي تتعارك مع روحها هاجر : ياخالتي نادية هوو يناشب فيا ماما : خيرك عليها ياايمن هادي هاجر زي بنتي راهو هاجر : سلممك خويلة وابتسمت ابتسامه خبث لايمن ايمن : حي علي ضرب اليباري المخززات تكذب عليك يامرت خالي راهو هي لسانها طويل وواحلة في روحها وتدوي زي العزايز وتقول " وووه عليا ووه " دارها بصوت عزوزة ماما : هههههه هاجر : وانت تضحك زي الشيباني الي مخرف الي مزاله اقل من دقيقه ايمن : شباب اني صقع عليك هي يامرت خالي تبي حاجة خلي بنمشي عندي شوية شغل ماما : سلامتك قبل نبيك تقعد تتعشى معانا ايمن : خايف نقعد والعزوزة تكمل الماكلة كلها هي رايحة دبة هاجر : هييي دبة عييينك رشيقه اني صقع عليك انت الي دب ماما : هههههه تي ياسر انت ويااها اني : من بكري وهما هكي ياماما زي الفار والقطوس ايمن : هي اني ماشي هاجر : مع السلاااامه ايمن : خيررها هادي تلز حوش خالي راهو هاجر : حووش صاحبتي راهو اني : ههههه ووه منكم ايمن : ماانيش مروح ماصارليش قاعد اهني ورجع اتكى ع الباب هاجر : افتحيله الصالون بتاع الرجاله يانرجس اني وماما ونرجس نضحكو وخلاص ماقدر حد يسكتهم ايمن : بنقعد اهني اني هاجر : رجليك يوجعوك ايمن : عاادي فداء لكلام العزايز خشت نورس بسفرة الشاهي : تي خيركم يافار وقطوس ايمن : هادي العزوزة لسانها طويل نورس : ههه قصدك علي هجورة هاجر : يناشب ويقول لسانها طويل ايمن : هي اني بنطلع وقت عليا ورااهو غير شغل كان هدا مش حنطلعع هاجر : ربي يوفقك ويزيد من الشغل يارب ماما : خود طاسه شاهي يايمن ايمن : باهي هاتي طاسه هي السلام عليكم خداها وطلع كلنا : مع السلامه هاجر : عمري مارديت علي حد هكي نرفزني اني : ههههه حتى ايمن مايناشبش راهوو اول مرة نشوفه يلبس حد هكي ماما : هههههه يعطيهالكم انتو الزوز اشربي شاهيك ياهاجر هاجر : حاضر هي واستمرت الهردزة وفي الليل روحت هاجر واني بما انه رجلي رقدت علي كنبة دار المعيشة لانه نقدرش نركب ورقدت معايا نوال ع الكنبه الثانية حطيت راسي علي مخدتي وقعدت نتفكر في كل الي صارلي من يوم ماتوفى بابا حياتي نقلبت راسا على عقب بابا توفى وخلانى من غير سند واختفاء حبيبي وبعد سنه نعرف انه توفى وليت انسانه حزينه مكسورة ماليهاش اب ولاسند ضحكت بسخرية كانت ضحكة بيش ماينزلوش دموع العبرة الي خانقتني بعدها تدكرت تحاليل عمتي اليوم تطلع اتصلت باايمن على طول : الو ايمن اسفة اتصلت بوقت متاخر ايمن : لاعادي شن في اني : انت قلت تحاليل عمتي يطلعو اليوم شن صاار ايمن : نسيت نقولك الحمد لله الدكتور طمني بس تبي تلاته شهور علاج ونفكر نسفرها تاخد العللاج برا اني : تنهدت براحة ايه افضل ايمن : قاعده عندك المطرشقة والا روحت اني : هههه روحت من بكري الساعه 12 توا ايمن : باه كويس هي زيحي غادي بنرقد اني : ههههه بارد تصبح ع خير ايمن : سلام اني : نوال نوال قلتها بصوت واطي نوال طلعت راسها من البطانية : خيررك اني : بترقدي نوال : فاتحة فيس اني : ترا اغطيني بنبحث علي حاجة في الفيس نوال : من حسابي اني ااني: ايه عادي مدتلي الموبايل بلعت ريقي وكتبت ايميل وليد القيته صورته الشخخصيه مغيرة فتحت وشفت التاريخ لقيتها منذ ....... خديت التليفون بلعت ريقي ودرت بحث علي ايميل وليد اول ماخشيت لاحظت انه صورة البروفايل متغيرة فتحتها والقيتها منذ ... اربعه شهور !!!! كانت صورة بيبي عمره شهور ممكن مافهمتش هدا منو نزلت للتعليقات كلهم ربي يحفظه وجو هكي ليين وصلت في تعليق طيح قلبي ويبس رجليا < يتربى في عزكم يابرو > تجمعو الدموع في عيوني معقولة ولد وليد وبعدها تعليق < يشبهك هلبا ياوليد > الدنيا ظلمت في وجهي وستين الف سؤال وسؤال يدورو في راسي معقولة وليد اختفي لانه تزوج ياربي طلعت بسررعه لاني خلاص بنبكي وسكرت ايميله ومديته لنوال : شكرا نوال : نسيبة اني بلعت ريقي في محاولة انه صوتي مايبين شي بس مع هذا تكلمت بصوت مخنوق : نعم نوال : بحثي علي ايميل وليد والا اني : انسي وياريت ماتسأليني شي لاني بروحي مش عارفه ومعاش قدرت نشد دموعي نوال ناضت وجت جنبي : نوسه اهدي خلاص بالله عليك اني مسحت دموعي : خلاص بري ارقدي ناضت نوال وولت لمكانها واني وقفت بكي قعدت نفكر والاسئلة تلود في راسي هل ممكن يكون سبب اختفائه انه تزوج ؟ بس ليش مايقوليش طبع وليد مايتهربش حتى لو داير غلط يواجهني ، باه من هو الي رد علي تليفونه وقالي مات ؟ هل مرات يكون هو يتهرب مني ويقوللهم قولولها مات ؟ بس ... ياااربي زعما يطلع حي حتى لو بصغاره عادي المهم يكون حي نسمع انه تزوج ولانسمع انه مات وافكار ترفع وافكار تجيب لحد مانعست ورقدت ...... فات شهر وبدو الامتحانات واني طول الشهر تجيني هاجر في الحوش ونقرا اني وياها وايمن شبه كل يوم يمر علينا يناشب هاجر ويروح بس الزوز بدو يميلو لبعض وهدا عرفته من عيونهم بس من اسبوع ايمن سافر بعمتي هو وعدنان وعليا وبدت تعالج في تركيا اما نوال ونرجس قرايه وخلاص ونورس تجهز في روحها لامتحانات الشهادة ، اما محمود فكان يراجي في نوال تفتح ايميلها بس للاسف مافتحتاشي وقعد يدور في طريقه يجيب فيها الي خانب تليفون خوه ونوال كل يوم اتابع في اخباره ع الفيس من غير ماتضيفه اما بالنسبة ليا اني فقالقه بكل من الجبس امس امشيت للدكتور غيرلي الجبس بس قالي مزال تعاليلي بعد شهرين اووف ربي يصبرني نبي نسوق ونتحرك براحتي ، وكل يوم نفكر في وليد ماغابش عن بالي بكل ونفس الاسئلة في راسي مالقيتلهاش جواب وماحاولتش نبحث لاني مانبيش نتعب نتفحص في هداياه ليا كل يوم وخلاص وندعيله هو وبابا كل صلاة ..... اليوم امتحاناتي بدو نضت الصبح وتيت روحي وخطمت عليا هاجر كان جايبها خوها اني ركبت السيارة : السلام عليكم صباح الخير محمد هاجر : عليكم السلام صباح النور هاجر : قاارية باهي فررخه خايفه اني اني : ايه قااريه ووراس امك ماتخوفينيش فكيني منك هاجر : تي والله متوترة اني : علي شن بتتوتري مادة ساهله ولينا شهر نقرو وانتي ديما ( واني نقلد في صوتها متوترة خاايفه بطني تووجع فيا ) الحركات هادي فيك من الثانوي ترعشيني وبعدين انتي تخشي تطربقي الدرجة واني من الخووف معاش نقدر نجاوب شي هاجر : ههههههه تي حمارة انتي محمد : هههههه انتي معاش تعدلي عليهاا هادي ديما مرعوشة حتى في الحوش علي ابسط شي واحلى شي تقدري تخلعيها بسررعه هاجر ضربت كتفه اني : ههههههه تستاهل ديما اخلعها وصلنا للجامعه واول مانزلنا كان في سيارة بيضا هونداي مدرسة وكان واقف عليها واحد متكي اني اول ماشفته قلبي انقبض وخنقتني العبرة كان متكي نفس تتكايه وليد جسمي قريب منه بس هدا اضعف حركة رجله كيف مرفوعه وحنيه الظهر اني وقفت وقعدت نشوفله والعبرة خانقتني وكان يدخن هاجر لاحظت اني وقفت وقعدت تشوف وين نشوف اني مافهمتش علاش نشوفله بالطريقه هادي : نوسه شن في من هدا اني : شوفي هاجر وليد هاجر تحسابني عقلي بدي يفوز : نوسة وليد الله يرحمه وماتقعدي اتعبي في روحك هكي هياا خلينا نمشو خير مانتاخرو ع الامتحان اني : هاجر شوفي نفس طريقه شعره تتكايته حركاته نبي نقرب منه قربت قعدت نشوفله بتدقيق اكثر لفت وجهه وشافلي بس ماكانش وليد للاسف خيبة امل خنقتني العبرة وتلفتت امشيت بسررعه امتحاننا وطلعنا طبعا ماقدرناش انلودو هلبا علي خاطر الجبس وبعاكازات قعمزنا هاجر : نسيبة نسيبة جااك اني : منوو هاجر : اسامه جاايك جيهتنا اسمعي اني بنمشي للكافتيريا اني : تمشي لعينك اقعدي جنبي شن نقعد معاه برووحي ايبسي اسامه : السلام عليكم لااباس لاابااس اني : وعليكموالسلام اهلين اسامه الله لايوريك باس اسامه : بعيد السو ياريتها فيا ولافيك وينك ليك شهر ماتجيش وكيف صار واشر علي رجلي اني : بعيد السو ماهو علي خاطر الجبس قعدت نقرا في الحوش وطحت من الدروج اسامه : الحمد لله ع سلامتك ردي بالك مرة تانيه ماتحرميناش من شوفتك مرة تانية اني ابتسامه صفرا : ان شاء الله اسمامه : كيف حالك ياهاجر هاجر : من ربي الحمد لله قالتها وهي قالبه وجهها اسامه : تي غير خيرك قالبه وجهك ع الصبح تعرفي ياريتها الكسره فيك ولا في نوسة هاجر تلفتتله وتعطيه هاديكا الشبحه الي تخليه يموت خوف : بعيد السو عليا وعلي نووسة ان شاء الله فيك اسامه : ان شاء الله فيك انتي وبالمرة يلصقولك فمك ويريحونا من لسانك هاجر : ان شاء الله فيك ويقعمزوك سنه في المستشفى ويريحونا من برادتك اسامه : مقبولة منك يااهاجر مش حنرد عليك وحنكون العاقل هاجر : يكوون احسن اني : شاده ضحكتي بالسيف اسامه : دافعي عليا يانوسة صاحبتك طايحة فيا اني : بينك وبينها اسامه صعقه ثلاثيه الابعاد : باه هي اني بنمشي ولد يراجي فيا نستاذن هاجر : مع السلامه ونحذف وراك سبعه رشادات اني : اذنك معاك اسامه : مش حنرد عليك ياهاجر وهي نوسة ديري بالك ع روحك سلام اني : سلام هااجرر : وووووه شن هذااا ( خلوني نعرفكم علي اسامه شاب من نفس دفعتي مواليد 92 باارد شوية يعني ثقيل دم بالنسبه للشكل عادي يتلصق شوية يعني جي مرة وقالي نبيك وهكي واني رفضت ومع هدا قاعد يجي ويكلم فيا مرات يسخف فيا ومرات نزهق وهو وهاجر مايتحابووش ديما تنقد فياا هاجر ههههه ) اني : ههههههه تي حرام عليك بالشوية ع الولد هاجر : ريحيني تراا اووف اني : ههههه باه خلاص اهدي بالشوية عليك هاجر : يشنجلي في اعصابي ، وبعدين انتي بنسالك من بكري خيرك لابسه اسود كلك اسود اني كنت لابسة بنطلون اسود وعليها سوريه اسود وفيها قصه من الوسط وبعدين مزخرفه شوية بالاسود والقهوي الخامق وكندرة سودا ووشاح اسود : لانه الي في قلبي طلعته في لبسي هاجر : يعني وبعدين بتقعدي لابسه اسود لاامتى اني : ممكن للابد هاجر : نسيبة انتي مااعتقدش صغيرة ولاجاهلة بيش تديري الحركات هادي اني : والله اني فتحت الدولاب القيت احسن شي يناسب حالتي الاسود هاجر : راسك زي الخرسانه مستحيل تفهمي اني : باه امالا بطلي جو نصائح هاجر : كيف حال عمتك حقا اني : الحمد لله قاعده علاجها تبي حتى سته شهور هاجر : اها واولادها بيقعدو معاها اني شبحتلها شبحه ع الجنب مع ضحكة خبيثه : قصدك أيمن بيقعد معاها ؟ اكيد بيقعد ومرات يتزوج وحدة من غادي بالمرة هاجر : باه ربي يشفيها ويردها بالسلامه وطبعا واضح انها تضايقت اني معاش قدرت نشد ضحكتي : ههههههههه تي شكله ولد عمتي طيحك مزبوط هاجر : خررفي اني : بس امس كلمته ع الفايبر سال عليك على فكرة ويسلم عليك هاجر : سأل عليا اني ؟ مع شبحة صدمة مخلطة بفرحه اني : ايه قالي كيف حال صاحبتك المطرشقه قلتله تمام وهي انخطبت هاجر : هبلتي انتي تو اني نخطبت نسيبة شن ترفسي انتي وقرنت حواجبها وتكنطت وقلبت وجهها للجهة التانية اني شادة ضحكتها بالسيف مستمتعه باستفزازها : تي مش خطبك ولد عم بوك والولد شاريك وشكله يحبك هاجر : عارفتيني رفضته ومانبيشي وااك يانسيبة اني : تي باهي عادي خيرك متكنطية هاجر : سلامتك والله ولا كاانك دايرة حاجة اني بنروح هيا بتروحي اني : لا مش مروحة بنستنى ايمن قال بيمر للجامعه اليوم صاحبه في كليتنا هاجر تلفتتلي : تو مش مسافر اني : امس روح عنده قضية مهمة وبيرجع خلال يومين هاجر : تعرفيني انك حقيررررة وماتتحشميش اني : لاوالله اول وحدة انتي تقوليلي ههههههه هاجر خبطتني بشنطتها : باه تعالي امشي معاي للحمام بنواسي روحي اني : هههههه وعلاش ايمن يحسابك مخطوبة راهو هاجر خدودها ولو حمر وقرنت حواجبها : ماتخلينيش نرتكب فيه جريمة تو شن دخل ايمن اني : ههههههههههههههههههههههههه هههههههه هاجر : ربي يشفي ان شاء الله باه اسمعي من الاخير هي والله مانعرف طول الوقت نفكرر فيه وفي كلامه وكيف يناشب فيا وخاطري نشوفه مانعرفش شن صايرلي اني : هههههههه هدا كله ياخاينه وماتقوليليش هاجر : ههههه باه قوليلي لبستي مواسية اسمعي بجديات بجديات بيجي والا تتسهوكي اني : ههههه بيجي بيجي قالي عنده صاحبه معيد في كليتنا فمش عارف بياخد منه اوراق مااوراق وقالي تو نمر نشوفك وكان بتروحي روحي تو نقوله يروح بيا هاجر : تتسهوكي اكيد مش حنروح ونسمعو واحد ورانا يقول : وعلاش ماتبيش تروحي ياعزوزة شن عندك اني : انخلعت وبعدين قعدت شادة ضحكتي بالسيف هاجر يبست في مكانها تحسابه سمع كلامنا بس تحاول تنقذ الموقف : وانت امتى جيت بسم الله وكاسر وذنك معانا زيادة ايمن : الجمله الاخيرة سمعتها غصبن عني لان ماشاء الله صوتك رنان الجامعه كلها تسمع هاجر : تي تي وسكتت اني : احم احم الحمد لله ع سلامه ليك وحشة ايمن : الله يسلمك وتو بندير روحي صدقتك استاحشتيني في اسبوع اني : مش هلبا هاجر كان وجهها الوان وخاصه اني نزيد نخزرط فيها نشبحلها وشادة ضحكتي ايمن : عزوزة خيررك ساكته شن في اني : مش عارف هجورة شكلها مريضه اليوم هاجر ايمن وجهه تغير وبدي عليه الخوف : خيرك لاباس شن تحسي هاجر : ااا الله لا يو و وريك با ا س نحس في روحي بناخد بردة بس اني : نبي نمشي للكافتيريا بنجيب حاجة ناكلها ايمن : رجلك انتي تبي نجيبلك اني اني : لالا نبي نمشي اني وبعدين الجبس هدا خفيف نقدر نمشي بيه كويس هاجر ساكته بس وقريب يغمى عليها من عطر ايمن وكان وسيم طالع لابس بدلة رسميه بس محول الجاكيت قاعد بسورية بيضا وقرواطة امشيت اني للكافتيريا خديت شكلاته وقعدت نبطأ في مشيتي نبيه يتكلمو ايمن : احم شن بنقولك عزوزة هاجر : تي معاش تقولي عزوزة ايمن : ههههه باه شن بنقولك هاجر : قول ايمن : قصدي عادي ناخد رقم تليفونك هاجر قلبها يرقص رقص بس تدير في جو رزن : علاش قصدي في حاجة ؟ ايمن : تكنطى من ردها وسؤالها حسه رفض : اوكي هاجر تخزرطت امشي طلعت مذكرة وكتبت في ورقه رقمها ومدتهوله ايمن شاف للورقه وبعدين شافلها وابتسم كتب رقمها ورنلها : استني مكالمتي بعدين نبي نتكلم معاك في موضوع مهم هاجر : اوكي بس خليها متاخر شوية العشيه بنمشي لحوش نسيبة بنقرا معاها ايمن : باه تمام اني مخربة اللحظات والمواعيد : احم احم اني جيت ايمن : هي امالا اني الراجل يستنى فيا داخل تبي نروح بيك نوسه هاجر : اني بابا جايني توا تو نحطها ايمن : باه تمام هي سلام وكان متلخبط ومرتبك ومافاتنيش الشي هدا طبعا اني : احكي احكي شن صاار شكلك طيحتيه هاجر : ههههه احم خدي رقمي وقالي في موضوع بنكلمك فيه اني : روروروري هاجر : تي اسس فضح بيك ان شاء الله اني : ههههه وفي نص ضحكتي تلفتت وشفت هو نفس الشاب الصبح يشبه وليد هلبا حتى حركاته هاجر تلفتت وشافاته : نوسة قصدي هو يشبهه يعني ماتقعديش كل ماتشوفيه تتضايقي وليد الله يرحمه اني خنقتني عبرتي : عارفه ياهاجر صورة البيبي مافارقتش عيوني يشبه لوليد هلبا وخاصه عيونه زي عيون وليد هاجر : لو كان ولده اكيد يشبهله اني فكرة انه ولده تخلي دموعي ينزلو بروحههم بس حاولت نشد روحي واكتفيت اني نزلت راسي هاجر : هي بابا يرن خلي نطلعو روحت للحوش رقدت وبعدها جتني هاجر وقعدنا نقرو لصلاة المغرب بعدها طلعنا من دارنا نزلنا للصالة لوطة ودرنا نسكافيه وقعمزنا وبعدها قعمزت نوال وقعدنا نهدرزو وشوي الباب شرين نوال ردت القاته ايمن عمره طويل طبعا لان نوال وهاجر كانو يتفقو علي خطة لو جي بيديروها تو تعرفوها خش ايمن وهاجر لبست وشاحها ولقانا في الصاله : السلام عليكم اوووه عزوزة اهني ( علي اساس جاي صدفه مايندريش عليا اني يحسابها بتمشي تي بلعوط خوويا ) نحنا : وعليكم السلام نوال : ايه هجورة منورتنا اليوم ليها فترة ماجتناش تووتي لخطبتها ايمن انخطبتي ؟ هاجر : لا مش رسمي هو تقدم بس وكلم بابا قصدي قريبنا وقاعدين مارديناش نوال : بس حسب المواصفات الي قلتيها مايرتدش بصراحة رجل اعمال ووسيم وشخصيه قوية وحوش وعنده شن تبي تاني اني طبعا نشرب في نسكافي ونتفرج عليهم وخلاص اصلا متضايقه نحس في روحي وكل شوي نشوف لخاتم وليد ونوال وهاجر ينفذو في خطتهم وشادين ضحكتهم بالسيف ايمن : باه الف مبروك ولف خبط باب الصالون برجله وبعدها طلع وخبط باب الحوش بااقوى قوته وبعدها الباب الخارجي بقوة ماتقلش علي خبطة الباب الداخلي هاجر : هههههههههههههه نوال : اني : حي عليكم هاجر : شكله يبيني والا بجديات انتو شن تستنتجو من حركته هههههه نوال : اني نستنتج اني مانعرفكش وورطتني معاك تي اني شن خلاني نتكلم هاجر : تي خيركم قصدي لو ماكانش يفكر فيا راهو مادارش هكي وواضح انه تكنطى اني نخطبت نرجس ونورس جوو يجروو : شن في نورس : تهيألي سمعت صوت ايمن وبعدها خبطة الباب شن فيي نرجس : شن صاار نوال كانت طبعا وجهها مايتفسرش وخايفه وتهزب في هاجر : تي كله من الحمارة هادي هي نديروو خطة واني العبيطة الي نسمع في كلامي تي يعطيني قصه اني شن دخلني فيك يبيك والا مايبيكش حي عليا حي نورس : ان شاء الله تلعبو علي ايمن وتخططو وهو تعفلق نرجس : حي عليك يانوال وانتي نسيبة حتى انتي معاهم اني : لالا ماتكلمتش هما يخططو وهاديكا نوال تستاهل تو تتحمل مايجيها من قاللها تتكلم هاجر : تي خيركم قصدي هي عادية قعدت تقولي انخطبتي وهكي وندوي علي ولد عم بابا الي خطبني وهو شكله يبيني قعد يخبط وتعفلق وبعدين يانوال انتي وافقتي من الاول وقلتي عادي وجو علاش توا الجو هدا نرجس : هي ماتعرفش ايمن والا ؟ وجهت السؤال ليا اني اني هزيت راسي بمعنى لا نورس : اهاا انتي ماتعرفيش جنون ايمن لما يتعفلق اكيد هاجر : كيف يعني نرجس : يعني اصلا هو غريبة ماعجنكمش الزوز واكتفي بالتخبيط بس وتوقعي لو حق يبيك الي جي خطبك تروحي اليوم تسمعي انه اغتالوه هاجر : شنوو نوال : حي عليا اني بنركب بنرقدد جي ايمن مرة تانية قولوله راقده ومانعرفش لامن تزوج لامن خطب وركبت هاجر : قصدي مش لهالدرجة يعني اني ادويت علي حد خطبني ليش نوال تخاف شن بيديرلها نرجس : ايمن لما يتعفلق معاش يعرف وبما ان نوال هي الي تكلمت فااكيد حيديرلها استجواب حتى نسيبة لكن نسيبة علاقتها باايمن قوية يعني تقدر تطلع منها وايمن مايتعفلقش منها هاجر : حي عليا قصدي بالك تبالغو انتو احني ماقلنا شي خطير لهالدرجة اني : ان شاء الله تمشي علي خيربس هاجر قعدت خايفه وروحت وقعدت تراجي بس ايمن مااتصلش وهي ماحاولتش تتصل بعد لما شافت خواتي خايفات وقعدت متخزرطة طول الوقت وايمن توقعناه يجينا ويقعد يسال بس ماجاش وخشينا كل وحدة لدارها رقدنا بعد ماكل وحدة فكرت لين داخت ،،،،،،،، اما عند محمود فااتصل بصديقه ليه اسمها امل اكبر منه بسنتين صديقته من ايام الجامعه ودار الحوار امل : اهلا اهلا عاش من سمع صوتك محمود : اهلين شن الجو امل : تمام الحمد لله شن جوك انت محمود : ماشية امل : شن صاير صوتك ماطمنش محمود : والله مافي شي غير اني في موضوع مضايقني وشاغلي بالي امل : احكي محمود : انتي عارفه الي صار لخوي امل : ايه باه محمود : يوم الي تقنص الشخص الي قنصه خنب سيارته والسيارة كان فيها تليفون امل : اها تمام محمود : من شهر فات الشفرة مفتوحة واتصلت بنت بالشفرة سالاته عن وليد قاللها وليد مات امل : به محمود : اتصلت بيه اني ولما جبتله سيرة وليد تلخبط امبكري زدت جربت الرقم شرين نبي نجيب صااحب الرقم نبي نعرف هو الي قنص وليد والا لا نبي نعرف وماقدرتش نجييبه الشفرة قاعده باسم وليد اااه تنهد تنهيدة عمييقه امل : عطيني الرقم محمود : لييش شن بتديري بيه امل : انت مش تبي تجيب صاحب الرقم هات تو نجيبهوولك محمود : وكيييف ياكونان بتجيبيه امل : هات وماتسالش محمود : بس الموضوع مش حيضرك اكيد ؟ امل : لاابدا مش حيوصلي محمود : تو نبعتهولك في رسالة امل : تمام نراجي فيه وقبل اسبوعين يكون عندك معلوماته محمود : امل مش عارف شن نقولك بجديات شكراا امل : مش بيناتنا يااهبل انت كيف خوي وفعلا خلال اسبوع نسقت امل مع الشخص موعد بس في هالموعد ماامشتش هي عطت لمحمود المواصفات والمكان وصورة للشخص ومحمود لم المافيا بتاعه ووتاني يوم بيمشو ،،،،،، بالنسبة لاايمن سافر تالت يووم وماكلمش هاجر ولما يكلمني مايجيبش في سيرتها اني وهاجر قاعدين نمتحنو مزاللنا مادتين نرجس ونوال بدو امتحاناتهم النهاية تاني يوم امشي امتحاننا عادي ومر يوم ركيك جدا ،،،،، محمود امشي للمكان الي دايرين فيه الموعد ويدور في الشخص وشاد تليفونه وفاتح علي الصورة لحد مالقاه امشوله يجرو كتفووه وركبوه للسيارة ورفعوه لحوش صاحبهم ربطوه في عرصه محمود : من وين تعرف وليد مختاار ياحمززة حمزة : مانعرفااشي وانتو منو شنو تبو مني محمود : قلت منوين تعرف وووليد وليش رقمه عندك حمزة : قلت مانعرفااشي واحد مات اني شن عرفني فيه محمود : كيف عرفت انه مات حمزة : انضرب برصاص اكيد مات محمود : كيف عرفت انه انضرب برصاص حمزة : ماانعرفش الناس يحكوو محمود ضربه بقبضته علي وجهه : تكلمممم حمزة : ااااه هوو قعد يقنص علينا شن تبيني نديرر قنصته قربت منه القيته مايتحركش عرفت انه مات خديت سيارته وهربت بيها وكان فيها التليفون فخديته محمود : يعني انت تعترف انك انت الي قنصته وطاااح في ضرب والولاد يشدوو فيه حمزة : هوو يتحدى فينا ويقننص محمود : تي اسكتتت يااحقيررر ياانذل والله ماامخليك عااايش دقيقه وطااح فيه ضرب تاني ويخبط فيه في العرصه الاولاد قدرو يفكو محمود ويطلعو يبعدوه عليه وحمزة قعدوو رابطينه ووجهه كله دم من كثر الضرب بعد مااهدي محمود اتصل : الو هو : ايووه محمود محمود ........