الفصل 4
ماما : نوسة بنتي في موضوع نبي نحكيهولك
اني : ان شاء الله خير
ماما : معليشي اني دسيت عليك هذا اني بعد ماجبتك وانتي بكرتي مرضت هلبا ورقدت في المستشفى ومابوش يخلووني نرضعك طبعا روحت بيك عمتك فادية وهي كانت قاعده ترضع في عليا وانتي كنتي عيااطة هبلتيها امشي رضعاتك
اني : يعني توا صغار عمتي خوتي بالرضاعه
ماما : ايه
اني : كيف بيصير في ايمن انتو مفروض ماتدسوش موضوع زي هذا
ماما : خيره ايمن
اني : ماتشوفيش في اهتمامه ياماما كلنا فاهمين مع اني صح طوول عمري زي خوي بس هو مانعرفش مشاعره لكن حتكون صدمة ليه مرات
ماما : اني قلت لعمتك فادية تقووله
اني : ان شاء الله خير
شووي طقطق الباب حطيت وشاحي
ماما : ادخل
ايمن : السلام عليكم خش وشاد اكياس
اني وماما : وعليكم السلام
اني بصراحة كنت في داخلي خايفه مانعرفش بس خفت عليه وفكرت فيه ياربي يكون اهتمامه ليا كااخت بس اني الموضوع فاجئني وصدمني بس مش هلبا اكثر شي فكرت فيه هو مع اني فرحت ان ايمن يكون خويا لطالما تمنيت يكون عندنا اخ وسند قعدت نراقب في تعابير وجه ايمن مافيهمش اي علامات صدمة وكان عادي وهادي كعادته قلت في خاطري شكله عمتي ماقالتلاشي
ايمن : هيييي نووسة الووو وين سرحانه
اني : هاا شنوو
ايمن : هههه الي واخد عقلك
اني : شبحتله شبحة لين حسيته خااف فكنا من خفه دمك ايمن وين ماما
ايمن : امك طاالعه من بكري قالت بنتمشى الدار غمتلها قلبها
اني : اها
ايمن : احم وقعمز ع الكرسي نسيبة حكولك ع الموضوع ؟
اني : موضوع اني اختك بالرضاعه
ايمن : ايه
اني : يعني انت مش مش مصدوم
ايمن : اني خالي احكالي قبل مايموت بساعتين تقريباا قبل مايدخلوه عملية وصااني عليك وقالي انك اختي صح مانكدبش عليك كنت معجب بيك هلبا وانصدمت بالموضوع اني هداكا اليووم كانو عندي صدمتين انك اختي ووفاة خالي
" حتى ايمن مسكين انصدم صدمتين هداكا اليوم مش اني بس " قلته في خاطري
ايمن كمل : ساافرت بعدها وقدرت نتجاوز الموضوع الحمد لله وبعدها رجعت انفذ وصية خالي نهتم بيك وباخواتك
اني : ايمن بجد مش عارفه شن نقولك ومش عارفه كيف حتى نشكرك علي وقفتك معاي وقفت معانا بعد امشي بابا وماسيبتناش علمتني السواقة ودرتلي سيارة لولاك راهو ماقدرناش نوقفو علي رجلينا
ايمن : معاش تعاوديها الدوة هادي وفنص فيا هذاا واجبي وانتو اخواتي
اني : باه حاضر بس خلاص معاش تفنص
ايمن : ههههه باه حاضر غير ماتبكيش بس
قعد ايمن يهدرز عليا ويحاول يغيرلي جوي وقدر ينسيني شووية
" احبك يااخي "
بعدها جت ماما وخالتي جابت اخواتي وبعدها روحت بماما ونورس ونوال وقعدت معايا نرجس وجتني هاجر مع المغرب
هاجر : تعرفي من اتصل بيا امس
اني : من
هاجر : موسى
اني : وشن يبي بعد الوقت هذا كله
هاجر : كان تشوفي ماصح وجهه بعد سنتين جايني قالي قاعد نحبك
اني : حبة برص
هاجر : ههه ان شاء الله طبعا لما قالي نحبك ضحكت من جد جدي قلتله شن ردك توا قالي روحت معاش قدرت نكمل قلتله علاش
موسى : اني كنت ماشي علي حساب بووي وانخنب مني مبلغ كبير معاش قدرت نقعد وبوي لما عرف قالي روح
هاجر : ضرربني الفضوول طبعا قلتله وكيف انخنب
موسى : كانت في بنت خششتها لشقتي وقعدت معايا ايام لين نضت في يوم من الايام القيتها مهناش والفلوس الي في الدولاب كلهم واخدتهم كانو 10 الاف دولار
هاجر : ههههه قعدت نغني دوري دوري يادنيا دوري وخبريهم علي ساووه فيا هذا هو صار فيهم هدا هو صاار فيهم هاادي ربي خدالي حقي فيك انت مالعبتش عليا واخديت فلوس يااريتك اخديت مال لدنيا كله بس لعبت بقلبي وسيبتني بس الحمد لله لما نقول حسبنا الله ونعم الوكيل ونوكل امري لربي كنت متاكدة ان ربي حياخدلي حقي انت توا حزين ومتكدر علي خاطر ماقدرتش تكمل قرايتك يلا ربي يعووضك ومعاااش تتصل بيااا افضل مانديرلك شي تندم عليه حيااتك كلها
موسى : هاجر اني مزال نحبك
هاجر : هههههه يلا طير طير ومعاش تتصل سلام
الله ياانووسة بجد اكتشفت اني خلاص نسيته ومعاش في ناحيته اي حاجة في قلبي حسيت روحي قووية بجد قداامه وماقدرش يهزني
اني : الحمد لله ربي يعوضك حبيبتي احسن منه
نرجس : احم احم ضرربني الفضوول اني نتفكر ان لما كنتو في الثواني كنت مرات نسمع فيك لما تجي لنوسة تحكيلها بس كنتو عسل وكنت تحكي انه رومانسي ويحبك شن صار
هاجر : هذا يااحنة من سنتين فاتوو جي قالي اني بنسافر لكندا بنكمل قرايتي غادي وكان حصلت جنسية ممكن نكمل عمري كله اني انصدمت وقلتله واني شن بيصير فيا كيف بتخليني نقدرش نعيش من غيرك قالي انتي تستاهلي خير مني واني بصراحة مخطط نتزوج غادي بيش ناخد جنسية ومن لما ساافر معااش كلمني الا امس واني سنه كاملة نبكي ومحرووقة وصاارلي اكتئاب بس توا الحمد لله قدرت معاش نفكر فيه نهائي
نرجس : ربي يعوضك بخير منه اني مانفكرش اني ندير اي علاقة الا الي بيجيني من الباب
هاجر : هكي احسن
وقعدت هاجر ونرجس يهدرزو واني سرحت في عالمي وذكرياتي
قبل اربعه سنين
الساعه 2 الظهر واني طالعه من باب المدرسة ومعايا هاجر وتسنيم كنا نهدرزو وكنت نضحك جت عيني في عينه عيوونه الي كانو ديما يذوبو فياا كان يشوفلي وهو مبتسمه ابتسامه حلووة وقفت وقعدت سرحانه في نظرته وابتسامته قالي " نحبك " بتحريك شوارب بس من غير صووت ضحكت ونزلت راسي وامشيت وهو ركب سيارته واني ركبت للباص
استاحشتك يااحبيبي استاحشت نظرااتك همسااتك استاحشت كلمة نحبك منك استاحشت لما كنت تغنيلي اااه ياربي ساعدني وصبرني
.............
عند محمود رن هاتفه : الوو
صاحبه عمر : تي وينك يااراجل تعالى للمستشفى بسرعه
محمود : خيرر شن في
عمر : علي حالته تازمت ويبو يديروله عملية ولاازم ندفعوو المبلغ واحني جمعنا 3 الاف والعملية تبي 7 الاف شووفله يامحمود بالله عليك
محمود : تم تم سلام توا
قعد محمود يفكر بعدين تذكر ان عنده الفين دينار في الخزنه اخدااهم حطهم في ظررف وولع سيارته وامشي بسرعه للمستشفى درس سيارته ونزل بسرعه
محمود : السلام عليكم شن صاار رااهو جبت 2500 بس والله هذا الي عندي وانتو عارفين شن صار لخوي
معتز صاحبهم : تم يابرو ماتفكر في شي خوي توا بيجيبلنا الفين ونكونو مكملين المبلغ
محمود : بااه الحمد لله هو امس كان حاله باه
عمر : اليووم نبضه وقف وداروله الصدمة الكهربائية مرتين وتوا قالوو لازم عملية يستر الله وخلاص
محمود : كان متاثر بجد علي صااحبه هلبااا قعد متوتر وخايف عليه وكل شوي يضرب الحيط يااما بيده
اما علي خششوه للعملية وقعد 7 ساعات
مع صلاة الفجر الشباب كلهم امشوو للجامع يصلوو وادعو لصاحبهم وبعدها رجعوو للمستشفى القو الدكتور كيف طالع من غرفه العملياات وهويمسح في وجهه الي يصب عرق ووجه مايتفسرش محمود قدم يجري : طمنا ياادكتور
الدكتور : انتو اهل المريض
محمود : ايه خوته قصدي اصحابه
الدكتور : عظم الله اجركم انا لله وانا اليه لراجعوون فقد المريض تحت العملية درناا الي قدرنا عليه بس الاعمار بيد الله
محمود : كان الخبر صاعقه بالنسبة ليه وانجن وشد الدكتوور من ربقته انت شن تقوول شن تقوووول صاااحبي علي كيف يموووت قلتوو حتعالجوه مش تقتلووه
وقعدو الشباب يحاولو يحزو ويبعدوو محمود من الدكتور ويفكوه
عمر : صلي ع النبي يااراجل خلاص اطلقووه ياامحمود
محمود طلق الدكتور وطااح علي ركاابه وقعد يبكي كيف البيبي ويعيط : علي لااااا علي صاااحبي ورفيقي وخووي وقعد يخبط علي صدرره عليي خوووي علي رفيييقي
والشباب قعدو يحاولو يهدووه وهما متاثرين علي كان صاحبهم كلهم ومعرووف بكلمته وشخصيته وكيف لو حد فيهم احتاج لشيء يكون ليهم جناح الاب الي يضمهم ووقفه الخوو وقت الازمة وكلمة الراجل الي ماتوليش
ومحمود قعد يبكي ويعيط
سمعت اني ونرجس شوشرة في المستشفى بس مافهمنا شي وكانت حجرة العمليات في الدور الي فوقنا وبعيدة
مر علي محمود صبح كئيب وهو ماوقفش بكي ودخان وهو يذكر في صااحبه ومرات يقعد يخبط
وكانت الجنازة الظهر روح محمود والشباب لحياشهم مع الساعه 10 بيش يوتو روحهم واتصلو بااهل علي وقاللهم محمود كان مروح مكسوور زي الطير الي مقصوصة جناحه يااما سهر هو وصااحبه وطلعوو وضحكوو وياما وقف معاه علي في ازمة خووه وصبره
اما اني نضت الساعه 11 القيت نرجس فايقه وشادة كتاب تقرا فيه
نرجس : صبااحو
اني : صباح الخير
نرجس : شن كيف حاسه روحك اليوم
اني : مايفرقش ع الايام الي فاتو الحمد لله ع كل حال ممكن تصبيلي ميه
نرجس : حاضر صبتلي ميه ومدتلي وخدتها مني صحة
اني : سلمك
نرجس : نوستي اليوم ليك 5 ايام مزالك يومين بس وان شاء الله نروحو بيك خلااص الحوش مظلم بلاك
اني : ان شاء الله
نرجس : خلي نقوللهم يجيبولك تفطري
اني : لالا مانبيش ماتعبيش روحك ساعديني بس شوية نبي الحمام " اكرمكم الله "
نرجس : بااه حااضر بس حتاكلي مادخليش فيك
اني : انتي بس ساعدني
ومدتلي نرجس عكازات جابهملي ايمن على شان رجلي وساعدتني في المشي وبعدها رجعت لسريري واني حااسه بحاجه تجبدلي في قلبي وقلبي يررف ورجليا يرعشوو وراسي يلف نرجس حست اني مش تمام : نوسة انتي كويسة
اني : ها مانعرفش حاسة قلبي يرف
نرجس : اكيد هبوط شكلك ماتاكليش خلي نمشي انادي الدكتور
اني : لالا مافيش داعي بس نرجس مادورتنيش وطلعت تجري
جي الدكتور ومعاه الممرضة ومعاه جهاز الضغط وضغطي كان هاابط هلبا على طول دارولي تغدئة كيستين
الدكتور : ياانسة نسيبة انتي ماتاكليش لازم تاكلي رااهو مش كويس هكي على شاان صحتك لازم تاكلي
اني : مارديتش ساكته وخلاص
الدكتور : اني هكي راهو مش حنقدر نعطيك الخروج قبل اربعه ايام لانك ماتبيش تساعدينا على شان صحتك
اني : بس انت يادكتور قلتلي اسبوع بس
الدكتور : انتي ماتاكلليش ومش مهتمه بصحتك كيف تبيني نعطيك خرووج انتي تبي تغدئة
اني سكتت ومارديتش طلع الدكتور واني متضايقه من وضعي ومن يبرة التغدئة الي في يدي وانه مزال الدكتور بيزيدني ايام ونفكر في حيااتي الي اغلى اتنين عندي خدتهم الدنياا الاول بابا والثاني حبيبي حتى هو
بابا مشي رضيان عليا بس حبيبي كان زعلان مني ومعصب واني مش عارفه اصلا شن صارله بعد سكر مني ووين امشي وكيف مات اصلا ااااه ياااربي نرجس حاولت تغيرلي جوي بس من غير فايدة
جت العشية وجي المغرب بس ماجاني حد من اخواتي والا ماما: نرجس كلمتي ماما اليوم
نرجس : اها ايه كلمتهم امبكري الظهر
اني : خيرهم ماجوش غريبة ولاحتى ماما كلمتني اليوم
نرجس : اها مانعرفش اكيد مالقوش من يجيبهم وكانت تتكلم وهي تتلعثم في الكلام
اني : نرجس في حاجة صايرة وداسينها عليا
نرجس : نوسة ماتفكري في شي ماعنده مابيصير
اني : حتى ايمن ماجاش اليوم
نرجس : ماتفكري في شي حبيبتي اكيد هما بخير
اني : باه مديلي تليفوني بنشوفهم
نرجس : مافيش دااعي مافي شي يانوسة
اني : نرجس خيررك شن في قوليلي شن صااير
نرجس : شن بيصير يعني حبيبتي هدي بالك
اني : مديلي تليفوني باهي قلبي قبضني لما شفت حركات نرجس كاانها دااسه عليا شي والشيطان ماقصرش معاي فكرة ترفع وفكرة تجيب خديت رنيت علي ماما بس ماردتش قريب تلاته مكالمات ماردتش اني قلبي خلاص قبضني وخفت وقعدت نبكي
نرجس : نووسة معاش تبكي مافي شي ماتخوفيش روحك
اني : اني مش عبيطة شن في شن صاير ماما ماتردش علياا قولولي بالله عليكم مش مستعدة نخسر حد ثااني
نرجس : والله ماما كويسة وامبكري كلمتها اكيد في شنطتها وماتسمعش فيه بعدين سكتت حست روحها زلقت
اني : اني قمت حاجبي وتاكدت انه بجد في شي صاير ليش هي وين بيش تليفونها في شنطتها
نرجس :أأأأ في الحوش يعني وين وين بتكوون ماتقعديش توسوسي
اني : ماتبيش تقولي انتي باااهي خديت الفون ورنيت ع الارضي بتاع حووشنا بس ماحد يرد لين فصل وفي العاده ديما ماما مقغمزة جنب الارضي وكان مش ماما نوال لما تسمعه تجي تجري
قعدت نبكي : نرجس ليش تدسي عليا مش بيبي رااهو اني توا تقوليلي شن في
نرجس : بااه اهدي تو نقولك
اني : مسحت دموعي هي قولي
نرجس : ......
اني : حطيت يددي علي فمي واني مصدومة من الي نسمع فيه
اني : نرجس احكي شن ف
نرجس : عمتي فادية الايام الي فاتو دارت تحليلات ورنين واليوم طلعت النتيجة طلع عندها سرطان الثدي وهي ليها فترة تحس بالاعراض بس ساكته وانتي تعرفيها مش مهتمه بروحها بكل
اني : حطيت يدي علي فمي وعيوني انفتحوو لاإراديا من الصدمه الي عطتهالي نرجس : باه باه شن قا الولها
نرجس : منتشر هلبا وغدوة بيديرولها العملية لازم ينحو الصدر
اني : لااله الا الله اللهم اني لااسالك رد القضاء ولكني اسالك اللطف فيه
" هادي امي الثانية مش بس عمتي امي الي مرضعتني امنا الي وقفت معانا في وفاة بابا وماسيبتنا لين وقفنا علي رجلياا ساندت ماما هلبا وساعدتها " ربي يشفيها ياارب قلتها واني العبرة خانقتني ومعاش قدرت نشد دموعي بديت نبكي وخايفه علي عمييمه بجد ربي يصبرها بعدين تذكرت ماما سالت نرجس بعد مامسحت دموعي : بااه وماما ليش ماتردش امشتلها
نرجس : ماما ونوال عندها من الظهر ونورس امشت لحنينه لانها تقرا وماقدرتش تمشي معاهم
اني : بااه خلي نتصل بأيمن نشوف حال عمتي رنيت علي ايمن ورد على طوول وكان واضح من صوته انه متضايق ومخنوق : الو نسيبة
اني : اهلين ايمن كيف حالك
ايمن : الحمد لله كيف حالك انتي اليوم اسف ماجيتكش صارلي شغل "يبيش يقولي علي اساس "
اني : ايمن رااهو نرجس قالتلي واني متصله بنتطمن علي عمتي
ايمن : تي ليش قايلة الز.... وسكت
اني : ايمن اهدأ اني مش عيلة صغيرة وبعدين هادي امي الثاانية ومن حقي نعرف طمني عليها بالله وشن قالولها الدكاترة ويعني تتعالج ان شاء الله
ايمن : غدوة بيديرولها عملية وبعدها تبدا تدير جلسات كيماوي بس المشكلة انه امي منهارة هلبا ونفسيتها صفر مرت خالي من الظهر عندها وهي تحاول تصبرها وقاعده ماوقفتش بكي لتواا ونص العلاج انها تكون نفسيتها كويسة
اني : يااروحي يااعمتي يااريتني جنبها توا
ايمن : انتي ماتدوري شي يومين وتطلعي ان شاء الله
اني : الدكتور اليوم قالي مش عاطيك خروج قبل اربع ايام
ايمن : علااش ؟؟
اني : أأأ مانعرفش
ايمن : ماتاكليش والا مش مهتمه بصحتك والا قالها وهو يكشخ بصوت عالي
اني : سااكته وخلاص هو معصب
ايمن : ردي كلاامي صح والا علاش ياانوسة علاش بالله عليك ديري بالك ع روحك والله غالية عليا والله كل ماتصيرلك حاجة ضميري يأنبني خالي موصيني عليك واني بصراحة عجزت لانك مش مهتمه بروحك بكل وماتدوريش في صحتك
اني : قلت في خاطري كلام ايمن صح اني لازم ندير بالي علي روحي حتى علي شاان الناس الي يحبوني ويهتمو بيا وليد مات وكان ديما يوصي فيا علي روحي لاازم نوقف علي رجليا ومانكونش ضعيفه هكي وليد كان ديما يقولي خليك قوية يانوسة خلااص يااوليد حاضر حنكون قووية وحندعيلك ربي يرحمك نسيت ايمن الي ع الخط لين هو فيقني من سرحتي : الووو نسيبة معاي انتي
اني : حاضر
ايمن : تي شن حااضر انتي تكلمي فيا
اني : هه ايه حاضر قصدي حندير بالي علي روحي
ايمن : مجقجقه
اني : مقبولة منك ياخوي
ايمن : باه يااختي توا بنروح بامك لانه ليل وبنجيب عليا تبات مع عمتي
اني : هي في اما مستشفى
ايمن : مستشفى ****
اني : اها بااه خلاص في حفظ الله
ايمن : سلام
نرجس : شن حالها توا
اني : قال نفسيتها تعبانه وتبكي وخلاص حتى ماما ماقدرتش تهديها
نرجس : مسكينه ربي يصبرها
اني : ربي يشفيها يارب نرجس مديلي الرشادة بنتيمم بنصلي
نرجس : شن بتصلي العشي مزال
اني : بنصلي ركعتين انه ربي يصبرني علي الصدمات الي تجيني والناس الغالية عليا كلها تريح مني راحو اغلى اتنين وخايفه حتى امي التانية امي الي رضعتني ... سكتت ووخنقتني العبرة بس المرة هادي قررت نصد دموعي تيممت وصليت ودعيت هلبا دعيت ربي يصبرني ويقويني ويرحم بابا وحبيبي ويشفي عميمه
نرجس : ربي يتقبل حبيبتي
اني : اجمعين يارب
نرجس : جابو عشي هي كولي نوسة حتى شوية
اني : ماكانش عندي نية بس تذكرت اني قلت لايمن حندير بالي ع روحي يعني بنهتم بصحتي خديت الكاشيك وبديت ناكل بعد صيام خمسة ايام اكلت معاي نرجس وسايرتني وبعدها شدت كتاب رواية وقعدت تقرا فيه واني فتحت التي في وقعدت نتفرج وبعدها صلينا العشي ورجعت للتي في
احبهم ليش خلوني فووني يرن :الو
هاجر : اهلين نوستي كيف حالك اليوم
اني : كلمة نوستي دارتلي غصة في قلبي وتذكرت كيف كان يقولي فيها وليد وحتى بابا مرات يقولي نوستي اااه تنهدت كااني نبي نحول الغصة الي في قلبي والهموم الي غامة قلبي الحمد لله بخير كيف حالك انتي قلتها وحاولت نخلي صوتي كويس قدر المستطاع
هاجر : الحمد لله تمام استاحشتك تعرفي هياا اطلعي بسرعه الجامعه من غيرك يعع
اني : مزال مش حنقدر نمشي لين يتحول الجبس من رجلي
هاجر : ربي يصبرني معناها غدوة ان شاء الله كان حصلت من يجيبني بنجيك
اني : ان شاء الله اممم ونبي شيتات المحاضرات الي فايتتني مانبي شي يفوتني وع الاقل نقرا ونضيع وقتي شوية
هاجر : حسيتها فرحت لما عرفت اني بنقرا وظروفي مش حتأثر في قرايتي وكانت فرحتها واضحة من النبرة الي قالت بيها بحماس حاااضر
اني : يحضرلك الخير كيف حال عيلتكم
هاجر : بخيرر الحمد لله ماما تتحمدلك علي سلامتك ومافضتش الايام الي فاتو يمكن غدوة تجي معاي
اني : الله يسلمها بارك الله فيها مافيش داعي اتعب روحها
هاجر : حي تعرفي من خاش عليا انتظار
اني : منوو
هاجر : موسى
اني : شن يبي هذا
هاجر : سكري سكري خلي نرد عليه نعطيه كلمات علي راسه بااهيات بالك يلم كرامته ويقلب وجهه يحسابني علي حسابه
اني : هههه وسعي بالك هي سلام
سكرت وسكرت التي في واتكيت علي مخدتي وكيف بنغمض عيوني
نرجس : تبي حاجة نوسة اني بنطلع نتمشى حتى في الممر شوية
اني : سلامتك علي راحتك ديري بالك ع روحك
نرجس : اوكي وطلعت نرجس وقعدت تتمشى في الممر وبعدها تعرفت علي بنت في سنها وقعدت تهدرز معاها
.....
اما عند نوال فروح بيهم ايمن للحوش وجاب عليا لامه تبات عندها نوال فتحت الفيس القيت محمود مافتحش من هداكا اليوم : غريبة خيره مافتحش زعما شن صايرله خلي نشوف صفحات اصحابه بالك حاطين حاجة خشت وتدور مالقتش عليه اي خبر حاجه نغزتلها قلبها وبعدين قالت : اصلا اني ليش نفكر فيه من هوو اصلا اني نستنى فيه بيش يساعدني بس ويجيب اخبار علي وليد بس اصلا شن بيجيب عليه يعني كيف مات هذا مش حيحسن شي عند نسيبة يعني موضوع فاشل وبعدين بروفايله معبي بنات نمسحه ونفوته وخلاص والا اخي نمسحه هكي اني مفروض ماحكيتلاشي من الاول ولا اعطيته الثقة اني ماعمري عطيت ثقه لاي من جنس ادم ليش حكيتله علاش حسيت روحي ضعيفه قدامه خلااص نوال بلاش تكذبي علي روحك وتتظاهري باانه مش هامك حسيت بشيء تجاهه من اول مرة جذبني وجهه الشاحب وصوته الي باين انه مخنوق جذبتني نظره عيونه بس خاايفه نحبه ونحصل هو باين عليه يعرف هلبا بنات ليش بيحبني اني بالذات لازم ننقذ روحي من توا وننسحب افضل من نحصل ومعاش نعرف ننساه سكرت ايميلها ودارت ايميل باسم تاني
....
اما عند محمود فكان في العزي والحزن والخنقه مش مسيباته يتامل في كل مكان ويتخيل في علي صاحبه فيه يتذكر في ذكرياتهم وزراديهم مع بعض خش رقد هو وعمر في دار علي
..
فتحت عيوني وحركتهم في الصقف بملل قعدت نتذكر قبل سنتين اول يوم ليا في الجامعه الساعه 8:30
كان بابا رافعني
اني : باابا بتنزل معاي توريني وين نمشي راهو اني وهاجر مش عارفين شي
بابا : حي ع الصغيرة الي تبيني نخش معاها بري انتي واستكشفي بروحك وتعرفي علي صاحبات واسالي
اني : بابا بالله عليك ورااس بابا انزل معاي
بابا : نوسة بلا دلع انزلي واستكشفي مانقدرش نتاخر ع الشركة هي انزلي بسرعه وردي بالك ع روحك وهاك خلي معاك فلوس بيش تفطري بيهم
اني : مااشي شكراا مع اني راااهو اني توا بنمشي واني زعلاانه زعلااانه زعلانه اني فتحت الباب توا وفتحته واني زعلانه زعلانه زعلانه رااهو اني بننزل توا واني زعلانه زعلانه زعلانه
بابا : هههههههه انزلي يازعلانه زعلانه زعلانه وكشخ بعصبية مصطنعه تي هيااا وفنص بشكل كان يضحك اكثر من يخوف
اني : هههه ماشي ماشي
نزلت اتصلت بسارة تلاقيت اني وياها صبحت وشوي وفوني رن : الوو قالها بصوته المبحوح ومعبي نوم صووته الي يذوب فيا ويهز كل جزء في جسمي ويخلي قلبي يطيييييير ويسرح في هالصوت
اني : صباحو حبيبي
وليد : صباح الورد نوستي امشيتي للجامعه
اني : ايه اني توا في الجامعه بس مش عارفه شي ومش فاهمه شي اني وهاجر قااعدات زي طالبات صف اول الي كيف خاشين للمدرسة ومش فاهمين شي
وليد : هههههه يانجيلي طالبه صف اول اهم حاجة رافعه قلم ومحاية
اني : وليييد يااسرك برااده ع الصبح بجد مش فاهمه شي اسمع تذكرت عندي ولد عمتي ايمن متخرج محامي يعني زابط كليتي خلي نكلمه
وليد : منوو منو الي بتكلميه ريحي رووحك تو نجيك اني نص ساعه ونكون عندك وتكلمي حد اعتبري روحك مطلقه بالثلاثه
اني : ههههههه غير تزوجني انت بيش حتى تطلقني وبالثلاثه
وليد : انتي لياا اني بس اصلا هي سكري خلي انوض
اني : اوك نحبك دير بالك من الطريق
وليد : نحبك اكثر سلام
سكر وهي نص سااعه وكان عندي في الجامعه كنت لابسة بالطو تحت الركبة بشوي لونه ازرق ووشاح مزركش ازرق في الاحمر في البيج وكندرة بيج وشنطة بيج وهو كان لابس بدي ابيض مكتوب عليه بالازرق وسروال جينز وسبيدرو كان طالع يهبل لين غرت عليه من عيوون البنات وقلتله روح وليد
وليد : خيرك تلزي انتي مانبيش نروح خلي نوريك مكان القاعات
اني : طرمت شوواربي وقعدت نشوف لمجموعه بنات كانو قدامنا بشووية ويشوفو لوليد ويتكلمو ركبتني ناار في داخلي وكان القيت نمشي نفقعلهم عيونهم قرنت حواجبي ومعاش انتبهت لوليد الي كان يشرح علي الاماكن وهاجر بس منتبهتله انتبه اني مش معاه تلفت وشاف لاني وين نشوف ابتسم وشد بيدي وهمس في ودني : ماتخافيش انتي احلى وحدة ومستحيل نشوف لغيرك يامشفشفتي
اني : ضحكت باانتصار وفرحت بكلام وليد الي كيف فهمني من عيوني وبعدها كمل وليد معانا الجولة وعزمنا ان نشربو معاه حاجة في الكافتيريا رفعنا ليها وقعمزنا
وليد : شن تحبو تشربو
هاجر : اني قهوة
وليد : وانتي حبيبتي
اني : احم احم وشفت لهاجر الي ماسكة ضحكتها حتى اني قهوة
وليد : اوكي
هاجر : ههههههههه انفلقت بالضحك اول ماامشي وليد ووك عليا ع الروومانسية اما فعلاا ياكلبة حظك مش عادي طرف ورومانسي وجنتل بنات الجامعه عيونهم بيطلعوو
اني : ياخياا يجنن نحبه ايه شفتهم وشفت حركته امبكري
هاجر : شوفت قهرهم مساكين
بعدها جي وليد وجاب القهوة وقعدنا نهدرزو في مواضيع عامه لين اتصل بو هاجر وقاللها اطلعي للبوابة
هاجر : هي امالا نستادن بابا جي تشرفت بالمعرفة وليد
وليد : اذنك معاك بيك اكثر
هاجر : مع السلامه
اني ووليد : سلام شد وليد يدي واني خدوودي ولو حمر ونزلت عيوني
وليد : نجيلي المتحشم ياربي
اني : ابتسمت بحب حبيبي
وليد : ياقلبه
اني : تحبني
وليد : تو علي شن ناوية انتي بعد تلاته سنين جايه تقولي تحبني كيف تبيني نثبتلك اني نعشقك ونموت فيك مش بس نحبك
اني : يقولو الي يحب يفهم الي يحبه من غير مايتكلم
وليد : باه اختبريني مع ضحكة خبث
اني : اوكي حنفكر في حاجة او ندير اي حركة وانت شوف ولو عرفت شن الي خاطري فيه تنجح في الاختبار
وليد : بااه وكان ماانجحتش
اني : تعاود السنه
وليد : ههههههه وكان نجحت تنفذيلي طلباتي لمدة يوم كامل من غير اي نقاش او عناد
اني : اوكي اتفقنا خلينا انوضو نقعمزو في مكان تاني ويبدا الاختبار
وليد : هي نوضي وامشينا لين وصلنا لكراسي قعمزنا
اني : قعدت ندووربعيوني وماعرفتش شن نفكر نبي حاجة صعبه بيش يفشل لاني مانقدرش نقعد يووم كامل من غير مانعانده جت عيني علي واحد يبيع في ورد وكان شاد باقه مخلطة ورد احمر وابيض حلوة هلبا ابتسمت لااراديا وتمنيتها من غير مانحس بعدين فقت لروحي وقعدت ندور بعيوني وحطيت عيوني في عيونه وهو ضحكلي وناض اني : وين ماشي ماردش عليا وقف علي بائع الورد وشري الباقه وجاني اني ضحكت لانه نجح فعلا في الاختبار وفهم شن خاطري جاني وقعمز علي ركبته ومدلي الباقه : ابلة نوسة هل نجحت في الامتحان
اني : ههههههههه حي تهبل وخديت الباقه وشميتها وقلتله نجحت
وليد: وهو يقعمز جنبي هههه انتي هبلة اني نفهمك من يعونك من لمعتهم توا صدقتي اني نعشقك عشق مش بس نحبك وهي تواا جي وقت طلبااتي وضحك بخبث
اني : خفت شن هي طلباتك
وليد : اممممممممممم واتكى علي الكرسي وشافلي وابتسم ابتسامته الماكرة
اني : هياا وليد قول بلا جو
وليد : هههه خيرك خايفه انتي
اني : مش خايفه
وليد : نبيك اليوم تروحي تطيبي باازين وتعصديه انتي وتتعلميه حنسمح انه امك تساعدك بس مش هلبا يعني توريك شوية وانتي تكملي
اني : كنت فاتحة فمي ومصدومة من العجيب بتاعه وهو عارفني مانعرفش نطيب هلبا يعني نديرر خفيف بس الحاجات المسيقه والثقيله مانعرفش : من جد انت والا تتسهوك
وليد : شن اتفقنا احني تنفذي من غير نقاش
اني استسلمت : اوكي علي شان الباقه الحلوة بس واضبطت الباقه
وليد : مستحيل تتغيري وطلبي التاني طبعاا
اني : شن طلبك الثاني باازين ساد خلاص
وليد : اني قلت تنفذيلي طلباتي يعني مش محدود العدد
اني : وليد حبيبي اني حبيبتك خلاص طلبات
وليد : نبيك اليوم تديريلي بسبوسة وتجيبيها غدوة اهني للجامعه لو جت حلوة تاخدي مني احلى هدية ولو مش حلوة بتعاوديها
اني : اووكي سااهلة
وليد : خلاص رحمة وشفقه بيك لانك حبيبتي وعمري حنرحمك
اني : هاهاهاها ضروري تذل يعني ماتديرش حاجة لربي
وليد : ابدا هي ساد اتصلي ببوك روحي الساعه 11
اني : اوكي واتصلت ببابا وروحت
طلبت من ماما انه تعلمني البازين وفتحت فمها فتحة اكبر من فتحة فم لما وليد طلب مني الطلب وقالت مع تعويجة فمها : حمار من بيموت زعما
اني : حمار حوش عمي
ماما : حوش عمك عندهم حمار
اني : ايه حمار كبير حشاك وانتي عارفتيني من نقصد
ماما : تحشمي قصدك علي عبد المنعم
اني : ومن غيره حاصلي في رقبتي
( نبذة علي عبد المنعم ولد عمي اكبر واحد في خوته كل العيله عايشة برا الا هو روح من اربعه سنين مواليد 80 واعر هلبا وديما شادها عراك يامعاي يامع نوال لانه الزوز مانسكتوش ولساننا طويل بس نرجس ونورس يسكتو ويتحاشو فيه )
اني : غير هيااا يااماما خلي نديرو بازين
ماما : بااه هي
وفعلا درت بازين وجي زي العسل وكلوه كله وصورته وصورت الصونيه الفاضية كدليل لووليد بيش نقهره ونوريه اني فالحة ودرتله بسبووسه وعجاابته وجابلي دبدووب صغيروون يهببل لوونه ابيض وشاد قلب مكتوب فيه ilove you
.......
ابتسمت لااراديا لاني تذكرت ذكرياتي الحلوة معاه ااااه تنهدت ونزلت دمعه سخووونه وتبعتها اختها وسيل من الدموع كاانها تودع في ابتسامه السنين الي فاتوو بحرارة
" ذهبت ابتسامتي وبهجتي مع ذهابكما انتما كنتما سر سعادتي لن اعود تلك الطفله التي كانت تلعب وتضحك بين يديك ياابي ولن اعود الحبيبة التي تهتم بحبيبها وتنتظره تكلمه حتى تنام ويكون اخر صوت سمعته وتبتسم في نومها كاانها طفله بريئة تحضن دميتها بحب وتنام اشتقت اليكما كثيراا سارسل دعواتي لكم في صلاتي اتمنى ان القكما في الجنه "
مسحت دموعي قريت اذكاري ورقدت
......
ثاني يوم عملية عمتي فادية مع الساعه 7 اتصلت بيها وهديتها عطيتها شوية امل وحاولت قدر المستطاع نرفع معنوياتها وقلتلها انها حتطلع وحترجع بصحتها وحتديرلي الكسكسي الي نحبه والي ماعمري ذقت احلى منه وكلمت ايمن طمني وقالي نسبه نجاح العملية 85 % تطمنت ودعيتلها من كل قلبي
دخلوها لحجرة العمليات مع الساعه 8
كانو ايمن واحمد وانور وعدنان وعليا واقفين يشووفو لحجرة العمليات علي امل يطلع حد ويطمنهم
عدنان : عليا خلاص بطلي بكي باذن الله حتطلع بالسلامه
عليا : يااارب
بعد اربع ساعات من التوتر والقلق والدموع والخوف طلع الدكتور
احمد : شن طمنا ياادكتوور
عليا : طمنا بالله عليك ماما عاايشة والا قالتها من بين شهقاتها ودموع
الدكتور :..............