سند الأنثى رجل - الفصل 3 - بقلم shosho - مكتملة | روايتك

ساارة ونوال : شنووو اني هزيت راسي وبديت نشهق ونبكي : خلاص حبيبي راح امشي وسيبني كسرتني مشية بابا الاول وقعدت ندير في روحي قوية مع اني اضعف وحدة وتوا حتى حبيبي مشي مع بابا ويمكن في نفس اليوم لان من هداكا اليوم اختفي حتى ايام العزي ما عزااني وكنت محتاجتله يوقف جنبي ويعزيني ويواسيني ونسند ظهري عليه بس اني الي عزوني فيه وبديت نبكي ونوال وسارة مش قادرين يهدووني سارة : خلاص نوسة حبيبتي بالله عليك ادعيله بالرحمة عظم الله لكي الاجر وربي يغفرله ويرحمه اني قمت عيوني فيها :قصدكم انتو توا بتعزوني فيه قصده يعني خلاص حبيبي رااح مشي يعني مش كذبة يعني معاش حيلقد صووتي ويقولي مشفشفه وقعدت نبكي بصووت عاالي : جيبوووولي وليييد نبي وليييد اني نبيه توا اني نبيييه قعدت نخبط علي حديدة حاشية السرير ونبكي جيبووولي وليد نبي وليد نوال وساارة يشدولي في يدي ويحاولو يهدووني ماقدرووش طلعوو قعدوو يناادو في الممرضات ونادوولي الدكتور وضربوولي يبرة مهديء وشوية ومشيت فيها نومة سارة قعدت تبكي : سخفتني يانوال قطعتلي قلبي نوال طلعت برا الحجرة وقعمزت ع الكرسي وقعدت تبكي واجعها حالي وتشوف في اختها كيف منهارة وهي مش قادرة تديرلي شي : نوال خيررك تبكي شن في نوال : مسحت دموعها انت شن تدير اهني محمود : شفت وحدة حلوة تبكي جيتها سخفتني نبي نعرف خيرها نوال : اني مافيا شي خلاص امشي وسيبني اني مانبكيش محمود : اعتبريني صديق واحكيلي نوال كانت فعلا محتاجه صديق تحكيله مع انها كانت ماتوثقش في حد حتى صاحباتها تحكيلهمش في كل شي بس المرة هادي حست في عيون محمود انه تقدر تعطيه الثقة وتحكيله : اختي تعبانه ونشوف فيها تطيح قدامي ومش قادرة نديرلها شي وقعدت تبكي محمود : مدلها منديل خلاص امسحي دموعك واهدي وفهميني بالشوية نوال : مسحت دموعها واحكتله كل شي كيف بابا مات وشن صارلي اني وكيف لما سمعت خبر وليد كيف طحت وحالتي كيف محمود : بجد ربي يصبرها وهي صغيرة في العمر تحملت هدا كله نوال : نسيبة بالنسبة ليا الام التانية الي لما تمرض ماما نلقوها دايرتلنا الغدي الي لما تضايق وحدة فينا انجو نحكولها وتسمعلنا وتنصحنا تكشخ علينا في الغلط بس نسيبة الي الداخل في الحجرة مش نفسها اختي الي قبلل سنه الي حتى في وفاة بابا كانت اقوى وحدة فينا مع انها كانت اقرب وحدة لبابا وموته بابا غيرت في داخلها هلبا حاجات وخاصه لما حبيبها اختفي كانت في النهار تصبر فينا وتقوي فينا وتقوللنا اني توا بنسوق ومش حينقصنا شي احني لازم ندعوو لبابا مش نبكو ونحزنو ونعذبوه في قبره وفي الليل تعبي في مخدتها دموع نسمع فيها كيف تبكي وتنهدت تنهيدة طوويلة وسكتت محمود : ربي يكون في عونها ويصبرها باه كيف مات ماعرفتش هي وقصدي زي ماقلتي انه ليه سنه مختفي يعني ماسالتش حتى كيف مات نوال : مانعرفش اني كنت جنبها لما اتصلت سمعتها سالت هدا تليفون وليد وبعدها طاح منها التليفون ونسال فيها مابتش ترد لين ركبت من الدروج وطاحت محمود : ربي يصبرهاا قلتي اسمه وليد نوال : ايه محمود : باه ماتعرفيش لقبه مرات نقدر نساعدكم ع الاقل تعرف كيف مات ومن امتى ممكن حتى ترتاح هي شوية نوال : مانعرفش لقبه بس انت يعني تقدر تساعدها متاكد تقدر تجيبه محمود : نوال حطي فيا الثقه وجيبيلي اسمه ثلاثي وحندور عليه نوال : مسحت دمعتها مش عارفه كيف نشكرك محمود : فكينا منه جو الشكر احكيلي عليك اكثر نوال : اني ماعمريش تعرفت علي شاب وبصراحة مش حابة نخش في مواضيع هكي محمود : اعتبريني صديق بس مش حنتجاوز حدودي نوال : بس مش حنكلمك فوون محمود : امالا كيف نوال : عندك ع الفيس محمود : ايه اسمي ******** وال اوكي تو نضيفك توا اني بنوض الفجر اذن وبنصلي بيش تصلي حتى انت الفجر محمود : باهي ديري بالك ع روحك نوال : سللام وخشت للغرفه وسكرتها القتني علي حالي راقده وساارة فاتحة نت : سارة الفجر أذن سارة : باه هي حاضر ناضوو توضو وصلو الفجر وبعدها رجعوو لكراسيهم خداهم النووم ع الكرسي فقت اني الصبح رمشت عيوني شوي وبعدهاا قمت فوني من الكمادينو شفت الساعه القيتها 8 الصبح تلفتت لسارة القيتها مهناش ونوال راقده مش مرتاحة :نوال نوال نوال فاقت : هممم فقتي نوسة اني : وين سارة روحت نوال : سارة تقريبا امشت للجامعه اكيد طلعت خطمت عليها خالتي اني : اها باه نبي ميه مدتلي نوال الميه وخدت بعدها الطاسة : صحة ...: سلمك جاابولي فطور المشفى بس مااكليتش طلعت نوال جابت حاجات من السوبرماركت : نسيبة خوودي حتى شكولاته اني هزيت راسي بمعنى لا واتكيت ع المخده وغمضت عيوني محاولة للهروب وبيش نسمح لنفسي بالسرحان في ذكرياتي قطعتلي نوال هدووئي : نسيبة شن بنقولك اني فتحت عيوني وتلفتلها نوال : وليد شن لقبه استغربت السؤال ليش نوال تسال : لييش نوال : شي بس نسال نبي نعرف اسم بوه ولقبه اني : مع اني مستغربة سؤالها بس نبيش نكثر دوة وليد مختار ****** نوال : اها اووكي رجعت سكرت عيوني ولفيت للجهة الثانية بعدها قمت يدي اليمين وقعدت نتفرج ع الخاتم الي ماحولتاشي من اليوم الي هو لبسهوولي حضنت يدي ونزلت دمعت مسحتها خلااص يكفي دمووع حبيبي حيرجع مش حيسيبني بس هو خلااص مات خلاص خداته مني الدنيا حبيبي امشي وسيبني حبيبي معاش حنسمع صوته ولانشوفه معاش حيتسهووك عليااا لانه عند ربي توا يعني عادي نسمح لدموعي تنزل بس الدموع مش حترده ولكن هي تبي تنزل وفاء للشخص الي كان يمسح فيها ومايتحملهاش الشخص الي كان لما نتعارك اني ويااه اول مايحس بدموعي نزلت على طوول يحن عليااا الحننوون الي كان مايتحمل فيا الشي حبيبي الي كنت نسمع في صوته اول مانفيق من النوم واني في فراشي اول شي نديره نصبح عليه وهو في الشغل بعدها اول مايروح من شغله يكلمني ويتطمن اني اكليت كويس وتغديت وطوول اليوم يااما نهدرزو بالرسايل او لانت طوول اليوم واني معاه ولاعمري مليت منه اي شي يصير معاي نلجأله هو ونحكيله كل ي يصير معاي طوول اليوم حبيبي الي يحب شعري مشفشف وكيرلي ويقعد يتسهووك عليا استاحشت كلمة نحبك منه لما يعرفني معصبة بيش يهديني بيها حبيبي الي لما نبكي يضحكني وييينك يااحبيبي وينك تعالى ياااحبيبي اني مشتاقتلك حبيبي اني محتاجاتك محتاجة سند ننسند عليه حتى في وفااة بابا مالقيتك كنت نراجي فيك تكلمني بس انت ماكلمتنيش كنت نتظاهر بالقوة بس في الليل نعبي في مخدتي دمووع ويينك ياااحبيبي كنت يووم الجنازة نصبر في اخواتي وماما واني محتاجة من يصبرني كنت محتاجاتك انت كنت محتاجة حضنك الي يحويني ولتوا محتاجاتك من يحبني زيك بعدك من ليااا بعدكم يابابا ويااحبيبي من ليااا اني فقدتكم الزوز والله صغييرة ومانتحمل هالكسر كله اااه ياااربي قعد ت نبكي لين من كثر البكي رقدت نوال كانت فاتحة فيس بعتت طلب لمحمود كانت تبي تساعدني بس محمود وقتها ماكانش فاتح فمااشافش الطلب سكرت الفيس وطلعت لحديقه المستشفى قعدت تتمشى وبعدين اتصلت بنورس طووط طووط نورس : الوو نوال نوال : ايواا اهلين صباح الخير فايقين نورس : ايه فايقين نستنو في خالي علي بيجيبنا لنسيبة كيف حاالها اليوم نوال : اها قااعده علي حالها ربي يكوون في عوونها تعالي بعدين تو نحكيلك وفي حاجات نبيك تجيبهوملي قالت نوال لنورس الحاجات الي تبيهم وسكرت خشت قعدت جنبي ورجعت للنت وخلاص ليين الساعه 1 خشوو اخواتي وماما وخالي علي كنت مالياش هلبا فايقه خالي : الحمد لله ع سلامتك يانووسة اني : الله يسلمك ماما : شن كيف حالك اليوم كيف حاسة ان شاء الله احسن اني : الحمد لله ع كل حال جوو قبل شوي نظفولي جرح كتفي شكله كبير الجرح ياماما وزي السم ماما : معليشي ياابنيتي تحملي ان شاء الله كله يهون اااه ياااماما صدقتي كل شي يهوون الا فرااق الموت كله يهوون الا لماا الدنيا تاخد منك اغلى واقرب نااس ليك ااه يااربي نورس : جبتلك بيجامات ولبس في الكيسة هادي وهاادو حاجات طيبتهم نوال : صاار ربة بيت نورس اني : شكرا وين نرجس امشت للمدرسة ماما : ايه امشت اني : حتى نوال مفروض ماغابتش غدوة بتمشي نوال : تعرفي المثل الي يقوول مصاائب قوم عند قوم فوائد هذاا الي صايرلي تواا بنقعمز معاك اسبوع لين تطلعي مليت منه المدرسة نورس : ههههه اما انتي والله ماتتحشمي اني : لالا غدووة بري لمدرستك اني عادي نقعد برووحي وقريب امتحاناتكم توواا لازم تحضري نوال : بااهي ان شاء الله حاضر ماما اني : ههه ياسرك بلادة خالي : بالك ناقصاتك حاجة يابنيتي والا تبي حاجة اني : شكرا مش ناقصني شي الحمد لله قعدوو يهدزو علياا ويحاولو يغيرولي جووي ساايرتهم وكنت نضحك من فووق قلبي بعدها اكلو الحاجات الي جايبتهم نورس وكانو بيتزا وطااجين وخبزة محشية بس اني ماقدرتش نحط شي في فمي استاذن خالي بيروح ومشت معاه نورس لان تجهز لاامتحانات الشهادة تقراا وماما قعدت قالت عمتي فادية بتجي بعدين تو نروح معاها قعدت ماما كل شوي تحاول تفتحلي موضوع ماما : نوسة بنيتي اني امك احكيلي شن في ماتكتميش داخلك يابنتي مش باهي هدا تاني انهياار يصيرلك واحد في وفاة بوك وواحد توا احكي يابنتي نعرف طبعك اني ديما ماتبيش تباني ضعيف وديما تديري في روحك قوية بس الانسان يابنتي دم ولحم لازم يحكي ويفضقض بيش يرتاح شن نحكيلك ياماما شن نحكي وشن نقوولك حبيبي امشي وسيبني حبيبي وبابا حاضنتهم التراب تواا شن نحكيلك اني كيف بديت نوقف علي رجليا وناقلم كل شي بدااخلي علي غياب بابا واختفاء وليد ونحاول نبني قوتي الخارجية الي نتظاهر بيهاا واني علي امل يجي يوم ويرجعلي حبيبي ويتصل عمرره ماغاب عليا هالوقت الطويل كله عمره ماصبر علي غيابي حتى يومين قعدت سنه وشهرين واني نرجى فيه وهو خداته الدنيااا خداته مني ماما : نسيبة ياابنتي وين سرحتي اني : شي ياماما اني كويسة ومافيا شي ماما : بااه برااحتك ياابنتي اني اتكيت علي السرير وحاولت نسترخى ونهرب بعيوني من عيون ماما هي امم وحااسة ببنتها مانبيهاش تشوف الدمعه في عيني مانبيهاش تشوف الضعف الي في بنتها بيش ماتنشغلش نوال : ماما تعالي معاي شوي ماما : وين نوال شدت يد ماما وطلعتها برا الدار كان واضح انه نوال بتحكي لماما علاش صارلي هكي نوال : ياماما معاش تساليها نسيبة رااهوو مسكينه والله الي صاير فيها كله وماتبيش تشغلك ماما : باهي توا احكيلي انتي شن فيها وشن صاايرلها اكيد تعرفي نوال : اصلا مش حتسيبيني لين تعرفي تعالي قعمزي اهني واحكت نوال لماما كل شي علي علاقتي بوليد وليش صارلي هكي ماما قعدت تبكي : ينااري يابنيتي عليك نسيبة قلبها رهيف وماتتحملش بس تدس في قلبها اهو لين صارلها انهيار نوال : ايه بس ياماما ماتجيبيلهاش سيرة الموضوع بالله عليك احني امس بس سالناها شن صاار قعدت تعيط ومااهدت لين ضربولها يبرة ورقدت ماما : ان شاء الله هي نخشو تو تفهم خشو ماما نوال قعمزو وبعدها شوية طقطق الباب لفيت وشااحي مام :خش عمتي فادية : السلام عليكم سلمت علي ماما الحمد لله ع سلامه نوسة وسلمت علي نوال وطبست اضبطتني : الحمد لله ع سلامتك ياابنيتي لاباس عليك اني : الله يسلمك خش ايمن : السلام عليكم كيف حالك اليوم مرت خالي وسلم علي ماما ونوال وسلم عليا كيف حالك اليوم نوسة ان شاء الله احسن ومدلي بوقية ورد اني : الحمد لله مشكور حلووة هلبا ايمن : اهم شي عجباتك اني : شكرا حلووة نوال : ايشي ايشي شكلني بنمشي نطيح من الدرووج بيش نحصل باقه وررد ماما : بعيد السوو ناقصه اني رعايش علي خاطر ورد ايمن : هههههههههههههه الباقه لنوسة بس نوال : سعد الناس ياشبدي استنوني شووي بنمشي نتكردس من الدروج ونجي ايمن وماما وعمتي : هههههه بعيد السو اني ملتزمة الصمت نتامل فيهم وخلاص جثتي جنبهم بس عقلي بعييد كملو تهدريزهم وبعدين جوو بيرووحو طلعت عمتي وايمن وطلعت وراهم ماما : فادية تعالي نبيك شووية واخدت ماما عمتي علي جنب عمتي : شن في يانادية ماما : فاادية اولادك لازم يعرفوو بالموضوع عمتي : اما موضوع ماما : موضوع نسيبة وخاصه ايمن عمتي : يانادية احني الموضوع هدا قداش لينا داسينه وماكانوش يعرفووه الا راجلي وخوي الله يرحمهم ماما : الله يرحمهم بس الموضوع معاش يندس اكثرر وخاصه ايمن لازم يعرف ياافادية بلاش ندسووه اكثر يعرف تواا خير من ينصدم واحني كلنا نشوفو في نظرات ايمن وتصرفاته مع نسيبة عمتي : ان شااء الله يصير خير تو اليووم نلمهم ونقوللهم الاولاد وان شاء الله مانكونش تاخرنا بس ماما : ان شاء الله هي عطلنا علي ايمن روحت عمتي وماما قعدت نوال معايا قعمزت ع الفيس وخشت القت محمود قابل الطلب واون لاين محمود : اهلا اهلااا بالطرف نوال : محمود نلغي الصدااقه رااهو محمود : باه باه البنات لما يغازلوهم يبدو خدودهم حمر ويتحشمو وانتي تهددي وتكشخي وشوي بتضربيني نوال : اني هكي مانبيش من يغاازلني بااه واني مش زي البنات محمود : ايه حتى اني شاك في الموضوع هداا نوال : موضوع شنو شن قصدك محمود : ماقصدي شي هههه نوال : المهم جبتلك اسم وليد الثلاثي محمود : شن اسمه نوال : وليد مختار ****** محموود :.............. في جهة تانية عمتي فادية : انتو عارفين علاش ناديتكم ايمن واحمد وعدنان واختهم : لاا شنوو في عمتي : في موضوع لازم تعرفووه احني كنا داسينه وكنا نشوفو انه مش داعي نقولو موضوع مايعرفاشي الا خالكم وبوكم الله يرحمهم ومرت خالك نادية احمد : شن في ياامي ايمن وانور : احكي ياامي عليا : شن في ياماما عمتي : نسيبة ايمن : خيرها عمتي : اختكم بالرضاعه اني رضعتها بعد مامرت خالكم جاابتها مررضت وخشت للمستشفى روحت بيها اني وكنت قاعده نرضع في عليا كانت تعيط هلباا وحتى الشيشة ماتشبعش فيها اضطريت نرضعها بعد ماسالت بووكم احمد : يعني نسيبة اختنا عدنان : انتي ياامي كيف تدسي شي زي هكي الكل التفت لأيمن أيمن :.......... نوال : وليد مختار ******* محمود............ نوال قعدت تراجي بس مافيش رد ن محمود : وين امشي هدا كتبتله : الو وينك بعد انتظار نوال نعسها النوم كتبتله تصبح ع خير وسكرت اما الوضع عند محمود ففصل عليه النت والباين انه قيقاته كملوو حااول مع النت الشفررة قد ماداد ماباش ينفتح : ان شاء الله تتصل قعد شاد تليفونه بس مارنش حاط التليفون وناض طلع من داره القي خوته وامه مقعزين جنب بوهم : السلام عليكم اووو الحاج فايق الكل : وعليكم السلام رحمة : بااه الي شوفناك محمود : رحم اختي لو سمحتي نبي نقعمز مانبيش تلقيح وماخاطريش نرد رحمة : نحاول مع ضحكة خبيثة منى : تعشيت محمود والا نحطلك محمود : ايه تعشيت مع الاولاد شكرا الاب مختار : وليد امتى بيجيني استاحشته كلموهولي عبد القادر : تنحنح شوية توا ليل عندهم يابوي غدوة نكلمهولك باه الكل قعدو يشبحو لبعض بنضرة حزن علي بوهم الي مش عارف شي ومش قادرين يقولوله قعدو العيلة يحاولو يغيرو الموضووع ويهدرزو علي بوهم شوية منى : هيا وليد حبيبي كوول هدا بس فم واحد وليد : نبيس نبيس حلااص منى : مافيش نوضان لين تاكل الفم هذا وليد : احح ياماما حيرك هتي (احح ياماما خيرك هكي ) واكلاه بالسيف وناض يجري قعمز في حجر محمود : حالي تلم منى (خالي كلم منى ) محمود :ههههههه منى صار يامعفن منى : بااه ياوليد توو تشووف الما نوريك اني ماما ماتقوليش منى وليد : ماهو هو يدولي الرجالة مايدولوس ماما (ماهو هو قالي الرجالة مايقولوش ماما ) محمود : ههههههه منى: ومن هو الي قالك اكيد انت يامحمود الحاج مختار : جيبيلي وليد يامنى نبي نبوسه منى : هي حاضر وقامت وليد وقعمزاته فوق سرير جده الحاج مختار : هذا يشبه وليد ولدي لما كان صغير زيه بالزبط رحمة: ايه غير طولة اللسان واخدها من محمود يعلم فيه الحاج مختار : اضبط وليد وباسه وقعد يشوفله ومستاحش ولده فتحية : خلاص يامنى نزلي ولدك وخلي بوك يتكى يرتاح وهي الساعه 12 هي نوضو ارقدو ناضو كلهم : تصبح ع خير بوي الحاج مختار : وانتو بخير فتحية شدت عبد القادر علي جنب : ياولدي بووك كل يوم يهدرز بوليد وماعنده الا سيرة وليد لازم يعرف شن صار لوليد وخنقتها العبرة عبد القادر : حاضر ياامي تو نحاول نحكيله بالشوية مانبيش نقولهاله هكي يرعش وانتي عارفه عنده القلب فتحية: باه احكيله انت عبد القادر : باه تصبحي ع خير ياامي فتحية : قدامك كل خير ركب عبد القادر لحووشه وهو يفكر كيف حيقول لبوه وخنقاته العبرة لما اتذكر خووه وشاف لشقه خوه الي مسكرة ليها سنه : ااه يااخووي وخش لشقته ورقد في مكان تاني عند حوش فادية الكل التفت لايمن وعلامات الصدمة علي وجوههم ايمن : كان يشرب في القهوة حط الفنجان خيركم اتشوفولي هكي احمد : انت قصدك... قطع عليه ايمن : ايه نعرف احمد انور عدنان : كييف ايمن : خالي قالي قبل مايموت عمتي :وليش ماقلتليش انه قالك ايمن : التهينا في العزي واني وقتها كنت مصدوم وبعدها سافرت وقدرت نتجاوز الصدمة الحمد لله عمتي فادية ارتاحت شوية وتطمنت علي ولدها انه مانصدمش عليا : اني توا بنوض نكمل قرايتي عندي امتحان كمل الاجتماع ماما هي سلام\ وبعدها ناضوو كلهم رقدوو الا اني قعدت نتامل في السقف ونسمح لذكرياتي باانها تمر عليا ونتذكرها قبل سنه بالزبط مروو ثلاثه ايام علي جنازة بابا كنت مقعمزة في الجنان نفكرر شن حنديروو من غير بابا وكيف حتكون حيااتنا من سندنا الغالي كانت حال ماما تعبانه وسااكته وخلاص وتشوفلنا بالوحدة وتتامل فينا يااما تبكي قعد حالهها هكي من لما سمعت الخبر سااكته وتتامل وتبكي وخلاص سندها وزوجها اب بناتها سيبها وخلالها مسؤولية ش عارفه هي تقدر عليها او لا وتتدكر في ذكرياتها مع زوجها اما حالة نورس فكانت تبكي طوول الوقت وماتتكلمش الا لو جيت اني كلمتها اني كنت نلف عليهم نبي نتطمن علي حال كل وحدة فيهم لان بابا قبل لا يسافر سفرتها الاخير قعد يوصي فيا اني ندير بالي علي امي واخواتي ودعني بطريقة لامباشرة يعني قبل عشرة ايام من اليوم قبل مايطلع بابا : بنتي يانوسة انتي الكبيرة في اخواتك والعاقلة فيهم ديري بالك ع امك واخواتك وخليك ديما قريبة من اخواتك انصيحهم ع الغلط وكشخي حتى عليهم نعرفك عقلك كبير وتقدري تتصرفي اني : ان شاء الله حااضر ياابابا رااهو عندك عشر ايام بس وبترووحنا ماافيش زيادة بابا : ان شاء الله انيى : حيظلم حووشنا ونستاحشووك روح بسرعه واضبطته وبعدها سلم علينا كلنا ووقف جنب الباب وهو شاد شنطته قعد يشوفلنا بالوححدة كانه كان يملأ في عيونه مننا ودعنا بطريقه غير مباشرة وبعدها طلع ااه ياباابا وينك " أين أنت ياأبي فأنا محتاجة لك أين أنت ياسندي أين أنت " طق طق طقطقت علي دار نرجس ونوال وبعدها فتحتها القيت نرجس مقعمزة بس نوال مش معاها : تغدي نرجس نرجس هزت رااسها بلا وكانت شادة صورة بابا في يدها وتتفرج عليها وعيونها كانوو حمر وذبلنات ووجها اصفر سكرت الباب وقعمزت علي طرف السرير : نرجس الي تديري فيه انتي غلط وحرام حرام تاذي نفسك وجسمك جسمك محتاج ماكلة ليك تلاته ايام توا من غير ماكلة غلط نرجس شافتلي نظرة حزيينه ومكسوورة ودموع ينزلو نرجس دلوعه هلبا وحساسة وقلبها رهيف اني : هي نوضي معاي نديرلك سندوتش او حاجة تاكليها وراهو من غدووة نكلم الباص بتمشوو للمدرسة نرجس : مانقدرش نمشي يانسيبة واخيراا تكلمت : ليش ماتقدريش نرجس راهوو انتو شهادة اعدادية توا وامتحانات الفصل الاول قريب لازم تمشوو وتاخدوو الي فاتكم وتجهزوو قرايتكم بابا الله يرحمه كان يبينا ديما متفوقات ويفرح لماا نجيبي درجات مسكرة وعالية خلينا نريحووه ونديرو الي كان يحبه وحتى اني بنفوت اسبوع تاني وبنمشي للجامعه امتحاناتي قريب نرجس : من حيرفعك اني : تو ندبر نشوف باص في بنات يمشو بالباص هي توا نوضي معااي اغسلي وجهك ونديرلك حاجه تاكليها وبنشوف نوال نرجس : باه ناضت نرجس غسلتها وجهها ونزلت اني وياها للمطبخ كانو فيه النساوين الي جيبينهم يغسلو الاماعين بس اني : السلام عليكم مليكة وفاطمة : وعليكم السلام درت لنرجس سندوتش جبنه وطلعتلها زيتون ودرتلها خياار وطماطم لاازم تعوض جسمها خير مايصيرلها هبوط ودرتلها شاهي بالنعنع وحطيتهولها خليتها تاكل وطلعت ندور في نوال كان الحووش قاعد زحمة العيلة خالات بابا وعماته وخالات ماما وعمتي وحوش عمي روحو لما سمعو ببابا هما عايشين في امريكيا دورت نوال في ديار الحووش كلهم والجنانات مالقيتهاش : يااربي وينها البنت قعدت دار وحدة ماخشيتلهاش هي مكتب بابا نتحشى اني نخشله بيش مانضعفش حتى داره مانخشلهاش مع اني مستاحشة ريحته موت بس نبيش نضعف ع الاقل توا قدام اخواتي طقيت الباب ويدي ترجف ونستنو في بابا يقوولي ادخل بس مافيش حد رد عليا فتحت الباب واني نستنى اني نشوف بابا لابس نظاراته ومقعمز علي مكتبه يشتغل بس لقييت نواال مقعمزة ع الكرسي وحاطة راسها ع المكتب قامتها رااسها وكانوو عيونها حمر واضح انها باكية اني سكرت البااب وقدمت : نوال شن تديري اهني نوال : ولا شي نشم في ريحة بابا بس خنقتني العبرة وخلاص بنبكي بس شاده روحي بالسيف ريحة بابا مالية المكتب ريحته الي نحبه ااه يااربي صبرني نوال معاش قدرت تكابر وانهارت بكي وهي تقول من بي شهقاتها : وووينن ك ك يا بابا استتت اا ح شته قولي له يجي يا ن سي بة اني : استغفر الله نوال خلاص اهدي وادعيله بالرحمة وجيت اضبطتها ومسحت دموعها نوال : اني كل يوم انوض من النوم نقوول ان شاء الله حلم بس انوض في الليل نقعد ندوور فيه مانلقاشي نخش لداره فاضية نطلع حوايجه نشمهم ونضبطتهم ونردهم نقوله تصبح ع خير ونطلع من الدار ونخليه بس لصبح مانلقاش فيه ماينوضش فيا ويقوولي نوضي افطري اني معاش قدرت نشد دمووعي كلام نوال خلاني نضعف بس خفت عليها تهبل البنت : نوال لااله الا الله ربي يغفرله ويرحمه ماعلينا الا الدعاء يانوال اضبطتها وقعدت نهدي فيها لين اهدت نضت غسلتها وجهها وطلعتها من المكتب وسكرته بالمفتاح وحطيت المفتاح في جيبي وامشيت اني ونوال لدارها صبيتلها اميه شربت واهدت العبرة منها شوية اني : نوال غدووة راهو بتمشو للمدرسة انتي ونرجس بنكلم الباص توا بنقوله يخطم عليكم غدوة وتي حوايجك وكتاباتك باهي نوال : نسيبة من جدك انتي تدوي اني : ايه من جدي ليكم اربعه ايام ماامشيتوش وامتحانات نهاية الفصل الاول قريب وانتو شهادة لازم تمشو ومعاش تفوتو وتجهزو روحكم للامتحانات حتى اني بنفوت اسبوع تاني وبنمشي نوال : انتي بجد قلبك ميت بابا ليه تلاته ايام بس جنازته وانتي تبيني نفكر في روحي وقرايتي اني مادام بابا امشي معاش يهمني شي اني وجعتني كلمة قلبك ميت هي عندها حق مش شايفه البركان الي بداخلي ربي يصبرني علي توصياتك يابابا : بابا الله يرحمه كان ديما يبينا متفوقاات ويفرح لما يشووفنا ناجحات ومسكرات الدرجات وتتفكري لما قاللكم لو انجحتوو في الشهادة نديرلكم زردة كبيرة بس بشرط تكونو من الاول حققي امنيه بابا ياانوال بابا يحبنا متعلمات وبشهادتنا نوال تنهدت : بااه يصير خير بس مش ماشية غدوة اني : امتى بتمشي ان شاء الله نوال : في الامتحانات تو نمشي اني : لاا غدوة بتمشي يعني بتمشي وبيش ترقدي بكري اليوم توا السبعه العشرة تكووني في فرااشك هدا اخر كلام عندي نوال : اووووف طلعت ووسيبتها من الدار اااه يااربي سااعدني امشيت للمطبخ القيت نرجس كيف مكملة السندوتش وتقيم في الصونية والطاسة تاكل زي الفكرونة : صحة اكليتي كويس نرجس : الحمد لله اني : تو قريب العشي نشوف فيهم دايرين كسكسي بيش تااكلي باهي نرجس : نسيبة اكليت السندوتش خلاص الحمد لله اني : نررجس قلت بتتعشي يعني تتعشي اني مش مستعده نفقدك حتى انتي بهبوط والا ترعشي ماما مش ناقصة قعمزت نرجس سااعدووني شوية ارجوكم احني لازم نوقفو جنب ماما ونصبروها شوفي حالتها كيف تشوفلكمم ومحروقة عليكم احني مش صغيرات وبابا مربينا علي الايمان بالله لازم نصبروو ونؤمنو بالقضاء والقدر ونزلو دموعي نرجس : مسحتلي دمعتي حااضر يانسيبة حنكون اقوى واني قررت ندير ختمه قران لبابا وندعيله معاش تبكي ابتسمت برضا وبعدها طلعنا من المطبخ للجنان قعمزنا جنب ماما وقاعدين ناس يجو ويعزو وبعدها خشت هاجر: اسفه نوسة تاخرت عليك امشيت للعيادة زحمة اني : ليش لاباس هاجر : مش قلتلك امس سني ماقدرتش حتى نجيك انقز ونعيط وخلاص اني : سلامتك وشن دارلك الدكتور هاجر : احشهالي وامشت اموررها اني : باه تعالي معايا نركبو لداري هاجر : باه هي دقيقه نسلم علي امك سلمت علي ماما وركبنا اوول ماخشت تلوحت ع السرير وتنهدت وحولت وشاحي هاجر : قريب كسرتي السرير بالشوية اني : ااه يااهاجر هاجر : خيرك حبيبتي اني :خلاص مخنوقه مش عارفه كيف نتصرف مش متخيلة حياتنا من غير بابا من غير سند ننسندوو عليه حتى ولييد ياهاجر من هداكا اليوم تعاركنا اختفي مع اني في عز حاجتي ليه محتاجاته ياهاجر نبي سند نسند عليه ظهري سبحان الله ربي خلقت المرأة من ضلع رجل فعلا المرأة ماتقدرش تعيش من غير سند يسندها لما هي صغيرة لين تكبر وهي منسندة علي بوها وبعدها تتزوج وتسند ظهرها علي راجلها يكون هو كل شي في حياتها بس احني وماما توا من غير سند مكسوورات طايحات بروحنا ااه ياربي بجد اني محتاجه لوليد هاجر : بالك اشبح خيره جربتي انتي اتصلتي اني : لا هاجر : جربي اتصلي اكيد مايعرفش اني : مع ان الي هو مفروض يتصل بس افتحي القجر التاني تلقي فيه تليفوني جابتلي هاجر التليفون ملقيتش اي اتصال خشيت علي السجل واتصلت " الرقم المطلوب مقفل : مقفل اصلا مش مدورني هو هاجر : ابعتيله مسج لماا يفتحه يشوفه اني : مش حنبعث شي ياهاجر توا بنفكر في اخواتي بس غدوة بنبعت نرجس ونوال للمدرسة ونورس مزال نبي نتفاهم معاها واني ممكن الاسبوع الجاي نولي للجامعه لو ماما ولى حالها احسن هاجر : من بيرفعك اني : تنهدت تو ندبر هاجر : نخطم عليك اني بعدين انتي في طريقنا اني : الالا انتي اماليك مشغولين وكل مرة يجيب فيك واحد بنقيدك تو بندوور باص كان هدا نشوف باص اخواتي كان يوصل للجامعه هاجر : ربي يعاونك اني : ان شاء الله طقطق الباب : ادخل سارة : نسيبة في بنات جايات قالو يقرو معاك بيعزوك اني : هي جايه نزلت اني وهاجر وكانوو تسنيم وغفران ورنا جايات يعزوو سمعو اليوم بس وبعدها روحو وهاجر جاها بوها اني ركبت وقفت قدام دار نورس وتنهدت وطقطقت الباب ماردتش عاودت طقطقت واني خاايفه ونفكر كيف حنتصرف معاها فتحت الباب نورس ولما القتني اني : خشي وخشت قعمزت ع السرير اني قعدت نشوفلها ونشوف لعيونها الي ذابلات من البكي : كيف حالك توا نورس : الحمد لله اني : تعشيتي نورس : الحمد لله اني : غدووة نوال ونرجس بيمشو للمدرسة بتمشي ؟ نورس شاافلتي شبحة استغراب : انتي تشوفي فيا مستعده للقراية اني : اني قلتلك بيش تستعدي للقراية نورس : نسيبة ارجووك نفسيتي 0 وانتي تفكري في القرايه توا اني : اووكي حنخليك الاسبوع هدا بس من لاسبوع الجاي بتبدي تمشي للمدرسة ومعاش في غياب نورس : يصير خير اني مرات نبطل بكل اني : شنو الي تبطلي ياانورس قراايتك لازم تهتمي بيها وامتحانات قريب بتشدي وبتقري وتجيبي النتائج الي يحبهم ويتمناهم بابا ديما نورس : بس بابا مات اني : بس ماما قاعده واني قااعده وبابا وصاني عليكم قعمزت علي حاشية السرير وتنهدت نوورس ارجوكم ساعدوني شوية رااهو حتى اني صغيرة زيكم وموتتة مأثرة فيا اكثر منكم ومكسورة كسرة شينه بس احني لازم نوقفو مع ماما ونكونو مؤمنات بربي احني ربايه عبد العظيم ***** مايكسرنا شي خلينا نريحوه في قبره اني الكلام هذا قلته حتى لنرجس امبكري شوفو ماما كيف تشبحلنا وهي مقهوورة وخاايفه من المسؤولية الي انحطت عليها انتي اكبر من نرجس وعقلك اكبر ومتاكدة انك حتفهميني نورس : يصير خير يانسيبة اني مقهورة ومش قاادرة نستوعب الفاجعه اني : كنا مقهوورات ياانورس بس لازم نوقفو مع بعض نورس : ان شاء الله بس حنمشي الاسبوع الجاي للمدرسة اني : اوك ع راحتك هي تصبحي ع خير نورس : وانتي بخير طفي الضي علي طريقك طلعت من نورس واني مرتاحة شوي هي فهمتني ع الاقل تهتم بروحها وقرايتها شوية وهادي مساعده ليا خشيت لداري وبكييت ليين دخت ورقدت مر اسبوع علي وفاة بابا سارة : معاش حاولتي تتصلي بوليد نسيبة اني : لاا سارة : غيابه غريب اني : مش عارفه بس هو اخر العركة قالي انسيني ومعاش تكلميني سارة : لانك انتي الغالطة ومفروض تدوريه اني : اني بعد تعاركنا قلت تو في الليل نكلمه ونراضيه زي كل مرة وليد مش حيحمل يزعل مني اصلا بس بعدها انشغلنا علي بابا وبعدين سمعت الفاجعه ومعاش عندي بال ليه وهو مادورش اتصلت بيه تالت يوم تقريبا مقفل سارة : باه جربي كلميه توا اني : بااه حنشووف اتصلت القيته مقفل : مقفل قلبي قبضني ياسارة زعما وينه سارة : ابعتيله رسالة لما يفتحه تعرفي اني : اووكي بعتتله ولييد اسفه بس وينك بس ماوصلتش قعدت شهر ومافيش اي خبر علي وليد والرسالة ماوصلتش ............. " ااه ياحبيبي امشيت وانت زعلان مني ساامحني ياقلبي ساامحني مارضيتكش اسفه ياحبيبي اسفه " " أين انت ياحبيبي فأنا محتاجة اليك أين أنت ياقلبي فقد اشتقت لحضنك وحنانك " بكيت لين رقدت ثاني اليوم الصبح فقت الساعه 11 نوال : صبااحوو يااكسولة اني : صباح الخير شكلك فايقه بكري نوال : ايه من بكري ومابيتش انوضك توا كلمتني ماما تسال عليك وقالت بعد الظهر بتجي مع خالتي وبما ان غدوة عطلة بتقعد معاك نرجس واني بنروح ندووش وندير دورة علي كتاباتي اني : تمام بيش تمشي الاحد عادي نرقد بروحي نوال : يصير خير اني بنمشي للسوبر ماركت ونجي اني : نوال بتطلعي بالتوب هذاا قصير غيريه قبل نوال : هدا الي بعتتهولي نرجس والجو برا صقع اني : نورس باعتتلي كبوط طويل خوديه البسيه وفكك يانوال نوال : بااه حااضر ياانسة ناضلي اني : ههههه ضحكت غصبن عني حسيت روحي حق زي انسة ناضلي فات الوقت وجووني ماما وخالتي والبنات بعدها العشية البنات كانو يبو يشرو حاجات رفعتهم خالتي وتدهورت بيهم شوية وقعدت معايا ماما ماما : يابنتي تغدي كولي حتى شوية اني : ماما ماعنديش نيه وبعدين فطرت متاخر " نكذب طبعا " ماما : بااه نووسة بنتي في موضوع نبي نحكيهولك اني : ان شاء الله خير ماما :..........................