الفصل 2
ايمن : خالي .. وسكت بلع ريقه وكمل اغتالوه اليوم ارموه برصاص وحدة في رجله وزوز في بطنه ووحدة في كتفه
اني ماتسالونيش حالتي وقتها خلاص الدنيا سودت عندي معاش نشوف في شي قلبي وقف عروقي يبسو تجمدت في مكاني
ايمن : هو توا في العناية حالته خطيرة يانسيبة ادعيله وكان بيمشي بسررعه
شديت يده : نبي نمشي معاك نبي نشوف بابا
ايمن : نسيبة استهدي بالله مانقدرش نرفعك انتي اقعدي صبري امك لازم تكوني قوية راهو خالي احتمال انه يعيش 10 % بس ونزلت دمعته
اني : ارفعني ياايمن والا ناخد اول تاكسي اني نبي نمشي لبابا توا ترفعني لبابا توااا واني نبكي والعبرة خانقتني
ايمن : باه قولي لامك انك ماشية معاي
اني : اوك بس استناني والله لو تهرب ياايمن والله نمشي بروحي حتى علي رجليا استناني
ايمن : مش حنمشي نراجي فيك بري قولي لامك
قلت لماما انه ايمن بنمشي معاه بناخدو حاجات لحنينه واني بنوازيهم ماصدقتنيش بس قدرت نهرب منها طلعت طوول ركبت السيارة جت صورة بابا قدامي قعدت نبكي ونحاول نمسك روحي ماننهارش كنت نقول اللهم اني لااساللك رد القضاء ولكني اسالك اللطف فيه ايمن كان كل شي يهدي فيا لين جاه اتصال والباين انه من احمد خوه .. ايووه احمد .. لااله الا الله .. انا لله وانا اليه لراجعوون
اني خلاص عرفت انه بابا امشي بابا توفى بابا امشي وسيبنا ثعدت نعيط ونقوله نبي بااابااا لااا بابا مش حيسيبنا ايمن كان يحاول يهديني بس مااقدرش درس السيارة وقعدت يهدي فيا بس اني ماكنتش نسمع فيه اني كنت صورة بابا تمر قدااام عيووني بس اني كنت نتفكر في بابا لما يناديني نووسة يابنتي واني نقوله يابابا مادام فيها نوسة معناها تبي قهووة ويضحك ويقوولي ايه هي ديريلي قهووة
قعدت نعيط بهسيترياا وايمن يحاول يهديني مافيش فايدة لحد مافقدت وعيي ومعاش نندري علي شي لين فقت لقيت روحي في المشفى تدكرت بابا وقعدت نعيط في المستشفى ونفك في التغدئة ضربولي مهديء بيش رقدت
ايمن : دكتور طمني هي حتكون كويسة
ادكتور : الانسة شكلها محصلة صدمة قوويه وهي صغيرة ماتحملتش
ايمن : لاحول ولاقوة الا بالله ايه بوها توفى اليوم
الدكتور : عظم الله اجركم انت توا روح الساعه 12 وهي في جميع الحالات مش حتفيق للصبح
ايمن : باه ان شاء الله هي سلام
روح ايمن وقال الخبر لاهلي وماما مرضت وحنينه مرضت التلاته خشينا للمستشفى بسبب هالفاجعه ماكانش فينا حد يقدر يتحمل هالصدمة ماكانش في حد عنده القدرة يتحمل الفاجعه الي فجعتنا في هاليووم
حسبي الله ونعم الوكيل حسبي الله ونعم الوكيل
فقت تاني يوم كنت اهدى من امس بشوية اليوم جنازة بابا طلبت انهم يطلعووني بس كان الوقت الساعه 7 الصبح ماجانيش حد من اهلي طلبت من الممرضة وقالتلي مافي حد خلي يجي حد من اهلك قبل قاعده الساعه سبعه
نضت للحمام *اكرمكم الله * قمت راسي شفت لوجهي في المراية كان يخووف شكلني مخبشة وجهي لما قعدت نخبط استغفر الله واتوب اليه وكانو عيوني دبلنات وجهي اسود دمووع دايرين علامه علي وجهي من كثر البكي وقاعده نبكي ماقدرتش نوقفهم
ياربي صبررني ياارب الهمني الصبر يااربي
غسلت وجهي بقوة
طلعت القيت كيس ع الكاميدينو جنب السرير فتحته لقيت فيه عصائر وشكولاته وكيس تاني ملابس ليا شكله ايمن جايبهم غيرت لبستهم كانو بلوزة طويلة وبنطلون وحاطيلي فووني
طلعت اتصلت بنورس
طووط طووط
نورس : من صوتها واضح انها تبكي الوو نسيبة كيف حالك الحمد لله ع سلامتك
اني : الله يسلمك كيف حالكم انتو وحال ماما
نورس : رشفت خشمها كيف بيكوون حالناا بعد فراقه كيف تتوقعي حالنا يانسيبة وانهارت بكي
كنت نحاول نتماسك بس معاش قدرت قعدت نبكي حتى اني : خلاص نورس خلينا ندعووله امتى الجنازة
نورس : من بين عبرتها اليوم الظهر
اني : باه من عندكم نبي حد يجيني نرووح لازم نحضر الجنازة
نورس : بس ايمن قال لازم تقعدي ترتاحي حتى يومين في المستشفى
اني : لا بنرووح لازم نشوف بابا نودعه نبي نبوس علي جبهته ونطلب منه السماح وانهرت بالبكي
نورس : تو شنوف حد من خوالي ماما حتى هي تعبت امس في الليل بس روحو بيها وحنينه حتى هي مافيش حد تحمل الخبر
اني : ربي يصبرنا ياربي مشي وخلانا واحني صغار مزال محتاجينه مزاال ماشبعنا من حنانه ياااااربي اني راهو الرصيد بيفصل كلم واحد من خوالي
نورس : باه سلام
قعدت نتفكر في بابا كيف كان مايرضاش فينا شي يقول اني اغلى شي عندي بناتي وماما تغار مننا تقوله بناتك تحبهم اكثر مني وهو يقوللها انتي الاصل ياانادية ونقعدوو نضحكو ونتسهوكو علي ماما وكيف كان يقري فيا لما صغيرة في الرياضيات ولما يقعد ينصح فيا وينبه فيا ع الغلط
غطيت وجهي بيديا وخشيت في نوبة بكااء قطعها صوت الباب طق
حاولت نمسح دموعي ولفيت الوشاح علي راسي : ادخل
خش خالي علي : السلام عليكم الحمد لله ع سلامتك
اني : من بين شهقاتي ودموعي وعليكم السلام الله يسلمك
خالي : عظم الله اجرك قالها وهو يسلم عليا
اني اهني انهرت بالبكي مش متحملة فكرة يعزو فيا في بابا
قعد يهدي فيا خالي بعدها قلتله نبي نطلع لازم نحضر الجنازة
خالي : باه حاضر يااخالي غير اهدي بس تو نكلم الدكتور يديرلك خروج هي البسي ولمي حاجاتك تو نجي
طلع خالي واني واسيت حجابي وشديت الكيس وقعدت نراجي فيه
( خلوني نعرفكم بخالي علي هدا صاغر واحد في خوالي مواليد 85 متزوج من شهرين من مريم طيب وحنين وديما يسال علينا واول ماسمع اني في المستشفى جاني عللى طول بعد قالتله نورس )
(عندي تللاته اخوال وخالة وحدة
عمر خالي الكبير مواليد 72 متزوج سعاد عنده زوز بنات وزوز اولاد احمد ومصطفى وارين والاء
خالي حاتم مواليد 80 متزوج من سنتين ماعنداشي صغار
خالتي نعيمه اكبر من ماما ارملة عندها زوز بنات وولد
سارة 92 قريبة مني اكثر وحدة ونحكيلها في كل شي شخصيتها قوية
سرور 98 مطفووشة وجووها مليح صااحبه نوال نفس الجو هما الاتنين
عماد 94 جوه مليح وشادها هياجه بس وقت الشدة ووقت تحتاجيه تلقيه رغم صغر سنه الا انه راجل
نحنا متعلقين بخالتي وبناتها هلبا ديما تجينا )
خش عليا خالي وقالي هيا طلعت معاه على طول واني نحاول نتماسك مع ان حاسه روحي بنطيح ومهدودة
فتحلي باب السيارة ركبت وركب هو مشينا لفترة ساكتين بعدها اني تكلمت
: خالي
علي : نعم نوسة
اني : خالي احكيلي شنو الي صار لبابا بالزبط وليش اغتالوه وكيف انضرب
خالي : حاضر حنحكيلك بس توعديني قبل
اني : بشنو ؟
خالي : انك تكوني قوية وهادية اني نعرفك مؤمنة بالله لازم تعرفي انه هدا قضاء وقدر انتي الكبيرة في خواتك لازم توقفي جنب امك وتساعديها مش تزيديها
اني : قعدت نبكي ياخالي صعب انت بروحك تشهد قداش بابا كنت غالية عنده وقداش كان مدلعني وقداش اني متعلقة بيه كنا نراجو فيه يجي من السفر شوي قتلووه وخلونا يتامى الله يسكر يديهم الله ينتقم منهم
خالي : خلاص يانوسة هاك منديل امسحي خلاص اهدي مش تبي نحكيلك
اني : مسحت دموعي ايه احكيلي
خالي : درس السيارة وطفاها وتلفتلي هدا بوك كان مروح من المطار وفي مجموعه قعدوو يلحقوو فيه الباين انه يحسابوه شخص من الحكومة المهم وهو في الطريق درس كان بينزل لمحل اهني قنصوه بس جت في رجله كان في وراه شاب مدرس شوي لما شاف انه بوك تصاوب اتصل بكتيبة ******
اني بلعت ريقي : به
كمل خالي :المهم الشاب هدا كان عنده سلاح جبده وقعد يطلق علي قنص بووك
اني مسحت دموعي وانتبهت اكثر
خالي : وقتل الي قنص بوك بس للاسف كانو مجموعه واحد منهم قنص هالشاب وجاته رصاصه في رجله وبطنه تقريبا قاعد في المستشفى والباين حتى هو مسكين حالته خطير وسالت اهله امبكري الباين انه بيسفروه
اني : لااله الا الله
خالي : وزادو ضربو بوك برصاصتين في بطنه وكتفه ونزف هلبا الله يرحمه بس قدرو يشدو اللي قنصو بوك بس الي قنص الشاب هرب وقاعدين يدورو عليه
اني : قعدت نبكي ونردد حسبي الله ونعم الوكيل حسبي الله ونعم الوكيل
خالي ولع السيارة وكان حتى هو متاثر واضح من عيونه استمريت في دمووعي لين وصلنا للحوش نزلت نجرري حتى باب السيارة خليته مفتوح خشيت للباب كانت ماما مقعمزة في الجنان علي كرسي ولابسة جلابسة سودا وشارب سوداء امي اعلنت الحداد جيتها نجرري اضبطتها وتمينا في نوبة بكاء لين جتني نرجس وفكتني من ماما واضبطتني قعدنا خواتي وماما مضبطات بعض والناس تحاول تهدينا بس الالم والنار الي راكبه فينا صعب تهدأ
.........
فيقني علي سرحاني ودكرياتي المؤلمة طقات الباب مسحت دموعي : ادخل
خشت هاجر وهي وجهها مفزوع وخايفه جتني تجري اضبطتني : الحمد لله ع سلامتك ياخيتي نوستي حبيبتي والله خفت عليك وقعدت تبكي من لما قالتلي نورس جيتك نجري والله ماقعد فيا عقل
اني نشوفلها ونبكي وماحكيتش ولاكلمة
هاجر : نوسة ردي عليا ماتشغلينيش اكثر
بس اني مش قادرة نحكي اني مش قادرة نقوللهم انه حبيبي مات اني مش قادرة لساني ارتبط كل احساسي نحسها ميته حتى الم جسمي كل مانتدكر وفاة حبيبي نحسها تموت معاش نحس انا
هاجر : مسدت على شعري نوسة شن صار
ااه يااصاحبتي شنو الي صاار اااه حبيبي وقلبي وروحي رااح مات شن تبيني نقول ياصاحبتي وانهرت بالبكي
هاجر قعدت تهدي فيا وبعدها خشتلي ماما وهي خايفه وترعش مسكينة وتبكي : الحمد لله ع سلامتك يابنيتي والله قريب هبلت حسبته تضيعي مني حتى انتي واضبطتني وقعدت تبكي
اني : سامحيني ياماما رعشتك
ماما : اهم حاجه تنوضي بالسلامه يابنيتي بس
اني : الحمد لله هاجر سامحيني رعشتك
هاجر : هيا عاد بلاش تدلعي عليناا هياا حبيبتي نوسة نووضي بسرعه ومعاش ترعشينا
ماما : الحمد لله ياربي المهم بنيتي حالها باهي
اني : الحمد لله اني كويسة
ماكنتش قادرة نتكلم كنت مخنوقه بس لما شفت حالة ماما مابيتش نرعشها اكثر وتكلمت بيش تطمن هي شوية
طق طق اني : ماما لفيلي وشاحي ادخل
خش ايمن : السلام عليكم كيف حالك توا
اني : الحمد لله مشكور
ماما : والله مسكين ايمن تعبناه معانا في الليل لما طحتي ماخلينا بمن اتصلنا مافيش حد رد علينا الا هو ان شاء الله يارب تلقاه ياوليدي ويفتحها قدامك
ايمن : مافيشي جميل يامرت خالي هادوو وخياتي وخالي كان ديما يوصي فيا عليكم الله يرحمه
اني : الله يرحمه مشكور ياايمن
قعدو يهدرزو عليا ويحاولو يغيرولي جوي وينسوني بس اااه ياربي نحاول نضحك معاهم بيش مانشغلهمش بس النار الي في داخلي مايعلم بيها الا ربي
روحت ماما لان ماتقدرش تقعمز هلبا ظهرها وجوني في العشية خوالي كلهم وخالتي وبناتها واصرت سارة انه تبات معاي ونوال حتى هي قعدت
وهاجر قعدت معايا لليل وبعدها روحت
اني بنقعد اسبوع في المستشفى ....
روح الكل وقعدت معايا سارة ونوال طبعا بنقعد في المستشفى اسبوع ربي يصبررني شن يكمله رن تليفون سارة وردت وقعدت تهدرز مع حبيبها التفتت اني للجهة التانية وغمضت عيووني تظاهر بالنووم بيش ماحد يكلمني اما نوال كانت جايبة جهاز النت فتحاته وقعمزت عليه
سمحت لذاكرتي انها تتذكر ايامها الحلووة الي عاشتها مع حبيبها الي محتل كل شي عقلي وروحي وقلبي حبيبي الي خداته الدنيا مني تفكرت اول مرة شفته فيها كنا في البحرر من اربع سنين فاتو بتاريخ 11 /6 ايه حاافظة التاريخ ومستحيل ننساه رفعنا بابا حطنا في البحر وكانت تستنى فينا خالتي نعيمه وبناتها ومعاهم معاد
اني : هيييي احني جينا
سرور : تي باه الي جيتوو طيب فيكم قريب نروحو
نعيمه : سروور يااسر بلا كدب احني كيف وصلنا
سروور : نبصرر ياانبع الحنان
سلمنا واني جبدت ساارة من يدها وامشيت اني وياها للشط : سروو حبيبتي
سارة : مادام فيها سروو معناها مصلحة شن في
اني : انتي صقع تفهمي ع الطاير
سارة : قوولي من الاخير
اني : وليد الي حكيتلك عليه يبي يشووفني دبريلي اي طريقه والله خاطري نشووفه وهو ماكرر فياا يبيش يبعت صورته لين يشوفني
سارة : بااه قوليله يجي اهني واني تو نغطي عليك
اني : هيييي قصدك بنقووله يجيني اهني ويشووفني بمنظري هداا اني لابسة لبس عادي وقديم يعني بنعووم وبناخد راحتي وهو حيقعد اني نبيه يشووفني مررتبه مش كلي قززة
ساارة : والله الا حتى هي طررف انتي وحتعجبيه انتي غير كلميه وبعدين ماعندكش الا اليووم وين بتشوفيه تاني ياغزالة
اني : وكان مانعجباشي
سارة : نسيبة من غير نفخ وزنين اتصلي هياا بسررعه
اني : بااه بااه ها بنتصل طووط طووط
وليد : ايوه هلا بااحلى نووسة
اني : ههه اهلين
وليد :تي ووينك يامشفشفه يوومين تخليني مشغوول معقوولة يومين ماتتصليش حرام عليك الجفاء وماقدرتش نتصل خفت عليك
اني : نجييه الي فااهم بس مالقيتش وقت وماقدرتش نتصل بيك
سارة بصووت واطي : كذب عيني عينك فنصت فيها بمعنى اسكتي
وليد : من الي جنبك وشن تقول
اني : أأأ هادي سارة بنت خالتي تتكلم في الفوون واني انشر لسارة بمعنى تو نوريك
وليد : اها باه انتي ويين صووت نسمه
اني : اني في البحرر
وليد : وين اما بحرر
اني : اممم أأأ بحر في تاجورا
وليد : شن اسم المصيف الي قاعدين فيه
اني : أأأ اسم المصيف علاش
سارة اشرتلي بمعنى قوليله
وليد : تي قوولي شن اسم المصيف وانتي تلكلكي من بكري
اني : مصيف ****** بس علاش
وليد : عشررة دقايق ونكوون عندك سلام
اني : ولي... طووط طووط سكرر حي ياسارة بيجي قالي عشرة دقايق
سارة : مليح بكل واسي وشااحك ونزلي سروالك وخليك عادية واني تو نعرف انلاهيهم
اني : بااه زعما نعجبه والله بديت نتعلق بيه
سارة : تو تشووفي الما يهبل فيك وبعدين شكله وليد مش بتاع بنات يعني وواضح من تصرفاته معاك انه عاجبتيه قبل مايشوفك ..
حي نووسة نووسة شووفي الطررف الي خااش توا نزل من سيارة كياا سوودا تهبل شووفي شووفي العضلات والطول وشوفي التيشرت الاسود طالع عليه يقتل يااخي يجنن
اني : بلعت ريقي وقلتلها سيارة كياا سوودا
سارة : ماتقوليليش وليد حي عليك طايحة فيه طررف
اني : حي اهوو يرن وواك متوترة
سارة ردي ردي
اني : الوو بصوت متورتر ونشوف للطرف علي قولة سارة الي خش وكان شاد الفون
وليد : شن لابسة
اني : غيرر قوول كيف حالك
وليد : تو لما نسلم عليك تو نسال كيف حالك
اني : أأأ تسلم علياا
وليد : ماتقوليليش خيرك اليووم من بكري أأأأأ تقوول متعلمه الدووة جديد انتي لابسة سوورية سودا وسروال جينز ووشاح بودري
اني : أأأأ وجت عيني في عينه ايه اني
وليد : تعالي معاي نبي نوقف عليك انتي واقفه في مكان زحمة
اني : بااه سكر توا
سارة قالي الحقيني يبي يوقف علياا شووفي يدياا كيف يرعشو
سارة : خليك عادية وديري زي ماقالك هي نمشوو اصلا امي وامك لاهيين
امشينا لحقناه ووصلنا لمكان خاطي شوية من الناس التفت وقرب مني مد يده سلم : السلام عليكم كيف الحال
اني مديت يدي وكانت ترعش وصغيرة في يده معاش تباان : وعليكم السلام الحمد لله وانت
وليد : الحمد لله مرحبا انتي اكيد سارة وسلم عليها كيف حالك
سارة : اهلا وسهلا تمام الحمد لله اني بنمشي توا خودو راحتكم
اني : لا عادي خليك
سارة : لالا سلام
اني ووليد : سلام
وتغيروو ملامح وليد لغضب ممزوج بحب : تعرفي لما شفتك قلت ان شااء الله ماتطلعش هادي مع تفنيصة
اني : خلاص قريب نبكي متوترة وماعجبتاشي شكلني علااش قلتها بخووف ورجفه
وليد : شن اللبسة الي لابستيها ياانسيبة سوريتك قصيرة وطالعه عليك حلووة والعيوون عليك وانش شفت الشباب كيف مركزين لما مريتي جنبهم ويشوفولك خيررك يااانسيبة
اني : ماهو ماهو جايه لبحر وبنعووم فهدا علاش
وليد : نسيبة من جدك انتي بتعوومي بهكي سوورية
اني : وليد خيرك
وليد : شي سلامتك اني فرحاننه بااني شفتك وعفلقتيني باللبسة الي لابستيها بصوت عالي شوية ومعصب
اني : خلاص خنقتني العبرة انت ليش هكي هدا اول لقاء لينا وانت تكشخ عليا وبعدين اني لاحبيبتك ولاخطيبتك ولامرتك بيش تقولي هكي وتحاسب فيا علي لبستي
وليد : ايه باه يانسيبة بااه زيدي كثري منه الكلام هدا باه وواضح علي وجهه انه تضايق
اني قعدت نبكي ماتحملتش يعصب عليا هكي
وليد : تو ليش تبكي هي
اني مارديتش عليه واستمريت في البكي ولفيت علي اساس بنمشي شد من يدي ومسحلي دمعتي
وليد : خلاص نووسة معاش تبكي والله مانتحمل دموعك اني باه اني نغار وماتحملتش حد يشوفلك
اني : تغااار ؟؟ ارتسمت علامات استغراب علي وجهي
وليد : ايه نغار وبعدين انتي طلعتي احلى من ماتوقعت ورسمتك في خيالي ياامشفشفة توقعتك تطلعي عبده وجاي وخايف قلت كان القيتها عبده بنلف وبنرووح وبنقوللها متت
اني : قعدت نبكي ونضحك ههههه عبده عينك
وليد : هههه ايه الحمد لله طلعتي مش عبده بس لساانك طوويل
اني : مش شي جديد عرفته لساني طويل من قبل
وليد : تو نعرف كيف نقصه اني
اني : وكيف زعما
وليد : بالمقص
اني تخيلتها حطيت يدي علي فمي :
وليد : ههههه والله مهبولة والباين بتهبليني معاك
اني : ههههه
وليد : نجيلي الضحكة ياربي وماتحرمني منهاا ايووه خليك ديما هكي تضحك
اني تحشمت ونزلت راسي ونحس وجهي ولى سخوون والدم كله ركب لوجهي
وليد : خدوودك ولوو حمر ههههه نجيلي المتحشمة
اني : ولييد ياسر
وليد : قعد يقلد في صووتي "ولييد ياسر "
اني : ههههههه وليد خيررلك رااهو نمشي
وليد : عااود يقلد في صوتي تاني " وليد خيرلك راهوو نمشي "
اني : وليد يابارد
وليد : " وليد يااحلوو " بصووتي
اني : هههههههه ياسلام ع الواثق من نفسه
وليد : ههههه امالا شنو
اني : بااه خلاص اني بنمشي تو ماما تستاقظ بيا
وليد : باه ديري بالك ع روحك وماتعوميش وكان بتعوومي البسي سوورية تانية عوومي بيها وتوا هادي كان عندك لبسة تانية غيريها ماتقعديش بيهاي
اني : علاش باه خيرها هي مش قصيرة هلبا
وليد : نسيييييبة مع تفنيصة قلت غيريها اني من غير تسكير راسك
اني : بااه بااه سلام توا
وليد : استني استني نسيت وطلع من جيبه علبة صغيرة
اني : شنو هادي
وليد : هدية بسيطة ليك ان شاء الله تعجبك وفتحها طلع منها خاتم فضة حلووو
اني : حي محلااه بس وليد نقدرش ناخده منك ليش متعب روحك
وليد : والله قصدك بترديه علياا وجبد يدي وشدها بقووة ولبسهوولي ماتناحيشي من يدك بكل
اني : حاضرر شكراا حلوو هلبا ذوقك حلو بس حتى اني نبي نعطيك حاجه تتدكرني بيها وكانت في يدي ساعه ذهبية حولتها واعطيتهاله : عنديش حاجة رجالية
وليد : هادي احلى حاجة المهم هي منك
اني تحشمت : هي توا سلاام
وليد اشرلي بيده سلام
امشيت واني نشووف للخاتم وحااسة رووحي بنطير من الافراح : ساارة شووفي ومديتلها يدي الخاتم
ساارة : حي محلااه الخااتم ماتقوليليش جابه الطرف
اني : معاش تقوولي هكي نغار اني رااهوو وليد جابهوولي ولابسهوولي غصبن عني قالي ماتحوليشي من يدك بكل
سارة : والله الا عنده ذووق هالطرف وصاار تغاري " اني مانحباشي هو صديق بس " وهي تقلد في صوتي
اني ضربتها علي كتفهاا : اسكتي
وليد : اني مانحباشي هو صديق بس ههه وتغار عليه
سمعناا حي عليا اني انحرجت خلاص وساارة ميته بالضحكة وليد يضحك ويغمزلي امشيت بسررعه قعمزت جنب ماما واني نشوف لوليد حول التيشرت متاعه وخش هو وصاحبه للبحر واني نراقب فيه من بعيد كيف يغطس وبعدين جت عيني في عينه ضحكلي والضحكة تهبببل كانت
فقت من سرحتي علي كلمة قالتها سارة خلتني نرجع بذاكرتي تاني ونسرح بجهة تانية
سارة : يااسر يابارد اني مش مشفشفه
قبل تلاته سنين
وليد : نسيبة انتي قصدك قاعده بروحك في الحوش
اني : ايه وماتذكرنيش لاني نبيش نخااف الحوازة كلها فاضية
وليد : عيلة عمك باه مسافرين لكن حناك مش قاعده
اني : حنينه امشت معاهم للعزي وخواتي في حوش خالتي وليد خايفه
وليد : ماتخافيش اني قدام حوازتكم ومعاكم ع التليفون
اني : انت كيف عرفت مكان حوشنا
وليد : معقولة نعرفش حوش حبيبتي خليك شوية
اني : شن تدير ولييييد صووت حد في الجنان نقزز ولييد
وليد : انتي مسكرة البيبان والرواشن
اني : ايه مسكرة
وليد : باه افتحي الباب
اني : هييييي شنووو
وليد : معقولة تخلي حبيبك بروحه في جنانكم
اني : تبصرر وليد حي عليك انت مهبول
وليد : انتي الي هبلتيني
اني فتحت الباب وطلعتله وماشفتش روحي شن لابسة اصلا كنت خايفه والخوف ماخلانيش نفكر في شي كنت لابسة بيجامه شورت وتيشيرت وشعري مفتوح كيرلي زي ديما سكرت الخط : وليد حي كان يجوو توا بالله عليك امشي
وليد : لزة يعني هادي يامشفشفه
اني : مش لزة بس خايفه
وليد : ليش تخافي مادامني معاك وقعمز علي كرسي الجنان
اني :وليد
وليد : ياعيون وليد
اني تحشمت : انت كيف عرفت مكان حوشنا مع اني ماقلتلكش
وليد : باه قعمزي اهني واشر ع الكرسي انتي ليش خايفه بالزبط اني جنبك
اني : ماهو لان غلط لو يجو اهلي يقتلوني ويقتلوك
وليد : مايجوش قعمزي بيش نقولك كيف عرفت حوشكم يامشفشفه
اني : ها قعمزت واني مش مشفشفه
وليد : باه من لي مشفشف واشر علي شعري
اني : هييي اصلا اني طلعت وماشفتش روحي وبعدين هادي طبيعه شعري وديما هكي
وليد : معناها حق مشفشفه بس حلووو طالع عليك اول مرة نشوف مشفشفه وحلوة
اني خدودي ولو حمر : باه خلاص وليييد
وليد : الله علي كلمة وليد الي طالعه من فمك تجنن
اني : وليد انوض رااهو هيا قولي كيف عرفت حوشنا
وليد : لحقتك من مدرستك
اني : من جدك انت
وليد : لالا من حناي بس هيااا تبيش تضيفيني حاجه واني في حوشكم
اني : بجد انت اليوم عقلك مش معاك
وليد : عقلي انتي طيرتيه وهبلتيه
اني : بااه تبي نديرلك قهوة
وليد : يارييت خاطري نذوق قهوتك قبل مانتزوجك نحصل فيك
اني : واني من قالك بنتزوجك خيرني ناخد مهبول
وليد : المهبول اانتي هبلتيه ويحبك والي تحصل فيه دبرله
اني : ههههه بااه انوض نديرلك قهووة ولو سمعت صووت اهرب نقز دير اي شي دبر
وليد : باه حاضر بري جيبي القهوة وماتخافيش
امشيت حطيت بكرج ع النار وتيت سفرة قهوة وحطيت شوي حلويات طيبتها وطلعتها
القيته كيف بيطلع دخان حطيت الصفرة ع الطاولة وقربت منه جبدت الدخان من فمه بسرعه : ولييد انت مش قلت بتسيبه
وليد : اهو نحاول بديت ناخد طرف في اليوم او طرفين
اني : باه اليوم مافيش دخان ولوحته في الكناسة
وليد : امرك ياامشفشفه
اني : ولييد اني مش مشفشفه
وليد : يقلد في صووتي " وليد اني مش مشفشفه " ههه
اني : يااسر يابارد اني مش مشفشفه
وليد : "ياسر يابارد اني مش مشفشفه" ومستمر يقلد في صوتي
اني ضربته علي كتفه وبعدها شررب القهوة وهو قاعد يتسهوك ومن هداكا اليوم سماني مشفشفه ومايناديني الا بمشفشفة
... نزلت دمووعي بحرقه ومعاش قدرت نشدهم بااه من حيناديني بمشفشفه وين وليد حبيبي المهبوول الي لمانبكي يمسح دمعتي ويضحكني ويقولي رااك شينه لما تبكي ويتسهوك عليا ويقولي يامشفشفه ويقلد صووتي ويغايضني ويين بابا الي يناديني يانووسة ونعرف انه يبي قهوة من كلمة نوسة ويينه لما نتعارك اني واخواتي يكشخ عليناا ويخلينا نتاسفو من بعض اغلى اتنين رااحووو اغلى اتنين سيبووني وخلووني وحيدة نمسح في دمعتي بروحي
ااه يادنيا اني مانيش بالقوة هادي
تدكرت انه اخر مرة كلمت فيها وليد كانت من سنه وشهرين نفس اليوم الي فقدت فيه بابا ومنها اختفي يبدو انه رفعتهم الموت هما الاتنين الدنيا ناوية تهدني هدة وحدة يااربي صبررني وقويني قعدت نبكي سارة ونوال عرفووني نبكي من رشفة خشمي سارة استاذنت من حبيبها وسكرت ونوال على طول جتني وقفو جنبي الزوز و
سارة مسحتلي دمعتي : نوسة حبيبتي اهدي خلاص
نوال : نوسة وخيتي خيرك
نضت قعمزت ومسحت دموعي : نبي ميه
ماكانش في ميه في الغرفة كملت
نوال : شكلها كملت خلي نمشي نجيبلك
سارة : من وين بتجيبي
نوال : تو نمشي لححجرة الممرضات وهما يدبروولها خليك جنب نسيبة
قعدت سارة تحاول تواسيني مع انها مش فاهمه بشن توسيني طلعت نوال وقعدت تدور في حجرة الممرضات وين لين القت شاب كان واقف جنب حجرة وساند راسه للحيط نوال قررت تساله : السلام عليكم عفواا لو سمحت اني ندور في حجرة الممرضات مالقيتهاش
الشاب : قام عيونه شافلها وبعدين رد بصووت مخنوق نوعا ما وعليكم السلام الحجرة نهاية الممر هدا علي اليمين تعالي معاي تو نرفعك ليها
نوال : لالا نبيش نتعبك مشكور تو نمشي
الشاب : مافيهاش تعب تعال معاي ومشي الشاب ونوال وراه بخطوات تلفتلها : اسمي محمود وانتي
نوال : نوال
محمود : عاشه الاسامي من عندك مريض
نوال : " تقصقيص " في خاطرها قالتها طبعا اختي مريضة
محمود : اها لاباس ان شاء الله اني صاحبي داير حادث اهو وصلنا للغرفه
نوال : شكرا بارك الله فيك
محمود : لاشكر على واجب بس ممكن نطلب طلب
نوال : تفضل
محمود : ادعي لصاحبي ان ربي يشفيه هو احتمال ينشل معاش يقدر يمشي نفسيته تاعية
نوال : ان شاء الله ربي يشفيه يارب وتو خليني نخش للحجرة اختي ماتت من العطش وانت من بكري تمشي بالشوية
محمود : ضحك غصبن عنه علي كلام نوال هههه باه ممكن نطلب طلب تاني
نوال : اليوم العالمي للطلبات
محمود : ههههه وطلع كرت وقاللها رقم تليفوني مكتوب في الكرت احتجتي اي حاجة اتصلي وطلبي ماترديش عليا الكرن
نوال : اووك حناخده بس مش حنتصل وهي سلام خشت للحجرة وطلبت ميه والقت محمود قاعد واقف وكان سرحان عجباته شخصية نواال وكيف كانت جريئة
نوال ابتسمتله وامشت
شربت الميه واخت مني سارة الطاسه : نوسة حبيبتي خيررك شن مضايقك ماتكتميش داخلك احكيلي
اني : وليييد .. وسكتت
سارة : حبيبتي حاولي تنسيه هوو اختتفي مرات تزوج وامشي علي حاله وانتي قاعده تفكري فيه حتى فونه مقفل
اني : بلعت ريقي وقلت برجفة ولييد مات
سارة ونوال ......................