الثالث
*🦋رواية كسرة جميلة🦋*
*🤎الحلقة الخامسة🤎*
أنتي بتعملي ايه هنا مش قولت مش عاوز اشوف وشك تاني.
رحمة بدلع: انت لسه هتكمل تمثيل مهي خلاص ماتت والسواق بتاع النقل اللي انت أمرته انه يخلص عليها عمل مهمته علي أكمل وجه
حسام بخبث: بس اي رايك انفع ممثل شاطر مش كدا
رحمة بخبث: ممثل تستاهل أوسكار.. عرفت تمثل علي مراتك أنك أتغيرت وندمت وهيا زي الهبله اقتنعا وصدقتك… مين كان يصدق انك انت تخلص علي مراتك
حسام بجمود: عشان هيا كانت عاوزة تخلعني وتشوف حياتها مع سي امجد اللي رماها قبل كده بس علي مين كويس انك عرفتيني خطتهم من الاول.
رحمة بتوتر: ايوه انا خليتك تسمع تسجيلات كلام السنيورة مع صحبتها بنفسك لما كانو في المطعم وبتقول انها هتطلق منك وتتجوز امجد
حسام بغل: اهي غارت ومحدش هيشك فيا ثانيه واحدة.
رحمة بابتسامة : وهتتجوزني امتي يا حبيبي.
حسام بخبث: دلوقتي حالا ابوكي مش موافق مش مهم المهم انه انا وانتي عاوزين بعض.
رحمة بابتسامة: عندك حق يا روحي هسيبك واخرج بقا عشان تكمل إجراءات دفن المرحومة.
حسام بابتسامة: ماشي يا حبيبتي.
خرجت و هي مبسوطه..
حسام بغل: احسن انك غورتي يا جميله بقا انا عاوزة تخلعيني عشان حبيب القلب رجعلك بس وريني هترجعيله ازاي.
فلااااش باااااك..
حسام بهدؤء: طيب يا رحمه هاجي انا وهي عشان ابوكي يطمن.
رحمة بخبث: طب خد بالك بقا عشان الحلوة بتفكر انها تتطلق منك بأي طريقة علشان ترجع لخطيبها القديم انا سمعتها هي وصاحبتها بيقولوا كدا.
حسام بصدمة: انتي بتخرفي تقولي اي جميله مستحيل تفكر تعمل كدا.
رحمة بتوتر: لسه بتدافع عنها؟ دي معيشاك في وهم يا أستاذ انا هبعت لك تسجيل لصوتها هي وصاحبتها وابقي اسمعه براحتك وتصدق ولا لا ميهمنيش انا قولت الحقك قبل ما تتغفل بس يالله سلام
حسام بهدؤء: تمام بس اكيد سمعتي غلط عالعموم ابعتي وانا هسمع
رحمة بأبتسامة: ماشي اقفل
.. بااااااااااااك..
في مكان ما..
جميلة بضحك: الجثة اللي جبتها مكاني شكو فيها؟
امجد بهدؤء: لا طبعا كله ماشي زي ما خططنا بالظبط هو مقدرش يروح يشوف الجثة حتي .
جميله بجمود: طيب انا متشكرة جدا علي مساعدتك ليا يا امجد مش عارفه من غيرك كنت هعمل اي.
امجد بابتسامة: مفيش شكر بينا الا قولي لي انتي عرفتي منين انهم بيخططوا يخلصوا منك.
جميله بتنهيدة: هحكيلك اليوم اللي اتخانقت انت و حسام فيه لما جه بليل كان متعصب اووي وطلب مني اروح معاه لبيت رحمه وسابني وراح اوضته سمعته بيتكلم في التليفون و بيقولها انه مش هيسيبني اعيش لحظة واحدة بعد اللي حصل دا ف انا مفهمتش اي اللي حصل اساسا ولما كملت سمع لاقيته قفل السكه وبيسمع ريكورد لصوتي انا وصحبتي بكلام احنا مقولناهوش اصلا..ريكورد متفبرك..وبعد كده رن عليها وسمعتهم بيتفقوا انه يمثل انه انهار لما يعرف اني هخلعه ويبين أنه ندمان وعرف غلطه علشان ارجعله ويديني اهتمام وحب كتير لحد اما يخلص عليا.
امجد بصدمة: وعرفتي منين حكاية العربية اللي كانت وراكم؟
جميله بسخرية: لما قالي انه هيجي ياخدني من عند امي انا شكيت لانه عمره ما عملها..واما نزلت تحت لقيت عربيه نقل راكنه علي جمب والطريق ده مفيش عربيات بالحجم ده تقف عليه..واللي حسبته لقيته بمجرد ما اتحركنا بالعربيه لقيت عربية النقل دي طلعت ورانا وفضلت مراقبانا..حسيت ان دي خطته بعد كده لقيت العربيه النقل بتمشي ببطئ ووقفت..وفي نفس الثانية لقيت حسام وقف هو كمان بحجة انه يجبلي أيس كريم..فا اول ما نزل..كانت العربيه النقل اتحركت وانا نزلت علطول ووقفت بعيد والنقل جت بسرعة وخبطت عربيتنا وجريت .
امجد بغضب: الواد دا لازم يتربي وانا هعرف ازاي اربيه وهخليه يدفع التمن غالي اووي
جميله بهدؤء: لا يا امجد انا طلبت تساعدني في حاجه معينه و دورك خلص دلوقتي جه دوري وانا هدفعه تمن اللي عمله معايا كله.
امجد ببرود: ماشي بس مش هسيبك لوحدك و اه امك في الاوضة اللي فوق مستنياكي انا فهمتها كل حاجه وعطيت للدكتور مبلغ كبير علشان يساعدنا في الموضوع ده وإجراءات الدفن تمر بسرعة وانتي لازم تختفي خالص
جميله بابتسامة: ماشي شكرا علي الخدمه دي انا مش هنسي وقفتك معايا طول عمري يا امجد
امجد بهدؤء: سيبك من الكلام ده علشان انا عينيه ليكي بس عايز اعرف انتي ناوية علي اي دلوقتي.
جميله بمكر: كل خير يا امجد هتشوف
.. بعد مرور تلات ايام
في شقة رحمة..
حسام بابتسامة: دا اي القمر دا كله يا رور.
رحمة بدلع: اي رايك فيا بقا مش احلى من اللي كنت تعرفهم.
حسام بخبث: بكتير انا اتمنيت اللحظة دي من زمان اوي متتخيليش اتعذبت عشانها قد اي.
رحمة بدلع: وانا اهو ملكك وبين ايدك وبقيت مراتك غصب عن الكل.
حسام بتوتر: بس مش هنعرف حد دلوقتي يا رحمه عشان محدش يشك فيا ويقولو ازاي اتجوز بعد المرحومه ب يومين
رحمة بغيظ: عادي بتحصل الكل كان عارف انك بتحبني من قبلها وهيا كانت راضيه بالجوازة دي.
حسام بهدؤء؛ عارف بس لازم ناخد حساب كل خطوة عشان منروحش لعشماوي.
رحمة بغيظ: ماشي اللي تشوفه يا حبيبي.
فجاءة النور قطع..
رحمة باستغراب: يييي عالحظ اي اللي قطع النور دلوقتي.
حسام بهدؤء: عادي الجو حر طبيعي النور يقطع هروح اشغل مولد الكهرباء.
رحمة بابتسامة: طيب متتاخرش عليا يا جوزي يا قمر.
حسام بابتسامة: عيوني يا حبيبتي.
راح يشغل المولد..
رحمة كانت واقفه قلقانه سمعت صوت نفس وراها لفت بخوف واتفزعت من منظر جميله..
رحمة بصدمة وخوف: ج جميله انتي بتعملي ايه هنا.
جميله بخبث: جيت ابارك ليكم يحبايب قلبي… معقولة بالسرعة دي اتجوزتو؟ مش تصبروا لحد الاربعين بتاعي حتي؟
رحمة برعب: ا انتي جاية ليه سبيني في حالي بسم الله الرحمن الرحيم انصرفي.
مسكتها جميلة من رقبتها: مش هنصرف غير لما اخد روحك معايا.
رحمة بتتخنق وبتصرخ: لااا ابعدي عني ااه هموت في ايدك الحقني يا حساام.
النور جه وحسام جالها جري: في اي يا رحمه بتصوتي لي.
رحمة بارتعاش: ج جميله شوفت روحها جت وعاوزة تنتقم مني وتاخد روحي.
حسام باستغراب: اي التخاريف دي يا رحمه اتلاقيكي كنتي بتتخيلي ولا حاجه.
رحمة حضنته بخوف: متسبنيش هي عاوزة تخلص عليا مش عاوزاني اكون فرحانه.
حسام بهدؤء: شش متخفيش انا جنبك وصدقيني مفيش الكلام الفارغ دا.
رحمة عمالة تترعش بخوف…
تليفون حسام رن..
حسام بهدؤء: الو يا برعي بتتصل دلوقتي لي.
برعي بخضة: الحقنا يا بيه المصنع بتاعك اتحرق هو وكل البضاعه اللي فيه.
حسامبصدمة: انت بتقول اي بلغ المطافي بسرعه وانا جاي حالا.
رحمة باستغراب: هتروح فين وتسيبني وانا كدا يا حسام.
حسام بغضب: اقعدي هنا دلوقتي المصنع بتاعي ولع ولازم اروح هناك دلوقتي.
رحمة بخوف: هاجي معاك متسبنيش لوحدي
حسام بغيظ: قولت لك مفيش عفاريت و انا هشوف المصيبه دي وجاي.
لبس هدومه وخرج بيجري وهي قفلت الابواب بخوف..
حسام نزل وركب عربيته العجل كله نايم.
حسام بغضب: دا وقته لازم اوقف تاكس.
راح وقف تاكس..
حسام بغضب : اطلع علي المعادي بسرعه لو سمحت.
السواق بخبث: حاضر يا بيه بس تسمح تناولني الشنطة اللي وراك دي.
حسام لف يدي له الشنطة السواق رش علي وشه مخدر..
حسام بنوم: ا انت رشيت اي يخربيتك انا هوديك في داهبه ااه.
فقد وعيه..
جميلة فتحت الباب وركبت التاكسي : اطلع بينا عالعنوان ده يسطا عبدو
عند رحمة..
كانت قاعده خايفه وعمالة تبص كل شويه حولين منها بخوف..
الباب خبط ابتسمت وجريت تفتح وقفت باستغراب: خير انتو مين.
النسوان: هي مش دي شقة الاستاذ عدلي حسين.
رحمة ببرود: لا الشقة اللي فوق.
كانت هتقفل الباب زقوها ودخلو وقعت علي الارض..
رحمة بالم: ااااه انتو مين وعاوزين اي بالظبط.
احد النسوان: احنا اللي جايين نعلمك الادب والاصول يزبالة المجتمع.
رحمة بخوف: انتو مين بعتكم جمال مش كدا عاوز يبوظ الليلة دي ولا مستعجل علي انه اخلص من حسام واخد فلوسه.
الست بخبث: احنا مش تبع حد احنا جايين نديكي درس عمرك ما هتنسيه في حياتك كلها.
رحمة بغضب: درس اي اطلعي برا انتي وهي وهي احسن والله العظيم هبلغ عنكم البوليس.
الست ببرود: بلغي اللي تبلغيه فكرانا هنخاف ولا اي امسكوها كويس يا نسوان.
طلعت مقص وقالت: اكتر حاجه تقهر الست وتكسرها هو لما شعرها اللي مربياه طول عمرها ده يتشال مره واحده واحنا قررنا نكسروكي بالطريقه دي .. هشيلهولك زيرو من جدوره يا عسل
رحمة بصدمة:
يتبع…..
🦋🤎🦋🤎🦋🤎🦋🤎🦋🤎🦋🤎🦋
🤎🦋🤎🦋🤎🦋🤎🦋🤎🦋🤎🦋🤎
*🤎الحلقة السادسة🤎*
احنا اللي جايين نعلمك الادب والاصول يزبالة المجتمع.
رحمة بخوف: انتو مين بعتكم جمال مش كدا عاوز يبوظ الليلة دي ولا مستعجل علي انه اخلص من حسام واخد فلوسه.
الست بخبث: احنا مش تبع حد احنا جايين نديكي درس عمرك ما هتنسيه في حياتك كلها.
رحمة بغضب: درس اي اطلعي برا انتي وهي وهي احسن والله العظيم هبلغ عنكم البوليس.
الست ببرود: بلغي اللي تبلغيه فكرانا هنخاف ولا اي امسكوها كويس يا نسوان.
طلعت مقص وقالت: معروف ان اكتر حاجه تقهر الست وتكسرها هو لما شعرها اللي مربياه وصارفه عليه طول عمرها ده يتشال مره واحده واحنا عندنا أمر أننا نكسروكي بالطريقه دي .. هشيلهولك زيرو من جدوره.
رحمة بصدمة: جت تصرخ كتمو صراخها ووقعوها عالارض ومسكوها
الست بجمود شغلت مكينة الحلاقه وبدءت تشيل شعرها من جدوره
ست تانيه بعصبيه : حرام كده مينفعش ازاي تشيلي شعرها زيرو كده؟ اتفضلي شيلي حواجبها بقي علشان تبقي لايقه عالقرعه الجديده
رحمة منهارة وبتصرخ وصوتها مكتوم.
الست بضحك : بس كده من عيووني
رحمه فضلت تعافر لحد ما اغمي عليها..
واحده من الستات بتتصل علي جميلة تطلع
أهو اتفضلي يا جميله هانم عملنا كل اللي طلبتيه ولو عايزانا نضربوها ونكسرو عضمها بسيطه
جميله بجمود : لا اوعي.. لو ضربناها هتروح تعمل محضر وممكن نتمسكو… فا سيبوها علي كده لحد ما اشوف انا هعمل معاها اي لأني لسه مشافتش غليلي منها هيا وجوزي… وحياة كل اللي عملوه فيا لأخليهم يندمو
الست بهدؤء: يلا نمشي قبل ما تصحي ولا عاوزة تعملي حاجه تاني.
جميله بقرف: خشوا جوا هتلاقوا دهبي وفلوس هاتوهم
الست دخلت وفتشت وطلعت بالفلوس والدهب
جميلة بأبتسامة الفلوس دي من نصيبكم اما الدهب ليا
الست بصدمه : ايوه بس المبلغ دا كتير جدا عن اللي كنا متفقين عليه
جميله بهدؤء: مش كتير علي وقفتكم جنبي يلا امشو وانا رايحه لحسام
بعد شويه..
عند حسام صحي بدوخه: اه يا دماغي انا فين مين جابني هنااا واي الغمامة اللي علي عيني دي
الحارس: اخيرا فوقت الباشا بتاعنا عايز يكلمك في الفون
الحارس بيحط الفون علي ودن حسام
منور يحسام..جرا اي يا راجل هو انا لازم اجيبك عندي هنا عشان نتفق علي كل حاجه.
حسام بزعيق: نتفق علي اي وانت مين اصلا وجاييني هنا ليييه.
جميله بخبث: انا التاجر اللي بعت لك مدير اعمالي من يومين وطلب يشتري شركتك والمصنع وانت رفضت.
حسام بغل: وعشان رفضت تقوم تخطفني وتبهدلني عشان تجبرني أني ابيع لك.
الشخص بخبث : دي طريقتي وده اسلوبي ولو موافقتش بالذوق هعمل فيك اللي عملته في رحمه مراتك بس بطريقتي انا.
حسام بغضب وزعيق: يابن الكلب عارف لو تكون مسيت شعره منها والله العظيم ما هسيبك.
الشخص بضحك : شعره واحده؟ههههه هتتفاجئ لما تشوفها وبعدين مش عيب تشتمني وانت روحك تحت ايدي دلوقتي… انت هتتنازل علي كل اللي عندك عربيتك شركتك مصنعك وهسيبلك البيت ك هدية مني علشان متنامش في الشارع انت والسنيورة .
حسام بغضب: انت بتحلم انا مستحيل اديك اي حاجه من تعبي وشقايا خلينا نتفق زي مكنت عايز من يومين وشوف هتدفع كام وانا موافق
الشخص بسخرية: تعب وشقا مين ده كان زمان.. دلوقتي هتتنازل بكل ادب عن شركتك والمصنع وتكتبهم بأسمي؟ ولا عايزني افضحك واقول للكل ان البيه قتل مراته عشان يتجوز عشيقته
حسام بتوتر: اي التخاريف دي انت جيبت الكلام ده منين؟
الشخص ببرود: انا اعرف كل حاجه عنك ها..هتمضي ولا تلبس الكلبشات ولا أعمل اللي في دماغي وأخلص عليك أحسن؟
حسام ببرود: متقدرش تقرب مني ولا تأذيني البلد فيها قانون وأهلي مش هيسكتو..وبالنسبه للكلبشات انت هتبلغ عني بتهمة اي انا معملتش حاجه وحتي لو عملت اي الدليل اللي معاك؟ ولا انت فاكر ان الحكومه هتاخد ب كلامك ده.
الشخص بضحك : اول حاجه سواق النقل اللي انت امرته يقتل مراتك تحت ايدي ومتكتف ومعترف بكل حاجه وعنده استعداد يشهد ان انت اللي امرته بكده وتروح في ستين داهيه.. اما بالنسبة عرفت كل ده ازاي فا هقولك ان انا عيني عليك من زمان وكنت مستني فرصة واحده بس علشان احطك تحت درسي واضغط عليك..لكن علشان ضميري الحنين ده جيتلك بالمعروف وقولت لو رضي خلاص لكن لو مرضيش يبقي هو اللي جني علي روحه .
حسام بغضب وخوف: واي يضمن لي اني بعد ما اتنازلك علي كل حاجه متبلغش عني.
الشخص ببرود: دخولك السجن او خروجك منه ده ميشغلنيش ولا يفرق معايا
حسام بحزن: تمام هات العقود علسان امضيها
بعد شوية
الحارس بيجيب العقود وبيشيل الغمامة من علي عنيه وبيخليه يمضي بأسمه علي كل الورق ويخليه يبصم
حسام مضي وهو دموعه نازلة..
الشخص ببرود: كده تمام.. الحارس بتاعي هيفكك دلوقتي ويوصلك معزز مكرم لحد بيتك .
تاني يوم..
حسام طلع العمارة بتعب وفتح الشقة ودخل.
حسام بتعب: رحمة انتي روحتي فين.
رحمة جت وهيا منهارة حسام اتخض من منظرها: اي اللي حصل لك دا مين عمل فيكي كدا.
رحمة بدموع: نسوان هجموا عليا وشوهوني كده وسرقو كل الدهب والفلوس
حسام بغيظ: هو اللي عمل كل دا بن الكلب .. بس انا مش هسكت
رحمة باستغراب: هو مين دا؟
حسام بجمود: واحد معرفوش بعت لي حد يشتري مني المصنع والشركه اللي عندي وانا رفضت فا خطفني وبعت النسوان ليكي وهددني وخلاني اتنازل له علي كل حاجه مبقاش حيلتي غير الشقة دي.
رحمة بصدمة: حد مين وازاي تعمل كدا انت مجنون.
حسام بهدؤء: الراجل دع عارف عني وعنك كل حاجه وعارف ان انا اللي قتلت جميلة وماسك الراجل بتاع عربية النقل.. فا يا اتنازل يا هتسجن
رحمة بزعيق: ما يهددك ولا يبلغ ازاي تتنازل عن الفلووس؟
حسام باستغراب: انتي عاوزاني اتسجن يا رحمة.
رحمة بتوتر: اكيد لا بس انت كدا خسرت كل حاجه..طب متعرفش هو مين.
حسام بجمود: لا كان مغمي عيوني وبيكلمني في التليفون يعني مسمعتش غير صوته والحارس بتاعه هو اللي مضاني
رحمة في نفسها: مفيش غيره جمال اكيد هو اللي عمل كده عشان يلهف كل حاجه بس والله ما هسيب حقي.
رحمة سابته ودخلت اوضتها
عند جميله..
امها بهدؤء: مش كفاية لحد هنا يا جميله ولا اي.
جميله بهدؤء: اي يا ماما هم صعبوا عليكي ولا اي؟.
امها بحزن: لا مصعبوش انا مش عاوزاكي تكوني زيهم يا ضنايا انا خايفه عليكي.
جميله بابتسامة: متخفيش انا هكون كويسة واه كل املاكه بقت تحت ايدي اول ما اخلص تاري منهم هنسافر بعيد انا وانتي عن هنا.
امهابهدؤء: ماشي يا بنتي الا صحيح انتي مشوفتيش امجد النهارده.
جميله بهدؤء: لا بتسالي لي.
امها بخبث: اصله كان تعبان اوي و الدكتور جاله في شقته اللي فوق وانا مش قادره اقوم اطمن عليه مسكين يا حبيبي معندهوش حد يساعده ولا ياخد باله منه.
جميله بخضة: تعبان طب انا هطلعله فوق اشوفه مش هتاخر عليكي.
طلعت عليه جري..
جميله بقلق: امجد انت كويس ماما قالتلي انك تعبان مالك في اي.
امجد بكحه: شوية برد وكحه طمنيني عملتي اي.
جميله بغيظ: دا علي اساس انك مش ممشي ورايا اربع رجالة يعرفوا لك كل حاجه.
امجد بابتسامة: انتي فاهمه غلط انا مخليهم حراسه ليكي عشان اكون مطمن.
جميله بغيظ: وانا مش صغيرة عشان تعمل كدا انا اصلا كلها كام يوم واسافر انا وماما.
امجد ببرود: انا مش موافق.. لو هتسافري يبقا تسافري معايا
جميله ببرود: لا مش معاك ويلا انا هنزل انت زي القرد اهو بطل دلع.
امجد بضحك طب انا عايزك في موضوع:
جميله ببرود: لو اللي في بالي فا موضوعنا خلص من زمان وانت اللي خلصته وانا مش هأمن ادي قلبي لأي حد تاني عن اذنك.
امجد بحزن: بس انا لسه بحبك وعاوزاك جنبي يا جميله اديني فرصة تانية.
جميله بسخرية: قديمة غيرك طلبها وكان عاوز يخلص عليا انا اتعلمت الدرس خلاص.
امجد بحنان: انا مش زيه وانتي عارفه كدا كويس.
جميله ببرود: مش عارفه حاجه ومش عاوزه اعرف ومتنساش اني لسه علي ذمته يا امجد.
خرجت وهو بص لطيفها بحزن: والله العظيم عمري ما حبيت غيرك ولا هعرف احب غيرك انا حمار اني ضيعتك وهعمل كل اللي اقدر عليه عشان اثبت لك اني لسه بحبك.
بليل…
عند رحمة..
رحمة بغضب: احنا متفقناش علي كدا يا جمال انا شريكتك في كل اللي لهفته من حسام.
جمال باستغراب: شريكه اي ولهفت اي انا مش فاهم حاجه وضحي كلامك واي البروكه اللي انتي لابساها دي مداريه شعرك ليه
رحمة بسخرية: اه مثل عليا بقا انت فاكر الشويتين دول هيخيلوا عليا تبقي عبيط انا عاوزة نصيبي من الفلوس واللي عملتو فيا ده هندمك عليه يا جمال
جمال بهدؤء: فهميني ومتبقيش جاموسة كدا اي اللي حصل.
رحمة بغيظ: شوف الراجل وجبرووته… يعني انت عايز تفهمني انك متعرفش انه حد خطف حسام ومضاه علي تنازل لكل املاكه وبقي محلتوش غير الشقة اللي احنا فيها دي؟
جمال بصدمة: نعمممم؟ انتي بتقولي اي يا روح امك؟ تنازل اي واملاك اي اللي راحت انتي هتشتغليني؟؟؟
رحمة بغضب: بقولك اي فوق لنفسك وبطل تمثيل انا اتجوزته عشان اخد كل دا ونقسمه ونرجع انا وانت لبعض مش عشان اكون طعم ليك تصطاد انت و اترمي انا.
جمال بغضب: قسما بالله ما عملت اللي بتقوليه ده عاوزة تصدقي صدقي مش عاوزه براحتك انتي حره بس انا معملتش كدا
رحمة بغيظ: لو مش انت اللي عملتها هيكون مين؟ لا لا محدش يعملها غيرك والنسوان اللي انت بعتهم يسرقوا دهبي وفلوسي ويشوهوا شكلي عشان حسام يكرهني دول انا هجيبهم و هوريك هعمل فيك وفيهم اي.
جمال بصدمه : لا ده كده في حد تالت بيلعب معانا وعينه علي املاك جوزك
رحمى ببرود: خلصت كلام؟ بكرا الصبح نصيبي يكون في حسابي في البنك يجمال والا هتشوف وش مش هيعجبك وهبلغ عن كل حاجه اعرفها عن تجارتك وشغلك اللي من تحت التربيزة.
جمال بغضب: انتي بتهدديني يا رحمة دي اخرتها.
رحمة ببرود: اه بهددك وهنفذ لو معملتش اللي بقولك عليه.
جمال بغل: ماشي هبقي اجيلك البيت لما المحروس جوزك يخرج وهديكي نصيبك كاش.
رحمة ببرود: ايوا كدا يلا سلام..
بصت وراها لاقت حسام واقف
رحمة بصدمة: ح حساام؟
يتبع…..