انتقام الاشباح - الاول - بقلم مجهول - مكتملة | روايتك

*قصة انتقام الاشباح1-2👻🍒⸙•♡* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ الفصل الاول *** اخيرا وبعد 15 سنة في المحاكم والبهدلة بين المحاميين اخير المحكمة حكمت لينا بملكية البيت اللي ورثناه عن المرحوم بابا واللي كان وارثة عن ابوه واللي كان متاخد منة نصب بوضع اليد واللي عرفناه ان اللي كان واخد البيت ده كان عاملة مقر له لممارسة السحر والدجل وتسخير الجان بابا قبل ما يموت حاول انة يرجع البيت بالطرق الودية لكنة فشل ولان مكنش له ضهر يحميه ويرجع له حقة المنهوب بابا راح لمحامي ورفع قضية وقدم الاوراق اللي تثبت انة صاحب البيت وانة وراثة عن ابوه لكن لأن حبال المحاكم طويلة زي ما بيقولو.. القضية مكنتش سهلة وبابا فضل ورا حقة لغاية ما مات بحسرتة علي حقة وحق عيالة اللي مش عارف يطولوا وبعد وفاة بابا ... ماما هي كمان فضلت تجري ورا حقنا وميأستش واخويا وقف معاها لغاية ما كسبنا القضية والبيت رجع لينا ماما جابت شيوخ علشان تنضف البيت قبل ما نسكن وبقي فعلا جاهز للسكن لمينا هدومنا وحالنا نزلنا علي مصر وسكنا في البيت وبعد شهر بدأت المأساه البيت عبارة عن اربع ادوار غير الأرضي .. واحنا كلنا قعدنا في الدور الأول. واخويا قال انة هياخد الدور التاني وهيجهزه علشان يتجوز فيه وكان عايز يقعد من دلوقت في شقتة اللي فوق لكن ماما رفضت وقالت انت تقعد معانا في الشقة ولما تتجوز تبقي اطلع فوق .. انت ونسنا وضهرنا بعد مافرشنا الدور الأول وسكنا في البيت ... تالت يوم بالظبط اخويا صحي الصبح بيدور علي محفظتة اللي كان سايبها علي طرابيزة التليفزيون ملقهاش قلبنا الشقة عليها لدرجة ان اخويا شال التليفزيون خالص ودور وراه وملاقاش حاجة وبعد ساعة من القلابان انا واختي وماما وهو مخلناش حتة في الصالة الا لما دورنا علي المحفظة وبعد ده كلة اخويا دخل الحمام وخرج لقي المحفظة علي الطرابيزه اخويا واحنا كلنا تنحنا وكلنا شكينا في بعض ان حد فينا قايم فايق وبيهزر مرت الأيام ونفس الحركة بدأت تتكرر فلوس تضيع وبعدين تظهر .. لبس منلقهوش وبعد يومين نلقيه في الدولاب مطرحة ... اصوات غريبة نسمعها .. برغم كل اللي كان بيحصل ده مكناش محدش فينا كان حاطط في دماغة حوار الجن والعفريت ده وفي يوم ماما كان عندها غسيل وطلبت من اختي دلال تغلي مياه علي البوتجاز وتدخلها الحمام علي ما ماما تفك الستاير بتاعة الشباك وفعلا اختي دلال عملت كدة حطت بستلة المياه علي البوتجاز ولما الميا غليت راحت مدخلها الحمام لكنها اتزحلقت البستلة كلها ادلقت في الأرض وعالحمام وربنا سترها ومفيش ميا جت علي اختي بس اللي حصل ساعتها كان غريب جدا اول ما البستلة وقعت من ايد اختي والمياه ادلقت علي الأرض سمعت صوت صريخ ودلال اغمي عليها .. ماما سمعت صوت وقعة اختي وصوت البستلة علي الأرض راحت جريت علي الحمام وشافت دلال مرمية علي الأرض مغمي عليها .. انا في الوقت ده كنا في الشغل ماما اتصلت عليا وقالتلي الحقيني اختك وقعت في الحمام ومغمي عليها ومش عارفة افوقها .. سبت الشغل وروحت جريت علي البيت وعلي ما وصلت كانت اختي دلال فاقت وحكت لينا اللي حصل . وماما افتكرت ان دلال اختي موهومة بسبب الوقعة مش اكتر بعد الموضوع ده بدأت احس واشعر بحاجات غريبة بتحصل .. اسمع نفس حد جنبي عالسرير وانا نايمة ... في الأول كنت بفتكره نفس اختي .. لكن الموضوع ده اتكرر حتي واختي مش نايمة جنبي لغاية ما في يوم بعد ما الكل راح في النوم وبالظبط الساعة تلاتة بعد نص الليل صحينا علي صرااخ جاي من الحمام الحقوووني الحقوووني قومت من النوم مفزوعة علي صراخ ماما صباح اللي كانت واقفة علي قعدة الحمام وهتموت من الرعب والخوف واخويا وجيه واختي دلال كانوا هما كمان واقفين عند الحمام ومبرقين من المنظر اللي شايفينة قدام عيونهم تعبان كبير اسود واقف قدام باب الحمام اخويا وجيه ماسك عصاية كبيرة وكل ما يجي يضرب التعبان. .. التعبان يهجم عليه المنظر خلاني كنت كنت هموت من الرعب صوات وصريخ امي وصريخ اختي دلال اللي هي كمان مرعوبة وزعيق من اخوي وجيه عمال يقول ل اختي ابعدي شوية انتي عم عبده بواب العماره اللي جنبنا لقي باب البيت الحديد مفتوح طلع جري فاكر ان في حرامي في العمارة وطالع بسكينة كبيرة عاملة زي سكاكين الجزرين الباب بيخبط جامد روحت فتحت وبصوت مليان خوف ورعب الحقنا ياعم عبده في تعبان كبير في الحمام عم عبده اول ما شاف التعبان وقف هو كمان زي العاجز واخويا اخد منة السكينة بسرعة وراح ضارب التعبان فصل راسة عن جسمة التعبان فضل يتلوي علي الأرض بتاع ربع ساعة وبعدها راح ميت عم عبده نزل جاب شوال فاضي وحط فيه التعبان ونزل رماه في صندوق الزبالة اللي علي اول الشارع وانا وماما نضفنا الحمام وغسلناه واحنا خايفين ومرعوبين وبعد ما خلصنا خرجنا قعدنا في الصالة ماما وانا واختي مكناش قدرين نقف علي رجلينا من الرعب والخوف اللي شفناه في الليلة السودة دي وكلنا خوفنا ننام في اوضنا ليكون فيه تعبان تاني في الشقة ويطلع يقرصنا فضلنا صاحيين لغاية ما النهار طلع وماما قالت لازم اشوف حد يكون بيطلع التعابين من البيوت يجي ويشوف التعبان ده جه منين انا :: هو التعبان ظهر ازاي قدامك .. طلع منين يعني ماما :: معرفش يابنتي انا كنت قاعدة ف حمام حسيت ان عنينا غفلت ثواني وحسيت نفسي بنزل في بير طويل ملوش ارار ولسة هخبط في الأرض فتحت عنيا وانا مفزوعة وشفت التعبان ده واقف بيبصلي زي ما انتوا شايفين . انا :: يعني انتي نمتي وانتي ف الحمام ماما :: الظاهر كدة يابنتي بس اللي مستغربالة الباب كنت انا قفلاه بالترباس من جوا ولما فوقت وفتحت عنينا الباب كان مفتوح اختي :: يا ماما ... انتي هتخوفيني ليه ماما :: ده اللي حصل ... اعرفكم بعيلتي ماما :: صباح 45 سنة ارملة من عشر سنين من بعد وفاه ابويا امي رفضت تتجوز وعاشت حياتها لينا احنا وبس انا :: صافي ده اسم الدلع لكن اسمي الحقيقي صفاء 21 سنة حاصلة علي دبلوم تجارة وشغالة في كوافير حريمي اختي :: دلال 19سنة بردو دبلوم تجارة وشغالة في عيادة خاصة مع دكتور اطفال في نفس الشارع وبتنزل الشغل كل يوم ماعدا الأحد و الأربع الساعة 7بعد المغرب وبترجع علي 11 بالليل اخويا جيه 23سنة وفاتح ورشة المونتال علي قده وبيساعد ماما في مصاريف البيت مع المعاش اللي بتقبضوا كل اول شهر حياتنا يعني متوسطة الدخل ومبسوطين .. كلنا بنحب بعض اخويا خطب مره وبعد فترة اكتشف ان اللي خاطبها سمعتها مش كويسة ف راح فشكل الخطوبة وقرر انة لما يحب يخطب تاني هيخطب واحدة من البلد اصلنا من الأرياف من قرية تبع المنصورة الساعة سبعة الصبح والنوم غلبنا كلنا وكل واحد فينا دخل نام في الأوضة بتاعتة وصحيت علي عشرة الصبح علي صريخ اختي خرجت من الأوضة جري وقولت اكيد فيه تعبان تاني لكن لقيت اختي مغمي عليها والأرضية بتاعة الحمام غرقانة دم .. ولا كأننا دبحين دبيحة في الحمام امي واخويا هما كمان خرجوا علي صوت اختي وانا قعدت جنب اختي بحاول افوق فيها اخويا جري علي المطبخ جاب بصله وشممها لاختي لغاية ما فاقت وهي بتعيط وبتشاور عالحمام ... وبتقول التعبان صاحي التعبان صاحي ماما :: ايه الدم ده كلة وجه منين انا:: مفيش تعابين ياحبيبتي مفيش دلال :: لا موجود مامتش انا شفتة بعنيا انا :: شفتي ايه يعنيكي بس يا دلال ما اخوكي قتلة امبارح قدامنا وجيه :: غريبة فعلا ... الدم ده جه منين ماما :: انا لازم انزل دلوقت اشوف حد يجي يشوف البيت ده انا :: هتروحي فين بس يا ماما دلوقت ثم انتي تعرفي حد بيطلع تعابين ماما :: لا معرفش بس هسأل يابنتي كدة فيه حاجة غلط انا :: خلاص بس استهدي كدة البت دلال تعبانة ومش ناقص كمان نخوفها وجيه :: انا هسأل كدة علي اي حد بيطلع تعابين يمكن القي حد ********,* الفصل الثاني *** وجيه دخل لبس هدومة ونزل علي شغلة وانا فاضلي ساعتين وانزل علي الكوافير اللي شغالة فيه دخلت المطبخ عملت لينا فطار وبعد ما فطرنا عملت الشاي .. وكنت شايفة في عيون اختي دلال خوف ورعب وكل ما تسمع صوت خبط تقوم مفزوعة فات اربع ايام والبيت طبيعي مفهوش اي حاجة وقولنا خلاص بقي البيت مفهوش اي حاجة في اليوم الخامس الساعة اتنين بالليل حسيت بجسم اختي جنبي بيتنفض وكأن حد معاها عالسرير وراسها عمالة تروح يمين وتروح شمال ورجليه وكأن حد بيمارس معاها الجنس غصب عنها قومت فتحت النور بسرعة وبقيت عمالة افوق اختي دلال دلال اصحي يا دلال اصحي ياحبيبتي بقيت عمالة اصرخ اصرخ لكن صوتي مش طالع وببص كده لقيت دم نازل من اختي غرق الملايه وبعدين مبقتش بتتحرك في اللحظة دي صوت صرختي طلع وماما جت جري علي صوتي واول ما شافت اختي زي الميتة جنبي والدم تحت منها مغرق هدومها وملاية السرير لطمت علي وشها ماما :: انتي عملتي ايه في اختك انا :: انا معملتش حاجة و**** ماعملت حاجة ماما :: فهميني طيب ايه ده واختك مش بترد ليه وماما بتصرخ وبتلطم علي وشها اختي فاقت وقامت وكأن مكنش فيه حاجة ولا حاسة باللي كان فيها دلال :: بأستغراب ماما ؟ في حاجة ولا ايه ماما متمسمرة وحاطة ايدها علي وشها وعيونها مبرقة علي اختي دلال بصت تحتها علشان تشوف ماما مبرقة ليه وراحت مصرخة هي كمان اخدت اختي في حضني وماما بتعيط وتطلم كل ده واخويا مش حاسس بينا وكأنة نايم في كوكب تاني بدأت احكي لماما اللي حصل واني فضلت افوق فيها واصرخ لكن صوتي مكنش طالع ماما :: محدش يجيب سيرة ل اخوكم اخوكم لو عرف مش بعيد يقتل دلال دلال :: يقتلني انا ؟ ليه يا ماما ليه انا عملت ايه انا :: متخفيش يا حبيبتي بكره هنروح للدكتور علشان نطمن عليكي ماما :: دكتور ايه وشغالة تلطم علي وشها ... دكتور ايه اللي هنروحلة .. ماهو باين اهو البت شرفها راح راح انا :: ماما خلاص يا ماما اخويا نايم جوا وانتي لسة قايلة مش عايزينة يعرف دلال :: يالهوي يالهوي يالهوي شرفي راح يعني ايه .. انا مبقتش بنت انا :: بكره نطمن ونعرف الساعات بتمشي بالعافية والحزن علي وشوسنا كلنا ودلال قاعده مخبية وشها بين ركبها وبتعيط وماما كل شوية تبخط علي راسها بأيده وتطلم الصبح طلع واخويا قام من النوم قومت انا عملت له الفطار علشان ميحسش بحاجة وبعد ما فطر وشرب الشاي سأل علي ماما وهو مستغرب انها مش صاحية انا :: ماما نايمة يا وجيه وجيه :: ليه هي تعبانة .. دي اول مرة اصحي وماما تكون نايمة دي بتصحي سبعة الصبح انا :: لا هي بس مصدعة ولسة داخلة من شوية متشغلش بالك انت وجيه نزل علي شغلة وانا دخلت اخدت اختي في حضني اللي عيونها مبطلتش عياط من بالليل علي الساعة 4العصر اتصلت بعيادة دكتورة نساء و ولادة وحجزت ميعاد كشف ومن حسن حظنا اننا كنا رقم 1في الكشف والدكتورة بتيجي الساعة 5 قومت لبست هدومي وقولت ل اختي دلال قومي البسي هدومك انتي كمان علشان هننزل ماما :: انا هقوم البس علشان اجي معاكم انا :: لا ياماما خليكي انتي لحسن اخويا ممكن يجي في اي وقت ماما :: اخليني ؟ اخليني ايه ومين اللي عنده اعصاب يقعد. لا لا انا رجلي علي رجليكم ماما دخلت لبست وخرجت ومشينا خطوات رجلينا واحنا رايحيين للدكتورة كأننا رايحيين للموت وماما بتجر في رجليها اللي مش قادرة تشلها واختي منهارة من الخوف والرعب ومع اننا كلنا كنا متأكدين ان شرف اختي راح ومش عارفين من ايه ومن مين .. ومهما حكينا ل اخويا مش هيصدق وهيفتكر ان اختي فرطت في شرفها مع حد وصلنا للعياده وسألنا البت اللي بره الدكتورة جت :: ايوة الدكتورة جوا خمس دقايق بس .. ياتري فيه حجز انا :: اه في حجز بأسم دلال الشربتلي :: ايوة فعلا .. طب معلش بس خمس دقايق بالكتير .. الدكتورة معاها مندوب جوا الدقايق كانت بتمر علينا ساعات وبعد ما المندوب اخيرا خرج .. البنت قالت لينا اتفضلو دخلنا للدكتورة اللي كانت كبيرة في السن و مبتسمة لينا اول ما دخلنا الدكتور :: خير انا :: مش عارفة يا دكتوره اللي هحكيه ده كلام ناس عاقلين ولا هتقولي علينا ناس مجانين .. لكن عالعموم انا هحكيلك... وبدأت احكي اللي حصل بالتفصيل للدكتورة وبعد ما خلصت الحكاية .. الدكتورة كان باين علي وشها انها مش مصدقة ولا حرف من اللي حكيتة وطلبت من اختي تقوم علشان تكشف عليها اختي قامت وراحت نامت علي السرير وانا وماما روحنا وقفنا جنب منها لكن الدكتور بكل هدوء قالت بعد اذنكم ارتاحوا انتوا قعدت انا وماما والدكتورة قامت لبست الچونتي وكشفت علي اختي وبعدها قالت قومي انتي زي الفل ماما اول ما سمعت انتي زي الفل راحت مظغرطة واغمي عليها بعدها واختي فضلت تعيط من الفرحة الدكتورة فوقت ماما وماما بعد ما فاقت راحت اخدت اختي بالحضن وبقوا هما الأتنين بيبكوا في حضن بعض بعد ما اختي هديت وماما سألت الدكتورة امال ايه الدم اللي نزل منها ده الدكتورة :: ده كان نزيف بسبب التهابات في الرحم ممكن يكون برد ومع العلاج هتبقي تمام انا :: بس اللي انا شفتة ده كان ايه؟ الدكتورة :: كان هلوسة يا حبيبتي انا :: انا متأكدة اني مكنتش بهلوس ومكنتش نايمة كنت صاحية الدكتورة كتبت علي علاج وقالت الأستشارة كمان اسبوع مشينا من عند الدكتورة وماما طايرة من الفرحة واختي كمان. وانا بس اللي كان شاغل تفكيري... اللي شفتة ده كان ايه روحنا البيت وماما دخلت نامت لغاية الساعة عشرة زي ما تكون بقالها سنين ماشفتش طعم النوم ومصحيتش غير لما دخلت انا صحتها علشان تتعشي مع اخويا اللي جه ماما بعد ما اتعشينا اخدت اخويا علي جنب وحكت له كل حاجة والليلة الرهيبة اللي شفناها واخويا زعل من ماما جدا وقالها ازاي تخبوا عليا حاجة زي دي .. وان اي حاجة تحصل بعد كدة اين كانت المفروض يعرف بيها فات يومين وفي اليوم التالت صحيت الساعة 3 علي صوت واحدة ست بتبكي وكان باين من صوتها انها ست عجوزه في الأول الصوت مكنش واضح جاي منين قومت بصيت جنب مني لقيت اختي نايمة فضلت ممده وبحاول اركز يا تري الصوت جاي منين .. شوية والصوت راح مفيش شوية عيني يدوب غفلت صحيت علي نفس الصوت اللي بيبكي والصوت المرة دي كان اعلي. قومت وخرجت من الأوضة ومشيت في الصالة وانا حاسة برعب جوايا وببص علي الحمام لقيت الحمام عمال يبعد يبعد وفيه ست قاعده علي الأرض شعرها متنحل وبتقطع فيه وترميه جنبها عالأرض وهي بتبكي ... كأن فيه حد ميتلها ولقيت ايد جت من ورايا ونزلت علي كتفي جسمي كلة اتنفض ********