أشباه احبـــــاب - الفصل 10 - مكتملة | روايتك

عالم القصص والروايات 📚 💜 ارشيف روايات وقصص عالمية 💜 ـ💐🍀🍂🍀🍂🍀🍂🍀🍂 ـ🍀🍂🍀🍂🍀🍂🍀 ـ🍂🍀🍂🍀🍂 ـ🍀🍂🍀 *ـ🍂رقـم الروايـة ②③②* *📚روايــة بعنوان 📚* *(( #اشباه_احباب 1🤦‍♀💔))* 📗#الـــــجزء_الاول 📗 *نوع الروايـ📚ـة:* قصه حب دراميه تتحدث عن فتاه قام عمها الطمعان بمال والدها ب اجراء عمليه تجميل تخفي ملامحها والتسلط ع ورث والدها وابعدها… 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👈👌 اشباه احباب البارت العاشر كان ساكت امام دموعها اللي تنزل ويحس دموعها بتتحجر في حلقه رد وجهه الجهه الثانيه وقال: لا تقلقي الدكتور قال لي افقد الامل مستحيل برجع اشوف رفعت حواجبها:صدق!! معتز: ايوه للاسف لهذا ي دكتوره بسمه تقبل تتزوجي واحد اعمي. ؟ ابتسمت بهدوء معتز يشوفها بطرف عينه: هاه ايش قلتي؟ بسمه بتوتر: بس ي معتز يعني انا ما اعرفش عنك حاجات كثير ما اعرفش اهلك اقصد يعني** قاطعها: بكره بدي زوجه اخي واجلسي معها وشوفيها كانت مبتسمه وهي تشوف له وهو كانه بيشوف الجهه الثانيه ورجع قال لها : بحاول امشي ع الجهاز شوي لما يجي مهند بسمه تحاول تساعده وبهذه الاثناء لاحظ معتز حاجات كثير كانت تعملها بسمه بدون ما يعرف لما قرب يده ع الطاوله ياخذ الماء قربت له هي الماء بدون ما يشعر ولما حاول يوقف قربت العكاز وكانه عارف مكانه لما وقف ع العكاز وبيحاول يمشي كانت تبعد كل شي من امام معتز وقف ع الجهاز وبسمه ابتعدت شوي تشوف بقيه المرضى اللي لسى دخلو وعيونها عليه ومعتز يكلم نفسه: كانت تفعل كل شي عشان ما احس اني عاجز ومحتاج لحد! !!! بدون ما كنت انتبه وانا افكر المكان كله ساحه فاضيه ولا بها عقبه ومن شده اهتمامها بي فكرت انه انا المريض الوحيد عندها! !! برغم من معاملتي السيئه معها في البدايه ! ! يالله الانسانه هذي لاي درجه قلبها ابيض! !! ........ اريام كانت بالمطبخ وهي قلقه ع امير له يومين بغرفته مانزلش صابر يكلم زوجته: امير مانزلش اليوم كمان؟ ام امير: طلعت له فطور وما اكله كمان صابر بقلق: ماقال ايش فيه؟ ام امير : لا صابر طلع دق غرفته واريام طلعت بعده اول مادق الغرفه كان امير يشوف صوره اريام ويبكي ماجرد ماسمع الباب دخلها تحت المخده وغطي وجهه ومسح دموعه ابوه دخل : امير؟ اريام قريب من الباب بدون ما ينتبهه لها صابر صابر جلس ع السرير بقلق: ابني؟ رده ببحه: ايوه صابر بعد البطانيه عن وجهه: يوووه مالك ي ولدي مال وجههك هكذا مرهق وعيونك محمره! ! ام امير طلعت شافت اريام وتجاهلتها ودخلت : ولدي انت بخير صابر: مالك ما تنزل ولا تاكل امير: تاعب شويه يبه صابر: هي قوم نسير العياده فين بيوجعك امير بتعب: انا مرهق بصعوبه احرك اطرافي ابو امير : هذا لانك ما تاكل ي ابني وقف بقلق:اسير ادي لك دكتور امير: مايحتاج صابر: لا بسير ادي لك خرج ولمح اريام ونظرات الكرهه متقطعه بينهم ومشي ام اميرشافت ل اريام: انزلي هاتي له شي عصير او شي يشربه يرد روحه شويه نزلت بسرعه ودخلت وام امير جوالها رن خرجت تجاوب وهو دخل يده تحت المخده وخرج صوره اريام وعيونه مليان دموع وذكرياتهم تترد في ذهنه وهي بتدخل العصير شافت وانصدمت وفي نفسها** ياربي الصوره هي السبب! !الله يسامحك ي ليلى* دخلت وهو ترك الصوره بسرعه مكنته العصير امير: ماشتيش! ! اريام: ليش امير:كل شي بيغص في حلقي ي اسيل ما اكل شي اريام: عشان الصوره! !!! شاف لها بسرعه ورجع ابتسم بخفيف: قلبي احسه. بيخرج من مكانه انا مشتاق لها احس بجنن من هذا الشوق الذي ما يطفى ليتنا ازيد المحها مره واحده واموت** قاطعته بسرعه: لا بعيد الشر لا تقل هكذا سكت ورجع التفت لها: وين ليلى؟ اريام: نايمه امير: وحشتني لي ثلاثه ايام ماعاد شفتها اريام: اذا صحيت بديها لعندك تمام واشرب العصير امانه لا تفعلش بنفسك كذا خلاص اريام ماتت من اربع سنين ارحم نفسك! ! تركت العصير وخرجت مقهوره * يالله انا امامك ي امير انا امامك مثل ما ذبحك الشوق لي ذبحني انا كمان! ! سامحني ي حبيبي سامحني * ............ انتهاء الدوام كان معتز جالس ع الكرسي منتظر مهند ويشوف الى بسمه بلمحات وهي بتساعد بقيه المرضى اطفال وكبار وودعتهم كلهم ومسكت ع ظهرها بتعب واضح مرهقه جدا وجاءت جلست قريب منه معتز قاطع الصمت بينهم:تعبتي؟ مهند بيتاخر قاطعته: لا ولا تعب ولاشي انا بكامل نشاطي لا تقل هكذا معتز ابتسم وفي نفسه: اذا هي بتنتظر كل يوم وتتااخر بعد الدوام عشاني برغم تعبها في شغلها ومع ذالك ما تظهرش ابدا وانما بتزيد تبتسم في وجههي! !! شوي ووصل مهند ومن بعيد بيشوف بسمه بتدي العكاز لمعتز وتمسك بذراعه توصله لعند مهند مهند اخذ معتز وخرج دخل السياره وهو ساكته بدا يسوق معتز: من بكره بكون اسوق انا خلاص لا عاد تتعب نفسك مهند: متاكد بتعرف تتحكم بها ارجلك بتقدر تحركها معتز: ايوه متاكد انا احسن بكثير بس مشكلتي شوي لما ارفع ارجلي لا تقلق مهند بتردد: شكلك ما قلت لدكتوره انك رجعت تشوف !!!! معتز: لا ماقلت لها مهند بتعجب: وليش! !! معتز: وليش ارد عليك واقول لك السبب وانت ماكنت ترد ع اتصالتها؟ ليش يامهند وسالتك اذا اتصلت وقلت لا