الفصل الثالث عشر
أم عمر: يا عمررررررر يا جمااااااال تعالوا بسرعة
عمر: في ايه يا ما صمت من هول الصدمة
مين اللي عمل فيها كدة
أم عمر: أنا اللي مفروض أسأل السؤال ده
عمر: طب فوقيها ونعرف مين اللي عمل كده
أم عمر: سهى سهى يا حبيبتي فوقي سهى
سهى: في إيه إيه اللي حصل ولفت على عمر وصرخت ابعدوه عني خرجوه برة عااااااع (طبعاً كل ده تمثيل بس طلعت ممثلة بارعة)
أم عمر: مالك يا بنتي إيه اللي حصل
سهى بدموع تماسيح: أنا كنت قاعده وفجأة مرة واحدة لقيته دخل الاوضة وكان مش في وعيه وفضل يضرب فيا من غير سبب وقعد يقول كلام مفهمتش منه غير اسم واحدة اسمها رهف وبعد كدة محستش بحاجة
عمر بصدمة: أنا عملت كدة طب إزاي
جمال: أنت بتسأل ازاي أنت بتشرب يا عمر وعم الصمت والذهول والخبث في المكان
عمر: دي تاني مرة تضربني يا حج وعلشان مين علشان واحدة زي دي
وساب البيت مخنوق من كل حاجة حواليه نفسه يعرف ليه أبوه متعلق بسهى كدة لدرجة أنه بقى يعامله وحش راح لملجأه الوحيد النيل
في مكان تاني
هيام: ألو إيه يا حبيبتي وحشتيني كدة تنسي نفسك ومترنيش عليا
أسيل: ألو يا ماما لأ أبدا منستش أنتي على طول على بالي المهم أنتي عاملة ايه وبابا عامل إيه والاشرار اللي عندك عاملين ايه 😂
هيام: هههههههههههه الحمد لله بيسلموا عليكي صحيح نسيت اقولك مامت رهف هنا قاعدة معايا اهي
أسيل: بجد طب استني ادي الموبايل لرهف
نها: ألو يا روحي وحشتيني يا حبيبتي
رهف: وأنتي اكتر يا ماما
نها: مالك يا قلبي فيكي إيه
رهف: أبدا مفيش حاجة تعبانة شوية
نها: طب مخدتيش حاجة ليه
رهف: متخافيش أسيل بتديني
نها: المهم أنتي كويسة
رهف: أيوة يا ماما مالك حساكي زعلانة
نها: خايفة عليكي أصل حلمت حلم من كام يوم مش حابة افسره بس أنتي كنتي بتعيطي
رهف: لأ مفيش حاجة متشغليش بالك ده مجرد حلم بقولك يا ماما هقفل معاكي دلوقتي علشان أسيل هتاكلني أصل عزماها على الغدا النهاردة
أسيل: ذليني بقى
نها: هههههههههههه ربنا يخليكم لبعض طب يا حبيبتي خلي بالك من نفسك سلام
ننتقل إلى جهة اخرى
رهف: شوفتي ماما كانت حاسه
أسيل: خلاص انسي المهم هتغديني فين
رهف: بصي أنا شايفة مطعم هناك اهو تعالي نجرب
أسيل: بس ده شكله غالي
رهف: أنتي اللي هتدفعي ولا أنا
أسيل: لأ أنتي
رهف: خلاص ملكيش دعوة
ودخلوا للمطعم
رهف: لو سمحت
الوتر: اتفضلي حضرتك
أسيل: إيه ده أنت مصري
الوتر: أيوة أنا من اسكندرية
رهف: أهلا وسهلا طب يا أسيل حابة تاكلي ايه
على الجانب الآخر كان هناك من ينفجر من الغضب هي ليه بتضحك معاه
أسيل: أنا هاخد قطع كلامها حازم ممكن تلاتة ستيك مع شربة كريمة
أسيل بصدمة: أنت ورايا ورايا وبعدين أنت ليه تطلب لي
حازم: أولا ده القدر اللي رابطنا ببعض ثانيا أنا مطلبتش ليكي لوحدك طلبت ليكي ولرهف ورهف مش متضايقه صح يا رهف
رهف كاتمة ضحكتها: أيوة أنا مش متضايقه خالص
أسيل بصت لها بحدة ورهف عملت نفسها مشافتش حاجة علشان عارفة إن ده آخر يوم ليها هههههههههههه
حازم: صح يا رهف أنا كلمت أسيل علشان اقولك على رأيي في المشروع
رهف: عجبك
حازم: إلا عجبني ده تحفة وكمان ارباحه كتير بس هو محتاج فلوس كتير شوية علشان يبدأ يتنفذ
رهف: أيوة عارفة أنه هيحتاج رأس مال كبير بس إن شاء الله هلاقي حل
حازم: واللي يدلك على حل
رهف: إيه هو
حازم: بصراحة المشروع دخل دماغي وقررت إني اشاركك فيه إيه رأيك
رهف: هي بصراحة فرصة ما تتعوضش بس أنا ليا طلب
حازم: اتفضلي
رهف: كنت حابه أشتغل عندك في الشركة وبعد كدة هانفرد بشغلي ساعتها عايز تشاركني مفيش مشكلة بس يبقى برأس مالي
حازم: وأنا معاكي في أي حاجة
واعتبري نفسك من بكرة معايا في الشركة اللي هنا وأول ما ننزل مصر هاخدك معايا
رهف: وأنا موافقة
أسيل: احم احم الأكل
رهف: إيه ده هو جه امتى
اسيل مردتش وبدأت تاكل في هدوء
حازم كان متابع كل حركاتها طريقتها في الاكل تهبل وشكلها وهي مقهوره بيضحك
حازم: أنتي كنتي بتاخدي دروس في الاتيكيت
رهف: هههههههههههه لأ بس هي وقت ما تحب تكون راقية بتاكل بهدوء وبالشوكة والسكينة لكن بقى وقت ما تكون ميتة من الجوع بتتحول لوحش لدرجة ممكن تاكلك فمانصحكش تشوف الوجه ده علشان هتهرب هههههههههههه
حازم: هههههههههههه هههههههههههه للدرجة دي
أسيل: هاهاهاهاها مش بتضحك رهف قربي عايزة اقولك حاجة
رهف قربت: نعم
أسيل: مش أنتي كان نفسك تاكلي شاورما أنا هعملك سيخ شاورما واقطع منك كل ما احس اني جعانة 😈
رهف بلعت ريقها الجاف: عن اذنكم اروح أعمل حاجة وجاية
أسيل: اتفضلي 😈
وجريت على الحمام هههههه
حازم: هي رهف مالها أنتي قولت لها إيه
أسيل: أبدا مفيش كنت بقول لها الحجاب عايز يتعدل
حازم بشك: ماشي المهم استغل غيابها واقولك على حاجة فاكرة الموضوع اللي كلمتيني فيه بخصوص رهف اللي اتجوز يبقى عمر صاحبي وده أقرب حد ليا وهو اتجوز مجبور هو مش بيحب سهى وعمره ما حب حد قد رهف وهو قالي أحاول افهم رهف وأنا قولت أكلمك أنتي وتقولي لي أعمل إيه
أسيل: ايييييييييه
ياترى أسيل هتفهم رهف الموضوع إزاي وهل هتقولها فعلاً ولا لأ وايه اللي هيحصل مع نور ويا ترى حازم هيتصرف ازاي كل ده هنعرفه الفصل اللي جاي سلاموووووووونله🖐🏻🤣