الفصل الثاني عشر
الحاجة زينب بمرح: يلا يا حبيبي
وبعد الفطار
فارس: أنا قولت قبل كدة طبخ زوزو محدش يعلى عليه مصدقونيش
الحاجة زينب: بالهنا والشفا يا حبيبي يلا قوم خد شاور علشان تلحق الميعاد بتاعك
فارس: حاضر يا قمر
وبعد انتهاء فارس من الاستحمام وارتداء ملابسه الخاصة بموعد اليوم وقف أمام المرآة
فارس اعرفكم بنفسي أنا فارس الخيَّال مصمم ازياء مشهور عندي معرض للوحات ومعرضين الازياء واحد خاص بالرجال والتاني خاص بالسيدات نيجي لملامحي ولا اقولكم ابدأ بشخصيتي أنا من الشخصيات اللي بيظهر عليها الطبع الحاد لكن وقت المرح بتكون زي الاطفال والشخصية دي هي اللي بتجذب البنات نيجي لملامحي علشان هتموتوا وتعرفوا شكلي أنا من أصحاب البشرة البرونزية وطولي متوسط وشعري ناعم وطويل ووسيم جدااااااا لدرجة تخليكم يغمى عليكم من مجرد ابتسامتي
فارس: إيه الحلاوة دى 😉
مش قولتلكم هيغمى عليكم 😂
واضح فعلاً أنه مغرور ووسيم😂😂
ننتقل الى رهف واسيل يلا بيناااا😂
أسيل: ياااه الواحد كان وحشه أيام التعب والمرمطة
رهف: آه والله عندك حق وادينا بقالنا أسبوع بنروح الجامعة والحمد لله مرتاحين صح فكرتيني هو حازم لسة مردش عليكي على المشروع
أسيل: لأ رن عليا استني ده أنتي اللي فكرتيني مين سمح لك تديلوا رقم تليفوني واديتيه الرقم إزاي
رهف بهرب: أنتي عرفتي
أسيل: آه عرفت تقدري تفسريلي
رهف: مش أنا أخدت الموبايل منه وكتبت الرقم
أسيل: أيوة كنت بتكتبي رقمك
رهف ببراءة: ما أنا مكنتش باكتب رقمي كنت باكتب رقمك انتي
أسيل بشراسة: قولتي لي تمام عقابا ليكي وبما إن أنا جعانة حضرتك هتعزميني على حسابك بعد ما نخلص محاضرات
رهف: تمام طالما مفيش ألم جسدي موافقة أول مرة تبقي طيبة
أسيل: قصدك إيه 😑
رهف: ولا حاجة قصدي أنك او مرة تكوني طيبة وحلوة كدة
أسيل: أنتي اللي حلوة يا قمر أنتي
رهف: بس علشان بتكثف🤭
أسيل: فاكرة قصيدتنا المفضلة اللي كنا بنصالح بعض بيها
رهف: يااااه كانت أيام جميلة
أسيل: وفاكرة قولت لك إيه لما طلعت اغنية عمرو دياب
رهف: ساعتها ما بقتش عارفة اتكلم من كتر الفرحة
أسيل: ولحد دلوقتي هقولك حاجتين مش هزهق منهم أبداً
رهف: إيه هما☺️
أسيل: هي التي علمتني كيف أعشقها علشان فعلاً أنتي عرفتي إزاي تخليني احبك اكتر من روحي وكانك توأمي اللي كنت بتمناها ومازالت بحمد ربنا عليها يا أجمل هدية
وتاني حاجة أنتي فعلاً اللي قال عنها عمرو دياب خطفوني عينيك. لأنك من أول نظرة في عيونك بينت لي إنك غير وأنك طيبة وإني أحبك حب محدش حبه لحد قبل كدة
رهف: أنا بجد مش عارفه كنت هلاقي صاحبة وأخت زيك فين أنا اللي مفروض اشكر ربنا أنه رزقني باخت أحبها بالشكل ده أخت مع كل موقف بيعدي بيزيد محبتي ليها اكتر واكتر أنا بجد بحبك أوي لدرجة أنك لو فتحتي قلبي هتلاقي نفسك قاعدة ومربعة
أسيل: وأنا بموت فيكي يا اجمل نانة في الدنيا 🫂♥️
ننتقل إلى عمر
عمر: أيوة جاي حاضر يا اللي بتخبط
أبو عمر: ايه يا بني بقالنا ساعة بنخبط
عمر: ازيك يا بابا معلش كنت نايم شوية تعالى اتفضل
أم عمر: اومال فين سهى
عمر بدون نفس: جوة في الاوضة
أم عمر: اما أدخل أشوفها يمكن مكسوفة تتطلع
عمر: ماشي
وبعد لحظات جاء صوت أم عمر بتنادي بصوت عالي وفيه نبرة خوف
ياترى إيه اللي حصل في اوضة سهى خلى أم عمر تنادي بالشكل ده ويا ترى حازم عمل إيه في موضوع عمر وايه اللي مخطط له علي تاني هنعرف كل ده في الفصل اللي جاي باي بايااااات يا كتاكيت ☺️