الفصل الحادي عشر
سهى: ألو إيه يا حبيبي كل ده علشان ترد
علي: أبدا يا حياتي عملتي ايه كله ماشي تمام
سهى: أيوة يا حبيبي كله ماشي زي ما خططنا بس تعرف أنت وحشتني أوي مقولتليش هنتقابل امتى
علي: وأنتي كمان وحشتيني قريب إن شاء الله هنتقابل بس خلينا على تواصل واوعي تخليه يمسك تليفونك
سهى: حاضر باي يا روحي
علي: باي يا قلبي
ننتقل إلى علي ونتعرف عليه
علي بدون نفس: باي يا قلبي
وقفل الخط
غوري ده أنتي وحدة ملزقة بس هتساعديني كتير 😈
عارف أنكم عايزين تعرفوا مين أنا أحب اعرفكم بنفسي أنا كمال سليم طبعاً بتقولوا اومال مين علي ده أنا هقولكم علي يبقى اسم الشهرة بتاعي ما أنا كنت ضابط شرطة بس سابق وده اللي أنا جاي انتقم منه النهاردة أنا أبقى ابن خال عمر وكنت بحب عمر لحد ما بدأ أهلي يقارنوني بيه ومن ساعتها بدأ الكره يتكون جوايا ناحية عمر وخصوصاً بعد اللي حصل آخر مرة بس اللي حابب تعرفوه إن الحكاية لسة مطولة معانا شوية مش عايزكم تزهقوا علشان اللي جاي احلى 😈
عمر: بس يا سيدي هو ده اللي حصل
حازم: يعني أنت عايز تفهمني أنك مكنتش إن صور الفرح نزلت على الفيس
عمر: أيوة اكتشفت بالصدفة المشكلة إن البنت اللي حكيت لك عنها كانت زميلة سهى وخايف تكون شافت الصور
حازم: طب البنت دي اسمها ايه أصل الحكاية دي بتفكرني بحاجة قالتها لي أسيل من شوية
عمر: أسيل مين
حازم: دي اللي قولت لك عليها قابلتها هنا وقت الحفلة ده موضوع أبقى اقولك عليه بعدين
عمر على أعصابه: حازم مش وقت رغي اسمها أسيل إيه
حازم: خلاص يا عم متتعصبش اسمها أسيل هاني عمر السويسي استريحت
عمر كأن شخص أصابه بصاعق كهربائي: أنت قولت مين طب هي ليها صاحبه اسمها رهف
حازم: أيوة ليه أوعى يكون اللي في بالي
عمر: هو اللي في بالك يا صاحبي
حازم: حرام عليك ده أسيل بتقولي أنها منهارة واتغيرت عن الأول
عمر بانفعال: أعمل إيه ما أنت عارف إني كنت مجبور على الجوازة دي أنا لازم اكلمها
حازم: لأ بلاش تكلمها دلوقتي خليها لما تهدى وأنا هحاول افهم أسيل
وبعد كثير من التوصيات اغلق حازم الخط وظل يفكر فيما حدث اليوم
ننتقل إلى مصر أم الدنيا في بيت برغم أنه كبير إلا إنه متواضع في شكله واثاثه
سيدة يبدو عليها علامات كبر السن وتتميز ببشاشة وجهها
الحاجة زينب: واد يا فارس أنت يا واد يلا قوم هتتأخر على المعرض بتاعك يلا قوم
فارس: صباح الخير يا أحلى زوزو في الدنيا
الحاجة زينب: اتلم يا واد ده أنا ستك إيه زوزو دي هو أنا بلعب معاك في الشارع
فارس: حاضر يا زوزو قوليلي حضرتي لي الفطار
الحاجة زينب بنفاذ صبر فهذا حفيدها الوحيد والمدلل: جهزت لك الحمام والفطار جاهز شوف عايز تبدأ بمين فيهم
فارس: طبعاً الفطار هو أنا قد طبخ زوزو العسل يلا بينا
الحاجة زينب بمرح: يلا يا حبيبي
يا ترى إيه اللي حصل بين عمر وعلي اللي فرقهم عن بعض ومين فارس اللي ظهر معانا النهاردة ويا ترى حازم هيتصرف إزاي علشان يساعد صاحب عمره كل ده هنعرفه الفصل اللي جاي باي بايااااات يا كتاكيت ☺️