أنا سندريلا - الفصل 15 - بقلم كبرياء فلسطينيه - مكتملة | روايتك

كان يطلع بالساعة بعصبية مروان بعقله :وينها هاي الساعة 10 ولسا ما اجت ولا بترد على جوالها فكر يرن ع ابوها بس ما حب يقلقه قطع افكاره صوت خبط الباب بقوة قام مروان وشافها داخلة مروان :وين كنتي طنشته وطلعت ع غرفتها اخدت دوش وبدلت اواعيها وكانت بدها تحط راسها وتنام شافته ع باب الغرفة مروان بصبر :وين كنتي سارة :بالشغل يعني وين راح اكون مروان :اي شغل هاد يلي بترجعي من الساعة 10 بالليل سارة :شغلي مالك دخل فيه مروان :انا بدخل بحياتك كلها يا سارة فاهمة سارة رفعت حاجب :لتكون مصدق اني زوجتك انت راح تطلقني بس لتتزوج يارا مروان :ومين راح يجبرني سارة بقوة :انا بجبرك مروان بسخرية :لا والله سارة تحط حالها تحت الحرام :اطلع وسكر الباب وراك غطت وجهها سمعت صوت الباب يتسكر استغربت انو ما ناقشها لكن فهمت لما سمعت صوته :تنامي لحالك سارة ما ردت عليه وطنشته رفع الحرام عنها وتامل عينيها رموشها كل شي بعجبه فيها ما تندم انو تزوجها ولا راح يتندم راح يغيرها ويرجعها سارة المدلعة صحي من افكاره وهي تخبطه ع صدره :عمى ان شاء الله اعطيني الحرام الك ساعة سرحان مروان :وكيف ما بدي اسرح بهالوجه ارتبكت سارة لكن قالت بقوة :اعطيني الحرام مروان :ليش ؟؟ قامت سارة وهي تقول :الحق عليا يلي قاعدة عندك طلعت من الغرفة عرفت انو لحقها شافت في طريقها زهرة زهرة :اساعدك بشي سارة :لو تنقلعي بكون احسن مروان بعصبية :سارة سحبها وخبطها في الحيط وقف قدامها كان ناوي يبهدلها عشان قلة احترامها مع الجميع حتى لو زهرة خدامة لكن بضل عندها احساسها لكن لما شاف الخوف بعيون سارة يلي خافت بجد من صوته ومن خبطته الها نسي كل يلي بده يقوله سرح بعيونها يلي فيهم دموع بتحاول ما تنزلهم مروان بعقله :اهه من زمان ما شفتها خايفة بحبها بكل حالتها عصبيتها وجنونها وخوفها ودلعها يلي كان زمان ذابحني سارة تحاول تتصنع القوة :مروان ا..ابعد عني لكن طنشها قرب منها وهو يشوف نظرة الخوف تزيد في عيونها مروان بهمس :بحبك وانتي خايفة باس خدها ورقبتها اما هي غمضت عيونها وهي مستسلمة الو تماما بعد عنها لما سمع زهرة تكح كانها تدلهم ع وجودها مروان بخجل :ما انتبهنا الك .زهرة :في شي بقدر اعمله الكم مروان :لا تسلمي تقدري تروحي طلعت بعد ما رمت سارة بنظرة قوية سارة انتبهت لنظرتها وراحت عندها :هي شو سر هالنظرات شو عاملة الك انا مروان :سارة ؟؟؟ سارة :انت اسكت وانتي ليكون عندك مانع اني اصرخ عليكي انتي مجرد خدامة مروان يصرخ :سارة ؟؟؟ شو هالحكي سارة مطنشة ومكملة كلامها :لا تفكريني ميتة عليه ان شاء الله بعد ما اطلق انا نفسي اجي اخطبك الو زهرة تطلع فيها ببرود :استاذ مروان عن اذنك كانت راح تطلع لكن مسكتها سارة :هي بحكي معك انا مروان :روحي يا زهرة ومسك سارة ودخلها ع الغرفة مروان :شو مالك ع البنت انتي سارة : مالي شي بس لا اوصيك اول ما تطلقني روح تزوجها ابتسم ع غيرتها وقرب منها :وليش لما تطلقي الشرع محلل اربعة شهقت وتملت عيونها بالدموع وهي تقول :ليش ناوي تكسرني وتاكد كلام الناس عليا شو راح يحكو زوجها تزوج عليها بعد اسبوع اكيد فيها شي ونرجع للقصة تانية انصدم مروان ما كان قصده هيك ولا بفكر بزهرة ولا بغيرها بس كان حابب يشوف غيرتها مروان يقرب منها :سارة انا .... سارة :انت حقير روح تزوج ما بهمني مروان ما تحمل يشوفها بالوضع يلي هي فيه قرب منها وضمها بقوة ما عرف قديش ضلت بين ايديه وكل مرة يزيد شده الها كانه خايف تروح من بين ايديه ما انتبه الا لما همست سارة :مروان بتوجعني حملها وحطها ع السرير ورجعها لحضنه اما سارة كانت في اسوا حالتها النفسية لدرجة انها ما انتبهت انها نامت في حضنه **************************************** ************************************** تاني يوم كانت منة معصبة كتير كل يوم بيطلع لحمزة شغل وهي متوترة من شوفة اهلها يارا :اهدي منة منة :بدي اخلص من هالموضوع تعبت منه وهو كل يوم والتاني مشغول يارا :بس لا تنسي انو هادا شغله والاهم هاي ارواح ناس يعني لو كان بشركة ممكن نحكي انو ياجل مواعيده لكن كيف بده يجي لعندك وهو عنده حالة خطيرة منة :انا رايحة لعنده يارا بصدمة :ع المستشفى منة :اها وطلعت بسرعة وراحت عنده سالت عن مكتبه وقعدت تستناه ضلت تقريبا ساعة زهقت وكل ما تسال يحكولها بالعمليات كانت بدها تطلع لكن فتح الباب ودخل شافت الصدمة بعيونه حمزة :اهلين تفضلي منة :كيفك حمزة :منيح بشوفتك وانتي منة بخجل :تمام حمزة :بس ما اكون تاخرت عليكي حبيبتي زاد احراجها من كلمة حبيبتي حكت بهدوء :لا مو مهم حمزة :شو فيه منة :متى راح اروح عند اهلي حمزة باحراج :منة بعرف انك متشوقة تشوفي اهلك بس انتي ما تفكريها هيك شي عادي لا ممكن يقبلوكي وممكن لا وبعدين بدك تحكيلهم كل شي وانا بدي احكي كيف عرفتك وانا محتاج اكون فاضي لكل هادا منة بطفولة وتضرب رجلها بالارض :يعني متى عض ع شفته وهو يقول :شو رايك اتزوجك واصير انا كل اهلك لفت وجهها بخجل مسك شعرها يلي كانت ربطاه بترتيب منة :حمزة حمزة :قلبه وعيونه انتي منة :خلص عاد بلاش يفوت حدا حمزة قام ورجع مكانه :عارفة شو رايك تعمليها مفاجاة الهم منة :كيف ؟؟؟ حمزة :عرس اختك واخوكي بعد يومين شو رايك تروحي منة :بعد يومين عرس اخي ما بقدر حمزة بضحكة :خلص بعد عرس اخوكي بتروحي تشوفيهم منة :اوكي وطلعت كان نفسه يشوف شكلها يوم ما تعرف انو امجد متزوج سمر حمزة :ازا راح تكون مفاجاة الك كمان يا منة تذكر حديث بينه وبين سامي سامي :مو ملاحظ انك بتتحكم بالكل عارف كل شي عن الكل وبادق التفاصيل حمزة : لاني ميت بالنسبة للكل سامي :حتى منة ؟؟؟ حمزة :هي الشي الحقيقي بالنسبة الي صحي من افكاره ع دق الباب وساب كل افكاره بدخول مريضه ****************************************** صفاء :شو صار بالموضوع يلي خبرتك فيه ......: ولا يهمك بعد يومين تكون عندك صفاء :حلو نشوف يا استاذ لؤي شو راح تعمل ************************************************* كانت ماشية مع صحبيتها لميس :وليش يعني عاملين الحفلة بالمكان هاد يا صبايا لمار :عادي وشو فيها هون ولا باي مكان فتحت الباب لميس :شو هاد لمار :شو حفلة لميس :لا لا مو نظامي هالحفلات شباب وسكرانين كمان لا بدي اروح لمار :وين تروحي تعالي بس لميس :لمار انقلعي وبعد اليوم ما بدي اشوف وجهك دخلت لمار وطنشتها وراحت عند يزيد يلي تظاهر بحبها بعد ما عرف انها غنية كانت مرعوبة كتير كانت طالعة لكن استوقفتها ايد مسكتها سالم وهو سكران :وين يا حلوة لميس :بعد عني بعد سالم ومش داري عن شي :مروة ليش تتزوجي هداك الغبي لميس تبكي :انا مو مروة ابعد عني الله يخليك والله اهلي بقتلوني انت ما بتعرف كيف عقلهم سالم :ازا انتي مش مروة بتكوني اية وابتسم بخبث وهو يقول :وانا كنت مستنيكي وسحبها معه ع وحدة من الغرف صرخت بقوة :ابعد عني بنفس الوقت يلي دخلت فيه الشرطة ع المكان وبدات تجمع فيهم كان واقف ومستحقر كل يلي قدامه وصلته صرختها راح يركض يشوف قبل ما يفتح الباب سمعها :الله يخليك ابعد والله اهلي بدبحوني فتح الباب وشاف سالم متهجم عليه بسام :يا حقير لميس بعقلها :لا لا يا رب شو اساوي هلقيت ما بقتنع انو لمار هي يلي جابتني بدون علمي اما سالم طنش بسام ورجع الها صرخت بقوة وركضت تتخبا عنده وهي تقول :احبسني اقتلني بس لا تخليه يقرب عليا حس انو هاي البنت جاية للمكان غصب عنها مسك سالم وسحبه لسيارة الشرطة اما هي ضلت ماسكة فيه بسام :ممكن تتركيني عشان اعرف اشوف شغلي هزت راسها وهي تقول :اسفة تركته ووقفت وهي مرعوبة اجاها شرطي :وانتي شو واقفة تستني يلا مسكها بقوة اما هي صرخت بالم بسام :اتركها راح وسحبها من بين ايده الشرطي استغرب بس ما علق لانه ما بده يوقع حاله مع الضابط المسؤول عنه يلي معروف بعصبيته الزايدة بسام بعد ما راح الشرطي بسام:شو جايبك لهون مبين عليكي بنت ناس حكت لميس لكن ما فهم شي من بكاها بسام بعصبية :ممكن تحكي بدون بكي قوست تمها كانها طفل صغير بده يعيط ابتسم ع حركتها وهو يقول :اسف اني صرخت بس ما فهمت شي وعندي شغل لميس :خلص شكرا الك بقدر ادبر حالي هلقيت كانت بدها تطلع لكن مسك ايدها ولفها عليه بسام :لا تفكري مهتم كتير هادا شغلي وان ما حكيتي بحطك معهم وما بهمني شي لميس :............لا رد بسام :راح تحكي او شو لميس ساكتة بسام :براحتك لميس :بدي... بسام :شو بدك تحكي لميس هزت راسها نفي :بدي عصير كان نفسه ينفجر ضحك ع شكلها وهي تطلب بخجل بسام :اوكي وطلب عصير مانجا لميس :ما بحبه بدي برتقال بسام :ماشي بعد شوي اجا العصير مسكته بايد خايفة بسام :اهدي ولا تخافي شربت شوية من العصير وحطته لميس :البنات عزموني ع حفلة حكتلهم ما بدي اروح عشان المكان بعيد بس هما اقنعوني حكولي انو كلهم بنات الجامعة وما في حدا ما حبيت احرجهم لانهم كل مرة بطلبو مني اروح وانا برفض ورحت انصدمت يوم ما شفت الحفلة كنت بدي اطلع لكن مسكني هداك الشاب وبعدها جيت انت هز راسه بتفهم بسام :راح ابعت لاهلك يجو ياخدوكي انقلبت ملامحها تماما :لا الله يخليك الا اهلي لا والله لو عرفوا بقتلوني والله بسام :يا بنت اهدي ها كيف بدك تطلعي لميس :طلعني وانا بتصرف بسام :لازم واحد من قرايبينك يجي ليش خايفة لميس تبكي :والله بقتلوني بسام :من غير بكا وفهميني رجعت شربت شوية من العصير بسام ليهديها شوية : شكله العصير بريح اعصابك لميس :كل ما اكون متوترة بشربه بسام :طيب شو مال اهلك لميس :ما بعرف كيف افهمك بسام :صحابي بحكو عني ذكي احكي ولا تخافي لميس :فيك تحكي مش متحضرين لسا ع عاداتهم القديمة بالعافية رضيو ادرس جامعة فما بالك لو عرفو انو بنتهم كانت بحفلة فيها شباب سكرانين والله بدبحوني بدون ما يسمعوني حزن عليها بسام :بس ما بقدر اطلعك الا يجي واحد من عيلتك لميس :خلص انسا كل شي حكيتو اعتبرني من يلي كانو سكرانين خليني محبوسة بسام :اهدي شوية يا .... شو اسمك انت لميس :اسمي لميس بسام :طيب يا لميس انا راح احكي مع اهلك وافهمهم كل شي لميس :الله يخليك لا بسام :اهدي خلص سحب حاله وطلع بعد ما اخد تلفون بيتها ******************************************** لؤي :ندى ندى :خير اية :مالك مو طايقة حدا ندى تطقطق اصابيعها :لا عادي ما في شي وطلعت لؤي :مالها هاي ام لؤي :ما فيها شي بس متوترة لانو عرسها قرب لؤي يهمس لاية :يعني هيك كان وضعك قبل ما تتزوجيني انقلب وجهها وضحكت يوم ما تذكرت كيف كانت دابحه حالها بكي لؤي : ياهووو سرحت ونسيتني اية :لا معك لؤي :تعالي نروح عند ندى ونطلعها اية :اوكي طلعت عند ندى يلي متوترة ع الاخر اية :ندى لؤي بده يطلعنا يلا البسي ندى بهدوء :ماشي طلعت اية وراحت تلبس اية :تصدق خايفة ع ندى لؤي :ليش ؟؟؟ اية :متوترة كتيييير لؤي :هلقيت تشوفيها بس تطلع انتبه انها قاعدة تلبس وليد لؤي :اية ما راح تاخديه معنا اية :حبيبي ليش والله بنتسلى فيه لؤي :اية مو ملاحظة انك صرتي كتير تهتمي فيه اية :لؤي مو ملاحظ انك تغار منه لؤي بهمس :طبعا بغار اية :لؤي ابعد عشان اعرف البسه لؤي :وازا ما راح ابعد قاطعهم صوت الباب يندق ندى :لؤي اية خلصونا اية :سبحان الله ما كانها قبل شوية مو طايقة حدا جاية وتنكت كمان لؤي :اختي واعرفها كملت اية تلبيس وليد واخدته وطلعت ************************************************** ******* سمعت صراخ ابوها انكمشت بسرعة وهي تدعي ربنا ينجيها دخل عليها بقوة :الله لا يعطيكي عافية فضحتينتا يلي متلك الموت عليها قليل مسكه بسام :يا عم اهدا البنت ما كانت عارفة وما صار فيها شي لا فضيحة ولا شي ابو لميس :انت مالك دخل خليني اطلعها من هون وبعرف اتصرف معها بسام :يا عمي ابو لميس بصراخ :خلصنا عاد قومي قومي مسك لميس بقوة وهي تصرخ وطلعها معه قعد بسام وهو متدايق كتير من يلي صار قدامه بس ما بقدر يعمل شي هي مع ابوها ********************************************** كانو يتمشوا اية :لؤي شو رايك ... قاطعتها رغد وهي تقول :شو استاز لؤي شايفاك تقبلت انك ابو ابني لؤي يقهرها :طبعا مو انا يلي بتخلى عن ابني رغد :وانتي كيف قبلانة تعيشي مع واحد زيه اية : مالك دخل رغد :يعني عادي يكون الو ابن من وحدة غيرك وبالحرام كمان اية :وانتي مالك وليد ماله ذنب وراح اربيه متل ابني رغد وانقلب وجهها :شو انتي ما بتفهمي ليش ما تروحي عند ابوكي وتتركي لؤي وانا يلي لعبت هاي اللعبة ع لؤي هادا مو ابنه بس انا كنت بدي اياكم تفترقوا ندى وهي تشمر كمامها بدها تضربها :يا حقيرة تعالي هون مسكها لؤي وهو يقول :وين ابو الشباب ليش ما بعرف ادافع عن حالي رغد :دافع ع حالك مع غيري صفاء ... يلي طلبت مني اعمل هيك لؤي وبدا يعصب :انا هاي البنت لازم اتصرف معها رغد :ع العموم انا ما بدي اياه لهالولد اشبعو فيه وتركتهم ومشت ندى :حقيرة اية :بس لا تغلطي لؤي :يلا بكفي خلونا نرجع ع البيت مشو بدون نقاش لانه فعلا كان معصب وصلو البيت وطلعت ندى ع غرفتها طلع لؤي ولحقته اية بعد ما نقلت وليد عند ام لؤي دخلت شافته منزل راسه راحت عنده مدت ايديها لتدلك كتفه ورقبته بعدها لؤي :اية ما بعرف ليش كل شي ضدنا بخاف بيوم تصدقي شي وتتركيني قعدت بحضنه وهي تقول :لؤي ما راح اصدق اي شي عنك بس انت اترك هالشي يلي دايما مخوفك ياعمي بحبك كيف اتركك وروحي معك ابتسم الها قرب منها لكن هربت منه وهي تضحك مسكها وحطها ع الحيطة لؤي :ع وين اية : لؤي خلص حبيبي لؤي قرب منها وهو يقول : ما بعرف ليش بحبك لهدرجة خجلت اية من كلمته لؤي :بحب خجلت يدوبني والله اية :بس يا لؤي سحبها لؤي وهو يقول : بحبك **************************************** تاني يوم صحيت من النوم وهي مقهورة منه حاولت تقوم بس ما قدرت صحي عليها وهي تحاول تقوم من بين ايده مروان :صباح الخير سارة :ابعد عني مروان بعناد :صباح الخير سارة :مراون سيبني مروان :يا قلب مروان انتي اتركي هالعناد يلي راح يضيعك وعيشي حياتك معي سارة :مروان ابعد عني عندي شغل مروان :وانا كمان عندي شغل بس بحاول افضى الك سارة :شكرا عندك زهرة ابتسم لما حسا لهجة القهر والغيرة مروان :زهرة بتشتغل عندي لانو ابوها وصاني عليها قبل ما يتوفى سارة بسخرية :يا قلبك الحنون مروان :طبعا شو مالك انتي سارة:وليش ما حن قلبك عليا قبل ست سنين مروان :انسي يا سارة وخلينا نعيش سارة :ما بدي اعيش معك مروان فلتها وهو يقول :روحي ع شغلك سارة قامت بسرعة ولبست اواعيها شافته لسا ع السرير حست حالها قست عليه بعدين نفت هالافكار وهي تقول بعقلها (بستاهل ) قام بعدها لبس اوعيه ونزل يفطر دخل المطبخ طلعت سارة وكان واضح انها مستعجلة خبطته وانكبت عليه كاسة القهوة اتالم من سخونتها سارة برعب :صارلك شي اسفة ما كنت اقصد لولا انفعالها لقال مروان انو كبت القهوة متعمد لكن حب يلعب عليها شوية مروان :اه بتحرق سارة شوية وتبكي :شو اعمل اخدك ع المستشفى مروان :لو تضلك ع هالحال والله بنعيش احسن عيشة كشرت اول ما فهمت قصده :عمى ان شاء الله بتستهبل وضيعت قهوتي ع الفاضي زهرة :استاز مروان صباح الخير سارة ترفع حاجب كانها مقهورة منها زهرة طنشتها وقالت :تفضل قهوتك كنت راح اطلعها الك سحبت سارة القهوة وهي تقول :اعملي وحدة تانية الو انا بدي اطلع طلعت ورجعت طلت براسها وهي تقلد بزهرة :وطلعيها الو ع غرفته ...وكلمت بس لا تتهوري ع فكرة لايقين كتير ع بعض من مستوا بعض خدامة وسحبت حالها وطلعت مروان كان نفسه يضحك ع شكلها وهي غيرانة مروان :اسف زهرة زهرة :مو مهم ما راح اتركها الا بس تحكي انها بتحبك مروان:معلش اتحمليها زهرة :ما عليك بعدين لو كنت مكانها وشفت وحدة تتغزل بزوجي اكيد بعمل متلها واشد مروان :هههههههههههههه يا خوفي تموتي من وراها زهرة :حرام عليك مو لهدرجة مروان :يلا عن اذنك فتح الباب طالع طلعت سارة بوجهه مروان بعقله : معقول سمعت شي يارب لا مراون :شو مالك ما طلعتي سارة بقهر :وانت مالك طلعت بسرعة تاخد جوالها يلي كانت ناسياه لحقها مروان مروان :سارة مالك رجعتي سارة :اوووف وبعدين معك انت مروان :احترميني شوية ممكن سارة تقهره :لا مش ممكن قرب مروان منها وهو يقول :سارة ارحميني وارحمي حالك سارة :ما حدا حكالك تزوجني مروان :فعلا يمكن لو اخدت يارا كا.... سكته كف قوي منها :لا تحلم بيارا فاهم ما بخليك تقرب منها اما مروان حاول يتملك اعصابه بس ما قدر قرب منها وهو ناوي يعاقبها بجد ع يلي عملته مسك ايدها بقوة وخبطها كف اقوى من يلي اعطته اياه بعدها خبطها بالحيط كان ناوي يكمل عليها لكن صرخة الم منها خلته يصحى ويرجع لوعيه سارة بالم :آآآآه ظهري مروان بخوف :سارة انتي منيحة سارة:انقلع عن وجهي ما بدي اشوفك مروان :سارة طمنيني سارة :انقلع بس وسحبت جوالها وطلعت بسرعة لحقها ومسكها مروان :ما في شغل اليوم تعالي سارة :لا بجد احلف بس مروان :سارة خلصينا اطلعي ع غرفتك فكت ايدها منه وكملت طريقها وما عبرته مروان حس حاله مقهور منها بس بعدين راح ع شغله وهو يهدي بحاله ************************************************** ******** كانت مستعجلة كتير ومتاخرة ع محاظراتها يارا :بابا عن اذنك انا طالعة ابو محمد :يارا استني بابا يارا :خير بابا شو فيه ابو محمد :اقعدي يا بنتي قعدت يارا وهو تقول :خير بابا شو فيه ابو محمد :يا بنتي مبارح في واحد طلب ايديك الشاب محترم كتير وانا عني موافق فكري منيح يارا:ان شاء الله بس مين ابو محمد :سامي ..... انصدمت بجد وطلعت وصلت جامعتها وهي سرحانة منة :وين رايحة متاخرة ما راح يقبل يفوتنا يارا :شو منة :شو مالك ؟؟؟ يارا بابتسامة :انخطبت منة :بجد مبروك بس مو حكتيلي مبارح انك معجبة بسامي يارا :هو يلي خطبني منة :بتمزحي يارا :لا انا نفسي مو مصدقة منة :مبروك حبيبتي مبروك يارا :راح اتصل ع سارة اخبرها منة :ليش ما تروحي عندها يارا :معك حق بس فكرك بتكون ببيتها منة :خلاص روحي عندها على العصر يارا :معك حق منة :طيب تعالي نفطر بما انه ضيعنا المحاضرة يارا :انتي ليش متاخرة مو بعادتك منة :لا مو متاخرة بس شفتك ما جيتي شو اعمل لحالي بالقاعة يارا :ههههههه مجنونة منة :يلا تعالي طلعوا وهما في الطريق يارا :منة شو صار بموضوع اهلك منة :بعد عرس امجد راح اروح اشوفهم يارا :راح تسامحيهم منة :اها من اليوم مشتاقة بجد الهم يارا :الله يجمعك فيهم صحيح انو اخو العروس راح يتزوج بنفس اليوم منة :اها يارا :يلا مبروك منة :الله يبارك فيكي يلا خلينا نفوت نفطر *********************************** كانت اية وندى ماشيين اية :ندى وبعدين معاكي ندى :شو حابة امشي شوية انتي ما عليكي محاضرات وان.... اية :بسم الله مالك ندى مصدومة وساكتة اية بصوت عالي :ندى شو مالك ندى انتبهت للشاب يلي مشا بسرعة ركضت وراه :استنى استنى شوية حمزة ؟؟ لكن طنشها وضل ماشي قعدت ع الارض مصدومة قومتها اية بسرعة ودخلتها ع مطعم اية :ندى شو فيه ندى تبكي :هو حمزة هو اية :ندى حمزة الله يرحمه ويمكن هادا واحد بشبه ندى :لا متاكدة انو حمزة هو اية خافت كتير من حالتها رنت ع لؤي يلي اجا بسرعة لؤي :ندى حبيبتي شو فيه ندى تبكي :شفته يا لؤي والله شفته لؤي :مين شفتي ندى :حمزة شفتهانا متاكدة تضايق وحاول ما يبين لؤي :يا ندى شو هالحكي ندى :والله متاكدة شفته ليش مش مصدقيني لؤي :انتي يمكن تعبانة شوية تعالي عشان ترتاحي اخدها لؤي وركبها السيارة وما انتبه ع يلي مراقبهم من بعيد سامي :كنت راح تنكشف حمزة :اشتقت لندى كتير سامي :ارجع لاهلك يا حمزة ارجع حمزة :بكرة الفرح بكرة راجع سامي:وليش مش اليوم يا حمزة اترك الغموض والخوف انو اهلك ما يستقبلوك اهلك بحبوك ارجع حمزة :بكرة مو اليوم ومشى بسرعة متجاهل صاحبه اما سامي تركه ع راحته وقعد يدعي انو يارا توافق عليه ************************************************** ع العصر يارا بلغت ابوها موافقتها وراحت تلبس عشان تروح عند سارة سمعت دق الباب بعد شوية اجت الخدامة تخبرها انو في بنت تحت بتستناها يارا :بنت ؟؟؟مين نزلت لتحت شهقت اول ما شافت حالة صحبيتها يارا :لمييييس ؟؟؟ بسم الله عليكي شو صاير فيكي لميس كانت حالتها مبهدلة واضح انو حدا ضربها لميس بتعب :اهلي يارا عارفة وضع اهل لميس يارا :شو صاير هالمرة حكتلها لميس كل القصة يارا :لمار هاي بنت حقيرة انا ما بعرف انتي كيف رضيتي تضلي معاها بعد ما عرفتي بقصة منة ويلي حكته عن منة لميس باستغراب :منة ؟؟؟ شو مالها وبعدين ليش بطلت اشوفكم بالجامعة تذكرت يارا انو يوم ما عرفه بقصة منة كانت لميس غايبة وما عرفت شي حكتلها كل شي وهي تعقم جروحها لميس :مسكينة منة يارا :طيب انتي يعني اهلك ضربوكي لميس رجعت تبكي :ضربوني حتى انو اخي حرق ايدي شوفي (رفعت ايدها لتشوفها منة كانت محروقة بس مو لدرجة التشويه ) لا والمصيبة بدهم يزوجوني لواحد عمره 70 سنة انا خليتهم ينامو وهربت اكيد بدورو عليا يارا انا مالي غيرك يارا :لا حول ولا قوة الا بالله شوفي رجعة ع بيت اهلك ما فيه حتى الجامعة ضروري تنقطعي عنها لانهم راح يروحو يدوروا عليكي لميس :يارا انا مالي غيرك يارا :لا تخافي وانا ما راح اتركك بس انا لازم احكي لبابا طلعت بسرعة لابوها عشان تخبره نزل ابو محمد ليشوف البنت ابو محمد:يا بنتي لا تقلقي واهلك ما راح يلاقوكي بس هون عندي ما بنفع تقعدي يارا :وين تروح يا بابا ابو محمد :يا بنتي اكيد اهلها راح يروحو عند صاحباتها يارا :والحل ؟؟ ابو محمد :تروح عند سارة تقعد كم من يوم لغاية ما نلاقي حل للقصة يارا :اوكي خلص طلعت يارا واخدت معها لميس ع بيت سارة دخلو عند سارة يلي كانت قاعدة على الاب تشتغل يارا :ساااارة وقفت سارة :اهلين حبيبتي كيفك سلمت ع ياراو لميس سارة :مين هالصبية الحلوة يارا :لازم اخبرك شي سارة :خير حكتلها يارا كل القصة سارة :ولا يهمك البيت واسع تفضلي باي غرفة تحبيها واعتبريه بيتك يارا :مش راح تطول قصتها بابا حكا راح يحكي مع ابن عمي انتي عارفة هو شرطي وبقدر يلاقي حل للقصة سارة :بسيطة يارا :المهم نسيت احكيلك سارة :خير يارا :انخطبت سارة بفرح :جد مبروك يارا :الله يبارك فيكي قعدوا يحكو تقريبا ساعة وروحت يارا سارة :لميس اكلتي شي لميس :مو جاي عبالي سارة :شو هالحكي تعالي اخدتها ع المطبخ عشان تاكل وبعدها طلعتها ع غرفتها ورجعت تكمل شغل لكن ما قدرت سارة بعقلها :خلص راح اتطلق بعد ما تتزوج يارا طيب ليش مدايقة مو هو هادا يلي بدي اياه مو بدي اطلق منه ليش مو فرحانة انا ما بدي اياه خلص ما بد... قاطع افكارها مروان يلي ضمها مروان :الحلوة بشو بتفكر سارة :مروان ابعد عني مروان :مشتاقلك سارة :خلص يا مروان عندي شغل قفل الاب يلي بتشتغل وهو يقول :شغلك خلص معاده هلقيت انتي زوجتي عندك حل من الاتنين يا بنام بدري او بنطلع ع مكان سارة :لا بدي اطلع مروان باستغراب :بجد ؟؟؟ اوكي يلا البسي سارة :بس بدي احكيلك شي مروان :شو فيه حكتله عن لميس مروان :اهلا وسهلا فيها وتضل عنا لغاية ما تنحل قصتها سارة :صحيح يارا انخطبت التفت الها بصدمة "شوووو سارة :طلاقنا قرب مروان :مين حكا راح اطلق سارة :انا حكيت خلص بعد ما تتزوج اختي ما بتقدر تعمل شي مروان :سارة انا ما راح اطلق سارة :بكيفك هو غصبن عنك راح تطلقني قرب منها وهو يقول :سارة خلص ارحميني وارحمي حالك فكرك راح تكون حالتك منيحة سارة :انا ما همني شو راح يحكو الناس بس يلي بدي اياه انو اختي تتزوج وتشوف حياتها مراون :سارة خلص هاي القصة ما بتنفتح وطلاق ما فيه سارة :مو برضاك طلعت فوق ع غرفتها وقعد هو يهدي بحاله بعد فترة نزلت وهي تقول :يلا مروان :وين سارة :بدي اطلع مروان:يلا سارة :خلينا نمشي مروان :اوكي طلعوا بعد فترة طويلة من الصمت مراون :سارة بنفع نحكي بتفاهم وبالعقل سارة :بخصوص شو مروان :ليش بتكرهنيني سارة :لانك ذليتني مروان :بس رجعت الك مع انو كنت قادر اتزوج اي وحدة غيرك سارة : مروان انا كرهتك مروان :كذابة سارة انتي ما بتحسي بحالك لما امسكك كيف قلبك يدق وتغمضي عيونك سرعت بمشيتها كانها ما بدها تحكي بالموضوع مروان :سارة ليش معندة هيم مو حلو عليكي العناد فاكرة يوم ما كنتي ما تسهري معي للفجر ع التلفون فاكرة يوم ما طلعنا .. قاطعته سارة :ما شاء الله فاكر كل شي بس واضح انك نسيت شي مهم نسيت انك تركتني يوم فرحي وانا من بعد هادا اليوم نسيت كل شي مروان :خلص انسي سارة طنشته مروان :مااااشي طلع ع مكان عالي وصرخ باعلى صوته :سااارة التفت عليه بسرعة وفيه عدد من الناس تجمع عنده سارة :شو بتعمل ؟؟ مروان :يا جماعة انا طالب منها تسامحني ومو راضية اوكي غلطت بس انا بحبك سامحيني شاب من يلي كانو واقفين :سامحيه مبين انو بحبك ولا ما كان رجع رفعت حاجب كانها تسكت الشاب سارة :مروان انا مروحة مروان :يعني ما راح تسامحيني صبية من يلي كانو واقفين :حرام عليكي شو بدك لتسامحيه والله لو انو حبيبي ما كنت تركته سارة باستخفاف :اذن مبروك عليكي وطلعت في مروان بحدة ومشت لحقها مروان وهو ينادي عليها :سارة سارة سارة :شو هالهبل يلي عملته شو كان مفروض مني اخجل واحكيلك خلص مسامحتك مروان : انا يا سارة تعبت كل يوم بفكر كيف اخليكي تسامحيني احكيلي كيف وانا مستعد اعمل يلي بدك اياه سارة :مستعد تعمل اي شي لاسامحك مروان:اي شي سارة :طلقني وابعد عن حياتي مروان :ماشي يا سارة بعد عرس اختك بتم طلاقك بس من هون لغاية هداك الوقت انتي زوجتي اتفقنا سارة :اوكي اتفقنا مشى مروان وتركها سارة بعقلها :لا تزعلي عليه عشتي بدونه ست سنين بتعيشي بدونه بقية حياته قطع افكارها مروان :سارة مالك واقفة يلا مشت بسرعة لغاية ما وصلته مروان بعقله :مجنونة بتفكرني راح اطلقها سارة :مروان بدي اروح مروان :طيب روحت ع بيتها ودخلت غرفتها اخدت دوش شافت مروان واقف عند الخزانة سارة :راح اروح اشوف لميس طلعت من عنده ع غرفة لميس دقت الباب لميس :تفضلي دخلت سارة وهي تقول :لسا ما نمتي لميس :كيف بدي انام سارة :خلص يا لميس ما راح اتركك الا لتنحل القصة لميس :وكيف بدها تنحل سارة :خلص ابن عمي راح يساعدنا هو شرطي وبقدر يلاقي حل للقصة لميس :شكرا كتير الك سارة :لا ما بينا شكر يلا نامي لميس :ماشي تصبحي ع خير سارة :وانتي من اهله طلعت وسكرت الباب ورجعت ع غرفتها كان مروان واقف عند المراية ومصدوم تماما مروان بعصبية :شو هدا ؟؟ شافت العلبة يلي بايده سارة :حبوب منع حمل مروان بصراخ :وليش باذن مين اخدتيها مين سمحلك سارة :لا تصرخ عليا شو مفكرني مجنونة اجيب ولد منك مروان :وليش ما تجيبي ولد مني انا بحبك انتي سيبي هالعناد سارة :خلص احنا اتفقنا انو راح تطلقني بعد زواج يارا رما العلبة في الزبالة وهو يقول :ولغاية هداك الوقت انتي مرتي سحبها ناحيته متجاهل كل صراخها عليه ************************************************** ******** دق الباب وهو متوتر شو بده عمه منه فتحت يارا الباب :اهلين بسام كيفك بسام بابتسامة :تمام الحمد لله وانتي كيفك يارا :تمام بسام :مبروك الخطوبة يارا :الله يبارك فيك عقبالك ابتسم وهو يقول :ان شاء الله وين الوالد يارا :تفضل دخلته للصالة عند ابوها يارا :عصير شو بتحب بسام بدون وعي :برتقال يارا :ان شاء الله استغرب من حاله من يوم ما راحت وهو نفسه يعرف اي شي عنها لكن ببعد حاله حتى ما يروح يتصل ع اهلها او يروح ع بيتها يطمن عليها ابو محمد :يا بني تفضل العصير صحي من افكاره :شكرا واخد العصير من يارا يارا :شو هالسرحان بسام :لا مو مهم خير عمي شو فيه ابو محمد :يا بني في بنت اجت اليوم عند يارا ............. الخ بسام بصدمة :شو اسمها يارا :لميس ..... وقف بسام بسرعة ابو محمد :خير يا ابني شو فيه بسام :وينها هلقيت ابو محمد :عند سارة بسام :يا عمي احنا ما بنقدر نعمل شي سكت شوية وبعدين حكا :بدي اروح عندها ابو محمد :هلقيت بسام :لا خلص خليها لبكرة طلع بسرعة وهو حاسس بالذنب بسام بعقله :انا السبب انا يلي خليتها تروح مع ابوها ركب سيارته وبسرعة ع بيت اهلها دق الباب وفتح الو شاب بالعشرينات واضح العصبية عليه الشاب :هلا بسام :اهلين الوالد موجود الشاب :تفضل دخله ع الصالة وبعد شوية اجا ابو لميس ابو لميس :السلام عليكم بسام :وعليكم السلام ابو لميس :خير يا ابني بسام :انا الضابط يلي حكيت معك بخصوص بنتك .... قاطعه ابو لميس :انا بنتي ماتت من يوم ما هربت بسام :بس انت يلي جبرتها ابو لميس :كنت بدي استر عليها بعد فضيحتها بسام :أي فضيحة بنتك بترفع الراس انها ما خلت لحدا يلمسها والمفروض بدل ما تعاقب بنتك تعاقب يلي كان راح يعتدي عليها وطلع وعايش حياته عادي ابو لميس :انت بتعرف مكانها احكيلي مكانها اقتلها واقتل يلي كان معها بسام :اسف يا عم ما بقدر افيدك ابو لميس :انا راح اشتكي عنك انك خاطف بنتي بسام :وليش تاخدها عشان تزوجها واحد اكبر منك ابو لميس :والمفروض دبحتها ما حدا بقبل فيها بعد يلي صار انصدم بسام منه شو ما بعرف الحياة برا البنت بتكون متعرفة ع اكتر من شاب والحياة ماشية وما حدا حاكي معهم ولميس يلي رفضت كل هدا تتعاقب !!!!!! بسام :طيب يا عمي انا طالب ايدها وع الاقل انا احسن من هداك العجوز ابو لميس :انا بدي اعرف انت شو دخلك شغلك وخلصته بسام :يا عمي شغلي صحيح خلصته لكن انا برفض اني اشوف وحدة مظلومة واضل ساكت وانت حكيت بدك تسترعليها وانا راضي فيها ابو لميس :بداهية انت ووهي جيبها بكرة مع الشيخ واكتب كتابك وخدها بسام :يا عمي يلي بتحكيه اكيد بيصير بس بعد ما اتزوج بنتك راح تضل بنتك وراح تزورك بدون مشاكل ابو لميس للحظة كبر بسام بعينه ما اعتقد انو فيه ناس لسا بهالشكل ابو لميس :اكيد جيبها بكرة وما تاكل هم ابتسم بسام وهو يقول :بكرة العصر بكون عندكم بس يا عمي وازا بنتك رفضتني ابو لميس :وما احلاها وترفض خليني ادبحها بسام :يا عمي ما بيصير هيك ... ابو لميس قاطعه :يا بتيجي بكرة مع الشيخ او ما بدي اشوف وجهها طلع بسام وهو معصب كان نفسه يقتل ابوها ويرتاح ما بنكر انو طول الوقت كان يفكر فيها وانها سكنت قلبه لكن مش بهاي الطريقة يتزوجها ركب سيارته بقهر واجل كل شي لبكرة ********************* اليوم المنتظر عرس ( امجد &سمر ) (خالد &ندى ) **************** الساعة 6 الصبح صحيت منهارة تماما ما فكرت تماما انو مروان يكون بالهوحشية والحقد شافته نايم جنبها كرهته سارة :كذابة يا سارة ما بتقدري تكرهيه ما بتقدري قامت ع الحمام بسرعة وانهارت بكا اما مروان يلي كان صاحي اساسا عض شفته قهر مروان بعقله :كيف عملت هيك يا مروان كيف بدك اياها تسامحك كيف بس والله قهرتني سحب حاله ونزل بسرعة سمعت صوته فكرته طلع حست بنار تحرقها لبست بجامة ونزلت ع الصالة الرياضية كان هو فيها شافته طنشته وراحت عند كيس الملاكمة وبدت تضرب فيه وقف مروان قدامها مروان :اضربيني سارة بسرعة ضربته وكانها ما صدقت مروان :سارة سارة لسا تضرب فيه وتصرخ :اكرهك اكرهك كل مرة بتخليني اكرهك اكتر انهارت وقعدت ع الارض :ليش بيصير فيا هيك حرام عليك انا ما حبيت غيرك وبعدها كرهتني بالحب ليش هيك ليييييييش مروان :سارة سارة:شو بدك تحكي خسرت شي طول 6 سنين احكيلي شو يلي خسرته انا خسرت حالي وشرفي وحياتي وكل شي انت عشت حياتك مبسوط وبعدين حسيت بالذنب رجعت وهددتني باختي وكسبت مرة تانية انت دايما كسبان مروان بهمس :كسبان لانك بتجبني سحبها وقعدها بحضنه سارة بانهيار :يلعن هالحب يلي بتحبه لحدا ليش حبيتني انا ليش انا مروان :سارة خلص بكفي حرام عليكي والله تعبت معك سارة :انت تعبت شو احكي انا قاطعتهم زهرة وهي تقول :استاز مروان اسمحلي انا راح اهديه ا طلع مروان وترك المجال لزهرة سارة :انقلعي شو بدك انتي زهرة :بصراحة حابة اعرف انتي شو بدك اوانتي ما بتعرفي قديش هو بحبك سارة :اخرسي ما بدي اسمع ما بدي زهرة باصرار:لا بدك تسمعي انا مو خدامة بالبيت انا بكون اخت مروان بالرضاعة ودكتورة نفسية جيت اعيش مع مروان عشان اساعده في قصتك انتي مو كاينة تستوعبي قديش هو بحبك من يومةما تركك او اهله يجبروا ع تركك وهو حاله مقلوب هالفترة بس انا شفت الفرح بعيونه مع انو الحالة يلي عايشها معك اسؤا حياة لكن فكرة انك تكوني بين ايديه بتفرحه بشكل رهيب قاطعتهم لميس يلي سمعت كل شي من البداية :أسفة ع التطفل بس بجد واضح الحب بعيونه ما تعاندي حتى ما تخسري حالك سارة بارتجاف :وكاني ما خسرتها زهرة بهدوء:اوكي يا سارة انا معك انتي خسرتي حالك بس ليش ما ترجعي تربحيها سارة :بس خايفة انو كل هالحكي يكون كذب ويحاول يعلقني فيه مرة تانية ويتركني زهرة :يا سارة حاولي ما فيها شي قامت سارة وهي مطنشانهم ودخلت غرفتها وانهارت بكا ...... ....................... صحيت سمر وهي متوترة ع الاخررر قامت بسرعة كل اهلها نايمين لسا هي يلي ما عرفت تنام من التفكير والخوف ام اية :بنتي شو مالك سمر :لا خالتي ما فيه شي ام اية :متاكدة بنتي سمر :اكيد خالة تركتها ام اية يلي من يوم ما حبوا بنتها وصاروا يتعاملو معها بالاحسن حتى ام حاتم صارت منيحة معها اما سمر قعدت ع الدرج وهي خايفة حاسة بشي بيصير اليوم حست بايد ع كتفها رفعت راسها وبكت بسرعة سمر :بابا خلص خليني عندك ما بدي اتزوج ابو حاتم :بس بابا انا مش ضايلي كتير انتبهت ع ابوها يلي كان المرض متمكن منه اما ابو حاتم كان يطلع في سمر وتذمر صدمته يوم ما عرف بمرضه ويوم ما عرف انو المرض متمكن منه وما في امل للعلاج ابو حاتم :سمور انا راح اروح انادي امك الك طلع وهو عارف دلع بنته وخوفها من هاليوم طلعت ام حاتم بسرعة :سمور ماما شو مالك ضمتها سمر وهي تقول :ماما خليكي عندي ام حاتم :في بنت تبكي يوم عرسها اخدت بنتها ودخلتها غرفتها عشان تخليها تنام شوية سمر :ماما خليكي عندي ام حاتم نامت جنب بنتها ونامو سوا ............................. .ما كان حال ندى احسن كانت حاسة بتوتر رهيب راحت عند اية دقت الباب ما اجاها رد ندى :شو هالنوم يل... قطعت كلمتها لما اية فتحت الباب اية :ندوش شو مالك حبيبتي ندى :خايفة كتير ابتسمت اية :لا تخافي حبيتي والله خالد طيب ندى ابتسمت :تعرفي الي اسبوع ما حكيت معه عشان عرسنا قرب وهو متوعد الي وانا.خايفة اية :بتستاهلي يلي راح يجرالك اذن هههههههه ندى :اية وربي مو ناقصة وخايفة اية :ندى حبيبتي ارجعي نامي واهدي راحت ع غرفتها وحطت راسها ع مخدتها وضلت تفكر لغاية ما رجعت نامت اما اية رجعت عند لؤي اية بعقلها :انا يلي حاسة بشي راح يصير الي اليوم حاسة بخوف وفرح صحيت من افكارها ع لؤي لؤي :العروس القلقانة نامت وانتي شو مصحيكي ابتسمت بدلع :لاني انا دايما عروس عض شفته وهو يقوول :اكيد بدون نقاش حطت راسها جنبه وهي تحاول تهدي حالها بدا التجهيز للفرح وراحت اية وندى ع الكوافير مع سوا ومروة وسمر مع بعض وطبعا منة لحالها منة :ماما هيني طالعة وركضت ع الدرج ماجد :روقي شوية لسا مبارح لفكينا الجبس عن رجلك منة :ههههه خلص ماشي ونزلت وطلعت مع ماجد وبعتت رسالة لحمزة انها طلعت ومش راح تكون فاضية اليوم ورنت ع يارا يارا :هلا كيفك منة :اهلين حبيبتي شو ناوية تيجي يارا :اكيد راح اجي منة :اذن بشوفك اليوم يارا :ان شاء الله قفلت وطلعت ع الكوافير تجهز حالها ************************ بعد عدة ساعات اية :ندى روقي شوية حبيتي ندى :اوكي خلص انا منيحة اية :اهدي حبيبتي ولا تخافي شو مالك متوترة كتير ندى :بضحكة :ولا منا عارفة مين يلي متوتر شو مالك انتي وجهك اصفر اية :ندوش ممكن احكيلك شي يعني باعتبارك دارسة علم نفس ندى :احكي حبيتي اية :ما بعرف حاسة راح يصير شي الي اليوم ندى :كيف يعني اية :ما بعرف ندى :اهدي شوية ولا تخوفيني معك اية :لا حبيبتي اكيد ما فيا شي يلا انا خلصت وانتي يا عروسة راح تضلي هون لغاية ما خالد يجي ياخدك ندى :اجا لؤي اية :اه بستناني ندى :مع السلامة ركبت السيارة جنب لؤي لؤي :كيف ندى اية :حلوة كتير ما شاء الله عليها لؤي :بس ما تكون احلى منك اية بخجل :هي احلى مني بس انا متاكدة انك راح تشوفني انا احلى وحدة لؤي :اكيد شو بتفكري انتي ضلت ساكتة طول الطريق وهي تحاول تهدي شعور الخوف يلي فيها لؤي :يلا اية انزلي وديري بالك ع حالك ابتسمت اله وكانها حاسة انها اخر مرة تشوفه :اوكي حبيبي وانت دير بالك ع حالك نزلت وطلع لؤي يكمل بعض الاغراض اللازمة لعرس اخته *********************** منة :كيف ماما ام ماجد :اللهم صلي ع سيدنا محمد تجنني منة :يسلمو ماما جهزت حالها وطلعت بعد ما رنت ع حمزة وخبرته انها طالعة *************************** كان يجهز بحاله سامي :ههههههههههههه منظرك بضحك وانت متوتر حمزة :بس يا سامي وربي خايف سامي :ما بيصير معك شي كلها كم من كف وبهدلة وبعدين ياخدوك بالاحضان رن تلفون حمزة حمزة :الو ... شو ؟؟..... من متى هالكلام ..... طيب بتعرفهم ..... مين ؟؟.... اوكي خلص انا راح ادبر كل شي لا تتصرفوا لا اذا خبرتكم .... يلا مع السلامة سامي :شو فيه يا حمزة حمزة :شكله اليوم ما راح نكشف شي سامي :ليش ؟؟؟ حمزة :اية زوجة اخي انخطفت سامي :نعم ؟؟؟ كيف ؟ ومين حمزة :كيف بعد ما زوجها تركها اجت سيارة واخدتها مين صفاء سامي :صفاء ما غيرها حمزة :صفاء ما غيرها سامي :والحل حمزة :انا هيني رايح سامي :اجي معك حمزة :لا انت مو عزمك اخي سامي بضحكة :اه عزم صاحب اخوه ونسي اخوه حمزة :ههههههههه روح وضلك مع لؤي واول ما يفقد مرته خبرني سامي :اوكي ان شاء الله طلع حمزة بسرعة وطلع سامي ع العرس ********************** كان لؤي قاعد ومبسوط كتير اول ما شاف سامي وقف لؤي :اهلين كيفك سامي سامي :الحمد لله وانت لؤي :تمام تعال اعرفك ع العرسان مشى سامي معه لؤي :هادا خالد زوج اختي ندى خالد هادا صديق اخي الله يرحمه سامي يسلم عليه :مبروك خالد :الله يبارك فيك لؤي :وهادا امجد بكون وزوج اخت مرتي سامي :مبروك امجد :الله يبارك فيك قعد سامي جنب لؤي وهما يضحكو فجاة وقف سامي لؤي :شو مالك سامي :بس لحظة طلع سامي :يارا ؟؟؟ التفت يارا :اه ..اهلين سامي :كيفك يارا :الحمد لله وو ..وانت سامي :تمام الحمد لله شو صحبيتك موجودة يارا :اه اكيد عرس اخوها سامي :اه عقبالنا يارا بخجل :ان شاء الله عن اذنك سامي :تفضلي دخلت يارا بسرعة ورجع سامي عند لؤي لؤي : مين هاي سامي :خطيبتي لؤي :بجد مبروك سامي :الله يبارك فيك ******************* دخلت بثقة وغرور كعادتها بفستانها الاحمر الطويل ما كان فيه غير لمعة بسيطة وشعرها مخلياه ع طبيعته مع مكياجها الخفيف خلت الكل يصلي ع النبي خوف انو يحسدها ام لؤي :اية حكتلي لون فستانها ازرق مو احمر بس ما شاء الله تجنن راحت يارا عندها وسلمت عليها يارا :انتي ما راح تطلعي من هون الا مخطوبة هههههههههههه منة :بعيد الشر شو هالحكي انا لحمزة يارا :اكيد بس ما شاء الله شو هالحلا منة :تسلمي حبيتي من ذوقك راحت مروة تسلم عليها مروة :اللهم صلي ع سيدنا محمد منة عرفتها بسرعة هاي يلي خطبها ماجد فكرتها جاي تسلم كرمال اخوها منة بضحكة :تسلمي انتي كمان بتجنني لو شافك ماجد بطير عقله مروة :هههههههههههه شو هالحكي انتي والله لو شافك زوجك ما بضل فيه عقل منة ما سمعت اخر كلمة مع الدوشة يلي صارت بدخول سمر وامجد الصالة ابتسمت مجاملة لمروة ومشت قعدت جنب ام لؤي ام لؤي يلي كانت تاشر لمجموعة من الناس ع منة ع اساس انو هي مرت ابنها منة بعقلها :مالها هاي هيك تاشر عليا كانها ناوية تخطبني ابتسمت مجاملة الها وقامت ناوية تروح عند امها خبطت بوحدة وكانت راح تقع منة مسكت المراة الكبيرة :اسفة بجد اسفة انتي منيحة ام اية رفعت راسها بصدمة منة :فيكي شي خالتي ام اية :خالتي ؟؟؟ حست بالتوتر الكبير مشت بسرعة لتبعد عن هاي العجوز في اشياء كتير خايفة منها واشياء غريبة بتصير ومشى العرس ع هالحال طلعت منة تسلم ع العرسان سلمت بالبداية ع اخوها وسمر سمر يلي فكرتها اختها ضمتها بقوة منة بارتباك :الف مبروك حبيبتي ديري بالك ع امجد سمر :ان شاء الله سلمت ع امجد وضمته بقوة :الف الف مبروك امجد :الله يبارك فيكي عقبالك وباس جبينها طبعا يلي بعرف أية انصدم كتير انو مو طبعها وام لؤي عصبت من هالحركة وكانت رايحة تحكي معها راحت منة عند خالد وندى سلمت عليها ندى منة :مبروك ندى :الله يبارك فيكي سلمت ع خالد يلي باس رايها وقال :ديري بالك ع حالك منة انصدمت وكانت راح تبهدله بس مشتها وقالت انها ما بدها تعمل مشاكل ونزلت بسرعة ************************ فتحت عيونها بصعوبة وهي حاسة بدوخة اية :ماما صفاء :ما في ماما اية :مين انتي صفاء :انا يلي حابة زوجك وانتي مو راضية تتركيه اية :انتي شو بدك اتركيني مسكت شعرها وهي تقول :لسا ضايل الك وقت طويل عنا اية تبكي :لؤي ما راح يرحمك صفاء :يرحمني او ما يرحمني ازا ما كنت راح اعيش مع لؤي اذن ماله داعي أي حدا يعيش معه اية :الله يخيليكي ابعدي عني صفاء :هههههه ضحكتيني لسا مشوارنا طويل اكتفت اية بالصمت وهي ميتة خوف ************************* طلعو العرسان وكل واحد ع بيته وكانت منة رايحة تشوف امها ام لؤي :شو يلي علمتيه انتي منة بصدمة :انا ؟؟؟ ام لؤي :اه انتي كيف هيك بتحضني الرجال منة فكرتها تحكي عن خالد :لا هو يلي حضني مو انا ام لؤي :بعدين وينك طول العرس مو عندي منة :وليش اكون عندك ام ماجد :منة يلا ماما وينك منة :ماما شوفي هاي مو فاهمة عليها اجت ام حاتم :اية وينك ما شفناكي اليوم اما الوحيدة يلي عرفت كل شي ام اية منة :شو مالكم انتو انا ما بعرفكم انا مو اية انا منة دخل لؤي ماجد وسامي لؤي وهو يضحك :اية حبيتي وينك يلا خلينا نروح منة بعصبية :انا مو اية ابعد هيك عني لؤي :شو يعني مو اية بعدين وين حجابك منة :وليش البس الحجاب ماما شوفيهم ماجد :شو فيه منة حبيبي تعالي ركضت منة عنده وضمته منة :انا مو فاهمة شي تكلمت اخيرا :بنتي ؟؟ ركضت عليها واخدتها من حضن ماجد وضمتها وهي تبكي ام اية :بنتي انتي بنتي منة :انتي ماما ؟؟؟ ام اية وهي تبوس فيها وتحضنها :اه انتي بنتي بنتي لؤي بعصبية :شو يلي بصير هون ام اية وحكت كل شي لؤي بعصبية :يعني اية بنتك انتي ؟؟؟ كنتو بتخدعوني طول الوقت مروة بخوف :طيب مو هون المشكلة المشكلة وين اية ؟؟؟؟ صحاهم هالسؤال ام لؤي :فعلا ما حدا شاف اية لؤي :شو يعني وينها ؟؟؟ سامي ما بقدر يحكي شي لان هازا حكا معناها بكشف حمزة فالتزم الصمت ام اية :بنتي وين راحت منة :يعني انا الي تؤام ويوم ما عرفتها ضاعت ليش انا حابة تكون الي اخت ام أية تبكي :جيبو بنتي لؤي بقهر :دوروا عليها وبس تلاقوها خلوها عندكم ما بتلزمني طلع بسرعة ولحقته امه ركب السيارة بقهر ام لؤي :لؤي شو يلي حكيته حرام عليك لؤي :مو لؤي يلي بنضحك عليه ليش ما حكتولي ليش كذبتو علي لو سمحتي امي خلص ما بدي هالموضوع ينفتح وصل امه وطلع ع غرفته ورما حاله ع السرير حاول ينام ما قدر كيف راح يقدر وهو تعود تنام بين ايديه غمض عيونه وتذكرها اية :لؤي يلا قوم لؤي :خلص اية اتركيني اية :ما فيه اليوم راح نطلع سوا لؤي :حاضر بس انام شوية اية بدلع :يعني انت تنام وانا شو اعمل سحبها ناحيته وهو يقول :تنامي معي *************** اية :لؤي اليوم فرح اخي تصدق كتير مبسوطة لؤي :هههههههههه شو يعني فرح اخوكي اية :يلا لازم اروح الكوافير مع ندى لؤي :لا تخربشي حالك بالمكياج انتي احلى بدونه اية :ههههههههههه اوكي ولا يهمك بس اترك هالشغل من ايدك وتعال وصلني لؤي :ليش ضحكتي عليا ليش خليتني زي الغبي انا بنت زي اية تضحك عليا لا والله ما بتصير حاول ينام وهو يبعد خيال اية من باله .................................... اما البقية بعد ما روح لؤي مروة :انا راح اخبر بابا وحاتم منة بس تبكي ع اختها يلي ما شافتها ماجد:امي شو رايك تخلي منة تنام عند اهلها اليوم ام ماجد هزت براسها موافقة وراحت عند منة :ديري بالك ع حالك بنتي ماشي منة :ماما لا تحسسيني اني ما راح ارجع اشوفك انا كل يوم راح اجي عندك وراح انام عندك بس برضو هدول اهلي وانا مشتاقة الهم ام ماجد :الله يهنيكي ويسعدك يا رب طلعت حاتم يلي اجا بعد اتصال مروة مع ابوه : شو مااك مروة خوفتيني التفت لمنة :شو هالحلا اقسم بالله لو شافك لؤي ليطير عقله منة :انا مو اية حاتم :شوووو حكتلهم مروة كل شي حاتم :لحظة يعني في لاية تؤام واحنا ما بنعرف ؟؟ راح عند منة وباس راسها :لا تزعلي منا منة تبكي :مو زعلانة بس بدي اختي حاتم :وحياتك راح الاقيها لو كان في بقلب حاتم اي ذرة كره لاية فهي اختفت بعد هالموقف وبعد ما حلف انو اية وتؤامها ما راح يشوفوا حزن في حياته *********************** اما بالنسبة بالناس يلي مو دارية عن شي عند ندى وخالد فاتت ندى وراها خالد قفل الباب وهو يقول :مو مصدق انتي عندي ندى ضحكت بخجل وما حكت شي خالد :مالك ساكتة ندى :شو احكي ؟؟؟ خالد :فوتي غيري اواعيكي وتعالي للعشا هزت براسها وفاتت بسرعة بدلت اواعيها ولبست قميص نوم عنابي مكشوف الظهر فلتت شعرها وطلعت كان خالد قاعد ع الكنبة بلعب بجواله ندى :احمم . .خالد رفع راسه وتنح فيها خالد بعد فترة :بتجنني نزلت راسها بخجل خالد :تعالي ناكل مشت معه بهدوء غير معتاد منها بعد فترة ندى :الحمد لله خالد :صحة وهنا ندى :ع قلبك حملها خالد وهو يهمس الها :بحبك وفات غرفته وسكر الباب *_^ **************************