أنا سندريلا - الفصل 11 - بقلم كبرياء فلسطينيه - مكتملة | روايتك

صرخت ام لؤي بكل قوتها :لؤييييييييييييييي اما اية كملت وقوع عن الارض لغاية ما وصلت اخره طلع لؤي بخوف وهو يقول :شو فيه ام لؤي تاشر ع اية :شوفها الحقها يا بني بسرعة التفت لؤي على الدرج وانصدم لما شافها صرخ :آآآآآية ونزل على الدرج بسرعة ضرب ع كفها وهو يقول :اية ؟اية اصحي شو مالك مالقا رد منها وانتبه للدم يلي بنزل منها حملها وطلع بسرعة على المستشفى دخل بجنون للمستشفى :دكتور وين الدكتور اجا الممرضين وحطوها على سرير الممرض :شو صاير لؤي :حامل ووقعت عن الدرج الممرض : نادو الدكتور حمزة بسرعة ودخلت العمليات وضل لؤي واقف على الباب اجت ندى وام لؤي وابو لؤي وبلغوا اهل اية اجا خالد وام اية وام حاتم (لزوم التمثيل ) كان بيروح وبيجي ومش عارف يقعد خالد :لؤي اهدى شوية ان شاء الله خير لؤي :هاي روحي ما بتخيل تروح مني خالد :اهدا وادعيلها لؤي :يا رب يا رب ضلو واقفين ******************************* كانت سمر قاعدة وقلقانة على اية خافت تحكي لامها بدها تروح وتقلب مشكلة لهيك ضلت بالبيت بس وصت خالد يطمنها على الجوال رن جوالها ردت بسرعة بدون ما تنتبه سمر :اه يا خالد ....... بعصبية :مين خالد سمر اطلعت على الجوال شافت رقم :مين معي ......:مين خالد سمر بهدوء ودلع رباني :لو سمحت انا مش فاضية الك امجد ذاب على دلعها لكن قال بعصبية :انا امجد مين خالد سمر ابتسمت تلقائيا مجرد ما سمعت صوته : خالد بكون اخي امجد :اها وانتي لو في واحد مضايقك ع التلفون تردي عليه بهدوء وبدلع سمر :انا ما تدلعت بحكي عادي عض شفته السفلى وهو يقول :سمر ؟؟ سمر :نعم امجد :لما حدا يضايقك علي صوتك عليه وخوفيه سمر :لا بخاف يعصب امجد طلعت ضحكة منه :ههههههه لا ما توقعتك هيك سمر :اممم امجد بعد اذنك لازم اسكر يمكن اخي يرن امجد :وليش واثقة يعني سمر :اختي وقعت وهي بالمستشفى وانا طلبت منه يطمني امجد :مين مروة ؟؟ سمر :شو عرفك بمروة ؟؟؟ امجد :المرة يلي فاتت كنتي تحكي معها قدامي سمر :مممم ذاكرتك قوية امجد :هههههه احكي ما شاء الله سمر :ما شاء الله بس مو مروة اختي اية هي حامل امجد :الك اخت كبيرة متزوجة سمر :متزوجة اه لكن الكبيرة لا اية اصغر مني امجد :شووو كيف سمر :النصيب لازم اسكر امجد :بنفع نلتقي لازم احكيلك شي ضروري سمر :اوكي متى امجد :بكرة مطعم ....... الساعة 12 سمر :اوكي امجد :باي سمر :باي سكرت سمر وتحول تفكيرها من اية لامجد ******************************* طلع الدكتور بعد فترة والكل استغرب انو ما خلع الكمامة يلي ع وجهه الدكتور :للاسف احنا مسكه لؤي وهو يقول :اية ما صار الها شي فاهم ارجع عندها ورجعها الي الدكتور :لو سمحت يا اخي خالد بعد لؤي عن الدكتور الدكتور :المدام ما فيها شي بس ما قدرنا ننقذ الجنين انا اسف وطلع بسرعة وهو يتنفس براحة انو ما .......( بعدين بحكيلكم ) خالد :الله يعوضك خير لؤي : انا هي يلي بتهمني مو الولد الولد بنجيب غيره مو زعلان صدقني خالد :اه بس اية الله يعنيها بس تعرف ووقف الكل يستناها تصحى ام حاتم :انا كتير تعبت هيها منيحة الحمد لله خالد ماما تعال وصلني ما قدر لؤي يمنع صدمته لؤي بعقله :كيف ام بدها تترك بنتها كيف وهي عارفة انو بنتها راح تنصدم لما تعرف ام حاتم وهي تقول للخدامة :خليكي انتي هون وشو ما صار بلغيني لؤي بعقله : اية بتحب هاي الخدامة كتير بس تصرفات امها غريبة كتير **************************** نزلت ندى لترتاح وتاكل شي وخالد استغلها فرصة ولحقها نزل وراها شافها سرحانة خالد :لتكوني بتفكري فيا ندى نزلت راسها :تقريبا خالد :لا تفكري هيني قدامك ندى :بس ما بنفع افرض لؤي نزل خالد :قاعد مع خطيبتي ابوكي وصل الي موافقتك ندى وجهها قلب الوان :احممم طيب خالد :بحبك بحبك بحبك بحبك ندى :وانا كمان خالد :يا قلبي قامت ندى بسرعة ************************** بعد ما سكرت سمر من امجد امجد بعقله :يا ويلي والله وقعت يا امجد ذبحتني هالبنت سمع رنة جواله كانت منة امجد :اهلين منة شو فيه رانة بهالوقت منة وهي تلهث :قلبي بوجعني قلبي كانو سكاكين تنغرز فيه امجد قام بسرعة :بسم الله شو مالك منة :تعال بسرعة الله يخليك قام امجد وطلع بسرعة فتحتله الباب بسرعة خاف عليها امجد :منة حبيبتي شو مالك منة :ما بعرف قلبي بوجعني بوجعني كتير امجد :بسم الله تعالي اخدك على المستشفى واخدها على المستشفى شاف دكتور في وجهه امجد :لو سمحت اختي ما بعرف شو مالها الدكتور :وينها دله امجد عليها وقف شوية مصدوم وبعدين قال :يمكن من العملية يلي عملناها اتوا امجد :عملية ؟؟؟؟ لا ما عملت عمليات اكيد غلطان الدكتور حمزة :اه اسف بكون غلطان وفحص منة الدكتور :لا هي هلقيت الحمد لله وانا اعطيتها مهدا امجد :بس شو صاير يا دكتور الدكتور :فعليا هي ما فيها شي بس بالعادة الاخوة بتحس ببعض امجد :كيف يعني الدكتور :يعني حست باختها لما وقعت امجد :اختها بس هي مالها اخوة الدكتور :اممم طيب اه ما بعرف شو لازم احكي بس للاحتياط خليها تعمل هاي التحاليل ويمكن يلي صار معها تعب او ارهاق امجد :مشكور يا دكتور واخد اخته وروح دخل ع مكتبه وهو مستغرب حمزة بعقله :نفس الشبه بس كيف مالها خوات قطع تفكيره الباب وهو يندق حمزة :تفضل الممرضة :دكتور تفضل هاي الملفين يلي طلبتهم حمزة :شكرا طلعت الممرضة وفتح الملفين الاول اسم المريضة اية....... والتاني اسم الممرضة .. حمزة بعقله :غريبة كيف ما بيقربوا لبعض وكنوع من الفضول نادى الممرضة الممرضة :طلبتني يا دكتور حمزة :بدي تحليل dna للمرضيتين الممرضة :بس يا دكتور كل وحدة حالة ومل بقربو لبعض حمزة :اعملي متل ما بحكي الممرضة :متل ما بدك يا دكتور ............... تاني يوم صحيت سمر بنشاط ولبست اواعيها وطلعت بسرعة لتقابل امجد دخلت المطعم كان قاعد سمر بهدوء :مرحبا امجد بابتسامة :هلا كيفك سمر :تمام امجد :شو حابة تشربي سمر :كابتشينو امجد :اوكي وطلب 2كابتشينو امجد:احمم ما بعرف كيف بدي ابدا انا ما بعرف كيف احكي بهاي القصص سمر :شو فيه ؟؟ امجد :احمم انا الي اخ اسمه ماجد سمر :اها امجد :وهو كان يحب وحدة مخطوبة وهلقيت فسخت خطوبتها سمر :اي امجد :فكرك شو رايك شو لازم يعمل سمر وحست بالاحباط من الموضوع :اممم انا ما بعرف بالظبط شو لازم يعمل امجد:افترضي البنت هي اختك شو بتقترحي تعملي سمر:لو هي متل اختي لا يتقدم الها هلقيت لانه نفسيتها تعبانة بس ممكن يرن عليها يحكي معها او مثلا يطلعوا سوا اي شي لتعرف انو بحبها وتتقرب منه امجد :هيك رايك سمر :اكيد بس انا مش عارفة ليش سالتني انا بالذات امجد :امممم بصراحة لانو اخي ماجد اممم بحب اختك مروة سمر :شو ؟؟ امجد :اخي بحبها كتير حتى لما كانت خاطبة كان يحبها صدقيني سمر :ما بعرف شو احكي بس صدقني راح يتعب معها امجد :لو بحبها راح يتحملها بس بدي مساعدتك سمر :بشو امجد :تحاولي تطلعيها من النفسية يلي فيها ممم تخليها تنتبه لماجد سمر :اوكي بحاول امجد :اوكي اتفقنا سمر :اها شربت من الكابتشينو بهدوء وهو يراقبها سمر :انا لازم اروح امجد :اكيد وانا كمان عندي تدريب كلمة تدريب خلتها تلتفت لعضلاته بلعت ريقها وهي تقول :انت شو يلي جابرك ع هيك ما بتتوجع امجد بابتسامة :كل واحد عشان يحقق حلمه لازم يتعب سمر :اها بس شو الهدف تبعك من الملاكمة امجد : خلص انا حبيت الملاكمة من صغري وبعدين بفرغ طاقتي فيها رفعت حاجب :تفرغ طاقتك في شخص قدامك امجد :ههههههههه تقريبا سمر :اها طيب عن اذنك قام امجد معها وطلعوا امجد :مين راح يوصلك سمر :رنيت ع السواق هيو جاي امجد :انا بوصلك تعالي سمر :لا انا رنيت عليه وهو في الطريق امجد :اوكي بستنى معك سمر :اوكي لفت انتباه سمر محل اواعي جنب المطعم مشت لعنده سمر باعجاب :يجنن امجد من وراها :الفستان ؟؟؟ سمر:لا البلوزة مع البنطلون انتبه امجد كانت بلوزة حمرا عليها كريستلات بيضة وسمرا مع بنطلون اسمر امجد :تعالي نشتريه سمر :راح افوت اقيسه ودخلت قاسته وطلبته طلعت لتدفع حقه الموظف :حقه واصل سمر :مين الموظف ياشر ع امجد يلي كان برا :هو سمر :شكرا وطلعت سمر:ليش دفعت انا مو بحاجتك الحمد الله امجد لاحظ العصبية عليها لاول مرة :سمر عادي شو فيها سمر:لا مو عادي وطلعت محفظتها امجد :انسي اخد حقه خلص سمر:امجد امجد حس حاله موقفه غلط وهو بتقاتل معها بالشارع مسك ايدها ودخلها سيارته وركب جنبها وسكر الباب سمر :اي اترك ايدي بتوجعني امجد انتبه انو لسا ماسك ايدها بقوة :اسف بس برضو مو مستاهلة مشكلة القصة عادي لو دفعت عنك سمر وكان وجهها احمر مع العصبية :انا ما بحب حدا يدفع عني تفضل فلووسك امجد بهمس :بتعرفي انك حلوة وانتي معصبة ارتبكت سمر وفتحت تمها لتحكي لمن سكتها باصبعه غمضت عيونها بخوف وابتسم هو ع شكلها قرب منها بهدوء وقال : بتعرفي انك انتي البنت الوحيدة يلي شغلت تفكيري سمر:انا قرب منها اكتر وهو يقول :انتي حست حالها راح تبكي يلي كانت تتمناه صار امجد بحبها او بفكر فيها ع الاقل صحيت من تفكيرها لما باسها ع خدها امجد :بعرف انك انتي مستحيل تكوني معي لانك مدلعة وانا ملاكم ردت بسرعة :مين حكالك هالكلام وعضت شفتها بعد هيك من الاحراج امجد :بحبك ما قدرت تتحمل اكتر وبكت ضمها وهو يقول :حبيبتي شو مالك ما اجاه رد منها سالها :بتحبيني سمر ......لارد انتبه امجد انها بتطلع ع عضلاته امجد بهمس :هدول ليحموكي مو ليضربوكي سمر :أمجد امجد :عيونه سمر :وانا كمان بحبك بس لا تعصب كتير عليا امجد :حاضر يا عيوني ما توقعتك خويفة هيك بس حق الاواعي ما راح اخدهم سمر :هههههههه اوكي ***************************** صحيت اية وهي حاسة بوجع تاوهت وهي تفتح عنيها واجاها لؤي اول ما سمع صوتها لؤي :الحمد لله على السلامة حبيبتي خوفتيني عليكي اية :ابني ؟؟ لؤي :والله كنت راح اموت بسببك اية تكرر :لؤي ابني شو صار فيه لؤي :حبيبتي اهدي انتي وان شاء الله ربنا بعوضنا خير اية بكت ونزلت دموعها بسرعة :لييش انا بدي اياه حتى لو الكل ما بده اياه هادا ابني انا لؤي :حبيبتي اهدي كلنا زعلنا عليه بس انتي اهم اية وهي تدفن راسها بصدره :رجعلي اياه بدي اياه صارت تصرخ عليه :انتو السبب ما بدكم اياني ما بتحبوني واكيد ما بتحبو ابني لؤي :اية شو هالحكي انا بحبك اية تصرخ :لأ ما حدا بحبني دخلت ام اية وام حاتم وام لؤي صرخت اية :برا كلكم برا وسحبت المفذي يلي كان بايدها لؤي بصراخ : آآآآآآآية التفتت برعب لؤي :صوتك ما يعلى وانا موجود وطلع بسرعة ولحقته ندى ندى :انت مجنون لا اكيد مجنون البنت متاثرة وانت بتزيد عليها شو صايرلك انهبلت لؤي :ما اتحملت والله ما تحملت ندى :يا الله منك جيت تكحلها عميتها خلص روح ع الشغل هلقيت وارجع كمان ساعتين اما اية يلي الخوف جزء من شخصيتها سكتت بعد ما زعق لؤي فيها وقعدت على الارض تبكي بصمت اما الامهات التلاتة كانو كلهم مجربين شعورها بفقدان واحد من ولادهم ام لؤي فقدت حمزة وهو شاب ام اية فقدت تؤام بنتها ام حاتم اجهضت جنين قبل هيك كلهم عارفين احساسها لهيك تركوها تبكي دخلت ندى وراحت عندها ندى بعقلها :خربانة وخربانة خليني اجرب هالشي يارب ينفع راحت عند اية ومسكتها :قومي قومي اشوف شو مالك اية بتعب :ابني راح ندى :اها راح خلص مات وهيك تعبتي وبكيتي وتقاتلتي مع زوجك شو استفدتي من كل هالشي رجع ابنك انتي مش اول وحدة ولا اخر وحدة فقدت طفل بكفي انتي لسا صغيرة بتقدري تجيبي غيره ضمت ندى وصارت تبكي ******************************** رجعت سمر على بيتها واول ما فاتت شافت مروة بوجهها مروة :وين كنتي سمر : بالجامعة مروة بعدم تصديق :اها سمر :ِو مالك مروة :لا بس بدي اسالك لشي انتبهت عليه سمر بخوف :شو هو مروة :يوم ما سالم طلقني انتي حكيتي اني مفروض اشكر اية ما حطيتي الحق عليها كالعادة لتكوني حبيتيها سمر :اه حبيتها بحبها هاي اختي ويلي بتعمليه انتي فيها حرام وانا اليوم راح اروح اطمن عليها حابة تيجي اهلا وسهلا مروة :اه راح اجي سمر بصدمة :بجد مروة :اها وانتي كان معك حق كان لازم اشكرها لانو لولا وجودها كان عشت طول عمري مخدوعة فيه سمر بابتسامو :صدقيني الا ما تلاقي يلي بحبك مروة :ما اظن في واحد عنده استعداد يحبني سمر :ولو لاقيتيه شو بيصير مروة :ما بعرف اساسا هالفكرة مو براسي اكتفيت من سالم سمر :مو كل الرجال متل سالم وانتي مفروض ما تخليه ياثر اطلعي وعيشي وحياتك مروة :اكيد طلعت مروة على غرفتها اما سمر راحت على المطبخ وشافت خالد سمر بعقلها :يا ويلي ليكون سمعنا واحنا بنحكي بالحب قرب منها وباس جبينها :بجد انك ملاك سمر :انا حكيت هيك بس لاطلعها من يلي هي فيه خالد :والحب مش عيب لكن لا تتجاوزي حدك هزت سمر براسها سمر :خالد خالد :عيونه سمر :نفسي احضر ملاكمة عقد حواجبه وبعدين ضحك :ههههههههههههههه انتي ملاكمة بتمزحي سمر :لا انا حابة احضرها في وحدة كمان يومين امانة خلينا نطلع خالد :حبيبتي انتي منيحة سمر :خالد امانة خالد :اوكي متل ما بدك بجيب الدعوات انا بالعادة بحضر بس بجيب تنتين هالمرة سمر :لا انا جبت لحالي وحدة خالد :بجد صدمتيني سمر :انت مين بتشجع بالعادة خالد :في واحد شاطر حتى لو خسر بنبسط منه سمر :مين قصدي شو اسمه خالد :امجد ...... لمعت عيونها وطلعت خالد بعقله :مبين من عيونك انك تحبي ******************** كانت قاعدة بالمستشفى دخل لؤي وراح عندها لؤي :حبيبتي والله ما كان قصدي اصرخ عليكي اية :مو مهم حبيبي انا اسفة كلامك صحيح ما يجوز اعلي صوتك وانت موجود ابسم لؤي :احبك والله نزلت راسها لؤي :وينهم تاركينك اية :ندى شافتك جاي خلتهم يطلعوا ع الكفتيريا وماما روحت لؤي :اها والله يا ندى اليوم لاعملك يلي بدك اياه عشان خليتين لحالي مع هالقمر ضحكت اية :لؤي بدي اطلع لؤي :خليكي ارتاحي اية :برتاح عندك لؤي :حاضر حبيبتي بشوف الدكتور سمعوا دق الباب ودخلت سمر مع مروة اية عقدت حواجبها اول ما شافت مروة لؤي بهمس :مو مكتوب النا نكون لحالنا اخليكي مع خواتك وطلع اما هي ضحكت عليه سمر :شو حكالك مروة :انقهر انا قطعناهم اية بصدمة :شو عرفك مروة بحزن :نسيتي اني كنت خاطبة اية :مروة انا مالي دخل مروة بابتسامة :كيف مالك دخل انتي الوحيدة يلي كشفتيه الي صدقيني ما بستاهل ازعل عليه اية :صدقيني تستاهلي يلي احسن منه مروة :نسينا حالنا الحمد لله على السلامة اية :هههههههههه انا حكيت بتحكوها لما تروحوا الكل :هههههههههههههههههههههه قعده مع بعض يحكو سمر انتبهت على الباب المفتوح شافت امجد واقف عند باب غرفة سمر :عن اذنكم وطلعت امجد :سمر شو مالك حبيبي انتي منيحة سمر :اها بس جيت ازور اختي امجد :الحمد لله على سلامتها سمر :الله يسلمك انت شو جاي تعمل هون امجد :والله جاي افحص رجلي كمان يومين المبارة سمر :ماله داعي تلعب امجد :اه بس انا بحب هيك سمر :يلي بريحك وراحت دخلت عند خواتها كانو قاعدين ومتكتفين مروة :مين الاخ سمر :اي اخ اية :لا تستهبلي سمر :امجد اية : ومين بكون سمر حطت ايدها ع قلبها :حبيبي مروة واية :ما تستحي مروة :ما توقعتك تحبي سمر :وليش مروة :لانك دايما بتكرهي تحكي بالمواضيع هاي سمر :بس هو غير يا ويلي عليه اية :كيف تعرفتو ع بعض سمر قعدت وتربعت :احكيلكم ....... ****************** بعد ساعة لؤي :شو يا صبايا اكتر من هيك ما بتحمل مروة :خلصنا شو مالك علينا لؤي يشوف مروة :تستاهلي غيره والله مروة نزلت راسها :الفضل كله الك ولمرتك انكم كشفتوه لؤي :ولو واجبنا شو ما تحتاجي انا بامرك اية :شووو لا مو محتاجة شي منك مروة وسمر :تغااار مروة :يماما بدي اهرب من هون قبل ما تقتلني سمر :اوكي عن اذنكم وطلعوا يضحكوا قرب لؤي من اية :تسلملي يلي تغار اية :لؤي خلص بعد عني لؤي :اوكي يلا بدنا نروح اية :بجد ؟؟؟ لؤي :اها بجد قامت اية بمساعدة لؤي وجهزت حالها اية :لؤي ؟؟ لؤي :هممم اية :انت جبتني بدون عباية لؤي :اه نسيناها دخلت ندى :تفضلي بعتت مع خالد يجيبها لؤي :خالد ؟؟؟ قلب وجهها الوان :اخدت رقمه من جوال اية همس بدانها :بدي اقص ايدي لو ما بتحكي معه من قبل لولا انو خطيبك وانا واثق فيه كان صار كلام تاني ندى بضحكة :منيح انو خطيبي وهربت لبست اية عبايتها وطلعت ********************* اسفة على التاخير وقصر البارت بس حاليا انا امتحانات وما في بارت غير بعد اسبوعين لغاية ما اخلص امتحاناتي اتمنى يعجبكم البارت ************** بدي توقعاتكم الدكتور شو بيعمل لما يصل التحليل وشو السر يلي مخبيه ندى وخالد مروة بتتقبل ماجد سمر بتحضر الملاكمة اية مع لؤي بانتظار توقعاتكم