أنا سندريلا - الفصل 9 - بقلم كبرياء فلسطينيه - مكتملة | روايتك

صحيت تاني يوم وهي حاسة بالراحة اول ما فتحت عينيها قامت برعب تتامل بالغرفة لؤي يلي كان صاحي وبتاملها :صحيح ما نمتي هون انا نقلتك اية باحراج :اسفة لؤي :انا بدي افهم ليش خايفة انتي ما حكيتي مع امك مبارح هزت راسها نفي لؤي :ليش ؟؟؟ اية :خجلت ابتسم لؤي وهو يقول :اها خجلتي طيب لنشوف اخر شي شو بده يصير قامت اية بسرعة وطلعت شافت ندى بوجهها ندى :نحكي صباحية مباركة اية :ممكن تسكتي ندى :ما صار شي يعني ورجعت على غرفتها اية بعقلها :يا لطيف هالبنت ما بتستحي يلي بشوفها بحكي ام لعشر ولاد ما هي انسة نزلت تحت شافت ام لؤي وابوه اية :صباح الخير ردوا عليها الصباح وراحت تحضر الفطور جهزته وطلعت للؤي فاتت الغرفة كان بتعطر حكت منخارها وهي تقول :الفطور جاهز لؤي :شو هاي الحركة يلي عملتيها اية :اي حركة ؟؟ لؤي وهو حك منخاره متلها نزلت راسها بخجل واجاه الجواب من ندى يلي كانت نازلة تفطر وسمعتهم ندى :بتعمل هاي الحركة عشان متوترة اكتر من مرة انتبه عليها لؤي :ندى ؟؟ ندى :شو ؟ لؤي:شو رايك ازوجك نفسي مرة احكي معها ما تنطي علينا وتحكي عنها ندى :وانا راضية جوزني اوكي وهربت ضحك لؤي وهو يقول :مجنونة اقسم بالله التفت لاية يلي ساكتة لؤي :انتي مالك ما بتحكي اية وهيي تقلد ندى :ابدا كانك تحكي بموضوع يخص شخصي الكريم وهربت ورا ندى لؤي :ندى ونزل عندها ندى :يا امي شو ماله لؤي :هبلتيها للبنت اية ممنوع تحكي مع ندى فاهمة ضحكت ندى وهي تقول :مرت اخي مالك دخل لؤي :لو بتتركي اخوكي نفسه بكون احسن ام لؤي :شو مالكم خلص اقعدوا افطروا افطروا وطلعت ندى واية يلبسوا عشان الجامعة نزلت ندى وهي تقول :لؤي راح توصلني لغاية ما بابا يجيب سواق جديد لؤي بكره :ما في سواق بعد اليوم امشي انتي واياها قدامي ندى تهمس لاية :يا امي مرعب هادا الشب ما بتعرفي رايق ولا بمزح ضحكت اية بهدوء لؤي :يا ريت تسلملي هالضحكة ويخليلي صاحبتها ندى :انا يلي ضحكت لؤي :لا على اساس ما بعرف ضحكتك انا اية بصوت واطي :مالكم عليا اليوم خلص اسكتوا ندى :لؤي ما بقدر راح يجيني ضغط شو هادا صوت واطي وخجل وقلة حكي تحسها بجد بنت صغيرة لؤي يستفزها :مو متلك بحس حالي بحكي مع واحد صاحبي ندى :ه ه ه ه ه تصدق جربت اضحك وما زبطت معي اية : ههههههههههههه لؤي :شوفي زبطت الضحكة معها هههههه ندى :هههههه هيك يا اية تقصفي الجبهة اية :بالله ما تزهقوا وانتوا تتقاتلو لؤي باستغراب :كنتي تزهقي لما تتقاتلي مع اهلك نزلت راسها بسرعة وحاولت تمسك دمعتها لؤي :اية شو مالك شو صار ندى :عادي ولا شي ذكرتها باهلها لؤي :مبارح كنتي عندهم والمفروض انك تعودتي ندى :هي حساسة خلص عاد نزلهم لؤي وطلع على شغله وهو مقهور لؤي شو صار ليش كل ما اجيب سيرة اهلها تكون بدها تبكي اه بعرف انها ممكن تكون مجبورة عليا بس شو دخل اهلها علاقتي معها نوعا ما منيحة تعب من كتر التفكير في اية وسرها لهيك تركه على جنب ودخل شركته بهيبته يلي بفرضها على الجميع ******************************* كان ماشي بشوارع اسبانيا ومش منتبه لشي حاتم :بس لو اشوفك اخدك واترك اهلي واهلك سمع رنة جواله كان ابوه حاتم :ألو ابو حاتم :وينك مو كانك تاخرت برحلتك هاي حاتم :على اخر الاسبوع برجع ابو حاتم :ولو كان قبل منيح الشغل كتير علينا حاتم :اوكي وقفل شاف بلسم لابسة فستان بني طويل وتحته بلوزة بدي بنية فاردة شعرها يلي واصل لكتفها وماشية بثقة راح عندها حاتم :هلا انتبه على ارتباكها وهي تقول :حات ..اه ..هلا هلا اهيلن حاتم حاتم :شو مالك بلسم :عادي ولا شي حاتم :وين رايحة بلسم :عرس صاحبتي حاتم :بجد ممكن اجي بلسم :ها؟ تيجي ؟ حاتم :اها الا اذا ما بدك بلسم بعقلها :الله يستر اذن راح يشوف جوليا هناك بلسم بستسلام :لا عادي تفضل حاتم بعقله :متاكد هاي البنت بتخبي شي عني راح اروح معها يمكن اقدر احكي معها وافهم شي منها *************************** ندى :ما بنفع تيجي معي اية :من عقلك شو اعمل معكم ندى :اي شي الله يخليكي على الاقل لو اجا لؤي يكون كانو جاي الك مو الي اية :طيب ركبوا سيارة وراحوا كان قاعد ومبين عليه التوتر واول ما شافها ابتسم سلم عليها ومسك ايد اية وهو يقول :ملاكي اشتقتلك اية :وانا كمان اشتقتلك بس في ناس تانية مشتاق الهم صح ضحك خالد وهو يقول :كيفك ندى ندى :منيحة خالد :سمعت انك راح تخلصي السنة هاي ندى بسرعة :لا بضل الي فصل لاني اول فصل ضيعته على حالي خالد :هههههههههه وبنستنى كمان فصل فهمت قصده وانقلب وجهها اية بصدمة :بتخجل ؟؟؟ يا ويلي خالد اتزوجها اول مرة اشوفها تخجل ندى تشمر متل الشباب وتحكي :اية روقي لاضربك ضحك خالد عليها نزلت اكمام قميصها بخجل خالد :بحب البنت العفوية متلك فاكرة اول مرة شفتك كنتي راح تضربيني ابتسمت بخجل اما اية اتمنت انهم يكونو مع بعض اية :ندى يلا ندى :اها خالد :ندى بنفع اخد جوالك ندى :اوكي تفضل 05**** وطلعت واية ميتة ضحك عليها *************************** كان قاعد معها في صالة الافراح ويضحك بنفس الوقت حاسس بارتباكها وفجاة انفتح الباب ووقف بصدمة اول ما شافها جوليا حبيبته جوليا بالفستان الابيض جوليا بتنزف لغيره حدا تاني بده يتزوجها صارت ملك واحد تاني واحد مسيحي نفس الدين ما حدا رافض غير هالارتباط بلسم :حاتم ؟؟ طلع حاتم وهو مخنوق ولحقته بلسم بلسم :الله يخليك اسمع حاتم بعصبية :شو اسمع ليش ما حكيتي ليش تخليني اشوف هالشي بلسم :بجد اسفة بس ما عرفت شو احكي يعني شو احكيلك انا جاية على اسبانيا لعرس صحبيتي يلي بتكون حبيتك تركها حاتم وجهز لحاله اول طيارة يلي كانت بعد ساعتين وقف بالمطار يستنى وشاف بلسم بلسم :انساها والله ما بتستاهل حبك حاتم :لا تنصحي فيا خلص انا اساسا نسيتها وما بتلزمني ضلت ساكتة وركبت معه الطيارة حاتم :وين رايحة بلسم :قلتلك انا جاية احضر عرس صحبيتي وهيو خلص ماله داعي اضل باسبانيا لحالي طنشها حاتم ودخل **************************************** كانت ندى واية بيحكو مع بعض ندى :عارفة يا اية لو زهق اخي منك وتزوج عليكي ما راح ازعل منه اية بعصبية :شو هالحكي ندى :والله يلي سمعتيه مالك حق بلي بتعمليه اية :ما بعرف والله ما بعرف ندى :انا بعرف اية :شو ندى :بس يجي اليوم زوجك بتعملي يلي راح احكيلك عنه اية :صحيح وينه لهلقيت ما اجا ندى :الشهر هادا عندهم ضغط شغل بخلص شغله وبيجي المهم اسمعي **************************** يا ويلي عليها ما احلا برائتها بس انا ما بعرف شي عنها ولا اسمها حتى شو اعمل تذكر كيف غطت وجهها لما كان بده يضربها يا ويلي شو عملت فيا هاي البنت ياريتي اخدتها معي وما خليت حدا يعرف الها طريق واقتل كل واحد بطريقي شو هادا يا امجد كل شي بالضرب لو بدك هاي البنت بدك تخف شوية بالضرب لانو باين عليها مدلعة في الغرفة التانية كان مقهور ليش هي يلي حبيتها وهي عمرها ما حست بحبك بالعكس عايشة مع خطيبها ولا بهمها الدنيا ليش يا مروة شو ناقصني انا يا ريتي يموت هالسالم ليش اخدها مني اخ يا ماجد خلص انساها انساها وعيش حياتك اما في غرفة دلوعة البيت معقول معاذ كان يحكي جد وانه تزوجني عشان بابا لا لا اكيد بمزح اوووف شو اعمل انا ما بدي حدا يحبني لفلوسي لا بدي اياه عشاني انا لذاتي وشخصيتي وتصرفاتي ************************************** اما عند سمر كانت تتذكر الحادث يلي تعرضت اله كانت تفكر يا ويلك يا سمر لو ضربك بيوم بتروحي بخبر كان معاه والله بدخل بغيبوبة منه الحمد لله يا رب ما ارجع اقابله اما في غرفة اختها مروة كانت تحكي على الجوال مروة :شو يعني ليش تاجل العرس سالم :انا عندي شوية ظروف مخلياني ااجل العرس مروة :متل شو سالم :خلص عاد شو هادا مو عاجبك بننفصل ما بحب يلي بناقشني انا مروة :اعمل يلي بدك اياه وقفلت ورمت الجوال ونامت وهي تبكي اما غرفة خالد كان يتذكر ندى وخايف يرن عليها سمع صوت حركة بالبيت قام بسرعة ليشوف مين طلع خالد :حاتم ؟؟؟ اهلين الحمد لله على السلامة حاتم :الله يسلمك خالد :فكرت على اخر الاسبوع راجع حاتم :لا خلص بكفي في شغل كتير لازم يخلص بعد اذنك تعبان تركه خالد وهو حاسس انو في شي **************************** دخلت عليه كان حاطط راسه باللابتوب وبشتغل اية :عندك شغل لؤي :اها اية هزت راسها وراحت وهي ناوية تعمل يلي حكته ندى فتحت خرانتها وطلعت لحالها قميص نوم اسود قصير ودخلت الحمام تمكيجت وتعطرت ولبسته وطلعت وهي حاطة ايدها على قلبها اما لؤي ما انتبه الها رسمت ابتسامة على وجهها وقعدت جنبه التفت لؤي الها بسرعة ورجع لشغله ورجع التفت الها كانو مو مصدق لؤي :اية ؟؟ اية :انا مش خايفة منك قفل جهازه وهو يقول :وهو المطلوب وحملها وو...............................*^ ************************************************** *** كانت بدها تنام لما سمعت جوالها يرن اول ما شافت رقم غريب عرفت انو هو ردت :الو خالد :احلى الو ضحكت بهدوء خالد :ليتها تسلملي هالضحكة ندى :خالد بدي اعرف عن حياتك خالد :شو بدك تعرفي ندى :كل شي خالد طيب يا ستي خلينا نتركهم على راحتهم ********************************************** صحيت تاني يوم وهي بين ايديه ابتسمت بخجل اية :لؤي لؤي لؤي :هممم اية :يلا قوم عندك شغل لؤي وهو يضمها :مو ناوي اروح اية :ههههههههه خلص لؤي قوم بلاش كسل لؤي :بتعرفي انو في شغل كان مفروض اخلصه مبارح وبسببك انتي ما كملته اية :يعني بدك تشكيني لعمي لؤي :ههههههههههه لا انا بدي اعاقبك اية وفهمت قصده :خلص ابعد لؤي :مالك دخل فيا انتي شي خاص فيا وانا حر تضايقت اية منه هو ما بحبها بس هي شي خاص فيه وبستخدمه مو اكتر بس ما بينت لؤي :شعرك بجنن اية لتستفزه :اها بدي اروح مع ندى اليوم لاقصه باس رقبتها وهو يقول :بدبحك الا شعرك اية :مو ناوي تقوم لؤي وهو يشدها :لا كانت بدها ترد بس سمعو دق ندى على الباب ندى :اذا ما بدكم تفطروا براحتكم انا زهقت وانا استنى لؤي بصراخ :ما بدنا روحي وما حدا يدق الباب ندى :ههههههههههه اذن صباحية مباركة ونزلت تركض اية ولؤي :ههههههههههههههههههههه اية :اختك مجنونة لؤي :وانتي جننتيني اية :لؤي روح على الشركة عشان شغلك يلا قام وهو يقول :مصرة على رايك طيب دخل الحمام اخد دوش وغير اواعيه وطلع فاتت وراه اية اخدت دوش سريع وغيرت اواعيها وطلعت على الجامعة في الطريق ندى :ههههههههههههه اسفة ما عرفت اكتمها مبروك نزلت اية راسه بحيا ولؤي ما حكا شي وصلهم وطلع على شغله ********************** في الشركة ابو لؤي :شو هالاهمال هادا مين اخد هادا الشغل السكرتير :الاستاذ لؤي ابو لؤي :مين ناديه بسرعة السكرتير :اسف بس هو ما اجا لسا ابو لؤي :شو بيصير تقصير وتاخير من لؤي عمرها ما صارت السكرتير :الاستاذ لؤي اجا اناديه ابو لؤي :اها طلع بسرعة وراح عند لؤي ليناديه بعد فترة دخل لؤي لؤي :صباح الخير ابو لؤي :شو صاير يا بني معك هاي اول مرة تقصر بالشغل لؤي :اسف ما راح تتكرر ابو لؤي عرف كل شي من بسمة ابنه يلي على وجهه ابو لؤي :اوكي روح هلقيت خلصه وخلي الشباب يساعدوك لؤي :حاضر وطلع ******************************** هيك بكفيكم لهون حياة اية ولؤي معقول مروة تفسخ الخطبة ابو حاتم بيلاقي منة ؟ شو ردة فعل منة لما تعرف القصة امجد وسمر بيلتقيوا وكيف حاتم بعد ما اكتشف خيانة جوليا شو راح يعمل بحياته على فكرة انا الرواية عندي جاهزة فعندي اقتراح شوفوا اذا بعجبكم او لا انا ممكن كل يوم انزل بارت بس بيكون صغير او بقدر انزل يوم بالاسبوع ويكون طويل شوفوا شو بعجبكم ونزلوه بتمنى من الجميع دعوة اصدقائة للرواية تحياتي لكم كبرياء فلسطينية