أنا سندريلا - الفصل 8 - بقلم كبرياء فلسطينيه - مكتملة | روايتك

بتمنى تقرواه الشاعر الفلسطيني محمود درويش لو يذكر الزيتون غارسهُ لصار الزيت دمعا! يا حكمة الأجدادِ لو من لحمنا نعطيك درعا! لكن سهل الريح، لا يعطي عبيد الريح زرعا! إنا سنقلع بالرموشِ الشوك والأحزان.. قلعا! وإلام نحمل عارنا وصليبنا! والكون يسعى.. سنظل في الزيتون خضرته، وحول الأرض درعا!! ـ2ـ إنا نحب الورد، لكنا نحب القمح أكثرْ ونحب عطر الورد، لكن السنابل منه أطهرْ بالصدر المسمر هاتوا السياج من الصدور.. من الصدور ؛ فكيف يكسرْ؟؟ اقبض على عنق السنابلِ مثلما عانقت خنجرْ! الأرض ، والفلاح ، والإصرار، قال لي كيف تقهر.. هذي الأقاليم الثلاثة، كيف تقهر؟ ، كانت تتذكر محادثتها مع ندى بخصوص اخوها خالد اية :خلص بحكي معه اليوم عشان تحددوا موعد بترجعي لتتفاهموا مع بعض ندى :اوكي بدي اروح ع الجامعة ما بدك تروحي اية :لا اليوم بدي احول من الطب للتصميم ندى بصدمة :بتمزحي ؟؟ اية :لا انا بخاف ندى :فيكي تدخلي أي نوع من الطب مو شر يكون فيها دم اية :كل الطب فيه دم ندى :كوني متلي طب نفسي اية :لا انا ما بتحمل اسمع مشاكل الناس بصير ابكي معهم وبعدين انا بحب التصميم وشاطرة فيه ندى :اوووه خلص فستان عرسي من تصميمك اية ضحكت وبنفس الوقت قلبها يبكي لما تذكرت انو ما صار الها عرس مع انها طول عمرها عايشة على الحلم انشغلت بعد ما طلعت ندى ع الجامعة بشغل البيت وبعدها سمعت صوت الباب يتسكر عرفت انو خالتها ام لؤي طلعت ما بتعرف وين بتطلع كل اسبوع بتغيب ساعتين وبعدها بترجع ولازم تكون في الساعتين مخلصة المطبخ والبيت والترتيب وبمجرد ما تيجي بتبدا طبخ وما بتخلص الا ليجي لؤي بتحط الغدا وبنظف وبتستقبل ضيوفهم لانو قليل ما بيفضى بيتهم وبعدها بتحس حالها مكسورة بتروح ترتاح او تحكي مع ندى وبالرغم من وقتها الضيق لازم تفضي وقت للؤي وهلقيت الجامعة ماخدة وقت منها صارت تحس حالها مش عارفة تدبر امورها تحس بتعب نفسي قبل ما يكون جسدي تعبت من هالحياة لو ترجع لبيت اهلها بس ما فرقت كتير على الاقل لؤي سمحلها تكمل تعليم بعكس ابوها قطع تفكيرها صوت همس من وراها :الحلوة بشو بتفكر ارتجفت والتفت للصوت وقالت بصدمة :انت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ *********************** كان يفكر وين ممكن تكون موجودة مستحيل حدا اخدها طيب هي عايشة ولا ميتة كان مقهور ومش عارف شو هو شعوره بالضبط الندم او عنده حقد بده يكمله او ممكن بده شغالة جديدة ابو حاتم بعقله :البنت انحطت عند دار الايتام راح ادور على كل البنات بتاريخ ميلادها يلي تم اخدهم من كل الملاجئ وضغط زر بعدها اجاه انس انس :طلبتني يا استاذ ابو حاتم :بدي تدور في كل الملاجئ عن بنت انولدت بتاريخ************** سواء تم تبنيها او ضايلة بالملجئ او ماتت او أي شي أي بنت يتمية انولدت بالتاريخ يلي حكيت عنه انس :حاضر يا استاذ بعد اسبوع بتكون النتيجة عندك ابو حاتم :تفضل طلع انس ليشوف شغله تارك ابو حاتم في مجموعة من الافكار والمشاعر الحسنة والسيئة ****************************** لبست اواعيها وكانت روعة كالعادة وهي مو مصدقة كيف اقنعت ابوها بدخولها للجامعة وطبعا ولانها دلوعته ما كان قادر يرفض ووافق ودخلت تصميم لسببين الاول لتكون قريبة من اية ومعها والثاني اهتمامها الدايم بالموضة نزلت بسرعة وافطرت وطلعت كانت عارفة انو اية لسا بتنقل بورقها وما راح تيجي ع الجامعة هي حكت مع اية مبارح وعرفت منها انها راح تدخل تصميم وحكت مع ابوها ودخلت هي تصميم حضرت محاضراتها التلات المتتالية وقررت بعدها ترجع ع بيتها وترتاح بعد هاليوم سمعت صوت شب معصب وهو يحكي ع التلفون ......:شو يعني شغال عندك انا تقولي تعال خدني وبعدها تقولي خلص اخدني السواق :حسابك معي بس ارجع طيب خلص انقلعي وسكر التلفون بقوة هاي الكلمات يلي سمعتها رعبتها خاصة انو هي مو متعودة حدا يصرخ عليها وقفت تستنى السواق يلي تاخر كانت عارفة اكيد مروة مستلماه مشاوير عشان تجهز حالها سمعت صوت شباب من وراها الشاب1 :شو مالو الحلو مستني الشاب 2:تعالي خلينا نوصلك الشاب 3:تعالي وما بتندمي كرهت حالها بسببهم ومشت عنهم صدموها لما لحقوها صارت تسرع بمشيتها اما هما صاروا يلحقوها ركضت بسرعة اما بقية شباب الجامعة فكروها لعبة من شلة اصحاب لهيك ما تتدخلو كانت تركض وفجاة صدمت فيه وكانت راح تقع بس مسكها من خصرها وهو يقول بصوت عصبي شوية :شو صاير فتحت عيونها لقته نفس الشاب المعصب على الجوال قبل شوية سمر : بيلحقوني وما بعرف ليش امجد :وليش ما ترجعي بيتك او تدخلي الجامعة سمر :بستنى بالسواق سمع صوت واحد من الشباب وهو يقول :يعني هادا يلي كنتي تستنيه وماخداه بالاحضان كمان انتبهت سمر انو لسا محاوط خصرها بايده تركها بسرعة وراح عند الشباب ناول الاول ضربه ع فكه والثاني خبطه في معدته اما الثالت خبطه كف وقعه ع الارض المعركة كلها ما دامت دقيقتين بين ايديه ابتسم بسخرية :اعرفوا مين بدكم تقاتلو انا امجد ..... وطلع اما الشباب اكتشفوا متاخر انو مصارع وملاكم وهو ماشي سحب سمر واخدها معه سمر بعصبية :هي انت وين امجد :هسس ولا كلمة اركبي السيارة ارجعك بيت اهلك سمر :لا خلص هيك يعطيك العافية بكفي يلي عملته امجد رفع ايده ناوي يضربها لكن نزلها لما خطت وجهها بايديها وصارت تبكي امجد بعقله :يالله مدلعة شكلها طيب شو اساوي انا خايف عليها وما بفهم غير بالضرب مو متعود اتعامل مع بنات غير منة انقهر لما تذكر منة يلي طلبت منه يجي ياخدها من الجامعة ولما وصل حكتله انو اجا السواق وهي بالبيت لكن منيح اجا عشان يلاقي هالبنت قطع افكاره صوت سمر وهي تحكي :مشكور على الخدمة بس السواق اجا عن اذنك تابعها لغاية ما وصلت السيارة وركبت وطلعت وطلع ع سيارته ليروح على النادي ********** انت ؟؟؟؟؟؟؟؟؟؟؟؟؟؟؟؟؟؟؟؟؟ صدمها ما توقعت بيوم من الايام يكون بالحقارة .....:اه انا شو مالك اية :شو بتعمل .....:جاي لحبيتي اية :اكيد انجيت عارف لو اجا لؤي وشافك راح يقتلك .....:شو مال حبيبتي معصبة اية بخوف متل العادة :ابعد عني او بحكي للؤي والله .....:شو بدك تحكيله كمل بعصبية :اسمعي بكرة قبل ما تروحي للجامعة نتلاقى فاهمة وطلع بسرعة اما هي ضلت مصدومة لفترة وقررت تخبر لؤي بس يرجع هي متاكدة انو بحل مشكلتها ممكن يضربها او يشك فيها او يقتلها مو مهم لكن بالاخر بحل مشكلتها صحيت من افكارها على الباب ينفتح خافت لكن اطمنت لما شافت ام لؤي يلي غابت فترة ورجعت الها ام لؤي :هي انتي اية باحترام :نعم خالتي ام لؤي :تعالي بدي اياكي قعدت معها بالصالة ام لؤي :شوفي يا بنت انا اذا كنت بحكي معك هالحكي فانا بحكيه لمصلحة ابني فاهمة هزت راسها ايجاب كملت ام لؤي :اسمعي انا عارفة انو ابني لسا ما لمسك بدي اياكي تطلبي منه الطلاق وترجعي ع بيت اهلك احسنلك او تضلي عايشة لمدة ما تيجي ولد وبالاخر رجعة على بيت اهلك فكري بحالك نزلت اية راسها وبكت يمكن دموع اية فيها سلاح سري يخلي قلب يلي قدامها يلين بسرعة لانه دموعها نجحت مع ام لؤي ام لؤي :مالك يا اية عمري ما شفتك بتبكي اية :بدي امي انا ما بعرف ليش تكرهوني والله انا بحب الكل وعمري ما اذيت حدا بالعكس طول عمري الناس بياذوني بس صبرت وتعبت ام لؤي :خلص روقي احكي شو بدك تعملي وانا بعمله اية :انا ما بعرف اعمل شي لحالي تعودت اكون خدامة ما بعرف اخد أي قرار ام لؤي :طيب اسمعي هالحل واذا بيرضيكي بنمشي عليه اذا قدرتي انك تغيري لؤي وتبعدي عنه البنات والشرب وتعدلي حاله انتي من بعدها بنتي وما بتطلعي من بيتي هزت اية راسها بالموافقة ام لؤي :طيب يالله روحي ارتاحي وانا بخلي الخدامات يكملو شغل باست ايد خالتها وطلعت وهي حاسة حياتها راح تبدا تكون احسن وطلعت لترتاح طلعت ترتاح بس بنفس الوقت مدايقة كيف بدها تغير لؤي وبنفس الوقت لازم تحكيله عن يلي هددها مستحيل تروح الو ما بتقدر وبتخاف فردت السجادة وصلت وهي تدعي ربنا تزول محنتها ونامت صحيت لما سمعت صوت لؤي يصحيها نزلت تحت حضرت الغدا خلص اكل لؤي :اية الحقيني اية بعقلها :يا امي الله يستر بس ما يكون عرف شي طلعت وراه بسرعة التفت لؤي الها وهو يقول :شو مال وجهك اصفر تعبانة اخدك ع الدكتور اية :لا مالو داعي بس شوية تعب وبروح قرب لؤي منها وهو يقول : لتكوني تعبانة من ليلة امس ابتسم لما شاف وجهها قلب الوان لؤي وهو يشدها لحضنه :اية انا زوجك لا تحرميني منك اية ..........لا رد لؤي :بدي اياكي الليلة شهقت وشاف الخوف بعيونها لؤي :اية لا تخافي اية بصوت واطي : بدي اروح عند امي لؤي :حاضر احكي مع امك روحي جهزي حالك وانا كمان ساعة باخدك عندها باس جبينها وقال : مستنيكي الليلة طلع اية يا رب شو هالمصايب يلي بتيجيني ورا بعض بالاول هدالك الح *** وبعدين ام لؤي وهلقيت لؤي ليش انا خايفة منه هو زوجي بس انا خليفة اكون متل اي بنت من يلي بنام معهم تذكرت كلام ام لؤي هي ما بتحبها هي بده مصلحة ابنها انا تعبت بجد تعبت ************ كان يدور متل المجنون عليها بدون اثر حس حاله لف اسبانيا كلها لكن ما في فايدة مر اسبوع على الفاضي بس بدور عليها وما في أي اثر كان ماشي وهو يحكي مع حاله :انت ضيعتها يا حاتم كانت الك وهلقيت عاني انا عندي استعداد اتزوجها بدون ما تغير دينها انا بس بدي اياها كان سرحان لما خبطت فيه وحس بشي حار ع جسمه تحدثت بالاسبانية بغضب ....:الا تستطيع الرؤية حاتم :اعتذر سيدتي ولكنك اوقعتي القهوة على قميصي رفعت راسها لتبرر انها ليست مخطئة صدمت به وهي تقول :يا الهي انه انت مجددا والان ماذا عرفها حاتم هي من اصدم بها قبل ايام حاتم بغضب :حسنا انا اسف ارجوكي اتركيني بلسم :وما هذا الاسف الغاضب تحدث بالعربية حتى لا تفهمه :مجنونة غبية ومشي عنها ولكنه صدم بها تتبعه وهي تتحدث العربية :شو انا مجنونة وغبية اها وانت جبان لو انت جدع كنت حكيتها بوجهي لكن من سوء حظك انا اصلي لبنانية حاتم :لبنانية بلسم :اه وشو يعني حاتم :انا لبناني كمان وكان الغربة دفعت الى الصلحة حاتم :بجد اسف ما كنت اقصد بلسم :اممم مو مهم وانا كمان اسفة مد حاتم يده وهو يقول :حاتم .... بلسم :بلسم ...... حاتم :انتي بنت حسام .... بلسم :اها بتعرفه حاتم :في عقد شراكة بين شركتي وشركته بلسم :اها حاتم :خليني اعزمك ع قهوة بدل يلي انكبت وافقت بلسم وراحت معه في شرب القهوة حاتم :شو بتعملي باسبانيا بلسم :اجازة حاتم :أي اجازة هاي لسا ما خلصت امتحانات لبنان بلسم بضحكة :اجازة قبل الامتحانات هههه ابتسم ع خفة دمها بلسم :وانت شو بتعمل حاتم :بحاول الاقي قلبي بلسم :حبيبتك شو صاير حكالها حاتم وكانه محتاج من يحكيله همه بلسم :اممم عجيبة شو عجبك ببنت مسيحية حاتم :شو نعمل بالقلب بلسم :وشو اسمها للحلوة حاتم :جوليا ... انتبه حاتم لارتباك بلسم حاتم :بتعرفيها بلسم :لا ما بعرفها شو بعرفني فيها انا هز راسه حاتم :بس لو الاقيها يا ريتي الاقيها ولا تعبت بدونها بلسم : ان شاء الله تلاقيها هلقيت عن اذنك لازم اروح حاتم :مع السلامة طلعت بلسم وهي مصدومة مستحيل يكون هو حبيبتها يلي طول عمرها جوليا تحكي عنه يا ويلي لو عرف وين جوليا هلقيت بجد مسكين طيب شو اعمل انا احكي لجوليا لا ماراح احكي لحدا وكاني ما بعرف شي *** اما عند حاتم انا لام اعرف هاي البنت احساسي يقول انها تعرف جوليا ارتباكها لما حكيت اسمها رعبها اكيد بتعرفها ************* اخدت دوش ولبست فستان ازرق قصير كت عليه حزام ذهبي عريض وحطت مكياج خفيف ما بتعرف ليش نفسها تنتبه لحالها اليوم ارسلت رسالة لخالد انها راح تزورهم بالبيت وفرحت انو مرت ابوها مش موجودة يعني تقعد براحتها مع امها لبست عبايتها وحطت الشالة وقعدت تستنى لؤي دخل لؤي بعد نص ساعة لؤي :جاهزة هزت راسها ايجاب لؤي :بدي اشوف لبسك يمكن ما يعجبني هزت راسها نفي قرب لؤي وهو يقول :لأيش شو لابسة اية :خلص اتركني لكن زاد عناده للؤي وهو يقول :ما بتطلعي لغاية ما اشوفه اشلحي عبايتك عرفت انو ما في فايدة من الحكي معه شلحت عبايتها وخجلت من نظرات لؤي الها اية :خلص تمام لؤي :ليش تلبسي هاللبس لاهلك المفروض يكون لزوجك هاللبس اية :................ لا در لؤي :شو رايك ناجل زيارتك لاهلك اية بسرعة :الله يخليك بدي اروح لؤي :طيب البسي عبايتك اية :لؤي قبل ما نروح بدي احكيلك شي لؤي :شو فيه كان متل الهيمان فيها وكانت عارفة انو نظرته راح تتحول للغضب بعد ما يعرف لكن هي وحدة من الاتنين يا يساعدها يا يقتلها وبالاتنتين بترتاح اية :بدي احكي شي وتسمعني للاخر لؤي :شو فيه اية شو صاير لؤي :اليوم اجا واحد ع البيت وحكتله القصة شافت انعقاد حاجب لؤي وملامح العصبية بوجهه اية تبكي :اقسم بالله ما حكيت معه لؤي :مين هو نزلت راسها لؤي بصراخ :مييين ؟؟؟ اية :علاء السواق لؤي :شو علاء ؟؟؟ نزل لتحت ركض وهو ناوي ع قتله شافه قاعد يحكي ويضحك مع الشغالة هجم عليه والدنيا في وجهه مسودة صار يضرب فيه لغاية ما اجا ابوه وهو الوحيد يلي قدر يهديه ابو لؤي :شو صاير لؤي :الحقير معجب بزوجتي انا بدي اخليه ما يشوف ابدا معك ربع ساعة اشوفك منقلع برا البيت ولا اشوف وجهك ابدا طلع عند اية واول ما شافها مسكها وهو يقول بعصبية :متى شافك اية :والله مرة وحدة يوم كنت تعبان عمي دخله وانا ما لحقت اغطي دخلت ندى وهي تقول :مرتين يوم ما كان مغمى عليها وحملها لؤي :ندى برا بسرررررررعة طلعت ندى وهي تدعي انو ما يصير لاية شي التفت لاية وهو يقول :اسمعي انتي الي فاهمة شو يعني الي انتي شي خاص فيا وانا ما بحب حدا ياخد اغراضي فاهمة هزت راسها ايجاب لؤي :قومي عشان اوديكي بيت اهلك لبست اواعيها بسرعة وطلعت راحت عند امها وقعدت مع سمر بعد ما كانت مروة طالعة مع سالم ومرت ابوها طالعة برضو قعدت معهم ساعة وطبعا ما حكت شي عن حياتها مع لؤي وبعد ساعة رن جوالها كان لؤي يطلب منها تطلع قعدت بالسيارة وهي تتذكر حديثها مع امها حطت راسها ع رجل امها وهي تقول :ماما فاكرة يوم كنتي تحكيلي قصة عشان انام ام اية :اها اية :حكتيلي مرة قصة سندريلا ام اية :صحيح ويومها انتي حكتيلي انك سندريلا عشان خواتك ومرت ابوكي ما بحبوكي اية :ماما احكيلي اياها كمان مرة قطع افكارها صوت لؤي :انزلي كانت بدها تنزل لكن مسك ايدها وهو يقول : راح ارجع كمان ساعة استنيني حاولت تسيطر ع حالها وما تبين الخوف لكن ظهر في كل وجهها طلعت عند ندى بسرعة عشان تلاقي حل لحالها ندى :تعالي هلقيت نامي عندي ولا تخافي هزت راسها وفعلا نامت عندها ************** صفاء :اسمع الحل الوحيد لنبعدهم عن بعض نقتلها ......:وفكرك سالم راح يقبل صفاء :ما بهمني يقبل ولا ما يقبل انا بهمني لؤي حسن :أوكي اعتبريها ماتت طلع حسن وهو يقول في عقله :شيطانين سالم طلب مني اقتل لؤي بدون ما صفاء تعرف وصفاء طلبت مني اقتل اية بدون ما سالم يعرف انا راح اقتل الاتنين ويلي بهمني انو الفلوس معي *************** دخل على بيته وفات غرفته وهي يدور عليها ما لقاها استغرب نزل يدور عليها ما لقاها دق الباب على ندى طلعت ندى واخلاقها في الارض ندى :خير لؤي :اية عندك ندى :بتعرفو شو مصبرني عليكم اني راح اتزوج وارتاح من همكم اه عندي دخل لؤي وشافها نايمة حملها واخدها ع غرفته باس جبينها ونام على الكنبة ************************ كانت تحكي مع معاذ منة : بتعرف مستغربة انو امجد ما بهدلني اليوم بعد يلي صار معاذ :يمكن ما بده يزعلك منة :بجوز معاذ :بتعرفي شو اكتر شي عجبني فيكي منة :شو معاذ :انك بنت ابو ماجد منة :يعني لو ما كنت بنتي ما بتعرفيني معاذ بضحكة :لا منة بقهر :طيب باي وسكرت ونامت ************************** اممم اوكي بكفي لهون وان شاء الله خلال الاسبوع بنكمل لؤي واية سالم وصفاء والمخططات معقول بموتوا اية ولؤي معاذ بيترك منة شو قصة جوليا ومين بلسم