أنا سندريلا - الفصل 5 - بقلم كبرياء فلسطينيه - مكتملة | روايتك

دخل شافها نايمة والفلوس مرمية على الارض عرف القصة كلها واستغلها فرصة ليتقاتل معها وقف عندها وناداها بصوته الخشن :اية قومي اية تحاول تكون طبيعية :شو بدك لؤي :انتي شو مالك ليش ما رحتي على السوق اية :تعبت لؤي بعصبية :احكي معي عدل اية ما بتعرف من وين اجتها الجراة فحكت بقوة :بتعرف بابا عمره ما قصر معي بالماديات وكان كل شي بطلبه يجيبه لؤي بعصيبة وهو يجرها على الدرج :عاجبك بيت اهلك يعني وطردها من بيته وهو يقول :ارجعي الو اذن اية كانت تعرف انها مش مقبولة بدار اهلها عشان هيك ضلت تخبط على الباب لؤي مقهور ليش ما ترجع على بيت اهلها وبنفس الوقت مستمع وهو يسمع صرخاتها انقبض قلبه وحس انو طلع من مكانه لما سمعها تصرخ وتقول :لؤي افتح جاي يقتلني ركض بسرعة وفتح الباب ما شاف حدا غير اية ووجها الاصفر ركضت ندى ناحيتها :اية حبي قومي شو مالك ما في اي رد من اية ولؤي مو اقل صدمة ماسك اية ومش عارف شو يعمل ندى صارت تصرخ وتهزه :لؤيي مو وقتك قوووم ما اجاها اي رد منه صارت تصرخ على ابوها وامها يلي نزلو ندى :احلقها يا بابا بتموت ام لؤي :ما تموت وشو دخلنا احنا ابو لؤي بصوته القوي :ما اخدنا البنت لنموتها احنا وطلع بره برغم المطر ونادى على السواق دخل السواق معه ابو حاتم :احملها وعلى المستشفى حملها السواق الاسمر بين ايديه ولؤي ساعتها صحي لما شافها بين ايدين واحد غيره انحرق قلبه من الغيرة وراح وهو يصرخ عليه :علااااااااااااااااااء ما اشوفك تمسكها مرة تانية وحملها بين ايديه وطلع فيها على المسشتفى ****************************************** كان تعبان وبده يحط راسه وينام سمع جواله شاف الاسم احتار يرد ولا ما يرد قرر بالاخر يرد حاتم :الو جوليا :اهلين حاتم كيفك حاتم :تمام وانتي جوليا :تمام اممم حاتم انت ليش مطنشني حاتم :لا شو مطنشك بس انا مشغول شوية جوليا :حاتم انا احبك وانت تحبني ليش معقدها حاتم :افهميني انتي مسيحة وانا مسلم جوليا :يعني هادا الشي يلي بفرقنا عن بعض حاتم :انا بقدر اتزوج مسيحية لكن اهلي واهلك رافضين هالارتباط جوليا :اذا بدك انا بقدر اسلم كرمالك حاتم بعصبية :شووو لا طبعا اذا انتي حابة الاسلام وبدك تدخليه ما عندي مانع بس انك تنجبري عليه لا مو هادا الدين جوليا بدلع :حاتم شو صايرلك صاير شيخ ما بعرفك هيك سكر حاتم التلفون وكانه ما عنده جواب الها ورما حاله على السرير ونام ***************** كان نايم لما صحاه ابوه خالد :خير شو فيه ابو حاتم :من وين بده يجي الخير وطول ما هديك البومة بنتي خالد عرف بسرعة :اية شو مالها ابو حاتم :بالمستشفى روح شوفها انا راجع انام انقهر من ابوه ولبس بسرعة سمع دق على بابه دخلت سمر :خالد شو مالها اية خالد :مالك دخل سمر :امانة طمني عليها خالد :وشو هالاهتمام المفاجئ هادا وطلع شاف ام اية اخدها وطلع بسرعة ******************************************** كان قاعد بالمستشفى يستنى الدكتور يطلع لما اجا خالد ومسكه من ياقة قميصة قال :والله والله لو بيصير فيها شي لادبحك وادفنك بمكانك وتركه لؤي ما بعرف كيف سكت الو وكيف تقبل الاهانة مع انو قادر يطير خالد بضربة وحدة منه قطع تفكيره لما شاف ام اية لؤي بعقله :مو هاي الخدامة وين امها لؤي :وين امك خالد :تعبت وما قدرت تيجي سكت لؤي لما شاف الدكتور طلع الدكتور :حالتها تمام بس بنصحكم تاخدوها دكتور نفسي عندها صدمة لانو الخوف مبين بملامحها طلع الدكتور ورجع خالد مسك لؤي وهو يقول :شو عملت فيها اه ؟ مسكه لؤي وخبطه بالحيط وقال :ولا شي تقاتلنا حكتلها ارجعي على بيت اهلك ما رضيت قطع قتالهم شهقت ام اية وهي تقول :لا لا تقول انك طلعتها بالمطر لؤي وكانو مو حابب يحكي معها :وشو يعني ام اية صارت تبكي خالد :خير شو فيه ام اية :اية لما كنت صغيرة تقاتلت مع ابوك وهو عصب منها كتير حطها على الباب وكانت الدنيا تمطر وصار جارنا يطلع فيها كانت صغيرة ورسمت بخيالها انو جاي يقتلها وصارت تصرخ ومن يومها كل ما تمطر الدنيا تفكر انو في واحد جاي يقتلها وبتيجي تنام عندك لؤي :عندك ؟؟؟ ام اية بسرعة :اها تحبني كتير وتطمن وهي عندي لؤي بعقله :فهمت ليش رفضت اني احكي عنها يو ما اجت على البيت ام اية :ما في داعي لدكتور نفسي انا بدخل اهديها هلقيت دخلت ام اية وبعد عشر دقايق طلعت وهي تقول :ما بدها تقعد بالمستشفى لؤي :اوكي هلقيت تطلع وراح يشوف الدكتور بعد ما خلص كل شي فات عندها لقاها بحضن امها لؤي :جاهزة ؟ هزت راسها بالايجاب قامت وطلعت على باب المستشفى لؤي :اركبي خالد :وين ؟؟؟ لؤي :وين يعني على البيت خالد :كانك مش ذاكر انك طردتها اختي بترجع معي لؤي :اختك مرتي وبيتها عندي وقفتهم اية وهي تقول :بس خلص انا لو عندي ما راح ادخل بيت واحد فيكم معك حق يا بطلتنا في البيتين عشتي المر راحت على حديقة المستشفى تقعد فيها ولحقتها امها خالد بصدمة :اول مرة صوتها يعلى لؤي بصدمة متله :اختك كتير متعلقة بهاي الخدامة خالد :اها ولا تناديها بالخدامة احكيلها خالتي على الاقل قدام اية لؤي :راح اخدها معي خالد :ماشي بس يا ويلك وتزعل ملاكي بيوم لؤي :شو قصة ملاكي خالد :شوفها بالله ما هي ملاك ابتسم لؤي وهو يقول بعقله :والله ملاك فعلا لؤي :وليش حاطط ياء الملكية ملاكي ليش ما تقول ملاك وخلص خالد :لانو هادا الاسم ملك الي وخلص ما حدا يناديها فيه غيري لؤي :شو رايك نوصل اية ونخليها تقعد مع خالتك شوية واطلع انا وانت نحكي مع بعض خالد :ما عندي مانع لؤي :يلا الحقنا بسيارتك وراح لاية يلي ركبت السيارة معه بهدوء وما تكلمت (على اساس تحكي بالايام العادية ) وصل لؤي قبلهم طلع اية على غرفتها على الدرج شافت عمها ابو لؤي ابو لؤي :الحمد لله على السلامة كيفك اية بمرارة :لسا عايشة لؤي :تعالي ارتاحي طلعت معه دخل هو قبلها وشاف الفلوس لسا مرمية على الارض حطها تحت جزمته وخلاها تمر ولحقها رفع الحرام وهو يقول :يلا ارتاحي هلقيت مددت حالها على السرير وقبل ما يغطيها حط حاله جنبها ونادى عليها بهمس :اية اية :هممممم لؤي حكا معها لانو بده يتاكد انها راح تجاوبه وانبسط لما حكت معه لؤي :ما احلى همممم وهي طالعة منك التفت عليه وهي تقول :نعم ؟ قربها منه وهويقول :اسف والله اسف ما كنت اعرف اية :مش مهم لؤي :كيف مش مهم اية :بدي انام لؤي سمع صوت سيارة عرف انو خالد وصل لؤي :لو ما اجا اخوكي كان خليتك عندي الليلة شاف ووجها يلي قلب الوان طلع من عندها ونزل لخالد لؤي :بس شوية اطلع خالتي وارجعلك وقف خالد يستنى وسمع صوت من وراه يقول :مين انت لف على الصوت وبهت فيها خالد :انا .... ما بعرف ندى :نعم ؟شو ما بتعرف هاي خالد :اخوها لاية ندى :كيفها خالد :هيها بغرفتها ندى طلعت تركض وبعد فترة اجا لؤي وطلعه ******************************* نرجع لقبل بيوم من الاحداث هاي كان بالحفلة ترقص ومبسوطة كتير وفجاة شافتها ما توقعت تشوفها راحت عندها عشان تهينها مروة :عال العال والله مش مصدقة صرتي تلبسي فساتين وتعرفي ترقصي وشايلة حجابك كمان منة :عفوا بتحكي معي مروة :هههههههههههه شو نسيتيني خليني اذكرك انتي خدامة منة بقوتها المعرفة :شو ما فشرتي اكون خدامة والله ما في غيرك خدامين تحت رجلي انا انقلعي عمى طلعت مروة وهي مصدومة مستحيييييييييييييييييل تكون اية مستحيييييل بس تشبهها سمعت جوالها شافت ماجد مروة :الو ماجد :هلا وينك انتي مروة :اسفة روحت ماجد :لا تقوليها كنت بدي اعرفك على منة اختي مروة :اسفة بعدين مرة تانية ان شاء الله سكر وكان قباله اخوه الصغير ماجد :خير امجد :مستغرب ماجد :من شو امجد :كيف تحبها وانت عارف انها مخطوبة ماجد :ما بعرف خلص بعشقها مو بس بحبها امجد :انت حر انت يلي راح تنضر بالاخر **************************************** رجع لؤي وخالد خالد :والله انبسطت معك كتير لؤي :وانا اكتر خالد :نادي بالله لخالتي لؤي :ماشي طلع على غرفته دق الباب وفتحت ام اية لؤي :خالتي خالد بستناكي ام اية :ماشي وراحت عند اية باستها وغطتها منيح لؤي يلي دخل عندها :نايمة ام اية :اها دير بالك عليها يا بني لو مطرت الدنيا اليوم بتصحى خايفة لؤي :لا تخافي بعيوني ام اية :مع السلامة وطلعت راح عند اية وقعد على الارض يتاملها وهي نايمة باس جبينها وهو يقول :اسف ما ردت عليها قام وتمدد جنبها ضمها الو سمعها تنادي وهي نايمة :ماما؟ انتبه لؤي وقال بعقله :ام اية ما حكت معها اليوم شو بيصير وضل يفكر على هالحالة لما نام صحيت اية وهي تشهق مع صوت الرعد كانت خايفة كتير وخايفة تقرب من لؤي يلي جنبها كانت تبكي بهدوء ومسكرة اذانها عشان ما تسمع صحي لؤي على حركتها الكتيرة لؤي بهمس :اية تعالي هوون وما صدقت تسمع هالكلمة ارتمت بين ايديه بسرعة ابتسم وهو يلعب بشعرها الطويل سمع شهقتها بعد الرعد لؤي :اية لا تخافي انا معك اية :انا بخاف من المطر لؤي :وليش ما حكيتي اية :انت ما سالتني ونامت لؤي بعقله :لهدرجة انانيتك وصلت يا لؤي ما تعرف عن البنت شي بهدرجة ظالمها معي ظل يفكر لغاية ما رجع نام صحي لؤي بدري وشافها بين ايديه باس جبينها وضل يتامل فيها حسها بتتحرك غمض عيونه بسرعة صحيت اية وابتسمت اية بعقلها :ليش يحسسني بالامان احب اكون معه قامت من بين ايديه وقفت على الشباك بمجرد ما وقفت شهقت بسرعة وراحت تركض عند لؤي اية :لؤي لؤي فتح عيونه بسرعة وهو خايف :شو فيه اية ببرائة :ثلج تعال شوفه لؤي :وليش اقوم اشوف الثلج وانا عندي اميرة الثلج شاف وجهها تلون حاوط خصرها وقربها منه اية :لؤي ما بدك تشوف الثلج انا بدي اشوفه تركها لؤي وهو يقول :تعالي وقفت على الشباك تتفرج ولؤي وراها لؤي:شو رايك ننزل نلعب اية بطفولة :جد ؟؟ لؤي :اها جد الجد روحي البسي شي دافي اية :اصحي ندى لؤي بسرعة :لا بس انا وانتي اتوترت اية وهي تقول :طيب وراحت لبست نزلت معه بسرعة ومشت حسب تعليماته مشو بشويش على الدرج على اساس مغامرة يعني طلعو برا وصار يلعبوا مع بعض اية عملت كرة تلج ورمتها على لؤي لؤي وهو يرفع حاجب :قد هالحركة انتي اية بخوف :كنت امزح لؤي :هههههههههههههه والله انك بريئة اية اتضايقت منه ما بتعرف هو يحكي جد ولا يمزح مزاجي ومتقلب وعصبي وهي تكره هالشي تحب يكونو الناس بطبيعتهم متلها لفت وجهها وسمع لؤي شهقة منها ندى :هههههههههههههههههههه اجت بوجهها اية وجعتها الكرة بس حاولت ما تبين لؤي راح عندها وهو يقول :منيحة اية :اها لؤي :هيك تضربي مرتي ندى :الندل انا اختك لؤي مسكت االتلج وصار يرميه عليها اية :بس خلص انا بدي اطلع لؤي عرف انها توجعت حملها وهو يقول انا بطلعك اية :لا خلص بعرف امشي لؤي :يعني مستغنية عن خدماتي ما اعطاها فرصة تجاوب طلع فيها على الغرفة فتح الباب وحطها على السرير وهو فوقها باس رقبتها بهدوء وهي حست بالدم يطلع لوجهها ليتحول للون الاحمر رفع راسه وتلاقت عيونهم بعد فترة من النظرات اية شافت عيون لؤي على شفايفها فهمت تفكيره وقبل ما تعترض باس شفتها اما لؤي صار شي ما توقع انو يصير بيوم من الايام اية حاوطت رقبته بايديها مات عليها وذاب فيها انتفضوا الاتنين لما سمعوا صوت ام لؤي تصرخ على ندى يلي لسا بتلعب بالتلج اية اخدتها فرصة تهرب وهربت بحجة تعمل فطور كانت ندى طالعة تضحك ندى :هههههههههههههه شو مال وجهك الوان اية :انا لا ما في شي ندى :شو عمل اخي احكي اية :ندوش بلا قلة ادب ندى :هههههههههههههههه اية :انتي شو مالك طالعة تضحكي ندى :بضحك على امي بجد الله يعينها علي ويعين يلي راح ياخدني اية :هههههههههههههه نزلت بسرعة ************************************ بعرف قصير بس شو اساوي نعسانة كتير سهرت عليه لانو الكهرب جاية هلقيت اذا قدرت اكمل بكمل ************************* ندى وخالد بيصير شي سمر وعلاقتها باية مروة ومنة وامجد علاقة اية بحماتها واية لؤي اهو شي توقعاتكم وارائكم تحياتي كبرياء فلسطينة