البارت الرابع
«في يوم وليله»
البارت4
ـــــــــــ
ريم قامت تجري وخرجت في الصالون ملقيتش حد والانوار مقفوله والكل نايم جريت على غرفة اخوها لقيت طارق نايم والجو هادي جريت عليه وحضنته
طارق: صحي مخضوض شاف ريم مكلبشه فيه جامد وبتعيط😭
طارق: حضنها وحاول يهديها وفي الاخر يسمع مالها وكان مرعوب عليها ومش فاهم ايه اللي بيحصل 😨
ريم: بعد فتره اتكلمت انت كويس وفضلت تمسك في وشه وشعره واجزاء جسمه وبفرحه ودموع انت عايش صح انت بخير في حاجه بتوجعك🥺
طارق: ي قلبي انا كويس والحمدلله انت اللي مالك ايه الخوف اللي ف عيونك ده
ريم سرحت وبتفكر ياتري كنت بحلم ولا حقيقه ولا ايه يااااارب انا تعبت😓
طارق: ريم سرحتي ف ايه انت سمعاني
ريم: اه سمعاك انا بس شوفت كابوس بشع شوفت فيه انك يعني بعد الشر موت ومامي بتصوت عليك
طارق: هههههههه انا كنت هموت فعلا بس من وزنك اللي كان عليا انت تخنتي علي فكره وانا مش قدك 😂 وبعدين كفايه الخضه ده انا قطعت الخلف بسببك مش كفايه مقالبك وحاول انه ينسيها لانه شايف الخوف في عيونها
ريم: ضربته ف كتفه ي غلاستك انا غلطانه اني خوفت عليك ي حلوف 😂 ودمعت وحضنته خوفت عليك اويييي ي طروقه 🫂
طارق: طمنها بس ياقلبي كله تمام وزعلان جواه علي اخته اللي مش فاهم الكوابيس اللي بترعبها دي بتتكرر ليه معاه كل شويه
ريم: هديت ماشي تصبح على خير
طارق: تحبي اجي انومك زي زمان واحكيلك قصه الراجل ابو ست فتحات ف منخيره😅
ريم: ههههههه والنبي م انت تاعب نفسك ي كبير وفررر القصص ل ولادك حبايبي اللي الله يكون ف عونهم 😂
طارق: ههههه انت اللي خسرانه 😁
المهم شغلي قرآن قبل ما تنامي
ريم: حاضر ي قلبي
وذهبت ريم ع غرفتها وفضلت تعيط جامد واتكلمت انا تعبت انت مين وعايز ايه رد عليا ماما اللي كانت بتصوت ده حلم ولا حقيقه ولا دي تهيؤات في عقلي وانا بس اللي سمعتها كلمني رد عليا وفجاءه ظهرت كتابه على الحائط 😨وكانت "نفسي احميكي لكن انا وانت بقينا في خطر!"
وباباها كان معدي من قدام غرفتها وسمع عياطها وشاف وسمع كل حاجه
ريم: انت مين وخطر ايه فهمني والكلام بدأ يختفي ر
يم:لااااااااااا متمشيش
و باباها دخل واخدها في حضنه
ريم: بابي انت شوفت زيييي صح انا ما اتجننتش صح😭
خالد باباها: اشش اهدي ي قلبي ولازم تبقي قويه وتحاولي تفهمي الرساله وتحاربي وانا هفضل جمبك واساعدك ي قلب ابوكي
ريم: احارب ايه ومين انت فاهم ايه اللي بيحصلي ده 😓
خالد: كله هيبان ف وقته وانا معرفش حاجه بس هنحاول نفهم سوى ماشي ي روحي وعشان مامي وطارق ميخافوش عليكي مش هنقولهم حاجه فهماني يا بابي 🥺
ريم: من التعب نامت في حضن ابوها بعد محست ب الامان وقالت حاضر ي بابي.
خالد: ربنا يحفظك يابنتي ويااارب تعزريني وتعرفي تسامحيني 😓
وجاء الصباح وريم حاولت تتعايش وتنسي كل حاجه تتكشف لوحدها زييي م باباها قلها
طارق: يلا ي روحي عشان اوصلك
ريم: انا جاهزه،،، بتعيطي ليه يا مامي الوقتي هو انا هختفي ما انا هاجي تاني وهزهقكم
سعاد: انا مش عارفه مالها الجامعه اللي قريبه مننا ليه تخليني قلقانه عليكي
ريم: تاني يا مامي ما انت عارفه انا مش هسيب لوچي لوحدها وهي ما لهاش غيرنا وكمان هيا عايزه تبقى قريبه من قبر امها وكمان الجامعه دي احسن من حيث تخصصي
سعاد: طب خلي بالك من نفسك واهتمي بأكلك ومذاكرتك
ريم: بهزار وهشرب البن وهغسل اسناني قبل أما انام واللي يكلمني هصوت ومش هاخد تشوكليت من حد غريب😂 وحضنتها
سعاد: ماشي ي لمضه ربنا يحفظك 🥺
ريم: انا هنزل لحد ما طارق يخلص اللي بيعمله اسلم على البنت جميله
وهي نازله على السلم
قابلت فارس
ريم: احم ايه ده انت جيت
فارس: ازاي مش عايزاني اشوفك قبل ما تمشي
ريم: بكسوف😳 اشوفك على خير
فارس: خلي بالك من نفسك واللي يزعلك او يحاول يقرب منك قوليلي وشوفي انا هعمل فيه ايه
ريم: اطمن كله تمام
فارس: ريم
ريم: وهيا وشها ف الارض نعم
فارس: بنبضات قلب صوتها واصل ل ريم اتنهد وقال هتوحشينيييي اويي 🥺يا طفلتي
وطلع هديه وكانت سلسله محفوره عليها اسم ريم بماء الذهب تحفههه☺️ وبلوره شفافه بتلمع ومن جميع الجهات جواها صور لريم من سن سنه لحد عمرها الوقتي محفور عليها عشقتها منذ نعومه اظافرها.
ريم: فرحت اوي ب الهدايه والأخص الكلام المحفور علي البلوره واتكسفت وقالت احم شكرا بس ده بقى بمناسبه ايه ي حظابط
فارس: بمناسبه مثلا عيد ميلادك اللي فاضل عليه 15 يوم و6 ساعات وانا مش هعرف احتفل معاكي زي زمااان
ريم: تاهت ف حنيته وعيونه العسلي يااه ايام وساعات
فارس: بتوهان ف تفاصيلها اللي بيعشقها اقولك الدقايق لو عايزه
ريم: احم تسلملي
فارس: ممكن طلب
ريم: انت تؤمر احم قصدي يعني وبصت ف الارض
فارس: هههههه قوليلي فروسه زي زمان
ريم: ــ ساكته
فارس: وحيات فارس عندك ده يعني لوانا مهم بنسبالك
ريم: خلي بالك من نفسك ي فروسه ونزلت تجري 😳
فارس سرحان وبيضحك
طارق: خضه بتضحك علي ايه ي شاطر
فارس: ف نفسه عيل فصيل واتكلم وانت مالك ي حشري
طارق: ايه اللي جابك
فارس: حد يقول لصاحبه كده،،، وبعدين جاي اكل من ايد سعاد القمر
طارق: ليه معندكوش اكل
فارس: ايوه ووسع كده عشان جعان😁
طارق: هعديعا بمزاجي ي صاحبي
ووصل طارق ريم اللي لوچي جات جري عليها وحضنتها
وطارق اللي قلبه دق جامد لما شافها بعد غياب طويل
طارق؛ مش هتسلمي 😉
لوچي: مكسوفه ومردتش
طارق: بتتكسفي ي بطه 😂
لوچي: بطل رخامه يلا
ريم حبت تسبهم شويه وكده كده الكل عارف ان طارق هيتقدم ل ريم بس بعد مهيا تخلص دراسه وده كان طلب لوچي
لوچي: ريم ي بارده تعالي هنا متسبنيش لوحدي 😳
طارق: بتمثيل انت مش عايزه تكلميني😞
لوچي: لاسبتك عشان تعرف تتفسح مع الانسه جميله والست فريحه
طارق: هههههه يا هبله جميله اختي الصغيره وفريحه كانت مع اخوها بطلي جنان
لوجي: انا وبس يا طارق اللي تفكر فيا لو عرفت انك بتفكر في غيري انت عارف انا هعمل فيك ايه🔪
طارق: هههههه من غير تهديد بس عشان ما بخافش ويا ستي انا مكتفي بيكي ملكه لقلبي يا مجنونتي افهمي ده كويس🥺
لوچي: بتأثر بجد يا طارق،، انت عارف اني مليش حد غيرك واني وحيده
طارق: بزعل ما لكيش حد اومال انا ايه مش مكفيكي ما تقوليش كده تاني انا ابوكي واخوكي وامك لازم تفهمي ده كويس وغمزلها وربنا يقدرني واكون زوج صالح ليكي ي عمر طارق انت 🫀🥺
لوچي: بكسوف خلي بالك من نفسك انا ببقى مرعوبه عليك وانت على الحدود في الوادي
طارق: بتنهيده حب ووجع من بعدها حاضر يا عمر طارق وأي حاجه تحتاجيها كلميني علطول خلي بالك انت وريم من بعض ي روحي 🦋 هتوحشينيييي اويي
لوچي جريت من قدامه
وريم في الاوضه لبست السلسله ومبتسمه وبتفكر في فارسها ولوجي دخلت عليها وهي سعيده وحاسه انها ملكه وما فيش حد في سعادتها وانها محظوظه بحب طارق اللي ونعم الحنيه والقلب الطيب مع الكل وبالاخص مع مجنونته
وعدى 10 ايام في سلام وبدون احداث تذكر غير اني فارس وطارق رجعوا الوادي عشان دي اخر سنه ليهم وبيدخلوا تدريبات للاستعداد لاثبات قدراتهم واستلام الشغل وكل واحد بيعافر عشان يخلصوا بسرعه وكل واحد يقابل حب حياته
وفي يوم بعد المحاضره الدكتور حسن لريم
حسن: انسه ريم
ريم: نعم ي دكتور
وريم كانت شايفه في عيونه نظره حاسه انها عارفاها او شافتها قبل كده وكانت خايفه منه لاول مره ومتوتره
والدكتور حسن اتكلم وقال.....
🦋💐🌸🍒♥️
♡بقلمي نيره حسين ♡✍️
تفتكروا عايزها ف ايه ي محللين 😂🤔