الفصل الثالث
*ـ ࢪواية. متاهه حب🥳🥀↻≯🍒⸙•♡»»)) 9/10/11/12/13
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
الفصل التاسع ....
= بصى ... انا هساعدك بس ف قضيتك و ان حالتك تتحسن بعد كدا كل واحد فطريق
بحزن - بس انا بحبك يا مصطفى
مصطفى ضحك زى المجنون
= عارفه لو كنتى قلتيلى الكلام دا من يومين ...اقسم بالله كنت عملت فرح من كتر سعادتى بس للاسف معادش ليه معنى .. مش هقدر اكمل معاكى
بعياط - على فكره مش انا الغلطانه بس فالموضوع او بالمعنى الاصح انا مغلطتش فحاجه ى مصطفى ... انا والله قاومت وحاولت اهرب منه بكل قوتى ..
بزعيق = بس بقا مش عايز اسمع حاجه انا بجد مش قادر .. حاسس انى ف كابوس ومش قادر اصحى منه
بعياط و زعيق - روح ى مصطفى .. متساعدنيش فحاجه مش عايزه منك حاجه .. هستنى ورقه طلاقى
مصطفى مشى و سابها
والدكتور دخل بعده
# كريم بينكر كل حاجه و بيقول انه ملمسكيش و للاسف مفيش دليل عليه حتى مثلا لو قاومتى بضوافرك كان هيبقا دليل بس انتى ضوافرك مقصوصين جامد
بعياط - يعنى هيخرج من السجن ؟!
الدكتور اتنهد
# شكل دا فعلا الى هيحصل .. معاه محامى خبيث و شكله هيطلع منها زى الشعره من العجيبه خصوصا ان يعتبر مفيش دليل
بعياط - والله انا مش بكدب ... الى حكتهولك دا هو الى حصل
# انا مصدقك بس الشرطه محتاجين دليل عشان يصدقو .. اول لما يكون فيه جديد هبلغك
وخرج من الاوضه
ندى فضلت تعيط على حظها .. لما بدأت حياتها تبقا حلوه يحصل دا .. مصطفى حتى مش طايق يبصلها وشكله هيطلقها فعلا
عدو يومين من غير اى احداث .. مصطفى مزارش ندى فاليومين دول .. كان بيفكر هيعمل اى و بيحاول يتقبل الصدمه الى لسا مفاقش منها
- ايوه ادخل
~ ازيك يا حبيبتى
- انت !!! انت خرجت من السجن بالسرعه دى !!
~ عرفو انك ظلمانى و انى معملتش حاجه ليكى ف خرجونى
- انت حقير يا كريم حقيير
~ حقير ؟ عموما يعنى انا جاى اصلح غلطتى و اعرض عليكى نتجوز واسترك
اصل عرفت ان مصطفى هيطلقك ف صعبتى عليا و قلت اجى اعرض عليكى نتجوز
بزعيق - امشى من هنا امشى
~ معنى ردك دا انك موافقه صح ؟! انا هستنى شهور عدتك و اجيب المأذون مع ان مكنش ليها داعى يعنى شهور العده بما انه ملمسكيش
و فضل يضحك
- انت مريض يا كريم اقسم بالله مريض و مش طبيعى
~ هستنى شهور العده و جاى تانى ها
وخرج من الاوضه
مصطفى دخل الاوضه بعده
بعصبيه و زعيق = كان بيعمل اى هنا!!
- مش انت قولت هتطلقنى ؟ يبقا بتسألنى ليه
مصطفى بيجز على اسنانه
= انتى لسا على ذمتى على فكره .. كان عايز اى منك
ببرود - عايز يتجوزنى بعد م انت تطلقنى
= نعمم!!!
- و بصراحه كدا انا شكلى هقبل ( بتضحك على مصطفى عشان تشوف رده فعله )
بعصبيه و زعيق = تقبلى ازاى يعنى !!!
- انت هتطلقنى و انا مش مستعده اكمل باقى حياتى لوحدى
بعصبيه= براحتك اعملى الى عايزه انا مالى اصلا
خرج من الاوضه و فضل يضرب ب ايده فالحيط..
القضيه استمرت شهر كامل بعدها اتحكم فيها ببراءه كريم بسبب نقص الادله
ندى كانت لسا موجوده فالمستشفى طول الشهر دا
اول لما حكم القاضى ببراءته انهارت .. كان نفسها القانون يرجعلها حقها عالاقل
مصطفى دخل الاوضه
= انا هسألك سؤال و تجاوبى بصراحه
بعياط - سيبنى يا مصطفى انا فيا الى مكفينى .. اتحكم ببراءه كريم
= منا عارف انه اتحكم ب كدا
بعياط - طيب اجل السؤال ل بعدين عشان بجد انا مش قادره اسمع اى حد
بعصبيه = لا هتجاوبينى دلوقتى
بعياط - اسأل يا مصطفى اسأل ..
= هو فعلا كريم اغتصبك و لا دى حكايه انتى الفتيها
بصدمه وعياط جامد - مصطفى انت بتقول اى !!! انت مش مصدقنى ؟!
= اذا كانت الشرطه حكمت عليه بالبراءه و القانون دايما صح ف هصدقك ليه مثلا
بعياط و زعيق - مصطفى اطلع برا يا مصطفى انا مش قادره اعيش حياتى والله مش قادره .. كلامك دا وجعنى اكتر من حكم القاضى ... بما ان القضيه خلصت ف تقدر تطلقنى
= اطلقك عشان تتجوزيه ؟! مش يمكن هى دى خطتك انتى وهو من الاول عشان اطلقك ؟ تمثلى انه اغتصبك ف حين ان كل حاجه حصلت برضاكى عشان اطلقك و تروحى تتجوزيه بعدها
بعياط و زعيق - انا كنت بهزر معاك يا مصطفى لما قلتلك هقبل بعرضه ... كنت بشوف رده فعلك بس والله
= احلفى من هنا للصبح انا خلاص مبقتش مصدقك .. ورقتك هتوصلك
وسابها وخرج من الاوضه
ندى مكنش قدامها اى حاجه غير انها بتعيط وبس .. كانت حاسه ان مصطفى اتغير ومبقاش مصطفى الى حبته
اما مصطفى فبعد م خرج من عندها راح لاهلها
= يا عمى انا كنت بكدب عليك لما قلتلك ان ندى عندها انيميا حاده ف عشان كدا حاجزينها فالمستشفى ... بنتك كانت بتمثل انه تم اغتصابها عشان تبقا هى الضحيه لكن هى العقل المدبر .. هى و كريم بيحبو بعض من قبل م نتجوز و انا كنت مغفل و كنت فاكر انى هقدر اخليها تنساه وتحبنى بس محصلش ... دبرت معاه الخطه دى عشان اطلقها و بعدها تتجوزه .. يا زين ما ربيت يا حج والله
الاب ضربه بالقلم
¥ انا مسمحلكش تتكلم عن بنتى كدا !!! انا افتكرتك راجل و وثقت فيك و وافقت عليك بس طلعت غلطان ..
= عموما انا هطلقها خلاص و مش ناوى ادفع نفقه ولا غيرها ... لو رفعتو قضيه نفقه ف هضطر افضحها واقول للقاضى على خطتها
بزعيق ¥ امشى من بيتى !!! مش عايزين منك حاجه اصلا
الاب بعدها لبس بسرعه و راح للمستشفى و سأل عليها .. طمنها انه جمبها وانه مصدقها وبعدها مشى
مصطفى ساب شغله فالمستشفى و حبس نفسه فالبيت ... مكنش عايز يخرج من البيت ولا يشوف حد
قرر فالاخر انه هيطلق ندى و فعلا طلقها فخلال يومين
# فيه حاجه مش عارف المفروض اقولهالك ولا لا ... او بالمعنى الاصح مش عارف اقولهالك ازاى
- قول يا دكتور عادى .. مفيش اسوء من الى بعيشه
الدكتور ادالها ورقه
بصدمه - بردو طلقنى ... انا حياتى اتدمرت من كل ناحيه ومبقتش عارفه اصلح حاجه
# كله هيبقا كويس مع الوقت و هتنسى
- بس انا حبيت مصطفى فعلا ... حبيت حنيته و حبه ليا .. مش قادره اصدق انه ممكن فيوم يكون متجوز واحده غيرى
# بصى ... كريم المفروض هيجيلك قريب عشان يشوف رأيك فموضوع الجواز منه صح
- ايوه ..
# عايزك تسجلى كل الى هيدور بينكم .. استدرجيه فالكلام لغايه ميعترف باللى عمله .. هو صحيح المحكمه مش هتعترف بالتسجيل بس عالاقل مصطفى هيصدقك
- حتى لو صدقنى يا دكتور .. هو خلاص اختار انه ميصدقنيش و هدم كل حاجه .. انا بس هعمل زى مقولتلى عشان اثبتله انه ظلمنى و انى بريئه
# تمام ان شاء الله كله هيتحسن
عدى اسبوعين من غير احداث
مصطفى لسا مرجعش الشغل و ندى لسا فالمستشفى وفعلا حصل زى م اتوقع الدكتور و كريم راحلها
~ ها فكرتى فاللى قولته
- انت عايز تتجوزنى ليه يا كريم .. مش خدت الى عايزه ؟!
~ ملكيش دعوه ب اسبابى .. المهم ان عندك كذا سبب توافقى عليا عشانه
- لا انا مش مجبره على حاجه على فكره انا ممكن اعيش باقى حياتى لوحدى عادى يعنى
قرب منها جامد
~ طول م انا موجود فالدنيا دى مش هتعرفى تعيشى حياتك براحتك ابدا ... طبعا انتى عارفه حصل اى لما رفضتى تطلقى من مصطفى .. هيحصل زيه و اكتر كمان لو رفضتينى و اختارتى تعيشى لوحدك
- متقدرش تعملى حاجه ..
كريم ضحك
~ انا خطفتك بسهوله جدا اساسا المره الى فاتت ف مش هقدر اعمل حاجه ليه مثلا .. ولا تحبى تجربى وتشوفى هقدر اخطفك تانى ولا لا
- امشى من هنا ى كريم .. خلاص اهو مصطفى طلقنى و خسرت حاجات كتير .. سيبنى فحالى بقا
~ هاجى بكرا اخد منك الموافقه ..
وخرج من الاوضه
بعدها بنص ساعه الدكتور دخل الاوضه
# ها عملتى الى اتفقنا عليه ؟!
بفرحه - ايوه هو قال كل حاجه
و بعتتله التسجيل
# تمام حلو اوى سيبى الباقى عليا
- شكرا يا دكتور على مساعدتك ..
# على اى يعنى ... انا بساعد مريضتى
وخرج من الاوضه
خرج بعدها من المستشفى خالص بعدها وقف مكانه وبدأ يكلم نفسه
# اى يا مازن وقفت ليه ... انت حبيتها ولا اى .. بس هى اصلا متعرفش اسمى حتى و عايزه ترجع لطليقها .. انا لازم افوق دى مريضه عندى ومينفعش اخلط بين الحياه الشخصيه و الشغل
بعدها كمل ف طريقه و راح بيت مصطفى
= اتفضل يا مازن
# انت كويس يا مصطفى ؟ البيت متبهدل و الاكل فكل مكان و بعدين ليه دقنك طولت اوى ؟! مش متعود تسيبها كدا
= عادى قلت اغير ...
# بص انا جاى عشان اخليك تسمع ريكورد وبعدها همشى .. انا عارف انك فالحاله دى بسبب انك لسا بتحبها ومش عارف تنساها بس فنفس الوقت مش عارف تصدق مين ولا مين .. الموضوع صعب على اى راجل يتقبله بس متخليش اخوك ينتصر ..
بعدها كمل بحزن
# عندك انا مثلا .. اهو هكمل ٢٩ سنه و لغايه دلوقتى محبتش حد ولا خطبت حتى ... الحب بيجى مره واحده بس يا مصطفى متضيعهوش
= انا مش عايز اسمع حاجه يا مازن ...
# اسمع بس الريكورد بعدها احكم ..
وشغله
مصطفى كان بيسمع بتركيز .. كان بيتصدم من وقاحه اخوه وحقارته .. هو مكنش يتخيل ان اخوه الى كانو مقربين جدا من بعض من ٥ شهور يكون مريض بالشك دا ... دا حتى هو كدب الانسانه الى حبها و صدقه هو .. مكنش مصدق اد اى هو كان اعمى و مغفل
# بص انا مقدر صدمتك دلوقتى .. واضح انك اخترت طرف اخوك اصلا و صدقته ف عشان كدا مصدوم دلوقتى ... بص ندى انسانه كويسه و موجوده عندنا فالمستشفى ليها شهر ومشفتش منها اى حاجه وحشه بالعكس دى طيبه جدا و رغم ان نفسيتها وحشه الا انها بتروح تزور المرضى التانيين الى نفسيتهم وحشه و تحاول تفرحهم وتحكى معاهم .. انت ظلمتها اوى .... بس اطمن هى لسا بتحبك .. هى صحيح مش هتسامحك بسهوله بسبب انك مصدقتهاش و موقفتش جمبها و بسبب كمان انك رحت قلت لباباها قصه غلط بس تقدر تسامحك .. الى بيحب بيسامح
= مفتكرش انها هتسامحنى ... انا موقفتش جمبها ف اصعب لحظات حياتها ... بالعكس انا وقفت ضدها و صعبت عليها الدنيا اكتر .. بس انا فعلا والله كنت مشتت و مكنتش عارف اصدق مين
# تعالا و اطلب السماح منها هتسامحك...
مازن استئذن مصطفى و مشى
كان بيمشى فالشارع وهو متضايق ... هو راح بنفسه يسلم الانسانه الى حبها ل طليقها ... كان ممكن ميتدخلش فالموضوع و يستنى تعدى فتره مناسبه و بعدها يتقدملها بس هو اختار انه يحاول يرجعها لطليقها ... للانسان الى هى بتحبه
مسح دموعه و راح المستشفى
- طمنى اى حصل يا دكتور !!
# متقلقيش هو صدقك لما سمع الريكورد ... و اتصدم و ندم اشد الندم و هيجى يطلب منك السماح و يرجعك لعصمته تانى
- بس انا مش عايزاه ... هحس بالامان معاه ازاى و هو مصدقنيش و لا وقف جمبى
# عموما براحتك انا عملت الى عليا و القرار يرجع ليكى تسامحيه او لا
* اليوم الى بعدو*
كريم كان رايح لاوضه ندى عشان ياخد منها الموافقه
مازن وقفه قبل م يدخل الاوضه
# انا من رأيي متتعبش نفسك وتيجى هنا تانى .. مصطفى هيرجعها خلاص و مصدقها المره دى
~ وانت مين بقا عشان تقولى رأيك ؟ حد طلبه اصلا
# انا بس قولت انصحك عشان صعبت عليا
ومشى وسابه
كريم دخل الاوضه وهو متعصب
~ صح الى سمعته دا !
- اى الى سمعته ؟
~ هترجعى لمصطفى ؟
- ايوه و سيبنا فحالنا
بعصبيه و زعيق~ انا مش هسمح انك ترجعيله
و مشى
بعده ساعه مصطفى جه و دخل الاوضه
= ندى ..
- عايز اى يا مصطفى
= سامحينى ... صدقينى انا كنت فصراع شديد لدرجه انى مبقتش عارف اصدق مين ولا مين
- انا اترجيتك عشان تصدقنى يا مصطفى و انت مصدقتنيش ... انت وريتنى مصطفى غير الى اعرفه .. اتهمتنى فشرفى و رحت كمان حكيت لبابا .. اى كنت عايزه يقتلنى مثلا ؟! دول حتى بيقولو النهايات اخلاق يا مصطفى
مصطفى قعد عالارض جمب السرير
= انا مستعد اعمل اى حاجه عشان تسامحينى .. اى حاجه
- مفيش يا مصطفى اى حاجه تقدر تعملها .. فيه حاجه اتكسرت بينا مش هترجع تانى وهى الثقه و الامان .. هحس بالامان ازاى بعد الى عملته و على فكره لعلمك يعنى انت السبب فكل الى حصل ... معرفتش تحمينى منه و اصريت تخلينا نعيش ف بيت واحد .. خلته يتجرأ انه يفكر انه يعمل الى عمله
= بصى انا مستعد اطلب منك السماح الف مره ... كل يوم هجيلك لغايه متسامحينى
- صعب يا مصطفى صعب
= مش هستسلم بردو
خرج من عندها و راح للاب
¥ عايز اى تانى ؟! فيه حاجه مقولتهاش ؟
= انا جاى اعتذر ... انا بس كنت متشتت و معرفتش اصدق مين انا اسف بجد
¥ هو انت كسرت كوبايه ف بتقول اسف ؟! انت اتهمت بنتى فشرفها
نزل عالارض عند رجل الاب
= ابوس رجلك سامحنى انا لسا بحبها والله وعايز اردها لعصمتى ... انا هصالحها بس انت ترضى عليا الاول
الاب قومه من الارض
¥ مش مهم انا اسامحك المهم هى .. القرار يرجع ليها فالاخر و لو سامحتك ابقا رجع ثقتى فيك بمرور الوقت
مصطفى باس ايده و مشى
بالليل متأخر على ١ بالليل
- كريم !!! عايز اى .. الوقت متأخر جاى ليه ولابس لبس الدكاتره ليه
خدرها تانى و شالها وخرج بيها ومحدش حس عشان الوقت متأخر وعشان افتكروه دكتور
وداها لمكان مهجور ... رماها فيه و كب فيه غاز و شغل الكبريته
~ بما انك مش موافقه عليا .. مش هخليكى تكونى مع حد غيرى ...
استووووووب 😅✋يتبع الفصل العاشر .....
توقعاتكم للاحداث اللى جاية👋 وتفاعل كتير على الفصل ده عشان اكمل بسرعه لو لاقيت تفاعل جامد هانزل الفصل العاشر النهارده
ومتنسوش متابعه لصفحتى الشخصية راقي الحرف
لوصول باقى الفصول ليكم فور نزولها دمتم متابعين
تحياتى لكم 👋 🙏🥰الفصل العاشر .....🙋
اخدها لمكان مهجور و رماها فيه و كب غاز كتير حولين المكان واشعل عود الكبريت
~ بما انك مش هتكونى ليا ف مش هسمحلك تكونى لحد غيرى ..
لما كريم خطف ندى من المستشفى كان مازن فنفس الوقت لسا راكب عربيته عشان يروح البيت ف اتصدم لما شاف كريم شايل ندى و خارج من المستشفى وكان باين عليها انها فاقده الوعى
فضل يمشى ورا عربيته بس ببطئ شويه عشان ميلاحظش ان فيه حد بيتبعه
وقت م كريم وصل المكان المهجور مازن وصل بعدها ب عشر دقايق
بزعيق # استنى !!! اوعى ترمى الكبريته ... انت لو قتلتها هتاخد اعدام يا كريم ... اسمحلى اساعدك .. انت محتاج مساعده نفسيه
~ حد قالك انى مجنون مثلا ؟ و انا مستعد عادى انى اتعدم بس المهم مترجعش لمصطفى
# طب اطفى الكبريته وبعدها نتكلم بهدوء
~ لء ... انت مش عارف انا حاسس ب ايه . انا بحبها والله بحبها بس هى الى اختارت كل دا .. متعرفش كنت بموت كام مره فاليوم وانا شايفهم مع بعض .. انا كنت انسان كويس والله ومش شرير بس هما الى حولونى ل كدا
# انا عارف انك كويس يا كريم ... اطفى الكبريته و انا هساعدك
~ مش عايز مساعده بقولك !!!
# هتضيع مستقبلك عشان استسلمت لغضبك ؟!
~ مبقاش يفرق معايا حاجه
# انا هساعدك والله و هترجع زى م كنت بس سيب الكبريته
كريم رمى الكبريته
فظرف كام ثانيه المكان كله بقا نار لان كان فيه غاز كتير عالارض .. كريم هرب بعدها و سابهم
اما مازن دخل وسط النار
بس النار كانت شديده ومقدرش يوصل ل ندى
فيه نار كتير بينهم و كلها كام ثانيه وندى هتتحول لفحم
قرر انه يضحى بنفسه و يدخل ينقذها من وسط النيران
حصله حروق من الدرجه التالته ف دراعه
بس فالنهايه قدر يشيلها و ينقذها و يطلع برا النيران
اتصل بالاسعاف وقتها وبعدها اغمى عليه من شده الحروق الى اتصاب بيها ومن دخان الحريق
الاسعاف وصلت واخدتهم هما الاتنين للمستشفى
* عالضهر *
الاتنين كانو فاقو و بقو كويسين ..
€ بفضل الدكتور مازن و انقاذه ليكى انتى عايشه دلوقتى .. ارجو انك تقدرى دا يعنى
- هو اى الى حصل بالظبط
الممرضه حكتلها الى حصل
و مازن وقتها دخل يطمن عليها
# انتى كويسه ؟
الممرضه جريت عليه
€ دكتور مازن .. انت المفروض ترتاح شويه ..
# انا كويس مفيش حاجه .. ينفع تسيبينا وحدنا
بغيظ €اه طبعا
ومشيت
- ينفع اسئلك سؤال
# اسألى
- هو انت انقذتنى ليه ؟! دا واجبك ك دكتور بردو؟!
# اى حد مكانى كان هيعمل كدا
- لا يا مازن محدش كان هيعرض حياته للخطر بالمنظر دا عشان ينقذ مريضه عنده
# انا جاوبت على سؤالك و اطمنت عليكى ف هروح اشوف شغلى
- استنى ..الممرضه قالتلى ان فيه ف دراعك حروق من الدرجه التالته .. ينفع اشوفها ؟
# اى هتنفخى عليها ف تخف مثلا؟
- اول مره اشوفك بتهزر .. دايما طول الوقت جدى و بتتكلم قليل
مازن غير الموضوع
# انا اتصلت ب مصطفى و قلتله على الى حصل وهو فالطريق حاليا
- هو انا سألتك عن مصطفى !! ورينى دراعك يا دكتور مازن
# انا عندى مرضى كتير و مضطر امشى .. متقلقيش شويه ومصطفى هيكون هنا
ندى قامت من السرير
- بقولك ورينى دراعك !!!
# وانا بقولك ورايا شغل
ندى حاولت تشوفه بالعافيه .. هو كان لابس بالطو ف مكنش باين دراعه
وهى بتحاول تشوفه بالعافيه وقعت عالارض و مازن وقع فوقها
فضلت تتأمل ملامحه الحاده .. وشعره الكيرلى و غمازاته
مازن قام بسرعه لما استوعب الموقف
بخجل - انا اسفه ... مكنش قصدى يحصل دا
# عارف ان مكنش قصدك .. انا همشى عندى مرضى كتير لازم اتابع حالتهم
بخوف - البالطو فيه دم كتير ف دراعك!!!
# لا عادى دا من الخناقه اكيد عشان جت عالحرق وكدا ... انتى ربيتى ضوافرك !!
- ايوه بقيت اكره اشوفهم مقصوصين من سعت الحادثه .. مازن ارجوك بقا ورينى ايدك انا اقدر احطلك كريم على فكره
# الدكاتره already حطولى كريم عليه
- لو مشيت خطوه من الاوضه دى ف انا هشوف اداره المستشفى يجيبولى دكتور نفسى غيرك
# طب خلاص هوريكى دا انتى عنيده
خلع البالطو .. كان لابس تحته تيشرت نص كم
بخوف - اى الحرق دا يا مازن دا صعب اوى !! بيوجعك صح ؟
# لا
ندى حطت ايدها عالحرق
مازن بعد ايده بسرعه وبان على ملامحه الالم
- بتقول لء ليه وهو واجعك بعدين مش شايف شكل الحرق اى ! اكيد طبعا هيوجعك
# عايزه حاجه ؟اتأخرت عالمرضى
- مرضى اى ي مازن بطل حجج بقا انا لسا محطتش الكريم على فكره
فتحت علبه الكريم و بدأت تحطله عالحرق وهو بيتألم بس بيحاول ميظهرش دا
- ليه بتكتم المك ؟ دا حرق و طبيعى يوجعك على فكره يعنى
# عايزانى اصرخ زى البنات يعنى ؟
وقتها مصطفى دخل عليهم
وحضن ندى
= الف سلامه عليكى ... انا خفت جدا عليكى لما مازن حكالى الحمدلله انه وصل فالوقت المناسب
# طب انا استأذن بقا
ندى بعدت عن مصطفى
- استنى يا مازن لسا بحطلك فالكريم
بغيره= اى يا مازن م كنت تخلى اى ممرض يحطهولك او انت تحطه بنفسك
مازن اتحرج من كلام مصطفى وكان خارج من الاوضه
= استنى يا مازن ... شكرا على انقاذك ل ندى مش عارف لو من غيرك كنت هعمل اى
# لا عادى اى حد مكانى كان هينقذها
وخرج من الاوضه
= ليه بتحطيله الكريم ؟!!!
- دى اقل حاجه اعملها بعد م انقذنى
- وبعدين انت بتعامله كدا ليه ؟!
= مشوفتيش نظراته ليكى كانت ازاى ؟!!
- مالها نظراته
= نظرات اهتمام وحب .. نفس نظراتى ليكى
- انت متهيألك بس .. مازن بيعتبرنى مريضه وبس ف بطل غيره بقا و بعدين لحظه كدا ... هو انت بتغير ليه ؟! مش المفروض طلقتنى ؟
مصطفى اتنهد = يعنى مش ناويه تسامحينى صح ؟
- ايوه يا مصطفى مش ناويه و ياريت تبعد عنى وتسيبنى فحالى
= هتمسحى كل الى بينا وكل الحلو الى عملتهولك بس عشان غلطه؟!
- وهى كانت غلطه بسيطه يعنى يا مصطفى ؟! انك تتهمنى فشرفى ومتصدقنيش وكمان تروح تحكى شكوكك المريضه لبابا دى غلطه بسيطه ؟!
= عارف انها مش بسيطه بس دى كانت اول مره اغلط معاكى فحاجه و الى بيحب بيسامح
- ايوه صح الى بيحب بيسامح عشان كدا وقتها مكنتش راضى تبص ف وشى مع انى اساسا مغلطتش فحاجه
مصطفى قام من مكانه
بزعيق= يووه بقا انا زهقت هو انتى هتفضلى كل مره تعيدى نفس الكلام و تقولى الى عملته ؟!! خلاص بقا اعتذرت بدل المره خمسين .. هعمل اى تانى مثلا ؟!
- تسيبنى فحالى
مصطفى قرب منها جامد
= فيه حاجه بينك وبين مازن؟! مصره ليه انى اسيبك فحالك ؟! اى مثلا حبتيه ؟!
- ابعد عنى يا مصطفى .. و بعدين انت بتقول اى مازن اى الى بحبه !! انت مريض بالشك يا مصطفى ... هتفضل طول حياتك تشك فيا فالاحسن اننا نبعد عن بعض خالص احنا مننفعش لبعض
= اتحججى بقا عشان تخلصى منى
- مصطفى ابعد بقولك احنا اتطلقنا خليك فاكر يعنى
= مش هبعد الا لما تقوليلى الحقيقه
بزعيق - قلتلك مفيش حاجه بينى وبين مازن !!! انا لسا عارفه اسمه النهارده اساسا
مصطفى بعد عنها
- مصطفى لو سمحت اخرج برا ... سيبنى انت واخوك فحالى بقا
= انت هتقارنينى بكريم ؟!!!
- انتو الاتنين وحشين فنظرى ... هو اغتصبنى و انت كدبتنى و اتهمتنى فشرفى
= انا تعبت والله تعبت ... نفسى تنسى كل حاجه حصلت و نرجع زى م كنا
- مش هنرجع يا مصطفى .. عارف ليه ؟! عشان كل لما ببصلك بفتكر حسرتى و زعلى وقت م انت اتهمنتى و وقت م سبتنى وحدى
= انا همشى و مصيرك فالاخر تسامحينى لانى عارف انك بتحبينى
وخرج من الاوضه
عدى يومين عالحادثه .. الشرطه قبضت على كريم بعد م فضلت تدور عليه يوم كامل
# حاسه ب ايه النهارده
- الحمدلله احسن يا دكتور .. وانت؟!
# انا كويس الحمدلله
# كنت جاى اقولك على موضوع كدا
- اتفضل
# عايزك تسحبى شكوتك ضد كريم
بصدمه - ايييه ؟!
# هو مريض نفسى .. عنده هوس الحب و مكنش بيعمل كل دا وهو عاقل كدا زينا ف انا شايف انك تسحبى شكوتك و انا هعالجه بدل متضيع حياته فالسجن على حاجه ملهوش ذنب فيها
يتبع الفصل الحادى عشر ....توقعاتكم وتفاعل حلو بقا يااحلى فانز 👋😘🥰
متنسوش متابعه لصفحتى الشخصية راقي الحرف ليصلكم باقى الفصول فور نزولها 😉👌
دمتم متابعين تحياتى لكم 👋...الفصل 11 🙋
# عايزك تسحبى شكوتك ضد كريم
- ايييه ؟!
# هو مريض نفسى .. عنده هوس الحب ومكنش بيعمل كل الى عمله دا بإرادته ف انا شايف انك تسحبى شكوتك وانا هعالجه بدل متضيع حياته فالسجن على حاجه ملهوش ذنب فيها .. لو دخل السجن هيترفد من الكليه وهيبقا عنده
سابقه وهتتدمر حياته
بصدمه - انت بتهزر صح ؟!
# لء ..
- لا يا مازن انت اكيد اتجننت ازاى عايزنى اسحب شكوتى ؟! لو كان حاول يقتلنى بس كان ممكن فعلا وقتها اسحب الشكوى لكن دا اغتصبنى و دمرلى حياتى و عايزنى اسحب شكوتى ؟! انا فرحت اصلا انهم قبضو عليه وهيتحاكم بتهمه محاوله القتل و قلت ان ربنا بيجبلى حقى الى مجاش بسبب ان مفيش ادله ... عايزنى دلوقتى اسحب شكوتى و اتخلى عن حقى بنفسى ! اذا كان مصطفى نفسه مطلبش منى كدا رغم ان كريم اخوه
# طب انتى هتستفيدى اى لما يتسجن و يترفد من الكليه ؟! هل الزمن هيرجع والى حصل دا مش هيحصل ؟!
- انا مش مصدقه الى بتقوله دا يا مازن والله ... انت ازاى متعاطف معاه بالشكل دا!! انت اكتر واحد عارف انا اتعذبت اد اى و انى فضلت اكتر من شهر بعيط من اول اصحى لغايه م انام ... ولسا حياتى بايظه بردو ومتصلحتش و دلوقتى بتقولى اسحبها عشان حرام حياته تضيع ؟! طب وحياتى انا الى ضاعت ؟
# حياتك مضاعتش ولا حاجه يا ندى ... اهو مصطفى عايز يصالحك وانتى الى مش راضيه
- لو سمحت اخرج برا يا مازن ... انا هطلب من اداره المستشفى تشوفلى دكتور غيرك واساسا انا خلاص بقيت كويسه و هروح بيت اهلى
بحزن # انا مكنش قصدى حاجه انا بس كنت بقولك وجهه نظرى ...
- طالما معشتش الى انا عشته يا مازن يبقا ملكش حق تقولى اعمل اى ومعملش اى
و قامت من سريرها و اخدا شنطه هدومها ومشيت من المستشفى
¥ ايوا ثوانى ياللى بتخبط عالباب
¥ اى دا ندى ؟!
وحضنها
- ازيك يا بابا .. وحشتنى جدا
¥انتى اكتر والله .. ادخلى اوضتك لسا موجوده
دخلت الاوضه وفعلا كل حاجه فيها كانت زى م هى ..
* بعد ساعتين*
الباب بيخبط
الاب فتح الباب وكان مازن الى بيخبط
¥ هو مش حضرتك الدكتور الى عالجت بنتى ؟
ب ابتسامه # اه انا .. اسمى مازن
¥ اتفضل يا دكتور ...شكرا ليك على كل الى عملته مع بنتى
قعد فالصاله
¥ اسف فالسؤال بس هو حضرتك جاى ليه .. هى بنتى مخفتش ؟!
# لا لا خفت انا بس كنت جاى اعتذر منها .. هى مشيت من المستشفى بسببى
# هروح اناديها و اجى
ندى لبست الاسدال وخرجت الصاله
- عايز اى !
¥ اى يا ندى عيب تكلمى دكتورك كدا ؟!
- بابا انت متعرفش طلب منى اى ... كان عايزنى اسحب شكوتى ضد كريم واسيب حقى
بصدمه ¥ نعم !!!
# استنى بس يا ندى انا كنت جاى اعتذر ...
¥ جمايلك على راسنا يا دكتور ف اتفضل اطلع برا بيتى من غير مطرود و ياريت مشوفش وشك هنا تانى
مازن خرج من غير ميتكلم ولا يقول حاجه
عدى اسبوع من غير احداث
¥ يبنتى .. انا عايز اتكلم معاكى و اشوف هتعملى اى فحياتك الجايه .. انتى خلاص مش ناويه ترجعى لمصطفى ؟!
- لا يا بابا مش ناويه .. هكمل كليتى واشتغل بس كدا
¥ اديله فرصه تانيه يبنتى ... هو طيب من جوا و بيحبك
- سيبنى براحتى لو سمحت يا بابا ..
¥ طيب مازن دا ...
- ماله
¥ مفيش واحد بيعرض حياته للخطر عشان ينقذ مريضه عنده وكمان ليه جاى لغايه بيتك عشان يعتذر ؟! انا اعرف ان الدكاتره مغرورين و مش بيعملو كدا مع اى مريض حتى لو فعلا غلطانين فحقه .. متأكده انه بيعتبرك مجرد مريضه عنده؟
- هو دكتور عنده ضمير يا بابا هى دى الحكايه بس
¥ يبنتى انا فاهم الناس كويس وعندى خبره اكتر منك فالدنيا و بقولك ان هو مش بيعاملك ك مريضه عنده وبس ... عينه بيبقا فيها لمعه وهو بيتكلم معاكى
- بابا لو سمحت متبقاش زى مصطفى ... هو قالى نفس الكلام دا .. عن اذنك يا بابا انا رايحه انام تصبح على خير
¥ وانتى من اهله ...
اليوم الى بعدو ندى راحت الكليه
فالكليه كانو كل الناس بيبوصولها ..
كانت ماشيه جمب بنات و سمعتهم بيتكلمو وبيضحكو
× مش هى دى البنت الى اتهمت زميلها انه اغتصبها ؟!
÷ اه هى دا كمان زميلها دا كان اخو جوزها .. بيقولو انها اتهمته بكدا عشان جوزها يطلقها و اخو جوزها يضطر يتجوزها عشان تسحب القضيه
× طب بس عشان شكلها سمعانا ..
كملت ف طريقها وهى باصه فالارض ... كان نفسها الارض تنشق وتبلعها ولا انها تتحط فموقف زى دا و الناس يفضلو يتكلمو عليها
دخلت السكشن بتاعها
مكنش فيه غير كرسى واحد فاضى وكان جمب ولد
ف اضطرت تقعد عليه
* لو سمحت يا دكتور انا مش هقدر اقعد هنا
< ليه يعنى !
* البنت الى جمبى دى متحرشه واتهمت واحد انه اغتصبها كل دا عشان يتجوزها
ندى اتصدمت من كلامه و مستنتش تسمع رد الدكتور و خرجت من السكشن وهى بتعيط
فضلت تمشى فالشارع وهى مش عارفه رايحه على فين ... طب هتروح بيتها وتقول لباباها اى لما يسألها ليه جيتى بدرى
اتصلت ب مصطفى
بعياط - مصطفى ينفع تيجى تاخدنى
مصطفى اتخض لما سمع صوت عياطها فالموبايل
= مالك فيه اى ! حد ضايقك !
بعياط - تعالا يا مصطفى انا مستنياك عند ***
= تمام انا جاى بسرعه اهو
ركب عربيته و راحلها
اول لما شافها حضنها
= مين زعلك
حكتله الى حصل
بعصبيه = انا هروح اربيه الزباله دا !!
- اى ي مصطفى هتضرب مين ولا مين دى الجامعه كلها بتتكلم عليا .... اذا كنت انت جوزى و مصدقتنيش ف هما ليه هيصدقونى مثلا
مسح دموعها
= اهدى كل حاجه ليها حل
بعياط - لا مفيش حل يا مصطفى ..نا مش هعرف خلاص اكمل فالكليه
= مش هتعرفى ازاى يعنى ؟!! فاضلك سنتين وتخلصى
بعياط - مش هقدر يا مصطفى مش هقدر والله ...
= طب بصى ... تعالى نروح لاى محافظه تانى و احولك فالكليه الى هناك و تخلصى السنتين الى وراكى بعدها نسافر برا مصر خالص
بعياط - مصطفى انت بتستغل الوضع الى انا فيه عشان اصالحك ؟!
= لا لا والله انا بس بدور معاكى على حل
بعياط و زعيق - مفيش حل يا مصطفى مفيش
= طب اهدى بس ...
وصلنى لبيت بابا لو سمحت
= لو شافك فالحاله دى هيتخض .. تعالى بس نقعد فكافيه شويه و نتكلم ونشوف هنحل الموضوع دا ازاى
- تمام ..
راحو ل اقرب كافيه
وهما بيطلعو السلم بتاع الكافيه ندى اتزحلقت وكانت هتقع بس مصطفى مسكها
= انتى شكلك دايخه
- لا لا انا كويسه ... سيبنى لو سمحت
سابها و بمجرد م وقفت على رجلها اغمى عليها
مصطفى مسكها مره تانيه و دخل بيها الكافيه و حاول يفوقها
ندى قامت مخضوضه
بزعيق - انت بتعمل اى؟! حاضنى كدا ليه ؟!
= اهدى بس اهدى انا كنت بحاول افوقك بس والله
بعدته بسرعه
الناس لما سمعوها بتقوله كدا اتجمعو حوالينهم
¤ فيه حاجه يا انسه ؟! الاستاذ دا بيضايقك فحاجه؟
- لا لا مفيش حاجه
بزعيق= انتو الى فيه حاجه ؟! بتتدخلو ليه فحياه الناس ! انا جوزها على فكره
الناس مشيو لما مصطفى زعقلهم
= مالك اى حصل بس ؟!
- فكرتنى بالى حصلى ...
= الموضوع هياخد وقت بعدها هيعدى ... حتى الناس كمان هينسو
- وانا ذنبى اى يحصلى كل الى حصل دا ى مصطفى ! ذنبى اى
مصطفى حضنها
بس هى بعدت عنه
- مصطفى لو سمحت ... انا مبقتش مراتك بطل تحضنى بقا
مصطفى مسك ايدها و بص ف عينها
= ينفع تدينى فرصه وانا اوعدك اعوضك و اخليكى تسامحينى مع الوقت .. احنا بقالنا شهرين بعاد عن بعض وانا فعلا والله ندمان على اى حاجه عملتها
- بتحاول تخدعنى بعينك الخضرا يعنى ؟
بصت عليه كان باصصلها زى الاطفال
- يعنى انا كدا هضعف يعنى لما تبصلى كدا ؟!
بعدها ضحكت
ماشى مسامحاك خلاص .. على الرغم من الى عملته الا انى معرفتش اكرهك بس دى اخر فرصه .. مفيش اى فرص تانى
مصطفى فرح جدا = اوعدك مزعلكيش ابدا ابدا و لو عالكليه يستى ف هروح معاكى كل السكاشن والمحاضرات وهضرب كل حد يضايقك
ندى ضحكت
- طب و شغلك ؟!
= يغور شغلى انتى اهم عندى من اى حاجه .. الشغل عادى هسيبه لغايه لما تتحسنى و تبقى زى الاول
- انا عايزه احضنك دلوقتى بس مينفعش ..
= طب يلا بينا عالمأذون بسرعه
راحو للمأذون و ردها
ندى حضنته
- تصدق اشتقت لحضنك الدافى دا
= انا لء
ندى بعدت عنه
- نعم!
= اشتقت لحاجه تانيه
- اى هى
مصطفى باسها
الناس كلهم بصو عليهم
- يا مصطفى الناس اى الى بتعمله دا !!!
= يلا بس نروح لباباكى الاول نقوله انك صاالحتينى و اننا رجعنا وبعدها نروح بيتنا
- انت الى هتحضرلى الغدا ؟
وحشنى اكلك على فكره
- طب انت اطبخ النهارده و انا بكرا
= ماشى خلاص موافق وبعدين مش كنتى قولتيلى من الاول ان نقطه ضعفك هى نظراتى الطفوليه كنت عملت كدا من بدرى بدل العذاب دا
- انا قلت اديك فرصه اخيره عشان لسا بحبك
= لسا اى ؟!
- يوه بقا يا مصطفى . اتفضل يلا قدامى عشان نروح لبابا
ركب العربيه و راحو للاب و فرح جدا انهم رجعو بعدها راحو بيتهم
عدى يومين من غير اى احداث غير ان مصطفى و ندى رجعو سعدا زى الاول
مصطفى راح للمستشفى عشان ياخد اجازه لغايه لما ندى تتحسن
# اى دا مصطفى ؟! ليه مش بتيجى بقالك يومين خوفتنى عليك
مصطفى ضحك وحضن مازن
= مفيش انا كنت مشغول شويه بس و جاى دلوقتى عشان اخد اجازه
مازن استغرب ان مصطفى فرحان اوى
# هو فيه حاجه حصلت ؟ اصل شايفك مبتهج اوى
= اه انا وندى رجعنا اخيرا
مازن حس كأن فيه صاعقه نزلت عليه بس اتصرف كأنه عادى
# الف مبروك ان شاء الله ميحصلش مشاكل تانى بينكم
= اطمن مش هيحصل
يلا بقا اشوفك بعدين
مازن راح حمام المستشفى
كانت دموعه بتنزل غصب عنه .. كل ميمسحهم ينزلو تانى ..
# هو دا الى كنت متوقع انه يحصل اساسا ليه زعلان دلوقتى ..اذا كنت انا الى سعيت فالصلح بينهم....
فضل نص ساعه يحاول يهدى نفسه عشان محدش يلاحظ حاجه و بعدها خرج من الحمام
# الو ي مدام ندى ازيك
- الحمدلله يا دكتور و انت عامل اى ... الحرق عامل اى ؟!
# كويس .. انا اتصلت عشان اقولك مبروك على رجوعك انتى ومصطفى
- الله يبارك فيك .. شكرا لحضرتك على كل الى عملته معايا
# لا على اى دا واجبى ك دكتور .. سلام
- سلام
مصطفى بعدها رجع ل ندى وهو فرحان
= ها هناكل اى النهارده
- ينفع انت تعمل الاكل النهارده يا مصطفى ؟ انا حاسه انى تعبانه ... بقالى اسبوع عالحال دا .. كل لما اقوم من مكانى احس بدوخه و بقرف من ريحه اغلب الاكل
= يمكن برد ف معدتك
مش انت دكتور يا مصطفى ولا انا بتخيل
تحبى نعمل تحليل دم عشان لو فيه انيميا نعالجها ؟! مش عايزين مشاكل فالحمل
- حمل ايي يا عم انت
= اى دا هو انا مش هنجيب يونس ؟!
- لا دا ف احلامك
= طب انا زعلت على فكره
بكره بالليل محضرالك مفاجأه
بفرحه = اى هى ؟!!!
- هتكون مفاجأه ازاى مثلا لو قلتلك
= طب تعالى بس نروح نعمل التحليل بسرعه عشان اطمن عليكى الاول
- بتخاف عليا ؟!
وقربت منه
= اومال هخاف على مين مثلا لو مخفتش عليكى
- طب بتحبنى ؟
= اى دا انتى بتتحرشى بيا ؟
ندى بعدت
- طب خلاص ابقا احلم بقا بيونس براحتك
= يا عم لا خلاص انا اسف
- تؤ تؤ خلاص
= اضرب نفسى طيب ولا اعمل اى
اخدها فالعربيه وعملت التحليل و رجعو البيت
اتعشو و قضو سهره رومانسيه
بيسمعو فيلم رومانسى وهى قاعده فحضنه وهو بيلعب فشعرها
= انا عندى سؤال بس
- ايييه
= انتى ليه بتغمى عينك لما يجى منظر مش كويس ؟ انتى طفله يبنتى ؟
- انت الى قليل الادب ومش بتغمض عينك
= يا سلام يعنى العيب فيا انا و مش انتى الى طفله ؟
- ايو العيب فيك انت المفروض تغمض عينك زيي
فضلو يضحكو ويهزرو طول الليل
والصبح راح معاها الكليه و محدش قدر يقول كلام عليها وهو ماشى جمبها
رجعو من الجامعه و نامو ساعتين ... هو صحى يجيب التحليل و هى كانت بتحضرله المفاجأه
نفخت بلالين كتيير على شكل قلب و حطتهم فكل مكان فالشقه و عملت عشا جميل و حطت شموع عالسفره و لبست فستان احمر قصير جدا و مفتوح من الضهر
و رمت ورد احمر عالسرير وكتبت عالسرير بالورد بحبك
و طفت الانوار كلها لغايه لما يجى
فتح الباب بالمفتاح و دخل
كان مستغرب ان الشقه كلها مطفيه انوارها
بس ندى خضته وهى لابسه وش مخيف
- بخخ
و راحت شغلت الانوار
مسكته من ايده و فرجته عالشقه و كل الى عملته
هو مكنش بينطق ب اى كلمه
- عحبتك المفاجأه صح ؟
😂
😂
طب اى رأيك فالفستان
بعدها قربت منه جامد
- بحبك يا مصطفى ..
كانت بتقرب اكتر واكتر عشان تبوسه بس هو زقها جامد لدرجه انها وقعت عالارض
بصدمه - انت بتعمل اى ي مصطفى !!!!
بزعيق و عصبيه = انتى حامل
يتبع ....الفصل ال 12
توقعاتكم للى جاى ايه يااحلى فانز بموت فيكوا وبتسعدونى بجد بتفاعلكم وكمنتاتكم بحبكوا 🥰
متنسوش متابعه لصفحتى الشخصية راقي الحرف
ليصلكم باقى الفصول فور نزولها 😉
دمتم متابعين .... تحياااتى لكم 👋🙋عارف اني اتاخرت عليكم عشان كده هانزليكم جزئين 12و13
الفصل 12
- بحبك يا مصطفى
قربت منه اكتر واكتر عشان تبوسه بس هو زقها جامد لدرجه انها وقعت عالارض
بصدمه - انت بتعمل اى يا مصطفى !!
بعصبيه و زعيق = انتى حامل !!!!
- نعم !! بتهزر صح
راح ناحيتها ومسكها من شعرها جامد
بعصبيه و زعيق = انطقى حامل من مين .. احنا لسا راجعين لبعض من ٤ ايام بالظبط وكمان لسا ملمستيكش .. حامل من مين !!!!
بعياط - سيبنى يا مصطفى انت بتوجعنى
بعصبيه و زعيق = انتى لسا شوفتى حاجه !!! دا انا هوريكى النجوم ف عز الضهر
بعياط - طب سيب شعرى و نتكلم بهدوء
مصطفى ضحك زى المجنون
= نتكلم بهدوء !!! انطقى قولى حامل من مين !
بعياط - انت عارف ان مفيش حد لمسنى غير اخوك ف اكيد منه
= وانا اضمن منين ان مفيش حد لمسك غيره
بعياط و زعيق - انت بتقول اى !!
= انتى فضلتى فالمستشفى طول الشهرين الى فاتو .. مش يمكن مثلا حامل من مازن و عايزين تدبسو الطفل ف كريم !!
بعياط و زعيق - انا مش مصدقه انت بتقول اى !! تانى بتشك فيا !!
ب استهزاء = واحد مراته حامل من غير ميلمسها عايزاه ميشكش يعنى !!!
بعياط و زعيق = انتى كمان بتشتمينى بعد الى عملتيه !!!
جرها من شعرها برا الشقه
وقف قدام باب الشقه ونادى ب اعلى صوته
= يا جيران تعالو شوفو الست الشريفه حامل فالحرام ... تعالو اتفرجو
بعياط - انت بتعمل اى انت اتجننت !! سيب شعرى بقا حرام عليك انت خلتنى اندم انى رجعتلك
ضربها بالقلم كذا مره
بعصبيه و زعيق = انا مش عايز اسمع صوتك فاهمه !!!
الجيران خرجو من بيتهم على صوت مصطفى و كه بيتفرج على ندى وهما بيتهامسو
بعدها اخدها برا العماره خالص
بعصبيه و زعيق = اركبى جوا العربيه !!
بعياط - هتاخدنى فين !
بعصبيه و زعيق = اركبى قولتلك !!!!
ندى ركبت العربيه
وصل لبيت باباها
خبط عالبيت
الاب اتخض لان الساعه وقتها كانت ١ بالليل
اول لما الاب فتح الباب مصطفى رمى ندى عالباب
¥ اى الى بيحصل دا !!!
ندى استخبت ورا باباها بسرعه
= بنتك حامل و انا لسا ملمستهاش !!
بزعيق ¥ اكيد حامل من اخوك ... انت مش صالحتها و اتقبلت الموضوع ؟!!! محطتش ف بالك احتمال انها تكون حامل بعد الى اخوك عمله فيها !!
بعصبيه و زعيق = ومين قالك انها حامل من كريم .. مش يمكن من مازن ؟!!
¥ انت بتشك ف بنتى ؟!!
مصطفى سحب ندى بالقوه من ورا باباها
¥ انت واخدها على فين !!!
بعصبيه و زعيق= انت مالك ! مراتى و اعمل فيها الى عايزه
بزعيق¥استنى هنا انت مش هتاخد بنتى غصب عنها !!
مصطفى وقف مكانه
ب استهزاء = اى هتعمل اى مثلا
الاب ضرب مصطفى بالقلم
¥ سيبها بقولك !!!
مصطفى زق الاب عالباب .. راسه اتفتحت و فقد الوعى ( بس مماتش)
مريم خرجت بسرعه على صوت الخبطه و طلبت الاسعاف وهى بتعيط
اما مصطفى ف اخد ندى عالعربيه
وصل لبيت مازن
# ايوا ثوانى يالى بتخبط عالباب
فتح الباب
# مصطفى !!! و مالها ندى اى الى عمل فيها كدا !
مصطفى رمى ندى على مازن
= الهانم حامل منك .. خدها انا مش عايزها اساسا ... انتى طالق يا هانم و ملكيش اى حاجه عندى و ابقى ارفعى قضيه عليا وشوفى هفضحك ازاى قدام كل الدنيا
بعدها مصطفى مشى
مازن كل دا واقف ومش مصدق الى بيحصل
# انتى كويسه !!
ندى بصتله بعدها اغمى عليها
شالها و حطها عالكنبه و غطاها بحاجه ( كانت وقتها لسا لابسه الفستان الى كانت هتفاجئ بيه مصطفى)
كانت حرارتها عاليه
فضل يعملها كمادات طول الليل لغايه لما حرارتها نزلت بعدها راح نام ف اوضته
*١٠ الصبح*
ندى صحيت و هى متصدعه جامد
كان نفسها يكون دا كله حلم
شافت جمبها بيجامه بس باين عليها رجالى
# صباح الخير .. نمتى كويس ؟
بعياط - اه شكرا ليك .. انا .. انا هلبس البيجامه و اوقف اى تاكسى و اروح لبيت بابا اكيد قلقانه عليا ..
# استنى بس ارتاحى شويه و انا هتصل اطمنه
بعياط - لا مينفعش افضل عندك .. انت راجل غريب عنى
و راحت بسرعه تلبس البيجامه
- انا همشى دلوقتى .. شكرا على الى عملته معايا
# طب استنى انا هوصلك
قبل ميخرجو من باب الشقه لاحظ بقعه دم كبيره عالبيجامه
# دا نزيف ولا اى !!
و اخدها بعربيته بسرعه للمستشفى
فعلا كان نزيف
$ لو كنتو اتأخرتو شويه كان الجنين هينزل بس الحمدلله اننا لحقناه ..
# اقدر اشوفها دلوقتى ؟
$ ايوه تقدر
دخلها الاوضه
كانت بتعيط جامد و بتنط من عالسرير للارض عشان الجنين ينزل
# انتى بتعملى اى !!!
بعياط - انا ... انا مش عايزاه مش عايزاه
مازن حضنها
# اهدى كله هيكون كويس .. اى ذنبه الطفل ؟
بعياط - ذنبه انى مكرهتش حد قد ابوه
# الطفل دا من كريم صح
بعياط - انت كمان مش مصدقنى ؟!
# لا لا انا بس بتأكد
بعياط - ايوه منه ..
# بصى متفكريش فحاجه دلوقتى .. خليكى بس مرتاحه شويه انا اتصلت ب باباكى و طمنته انك فالمستشفى وانك كويسه .. هو اتفتحت راسه وقت خناقه مصطفى و الحمدلله عدت على خير
بعياط - كل الى بقرب منهم بيحصلهم مصيبه ..
# انا هسيبك ترتاحى شويه
خرج من الاوضه
اتصل ب مصطفى بس تليفونه كان مقفول
قرر انه هيروح لكريم السجن
وطلب من الظابط انه لازم يقابله ضرورى
# انا مكنتش عايز اقابلك بس فيه حاجه مهمه لازم تعرفها
~ اى الى ممكن يخليك تتنازل وتيجى تشوفنى
# ندى حامل منك
كريم فرح جدا
~ بجد ؟! انت بتهزر صح؟ احلف كدا انه صح
# للاسف صح .. انت تهمتك بالنسبه للشرطه هى محاوله قتل و ممكن تاخد فيها سنتين سجن وكمان انسى ان ندى تسامحك وهى اصلا عايزه تجهضه ف للاسف الحل الوحيد فعلا هو انها تجهضه ..
~ نعم !! تجهضه !! لا لا بص انا عايز اقابلها ... انا عايز الطفل دا يجى الدنيا وعايزها تسامحنى
# افهم ..هى مستحيل تسامحك .. من سابع المستحيلات يحصل كدا .. انا مش عارف ليه جيت اقابلك اصلا بس حبيت ابلغك بس .. بسبب تصرفاتك دى ابنك هيموت قبل ميشوف الدنيا
~ استنى متمشيش ابوس ايدك خلينى اتكلم معاها ...
# هى فكل المصايب دى بسببك .. مستحيل ترضى تكلمك
مصطفى مشى
راح المستشفى يطمن على ندى
كان فيه حاله زعر شديد هناك والمستشفى مقلوبه
# فيه اى !!
$ المريضه الى دخلت المستشفى النهارده وكان عندها نزيف موجوده دلوقتى فوق سطح المستشفى و عايزه تنط
# نعم !!
جرى ناحيه السطح
كان فيه ناس كتير بيحاولو يقنعوها تنزل بس هى واقفه عند الحافه ومش راضيه تتراجع
# ندى انزلى ... الانتحار حرام
بعياط - لو قربت خطوه تانيه هنط ... هو صحيح حرام بس انا تعبت خلاص تعبت انا وصلت لاخر طاقتى ... مش انت قلتلى ان حياتى متدمرتش ؟! اهى اتدمرت خالص دلوقتى .. انا مش عايزه اعيش .. مش عايزه حاجه من الدنيا
# انزلى و هنحل كل حاجه
ندى ضحكت زى المجنونه
- نحل كل حاجه ؟! نفس الجمله دى قالهالى مصطفى و اهو بعدها بكام يوم عمل فيا الى ميتعمل .. انا مش عايزه حاجه تتحل انا بس عايزه اموت انا والطفل و الى جوايا
# باباكى واختك هيزعلو و ... انا كمان هزعل
بعياط - حاولت والله ومش قادره ... وبعدين انت هتزعل ليه ؟! عشان مقدرتش تعالج حاله عندك ؟
قرب منها اكتر
- قلتلك متقربش ... هنط والله
# انا ... انا بحبك .... كنت ناوى اعترفلك بعد شهور عدتك بس انتى بعدها قبلتى اعتذار مصطفى و رجعتيله ... متعرفيش انها انهرت ازاى و لا زعلت اد اى ... حقيقى لو حصلك حاجه انا مش هسامح نفسى
- كل الى بيحبونى اذونى ... مش عايزه حد يحبى مش عايزه
# انا غيرهم .. انا مش هأذيكى صدقينى
ندى قربت من الحافه اكتر
مازن اتأكد ان كلامه عمره م هيجيب نتيجه
جرى بسرعه قبل م هى تنط و حضنها و رجع بيها ل ورا
بزعيق وعياط - انت بتعمل اى سيبنى !! انا عايزه اموت انت مالك بيا !!!
وبتضرب فيه
اخدها لاوضتها فالمستشفى
بعياط - انقذتنى ليه حرام عليك ...
# انتى عايزه الجنين ولا لا
بعياط - لا مش عايزاه ...
# طب خلاص بكرا ان شاء الله هنبدأ الفحوصات قبل الاجهاض و نشوف امتى نقدر نعملك العمليه
بعياط - ياريت الموضوع دا يخلص ف اقرب وقت
# تمام بس توعدينى تفضلى هاديه ومتعمليش حاجه فنفسك
بعياط - تمام ..
خرج من الاوضه و قال للدكاتره عشان يجهزو للفحوصات بكرا
* ٢ بالليل*
ندى كانت لسا صاحيه و بتعيط على حظها
وقتها اتفاجأت ان الباب اتفتح ...
- كريم !! ازاى خرجت من السجن
~ انتى هتجهضى ابنى !!
يتبع .... الفصل الثالث عشر
الفصل 13
- كريم !! انت ازاى خرجت من السجن
~ انتى هتجهضى ابنى !!
ندى بصت ناحيه الشباك
- ايوه هجهضه .. عندك مانع ؟!
~ انا عايز الطفل دا
- وانا مش عايزاه
كريم قرب منها
- انت بتقرب ليه !!! ابعد
~ انا اسف والله على الى عملته ... انا بس الحقد عمانى وقتها انما مكنش قصدى ائذيكى .. صدقينى انا بحبك جدا و نفسى تسامحينى و نعيش انا وانتى و ابننا مع بعض .. اوعدك مش هزعلك تانى
- انت لو اخر انسان فالدنيا دى كلها مش هسامحك بردو و بعدين انا بقيت بقرف منك هنعيش مع بعض ازاى وانا مش طايقاك؟! روح يا كريم ارجع للسجن بدل متاخد ضعف العقوبه .. انت و اخوك انتهيتو بالنسبالى انا الى غلطانه انى مبعدتش عن عيلتكم من الاول
~ متعصبنيش بقولك انا عايز الطفل !! بتسمعينى محاضره ليه دلوقت
- وانا مش عايزاه
~ دا اخر كلام عندك ؟
- اى هتعمل اى المره دى مثلا ؟!
مسكت كوبايه ميه من جمبها و كسرتها على راسه وخرجت من الاوضه بسرعه وهى بتجرى
~ ااه يا بنت الكلب استنينى بس
فضل يجرى وراها وهى تجرى
الممرضين و الدكاتره الى كانو صاحيين بيحاولو يمسكوه بس مش عارفين
جريت عالسلالم
اتكعبلت وهى بتجرى عالسلالم و وقعت من اول سلمه لاخر سلمه
~ ندى !!
جرى ناحيتها وهو مخضوض .. شالها بسرعه
كان فيه دم كتير حتى هو لبسه بقا كله دم
~ يدكتور يدكتور تعالى بسرعه .. حد يجى بسرعه !!!
الدكاتره جريو ناحيته
$ اى حصل !!
~ وقعت من عالسلم .. ارجوكم انقذوها هى والجنين
$ هنحاول نعمل كل الى نقدر عليه
واخدوها منه لاوضه العمليات
هو كان مستنى بره اوضه العمليات و هو بيعيط
~ انا مش عارف ليه كل مره بقرب منها بأذيها مع انى والله مش بيكون قصدى .. حد يعوز يأذى حد بيحبه ؟!
الشرطه جت وقتها عشان تاخده بعد م هرب من السجن
~ انا بس عايز اطمن على ابنى بعدها خدونى للسجن تانى
كريم صعب عالشرطه ف قررو ينفذو طلبه و يستنو لغايه لما تخرج من اوضه العمليات
الدكتوره خرجت من الاوضه العمليات بعدها بساعه
كريم جرى عليها
~ طمنينى عليهم
$ المدام بخير بس ...
~ بس اى ؟!!
$ الطفل مات
كريم انهار عالارض وهو بيعيط و فضل يضرب نفسه بالقلم كذا مره و هو بيردد جمله واحده
~ انا الى قتلت ابنى ب ايدى
الشرطه اخدوه تانى للسجن
مازن عرف ب الى حصل و شكر ربنا انها اتخلصت من الجنين من غير عمليات او حاجه و قرر انه هيعالج كريم وهو فالسجن عشان لما يخرج من السجن يكون انسان طبيعى و يقدر يكمل حياته
الدكاتره بعدها نقلو ندى للاوضه العاديه
*بعد لما فاقت *
كان مصطفى قاعد على كرسى جمب السرير
كان حاطط ايده على شعرها
= انا اسف ...
ندى بعدت ايده عنها
- ابعد ايدك عنى .. اى الى جابك ؟!
= جاى اعتذر و ... اطلب منك السماح
ب استهزاء - اى اتأكدت ان الطفل فعلا ناتج عن الاغتصاب ؟ يا رااجل مش يمكن بضحك عليك و يكون ابن مازن او ابن ممرض او دكتور تانى فالمستشفى او مش يمكن مثلا ابن اى واحد ماشى فالشارع .. عيب عليك ازاى تصدقنى من غير دليل
= انا مش عارف والله اقولك اى .. انا مش عارف ازاى شكيت فيكى بالمنظر دا .. دكتوره النسا كشفت عليكى و انتى نايمه و قالتلى ان فعلا محدش لمسك من شهرين كدا
ندى ضربته بالقلم
- يعنى بردو كنت عايز دليل عشان تصدقنى !!!! وبعدين مين قالك تخلى حد يكشف عليا من غير اذنى ؟!!! كدا كدا انت انتهيت بالنسبالى و انا بقيت بكرهك .. بكرهك يا مصطفى بكرهك
= انا فعلا مقدرتش استحمل وقتها كل الى حصل دا .. يعنى بصعوبه اتقبلت فكره الاغتصاب و بعدها طلعتى حامل .. دا كان فوق مقدرتى
- ماشى خلاص هو فوق مقدرتك و انت خلاص مش قادر تستحمل تانى .. انا كمان مش هقدر استحملك تانى ولا ارجعلك تانى .. انا اصلا قرفانه وانا باصالك دلوقتى .. ف كل واحد يروح لحاله
= بس انا لسا بحبك
- وانا بكرهك يا مصطفى
= طب عشان خاطر الحلو الى كان بينا
- حلو اى !! كل موقف حلو قصاده ٥ مواقف زباله و بعدين انا قلتلك المره الى فاتت انها اخر فرصه و انت وعدتنى انك مش هتزعلنى تانى .. فرصتك ضاعت خلاص ياريت تنسانى و تبعد عنى
= مش هقدر انساكى
- انشالله عنك منسيتنى .. سيبنى فحالى انا بكرهك
وقتها مازن دخل الاوضه
# ياريت يا مصطفى متضغطش عليها عشان ميحصلهاش نزيف تانى ... ابقا تعالى وقت تانى تكون ارتاحت شويه
= تمام بس انا راجع تانى
- ياريت مترجعش تانى لان فعلا مش طايقاك
مصطفى خرج وهو زعلان جامد
# هتسامحيه ؟
- مستحيل
بان الفرح على وش مازن
# حمدلله على سلامتك انا هسيبك ترتاحى
وخرج من الاوضه
عدى يومين من غير اى احداث غير ان ندى بدأت تستعيد صحتها شويه
- مريم !!
جريت عليها عشان تحضنها
بس مريم بعدتها عنها بقوه
- مالك !!
+ خطيبى سابنى بسببك ...
- ازاى يعنى
+ عرف انك كنتى حامل فالحرام و ان جوزك طردك من الشقه قدام كل الناس
- وهو مش عارف ان دا مكنش بمزاجى !!
مريم بدأت تعيط
+ هو قالى مش عايز يناسب عيله زى عيلتنا ... فرحنا كان بعد شهر وانا حقيقى حبيته جدا ... حرام عليكى بسببك الانسان الى حبيته بعد عنى وسابنى
- انا ممكن اشرحله ...
بزعيق + هتشرحيله اى هاا !! لو سمحتى ابعدى عنى انا وبابا .. ابعدى عننا خالص احنا مش عايزينك .. ياريتك كنتى موتى لما كريم حاول يقتلك
وخرجت من الاوضه وهى بتعيط
ندى انفجرت فالعياط
غيرت لبس المستشفى و لبست لبسها و خرجت من المستشفى من غير م حد يشوفها بس قبل لما تمشى سابت ورقه على سريرها
مازن بعدها دخل الاوضه عشان يطمن على ندى
بس اتفاجئ لما شاف انها مش موجوده
اخد الورقه من عالسرير و بدأ يقرأها
" انا اكتر واحده اتأذيت فالقصه دى ومع ذلك اذيت ناس تانيه معايا ... انا همشى و ياريت محدش يدور عليا عشان مش هتلاقونى .. مصطفى لو كنت بتقرأ الرساله دى ف اعرف انك بقيت زيك زي كريم بالنسبالى و يمكن اسوأ منه ف انت تنسانى خالص و متدورش عليا لان حتى لو لقيتنى هيفضل موقفى زى م هو ... و انت يا دكتور مازن لو بتقرأ رسالتى ف انا بشكرك على وقفتك جمبى .. و انا عارفه انك فضلت مستنى ردى على اعترافك .. انا مقدره انك انسان كويس وكل حاجه بس انا مريت بفتره خلتنى اكره كل الرجاله و عايزه اعيش وحدى .. اتمنى انك تشوف حياتك و تحب واحده احسن منى و بالنسبه ليكى يا مريم لو بتقرأى رسالتى دى ف انا هروح لخطيبك اقوله انى هبعد عنك انتى و بابا خالص كأنى مش موجوده وهخليه يرجعلك تانى "
مازن ساب الرساله و جرى بسرعه يدور عليها حولين المستشفى بس من غير اى فايده
وصل الرساله لمصطفى و مريم
مريم ندمت جامد لما قرأتها ... فضلت تعيط على طريقه تصرفها على اختها وانها جرحتها
و مصطفى مستسلمش و فضل يدور عليها ... راح الجامعه بس اتفاجئ انها سحبت ورقها من هناك...
شهر كامل بدون اى احداث .. مصطفى لسا بيدور عليها و مازن كمان و مريم بتحاول تتصل بيها وتبعتلها رسايل بس واضح انها غيرت الرقم خالص
بعد الشهر دا مريم اتفاجأت بخطيبها بيرن على باب بيتهم و بيعتذرلها وبيطلب منها السماح
هى طبعا سامحته و حددو الفرح بعد اسبوع
سألته عن ندى قالها انها راحتله و قالتله انها هتبعد عن العيله خالص كأنها ماتت عشان كدا رضى انه يرجع لمريم
( عارفاكم هتقولو ان مريم معندهاش دم بس هى فعلا معندهاش دم
عدت الايام و الشهور و السنين
مصطفى لسا بيدور .. مازن استسلم بعد ٣ سنين من اختفائها و خطب الممرضه الى كانت بتحبه و اتجوزو كمان
كريم خرج من السجن و بدأ يشوف مستقبله ..
وكل دا و مصطفى لسا بيدور و مستسلمش
* بعد ٧ سنين من اختفائها *
مصطفى بيكتب ف يومياته الى بقاله ٧ سنين بيكتب فيها
= النهارده عدى ٧ سنين على اختفائك ... انا دورت عليكى فكل حته ... حتى اصحابك ميعرفوش عنك حاجه .. انا بس عايز اكمن عليكى ومش عايز حاجه تانيه .. يارب ارجوك خلينى اقابلها النهارده انا بدعى ب كدا بقالى ٧ سنين
قفل دفتر يومياته و راح للمستشفى
كانو الممرضين و الدكاتره بيتكلمو عن دكتوره اتعرفت ف وقت قصير بمهارتها فالجراحه و انها بقت مشهوره رغم صغر سنها واشترت المستشفى الى هما شغالين فيها
الكل كان متشوق انه يشوفها .. مين الدكتوره الى قدرت تشترى مستشفى كامله وهى لسا مكملتش ال ٣٠
$ الدكتوره مديره المستشفى وصلت يجماعه !!
دخلت المستشفى وهما الناس بيهنوها على المستشفى الى هى اشترتها وهى بتشكرهم
مصطفى بقا عنده فضول يشوف مين الى بيتكلمو عليها دى
بصدمه = ندى !!
استنى لما هى راحت لاوضتها ( اوضه مديره المستشفى)
= ازيك...
ندى باصه عالورق ومش منتبهه ليه
- حضرتك عايز حاجه ؟
بصدمه = حضرتك !!
- لو مفيش حاجه عندك ياريت تمشى لان ورايا شغل كتير
مصطفى راح ناحيتها و حط ايده على خدها
= انا مصطفى يا ندى ...
ندى ضربته بالقلم
- انت ازاى تتجرأ تعمل كدا !!! و بعدين انت اكيد مشبه عليا .. اخرج برا بدل م اضطر اطردك من شغلك
= انتى مش فكرانى !!
- اطلع برا لو سمحت .. زى مقولتلك مش عايزه اضطر انى اطردك من شغلك و انت دكتو شاطر فالمستشفى عندنا
مصطفى وقف مصدوم من كلامها
وقتها دخل الاوضه طفل صغير
× يا مامتى انا عايز اقعد معاكى النهارده بليز
مصطفى بصلها ب صدمه = ماما !!! ازاى يعنى 🤨😲
ياترى دى واحده شبهها ولا هى ؟؟
ولو هى ياترى مين الولد الصغير ده ؟؟؟
و مين ابوه ؟؟؟؟
كل ده هانعرفه فى الفصل القادم انتصرونى والفصل 14
تابعوني على صفحتى الشخصية ليصلكم الفصل فور نزوله
دمتم متابعين ... تحياتى لكم ...