الفصل الاول
*❴📖❵↵* *أقداري.الجميلة.tt* 🥹🤍
`الموسم الأول`
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
➖➖➖➖➖➖➖➖➖
#أقداري_الجميله
الجزء الأول
الحياة غريب بشكل مخيف بيوم والليلة بتقلب حياتنا لكابوس حقيقه ... والأصعب وقت تضربنا ضربه ورا الثانية .... خلال كم سنه كنت متزوج ثلاث بظروف مجبرة ... اول ما تخرجة من الجامعه بشكل تقليدي خطبة بنت من اختيار والدتي ... وربنا رزقني منها ولدين وبنت...... صحيح ما حبيتها بس كنت راضي بحياتي معها وهي كانت إنسانة رائعه بعمرها ما زعلتني ... كانت تحاول دايما تسعدني بكل طاقتها ... وبيوم ولليلة تحولت حياتنا لكابوس بعد موت اخي .. كان خبر وفاته اخي صدمه للكل ودخلنا بحالت حزن لفترة لحد ما صحينا منها على قرار امي وابي ... الصدمه كانت النا كلنا مرتي ومرت اخي وانا اولهم الي كنت بين نارين مرتي شريكة حياتي وما بدي اكسر خاطرها بهيك خطوة وبين حزن اهلي وخوفهم مرت اخي بيوم تتزوج حدا غريب ويخسرو ولادها ..... بس اهلي كانو ماخذين قرارهم وخالصين ... انا وهي كان علينا انفذ بس .... والحلقه الأضعف كانت مرتي ما كنت بتحمل دموعها كنت بعد كل نقاش بين اهلي تسمعه تدخل غرفتها تبكي
ياسين : ما بكفي بكى مستحيل أوافق اتزوجها اهدي ولا ضلك تبكي
ديانا تمسح دموعها : مستحيل اهلك يقبلو همه قررو
ياسين : بدهم اتزوجها غصب عني
ديانا : .
.ياسين يتنهد : انا مش فاهم كيف بفكرو ..... كيف خطر بالهم اتزوج مرت اخي
ديانا : همه خايفين على لولاده
ياسين :طيب ولاده بعيوني بحطهم من دون زواج
ديانا : همه خايفين تتزوج
ياسين ؛ وتتزوج شو المشكلة هاد حقها
ديانا : اهلك ما راح يقبلو
ياسين : طيب والحل
ديانا تضع ايدها على ايده وتقرب منه : تزوجها لفترة وبعدين طلقها وهيك اهلك بخفو ضغط عليها
ياسين بصدمة : انت هيك بتحكي
ديانا : ياسين افهم اهلك هددوها يوخذو ولادها منها وكمان ما بدهم يعطوها ميراثها ... وكمان
ياسين : كملي كمان شو
ديانا : ...
ياسين : احكي خلصي
ديانا : همه حكو معي
ياسين : بشو
ديانا : اذا رفضت بدهم يضلو وراك تتركني
ياسين : شو هل تخبيص هاد
ديانا تضغط على ايده بقوة : لا تروح ... سايرهم فترة بترجاك
ياسين : ديانا شو هل ضعف الي انتي فيه اصحي على حالك انتي واعيه شو بتحكي بدك اتزوجها هاي مرت اخوي
ديانا : ماشي تزوجها على الورق وسكت الكل وهي تعيش حياتها مع ولادها وانت معي وهيك اهلك بكونو راضين واحنا ما بنخسر بعض
من بعد هاد اليوم الكل ضل يضغط عليه لحد ما بيوم طلب يحكي معها لحالهم ومن بعدها قرر انه فعلا بتزوجها على ورق وهي وافقت وهاد الكلام كان بمعرفة اهله وتزوجو كنت عايشة بكابوس مش متخيلة سلفتي ضرتي ... بس الي كان مريحني انهم بعاد عن بعض وتعاملهم مع بعض رسمي كتير وكانت علاقتنا احنا حلوة ومرق سنة وشوي واحنا على وضعنا وما تغير شي وأهله ضلو مصرين كلنا نعيش معهم كان وضعهم المادي كتير مرتاح وبيتهم كبير .... والصدمة الثانية كانت اقوى من الأولى... كنا قاعدين وسمعنا صوت دار عمه عالي وفي جريمة بتصير ببيتهم وصوت رصاص ... طلع ياسين وابوه وأمه على الصوت وانا وصبا وخواته ضلينا بالبيت .... وما حدا منا عرف شو بصير عندهم
__
كنت بين ايديهم حجر وبتحرك زي زي ما بدهم عقلي ما كان يستوعب الي بعملو معي ... وقت سمعنا الصوت طلعنا نركض نشوف شو صاير ... كان ابن عمي مصطفى بيده المسدس وضارب أخته ودمها سايح الأرض.. انا وبابا دخلنا أخذنا لسلاح من ايدهم واخذنا البنت على المشفى من دون ما نفهم شو صاير ... وكانت الصدمة انها حامل من واحد مجهول الهوية ... ما حدا منا كان متقبل شو بصير والبنت خسرت شرفها وحالها وأهلها وهمه كان الغضب مسيطر عليهم ... لحد ما بابا حاول يخفف من الوضع
ابو ياسين : يا اخي اهدى بدك تخسر صحتك مشان وحدة فلتانه صحتك بالدنيا
ابو مصطفى: حطت راسي بالارض الله لا يوفقها
مصطفى ؛ لازم اخلص عليها واغسل عاري
ياسين : بس يا مصطفى اهدى
مصطفى : شو اهدى انت عارف هاي شو عملت كيف بدنا نحط عينا بعيون العالم بعد هيك
ياسين : ...
ابو ياسين : في حدا غيرنا بعرف
ابو مصطفى بخجل : لا
ابو ياسين : طيب بنلاقي حل بس انت طول بالك
مصطفى: الحل هو قتلها وبس
ياسين : يا ابن العم طول بالك
ابو ياسين بنظره ل ياسين : في عندي حل .. بس بالأول الي بطنها لازم ينزل
ابو مصطفى ؛ شو هي اخي
ابو ياسين : بتزوجها ابني لفترة قدام العالم وبطلقها بعد سنة وهيك ما حدا بعرف شو صار ... بس الولد بدو ينزل قبل كل شي
ياسين يرجع خطوة لورا بصدمة : بابا .....
ابو مصطفى ينزل لعند ايدين ياسين بتوسل : بترجاك يا ابني استر عليها هي شرفنا كلنا
ياسين : عمي
ابو مصطفى : بترجاك يا ابني
ياسين يرفع عمه : عمي ...
ابو ياسين : ياسين يا ابني هي فترة
ياسين : يا أبي هو ما في غيري انا متزوج حرام عليك
ابو ياسين : اه ما في غيرك. ... هاي سمعت العيلة كلها وسمعت خواتك وبنتك كمان
مصطفى : هو مش مجبور يتحمل عارها العار ما بنغسل ال بالقتل
ابو ياسين : بتفكر اذا قتلتها العالم ما راح تحكي علينا ... اصحه انت واياه الي صار صار وهي غلطت اذا بدكم تعملو فيها رجال وانت ترفض تتزوجها وانت تقتلها وقتها سيرتنا بدها تصير على كل لسان ... وعارها بدو يلحق الباقي
ياسين يجلس بقلت حيلة : ....
ابو مصطفى : ابني جميلك عمري ما بنساه استر عليها
ياسين : توكل على الله يا عمي
ابو ياسين : يعني موافق
ياسين : في عندي خيار ثاني
ابو ياسين : الله يرضى عليك
خلال يومين كانو كاتبين كتابها وروحت معه على البيت بعد ما زل الخطر عن حياتها ... دخلت خجلانه وجها بالارض ما حدا حكى معها دخلوها غرفة مع خوات ياسين هي كانت صاحبتهم من وهمه صغار. ..... المرة ما حكينا بالموضوع ما كان في حكي نحكي الموقف اكبر من الكل ... بس انا رفضت الوضع وما قدرت اتحمل وجود ثنتين على ذمته لو مجرد كلام .... حاولت اترك البيت واخذ ولادي معي ... بس كنت لأول مرة بشوف وجهه الثاني وجه ياسين الي ما حدا بعرفه .... وانا طالعه من الباب رجعني بقوة وخبط الباب بقوة هز كل شبابيك البيت الكل تجمع حولينا وولادي هربو تخبو ورا ستهم ... وانا كنت بحاول اثبت قدام عصبيته بس ما قدرت مسكني من ايدي لعنده
ياسين وعيونه تحرق عيونها : وبعدين معك وبعدين مع حياتي معكم ... انا ناقصني وجع قلب لتروحي كمان انتي
ديانا : انا
ياسين : انت ولا كلمة ... الي بصير مش بيدي فاهمه انا ما الي زوجه غيرك ... هاي مرت اخي والثانية ( لفه وجهه عليها لتنزل دمعتها ) .... هي بنت عمي وبس
ديانا تنزل دموعها: ...
ياسين يقرب منها أمام الكل : لا تروحي
ديانا تبكي بين ايده : ....
ام ياسين : بكفي دلع ارجعي على غرفتك وهي اخر مرة بشوف هيك تصرف
ديانا تنظر له بقهر : ...
ام ياسين : اكسري عينك ... بنات آخر زمن
ياسين : امي ..
ام ياسين : ولا كلمة
ديانا تمسك ايده وتهمس له : خلص لا تزعلها
ياسين : ماشي اطلعي على غرفتك وبنحكي بعدين
ديانا : حاضر.
____
ياسين : بنات خليكم هون بدي احكي معها
تقى ترجع للغرفة بخوف : شو بدك مني
هديل : اخي
ياسين : ابعدي ( يدخل ويغلق الباب بهدوء بترجع هي لآخر الغرفه )
تقى : شو بدك
ياسين : اقعدي بدنا نحكي ..
تقى : ...
ليصرخ فيها صوت يرعب قلبها : اقعدي
تقى يرجف قلبها وتنزل دمعتها وتقعد قريب منه : ....
ياسين ياخذ نفس وينظر له : هاتي لاشوف احكيلي مين ابوه للولد
تقى : ...
ياسين : بحكي معك
ياسين : بحكي معك مين هو ابوه
تقى تحاول الهروب من نظارته المرعبة : ...
ياسين يجذبها بقوة ويوضع ايده على رقبتها : وقت احكي معك بتوقفي وبتردي مين الي عمل عملته معك وتركك ورا
تقى تنزل دموعها شلال على ايده : تركني
ياسين يضغط غلى رقبتها بفقدان وعي : ليش ما بدك تحكي مين هو ..ليش بتخبي خايفه منه ولا خايفه عليه
تقى بصعوبة تنطق : ما بخصك تعرف مين بدك تقتلني اقتلني بدك اطلقني وترجعني عند اهلي رجعني بس ما الك تعرف عني شي
ياسين ينظر بجراءة عيونها ويخفف قبضت ايده ويتقرب من اذنها بهمس : انا جوزك قدام كل العالم ومن وقت كتبت كتابي عليكي من حقي كل شي صغيرة وكبيرة اعرفها فاهمه .... واذا ما حكيتي اليوم بتحكي بكرة ..... ومن اليوم انسي اهلك والعالم وانا مش راح اهدى لأعرف مين هو وكمان ينزل الي بطنك لو اخر يوم بعمري ما بسجل ابن حرام على اسمي
تقى بعجز : ومين اعطاك هاد الحق ... انت وانا عارفين زواجنا على ورق قدام الناس
ياسين يلف ايده على شعرها ويثبتها بقوة اوجعتها : اول شي لا تنسي انك بنت عمي واسمك على اسمنا ... وبعدين مدام القدر اختارني استر على قرفك ... يعني الي كل الحق ومش بس هيك .. من اليوم وطالع انتي تحت أمري بدك تعيشي وهاد نفسك بطلع باذني والله يطعمك اعرف انك حاولتي تتواصلي معه
تقى يضع ايدها فوق ايده لتخفف من وجع رأسها : ... انا طول عمري بكرهك وهلا زاد كرهي الك
ياسين مندهش من كلامها : ولسا بدك تكرهي الساعه الي غلطتي فيها وقعتك بحياتي
تقى تبكي بوجع وقهر : اتركني بكفي
ياسين يشد على شعرها ويقربه منه بنظره ترعب القلوب : اطلعي فيه ... ارفعي عينك واطلعي فيه ... انا كنت متفق معهم اطلقك بعد فترة .. بس بعد جراءة عيونك بدك ضلك تحت اسمي عمرك كله ... وكمان كل يوم حضري حالك تشوفيني لحد ما تقرري تخبريني مين هو ابوه للي ببطنك
تقى بتوسيل : اتركني ... وابعد عني عيونك بتخوفني ... انا ما طلبت منك تتزوجني ... اتركني بحالي
ياسين ينزل ايده عنها : فكري وتعالي خبريني لحالك افضلك
___
هديل تدخل عندها بعد خروج ياسين : ... تقى
تقى ترفع رأسها من التخت : ....
هديل تقرب منها اضمها : عملك شي
سيلا تقعد على تختها : تقى
تقى تمسح دموعها : انا شو عملت لحالي كيف وصلت لهون
سيلا : بدك تحكيلو
تقى : لا طبعا ... مستحيل لا تنسي انهم ولاد هم وقتها ما بعرف شو ممكن يعملو اهلي و...
هديل : وجوزك
تقى : لا تحكي هاي الكلمة بتوجع قلبي
سيلا ؛ طيب والولد الي ببطنك شو بدك تعملي فيه ... شفتي كيف الكل مصر تنزلي
تقى تضع ايدها على بطنها : ما راح اقتل ابني بيدي
هديل : تقى لا تعقدي الأمور
سيلا : هو طلب منك
تقى : .. مين
سيلا : مين غيرو
تقى تضحك بقهر مكتوم : ...هو ما بدو اياني ولا بدو ابنه
هديل : ... متأكدة
تقى تدخل بنوبة بكاء : ما توقعت بيوم يرفضني بهاي الطريقة ... تخيلو بعتله قبل ما اهلي يعرفو ....
سيلا تقرب منها بعفوية : وشو رد عليكي
تقى تمسح دموعها وتتكلم بخنقه. : خبرني اديش انا رخيصة وهو ما بتزوج وحدة فرطت بحالها وحملت بالحرام
هديل تضع ايدها على تمها : شو
سيلا : هاد واحد واطي ولازم الي يعرف عن حقارته .. انتي ليش ما بدك ياسين بعرف والله غير يقتله ويرحك منه
تقى : شو بدكم احكيلو اني بأرادتي حبيته
هديل : بس أنت ما كنتي موافقه على الي عمله
تقى. : والله هي مرة وحدة وما بعرف كيف صارت ومن بعدها سودت الدنيا بعيوني
سيلا : يعني ...
تقى : لا تكملي ... انا حبيته من قلبي ... وقت روحت معه روحت لأني بحبه وبس بدي اشوفه و...... ما كنت بعرف عنده نواية خبيثه
هديل :
سيلا : .... طيب ليش ما تحكي للكل عنه
تقى : ما بزبط هو آخرته راح يرجع ولا تنسي احنا كلنا ساكنين جنب بعض وعلى طول راح يشوفو وقتها كيف بدها تكون العلاقه وقت اهلي واهلكم يعرفو
هديل : بس كمان بتخافي بس يرجع ويعرف انك تزوجتي وما خبرتي حدا يتمادى معك
تقى تنتفض من الفكرة: لا مستحيل
سيلا : ماما بتنادي علينا خلص سكرو على السيرة
تقى تمسح دموعها " ...
هديل : خليكي هون واحنا بنروح نشوفها
تقى : حاضر
_
صبا في ممرات الغرف تنطق اسمه بتردد : ياسين
ياسين يقف ويلف راسه ببطى : .. نعم
صبا : ممكن نحكي شوي
ياسين : ...
صبا : خمس دقائق
ياسين : تمام .. فوتي ..
كانت أول مرة بدخل غرفتها من وقت كتب كتابنا شعور صعب علي كارجال دخل غرفت مرت اخي الي على اسمي .. هي كانت متردده بشكل دخلت وسحبت الكرسي اقعد عليه وهي قعدت على التخت قبالي
ياسين : خير مالك
صبا : ...
ياسين : مالك يا مرت اخي
شو صار بحظتها صعب اوصفه مشاعري ومشاعرها تخربطو كنت بشوفها مرت اخي وبس وعقلي رافض فكرت انها مرتي ومسؤوله مني ... وهي تلبكة وصارت تفرك بيدها
ياسين : اسف ... بالغلط حكيتها....
صبا بنظرها على الأرض : بسيطه
ياسين : طيب احكيلي شو كنتي بدك مني
صبا ترفع رأسها ببطئ : بدي ارجع على شقتي
ياسين : كيف
صبا : انا مش مرتاحه هون وولادي كمان مش ماخذين راحتهم .. انا طاوعتكم وقبلت نتزوج وما ارجع عند اهلي وجيت وسكنت معكم بس مش مرتاحه بدي ارجع على بيتي .... وانا بوعدك اشاورك بكل خطوة بحياتي
ياسين : .. مش هيك الفكرة يا صبا ... انا ان علي ما عندي مشكلة تعملي الي بريحك بس .. وقتها انا متأكد اهلي بدهم يجبروني اعيش معك وانتي اكيد هيك قرار مش راح يعجبك
صبا :
ياسين: صبا انا ابي بضغط علي اتعامل معك كزوجة ... انا وصعب علي اخذ هيك خطوة ومتأكد كمان انها صعبه عليكي وانا قبل الزواج وعدتك ما أقرب منك وتكوني اختي وبس ... بس هلا ان وافقت ترجعي على بيتك بدك تفتحي على حرب مع اهلي وحتى الناس بدها تحكي وقتها كيف جوزك وتركتك تعيشي لحالك
صبا : ...
ياسين يلمس ايدها بعفوية تقشعر بدنها : .. حدا مدايقك هون
صبا تنظر لايده وترفع رأسها تنظر لعيونه : ....
ياسين يسحب ايده : .. اذا في شي احكيلي
صبا : لا ما في شي
ياسين يقف يغادر الغرفه : طيب هلا طلعي من راسك فكرت ترجعي على بيتك
صبا بصوت متردد : ياسين
ياسين ياخذ نفس ويرجع خطوة ياسين : نعم
صبا تنظر بعيونه : بدك ضلك عند وعدك
ياسين : انتي اختي وبس لا تخافي
صبا : شكرا
ياسين : لا ضلك تفكري وكمان انا هون اي شي بدك اياه مني لا تترددي
صبا : ماشي .
ياسين : ماشي انا لازم اروح اشوف ديانا بشوفك تحت
صبا : تمام
يتبع
الجزء الثاني
بعد عددت ايام
ام ياسين : وين نسوان اخوكي
هديل : بغرفهم
ام ياسين : وليش ما نزلو يساعدونا ولا ليكون بدنا نخدم عليهم وعلى ولادهم
سيلا : ماما هي احنا بنساعدك
ام ياسين : روحي نادي عليهم واليوم بدي احط حد لدلعهم
هديل : ماما
ام ياسين: ولا كلمة يلا ناديهم ... اه ونادو ست تقى
سيلا : بس ياسين طلب ما تطلع من غرفتها
ام ياسين : وقت انا احكي كلامي هو الي بمشي
هديل : حاضر. .. يلا سيلا روحي نادي ديانا وصبا وانا بنادي تقى
سيلا بعدم رضى : ماشي
__
تقى تقف بحيرة: انا
هديل : اه انتي ومش بس انتي وضراريك ماما حطتتكم براسها اليوم امشي قبل ما تعصب
تقى : بس ياسين
هديل : ما بحكي شي وقت يعرف ماما طلبتك .... يلا امشي
____
ديانا وصبا يدخلو من الباب ورا بعض
ديانا :بعتي وراي مرت عمه
ام ياسين تنظر ل تقى من بعيد : اه تعالو
صبا : نعم
ام ياسين بنظرة ل تقى : وانت تعالي
تقى : نعم
ام ياسين: صار لازم نحط النقط على الحروف وكل وحدة تعرف واجباتها بهاد البيت .. انا وبناتي مش خدمات عندكم ... وبناتي طالبات جامعه وعندهم حياتهم ... من اليوم شغل البيت عليكم ... وممنوع الاعتراض.... بدو يتقسم الطبيخ والشغل والغسيل عليكم وممنوع اشوف وحدة بغرفتها قبل العشا ... الكل بتعشا وبتخلصو شغلكم وبعدين بتروحو على غرفكم . ..... الكلام للكل وانت اولهم
تقى تنزل رأسها للارض : حاضر
ديانا بأعتراض: بس يا مرت عمه هيك كتير انا عندي ولاد بدهم اهتمام وعندهم دراسة
ام ياسين : هاي الها حل
ديانا : كيف
ام ياسين : ام إبراهيم عندها بنت صبيه بدور على شغل وانا طلبت منها تستلم تدريس ولادكم كلكم انتي وصبا ... وعلى الاهتمام بولادك همه بينا ما حدا بقصر فيهم
الكل ضل ساكت وصبا ما نطقت ولا بكلمة ماما إنسانة متسلطه اوقات وكلامها مستحيل ينزل الأرض فرضت عليهم أوامرها ومن نفس اللحظة كان التنفيذ كل وحدة استلمت شغلها وبس وصل ادهم كانت ملامح وجهه ما بتتفسر من تجمع الكل بنفس المكان بس ما قدر يعترض بوجود بابا ... بس المسكينه تقى اول ما شافته وقفت ورجعت ورا هديل لانها عيون ياسين كانت بتحرقها
ياسين : انت شو طلعك من غرفتك
تقى تمسك ايد هديل بخوف من نظراته ونبرة صوته المرعبة لقلبها : .... انا انا
ام ياسين: انا طلعتها
ياسين : ليش مش انا حكيت ما تطلع من غرفتها
ام ياسين : اسمع هي صارت مرتك والها واجبات بهاد البيت زي صبا وديانا
ياسين : مين الي مرتي انتي صدقتي هاي اللعبة ... طول وانا في البيت ما بدي اشوف وجهه
ام ياسين : اسمع هي وحدة من هاد البيت قبلت ولا وبدك تشوفها على طول ... وانا هي فهمتهم كلهم هاد البيت من مسؤوليتهم
ياسين بنظرة لابوه : ...
ابو ياسين يضع ايده على كتف ابنه : اذا هي شايفه هاد المناسب خليها تعمل الي بدها اياه
ياسين: براحتكم
ديانا : لوين
ياسين ؛ بدي اطلع انام
ام ياسين : ما بدك تتغدا
ياسين : بس اصحه
ام ياسين؛ ابني تغدا وبعدين بتروح تنام
ياسين: ماشي بغير وبرجع
ام ياسين : ديانا روحي مع جوزك
ديانا : حاضر
_
ياسين : شو في مالها
ديانا : ما بعرف بعتت ورانا وحطت قوانين
ياسين : من دون سبب
ديانا : ما بعرف ... وبعدين انا هاد الوضع صعب اتحمله ...
ياسين يجلس بقلت حيلة : مش عارف كيف حياتي كلها نقلبت بيوم وليلة
ديانا : والحل يا أدهم
ياسين : .... مش عارف المشكلة لا عارف اطلق هاي ولا هاي ولا عارف اخذك وارجع على بيتنا
ديانا تقرب منه ؛ طيب ليش انت ما بتوقف بوجهم وبترفض هاد الواقع
ياسين يرفع نظرة لعيونها : مش انتي طلبتي اسايرهم
ديانا تنزل دموعها من دون وعي : .... وتقى انا الي طلبت منك تتزوجها
ياسين يمسح دموعها : تقى باقرب وقت راح أطلقها انتي بتعرفي مستحيل اتقبلها زوجه بيوم بس انا عملت هيك كرمال سمعت خواتي وبنتي
ديانا :
ياسين يضمها لصدره: لا تبكي اكيد بيوم راح ينتهي كل هاد
ديانا : يا رب
ياسين يتأمل ملامحها الحزينه : .... زي القمر وانت زعلانه
ديانا تقف وتمسح دموعها : مش وقتها
ياسين : استني بس
ديانا : ياسين
ياسين ؛ قلبه ل ياسين
ديانا تهرب من بين ايده : بستناك تحت
ياسين يفرك شعره : ماشي اهربي
_
ابو ياسين : شو بالك
ام ياسين : صار لازم نشد عليهم وابنك لازم يفهم انهم نسوانه ويتعامل معهم على هاد الاساس
ابو ياسين: اتركي الولد بحاله
ام ياسين بهمس : اسمعني صبا وياسين لازم يقربو من بعض الهم سنه وشوي متزوجين وهمه زي الاخوه ... وهاد الحال ما بنفع البنت صغيرة واكيد بيوم بدها تعيش حياتها بس وقت هو يتعامل معها كزوجة راح يسكر علي تفكيرها وما تتركنا بيوم
ابو ياسين : بس هو مش متقبلها زوجه
ام ياسين : مش بكفيه احنا لازم نضغط عليه وانت لازم تساعدني
ابو ياسين : طيب وتقى مش غريبة انك توقفي معها
ام ياسين : انت بتعرف اني بحبها ومن وهي صغيرة. .. وهي غلطت بس مش راح اسمحله يحبسها بالغرفة طول اليوم
ابو ياسين : انت من كل عقلك بتحكي هيك حكي هاي بنت جابت العار لكل العيلة كيف بدك تتعاملي معها طبيعي
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖