كنت في عز الثبات لين شفتك وانهزمت - الفصل 139 - بقلم ريناد | روايتك

البــــــــــــــــــــ 139ـــــــــارت نوف تكلمت بهمس:.شوق اللي طبخت خلاص اسكت عبدالعزيز رفع حواجبه بصدمه وهمس:.اسف والله كنت احسب انها انتي!! نوف:.حرام عليك اذا فشلت البنت وبعدها وش فيها تصير كثير عبدالعزيز:.اجل بالعافيه عليكم البيض المحترق انا طالع نوف:.لا اجلس عندك بجيب لك تفطر عبدالعزيز:.لا عندي مشوار وبعدين مابي اتسمم نوف ضربته على يده بخفه ورجعت للمطبخ وكانت شوق تهز رجلها بغضب ابتسمت نوف وهي تحاول تلطف الجو:.حدي جوعانه شوق ابتسمت وبسخريه:.مسكين اخوك راح بدون يفطر نوف:.ما عليه خلينا منه انتي وش راح تسوين ! شوق وهي تاكل من البيض:.راح اروح لها ببيتها ماعندي حل غيره اساسا لازم استعجل نوف:.ايه صحيح امك لها اتصالات كثيره بس ما رديت شوق تغيرت ملامحها وحطت المعلقه:.لا تردين عليها وبعدين والله طبخي مو حلو نوف ضحكت:.لا حلو حلو شوق وهي تبعد عنها البيض وتاخذ العسل بداله .. . . بلندن طلعت بعد ما تاكدت انها سكرت الباب وانصدمت بوقوفه أمامها:.من متى انت هنا! مشعل وهو يبتسم:.صباح الخير بالاول مي ابتسمت بإحراج ومشعل كمل كلامه:.توقعت انك بتطلعين وانا ناوي اخذك واعرفك على أماكن حلوه مي بتفكير:.ما بنطول؟ مشعل:.لا اكيد ما بنطول مي مشت معه ومشعل كان يناظر فيها ويضحك مي بستغراب:.ليش تضحك؟ وجهي فيه شي مشعل وهو يحرك راسه بالرفض:.لا بس حلوه بزياده ! مي ابتسمت بإحراج وصدت عنه ومشعل تنهد بصوت مسموع وتبعها . . . اخذت جوال نوف اللي كان يتصل باستمرار وردت وجاها صوت ام نواف الغاضب:.الله لا يبارك بالساعه اللي تعرفت فيها بنتي عليك وين شوق وينها!! شوق بلعت ريقها بصعوبه وهمست:.يمه ام نواف بصراخ:.يا ويلك مني يا شوق والله لاخليك تندمين على هالحركه بهالحظه ترجعين فيها للبيت والا صدقيني بيصير شي ما يعجبك ابداً شوق بهدوء:.يمه اسمعيني تكفين انا ناويه اكشف لك كل شي وأعلمك اني فعلاً بريئه ام نواف:.ما خليت فيني شي صاحي جننتيني قولي لي وش سوينا لك وش اللي قصر فيه كل شي عندك تروحين لزوج اختك ليش!! شوق بتعب:.يمه الله يرضى عليك والله انا مظلومه ام نواف:.كسرتي ظهري وحرقتي قلبي حتى النوم ما صرت اعرف طعمه ليتني ما دلعتك هالكثر نزلت دموع شوق تكلمت بصوت مبحوح:.رجيتك لا تقولين كذا والله كل اللي سويته عشان ابين لك انك غلطانه واني بريئه كله من امه يمه والله كله منها ام نواف:.الكلام معاك ماعاد يفيد بس بقولك هالكم كلمه وحطيها براسك ملكتك على حسام يوم الجمعه وسكرت بدون حتى تسمع توسلات شوق اللي كانت تبكي بحرقه على امها وعلى حالها قربت منها نوف وحضنتها وشوق ارتفع انينها وصارت تتكلم بلا وعي:.لازم اطلع من هنا لازم اروح اشوفه وافهمه كل شي اءءءء امه ماراح تعترف بس عبدالرحمن راح يساعدني نوف وهي تحاول تهديها:.شوق حبيبتي اهدي بالاول وخليني اتصل بعبدالعزيز يجي ياخذك شوق وهي تسمح دموعها:.لا ما اقدر انتظره لازم اطلع الحين ما تركت نوف تتكلم وطلعت بشكل سريع واخذت عبايتها وطرحتها .. . . جلست بتعب ورغم ان عهود لاحظت تصرفاتها الا انها سكتت تقدمت ديما من امها وبخوف:.يمه علامك لايكون تعبانه ؟؟ ام نواف:.وين زوجك ليش ما يجي يشوفك والا خلاص نساك!! ديما وهي مصدومه:.يمه صار شي؟؟ ام نواف:.واذا سالت ضروري يكون فيه شي بس الحق ينقال وزوجك هذا لازم يعرف مسوؤلياته ديما بهدوء:.ايه كلمته امس وقال بيجي بس ما حددت له الوقت ام نواف:.انتبهي يضيع منك ديما:.يمه كلامك خوفني فيه شي؟؟ ام نواف:.مافيه شي بس اوصيك عهود بهدوء:.ما ودي اقاطعكم بس نواف بيجي اليوم ديما ابتسمت بلهفه:.يارب تكون حنين معه عهود:.اي كلهم بيجون وقفت ام نواف وصعدت لغرفتها وديما جلست جنب عهود وبستغراب:.امي متغيره عهود:.ايه وحيل بعد . . . عند شوق كانت تمشي وكل مره ترجع تتصل بالسواق بس ماكان يرد عليها تنهدت بتعب وكملت طريقها بس قطع طريقها السياره اللي وقفت خافت شوق وتراجعت لورا ولكن تطمنت يوم سمعت صوت:.تعالي وين رايحه! شوق:.ابي اروح مشوار عبدالعزيز اشر لها على السياره:.تعالي اركبي شوق:.مابي شكراً السواق راح يجي عبدالعزيز:.وبرايك اني بخليك واقفه كذا بالشارع! شوق:.ايه وش عليك فيني عبدالعزيز:.لا انتي ما تعرفيني ويلا اركبي اشوف شوق بحده:.قلت لك ما بروح معك خلاص! عبدالعزيز:. وانا قلت راح تركبين يعني راح تركبين شوق:.اجبار يعني عبدالعزيز هز راسه وتكلم بهدوء:.يلا شوق نزلت دموعها وصرخت عليه:.قلت لك مابي ليش كلكم تجبروني انا تعبت خلاص كفايه عبدلعزيز قرب منها وهمس:.قصري صوتك الحين الناس تحسبني مسوي لك شي وبعدين ليش تبكين ! شوق مشت ولكن عبدالعزيز مسك بيدها:.وقفي! 🌸📚 @storykaligi 🌸📚 🌸🍃🌸🍃🌸 🍃🌸🍃🌸 🌸🍃🌸 🍃🌸 🌸