كنت في عز الثبات لين شفتك وانهزمت - الفصل 138 - بقلم ريناد | روايتك

البــــــــــــــــــــ138 ـــــــــارت شوق:.والله من يوم طلعت لي بحياتي وانا صرت مثلهم ضحك بصوت عالي وشوق ابتسمت بهدوء ولكن اخفت ابتسامتها وببرود:.ممكن تطلع من هنا ابي اشرب مويه عطشانه! عبدالعزيز وهو يدور تحت الكنب:.تفضلي اشربي احد ماسكك؟ شوق:.ما باخذ راحتي وانت هنا!! عبدالعزيز:.والله مجبور ادور هنا لازم اطلع مشت شوق ولكن لمحت المسدس اللي كان على الطاوله وركضت واخذته وقبل تصرخ وقف عبدالعزيز وحط يده على فمها وبتهديد:.لا تصرخين والله اذبحك شوق وهي ترجف وتهز راسها عبدالعزيز:.هاتي المسدس مالك شغل ابعد يده عنها وشوق تكلمت:.والله ما تاخذه انت مجنون لازم اصحي نوف نوووف رجع حط يده على فمها وبحده:.اسكتي يا شوق اسكتي احسن لك وهاتي المسدس لازم اخلص كل شي اليوم شوق ودموعها تنزل وتهز راسها بالرفض حاولت تدفه وتبعد يده عن فمها بس مافي فايده تحركت بشكل سريع وهي تبكي:.لا ما بخليك اختك تحتاجك لا تدمرها عبدالعزيز وانفاسه تتسارع:.هاتيه ولا تتدخلين هذا كتب على حياة اختي الشقى طول عمرها والله لاذبحه خافت من عروق جبينه وصارت ترجف ومع هذا كانت رافضه تماما تعطيه المسدس عبدالعزيز برجى:.شوق عطيني انا تعبت حتى جبته شوق وهي تهز راسها وتبكي:.لا لا ما بعطيك عبدالعزيز:.انتي مو حاسه باللي احسه انا ما برتاح حتى اشوفه يموت قدامي شوق وهي تبكي وتتكلم بغصه:.لا تقدر كيف راح نعيش بدونك ما فكرت فيني !! طيب ما فكرت باختك ! ناظر فيها بدهشه رغم ان كلامها عجبه بالحيل الا انه اخفى هالشي وتكلم بحده:.هاتي المسدس لا تعطلين شغلي انتي مالك شغل بحياتي اسوي اللي أبيه شوق وهي تهز راسها وتبكي بخوف:.لا ما بعطيك واذا بتاخذه لازم تذبحني اول عبدالعزيز تنهد بتعب وهمس:.عطيني اطفي النار اللي بقلبي كل يوم هالنار تزيد يوم اشوف نوف شوق بصوت مبحوح:.الا تقدر واختك راح تكمل حياتها راح يجي واحد يحبها بكل شي فيها اختك مافيها اي عيب اختك اطهر وحده واختك كانت ضحيه حمرت عيونه والقهر اللي بقلبه يزيد:.هو خطب وراح يتزوج واختي!! شوق:.لا تستعجل صدقني الحياه قدام نوف وراح تكمل طبيعي عبدالعزيز :.شوق انتي ما جربتي ما جربتي ولا راح تحسين فيها شوق:.اذا ذبحته نوف وش راح تستفاد عبدالعزيز ماكان يعرف وش يسوي النار اللي بقلبه تزيد بكل يوم وكلام شوق وتره زياده وفعلا كلامها صحيح اذا قتله بيدخل السجن وبعدها نوف راح تضيع تامل شوق رغم ان عيونها غرقانه بالدمع الا انها كانت قويه قام عنها وهو ضايع صعد لغرفته بدون حتى ياخذ المسدس تنفست براحه ومسحت دموعها وهربت لغرفه نوف وهي ناويه تخبي المسدس وما تسمح لعبدالعزيز يغلط .. . . يوم جديد الكل حس بتوتر ام نواف اللي كانت ماسكه الجوال وتتصل باستمرار تكلم ابو نواف بستغراب:.علامها ذي من اليوم وهي تتصل وتدور كذا!! ديما:.مادري يبه عهود التزمت الصمت وهي مقرره ما تتدخل بعد كلام ام نواف ابو نواف بصوت مرتفع شوي:.يا حرمه وش بلاك اليوم!! جلست ام نواف وتكلمت ببرود:.ما فيني شي وبعدين انتم مالكم سالفه الا انا!! ابو نواف وهو مطنش كلامها:.وين اختك شوق ما نزلت ؟ ديما كانت راح تتكلم بس ام نواف سبقتها:.ببيت صديقتها ابو نواف:.هالبنت كل مره تروح بدون اذني!! . . ببيت نواف رتب شماغه وطلع قرب منهم وأبتسم:.كيف صرتي ؟ حنين وهي تلاعب عمر:.احسن الحمدلله نواف:.الحمدلله اجل بطلع لاني تاخرت حنين:.وقف على الاقل افطر ! نواف:.متاخر والله حنين وقفت بشكل سريع وحطت عمر على كرسيه الخاص فيه واخذ توست وحطت فيه جبن وعطته:.ما يصير تروح وانت ما فطرت نواف وهو يبتسم:. لا شكلي بجلس معك اليوم حنين ابتسمت وبهدوء:.روح خلاص تاخرت اشر لها بالهوا وطلع وحنين رجعت جلست جنب عمر اللي كان يعض اصابعه حنين:.ذكرتني بهالحركه كانت امي تقول اني اسويها كثير على طاري امي ما كلمتها لازم اكلمها ضحك لها وحنين ابتسمت له بحب . . . عند نوف استغربت عدم وجود شوق جنبها وقفت وراحت تدور عليها وانصدمت بوجودها بالمطبخ:.شوق وش تسوين! شهقت شوق وطاح منها الحليب:.بسم الله روعتيني نوف:.تسوين الفطور من طلبك بالله شوق:.وش فيها قمت بدري وحبيت اسويه نوف:.لا انتي مفروض ضيفه شوق ابتسمت:.عادي اشتغل مافيها شي نوف:.تسلم يديك حبيبتي تعبتي نفسك شوق:.لا تعب ولا غيره تعالي ناكل فجاه جاهم صوت العالي:.وش الإجرام اللي صاير شكل المطبخ احترق تماماً ريحه شي احترق!! شوق ابتسمت بإحراج ونوف طلعت له وهي تهمس:.وش فيك تصارخ كذا خلاص اسكت عبدالعزيز:.علميني وش سويتي من مصيبه ؟ 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸