كنت في عز الثبات لين شفتك وانهزمت - الفصل 136 - بقلم ريناد | روايتك

البــــــــــــــــــــ 136ـــــــــارت وقف قدام البيت وهو يفكر وش يسوي حس انه حركته مبالغ فيها لكن اتصالات نوف الكثيره أجبرته يتحول لحرامي ويدخل بيت ناس ما يعرفهم نزل بعد ما طفى سيارته وتأكد ان مافيه احد لاحظ ان الانوار انطفت وابتسم وكمل يمشي ولكن بعد ثواني سمع صوت طيحه وصراخ قرب بشكل سريع وانصدم بالأنثى الطايحه بعبايتها قرب منها عبدالعزيز:.انتي بخير! رفعت شوق راسها والدموع بعيونها وكان التراب معبي عبايتها ما تحملت وصارت تبكي انحنى لها عبدالعزيز:.لا تبكين اششش اششش شوق بكت زياده وهي تحس بالوجع يزيد عبدالعزيز ما عرف يتصرف وكان يناظر فيها بتوتر وشوق تكلمت وهي تبكي بالم:.رجلي رجلي توجعني ! همس بهدوء:.دايم تسوين نفسك البطله ليش! انهمرت دموعها بوجع:.رجلي انكسرت توجع مره عقد حواجبه هو يشوف الجرح:.لا ما انكسرت بس انجرحت تحملي شوي شوق ودموعها تجري على خدها:.مابي اتزوجه مابي امي راح تدمرني والله راح تدمرني لازم لازم نواف يكلمها لازم مستحيل اتزوج مستحيل كان يسمع لها وعيونه على رجلها وكل تفكيره وش يسوي اما شوق كملت بغصه:.مالي ذنب ابداً امي مو راضيه تسمعني امي راح تخرب حياتي والله اخذ عبدالعزيز شماغه وصار يمسح الجرح وشوق كانت مستمره بالبكا .. شوق وهي مو واعية على كلامها:.يرضيك اتزوج !! هز راسه بالاعتراض:.طبعا ما يرضيني شوق وهي تبكي:.حتى انت ما تحبني حتى انت نفس امي ماخذ عني افكار غلط و قاطعها:.اششش خلاص لا تتكلمين انتي الحين تعبانه شوق بغضب:.ماني تعبانه مو تعبانه وأقدر اوقف .. ابتسم وركز عيونه على يدها ولاحظ الجرح اللي فيها وشوق كملت بغضب:.ليش جيت وش تبي فيني انت مو تكرهني ليش تجي لي قاطعها : جننتني نوف .. توسعت عيونها بصدمه ونزلت دموعها قرب منها:.بس لا تبكين الحين يجون! تكلمت بصوت منقطع من البكا:.ليش تسوي كذا ليش عبدالعزيز :. ما أقصد اجرحك ! نقوم؟ هزت راسها وهي محرجه من الوضع وحست انها تهورت وبزيادة ولكن حركته صدمتها مسك يدها ومشى معها لسياره ما تحملت الاحراج وغمضت عيونها وصل على السياره ودخلها وسكر الباب وركب وقبل يحرك ابتسم وهو يناظر فيها وتكلم بسخريه:.تنامين بسرعه ماشاءالله عليك شوق عقدت حواجبها وعبدالعزيز حرك وهو ما يعرف وش يسوي معها . . . ببيت نواف كانت تحس بكل جسمها متعب ناظرت حولينها ولمحته جاي نحوها حنين ببحه:.ن نواف ابغا اقوم ساعدني جلس جنبها وهمس بحنيه:.لازم ترتاحين لانك تعبانه حنين:.تعب بسيط وابي اكل نواف وهو يحط يده على جبينها ويشوف حرارتها:.انا بجيب لك الاكل بس انتي ارتاحي .. . . بلندن كان يمشي وكلامها يتردد باذنه كلامها كان قوي بالنسبه له غمض عيونه وهو يشتم نفسه ويشتم مشاعره اللعينه اللي أجبرته يروح لها غير اتجاهه ولكن انصدم فيها وهي واقفه تناظر فيه مشعل ببساطه عطاها ظهره وتوجه لشقته بس مي مشت بسرعه ووقفت قدّامه وبرجى:اسمعني قاطعها مشعل ببرود:.ممكن ترجعين بيتك! انا ابي ارتاح مي:.مشعل اسمعني انا مابي علاقتنا تخرب اسمعني مشعل بصراخ:.وششش تبين اسمع وش تبين!!! خافت من نبرته والتزمت الصمت مشعل بنبره حاده:.مشاعري مو لعبه لك ومثل ما تبين انا بطلع من حياتك وما بتعرض لك مي نزلت دموعها بحزن:.لا يا مشعل افهمني انا خايفه! مشعل تنهد وكان راح يمر من جبنها بس هالمره مي كررت حركته المعتاده ومسكت بيده وبرجى:.تكفى! ناظر بعيونها اللي تخليه يغرق فيها اكثر هز راسه برفض:.انتي ما فهمتي مشاعري ولا حتى كلامي معك مي بغصه:.والله فهمتك والله لكن مااقدر مشعل انا خايفه من كل شي خايفه من المستقبل خايفه احبك اكثر و قاطعها:.اكثر!! مي:.تحسب بس انت تحبني ! ناظر فيها بستغراب ومي كملت:.محد يرفضك صدقني انت فيك كل الصفات اللي احبها بس الغلط مو منك الغلط من قلبي اللي يخاف ايه مشعل انا احبك لكن اخاف ابتسم بهدوء وركز عيونه بعيونها ومي كملت:.صدقني انا احبك وحيل يا مشعل ولكن كل خوفي من اللي بيجي زادت ابتسامته ومسك يدها وبنبره هاديه:.ما يصير تخافين وانا معك حست بضربات قلبها .. ضيق عيونه وبسخريه:.كانك استحيتي ؟ مي سحبت يدها وشتت أنظارها عنه مشعل وهو مبتسم:.ارجعي بيتك قبل نتهور اكثر ركضت وهي تبتسم وتحس قلبها بيطلع من مكانه . . . وصل على البيت وقف سيارته وناظر في شوق اللي كانت تمثل النوم استغرب تصرفاتها الغبيه ونزل وفتح بابها وهمس:.ترا آدري انك مو نايمه ليش هالحركات ؟؟ شوق فتحت عيونها وصرخت برعب لانه كان قريب منها تراجع عبدالعزيز وبنرفزه:.قصري صوتك راح تصحين الكل ترا!! شوق حطت يدها على قلبها وبحده:.خوفتني ما تعرف كيف تصحي الناس النايمه! عبدالعزيز:. لما تكون نايمة اقول عن الدلع وانزلي نوف تنتظرك .. 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸