كنت في عز الثبات لين شفتك وانهزمت - الفصل 135 - بقلم ريناد | روايتك

البــــــــــــــــــــ135 ـــــــــارت عند بيت عبدالعزيز مر من جنبها وكانت تهز رجولها بتوتر:.ردت عليك؟ نوف:.لا ما ردت والله خايفه عليها عبدالعزيز:.ما لقيتي الا تخافين علي ذي؟ نوف:.عبدالعزيز علامك عليها والله شوق مسكينه عبدالعزيز:.وانا ما قلت شي بس هي ينخاف منها مو عليها نوف:.صدقني صار معها شي عبدالعزيز:.لاحول ولا قوة الا بالله تلاقين البنت تضحك مع اهلها ونست من جوالها نوف:.انا اعرف شوق صح الوقت اللي جلسنا فيه مع بعض قليل بس قدرت اعرفها زين عبدالعزيز:.وانا اقولك انتظري وهي بترد ان شاء الله .. . . مشت ام حسام وشوق كانت جالسه بمكانها بدون اي حركه قربت منها ام نواف وبحده:.قومي على غرفتك ولا اشوفك نازله هنا شوق بهدوء:.يمه سويت اللي تبين وشافتني ممكن الحين تسمعيني وتفهمين مني كل شي؟ ام نواف:.ليتك ما نزلتي فشلتيني الله ياخذك وافتك التزمت الصمت وهي مصدومه من كلاك امها طلعت ام نواف جوال شوق اللي كان يدق وردت وبنرفزه:.لا تتصلين على بنتي ماهي فاضيه شوق وقفت وبترجي:.يمه اذا نوف عطيني تكفين ام نواف بصراخ:.تحلمين تاخذينه انقلعي عن وجهي كل هالكلام كانت نوف تسمعه وقفت بصدمه وحاولت تترجى ام نواف تكلم شوق لكنها قفلت بوجهها ونوف ما تحملت واتصلت على عبدالعزيز .. اخذ جواله ورد بهدوء:.هلا نوف؟ نوف:.قايله لك فيها شي كله من امها كله منها عبدالعزيز بعدم فهم:.مين؟ شوق! نوف بغضب:.انا هنا احترق وانت بارد عبدالعزيز:.وش تبين اسوي يعني ! نوف:.لازم اكلمها لازم مالي شغل تصرف عبدالعزيز:.البنت ممكن معها مشاكل مع اهلها لا تتدخلين انتي نوف:.بوقت انت تخليت عني شوق كانت معي لا تتوقع اتركها الحين عبدالعزيز رجيتك يا خوي .. ابي اكلمها امها ماهي راضيه تخليها تكلمني عبدالعزيز:.خلاص انتي اهدي وبتكلمينها ان شاء الله نوف:.وعد؟؟ عبدالعزيز:.ما بوعدك لكن ان شاء الله ادبرها . . . كانت تدور بغرفتها وكل شوي تمسك راسها تحس الصداع ينخر راسها جلست وهي تفكر مين راح يساعدها خطرت ببالها ديما بس حست انها راح تزعل اذا عرفت ان الموضوع يخص عبدالرحمن نزلت دموعها وصرخت بالم من الوجع:.ياربي ساعدني ياربي كون بعوني ناظرت حولينها بالغرفه وشافت الباب حق البلكونه مفتوح وقفت بشكل سريع والأفكار تدور بعقلها خطر ببالها نواف وابتسمت وحست انه هو اللي راح ينقذها ويقنع امها دخلت للبلكون وناظرت وحست بصوت امها من ورا الباب وركضت لداخل وجسلت على السرير ودخلت ام نواف وتكلمت بحده:.ابوك لا يدري بالسالفه سامعه؟ حتى اختك يوم تسألك تجاهليها انا احاول اصلح المصيبه اللي سويتيها شوق:.تصلحينها بزواجي اللي بالغصب يمه؟ ام نواف:.انتي احمدي ربك اذا امه وافقت عليك وقبلت تكونين زوجه لولدها نزلت راسها شوق وام نواف سحبت نفسها وقفلت الباب اما شوق بمجرد ما طلعت امها وقفت وهي كل املها بنواف اخذت عبايتها ولبستها وطلعت للبلكون .. #يتـــــــــــــــــــــــــــبع.... 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃🌼