كنت في عز الثبات لين شفتك وانهزمت - الفصل 133 - بقلم ريناد | روايتك

البــــــــــــــــــــ133 ـــــــــارت نوف بحزن:.اجلسي شوي والله ما شبعت منك شوق ابتسمت بهدوء:.توني كلمت امي وأصرت اني ارجع مره ثانيه يا قلبي نوف حست بتغير شوق لكن سكتت .. . . ببيت نواف كانت منسدحه بالصاله وعيونها تراقب عمر اللي يلعب ويتحرك مع نفسه وحست بالنوم يداعب عيونها وغفت ولكن سرعان ما فتحتها وهي تتطمن عليه كانت تحس بالنوم بدا يغلب عليها واستلمت له كان عمر يناظر بالمكان وبعد فتره بكا بس حنين كانت مرهقه وما حست عليه انفتح الباب ودخل نواف وانصدم بعمر اللي يبكي وحنين النايمه انحنى وشال عمر:.خلاص خلاص يا بابا سكت عمر وهو يضحك لنواف ابتسم وجلس على طرف الكنبه ومد يده ولمس جبين حنين وكانت حرارتها مرتفعه تنهد وناظر بعمر وهمس:.شكل امك تعبانه . . . وصلت شوق للبيت كانت تحس بنار بقلبها ولكن كتمت هالشي حتى تعرف كل شي من امها دخلت وفتحت لها الشغاله ولمحت ام نواف اللي كانت جالسه قربت منها شوق وتكلمت بغضب:.يمه انتي وش قومك علي!!ومين هذا اللي تبين تزوجيني له انا متى قلت ابغا اتزوج!! أم نواف بحده:.اسكتي مابي اسمع حسك شوق:.يمه حرام عليك اللي تسوينه رجيتك فهميني انا والله مو فاهمه شي! ام نواف بسخريه:.ايه سوي عمرك مظلومه وبريئه شوق:.ايه انا مظلومه يمه تكفين لا تسوين كذا فيني ام نواف:.عرفت كل شي يا شوق وشفت كل شي والله يحب اختك ونبهني عليك وكشفت كل شي انا مصدومه اني ما عرفت اربيك زين لهدرجه ما تخافين! رايحه تسوين علاقه مع زوج اختك نزلت دموعها وصرخت بغضب:.والله مالي ذنب والله كل شي شفتيه غلط بغلط انا بريئه من كل شي ام نواف:.لا ترفعين صوتك علي وروحي غرفتك ويا ويلك لو عرف احد بالسالفه واللي تقدم لك بتوافقين عليه وأحمدي ربك فيه احد تقدم لك شوق كانت راح تكمل وتدافع عن نفسها بس دخول عهود اجبرها تسحب نفسها وتهرب لغرفتها .. دخلت غرفتها وارتمت على سريرها وبكت بقهر ورفعت راسها بصدمه من صوت ديما:.شوق تبكين !! قربت منها ديما وهي مصدومه:.وش صاير ليش تبكين ! مسحت دموعها وهمست بغصه:.مافي شي ديما:.شوق وبعدين معك خوفتيني تكلمي ! شوق هزت راسها بالرفض:مافي شي ديما خليني لحالي ديما:.مين زعلك بس قولي لي؟ شوق:.ديما الله يرضى عليك ابي ارتاح وقفت ديما وهي مزعوجه من تصرف شوق وطلعت اما شوق نزلت دموعها بقهر من حكم امها وقرارها الظالم بحق شوق . . . نزلت ديما وجلست جنب امها وبستغراب:.يمه انتي قايله شي لشوق؟ ام نواف:.راحت شكت لك؟ ديما:لا أساسا ما رضت تقول شي ام نواف:.ابد مافي شي بس اختك مدلعه ديما:.يمه شوق ما تبكي بسهوله انتي وش قلتي لها! ام نواف:.تقدم لها واحد وهي تبكي عشان اوافق! ديما بصدمه:.وشلون!! ام نواف:.زي ما سمعتي اختك تبغا تتزوج ديما:.بس شوق ما ينفع تتزوج الحين ام نواف:.وانا قلت مثلك بس شكلها تحبه ديما:.لازم اعرف كل شي منها ام نواف:.اجلسي انا بطلع اشوفها ولا تفتحين هالموضوع معها ولا احد يدري فاهمه؟؟ ديما:.يمه متاكده ان السالفه كذا؟ ام نواف وقفت وبحده:.وبعدين معاك ماني ناقصتك! . . فتحت الباب ودخلت وقفلته وشوق فزت ام نواف وهي تناظرها بقرف:.جوالك عندي وما بتاخذينه لو تموتين وطلعه من غرفتك مافيه واذا شفتك مقربه لااختك ديما صدقيني بذبحك والحرمه بتجي اليوم وتشوفك وصدقيني يا شوق ان سويتي شي غلط لا تلومين الا نفسك قربت منها شوق وهي تبكي:.والله يمه انك فاهمه غلط اسمعيني ولا تحكمين علي وربي مالي اي علاقه بالموضوع انا مظلومه يمه انا بنتك حرام عليك ام نواف بصراخ:.لا بنتي ولا غيره وتسوين كل اللي اقوله وحسام شاريك وبتوافقين عليه شوق ودموعها تنهمر على خدها:.لا والله ما بتزوجه انا ما سويت شي مستحيل اتزوجه مستحيل اموت ولا ولكن ام نواف قطعت كلامها وهي ترفع يدها وتعطيها كف ورجعت مسكت بيدها وهي ترص على أسنانها:.هالكف ما برد اللي بقلبي بس احمدي ربك ان الحرمه جايه تشوفك اليوم والا كان عرفت شغلي معك تركتها بقرف وطلعت وسكرت الباب جلست شوق على الارض وهي تبكي وتمسك راسها بالم تحس الالم يحفر راسها غمضت عيونها ولكن دموعها كانت متواصله بالنزول .. . . مرت الساعات وشوق بغرفتها ودموعها تجري على خدها كانت تحس بشعور العجز عاجزه انها تثبت انها بريئه من كل ظلم امها وقفت بشكل سريع بعد ما سمعت الباب اللي انفتح دخلت ام نواف وببرود:.قومي صلي حتى صلاتك مهملتها بس الحق علي عطيتك وجه وبعدها البس لبس زي الخلق ورتبي شكلك وتعالي شوق بغصه:.يمه تكفين انا ما ابغا! ام نواف:.مالك كلام قومي عن وجهي! سحبت نفسها شوق للحمام وام نواف طلعت . 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃🌼