كنت في عز الثبات لين شفتك وانهزمت - الفصل 132 - بقلم ريناد | روايتك

البــــــــــــــــــــ 132ـــــــــارت عبدالعزيز:.وش لك بحياتي! شوق توترت وسكتت وعبدالعزيز كرر كلامه:.وش لك بحياتي ؟ شوق فضلت انها تهرب وتتجاهل كلامه بس عبدالعزيز اصر :.جاوبي! شوق حست بالكلام تبعثر من فمها .. عبدالعزيز:.يعني متى راح تتكلمين ؟ شوق:.انا قصدي قدامك حياه طويله وبتتزوج وتكمل حياتك مع الوقت راح تنسى عبدالعزيز:.ومن قالك اني بتزوج! شوق بتوتر:.خلاص وجعلك ما تزوجت .. صار يضحك وشوق مشت بسرعه بس وقفها صوته:.شوق؟ لفت وعبدالعزيز غمز لها:.اذا انتي بتكونين زوجتي انا مستعد! مشت بسرعه وهي تحس بالإحراج دخلت للغرفه وارتمت على السرير وتحس بدقات قلبها السريعه .. . . يوم جديد كانت ام نواف جالسه بالصاله ومعها حرمه كبيره بالعمر تكلمت ام نواف بفضول:.ولدك كم عمره؟ ام حسام:.عمره٣٥ صحيح انه تزوج وطلق بس زوجته ماكانت كفو ام نواف بخوف:.وش يضمن لي ان مصيري بنتي ما بيكون زي اللي قبلها؟ ام حسام:.اوعدك انها بتعيش ملكه ترا حسام طيب وبنتك شوق ما بتلاقي معه الا الراحه ام نواف:. خلاص بكلم بنتي ونرد لكم خبر ام حسام:.بس ما قلتي لي وين شوق ما اشوفها ؟ ام نواف بكذب:.مع اخوها عشان حرمته مريضه شوي ام حسام وقفت وببتسامه:.خلاص انتظر منك رد ومشت وبعدها جت عهود وهي مستغربه:.مين اللي كانت معك؟ ام نواف:.وحده تبغا تخطب لولدها عهود بضحكه:.اكيد قلتي لها ان ديما تزوجت ام نواف ببرود:.لا وهي اساسا خطبت شوق! عهود اختفت ابتسامتها وبصدمه:.ولايكون وافقتي ! ام نواف:.الرجال سمعته طيبه وانا ماعندي اعتراض عهود بستغراب:.بس شوق لسا قدامها الحياه ما يصير تتزوج الحين ام نواف:.وانتي ليش تزوجتي دامك تشوفين قدامها طريق طويل؟؟ عهود:.انا ظروفي تختلف يا ام نواف بس شوق لسا صغيره ولازم تنتبه لدراستها ام نواف وقفت وبهدوء:. بنتي وانا اعرف مصلحتها اكثر وماراح تكون أصغر من زوجات اخوانها .. . . كانت جالسه والأفكار تدور براسها تنهدت ورفعت راسها ولمحته ووقفته:.وين رايح؟ عبدالرحمن:.عندي شغل يمه تبين شي؟ ام عبدالرحمن:.لا يمه بس ماصار شي؟ عبدالرحمن:.زي وش! ام عبدالرحمن:.خلاص خلاص ولاشي روح يمه مشى وهو مستغرب وام عبدالرحمن ضربت على الطاوله وهي مستغربه سكوت ام نواف !! . . بلندن كانت مي مشغوله بدراستها ومشعل كذلك جلست وسحبت كوب القهوه الساخن واخذت رشفه وكملت تدرس بس قطع عليها رنين الجرس وقفت ولبست حجابها وناظرت بلبسها وكان ساتر ! مشت وفتحت الباب واستغربت عدم وجود احد رجعت سكرت الباب وراحت لصاله تكمل دراستها . . . نوف بستغراب:.وش هالكلام يا شوق! شوق:.اي والله شفت اخوك كان ثوبه مشقوق وكله تراب وبعد وجهه كله جروح نوف:.شوق تكفين لا تخوفيني وش صار معه! شوق:.اخوك باقي يطارد ولد عمك وناوي يذبحه نوف:.بس عزيز عطاني وعد! شوق:. لا اخوك عنيد وما يفهم وناوي يذبحه هذاك نوف طلعت لفوق وهي مزعوجه من عبدالعزيز دقت باب الغرفه ودخلت ولقته يعدل ثوبه نوف بحده:.لف بناظرك ليش ما تناظر فيني؟؟ لف وهو مبتسم:.هلا بالزين كله وش تبين؟ نوف:عزوز انت رحت له صح ! عبدالعزيز بكذب:.مين اللي رحت له؟ نوف:.انت تدري مين اقصد عبدالعزيز ببتسامه:.لا والله ما ادري نوف:.شوق قالت لي كل شي عبدالعزيز لا تكذب علي! عبدالعزيز:.ايه على طاري هالشوق ليش هي عندنا؟ نوف:.عبدالعزيز!! عبدالعزيز بحنيه:.يا قلبي والله ما صار شي بس شفته بالصدفه وتقدرين تقولين شويه مداعبه نوف ضحكت غصباً عنها:.مداعبه اجل ووجهك كذا! عبدالعزيز لمس وجهه بإحراج:.يخسي ماهو منه بس طحت وانجرح وجهي نوف بترجي:.تكفى يا خوي لا تتعرض له وتجاهله والله مابي شي يصير لك تكفى عبدالعزيز:.خلاص من عيوني بس شوفي لي الطريق ابي اطلع نوف:.ايه وصح شوق بتجلس عندي ترا عبدالعزيز:.البيت بيتك تصرفي فيه وخلي فيه اللي تبين والبيت بيتها وانا بطلع عشان تاخذ راحتها نوف ابتسمت له وراحت تشوف وين شوق . . . عند شوق اخذت جوال نوف واتصلت منه على امها وبعد ثواني ردت ام نواف ببرود:.هلا؟ شوق:.يمه انا شوق ام نواف:.حسيت وش تبين؟؟ شوق:.يمه ليش تكلميني كذا ام نواف:.والله معليش علميني كيف تبين اكلمك شوق:.يمه علامك!! ليش صرتي كذا تعامليني ام نواف:.شوفي يا بنت اليوم ترجعين وترا فيه واحد تقدم لك وراح توافقين عليه من فوق خشمك ومالك عين ترفضين اساسا يا سارقه زوج اختك!! شوق توسعت عيونها وهمست:.كيف! سكرت ام نواف وهي تدعي عليها .. . . نزلت الجوال بصدمه كانت تحس بشعور غريب شعور الغرابه جلست وهي مصدومه تماماً من كلام امها حست بالدمع يتجمع بعيونها ولكن قطع عليها دخول نوف اللي كانت تبتسم:.شوق تعالي عبدالعزيز طلع وابي نتقهوى انا وانتي؟ شوق وقفت وهي تحاول تكون عاديه:.لا حبيبتي انا لازم ارجع البيت .. 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃🌼