كنت في عز الثبات لين شفتك وانهزمت - الفصل 129 - بقلم ريناد | روايتك

البــــــــــــــــــــ129 ـــــــــارت اليوم المنتظر يوم ملكه عبدالرحمن وديما كان الكل متواجد ببيت ابو نواف والكل يجهز نفسه وقفت قريبه منه وعيونها تراقبه كيف يضبط شماغه ابتسم نواف بغرور:.حلو لهدرجه؟ حنين ببتسامه:.ايه حلو نواف لف وقرب منها:.وانتي بعد حلوه حيل حنين رجعت لورا وبهمس:.امك بتجي بعد نواف:.كذا تسوين فيني طيب طيب حنين رفعت حواجبها وبغرور:.ايه يلا اشوف روح لرجال نواف:.تمام بس اخلص بجي اعاقبك ابتسمت وأشرت له يروح . . بغرفه ديما كانت آيه من الجمال ناظرت شوق وعيونها تلمع باعجاب:.ماشاءالله لازم تحصني نفسك يا اجمل وحده لهاليوم ديما ببتسامه:.ما نوصل لجمالك شوق وهو ترجع شعرها لورا:.انا ولاشي قدامك انتبهي لنفسك ولاتخافين اتفقنا؟ ديما هزت راسها وشوق ضيقت عيونها وبتأكيد:.مافيه شي يستاهل تخافين واذا على امه لا تناظرين لها وانتي بالنهايه بتتزوجين عبدالرحمن مو امه وطلعت بعد ماتاكدت عدم خوف ديما كانت تشوف تركي كيف يلاعب عمر وجوري تتاملهم قربت شوق منها:.ليش واقفه بعيده عنهم جوري انتبهت على وجود شوق:.هاه؟ شوق:.يا بنتي وين عقلك جوري ابتسمت بإحراج:ابد بس ما حسيت عليك شوق:.طبيعي ما تحسين اذا عيونك على شخص واحد ناظرت جوري بتركي اللي كان يضحك مع عمر وتكلمت بهدوء:.ان شاء الله قريب بيلعب مع ولده شوق شهقت بحماس:.يعني اروح انشر الخبر؟ جوري مسكت بيدها:.لا يا شوق مو الحين شوق ابتسمت:.ايه ابيكم تعبون بيتنا اطفال ابتسمت جوري ورجعت تتامل تركي . . . الساعه ٦ المغرب وصلت ام عبدالرحمن وعبدالرحمن دخلت بعد ما استقبلتها ام نواف وجلست وعيونها تراقب شوق اللي كانت تسولف وتضحك مع وحده اول مره تشوفها تكلمت بصوت شبه عالي:.ياشوق مين هالبنت اللي جنبك؟ شوق ابتسمت وناظرت في نوف:.هذي صاحبتي نوف ام عبدالرحمن: ماشاءالله ربي يحفظكم شوق ابتسمت بمجامله ورجعت تتكلم مع نوف نوف:.مين ذي اللي عيونها مركزه عليك؟ شوق بعدم اهتمام:.ام العريس هذي . . مر الوقت ووقفت شوق بعد امر من امها ان ديما تنزل توجهت لغرفتها ودخلت وتكلمت بهدوء:.يلا ديما انزلي الكل تحت وامي تقول تقدمين لهم العصير وقفت ديما وبخوف:.اعدل مكياجي والا ما يحتاج؟ شوق:.والله انك حلوه والله ديما مشت معها وهي تحس بقلبها يدق بخوف كانت تتمنى هاللحظه تمر بسرعه وقفت أمام عدد من الحريم وبيدها صينه فيها عصير مشت بتوتر ومدت الصينيه لام عبدالرحمن:.تفضلي يا عمه! ام عبدالرحمن ببرود اخذت كاست العصير متجاهله تماماً جمال ديما اللي الكل انبهر منه جلست ديما بعد ما قدمت العصير وكانت تتمنى لو ام عبدالرحمن تعطيها ولو شوية اهتمام .. ام عبدالرحمن:.شوق يا بنتي ممكن جوالك شوي؟ شوق اللي كان جوالها بيدها:.هلا خاله ام عبدالرحمن:.ابي اتصل وماعندي رصيد شوق عطتها ورجعت جلست جنب نوف نوف:.اختك جميله ماشاءالله شوق وهي تغمز لها:.تشبهني صح نوف:.انتي ملامحك غير ملامحك مره تجذب شوق:.والله محد مدحني غيرك نوف:.اتمنى عبدالعزيز يتزوج وحده بجمالك لمعت عيون شوق وارتبكت وسالت بتوتر:.موجود هو؟ نوف:.لا وصلني ومشى شوق شتت نظراتها وهي تخاف تحس نوف بتغيرها . . دخلت ام نواف وقربت من ديما:.يلا يا بنتي اخوانك وابوك ينتظرونك عشان توقعين ديما دمعت عيونها بخوف:.يمه بتجين معي صح؟ ام نواف:.يا بنتي فيه رجال غريب ما يصير وبعدين ابوك وإخوانك معك ديما:.يا يمه خايفه تكفين تعالي معي ام عبدالرحمن من وراهم:.كل هذا خوف!! ديما سكتت وام نواف همست:.يلا حبيبتي لا تطولين مشت ديما ولأول مره تلاحظ الممر القصير وصلت للمجلس وعيونها بالارض حست بيده دافيه مسكت يدها ورفعت عيونها على صوته الحنون:.تعالي وقعي جلسها نواف ووقعت واخذ الكتاب تركي وطلع ونواف جلس جنبها وهمس:.فديت الحلوين ديما ابتسمت ولأول مره تستحي من نواف وقفت وهي تشوف ابوها قرب لها ابو نواف:.الف مبروك يا بنتي انتي راح تبدين حياه جديده ابيك تحافظين عليه وتسمعين كلامه ولو عبدالرحمن قصر معك على طول تكلميني ديما حضنته وبكت من حنيته:.والله يبه احبك ابو نواف مسح على ظهرها:.وانا احبك يابنتي نواف:.لا تبكين الحين يدخل عبدالرحمن ويخاف؟ ديما بعدت وهي تصحك ومسحت دموعها . . . ابتسمت ام عبدالرحمن بعد ما تاكدت انها ارسلت الرساله وجلست جنب ام نواف وبدون لا تحس قربت لها جوال شوق وتكلمت بهدوء:.الله يوفقهم ام نواف ابتسمت:.امين ام عبدالرحمن:.والله ديما تستاهل كل خير ام نواف لاحظت جوال شوق واخذته وانصدمت وحست برجولها ماعاد تشيلها كانت رسالة مكتوب فيها" بعد ما املك على اختك ابي اشوفك ماني متحمل بعدك اكثر" قرات الاسم وتجمعت الدموع بعيونها كان "عبدالرحمن .. 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃🌼