كنت في عز الثبات لين شفتك وانهزمت - الفصل 127 - بقلم ريناد | روايتك

البــــــــــــــــــــ 127ـــــــــارت 📖🖌 @storykaligi 🌼🍃 ابتسمت لها شوق وبسخريه:.وايه انتبهي من هالمجرم اللي معك والله يصبرك عليه نوف بضحكه:.لا تخافين عزوز وعدني وما بيخلف شوق همست:.الكذاب قال ما يعطي وعود نوف:.امشي بنوصلك شوق:.ياليت لان السواق ما يرد علي جاهم صوته:.خلصتوا؟ نوف:.ايه بنجي يلا شوق رفعت عينها وماكانت تعرف السبب بس اللي كانت متاكده منه انها تبي تحتفظ بملامحه لانها اكيد المره الاخيره اللي تشوفه فيها .. . . ببيت نواف سمع صوت عمر اللي يبكي وماكان يقدر يقوم ويترك الاوراق اللي بيده كمل شغله ولاحظ ان عمر مستمر يبكي وقف نواف وتوجه للغرفه ودخل وانصدم فيها تبكي وتهزه وتحاول تسكته قرب وهو ياخذه منها:.وش صاير ليش تبكين؟ حنين ببحه:.مادري وش فيه من اليوم وهو يبكي مو راضي يسكت عجزت اعرف وش فيه لايكون تعبان! نواف ابتسم وهو يحضنه ويحاول يسكته:لا ان شاء الله مو تعبان حنين مسحت دموعها وبخوف:.خايفه عليه نواف:.والله ما الومه كيف يسكت وانتي تبكين جنبه لا تخافين مو تعبان بس ممكن جوعان حنين:.بروح اسوي له حليب ما بطول ابتسم نواف على شكلها الخايف وعيونها اللي تلمع جلس على السرير وهو يسكت عمر همس بهدوء:.ما يصير يا بابا البكي لنسوان خلاص اسكت وعيب عليك تتعب امك . . . بالسياره كان عبدالعزيز مركز عيونه على الطرق عكس شوق اللي تناظره رفع عينه بالمرايه وطاحت عينه على عيونها شتت نظراتها بخوف وهو ابتسم على جنب ووقف عند السوبر ماركت ولف على نوف:.وش تبون من هنا؟ اكيد جوعانين نوف لفت على شوق:.وش تبين من هنا؟ شوق:.عادي اي شي نوف وهي توجه الكلام لعبدالعزيز:.اي شي هز راسه وهمس:.اي شي . . بالمطعم كانت جالسه أمامه وعيونها بالمينو عقدت حواجبها:وش ذا مافيه اكله تنوكل هنا ابتسم مشعل:.اول مره تدخلين لهنا؟ مي:.تدري وش غلطتي ؟اني خليتك تختار المطعم مشعل:.هذا افضل معطم بهالحي مي:.قصدك اخيس مطعم مشعل:.خلاص انا اطلب لك على ذوقي مي:.ومن قالك اني باكل ابتسم:.ودي لو مره تردين زي الناس مي:.شوف انا طبعي كذا اتنرفز بسرعه خلاص مابي اكل هنا مشعل وقف:.يلا نمشي اجل مي:.الحين انا بختار المطعم شوف بس الذوق السنع مشى وراها وهو يتمتم:.نشوف . . . بالمطبخ بعد ما حضرت الحليب لعمر اخذت جوالها وشافت رساله من شوق:.كل شي تحسن بعدين بقولك وش صار انا بخير لا تخافين علي اشوفك بكره ابتسمت حنين براحه وبعدها توجهت للغرفه وانصدمت بنواف النايم وعمر اللي نايم على صدره ابتسمت وهي تتاملهم كان عمر نسخه من نواف حولت نظراتها لنواف النايم جلست على السرير وهي تتاملهم كانت تحس انها ام لطفلين مو لطفل واحد تكلم نواف:.تراني شايفك بشويش على نفسك حنين فزت بخوف:.انت ما تتوب!! ابتسم وهو مغمض عيونه:.خلاص بسوي نفسي نايم وانتي قزي على كيفك حنين:.كنت اتطمن على ولدي اشوف اذا هو مرتاح نواف:.لا تخافين كلنا مرتاحين بس ناقصنا وجودك حنين ما تحركت من مكانها ونواف اشر لها:.تعالي مشت نحوه ونواف اشر لها:.نامي معنا حنين انسدحت جنبه وغمضت عيونها وهي تحاول تكون هاديه ناظر فيها وابتسم على شكلها ونام . . . رجع وهو يحمل الأكياس بيده بقصد توجه للباب الخلفي وفتحه انتفضت بخوف وابتعدت وعبدالعزيز مد لها الكيس وعلى وجهه طرف ابتسامه:.تفضلي اخذته وهي تحس بتصرفاته الغريبه وبعدها مشى وقفل الباب وركب جنب نوف وحرك وهو ملتزم الصمت كانت شوق تدله على البيت وبعد فتره وقف قدام بيت ابو نواف لفت نوف وهي تودع شوق ما تحملت ونزلت دموعها:.مشكوره عمري ما بنسى اللي سويتيه شوق:.انتي بمثابه اختي وهذا واجبي تجاهك نوف:.الله يسعدك يا شوق ويرزقك بولد الحلال اللي يصونك ابتسمت شوق بخجل خصوصا ان هالكلام سمعه عبدالعزيز وتحولت نظرات شوق لعبدالعزيز وتكلمت بتهديد:.انتبه لاختك وحطها بعيونك ترا مالها حد غيرك خلك السند والعون لها ويا ويلك تبكيها انا ساعتها بوقف بوجهك زي اول مره ابتسم بسخريه:.اوقفي مره ثانيه شوق بثقه:.بوقف بوجهك مره ومرتين اذا الموضوع فيه نوف ابتسم وشوق لاحظت طباعه ولاحظت انه كان مغرور جداً سحبت نفسها ونزلت واخذت نفس ودخلت وهي تستعد لتبرير . . بلندن كانوا يمشون بالطريق كانت تراقب خطواته صارت تمشي مثله لاحظ خطواتها وابتسم ووقف ومي ناظرت فيه:.وشفيك؟ مشعل ضيق عيونه وبفضول:.تذكرين هذيك المره يوم شفتك بالمستشفى ؟ توترت من نظراته وشتت أنظارها لبعيد مشعل:.غريبه الصدف ما توقعت اشوفك مي همست:.حيل غريبه مشعل:.لايكون تراجعتي ؟ مي:.لا تخاف بس اول خلينا نمشي المطعم قدام ابتسم ومشى مشعل:.شكل مطعمك باخر الدنيا ؟ مي:.جالس تتمسخر مشعل:.لا بس ما عندي طاقه امشي اكثر جوعان حيل مي:.هذا هو قدامك مشعل لف وشافه ودخلوا كان يتاملها وهي تختار .. 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃