كنت في عز الثبات لين شفتك وانهزمت - الفصل 121 - بقلم ريناد | روايتك

البــــــــــــــــــــ 121ـــــــــارت 📖🖌 @storykaligi 🌼🍃 مشعل بهدوء:.روحي غسلي وجهك وارتاحي مي ببحه:.ت تق تقدر تءءء تروح ابتسم:.ايه رايح بس راجع لك مي مسحت وجهها وناظرت فيه بحده:.شكلك جنيت وتحسب شقتي شقتك مشعل:.ما عليه صارت اشياء اعظم من الشقه مي رمشت بصدمه واستحت وصدت عنه ومشت ومشعل ابتسم وتوجه نحو الكتب وأخذها معه وطلع من شقتها ومي سمعت صوت الباب يوم تسكر تنفست براحه وناظرت بشكلها بالمرايه كان وجهها احمر .. . . ببيت نواف كانت تلعب مع عمر وتضحك معه حست فيه يوم جلس جنبها بس ما لفت له .. نواف بهدوء:.هذا ماخذ الجو علي حنين ابتسمت بتوتر:.هاه؟ نواف ضيق عيونه:.فيك شي انتي؟ حنين عطته عمر ووقفت:.وش فيني يعني ما فيني الا العافيه نواف ابتسم:.طيب وش فيك كذا تهربين حنين:.اهرب ليش بهرب بس عندي شغل نواف وهو بدا يشك فيها:.متاكده انك مو مسويه شي من وراي؟ حنين ببتسامه:.اكيد وش بسوي يعني شكلك انت اللي تعبان قربت منه وهي تحط يدها على جبينه:.غريب مافيك حراره حست بنظرات التفحص وهي متاكده انها لو وقفت اكثر بيكتشف كل شي وتخبر على شوق ونوف وفضلت انها تهرب وتدخل للمطبخ .. . . بالمزرعه كانت تحس بكل جسمها يوجعها ارتمت على الكنبه وهي تتنفس بتعب:.اوف وش ذا نوف وهي تجلس جنبها:.هذا ولاشي قدام الشغل اللي كنت اسويه شوق بفضول:.ممكن تقولين لي عن حياتك اليوميه ؟ نوف ابتسمت:.طبعا انا ما دخلت الجامعه بسبب امي وانها كانت مريضه وانا انجبرت اجلس معها وكل يوم كنت اسوي اضعاف هالشغل شوق:.انتي البنت الوحيده؟ نوف:.فيه غيري بس متزوجات شوق:.دامك تقولين اخوك يحبك ليش ما خلاك تدخلين جامعه ؟ نوف ابتسمت وتجمعت الدموع بعيونها:.صحيح ان عز يحبني وهو اللي رباني بس كلمه ابوي هي اللي تمشي وابوي قال ما تكمل يعني ما اكمل شوق:.ليش هالظلم لو انه يحبك فعلا حط لابوك حد نوف:.على ألأقل عبدالعزيز كان يراضيني ويوعدني دايماً انه بس يتزوج بياخذني معه شوق وهي تمسك يد نوف:.ممكن ما تبكين؟ نوف مسحت دموعها وابتسمت:.غصب عني شوق:.كل شي بيتحسن بس انتي لا تضعفين نوف:.ان شاء الله وانتي ما قصرتي والله شوق مابي اسبب لكم مشاكل شوق بثقه:.وبعدين معك يا نوف اقولك مابيصير شي واخوك ذا انا اللي راح اوقف بوجهه كل شي ولا الظلم نوف:.اخاف عليك يا شوق شوق ابتسمت:.والله المفروض تخافين على اخوك مني نوف ابتسمت وهي تحس بحبها لشوق يزيد وقفت شوق وسحبت عبايتها:.انا برجع البيت وبالليل راح احاول اصرف اهلي واجي هنا انتبهي تفتحين الباب والمزرعة متاكده محد يجيها بس انتي انتبهي وكل شي عندك بالثلاجه واي شي يصير معك اتصلي فيني نوف:.انتي انتبهي لنفسك وما عليك فيني بدبر نفسي شوق:.ما بطول ان شاء الله طلعت من البيت ومشت وركبت مع السواق وهي مو حاسه ابدا بالشخص اللي يراقبها . . . كانت تدور بالمطبخ وتناظر بجوالها وتنتظر رساله من شوق تنهدت بقلة صبر:.ياربي منك ارسلي عشان اتطمن نواف وهو واقف عند باب المطبخ:.تتطمنين على مين؟ صرخت بخوف وطاح منها جوالها:.خوفتني ! نواف قرب منها:.بسم الله على قلبك من الخوف حنين ناظرت فيه وابتسمت:.وش تبي؟ نواف:.لا سلامتك بس وشفيك كذا متوتره؟ حنين مسحت وجهها:.ماني متوتره بس خفت منك نواف:.معليش خوفتك حنين:.روح ارتاح والا نسيت انك تعبان؟ نواف:.بخير بس ابي مويه اشرب حنين اخذت كاسه المويه وعطته ونواف استغرب:.بس الكاسه مافيها مويه؟ حنين ناظرت بكأسه المويه وشهقت وحست انها بتموت من الربكه اللي تملكتها وابتسمت وهي ترفع حواجبها:.ايه امزح معك بس أنت طلعت نفسيه هز راسه وحنين عطته يشرب وكانت عيونه مركزه فيها . . وصلت على البيت ونزلت ودخلت وابتسمت رغم التوتر اللي فيها:.السلام عليكم ام نواف بزعل:.انتي ليش ما تعطيني خبر يوم تطلعين!! شوق:.لا اله الا الله اول سلمي ديما:.والله من حقها اذا انتي موب هامك احد شوق وهي تقرب منهم:.يا قلبي تخافون علي ام نواف:.شف شف انتي يا بنت ما تعلقين شوق:.يمه بنتك عاقله عهود وهي تضحك على شوق:.وش رايك تسكنين عند نواف وحنين شوق:.والله فكره ام نواف بحده:.ابوك معصب لا عاد تطلعين كذا شوق:.العذر والسموحه يا طويله العمر بس انا طفشت وحبيت اغير جو ديما:.كان قلتي لي اروح معك شوق:.انتي اجلسي جهزي لملكتك ديما بصدمه:.وشو؟ شوق:.يوه شكل نواف ما اتصل فيك ابشرك ملكتك الاسبوع الجاي بتتزوجين واصير وحيده ديما ابتسمت وتذكرت عبدالرحمن وام نواف وقفت:.بروح اتصل باخوك مدري متى قصده يقولي شوق:ايه اتصلي عليه وشوفي الاخبار مشت ام نواف وديما تكلمت بخوف:.غريبه ما اتصلت فينا عهود:.قصدك ام عبدالرحمن؟ شوق:.وش تبين فيها ديما:.مدري بس المفروض تكلم امي شوق:.ما عليك بتكلمها بس انتي لا تتضايقين ..