عشقت قاتل ابي - الفصل والاخير 12 - بقلم عشق القاسم - مكتملة | روايتك

رواية عشقت قاتل ابي الحلقة الثانية عشر القاضي : حكمت المحكمه حضوريآ ببراءة يوسف رفعت ، و الحكم علي ثريه بالاعدام هنا اول ما سمعت كدا فضلت تبكي و اخدت بعضها و مشيت يوسف الكان عينه عليها و كان عارف أنه اخر مرة هيشوفها زي ما وعدته و اكلم بصوت عالي : هنا ارجوكي استني ، هنا اسمعيني بس لما اطلع ، ارجوكي ، متسبنيش يا هنا هنا ادورت و بصيت عليه لآخر مرة و شاورتله بايديها ، بمعني أن دا اخر لقاء بينا و مشيت **************** “بعد شهر ” هنا : انا مبسوطه أن قدرت اتعلم بسرعه علي فكرة سعاد : يعني يابنتي انا مش فاهمه عاوزة تتعلمي ليه ، واحد زيك معاها فلوس الدنيا و الآخرة و تتعلم خياطه هنا بضحك : معلش بقي انا حابه اتعلم و اديني اتعلمت ، عمللنا اكل ايه انهارده سعاد : الفراخ و الملوخيه البتحبيهم هنا : تعرفي انا بحبك اوي يا طنط سعاد لما مشيت من قبل ما اتجوز زعلت اوي بصراحه انتي المربياني يعتبر مش امي سعاد بابتسامه صافيه : ايوا ياختي كليني بالكلام عشان اسكت ، اسكتي انا عملالك حته مفجأه هنا بحماس : هااا خير ؟ سعاد : بكرة باذن الله انا فضيت نفسي و حسافر معاكي المكان التحبيه هنا : هيييييه اخيرا وافقتي ************** “ف فيلا يوسف ” مها : يوة يا مجنون رايح فين انت فاهمني يوسف وهو بيحضر شنطته بفرحه : رايح لحبيبه عمري مها : انت لقيتها يوسف : ياة من بدري بس سبتلها وقت و خلاص قررت هي مينفعش تبعد اكتر من كدا ، ماما هتحضري كل العقولك عليه ها مها بابتسامه و حضنته : انا هعمل كل حاجه هتخليك مبسوط و اسفه اني كنت انانيه ف يوم من الايام ، انت عندي بالدنيا يا يوسف يوسف حضنها اكتر : وانا بحبك اوي يا امي ************* “ف الصباح” هنا نازله من علي السلم و ماسكه ال شنطه : يااا دادة ، هقع بالشنطه الكبيرة دي ، انت جيبالي حاجتي كلها ليه و كانت لسه هتقع . هنا : اااااةةة الحقوني و غمضت عنيها و بتفتحها هنا : هو أنا موقعتش ليه يوسف بضحكه جذابه : يمكن عشان انا مسكتك مثلا . هنا كانت عاوزة تدور بس تجمدت مكانها : هو انا بيتهيئلي ولا ايه ، يوسف ؟ ، هو انا موقعتش ليه و كان ف عقل بالها أنها ممكن تكون سمعته بالغلط فقررت تعيد السؤال تاني يوسف بضحك اكتر : والمصحف انا و ماسككك كمان اهو لحد الان ، هتدوري وتبصيلي ، ولا انتي عجبك الماسكه هنا اكسفت جدا و ادورت فجأه ، شافت يوسف كأنها اول مرة تشوفو ، كان وسيم و لابس بدله شيك جدا و كانت اول مرة تشوف وشه منور و ضحكته صافيه و غمازاته باينه منها . يوسف بابتسامه : وحشتيني هنا بعدم إدراك : اقسم بالله كلمه كمان و هبوسك ، لم نفسك يوسف بضحك : يخربيت عقلك وانا فكرت اني هعاني ف مصلحتك هنا و بدأت تستوعب : احيه دا يوسف بجد ، يوسف ؟ ، انت بتعمل ايه هنا يوسف بصلها بذهول : ياحول الله لولا اني اعرفك كنت قولت انك تعبانه ف عقلك هنا مسكت الشنطه تاني بنرفزة و بتحاول تشيلها و تنزل بيها وهي بتتكعبل تاني ، يوسف مسكها للمرة التانيه يوسف : يابنتي ارحميني لو بتتلكي وعاوزاني امسكك كل شوية قوليلي و انا اخدك بيتنا نبقي برحتنا احسن و غمزلها هنا بخجل : انت واحد قليل الادب يوسف بابتسامه : خدي عندك وسافل كمان هنا سابت الشنطه و نزلت جري من علي السلم و يوسف يجري وراها . يوسف : يابت المجنونه استني هنا وهي بتجري : وحياة امك ما هتلحق تمسكني يوسف : يابنتي عيب انا رجل اعمال وانتي صاحبه شركه ، احترمي وضعنا حتي ، يا هنا استني نفسي اتقطع هنا بضحك وهي بتجري خبطت ف واحدة : انا اسفه جدا جدا ياسمين بصتلها : انتي هنا ؟ هنا اول ما شافتها عرفتها : انتي تعرفيني يوسف جاي جري : اخيرا وقفتي شلتيني ياسمين : يوسف ؟ ، عامل ايه يوسف بصدمه : ياسمين ايه الجابك هنا هنا : اجبلكو اتنين لمون ياسمين : انا مقصدش والله انا بس استغربت ، ممكن نقعد نتكلم شوية يا يوسف بعد اذنك يا هنا هنا : اة مانا جايه معاكو يوسف قرب من ودانها : مش كنتي بتجري ؟ هنا بعصبيه : اخرس أنت …………………. “ف الكافيه” ياسمين : انا حابه اشكرك يا يوسف لانك من اخر موقف حصل ما بينا وانا حسيت اني وحشه اوي و قررت اني لازم اتغير ، بس للاسف كنت لوحدي ، لحد ما جه شخص غيرلي كل حياتي ، وفضل جمبي بالعافيه و عالجني ، انا بعتذرلك طبعا يا يوسف علي كل شئ انت شخص جميل ، بس علاقتنا كانت غلط هنا : وانتي عرفتيني منين ياسمين بابتسامه : لؤي ياستي مبيستخباش عنه حاجه ، لو عاوز يجيب تفاصيل اي حد ، بيجبها يوسف : مين دا و هو ماله بيا لؤي من ورا ياسمين جه و باسها من خدها : اهو ياسيدي بطمن انك مبقتش تفكر ف حبيبتي لؤي مد ايدو ليوسف : اهلا انا ابقي لؤي جوز ياسمين هنا بابتسامه و بصوت واطي : احسن حاجه عملها والله يوسف قرب منها : انتي بتضحكي علي ايه ؟ هنا بصيت لياسمين : الشبه البينا مش طبيعي بجد و ضحكت ياسمين : انا استغربت بردو والله بس زي ما بيقولو يخلق من الشبه اربعين ، عمتن انا بعتذرلك يا يوسف وانتي كمان يا هنا لو ضايقتك ، و اتمني تسامحيني ،و مبسوطه أن شوفتكوا سوا يوسف بابتسامه : انا نسيت كل حاجه يا ياسمين من يوم ما حبيت هنا ، متقلقيش . لؤي : عنشوفك اكيد قريب تاني يوسف بابتسامه : اكيد **************** “ف الطيارة ” هنا : افهم بقي انت واخدني علي فين يوسف ريح علي الكرسي و غمض عنيه هنا : انسان متكبر و متخلف يوسف فتح عينه : سمعتك علي فكرة هنا بتوتر : مقصدش يوسف بابتسامه : ولا تقصد يا جميل ……………… “ف أحد شوارع فرنسا” هنا : الله يا يوسف الشوارع حلوة اوي يوسف : شوفتي بقي ، يلا بينا نطلع الاوتيل الدنيا ضلمت هنا : حاضر ………………….. هنا طلعت من الحمام و كانت لابسه بجامه حملات لونها بمبي و كانت مسيبه شعرها و حاطه مكياج خفيف . يوسف قرب منها : ايه الجمال دا هنا بخوف : فكرت مش هيبقي حلو يوسف بانبهار : لا جميل اوي هنا : يوسف انا لسه مسمحتكش يوسف : عارف ، تعالي نقعد يوسف مسك ايديها : هنا انا بحبك ، بحبك اوي فوق ما تتخيلي و كنت بمنع نفسي و اكدب نفسي بس من فترة اتاكدت أن انا مش بس بحبك ، انا بموت فيكي و مقدرش استغني عنك،. انا غلطت ف حقك كتير بس لو سامحتيني هعوضك عن كل حاجه عشتيها هنا بدموع : مش هتكرر اي حاجه تاني يا يوسف ؟؟ يوسف مسح دموعها : وعد لا هنا ضمته : انا كمان بحبك اوي يوسف : يلا ننام هنا بتوتر : دلوقتي يوسف : ايوا …………………. “يوسف و هنا نامو ، و كانت هنا بتفكر أن لسه يوسف زي ما هو ، ياتري بيضحك عليها ومش بيحبها ولا هو ف مشكله تانيه بالنسبالو ******************* “بعد ٥ ايام ، ف فيلا يوسف ” مها : يلا ياعزة جهزو الحاجه عزة : كل حاجه تعتبر جاهزة متقلقيش هنا و يوسف وصلو قصاد الفيلا و فجأه الانوار كلها ضلمت . هنا بخوف مسكت ف يوسف : يوسف هو ف ايه يوسف بعد عنها و سابها هنا ف الضلمه : يوسف ، انت فين متسبنيش ، يوسف و الانوار نورت و كان كل المعازيم حواليها بيسقفو و يوسف قصادها علي الارض يوسف : انا عارف يا هنا أننا اتجوزنا بسرعه و عيشنا مشاكل كتير و تعب كتير ، موافقه تبدأي حياه جديدة معايا من اول انهاردة ، موافقه تتجوزيني يا هنا قدام الناس دي كلها للمرة التانيه هنا بفرحه حضنته : موافقه يا يوسف ، موافقه و بدأت الاغاني تولع و الحفله بدأت و هنا طلعت لبست فستان و كانت اجمل واحدة ف اليوم كله …………………… “ف اوضه هنا و يوسف” يوسف شال هنا و لف بيها : بحبك ، بحبك اووييي هنا بخوف مسكت فيه : يوسف هقع والله نزلني يوسف بضحك قرب وشه من وشها : قوليها و هسيبك هنا بصتله : انا اطمنت لما قربت مني و لو قولتها مش عشان خايفه ، هكون عشان انا حساها و بحبك بجد و بدأت حياة هنا و يوسف من اول و جديد ♥️♥️♥️♥️♥️ ***************** “بعد سنه” مها : ياحبيبتي زعلانه ليه و ماله يعني لو مطلعتيش حامل ايه المشكله هنا بحزن : بقالي سنه علي الحال دا ، انا نفسي افرح و افرح يوسف مها بابتسامه : يوسف فرحان وانتي معاه يا هنا ، متخافيش تليفون هنا بيرن هنا : حاضر يا دكتور ، التحليل ظهر ،طب تمام ، انا جايه حالا مها : روحي و ابقي طمنيني …………………… “فالمساء يوسف دخل بيدور علي هنا” يوسف : هنا انتي فين هنا بصريخ : انا هنا يايوسف يوسف بيدور ف كل حته مش لقيها يوسف : يانهار اسود ، هنا انا مش لقيكي هنا بضيق تنفس : انا ف الدولاب يا يوسف يوسف فتح الدولاب هنا : ااااة نفسي ، الحمدلله الحمدلله يوسف بقلق : هنا حبيبتي مين عمل فيكي كدا ، ايه الجابك هنا و حبسك هنا بخوف : اصل بصراحه كنت عاوزة اعملك مفجاه و اخضك واطلع من الدولاب و اقولك خبر حلو ، بس لما كنت بجرب اتزنقت جوا و مكنش فيه حد يوسف : يابنتي انتي هتجنيني ، انتي ايه هنا بضحكه : خلاص اخر مرة ، يوسف انا عندي مفجأه يوسف : هااا قولي هنا : انا حامل يوسف بفرحه : بتكلمي جد ، احلفي هنا : والله العظيم حامل ف الشهر التاني يوسف أخدها و لف بيها : بحبككك ، انا عاوزة بنوته كدا شبهك اتفقنا هنا بضحكه : اتفقنا و توته توته خلصت الحدوته♥️♥️♥️♥️♥️ تمت..