الفصل 30
" البارت الثــلاثون "
- لو إستبدلنا مقولة " للحيطان آذان " بمقولة " للملائكة أقلام "
لـ وُلد منا جيل لايخشى إلا ذنبه ولا يرجوا إلا ربه ..
احمد الشقيري
وقـــف فراس بمـكانه وهو يطالعها .. انرسمت تعابير استخفاف : انحشتي مـرة ثانية .؟! بخاطرك توصيلة لبيت اهلك هالمرة بعـد ماعندي مانع والله
غادة بنبرة غاضبة : ماراح اسامحك على كل شي صـار لي ... انت السبب بكلش ! انت اللي كذبت علي ..! انت اللي رجعتني !!
فراس ببرود : لا تحطيني علاقه تعلقي فيها كل مشاكلك ... وفلنعتبر اني انا السبب ! وبعـــدين .؟! جايه تفضفضي .!؟
غادة بقهر : لاا .. لاتحسب اني نفس البنت اللي عرفتها ماعادت لك سلطة علي عشان اخاف على نفسي ! اللحين انا بايعتهـــا .. ماعندي شي اخسره ومثل ماصرتنا حثالة المجتمع بسببك اقدر اجرك للحضيض معي
فراس بحدة : اختــــاري كلماتك زين .. لا تقولي كلام كبير عليك ومثل ماقلتي انتي حثالة مجتمع فاحترمي مكانتك
غادة
: إنتــا قلتها بنفسك .. انا اعرف اشياء كثيـرة مفروض ما اعرفها ! اقدر استعملها ومثل مانبهتك انا بايعتها
فراس ابتسم بسخرية : من بيصدقـــك .؟! ع بالك وحده مطلقة ومنحاشة و" كمل بتشديد " حثالة مثلك بيصدقوا كلامها عني انا .؟!
غادة شدت على قبضتها : لا تستخف فيني فراس .. الأيام جاية وراح اعلمك كيف بقدر ارد اعتباري , حتى لو على حسابك , انتا ماكلفت نفسك حتى تعتذر ...
فراس : اعتذر .؟! المفروض انتي تشكريني اللي رجعتك لأهلك وتتركين منك هالهبال ! دام رجعتي الزمي العافية ولا تحطين نفسك بتحديات منتي قدها
غادة بقهر ونبرة هادية : حنشوف إذا انا قــدها او لا ...
ودارت ظهرها وهي ترجع تركب التاكسي .. اما فراس زفر بقرف وهو يمشي بطريقه لداخل , نبرة جريئة , وتيرة صوت مهتزة , عيون لامعه , هذي هي بلا شــك ماتغيرت رغم المواجع على قولتها .. ابتسم بسخرية واستهزاء على تهديـــداتها ..
***
اثنـاء جلوسة بالكافتريا ... واحتسائة لقهـوته قاطعه خطوات مسرعة ناحيته وصوت مرتفع متفاجئ : هيثـــــم !! سمعت انك سحبت تريشيحك من الرئاسة
هيثم بهدوء : أيـه .
جلس قدامه وقال بعدم تصديق : مو صاحي !! وليــــــــه .؟! كان معروف انك بتفوز ليش سحبت نفسك
هيثم : ماعدت ابيها .
: شصـــاير لك انت .؟! هالفترة كلها بالصيدلة وترفض العمليـــات واحسك تعاقب نفسك بأي طريقة
هيثم : مــراد اذا تبي تترشح انت ترشح .. انا فعلا مالي خلق الرئاسة
مراد : لا كلمني زي العالم ... شفيك هالفترة ؟!
هيثم : مافيني شــي
مراد : اجل وين حماسك للشغل .؟! لك اسبوع مادخلت غرفة العمليات !! وانت اللي باليوم لازم عملية عمليتين
هيثم : ابي استراحة ... حرام ؟؟
مراد بقهر : بس والله حـــرام الرئاسة ..
هيثم : اتركها للي يستــاهلها .. انا ما استاهلها
مراد : والله تستاهلها بس انك حمــار وغبي
هيثم بهدوء : معـك حق .. حتى الحمار مو كذا
مراد بدهشة : لا لا لا !! انا اقولك حمار واسبك وتقول ايه .؟! بجد بجد شصاير ؟
وقف هيثم وهو يرمي كوبه ويتـــرك المحادثة المزعجة .. ويدور مكان ثاني هدوء يسترخي فيه اثناء طريقه قاطعه دكتور : دكتور هيثم .؟!
وقف هيثم : هلا دكتور .؟!
الدكتور : فيه عملية اليوم الساعة 7 حاب تشارك فيها معاي .؟!
هيثم : لا ... مقدر
الدكتور : وليش ماتقدر .؟! لك اسبوع ماتقدر ... تعبان اجل ؟
هيثم : نوعا ما ..
الدكتور : اها اجل الله يعافيك ... وقت تتشافى عطني خبر قدامنا شغل كثير
***
دخلت اسماء المجلس بعد العشاء والحوسه ... جلست بتعب مع البنات : اخيرااا جلست .. حشى لي ساعتين شغل
وداد : عزيمة اخوك ان ماسنعتيها مين بيسنعهـا .؟!
اسماء : ايه والله لعيون بدر تهون .. " عدلت جلستها " إلا وين غادة ما أمداني اسولف معها
كشرت هيفاء : سمعت انها حاضره بس ماشفتها .؟! حتى لما دخلت ابتسام ماكانت معها
أسماء : إلا انا شفتها وسلمت عليها وعقبها انشغلت ... " التفتت لميهاف " شفتيها ؟!
ميهاف : همممممم .. ماما كلمت ابتسام عشان ماتجلس بالعزيمة , لأن الشوشرة كان مو طبيعية ..
اسماء شهقت : طــــــــــــــردتوها .؟!
سجى : اكيد ولا كان شفناها
اسماء بقهر : ولييييييييييييه .؟! انا ماصدقت انها بتحضر تروحون تطردونهـا ؟!
ميهاف : وانتي ليش متعلقة فيها كذا .؟! الله يستر عليها يختي
اسماء باحباط : ظنكم عقب اليوم لو أعزمها بتجي عادي .؟!
وداد : انتي وحظك .
اسماء باحباط اكثر : انا وحظي .؟! اففف اذا احد قالي هالكلمة افقد الأمل نهائيا
هيفاء : ههههههههههههههههه كل هذي قـراده
اسماء وقفت وهي تطلع : بروح اكلمها قبل تطين السالفة زود ...
طـلعت لمكان هادي وهي تفتح جـوالها ... دقت عـلى ابتسام نظرا لأن جوال غادة خارج الخدمة من انحاشت , لكن مافيه رد ... تاففت بقهر : الله يسامحك يامرة عمي كذا تطردينها مره وحده !!
: اسمــــاء !!
التفتت لأمها : هلا يمه .؟
ام فراس : شتسوين هنا لحالك .؟! بسرعة تعالي امشي بصواني التحلية على الحريم
اسماء باحباط : جاااااايه ... " مشت وهي تتحلطم " اااه يا قهر ماتطوعت اشيل صواني الحلا الا عشانهن افف
اثناء مشيها دق جوالها .. كبست عيونها بحماس وهي تطلع الجوال من جيبها على أمل تكون اعادة الإتصال بس احبطت وهي ترد : ها بدر
بدر : ها بدر .؟!
اسماء : يوه بدر والله مالي خلق شبغيت .؟!
بدر : سلامات وش فيه المود قالب ؟
اسماء : لأن حظي ابن كلب !
بدر : ههههههههههههههه افاا هذي وهي عزيمتي
اسماء : شبغيت عاد ؟! بسرعة ابي اروح اودي صواني الحلا ومليون شغله بعد
بدر : من بقــى موجود ؟!
اسماء : باقي عــالم واجد ... عمتي ومرة عمي وطليقة نايف وام حسان و ... عالم عالم
بدر : ابي اسلم على خالتي من جيت للرياض ماشفتها .. ولا عليك امر عطيها خبر اني برا ابيها
اسماء شهقت : للحين ماسلمت عليها ؟! يالخايب
بدر : ياليييل الليل بتنادينها ولا شلون ..؟!
اسماء : هههه امزح امزح بناديها اللحين لحظه ..
سكرت السماعة وهي تدخل لمجلس الحريم : خالتي مزنة
ام نايف : هلا سمي
اسماء : بـدر برا يبغى يسلم عليـــك
ميهاف سكتت وهي مستنكرة داق على اسماء وهي موجوده ..!؟ : ............................
وقفت ام نايف وهي تلتفت لميهاف : يمه ميهاف تعالي معي
وقفت ميهاف وهي تطلع مع امها : لبيك .؟!
ام نايف : شنو لبيك تعالي روحي معـاي
ميهاف بضيق : لا يمه روحي انتي انا بجلس مع البنات .. لو يبغاني كان دق علي
ام نايف هزت راسها : انتو صاير معكم شي ... منتو على خبري !
ميهاف تنهدت : مو وقته ماما .. روحي هو برا ينتظرك
طلـعت ام نايف .. اما ميهاف التفتت للمراية بحجم الجدار قدامها وهي تطالع نفسها بقهر , مو ناقصها شي بس مو فاهمه ليش مو قادر يشوفها هي وبس ؟! ليش لازم يقهرها ويحرها بحركات مريضة ..
رجعـت تدخل المجلس وهنا اشرت لها ام فراس اللي جالسة : تعالي يمه ميهاف جمبي
ابتسمت وهي تجلس جمبــها .. نطقت ام فراس بهمس : ابي اسألك من جيتينا اخر مرة .. بس بدر موجود والوضع ماسمح ..
ميهاف : امري خالتي شفيه ؟
ام فراس : انتــي وبدر وش صاير معاكم .!؟ منتوا مثل ما اعرفكم
ميهاف تنهدت بضيق : شوفة عينك خالتي ... انا ماغلطت والله الشاهد علي ورغم انه غلط ماراح أقولك هو ايش سوا بالضبط ؟! بس ابيك تعرفين انـي ماتمنيت تشوفينا بهالشكل بس اللي جالس يصير اقوى مني
ام فراس بقلق : وش هاللي جالس يصير رجيتيني ؟!
ميهاف ابتسمت : لا أرجك ولا شي .. " كملت بطبيعية تطمن ام فراس " سميها مشاكل زوجية وتنحل ان شاء الله
ام فراس بهم : لاتكوني رافضة تجلسي عندنا هالفترة بسبب هالمشكلة ؟!
ميهاف : لا لا حشى والله ! انا بجد مشتاقة لأمي وحابه اكون عـــندها
ام فراس : هجل بعـــد بكرة أول يوم رمضان ان شاء الله فطورك عندنا .. ولا تقولين لا انا مصره
ميهاف ابتسمت : ان شاء الله ولا يهمك ..
ام فراس : روحي مع البنات وسعي صدرك اللحين .. هذي عزيمتك الله يصلح امرك ويوفقك
باست ميهاف راس ام فراس : ويـــاك ان شاء الله خالتي , الله لايحرمنا منك بس
: اوووووووووووووه شصاير عندكم هناك .؟! اسرار وسوالف وعقبها حبة راس بعد
التفتت ميهاف لوداد : ههههههههههههههههههه قاطة عيونك هنا انتي ؟!
هيفاء : مايبيلها ما شاء الله عليكم اخذتوا عيون الكل ... الله يخلي لك هالمزة يا أم فراس
ام فراس : آمـــين
وداد : ههههههههه ويرزقك أمزز منها بعد
ام فراس : فيه هذي يبـــطون هذي ميهاف مو حي الله
سجى : وداد عبد المجيد برا .. وين امي يقول اطلعو ؟!
وداد : يله .. امي ظني مع الشغالات برا يتعافسون مدري شعندهم
ام فراس : وامك هذي ماتقدر تجلس مع العالم .. لزوم تحترك
وداد : هههههههههههههه تعذبينها بالجلسة انتي خالتي .. يله حنا ماشين اكرمكم الله والله يسعدك ميهاف ويوفقكم ان شاء الله
ميهاف : امين حبيبتي عقبـــــالك انتي وهشـام ... إلا وين اسماء
ام فراس : طلعت مع امك لبــدر برا .. والظاهر معد بقى هنا غيرنا خل نقوم نساعد الخدامات نكف كلش نرجع بيوتنا , لزوم نصحى بكرة بدري ونستعد لرمضان
ميهاف وهي توقف : قولـــتك
ام فراس : اطلعي لامك واسماء اكيد عند بدر برا وقولي لهم
ميهاف : ان شاء الله
طــلعت لحتى وقفت عند البـــاب وهي تشوفهم بنص الحديقة جالسين بالجلسة .. علت صوتها من مكانها : يمـــه اسماء .. خالتي ام فراس تقول خل نتجهز نمشي الحريم كلهم مشوا
رفع بـدر عيونه لها .. وانتباهه انشد لها تلقائي طالعه ملاك بالأبيض , سحرته تلقائي بطلتها .. قال بنبرة هاديه : وليش واقفة هنـــاك قلبي تعالي نشوفك
ابتسمت ام نايف وهي تشر لها تروح ... وتدخل اما اسماء : يـــاويل قلبي لا تغازلها قدامي احس بجفاف عاطفي
بدر : هههههههه هجل انقلعي قبل توصل ولا باعتبرك مو موجودة
شهقت : ياقليل الأدب !! رايحه رايحه يممممتي تدمرون برائتي انتوا
دخلت اسماء وهي تقبص ميهاف بطريقها : يالوصخين !
مشــت ميهاف دون نفس .. حتى وصلت لعنده ونطقت باقتضاب : هلا ؟!
بدر وهو يمسح بعيونه عليها من فوق لتحت : اجــلسي ارتاحي .. مو كافي عزيمتنا ولا شفتك لحظة اليوم
ميهاف بقهر : تو تنتبه .؟! لك يومين ماكلمتني حتى ... ويوم بغيت تشوف امي حتى رايح لاسماء ماجيتني
بدر : حتى لما كنا بباريس و أسكت وما أكلمك مو قصدي نسيتك لا لا .. بس عشان اثبت لنفسي اني لو انا ماكلمتك مستحيل تكلميني اساسا , يعني ليش لازم انا اللي ابادر .؟! وينك انتي ليش ماتكلميني .؟
ميهاف : ....... ماعندي شي أقوله خصوصا عقب باريس محتاجه ارتاح منك فترة
بدر وهو يسند ظهره للكرسي : براحتك والله انتي الخسرانة ... بس لحظة يجهز بيتنا لاتناقشيني بتجين يعني بتجين
ميهاف : متى بيجهــز ؟!
بدر : تقريبا اسبوع اسبوع ونص كذا
ميهاف هزت راسها : ..اها
بدر وهو يتأملها : تعوذتي اليوم .؟!
ميهاف ابتسمت بسخرية : خايف علي ولا خايف على نفسك اصير شينه واطيح من عينك ؟
بدر ببرود : كلها .
ميهاف : معناها الجواب ايه تعوذت ..
اصابتها رعشه ونسمة هـواء مرت عليها ... حضنت ذراعها لصدرها : ...............
بدر : لبسك خفيف والجـو برد .. ليش ماتدفيني ؟!
ميهاف : ماحطيت ببالي بطلع بــرا .. بدخل وبس اساسا لازم اساعدهم نخلص ترتيب المكان ونطلع
بدر تنهد : اللـــي يريحك .. اوصلك انتي وامك بيتكم ؟!
ميهاف : لا مافيه داعي .. لؤي موجود
بدر وهو يوقف : معناها عطي اهلي خبر اني برا انتظرهم
ميهاف : مـــاشي ..
مشـى بطريقه طالع وعيـونها ماطاحت لحتى ماتسكر البــاب .. : ...............
عـلاقتهم كانت مشتعـله قبل زواجهم , مجرد ماتزوجته تحس اصابها برود غير طبيعي , كانه كان متولع فيها لحتى ملكـها واللحين بـرد ناحيتها ... : ميهاف ؟!
التفتت لأسمـاء اللي تطالعها عاقده حواجبها : جالسة هنا لحالك ع بالي بدر معاك ؟!
ميهاف وهي توقف : أيــه .. تو طلع وينتظركم برا .
اسماء : اهااا .. نوصلك معانا ؟!
ميهاف : لا ياقلبي مافيه داعي ... لؤي موجود
دخـلت داخل وهي تلبس عبـــايتها وتطلع مع امها ويركبـون مع لؤي ... ورغم التعليقات الكثيرة من ام نايف وسوالفها عن العزيمة واستيائها من ابتسام و ..... كان وضعية لؤي وميهاف الصمت كلهم مثقلين بهمهم ومالهم خلق ..
***
وقف التـــاكسي قدام باب البيت ... نزلت وهي تدخل البيت استقبلتها ابتسام : ويــــن كنتي ؟! لك ساعه من طلعتي تو توصلين !؟
غادة وهي تسحب طرحتها : كنت محبطة .. مابغيت ارجع البيت مباشرة فرحت كافي اتقهوى
تنهدت ابتسام : خوفتيني عليك .. وبعدين ارجعي افتحي جوالك !! مو معقول كل ما ادورك ما احصلك
غادة وهي تجلس على الكنب : فين رنيم ؟!
ابتسام : رجعت ونومتها .. واللحين نايمة
غادة : ونايف ..؟!
ابتسام : ما أدري ...
غادة : وكيــف العزيمة ؟
ابتسام هزت راسها : ماشـــية .. مافيه حاجة مهمه
غادة وقفت : اجـــل انا بدخل انام ... تصبحي على خير
ابتسام دق جوالها وزفرت من قلبها ... التفتت غادة لها : شفيـك ؟!
ابتسام وهي تطالع شاشة جوالها بضيق : هذي اسماء ... من طلعت وهي تدقدق مدري شعندها
غادة : طيب وليش ضايقة ردي عليها
ابتسام وهي ترمي جوالها : مالي خلق اللحين
غادة سحبت الجوال : انا حرد عليها .. " ردت " الـــو
اسماء : هــالو سيمو ... كيفك ؟!
غادة : ههههههههههه انا غادة
اسماء وصوتها تهلهل اكثر : هلا هلا والله ... كيفك شلونك حيا الله الصوت ؟!
غادة : حمدالله تمام ... انتي شلونك شمسوية ؟!
اسماء : انا ضايقة بصراحة ... يعني ما حصل لي وقت اجلس معاك اليوم !!
غادة : الله يعين ...
اسماء وهي تحاول تفرفش : شرايك طيب نشوف بعض بمكـــان ثاني !!
غادة وهي ترسم بعقلها خطة : معــــناها شرايك افطر عندك اول يوم رمضان ؟! نستقبله سوا ... وبالمرة اخلي نايف وابتسام ياخذون جوهم احس بيقتلوني
اسماء : هههههههههههههههههههه صح صح معك حق اتركيهم يختي ... وتعالي انتي عندنا نفلها بنات
غادة ابتسمت : من عيوني والله تسعديني فوق ماتتصورين
اسماء : معناها حنا على موعد ... فطورك اول يوم رمضان عندنا ان شاء الله
غادة : ان شاء الله .. اشوفك على خير
سكـرت السماعة وهي تلتفت لابتسام اللي فاتحه عيونها بتعجب : بتروحي ؟!
غادة وهي تحط الجوال على الطاولة : ماسمعتيني ؟! ايه بروح ..." كملت ببرود " شفيها ؟!
ابتسام : عوافي بس غريبة .. على اساس ماتبغي تطلعي !؟
غادة وهي بطريقها لغرفتها : لمتى حضل كذا .؟! لازم امشي بحياتي
دخلت غرفتها وهي تتلمس خوف بقرارها .... بس كلش حيكون تمام ؟! هو بالمطار اليوم يعني بيسافر ..؟ ياترى بيكون رجع ... لا لا مستحيل هو سفراته طويلة ...وليش خايفة منه ؟! طقاق يطقه ..
***
نــــايف /
بعد ســرعة جنونية ومخالفات اكثر .. وقف سيارته قدام باب بيتها وهو ينزل ويعلق بالجرس وقطرات عرق بجبينة من التوتر اللي عاشه الساعتين هذي (
نايف : حـــامل .؟!
ميهاف : أيـه .. ابتسام بنفسها قالته , راح تجيبون ليزيد اخو يابختكم
نزل السمـــاعة وهو مو مستوعب .. هذا اللي كانت تحاول تقوله له هاليومين ..؟! مسح على وجهه بربكة .. وهو يغير مسار سيارته ويضرب السرعة لبيــتها )
: ميـــن ؟!
نايف : هذا انا نايف افتحي !
انفتح البــاب ودخل مباشرة بخطوة واسعة وهو يطالع الشغاله بنظرات نارية : فين نهى ؟!
الشغالة وهي تاشر بربكة : داخل
نايف ونظرته تحتد : لحــالها .؟!
الشغالة : مع مــدام كبير .. ماما سعديه
نايف هز راسه : الراس الكبير هنا بعد .. كويس كويس
صعد درجات المدخل بخطوتين وهو يطق الباب ويدخل ... نهى ببجاحة لما طالعته : هلا نانو .. حياك الله
انرسم على وجهه ملامح تقزز ... والتفت مباشرة ليزيد الجالس قدام التلفزيون : يزيد اصعد لفوق
يزيد : ابي اسوف التلفز...
قاطعه نايف بصراخ مرعب : يـــــزيد اذلف من وجهي
سعدية " ام نهى " : ليش تصارخ على الولد ؟! وش سوا لك هو !! جاي بشرك انت ؟!
اكتفى نايف بالتحديق فيها وهو يعد بداخله ينتظر يزيد يصعد ... بعد ماصعد التفت لنهى مباشرة : شمسوية انتي ؟!
نهى بتصنع للدموع : ايش فيك يا نانو تصرخ علي كذا .؟! شمسويه لك انا ؟
نايف بغضب : لا تراوغيني نهـــى !!! مافيه داعي نناقش وش صار انا عارف وانتي عارفه ... انتي وامك فوقك وجدتك بقبرها محرم عليكن تجن بمكـــان يخصني .. او يخص اهلي .؟!
سعدية : والله حنا معزومين ماجينا قاطين وجيهنا ؟!
نايف : انتي ياعجوز النار اسكتي محد كلمك !
نهى بقهر : نايف لاتكلم امي بهالطريقة لو سمحت !!
نايف : البيت هذا اللي انتو ساكنينه بيتي ... وهبته لك لعيــون ولدي مو لشي ثاني ! معناها شغلتك انتي وعجوز النار معاك تربون ولدي لي وبس " كمل بعـلو" اعتبروا نفسكم تسدون خدمه مدفوعه .... اما تتعدين على أي شي يخصني " كمل بتشديد" خصوصــــا زوجتي .. وقتها والله واللي اسمه الله يانهى وتراني ما أحلف عبث لاحرمك من يزيد ليوم الدين
نهى بقهر : وانا ايش قلت لزوجتك ...؟!
نايف : ان شاء الله عمرك ماقلتي لها شي .. كيفي ما أبيك تشوفينها الله يكرمها ويكرم عيونها من اشكالك
نهى ودموعها نزلت : الله يسامحك يــانانو .. واللهي ما توقعتها منك
نايف بحـدة : ابو يزيد !!! اسمي أبـــو يزيد ... سامعة يا أم يزيد ؟!
انقهرت نهى من طريقته .. كانه يوضح لها ان الشي الوحيد بينهم يزيد : .......... الله يسامحك ابو يزيد
نايف : انا ماشي اللحين ... جيت اقولك هالكلمتين وحطيها حلق باذنك ! لو يتكرر اللي صار اليوم صدقيني ماحيكون بصالح احد فينا
والتفت وهو يطــلع مباشرة ... ضربت نهى برجلها الارض : اكرهـــا !!! امداها توصل له الحقيرة ؟!
سعدية : شفيه نايف من متى وهو عصبي كذا .؟!
نهى بقهر : من زمان ... بارد بارد بس وقت يعصب ابعدي عنه !! بس هين يا وجه الشر انا اوريها
سعدية : اركدي نهى ! ماسمعتيه انتي ؟! تبينه يطردنا من البيت وننحرم من ولدنا
عـند نايف /
تنهد بضيق وهو يركب سيارته ويسند راسه على الطـارة ... : آخخخ شسويت انا ..
دق جـواله .. رفعه بتعب " بدر " رجع ينزله وهو يعدل جلسته ويسوق سيارته ببطء عكس سرعته من شوي .. بعد ساعه ونص وقفت سيارته قدام البــاب .. على صوت الأذان لصلاة الفجر
" الله اكبر الله اكبر .. الصلاة خيــر من النوم "
نـزل من سيارته وهو يسحب نفسه لداخل البيت .. يحس الخبر أثقله صعد بخطوات ثقيلة حتى وصل لغرفتهم فتح الباب بهدوء وهو يدخل .. وتستقبله برودة الغرفة وكأنه برودها ... مشى حتى جلس بطرف السرير ويسند يده وهو يتـــأملها وهي نايمة نومتها الناعمة .. حتى بنومها مرتبه يدها تحت اذنها ونايمة على جمبها اليمين وتنفسها منتظم .. مسح بيده على شعرها الأسود حتى انسابت يـده لكتفها وذراعها .. ووصل لهـدفه ثبتت يده المرتجفه عند منطقة بطنها .. سحب يده بعد فترة وهو ينطق بهدوء : إبتســام ... " هزها من كتفها بنعومة " ابتسام
فتحت عيونها بكنسل ... نايف ابتسم ابتسامة خفيفة : الصلاة .. اذن
رجعت شعرها ورا اذنها وهي تجلس : قمـــت .." عقدت حواجبها وهي تطالعه مازال جالس ويطالعها " باقوم ..
نايف وعيونه الناعسه بعيونها وبصوته بحه متعبه : لـو اسألك سؤال واحد وأرهن نفسي عليه .. بتجاوبيني ؟!
ابتسام ما استوعبت اللي صاير .. تو صاحية ومو مستوعبة نظراته ولا حتى مقصده بكلامه : شفيك نايف ... اصبحنا .
نايف كمل : واصبح الملك لله ... " ازدادت ملامحه ليونه " سامحيني .. كثر ما أغلط ماعندي شي اقوله لك غير سامحيني ..
مسحت ابتسام على وجهها بكسل : اووه نايف اذا قصدك امس نقدر نتفاهم بعدين .. مو وقته والله راسي مو بمحله
نايف حط إيده ورا راسها وهو يقرب جبينها له ويطبع قبله : سلامة راسك .. " وقف " قـومي صلي أجل ونتكلم بعدين على قولتك
عقدت ابتسام حواجبها وهي تستشعر مكان قبلته بجبينها بيدها وهي تطالع الباب يتسكر وراه .. شكله ماكان طبيعي .؟! فيه شي .. ؟
ابعدت الغطا وهي تقوم تصلي وتصحــي غادة للصلاة ..
***
ظهر ليلة رمضان /
اسماء تنهدت بملل : انا شخصه احتاج اسافر .. جعل فراس اللي مانيب قايله
ام فراس : اسماء لجيتي راسي لك ساعه تتحلطمين خلصنا
اسماء : اقول يمه بدر وين ماشفته اليوم ؟!
ام فراس : طلع من صبح ومدري وين راح ..
اسماء بملل وهي تلعب بجوالها : افف ناس مامنهم فايدة والله محد مثلي ياليتني اقدر انسخني والله اني عاجبتني
ام فراس : زيـــن .
اسماء بعد ما ماملت من تسليك امها قامت : انا بصعد وبس زهقت
فتحت جــوالها وهي تدق على " ميسون " : هاي ميسون
ميسون : هلا والله بالزين ... كيفك وين هالقطعة كلها ؟
اسماء : هالفترة رجع بدر اخوي وعزايم وحوسة انشغلت .... المهم ! اسمعي اليوم موعدنا ترا لا تنسين
ميسون : أي موعد ؟!
اسماء بحمق : ميسووون !! اللي قلت لك امس !!
ميسون : ايه ايه تذكرت .. خلاص تم كلش بيكون جاهز ان شاء الله
اسماء بحرص : كلمتي البنات كلهم ؟!
ميسون : ايه كلمتهم .. وكلهن جاهزات
اسماء : خلاص اجل خمس ونص ان شاء الله بمرمركم وننطلق على طول
ميسون : بس يعني مستشفى وكذا .. اخاف يسوون لنا سالفه
اسماء : لاا تخافين على مسؤوليتي .. اهم شي لا تنسون ياويلكم ادق على وحده تقولي نايمة
ميسون : لا موجودات الله يستر منك بس
اسماء : اشوفك اجل
سكــرت السماعة وهي ترمي بجسمها على كرسي مكتبها : اوريك انا كيف تقولي رخيصة .. والله اني زعلت
***
نـايف :-
اثناء جلـوسه بلا هدف في " الديــوانية " وجواله بيده ينتظر الساعه توقف عند " 3 " نهاية دوامها : ...........
: نويف مو معنا اليوم نهائي
رفع عيونه للعيـال اللي جالسين يلعبون ورقة .... بدر : ههههههه سلامات نايف شعندك مسرح كذا .. تعال العب معنا
نايف وهو يفرك عيونه : من أمس مو نايم مقدر العب
عبد المجيد : روح نــام طيب ارتاح ! مو عشاء لا جا وقت التراويح رحت تنام وتسحب على اول صلاة
نايف : ماحنـام لاتخاف بصلي جمبك بعد
خالد : اووووه ياليل العنا الليلة رمضان الله يعين على مشاوير السوبر ماركت بالليل اللحين
بدر : انـا مواعد اسوم اوديـها فمالي مهرب الله يعين بس
عبدالمجيد : الله يعــــينكم .. انا حمدالله مقفل جوالي من امس ما عطيت مجال لهم حتى
نايف : ايه ماتعطيهم مجال وبالأخير ياكلها لؤي ويروح يودي اهلك
عبدالمجيد : خل يوديهم وش وراه .. بعدين لؤي ما شاء الله باله طويل يودي ويجيب
تنهد نايف بملل .. الساعة 2 ونص بس مافيه صبر مسك جواله ودق عليها : ........................." مافيه رد "
وقف وهو يدخل جواله بجيبه ويطلع ... بدر : وين ؟!
نايف : ع قولتك انام لي شوي قبل العشاء ...
ركب سيارته وهو يقــودها نـاحية شركة أبوه .. معاد طايق نفسه لازم يكلمها خلاص
***
في سيــارة السواق .. انتهت مهمة التجميع وأخيـرا السيارة مكتظة بالعبايات السود /
اسماء : اخيييييييييييرا تجمعناا
ميسون : هههههههه اللي بيشوف السيارة بيقول حوش غنم
اسماء : عادي عادي كل ماكثرنا صار احسن
وحـده من البنات : ايه بس مو فاهمه ليش العزيمة بالمستشفى يعني ؟!
ميسون : والله يا جماعة الخير خويتكم أسوم طايحة لها حب وعشق مع واحد هناك .. وتبي تقهره
شهقــات من كل مكان : اسوم صدق ؟!
اسماء وهي تلعب بطرحتها : تقدرون تقولون ... المهم ! اني ابيكم هناك هبال وصداع وضحك وابي الكل يحس يعني
***
فـور دخول نايف قســمها استقبله لؤي : هلا نايف ... تصالحت انت وابوي ولا شالسالفة ؟!
نايف : لا بس جاي زيــارة ... إبتسام فين !؟ بمكتبها ؟
لؤي : لا اظن عندها اجتماع .. ادخل مكتبها وانت وحظك
طق الــباب بخفة مافيه رد .. تنهد معناها مب موجودة , فتح البــاب وهو يدخل مكتــبها وريحة الملطف بمكتبها .. نفس ريحة بيتهم .. فين ما تروح ملازمتها لمستها يعني ..
مشى بأنحاء المكتب وهو يتأمل الأثاث والزينة ... جلس باسترخاء ينتظرها تخلص وترجع ,
" طق طق "
: ميـــــن ؟!
انفتح الباب ليدخل السكرتير .. : اوه استاذ نايف انا اسف ماتوقعت تكون موجود ...
نايف : مافيه مشكلة .. تفضل
السكرتير : معاي طرد طلبته الأخت ابتسام .. باتركه بمكتبها وطالع
نايف هز راسه ... والسكرتير حط الظرف وطلع , طالع نايف الظرف بتسائل وسحبه وهو يتــأمله ظرف دون تفاصيل فتحــه وهو يفتح الورقة " عقـــد ملكية منزل " فتح عيونه وهو يقــرا تفاصيل العقــد .. واللي فهمه ان ابتسام شاريه بيت بأسمها ملك .. : ليش بتشتري بيت ..؟!!! معقولة ناوية تسكنه .؟ لا وين او تستثمره .؟
رجع الورقة لـداخل الظرف وتركه بمكانه .. وهو مو عارف شيقول ولا شيخلي...؟؟
دخلت ابتسام المكـــتب وبيدها ملفات وسحبت طرحتها ولثمتها مباشرة بتعب ..: احم !
رفعت عيونها وهي تنتبه للي جلس بالمكتب ... مشت طبيعي وهي تحط الملفات بيدها على مكتبها : انت هنا .
نايف : أيـه هنا .. وعلى فكرة السكرتير جاب لك عقد البيت اللي شريتيه , هذا هو
ابتسام طالعت الظرف ثم طالعته : فتحته ؟!
نايف : اجل كيف بعرف انه عقد بيت .... تقدرين تشاركيني افكارك عن هالبيت ؟!
ابتسام بصوت طبيعي : مافيه فكرة معينه ... اعجبني وشريته
نايف : إســــوارة هو اعجبك وشريتيه ؟! شريتيه كذا بس
ابتسام تنهدت : مع وضع غادة ... مصيري بحتاجه لها , مستحيل تسكن عندي للابد
نايف : ليش لا ؟! انتي ماتبغينها ؟!
ابتسام : ميـته عليها .. بس ماهي مضطرة تجلس قدام عين اهلك فأبعدها احسن لها !
نايف بربكة : عشان امس قصدك ؟! ... كنتي قولي لي طيب وباشتريها لها احسن بيت
ابتسام بصرامة : شكرا نايف .. بس مايحتاج اقدر اتصرف بنفسي
تنهد نايف وهو يقرص خدها بخفه : ماعندي شك انك قادرة تشيلي نفسك وغيرك يا أبضايه ... بس انا شايف غير كذا وضع غادة حساس ماينفع تتركينها ببيت لحالها اتركيها للوقت الحالي عندنا
ابتسام وهي داخل نفسها عارفه ان كلامه صح : انا ماقررت للحين ايش باسوي بالبيت .... بس بكل الأحوال ماحيضيع
نايف : خلصتي شغلك ؟! خل نطلع نتغداء برا
ابتسام : ايه خلصت .... بس تعبانه وابي ارجع البيت ارتاح
نايف بضيق : ابتسام انتي مو جالسة تعاقبيني عشان اللي صار امس.. صح ؟!
ابتسام بقهر : ماكنت حتموت لو عطيتني خبر انها بتحضر ...
نايف : قلت لك مابغيت اضايقك وانتي متحمسة للعزيمة
ابتسام : مابغيت تضايقني ؟! مايحتاج تضايقت واكتئبت من كلش ... من طليقتك اللي تهين فيني ومن امك اللي تشذب بمكانتي وتشوفني مخزيه انا واهلي
نايف : وانا ايش اقدر اسوي اللحين ..؟ تعبت يا ابتسام مو عارف من فين أجيك
ابتسام : ماطلبت منك تسوي شي ... ولاني زعلانه منك انا متضايقة من امس وزعلانه على اختي فاتركني بحالي
نايف عض على شفته بعصبية من برودها : أقدر ابارك لك اقل شي .؟!
ابتسام : تبارك لي شـــنو ...؟!
نايف حاس بفمه : ما أدري .. وش المناسبة اللي عندك ابارك لك فيها
ابتسام : مو فاهـــمة ..
نايف : متى كنتي ناوية تقولي لي ..؟! وقت تسمني فجأة وانصدم
ابتسام : اهــا ... عرفت ..؟! مثل ما انت شايف حاولت كثير اقولك بس ماحصلت فرصة
نايف : مو عذر ابتسام ! هذا مو خبر تخبينه علي ... ان شاء الله برسالة نصية اهم شي اعرف , لا والمشكلة حصلتي فرصة تقولي للعالم كلهم وانا ماحصلتي ؟!
ابتسام نزلت عيونها للطاولة : ميــن قالك ؟!
نايف : ما أدري فجأة اشوف العالم يباركون لي ... وانا زي الغبي واقف مو فاهم شي
ابتسام : مثل ماقلت لك ... كنت حقولك بس انشغلنا كثير ..
نايف : انا متسامح ابتسام .. قد ماتبغي , بس وقت انا اتغاظى عن اني اقولك وتزعلي وتسوي سالفة انا من باب أولى اقدر اطنقر عليك شهر ... لا وابشرك لو واحد غيري ماتركها تمر كذا
ابتسام : لا بجــد ؟! اقلها ما جرحتك في اني ماقلت لك
نايف : وانا بايش جرحــــتك ؟! والله انتي مو معقولة تغلط عليك امي بطريقة عجيبة اصير انا اللي غلطت عليك تتطاول عليك نهى اصير انا المتطاول عليك .. تزعلك غادة اصير انا اللي مزعلك ! صاير كاني امريكا بحياتك أي شي يصير انا السبب ؟!
ابتسام بقهر : خـلاص نايف قلت لك مو زعلانه .. بس معليش تطلع مقدر اطلع اللحين عندي شغل ,
طالعها لفـــترة وهو ينتبه للمعان عيونها وهي ضاغطه بايدها على الطاولة ... نطق بهدوء : اجلسي هنا لليل .. اشتري كل بيوت الرياض دون تقولي لي .. احملي سقطي أولدي لاتعتبريني أبوه واسكتي .. بكلش ابتسام سوي اللي يريحك مالي فيك وبأفعـالك ..
ســكر الباب وراه وهو يـــطلع من المكتب .. جلست ابتسام بتعب وهي تمسك راسها بتعب : معه حق ابتســام .. ليش كل هذا ؟! بإيش غلط هو هالمرة ... كل هالضغط اللي تحسين به من وضعك مو ذنبه
***
طق رقــبته بتعب بعد ما أنتهى من تقرير طــويل .... اقتحم الغرفة شخص مسرع : هيـــثم !
هيثم : هلا مراد وش عندك بعد ؟!
مراد : تخيـــل هذي اللي دايم تجيك
هيثم عقد حواجبه : اسماء قصدك ؟!
مراد : ايه ايه هي ... مسويه بسطة بنص الكافتريا
هيثم فتح عيـونه : شنـــو بسطـه !؟
مراد : بسطه يعـــني بسطه ... لا وفوضى والمشكلة الأمن مايبي يسوي مشكلة ويسحب بنات لبرا
هيثم : بنات ؟!
مراد : ايه هي ومعها كم وحده بعد
وقف هيثـم وهو يتوجه بطريقة ناحية الكافتريا ... وقف مكانه وهو يطالع الوضع سجادة فارشاتها بنص المكان ومتربعات كأنهن بمنتزه وسوالف وضحــك , انتبهت له اسماء وهو واقف ويطالعها بنظرات عجزت تفهم منها غير ال " نقد " رفعت حاجبها بمعنى " نعم شتطالع ؟ " ورجعت تسولف ...انتبهت له يمشي بخطوات راكده حتى جلس على كرسي ورجل على رجل واكتفى يطـالع بنظرات تحمل شراره واستهزاء على الوضع : ...............
ارتبكت اسماء من نظراته ... لكن ما اهتمت وهي تكمل " المسرحية " : ههههههههههههههههههههههههه هه ميسون بالله شغلي المسجل
فتحت ميسون عيونها وهمست : اسماء لا مو لهالدرجة ! والله ليشوتونا برا ولا يهمهم حنا بنات ولا غيره
كشرت اسماء باحباط .. وزاد تكشيرها واتساع عيونها وهي تنتبه للدكتورة المحجبه اللي جلست قريبة منه وقدامهم ورقة يتناقشونها : وجججع !!
: شفيك بعد ؟!
اسماء : شوفو الحيوانه شوي وتدخل فيه
ميسون : أقول اسوم كانه ما همه اللي جالسين نسويه ..؟!
اسماء بين اسنانها : لأن الحقيرة جمبه
: مالها دخل .... من اول توقعنا يجي يكلمنا شي جلس ببرود كانه مايعرفك اساسا
اسماء طالعتها بحده : شقصدك ..؟!
وصلت اعصابها لاقصاها وهي تسمع ضحكــته الجهورية المتعمدة . ولأول مره تسمعها بشكل جهوري وهو يطلقها للي جمبه احمر وجهها من العصبية والغيرة : بقــــتلها !!
لمعت عيونها دموع قهر وهي تنتبه له يرميها بنظرة ويرجع يبتسم للدكتورة ... كأنه قلب الطاولة عليها وبدل تقهره قهرها !! نطقت بصوت عالي مقهور : الــــله اعلم من الرخيصين !!
تجـاهل هيثم تعليقها الطفولي وهو معطيها وضعية اللي مو موجودة : ..........................
وقف قدامهم ثنين من مسؤولين المستشفى : معليش هنا مكان نعالج فيه المرضى ... وانتو هنا تلفتون الإنتباه وتعطلون الشغل ! ياليت تطلعون عشان مانضطر نتجه للجهات الأمنية
اسماء بتجاهل : لا والله خوفتني ! وحنا شجالسين نسوي يعـــني ؟! جالسين عندكم شغل روحوا شوفو المغازل اللي بهالمستشفى الله لايعاقبنا بس ... هذا وحنا بليلة رمضان
ابتسم هيثم ابتسامه جانبية ساخرة على تعليقها الواضح : ....................
المسؤول : احترمي نفسك واحترمي كونك بنت واطلعي من هنا ... مانبي نضطر نجيب الشرطة لهنا
اسماء : اقنعني انو حنا مسوين شي غلط وقتها نقوم
المسؤول بنفاذ صبر : الظاهر الأخلاق والحياء انعدموا ... انا رايح احضر الشرطة يتفاهمون معك
ميسون : لا اخوي جزاك الله خير اصبر ... خلاص بنقوم
اسماء بتمرد : مين قال ؟! انا جالسة هنا لليل بعد واشوف وش بيسوي ؟
ارمقها المسؤول بنظرة : اوريك انـــا !
اسماء بسخرية : أي دونت كير
عض هيثم على شفاته وهو يراقب تصرفاتها الطفولية الملفته ... والكل بدا يتجمهر انتبه لشخص يطلع الجوال من جيبه ليشهد الشبكة العنكبوتية على الحادثة وقف مباشرة وهو يمشــي بخطوات سريعة ناحيتهم التفت للمسؤول : راح يخلون المكان فخل نتجنب الفوضى لو سمحت .
المسؤول : مو سامع شنو جالسات يسون !
ارمقـــها هيثم بنظرة : قومي وخمي عفشك اللحين واطلعي !
البنـات اللي انرج قلبهن من الوضع الي صار استعراضي للكل ... وقفن يرتبن الأغراض اما اسماء كانت جالسة وتطالعه بقهر سحبتها ميسون من يدها وهي تسحبها وراها غصب ... حتى طلعوا من الكافتريا : مجنونة انتي !! احسب الوضع استهبال ... لو عارفه بتسوين كل هذا كان ماطاوعتك يالخبله
اسماء تكتفت بقهر : ولا اكتفيت بعد ... قهرني قهرني قهرني , " لمعت عيونها " جالس يضحك لها وانا ...
: أسمــــــــاء !
وقفت مكانها وهي تلتفتت للعيون الرمادية الثاقبة فيها بغضب : ممكن ثانية ؟!
فهمت ميسون الوضع وانسحبت وهي تمشي بطريقها تاركتهم .... نطق هيثم بين اسنانه بغضب واضح : وش هالمهـــزلة اللي سويتيها ؟!
اسماء بقهر : اتركني لو سمحت .." عضت على شفاتها تمنع عبرتها " شوي شوي على ضحكتك مابغينا نسمعها ..
هيثم تنهـد بقلة صبر وهو مو عارف كيف يتعامل معها : اللي سويتيه قبل شوي جنـــان !!
اسماء : خل اصير مجنونة وش لقينا من الحكمة والعقل .؟
هيثم : العقل يعني تقليص النتائج السلبية بحياتك والجنون تقليص النتائج الإيجابية .. ولك حرية الإختيار
عضت على شفتها بقهر وهي تطالعه بخنقه : .............
هيثم : لو تاركك دقيقة زياده كان صرتي عبره لقلة الحيـاء والسخافة والمبزرة والانحطاط الأخلاقي
اسماء : عادي خل اصير .... مايهمني نظرة الناس لي اذا الشخص اللي تهمني نظرته يشوفني رخيصة .. فالباقي مايهم
هيثم : اجل كان مفروض اتركك تصيـــرين عبرة ...
اسماء طالعته بقوه وهي تنطق بشكل مفاجئ : الكلام اللي قلته لي من قلبك ولا عشان كنت معصب من شي ثانــي ؟!
هيثم تنهد : ماراح اقولك انه من قلبي ... ولا راح اقولك اني ماقصدت , انا فعلا ابي اقصر الوضع وجودك بحياتي صار يضايقني واذا عبرت لك عن هالشي بطريقة قاسية فأنا اسف ... وراح اجرب الطريقة المباشرة مابي اشوفك هنا بعد اليوم
اسماء توسعت عيونها وانكسرت تعابيرها وهي تنطق : .. لــ .. ليش ؟!
هيثم : لأني وضحتها لك مليون مرة ... انا مستحيل ابادلك مشاعرك فيأسي من اللحين
اسماء : وإذا ؟! مايأثر هذا الشي على اني .... " كملت بتردد " على اني احبك مو غلطتي ..
هيثم هز راسه : اللي عندي قــلته ... واذا مافهمتيه هالمرة ورجعتي ماراح اكون مسؤول عن أي شي يصير , انتبهي على نفسك
وعطــاها ظهره وهو يمشي بطــريقه صرخت اسماء بقهر : إذا هذا كلامك ليش من أول قلت لي اجي !! ليش ابعدت الخط الأحمر بينا وقلت تصرفي مثل ماتبين !! لعععبه هي ..؟! من اول قول لاتجين .....
قاطعها هيثم بنبره بارده : كنت طفشان ..
توسعت اسماء عيونها : كيف .؟!
هيثم وهو يطالعها ببرود : كنت أحس بملل بحياتي ... وانتي كنتي تسليه مناسبه لي وقت اتكدر باختصار كنت اقتل وقتي معك .. هذا كل شي
تجمعت الدموع بعيونها ونطقت بقهر : مو مسؤوليتي ... تحمل نتيجة كلامك .. مو بكيفك فجاة تقرر معد تشوفني
ومشت بانزعاج مسرعة تطــلع برا قبل يقطع اخر امــــل عندها ....
***
اثناء ماهي تمشي مسرعـة والطرحة على كتفها ... وقفت عند مقدمة الدرج وهي تنادي : مااااماااا
نزلت ام نايف وهي تطرح عبايتها على كتوفها : جيتك جيتك ... بصلتك محروقة انتي ؟!
ميهاف : ههههههههههههه شنو اول ليلة وتراويح ومتحمسة وانتي تأخرتي
ام نايف : جعله يخلف تحمسي تحمسي يالهبله ... ماوراك شي اصلن انتي ورجلك اللي ماشفته سائل عنك ولا شي
ميهاف : يا ماما وشوله هالحكي كل ساعه والثانية تقولي لي ؟!
ام نايف : لانه قليل خاتمه ... يجي اقل شي يزور او يتصل
ميهاف تنهدت : بكيفه ماما ... خل نروح نصلي , وانتبهي تقول هالكلام قدام بابا وقتها مصيبة بجد ..
ام نايف : لنا الله نسكت ونشوف وش التاليه مع هالبديران !
ميهاف : روقي بس خل نروح نصلي ثم نطلع السوبر ماركت .... من بيودينا على فكرة ؟!
ام نايف : من غيره لؤي جعلي ما أبكيه بس
ميهاف : اجل وينـه تأخر ..؟!
ام نايف : راح يوصل ثوب ابوك واغراضه له بالشركة وبيجي
ميهاف وهي ترخي جسمها : معناها مطولين ريحي اجلسي
***
في نفــس الوقت بيت أبو فراس /
ام فراس وهي تلف طرحة ياسمين على راسها : لبى بنتي اللي بتصلي معــي سنعه .." تنهدت بضيق " ياحسافتي ع اخوكم اللي مراح يستقبل رمضان معي لاتنسن تكلمنه تباركن له الشهر
ياسمين وهي تطالع اسماء المنبطحة على الكنبة بكسل وتراقب الصلاة بالحرم : ماما اسماء ماتروح معنا ؟!
ام فراس التفتت لاسماء : والله يا اسماء مب حلوه اول صلاة تراويح وتستقبلينها بالكسل كذا .. شدي الهمه وقومي يله نصلي سوا ونرجع !
اسماء بكئابة : مابي ماما .. ما أحسني بخير بجلس بالبيت
ام فراس : على هالكسل اجل كيف بتستقبلين ضيوف بكرة ؟!
اسماء : وش ضيوفه ؟
ام فراس : حشى انهبلت البنت ! مو انتي عازمة اخت ابتسام مرة نايف تجينا ! وعازمة ميهاف والبنات
اسماء بكسل اكثر : يووووووووووووووه تذكرت ... آآآآآه بلغي الدعوة مالي خلق
ام فراس : وش تلغينها عيب والله فشله ! وميهاف بتجي يعني بتجي فاصبري واستقبلي ضيوفك
اسماء وهي ماتبي تقابل غادة خصوصا عقب ماكانت متحمسة لها ... لمعت دموعها وهي تتخيل نهاية علاقتها معاه تكون كذا ؟!
نزل الدرج بخطـــوات سريعة : يله مشينــا ... " وقف وهو يلتفت لاسماء " اسوم ماراح تروحين ؟!
اسماء وهي تضم الوسادة لصدرها : لا .. بصلي بالبيت
عقد بدر حواجبه وهو يمشي ناحيتها ويتحسس راسها : تعبانه شي اسوم ؟! مو بعادتك تفوتين اول ليلة رمضان ... " كمل بمزح " ولا جايك مايجي الحريم ؟!
اسماء ضربت صدره بالوسادة بخفه : بااايخ .. لا بدوري مافيني شي بس تعبانه وبرتاح
بدر : ماحتروحي معنا السوبر ماركت ؟!
اسماء هزت راسها : ماما وياسمين يكفون ..
بدر تنهد : براحتك اجل .. مو تقولين ماوديتك بعدين وبخيل ومدري ايش
اسماء تنهدت وهي تكمل استرخاء وهي تشوف أهلها كلهم يطلعون ... دق جوالها , رفعته وهي ترد بكسل : ايه ؟!
ميسون : هلااا اسومه .. كيفك حبيبتي ؟! ومبروك عليك الشهر
اسماء : هلا فيك .. يبارك فيك
ميسون : شخبارك عقب أخر مرة .؟! من طلعت الدكتورة اللي يتضيحك معها حضرته .؟!
اسماء : حال الناس جحودين ... الشمس تحترق عشانهم وهم يتغزلون بالقمر
ميسون : لاتكدري على حالك اسومه .. ربما خير لم تنله كان شرا لو اتاك
اسماء بقهر : عارفه انا كنت مشتاقه له حيل وقت رحنا له ... ومالحقت افرح لحظة حماني ووقف الأمن ثم جاني يكلمني كنت مرة طايرة .. ثم مباشرة نكد علي بكلامه عاد اعيش كمية كره لنفسي عشان اشتقت له وقتها
ميسون : قومي حبيبتي اللحين توضي وروحي صلي التراويح ... ويحلها الف حلال ان شاء الله
اسماء : ايه ع طاري ؟ تذكرين اخته اللي قلت لك ..؟
ميسون : ايه ..؟
اسماء : تخيلي كنت عازمتها قبل تصير هالسالفة كلها ... واللحين بتجيني بكرة واحس نفسي مالي خلق نهائي
ميسون : بجججد ؟!! نفسي اشوفها عاد .. وبعدين ليش مالك خلق ؟! دام اخته الكبيرة ابتساموه ثقيلة وماعطتك وجه حطي جهدك في الصغيره يمكن هي اللي تسنعك
اسماء : بطلت احط امل في اهل جدة كلهم .. إلا اذا نفسك تشوفينها ليش ماتجين بكرة ؟!
ميسون : همممممم .. مو عارفة احس ماتعرفني ويمكن ماتنسجم و ...
اسماء : لا ماعليك اخته هذي حبوبه حيل واجتماعية تنسجم مع الكل تعالي وماعليك بننبسط ... تكفين ميسون ترا دون شي خلقي طايب تعالي وسعي صدري
ميسون : لعيـــونك والله بس .. ودي اقول للبنات بعد بس تعرفين كلهن زعلانات عليك من موقف اخر مرة
اسماء دون نفس : وعععيه قلعتهن من اليوم لبكرة يزعلن ... انا اراضي نفسي عشان اراضيهن ! احسن يوفرن بعد اهم شي انتي تعالي .. وترا ميهاف زوجة بدر بعد بتكون موجودة
ميسون : وحليلها ميهاف ما احسن منها ... هي بكبرها جو
اسماء : يله اجل اشوفك باكر حبيبتي
ميسون : اشوفك ياعسل ... ابي اشوفك مزة بكره هاه
سكرت اسماء وهي تتنـــهد ... شالسواه اللحين يا اسماء ؟! كلش صعب ومستحيل مع ذلك ليش احس اني ابغى احاول اكثر ؟! ... والله انا مرضت مرض ماله علاج بجد
***
: كيف اروح يا إبتسام وبنتي وش اسوي بها !؟
تنهدت ابتسام باحباط : معك حـــق ..
غادة : ماعليكي مني روحي انتي صلي بالمسجد قريب
ابتسام : لا دام ماحتروحي بجلس معــاك ... بصلي بالبيت وعقبها نجهز استقبال رمضان
ابتسمت غادة بحماس : مهـــــــــــــــلبية !!! بتسوينها هالسنة كمان ؟!
ابتسام : ههههههههه شيعني عشان نقلنا بيت ثاني مانسويها ؟! لا حبيبتي لازم مهلبية ولا مافيه رمضان
غادة : بس نويف اليوم ماله حس .. ماجا حتى قبل الصلاة
ابتسام هزت كتوفها : يمــكن مشغول شي .. اهم شي انتي صلي اللحين
طلعت ابتسام من غرفة غادة وهي تطالع الساعة .. اللحين وقت الصلاة .. راح يصلي ولا لا ؟! لا ان شاء الله بيروح
صعدت لغرفتها وهي تفرش سجادتها وتجهز مصحفها وتستعــد لجلسة روحانية بالعبادة مع ربهـــا
***
بعـــد الصلاة :-
دخلت أم نايف وبنتها البيت .. وام نايف تنده باستعجال : ميهاف يمه اخلصي فكي عبايتك تعالي نجهز شوي ويجتمعون اخوانك
ميهاف : جايتك ماما ثواني بس
فتحت جوالها على السريع .. ماحصلت حتى تبريك للشهر المبارك , رمت جوالها بالشنطة باحباط وهي تمشي بطريقها مستعجلة لأمها : هاه يمه امري وش اجهز ؟!
ام نايف : عطي الطباخ اوامر السحور .. وخليه يكثر احتمال نايف بعد يتسحر معنا اليوم ان شاء الله
ميهاف : ان شاء الله
عدلت ام نايف جلابيتها الفخمه .. وهي تطلع بالممر الطويل حتى تطلع من البيت وهي تمشي ناحية الحديقة بالجو الرايق .. وابو نايف وعياله مجتمعين : نويف هنا ! وانا كان بقول ماراح احصلك
نايف : ههههههههههه شلون ماتحصليني كل سنة انا عندكم هنا
لؤي : ايه بس المعرس غير
ام نايف : ايه على طاري ورا ماجبت مرتك معك ؟!
نايف : ما أدري ماطرى علي .. بعدين فرصة ثانية ان شاء الله
ابو نايف : نايف ! وينه بدر تو قالي بالمسجد بيطلع معنا عقب الصلاة ؟!
نايف : متأكد ؟! على خبري مرتبط باهله عقب الصلاة السوبر ماركت والحوسة
ابو نايف : مع اهله ؟! معناها الله يستر عليه ... لؤي صب فنجال
طلعت لهم ميهاف وفهود جمبها وهي تضم ابوها وتبوس خده بحراره : كل عام وانت بخير بابا حبيبي
ابو نايف ابتسم بحنان لدلوعته : وانتي بخير وصحة وسلامه
ميهاف : يسلمك يابعد عمري
ام نايف : اهم شي بهالشهر ماتضيعونه لعب ودجه ... لا اهم شي العبــادة استغلوه
ابو نايف : ترجين شي من هالجيل الفاضي ؟! زين فيهم يجون يصلون بالمسجد مو بالبيت
نايف : اللحين حنا جيل فاضي ؟ اللي يسمعك يا أبو نايف مب قايل انك بشبابك تقعد ساعتين تسمع اغنية ام كلثوم
ميهاف : ههههههههههههههههههههههههه هههههههههههه !! شفيك نيوف يسمعها ويفكر بالمزه امي
ابو نايف : ساعتين اجل .؟! مركز في حياتي اكثر مني ... ولا اسمع هالحكي منك انت بالذات عجزت ابيك تشتغل وبالاخير اشتغلت شهرين وبطلت
نايف : والله يا يبه انت املك فيني كبير ما شاء الله ... كم عمري اللحين فوق ال 30 سنه مايأست مني للحين ؟
ابو نايف هز راسه : الله يهديك بس .. والله مو حلوه تقال بحقك انت عطالي وزوجتك تشتغل
نايف : دامني انا اللي اصرف مافرقت مين يشتغل ..." التفت لفهود يصرف السالفة " هاه فهود بتصوم بكرة ؟
ام نايف : ميهاف حبيبتي انتي بكرة مواعدة ام فراس تفطرين معها صح .؟
ميهاف دون نفس : ما اتوقع اني بروح .. بعتذر بالغالب
ابو نايف : وليش تعتذرين ؟! بيت اهل رجلك ولهم حق روحي اجلسي معهم وافطري مو تقطعين فيهم
ميهاف : راح اروح يبه بس مو باكر .. اول يوم ابي اجلس معاكم وبعدين كلش مالي خلق
نايف : والله حالتك انتي ورجلك مريضه .. تنخطبون ولا احسكم مخطوبين تتزوجون ولا احسكم متزوجين ! عايشين العزوبية حتى الحين
ميهاف : اقول اكرمني بسكوتك اوك ؟! تراك فاشل بهالمواضيع لا اذكرك بتجاربك .؟ وبعدين نحتري البيت يخلص وننقل .. لا اكون جالسة ع راسك بس ؟
نايف : لا تطيرين فيني ي سساتر .. ! استفسر بشكل طبيعي لأن بدر من اساله شي يقول مدري
ميهاف بسخرية : واذا هو مايدري انا للي بدري ؟!
ام نايف : بس انت وياها ... هاو ؟! محد فاشل فيكم الله يوفقكم كلكم مع اللي ترضونهم ان شاء الله
نايف طالع الساعة : يله انا سلمت عليكم ماشي .. تامرون شي ؟!
ام نايف : وين اجلس تسحر معنا ؟!
نايف : لا يمممه مافيني حيل من امس صاحي ترا ... برجع انااام تعبان
ام نايف : الله معك اجل .. شرايك تفطرون معنا بكرة اجل ؟!
نايف وهو طالع : ما أدري ماظنيت لاتنتظرونا
***
إبتسـام :-
بعد ما انتهت من صـلاتها وتحضير " المهلبية" توجهت مباشرة تبدل لحاجة نظيفة بعد حوسة المطبخ /
رشت عطر خفيف ناعم .. ونزلت مباشرة للمطبخ وهي تاخذ الصينية
وتتوجه لغرفة غادة : المهلبيـــة صارت جاهزة ياحلوة !!
غادة : انتظري البس رنومة واجي
ابتسمت ابتسام وهي تطالع رنيم : اذا جبت ولد ترا بزوجها اياه من اللحين
غادة كشرت : وععع معد الا ولد نايف نزوجه ! لاتحلمي حتى ... وبعدين اكبر منه !
ابتسام : ياربحها والله وياسعد عينها اللي بتاخذ ولد نايف اللي مو عاجبك
غادة : هذاك قلتيها ما اعجبني مابي بنتي تاخذ ولده
ابتسام رجعت مكانها وهي تاخذ صحنها تاكل فيه : اقول كش بس انتو الخسرانين وش علي منكم ! ان حصلت بنتك ولا مليون مزة تفدا عيونه
غادة : والله انا راحمتك ... اتذكر بس لحظات الوحام والحمل وعع الله يعينك
ابتسام : هههههه ليش البزران ببلاش كذا ؟!
غادة بعد ماخلصت اخذت رنيم وجلستها جمبها وهي تذوقها المهلبية : فدييييييتها ياناس !
ابتسام : بتودينها معاك بكرة لبيت اسماء ؟
غادة : مما أدري .. ودي اخذها بس ماراح استانس وهي معي
ابتسام : اتركيها عندي اجل ..
غادة : ماحتروحي مععععاي ؟!
ابتسام : لا مالي دعوه عزيمتك وكلش مالي خلق بجلس .. روحي انتي وانا بمسك بنتك لين ترجعين
غادة : لا باخذها معاي خذي راحتك انتي ونايف اطلعوا مكان او شي ..
ابتسام : يابنت الحلال انا ونايف فين والطلعه فين .. اتركيها تسليني بس
غادة : متأكدة ماحتزعجك ؟!
ابتسام وهي تبوس خد رنيم : هالحلوه تزعجني ؟! حراام عليك
غادة : معناها هي فداك بكره هالحلـــوه
إبتسام رفعت عيونها للساعة .. تشير لوحده ونص تنهدت : تأخر الوقت .. انا بطلع انام ارتاحي ونومي رنيم مو حلو تصحى لهالحزة
غادة : إبتســام .. فيك حاجة ؟! كانك ضايقة ؟
ابتسام ابتسمت ابتسامة صفراء : لا مافيني شي .. بس دايخة شوي , تصبحي على خير
غادة : وانتي من اهله
طلعـت وهي تتوجه للباب الرسمي .. لتطل على الحديقة تحس بضيقة محتاجة تشم هواء وتروح عن نفسها , استرخت على الأرجوحة المزينة بالورد وهي تطلع جوالها من جيبها .. الشاشة مفتوحه على اسمه في حرب تردد تدق ولا لا .؟! بس انتي الغلطانة يعني مفروض تدقين .. بس ماغلطت كثير مو كمان الحق عليه ..
وقفت وهي تقطع تفكيرها .. دامه لهالساعة ماجا معناها بكيفه .. اروح انام احسن لي , قطع تفكيرها صوت فتح الباب ودخـوله .. وقف لفترة وهو يطالعها ثم نطق بهدوء : مساء الخير
نزلت ابتسام عيونها : مساء الخير .؟! صباح النور قصدك
نايف : حقك علي .. صباح الخير , مانمتي للحين ؟
ابتسام : ماجاني نوم .
نايف : اهــا ..
ابتسام : اجهز لك حاجة تاكلها .؟!
نايف تنهد : لا تو جيت من اهلي وشبعان يعطيك العافية
ابتسام هزت راسها : فهمت .. ممكن اكلمك شوي طيب ؟
مشى نايف حتى جلس بالكرسي الخوص : ايوه تعالي
جلست ابتسام وهي تشابك يدينها بوسط حضنها : اولا مبروك عليك الشهر ..
نايف : علينا وعليك
ابتسام : وبالنسبة لليوم ... انا اسفة عارفة انك ماغلطت ومو قصدك تجرحني او غيره , واسفة لأنك اخر واحد عرف بحملي ... فعلا ماكان قصدي واتمنى تقبل اعتذاري
ابتسم ابتسامة خفيفة : ههههههه خطاب هذا مو اعتذار .؟
ابتسام طالعته : اتكلم من جدي ..
نايف تنهد : اللي محيرني اليوم .. اني بعد ماطلعت من مكتبك وجلست افكر مامر شهر من بعد زواجنا جلسنا طبيعيين فيه .. كل شهر طالعه لنا مشكلة صرت اخاف اذا تراضينا من المشكلة الجاية ايش راح تكون .؟!
ابتسام ابتسمت : عادي مافي احلى من شعور شخصين يتحملون بعض بكل الظروف .. وحتى لو بينهم مشاكل قد الدنيا م يتركون أي حاجة تبعدهم عن بعض ويستمرون لأنه ولا واحد منهم قادر يستغني عن الثاني او يكمل حياته بدونه .. وبعدين ياحبيبي العلاقات مو كلها فرح لازم يكون فيه لحظة عتب لحظة زعل ولحظة نوصل للرحيل بس بلحظة يقتلنا الشوق نرجع ونبدا من جديد ... مو ؟!
نايف وهو يتأملها : حسافة ماسجلت هالحكي كله .. بجد ابتسام .؟! دون يكون اللي بينا رابط زواج وملزومين ببعض .. ماتقدري تكملي حياتك دوني ؟
ابتسام : مافيه انسان مرتبطة حياته بشخص .. بشكل غريزي أي شخص قادر يكمل حياته لحاله " كملت بهم " هذا انا كملت حياتي دون ابوي الله يرحمه
نايف : الله يرحمه ... ماقلتيلي كيف توفى ابوك ؟
تنهدت ابتسام : سرطان .. كان تعبان طول حياته واخر شي مات بسرطان
نايف : الله يرحــمه ... وامك ؟
ابتسام عضت على شفتها .. بلعت ريقها وهي تنطق بهم : انحاشت ... بعد ماولدت غادة اختي رمتها علينا وراحت
انكتم نايف وهو يسمع بمعلومات مهمه عنها اول مره يعرفها بحياته .. يعني معقولة مافكر بهالموضوع لما ما قابلها ..: كنتي صغيره وقتها
ابتسام : ايه بس عادي .. الحياه تمشي
نايف ظل يتأملها وهو يستوعب قوتها هذي اكتسبتها من طريقة حياتها : إبتســـام
ابتسام : لبيك
نايف وهو يتأملها بعيون ناعسة : تصدقين اول ماتزوجنا ماكنت اشوف فيك شي مميز .. نهائي , بس اللي مو فاهمه ليش فجاه صرتي احلى شخص بعيني .. تعويذه ؟!
وردت خدودها وهي تبعد خصلها من شعرها ورا اذنها : ..........
نايف بحالمية : انا حبيتك ابتسام ... مو عارف كيف ومتى وشلون ؟! كل اللي اعرفه اني صحيت بيوم ادور تفاصيلك بيومي .. وانبهت باللحظة اللي اقابلك فيها ... واللحين وانتي شايله ولدي .. " كمل بحيره " مو عارف شاقول احترت فيك .. احترت كيف اقولك كيف افهمك .. بس انا بجد حبيتك
توسعت عيـونها بدهشه وهي مو مستوعبة الكلمة اللي نطقها .. : .............
نايف : قولي شي .. ترا حرب نفسيه لين قلت لك هالكلام كله ..
ابتسام وهي تكبس بعيونها : مو عارفه فاجأتني ... " بلعت ريقها " يعني انت زوجي طبيعي اني احبك
نايف ضيق عيونه : انا اجلس اقولك هالحكي كله وانتي تقولي زوجي طبيعي احبك ؟!!! محسستني غصب ! تخيليني مو زوجك طيب .. بتحبيني ؟
ابتسام بربكة : شـنو فاجأتني بهالكلام كله ... مو عارفه شلون ارد
حدق فيها للحظات ثم رمى بجسمه على الكرسي وهو يغطي عيونه ويكلم نفسه : طاح حظك يانايف .. تحب وحده مو يمك
ابتسام بربكة : مو كـــذا .. قلت لك " كملت بصوت اخفت " احبك .. بس ماتوقعت انك تشوفني كذا
نايف نزل يده من عيونه وهو يطالعها : ليش تقولينها وانتي خايفة كذا .؟! كانك تكذبين كذبه لازم تكذبينها .؟
ابتسام : صدقني مو كذبه ..
نايف : ومو حقيقة ؟!
ابتسام تنهدت : امـــبلا .. حقيقة بس صدقني فاجأتني هذا كل شي
نايف : وليش فاجأتك ..؟ انتي تنحبين ابتسام غصب عن الكل
ابتسام : هههه بعيونك بس
نايف بابتسامة رايقة : وعيـوني ماتكفيك ؟!
ابتسام وهي توقف : تكفيني وزود كمان
نايف مسك يدها : وين وين ؟
ابتسام : الوقت متاخر بروح اجهز السحـــور
نايف افلت يدها : اهــا .. اجل انا بصعد ارتاح على مايجهز
ابتسام وهي تطالع يده : يدك باردة ..؟ تعبان اعطيك دواء ؟
نايف : ايه تعبان بس انا ماينفع معي الا الادوية الطبيعية
ابتسام عقدت حواجبها : طبيعية كيف ؟
نايف وهو يدور بعيونه بالمكان ويقرب منها ويحاوطها من خصرها : يعني زي تحويل بنكي من ابوي وسوالف ربعي .. " طالعها " وضحكة وحده هنا .. " غمز لها " او بوسة .؟!
ابتسام وهي تعطيه ظهرها وتمشي لداخل : والله انا الغلطانة اللي جالسة خفت ع بالي تعبان جد
نايف : هههههههههه يابخيلة ضحكة ماحتقتلك
تجاهلته وهي تدخل .. بينما ابتسم هو ابتسامة عريضة صار مزاجه مربوط فيها اذا هي راضية هو مبسوط .. واذا زعلانه هو مقرود ..
***
صحــى بدر من النوم .. وهو يطالع الساعة 4 حكم ! جلس بكسل وهو يضغط على جبينه : كل هذا نوم .؟!
سحب جواله يطالع الإتصالات .. بس مافيه اتصال منها سكر جواله وهو ينهض مباشرة ويبذر ساعه بكشخته .. سحب جواله ومحفظته وهو ينزل الدرج .. استقبلته امه : صح النوم .. كل هذا نوم وين عبادة رمضان .؟!
بدر وهو يفرك عيونه : مانمت الا تسع صبح كيف بصحى يعني ؟
ام فراس : اشوفك لابس وين .؟!
بدر : معــزوم على الفطور لاتحسبو حسابي
ام فراس : كيف معزوم .؟! اجلس ميهاف بتجي اليوم حتى
بدر عقد حواجبه : بتجي اليوم .؟!
ام فراس تنهدت : ماعطتك خبر .؟! وش سالفتك انت وياها !
بدر : مافيه شي .. بس ماحصل موضوع بينا انها بتجي اليوم
ام فراس : انا عازمتها وقالت بتجي
بدر : واذا .؟ انا معزوم مقدر اجلس ... بعدين اشوفها , يله مع السلامة
تنهدت ام فراس بيأس من حالتهم . . مسكت درابزين الدرج وهي تصعد حتى وصلت غرفة اسماء .. استقبلتها الفوضى بالمــكان بشكل جنوني نطقت بعصبية : اسماء ووجع !! استغفر الله اللهم اني صايمه ... وش هالسرير العالم سريرهم للنوم بس وانتي سريرك صالة ومطعم ومنتجع ما شاء الله عليك ماخليتي ولا بقيتي
اسماء اللي كانت مسكره على نفسها بغرفة الملابس : شوي ماما بلبس وبجيك .. وغمضي عيونك ماحصل لي فرصة ارتب
هزت ام فراس راسها : اعجلي الساعة 4 مابقى شي على مايجون ضيوفك
طلعت اسماء: خلصت خلصت
رشت عطرها وهي تلتفت لامها : شفيك يمه ؟!
ام فراس تنهدت : بدر وميهاف .. انا ماني متطمنة لوضعهم
اسماء : تبغي تنصدمي بعد .؟! تو كلمتني تقول ماحتجي
ام فراس بتفاجأ : ليشش ؟!
اسماء : ما أدري .. ع قولتك شوفي شصاير
ام فراس : الله يعين والله هالولد بيجلطني المشكلة بارد لاقلت وش صاير قال ماصاير شي ! ومطنش البنت والله لو يحس عمك لتصير سالفة
اسماء : المهم اللحين الشغالات جهزوا كلش ؟!
ام فراس : ايه بس من بيجي بالضبط ؟!
اسماء : عزمت بنات عمتي ولا ادري بيجون ولا لا .. وعزمت ميسون صديقتي وميهاف ولا راح تجي ! خلاص بس كذا
ام فراس : ابروح اعطيها خبر هجل تحط لهن اماكن
اسماء : لا ارتاحي ماما انا بنزل خلاص
اثناء ماهي تنساب على درجات السلم بسرعة دق جوالها .. وقفت وهي تطلعه من جيبها وترد : هلا ميسو
ميسون : افتحي الباب يالفالحة انا جيت
اسماء : كان طقيتي الجرس وبنفتح لزوم تلفون وحوسه
ميسون : اقول افتحي قبل اسحب عليك
اسماء : هههههههههههههه جايتك يله
***
غــــادة دخلت عليها ابتسام : يوه غدو ليش لابسه هذا الفستان احلى !
غادة بقهر وهي ترسم روجها : بركات اخوك جعله يسلم مقدر البس على راحتي ..
ابتسام تنهدت بضيق : للحين ماراحت اثارها .؟!
غادة بتغيير للموضوع : رنومه وينها برا ؟!
ابتسام : ايه اطلعي دون تشوفك ولا بتسوي سالفة
غادة : السواق جاهز ؟!
ابتسام : ايه " مدت لها كيسة بشكل ناعم " خذي هالكيسة دخليها معاك مو حلوة تدخلين دون شي
غادة وهي تفتح الكيسة وتشوف صحت الحلويات المرتب : اوه شكرا حبيبتي .. مدري شكنت بسوي دونك !
ابتسام : لا تسوي شي روحي استانسي وانا وقتها مبسوطة
لبست عبايتها وباستها بخدها وهي تطلع بطريقها : احبببببك والله
طلعت ابتسام وهي تراقبها لحد ماطلعت للسواق .. رجعت تدخل للمطبخ تكمل تجهيز الفطور اثناء شغلها سمعت صوته يناديها من بعيــد : إبتســــــااام
عقدت حواجبها : نايف موجود ؟! " علت صوتها ترد عليه " لبيييـــه
نايف : بســرعة تعالي
طلعت من المطبخ وهي محتارة وين موقعه بالضبط : ..............فيـــنك انت ؟!
: فـــوق تعالي
صعدت وهي تلتفت لغرفة جانبية .. سكرتها لأنها زايدة ومالها حاجة عقدت حواجبها وهي تدخل : شتسوي هنا ؟!
كان واقف وحالته مبهذله شوي .. وكل اثاث الغرفة البسيط مطلعه برا وورق الحائط ممزقه والغرفة حالتها فوضى وهو بنصها مكفح كممته وواضح باذل جهد : شرايك ؟!
ابتسام : وش الحرب اللي صايره هنا ..؟!!!! ليش خربت الغرفة !!!
نايف ابتسم : قررت هذي غرفة البيبي خلاص .. قريبة من غرفتنا ومناسبة
ابتسام كبست عيونها وهي مو مستوعبة : ........... مجنون إنتا ؟!
نايف عقد حواجبه : شدعـــوه .؟ الغرفة فاضية وبس جلسة على الفاضي ومحد يجيها خل نجهزها من اللحين
ابتسام وهي منصدمة من وضع المكان : انت مستوعب ان قدامنا 9 شهور ! يعني الغرفة خربتها على الفاضي
نايف وهو يطالع الجدار بتفكير : انا اقول نصبغه ابيض .؟! عشان يناسب البنت والولد عادي
ابتسام : تسمعني انت ؟!
نايف سحبها من يدها حتى صارت قدامه وحضنها من ورا : ياكثر حكيك بس
حضن يدها بيده وهو يدور بها الغرفة وياشر : هنا نحط السرير ... والخزانة هناك واذا توأم نحط السرير الثاني هنا ونحط هناك زاوية يلعبون فيها
ابتسام باستسلام : لا ماحنحط العابهن هنا يحوسوها .. اساسا بدري عليهم يجي عندهم العاب
نايف وهو ينحني حتى يصير وجهه جمب وجهها ويده اللي حاضنه يدها يمسح بها على بطنها : هههه للحين مو مبين
ابتسمت : مصيره يبــين
نايف : ترا اذا ولد اسمه ريان واذا بنت رنا
ابتسام : لا عيب اذا ولد عبدالرحمن ان شاء الله
نايف : اقول ماسميت يزيد عبدالرحمن اسمي اللحين .. خلاص راحت عليه ابوي يحتري لؤي بالسلامة يسمي عبدالرحمن
ابتسام : هممممم معناها مشعل ان شاء الله
كشر نايف : نعععم ؟!
ابتسام : شنو اسم بابا الله يرحمه
نايف : الله يرحمه يارب .. بس مافيه مشعل لاتفكرين حتى
ابتسام : اففففففففف كلش مايعجبك ... خلاص ان شاء الله مروان
نايف : ليش اقتراحاتك اسماء عيال .. انا ابي بنت
ابتسام : وهو بيدي .؟! اللي يجي من الله حياه الله
نايف : اشوفك ميته يجي ولد ..تفكيرك حتى يم اسمائهم
ابتسام : همممم اذا بنت اجل نوره
نايف : رنا احلى !
ابتسام شهقت وهي تشوف الساعه : يـــــوه تاخرت ... الفطور تركته " انسحبت من حضنه " اخرتني الله يصلحك
بلحظه شافت نفسها بين يديه : انا اوديك المطبخ !
ابتسام : ياروقك يانايف تاخرت بجد
نايف وهو يمشي : خل يتأخر انا اللي بوديك يعني انا
ابتسام : ورنيـــم تركتها !! بتذبحني غادة اعجل اعجل
نايف نزلها مباشرة : يووه استرينا في غادة الله يسترك .. كلش الا بنتها تشب فينا اللحين
***
غـادة .. فور وصولها وقفت لفترة قبل تضرب الجرس .. بلعت ريقها وهي تحاول تستوعب انها تدخل بيته ! راح يكون موجود ولا .؟! ضربت الجرس مباشرة عشان تقطع ربكتها ... دخلت واسماء تستقبلها بسلام حار : هلااا والله .. اسفرت وانورت
غادة : تسلمين والله
اسماء : بدري ياحلوه الكل جا الا انتي .. ولحظة ! فين بنتك ؟!
غادة : ههههه تخيلي اجيبها ؟! مستحيل بتزعجني
اسماء : يوووه حرام عليك والله متشوقه اشوفها !
غادة : ياحبيبتي انا اشتري راحة راسي .. ماراح اجلس نص ساعة على بعضها لو هي معي
اسماء : اوريك مرة ثانية تجين دونها ماحتدخلين والله
غادة : ميــن موجود ؟!
اسماء : تفضلي من هنا .. هممم بنات عمتي وداد وسجى وصديقتي ميسون
غادة : ميهاف مو فيه .؟!
اسماء : والله عازمتها بس اعتذرت شكلها مشغولة مدري شعندها
وقفت غادة عند الركن المخصص للعبايات وهي تنزع عبايتها وتعدل شكلها .. وقبل تتوجه للبنات طلعت جوالها وهي تدق على ابتسام : هلا غدو .؟! " جاها صوت نايف من بعيد " وش تبي ذي اللحين .؟!
غادة : قولي له ينطم .. ذي لها اسم ! المهم شخبار رنيم ساكنه عادي ؟!
ابتسام : داقه تسألين عن رنيم ! منتب واثقة فيني يعني !؟
غادة : لا بس اخاف تزعجك ولا..
ابتسام : اقول اشغلتيني بس .. روحي افطري وانبسطي وبنتك مافقدتك حتى هذي هي مع نايف يتابعون التلفزيون
غادة : ههههههه اوك تمام .. يله
ابتسام : باي
سكرت السماعة .. وهي تدخل لجلسة البنات واستقبلتها وداد وسجى بالسلام .. ثم وقفت عند ميسون : هممم انتي اول مرة اشوفك
اسماء : هههههههه هذي ميسون صديقتني من سنة الحطبة
ميسون : حطبة اللي تصكك
غادة : هههههههههه هلا والله ميسون تشرفنا
ميسون : تسلمي ياعمري .. وكيفك ان شاء الله تمام .؟!
اسماء : تفضلوا ارتاحوا بنات مابقى الا خمس دقايق على الآذان
وداد : اقول اسماء وين امك .؟! معها احد يفطر معها ولا ناديها
اسماء : لا والله .. فراس مسافر وبدر مفطر بس تقول بفطر مع انس وياسمين فخليتها براحتها
غادة حست براحة عميقة لما عرفت انه مسافر .. لو تسمع صوته بس لو بالغلط ماتدري وش ممكن يصير : . ..
سجى : وميهاف وراها ماجات .؟! هذا وهي مرة ولدكم تتغلى !
اسماء : شايفتني ميهاف .؟! لاشفتيها اساليها العالم ينشغلون يجيهم ظروف شيعرفنا حنا
وداد : ما شاء الله الالسنة ذاه طولها .. اصبرن يأذن طيب
ميسون : ههههههههههههههه من جد
***
فـراس ../
: أيــه وايش قالك .؟!
لؤي : ماله حق يقول شي بعد .. هالفترة صاير له عبد
فراس : الخلاصة .؟! وافق ؟
لؤي : يقول ان شاء الله خير .. فانا اتفائل خير
فراس بضيق : مسرع كذا بيخليك تروح ... راح الزعل كله .؟!
لؤي : شفيك كانه ما اعجبك انه رضى يرجع لي جوازي
فراس بهدوء : لا ... بس انت وين ناوي تروح .؟!
لؤي : الكويت ابي اتأكد انها مو فيه .. واذا ماحصلتها بروح لأمريكا بلدتها اكيد بلقاها هناك ؟
فراس : .....اهــا
لؤي : انت بترجع اليـوم ؟!
فراس : ايه ان شاء الله طيارتي الليلة
لؤي : اجل خل نتسحر سوا ان شاء الله .. توصل بالسلامة
فراس : اشوفك
سكـر السماعة وهو يخلل يده بشعره الفحمي .. خلاص قريب بيعرف وينها ولا راح يلقى فايدة من كل هاللي سواه
***
ميسون ماسكه بطنها وتضحك بشدة : ههههههههههههههههههههههههه ههههههههههههههههههههههههه هههه غبيييييية المشكلة هي اللي مجربته وشاريه فجأة راحت تشكيهم عشان ماطلع قوسها
غادة : ههههههههههههههه غبية بجد ايش ذنبهم انك سمنتي !
اسماء بقهر : والله والله يابنات انو مو نفس المكان اللي جربه هم محتالين علي
وداد : ههههههههههههههههههههههههه للحين مصره محتالين !!
اسماء : احسن بعد عمركم ماصدقتوا
ميسون : صعب الواحد يصدق كل هالغباء يختي
اسماء : أي دونت كير يقولك اذا ماقدرت تبهر الناس بذكائك اجلطهم بغبائك
غادة : جلطتينا وبس ههههههههههههه
سجى : هههههههههههههه بعيد عن المصخرة اسوم ... يقولون غيرتي غرفتك عن اخر مره
اسماء : ايه سوينا دوره على كل غرف نومنا وغيرناها ... ودي اوريكم والله بس حويسة ماراح تشوفون شي
سجى : مو مشكلة نشوف غرف اهلك اجل .. عاد ابي اغير غرفتي ومحتاجه افكار
غادة ( كويس مايحتاج احتال ع غرفته يعني ) :......................
اسماء : يله قوموا خل ناخذ دورة ... نهضم شوي عقب كل هالأكل ماقصرنا
مشوا بطريقهم للدور العـلوي .. دخلت لغرفة ياسمين الستــايل الطفولي بألوان البينك والموف ..
غادة : ياحياتي البنوتات
اسماء : يووووه عاد ياسمين بزيادة هالبنت .. كلش بحياتها وردي
وداد : ههههههههههههه ياحليلها والله
اسماء : عاد انا غرفتها ما اعجبتني ابدا ونهائيا مدري شتحس به
سجى : لأن مافيك انوثة يالصدعه
اسماء : وااااو الأنوثة محشوره على البنكي بس ... اقول قدامي مشينا غرفة انس
كانت غادة تتأمل الممر المـزين بصـورهم على الحائط .. وغرفهم على مدار الممر هذي هي صورته برأس الممر بهيبته بالثوب والغترة .. تحس انه يطالعها بنظراته الثاقبه كعادته ويهدد فيها لأن وطت على مكانه
وقفت اسماء بحماس قدام غرفة وهي تشرح : هذي غرفة الحب والخفوق .. واحلى غرفة بهالبيت بصراحة حياكم الله غرفة السوبر ستار بدر
ميسون : هههههههههههههههههههه الحب والخفوق حشى ! افتحي بس خل نشوف غرفة النجم بدر ونصور كم صوره نهدده بها ولا ناخذ بعض قشه نبيعه نتربح
اسماء : ليش متروكه لك هي انا موجودة حبيبتي !
ميسون وهي تقتحم الغرفة : أقول طيري انتي
دخلت غادة وهي تتأمل بهدوء .. ومجرد تنتظر دور غرفته هو , اما في غرفة بدر كانت تصف مصطلح واحد " الفشـــخرة " .... صورته العملاقه فوق سريرة .. عطوراته بكميات هائلة مرتبـــة والرائحة الرجولية كاسية المكان وماكانت غرفة جنـــاح كامل بجلسة تلفزيون مصممه خصيص له ..
سجى : ياعيني ياعيني وش كل هذا عرين مو جناح
اسماء : ايه حبيبتي هذا بدوري مو حي الله
وداد : حرام والله يخلي هالغرفة وش بتسوون بها بجد .؟ عاد تو مأثثينها جديدة يعني
اسماء هزت كتوفها : يقول تجلس لي لحد يحرك فيها شي
ميسون : بكيفه هو اعرس خلاص ماله مكان هنا ... شيلوها وبجيب غرفتي انا اسكن عندكم
وداد : ههههههههههههههههههه تبنوها خلاص
اسماء : يله مشــينا نطلع
طلعوا البنات ووقفن فجاة وهن يشوفن اسماء تنزل : وين وين وين ؟! باقي غرفة
اسماء عقدت حواجبها : منو ؟!
ميسون : فراااس حبيبتي اهم واحد هذا افتحي غرفته نشوفها
اسماء بسخرية : هههههههههههههههههه تبون فراس يخلي غرفته مفتوحه ؟!!
كبست سجى بعيونها : اما عاد .. جالسين نشوف هالغرف كلها واخرها غرفته مافيه
اسماء حاست بفمها : بجرب افتحها مع اني اقولكم ماعمره تركها مفتوحه ... يقفلها حتى وهو بالرياض كيف وهو مسافر
مشت ناحية الباب وحاولت فتحه ما انفتح : شفتوا قلت لكم ! مايتركها نهائي
ميسون حاست بفمها : ياشششين الدلع ! بناكلها يعني
غادة وقفت بقهر يعني مافيه امكانية .. لما توجهوا بنات لتحت ابتسمت : اسبقوني انا بكلم ابتسام اتطمن ع رنيم وجاية
مجرد مانزلوا وتأكدت المكان فاضي .. طلعت من جيب بنطالها ورقة ودخلتها من فتحة باب غرفته وركضت مباشرة لتحت تحسه يراقبها خصوصا وصورته معلقة قدامها ...
***
النـــداء لرحلة الريــاض ... الرجاء من جميع المسافرين الصعـود على متن الطائرة .. نكرر الرجاء على جميع المسافرين الصعود على متن الطائرة
وقف وهو يمشي ناحية الطيارة .. دق جواله رسالة .. فتحه على السريع قبل يركب كانت من رقم اجنبي غريب فتح محتوى الرسالة .. كانت عبارة عن صورة لطفل حديث الولادة ومرفقه بتعليق
"بنت وصحتها كامله .. طلبت مني اعطيك خبر ..
وكمان احتاج اتفاهم منك على اجراءات الطلاق مع لؤي كيف اقدر اتواصل معه .. عشان احتاج كرت خاص فيني ارفق فيه بنتي واحطها باسمي "
دارت فيه الدنيـــا وهو يفتح عيونه بوسعها !!! سكر الرسالة مباشرة وهو يتراجع عن طريقه : الو !! مصعب احجز لي سفرة مرتبة لامريكا باقرب فرصة ... ايه اللحين !
Like
موضى و راكان