الفصل 19
ضحك راكان وقال : عاد إذا طافت السنه الأولى .. نقرر للسنه الثانيه .. إذا كان الوضع عاجبني نكمل حياتنا من غير بزارين ..
ناظرته مصدومه ..
كمل : بـ الله عليك شـ الفايدهـ منهم .. إحنا متزوجين عشانا نحب بعض .. ليش نجيبهم وننكد على عمرنا وننشغل عن بعض .. ياشيخه مايطفش الزوج إلا الأولاد ..
وسن وإهي مصدومه وقامت عن حضنه : يعني ماتبي أولاد كلش ..!!
ناظرها كيف مصدومه وتجنن قال : شـ آبي فيهم .. أـنا وإنتي نشيل بعضنا ومانحتاج لـ أولاد كلش ..
وسن ناظرته شوي .. قال : إنتي تبين ؟
وسن : وإذذا آبي كيف اجيب وإنت ماتبي ..
ضحك من قلب وحضنها له وقال : أـنا متشوق لإنهم منك .. إنتي أمهم هذا إللي ذابحني .. لكن مو ذا الحين . . بعد السنه نشوف إذا نمدد فترة الوناسه وإلا نجيب لنا إزعاج ..
ضحكت وإهي فـ حضنه وقالت : كنت أقول الولد هذذا فيه شيء مو طبيعي ..
ضحك وقال : والله مو طبيعي بسببك ياروحي إنتي .. { بعدها وناظرها كلها .. كيف قميص النوم عليها وخفيف مرهـ وشكله روعه عليها وشعرها ووجهها وخدودها إللي متلونه من الحيا } مو طبيعي إذا تركتك كذا ..
وسن قامت عنه بسرعه وإهي تضحك بحيا ..
قام وراها وقبل لا تطلع من الغرفه م***ا بسرعه وقال واهو مقربها منه ممرهـ ويغمز : طريقنا هنا ... { وأشر على السرير } تمسكت فيه وغطت وجهها بصدرهـ .. ضحك عليها وقال : عادي ياروح راكان .. أشيلك وأنزلك للسرير .. مامداها ترفع راسها عشان تعترض وكانت بين إيدينه وإهي مغطيه وجهها بـ إيدينها ..
قال واهو ينزلها على السرير : بعدي إيدينك وإلا صار شيء أكبر ..
وسن تتكلم من تحت إيدينها والحيا ذابحها : شـ بيصير أكبر من كذا ..!
راكان : وسن بعدي إيدينك ..
وسن فرقت اصابيعها عن عيونها وقالت : هذاني أشوفك ..
راكان : ههههههههههههههههههههههههه هههههههههههههه .. كل الوجه ..
وسن بعدت إيد وحدهـ وباقي إيدها الثانيه .. وقالت : هذي بس عشانك ..
راكان : كريمه إسم الله عليك ..
ضحكت وبضحكتها بعد إيدها اهو بـ نفسه وقال : يلا ..
وسن وإهي تناظر بعد ماجلست بجبنه على السرير : شنو ؟؟
راكان ناظرها بخبث ..
وسن تلونت من جد وقالت : لا ركووووووني ..
راكان : ويلي وفيها ركوني بعد .. ~_^
بعد أسبوع رجع أبو خالد مع جوهرهـ ووليد بعد ماجلس بـ مكه أسبوع .. وكانت جمعتهم فـ بيت أبو تركي الحريم والشباب والبنات وبس .. لإنو الرياجيل وعلى راسهم أبو سعد معزومين على عشاء والشباب ماحبوا يروحون .. وأم تركي جمعتهم كلهم عندها ..
الماسه وإهي تقوم وقالت : حاتم أبوي تعال ..
الشباب الحريم صارخوا ..
أم سعود وإهي تغمز : شـ ناويه عليه بعد حمد وبدر وعزام ..!!
الماسه : ههههههههههههه .. ولا شيء .. ومشت ومشى معاها حاتم .. وبعد ربع ساعه رجعت الماسه وحاتم مارجع ..
خالد : وين أخوي .. شـ سويتي فيه إعترفي ..
الماسه : ههههههههههههههههههههه .. خطفته ..
ضحكوا ..
سولفوا شوي والماسه كانت قلقانه .. وبعد نص ساعه بـ الضبط رجع حاتم .. ناظرته الماسه .. قال واهو موصل حدهـ : خلاص .. كل شيء إنتهى ..
الماسه بخوف : أكيد ..!!
حاتم يحاول يضبط نفسه : أـفأ عليك توقف عند حدهـ وإذا فيه ذرة رجوله بعد إللي صار يعيد إللي سواهـ ..
الماسه بـ إرتياح : الله يريحك مثل ماريحتني ..
أم تركي : شـ الخطط إللي من ورانا ..!!
الماسه تسأل حاتم بـ تردد : طلع نفسه ؟؟
حاتم : هو ماغيرهـ .. لكن خلاص بيتوب بعد هذا ..
أم سعود : شـ السالفه ..
سكتت الماسه شوي ثم قالت : أقول بس الخبر مايوصل لـ اي بنت من بناتي .. حتى بناتكم إذا وصل لهم أكيد بيوصلون الخبر لـ بناتي ..
إنشدوا لـ كلامها ..
كلهم : أكيد ..
الماسه : تذكرون عامر الـ (ــ) !!
الحريم كلهم : قِـطع ..
الشباب : نعرفه من بعيد لـ بعيد .. لكن مايدرون عن سبب كرهـ الحريم له ..
العنود : شـ عندك جايبه طاريه ؟؟
الماسه : بـ أقول المووضوع كله .. قبل لما كنت على سن زواج .. كانت غيوض ما صار لها شهرين متزوجه .. والعنود تجهز لـ زواجها وكان بعد اسبوعين من السالفه إللي صارت .. المهم .. تقدم لي واحد عمرهـ بـ نهاية الـ 30 .. وأبوي رفض .. أبو خالد كان لسا متزوج وطالع شهر عسل وبيرجع بعد أسبوعين عشان زواج العنود وبيرجع للندن عشان دراسته ..
العنود : والله ما انسى هذيك الأـيام ..
غيوض : من جد ..
العنود : الماسه إهي الوحيدهـ من بيننا إللي جا لها خطاب كثير .. مع إنها أكبر مننا لكن كان في شيء يخليهم يرفضون هـ الخطاطيب ..
خالد : إيوا وبعدين ..!
الماسه : تقدم لي عامر الـ (ــ) وهذا معروف تقريباً ومن عمر أخوي سُلطان .. كان شغال مع أبوهـ .. نفس أخواني لما كانوا شغالين مع أبوي .. أبوي عشانه يعرف أبوهـ ويعرف عائلتهم وافق وأمي نفس الشيء .. بس باقي موافقتي .. تكلم معاي أبوي .. وكنت ساكته ما اعرفه ..
العنود : ههههههههههههههههه .. إلا من الخوف من سُلطان .. خلي عنك ما أعرفه ..!
ضحكوا كل الحريم لإنهم يعرفون هـ السالفه ..
حمد : شـ دخل خالي ؟؟
العنود : يابوي ماهو إللي كان متقدم لها إللي بـ عمرهـ بنهايىة الـ 30 .. شافوها أهله بـ زواج سُلطان وتقدموا لها ووصل الخبر لـ سُلطان واهو بـ شهر العسل إتصل مخصوص فـ الماسه وخانقها إذا بـ توافق عليه ..
حاتم إستغرب : ليش ؟؟
الماسه : يقول كبير علي ..
بدر : كملي ياخاله ..
الماسه : يومين وإنتشر خبر خطوبة عامر لي .. وأـنا ساكته وابوي فهم إنها موافقه .. وصل الخبر لـ سُلطان مرهـ ثانيه ..
وسام : ياليل أثاريكم زاعجين أبوي فـ شهر عسله ..
العنود : ههههههههههههههههههههههههه ههههه . . إسمع إللي بيجيك ذا الحين وقول هـ الكلام ..
خالد : باقي شيء أعظم .. بس أـنا أعرف إنو عامر فلوسه ما أدري كيف ..! { يعني مشتبه فيها }
موضي ضحكت وقالت : ذا الحين تسمع الأكشن بـ الموضوع ..
الشباب تحمسوا ..
الماسه : إتصل سُلطان فـ أبوي وتأكد من الخبر وقاله أبوي إنو موافق .. عصب على أبوي .. قال أبوي له .. إن الماسه موافقه .. تنرفز سُلطان وقلب الدنيا على ماحصل حجز وخلال يوم إلا اهو عندنا قاطع شهر عسسله عشان هـ الشيء ..
إحنا إستغربنا سُلطان شـ جابه قبل اسبوعين ..
وكنا جالسين وسمعنا أصوات أبوي وسُلطان ترتفع .. وكأن بينهم شيء كبير ..
أبو سعد واهو معصب : ياسلام بعد ماعطيت الرجال كلمه أقول لا ..
أبو خالد واهو معصب بعد : لعنته .. وهذا مايعتبر رجال .. هذا أـنا أعرفه أكثر منك .. يُبه لا يغرك أبوهـ .. ترا الولد غيرعن أبوهـ .. وإحنا فـ غنى عن هـ الزواج ..
أبو سعد : شـ اقوووووووول لهم .. ؟؟ فهمني .. عطني شيء مقنع ..
أبو خالد : قول لهم بـ الحرف الواحد .. سُلطان ماهو راضي يزوج أخته لـ ولدك ..وإذا في راسهم شيء يقابلوني ..
أبو سعد واهو باقي معصب : إنت صاحي ؟؟
أبو خالد : بصير مو صاحي إذا بـ ارضى هذا يصير زوج لـ أختي .. يُبه والله لو تم هـ الزواج لـ اطربق الدنيا على راسه وراس أبوهـ ... أـنا حلفت .. ووصل لهم كلامي .. وطلع من عند أبوهـ معصب ..
الماسه كانت تقولهم السالفه واالشباب مصدومين ..
الماسه : كانوا عندي غيوض والعنود وموضي بـ غرفتي .. دخل سُلطان بعد مافتح الباب بـ اقوى شيء عندهـ .. إحنا نطينا من أماكنا .. قال واهو يتكلم بـ هدوء يخفي وراهـ عصبيته : كل وحدهـ على غرفتها .. آبي الماسه ..
العنود وإهي تقطع عليهم : ههههههههههههههههههههههههه هههههههههه .. والله
يـ اشكالنا هذيك اللحظه .. حفله .. خوف الدنيا فينا .. وخوفنا أكثر على الماسه .. الماسه والله لو تشوفون وجهها تكروهون الدنيا .. طلعنا وإحنا واثقين اليوم يوم الماسه وعلى إيد سُلطان ..
الشباب ضحكوا واهم متشوقين يعرفون الباقي ..
الماسه : طلعوا البنات من عندي .. وبقيت أـنا مع سُلطان بروحي ..
بدر : ويلهم ويلاهـ ..
تركي : الله يعينك ..
بدر : من جد .. أـنا أخاف إذا نادا علي بـ روحي بـ الشركه والله إني أبلع العافيه ..
الماسه : الله يلوم إللي يلومك هذا سُلطان ..
غيوض : أجل شـ تقولون عن الماسه ..
خالد : كملي عمه ..
الماسه وإهي تكمل : دخل وسكر الباب بـ القوهـ وقال وكل قهر وعصبية الدنيا فيه .. إنتي موافقه على الـ ......
الشباب صارخوا ..
وسام : ويلنا من أبوي .. قال كذا ..!
الماسه : ههههههههههههههههههههه .. أـنا عاد دوروني .. وترا اهو قالها من عصبيته .. مو لـ شيء ..
حاتم : كملي ..
الماسه : سكتت ولا تكلمت .. قرب مني وقال : تكلمممممممممممممممممممممي ..
والله ماقدرت اتكلم . . دموعي تنزل من الخوف ... وعصب أكثر .. قلت واـنا ارجف : أبوي إللي قالي عنه ..
الشباب هنا : ههههههههههههههههههههههههه ههههههههههههههههههههههههه هه
الماسه وإهي تضحك : إسمعوا ... قال .. أبوي إللي قال .. وأـنا أقول .. والله العظيم .. لو وافقتي عليه لـ أجي واذبحك بـ نفسي وارجع لـ مكان ماكنت .. فهمتتتتتتتتي ..
حركت راسي موافقه وأـنا ما أدري شـ السالفه .. قال .. وإذا على زواجك ..أـنا أعرف زوجك .. وغير هـ الكلام ما آبي .. وفتح الباب اهو معصب وطلع إلا العنود وغيوض فـ وجهه قال للعنود : جهزتي كل شيء ..!!
والعنود وإهي خايفه بعد إللي سمعته يقوله لي قالت : إ .. إيه ..
قال لـ غيوض : وإنتي كيف صالح معاك ؟؟
غيوض بـ نفس الخوف : الحمدلله بخير ..
الشباب : ههههههههههههههههههههههههه ههههههههههههههههههههههههه ه
العنود وإهي تضحك : أـنا ما أدري شـ دخل بخير ..
ضحكوا عليها من قلب ..
سعود : لاتلومنها خالي سُلطان ومعصب ..
غيوض وإهي تناظر فـ العنود بـ نص عين وضحكت وقالت : إسكتي فضايحك راح تطلع بعد شوي ..
العنود تذكرت وضحكوا الحريم كلهم ..
الماسه : فضيحه وياكبررررررها ..
العنود ترميها بـ الموبايل : لو تكلمتي ويلك ..
غيوض : عندي ماهو عند الماسه ..
العنود طنشتهم ..
الماسه تكمل : سُلطان ما اعجبه الرد قال : أـنا آبي أعرف مبسوطه معاهـ يضايقك بـ شيء ؟؟
غيوض بـ خوف : لا الحمدلله .. مبسوطه ..
أبو خالد : الحمدلله ومشى عنهم ودخل لـ غرفته ...
الجـزء >> 30 <<
وتين وإهي مو رآيقه كلش : آففف ..
الجوري تناظرها قالت : شـ فيك ؟؟
وتين : وربي مو قادرهـ اتحمل من غير وسن .. وبعدين ما اقدر أتحمل أسبوع ما اسمع صوتها ..
هنادي : يـ النصابه وين أسبوع .. قبل 4 أـيام إتصلت فيك ..
وتين : ماطولت .. جا لها الغثيث ..
الجوري : ههههههههههههههههههههههههه ..
وتين تنرفزت : اـنا أحر وإنتي تضحكين .. أكيد مو هامكم غياب وسن ..
الجوري : بـ العكس كلنا مفتقدينها .. لكن هذي الحياة .. يعني شـ نسوي .. !! نصيبها ويا راكان .. وإن شاء الله راح تزورنا .. يعني إنتي صغريها تصغر ..
وتين سكتت .. مهما تكلمت ما احد بيفهمها ..
بـ الحديقه .. الماسه وإهي تكمل .. : دخلوا علي البنات .. وحصلوني أبكي .. قالت غيوض .. الماسه شـ فيك ..؟؟ قلت يعني ماسمعتوا .. قالت العنود إنتي تبينه .. بس سُلطان حلف وسُلطان من غير حلف ينفذ كلامه فما بالك لما حلف .. قلت أـنا ماقلت آبيه .. بس صراخه علي وكلامه كان قوي .. العنود .. أـنا اقول الله يعين جوهرهـ أكيد دخل عليها معصب .. غيوض .. إي والله الله يعينها ..
العنود تسأل جوهرهـ : بـ الله عليك لما دخل كان معصب ..!
جوهرهـ : ههههههه .. أـنا سامعه كل صراخه وكنت بـ الغرفه ولما دخل واهو معصب عملت حالي ما ادري عن شيء وكنت ساكته .. لكن لما ناظرته ما أدري تبسمت غصب واهو تبسم ونسى السالفه ..
الحريم صارخوا ..
بدر : أكيد تبسمين بينسى السالفه ..
وسام : الله يخلف عليكم ياخواته .. الصراخ لكم وتوزيع الإبتسامات لـ جوهرهـ ..
ضحكوا عليه ..
غيوض : والله إننا شايلين همها هذاك اليوم ..
العنود : واثاري البنت غاطسه بـ العسل ..
الماسه : هههههههههههههههه .. { كملت } والبنات يحاولون فيني اسكت لكن مافي فايدهـ ..
حاتم : إيوا عاد إنتي ياعمه على الريحه ..
العنود : والله ماسكتت .. ولا قدرنا عليها ..
الماسه ضحكت وكملت : وتسألني غيوض منهو زوجك إللي بيجيبه لك .. قلت واـنا آبكي ما ادري .. المهم مرت ساعتين والبنات عندي وأـنا بس أبكي .. قالت العنود ..
العنود صارخت قالت : ويلك إذا بتقولين ..
الماسه : والله لـ أقول . . { كملت } العنود قالت .. أـخاف سُلطان ماهو راضي على ناصر يصير زوجي ولا يتكلم إلا ليلة الزواج ..
هنا الكل إنفجر ضحك ..
العنود : ياوسخه إنتي وياهم ..
خالد واهو يضحك قال واهو يغمز : أجل ناصر وليلة الزواج .. أثاريك ياعمه تفكيرك كله فيه ..
ضحكوا ..
العنود وإهي تضحك : لإني خفت وقتها ..
الماسه : إسمع دُرر غيوض ..
خالد : كملي فضايح عماتي ..
العنود تضحك .. وغيوض ضحكت ..
الماسه وإهي تضحك : تقول ما أتوقع رافض ناصر ... لإنو ناصر أخو صالح وإثنينهم أولاد عمنا ..
هنا الكل إنفجر ضحك ..
خالد : ههههههههههههههههههههههههه هههههههههههههههه .. صراحه عماتي عليهم أفكار .. ههههههههههههههههههههههههه ههههههههههه
حاتم : ههههههههههههههههههههههههه ه .. أجل أخو صالح ..
حمد أول مرهـ يضحك من قلب بعد إللي صار له مع خلود من أـيام المزرعه : ههههههههههههههههههههه .. واولاد عمنا .. لا الدعوى شغل تفكير ..
بدر واهو يضحك : ياي على تفكير البنات ..
كلهم : ههههههههههههههههههههههههه هههههههههههههههههههههه
الشباب دموعهم تنزل من الضحك .. الماسه تمسح دموعها ولا إهي قادرهـ تكمل ..
العنود وإهي كاتمه ضحكتها : إضحكوا .. شـ عليكم ..
غيوض تضحك : عاد هذا تفكيرنا شـ نسوي ..
تركي واهو يضحك : يُمه ههههههه .. هذا تفكير ههههههههههههههههههههههه
وسام يكمل : بزر .. يعني سوري على الكلمه ..
ضحكوا كلهم ..
الماسسه وإهي تاخذ نفس ودموعها تنزل وتمسح فيها قالت : المهم .. عدا اليوم على خير .. واليوم الثاني جا لي أبوي .. ولما شفت ابوي قلت خلاص سُلطان اليوم قاتلني ..
ضحكوا عليها ..
الماسه : ياحلوهـ لما جا لي قالي : يابوك الزواج قسمه ونصيب .. وأخوك سُلطان ماهو راضي وأـنا ما آبي أخسر أخوك عشان واحد ما أعرف عنه وسُلطان شككني فيه .. والله لما قالي ابوي كذا كأن هموم الدنيا إنزاحت عني .. وابوي قال لـ ابو عامر نفس الكلام .. ولدي سُلطان ماهو راضي وأـنا أثق فـ رآي ولدي ولا آبي أخسرهـ .. عامر وقتها حقد على سُلطان ..
تركي : سوري على المقاطعه لكن وين خوالي الباقين .. يعني من قلتي السالفه بس خالي سُلطان إللي بـ الصورهـ ..
الماسه : سعد الله يعافيه ماهمه لو أخذ منو .. وبـ صراحه عبدالله وسعد مايعرفون الناس كثر سُلطان .. { كملت } مر علي سُلطان بـ الليل وقال بكل هدوء .. حلو صار إللي آبيه .. وكل هذا لـ مصلحتك .. وطلع من عندي من قبل لا أقول شيء ..
تركي : والله ماعندهـ تفاهم ..
الماسه : سُلطان فهـ الأمور ما أحد يناقشه ..
بدر : فـ كل الأمور ..
الماسه ضحكت له وقالت تكمل : راح لـ ابوي وقال ترا بيجون لك خطاب بكرهـ
لـ الماسه وهذيل رياجيل وينشد فيهم الظهر .. يعني ماهو خسارهـ فيهم الماسه .. قال أبوي بكل طيبه .. يعني أزوجهم ..
هنا ضحكوا ..
خالد : ياقلبي .. جدي خذا موقف ..
جوهرهـ : لا مو كذا .. بس يخاف إنو مو مناسب لـ الماسه .. فـ حب ياخذ الشيء الأكيد من سُلطان ..
فيصل : إشتغل دفاع سُلطان ..
ضحكوا عليه ..
الماسه : لا والله سُلطان معاهـ حق وراح تعرفون ذا الحين .. { كملت سالفتها } رد سُلطان إيوا .. وصدقني كل إللي سويته لـ مصلحتها وهذا إن شاء الله ما راح تندمون عليه .. { كمل سُلطان بكل طيبه واهو يبوس راس أبوهـ } يُبه أـنا ما آبي خواتي يتزوجون اي واحد .. غيوض والعنود الحمدلله ربي رزقهم بـ عيال عمي وتأكد لو في عيال عمي فيهم اي شيء يعيبهم صدقني رديتهم من غير اي تفاهم .. وإن شاء الله الماسه ربي بيسعدها مع المتقدم لها ..
أبو سعد : يابوي الرجال مايعيبه إلا جيبه ..
سُلطان : لا .. عندي كل شيء غلط ممكن يعيب الرجال ..
بدر : كفوووو والله ..
حاتم : صادق أبوي كل شيء غلط في الرجال أكيد بيعيبه .. لإنو هذا زواج مو لعبه ..
الماسه : إيوا نفس كلام أبوك .. المهم مر علي سُلطان وقالي فهد بيتقدم لك بكرهـ وإذا شاورك أبوي ويلك لو ماوافقتي .. حركت راسي بـ الموافقه ..
العنود وإهي تضحك : ما شاء الله عليها تفسخ من واحد وتشبك فـ واحد ..
ضحكوا عليها ..
الماسه : تقدم فهد من عائله مالنا علاقه فيهم لكن عائله معروفه وتناسبنا يعني .. وافقنا وتزوجنا والحمدلله ومابعمري ندمت .. لكن إللي صار بعد كذا .. إنو عامر زاد كرهه لـ سُلطان .. وصار إلا يتجلس له بكل شيء .. لكن سُلطان كان أقوى منه .. وإللي عرفته إنهم سكروا على أمواله ..
حاتم : لا خبرك عتيق .. ذا الحين شغال الرجال لكن عليه رقابه ..
الماسه : ياخذ بليسه .. بعد وقت خبرني سُلطان إنو رفض عامر عشان طيشه وإنو كثير سفرات للخارج ويعرف عن سواليفه بـ الخارج وفلوسه مش مضبوطه ..
خالد : إلـى الأن ..
بدر : بكذا إنتهت السالفه ..؟؟
الماسه : لسا .. قبل كم شهر إتصل فـ فهد وكان يطلب إيد ريناد لـ ولدهـ الكبير ..
بدر بكل حقد : الحقير ..
ضحكوا علليه ..
حاتم واهو يضرب على كتفه : أبو الشباب تراها ماراحت له .. تراها لك ..
سكت بدر ..
العنود : قِطع ولا قلتي لنا ..
الماسه : ماحبيت أقول عشان مايوصل الخبر لـ سُلطان وتنفتح السالفه القديمه .. المهم .. قلت لـ فهد . . تجلس بنتي عندي تعنس ولا ازوجها لـ ولد لـ عامر .. الله يخلي لي سُلطان إللي بعدني عنه ..
{ سكتت شوي وقالت } بـ أقول شيء .. لكن أول آبي وعد من كل واحد إنو السالفه ماتوصل للرياجيل .. وآبي وعد ثاني منكم ولا أحد يسوي شيء ..
كلهم عرفوا إنو الموضوع كبير ومع كذا خذت من الكل وعدين ..
الماسه ماتدري كيف تقول : قبل شهر كان يجي لي إزعاجات على رقمي وكنت أستغرب منو هذا الرقم .. وكأنه يعرفني .. ويتكلم عن أشياء قديمه .. زواج وما أدري إيه .. هذا بس مسجات .. { الشباب عقدوا حواجبهم .. كملت } وقبل كم يوم ويتصل فيني .. قلت إلا أشوف نهايه للحقارهـ هذي ورديت قلت خير .. جاني صوت غريب وقال : نسيتي يـ الماسه ..
عصبت وقلت : من إنت وبـ اي حق تتكلم كذا ..!
قالي : أول تعطيني الأمان ..
قلت : عطيتك .. وإخلص علي ..
قالي وهذا إللي صدمني .. أـنا توقعت من هـ الشباب وبكلمتين يسكت : عامر
يـ الماسه عامر إللي ماحب غيرك .. إنتي مطلب الكل .. مستحيل أنساك .. شفت ربي ماكتب لنا نصيب وقلت أتقرب لك عن طريق ولدي لـ بنتك لكن { وكمل جملته بـ نبرهـ وقحه } كنتوا بايعين إلـى اليوم .. ليش يـ الماسه ..
الشباب والحريم مصدومين .. عدا حاتم إللي يعرف بـ السالفه ..
الماسه وإهي شوي وتصيح .. : والله خفت وماتوقعت بيوصل لـ رقمي وإنصدمت منه لما ذكر الإسم وكان ردي عليه تقفيله بـ وجهه ما أدري شـ كنت بـ اقول من قبل لكن ماقدرت أتكلم . .. خفت علاقتي ويا فهد .. خفت على بناتي .. ورجع دق ولا رديت .. ومسج " أـنا قريب من بيتكم وكل يوم لازم أشوفه " شوفوا سب الشباب وكلماته " الحقير ’ الواطي ’ الخسيس ’ ماهو رجال ’ والله لـ يشوف شغله " الماسه تكمل : ماقلت لـ فهد وخفت زود من لما قال قريب من بيتي نزلت تحت وقفلت البيبان كلها ومريت لـ غرفة كل وحدهـ من بناتي وحصلتهم جالسين كلهم بـ الصاله إللي فوق .. جلست معاهم شوي وكان الإزعاج مستمر .. شكوا البنات إنو فيني شيء وسألوا لكن ماعطيتهم اي خبر .. كان وقتها يتردد على تفكيري إنو مايخاف الله من كلام سُلطان وكل شيء عندهـ بـ الحرام .. خفت على ولدي وحيدي راشد .. ورحت اطل عليه مرهـ ثانيه وكان نايم .. رجعت للبنات ومندمجين بـ التي في .. رجعت لـ غرفتي .. ومسجاته شغاله .. ما أدري وقتها شـ اسوي آبي اصرخ اطلع إللي بـ خاطري من خوف لكن مو قادرهـ في شيء يمنعني .. هذاك اليوم فقدت أمان فهد وأبوي وامي وسُلطان من بعيد لـ بعيد .. عرفت إنو متأكد إنو سُلطان مسافر وإلا كان ماتجرأ يتصل وبيبقى على المسجات .. وفهد كان مسافر لـ جدهـ عشان زواج أخوهـ .. خفت أقفل موبايلي ويتصل فهد لإنو وقت إتصاله فـ الوقت هذا .. وقلت مستحيل أرد على فهد واـنا حالتي كذا .. يتصل ويحصله مفتوح ويدق ويعرف إني نايمه ولا يدق ويحصله مغلق ويقلق علي .. ليلتها وربي مانمت من المسجات إللي تجيني منه .. وأخر شيء إستقريت بـ الصاله وأـنا قبال الباب وانتظر بس يفتح الباب علينا .. خفت أتصل فـ أحد منكم وينشغل باله ويكبر السالفه .. إتصلت بـ الحارس وقلت في سيارهـ برا .. طل على الشارع وقال كثير سيارات .. كلامه كان بـ إذني يتردد وخصوصاً كنت آبي القرب منك بـ ولدي لـ بنتك .. بايعين وليش يـ الماسه .. كرهت إسمي وكرهت اليوم إللي مر علي فيه إسم عامر .. { كملت وإهي تبكي } أـنا ما بعمر شفته .. ما ادري اهو كيف شافني .. وأخر مسج منه كان اليوم وتهديد صريح .. إذا ماوصلنا لـ حل راح ينتقم مني ومن سُلطان فـ بناتي وإلا ولدي وكاتب أخر شيء " أتوقع بناتك وولدك الوحيد يستحقون إنك تضحين عشانهم " وغطت وجهها بـ إيدها تبكي ..
إنصدموا شنو هـ الوقاحه وتهديد صريح ..
جوهرهـ وإهي معصبه : سُلطان لازم يعرف عشان يتوقف عند حدهـ .. الناس ماهم لعبه .. خير يهدد ومن عطاهـ الحق يتصل فـ وحدهـ متزوجه .. !!
الحريم معصبات ..
الشباب إشتغلت الغيرهـ والنخوهـ عندهم .. وإللي زادهم بكا الماسه ..
حاتم قام وجلس بجنبها وجلس بـ جبنها من الجهه الثانيه حمد ..
حاتم : عمه أـنا انهيت الموضوع صدقيني .. ومستحيل يدق رقمك مرهـ ثانيه .. إلا مستحيل يفكر ..
الماسه وإهي تبكي : إنت ماتعرفه .. هذا مايهممه شيء .. أـنا خايفه على بناتي وراشد .. عادي أـنا مو مهم المهم بناتي وراشد ..
حاتم عصب : خير مو مهم .. إنتي الأساس .. والله العظيم مستحيل يتصل فيك .. عمه أـنا حلفت .. إنتي من جدك أتساهل فـ موضوع وحدهـ من لحمي ودمي .. وحدهـ شرفها من شرفي .. مستحيل ياعمه .. وإللي جا له يكفيه ..
الماسه وإهي باقي مغطيه عيونها بـ إيدها : شـ سويت له ..
حاتم : جا له نصيبه .. { ناظروهـ كلهم .. كمل } أجل يتعرض لـ شرفي واسكت له .. خلاص إللي كلاهـ قبل شوي من الشباب يكفيه العمر كله ... وينومه بـ المستشفى شهر قدام .. وإذا فيه خير يشتكي .. أـنا صرحت له من أـنا وعرف إنو غلط وفي أمه خير يشتكي وإلا يتكلم بـ كلمه ..
الماسه وإهي يزداد بكاها : ليش يابوي .. إنت كذا تخليه يحقد عليك ..
حاتم : قلعته .. وبعدين مستحيل يسويها .. يعرف من حاتم بن سُلطان ..
تركي بقهر : إلا قليل عليه .. ولسا ما جا له إللي ختامها مسك ..
حاتم ماسك إيد عمته ويقول : عمه لا تضيقين خلقك ..
حمد يبوس راسها وبكل حنان : يُمه خلاص . . دموعك لاتنزل خوف من واحد حقير مثل هذا ..
مسحت دموعها وقالت : ما ادري شـ راح يقول فهد إذا عرف ..!
حاتم : فهد متفهم ولا راح يقول شيء ..
العنود : لاتقولين له ...
جوهرهـ : لا .. قولي ليه عشان لا يجي وقت ويعرف من نفسه وساعتها يكبر الموضوع من جد ..
الماسه : لازم يعرف .. بس ما ادري عن هـ الواطي شـ ناوي عليه .. إذا بيتي مراقبه ..
الشباب يغلون من القهر وغيرتهم زادت ..
خاالد بـ عصبيه : إذا تبين نوصل السالفه لـ أبوي ثم كل واحد مننا ياخذ حقك منه ..
تركي بنفس العصبيه : هذا واحد ......... { كمل } أستغفر الله بس ..
سعود : ماله إلا إحنا .. والله مايبقى بخير ..
فارس : نطلع له ذا الحين ..!!
حاتم واهو يكتم غيضه : إللي جا له مني يكفيه ..
حمد : آي يكفيه .. !! هذا تكلم وخلص .. مايكفيه .. خله يتعلم أكثر ..
بدر وكل حقد الدنيا فيه : إذا طلع من كفخت حاتم دخل مرهـ ثانيه عشاني ..
تركي : كل واحد يسنعه .. أجل حريمنا لعبه عندهـ ..
حاتم : إلا شـ رآيكم فـ حريمهم ..!!
الشباب فكروا شوي قال فارس : تهقى تنفع ..!
حاتم : وحدهـ بـ وحدهـ والبادي أظلم .. ومثل ماجربنا إحنا خله يجرب اهو .. هذا إذا كان عندهـ نخوهـ ..
بدر : حلو .. بيتهم معروف ..
جوهرهـ : لا يابوي ..
حاتم : يُمه إحنا مو ضارينها .. بس درس له .. طقه بـ الراس وخفيفه ..
خالد : ما ادري كيف سالفة حريمهم ..!!
حاتم : يلا وعشان مايصير مشاكل ودعوى شرف وما ادري إيش .. تعرفون إحنا شباب وممكن يشتبه فينا إننا تعدينا الحدود .. راح ناخذ من عندهم وحدهـ صغنوونه يوم واحد وبس .. نلعب معاها ونفسحها يوم وخلاص نرجعها لما يصير إللي في بالنا ..
جوهرهـ : تحملوا إللي بيجي لكم من سُلطان إذا عرف ..
حاتم : الدعوى كبيرهـ .. دعوى شرف .. واهو إللي إبتدأ .. يعني ينكتم ..
وسسام : صراحه عليك خطط ..
حاتم واهو يضحك : شـ رآيكم يوم زواج بدر .. ناخذها ترقص مع البنات شوي ونرجعها بعد الزواج ومعاها رساله لـ أبوها ..
تركي عدل جلسته : أخاف يمسك هذا علينا ..!!
حاتم : لا تشيل هم .. وإذا على الم*** .. أـنا ماسك عليه وعلى أولادهـ بلااااااااااااوي .. وعندي كل شيء وبدليل .. وبعدين اهو يفكر مليون مرهـ قبل لا يسوي شيء لنا بعد إللي صار .. لإنو إعتذر قبل لا ينكفخ من الشباب .. وقال إنو إذا يرضيني يطلع من السعوديه كلها راح يطلع بس الخبر مايوصل لـ ابوي ..
صارخوا الشباب متحمسين ..
جوهرهـ : والله ماتسووونها .. حرام عليكم ..
حاتم : يُمه سواليف رد الشرف مافيها حرام ..
جوهرهـ : ترضى أحد يخطف أحد من بناتكم الصغار ..
خالد : يُمه السالفه بس كم ساعه وإحنا مو ضاريننها ..
جوههرهـ : أـنا حلفت عليكم وإللي ييبي يقطع حلفي يسوي الشيء هذا ..
سكتوا .. لإنهم مايقدرون يقطعون حلفها .. لكن إلا يدبرونها بـ طريقتهم .. ودرس ماينساهـ طول العمر ..
وسام يغير الجو : أثاري أبوي له خطط لـ بعيد ..!
ضحكت الماسه وعيونها حمر وخشمها وقالت : الله يخليه لي .. من جد مافهمت إلا لما خذيت فهد ..
Like
فوفو ولارا
likes this.
رد مع اقتباس إقتباس متعدد لهذه المشاركة الرد السريع على هذه المشاركة
#68 أضافة تقييم إلى وردة الشرق تقرير بمشاركة سيئة
قديم 30-07-10, 03:21 PM
الصورة الرمزية وردة الشرق
وردة الشرق وردة الشرق غير متواجد حالياً
نجم روايتي
حمد : طيب عمي فهد يعرف بسالفة خطوبتك من قبل ..
الماسه : سُلطان مخبرهـ بكل شيء .. واساساً اهو كان يبيني من قبل لكن هذا { ماحبت تنطق إسمه } تقدم قبله ..
بدر : والله ياخالي حتى من اهو صغير قوي ..
العنود : ماهو شيء .. اهو إللي كان له علينا كلمه أكثر من أبوي الله يعافيه لنا ..
خالد : طيب وجدتي شـ كان رآيها بـ إللي صار كله ..؟
غيوض : عاد أمي كانت على طووول ويا سُلطان ..
العنود : بس مع هذا كانت قسوة سُلطان علينا ولما يجي عند غيوض يلين شوي مو كثير .. لكن أفضل مننا ...
الماسه تقاطعها : حتى أمي وأبوي ..
بدر : شـ معنى ؟؟
غيوض : عشاني إختهم من الأبو فـ يدارون خاطري مداراهـ .. والله إني ماحسيت فـ فقدان أمي الله يرحمها مع حنان أمكم وربي كأنها أمي وأكثر .. { كملت وإهي تمسح دموعها } صحيح مالحقت على أمي الله يرحمها ... لكن مع هذا الحمد لله ربي عوضني خير .. خذا مني أمي وعطاني أم ثانيه وأبو وأخوان وزوج وذا الحين أولاد شـ كثرهم الحمدلله .. { تقصد أولادها واولاد أخوانها }
تبسموا لها بكل حُب وتقدير .. كانت بـ جنب حاتم لف وباس راسها وقال : عسى الله يخليك لنا ..
غيوض طيبة قلب بشكل ..قالت : ويخليكم لي كلكم ..
بدر وشوي ويصيح : يُمه أـنا ما أقدر أشوف دموعك .. يُمه أـنا حمار عند طيبة قلبك الكبيرهـ وقام وحضنها وإهي حضنته ونزلت دموعها على حُبها لـ أولادها .. تتمنى تشوفهم مرتاحين وسعيدين .. والحمدلله هذا إللي تشوفه ..
تركي واهو يكون طبيعي : بدووور يادوووب خلاااص .. شوي على أمي ..
أمه ضحكت من بين دموعها وقالت : خله ياعلني فداهـ وفدا ريحته ..
حاتم يستهبل : ترا من شهر ماتحمم ..
بدر واهو يضحك : كأنك شامني من جد ..
حاتم : وعععععععععععععععع ...
أمه طقته على كتفه وقالت : بلا عبط زايد ..
ضحكوا عليهم ..
خالد يكلم تركي : مالت عليك لو أـنا ولدها ومكانك كان أبوس إيدينها وإرجولها وقليل هذا ..
تركي واهو يناظر أمه بكل حنان الدنيا لـ أمه وبس قال بصوت حنون : غيوض وبس إللي تعرف شنو إللي داخل قلب تُركي لها ..
غيوض وإهي تدمع عيونها .. يكفي نبرته وكأنها ملكت الدنيا بـ إللي فيها : أبوي إنت وفتحت إيدينها له ..
قام يمشي لها وجلس بـ جبنها من الجهه الثانيه وخذا إيدها يبوسها وباس راسها وقال : إنتي الخير كله يـ الغاليه ..
أمه وإهي تمسح دموعها : حبيبي إنت .. الله لايحرمني منكم ..
تركي يبوس إيدها وإيدهـ الثانيه حاضنها من ورا : ولا منك يـا روح حبيبك ..
حاتم واهو يضحك : إنحرق كرتك يابدر ..
بدر : ههههههههههه .. أـنا اساساً متصدق له .. لإنو وحيد وإلا أـنا عندي من يضممني .. عسى الله يخليهم لي ..
خالد واهو يرفع إيدينه : وعسى الله يخلي لي جوريتي ..
ضحكوا عليه ..
وسام : ياليل من هـ الجوريه ..
خالد واهو يناظر وسام : يعني إنت ماتدعي هـ الدعاوي بينك وبين نفسك عشان روزان وغمز له ..
وسام حس بـ الإحراج ..
خالد : ههههههههههههههههههههههههه ههههههههههه
الشباب : ههههههههههههههههههههههههه هه
حاتم واهو يضحك : ولـ أول مرهـ وسام يخجل .. فديت إللي يخجلون ..
خالد يزيد عليه : ياناسو عليهم ..
بدر : ما أقدر أـنا .. ترا وربي أنسدح خاق ..
كلهم : ههههههههههههههههههههههههه ههههههههههههههههههههه
وسام إنقهر منهم .. قال : بدر زواجك بعد كم يوم وشوف شنو بيصير لك ..
حاتم وخالد : ههههههههههههههههههههههههه هههههه .. أحسن ..
بدر : لا وسام .. يرحم والدينك .. كلش ولا يوم زواجي .. اي شيء إلا يوم زواجي ..
حاتم يشوف بدر يترجى وسام قال : وسام منت ولد سُلطان إذا بتتراجع عن كلمتك ..
بدر يناظرهـ : يانذل ياحاتم .. تقول شيء عدل وإلا تسكت ..
حاتم لعانه فـ بدر : وسام .. أـفأ ... بس .. عشان ترجي تتراجع ...!!
خالد : ههههههههههههههههه .. وسام منت أخوي إذا سويتها وتراجعت ..
وسام : صدق مو ولد سُلطان إذا سويتها وتراجعت ..
بدر شوي ويموت : وسام .. الله يخلي لك روزان .. تُكفى .. أعرف نذالتك ... عاد ما آبيها بيوم العرس اي يوم غير هـ اليوم ..
حاتم يزيد وسام : إلا حلاته بـ وقتها يوم الزاوج .. وإذا إنت رجال ياوسام إبقى على كلمتك ..
وسام : رجال ونص .. وبتشوف ..
خالد : كفووو والله .. قبل شوي يضحكون عليك كأنك بنت وذا الحين راوهـ مراجلك ..
وسام : ماعليك .. أـنا قدها ونص ..
بدر : نذلين .. وسخين ...
حاتم وخالد : ههههههههههههههههههههههههه ههههههههههههههههههههه
حاتم واهو يضحك : مقدرين وضعك .. عشان كذا ما راح ناخذ على كلامك ..
بدر : والله ماشفت نفس نذالتكم ..
خالد واهو يضحك ويطق إيد حاتم : حبيبي بدر قول إللي تبي ..
بدر : وسام ترا اهم تكلموا معاي عليك ..
وسام : عارف ..
حاتم : عادي وسام حبيبي سو إللي تبي فيني .. علىى الأقل أـنا قد الشيء وإذا بتنطر لـ يوم زواجي عادي إنطر ..
خالد : كفووو .. { كلم بد } شفت الناس كيف تتكلم ولا همها ..
بدر : بلاكم ماتعرفون وساخت وسام ولا حطها إلا يوم زواجي ..
حاتم : لو أـنا مكانك تقبلتها بـ التحدي ..
خالد : مو اجلس اترجى فيه ..
حاتم : الله لايبلانا ..
خالد: من جد ..
بدر وصل حدهـ ..
الماسه تسال إللي جالسين : خلود جت ..؟؟
حمد وكأن قلبه إنعصر .. هذا وقته يايُمه .. !! إلا تذكريني .. طلعت موبايلها وإتصلت فيها وجا لها صوت خلود : هلا يُمه { واضح التعب فيه }
حمد يسمع صوتها بـ وضوح اهو جالس بـ جنب أمه .. وكل جرح فيه ينزف .. على الأقل حاول ينسى وكأنه نسى بسالفة أمه إللي طلعتها جديدهـ عن عامر .. لكن تجي وتجدد جروحه ونزفه ..
الماسه : هلا أمي .. جييتي ؟؟
خلود ليتني يُمه جلست قالت : إيوا يُمه ..
الماسه : تعبانه شيء حبيبتي ..؟؟
حمد ليت التعب فيني .. مستعد أشيل تعبها على تعبي .. لكن تحس وترجع لي .. ما آبي هـ البُعد .. عادي عندهـ إذا يعيش العذاب أضعاف .. عادي عندهـ ينجرح وينزف .. لكن إهي ماتبعد .. تبقى معاهـ بـ البيت .. يحس بوجودها حتى إذا مايشوفها .. المهم يتأكد إنها معاهـ بـ نفس البيت .. يبي يحس إنو عايش .. اهو كذا كأنه عايش من غير روح .. وبقى بـ أفكارهـ .. وعذابه إللي تجدد ..
خلود وإهي تداري دموعها .. آهـ ’’ يُمه ليتني أقدر اشكي لك وارمي نفسي بحضنك وآبكي ليما أمووت .. خلاص حياتي من غير حمد مستحيله .. صعب أعيش من غيرهـ وصعب أشكي الحال .. يُمه .. كل الناس خانوا
وش يقول إللي وفـا ..
يُمه زاد البرد وما لقى قلبي دفا
يُمه كل إللي أعرفه أن الكون
يُمه من بعدهـ طفا ..
الماسه : أمي خلود .. !!
خلود رجعت لـ أمها وقالت : يُمه .. بخير ..
الماسه ماحبت تناقشها قالت : خلاص إنتبهي لـ نفسك حبيبتي .. باي ..
خلود وإهي تداري دموعها بصوت مخنوق : باي .. وقفلت ..
خلود جت مع السايق عشان كذا تسأل عليها ..
أم فارس : شـ فيها خلود .؟
أم راشد : تعبانه شوي بس ..
ضغط على إيدهـ من إللي يسمعه .. حبيبته تعبانه .. إللي معذبته تعبانه .. إللي ذلته تعبانه .. يبي يصرخ يقول شـ تعبها ..؟؟؟؟؟ إهي تحس نفسي وإلا ماعندها إحساس كلش ..؟؟ تعبانه مثل تعبي وإلا لا ..؟؟ يبي يصرخ ويفهمهم ويطلع إللي بداخله مافي أحد مهموم ومتعذب نفسه .. يبي أحد يهتم فيه .. يشيل عنه بعض العذاب والهم إللي شايله .. يبي ينسى كل شيء صار مع خلود .. يتمنى يرتاح من حُبها إللي معذبه ليل نهار .. مستعد يستغني عن الدنيا كلها وتحس فيه إهي وبس .. يسوي المستحيل عشانها وبس .. يبي منها مجرد إحساس ..!
قطع عليه حزنه وعذابه إللي غطس فيه حاتم واهو يطقه بخفيف من ورا عمته الماسه .. صحى ولف يناظر حاتم .. حاتم كان ملاحظه من جابت عمته إسم خلود .. ووضحت له الصورهـ خلاص .. ناظر حمد لـ حاتم وسكر عيونه شوي وكأنه ييبي يرتاح .. حاتم ناظرهـ شـ قد هـ الولد يتعذب وساكت .. الأكيد العذاب من بعد زواجه لكن مايدري منو السبب فيه خلود وإلا حمد ..! ومع هذا أعجبه كثير .. مع إنو عايش العذاب والهم لكن ماتكلم لـ أحد عن حاله .. وهذا نفسه .. نفس حاتم .. ينعجب بـ الأشخاص إللي مثل كذا .. يشوف فيهم قوة التحمل .. وواهو إللي فعلاً يطلق عليه مسمى رجُل ..
تركي : عزام وفواز اليوم ما انشافوا ..!!
خالد : الأخوان كل واحد طالع مع زوجته ..
تركي : وطيب .. ليش مالحقت عليهم ؟؟؟
خالد : عاد اـنا مافي احد مثلي ..
ام سعود : هذا حلو منه إذا ياكلون بـ البيت .. !
ضحك خالد وقال : خليني أطلع زوجتي واغديها واعشيها برا .. كيفنا ..
أم سعود : شـ رآيك يعني تفتح مطعم رآقي .. يليق فيك بـ المستشفى إللي إهي فيه ..
فارس : آي مطعم إللي عند المستشفى .. هذيل غداهم وعشاهم بـ البحرين ..
خالد : يـ النصاب مو يومياً ..
أم سعود : وليش ماتمر وتاخذني معاك ..!
خالد : ولا يهمك .. السنه الجايه إن شاء الله ..
أم سعود : شوفوا النذل ..
بدر : من زمان واـنا أقول هـ الإثنين { ويأشر على حاتم وخالد } نذلين ..
حاتم وخالد فقعوا ضحك ..
حاتم : فـ قلبك إلـى الأن ..
خالد : بـ يحلم فيها ليل نهار ..
ضحكوا عليهم ..
بعد هـ السهرهـ ويا الحريم طلعوا الشباب للإستراحه وهناك أنواع القهر من سالفة عامر .. اهم صحيح إنقهروا عند الحريم .. لكن عارفين إنو الحريم بيمنعونهم عن إللي بيسوونه وفعلاً جوههرهـ حلفت عليهم ..
حاتم بعد ما أنتهى من سالفته إللي قالها للشباب .. صارخوا من الحماس ..
حاتم واهو حاقد وبقووهـ : شـ رآيكم ؟؟
بدر متحمس : قدااااااااام ..
وسام بـ نفس الحماس : معاك ..
تركي : وقليل فيه بعد ..
فيصل : ياخذ بليسك كيف جت لك الفكرهـ هذي ..!!
فارس : من جد شيطانيه .. لكن مع هذا رد إعتبار ..
حاتم : من القهر جتني .. المهم الكل معاي .. !!!
خالد : معاك .. خله يتسنع ..
سعود : أكيد معاك .. نبي نبرد حرتنا فـ الـ ........
حمد واهو متمدد على الأرض : حاتم بصراحه صار ينخاف منك ..
ضحك حاتم وقال : معاي وإلا لا ؟؟
حمد : أكيد هذا تعدأ على خواتي وأمي .. بس كيف جت لك ..!
حاتم : بصراحه .. أـنا كنت مفكر فيها قبل سالفة الخطف .. لكن قلت آبي أقول الأسهل عند الحريم .. ومثل ماشفتوا رفضوا .. أجل لو يسمعون هذي شـ رآح يسوون .. عشان كذا قلت بيننا أفضل ..وبعدين هذا الزفت تعدأ على حد من حدودنا ومو اي حد .. لا حد ومستحيل التهاون فيه .. وإللي بنسويه بـ يعلمه قدرهـ عدل وبيكون تحت تصرفنا على طوول .. إحنا ما راح نعدمه لكن كل ماحسينا إنو يبي يلعب بـ ذيله إستغلينا إللي عندنا عشان يتراجع أكثر ..
حمد : أبن أبوهـ إذا بينوي مرهـ ثانيه يلعب بـ ذيله ..
حاتم : شباب هـ الشيء بيننا .. وبـ الوقت القريب راح أقول لـ أبوي ..
إنصدموا ..
تركي : صاحي إنت !! ناوي تعدمنا ..!!
حاتم : ما راح يقول شيء .. صحيح بيعطينا كم محاضرهـ لكن من داخله مبسوط إننا ماسكتنا وخذينا حقنا ..
بدر : تعال .. منو إللي بينفذ هذا كله ..؟؟
حاتم : الله يعز الشباب الشغالين عندنا ..
وسام : اي شباب ..؟؟
حاتم : حُراس المزرعه .. على حارس الشاليه .. وإذا إحتجنا أكثر البيوت معبيه .. ولاتنسى أجسامهم تساعد إنو يخاف على طووول ..
بدر واهو يضحك : والله إذا شاف أشكالهم لـ يبلع العافيه على طوووول ..
ضحكوا كلهم ..
حاتم : التنفيذ ليما يطلع من المستشفى بـ سلام ..
حمد : مو كأنها بعيد ..!
حاتم : كيف ندخل للمستشفى ونسوي الشيء هذا .. إحنا نبي كلام منه .. زيادهـ على إللي بنسويه ..
بدر : ههههههههههههههههههههههههه ههههههه .. والله اتخيل شكله .. هههههههههه .. من جد ينخاف منك ياحاتم ..
ضحكوا ..
حاتم : هذا جزاهـ وجزا كل واحد بيسوي نفسه ..
مرت الأـيام والشباب كل يوم عن يوم يزداد حماسهم للي راح يصير لحقير عامر ..
قبل زواج بدر بـ يوم .. كان جالس فـ بيت أبوهـ وبـ الصاله ويفكر .. بكرهـ بـ إذن الله زواجه على ريناد إللي حبها .. دخل غرفة هنادي لإنو بابها مفتوح .. كانت جالسه على السرير .. شافته وقامت وقالت وإهي تتبسم .. هذا أخوها المُقرب .. راح تشتاق له كثير بعد زواجه .. لإنو راح يطلع فـ بيت بـ روحه .. ماتقدر تتخيل البيت من غيرهـ .. ماتنسى أـيامهم .. وشطانتهم سوا .. رقص هبال ركض لعب كل شيء سووهـ سوأ ولا كأنهم كبار .. قالت وإهي باقي متبسمه : شـ عليك بكرهـ إن شاء الله معرس .. بدر كأنه حاس بـ إللي دار فـ بالها من شوي .. تقدم لها وحضنها له .. وقال واهو حاضنها : أشتقت لك ياهبلا ..
ضحكت هنادي وإهي بحضنه وعيونها فيها دموع قالت : أـنا إللي بـ أشتاق لك كثييير ..
ضحك وقال : البيت قريب .. أي وقت تعالي .. بعدها عنه وناظرها وقال : إنتي إختي وصديقتي .. { كمل واهو يناظر فوق } ما أدري كيف أشرح لك .. لكن أحس إنك نسخه مني .. { ورسم أحلى إبتسامه على وجهه }
هنادي وإهي تمسح دموعها : هههههههه .. اهم شيء صديقتك ..
ضحك وقال : ترا ماتنفع الدموع عليك .. إتركيها للي عندهم إحساس ..
ضحكت وطقته وقالت : شكل ريناد مبهذلتك بهـ الإحساس ..
بدر مسك قلبه وقال : ريناد مبهذلتني بكل شيء .. أـنا إللي ما ادري كيف ياسر متحملك .. { رفع إيدهـ يعد على أصابيعه } مافي ذرابه .. مافي دلع .. مافي إسلوب .. مافي شيء ممكن يحسن صورتك عندهـ .. يعني الله يعينه .. يـ إنو مخدوع فيك ..
يـ إنو غبي ..
ناظرته وإهي متخصرهـ وقالت : لاااااااااااااااااااااااا ا والله ..
ضحك وطلع من عندها .. لحقت فيه .. واهو ماصدق خبر وركض بـ البيت من فوق لـ تحت .. ومن تحت للحديقه .. وهذا حالهم .. يبي يقضي أخر يوم له فـ بيت أبوهـ ضحك ويا إخته وصديقته ..
يوم زواج بدر وريناد .. بدر مو مصدق .. أخيراً بيتزوج .. وبعد شوي بينزف لها ..
عند وسن وراكان بـ إيطاليا ..
راكان : اليوم زواج بدر .. كأني اشوفه مايدري شـ يسوي ..!
ضحكت وسن وقالت : ياحياتي ربي يوفقهم ..
راكان بنص عين يناظرها : خير ..!! منو إللي ياحياتي ..
تبسمت وقالت : ريناد حبيبتي ..
راكان والكلام مو عاجبه : لا والله ..
وسن مسكت حاالها لا تضحك قالت : إي والله ..
راكان : وسن ..!!
وسن تبسمت وقالت : ياروحها ..
تنهد من قلب وقال : ياخذ بليسك كنت ناوي أكتمك ..
ضحكت .. وإتصل راكان فـ بدر ..
بدر واهو باقي يكلم راكان ويضحك : كيف العرس يـ أبو الشباب .؟؟
ضحك راكان وقال واهو يناظر وسن ويغمز لها : عسل فـ عسل .. جنتك بـ الدنيا .. وخصوصاً أـيامك الأولى ..
وسن وجهها الوآن وقامت من عندهـ وناظرها مصدوم .. ماتضمن حالها معاهـ حتى إذا يكلم .. ممكن يفشلها بشيء أكبر من كذا ..
بدر : ههههههههههههههههههههههههه ههههه .. هذا البلا .. أـيامك الاولى ..
راكان ضحك وقال واهو خاق يشوف وسن تتعدل قبال المرآيه : إي والله هي البلاوي المِتلتِله ..
بدر ضحك من قلب .. وسولفوا شوي وبعدين قفلووا ..
أم سعود تتكلم مع الماسه وريناد بـ غرفة العروس : وليش ماخذت إحتياطها من قبل ؟؟؟
دخلت جوهرهـ وعرفت السالفه قالت وإهي تناظر ريناد : حبيبتي عادي ماصار شيء ..
أم سعود شوي وتنهبل : اي ماصار شيء ؟؟؟
جوهرهـ : العنود .. إيوا ماصار شيء .. إهي مادرت وخلاص .. صار الشيء هذا .. يعني إلا تزودين عليها ..
أم سعود : إنتي كيف تفهمين .. ؟؟ بعد شوي زوجها بيدخل عليها ..
جوهرهـ : وإذا دخل ..!! ترا اهم مو ذيابه كل شيء بـ الغصب ومن أول يوم .. لا حبيبتي .. عنود الله يعافيك البنت مو ناقصه تزيدين عليها .. { ناظرت ريناد وقالت } حبيبتي عادي إللي صار لك .. وإذا صار فرصه تكلمي لـ بدر .. { حطت إيدها على خد ريناد وتكلمت وإهي تتبسم له } أوكي حبيبتي ..!
ريناد حركت راسها بـ الموافقه .. وطلعت جوهرهـ بعد ماخذت العنود معاها ..
عند بدر وريناد بـ الجناح الخاص فيهم بعد ما إنزفوا .. ريناد كانت جالسه وتناظر إيدينها إللي بـ حضنها .. جا لها بدر واهو مو مصدق .. أخيراً ريناد صارت له .. كان لابس كلش أبيض فـ أبيض إلا البشت كان أسود .. كان أسمراني شوي .. وجسمه ماهو نحيل ولا سمين طويل شوي .. ملامح وجهه حادهـ .. وحواجبه أسود ومرسومه ررسم .. وعامل سكسوكه وضابطه على شكله .. وشعرهـ لونه أسود وناعم وعلى طوول نفس باقي شباب عائلته مرفوع على ورا .. فيه كثيير من هنادي .. ومُختلف كُلياً عن تركي .. صحيح كل العائله إللي يشوفهم يقول فيهم شبه من بعض .. لكن كل واحد وله شكله .. جلس بـ جنبها ومسك إيدها وقال بكل رقه : آلف مبروك ..
ردت بحيا : يبارك فيك ..
مايدري شـ يقول ... كان مستعد لكل شيء .. لكن من شافها نسى .. شاف الملاك إللي قباله .. دلع ونعومه .. وشكلها يعطيه أكثر للباربي .. من النعومه إللي فيها .. وخصوصاً وإهي لابسه فستان أبيض ..
قام وقال : بـ أصلي وإنتي صلي ..
مشى لما شافها ماردت .. دخل وصلى وبدل ملابسه .. وطلع لها وكانت نفس ماتركها بقى واقف وقال بكل رقه : حبيبتي صليتي ..؟؟
ريناد حركت راسها بـ لا ..
بدر إستغرب : ليش حبيبتي ؟؟
ريناد شوي وتصيح قالت وإهي منزله راسها : م ... ما آصلي ..
إنصدم .. شنو حظه النحس .. وبـ اول ليله له ..
شافت الصدمه على وجههه ودمعة عيونها .. تمنت ماتنحط بـ مثل هـ الموقف .. الموقف بـ النسبه لها مُحرج بـ كثيييييييييييييييير ..
بدر حاول يكون طبيعي قال واهو يستهبل وطاق الإبتسامه ويطق كف بـ كف : ياوسسسسسخه ..
إهي سمعت كلمته وإنفجرت بكا .. وغطت وجهها بـ إيدينها ..
تبلش بدر وجلس يسب حاله بـ داخله .. غبي , تافه , سخيف .. داخل على البنت ياوسخه .. إهي شـ عرفها عن هبالك
جلس بـ جبنها ومسك إيدينها وبعدها عن وجهها وقال : آسف حبيبتي وربي ماكنت أقصد .. متعود على الهبلا هنادي وكلامي معاها كذا إذا صدتها بـ الصدفه .. أسف حُبي .. أعرف في فرق بينك وبين وجه النحس هنادي .. ترا وربي أـنا متعود كذا .. ماكنت أقصد إللي فهمتيه إنتي .. وحسبالي بـ اخفف الموقف لقيت نفسي ازيدهـ إحراج .. خلاص { ورفع إيدينها يبوسها }
ريناد متفشله مرهـ .. وخير هنادي الهبلا .. ماتستحي تسولف مع أخوها كذا .. جد ولد ماهي بنت .. سكتت شوي وقامت تبدل ملابسها .. ولا يعرف شـ يقول بعد إللي صارلها منه .. لكن كل شيء عند بدر وله حل وخصوصاً إذا كان شيء يخص ريناد .. وفعلاً ماحسسها بـ شيء مُحرج ..
بدر واهو حاضنها له واهم جالسين وبكل ذوبان واهو يبوس خدودها : أـحبك ..
ريناد متلونه خدودها غصب .. بيجننها هـ الولد ..
مو يعني ماتصلي خلاص تصير الليله سودا وإلا مو حلوهـ .. في أشياء أحلى بكثير .. وقلبوا اليله رومانسيه ~_^ ..
" وبعدين يعني .. مانتي ناويه تقفلين الموضوع ؟؟ "
رهف وإهي جالسه على الكرسي وقبال السرير إللي متمدد عليه سُلطان عشان ينام : لا .. ليما تحسسني إني عايشه ..
سُلطان واهو مطول باله : وإنتي كذا مانتي عايشه !!
رهف : لا .. آبي أعيش حياتي ... أـنا عمري 27 سنه ومحكورهـ بـ البيت .. خير إن شاء الله .. لو خدامه ممكن .. لكن أـنا زوجتك .. !
سُلطان : والله أـنا ماربطتك وقلت إنثبري بـ البيت .. أـنا قلت إذا كنتي ناويه تطلعين لـ مكان تستأذنين أول ..
رهف : إستئذنا وإستئذنا وإستئذنا .. وبعض صاحباتي ماترضى إني اطلع لهم ..
سُلطان : والله والصاحبات .. !! كل وحدهـ اردى من الثانيه .. يكفي إني أعرف من يكونون هـ الصاحبات .. وإللي يرتبط إسمه فـ إسمي يبتعد عن كل شيء غلط ..
رهف وإهي توقف : آفففففف .. هذي ماهي حاله .. إنت عايش حياتك مع زوجتك الأولى وأـنا هنا محكورهـ ..
قام من السرير قال واهو معصب : خير .. آففف لـ منو ..؟؟
إهي سمعته معصب قالت بكل خوف : لي .. لي اـنا ..
سُلطان : يابنت اقصري الشر ..
رهف وإهي معندهـ : ماني ساكته ليما تلاقي لي حل ..!
سُلطان : حسبالك أـنا فاضي عشان أقابلك .. يابنت ترا أـنا وراي شركات مو شركه وحدهـ .. إللي هنا وإللي بـ الخارج .. وكل هذا إللي مسؤول عنها أـنا .. وغير هذا البيوت إللي مسؤول عنها .. شـ أسوي بـ عمري أـنا .. !! شـلون تفهمين عشان أفهمك .. ! وإلا شـ رآيك أترك أوراقي وحلال الناس إللي أـنا ما*** واقابلك .. !!؟؟ قولي شـ إللي يريحك ..!!
رهف وإهي تحط إيدها على خصرها : لا والله أـنا ما افهم ..!!؟ مايهمني شغلك .. المهم أـنا أعيش حياتي .. وهذا إنت تقول حلال الناس .. يعني تشغل نفسك عشان الناس ..!! وتطنش بيتك ..!
سُلطان وبكل عصبيه : الناس هذيل كلهم أهلي .. وقفلي الموضوع الزفت وخليني أـنام ..
ناظرته وسكتت وطلعت من الغرفه وإهي مقهورهـ ..
رجع لـ سريرهـ .. هذيي ناويه تذبحه بـ خنايقها .. مايدري كيف تفهم .. شـ إللي بلاهـ فيها .. !! حط راسه على المخدهـ واهو يشوف فرق كبيييييييييييييييييييير بينها وبين جوهرهـ .. فرق السماء عن الأرض .. ونام بعد مارفعت ضغطه ..
بعد زواج بدر وريناد بـ 7 أـيام وكانوا بـ شهر العسل .. كانت ريناد تكلم أمها وعند أمها كل خالاتها ...
العنود وإهي تتكلم بصوت عالي : إسأليها طهرت وإلا بعد ..؟؟
الحريم إنفقعوا ضحك .. ريناد تلونت خدودها .. ياربي من كلامهم ..
هنادي تصارخ على ريناد : فشلتينا الله يفشل إبليس ... أحد يصير له فـ ليلة زواجه نفسك ..
ريناد ماهي قادرهـ تكمل كلام مع أمها ..
هنادي : مالت على حظ أوخيييي ..
أم سعود بتزيد : إنتي شفتي كيف ..! ماتهنى المسكين ..
هنادي : ما أخذ وحدهـ سنعه ..
أم سعود : أبد .. الذرابه بـ جهه وإهي بـ جهه ..
ريناد وإهي مقهورهـ منهم : قولي لهم طهرت وخلصت ومالت عليكم .. وإللي فيها خير تتكلم ..
صارخوا الحريم لإنها فاتحه السبيكر ..
أم سعود وإهي تضحك : شـ صار بعد الطهارهـ هذي ؟ قولي ..
ريناد تلون وجهها كله قالت : موتي حرهـ ماصار شيء ..
هنادي تلكم خالتها العنود : ماعليك بس اليوم طهرت يعني مامداهم ..
الحريم : هههههههههههههههههه
أم سعود : ريناد أمي سلمي على بدر وقولي الهمه ياولد ..
ريناد : لا والله .. أساساً مايعرف إلـى الأن تبيني أقول كذا .. مستحيل .. شافت بدر دخل عليها قالت : يُمه أكلمك وقت ثاني ..
صارخوا الحريم والبنات ..
إرتبكت وتلونت كلها من صراخهم ومن نظرات بدر لها وقفلت على طوول ..
بدر واهو يجلس بـ جنبها على السرير واهو ذايب مرهـ من اللبس والكشخه إللي إهي فيها ولسا سامع كلامها مع خالاته قال واهو مسند راسها على صدرهـ ويمسح من على الكتف والإيد : حبيبي ..
شاف إنها ذايبه وخجلانه كمل : الجو هنا حلو .. ويساعد على اشياء كثير .. يعني يريح الواحد غصب .. { سكت شوي وكمل بكل رقه } متى خلصتي ؟؟
فهمت عليه وتلونت كلها ماقدرت تتكلم من الخجل ..
بدر واهو يتكلم بـ أسلوب حلو : حبيبي أـنا زوجك .. لاتبنين حواجز بيننا .. أـنا مُلك لك وإنتي مُلك لي .. إثنينا حلال لـ بعض .. عيوني إنتي .. لاتخجلين وقولي لي ..
ريناد تكلمت والخجل بيموتها : الـ ...... اليوم بس ..
بدر يتكلم معاها أكثر عشان يخفف توترها قال : حياتي إنتي .. باس رقبتها { وكمل } حياتنا ماشيه بـ إذن الله .. مافي شيء بيصير إلا بـ رضاك .. وفعلاً بـ محاولات بدر وكلامه ولمساته إللي تسحرها غصب رضت وبـ قناعه تامه ~_^
ولدت تهاني ولد والكل إنبسط لـ ابو فارس ولـ تهاني .. وإتفقوا على إسم " بسام " ..
عند راكان ووسن .. وسن شكت فـ وضع راكان يصير مرتين بـ اليوم وإلا 3 مرات إلا يطلع خمس دقايق ويرجع وريحة العطر أقوى من قبل لا يطلع وياكل له علك .. كانت جالسه ترفع شعرها بعد ماخذت شاور ولبست وضبطت حالها وذا الحين بس الشعر .. جا من وراها وحضنها وباس رقبتها بكل رقه .. قلبها من حركاته إللي مثل هذي ينبض أكثر .. لفت له .. ناظرها بكل حُب .. قالت وإهي تحاول تخفي توترها .. لإنها عارفه شنو نهاية هـ الوضع : ويـ .. وين كنت ؟؟
راكان واهو يناظرها وطلع من الغرفه قال : نزلت تحت شوي .. وهذاني جيت لك ..
وسن وإهي تشوفه يجلس على السرير : آمم .. ممكن سؤال ..!
راكان واهو يتمدد على ظهرهـ وإيدينه على ورا وإرجوله منزله بـ الأرض مو على السرير : إسألي ياروحي ..
وسن ماتدري كيف تسأل : آ ... تدخن ؟؟
سكت شوي وقام جالس واهو ياخذ نفس قال وبكل صراحه : بسببك إنتي ..
وسن عارفه هـ الشيء : إنت قلت من قبل عشان الظروف إللي نمر فيها .. صح ..!
رااكان : صح ..
وسن : أوكي .. ذا الحين متزوجين والحمدلله .. إلا إذا أـنا مقصرهـ فـ شيء !
رااكان قام وم***ا من خصرها وبـ نبرهـ حلوهـ : مستحيل يجي منك تقصير .. لكن عشاني كنت من أول ادخن .. وبعد ماتزوجنا الحمدلله .. بس صار مرتين
بـ اليوم ..
وسن سكتت ولفت عنه .. مهما كان ماتبي له الضرر والتدخين أكبر ضررر .. يعني اهو مايعرف ..
صار يعرفها حييل وكأنه عايش معاها عُمر مو شهر وبس .. م***ا من خصرها من ورا ولفها له .. ماناظرت فيه .. عيونها لـ اي مكان ثاني غيرهـ اهو ..
راكان يلف وجهها له قال : أـنا ما آحب أشوفك تتهربين من نظراتي .. الموت عندي أهون ..
ناظرته بقوهـ .. قالت : لا تقول كذا ..
راكان : عشان ماتناظرين بعيد عني وأـنا موجود عندك ..
وسن سكتت ..
كمل واهو يقرب جسمها له : إنتي حبيبتي ووعد مني وقت قصير واكون مبطله نهائياً ..
وسن سكتت ..
راكان واهو يناظر فيها وشبه حاضنها بـ خفيف : ماتبين تاخذين مني وعد ..؟؟
وسن : عشان لاتخلف فيه .. وأـنا من عادتي إللي يخلف بـ وعودهـ معاي يطيح من عيني وما اقدر أتقبله بعد كذا .. واـنا ما آبي ناخذ من بعض وعد على شيء الأكيد يضرك وبـ الأخير تخلف الوعد و ..... { سكتت ماتكلمت .. ماتبي تقول تطيح من عيني ... لإنو الموت أرحم لها من هـ الشيء .. تتحمل أي شيء إلا إنو راكان مايوفي بوعودهـ لها .. إهي تعرف نفسها مع الناس العاديين لما يخلفوون وعودهم مو عاد حُبها }
راكان فهم عليها وسكت شوي وتكلم بنبرة صدق : صدقيني كلها مسألة وقت واتركه .. بس آبي منك تساعديني على هـ الشيء .. آبي كل شيء بحياتي تشاركيني فيه إنتي وبس ..
ناظرته .. تموت فيه قليل .. قالت وقلبها ينبض بـ إسمه : إنت اهم شيء بـ حياتي .. وأـنا معاك على طوول ..
حضنها له أكثر وهمس بـ إذنها بعد ماباس رقبتها : وربي أعشقك .. ^_^
كان متمدد على سريرهـ ووالشوق معذبه .. يحن لها بـ شكل مو طبيعي .. ويحاول قد مايقدر يضغط على حاله ولا يمر على جناحها .. قام من غرفته ونزل تحت ودخل للمطبخ .. وشاف الخدامات .. إنتبهوا له ولفوا كلهم .. قال : جناح مدام خلود آبيه يترتب وكل شيء فيه ينشال .. أوكي ..
سألت المسؤوله فيهم : متى ؟؟
حمد بحزم : ذا الحين ..
قالت : بس مدام خلود موجود ..
ناظرها مصدوم .. وقف شوي .. خير !! شـ عندها فـ الجناح .. !! رقى واهو مو شايف طريقه .. ومن غير إستئذان فتح باب جناحها .. كانت جالسه على الكنبه ولامه حالها وتفكر .. إنفجعت من فتحت الباب بهـ القوهـ .. نزلت حالها من الكنبه .. واضح التعب عليها .. ووقفت .. اهو واقف عند الباب وإهي قباله عند الكنبه وإثنينهم يناظرون بعض .. حمد تمنى ماشافها .. ليت تعبك فيني .. ليتني أقدر أريحك بهـ الدنيا .. شـ إللي مسوي فيك كذا .. مو هذا إللي تبينه .. قلت لك روحي
لـ بيت أهلك وهذا شيء فوق تحملي .. وضغطت على حالي عشانك .. أتحمل التعب بس إنتي تطلعين من حياتي وتشوفين حياتك وتعيشين مبسوطه ..
خلود تتمنى تلمه .. تمنى حضنه بهـ اللحظه . . تناظرهـ تبي منه آي كلمه .. إفهمني .. آبيك تحس فيني .. وربي تعبت والتعب مل مني ..
حمد واهو يقسي قلبه : شـ رجعك ؟؟
خلود إنصدمت .. كل هذا ومايعرف إني ماطلعت .. كتمت غصتها لكن دمعة العيون .. قالت بصوت متقطع : ما .... ماطلعت من هنا ..
الصدمه كبيرهـ على حمد .. موجودهـ كل هـ الوقت ولا عرف عنها .. يـ الله .. مايبي يوضح لها أكثر قال : إللي اهو .. !!!
خلود نزلت دموعها .. تقطع قلبه وقتها .. يبي يحضنها .. يخفف عنها .. لكن هذا مو من صالحهم .. إذا سوا لها كذا وبعد ماتهدأ راح تعيفه وتقلعه نفس كل مرهـ قال واهو يكابر وبكل ثقه : مو هذا إللي تبينه من زمااااااااااان .. مو إنتي عايفتني .. خلاص .. إللي تبينه جا لك .. واـنا مسامحك .. مع كل حرف يطلع منه قلبه يتقطع مليون قطعه .. ينكسر من الداخل أكثر من الأول .. الهموم تزيد عليه ..
يشوفها كيف تغير وجهها بعد كلامه .. واضح إنو كان قوي عليها .. بس من جد هذا إللي تبينه ياخلود .. ريحة عطرها تزيد جروحه .. يبي يطلع من هـ الجناح وبسرعه .. تمنى صار له شيء قبل لا يدخل عندها ..
حركت راسها بـ معنى لا ..
حمد واهو يتكتف وكأنه يشيل هموم زيادهـ على إيدينه : ما شاء الله شنو إللي لا ..!!
خلود وإهي تبكي : إنـ .. إنت ماتفهم .. إنت ماتحس ..
حمد رفع صوته : أـنا ؟؟؟؟؟؟؟؟ ... { كمل بنبرة تعب وكأن صوته مخنوق } أخر من يتكلم عن الإحساس إنتي .. لو ما احس ماسويت لك إللي تبينه ..
خلود بكت زود . . مهما قالت ما راح يفهمها .. فهمها صار مستحيل .. ليش كلامها صار مو مفهوم .. للدرجه هذي صعب . ؟؟ وإلا الغلط منها .. !
حمد ممكن بـ آي لحظه يروح لها وياخذها بـ حضنه مهما سوت له .. مايهون عليه شكلها .. يكفي إنو متحمل العذاب عشانها .. وكل هذا وتقول ماتحس .. كيف الإحساس إللي تبيه ومستعد يخلقه فيه إذا مو موجود عندهـ .. قال واهو يناظرها بقوهـ عكس إللي داخله : إسمعي ..
سكرت عيونها وتركت دموعها تنزل .. كلمته قويه .. إسمعي وبكل قوهـ قالها وكأنها ولا شيء عندهـ { كمل } إذا على الأهل خايفه لا يحطون اللوم عليك .. لاتخافين .. لإني أـنا الغبي إللي رضيت بـ وحدهـ ماتبي .. بايعه .. عايفه .. المفروض من الأول { شدد } اـنا إللي اقول لك ما آبيييييييييك .. ماتعنين لي شيء .. وأـنا إللي بـ اقول إنو الغلط مني أـنا .. أول واحد يثبت للخلق إنو أغبى شخص بهـ الدنيا ..
بكت بقوهـ .. هذا يزيد عذابها .. إهي تتكلم عن شيء واهو عن شيء .. ليش مايلتقون بـ شيء .. صرخت وقالت من بين بكاها : إنت جاي تعذبني زود .. إطلع براااااااااااااااااااا ..
ناظرها وقال واهو متعود على كلامها وكرهها له : مو أول مرهـ .. واكرر واعيد .. أـنا غبي إللي رضيت فيك .. وكأنه يرد على طردتها بهـ الكلام .. وطلع من عندها .. جلست على الأرض وإهي تصيح .. وصياحها يوصل له واهو بـ جناحه ..
شـ يسوي فيها .. عذااااااااااااااااااابه زاد .. شـ إللي يفيد معاها .. البنت وماتبيه وقالها تروح لـ بيت أهلها وجلست .. تفاهم معاها وقالها إنو راح يتحمل كل شيء عند العائله ولا فااااااااد معاها .. زادت حالها .. مسك راسه .. آآآآآآآآآبي افهم شـ تبي ..؟؟ آآآآآآآآآآآآآآبي أرتاااااااااااااااح من هذا كله .. ضرب الجدار بـ اقوى قوهـ عندهـ .. آلمته يدي .. لكن تهون عند آلمه إللي داخله .. كل شيء يهون عند حزنه على خلود , عذابه بسبب خلود , همه من خلود ..
يعني من قل المصايب ؟!
صاب هذا الصدر " ضيق "
وإلا يعني من حلاة الحظ و [ علو المكانه !!
ذي حياتي من مضيق .. في مضيق .. في مضيق ,
ولو بحثت الصبر فيني , ما أجد لـ / الصبر خـانه !
عادتي .. لا ضقت أدور حضن وعيون الرفيق
مشكله ..!!
لا صار ضيقي " منه " و .. أحزانـي { عشـانه ’
ماهو قادر مايسمع صوت بكاها القوي .. مايبي يسمع شيء منها .. اهو ماحصل أجوبه للإسأله إللي عذبته من قبل .. تجي تزوووووود هذا كله .. تزيد عذابه .. تزيد حيرته .. يبي يحصل جواب حتى إذا جواب واحد يريحه .. المهم مايبقى بحيرته وعذابه وهمه هذا وكل فترهـ والثاني تزداد .. أساساً بـ مجرد التفكير فيها يزداد العذاب .. والأكيد بـ الثانيه يزداد وينزف أكثر من اول .. طلع من جناحه وطلع من البيت كله ..
جوهرهـ تكلم أمها بـ الموبايل : يُمه مو نفسه أول ..!!
أمها : حبيبتي يمكن عندهـ مشاكل بـ العمل .. إنتي تعرفين عمله ما شاء الله والله يزيدهـ أكثر وأكثر . . كل الدنيا على راسه ..
جوهرهـ : يُمه لو عندهـ مشاكل بـ العمل خبرني عنها .. لكن لا .. سُلطان في شيء ثاني ..
أمها تحاول تخفف عنها : أمي إنتي .. لا تشيلين هم .. وتأكدي إذا عندهـ شيء إنتي أول وحدهـ تعرفه ..
جوهرهـ : أـنا ما آبي أشوفه كذا واسكت ..
أمها : سألتيه ..؟؟
جوهرهـ : ما سألته لإني متأكدهـ إنو السالفه فيها رهف ..
أمها : منو رهف ؟؟
جوهرهـ : زوجته الثانيه يُمه ..!
أمها : إيوا .. ماكنت أعرف إسمها .. يمكن .. لكن لاتشيلين هم سُلطان .. الله يحفظه يعرف يعدل أمورهـ ..
جوهرهـ : إن شاء الله ..
طول الوقت بـ السيارهـ يتمشى بـ الخبر كلها .. مايدري وين يروح .. إختار رقم سي دي وإشتغل .. وكانت أغنية ..
أـنا وخلي كل دارٍ وطنى
قلبي وروحي كلها له هديه
لو التمني ينفع إللي تمنى
ماكان صرت اليوم نفسي شقيه
أشوف كلٍ مع حبيبه تهنى
وأـنا حبيب الروح صعبٍ عليه
قلبي بـ حُبك ياحبيبي تعنى
إرحمني ياعل أـيام عُمرك هنيه
إن كان سيد البيض بـ الوصل منىَ
خطيته ياكبرها من خطيه
تردد بـ مسمعه ..
أشوف كلٍ مع حبيبه تهنى
وأـنا حبيب الروح صعبٍ عليه
قلبي بـ حُبك ياحبيبي تعنى
إرحمني ياعل أـيام عُمرك هنيه
وكأن الأغنيه زادت عذابه وكأنه تعود على الإزدياد ولا صار يتعب من كثر التعب إللي فيه .. خلاص فوق التعب إللي فيه مافي تعب .. دق موبايله وطلعه من جيبه وكان تركي .. ولا رد .. ماهو رآيق كلش يروح للإستراحه .. فكر يطلع للبحرين .. لكن ناظر الوقت متأخر .. الساعه 10 بـ الليل .. وإذا بيطلع للبحرين هـ الحزهـ بينام هناك وبيسحب أسبوع واهو ماخذا إجازهـ .. ولا أحد يعرف عنه .. فكر يسويها ويختفي عن الكل .. يختفي لـ مكان ما احد يعرف وين اهو وإلا من فين جاي .. بكذا ممكن يرتاح شوي .. لكن العذاب إللي بيزيد عليه أهله .. اهو ماهو ناقص عذاب زيادهـ .. وويجي على أخر شييء يزيد همه هم .. تنهد من قلب وقال : خلود قلبي بحُبك تعنى .. إرحميييييييييينييييي .. رجع للإستراحه بعد ماحصل الشباب كلهم فيها عدا حاتم .. جلسوا سواليف ..
بعد ساعه دخل عليهم حاتم .. وقال : شباب موضوع عامر إنتهى ..
صاروخوا ..
فارس واهو يتبسم : فـ ذمتك !!
حاتم : والله .. خلاص .. كل شيء صار معاي ..
حمد إللي كأن تغيرت النفسيه شوي : كفوووووووو والله .. قول وفعل ياحاتم ..
حاتم تبسم له .. وقال : الله يسلمك ..
وسام : يلا طلع وراونا ..
حاتم ناظرهـ بـ نص عين قال : إحنا ماقلنا كذا ..
ياسر : ياسلام ..
حاتم : ياسلامين .. بُعدكم تشوفونها ..
حمد : صح .. خير نشوف .. إحنا متفقين إنو كل شيء مع حاتم ..
خالد : حاتم كل شيء سويته نفس إللي قلت عليه ..!!
حاتم : أـفأ عليك .. وإعتذار منه بعد إللي جا له مسجل مع الباقي ..
سعود : حلو ..
فيصل : بـ موبايلك ؟؟
حاتم : لا حبيبي خذيت موبايل جديد وسويت الكل فيه ..
تركي واهو يضحك : إنت كنت معاهم ؟
حاتم : أـنا المُشرف على هذا كله .. وعشان تتطمنون كل شيء صار بـ مزرعته ..
إنهبلوا الشباب ..
تركي : صادق ؟؟!!!
حاتم : والله بـ مزرعته ..
حمد : ياخذ بليسك وكيف ؟؟
حاتم : مافي شيء صعب علي .. خليته يدخلنا لـ مزرعته وبـ رضاهـ واهو عارف شـ رآح يصير له ..
خالد بصدمه : نعـــم !!
حاتم ضحك وقال : شـ فيكم ؟
فارس : قول غير هـ الكلام ..! قول فـ مزرعتنا ومن غير لا يعرف ونصدق ..
حاتم ضحك وقال : لا ياحلوين .. بـ مزرعته وبـ رضاهـ وعارف بـ إللي راح يصير له مني أـنا وإللي معاي ..
وسام طقها ضحك وقال : وينك يابدر تسمع ...
ضحكوا الشباب ..
وسام : وربي لو بدر يسمع راح يقول . . شكله من كثر حُبه لـ الماسه يتمنى حتى حُراسنا ..
ضحكوا عليه ..
حاتم : أكيد بيرضى لإنو كل شيء بـ إيدنا .. وبيوافق من كيفه أفضل من إنو يصير غصب عنه .. ولكن قبل بيننا إتفاق .. إذا تعدا على أحد من العائله حتى إذا صغير .. المقطع إللي عندي ينتشر وغير هذا بيجي له تسنيع مُحترم . . وافق غصب عليه .. واهو عارف مستحيل اسويها وانشر المقطع إللي عندي من غير لا اهو يغلط ..
خالد : صح .. اهم ماعليه سمعته ..
حاتم بـ إرتياح : الحمدلله .. ذا الحين أتحدا إذا يقدر يسوي شيء وإلا يفكر حتى .. هذا عامر وإفتكينا منه ..
وسام : هذا وجهي إذا حط عينه بـ عينك مرهـ ثانيه ..
ضحكوا الشباب ..
حاتم : مانتقابل كثير أساساً .. ولا آبيه يحط عينه بـ عيني .. خله فـ اشغاله بعيد عن عمتي ..
أبو خالد ورهف تكلمه بـ الموبايل قالت رهف : بس ليش ؟؟
أبو خالد : بس هـ العائله بيننا مشاكل وسمعتهم ماتعجبني وإنتي إللي عليك ماتروحين ..
رهف مو عاجبها كلش : لسا حاتم ميت ضحك ..
وسن وإهي تكلم حاتم : حُبي كيفهم باقي العائله ..؟؟
حاتم : أبد كلهم تمام التمام والحمدلله .. بدر لسا غاطس بـ شهر العسل .. وتركي بعد ماتملك واهو ......
قاطعوهـ إثنينهم : تملك ؟؟؟؟؟؟؟؟؟؟
حاتم ناظرهم قال : إيوا .. صح إنتم مادريتوا .. ! إتخيلوا تملك على وتين ..
إنصدموا وبـ نفس الصدمه تكلموا بـ قوهـ : وتييييييييين ؟؟
حاتم ناظرهم : إسم الله علي .. هذا تركي مو أـنا ..
وسن : مستحيل !!
رااكان : شايفنا معاريس قلت استهبل عليهم ..
حاتم : والله ما استهبل .. هذا إللي صار .. تملك قبل أسبوعين .. وزواجه بـ عيد الفطر ..
الصدمه زادت ..
وسن : حاتم ماتدخل العقل .. تركي ووتين مايركبون كلش ..
راكان واهو يعكس الكلام : عادي حياتي الزواج يركبهم غصب ..
هنا حاتم إنفقع ضحك وراكان طق كفه بـ كف حاتم ..
وسن ناظرته ووجهها الوآن قالت : إنت لاتتكلم بهـ الموضوع بـ الذات ..
راكان : هههههههههههههههههههههه .. امووووووووت على إللي يستحوون ..
حاتم : ههههههههههههههههههههههههه هه .. ماسلمت من وساختك يعني .. !!
راكان : ههههههههههههههه .. لا الدروس شغاله ..
حاتم واهو يضحك : إذا على كذا شهر بـ الكثير وتتكلم بكل طلاقه نفسك ..
راكان واهو يناظرها بـ نظرات تعرف معناها : وهذا إللي آبيه ..
لفت عنه .. وقالت : حتومي صحيح وتين وتركي ..!!
راكان : ياليل قالنا لك يركبون غصب وغمز لها ..
حاتم يضحك .. كتمت ضحكتها عشان لا يتمادا بـ الكلام هذا عند الكل ..
حاتم : إيوا ياقلب حتومي ..
راكان : وكيف وضعه تركي ..؟؟
حاتم : إللي واضح لنا عادي .. لكن ماتكلم عن إللي داخله ..
وسن : كيف وتين رضت ؟؟
حاتم : خطب الأربعاء وتملك الجمعه ..
راكان صفر وقال : والله تركي ماعندهـ وقت كلش .. { قال واهو يناظر وسن } مالت علينا سنين وإحنا ننطر ..
ناظرته وقالت بكل روآقه : على الأقل نطرك نولك كل حلوووو وكل خيييير ..
راكان تنهد وقال : في هذي صدقتي ..
حاتم : يـ الأخو ترا أـنا موجود يعني لاتنسى نفسك ..
ضحك راكان وقال : لاتخاف ماخذ إحتياطي ..
حاتم : إيوا وكيفكم إنتم ؟؟
وسن : عال العال والحمدلله ..
حاتم : دوم يارب .. وإنت ؟
راكان واهو يناظر وسن ويأشر : إذا هذي معاي تأكد إني بـ افضل حال ..
وسن ناظرت العصير إللي قبالها ماتحب تحط عينها بـ عينه إذا كان يتكلم بـ جد ..
حاتم : عسى الله يهنيكم ..
كلهم : آمين ..
راكان : إيوا .. وإنت شـ عندك سنه هنا ؟؟
حاتم : في مشروع ولا طاح بـ المشروع غيري ..
راكان : يلا تكون قريب مننا على الأقل .. صحيح وين تسكن ؟؟؟
حاتم : فـ بيتي الجديد ..
راكان : اشوووى .. خفت تكون فـ شقه وابتلش فيك يقال إني ولد عمك ولازم أكون كريم واسكنك عندي وأـنا ماني فاضي لك ..
ضحكوا من قلب ..
حاتم : مشكور ما بعد إحتجنا لك ..
راكان : الحمدلله ..
حاتم : صح ترا شريفه ويحيى عندي ..
راكان : يارجُل إتركهم عندك وإذا إحتجنا لهم إتصلنا فيهم يجون وبعدين يرجعون لك ..
حاتم : لا والله .. أـخاف مضيع مكتب الإستقدام ..!!
راكان : لا الله يسلمك .. بس إحنا لسا متزوجين وتعرف إلا ناخذ راحتنا وإنت عزوبي فـ خلهم عندك ..
حاتم : عزوبي يعني اللعب معاهم وإلا شـ السالفه ..!
راكان : تلعب ترقص عادي سامحين لك .. وترا في 3 خدامات راح يجوون بكرهـ فـ راح أنزلهم عندك ..
حاتم : خلاص ولا يهمك .. أهم شيء تجلس مبسوط إنت ..
وسن : أـجل أـنا بـ أروح مع حاتم ..
حاتم : ياقلبي أـنا اساساً جاي أخذك عشان شريفه ويحيى ..
راكان : أجل خلهم يجوون هنا ..
ضحكوا عليه .. طلعهم حاتم على حسابه يتعشوون ..
عند ريناد لسا مقفله من أمها وكان بدر راجع من تحت .. قامت له وقالت وإهي تتبسم : أمي تسلم عليك ..
تبسم لها واهو يقربها له مرهـ وجسمه يلامس جسمها قال : الله يسلمها ..
نزلت عيونها للأرض ..
رفع وجهها وقال بـ نبرهـ حلوهـ : خلينا من أمي وأمك وجدانا كلهم .. خلينا فيك إنتي وبس ..
تلونت خدودها قالت بـ حيا : شـ فيني ؟؟
بدر واهو يقربها قال بـ همس : ما أشتقتي لي ؟؟
ريناد بخجل : أشتقت لك ..
بدر : يارووح بدر إنتي .. وباسها بكل هدوء على خدها ~_^
على نهاية الأسبوع عمل راكان حفله .. بـ قاعه كبيرهـ بـ الرياض لـ وسن عشانها شرفت الرياض .. وكانت قمه بـ الروعهه .. وهذا إللي قهر خالاته زود .. ومرت الأـيام والكل عايش حياته ومبسوط عدأ حمد وخلود إللي كل واحد شايل همه ..
قبل رمضان بيومين إتفقوا العائله يفطرون كل يوم سوأ عدأ يوم الخميس كل واحد فـ بيته ومع أهله .. وهـ الشيء ريح حمد لإنو راح يكون مع الرياجيل يفطر عكس لما يكون فـ بيته اهو بـ روحه وخلود بـ روحها .. وتين أمها وأمل يجهزون لها وإلا إهي ماطقت اي إهتمام .. وشوقها لـ وسن يزداد وخصوصاً إنها من زمان ماشافتها .. الجوري خذت إجازهـ من العمل ترضايه لـ خالد .. وسن وراكان عايشين حياتهم على افضل مايكون .. لكن في أوقات إلا منيرهـ تنغص عليهم شوي .. ومع هذا راكان مايعرف ووسن تسكت عشان ماتسبب مشاكل .. إهي ماتروح لهم .. لكن في اوقات اهم يجوون زيارهـ لـ راكان .. ومن الحرهـ إللي يعيشونها لإنو راكان مدلع وسن أخر دلع .. عندهم ومن وراهم .. وسن فهمت السالفه من وتين إنها مجبورهـ من أمها على تركي .. وفكرت كيف تركي يحبها كل هذا ويتكلم معاها بـ الطريقه هذي .. ما أقتنعت كلش ومع هذا ماقالت لـ وتين عشان لاتزيد حقد على تركي .. ريم صارت حامل وبـ الشهر الاول .. وعزام ماهو عاجبه .. يبي يستانس الولد أكثر .. دارين نفس الشيء حامل .. وفواز طاير من الوناسه أخيراً وبعد هـ العمر راح يصير أبو .. الكل فرحان للدفعه الجديدهـ إللي راح تشرف العائله ..
أمل والجوري باقي لهم شهرين ويولدون .. طبعاً الجوري بعد مابرز بطنها طالع شكلها عذااااااااااب .. مشاعل باقي لها 3 شهور .. العائله كلها متشوقه وبقوهـ ..
زواج تركي ووتين 4 عيد ..
نص رمضان كانت وتين لسا راجعه من المجمع .. حصلت نور الممجلس مشتغل دخلت بعد مافسخت لثمتها وشافت تركي جالس بـ روحه قالت : إنت !!
ناظرها وقال : لا تفرحين ماجيت أدورك ..
وتين : لا ما أقدر .. بـ أنتحر ترا ..
تركي : أـنا مقدر وضعك .. لما تقابلين واحد حاب يستر عليك وماخذك غصب ..
وتين إنقهرت قالت : لا تحلم إنك تمشيني على كيفك ..
قال بـ قوهـ : غصب عليك تسمعين كلامي ..
وتين ضحكت بقوهـ قالت : بُعدك ..
ضحكتها قهرته .. قام لها وقرب منها وإهي كأنو ولاهامها ..
ريحة عطرهـ قويه .. حست أنفاسه قريبه ناظرت .. قبالها على طول قال : ترا ماسمعت ..
وتين توترت لكن ماحبت توضح قالت : حسبالك بـ تخوفني ..!!
تركي : لا إنتي ماينفع لك إلا الأسلوب الثاني ..
دخل سعود قال واهو يصفر : الأحبه مجتمعه ..
وتين قالت إلا تقلبها عليه وبكل دلع : تركي حبيبي شـ حاب تشرب ..
ناظرها .. عارف لعبتها لكن مو أذكا منه قال : ياحياتي جاي أشوفك واجلس معاك وبس ..
وتين إلا ترفع ضغطه قربت وبكل جرأهـ وباست خدهـ وقالت : شوي وراجعه .. وطلعت واهو مصدوم .. تايه .. شـ سوت هذي .. بوسه وقبال أخوها بعد .. خير .. شـ ناويه عليه تجننه .. !!
سعود ضحك وقال : أبو الشباب إمسك نفسك ..
صحى على سعود وضحك لـ سعود وجلس وإنسحب بعد خمس دقايق بـ الضبط .. عشان لاتعتبر حالها نجحت بـ إللي سوته .. بُعدها الشيء هذا ..
عند بدر وريناد كانوا جالسين يتابعون التي في .. ريناد راسها على كتف بدر ..
ريناد وإهي ترفع نظرها لـ بدر ..
ناظرها وتبسم قال : شـ عندك .. ؟
ريناد تفشلت لإنها مكشوفه له مرهـ قالت بحيا : ولا شيء ..
بدر باس خدها وقال : قولي ياحياتي .. شـ إللي بـ خاطرك ؟؟
ريناد : آمم .. كيف تجهيزات تركي للزواج ؟؟
بدر : تمام .. ليش ؟؟
ريناد : ما ادري كيف بـ الضبط .. لكن اهو متقبل وتين ؟؟
بدر : أكيد وإلا مافكر فيها ...
ريناد : كل يوم يعدي ويقرب موعد زواجهم أخاف حيل ..
بدر عقد حواجبه : ليش الخوف ؟؟
ريناد : أحسهم مو متفاهمين كلش .. حتى إذا شكلهم عندنا أوكي ..
بدر : حياتي إنتي .. ربي يوفقهم كلهم .. خلينا فـ حالنا .. شـ علينا من الإثنين وتين وتركي .. يعني ضاقت المواضيع نتكلم فيهم ..
ضحكت ..
بدر : ياعلني فدا هـ الضحكه يانااااااااااااااااااااس ..
ريناد وإهي منزله إيدها على صدرهـ وتلعب بـ التي شيرت إللي لابسه : بدر ..
بدر واهو حاضنها له : لبيه يابعد من قام عن الأرض وقعد فيها ..
تمووووووت عليه أكثر إذا رد عليها كذا قالت بدلع مع حيا : أـنا اسعد وحدهـ
بـ الدنيا ..
لمها له أكثر وقال : واـنا سعادتي تضاعف سعادتك لإنك مُلكي أـنا .. وطبع بوسه على شفايفها .. وإبتدأ المشوار .. ~_^
وسن وإهي تجي وتروح فـ مكتب راكان .. عرف إنها تبي تتكلم فـ شيء ولا تبي تقطع عليه شغله لإنو يشتغل على أوراق واللاب .. جدهـ صاير يثقل عليه بـ العمل .. وكله عشان مايفضى حق وسن .. مو كافي مايطلع من الشركه إلا متأخر حيل .. وفوق هذا العمل لاحقه بـ البيت .. نزل الأوراق إللي بـ إيدينه وقال بـ خاطرها " يلعنه من عمل كذذا .. العمر مرهـ .. وجدي يبي يحرمني من سعادتي فـ عُمري هذا " قام ودخل لـ غرفته وحصلها بـ غرفة الجلوس .. جلس بـ جنبها وباس إيدها واهو عارف مقصر معاها .. والسبب جدهـ فـ هذا كله .. ويعرف جدهـ مايرفض
لـ خالاته كلمه وكل هذا من تحت تخطيط خالاته .. كرهـ تفكيرهم وتخلفهم .. قال بكل رقه : آسف ..
ناظرته وقالت بكل رقه : حبيبي مو زعلانه وربي ..
حضن راسها لـ صدرهـ واهو يتسأل .. كيف خالاته مايشوفون كل هـ الطيبه إللي فيها وكل هـ البرأهـ .. قال : شـ إللي بـ خاطرك ياروحي ..
محتاجه حضنه .. هذي حالته من رجعوا .. عمل هنا وبـ الشركه متأخر .. وإهي ماتكلمت فـ شيء .. ولا وضحت له .. سكتت ولا تكلمت ..
مسح على خدها وحمد ربه إنو خالاته وجدهـ مالهم تدخل بـ نومهم وإلا كان من زمان خططهم شغاله .. قال بكل حنان : تكلمي ..
وسن : فين راح يكون عيدنا ..؟؟
فهم عليها ولا يبي يوعدها لإنو ممكن جدهـ يعرف وجدهـ وقتها ماعندهـ مانع يشغل الشركه يوم العيد عشان راكان يشتغل فيها ولا يرتاح مع زوجته عند أهلها .. من رجعوا من السفر ماشافت أهلها .. ولاتكلمت فـ شيء قال : حُبي .. ما اوعدك .. لكن أشوف أموري ..
قامت وقالت بسرعه تخاف عليه من خنايق جدهـ لإنها مرهـ سمعت بـ الصدفه يتكلم معاهـ بخناق : إذا ماتقدر خلاص ..
ضحك وقال : كلها كم يوم واعرف .. لا تخافين إن شاء الله خير .. { كمل } يلا إتجهزي .. راح نطلع نتمشى .. زمان ماطلعنا ..
وسن : مو كأننا قبل أمس طالعين ..
راكان : أعرف .. بس آبي على طوول نطلع ..
وسن : طب .. أوراقك انهيتها ..؟؟
راكان : طُززززز .. فيها .. إللي بيقبل فيني يقبل واـنا اشتغل بـ الشركه مو
بـ البيت ..
ضحكت وباسته على خدهـ وقالت : أـحبك ..
ذاااااااااااب وقال : أقول نكنسل الطلعه ونتركها بـ الغرفه أفضل ..
ضحكت وقالت : وعد إذا رجعنا عملت لك أحلى طلعه بـ الغرفه ..
ضحك وقال : أوكي يلا ..
نزلت وخبرت شريفه إنها راح تطلع .. وكان بـ المطبخ الطباخه والمنظفات .. إهي ماترتاح للمنظفات .. ماتدري شـ السبب .. بعد ماطلعت .. رقت شريفه لـ جناح وسن وراكان ونظفته وعدلته وقفلته .. لإنو وسن ماتوثق فـ غير شريفه وإهي محل ثقه ..
خلود عايشه بـ الإسم وبس .. وحمد نفس الشيء .. من بعد ملكة وتين ووتركي ماشافوا بعض .. كل واحد بـ جناحه .. وحتى لما يصير كل خميس والكل يتفطر
فـ بيته .. اهو يتفطر بـ أحد المطاعم وإهي بـ البيت بـ روحها ..
بعد يومين .. زياد كان عند راكان ووسن يفطر .. وكانت وسن جالسه معاهم .. وبعد الفطور بـ وقت تكلم زياد : وسن ..!
وسن تحترم زياد بـ شكل مو طبيعي تشوفه نفس أخوانها قالت : هلا ..
رااكان : خير شـ تبي بـ زوجتي .؟؟
زياد : ياخي إنت جالس يعني شـ آبي فيها ..
راكان : تكلم بسرعه ..!!
زياد : آبي أتزوج وآبيك ترشحين لي وحدهـ من بنات عائلتي ..
وسن هنا قالت : عزة الله قلعوني خالاتك من الرياض بـ كبرها ..
هنا راكان وزياد إنفقعوا ضحك ..
وسن : وربي أتكلم من جد .. إهم ماتقبلوا زواجي من راكان تجي ذا الحين على سالفة خطوبتك ومن عائلتنا وأـنا إللي مرشحتها .. خوش والله ..
راكان واهو يضحك : وعفشك وراك مرمي ..
تكلمت بـ جد : كل شيء جايز ..
شاف الضيق بـ عيونها والخوف حضنها من الجنب وقرب وجهه لها وقال بصوت واطي : تأكدي أـنا وراك على طوول ولا همني اهل ..
ماتبي تكدر خاطر راكان معاها ..
زياد واهو يناظر التي في : يـاهووهـ ترا أـنا موجود ..
رااكان واهو ينزل إيدهـ من وسن قال : والله إنك نشبه نفس حاتم ..
ضحك زياد ..
وسن : زياد منو مفكر فيه بـ الضبط .؟؟
زياد سكت شوي وقال : من بنات عمتي الماسه ..
وسن : مافي إلا ديما .. لإنو روزان صغيرهـ وإهي اساساً لـ وسام .. وباقي البنات مافي إلا هنادي وإهي لـ ياسر .. وبكذا إنتهوا بنات عائلتنا إلا من الصغار ..
راكان : ما شاء الله عليهم كبروا البنات ..
وسن : اكيد وإلا كان ماصرت عندك ..
زياد : ديما ماغيرها ..وسن : زياد أمك وخالاتك لايعرفون إني ورا الموضوع ..
زياد : إرتاحي ما أحد بيعرف .. بس إنتي شوفي رآيها ..
وسن : مستحيل ترفض واحد مثلك .. إنت بس تكلم مع الرياجيل وخلاص ..
زياد : الله يوفقك ويسعدك ..
وسن : آجمعين يارب .. إنت واحد من أخواني ..
رااكان : إنت .. شـ قالوا لك زوجتي خطابه .؟؟
زياد : ياليل كأن ما تزوج غيرهـ ..
ضحكت وسن ..
قام زياد من عندهم .. وقفوا معاهـ ..
راكان : وين .. ؟
زياد : كثر خيركم .. بـ أطلع للإستراحه ..
طلع معاهـ راكان بعد ماسلم زياد على وسن ..
راكان واهو واقف عند سيارة زياد : زياد لا أحد يعرف إنها متكلمه بـ موضوعك ..
زياد : لاتخاف .. وواضح إنها عارفه كل شيء ..
راكان : أـنا ما ادري شـ يصير من وراي .. واضح إنو عندها شيء ولا تكلمت ..
زياد : مستحيل تتكلم عن أهلك ..
راكان : حتى وإذا أهلي غلطوا عليها .. يعني الحق معاها ..
زياد واهو يغمز له : والله شكللك رايح ملح ..
رااكان ضحك وقال : تجرب بكرهـ ..
زياد تبسم له وقال : إن شاء الله .. يلا سلام .. ومشى من عندهـ ودخل راكان
لـ وسن ..
وسن وإهي تشوف راكان : ركوني تصدق أبوي طلق رهف ..
راكان : لا .. متى ؟؟
وسن : ما ادري بـ الضبط .. لكن لما سألت امي اليوم عنها قالت إنو مطلقها من زمان ..
راكان واهو يجلس ويجلسها معاهـ : يلا .. خلي عمتي تتهنى فيه بـ روحها ..
طلع حاتم من تاريخ 25 من رمضان للخبر بعد ماسلم على وسن وراكان ..
يوم 28 كان الفطور عند أبو خالد .. الكل مجتمع .. كل البنات والحريم موجودين عدأ وسن إللي من تزوجت ماشافوها .. مشتاقين لها مووت .. أمل والجوري ومشاعل حركتهم بطئيه مرهـ عشانهم فـ أشهرهم الأخيرهـ .. دارين وهديل وريم بـ اشهرههم الأولى وعادي وضعهم ..
هنادي وإهي تنط من مكان لـ مكان ولا كأنها كبيرهـ ..
أم سعود : صدعتي راسي .. بـ أعرف ليش ماتجلسين فـ مكان .. فيك شيء ؟؟
هنادي وإهي تضحك : ههههههههههههههه .. بس عشان أحر الحوامل إني أتحرك وبكل حريه ..
ضحكت جوهرهـ وقالت : يـ الله على اللعانه إللي عليك ..
الجوري : من جد .. يلا خليك بكرهـ تتزوجي وتحملي وإحنا إللي ننط وإنتي الجالسه ..
هنادي : حتى وإذا أحمل مستحيل أجلس نفسكم .. { ناظرت خلود وقالت } خلود ليش ماكملتي الحزب ..؟
خلود تبسمت مجامله وقالت : ليش العجله .. العُمر قدامنا { ليش العجله ..!! اـنا حصلته عشان اقول ليش العجله .. ؟؟ يارب إرحمني .. يارب صبرني }
وسن نزلت وقالت : مو نازل ؟؟
راكان : حياتي أكمل مكالمة زياد وانزل ..
سكرت الباب ودخلت .. مشتاقه لكل مكان .. مشتاقه للكل .. شوقها بيجنننها .. تسابق خطواتها ..
شافوا الباب ينفتح وانظارهم عليه ولا يعرفون منو .. طل وجهها من ورا الباب .. وجهها إللي أشتاقوا له .. فقدوهـ حيييييييييل .. كلهم صارخوا بـ أعلى صووت .. المفاجأهـ كبيرهـ عليهم .. من قوة الصوت صحى عبدالله ولد أمل يبكي وولد تهاني بكى .. الكل يصارخ وقاموا لها يتسابقون كلهم .. الصغير والكبير ..
وقفت مكانها وإهي تضحك وعيونها مدمعه .. إشتاقت للجمعه هذي .. أشتاقت لهم كثييييييييييييير .. ويكفي صراخهم إللي حسسها بـ أهميتها وتراكضهم لها ..
سلموا عليها وحدهـ ورا الثانيه .. الحوامل إللي من شوي جالسات ولافيهم حيل .. نطوا لها .. وصلت عند أمها وحضنتها .. شـ قد مشتاقه لـ حضن أمها .. لـ ريحة أمها .. أمها : حبيبتي إنتي .. أشتقت لك ياروحي ..
وسن وإهي تضحك من بكى خفيف : أـنا إللي أشتقت لكم مووت ..
صوت الصرااخ وصل للرياجيل ..
سُلطان عصب : شوف شفيهم ..!
قام حاتم واصل حدهـ .. كل إللي بـ الملجس عصبوا ..
دخل واهو معصب وينادي على أمه ..
عند راكان كان موقف سيارته عند الباب إللي دخلت منه وسن وسمع الصراخ وضحك ..
زياد : شـ الأصوات ؟؟
راكان : حبيبتي دخلت عليهم ومن المفاجأهـ الصراخ شال الخبر شيل ..
زياد : ههههههههههههههههههه ... أجل الحق فيها .. سلام ..
وقفل ..
طلعت وسن لـ حاتم وقالت : حبيبي شـ فيك ؟؟
حاتم من الفرحه صرخ من جد : وسسسسسسسسسسسسن ..
وسن ضحكت ولمته ..
بدر واهو بـ المجلس : أخوك إنهبل قام يصارخ مع الحريم ..
ضحكوا عليه ..
جا لهم صوته : السلااااااام عليكم ..
ناظروا .. وصارخ وسام واهو ينط له : راكاااااااااااااااااااااا اااااااااااان ..
قام ابو خالد فرحاااااااااااااااااااااا اااااااان .. أكيد صارخوا عشان وسن دخلت عليهم ..
سلموا عليه .. وطلع ابو خالد وأخوانها للحريم عشان يسلمون على وسن .. مشتاقين لها مووووووووت ..
سلمت عليهم .. ودخلت بـ المجلس عند عمانها وجدها وخالها عزام .. وباقي الشباب .. سلمت عليهم كلهم .. ووصلت عند تركي أخر واحد وبجنبه راكان .. صافحت تركي .. راكان : ترا واجب التسليم علي ..
ضحكوا .. وتلون وجهها ... وقفت تسولف معاهم شوي وبعدها دخلت للحريم ..
بدر طاق الميانه : شـ عليه أبو خالد .. مبسوط .. بنته عندهـ ..
أبو خالد ضحك وقال : دخلتها تسوى الدنيا ومافيها . .
عند الحريم فسخت عباتها وجلست معاهم .. وشوفواا الاسئله لها ..
وسن : لحظه .. شوي شوي ..
جالسه بين أمها وجدتها ..
جدتها : أمي كيفك ؟؟
وسن وإهي ماسكه إيد جدتها : بخير وعافيه ياجدهـ والحمدلله ..
جدتها : الحمدلله .. وكيف راكان معاك .؟؟
وسن يخفق قلبها من يجي طاريه ضحكت عيونها وناسه وقالت : الحمدلله ياجدهـ مبسوطين ..
كلهم : الحمدلله ..
هنادي وإهي تغمز : ماراح تنضمين لـ حزب { واشرت على إللي جالسات بـ جنب بعض .. الجوري ’ أمل ’ مشاعل ’ دارين ’ هديل ’ ريم }
وسن صارخت وقالت : وآآآآآآآآآآي .. دارين وهديل وريم حوامل ؟؟
أم سعود : ياقدمك ..
وسن : ما صرت اعرف عن أخباركم ... ياحياتي .. ربي يسهل عليكم .. كم باقي لكم ..؟؟
الماسه وإهي تضحك : الجوري وأمل بعد شهرين .. مشاعل 3 شهور .. دارين وهديل وريم لسا بـ البدايه ..
وسن : ياحياتي .. ربي يسهل عليكم ..
أم سعود وإهي تتبسم وتغمز : ها .. وكيف الزواج ؟؟
وسن تلونت خدودها وقالت : تمام ..
أم سعود وإهي تغمز : وإللي بينك وبين راكان ؟
وسن : عادي صداقه برئيه ..
هنا إنفجروا ضحك ..
الماسه : اجل سلمي لنا على صداقتكم البرئيه ..
وسن وإهي تضحك : إن شاء الله ..
حاولوا ياخذون منها سواليف ماقدروا ..
وسن كل شوي والثاني عيونها تجي على وتين إللي متغيرهـ مرهـ .. ووتين بس تناظر وسن .. تبي تقوم من عندهم عشان تجلس مع وتين بروحها لكن صعب الكل فرحان فيها ..
قالت وإهي تلقي نظرهـ على الكل : ياحياتي أشتقت لكم .. بصراحه ... فيه ناس متغيرين وفي ناس لا ..
جوهرهـ : قصدك البنات ؟؟
وسن : الزواج مغير بعض البنات والحمال مغير بعضهم .. ناظرت خلود .. مرهـ متغيرهـ وواضح الحزن عليها .. شكل مو وتين إللي يبي لها جلسه بـ روحها ..
وسن وإهي تضحك للجوري : ياحياتي .. وربي تجننين ومشتاقه لك ولـ عبطك ونحاستك ..
ضحكوا عليهم ..
وسن : وين عبدالله الصغير ووين ولد عمي الجديد ..؟؟
أم سعود وإهي تضحك : حلوهـ ولد عمي الجديد ..
وسن وإهي تضحك : ماعرفت إسمه لسا ..
تهاني وإهي تعطيها له : بسام ..
وسن وإهي تشيله بـ إيدينها : ياحياتي .. ما شاء الله عليه يجنن .. ربي يحفظه لكم ..
وشافت عبدالله إللي صاير له 7 شهور .. ومحلو اكثر ..
أمها : حبيبتي كيفها جدتك وجدك ؟؟
وسن : كلهم تمام .. كنت عندهم من يومين ..
مر الوقت بـ سرعه ..
أبو سعد : وكيف أبوك ؟؟
راكان : بخير ونعمه ياجدي ..
أبو سعد : ماعندهـ نيه يجي .؟؟
راكان : إلا بيجي إن شاء الله لـ زواج تركي ..
فارس : شـ عندهـ الولد متغير ؟؟
راكان : تكلمني ؟
فواز : لا مانقدر .. وثقيل بعد ...!!!
راكان : تكلموني ..
عزام : يارجُل إتركه .. مصدق حاله .. حسباله إلـى الأن معرس ..
ضحكوا عليه ..
راكان : شـ تبون بـ الضبط ؟؟
بدر واهو يغمز : وكيف أوضاعك ذا الحين ؟؟
راكان ضحك وقال : نفس أوضاعك ذا الحين ..
بدر : عاد اـنا غير ..
راكان : وأـنا غير ..
بدر : ياليل ما احد ياخذ منك ..!!
رااكان : إسأل سؤال صريح وأجاوب إجابه صريحه وبقوووووهـ ..
بدر : تعرف إني ما اقدر أطرح سؤال صريح بهـ المجلس .. خلها بـ الإستراحه ..
راكان : مشغول اليوم ..
سعود : مانقدر إحنا على المشغولين ..
ضحك راكان .. وأذن لـ صلاة العشاء وقاموا كلهم للجامع ..
على الساعه 2 طلع الكل لـ بيته .. وبقوا عائلة ابو خالد فـ بيتهم .. وسن راحت
لـ راكان للمجلس عشانه تعبان وإلا ينام .. وحصلت عندهـ حاتم ..
وسن : مابعد نمت ؟
راكان : هذاني بـ أـنام ..
وسن : طب بـ ترتاح هنا ؟؟
رااكان : أجل اروح للإستراحه ..!
وسن : تعال غرفتي اريح لك ..
راكان : ياحلو وجهي رآٌقي فوق ..
حاتم : عادي ..
راكان : لا ..
وسن : طيب غرفة الضيوف ..!
راكان : وسن الله يخليك لي بـ أـنام هنا ..
وسن : أوكي .. تغطى عدل ..
راكان : إن شاء الله ..
وسن : ما راح تصحى للسحور ؟؟
راكان : ما اتوقع ..
وسن : أوكي حياتي نوم العوافي ..
تبسم لها : يعافيك ياقلبي ..
وطلعت من عندهم .. طلع حاتم للإستراحه .. ووسام نفس الشيء .. ووليد نايم .. وجوهرهـ وسُلطان بـ جناحهم يريحون شوي قبل وقت السحور ..
خذت وسن شاور وطلعت وإهي عليها ملابس الحمام .. جلست على السرير .. ماتدري كيف بتنام من غير راكان .. متعودهـ عليه كثير .. مشت للشباك ووقفت عندهـ ناظرت الحديقه .. أشتاقت لكل شيء بهـ البيت .. ماحست بـ حالها إلا إهي
بـ حضن راكان .. قال بكل همس : ماقدرت أـنام من غيرك ..
تبسمت بـ خجل وإهي بحضنه .. ماحست فيه لما دخل ومنو قاله طريق الجناح .. قالت : كنت أفكر كيف أقدر أـنام من غيرك ..
طول واهو حاط شفايفه على رقبتها يبوسها قال : محتاجه سحور ..؟؟
وسن ذوبتها حركته وفهمت عليه عضت على شفتها إللي تحت وهمست : أعشقك .. ~_^
وتين بـ غرفتها تفكر .. بكرهـ الفطور عندهم .. ومستحيل تترك وسن تطلع من عندها ليما يتكلمون بكل شيء .. تحس حالها بـ تنفجر من الضغط إللي عليها ..
الجوري : أحلى مفاجأهـ وربي ..
خالد واهو يتبسم لها : ماتوقعنا كلش ..
الجوري : ياغناتي تجنن إسم الله عليها ..
خالد : وربي يحفظ لي بعض الناس ..
ضحكت وقالت : ويخلي لي حبايب قلببي ..
خالد واهو يقربها له : ومنهم ؟؟
الجوري وإهي تتبسم وتناظر فوق : منو غيرهم إللي مجننيني ..!
خالد : إيوا .. منهم ؟؟
الجوري ضحكت وقالت : حبيب عُمري خلوووووودي ..
خالد واهو يضمها بقوهـ : ياروووح خلودي إنتي ..
ضحكت وإهي بين أحضانه ..
على وقت السحور دق باب جناحها وكان صوت حاتم ..
راكان واهو يقوم من السرير بعد ماقامت من حضنه : هذا حاتم أـنا اعرف له ..
ضحكت لإنها ما تقدر تطلع له ..
فتح الباب بعد مالبس ملابسه قال : خير ؟؟
حاتم ناظر بـ إستغراب وقال : خير إنت ؟؟ أتوقع إنك كنت نايم بـ المجلس ..!!
راكان : ماقدرت أـنام وجيت هنا ..
حاتم فهم على شكله وضحك قال : شوف وسن إذا تبي تاكل تجي .. كلنا تحت ..
راكان : حبيبتي شبعانه والحمدلله ..
حاتم واهو يمشي : أجل عوافي .. ونزل ..
راكان يناظر هـ الحاتم الغريب وسكر الباب ورجع لـ وسن وحصلها بـ الحمام تاخذ شاور ..
ليلة العيد الكل فرحان .. تحس نفسيتها بـ افضل حال . . قبل إلا ينكدون عليها خالات راكان .. وبعد 4 أـيام زواج تركي ووتين ..
فجر العيد ..
عند بدر وريناد .. بدر واهو يحضن ريناد من ورا قال : كل عاام وإنتي فـ حضني واقول لك إن شاء الله تكوني بخير ..
لفت له وباسته بوسه دلع وقالت : كل عام وأـنا اللف أبوسك واقول إنتَ هنا { وأشرت على قلبها }
حضنها واهو يضحك ويقول : وآآآآآآو منك ومن كلامك إللي أحلى منه مافي ..
ضحكت .. باسها على خدها وبعدها واهو يناظرها : شنو هـ الحلاوهـ .؟؟
ريناد : حلوهـ عشانك ..
بدر : حُبي شوي شوي .. ترا كذا مانطلع لهم ..
ضحكت وقالت : عاد كلش ولا يوم العيد ..
ضحك لها ..
فـ جناح وسن كانت واقفه تشوف شكلها بـ المرآيه ولأخر مرهـ .. بعد ماضبطت حالها ولبست تيور للركبه لوننه أحمر مُغري فيه من فوق تطريز بـ الأبيض .. وبدي أحمر فيه كتابه بـ الأبيض وقماش خفيف مرهـ ماسك بـ أكمام البدي لونه مدمودج الأبيض بـ الأحمر نازل على أكتافها .. وبلاشر أحمر خفيف وروج أحمر عاطيها منظر وكحل من برا العين وتحت بس ومسكرهـ ومنزله خصل من قذلتها على عيونها وشعرها عامله فيه تلفيف رهيب .. وجزمه أبيض كعب ..
صحى واهو يناظر فيها قال : ما اقدر على هـ الحلاة ..!
ضحكت ولفت له وقالت : أكيد حلوهـ لإني حبيبة راكان ..
رااكان : ويييييييييييييييل حااااااااااااال راكان ياناااااااااااااااااااااا س ..
ضحكت ..
قام ودخل للحمام على طوول خذا شاور سريع وخلال 5 دقايق طالع نشف وقرب لها قال : أحلى عيد بـ حياتي .. وأول عيد أحس فيه إني عايش ..
وسن حضنته وقالت : حبيبي إنت ..
رااكان : كل عام وإنتي بخير وصحه وعافيه ومعاي وحبيبتي وكل شيء بـ النسبه لي ..
باسته على خدهـ وقالت : وإنتَ كل حياتي .. يلا حياتي بدل ملابسك عشان ننزل ..
راكان ناظرها وقال : كل مرهـ أشوفك فيها أذكر ربي لا احسد حالي عليك ..
وسن وإهي إيدينها ورا رقبته وجهها قريب من وجهه وإيدينه على خصرها قالت : كل مرهـ أشوف دخلتك علي أتأكد إني خذيت أفضل رجُل بـ الدنيا ..
رااكان واهو يتكلم بـ ضحكه خفيفه : ياهوووووووووهـ .. ياناااااااااااس .. بـ الهون علينا .. مانقدر ترا ..
ضحكت وبعدت عنه وقالت : يلا حياتي ..
تنهد وقال واهو يمشي : مشكلتي أهواك ..
غنت بـ صوتها إللي يموت عليه : مشكلتي آهوآهـ وحُبه مجنني
والمشكله عن هوايا ماهو داري ..
صفر وطلع وقال : ترا أعلمك ذا الحين كيف ماني عارف بـ هواك ..
ضحكت وقالت : خلاص مو مغنيه ...
ضحك وقال : ماقلت كذا .. لكن لا تستفزيني ..
وسن : أستفزك ؟؟
راكاان واهو يلبس ملابسه : إيوا .. بـ الوقت إللي صعب تجلسين تغنين وتقولين كلام معسول .. وأـنا كذا ما اتحمل .. وإنتي أدرى ..
ضحكت وقالت : خلاص كل شيء بـ الوقت المناسب ..
رااكان ضحك وقال : كل الوقت لك .. لكن لما يكون ضيق نفس ذا الحين لا ..
وسن وإهي تشوفه يلبس غترته .. وسكرت ازاريره وتلعب بـ إيدها على صدرهـ .. رراكان : ها .. شـ قلنا ؟؟
وسن ضحكت وعضت على شفتها ..
راكان : ياليل حتى هـ الحركه لاتسوينها ..
ضحكت وإهي تحط له عطر : خلاص مو مسويه شيء ولا متكلمه فـ شيء .. عشان لا أستفزك ..
ضحك ونزلوا للي تحت .. وقد طافت عليهم الإثنين صلاة العيد ..
فواز واهو يشوف دارين كاشخه وخالصه قرب منها بعد ماسلم عليها وحط إيدهـ على بطنها وقال : متى بس يطلع ..؟؟
ضحكت وقالت : ليش ؟؟
فواز : عشان افرح فيكم ..
دارين : ياقلبي ..
فواز : يادنيتي إنتي .. سمعت إنو عمي وعمتي راح يحضرون زواج تركي !!
دارين : اـنا سمعت نفسك ..
فواز : من بعد الزواج ماشفتهم ..
دارين : أـنا مشتاقه لهم موووت ..فواز واهو يقربها له : ما اغنيتك عن غيابهم ..
دارين وإهي تتبسم له : وجودك بـ جنبي يغنيني عن الدنيا كلها ..
فواز : شـ رآيك مانروح لـ بيت سُلطان ؟؟
دارين فهمت عليه قالت : فواز لااااااااا ..
فواز : كنت أستهبل ..
ضحكت وإهي تمشي معاهـ عشان تلبس عباتها ويطلعون لـ بيت سُلطان ..
كل الوجـوهـ اللي تزاحم | تجيني |
هي وينهـا ؟
مـاكن بـ القلب مجلاس !
صرت الوحيد بين × جرحي و , بيني ×
بين أربعة جدران للصمت ( حراس ) !
هُم وينهم ـأحباب قلبي وويني ؟
تعبت أكابر كـل مـابي من الياس .. }
حمد بعد ماصلى الفجر جلس بـ البيت لـ وقت صلاة العيد .. كان جالس على سريرهـ وراسه منزله للأرض .. الكل فرحان بهـ العيد .. بـ العادهـ يكون من ضمن هـ الكل .. لكن هـ العيد غير ..!! لإنو جروحه وعذابه وهمه حواجز بينه وبين الفرح والرآحه مثل الباقين .. الكل يعايدون بعض .. شلون يفرح ويحضر العيد مع الناس وقلبه ماذاق الفرح .. قلبه ماحصل إللي يبيه وأرتاح .. دق باب جناحه .. إستغرب .. منو ممكن يجي له ذا الحين .. فز قلبه لما حس خلود .. بس هذا صوت وحدهـ من الخدامات .. قام بسرعه وفتح الباب ..
الخدامه وإهي خايفه : م .. مدام خلود تعبان ..
من سمع خلود طلع على طول لـ جناحها .. حصلها فـ سريرها وتصيح وواضح التعب عليها .. ناظر هذي مريضه .. !! قال بكل خوف واهو يجلس على السرير وياخذ راسها بـ حضنه وبكل خوف : خلود حبيبي شـ فيك ؟؟
خلود بس تبكي وتأن من الآلم .. بداخلها وإهي تنزف أكثر وأكثر .. شـ أقول ؟
غير أحبك
ثم أحبك
لو عذابي يزيد !
إفهمني .. مستعدهـ أجلس وآموت بين إيدينك بس تفهمني وتحس فيني .. تحلم
بـ حضنه من زمان وجا الوقت إللي راسها بـ حضنه ويكلمها بكل خووف .. تمنت لو مريضه من زمان .. رفعت عيونها بكل تعب له .. نزل عيونه وناظرها كيف تناظرهـ .. كيف العذاب واضح عليها والتعب هالكها .. وآنينها يزيدهـ هم وعذاب .. مايبي هـ النظرهـ منها .. مايبي نظرة التعب والهم والعذاب .. يتحمل نظرات الإحتقار والقوهـ .. لكن هـ النظرات لا .. طلع من طورهـ واهو يشوفها كذا .. وكأنها إبتدت تغيب عن الوعي ونظراتها معلقه فيه .. وكأنها تناجيه .. تبي شيء .. شاف الخدامات واقفات .. صرخ فيهم بـ أقوى شيء : شـ فيه ؟ تكلموا ..؟؟
ناظرته وحدهـ وإهي ترجف أشرت على مكان خلود ناظر مكانها إنصدم .. البنت تنزف .. لفها بـ الغطى كلها وشالها بـ سيارته واهو بثوبه بس من غير غترهـ وحلو إنو مفتاح سيارته بـ جيبه .. ترك الموبايل .. المهم عندهـ يلحق المستشفى قبل لا يصير لها شيء ..
يوم العيد الأول كانوا كلهم فـ بيت أبو خالد لإنو أبو سعد وأم سعد فيه وشيء طبيعي يكون الأول بكل شيء .. الكل فرحان .. كلهم موجودين .. ومو ناقصهم شيء ..
أم راشد : ياربي منهم اتصل فيهم .. حمد مايرد وخلود مغلق ..!!!!
أم خالد : يمكن راحت عليهم نومه ..
أم سعود : إتركيهم بس وغمز لها ..
ضحكت عليها الماسه وقالت : مو مطمنه كلش ..
ريم : يُمه يمكن من جد راحت عليهم نومه .. لاتحاتي .. لما يصحون راح يجوون ..
سكتت .. ودخلت عليهم وسن ..
سلموا عليها ..
أم سعود : أخسسسس وش هـ الكشخه .؟؟
ضحكت وقالت : طالعه على عمتي ..
أم سعود : ياقلبي في هذي صدقتي ..
غيوض : شوفوا الحرمه .. كيف صدقت حالها ..
الماسه : أـنا أدري .. ! وكأن مافي أحد يكشخ غيرها ..!!
الجوري : كلكم تكشخون ولا في وحدهـ منكم ماتكشخ ..
أم خالد : سمعتوا .. حلتها لكم الجوري ..
أم سعود : ههههههههههههههههههه .. بس قولي اـنا غير ..
الجوري ضحكت وقالت : لا من جد كلكم سوا ..
هنادي : البنت ماتبي مشاكل وإنتي قولي أـنا غير ..
ضحكوا عليها ..
وسن : عماتي تطلعون لـ راكان وإلا يدش يسلم ..؟؟
أم سعود : أـنا مافيني حيل أقوم ..
أم فارس : إتركي هـ العجوز ..
أم سعود نطت عيونها من الصدمه قالت : أـنا عجوز يـ العجوز ..
أم فارس ضحكت وقالت : بس أـنا ماقلت مافيني حيل أقوم ..
أم سعود وإهي توقف : والله لو تبين أرقص رقصت لك بعد مو طلعه لـ راكان وبس ..
وسن : خلاص ياحُبي إطلعوا سلموا عليه وبعدين تعالي إرقصي وراويهم كيف إنك بعدك بنت ..
أم سعود وإهي تمشي عنهم قالت : ذا الحين نشوف منو العجوز ..
سلموا على راكان وسولفوا معاهـ شوي وبعد كذا رجعوا عشان العنود ترقص .. وفعلاً رقصت رقص وكأنها بعدها بنت نفس ماقالت لهم ..
ويـن بـ لـقـى زمـــان ارتـاح فـيــه ..؟
ضـايــق ٍ فـي الـتـعـب ][ مــابـي احــد ][ ..
صار له ينتظر بهـ المكان نص ساعه .. حالها مو طبيعي .. تنزف ..!! شـ سبب النزف .. اهو ناقص تفكير .. تجي سالفتها هذي تفك مخه من جد .. حاسس حاله بيشييب من كثر مايحوس ويفكر .. حاسس بيوقف قلبه بـ آي وقت .. مرر إيدهـ على شعرهـ بكل توتر وخوف .. يصير لها شيء !! وين يروح وقتها ..!؟؟ مايبي غيرها .. يبيها إهي وتكون متعافيه .. مستعد يذل نفسه عشان بس تبقى بخير ومعاهـ .. خلااااااااااااااااااااااص مافيه صبـــــــر أكثر من كذاااااا .. نظراتها له باقي يشوفها .. عذابها .. شاف الدكتورهـ طالعه .. راح لها وإهي تمشي له قالت : إنت شـ تصير لها ؟؟؟
حمد بسرعه : زوجها ..!!
الدكتورهـ : زوجتك نزفت كثير وغير كذا عندها فقر دم حاد .. إضطرينا ننقل لها دم .. ووقفنا النزيف .. لكن إلا تجلس تحت ملاحظتنا على الأقل 3 أـيام ..
حمد خاف : طيب .. شـ سبب النزف ؟؟
الدكتورهـ : كانت تاخذ حبووب منع الدورهـ بـ الشهر إللي طاف أتوقع وهذا أثر عليها لإنها ماتتحملها .. فـ شيء طبيعي نزفت أكثر .. وهذا مايسبب اي خطر عليها لاتخاف ..
حمد : وكيف وضعها ذا الحين ..؟؟
الدكتورهـ : الحمدلله وضعها مستقر ولا في خووف .. لكن زوجتك محتاجه غذايه أكثر .. واضح عليها ماتاكل كلش ..
حرك راسه لها واهو يفكر فيها .. قبل لا تمشي قالت : تقدر تدخل عليها إذا حاب ومشت ..
حمد ربه إنها بخير .. كيف بيخبر العاائله ذا الحين .. !! فكر .. ماحصل إلا إنو يقول فقر دم وبس .. صعب يقول لهم نزيف وما ادري إيه ..
دخل عليها بعد مانقلوها للجناح الخاص فيها .. حصلها متمددهـ والمغذي فيها والدم .. وفاتحه عيونها وواضح التعب عليها .. ناظرته لما دخل .. بدون غترهـ .. ثوب وبس .. تعشقه .. ناظرها واهو يقرب للسرير قال : حمدلله على السلامه ..
قالت بهمس من التعب : يسلمك ..
حمد حاقد .. خير مهمله نفسها قال : يعني إلا تغيرين عن حريم خلق الله وتاخذين الحبوب من غير اي أستشارة طبيب عشان ماتفطرين بـ رمضان .. !!
وجهها تلون .. إهي ناقصه .. الدكتورهـ فاضحتها عندهـ .. هذي الدكتورهـ حسبالها حالهم حال المتزوجين يعرفون كل شيء عن بعض .. ماناظرته وسكتت ..
حمد : شـ راح تستتفيدين .. وخير وإذا افطرتي ؟؟ كل الحريم يفطرون ويقضون .. وقفت عليك .. !! كلها كم يوم وإنتهى الموضوع .. إلا تضرين نفسك يعني ..؟ وهذا إللي جنيتيه منها نومه بـ المستشفى 3 أـيام ..
ناظرته مصدومه ..
حمد : بدل هـ النظرات فهمي حالك .. !! { تكلم والضيق يزداد عليه واهو يعدد على أصابيعه } تغذيه زفت .. فقر دم .. نزيف .. شـ أسوي يعني ..؟؟ من قل الأكل إللي عندنا بـ البيت عشان تغذيتك زفت .. !! { كمل واهو يرفع راسه فوق وبعدين نزله } شـ أسوي بس .. من وين أحصلها أـنا .. ؟؟
خلود وإهي تضغط على حالها : ما .. مايجي لي نفس أكل ..
حمد ناظرها وقال واهو واصل حدهـ : صحححححححححح .. من كثر ماتفكرينن ..! من كثر ما إنتي مهمومه ومتعذبه .. مايجي لك نفسسسس ..!
خلود وإهي تبكي : لا تتعبني أكثر ..
حمد تنرفز قال : صح نسيت أـنا الوحيد إللي بهـ الدنيا يتعبك .. أـنا الوحيد إللي معذبك .. ياشيخه رووحي .. { تكلم بـ هم واضح عليه } شـ اقول أـنا إذا إنتي تعبانه !! شـ اسوي بـ نفسي عشان أرتاح من هـ العيشه والهم .. !!
تكلمت .. هذا مو فاهمها : إنت إللي جبته لـ نفسك !
حمد ناظرها .. هذي مهما سوا معاها مستحيل تشوفه كويس . . هذي حسبالها اهو إللي خلاها تنزف وإلا اهو إللي تعبها كل هـ التعب قال وكلمتها جارحته على هـ الصبح : أـنا غبي .. وإللي علي أرجعك لـ بيت أهلك نفس ماخذيتك ..
ناظرته مصدومه .. قال : لا تنصدمين .. إرتاحي بـ أقول العيب مني أـنا .. حتى لو أضطر أكذب واقول إنو مافيني أولاد { كمل بـ طنازهـ } مع إني مابعد جربت إذا فيني أولاد وإلا لا .. المهم ترجعين بحاله كويسه لـ أهلك .. هذا إللي علي اسويه تطلعين من المستشفى لـ بيتي .. تتغذين عدل وبعدها لـ بيت أبوك بكل هدوء .. وطلع من عندها واهو يمشي بممرات المستشفى ويرفع راسه لـ فوق يداري دموعه .. ركب سيارته وجلس فيها ..
خلود إنهارت مكانها .. إهي ناقصه تعب يجي يزيدها .. ويعايدها بهـ الكلام .. متى بيفهم عليها .. ؟؟ متى بيحس فيها .. ؟؟
أبو سعوود : حمد وين ؟؟
سعود : ما ادري ..!! مايرد على رقمه ..!!
أبو خالد : طيب إتصلوا في خلود ..
إتصل أبو راشد فيها وكان مغلق ..
أبو سعد : هو صلى معانا الفجر ..؟
أبو خالد : إيه كان موجود ..
بدر يساسر فيصل : إلا يُلقي نظرهـ على كل العائله إذا موجودهـ للصلاه وإلا لا ..
فيصل ضحك وقال : ترا بتجي لك محاضرهـ إذا سمعك ..
ياسر : عادي يمكن عندهم شغل وإلا راحت عليهم نومه ...
أبو خالد : شـ نومته يوم العيد ..؟؟
الشباب كل واحد يتصل من عندهـ ..
الحريم طاقاتها رقص على موضي الشمراني ..
متمدد على سريرهـ ويسمع للأغنيه ..
آسمحيلي يـ الغرام العافي يـ الوجه السموح
إن لزمت الصمت أو حتى لبست الأقنعه
أعترفلك مابقى من عالي الهمه سفــــوح
إنحدر كلي كما طفلٍ تحدر مدمعــه
آهـ ’ ياجود الحزن وياي وفي الفرحه شحوح
ضايع بـ همومي الغبراء بـ وسط المعمعه
أشتكي لـ وسادتي دنياي وأسمعها تنــوح
كنها بعضي وبعضي وينه ومنه معه
آهـ ’ آهـ ’ آهـ ’
أشتكي لـ وسادتي دنياي وأسمعها تنــوح
كنها بعضي وبعضي وينه ومنه معه
مختلط في عبرتي حبر الشقى ودم الجــروح
ومستوي في نظرتي غرب الوجود ومطلعه
عودي المبري بقى به من بقايا الوقــت روح
وفصل خامس حايرٍ بين الفصول الأربعــه
وراس مالي ذكريات وحلم وآمال وطمـــوح
لا صديق ولا رفيق ولا طريقٍ أتبعــــه
سامحيني دام عُذري واضحٍ كل الوضــوح
وآسمحيلي بـ الرحيل بلا تذاكر وأمتعه
مايقدر يقابل احد .. واضح عليه كل شيء .. اليوم وانكشف كل شيء .. وبخاطرهـ ليتك تلاقين الراحه بعيد عني .. وليتني أقدر أنسى كل شيء .. ليتني .. يحس حاله مخنوق مايقدر يطلع أي كلمه ..
ضيـق صـدر ’’ وجـرح قلـب
ودمـع عـين ’’ ونشـف ريـق
هـذا كـل اللـي جنيـت
وما قـدرت أجـني ’ حنـانـه ..
مسح عيونه .. 9 شهور معاها وكل واحد بـ حاله .. وكل واحد بـ همه وعذابه .. 9 شهور ويصبر حاله غصب .. ولافي يتحمل أكثر .. 9 شهور وكل ثانيه تمر فيها جروحه تنزف أكثر .. 9 شهور ماذاق الهنا بـ نومه .. 9 شهور ما أرتاح .. لا نهار ولا ليل .. غنى بـ صوته العذب .. وكأنه يتكلم عن حاله ..
وراس مالي ذكريات وحلم وآمال وطمـــوح
لا صديق ولا رفيق ولا طريقٍ أتبعــــه
سامحيني دام عُذري واضحٍ كل الوضــوح
وآسمحيلي بـ الرحيل بلا تذاكر وأمتعه
مع كل كلمه تزيد دموعه .. هذا فُراق ماهو شيء سهل .. شيء أكبر من إنو يتحمله .. اضعف من إنو يتحمل فُراق حُبه الوحيد .. كان في أمل من قبل . . لكن ذا الحين الفُراق الحل الوحيد .. ولا أمل ولا طموح ولا شيء يخفف عليه ..
أشتكي لـ وسادتي دنياي وأسمعها تنــوح
كنها بعضي وبعضي وينه ومنه معه
الخسران الوحيد بهـ الفُراق حمد وبس ... متى ربح حتى يخسر .. !!؟
جلس وناظر موبايله يأشر .. رفعه وناظر الإسم .. سعود .. مارد .. مايبي أحد يسمعه بهـ الصوت .. قفل سعود وناظر 50 إتصال .. وفتحها وكلها من عائلته .. أكيد يتسألون ليش مارحنا لهم ..!! يبي يدق على أحد ويخبرهـ عن خلود عشان يخبر الكل .. وأكيد بيلاحظون الصوت .. فكر .. مافي إلا حاتم ممكن يسكت على الموضوع .. دق رقمه ..
كانوا جالسين ويسولفون على الفطور .. وحمد مابعد جا .. بقوا له فطور اهو وخلود .. دق موبايل حاتم ورد : هلا ..
حمد : كيفكم ؟؟
حاتم تأكد إنو فيه شيء قام عنهم وقال : بـ الإذن ..
بدر : وين .. لسا مافطرت ..
وسام : خله .. تلاقي الحبيبه متصله ..
ياسر بصدمه : حاتم يحب ..؟؟
وسام : لا ..
ياسر : إنت تقول !!
وسام : وإذا قلت يعني راح يكون صحيح ..
حاتم بعد ماطلع من غرفة الطعام الخاصه بـ الرياجيل : حمد شـ فيك ؟؟
حمد مايبي أحد يزيد عليه قال : حاتم إتصلت فيك تخبر أمي الماسه وعمي فهد إنو خلود تعبانه شوي وبـ المستشفى ..
حاتم خاف واضح صوت حمد مايطمن قال : شـ فيها ؟؟
حمد : لا تخاف بس فقر دم .. واـنا تعبان شوي .. { سكت شوي وكمل } حاتم مالي خلق اشوف أحد .. آبيك تدبر هذي بـ معرفتك ..
حاتم حس فيه وقال : الموضوع عندي لا تشيل هم ..
حمد : تسلم ..
حاتم : طيب إنت بخير أكيد ؟
حمد : شـ بيكون فيني .. !! حاتم بنااام .. تبي شيء ؟؟
حاتم : نوم العوافي ..
حمد فـ خاطرهـ بعيد عني قال : يعافيك .. ولا تخافون ترا بـ أقفل رقمي ..
حاتم : خلاص ..
حمد : باي ..
حاتم : باي ..
دخل عليهم وقال واهو واقف : حمد يسلم عليكم ..
ناظروهـ كلهم وسكتوا .. من شوي إزعاجهم وسواليفهم وضحكهم ..
أبو سعود : وينه فيه ؟؟
حاتم : رآح يوقف مع واحد من أخوياهـ .. أبوهـ متوفي ولا حب يتركه بـ ورحه .. وبعدين .. خلود تعبت عليه شوي وإهي ذا الحين بـ المستشفى .. { كمل واهو يشوف الصدمه عليهم } لاتخافون بس عشان فقر الدم إللي عندها وإهي مافيها إلا العافيه .. وقالي أقول لكم .. عشان تروحون تزورونها ..
أبو خالد : لا حوول .. وإهي كيفها ؟؟
حاتم : لا بخير الحمدلله .. يقول بس فقر دم .. وتعرف رمضان يلعب دور أوقات .. { صرف الموضوعين بكيفه }
أبو راشد قام وإتصل فـ الماسه وقالها تطلع .. وراحوا لـ بنتهم ..
أبو سعد : الله يكون بـ عون خويه .. ومتى صار هذا ..؟
حاتم واهو يتكلم بـ كيفه : أبد .. خويه إتصل فـ حمد ويبيه يوقف معاهـ .. وحمد الله يحفظه ماقصر ..
أبو سعود : ماقصر .. هذا حمد بـ الواجب على طوول ..
حاتم إنشغل باله على حمد .. واضح إنو في موضوع كبير وكبير مرهـ ..
عند خلود بـ المستشفى وصلوا لها أمها وأبوها .. وجلسوا عندها ..
أمها : وين حمد ؟؟
خلود الإسم هذا من ينذكر عندها ماتدري تفرح وإلا تحزن .. تفرح لإنها تحبه وإلا تحزن لإنها بـ تفارقه قالت : من شوي كان هنا ..
أبو راشد : أبو واحد من اصحابه متوفي وحب يوقف مع خويه ..
خلود بـ خاطرها " وأـنا منو يوقف معاي فـ همي وحزني .. حمد حنانك وطيبتك للناس كلها .. لكن لما يوقف الموضوع علي توقف بكل تجبر وتزيد همي وعذابي .. مني وإلا منك إنت هـ الشيء !! الغلط أـنا وإلا إنت ..؟؟ مستعدهـ أدوس على كرامتي بس تبقى معاي ,, وتنسى كل إللي قلته .. وينك بس تعال .. تعاااال وربي محتاجتك .. تعاااااال واوقف قبالي بكل رجوله .. تعااااااال ولا تتكلم بس أشوفك .. " نزلت دمعتها ومسحتها على طوول .. ماتبي أمها وابوها يحسوون فـ شيء ..
الساعه 2 الظهر كانوا كلهم فـ بيت أبو تركي .. الغدأ عندهـ .. الماسه لسا جايه من عند خلود ... لإنها نامت وقالوا راح يرجعون لها العصر .. سعود دخل للحريم عشان أمه تبيه .. جلس وسولف معاها شوي .. وكانوا البنات كلهم موجودات عدأ خلود طبعاً ..
سعود وقف وقال : هديل يلا نمشي ..!
أم سعود : لحووول .. وين ..؟؟
سعود ناظرها وقال : للبيت ..
هديل قامت تاخذ عباتها ..
أم راشد : تو الناس ..!
سعود : والله عندكم تو الناس ..
أم سعود : طيب إترك هديل ..
سعود : لا ..
أم سعود : شـ تبي فيها ؟؟
أم راشد : صح شـ تبي فيها ؟
سعود ناظرهم وقال : شـ عليكم .. زوجتي وآبيها .. بعد فيها شـ تبي فيها ..
جت هديل وكانت لابسه عباتها ولثمتها منزلتها لـ تحت .. قال : يلا مشينا ومسك إيدها ..
أم سعود : قِطع ماصدقت ينادينها ..
أم راشد : وكأنها تدورها من زمان ..
سعود ضحك عليهم .. هديل وجهها الوآن ..
البنات أنواع الخجل ..
أم سعود : أبوي سعود تاخذني معاك ..!
أم راشد : العنود أـنا من زمان مازرتكم .. بـ آجي معاك ..
سعود ضحك من قلب وقال : كل وحدهـ ولها زوج يشيلها معاهـ .. باي .. وطلعوا..
ام سعود : مالت علينا ما احد يبينا ..
أم راشد : مالك إلا ناصر وأـنا فهد ..
ضحكوا عليهم البنات ..
أم سعود : شوفي النذلات وكأنهم ماصدقوا خبر ..
وسن وإهي تضحك : أجل تبين تحشرين نفسك بين زوج وزوجته .. شـ تبين فيهم ؟
أم سعود ضحكت وقالت : آبي أعرف شـ يبي فيها ..!!
وسن : صدقيني إنك عارفه ومتأكدهـ شـ يبي فيها ..
أم راشد ضحكت وطقت رجل إختها وقالت : وسن من قبل لسانها طوويل
بهـ الأمور وذا الحين منو بيمسكها بعد ماجربت ..
ضحكوا الحريم ..
وتين وإهي تغطي وجهها : يـ الله ماعندكم تشفير كلش ..!!
ضحكوا ..
أم سعود : كلها يومين ومجربه إن شاء الله ..
وتين تقرفت وقالت بصوت خفيف : الله لايقوله ..
تكلمت معاها وسن بـ صوت خفيف عشان لا أحد يسمع : صدقيني إذا حب مستحيل تمنعينه حتى إذا إنتي كارهه . .
وتين : مستحيل .. وكل شيء بيصير له حدود ..
وسن : بكرهـ تشوفين ..
أم سعود : شـ تقولون ؟؟
وسن : أبد أقولها عن ليلة زواجي ..
أم سعود إنبسطت قالت : حبيبتي وسن قولي لنا ..
وسن : شـ أقول ؟
أم سعود : إللي قلتيه لـ وتين عن ليلة زواجك .. شـ صار ..؟؟
وسن : يعني إنتي صدقتي ممكن أتكلم فـ الشيء هذا ..
هنادي : ههههههههههههههههههههههههه ههه ... لقطي لقطي خاله ..
كلهم : ههههههههههههههههههههههههه هههههههههه
أم سعود : طيب ياوسينوهـ ..
وسن : هههههههههههههههههههههههه .. حلوهـ وسينوهـ هذي ..
Like
رد مع اقتباس إقتباس متعدد لهذه المشاركة الرد السريع على هذه المشاركة
#74 أضافة تقييم إلى وردة الشرق تقرير بمشاركة سيئة
قديم 15-05-11, 05:37 PM
الصورة الرمزية وردة الشرق
وردة