الفصل 15
ما دخلنا هنا ..
وسام وياسر يناظرون بعض مصدومين ..
البنات عارفين إنه فيه مقلب راح يصير بـ المجمع رد على خرعتهم لهم من قبل.. لكن
ماتوقعوا قوة وتين .. توصل معاها للدرجه هذي ..
السيكورتي يكلم وسام وياسر : يعني تدخلون للمجمع تتحرشون بـ البنات وبس..
وتين تترجا السيكورتي : تُكفى فكنا منهم .. إحنا مو ناقصين مشاكل ..
وسام وياسر عصبوا ..
ياسر: نصابه ..
وتين : إنت إللي نصاب .. وإرتفعت الأصوات .. والسيكورتي مايدري شـ يسوي لإنو
السالفه واضح إنها كبيرهـ مرهـ ويمكن توصل للطق ..
السيكورتي : صحيح إنتم تتحرشون فيهم ..؟؟
وسام : كذابه .. وتينوهـ وربي لـ تندمين ..
وتين : سمعت شـ يقول ... يهدد .. يعني من جد ..
السيكورتي يكلم وسام وياسر : لو سمحتوا برا المجمع ..
وسام وياسر يناظرون بعض ..
التموا الناس حولهم .. شباب بنات .. طبعاً ليش مايلتمون .. والبنات كثير 'وتين ,
هنادي , وسن , ريناد , هديل , ديما , روزان'
وحدهـ مع صاحبتها : حرام هـ الحلوين يطلعونهم من المجمع ..
الثانيه : الثاني الحلو . .شوفي كيف عيونه وجماله ياربي أحسه ملاك ..
الأولى : ياي أـنا بـ الحق فيهم لما يطلعون ..
وسام وياسر يسمعون كلامهم ..
والبنات سمعوا ..
وتين تكلم الـبنتين : إذا تبونهم خذوهم .. ترا كفوكم ..
البنتين ناظروا بعض قالت الأولى : إلا شكلك ميته عليهم ..!!
وتين :والله شكل إللي يبي له تقليع من المجمع إنتي ..
البنت الأولى : لا يكون مجمع أبوك وأـنا ما ادري ..؟؟
وتين : والله تقدرين تقولين .. يلا إقلبوا وجيهكم كلكم غير إللي تعنيهم السالفه ..
البنت : والله أـنا بـ اتفرج ..
هنادي : والله دوري لك واحد من مستواك وروحي تفرجي عليه ..
البنت : وإنتي شـ دخلك ..؟؟
هنادي : إنتي إللي شـ دخلك ..
وتين تكلمت بـ صوت عالي : يلا خلصنا منهم كلهم ..
بدر لسا جاي يشوف الجمعه هذي كلها ولايدري شـ السالفه ..
ياسر ووسام يشوفون بدر ..
ياسر : بدر شوف هـ الخبول .. يقولون إننا نتحرش فيهم ..
بدر واهو لسا يدخل بينهم ويوقف بين بنات عائلته واضح طوله بينهم ورزته قال :
مين ؟؟
ياسر : إللي إنت بينهم .. وتين وشلتها ..
بدر يناظر وتين يدورها .. وكانت وراهـ قال : ياسر يتحرش فيك ؟؟
وتين : بدر رجاءاً يطلعون من المجمع مثل ماقال السيكورتي ..
وحدهـ من البنات : واي .. الإسم بدر والشكل روعه شـ آبي أفضل من كذا ..
بدر يناظر إللي تكلمن قال واهو يرفع إيدهـ بـ هبال : هلا والله ..
البنات خقوا مرهـ قالت وحدهـ : ومو شايف نفسه ويل حالي ..
بدر يكمل هبال : ليش أشوف نفسي .. !!
البنت : واي عليه .. بدر ..
بدر كان بيتكلم لكن الغيرهـ ذبحت بعض الناس وتكلموا بدلعهم ونعومتهم المعروفه :
بنات مايستحون .. خير إن شاء الله ..؟؟
الصوت واصل من ورا بدر لف لمكان الصوت وكانت ريناد .. ناظرها وتبسم لها
إبتسامه خذت القلب مع العقل وقال : هلوووووين والله ..
بنات عائلته : ههههههههههههههههههههههههه هههه ..
السيكورتي يتفاهم مع ياسر ووسام ..
ريناد وجهها آلوآن ونزلت راسها ..
بدر شدها من إيدها وقال : إنتي هنا بـ جنبي مو وراي .. ووقفها بـ جنبه ..
ريناد تشققت ..
وحدهـ من البنات إللي خاقات على بدر : عمى بعينك يـ الحسودهـ { تكلم ريناد }
بدر عصب قال : عمى بعينك إنتي .. إقلبي وجهك إنتي وإهي لا اعرف اتصرف
معاكم .. شافوهـ عصب ومشوا عنهم على طول .. ناظر في ريناد إللي بجنبه وتبسم
لها .. إهي باقي متضايقه من تصرفه مع البنات مشت عنهم .. بدر : ريناد ..
ريناد من غير لاتناظرهم قالت : بروح اتسوق ..
بدر : طيب نروح سوأ ..
وتين : هيه إنت وياهـ .. ترا السيكورتي مابعد قلعهم .. ومشت للسيكورتي معاها
البنات قالت : إلـى ذا الحين هنا ..
ياسر: وتين بلا هبل ..
هنادي لعانه فيهم لإنه من مشوا وراهم واهم قاعدين يقهرونهم بـ الكلام على البنات
الموجودات قالت : إلا متحرشين فينا .. وإذا ماطلعوا ذا الحين إتصلنا في اهلنا يجوون
يتصرفون معاهم ..
السيكورتي : لو سمحتوا برا ..
ويم***م مع إيديهم ويمشيهم معاهـ .. وسام : وربي يكذبون ..
السيكورتي : شـ فايدتهم من الكذب .. رجاءاً برا ..
وسام يلف لهم : وربي لـ تشوفين إنتي وإهي ..
وتين ووسن وهنادي : ههههههههههههههههههههههههه هههههههههههههههههه
ياسر : إتركهم واعرف كيف اجيب راس كل وحدهـ ..
وتين : سمعت .. بيجيبون روسنا ..
طلعهم السيكورتي غصب عنهم .. والبنات ميتات ضحك ,, والناس تناظرهم واهم
يطلعون وسام وياسر غصب .. يعني انواع الفشله ..
بدر جا لهم قال : تحملي إللي بيجي لك منهم ..
ريناد : بدل مايضايقون البنات يطلعون أفضل لهم { شايله عليه }
بدر ناظرها وتبسم وقال : مصدقه إنهم مضايقنكم ..؟؟
ريناد : لا . . بس لو ماخذين شخص ثالث معاهم كان أرحم لي ..
بدر فهم عليها وضحك قال : هههههههههههههههه ,, تبيني أطلع ؟؟
ريناد سكتت .. مهما كان تصرفه ضايقها إلا إنها ماتبيه يطلع ,, ماتبيه يختفي عن
عينها ..
بدر : إذا تبيني أطلع بـ أطلع .!!
ريناد نفس الشيء .. عند عيوني ويتكلم مع البنات كذا أجل إذا بروحه شـ يسوي ..
إنقهرت ومشت من عندهم ..
بدر يتكلم : ريناد أـنا أسألك ..
ريناد وإهي تمشي : أـنا امشي افضل لك ..
بدر ناظرها وإهي تمشي ... يجنن زعلها ودلعها ونعومتها ..
هنادي : لا شـ رآيك يعني تلحق فيها ..
بدر : آخخ .. والله لـ أقدر كان لحقت فيها ولا إهتميت ..
هنادي : الحمدلله والشكر ..
بدر : أقول إمشي بس .. { ناظر البنات } حرام أمشي معاكم وريناد ماهي فيه ..
البنات : ههههههههههههههههههه
هنادي: طيب إقلب وجهك ..
بدر : أكيد بـ انتظرك .. ومشى عنهم .. يدور عل وعسى يشوفها حتى لو من بعيد ..
ريناد تمشي وإهي مقهورهـ .. وشوي وتصيح .. هذا شكله لعاب .. شكله نسونجي
درجه أولى .. يحب البنات كثير .. ومن النوع إللي مايكتفي بـ وحدهـ ..
برا المجمع .. إتصل ياسر في سعود ..
سعود : هلا ياسر..
ياسر: سعود تعال شوف تخلف اختك .. وربي لـ تشوف شغلها ..
سعود : منهي ؟؟
ياسر: وتين ..
سعود : وتين .. شـ سوت بعد ..؟؟
ياسر: إتخيل نادت السيكورتي لي أـنا ووسام على أساساً إننا نتحرش فيهم وقلععونا برا
المجمع ..
سعود إنصدم قال: تستهبل ؟؟؟
ياسر : وربي صحيح ..
سعود : أوكي جاي ذا الحين . . باي ..وقفل ..
تركي : خير ؟؟
سعود قاله السالفه ..
تركي عصب من جد قال : هذي أـنا قايل يبي لها تربيه من جديد ..
وتين والبنات يتمشون بـ المجمع ولا مهتمين في أحد .. ومروا من بجنب السيكورتي
وشافهم يضحكون .. وتين وقفت البنات وقالت : منو بيروح معاي ..؟
وسن :وين ؟؟
وتين : السيكورتي ..
هنادي : ليش ؟؟
وتين : بـ اسولف معاهـ .. إللي بيجي بيعرف ...
البنات كلهم مابغوا إلا وسن راحت معاها ..
السيكورتي يشوفها تمشي له ..
وتين وإهي توقف عندهـ : هههههههههه .. أعرف كارهني ذا الحين ..
السيكورتي : لا ليش ؟؟
وتين : هههههههههههههههه .. أسفه .. ترا كل إللي صار إستهبال ..
السيكورتي إنهبل قال : إستهبال ..؟؟
وتين : ههههههههههههههههههههههههه ههههه .. إيوا .. كان عليهم دين وخذيته
بطريقتي هذي ..
السيكورتي مصدوم من هـ البنت تفشل إثنين وقبال خلق الله إللي شـ كثرهم وتقول دين
وإستهبال .. قال : لك علاقه فيهم ؟؟؟
وتين : هههههههههههههههههههههههه .. واحد اخوي والثاني ولد خالي ..
السيكورتي صدمه أكبر من الأولى .. هذي كيف تفكر قال : حرام عليك .. شوفيهم برا
.. راح ادخلهم ..
وتين :أمانه لا تدخلهم .. خلهم شوي برا ..
السيكورتي : والله عاد كيفكم ..
وتين : شكراً .. وأسفه مرهـ ثانيه .. وترا أـنا طبعي كذا .. يعني تعودوا علي ..
السيكورتي تبسم لهها وقال : ولو كل يوم قدمي شكوا .. وإللي علينا نشيله من المجمع
..
وتين : ههههههههههههههههههههه .. إذا كذا كل يوم وأـنا عندكم ..
وسن : إللي يسمعك يقول مو كل يوم ناقعه هنا ..
وتين : هههههههههههه .. ذا الحين غير .. اجلس أذل ياسر ووسام على هـ المكان ..
يعني صاروا مشهورين .. شـ يبون أكثر من كذا ..
السيكورتي : هههههههه .. مشهورين مرهـ ..
وتين : ههههههههههههههههههههههههه ههههههههههههههههه
البنات يناظرون هذي قاطه الميانه وبقوهـ مع السيكورتي ولا مهتمه في أحد .. دخل
سعود وتركي للمجمع .. وناظروا يدورون أحد يعرفونه .. تركي : مو كأنهم هذيليك ؟؟
سعود يناظر : إلا ..
مشوا لـ مكان البنات ..
هنادي : ويلنا سعود وتركي ..
هديل تناظر : سعود ؟؟
هنادي : إحنا وين وإنتي وين .. والله لـ يشرشحون من جد .. والهبلا هذي تسولف مع
السيكورتي ولا مهتمه ..
ديما : بـ اتصل فيها .. وطلعت مموبايلها وإتصلت في وتين إللي تعطيها بيزي يقال
إنها مشغوله ..
تركي : على السيارهـ إنتي وإهي ولا كلمه وبكل هدوء ..
روزان : بس باقي وتين ووسن وريناد ..
تركي : والزفته وتين ويين .؟؟
روزان وإهي تأشر : هناك ..
تركي وسعود يناظرون .. إنصدموا .. هذي ماتستحي كلش ..
تركي واهو ماسك نفسه وضاغط على إيدهـ : تعالوا للسياررهـ ووحدهـ منكم يـ
الزفتات تروح لها عشان تطلع لـ سيارة سعود .. يلا .. مشوا معاهـ البنات وسعود
معاهم .. وديما راحت تقولها ..
ديما : وتين ..؟؟
وتين لفت لها وقالت لسيكورتي : يلا أشوفك قريب .. باي .. { ماتستحي البنت }
السيكورتي تبسم وقال : باي .. مشوا وتين ووسن ..
ديما قالت إن سعود فـ سيارته .. لإن شكل تركي بـ سييارته ..
طلعوا البنات وحصوا ياسر ووسام واقفين يسولفون مع سعود ..
وتين : ههههههههههههههههههههههههه هههههههههههههههههه
ياسر : وقسم بـ الله لـ تشوفون شغلكم ..
وتين : سو إللي تبي ..
سعود : على السيارهـ ..
مشى سعود قبلهم .. وركب .. وركبت وتين وراهـ ..
سعود : خير .. ليش تسوون كذا ؟؟
وتين : ههههههههههههههههههههههههه ههههههههههههههههههه
سعود : ماقلت إضحكي .. سألت سؤال ..!!
وتين وإهي تحضن سعود من ورا مكان سند الراس وبدلع : سعودي ..
سعود :لا سعودي ذا الحين ؟؟
تركي : قلة حيا ..
وتين تناظر إللي بجنب سعود وشافت تركي قالت : إنت شـ إللي جابك ...؟
تركي : جاي عشان ازيد على وعيدي لك بـ التربيه ..
وتين : ههههههههههههههههه .. رب نفسك اول بعدين تكلم ..
تركي : إنكتمي ..
وتين : إنت إللي تنكتم ..
تركي صارخ عليها : وتبن ..
وتين رفعت صوتها : وتبن إنت ..
سعود : بسسسسسسسسسسسسسسسسسسس ..
تركي : إسمع كلام إختك إللي مفشلتنا مع الكل ..
وتين :إنت إللي مفشلنا مع الكل .. كل أحد يشوفك يقول منو هذا المتخلف ,,
البنات : ههههههههههههههههههههههههه ه
وتين : ههههههههههههههههههههههههه ههههههههه
سعود سبق تركي : وتين ولا كلمه ..
وتين وإهي تحضنه : سعودي وربي سويت هذا عشان ارد حركتهم...
سعود مايقدر على وتين لإنه يحبها موت قال : كيف ؟؟
تركي إنقهر من سعود ..
وتين : إتخيل مرهـ كنا بـ الحديقه كلنا وجالسين وجو لنا وسام وياسر وخرعونا وربي
وقتها كلنا قلوبنا نطت من مكانها .. وهديل بكت .. ترضى هديل تبكي .. سعودي ..
سعود إنهبل قال : ها .. هديل ..
وتين : إيوا .. أـنا ماسويت الشيء هذا إلا عشان هديل ..
سعود : خلاص بس ماتعيدينها ...
وتين: خلاص خذيت حقنا شـ آبي فيهم .. حبيبي زعلان ..؟؟
تركي شوي ويتوطى في بطنها .. إهي تعرف إنها تقهر تركي بـ كلامها هذا ..
سعود : ياقلب سعود إنتي .. أـنا أقدر أزعل عليك ..
وتين وإهي تبوس خد سعود : إنت حياتي ...
سعود : ياقلبي إنتي ..
وصلوا بيت ابو خاالد .. وكانت سيارة راكان موجودهـ بـ البيت ..
سعود : راكان موجود ..
تركي يناظر سسيارته قال : الوسخ ماشي سرعته كلها ..
سعود : ليش ؟؟
تركي : ماحرك من الرياض إلا الساعه 6 ونص وذا الحين الساعه 8 ونص ..
سعود إنصدم : هذا مجنون ...
تركي : بنزل هنا ..
وتين :هاها إجتمعوا المتخلفين ..
تركي : ولا كلمه يـ الهايته ..
وتين : وسن .. شوفي شنو تطورات المتخلفين ..
ضحكوا البنات ..
وتين : باي قلبي ..
وسن : باي ..
ونزلت ونزل تركي .. تركي : في أحد بـ البيت ..
وسن : امكن حاتم ..
تركي : طيب بـ أدخل للمجلس عند راكان ..
وسن : حياك .. دخل تركي للمجلس ..
وسن دخلت للصاله وإهي تنزل لثمتها على تحت وتطلع شعرها برا العبايه ..
إلا هذا راكان طالع من جناح جدته وجدهـ ولا معه أحد .. وكان شكله بيطلع للمجلس
..
وسن وقفت مكانها ... راكان ناظرها .. شعرها مفتوح ووجهها مكشوف له .. راكان
كان متغير شكله بـ النسبه لـ وسن .. اهو يصير بـ طريقها ولا تقدر تمر من قباله ..
وشعرها ماتقدر تغطيه لإنه كثير والشيله تحت الشعر .. واللثمه إنخبصت ماتدري
كيف ترفعها .. الصدمه أكبر من إنها تغطي وجهها .. راكان عاجبه الوضع يناظر قال
: حاتم موجود ؟؟
وسن تنحت قالت : ءء .. ها ؟؟
راكان شوي ويضحك على شكلها قال : حاتم موجود ؟؟
وسن : ما ما ادري ..
راكان : من فين جايه ؟؟
وسن : المجمع ..
راكان : ما شاء الله من المجمع .. طيب لاتدخلين للبيت وتفسخين على طول .. يمكن
يكون في أحد مو محرم لك .. ومشى عنها ..
ووسن تناظرهـ ومقهورهـ بعد ماشبع من المناظر فيها قال لا تدخلين البيت وإنتي
كاشفه .. خير .. على كيفه .. والله لو أطلع للشارع كاشفه ماله خص فينيي .. { كبرت
في راسها سالفة إنها تطلع كاشفه لعانه في راكان وبس .. } ..
راكان يدخل للمجلس ووكان تركي في ..
راكان : آؤ .. إإنت هنا ؟؟
تركي يوقف يسلم عليه : لي ساعه إنتظرك ..
راكان : ساعه ؟؟؟
Like
تركي : لا استهبل .. جيت مع سعود من المجمع ..
راكان : ما شاء الله بعد إنتم بـ المجمع ..؟؟
تركي : رحنا نجيب البنات ..
راكان : يعني إنتم جايبين وسن ؟؟
تركي : كل البنات .. وقاله سالفة وتين ..
راكان : ههههههههههههههههههه ... والله رهيبه هـ البنت .. واضح إن حقها مايضيع ..
تركي : إلا قليلة ادب ..
راكان : ههههههههههههههههههههه . . ياشيخ خلها تفلها . . شـ رواها .. تعيش حياتها
مرهـ ..
تركي : شـ كلها تصلح لك ..
راكان : لا ياشيخ لا تصلح لي ولا أصلح لها .. إلا شـ أخبار العريس ؟؟
تركي : تمام .. نطلع للإستراحه ..؟؟
راكان : إنتظرليما يجي عمي واسلم عليه وبعدين نطلع ..
تركي : الله يخلي هـ العم إللي حُبه واجب عليك ..
راكان : ههههههههههههههههههههههههه ههههههههههههههههههههههههه ههههه ..
بعد ربع ساعه جا حاتم وجلسوا سواليف .. ولما صارت الساعه 9 ونص جا لهم أبو
خالد وام خالد وكانوا ناوين يطلعون يتعشون برا .. وسلموا على راكان وتركي بـ
المجلس ..
حاتم : طيب ووسن وين تتعشا ؟؟
أم خاالد : وسن عمك فواز بيجي لها وبيروحون يتعشون مع باقي البنات ..
حاتم : والله فواز مايصير كريم إلا على البنات ..
راكان : ههههههههههههههههه .. حلو إنها تجي منهه بعد ..
حاتم وتركي : ههههههههههههههههه
أم خالد : حرام عليكم فواز كريم على طول .. يعني بس عشانه ماعزمكم للعشا قلتوا
مو كريم ..
حاتم : إيوا ماعليه فواز كريم .. شـ رآيكم نتصل فيه ونرمي حالنا عليه عشان يعزمنا
..
راكان : ياشيخ إتركه يزكي أمواله علينا بـ عشا واحد بس ..
تركي : دكتور وراتبه ضخم ولايذكر احد ..
أبو خالد إللي لسا مقفل من إتصال : ليش ناقصكم شيء ..؟؟
حاتم : لا الحمددلله ..
أبو خالد : طيب ليش تبونه يذكركم بـ الراتب ..؟؟
راكان : إحنا أولاد إخوانه وخواته يعني مالنا حلاوهـ ..
أبو خالد : حلاوتك ممن عملك إنت مو عمله اهو ..
حاتم : إي والله من زمان عن الحلاو { يقصد الدعم المادي من الحكومه 'أبو خالد' }
تركي وراكان : ههههههههههههههههههههههههه هههههههههههههههههههه
أبو خالد : ههههههههههه .. تبي حلاو ..
أم خالد تستهبل : حبيبي حلاوك بـ المطبخ ..
راكان وتركي وابو خالد : ههههههههههههههههههههههههه ههه
حاتم : إي عشانك كل شهر تاخذين حلاو من أبوك وزوجك خلاص صار حلاوي
بـ المطبخ ..
أم خالد وإهي توقف : شـ علي منكم .. أـنا حلاوي يوصلني .. دور إنت من يعطيك
حلاو غير زوجي ..
حاتم : إي أكيد .. جالسه على بنكين ..
راكان : قصدك على بنوك ..
تركي : يعني لا تقتصرها على بنكين .. لإن إللي فيها يغطي على بنوك ..
أم خالد : لا إله إلا الله ..
راكان : لاتخافين زكي أموالك ولا يصير لها شيء ..
أم خالد : ههههههههههههههههههههههههه ههههه .. يعني تروحون وتجون على الزكاهـ
..
رااكان : الزكاهـ زيادهـ للبركه والمال ..
أبو خالد : شـ عندكم اليوم على الزكاهـ .؟؟؟
راكان : زكاة المال حلوهـ ..
تركي : يمدحونها ..
حاتم : وبقوهـ ..
أبو خالد : لاتحاولون .. مافي لا حلاو والزكاهـ لـ أهلها ..
راكان : الأقربون أولى بـ المعروف ..
أبو خالد : ههههههههههههههههههههههههه هههههههههه
تركي : تجب الزكاهـ على العاملين عليها ..
راكان : ماشاء الله عليك حافظ على من تجب الزكاهـ إلـى الآن ..
حاتم : والله المدرس إللي مايلعب ..
تركي : ههههههههههههههه .. لايغركم سامعها في خطبه وحافظها إلـى الأن ..
كلهم : هههههههههههههههههههههه ..
أبو خالد : بتجلسون هنا وإلا تطلعون ...؟؟
تركي : بـ نطلع للإستراحه ..
أم خالد : وين تتعشون .؟؟
راكان :ماعليك أـنا امسك فواز يعزمنا غصب عليه ..
تركي : صح إنت واصل من الرياض وضيافتك على عمك واجب ..
حاتم : إي صح ..
أبو خالد : أجل يلا .. ومشوا من عندهم ..
راكان : لاتنسون الحلاو ..
أم خالد : لاتنام قبل لا اجيبه لك ..
راكان : ههههههههههههههههههههههههه ههههههههههههههه
وإتصلوا في فواز .. اساساً عزيمة البنات كانت على فواز .. ووسن كانت ناويه تحط
معاهـ ..
فواز والبنات كلهم معاهـ .. عدأ خلود إللي ما احد يدري عنها .. من تزوجت وإهي
مختفيه ولا يشوفونها إلا يوم بـ الأسبوع إللي اهو يوم الخميس مع أهلها عند إللي تكون
عندهـ الجمعه .. وصايرهـ ماتتكلم نفس أول .. أول معروف عنها تضحك على طول
.. تقلب الأمور مزح .. صوتها العالي وضحكتها العاليه مرهـ تترك المكان كله يضحك
معاها .. إفتقدوا هـ الشيء .. والكل ملاحظ .. لكن حسبالهم الزواج عقلها .. مايدرون
إن المشاكل إهي إللي تجبرها تسكت غصب .. تفكر في كل شيء يخص علاقتها إهي
وحمد .. متأكدهـ إنها ماخذت من هـ الزواج إلا العذاب والآلم إللي عايشته .. دخل فواز
البيت وكان هادي مرهـ .. جت له ميري ..
فواز : وين خلود ؟؟؟
ميري : فوق ..
فواز : قولي لها تنزل ..
ميري : أوكي .. ومشت عنه واهو جلس بـ الصاله يناظر بيت حمد وفي خاطرهـ والله
إنه ذوق الولد ..
نزلت الخدامه وقالت : ذا الحين إنزل ..
طبعاً خلود ماتدري منو إللي يبيها تحت لإن ميري ماتعرفه وتوقعت أبوها ..
نزلت وإهي مالها خلق شيء .. لابسه بنطلون جينز سمائي وبدي فضي فاتح مع
فوشي .. وكانت تاركه شعرها على اكتافها .. نزلت من الدرج وإهي ماناظرت الصاله
.. فواز يشوفها تنزل .. متغيرهـ مرهـ عن أول بكثير نحفانه وواضح التعب عليها
ومهمله نفسها .. قبل إلا تعمل حركات بشعرها .. إلا لبسها يكون كشخه حتى إذا
ماعندها احد .. نزلت أخر درج ومشى لها وقال بـ إستهبال : إذا ماسألنا عنك إنتي
ماتسألين عننا ؟؟
خلود ناظرته خالها فواز .. زمان عنه .. سلمت عليه وقالت بـ إبتسامه : سوري .. بس
تعرف مو إنت بس المشغول...
فواز : ههههههههه .. لا ياشيخه ..
خلود : هههههههه .. لسا منور البيت ..
فواز : تسلمين ياقلبي .. إنتي كيفك ؟؟
خلود : تمام ..
فواز : إللي يشوفك يقول حشى هذي ماصار لها 4 شهور متزوجه ..؟ هذي لها سنين
متزوجه ..
خلود خافت قالت : ليش ؟؟
فواز : هذا شكل عروس .. شكلك حوسه ..
خلود : هههههههههههههه .. عشان هـ اللبس والشعر إللي ملفلفته قلت حوسه ..
فواز : لا وربي .. لكن من جد .. { كمل بـ إستهبال } كل هذا يسويه حب حمد .. والله
إنه مو بسيط ولد العنود ..
خلود حست قلبها توقف .. ومعدتها تقلب عليها تبسمت غصب قالت : شـ فت كيف ؟؟
فواز : ههههههههههههههه .. ياقلبي عليك .. يلا إلبسي وتعالي معاي اـنا والبنات ..
خلود بكل هدوء : مالي خلق اطلع ..
فواز يحضنها : أـفأ .. ليش ؟؟
خلود وإهي بين أحضانه حاسه بشيء فاقدته من زمان .. تحس إنها وحيدهـ بهـ الدنيا
.. إذا قالت إنها ماتحب حمد خانقوها كلهم .. وإذا بتقول إن بينهم مشاكل راح يحملونها
المسؤوليه ولا راح يسمعون لها .. خالها فواز اهو الوحيد إللي جا لها .. اهو إللي
خذاها بـ احضانه .. متعودهـ على حمد إللي يعذبها ويجرحها ويتركها بجروحها
وهمومها تدورهـ يداوي جروحها يخفف عليها .. لكن متأكدهـ مع كل قُرب منه لها
يرفع مشاعرها لـ فوق بعدين يحطمها .. تبيه يجي يغنيها .. يملى إللي تركه بـ داخلها
.. إهي متأكدهـ إنها تكرهه لكن مابعمرها سمعت بـ نفس كرهها لـ حمد .. تموت
بـ قُربه لها وإذا تركها تألمت , إنجرحت زود .. ماتدري شنو هـ الكرهـ .. ماتدري إنه
لما بيكون قريب منها راح تذوب في قُربه .. واهو طالع للخارج فترهـ يريح فيها من
المشاكل إللي كل ماقابلوا بعض طلعت .. تشتاق توله عليه .. لكن ماتقدر تتقبله بعد
حركته إللي عملها فيها .. كل شيء ينغفر إلا هـ الشيء .. لما خطبها كانت متأكدهـ إنها
مع المعاشرهـ راح تحبه .. لكن واهم في فترة الخطوبه يعمل حركته هذي .. مستحيل
تغفرها له .. حتى لو تتعذب عمرها كله .. إشتاقت له .. مامر أسبوع وإهي متعذبه كذا
.. حتى إذا مايتقابلون كثير ,, يكفي إنها متأكدهـ إنو بـ نفس المكان إللي إهي فيه ..
لكن ذا الحين اهو بدوله وإهي بدوله ولا فكر يتصل لو مرهـ وحدهـ .. ولا تدري عنه
إذا صاير فيه شيء وإلا بخير .. ومشكلتها ماتقدر تسأل أحد عنه .. بتموت من محاتاتها
له .. بتموت من الولــــــــه عليه .. نزلت دموعها بين أحضان خالها .. تبي تريح
عمرها من هـ العذاب .. لكن كيف ماتدري .. إنفجرت بكا بدون سابق إنذار ..
خالها إنصدم رفع راسها واهو على صدرهـ قال : خلود قلبي شـ فيك .؟؟
خلود تبكي ..
فواز : ياقلب خالك إنتي تكلمي .. صاير شيء بينك وبين حمد ..؟؟
خلود خاطرها تقول شـ بقى ماصار . . إحنا ولا أعداء يكرهون بعض .. حالتها لو
بيتكلمون فيها ما احد بيصدقها ..
فواز يمشيها ويجلسها معاهـ على الكنب قال : خلود قلبي ناظريني ..
خلود منزله راسها وتبكي ..
فواز : حمد مسوي لك شيء .. ؟؟ مضايقك فـ شيء ؟؟ قولي وصدقيني ما احد بيعرف
.. واـنا اعرف كيف اتفاهم معاهـ ..
خلود تحرك راسها بـ معنى لا ..
فواز : طيب قولي شـ فيك ..؟؟
خلود وإهي تمسح دموعها .. وناظرت خالها وبعدت نظرها وقالت : كنت محتاجه
أبكي .. وبس ..
فواز : وإللي يحتاج يبكي يجي له البكي على طوول .. ؟؟ { يعرف إن هـ الشيء
مستحيل }
خلود نست إن خالها ماتطوف عليه هـ السواليف .. نزلت دمعتها ..
فواز : ياروحي إنتي .. قولي ولا تعذبين حالك ..؟؟
خلود تتكلم بـ صعوبه : مافيني شيء ..
فواز : أمك متى شفتيها أخر مرهـ .؟؟
خلود إستغربت سؤاله قالت : من أسبوع ...
فواز إستغرب .. أسبوع تجلس من غير لا تشوف أمها .. قال : كلمتيها ؟؟
خلود حركت راسها بـ معنى لا ..
فواز : خلود .. شـ صاير ؟؟
خلود : ولا شيء ..
فواز : حبيبتي قولي لي ..
خلود : بس مشتاقه لـ حمد ..
فواز ناظرها كيف تناظر بعيد عشان ماتحط عينها بـ عينه قال : الشوق يسوي كذا .؟؟
خلود : مابعمرك جربته ؟؟
فواز : ولا آببي أجربه ..
خلود : إذا مثل شوقي إن شاء الله ماتجربه ..
فواز تأكد إن عندها مصيبه إهي وحمد قال : خلود قلبي .. كل الخلق .. تصير بينهم
مشاكل .. وشيء طبيعي بين المتزوجين يصير ..
خلود ساكته تسمعه ..
فواز : المهم إن المشاكل إللي تصير لازم مانكبرها عشان مانندم على إللي بيصير
بـ العلاقه بعدين كونهم متزوجين ,, حبيبتي الواحد إلا مايتسرع .. صحيح صعب
تفهمون بعض من الشهور الأولى .. لكن هذا مايعني إن أي مشكله إلا تكبر.. حاولي قد
ماتقدرين تصغرين المشكله مهما كانت .. لإنو أخر شيء الإثنين اهم المتضررين ..
أكيد إنتي فهمتي علي ..
خلود حركت راسها بـ معنى إيوا .. وفـ بالها .. ليت مشكلتنا نفس مشكلتك مع زوجتك
من قبل كان هان الموضوع .. المصيبه إن مشكلتهم موغيرهـ ولا مشاكل اهل ..
مشكلتهم أكبر من كذا ..
فواز : قلبي يلا إلبسي وتعالي معانا .. ترا البنات بـ السيارهـ وأكيد عاملين حوسه
هناك ..
خلود تبسمت وقالت : ما آبي أطلع ..
فواز : ترفضين عزيمتي الأولى ..؟؟
خلود سكتت ..
فواز : يلا الله يحفظك لي .. ووقف ووقفها معاهـ .. وحط راسها على صدرهـ وقال
بكل رقه : ترا أفضل أـيام بين المتزوجين إهي أـيام المشاكل صدقيني فيها حلاوهـ
ماهي طبيعيه .. مو يقولون المشاكل إللي تصير بين المتزوجين هذي ملح الحياة
الزوجيه .. وصدقيني بكرهـ تفهمون بعض وتنسون هـ السواليف إللي مرت عليكم
وإذا ذكرتوها ضحكتوا على أنفسكم ..
خلود وراسها على صدرهـ بـ هدوء ... تحس بـ راحه .. بس لو يكون صدر حمد كان
نست الزعل كله ..
ففواز يناظر الباب قال : حمد جيت ؟؟
خلود لفت للباب على طول .. ولا شافت أحد ..
فواز : ههههههههههههههههههههههههه ههه .. يـ الله على الحب وعمايله ..
خلود ضحكت غصب وقالت : يـ الله منك ..
فواز : ههههههههههههههههههههه .. وربي لـ أقوله ليش معذب بنت أختي .. خير إن
شاء الله ..؟؟
خلود خافت قالت : لا خالي تُكفى ..
فواز : بشرط ؟؟
خلود : أمر ..
فواز : تطلعين تلبسين وتطلعين معانا ..
خلود كانت بترفض .. فواز واهو يطلع موبايله : أتصل في حمد ..
خلود وإهي تركض : لا خلاص بـ اروح ..
فواز يعلي صوته : لا تركضين .. لا يكون فيك بيبي ثم وقتها ويلي من حمد ..
خلود وإهي تضحك وإهي واقفه على الدرج قالت : لا تخاف مافي شيء ..
فواز : اجل انطلقي ..
خلود ضحكت ومشت لـ جناحها تلبس بسرعه وتطلع لـ خالها والبنات ..
الشباب كلهم بـ الإستراحه مجتمعين وجالسين يعلقون على وسام وياسر وعلى تقليعتهم
من المجمع .. ووسام وياسر مرتفع ضغطهم ..
حاتم : ها .. منو بيتصل في فواز ؟؟
راكان : أـنا .. وطلع موبايله وإتصل ..
فواز واهو مع البنات بـ السيارهـ واصواتهم عاليه بيتفقون على مكان ومحتارين ..
فواز : بنات آووش .. راكان بـ الرياض وإلا هنا ؟
وتين : لا سيارته كانت في بيت خالي سُلطان ..
فواز : أوكي آووش واسمعوا فضايح الشباب ..
البنات سكتوا .. فواز رد بـ الإسبيكر قال : إيوا ..
راكان : لا تُكفى يـ البنت ..
فواز : شـ بغيت ..؟؟
راكان : إسم علينا من اخلاقك .. ما آلومك البنات مطفشاتك ..
فواز : إلا عسل على قلبي .. صحح المعلومه إللي مطفشني إللي يكلمني ذا الحين ..
راكان : حلوهـ بس لا تعيدها ..
فواز : أكيد حلوهـ إذا مني وأكيد بـ اعيدها إذا لك ..
راكان : هاها .. ماتضحك ..
فواز : راكان .. ربي لا يطيح زوجتك بـ إيدي واسوي لها عمليه وإهي مكسرهـ ثم
الف لك رجلها ودورها إذا مشت ..
البنات ناظروا وسن إللي ماتغير فيها شيء ..
راكان : ليش يعني اجيبها لك .. سؤال صريح .. إنتهوا الدكاترهـ لما أجيبها لك ..؟؟
وبعدين إسم الله عليها ..
فواز : قصدك أـنا ما اتشرف استقبل حالتها ..
راكان : اساساً يحصلك إسمها عندك .. شوف .. لو إنذكر إسمها لك وإنت بـ مستشفاك
كان قمت وجلست وفضيت المستشفى لها ..وبعدين يـ اهووووهـ .. لو بغينا جبنا
أطبائها من نيويورك والمانيا .. يعني مانحتاج الأطباء الفاشلين .. إللي يجربون في
خلق الله ..
فواز : أقعــد .. إلا قصدك إذا طلبتهم راح تقفل المستشفيات وكل واحد بيجلس
فـ بيته .. تبي أجرب فيك ..؟؟
راكان : إسم الله علي .. والله لو اروح للطبب الشعبي ماجيتك ..
فواز : ههههههههههه .. أكيد لما تجي لي ما راح أستقبل حالتك ..
راكان : ويحصلك ..؟؟
فواز : لإن الناس مقامات ياروحي .. وفي ناس ارقى منك ..
راكان : تدري إنك وسخ ..؟
فواز : أكيد على ولد أخوي راكان ..
راكان : ههههههههههههههههههههههههه هه ..
فواز : إخلص علي شـ بغيت ؟؟
راكان : منو معاك ؟؟؟
فواز : خير .. لايكون مضيع زوجتك معاي ؟؟
راكان : اساساً ماتتنازل تركب معاك ..
فواز : هههههههههههههههههههههه .. إلا ما ادري منو إللي بيزوجك ؟؟
راكان : الكل ..
فواز : صدقني إنهم مايعرفون يختارون لـ بناتهم رياجيل ..
راكان : ههههههههههههههههههههههههه ههه .. إي ماعليه ..
فواز : طيب شـ بغيت إخلص ..؟؟
راكان : منو معاك أول ..؟؟
فواز : صديقاتي كلهم ..
راكان : طيب نزل لنا كم وحدهـ ..
البنات إنصدموا..
فواز : إستح على وجهك ..
راكان : ههههههههههههههههههههههه .. فواز وراك رسمي بـ العادهـ ترمي أكثر من هـ
الكلام ؟؟
فواز : أـنا مؤدب .. عيب أتكلم كذا عند صديقاتي ..
راكان : ههههههههههههههههههههههههه ههههههههههههه .. طيب سلم على صديقاتك ..
فواز : سوري .. أغار ..
راكان : أقعــد ... والله لو إنك راكان بن سعد ..
فواز : أمش .. على منو يغار راكان بن سعد ..؟؟
راكان : شـ دخلك ..؟؟
فواز : شكراً ..
راكان : عفواً .. سمعنا إنك عازم البنات .. ؟؟
فواز : طيب .. لازم أخذ الإذن منكم يعني ؟؟
راكان : لا ياقلبي ماقلنا كذا .. { التمصلح حلو } ياعمي الغالي تدري إني احبك ..
فواز : ياربي .. ترا المعجبين كثير .. واـنا ما استقبلك من معجبيني ..
راكان : عسل على قلبي إذا منك ..وعطى عمه بوسه ..
البنات ناظروا بعض .. وسن متعودهـ على أسلوب راكان لكن إللي ماتوقعته إنه مع
كل الناس كذا .. يعني بنت خالته شـ يقول لها ..
فواز : الله يخسك .. البنات جلسوا يستفرغون ..
راكان : ههههههههههههههههههههههههه ههههههههههههههه .. البنات .. ؟؟ فواز ..
فواز : هلا ..
راكان : فاتح السبيكر ؟؟؟
فواز : يس ..
راكان : فتح الله بطن عدوك ..
فواز : شـ دخلك فـ عدوي تدعي عليه ..؟؟
راكان : ياخي كيفي ..
فواز : لا ,, عدوي وإلا عدوك ..؟؟
راكان : عدوك عدوي ..
فواز : ما اقدر أـنا على هـ الكلام ..
راكان : ياقلبي أساساً اـنا من أسمع صوتك أدوخ ..
فواز : روح للمستشفى يمكن حامل ..
البنات هنا إنفجروا ضحك ..
راكان : هاها .. ماتضحك ..
فواز : يهمني إن البنات ضحكوا .. يعني إنت ولا شيء ..
راكان : طيب يافواز .. المهم قفل السبيكر ..
فواز : ما راح أقفله ..
راكان : اجل تحملوا يابنات الكلام إللي بتسمعونه ..
فواز : لحظه .. إي كلام ..؟؟
راكان : إللي بتسمعه ذا الحين ..
فواز : يعني عشان أقفل ما راح أقفله .. وإذا على الكلام تكلم .. البنات يعرفون إنكم
كلكم الحمدلله والشكر ..
راكان : منك ..
فواز: منكم إنتم .. إخلص شـ تبي ؟؟
راكان : يعني ماتسحتي إنت .. عازم البنات وإحنا لا ؟؟
فواز :والله صيروا نفس أدب البنات بعدين أتكلم معاكم ..
راكان : وليش إن شاء الله .. البنات شـ فيهم زود ..؟؟ بنات لا تزعلون لإن هذي حقيقه
..
فواز : لا ياشيخ وبعد تكلم البنات وعندي .؟؟
راكان :مانت ولي عليهم ..
فواز : إلا ..
رااكان : بنات فواز ولي عليكم ..
البنات : إيوا ..
راكان :إسم الله علينا .. إسمع تعشينا ..
فواز : طباخ أبوك وأـنا ما ادري ..؟؟
راكان : لا محشوم .. فواز إعزمنا . . يارجُل إنت دكتور وشاطر وتاخذ مرتب ولا
تعشينا من راتبك ..؟
فواز : طيب بسألك وجاوبني ..
راكان :أوكي ..
فواز : أـنا من شوي كنت دكتور فاشل واجرب في خلق الله شـ إللي طيرني لـ دكتور
شاطر ..
راكان : والله للظرورهـ أحكام ..
فواز : بعد عيني عينك ..
راكا ن : الحق ينقال .. والواحد مايزعل من الحق ..
فواز : طيب يـ ابو حق .. إنتم موتاخذون مرتبات ؟؟
راكان : والحمدلله ..
فواز : أجل ليش اعشيكم .؟؟
راكان : ليش إنت بخيل ..
فواز : بخيل على إللي مايستاهلون ..
راكان : فواز .. كل الشباب يطلبونك ..
فواز : والله لو سُلطان بـ نفسه إللي يطلبني .. إنتم لا ..
راكان : شـ معنى سُلطان ..؟؟
فواز : رجاءاً عمك سُلطان ..
رااكان : ياليل جينا للرسميات .. أوكي عمي سُلطان ..
فواز : إيوا .. أبد عشان اهو اكثر واحد له خاطر عندي ..
راكان : امش .. شـ معنى ؟؟
فواز : اخوي ..
راكان : طيب وبعدين ..
فواز : مو اهو أبو زوجتك ..
راكان : خطيبتي وليست زوجتي ..
فواز : كأني ما ادري إنك ميت على ماتصير زوجتك ..؟؟
رااكان : أقول .. بتعشينا ؟؟
فواز : لا ..
راكان : فواز مابعمرك عزمتنا { كذاب }
فواز : الكذب مو كويس .. تبوني أعزمكم كلكم على حسابي ..
راكان : تُكفى يـ الكريم ..
فواز : خلاص متى ماتملكت أـنا عزمتكم ..
راكان : مالت عليك ..
فواز : ليش .. ؟؟
رااكان : يعني شيء مستحيل ..
فواز: أـنا أعرفه مستحيل عشان كذا قلت لما اتملك عشان تدعون لي أتملك ..
البنات : ههههههههههههههههههههههههه ههههههههه
راكان : مالت عليكم كلكم ..
فواز : يلا أـنا مو فاضي لـ سخافات الشباب ..
راكان : إسمع ترا الشباب يتحلفون فيك ..
فواز : إذا شفتوني كويس ..
راكان : يلا إقلب ..
فواز : إقلب إنت .. وقفل في وجهه ..
راكان واهو عند الشباب وكان فاتح السبيكر ويضحكون على سواليف فواز ..
وسام : ذا الحين إللي يسمعكم يقول مامعكم فلوس ..!!
تركي : مو على كذا .. إحنا نبيه يعزمنا وإحنا نختار المطعم عشان نهبل فيه على
عزيمته ..
ياسر : يعني تبون تطفرون فيه ..
حاتم : إي ماعليه يطفر واهو دكتور وولد فارس الـ(ــ)
راكان : آخخ . . لو اعرف وين ماخذهم .. كان نطينا لهم ..
ياسر : أـنا اجيب لكم ..
تركي : نسيت إنك متخانق مع إختك ..
ياسرواهو يطق راسه : يوووهـ ..
يناظرون بدر ..
بدر : خير ؟؟؟
راكان : بدر حبيبي ..
بدر : غير .. مايمشي معاي هـ الكلام ..
راكان يسمع كلامه ويغير : بدر يارجُل ..
بدر : خير ..؟؟
رااكان : إتصل في هنادي عشان تعرف وينهم ؟؟
بدر : سوري ...
تركي : بدر الله يعافيك ..
بدر : آمين .. بس اتصل لا ..
راكان : طيب حاتم وإلا وسام إتصلوا في إختكم ..
حاتم : إنسى .. البنات ماتطوف عليهم هـ الحركات ...
رااكان : طيب كيف ؟؟
تركي يترجى بدر : بدر... بنهبل فيهم بس ..
بدر : فواز قال إذا تملك راح يعزمنا كلنا.. خلاص إنتظروا ليما يتملك .. { الولد
مصدق }
تركي : تستهبل ..؟؟
بدر : لا .. خلوهم ينبسطون سوأ وإحنا بعدين ..
زواج سعود وهديل يوم الجمعه واليوم الخميس وحمد ما رد من السفر .. الكل مجتمع
عدأ خلود إللي إعتذرت من الكل ..
أم سعود : حبيبتي ليش تروحين لـ بيتك بـ روحك ؟؟
خلود : خالتي بيتي عادي ..
أم سعود : أـنا ماقلت شيء يـاقلبي .. بس يعني إنتي بروحك مع الخدم هناك ..
خلود : عادي جلست أسبوع بـ أكمله وقفت على اليوم ..
أم تركي : طيب حمد متى راح يرجع ؟؟
أم سعود : إتصل فيني أول ماوصل وقالي إنه وصل ويقول يوم زواج سعود ..
خلود في خاطرها " حتى ماكلفت حالك تتصل فيني .. متصل في أمك وتاركني ..! "
أم فارس : العنود إنتي معلوماتك قديمه .. اكيد الجديد عند العروسه ..
خلود : ههههههه .. لا نفس معلوماتها ..
أم خالد : ما أدري أتوقع يجي اليوم ..
خلود : لا طيرانه بكرهـ إحتمال كبير العصر .. { نصابه ماتدري }
أم سعود : اهو مخبرني يقول يوم الجمعه ..
أم تركي : لو إني مكانك سافرت معاهـ ..
خلود إنخبصت قالت : لو رايح سياحه ممكن لكن اهو عمل وراجع إن شاء الله ..
أم سعود : إنتي شـ دخلك بين ولدي وزوجته بتخربين بينهم ..
أم تركي : هههههههههههههههههه .. شوفوا الحرمه عشانه ولدها ماقالت ليش مارحتي
معاهـ ..
أم سعود : هههههههههههههه .. لا والله . . بس عارفه إنه بينشغل طول وقته فـ ليش
تروح معاهـ ..
خلود : صح .. { ماتدري شـ السالفه ووقفت وقالت وإهي تسلم عليهم} بـ الإذن ..
أم راشد : حبيبتي إجلسي شوي وتطلعين معانا ..
خلود : لا يُمه بروح اـنام والسايق برا ..
أم سعود : يابنت إتركيها تروح ترتاح وراها صحيه بكرهـ من بكير .. وغمزت لها ..
الحريم : ههههههههههههههههههههههههه ههههههههههههههه
خلود : ههههههههههههههههههههههههه هه .. { ماتدرون فينا } يلا باي ..
وطلعت مع السايق لـ بيتها ..
الشباب زعلانين على فواز ولا يكلمونه ..
فواز يسولف مع عزام وخالد وفارس وفيصل " الناس الكبار والمتزوجين "
عزام : ذا الحين هذيل شـ بلاهم ؟؟
فواز : ههههههههههههههههههههه .. صاروا مثل الحريم يدورون العزايم دوارهـ ..
راكان : لا ..
فواز : إنتم بـ نفسكم طارين العزيمه ..
تركي : ماعليه مردودهـ ..
فواز : تعشيتوا ؟؟
حاتم : والحمدلله .. يعني ماوقفت عليك ..
فواز : خلاص إنتم في الحالتين متعشين ...
راكان : بس كنا نتمنى عزيمتك ..
فواز : صدقت .. عارف قصدكم من هذا كله ..
رااكان : اعوذ بـ الله ماعندنا قصد إلا إننا نجتمع معاك ..
فواز : ياقلبي شكراً ..
وسام : لاشكر على واجب ...
فواز : لاتحاولون ..
راكان : ياربي منك بخيل ..
فواز : إعزم إنت يـ أبو كرم ..
رااكان : ما أحد يستاهل إني أعزمه ..
الشباب ناظروهـ ..
راكان : ههههههههههههههه .. استهبل ..
بدر : لا ياشيخ ..
فواز : يـ الله حيلهم بينهم ..
ياسر: شباب لا تفرحون الأعدأ علينا ..
راكان : صح . . خلاص إختاروا أي بوفيه وافطركم فيها ..
كلهم : ههههههههههههههههههههههههه ههههههههههههههههههههههههه ههههههه
فواز : ههههههههههههههههههه .. منو البخيل .. اجل هذيل { ويأشر عليهم } تفطرهم
فـ بوفيه ..
رااكان : شـ أسوي أـنا صاير اجمع فلوسي ولا آبي اخرب شيء منها ..
فواز : ما اقدر أـنا على إللي داخل مشروع عالمي ..
راكان : ماتدري عني ..
فواز : بعيد عنك ..
راكان : لاتتحدى ..
فواز : مو متحديك عشان لاتفلس من جد بسبب هـ التحدي .. بس طلعهم لـ بوفيتك إللي
بتفطرهم فيها .. صحيح الناس مقامات .. أمس طلعت البنات للمكان إللي الكل يتمناهـ
..
تركي : كم خسرت على عشاهم ؟؟
فواز : شـ خصك ..
وسام : واو قويه ..
بدر : رميه بـ الوجه ودخلت هدف ..
ياسر: وشقت المرمى ..
فواز : الحمدلله الشكر ..
فيصل : لا من جد معشي البنات امس ..؟؟
فواز : كلهم إللي ماتزوجوا .. وعشان حمد مسافر خذيت خلود معانا ..
تركي : هذيل شـ يكفيهم ؟؟؟
فواز : والله خسرت إللي خسرته وكفاهم وزود ..
عزام : كنا أـنا واهو بـ ...
فواز يقاطعه : آووش .. لا يعرففون وين طلعت البنات ..
راكان : عزام تُكفى وين ؟؟
عزام : سوري ..
فواز : نشبه البزارين ..
راكان : لا ياشيخ .. إنت امس شايل بزارين ..
فواز : والله إنهم أعقل منكم وبقوهـ ..
تركي : لا قويه هذي ..
فواز : واحلف بعد ..
تركي : طيب وين رحتوا ..؟؟
بدر : يـ أهبل ماسمعت هنادي تقول تعشينا بـ فندق المريديان ..
تركي وراكان فتحوا عيونهم على الأخر ..
راكان : كل هـ البنات عشاهم بـ المريديان ؟؟؟
فواز : طيب عادي ..
تركي : هذي ميزانيه بـ أكملها ..
فواز : والله إذا كنت دافع من حسابك قول ميزانيه بـ أكملها ..
راكان : ذا الحين ماتببي تعزمنا وقاش البنات معاك وخسران عليهم مبلغ شـ كبرهـ
عشانهم .. سوري مايستاهلون .. { رااكان وتركي ضد البنات }
فواز : والله كيفي وقلت لك الناس مقامات ..
تركي : والله لـ نطلعها من عيونك هـ العزيمه ..
فواز : إذا قدرتوا ..
تركي : الوقت بيننا ..
فواز : لك كل الوقت ..
تركي : طيب ..
على الساعه 3 الفجر الشباب بعضهم طلع من الإستراحه وبعضهم باقي جالس ..
دخل حمد بيته وحصل الدور الأول فيه نور خفيف لكن مافي أحد رقى للدور الثاني لـ
جناحه .. وشاف الصاله إللي فوق نفس نور إللي تحت .. وقف عند باب جناحه وناظر
لـ جناح خلود مسكر... أكيد في بيت أهلها .. مستحيل تجلس أسبوع بـ روحها .. فتح
جناحه ودخل ريحة عطر خلود موجودهـ بـ الجناح .. وفي خاطرهـ " قمت اشم ريحة
عطرها بكل مكان من كثر ما افكر فيها " دخل لـ غرفة نومه وحصل النور مشتغل
خفيف .. توجه لـ سريرهـ بيحط راسه وبينام .. وشاف خلود نايمه بـ مكانه .. إنصدم
.. شكله يحلم .. سكر عيوننه وفتحها من جديد فعلاً هذي خلود .. وما*** بـ إيدها
عطرهـ .. اهو صحيح ماخذا عطرهـ إللي يستخدمه على طول لإنو ناسيه هنا .. قرب
بيتأكد .. وتأكد إنها خلود وعطرهـ بـ إيدها .. هذا شـ معناهـ .. ؟؟؟!!
شـ تبي .. ؟؟؟!! إهي تكرهني وعايفتني ..!! ناويه تجنني هـ البنت .. كان شكلها يجنن
وإهي نايمه .. اسبوع ماشافها .. أشتاق لـ نفسها الزفت على طول .. أشتاق إنها تكون
معاهـ بـ مكان واحد .. حاول يقرب لها أكثر يبي يكون قريب منها بكل شيء .. بـ قلبها
بـ نومتها بـ جلوسها .. بـ سواليفها إللي مابعمرهـ سمع منها سالفه بـ نفس حلوهـ .. كل
إللي بينهم تحدي وخنايق .. مايعرف كيف أسلوبها بـ الكلام .. مشتاق
لـ سواليفها وضحكها إللي مابعمرهـ سمعه .. مسك نفسه غصب لايقرب منها ويصير
شيء إهم في غنا عنه .. ناظرها .. وتأكد إنه إذا بقى في هـ المكان معاها وبـ نفس هـ
الوقت .. راح يندم للي ببيحصله منها .. طلع بـ خفيف من عندها عشان ماتحس إنه
رجع من السفر .. وطلع من البيت كله .. وشنطته باقي بـ السيارهـ .. دخل للإستراحه
وكان فيها تركي وراكان وحاتم .. إنصدموا .. اهو يقول بكرهـ وداخل عليهم هـ الوقت
..؟؟ المفروض يكون عند زوجته ..
سلموا عليه ..
راكان : يارجُل ليش ماقلت إنك بتسافر عشان أروح معاك ..؟؟
حمد : الأخو بعد بيسافر ..؟؟
راكان : تغير جو ..
حمد : المرهـ الثانيه ..
حاتم : ليش في مرهـ ثانيه بعد ..
حمد ضحك وقال : كل شيء جايز ..
جلسوا يسولفون .. وراكان إللي لسا يعرف عن سسالفة جدهـ ..
راكان مصدوم : خير .. جدي شـ دخله ؟؟
تركي : جدي ممكسه معاهـ غلط .. يبي يزوجهم كلهم .. وماعاند إلا خالي سُلطان .. شـ
السبب ما ادري ..
راكان : لحظه .. يعني إللي طاح فيها عمي .؟؟
تركي : إيوا..
راكان : طيب إنتم تقولون كلهم ..!!
تركي : بـ الأول طلب منهم كلهم .. وما أدري شـ صار وإتركه يعاند خالي سُلطان
وبس ..
راكان : والباقين عافيهم من هـ الشيء ؟؟
تركي : الباقين عاد بكيفهم ..
راكان : ياسلام .. ؟؟
تركي : والله هذا إللي صار ..
راكان : وعمي بيتزوج وإلا لا ؟؟
حاتم يشوفهم يناظرونه : امي عرفت وموافقه إنه يتزوج وأبوي مو مصدق .. طبعاً
البنات ما احد يعرف منهم .. وإذا جدي مصمم على كلامه راح يتزوج أبوي ..
تركي : ماتلاحظ إنه مافتح الموضوع من بعد المرهـ الأخيرهـ ..
راكان : يعني نسى ؟؟؟
تركي : ما ادري ..
راكان : وعمي شـ قال ؟؟؟
تركي : بـ الأول رافض .. وبعدين جدي حلف إنه يغضب عليه .. وكان ماسك نفسه
غصب لاينفجر في وجه جدي ,, عاد إنت تعرف إنفجارات خالي .. وقال إللي تبيه
بيصير ..
حمد : بـ الأول يقول يصير خير ..
تركي : إيه .. وجدي مايبي يصير خير .. يبي أكيد ..
راكان : جدي عارف يصير خير إللي عند عمي .. وأأكد له وإلا لا ..؟؟
تركي : اعتمد من عند رئيس مجلس إدارة عائلة (ـــ) { يقصد ابو خالد }
راكاان : آووف .. طيب ..
حاتم : شنو إللي طيب ؟؟
راكان : مو مصدق وربي ..!!
حمد : عادي هـ العائله توقع أي شيء منها .. يعني مثلاً يجي لك جدي ويقول ياراكان
تزوج وساعتها بتتزوج غصب ..
راكان : إيه ماعليه ..
اليوم الثاني الكل صاحي لـ صلاة الجمعه وزواج سعود بـ الليل ... حمد كان نايم
بـ الإستراحه مع راكان وحاتم وتركي .. وعلى الساعه 10 ونص صحى حمد بيطلع
لـ بيته ياخذ شاور ويلبس ويطلع للجامع ... دخل للبيت .. ورقى لـ جناحه ودعى إنها
تكون صاحيه .. ودخل للجناح بخفيف وكان فاضي ولاكأن أحد نايم فيه .. دخل للحمام
وخذا له شاور وطلع ولبس ملابسه وناظر عطرهـ بـ مكانه خذاهـ وطش منه ,, وطلع
إلا خلود بوجهه طالعه للصاله إللي فوق من تحت ,, وكانت لابسه بيجاما نوم رمادي
فاتح وشعرها رافعته لـ فوق .. وواضح إنها ماعدلت شيء بـ شكلها من لما صحت ..
إنصدمت .. هذا متى جا ..؟؟ متى دخل للبيت ؟؟ وكاشخ بعد !! وريحة عطرهـ
إنتشرت بـ البيت وكأنه بيعذبها زود ..
حمد يناظرها .. شـ فيها هذي متنحه كذا ..؟؟ كان بيمشي .. خلود بصعوبه : حمدلله
على السلامه ..
حمد وقف كأن الروح ردت له قال : الله يسلمك ... كيفك ؟؟
خلود تسأل عن حالي من بعدك .. ؟؟ قالت : ماشي حالي .. إنت كيف أمورك ؟؟
{ خير شـ السؤال }
حمد : نمشيها وتمشي غصب ..
خلود تحسفت إنها سألته هـ السؤال .. سكتت شوي وقالت : متى وصلت ؟؟
حمد : من شوي { نصاب } شـ أخبار كل الأهل ؟؟
خلود .. صدقت يـ إللي ماتدري عنهم قالت : تمام ..
حمد خاطرهـ يسألها ليش تاركه جناحها ونايمه بـ جناحه لكن مايدري كيف قال : كنتي
جالسه بـ البيت وإلا عند أهلك ؟؟
خلود .. حمدت ربها إنه مايدري قالت : كذا كذا .. عاد أمس نايمه عند أهلي { نصابه }
حمد .. سبحان الله نفس ما اكذب إهي تكذب .. يعني أـنا شايفها نايمه بـ جناحي واقول
لها إني ماوصلت إلا من شوي وإهي تقول أمس نايمه عند أهلها قال واهو يغمز لها :
حلو إنك ماجلستي بـ روحك ..
خلود بـ خاطرها خير شـ عندهـ بعد قالت : حتى لو بجلس الخدم موجودين ..
حمد : والخدم شـ راح يسوون ؟؟
خلود من غير نففس : جينا للشك ... صح نسيت إنه مرض فيك ..!!
حمد : خير ؟؟؟؟؟؟؟
خلود : سمعتني ..
حمد : بتأكد ..؟!!
خلود : الشك إللي ماله داعي مايمشي معاي فاهم ..
حمد واهو يمشي عنها : إنتي يبي لك عرض على طبيب نفسي ..
خلود إنقهرت : إذا أـنا محتاجه إنت محتاج أطباء نفسيين مو واحد ..
حمد : تصدقين أسبوع مريح راسي من لا اسمع كلام فاضي ..
خلود : والله ما احد قالك ترجع ..
حمد : مارجعت لـ عيونك ..
خلود : طيب ليش متمسك فيني ؟؟
حمد : عشان خالتي لا ينجرح شعورها ..
خلود : طيب خالتك مالك خص فيها ..
حمد : إنتي تفهيين ...؟؟ اقول خالتي لاينجرح شعورها ... بعدين جهزي نفسك خلال
شهررين في شخص بيجي معانا بـ البيت ..
خلود إنصدمت قالت : أـنا مو متحملتك مو عاد تجيب لي شخص ثاني معاك ..
حمد : عادي إنتي إنثبري بـ جناحك .. وإلا تدرين كبير عليك .. راح أتركك تجلسين
بـ غرفه وكثيرهـ عليك بعد .. ومشى عنها .. وإهي مقهورهـ .. أـنا غرفه كأني خدامه .. وبيجيب له وحدهـ ثانيه .. يعني اـنا خلاص بصير خدامه له ولها .. أكيد بيحصل كل شيء عندها .. أـنا من غير لا يكون وحدهـ ثانيه بحياته متعذبه ومحطمني مو عاد إذا جت له وحدهـ وملكت كل شيء يخصه .. نزلت دموعها .. تحبه .. لكن من تتذكر
سالفته تنجرح أكثر وتتألم أكثر من أول وترجع تحبه زووووووود ... لا ماتسميه حُب
إلا عشق له .. عشقت حتى خنايقه .. عشقت حتى تحطيماته .. عمركم سمعتوا
بـ شخص يعشق إللي يحطمه إللي يخانقه على طول .. ؟؟؟ ماعمرها سمعت منه كلمه
حلوهـ .. صحيح إنو مايطقها ولا يذلها .. لكن يكفي التحطيمات يكفي الخنايق ..
متأكدهـ إنو هذا إللي من جد ينتسمى عشق .. لإنو الواحد من هـ البشر يعشق الشخص
إللي ماياخذ منه إلا الشيء الحلو .. يعني الكلام الحلو .. وإذا صار وخانق قام كرهه ..
لإنو عاشق للشيء الحلو وبسسسس .. لكن خلود عشقت خنايقه وتحطيماته قبل لا
تعشق حلاوة أسلوبه وإلا كلامه الحلو .. أساساً ماتدري إذا يقول كلام حلو وإلا لا ..
تذكر لما كانوا يجلسون كلهم سوأ قبل الزواج وقبل الخطوبه كان مايتكلم كثير .. وإذا
تكلم يكون كلامه في مكانه يعني كلمة رجُل .. هذا إللي معروف عنه وعن خالد وحاتم
.. لكن خالد في مواقف تخليه ينقلب للمضحك الوحيد وبعد ماحصل حبيبته صار
يجلس معاهم كثير ويسولف ويستهبل .. وحاتم على طول وسن تسولف عن سواليفه
معاهم .. ووتين وأمل مابعمرهم سولفوا عن حمد .. هذا شكله غامض مع الكل ... منو
هذي إللي قدرت تاخذ قلب حمد وتجي علي ..؟؟ على بنت خالته ..؟؟؟ بكت من قلب
وماحصلت نفسها إلا وإهي جالسه على سريرهـ وماخذهـ عطرهـ وتشم فيه وتبكي من
قلب وتناظر الصورهـ إللي بجنبها ..
حمد طلع من البيت ومقفله أخلاقه على الأخر .. هذي شـ سسالفتها .؟؟ خير أـنا أشك
.؟؟ ومريض نفسي بعد ..؟؟ لما شفتها أمس بـ مكاني تأكدت إنها تموت علي .. لكن
كلامها ينفي الشيء هذا .. ! هذي وراها سالفه مُعقدهـ .. !! وإلا أعرفها .. لكن ما راح
تتكلم معاي .. وصل للجامع ودخل يقرأ قرأن على مايبدأ الشيخ الخطبه ..
الجـزء >> 23 <<
بعد زواج سعود بـ أسبوع ..
فواز : سُلطان عندهـ أحد ؟؟
السكيرتير : ينتظرك .. تفصل ..
دخل فواز لـ أخوهـ لإنه طالبه .. سُلطان وقف يسلم على أصغر إخوانه ..
فواز : خير ترا جيت لك واـنا ما أدري شـ السالفه ..؟؟
سُلطان : كل خير إن شاء الله .. بس لحظه أنهي الأوراق إللي معاي بعدين أتكلم معاك ..
فواز : خذ راحتك .. بعد عشر دقايق سكر القلم أبو خالد ووقام من مكانه وجلس قبال فواز وقال : شـ رآيك في دارين بنت عمي ؟؟؟
فواز : منو دارين ؟؟ { مايعرفها الأخو }
سُلطان : دارين بنت عمي عبدالعزيز أخت جوهرهـ وعزام ..
بكذا عرفها فواز قال : إيوا .. طيب .. شـ فيها ؟؟
سُلطان : شـ رآيك فيها ؟؟
فواز بلا إهتمام : بـ سلامتها .. ما اعرفها إلا لما قلت لي إنها إخت جوهرهـ وعزام ..
سُلطان : فواز مابي تتنيحك عندي ..
فواز : ما ادري عن إيش تتكلم ..!!
سُلطان : شـ رآيك تتقدم لها ..؟؟
فواز : لا ياشيخ .. مستحيل ..
سُلطان : وليش إن شاء الله ؟؟
فواز : إنت تعرف ليش !!
سُلطان : فواز .. كل الناس مو مثل طليقتك الله يستر عليها .. شوف أـنا مع إنو سفري للخارج كثير جوهرهـ مابعمرها تكلمت عن شيء لإنها غير عن طليقتك .. شوف إختها بدور زوجها نفس الشيء سفرهـ كثير ولا تكلمت .. لإنهم مقتنعين إنو سفر عمل وواثقين .. يعني أكيد تربيتهم وحدهـ .. ودارين تعرف إنك دكتور وشيء طبيعي يمر عليك بنات شـ كثر .. وما راح تكون اردى من خواتها ..
فواز ساكت ..
سُلطان : إنت قول .. شـ رآيك في جوهرهـ ؟؟
فواز : ونعم والله ..
سُلطان : صدقني كل خواتها مثلها ..
فواز : تتوقع عمي عبدالعزيز يوافق ؟؟
سُلطان إستغرب : وليش مايوافق ؟؟
فواز : أولاً .. شوف كم عمري .. ثانياً .. سبق لي وطلقت .. يعني الوضع صعب ..
سُلطان : فواز .. العمر عادي 35 سنه مافي شيء .. والطلاق ربي ماكتب نصيب لك بـ اول زواج .. وبعدين عمي تفكيرهـ أكبر من كذا ..
فواز : واثق !!
سُلطان : أـنا أعرف تفكير عمي .. عمي يشتري رياجيل ...
فواز : ما ادري ..!!
سُلطان : شوف .. أبوي موكلني على موضوعك .. وقالي شوف إذا في باله أحد .. وأـنا عارف إنك مستحيل تكون مفكر في أحد .. فـ رشحت لك دارين ..
فواز : سُلطان .. أـنا ما اعرف شيء عن البنت .. حتى ماكنت ادري إن عمي عندهـ بنت غير جوهرهـ وبدور .. يعني أول مرهـ اسمع عنها ..
سُلطان : خذ مني كلمه .. دارين نفس خواتها .. وإذا على إنك ماتعرفها .. فـ إهي عمرها مابين 23 و 24 .. ومنتهيه من دراسة جامعه تخصص إنجليزي وكأني سمعت من جوهرهـ إنها بتكمل ماجستير .. وإذا على الشكل .. شوفها بـ وقت الخطوبه .. وإنتهينا ...
فواز إلللي ماهمه إلا الدراسه : كملت ماجستير وإلا باقي ؟؟
سُلطان : هذا قبل شهرين جوهرهـ تقول بتكمل لكن ما ادري إذا إبتدت وإلا لا ..
فواز : طيب وين بتكمل ؟؟
سُلطان : فواز الله يرضالي عليك ما أدري بـ الضبط ..
فواز سكت ..
سُلطان : شـ قلت ؟؟ لا توقف عند تجربه وحدهـ .. هذا وإنت دكتور وفاهم ..
فواز : أبوي وامي موافقين عليها ..؟؟
سُلطان : ذا الحين أبوي قال إذا كان حاط في باله أحد .. يعني بيرفضون عند دارين ..!!
فواز محتار : ما ادري ..
سُلطان : يارجُل توكل على ربي .. وصدقني ماراح تندم ..
فواز : إنت ما أحد ياخذ شهادتك في عائلة عمي عبدالعزيز .. لإنها مجروحه فيهم ..
سُلطان : ههههههههههههههههههههههههه هههههههههه .. لا والله مو عشان جوهرهـ .. الحق ينقال .. وبعدين ترا جوهرهـ ماعندها خبر ..
فواز : طيب بما إن عمرها 23 سنه ليش ماتزوجت .؟؟
سُلطان : فواز ترا إسألتك مفروض لـ حرمه مو لي ..
فواز : لا من جد ... يعني ليش ماتزوجت .؟؟
سُلطان : لاتحسب ماجا لها خطاب .. لا والله كثير إللي تقدموا لها .. لكن ماصار نصيب ..
فواز : يعني إهي إللي ترفض ؟؟
سُلطان : أجل من !! فواز تراها خطوبه وزواج .. وربي إنك تطفش الواحد ..
فواز : ههههههههههههههههههههههههه هههههه .. مع إنك متعود على المشاريع .. المفروض تكون طويل بال !!
سُلطان : والله إن دراسة المشاريع ارحم منك .. والله مافي أطول من بالي ..
فواز : ههههههههههههههههههههههههه هههههههههه
سُلطان : شـ قلت ؟؟
فواز بيرفع ضغطه : فـ إيش ؟؟
سُلطان : فواز .. قول رآيك أفضل لك ..
فواز : ههههههههههههههههههههههههه ههه .. خلاص .. موافق .. لكن إذا رففضت ويلك إنت ..
سُلطان : هههههههههههههههههه .. أـنا شـ دخلني ؟؟
فواز : إنت الوسيط بيننا .. وإنت المسؤول ..
سُلطان واهو يوقف ويضحك : لا تخاف بـ إذن الله لك .. ألف مبروك مقدماً ..
فواز يتبسم لـ أخوهـ ويسلم عليه : الله يبارك فيك مع إنها مباركه مستعجله ..
سُلطان : نهاية الأسبوع الجاي وإحنا عندهم ونبارك لك وقتها إن شاء الله ..
فواز : ما راح تاخذون راي الحريم أول ..؟؟
سُلطان : يارجُل .. نجي لهم فجأهـ أفضل لنا ولهم ..
فواز : ههههههههههههههههههههههههه .. شكلك مشتاق حق الخطب ..!!
سُلطان : خطبتك إنت بس ..
فواز يبوس راسه : الله يخليك لنا ..
سُلطان : إن شاء الله ..
فواز : طيب ما اطول عليك .. تامرني بـ شيء ؟؟
سُلطان : سلامتك .. ولا تسرع ..
فواز تبسم وقال : لا تخاف من ناحية السرعه ..
سُلطان : أجل سلامتك ..
فواز : الله يسلمك .. مع السلامه .. وطلع من عندهـ .. واهو خايف يعيد تجربته الأولى .. وافق على أساس كلام اخوهـ الكبير .. اهو متأكد من جوهرهـ ... لكن هذي دارين إللي لسا يسمع فيها مايدري عن تفكيرها كيف .. لايكون غيورهـ وبقوهـ نفس طليقته .. ؟؟ مايدري .. ونهاية الأسبوع راح يعرف إذا صار مرتبط في أحد وإلا لا .. كيف بتوافق وفارق العمر بينهم .. اهو 35 وإهي 23 .. 12 سنه فارق بينهم .. إللي مريحه بـ المووضوع إنو واضح عليها تحب ترقي من تعليمها .. يعني إن شاء الله تكون متفهمه لـ بعض الأمور إللي كرهها بسبب تفكير طليقته لما طينة عيشته سنه بـ أكملها ...
بـ جمعة العائله .. كانوا كلهم موجودين عدأ سعود وهديل إللي طالعين شهر عسل ..
فارس يتكلم مع الرياجيل الكبار والقريب منه بدر من الشباب وبجنب بدر وسام وبعدهـ ياسر .. وباقي الشباب بجنبهم ويسولفون سوا .. طبعاً فارس مبسوط لإنو الشباب مايسمعون كلامه ..
أبو فارس واهو مبسوط : مبروك يـ أبوي ..
فارس داق الإبتسامه : الله يبارك فيك ..
أبو فارس يناظر أبوهـ قال : يُبه بارك لـ فارس ... ولدهـ الثاني بـ الطريق ..
بدر كان يشرب عصير وغص فيه .. وغصته كانت قويه مرهـ .. دقه وسام وقال : إسم الله عليك ..
بدر واهو يكح : سمعته شـ قال ؟؟
الشباب يناظرونه .. وسام : لا ...
بدر واهو باقي متأثر من الغصه : فارس ولدهـ الثاني بـ الطريق ..
ياسر من الخبر إنكت العصير عليه ..
وسام تنح : ها ؟؟
بدر : فارس ولدهـ الثاني بـ الطريق ..
تركي : ياخذ بليسك أمداك ..؟؟
فارس: لا إله إلا الله .. قولوا مبروك على الأقل ..
حاتم : والله يـ إللي مايلعب ...
بدر : ههههههههههههههههههههههههه ههه .. ماعندهم وقت ..
حمد : إهي إنتهت من الأربعين أساساً ..؟؟
فارس : إسم الله عليك .. منتهيه من شهرين ..
حمد : لا إله إلا الله .. لقط على طول ..
حاتم : من جد .. حلو إنو متحمل بـ الإربعين ..
بدر : هذا إذا ماكان من الأربعين بعد ..
وسام : كم صار لها ؟؟
فارس : شهرين ..
الشباب إنصدموا ..
خالد : ياخذ بليسك يعني بعد الأربعين على طول ؟؟؟؟
فارس : شـ نسوي عاد ..
فيصل : بـ الله عليكم يعني إللي فيك إنت وزوجتك هـ السرعه بـ الحمال ماتنتقل عدوى لنا ..
كلهم : ههههههههههههههههههههههههه ههههههه
حمد : من جد ..
بدر : حمد وفيصل وخالد وعزام يعتبرون عقماء بجنب فارس وأمل ..
كلهم : ههههههههههههههههههههههههه هههههههههههه
وسام : ولا فيهم أمل كلش ..
حاتم : فارس يخزن وبعدين ينفجر فجأهـ .. ياخي عطهم من إللي تاخذهـ إذا إنت تاخذ شييء ...
ياسر: لا هذا تكملة الأول .. ناسيننه فـ بطنها ولسا يكتشفون ..
فارس : إيوا .. اهم المفروض توأم .. لكن واحد خذا التغذيه عن الثاني ..
حاتم : وسبحان الله بعد الأربعين على طول تغذأ عدل ..!!
كلهم : ههههههههههههههههههههههههه هههههههههه
عزام : الله لايبلانا بس ..
وسام يكلم خاله : اساساً لو إنت عامل نفسه تبريت منك ..
عزام يقال إنه خايف : الحمدلله ماسويت مثله .. إحنا مافي بلا يخلينا نحمل على طول .. ربي حامينا .. ولا في إلا بعد سنه ..
فارس : ههههههههههههههههههه .. والله البلا إذا جا جا ..
بدر : أستغفر الله .. أـنا خلاص ما راح أجلس مع فارس .. أخاف يعديني قبل لا أتزوج ..
كلهم : ههههههههههههههههههههههههه ههههههههههه
أبو سعد بيقهرهم ويحمسهم للزواج : لك ولـ زوجتك هديه عشان هـ الخبر ..
بدر : شباب قمنا تزوجنا وتركنا حريمنا يحملون على طول .. إذا الدعوى فيها هدايا ..
كلهم : ههههههههههههههههههههههههه هههههههههههه
أبو خالد : يعني من إللي تزوجوا مافي غير فارس إللي زوجته عندها ولد والثاني واصل إن شاء الله ..
فيصل : العدوى مابعد إنتقلت ..
حاتم : قصدك فارس ماخذ كل البلا عنكم ..
بدر يكلم فيصل : ياخي إلصق له عشان ينتقل لك ..
فيصل : لا تشيل هم . . من الليله واـنا لاصق له ..
وسام : عادي لو تضظر تنام معاهـ بـ غرفه ..
حاتم يغمز : شكل الدعوى مو عددوى وبس إلا طريقه صحيحه ..
بدر : إلا سليمه وبقوهـ ..
حمد : مافي مطبات ولا إشارات ..
كلهم : ههههههههههههههههههههههههه ههههههههههههههه
أبو سعد : ليش إنتم عندكم مطبات وإشارات ..؟؟
بدر يعكس الكلام : عاد ياجدي كثر من الإشارات ..
كلهم : ههههههههههههههههههههههههه ههههههههه
خالد : لا الحمدلله إحنا كتكوتنا بـ الطريق بعد ..
كلهم : ما شاء الله ...
تركي : إيوا .. يلا إطلعوا منو بعد .. ؟؟؟
حاتم : شكل الحمال غيرهـ عند الحريم .. شوف ذا الحين زوجة فيصل وزوجة حمد وزوجة عزام بيعرفون وبيطقونها حمال ..
تركي : إيوا .. شمعنى الجوري وأمل حاملين وإحنا لا ..؟؟
وسام : الله يعين المستشفيات بكرهـ ..
كلهم : ههههههههههههههههههههههههه هههههه
أبو خالد : مبروك يـ ابوي ..
خالد متبسم : يبارك فيك .. وأخيراً بيجي لك حفيد ..
أبو خالد : الحمدلله يارب ..
باركوا له كلهم ..أبو فارس : فيصل مافي شيء ؟؟
فيصل : ماتتركون الواحد يخبي شيء ..!!
الشباب فتحوا عيونهم على الأخر ..
وسام : بل بل .. إطلعوا من جد .. عزاموهـ فيه شيء بعد ؟؟
عزام: أعوذ بـ الله .. إحنا قلنا لكم بعد سنه ..
ياسر : لو بـ أحلف ماعندك سالفه ..
عزام : أقول لا تشككني بـ زوجتي ..
باركوا لـ فيصل ..
أبو خالد : وحمد ؟؟
حمد : هههههههههه .. قال لكم بدر .. أـنا بـ النسبه لـ فارس عقيم ..
كلهم : ههههههههههههههههههههههههه
تركي : والله مايندرى عنكم ..
حمد : لسا بكير على هـ الكلام ..
عزام : كفو والله ..
أبو تركي يسأل خالد وفيصل : قريب وإلا بعيد ..؟؟
خالد : إحنا صار لـ كتكوتنا شهرين ..
بدر : ما شاء الله .. كأن فيه إتفاق مابين فارس وخالد ..
وسام : متصلين في بعض ترا ..
ياسر: إيوا .. أـنا أذكر سمعت مكالمتهم ..
كلهم : ههههههههههههههههههههههههه ههههههههه
أبو تركي : وإنت يافيصل ؟؟
فيصل : شهر ونص ..
وتفاوتت الأصوات بـ هـ الجُمل : ما شاء الله ... الله يتمم على خير .. الله يسهل .. الله يرزقكم بـ الذريه الصالحه ..
بدر : ما شاء الله .. اليوم إحصائية الحميل ..
كلهم : ههههههههههههههههههههههههه ه ..
وسام بدأ يدق بـ الكلام : فارس حرام عليكم عبدالله مايحس بـ حنان أمه .. يعني مايشبع منه .. يعني مايحصل إللي يبيه ..
بدر يكمل عنه : صح بعدين ينحرف ولدكم .. ويقول واهو مراهق .. تذكرون لما حملت أمي علي .. واـنا ماحسيت بـ حنانها واهتميوتوا بـ الصغير واـنا مرمي على جنب ..
وسام : من جد .. بعدين منو يدورهـ بـ الشوارع عايش مراهقته ..
ياسر: يعني الله يعينكم ..
فارس : إسم الله عليه ...
بدر : ليش .. إحنا قاعدين .. نحلل لك شخصية ولدك بعدين .. لإننا ساعتها مو فاضين لك إذا دقيت علينا الباب ..
وسام : صح .. بنكون لسا متزوجين وبـ راحتنا وكل حمال والثاني بينه 10 سنوات مو ورا بعض .. كأن الدنيا بتطير ..
بدر : إنت ليش تقوله كذا .. يعني شوف يافارس دور لـ ولدك من ذا الحين أحد يغنيه بـ الحنان إللي عندهـ .. يعني جيب لك أحد معبي حنااااااااااااااااااااااا اااااان .. عشان ماينقصه حنان ويصير عندهـ فراغ عاطفي يدورهـ برا .. بعيد عنكم ..
وسام : قالها عبدالمجيد وكأنه يغنيها لـ ولدك وبس .. كلنا نشكي فراغ العاطفه .. هايمين قلوبنا ضميا حنااااااااااااان ..
بدر : ياسبحان الله .. عبدالمجيد وكأنه لما غنا هـ الأغنيه يناظر لـ بعيد .. لـ هذا الوقت لـ ولد فارس .. وقال أغني بـ صيغة الجمع عشان لا يتأثرون فارس وأمل ..
وسام : أـنا قايل من زمان عبدالمجيد على طول نظرته لـ بعيد ..
بدر : من جد .. يبي له هديه من هدايا جدك الثمينه ..
وسام : صح .. لإنو فتح عيوننا على شيء كنا راح نغفل عنه .. إللي اهو قلوبنا ضميا حناااااااااااااان ..
بدر : الله يجزاهـ خير ..
وسام : بس تدري يافارس .. إذا تبي شخص عندهـ حنان يكفي أولادك إللي راح تجيبهم وترميهم بـ حمال بعدهم .. راكان ولد عمي ..
بدر : إيوا .. ترا يمدحونه .. يقولون عندهـ حناااااااااااان .. يكفي دول ..
الشباب والرياجيل يناظرون لـ فصلت هـ الإثنين . . إللي كأنهم شاربين شيء ..
وسام :والله إحنا نصحناكم وإنتم كيفكم ..
بدر : يارجُل ماعليك مهنم .. بكرهـ إذا سربت ولدهم قالوا ليش قلتوا كذا .. ليش ماسويتوا ..
وسام : مشكله إللي يكون مستعجل بـ كل شيء ..
بدر : من جد .. الله لا يبلانا ..
وسام : آمين .. ماتلاحظ إن وجودنا معاهم غلط ..؟؟
بدر يناظرهم قال : تهقى ؟؟
وسام : أتوقع ..!!
بدر : يعني نطلع ..؟؟
وسام : والله إللي يريحك ..
بدر : أجل قمنا .. يلا جميعاً في أمان الله ..
كلهم : ههههههههههههههههههههههههه هههههههههههههههههههه
أبو خالد : إنتم متى بتكبرون وتعقلون ؟؟
وسام : الحمدلله عقلنا يغطي على الكل ..
بدر : صـــــح عليك ..
وسام : أعجبك .. ويغمزله
بدر : حبيبي إنت .. والله إني قايل .. إنك سنايدي ..
وسام : إنت إللي سنايدي ..
أبوخالد : يا الله منكم .. الواحد مايعطيكم كلمه إلا محولينها لـ سالفه طويله ..
وسام : هذا المطلوب طال عمرك ..
بدر : تسلم ..
وسام إبتدت فصلته اهو وبدر : شـ دخلك ؟؟
بدر : أعرف إني عمك وتاج راسك .. ومقدر إنك مقهور عشان هـ الشيء ..لكن تقبله بـ روح حلوهـ ..
وسام : تخسي ..
بدر : شُكراً ..
وسام : لا شُكرعلى واجب ... وتعال كل يوم ..
بدر : وين ؟؟
وسام : المكان إللي يعجبك ..
بدر : إن شاء الله .. توصي شيء ؟؟
وسام : سلامتك ..
بدر: الله يسلمك .. مع السلامه ..
وسام : مع السلامه ..
بدر يناظرهم : إيوا .. كملوا شـ كنتوا تقولوون ..؟؟ ترا المكالمه إنتهت .. ولاتهتمون لها .. هذا بزر أـنا معطيه وجه ..
كلهم : ههههههههههههههههههههههههه ههههههههههههههههههههههههه هههه
بدر يعد على إصابعه كأنه بزر ووسام معاهـ كأن في مسأله معقدتهم ..
تركي : الحمدلله والشكر ..
بدر : ياخي خلنا نعد عدل ..
تركي : شـ تعدون ؟؟
بدر : كم إحصائية عائلتنا السنه هذي ..
كلهم : ههههههههههههههههههههههههه ههههههههههههه
بدر : لو قلنا حمد وسعود وعزام راح يحملون زوجاتهم خلال هـ الثلاث شهور .. كم راح يصير ..
وسام : خالد 1 وفارس 2 وفيصل 1 .. هذيل 4 .. هذيل إللي لاقطين وخالصين .. طبعاً فارس واحد صار ناضج وخرج وإنتهينا والثاني لسا لاقط .. وحمد وعزام وسعود نقول بيلقطون .. هذا إذا لقطوا .. لإن شكل فارس ساحب كل شيء عن الكل .. وإلا شـنو هـ الحماس إللي عندهـ ..؟
بدر : من جد حماسه قوي ..
وسام : ياخي دفش حتى في حماسه ..
بدر: ههههههههههههههههههه .. إذا حماسه عمل حمال مرتين وورا بعض مافي وقت ,, مافي راحه .. أجل لو يحقد على أحد شـ يسوي .. { أهبل هـ الولد }
كلهم : ههههههههههههههههههههههههه هههههههههههههههههههه
وسام : تدري .. خاطري أشوف حماس تركي ..؟؟
بدر : من جد .. هذا تركي وراكان وحاتم .. أحس كل شيء عندهم بـ قوهـ وخناق ..
وسام: هههههههههههههههههههه .. يعني حماسهم أضعاف مضعفه ..
بدر : ههههههههههههههههههههههه .. الله يعينا بس لا يصير لنا شيء من حماسهم بعدين ..
كلهم : ههههههههههههههههههههههههه هههههههههههههه
أبو سعد : تركي ..
تركي يتوعد في بدر ووسام لإن جدهـ مانادا عليه إلا عشان هـ الموضوع .. وبدر ووسام مبسوطين ويضحكون من غير صوت ويأشرون له يعني أحسن .. ويتمنون إنها تكمل لـ حاتم ولو راكان فيه كان صار عرس من جد ..
تركي : هلا جدي ..
أبو سعد : كم عمرك ؟؟
تركي هذا إللي ناقصني بعد : 29 ياجدي .. ليش ؟؟
أبو سعد : ماتشوف نفسك كبرت ومرهـ بعد ؟؟؟
تركي : الحمدلله ياجدي ..
أبو سعد : الحمدلله في الحالتين .. لكن الطريق إللي مشوهـ أخوانك إللي قبلك راح تمشي ففيه .. { يقصد بـ اخوانه .. أولاد عائلته }
تركي : إن شاء الله ..
أبو سعد : متى إن شاء الله هذي ..
أبو تركي : عليه ياعمي ترا عجزنا فيه ..
تركي .. كملت .. أـنا ناقص كلام جدي تكمل يُبه عليه ..
أبو سعد : خله علي بس .. إسمع .. عندك بنات خالاتك .. وإلا تدري زوجتك عندي ..
تركي : شـ معنى أـنا .. ؟!! المجلس معبي عندك .. !
أبو سعد : لا تخاف .. ننتهي من زواج واحد نبدأ بـ الثاني .. وهذا اهو فواز الأسبوع الجاي بـ نخطب له ..
الشباب فتحوا عيونهم وبصدمه قالوا : فوااااااااااااااااز ؟؟
أبو سسعد : إيه .. فواز ..
حاتم : متى صار هـ الكلام ؟؟
أبو سعد : أي كلام ؟؟
حاتم : قصدي .. متى وافق ؟؟
أبو سعد : وافق وخلاص .. لاتضنون إن عندنا أحد يبقى من غير زواج .. إنسوا هـ الشيء ..
حاتم وتركي بصوت خفيف : حلو .. هذا إللي إحنا مانبيه ..
أبو سعد : شـ تقولون ؟؟
حاتم : أبد الله يسلمك .. طيب عمي فواز ..!! منهي العروس ؟؟
أبو سعد : بنت عبدالعزيز ..
الشباب يتسألون : عبدالعزيز ؟؟؟
أبو سعد : إيه .. بنت عبدالعزيز بن طلال ..
خالد وحاتم ووسام إنصدموا قالوا سوأ : دارين ؟؟
أبو سعد : إيه دارين ..
الشباب مستغربين أكثر ..
خالد : طيب متى راح تروحون ؟؟
أبو خالد : نهاية الأسبوع إن شاء الله .. بس إسمعوا .. ما نبي يوصل لهم خبر إننا جايين نخطب ..
خالد : ليش ؟؟
أبو خالد : إحنا راح نعطيهم خبر إننا راح نزورهم .. ثم إذا جينا لهم تقدمنا رسمي ..
حاتم : يعجبني تفكيرك ..
بدر : طالع عليك الله يسلمك ..
حاتم : بدت الفصله ..
أبو خالد : لاتتكلم بـ شيء ثم يقلبونها سالفه طويله .. وسام لا يوصل خبر حتى
لـ خالتك بدور ..
وسام : لا تحرص علي .. حرص على هذا { ويأشر على عزام }
عزام واهو يرفع حواجبه بحركه حلوهـ قال : ماخذين موافقتي من زمان .. وبعدين أـنا معاهم بـ سالفة إنهم يجون لهم بـ سالفة الخطوبه فجأهـ ..
وسام : طيب إنت مع أهل العروسه وإلا أهل العريس ؟؟؟
عزام : والله الواحد مع مصلحته ..
وسام : يعني ؟؟
عزام : مع أهل العريس .. شـ علي من أهل العروسه ..
كلهم : ههههههههههههههههههههههههه هههههههههههههههههه
وسام : والله إنك رايح جزمه مع ريم { أبو التشبيه }
عزام قام عليه ..
كلهم : ههههههههههههههههههههههههه ههه
وسام واهو منخش ورا بدر .. لكن ماقدر يهرب .. يعني خلاص .. عزام ناويه .. وفعلاً قام طق فيه شوي بـ هبال وجلس يسأله واهو ماسك إيدينه : منو إللي رايح جزمه ؟؟
وسام واهو يضحك : ههههههههههههههههههه .. لو أـنا متزوج كان قلت إني رايح جزمه مع زوجتي .. ههههههههه .. لكن للأسف مو متزوج ..
عزام واهو يضغط على إيدينه : منو ؟؟
وسام : ههههههههههههههههه .. آي .. ههههههههههههههههههههههههه .. أـنا رايح جزمه مع جوهرهـ .. وربي أـنا .. آي .. ههههههههههههههههههههههههه ههه
عزام واهو يتركه ويرجع مكانه : بزارين مايجون إلا بـ العين الحمرا ..
وسام يعاندهـ : إلا رايح جزمتين مو وحدهـ ..
عزام يرجع يركض له .. واهو يقوم ويركض ويجي ورا أبوهـ ..
أبو خالد : هههههههههههههههههههههه .. وسام ..
وسام : ما راح أطلع إلا لما يروح ..
عزام : ما راح أروح ..
أبو خالد : خلاص ياوسام عدلها ..
وسام : هههههههههههههههههههه .. لا .. عزام ترا لي واسطه عند الماسه وقويه بعد .. يعني أقدر اخليها تسحب ريم من عندك الليله ..
عزام : لا ياشيخ .. الدنيا موقفه على كلمه منك ..
وسام : لا تتحدى ..
عزام : ترا إنت مجرد خطيب لـ بنتها الصغيرهـ .. وإلا أـنا زوج لـ بنتها الكبيرهـ .. يعني واسطتي الأقوى ..
وسام : يُمه منك .. خلاص ..
عزام : شنو إللي خلاص ..؟؟
وسام : أـنا رايح جزمتين ..
عزام : مع منو ؟؟
وسام : هههههههههههههههههه .. معاك .. ههههههههههههههههههههههه
كلهم : ههههههههههههههههههههههههه هههههههه
عزام واهو يرجع لـ مكانه : لا آبيك لا جزمتين ولا غيرهـ .. إنت أكيد فاهم قصدي ..
الشباب : ههههههههههههههههههههههههه هههههههههههههههه
وسام : وععععععع ..
عزام : هههههههههههههههههه.. من وجهك ..
حاتم : لو أـنا مكانك إنتحرت بعد هـ الكلام ..
بدر : صح .. خذ ويعطيه التكاي إللي بجنبه حطه على الأرض ونط من عليه ..
ياسر : يـ الله وساعتها ترا بـ تموت ..
وسام : قالوا لك نمله انط من تكاي واموت ..
بدر : لاياقلبي أكيد ومافي شك إنو النمله ارقى منك ..
وسام : شُكراً يـ أخوي الصغير ..
ياسر: ههههههههههههههههه .. اتخيل شكل وسام وبدر نمل وصغار ..
بدر : الله يخسك إنت وتخيلك ..
وسام : تخيل لـ بدر حمار .. صح ...
بدر واهو يتبسم له : وتخيل لـ وسام بقرهـ ..
وسام : ههههههههههههههههههههههههه ه .. وحدهـ بـ وحدهـ ..
بدر : هههههههههههههههههههه .. والبادي اظلم ..
وسام : ههههههههههههههههههه .. شُكراً ..
بدر : هههههههههههههههههههههههه .. عفواً ..
وكملوا جمعتهم بـ فصلات وسام وبدر وياسر ..
يوم الأثنين .. بـ الشركه .. دخل السكرتير لـ أبو خالد ..
السكرتير : طال عمرك في شاب يبي يقابلك ..؟؟
أبو خالد متعود على هـ الأشياء .. لكن لهم وقت محدد مرهـ بـ الشهر قال : منو ؟؟
السكرتيرفهم عليه قال : واضح إنه مو تابع لـ أي شركه من الشركات إللي نتعامل معاها ..
أبو خالد : طيب .. حوله على عبدالله وإلا ناصر ..
السكرتير : يبيك شخصياً ..
أبو خالد : ما قدرت تاخذ منه شـ يبي ؟؟
السكرتير : ما رضى يتكلم بـ إيش جاي .. بس يقول يبي يقابلك شـ خصياً .. وشكله مريض ..
أبو خالد يفسخ نظارته قال : قوله يتفضل ..
السكرتير : إن شاء الله .. وطلع وبعد 3 دقايق دخل الشاب ..
أبو خالد كان مشغول في موبايله ..
الشاب والخوف واضح عليه .. منو يشوف سُلطان واهو على هـ الكرسي وماسك هـ الشركه كلها ولا يخاف قال : السلام عليكم ..
أبو خالد نزل الموبايل ورفع راسه للشاب : وعليـ .. وعليكم السلام .. نعم ؟؟؟ { مستحيل ينسى شكله }
الشاب واهو واضح عليه التعب والعذاب : طال عمرك أـنا جاي أتأسف ...
أبو خالد واهو رافع حاجب : على ؟؟؟
الشاب : على الكلام وإللي سويته .. { كمل واهو يبكي } أـنا أبوي توفى قبل شهر . . وأمي وخواتي ماعندهم إلا أـنا ... وأـنا تبت لكن مو قارد ارتاح من إللي أـنا فيه ..
أبو خالد ساكت يبيه يكمل ..
الشاب واهو منزل راسه : قالوا لي صعب تلاقيه .. او بـ الأصح صعب تدخل عليه .. جيت قبل أسبوع وكان مخصص للنااس وحصلت زحمه ولاقدرت أدخل عليك .. واليوم جيت والحمدلله إن ربي رحمني وشفتك ..
أبو خالد ساكت ويناظرهـ .. الشاب خايف .. ليش هذا ساكت .. كمل بـ صعوبه :
بـ اعترف لك بـ شيء .. بس أول تعطيني الأمان ..!!
أبو خالد وقف ومشى له وقال : بتتعترف بـ إيش ؟؟
الشاب : الأمان أول .. لإنك ساعتها ماراح تسامحني ..
ابو خالد سكت شوي ثم قال : تكلم .. لك الأمان ..
الشاب رفع راسه وعيونه دموع : وتصدقني ؟؟
أبو خالد : والله إذا شيء يصدقه العقل أكيد بـ اصدقه .. تكلم ..
الشاب تكلم .. ومع كل كلمه ينصدم أبو خالد أكثر .. لو بيقولون له بيصير هـ الشيء بيقول مستحيل .. هذا الشيء .. العقل مايصدقه .. شلون بيصير كذا .. الشاب مع كل كلمه يبكي .. خسر كل شيء .. دراسه مستقبل أبو .. كل شيء .. ولا عندهـ أحد .. اهو عون أمه وخواته بهـ الدنيا ..
بعد ربع ساعه كلام ..
أبو خالد واهو شوي ويطيح من الصدمه من الكلام إللي سمعه قال : إنت ماتدرس ؟؟
الشاب : كنت ..
أبو خالد : وصلت أي سنه ؟؟
الشاب : 2 ثانوي ..
أبو خالد : ماتشتغل ؟؟
الشاب : لا ...
أبو خالد : طيب تعالجت وإلا لا ؟؟
الشاب : ماقدرت ..
أبو خالد : طيب .. تكفل أبو خالد بـ علاجه من الإدمان .. وتكفل بـ أهله كلهم .. وتكفل بتكميل دراسته .. وتكفل بـ وظيفته بـ الشركه لكن مقابل شرط ..
الشاب : إللي تامرفيه طال عمرك ؟؟
أبو خالد : تعرف أولادي كلهم من أكبرهم لـ اصغرهم .. ما آبيك تعطيهم مجال يتكملون معاك إذا شافوك بـ الشركه .. او بـ الأصح .. تتكلمون عادي سلام وسؤال .. لكن السالفه إللي عرفت أـنا عنها ما آبي أي شخص يعرف عنها غيري .. حتى لو جا لك أبوي يترجاك يعرفها .. فاهم ..؟؟
الشاب : إللي تبيه طال عمرك .. والله يخليك لكل عين ترجيك ويوفقك ويستر عليك مثل ماسترت علي ..
أبو خالد : آجمعين يارب .. صاحبك الزفت إلـى الأن يتعاطى ؟؟
الشاب : من بعد إللي صار ماشفته ولا يرد على إتصالاتي . . واكيد إنه يتعاطى ..
أبو خالد : يصير خير .. تقدر تطلع وتترك رقمك وعنوان البيت عند السكرتير
وبـ اتصل فيك لما ارتب اوراقك بـ المستشفى .. وبـ النسبه للأهل راح يوصل لهم كل شيء ..
الشاب : الله يوفقك ويرزقك ويفتحها بـ وجهك أكثر يارب ..
أبو خالد : آجمعين ..
الشاب : مع السلامه .. وطلع من عندهـ .. جلس أبو خالد على الكنب .. يحس فكرهـ مشتت .. خير .. ليش ..؟؟ شـ معنى ؟؟ شـ المقصد من هذا كله .. ؟؟
حاول يضبط حاله ليما تنتهي خطوبة أخوهـ على خير .. طلع من الشركه وكان تركي بـ وجهه جاي له : خالي ..؟؟
أبو خالد ناظرهـ وقال : خير ؟؟
تركي : كنت بـ اسألك عن شغله ؟؟
أبو خالد : تركي عندك أبوك وإلا أحد من عمانك .. ومشى عنه ..
تركي واقف يناظرهـ .. أكيد فيه شيء .. راح لـ حاتم .. وكان حاتم بـ مكتبه يشتغل ..
تركيي: حاتم صاير شيء ؟؟
حاتم تخرع من دخلته وسؤاله فجأهـ قال : خير اللهم اجعله خير ..
تركي : خالي طلع ومسفه فيني وواضح إنو صاير شيء ؟؟
حاتم : أبوي ؟؟
تركي : أجل منو ؟؟
حاتم : لا ما اتوقع ..
تركي : إن شاء الله ..
يوم الأربعاء في بيت أبو طلال .. طبعاً اهم عندهم خبر إن أبو سعد واولادهـ راح يزورونهم لكن حسبالهم زيارهـ عاديه ...
أبو طلال : ياحي الله من جانا ..أبو سعد : الله يحيك .. أبو طلال ..؟؟
أبو طلال : سم ..
أبو سعد : سم الله عدوك .. إحنا جينا لك من قبل طالبين جوهرهـ لـ سُلطان والحمدلله إختيارنا ماندمنا عليه ولا راح نندم إن شاء الله .. والشاهد الله إنها مثل بنت من بناتي ,, وذا الحين إحنا جايين طالبين القرب منك مرهـ ثانيه في بنتك دارين لـ ولدي فواز .. وإذا صار نصيب بيكون حظ عيالي من السماء .. وإنتم عارفين فواز ..
أبو طلال إنصدم .. ماتوقع .. اهو شك في جيتهم كلهم 'أبو خالد , أبو فارس , أبو تركي , أبو راشد , أبو سعود , أبو راكان جايبينه معاهم .. وعزام .. وفواز .. وراكان ' بس ماتوقع خطبه ..
أبو طلال : والله والنعم فيك وفي عيالك كلهم .. وإحنا نشتري رياجيل يـ أبو سعد ..
أبو سعد : ماعليك زود .. وفواز مثل ما إنت عارف تزوج قبل 10 سنوات وطلق لإن ماصار نصيب بينهم و....
أبو طلال يقاطعه : يـ أبو سعد النصيب من رب العباد .. وهذا مايعني إن فواز فيه شيء يعيبه .. فواز إحنا نعرفه رجُل والنعم فيه ..
فواز : ماعيك زود ياعمي ..
أبو سعد : ضمنا إنك موافق ... لكن المهم رآي البنت ..!!
أبو طلال : ما احد لاقي أفضل من فواز ولدك .. وإحنا زوجنا سُلطان لـ جوهرهـ ولا تندمنا .. وعيالك رياجيل .. وباخذ رآيها ذا الحين .. وقام : بـ الإذن .. وطلع من عندهم ..
في بيت خالد كانت وسن عند الجوري .. دخل عليهم خالد ..
خالد يبوس الجوري ..
وسن مسكرهـ عيونها وتقول : ياربي سكرت عيوني ما اقدر اسكر اذوني .. ياولد شفر صوت وصورهـ ..
الجوري وجهها آلوأن ..
خالد لعانه فيهم يرفع صوته بـ البوسه ويقول : لحظه باقي هنا وهنا وهنا .. { ويأشرعلى الاماكن إللي بيبوس فيها }
وسن : خالد وبعدين ..؟؟؟
خالد : تقلعي من عندي .. بـ اخذ راحتي وإلا سويت إللي آببيه عندك وإنتي تشوفين ..
وسن نطت على طول وقالت : باي ..
الجوري : وين ؟؟
وسن : ما آبي اطير عقلي مع زوجك هذا .. ماتشوفين قلعني من عندك وإذا ما انقلعت بيسوي كل شيء عندي ..
الجوري : ماعليك منه يستهبل ...
خالد : لا والله .. أستهبل ..؟؟
الجوري : أـنا آبي وسن تجلس معاي ..
خالد : واـنا ؟؟
الجوري : وسن من أمس ماشفتها .. وإنت على طول عندي ... يعني بـ أجلس اسولف معاها .. مامدانا نجلس سوأ ..
خالد : لا ياشيخه ..؟
وسن : إيوا عندنا سواليف بنات .. إنت شـ عليك ؟؟
خالد : بعد ؟؟
الجوري : خلودي .. إتركها ..
خالد واهو يوقف ويمسك وسن من إيدها : وربي بعد كلمة خلودي هذي ما اتركها هنا ...
الجوري : مالت علي يقال إني بـ اترجا ..
خالد : إلا مالت على وسن ..
وسن : ياسلام أـنا شـ دخلني ..
الجوري : خااااااااااااالد .. خلاااااااااااااااص ..
خالد واهو يمشي وسن للباب : يلا ياحلوهـ لـ بيت أبوك وأمك ..
وسن توقف قالت : أبوي مو في .. وأمي مو في ..
خالد يطلع موبايله : والله اتصل في راكان واقول تعال خذها ازعجتنا ..
وسن : لا ...
خالد : والله اسويها ..
الجوري : خالد لاتصير نحيس ..
خالد : اصير نحيس إذا تركتها وهـ الشوق فيني ..
وسن : طيب ما راح أجي لكم مرهـ ثانيه .. وإللي يبيني يجي لي فـ بيت أبوي .. أـنا ما اقلع أحد .. وطلعت من عندهم ..
الجوري: ياربي منك خالد .. شوف أكيد زعلت ..
خالد واهو يجلس بـ جنبها : وسن ماتزعل .. بعدين ماففي شيء يزعل ..
الجوري : لما جلسنا بـ راحتنا جيت وقلعتها والله مو حلوهـ { البنت قفلة أخلاقها }
خالد واهو يبوسها على خدها : فديت الحلا ياناس .. وربي أشتقت لك ..
الجوري ساكته لكن خدودها متلونه .. هذا دلاله على الخجل ..
خالد يبوسها مرهـ ثانيه : الجوري حبيبي ما أشتقتي لي ؟؟
الجوري ساكته ..
خالد : أوكي .. بـ كيفك .. وجلس واهو ساكت ..
الجوري ماتطيق أحد يزعل عليها .. يعني على طول تحس بـ الذنب : خالد ..
مارد عليها ويناظر التي في ..
الجوري تمسك إيدهـ : خلودي ..
خالد ناظرها وتبسم وقال : ياروح خلودي إنتي ..
الجوري ضحكت بـ حيا ..
خالد : ياناااااااااااااااااااس .. والله أمووووووووووت عليها ..
الجوري : هههههههههه
خالد : تحبيني ..؟؟
الجوري : أـحبك .. ودليل هذا الكتكوت إللي ببطني ..
خالد : آخخ منك ومن الكتكوت إللي داخلك هذا .. كيفه معاك ؟
الجوري : مابعد صار ثقيل عشان يصير مُشاكس ..
خالد : أحلى شيء إنو إنتي أمه ...
الجوري : وإنت ابوهـ ..
خالد : آحح من كلامك ومنك كلك وقرب لها ~_^
"يُبه بس اـنا ما اعرفه ؟؟"
أبو طلال : عادي يـ ابوي .. ماعمر جوهرهـ سولفت عنه ؟؟
دارين : أشياء عاديه ..
أبو طلال : تراهـ أخو سُلطان وولد فارس وإحنا نعرفهم عدل .. ولد عمك وإنتي تعرفين سُلطان ..
دارين : كان متزوج من قبل ؟؟
أبو طلال : من عشر سنوات وطلق ..
دارين : شـ السبب ؟؟؟
أبو طلال : ربي ماكتب لهم نصيب ..
دارين : خايفه ..!
أبو طلال : ياقلبي صدقييني مريحني كثير لإنه ولد عمك واخو سُلطان وعبدالله ..
دارين سكتت شوي ثم قالت وإهي خايفه : إللي تشوفه يُبه ..
أبو طلال : يعني موافقه ..
دارين : أـنا ما أعرفه .. إنت إللي تعرفه وإذا كان فعلاً نفس أخلاق سُلطان وعمي
فـ أـنا موافقه ..
أبو طلال متأكد من فواز قال : أجل مبروك يابوي .. وسلم عليها .. وطلع ..
دخل حمد للبيت الساعه 8 بـ الليل .. ورقى لـ جناحه إستغرب الباب مفتوح .. دخل للجناح وحصل خلود ما*** عطرهـ وقاعدهـ تحط لها بـ عينه ..
حمد إستغرب .. هذي شـ سالفتها .. قامت وإهي عاطيه الباب ظهرها شمت العطر شمه من قلب .. وكأنها تشم حمد ..{ مدمنة عطر حبيبها .. الصراحه ما آلومها .. إللي يحب من قلب يعشق كل شيء يخص حبيبه .. ^_^ }
حمد شوي ويحضنها من الإحساس إللي بداخله .. نزلت العطر لـ مكانه ولفت
بـ تطلع نفس مادخلت .. وأخر شيء كانت تتوقعه .. حمد يشوفها .. تمنت الأرض تنشق وتبلعها .. هذي حالتها من شهرين .. بس تشم عطرهـ ,, صارت مدمنة حمد ..
لـ درجه إنو العينه الصغيرهـ إللي معاها تعبيها كل ما إنتهت .. صارت ماتطلع من البيت إلا إهي بـ شطنتها ... وحتى لما تكون جالسه مع الحريم تطلعها وتشمها
بـ الخش .. من غير لا أحد يشوفها ..
حمد واقف يناظرها .. مايدري بيقدر يتحمل هذا كله .. وإلا مو قادر وبيتقدم ويحضنها ويطلع كل إللي بخاطرهـ .. خلود باقي تناظر وجهه .. أشتاقت له ... خاطرها ترمي حالها بـ حضنه .. ماتبي غيرهـ .. لكن في شيء يمنعها .. في شيء يذكرها بـ سالفته .. عشان كذا تضغط على حالها وتكابر .. وإلا إهي تموت من داخلها .. تحس إنها كومة مشاعر .. مراح تتحمل أكثر وفجأهـ بتنفجر من إللي داخلها ..
حمد تكلم بكل رقه : ليش ماطلبتي مني واـنا اريحك من هذا كله ..؟؟
خلود ناظرته ودمعت عيونها .. اي عذاب إللي بتريحني منه .. صحيح أـنا لو آبي منك أي شيء مستحيل تبخل علي .. لكن أـنا إللي ما أقدر ادوس على كرامتي ...
حمد تقدم لها وقال : ليش تسوين بـ حالك كذا ؟؟
خلود نزلت راسها للأرض ونزلت دمعتها .. يـ الله شـ قد ينسى كل شيء فجأهـ ويصير حنون ..
حمد رفع راسها وكمل بـ نفس الرقه والحنان : ريحيني وقولي لي شـ فيك ؟؟
خلود حركت راسها بـ معنى ولا شيء ..
حمد : خلود .. وربي حالنا ماهو حال .. أـنا ما اذكر سويت لك شيء .. وإلا ضريتك بـ شيء .. إلا إذا كنت ناسي .. ذكريني ..!!
خلود وإهي تبكي : إنت ذليتني .. إنت حطمتني أـيام الخطوبه .. ليش ..؟؟ أـنا ماضريتك بـ شيء .. ليش ؟؟ حسبالك أـنا نفس بنات الشوارع ..؟؟ تدري إنت شككتني بـ نفسي ياولد خالتي ..
حمد يسمع واهو مصدوم .. شـ مناسبة هـ الكلام .. اي ذل واي تحطيم واي بنات شوارع .. عمرهـ مافكر في أحد بهـ الطريقه .. تجي على خطيبته ..؟؟
حمد : لحظه .؟؟ شـ تقولين إنتي ؟؟ وضحي ؟؟
خلود وإهي تمشي عنه وإهي تبكي : ما آلومك ناسي .. وأـنا مو مضطرهـ اوضح لك شيء .. إنت افهم بـ حالك .. وطلعت من جناحه وإهي تبكي .. لحق فيها .. دخلت جناحها وقفلت عليها .. وصوت بكاها واصله .. هذي شـ فيها ؟؟ كل ما اشوفها إلا تجنني أكثر وأكثر بـ كلامها إللي ما افهم منه ولاشيء .. يـ المشكله فيني .. غبي للدرجه هذي وإلا فيها وكلامها مو صحيح ..!!
دخل ابو طلال للمجلس وقال : مبروك البنت موافقه ..
فواز ماهو مصدق ناظر أبوهـ واخوانه واهو يتبسم لهم .. سلموا عليه يباركون له ..
أبو طلال واهو مبسوط على الأخر : من حقك تشوفها يافواز ومن حقها نفس الشيء ..
فواز : ياعمي أـنا اعرف إنو من حقي وحقها .. لكن اـنا ما آبي استعجل على شيء ويكفي إنها بنت عبدالعزيز ..
كلهم إستانسوا على ردهـ ..
أبو طلال الأرض ماهي سايعته من فرحته قال : عز الله إنك رجال من ظهر رجال ..
ابو راكان : متى الزواج طيب ؟؟
فواز : إللي يناسبكم ..!!
أبو طلال : والله إللي يريحك إنت ..
فواز : شهر امداكم إنتهيتوا من التجهيزات ..؟؟
سُلطان : شهر أـنا اكون مسافر ..
فواز : متى بتسافر ؟؟
سُلطان : يوم الجمعه طيراني .. وسفرتي بـ تطول شوي .. يعني شهر ونص أمداني وصلت إن شاء الله ..
فواز : حلو .. على أخر اسبوع من إنتها دوامات المدارس ..
أبو سعد : أبو طلال يناسبكم بعد شهر ونص ؟؟
أبو طلال : يناسبنا ..
فواز : الملكه راح تكون قبل الزواج بيوم ..
أبو طلال : الله يبارك لكم ويوفقكم ..
الكل : آمين ..
أبو سعد ناظر سُلطان إللي فهم على نظرة أبوهـ لكن مرر الموضوع عادي .. تعشوا عندهم وبعدها طلعوا من البيت .. راكان واهو واقف مع فواز وعزام قال : ها فواز ماتسحب .. إنت وعدت وعليك التنفيذ ..
فواز : أي وعد ..؟؟
راكان : العشا ..
فواز تبسم وقال : بكرهـ عشا الشباب والبنات علي ..
راكان : ياسلام واـنا ..؟؟
فواز : تعال معاي للخبر ..
راكان : وكيف ارجع ..؟؟
فواز : عادي إجلس اسبوع ..
راكان : لا خلاص راح أجي بـ سيارتي ..
فواز : شوف إذا زياد بيجي حلو ..
راكان : أوكي .. نتقابل أجل بـ الإستراحه إن شاء الله ..
فواز : إن شاء الله ..
راكان : يلا سلام .. ومشى من عندهم .. رجعوا كلهم للخبر .. وفواز مو مصدق .. عزام مسج لكل الشباب وخواته وبنات خواته 'دارين وافقت على فواز ..' ماصدقوا المسج وجلسوا كلهم إتصالات على فواز وعزام عشان يتأكدون ..
وسن لما وصل لها المسج كانت بـ جناحها .. وطارت على طول لـ جناح أمها وكانت أمها تكلم بدور ومبسوطات ..
وسن : يُمه منو فواز ؟؟ { ماتدري إنو فواز كان بيخطب دارين }
جوهرهـ : ههههههههههههههه .. إسمعي وسن تسأل منو فواز ؟؟
بدور : قولي لها .. فواز ولد الجيران ..
جوهرهـ : ههههههههههههههههه .. حبيبتي فواز عمك ..
وسن تنحت شوي ثم صارخت وقالت : عمي فواز خذا خالتي دارين ..؟؟
جوهرهـ : إيوا ..
وسن : يسسسسسسسس .. طيب متى صار .. وإنتي منو قالك ؟؟
جوهرهـ : من اسبوع عندي الخبر ..
بدور : يـ النذله .. صحيح ..
جوهرهـ : هههههههههههههههه .. شـ اسوي سُلطان قالي لما فواز إقتنع وحبينا نعملها مفاجأهـ للكل ..
بدور : أمي كانت تعرف ..؟؟
جوهرهـ : ولا أحد ..
بدور : يُمه منكم .. ياختي خير .؟؟ حلو إنكم ماجبتوا ولدكم وقلتوا نبي الزواج ذا الحين ..!!
جوهرهـ : حبيبتي عادي .. هذا فواز ..
بدور : إي المدح هذا عشان سُلطان .. أعرف مو عشان فواز ..
جوهرهـ : ههههههههههههه .. حرام عليك .. والله إنو فواز غير ..
بدور : وينك يادارين تسمعين المدح ..
جوهرهـ : ماعليك .. أـنا بـ اتصل فيها وبـ ازعجها بـ فواز ..
بدور : يـ الله ما اتخيل شكل دارين عروسه ...
جوهرهـ : الحمدلله يارب .. صرنا كلنا بمكان واحد .. ولا ناقص إلا أمي وابوي ..
بدور : يلا هانت كلها سنه بـ الكثير وخلاص ..
جوهرهـ : إن شاء الله ..
وسن : فواز رقمه مشغول ..
جوهرهـ :إتركيه الكل يبارك له ..
وسن : باركتي له ..؟؟؟
جوهرهـ : على طول ..
وسن : إيوا .. شـ عليك إنتي عندك منو يبلغك ..
جوهرهـ : ليش راكان مابلغك ؟؟
وسن : راكان شـ دخله ؟؟؟
جوهرهـ : ما ادري عنك .. صديقتي شوق ..
وسن تذكرت لما كذبت على أمها وقالت بتتصل على صديقتها شوق من موبايلها وإهي إتصلت على راكان : هههههههههههههههه .. طيب راكان لا يكون الشاهد ؟؟
جوهرهـ : لا حاضر الخطوبه ..
وسن : أـها ..
طلعت وسن من عند أمها .. وإهي ماتدري تتصل على راكان وإلا لا .. لكن أخر شيء إستقرت على لآ ..
في بيت أبو فارس ممجتمعين .. فارس وزوجته وفيصل وزوجته .. وموضي وتهاني ولولوهـ وعبدالرحمن وعهد وشهد ..
فيصل واهو جالس بجنب مشاعل ويبوس فيها ..
موضي : ياولد إستح .. البنت صارت حمرا من الحيا وإنت ولا عليك ..
فيصل : يسلم لي إللي مختارها لي ..
موضي : ههههههههههههههه .. إي خلاص .. عندك بيت سو فيه إللي تبي ..
لولوهـ : هههههههههههههه .. فيصل ترا مو حلو بعدين يصير وحمها عليك ..
فيصل : يعني تحبني زود ..؟؟
تهاني : هههههههههههه .. لا يعني تكرهك وقت الحمال ..
فيصل : قولي كذا .. إن أبوي ناشب لك عشان كذا إنتي كارهته وقت الحمال ..
تهاني : ههههه .. اساساً وقتت وحمي إنتهى ..
فارس : كم باقي ويوصل عم عبدالله ..؟؟
تهاني : ههههههه .. باقي 3 شهور ..
موضي : يلا هانت ..
تهاني : ربي يعين ..
لولوهـ : كلنا كلامنا نفسك وبعدين لما تولدين تنسين ...
أمل : صح ..
موضي : كيف عبدالله معاك ..؟؟
أمل : آفف .. يطفشني ياعمه .. كلش يبكي ..
موضي : هذيل الأطفال .. أول شهورهم يبكون ولما يصير 5 شهور خلاص يكبر ..
فارس : إذا بكا تبكي معاهـ .. ما ادري شـ السالفه ..؟؟
كلهم : ههههههههههههههههههههههههه ههههه
أمل : أطفش ما ادري شـ اسوي ..؟!!
موضي : إسمعي ترا عبدالله أـنا بـ اخذهـ من غير شر .. وإنتم لكم ولدكم الجديد ..
أمل : حلالك .. وترا إحنا في بيت واحد يعني إذا اشتقنا له نطينا لك ..
موضي : حلاته ياناس ..
فيصل : إي إنتم تولدون وتبلشون أمي فيهم وتعيشون حياتكم ولا عليكم ..
لولوهـ : فيصل إحنا بـ نتكفل لهم بـ حضانتهم ولما تنتهي أمل من الأربعين رمينا الأثنين عليهم وإحنا مخربينهم مايسكتون إلا الواحد لما يمشي فيهم ..
فيصل : والله إنها فكرهـ ,, عشان يبتلشون فيهم .. ولا ياخذون راحتهم ..
فارس : أبو النذاله إللي عليكم ..
لولوهـ وفيصل : ههههههههههههههههههههههههه هه
أمل : أساساً منو قال بنسلمهم لكم .. ماننزلهم إلا بـ إيدي أمينه ..
فارس : كفو والله ..
فيصل : تُكفين يـ الأمينه .. أمي راح يكون أبوي عندها .. عمتي تهاني راح تكون مشغوله في ولدها .. منو عندكم ..؟؟
أمل : والله لو أسلمهم للخدم ولا اسلمهم لكم ..
فارس : إحنا ناقصين خراب بعد ..
عبدالرحمن : فيصل وإلا فارس واحد منكم يجي يلعب معاي ..
فيصل واهو يروح له : جيت لك ..
شهد : ماما بنطلع للمجمع ..
لولوهـ : ليش ؟؟
عهد : عشان نروح لـ مدينة الألعاب ..
أمل : لا إحنا متفقين كلنا راح نطلع مدينة الألعاب يوم الجمعه ..
فارس يناظرها : ماشاء الله منو سمح لكم ..
مشاعل : كلنا راح نطلع ..
فيصل يلف لها وقال : بعد .. ما شاء الله ..
مشاعل : شـ فيه ؟؟
فارس : منو إللي بيطلع ؟؟
أمل : البنات كلنا ..
فارس : كيف تركبين وإنتي حامل ..؟؟
فيصل : صح وإنتي كيف تركبين وإنتي حامل ؟؟
أمل : هههههههههههههههه .. شـ فيكم .. الحوامل ماراح يركبون .. بس نتفرج في الباقين ..
مشاعل : وإلا نتسوق ..
فيصل : أـنا متأكد إن زوجتي عاقل ..
فارس : شـ قصدك ؟؟
فيصل : أبد الله يسلمك ..
فارس : ذا الحين يوم إجازتنا كلنا راح تطلعون كلكم ..؟؟
أمل : عاد شـ نسوي ..
فيصل واهو يلعب : مشاعل ماتروح
مشاعل : ليش ؟؟؟
فيصل : بس .. اخذك لـى مكان غيرعن مكان الأطفال ..
مشاعل : بس أـنا آبي مدينة الألعاب ..
فيصل : ياربي منها من حملت وإهي بس تموت بـ حركات الأطفال .. بيتنا ماصار ياخذ من كثر الألعاب إللي فيه ..
كلهم : ههههههههههههههههههههههههه ههههههههه
لولوهـ : يؤ .. وحمانه على أـيام الطفوله ..
كلهم : ههههههههههههههههههههههههه هه
فيصل : لا والله .. ؟
لولوهـ : شـ عرفني عن زوجتك ..؟؟
فارس: ماخذ بيبي ..
فيصل : لا ياشيخ .؟؟
فارس : نفس ماكنت تناحسني من شوي ..
شهد : اساساً الأسبوع إللي طاف فيصل ومشاعل رايحين مدينة الألعاب ..
فيصل إنقلب وجهه ..
لولوهـ : أـها .. طلع الوحم مشترك ..
فارس : مشاركه لها .. عشان لا تكون بـ روحها ...
فيصل : إذا اخذتك مرهـ ثانيه ..
شهد : بنروح مع فارس ..
فارس : ياقلبي إنتي أكيد بـ اخذكم .. قولي لي فيصل لعب في شيء ؟؟
عهد بسرعه : إيوا .. لعب كثير وإحنا نقول خلاص تعبنا واهو ماتعب ..
لولوهـ : ما شاء الله .. فيصل منو إللي قالب البيت العاب أطفال ..
عبدالرحمن واهو يلعب : سمعت إنهم راح يفتحون في بيتهم مدينة ألعاب ..
كلهم : ههههههههههههههههههههههههه ههههههههههههههههههههههه
فيصل : إلعب بس ..
عبدالرحمن : إنت إللي العب .. من خمس دقايق وإنت واقف مكانك ..
فارس : غير اللعبه إلـى مدينة العاب ..
كلهم : ههههههههههههههههههههههههه هههه
وصلت المسجات فجأهـ .. فتحوا وحصلوا خبر موافقة دارين على فواز .. وإنبسطوا وإتصلوا فيه يباركون له ..
اليوم الثاني .. يوم الخميس .. كانت الجمعه في بيت أبو فارس .. ومتفقين الشباب إنو العشا على فواز برا .. والبنات عندهم خبر لكن حسبالهم بس اهم ..
فواز : لا البنات بيروحون ..
رااكان : بنطلع إحنا ياشباب بس ..
فواز : أجل مافي عزيمه ..
تركي : خلاص موافقين ..
فواز : طبعاً تسمعون لـ شروطي ..
الشباب ناظروهـ ..
راكان : مو على عزيمه تذلنا ..
فواز : ولا واحد منكم يفتح مجال للخنايق مع أي بنت ..
الشباب كانوا ناوين يطفرون فيهم .. سكتوا شوي ..
راكان : طيب اهم بيرفعون ضغطنا .. ثم وقتها مستحيل نتحمل ..
فواز : البنات مايسببون مشاكل ...
تركي : يعني المشاكل مننا ...
فواز : إنتم افهم بـ حالكم .. موافقين وإلا لا ؟؟؟
رااكان : موافقين ..
فواز : تركي ...؟؟
تركي : وافقتت ..
فواز : حاتم ..؟؟
حاتم : أـنا شـ علي منهم ..؟
أبو سعد : حاتم مايسوي غلط ..
حاتم يحرك حواجبه للشباب ...
تركي : يعني إحنا إللي نغللط ..؟؟
أبو سعد : إنتم ماتتحملون .. حاتم مايعصب إلا وقت الجد .. الوقت إللي يستدعي التعصيب .. وإلا إنتم على أقل شيء تخانقون وبعدها تهجدون ..
بدر : لو هذا مو جدي وجدك قلت ناوي يزوجك بنته { يكلم حاتم }
كلهم : ههههههههههههههههههههههههه ههههههه
فواز : إتفقنا ؟؟
كلهم : إيوا ..
فواز : أجل يلا مشينا ..
أبو خالد : لحظه .. وين بـ الضبط بتروحون ؟؟
فواز : مكان مختارينه البنات ..
راكان : كل شيء البنات ..!!
تركي : كأننا مو رياجيل ..
أبو سعد : إنتم وراكم ..؟؟ حاطين راسكم من راس البنات ..؟؟؟
تركي : ليش يعني .. إحنا اقل منهم ؟؟
ابو سعد : لا بس إهن أفضل منكم ..
الشباب إنصدموا ..
ابو خالد : صادق ابوي .. البنات مابعمرهم قالوا الشباب طلعوا .. بنطلع نفسهم .. الشباب سوو بنسوي مثلهم .. شغالين كأنكم حريم متزوجين على بعض ..
فواز وعزام وخالد وفارس وحمد : ههههههههههههههههههههههههه هههههههه
ابو تركي : هههههههههههههههههههههههه . . صادق كل كلمه والثاني البنات والبنات .. إتركوهم يعيشون حياتهم ينبسطون ..
راكان : إيه ماعليه ..
فواز : إسمعوا إنتم تجيبون العشا معاكم ..
تركي وراكان : لا والله ..
فواز : إي والله ..
راكان : وإنت إن شاء الله ؟؟
فواز : لاتخاف بـ اعطيك الحساب .. لكن إنتم تجيبونه .. واول اـنا والبنات نروح للمكان بعدين تلحقونا إنتم ..
أبو خالد : طيب وسن مع منو بتروح ؟؟؟
فواز : كل البنات معاي ..
أبو خالد : فواز إنتبه لهم ..
فواز : الحمدلله .. يعني اول مرهـ يطلعون معاي ..
أبو خالد : ماعليه الإحتياط واجب .. إنتبه لهم .. ولا تخليهم يغيبون عن عينك .. ولا يبعدون .. فواز تراهم أمانه ...
إللي بـ المجلس إستغربوا ..
فواز تبسسم له وقال : لاتشيل هم .. حتى إذا ماتبي الشباب يطلعون معانا ما راح يطلعون ..
الشباب : لااااااااااااااااااا ..
فواز : إسم الله علي ..
أبو خالد : بـ تطولون ؟؟
فواز : سهرهـ .. لاتنسى بكرهـ جمعه ..
أبو سعد : المتزوجين بيروحون معاكم ؟
فواز : بس حمد ..
ابو خالد : الله يحفظكم ..
فواز : يلا .. ومشوا ولحق أبو خالد فواز وكلمه شوي ورجع ..
فواز يتصل في خلود عشان البنات كلهم يطلعون له ..
وفعلاً كلهم طلعوا سوأ ..
بدر : لا إله إلا الله .. والله إنهم أكثر مننا ..
وسام : أسود أسود .. ماتفرق ..
بدر : خم أول وحدهـ وسوو نفسك تدور أختك ..
كلهم : ههههههههههههههههههههههههه هههههههههههههههههههههه
فواز : جرب وشوف ..
بدر : ياخي لو طالعين من غيرك أفضل ..
فواز : خلاص إطلعوا من غيري ..
الشباب : لااااااااااا .. بدر إسكت ..
وصلوا البنات لهم .. ' خلود , هنادي , ريناد , ديما , وسن , وتين , روزان '
وسن إنصدمت لما شافت راااكان ..
وتين بصدمه : بيروحون ؟؟؟؟؟؟؟؟؟
فواز : إيوا ياقلبي ..
البنات كلهم : لا .. مانبيهم ..
بدر : ليش مكروهين لكم .. عادي إكرهوهم كلهم إلا أـنا ترا أـنا حبوب ..
تركي : ليش ماتتشرفون وإلا إيش ؟؟
فواز : تركي ؟ شـ قلت ؟؟
راكان : إسمع شـ قالوا .. كأنهم شايفين وحوش مو أوادم ..
وتين : والله العزيمه لنا إحنا ..
تركي كان بيتكلم لكن سبقه فواز : ياقلبي إنتي وإهي .. إنتم توثقون فيني صح ؟؟
كل البنات : إيوااااااااااااااا ..
راكان يتطنز : يااااااااااااااااي ..
البنات ناظروهـ ..
فواز : يـ الله منكم ..
راكان : مايرفع ضغطك غيرهم ..
فواز : لا إنتم .. { لف يكلم البنات } أـنا أضمن لكم مايغلطون عليكم بـ شيء ..
وتين : مايغلطون .. اهم ذا الحين يتكلمون كذا .. وشوف هذا اهم يهددون بـ إيدينهم .. وفعلاً كانوا الشباب يهددون من ورا فواز بـ إيدينهم .. عشان البنات مايروحون ..
فواز يلف للشباب وعصب : وبعدييييييييييييييييييييي يين ؟؟
تركي : خلاص سكتنا ..
فواز : يلا ياحلوات على سيارتي ..
هنادي : منو يركب بجنب خالي ..؟؟ كانوا بيعملون سباق وإللي توصل للباب أول إهي إللي تركب بجنبه ..
خلود بكل هدوء : أـنا ..
فواز : خلاص خلود تركب ..
حمد يناظرها .. ناظرته ومشت عنهم .. ومشوا البنات مع فواز لـ سيارته .. وركبوا ..
تركي : يالقهر .. يتأمرون على كيفهم .. وكأننا إحنا البنات ..
حمد : طيب عادي ماسوو شيء ..
رااكان : عشان زوجتك معاهم ؟؟
حمد واهو يمشي بيركب سيارته : ولا تنسى خطيبتك معاهم ..
راكان سكت لإن حاتم ووسام موجودين ..
ركبوا كل واحد لـ سيارته .. وطبعاً رااكان وتركي سوأ 'مايجتمعون إلا على شيء مو كويس .. يعني اكيد يتفقون على البنات' .. ووسام مع بدر وياسر .. وحاتم بروحه .. وحمد راح بروحه قبلهم ,, يحس لما يجلس بروحه اريح له .. عشان لا يضعف عند أحد .. ولا أحد يحس بـ شيء عن عذابه ..
فواز يتصل فيه حمد ..
حمد : وين بتروحون ؟؟
فواز : تعال وراانا وبتعرف ..
حمد : اوكي .. وقفل ..
حاتم وبدر نفس حمد إتصلوا في فواز وقالهم نفس حمد ..
اما تركي وراكان مكلفين بـ العشا .. ومروا على أفضل مطعم .. لو عليهم وعشان البنات جابوا من أخس مطعم .. لكن عشان فواز إللي متكفل بـ كل شيء ومحرص عليهم مايحوسون الدنيا .. راكان واهو يتصل في فواز : كم الطلب ؟؟
فواز : لا تطلب شيء .. بس إنت قوله أـنا من طرف فواز الـ (ــ) واهو يعطيك الطلب ..
راكان : اخس عليه .. عامل طلب من زمان ..
فواز : أكيد عاطيهم خبر من وقت ..
رااكان : طيب الفلوس .. لاتقول إدفع ياراكان وإلا تركي .. لإنو البنات بياكلون منه وإذا كانوا البنات بياكلون حرام فلوسنا تروح لهم ...
فواز : أـنا بقول لـ سُلطان يعيد النظر في موضوعك ..!!
رااكان : ليش ؟؟
فواز : أجل يزوج بنته الوحيدهـ لـ بخيل مثلك .. وربي ولا مصري ..
رااكان : الله لا يهينه .. إذا يبيني أخذ بنته يتكفل بـ مصاريفها كلها ..
فواز بخبث : قد كلامك .. ؟؟؟
رااكان : والله بـ تسجل سجل .. بـ تنقل الكلام إنقله ..
فواز : راكان ..؟؟
رااكان : المهم .. الفلوس ؟؟
فواز : أـنا دافع الحساب وخالص ..
راكان : اوكي باي ..
فواز : باي ..
وصلوا كلهم للمكان المفضل للبنات .. وطبعاً كلهم بعد فواز عدأ تركي ورااكان إللي مطولين شوي على مايوصلون .. نزلوا كلهم سوأ .. سيارة فواز ,, سيارة حمد ,, سيارة بدر ,, سيارة حاتم .. بدر واهو يحرك جسمه يمين ويسار : ذا الحين ماخذينا من هناك وحسبالنا المكان مُغري وأخر شيء الشاليه ..؟؟؟
وسام : صدقت يـ إللي من وضح لنا الطريق إنو للشاليه واهو ينطط في السيارهـ من الفرحه ..
بدر : ياخي ماتعرف تخش شيء ..؟؟
وسام : الكذب حرام .. والكذاب يروح للنار .. { كلام بزارين }
بدر : أـنا ما قلت ليش تكذب .. أـنا اقول ماتعرف تخش ..؟؟
وسام : إيوا .. أـنا اقصد بـ الكذاب إنت مو اـنا ..
بدر : وفي وجهي بعد ..؟؟؟
وسام : أفضل من إنها تكون من وراك ..
فواز : إللي مو عاجبه المكان يقلب وجهه لـ مكان ماجا ..
بدر يلف لهم : إيوا صح .. إللي مو عاجبه المكان يقلب وجهه لـ مكان ما جا ..
فواز : الكلام لك وأفهمي ياجارهـ ..
بدر : إيـ ... { وناظر فواز } لي ؟؟
فواز : إذا ماعندك مانع يعني .؟؟
بدر : أبد الله يسلمك .. الله يحيييك أي وقت ..
البنات جلسوا على كراسي وطاولات موجودهـ بـ نفس الشاليه حقهم ..
بدر واهو يمشي : اليوم كل شيء مسموح ..
فواز ينادي عليه : هيه .. وين إن شاء الله ؟؟
بدر : بروح للحلوين إللي جالسين هناك ..
فواز يكلم حاتم وحمد : يلا تعالوا .. ومشوا كلهم للبنات ..
ريناد : واوو .. زمان مارحنا للشاليه ..
وتين : من زمااااااااااااااااااااااا ااااااان وبقووهـ ..
هنادي : ذا الحين كيف بناخذ راحتنا والشباب في ؟؟
ديما : عادي .. شـ راح يقولون يعني ؟؟
روزان : اـنا ما احد له كلمه علي ..
ريناد وديما : ولا أـنا ..
وتين : ولا أـنا ..
وسن : حمد ,, ياسر ؟؟
وتين : حمد كلمته على زوجته .. وياسر على خطيبته هذي { وتأشر على هنادي }
هنادي : خذي مني كلمه .. تركي راح يكون له كلمه عليك ..
وتين : ياسلااااااااااااااااااااا ااااااااام ..
بدر واهو يمشي لهم : شـ فيك .. ؟؟ لا يطيح لسانك بس ..
كلهم : ههههههههههههههههههههههههه هههههههههه
بدر : سلامو على الحلوين ..
كلهم : وعليكم السلام ..
بدر : ممكن أجلس { مؤؤدب }
هنادي : حياك .. ولا تنسى الشعب وراك ..
بدر ناظر إللي وراهـ وشاف وسام وياسر وبعدهم فواز وحاتم وحمد ..
بدر يجلس على طول قال : عشان فواز مايتحكم بـ الأماكن ..
فواز من بعيد شوي : ترا سمعتك .. وقوم ..
وسام : والله الأذان إللي عندهـ ..
ياسر : دكتور شـ فايدته غير تنظيف اذانه ..
كلهم : ههههههههههههههههههههههههه ههههههههههههههههه
جا لهم فواز : هاي حلوين ..
البنات واهم مبتسمات : هايات حلو ..
حمد وحاتم : سلام ..
البنات : وعليكم ..
حمد وحاتم يصافحون البنات عادي ..
حمد وصل لـ خلود وتبسم عند الحظور فقط وقال : زوجتي وبـ اصافحها ..
وسام : لو اـنا مكانك سويت أكبر ..
بدر يقال إنه مؤدب : قصدك الله أكبر ..؟؟؟
وسام : لا .. قصدي .. أكبر من المصافحه ..
بدر يقال إنه مصدوم : أستغفرالله .. يارب لاتغضب علينا .. إنت شـ ناوي عليه .. ترا هنا بنات .. لا تخربهم ..
فواز : ياسبحان الله منو يتكلم ..
وسام : أـنا أدري ..
حمد مد إيدهـ لـ خلود .. وخلود تبسمت غصب من تحت اللثمه ومدت إيدها له وقالت : أهليــن تفضل .. ترا ماخذهـ لك مكان .. { تنصب عليه .. وكانت ريناد بجنبها .. ريناد فهمت غلط وقامت }
ريناد وإهي تتبسم لـ حمد : حياك .. إجلس بجنبها .. ومشت عنه ..
حمد وقف مصدوم .. أجلس بـ جنبها .. ماعمرها صارت .. خلود بلعت العافيه .. هذي أخر المظاهر الخداعه إللي قبال الناس ..
حمد وقف شوي ..
خلود : حمد إجلس ..
أول مرهـ يسمع إسمه منها .. تبسم لها وقال : شُكراً ياقلبي ..
خلود .. ياقلبي ... كل هذذا عشان الناس موجودين .. لكن يلا حلو .. عشان مايحسون في شيء ..
بدر شاف ريناد مشت عن حمد قام عن مكانه وقال بكل إحترام : ريناد تعالي هنا ..
ريناد لفت له على طول وشافته واقف قالت وإهي متوترهـ : شكراً ..
بدر : ريناد قمت خلاص ..
وسام واهو يسحب الكرسي بيجلس عليه قال : شكراً فضيته لي ..
بدر يشدهـ منه قال : والله مايجلس عليه إلا ريناد ..
ريناد ناظرته شوي ومشت له .. اهو لما شافها مشت له بعد شوي عن الكرسي لإنه قريب مرهـ منه .. مرت من قباله ريناد .. بدر واهو يشم ريحة عطرها الهاديه مرهـ قال بكل همس : يسلم لي هـ الحلو ..
ريناد سمعت كلمته وبـ الهمس وإنخبصت ومن خبصتها شوي وتطيح ..
بدر م***ا من إيدها قال : إسم الله عليك ..
وسام : ههههههههههههههههههههههههه ههههههههههههههههههههههههه هههههههههه
{ يضحك على كلمة بدر لها مو على شكلها بدر يناظر وسام : خير ..؟؟
وسام : إختر الوقت المنااسب ..
بدر : ههههههههههههههههههههههههه هههههههه .. إنت وسخ .. والواحد مايوقف بـ جنبك ..
وسام : ههههههههههههههههههههههههه هههههههههههه
ريناد تفشلت .. وجلست على الكرسي .. وإهي وجهها الوآن ..
فواز رتبهم بـ الجلسه بـ الكراسي .. البنات بـ جهه والشباب بـ جهه ..
وتين : آوووفففف .. بنجلس على الأرض أفضل ..
فواز : تبون الأرض ؟؟
وتين : أفضل من إننا نجلس نرتب .. يصير على طول البنات بجهه والشباب بجهه ..
حاتم : افضل ..
فواز : اجل يلا ..
مشوا كلهم برا الحوش للبحر وفرشوا سجادهـ كبيرهـ شوي .. وجلسوا البنات بجهه والشباب بجهه .. طبعاً ترتيبهم بجنب بعض 'فواز , وتين , وسن , هنادي , ريناد , ديما , روزان , خلود , حمد , حاتم , ياسر , وسام , بدر ' وراكان وتركي يقدرون يجلسون بـ اي مكان لما يجوون ..
هنادي : شـ معنى حمد بـ جنب خلود ..؟؟ أـنا آبي بدر بجني ..
فواز : ياليل إحنا بزارين إشمعنا هذا أول وأـنا ثاني .. ؟؟ حمد خلود تصير زوجته واهو اقرب لها .. إنتي بدر يصير أخوك .. واولى إنه يجلس في جهة الشباب ..
وتين : ماعليك منها بزر ..
فواز : يعني ؟؟
وتين : إيوا ..
فواز : أوكي ..
هنادي : لا والله .. بزر ..؟؟
إلا هذي سيارهـ جايه لهم .. فواز يناظر : هذا راكان وتركي ..
طبعاً تركي وراكان لعانه بـ البنت علوا على نور السيارهـ لإنو على البنات .. والبنات سكروا عيونههم بـ قوهـ { نذليين }
صوت الأغاني كان على أخر شيء .. طبعاً رييناد وديما وروزان شوي واذانهم تتألم من الصوت .. والشباب عادي متعودين على هـ الأصوات .. وتين وهنادي شوي ويرقصون من الحماس .. وتركي وراكان باقي بـ السيارهـ .. رااكان قاعد يحوس في شيء بـ السيارهـ وتركي يناظرهـ .. طبعاً الأخ رااكان يدور عطرهـ بيحط له عطر قبل لا ينزل عشان البنات لا يعرفون إنه يدخن .. وحصل العطر وطش له وخذا له علكه وكلاها .. وتركي معاهـ .. لإنو أكيد الريحه إنتشرت بـ السيارهـ .. وراح تبقى مع تركي .... الأغنيه كانت " يوسف الشافي .. وش حصل "
وش حصل يومك نسيت لا تظن إني بكيت
الخطا ماهو خطاك الخطا إني لك وفيت
إبتعد لا ما آبيك لا تظن قلبي بـ إيديك
إنتهى حُبك خلاص لا تظن أشفق عليك
بعترف هذا خطاي كنت أـحبك ياغلاي
دامك إنت إللي نسيت بـ أنسى حزني مع عناي
لاتصدق من يقول دمع عيني لك سيول
لا حشى ما آبكي عليك الحزن بعدك يزول
إنت جاهل بـ الغرام والوفا لـ أجلك حرام
من يحب مثلك يتوهـ في غرامك والظلام
وش حصل دامك مشيت عن بعادك مادريت
من نسى حبي ووفاي مغتني عنه وسليت
بعد ما أنتهت الأغنيه نزلوا الأخوان ..
فواز : لا كان جلستوا شوي بعد !!
راكان : والله ..؟؟
فواز : إنثبروا بس ..
راكان يناظر البنات .. وشاف وسن .. لكن ناظر إللي بعدها على طول .. وشاف حمد .. راكان : ههههههههههههههههههه .. شـ عندك .. مع حزب البنات ؟؟
حمد : ههههههههههه .. وإنت الصادق مع حزب زوجتي ..
رااكان : ءء .. زوجتك ؟؟ جينا لـ أحزاب المتزوجين .. وناظرخلود ومد إيدهـ لها وقال : كيفك يارئيسة حزب المتزوجات ؟؟
خلود ضحكت شوي وقال : بخير .. وإنت ؟؟
رااكان : تمام والحمدلله ..
روازان : ماتعرفون إنو هنا ناس جالسين .. داخلين إنتم بـ صوت الأغاني أخر شيء ؟؟؟ { نقادهـ درجه اولى .. ولا تهتم في أحد }
ريناد من غير قصد : صوته مزعج ..
ديما : الأغنيه نفسها ..
راكان : ياي على حزب جدهـ .. ءء .. حزب نانسي واليسا .. الشيء الناعم .. هذا يوسف الشافي ..
هنادي : منو هذا ؟؟
وتين : هنادي يوسف الشافي ماتعرفينه ؟
هنادي : لا .. شنو يغني ؟؟
وتين : توك .. وش حصل .. وو
هنادي تقاطعها : ما أعرف هـ الأغاني ..
وسن : النفس طابت تعرفينها ..
هنادي : النفس طابت ماتبي منك ...
وسن تقاطعها : إيووووووا .. هذا اهو ..
راكان : واو .. يوسف طلع له جمهور بـ عائلتنا ..
وسن طنشته ..
وتين : لإنو له أغاني حلوهـ ..
راكان : شنو اغانيه الحلوهـ ..؟؟ { يعرف ذوقها نفس وسن }
وتين : النفس طابت .. الله يسامحك .. وش حصل .. أـنا مثل الذي تايه ..
رااكان : ولا تنسين كل من حولي ..
هنا وتين ووسن من غير لا يقصدون :: وااااااااااو .. عاد هذي حاله خاصه ..
راكان : ههههههههههههههههه .. { لف لـ تركي } مو قلت لك .. له جمهور كبير وإنت زاعجني من حلاة أغانيه من حلاة اغانيه ..
تركي : واـنا صادق .. هذا أحد يسمع له ..!!
وتين : مايسمع له إلا إللي عندهـ ذوق ..{ دقه حلوهـ }
راكان : هههههههههههههه.. بعدي والله ..
فواز : ما شاء الله .. كل واحد سامع له قبل لا يجي هنا ؟؟
بدر : أـنا أكيد تعرفون ...
فواز : إيش ؟؟
وسام : إحنا مستوانا أعلى من العربي ..
ياسر : يعني نسمع أجنبي ..
فواز : ما اقدر أـنا على إللي يسمع اجنبي .. حمد شـ كنت تسمع ؟؟
حمد ناظرهـ وقال : تصدق ما اذكر ..
كلهم : ها ..؟؟
حمد : ما ادري .. ماخذيت بالي ..
بدر : ما آلومك متزوج .. وتاخذ باالك من الأغاني شيء صعب ..
وسام : أساساً طول الطريق واهو عيونه على سيارة فواز ..
فواز : والله من الكذب ..
وسام : أـنا ما اكذب ..
فواز : ماحلفت يعني كذاب ..
خلود تبي توضح إنه عادي : طيب وإذا ناظر سيارة خالي فـ أكيد عشان زوجته فيها ..
راكان : تسكيته حلوهـ ..
حمد في خاطرهـ .. تبي توضح إننا عادي .. لكن واضح إن وضعنا مو عادي .. لإنهم مايتكلمون مع بعض نهائياً ..
وتين تكتب لـ وسن بـ موبايلها .. عشان لاتضظر تساسرها عندهم ويفهمون غلط ..'راكان بـ العادهـ يدور الفرص دوراهـ .. وذا الحين جا له فرصه رهيبه ولا عمل شيء .. يصافح خلود وإنتي لا ؟؟؟؟'
وسن قرت من موبايل وتين وخذته وكتبت 'كيفه ^_^ .. وحركته هذي عشان أنقهر .. لكن اهو حر بـ حاله .. *_*'
وتين قرت وسكتت ..
هنادي : الله لو الجوري معانا !!
راكان : منو الجوري ؟؟
هنادي : زوجة خالد ..
راكان : أـها .. إسمها الجوري ..
وسام : إسم الله عليك .. ماتعرف ؟؟
رااكان : شـ عرفني .. أدري إنو الفترهـ إللي طافت تزوج كثير من عائلتنا لكن ما اعرف اسماء زوجاتهم .. { مضيع الدنيا }
وسام : ماتعرف أحد منهم ..؟؟
راكان : أعرف إللي ماخذ من بنات عماتي وعماني لكن من برا .. شـ عرفني عن اسمها وإلا إسم عائلتها ..!!
هنادي : ما آلومك زواج ورا زواج .. مافي فرصه للواحد يرتاح ..
تركي : إللي يسمعك يقول إنتي العروس بكل عرس ..
هنادي : بس من جد يعني بين كل زواج والثاني إذا صارت الفترهـ طويله شهر ..
راكان : منو باقي بعد ؟؟
وسام : إسمع .. ركز معاي ..
راكان : أوكي ..
وسام : فارس زوجته أمل بنت عمي ناصر وعندهـ عبدالله الصغير والثاني بـ الطريق ..
راكان : ما شاء الله الثاني بـ الطريق .. هذا مايتعب ..!!
الشباب : ههههههههههههههههههههههههه هههههههه
البنات وجههم الوآن ..
وسن متعودهـ على كلامه .. يعني عادي ..
فواز : راكان لسانك نظفه وإنت جاي لـ جلستنا ..
راكان فاهم قصدهـ عشان البنات قال : إسم على البناات فاهمات كل شيء ..
البنات مايعرفون هذا كيف تجي له الجرأهـ ويتكلم كذا ..
حاتم : راكان حتى وإذا ..
راكان : اوكي فهمنا ..
وسام : تعجبني .. ولو إحنا بـ روحنا أفضل ..
راكان : تبي ترا سيارتي فاضيه .. نتكي فيها نسولف على كيفنا ..
فواز : أقول إمسك ارضك ..
بدر يمسك السجادهـ : شباب امسكوا الأرض .. في شيء بيصير
ضحكوا على شكله ..
رااكان : إيوا كمل .. ترا ما ادري عن احد أـنا .. وناظر وسن ..
وسام : فيصل ماخذ مشاعل ..
راكان : ما اذكر بـ عائلتنا وحدهـ إسمها مشاعل ..!!
وسام : بنت خالتي .. بنت عبدالكريم ..
راكان بعدم رضا : إخت مشعل ؟؟
وسام : إيوا .. عليك لمبه ..
راكان : إيه ماعليه .. إلا ماشاء الله عليهم .. يعني إنتم خذيتوا منهم .. ولدهم ما راح ياخذ منكم ..؟؟
إستغربوا سؤاله ..
فواز : حلوهـ عشان أخذت إخته ياخذ إختي وإلا وحدهـ تصير لي ..
راكان بكل هدوء : كل شيء جايز ..
فواز : إنت شكلك ضارب ..
راكان : لا والحمدلله ..
وتين بتقهرهـ : اساساً مشاعل واهلها مايفكرون كذا ..
راكان ناظرها وقال : ما شاء الله .. عارفتهم .؟؟
وتين : اكيد ..
راكان : من متى ؟؟
وتين : مو بنت خالت وسن ..؟؟ أكيد راح أعرفها ..
راكان : هذا البلا .. المهم غير عن فيصل وزوجته .. { مايطيقها عشانها إخت مشعل }
وسام : خالد ماخذ الجوري ..
بدر : رجاءاً الدكتورهـ الجوري ..
راكان صفر : أخس عليه ... والله اهو إللي فكر عدل .. طالع من العائله وعايش حياته ..
تحطيم لـ وسن ..
حاتم : والله إللي بيطلع يطلع .. ما في نظام عندنا إلا زواج من العائله ..
راكان : وهذا أفضل شيء .. { ناظر وسام } اكمل ياففتى ..
وسام مرر السالفه بـ كيفه : حمد ماخذ خلود .. وسعود ماخذ هديل .. ومنو بعد ..
راكان : بس هذيل ؟؟
وسام : فواز خطب وزواجه بعد شهر ونص ..
راكان : هذا اعرف عنه ..
وسام : عزام ريم ..
راكان : إيوا أعرف .. أحد ماخذ من برا ..؟؟
وسام : خالد وإذا في أحد يفكر ما ندري ..
راكان : ربي يوفق الجميع ..
فواز : أفضل شيء قلته من جلست ..
راكان : شُكراً ..
وتين حاقدهـ وكأنها إهي خطيبته .. وسن توقعت اي شيء منه ..
بدر : فواز إيش شعورك وإنت بتكرر زواج ثاني وماتدري إذا نفس الأول وإلا لا ؟؟
فواز : والله عادي .. إذا ربي ماكتب نصيب ..
وسام صارخ : صححححححح .. نسيت .. دارين متصله فيني أدز لها صورتك { صريح الولد }
راكان : شـ عليه .. البنت تطلب الصورهـ ..
فواز تبسم وقال : شـ دزيت لها ؟؟
وسام يفتح موبايله لـ فواز ويوصله له عشان يشوف الصورهـ ..
فواز : أوكي خذ .. ورد الموبايل لـ وسام ..
حاتم : إنت ماتعرف تخش شيء ؟؟
وسام : خطيبه طلبت صورة خطيبها مافيها شيء .. وبعدين إهي مابعمرها شافت فواز .. يعني لو بنزفك لها ياحاتم كان قالت للدرجه هذي فواز نسخه من حاتم ..
كلهم : ههههههههههههههههههههههههه هه
وسن : أساساً لو تبي اي شيء أتصلت فيني ..
وسام : يعني ؟؟
وسن : شوف غيرها ؟؟
وسام : وربي إنها متصله فيني وتقول اتصل في وسن ومغلق وكانت ناويه عليك نيه .. وقالت لي ..
وسن سكتت .. لإنو فعلاً إهي مقفله موبايلها اليوم ..
فواز : طيب وإذا طلبت صورتي .. عادي .. ترا أـنا مو مُعقد ..
وتين : تُكفى خالي كثر من هـ الكلمه بـ الجلسه .. { دقه محترمه }
تركي : شـ قصدك ؟؟
وتين : سبحان الله ... الواحد يعرف نفسه ..
تركي : وتين ي ...
فواز : تركي ؟؟ شـ قلنا ؟؟؟
تركي : إسمعها ...!!
فواز : خلاص .. إهي ماذكرت إسمك ..
راكان يناظر وتين : واضحه ..
وتين : كلمتك ؟؟
راكان كان بيتكلم .. فواز : راكان وتركي ..
سكتوا عشان فواز ..
هنادي توقف : بنات تعالوا معاي ..
قاموا البنات كلهم سوأ ..
تركي : وين ؟
هنادي : بنجلس هناك { وتأشر على أساس بـ الحوش وقريب مرهـ من البحر }
فواز : خذوا راحتكم ..
مشوا البنات .. وتركي وراكان مقهورين ..
فواز ناظرهم : وبعدين معاكم ؟؟
راكان : شـ سوينا ؟؟
فواز : لا يابرئ إنت ؟؟
راكان : وربي ماسوينا شيء ..
فواز : إسمع إنت وياهـ .. طلعتوا وإنتم موافقين إنكم ماتتكلمون معاهم بـ شيء يضايقهم .. فـ إستمروا بـ الطلعه رياجيل على كلمتكم وإلا إرجعوا لـ مكانكم ..
راكان : ياليل .. وربي فاهمين .. خلاص ..
تركي ساكت واهو حاقد ..
خلود قامت من عندهم لإن الجلسه كلها رياجيل .. حمد من غير لايقصد : وين ؟؟
خلود ناظرته وتذكرت إن في أشخاص يناظرون قالت : للبنات .. ومشت من عندهم .. حمد ناظرها وإهي تمشي ليما وصلت للبنات وجلست عندهم ..
وتين : آووووف .. وربي الطلعه مو حلوهـ عشان هـ المتخلفين فيها ..
ريناد : يُمه منه راكان .. كيف يتكلم ..
وتين بـ حقد : قليل أدب .. ومتخلف ومعقد ..
وسن : شـ نبي فيهم نسولف .. ننبسط افضل لنا ..
هنادي : صح كلامها ..
هنادي : إحنا طالعين وماخذين معانا ملابس تبديلات .. وبكذا خربوا علينا ..
وتين : والله ولا علي من أكبرهم .. بـ اطب بـ البحر ..
وسن : مجنونه إنتي بـ الوقت هذا ..
وتين : ولا علي .. ومشت ليما صارت رجولها بـ البحر .. ولحقوا فيها البنات كلهم .. ووقفوا بـ جنبها .. طبعاً هنادي ماتترك حركاتها قامت جت من ورا وتين ووسن ورمتهم بـ البحر .. وتين ووسن طاحوا على إرجولهم بـ البحر .. يعني جسمهم من تحت بـ البحر . .
وتين وإهي تضحك : وربي اردها لك ..
ديما مسكت هنادي من ورا .. وقاموا وتين ووسن بسرعه وهنادي تصارخ .. وتين تشدها والبنات يشدونها ويصارخون معاها ... والمكان صار كله صوت صراخ البنات .. ليما جلسوها كلها بـ البحر ومددوها فيه .. بحيث إنو تصير كلها من فوق لـ تحت مبلله موي .. يعني إهم بس من تحت لكن إهي كلها ..
قامت وتين ودزت ريناد وبعدها ديما على طول وروزان إللي طاحت على طول .. وهنادي وباقي البنات يتوعدون فيهم .. وتين : ههههههههههههه .. فيك خير سوي شيء ..
ديما : هههههههههه .. كيف ذا الحين ..!! أـنا اساعدكم وإنتم تغدورن فيني ؟؟
وتين : نتغدأ فيك قبل لا تتعشين فينا ..
هنادي قامت لهم والموي تنزل منها ..
وسن شافتها وهربت وصارخت وإهي تقول : وتين هنادي جت لك ..
وتين هربت على طول .. وهنادي تركض وراهم .. الشباب يشوفون 2 أسود جايين يركضون لهم وأكيد من بناتهم لكن مايعرفون منو ..
وتين وإهي تجلس بـ نص السجادهـ وماتقدر تتكلم من الركض ..
فواز وقف .. جت وسن تركض ومسكت عمها من إيدينه قالت : عمي تُكفى هنادي بتمسكنا ..
الشباب مو فاهمين شيء ..!!
وتين وقفت وجت ورا خالها فواز ..
هنادي جت لهم وإهي تنزل موي حتى من فوق .. الشباب : ههههههههههههههههه
وتين : هههههههههههههه .. تستاهلين ..
فواز : ههههههههههههه .. منو مسوي لها كذا .؟؟
وتين : إهي أول دزتنا بـ الموي ,, وإحنا بعدين عملنا لها شاور سريع ..
وسام : في شامبو ..؟؟
وتين : هههههههههههههههه . . نسينا ..
هنادي : مو اـنا بروحي .. ترا هذيل غدارات .. غدورا في باقي البنات ..
وتين : هذي الحياة ياروحي .. إلا تغدرين قبل لا ينغدر فيك ..
هنادي : وربي لـ أرميك إنتي وإهي ..
ياسر : منو إللي راميك ..؟؟
هنادي ناظرته وقالت : وتين ووسن وديما .. لكن الـ 2 هذيل غدروا في ديما ورموها بعدين ..
ياسر واهو يشيل وتين ويمشي فيها : أـنا ماعلي إلا من هذي ..
وتين تصارخ : خاااااااااااااااااالي .. وسسسسسسسسسسسسسسسسن ..
وسن ناظرتها وقالت : عمي شوفه ؟؟
فواز : شـ اسوي .. اخوها بياخذ حق خطيبته ..
هنادي : باقي وسن ..
وسن : إيوا ماعليه ..
هنادي : والله لـ ارميك ..
جو البنات وكلهم مبلولين عدأ خلود ..
ريناد وديما وروزان يمسكون وسن مع هنادي ويشدونها غصب للبحر ..
وسن صارخت : لحظظظظظظظظظظظظظه ..؟
وقفوا البنات بس باقي ماسكينها ..
وسن : أـنا بروح ارمي نفسي بـ ننفسي .. ولا وحدهـ تشدني ..
بدر : اخس عليها .. نفسها عزيزهـ تروح للموت بـ إرجولها ..
تركي : اي موت ..؟؟ كلها ترا طبه بـ الموي وخلاص ..
بدر : بس ولا وحدهـ بتسويها .هنادي : شـ يظمن إنك ماتهربين ..؟؟
وسن : أـنا قلت كلمه خلاص ..
ريناد : خلاص إتركيها وبنشوف..
ديما : إذا هربتي راح نتعامل معاك بـ طريقه ثانيه ..
وسن مشت للبحر .. وشافت وتين يغطسها ياسر بـ الموي وإهي تصارخ وتحاول تطلع لكن مستحيل ..
وسن مشت ودزت ياسر بـ اقوى شيء .. والمسكين على الدقه .. طاح بـ الموي .. وتين ووسن : ههههههههههههههههههههههههه هههههههههههههههههههههه
جا لهم الشباب وشافوا ياسر جالس بـ الموي ..
راكان : ههههههههههههههههههههههههه هه .. خابت عليك .. البنات قدروا عليك ..
الشباب : ههههههههههههههههههههههههه ههههههههههههه
ديما تمشي لـ وسن : وين إللي اـنا قلت كلمه ..؟؟؟
وسن : أوكي لحظه .. وجلست بجنب وتين بـ الموي ..
وتين تطق إيدها : ياهلا والله .. تو مانور البحر ..
وسن : ياحياتي منور بـ غطستك .. { لفت ناظرتهم وقالت } يلا إللي عندها شجاعه تجي تجلس ..!!
هنادي : أـنا ..
وتين : عشانك مبلله كلك ..
ريناد وديما وروزان جلسوا معاهم ..
وتين تناظر الشباب : حياكم .. ترا قسم الرجال هناك { وتأشر على ياسر }
بدر : والله لو عندي تبديله كان قلطت معاكم ..
وسام : حتى أـنا ..
راكان : ترا فواز مايشيل ناس ملابسهم مبلله ..
هنادي : ندري تبينا نجي معاك لكن هذا بُعدك ..
ريناد : أساساً إحنا ماخذين تبديلات معاانا ..
راكان : من حلاتكم لما آتمنى تجون معاي ..
فواز : ماعليكم منه .. إهي سيارتي وأـنا حُر فيها ..
وتين : خالو .. ترا إحنا ماخذين تببديل ملابس وعبايات وكل شيء ..يعني لا تخاف ..
فواز يناظر الشباب : شفتوا الناس إللي تفهم مو إنتم .. كل واحد ركب سيارته ومشى ..
بدر : قلتها ركب سيارته ومشى .. يعني إهم لو يسووقون كان نسوا كل شيء ..
وسن : لا تخاف راح نسوق ولا راح ننسى مثلكم ..
راكان : ومنو بيسمح لكم تسووقوون ؟؟
وسن : والله أولياء أمورنا ..
وتين : طبعاً إللي أكبرمنكم واعقل منكم ..
هنادي: شـ عندك على العقل اليوم .. كل هذا يعني بتقولين إنك عاقل .؟؟
قامت الفزعه وسن : يحصلك عقلها ..؟؟
راكان : هاها .. المدافع ..
وسن ناظرته ..
وتين : حبيبتي عذال ..
وسن : صح عذال ولا يهمون أحد ..
تركي : متأكدهـ مايهمون أحد ؟؟
وسن : عندك شك ؟؟
تركي : أـنا اسألك ؟؟
وسن : واـنا أجاوبك .. عندك شك ؟؟
تركي : لا هذا سؤال !!
وسن : والله هذا ردي ..
راكان : على طول الجواب يكون سؤال ..
فواز : بلا كلام زايد ويلا للعشا ..
وتين : خالي عادي نتعشا هنا ..؟؟
تركي : هبلا إنتي أحد يتعشا بـ الموي ؟؟
وتين : والله هذا إمتحان للي عقولهم صغيرهـ ..!
تركي عصب ..
فواز ناظرهـ وقال : تستاهل ما احد قاللك ترد عليها ..
تركي : صحيح قليلات أدب ..
فواز : إلا عن رياجيل ..
إنقهروا تركي وراكان ..
رجعوا للسجادهـ بعد مادخلوا البنات للشاليه وخذوا شاور سريع بـ موي حلو ,, وبدلوا ملابسهم وعباياتهم وطلعوا للشباب بـ الحوش ..
البنات بجهه والشباب بجهه لكن كلهم على سجادهـ وحدهـ وياكلون سوا ..
ريناد تكلم وسن إللي بجنبها : ما أعرف اكل بـ اللثمه ..!!
وسن : كلنا كذا .. لكن عادي ..
ديما : شكلي بـ اشيلها ..
وسن : من جدك ؟؟
ريناد : ما آلومها ..
وتين : شـ فيه ؟؟
وسن : بيشلون اللثم ..
وتين : عادي ..
وسن : نعم ؟؟
وتين ترفع صوتها : إسمعوا ..
ناظروها الكل ..
وتين : راح ننزل اللثم لكن ولا واحد يرفع نظرهـ ..
الشباب ناظروا بعض .. هذيل من جدهم ..؟؟
فواز : إنتم تحبون كذا ؟؟
وتين : البنات مو قادرات ياكلون بـ اللثم { اموت على إللي قادر ياكل فيها }
فواز : بنات تبون تفسخونها ..؟؟
البنات إستحوا ...
هنادي : حمدلله عادي إذا كشفتوا ترا كلنا نصير لـ بعض { ما اقدر على التفكير }
بدر : والله أـنا إذا بـ اشوف شيء إلا أرفع راسي لـ فوق بعدين أـناظر قبالي بعدين أشوف ..
فواز : هههههههههههههههه .. عشان تناظر إللي كاشفين ..
بدر : شـ اسوي ما أشوف إلا إذا ناظرت فوق بعدين قبالي ..
فواز : وإذا البنات مو فاسخات اللثم ..؟؟
بدر : عاد أشوف وقتها من غير لا أرفع راسي واـناظر قبالي ..
كلهم : ههههههههههههههههههههههههه ههههههههههه
البنات ياكلون ولا يناظرون الشباب .. ولا همهم أحد ..
ريناد وإهي بتاكل لها لقمه نست لا ترفع اللثمه وحسبالها مافي شيء قبل فمها وتوسخت للثمتها وقالت وإهي شوي وتبكي : لااااااااااااااا ..
ناظروها ..
شافوا اللثمه وسخه .. ضحكوا عليها ..
وتين : ياغبيه صارت لي لكن ماطلعت صوت ..
وسن : إبلعي إللي يصير لك ..
ريناد : كيف .. لثمتي توسخت .. وماخذيت غيرها ..
فواز : عادي بعد العشا إفسخيها ونظفيها ..
بدر يناظرها قال : اروح اـنا لقمه وإذا بغيتي للثمه ..
فواز ناظرهـ بقوهـ : بدر ..؟؟
بدر : خلاص ..
بعد ماشبعوا الشباب قاموا .. والبنات باقي لإنهم يسولفون بينهم .. بعد وقت لاحظوا إنو مابقى إلا اهم .. قاموا وغسلوا وجلسوا بـ الكراسي .. شوي إلا الشباب جايين لهم .. فواز واهو يمشي أولهم .. ويغني للبنات والشباب يغنون معاهـ ويأشر بـ إيدهـ لهم ..
أسعد الله لو يجي الشرقيه حبيبي ..
عندي بـ شط البحر وقت المغيبي
كان أخلي شطها جنة هوانا
واركب أمواج البحر معها واغيبي
وانظم النسمات عقدن في نحرها
واشكي لـ سود الهدب عاثر نصيبي
كل ماهبت هبوبك يابحرها
تسري بدمي ولـ اشواقي تجيبي
يابحر الشرقيه ذكرته يوم شفتك
خلي إللي منه هـناهـ كلي عطيبي
الهوى ياهل الهوى والله عرفته
في هدب خص لـ سلهم صويبي
أعشق بحبه غرامه والمحبه
واعشق بشوقه غرامي وتعذيبي
ليتها ياليتها عندي بجنبي
كان اغني الليل وجروحي تطيبي
أسعد الله لو يجي الشرقيه حبيبي ..
البنات متفاعلين مع الأغنيه ويحركون بـ إيدينهم لـ فواز واهم جالسين .. وطبعاً فواز محرف بـ الأغنيه ..
وسام : الله الله ...
بدر ماسك خط : الله الله ..
فواز يعيد الأول : أسعد الله لو يجي الشاليه حبيبي ..
وسام يقاطعه وكأنه يغني مع الأغنيه : بعد شهر ونص بيجي الشرقيه حبيبك ..
فواز وكأنه يغني : قوول والله ..
وسام يغني على إنها إغنيه : والله والله ...
فواز يغني نفسه : الله الله ..
فواز يكلم البنات : حبايبي عجبكم العشا ؟؟
وسن : إنت على طول عاجب الكل فـ شيء طبيعي إللي تجيبه يعجبنا ..
فواز : ياقلبي على الكلام ..
ريناد : من جد خالي إنت غيرعن الكل ..
فواز : ياحياتي إنتم ..
ديما : بختها من السما دارين ..
فواز : والله إنتم إللي حبايبي ..
تركي : شوف عشانه عشاهم قاموا ينافقون ..
وتين : والله مو ذنبنا إنك تشوف الناس بعين طبعك ..
كلهم : ههههههههههههههههههههههههه هههههه
روزان : خالي مو كأن الأغنيه فيها تحريف شوي ..؟؟
فواز : أـنا بـ الشرقيه .. ليش أـقول جدهـ ..؟؟
خلود : الله على جدهـ وأـيامها ..
هنادي : والخبر ؟؟
خلود : جدهـ غير .. في كل شيء ..
حمد يناظرها .. هذي شـ عندها بعد ..
هنادي : عشان صاحباتك هناك ؟؟
خلود : كل شيء ..
هنادي : طيب ... ريناد وديما وروزان ؟؟
ريناد : أـنا مرتاحه هنا لإنو أمي تحب الخبر أكثر من جدهـ ..
ديما : اـنا ما اشتقت لـ جدهـ نفس خلود .. لإنو كل إللي هنا اهل امي ..
روزان : واـنا نفسهم ..
بدر ووسام يصفقون ...
بدر : الله على الدرر .. ياناس الحلو ماييحكي إلا حلو ..
فواز : بدر مو كأنك زودتها شوي ...
بدر : أـنا اشجع فيهم حبهم الكبير لـ أمهم .. يعني إنت لاحظ تاركين مكان أهل ابوهم .. وحابين مكان أهل أمهم عشان امهم مرتاحه فيه .. شـ تبي أكثرمن كذا { خوش تصريفه }
حمد مستغرب خلود مرهـ ..
هنادي : عاد المفروض الوحيدهـ إللي ماتشتاق لجدهـ خلود ..
خلود : ليش ؟؟
هنادي : عشانك متزوجه وزوجك هنا واهلك هنا .. شـ تبين أكثر من كذا ؟؟
خلود : مو شرط الشوق بس للأهل والزوج ..!!{ءءء .. حمد ولاكأنه سامع شيء .. يعني يطوف بـ مزاجه ,, كل شيء مردود ..}
بدر : نبي نسمع شيء ..
راكان : بدر ..؟؟
بدر : هلا ..
رااكان : سمعت شيء ؟؟
بدر : هاها .. أقصد ....
وسام يقاطعه : أغاني صح ؟؟
بدر : يسسسسسسسسسس ..
تركي : اقرب سيارهـ لكم سيارة رااكان ..
رااكان : أوكي روح وسمعنا ..
بدر واهو يوقف : طيب .. نبي شيء رجه مو رومانسي وحزن ..
راكان : أـفأ عليك .. كل شيء بـ سيارتي .. حزن رومانسي دجه أجنبي كل شيءءء ..
بدر : حلو ..
راكان : إسمع عشان ماتنهبل على ماتحصل الرجه .. إختار رقم 4 ووإتركه ..
بدر : أوكي .. سيارة راكان كانت بـ جنبهم .. جلس بدر بـ مكان راكاان ..
بدر : ياخي سيارتك حوسه ..
راكان : أـنا ما اعرف أجلس إلا بـ الحوسه ..
تركي : ليتها على الجلسه وبس ..
راكان : ولا تزعل .. ما أعرف أعيش إلا بـ الحوسه ..
بدر يناظر موبايل راكان إللي راميه بـ السيارهـ وكان سايلنت .. ويدق .. بدر إنصدم من الإسم .. وإنقطع .. بعدين صار موجود 18 إتصال و2 مسج .. رجع يدق الإسم مرهـ ثانيه .. بدر : راكان موبايلك يدق .!!
راكان : منو ؟؟
بدر ماحب يذكرالإسم عند الموجودين قال : الأهل ..
راكان : إذا زياد رد عادي ..
بدر : لا مو زياد ..
راكان : أجل إتركه ..
بدر : ياخي كم مرهـ دق هـ الإسم .. شكله مصمم إلا ترد ..
راكان واهو يوقف ويجي لـ بدر وياخذ موبايله وناظر الإسم وقال : شـ عندهم ؟؟
بدر سكت .. خذا موبايله وبعد عنهم شوي ورد ..
بدر ناظرهـ لما بعد .. وماتوقع هـ الشيء من راكان ..
وسام : يـ الأخو ترا قلت بـ تسمعنا ..!!
بدر : سوري .. وإختار رقم 4 مثل ماقال راكان .. كانت الأغنيه الأولى " إنتَ حبيب عيوني ونور عيوني إنت .. إنتَ حُبي وجنوني ودقة آلبي إنت " أعجبتهم الأغنيه لكن للأسف طلع هـ المقطع وبس وبعدها تبدأ الأغنيه يعني هذي كأنها فاصل بين كل أغنيه والثانيه .. الأغنيه الأولى كانت قوم أوقف .. بدر كان نازل ولما سمع الأغنيه جا لـ وسام ووسام كان جالس ووقف عندهـ وكأنه يمثل الفيديو كليب .. وسام قام له يجاريه بـ نفس كلام الأغنيه اهم يطبقون .. وسام لما وصلت الأغنيه عند "وإللي فاتك من حياتك هـ علمهولك" واهو يبعد عن بدر يقال إنه زعلان .. وبدر يلحق فيه .. وقبل لا يبدأ المقطع الأخير من الأغنيه إنتهت بـ سي دي راكان وصار المقطع إللي قبله .. " إنتَ حبيب عيوني ونور عيوني إنت .. إنتَ حُبي وجنوني ودقة آلبي إنت "
وسام صارخ : لاااااااااااااااااااااااا اااااااا..
بدر يحضنه : إلااااااااااااااااااااااا اااااااااااااااا .. { مايدري شـ السالفه }
وسام : راكان الزفت مزاجه غلط .. باقي بـ الأغنيه ما إنتهت .. واهو ناهيها على كيفه .. ويحضن بدر على إنه يبكي ..
بدر يحضنه بقوهـ ويقول : يـ الله .. أخيراً تصالحنا ..
كلهم : ههههههههههههههههههههههههه ههههههههههههه
وسام يبعد عن بدر شوي قال واهو يعمل حاله وحدهـ تصارح واحد بـ حبها : أـحبك ..
بدر : لاااااااااااااااااا .. الدنيا ماهي سايعتني .. خلاص بكرهـ أـنا عند أبوك أخطبك ..
فواز : أبوووو الرومانسيه إللي عندكم ..
حمد : ماعندهم وقت ..
بدر : أجل .. بنخلص كل شيء بسرعه .. { ناظر وسام } صح حُبي .. ؟؟
وسام يحرك راسه بـ معنى إيوا { يقال إنه خجلان }
بدر : إنتَ حبيب عيوني ونور عيوني إنت .. إنتَ حُبي وجنوني ودقة آلبي إنت ..
وسام : ما اقدر أـنا على هـ الكلام ..
كلهم : ههههههههههههههههههههههههه ههههههههههه
بدر : والله إن رااكان عندهـ ذوق ..
وسام : قبل أقول إن راكان بجهه والذوق بجهه لكن ذا الحين بعد ماسمعت هـ السي دي تأكدت إنو أبو الذوق كله .. مع إنو عندي إحساس في شيء بيخرب ..
إبتدت إغنية "سنه ورا سنه" ..
مسكت من الموسيقى على وسام وبدر يرقصون بـ هبال .. وياسر قام معاهم .. وإللي جالسين بس يضحكون ..
إنتهت الأغنيه قبل لا تنتهي من الأساس يعني راكان عامل لها قطع .. وإبتدأ المقطع نفسه إللي بين كل أغنيه والثانيه " إنتَ حبيب عيوني ونور عيوني إنت .. إنتَ حُبي وجنوني ودقة آلبي إنت "
فواز : الحمدلله إن مافي شيء رومانسي وإلا كان صار شيء إحنا في غنا عنه ..
بدر : ترا عادي نقلب رومانسي .. { يناظر البنات } تبون تشوفون رومانسيتي كيف ؟؟
فواز : فارق بس إنت ورومانسيتك .. خلك على الدجه أرحم لنا كلنا ..
إبتدت دقه أغنية ساحرني ونطوا بدر وياسر ووسام من الدجه الزايدهـ والحماس إللي فيهم كل مايسمعون هـ الأغنيه .. كل إللي بـ الجلسه تحمسوا مع الأغنيه والصوت العالي مرهـ .. يعني غصب ترج ..
إنتهت الأغنيه قبل لا تكمل .. ونفس الشيء المقطع ينعاد " إنتَ حبيب عيوني ونور عيوني إنت .. إنتَ حُبي وجنوني ودقة آلبي إنت " .. وبعدها إبتدت موسيقى .. راكان واهو يمشي لهم لسا مقفل من التليفون قال واهو يعرف الموسيقى : ويلااااااااااااااااهـ ..
ناظروهـ كلهم ..
بدر : منو ؟؟
راكان : إسمعوا وتعرفون ...
حاتم : أعرف مزاجك ..
راكان عارف إن حاتم فاهمه : ههههههههههههههههههههههههه هههههههه
حاتم : ههههههههههههههههههههههههه هههههههههههههههههههههه
تركي : لا تقول ؟؟
راكان : إسمع ..
الشباب من سمعوا الصوت صارخوا ..
بدر : من جد ويلااااااااااااااااهـ ..
وسام : وبقوووووووووووووهـ ..
البنات عرفوا الصوت ..
راكان يناظر البنات ويتبسم ..
بدر : عاد هذي رقصه خاصه ..
وسام : يلا ..
وبدوا يرقصون .. بدر ووسام وياسر على روبي " ليه بيداري "
البنات يناظرون .. هذيل الشباب خاقين على روبي .. عشان يعني وصاختها ..
لما وصلت عند " ليه بيداري كدهـ آهـ .. "
راكان : آهـ .. ويل حالي على هـ الآهـح ..
الشباب : ههههههههههههههههههههههههه ههههههههههههههههههه
راكاان : ياويلي ياناري ..
بدر : هههههههههههههههههه .. تنفع معاها فيديو كليب ..
راكان : ينفع ونص ..
الشباب : ههههههههههههههههههههههههه هههههههههههههههه
للمعلوميه راكان مايخجل من أحد .. إللي بخاطرهـ يقوله .. ولا يهتم في احد .. يعني متكلم عند البنات ولاحاسب حساب لـ أحد ..
فواز واهو يضحك : راكان أمسك نفسك أفضل لك ..
راكان واهو يتبسم : ما سويت شيء والحمدلله .. اساساً إحمدوا ربكم إني جالس عاقل إلـى الآن ..
تموت فيه إذا تبسم .. وبسمته هذي خاصه ..
بدر : إذا من الموسيقى عارف منو إللي تغني أجل إ......
فواز : ءءءءء .. بدر خلاص ..
بدر يناظرالبنات ويتبسم : سوري نسيت إنكم هنا ..
البنات يناظرون شنو هذيل .. من جد جرئئيين مرهـ .. كلهم ولا شيء عند راكان ..
تركي : إنت فضيحه .. ماتعرف تخصص هـ الأغاني بـ سي دي ثاني ..؟
راكان : ههههههههههههههههههه .. في سي دي ثاني خاص مرهـ مرهـ مرهـ { ويناظر وسن } هذي كلمتها على طول .. ولا يسمعه إلا الناس الخاصين مرهـ مرهـ مرهـ ..
فواز : ما شاء الله قلبت بنت من مرهـ مرهـ مرهـ ..
وسام : اقول فواز ..
فواز : هلا ..
وسام : إمسك ولد أخوك لا يفضحنا في خلق الله .. بكرهـ يرتكب له جريمه لإنه ماقدر يمسك نفسه ..
بدر : يعني مع روبي وإلا نانسي وإلا هيفاء ..
راكان : لا حوول .. ترا أـنا ماسويت شيء إلـى الآن ..
" إنتَ حبيب عيوني ونور عيوني إنت .. إنتَ حُبي وجنوني ودقة آلبي إنت "
راكان واهو يسمع للأغنيه : كنت ..
بدر : إنتَ ..