الفصل 14
المفتاح ..
حمد واهو يحضنها من الجنب ويمشيها معاهـ للسرير قال بكل همس : بس أـنا آبيك
معاي ..
خلود وإهي ترجف على الخفيف .. ووجهها لونه أحمر .. جلست معاهـ على السرير
وكان لاصق لها مرهـ ولا قدرت تفتح فمها بـ كلمه وحدهـ ..
حمد واهو يبعد شعرها عن رقبتها ويبوسها قال بكل رقه : متزوجين من شهر ووضعنا
مو وضع متزوجين .. { كمل يروق الوضع إللي بينهم ذا الحين } أـنا زوجك .. ولا
في شيء يمنع إني اكون قريب منك اي وقت .. { باسها على رقبتها واهو يمسح على
شعرها } خليك طبيعيه ورآيقه عشان نكون مرتاحين بهـ القُرب ..
خلود ولا كلمه ولا حركه منها .. تحس إنها إنشلت كُلياً .. لو كانت بـ تعارض كان
صارخت .. بعدت عنه .. لكن حمد يعرف كيف يأثر عليها مرهـ ..
حمد واهو يحط راسها على صدرهـ ويمسح على خدها : تعرفين إنك مريحتني ذا
الحين ..
خلود قُرب حمد يدوخها .. وذا الحين راسها على صدرهـ العاري .. تحس ماهي
قادرهـ تستوعب الشيء هذا ..
حمد مبسوط لـ سكوتها هذا ~_^
وقت صلاة الفجر .. الكل موجود بـ الجامع عدأ أبو خالد وابو فارس وأبو تركي وأبو
سعود وابو راشد .. الشباب يسلمون على حمد لما طلعوا من الجامع ..
سعود : متى وصلت ..؟؟
حمد : الساعه 11 بـ الليل ..
ياسر : نذل .. ليش ماقلت لنا ..؟؟
حمد : ماحبيت ازعجكم .. وقلت مرهـ وحدهـ اسلم عليكم اليوم ..
بدر : وكيف المدام ..؟؟
حمد : بخير والحمدلله ... إلا وينهم عماني وخوالي ؟؟
حاتم : صحانا أبوي وقال نروح نصلي ..
بدر : ياي يادلوع بابا ..
وسام : لا من جد أول مرهـ ابوي يصححينا بـ العادهـ إحنا نصحى ..
حاتم يطلع موبايله ويتصل فـ أبوهـ .. بيعرف وين عمانه كلهم وجدهـ ..
أبو خالد يرد : هلا حاتم ..
حاتم إستغرب صوت أبوهـ قال : هلا يُبه .. وينكم ؟؟
أبو خالد : بـ المستشفى ..
حاتم إنصدم قال : عسى ماشر .؟؟
أبو خالد : جدك تعبان شوي ..
حاتم : جدي ؟؟؟ طيب شـ عندهـ ..؟؟
أبو خالد : إنت وينك ؟؟
حاتم : أـنا مع باقي الشباب عند الجامع .. نجي لكم ..
أبو خالد : كيفكم ..
حاتم : طيب .. مع السلامه ..
أبو خالد : مع السلامه ..
حاتم يناظر الشباب : شباب جدي تعبان بـ المستشفى .. يلا نروح ..
الشباب : شـ فيه ..؟؟ شـ قال لك خالي ؟؟ شـ صاير ..؟؟
حاتم : وربي ما ادري ..
كل واحد طلع بسيارته للمستشففى ..
بيت أبو خالد كانت أم خالد جالسه مع أم سعد وتبكي من غير صوت ..
أم خالد : عمه .. خلاص الله يعافيك..
أم سعد : فارس تعبان .. أـنا عارفه من يومين واهو واضح عليه التعب ..
أم خالد وإهي حاضنتها : عمه إن شاء الله مافيه إلا الخير ..
أم سعد : كيف ماففيه إلا الخير واهم يشيلونه واهو فاقد للوعي .. مايدري عن شيء ..
أم خالد : تعب بسيط إن شاء الله .. ربي كريم .. وماعندنا إحنا إلا الدعاء ..
أم سعد : يـ الله تشافيه وتعافيه ..
أم خالد : إن شاء الله .. يلا ياعمه قومي توضي وصلي الفجر واقري لك كم آيه
واددعي له بـ العافيه ..
أم سعد وإهي توقف : الله يستر ..
أم خالد ناظرت عمتها ليما دخلت لـ دورات المياهـ تتوضى .. إتصلت فـ أبو خالد ..
وصلوا الشباب للمستشفى .. ودخلوا كلهم سوا ..
أبو خالد شاف كيف ملتمين كلهم يمشون .. أحفاد أبوهـ شـ قد تفرحه لمتهم .. لكن جدهم
إللي على طول يفرح بـ دلختهم كلهم سوأ .. ذا الحين بـ العنايه وربي العالم بـ حالته ..
حاول يضبط نفسه قدر مايقدر ..
خالد واهو يشوف ابوهـ ويسلم عليه : عسى ماشر .. شـ فيه جدي بـ الضبط ؟؟
وسلم على باقي عمانه ..
الشباب يسلمون على عمانهم وخوالهم واحد ورا الثاني على طول ..
الشباب يناظرونهم .. اشكالهم مرهـ تخوف .. عدأ ابو خالد إللي واضح إنه مافيه شيء
.. يعني خاطرهم يناظرون في أبو خالد على طول .. عشاان لايخافون واهم يناظرون
باقي عمانهم ..
أبو خالد : هلا أبوي .. جدكم .. بـ العنايه .. وعمليته بعد ساعتين ..
الشباب إنصدموا .. شايفنه اخر شيء بـ صلاة العشاء .. ومافيه إلا العافيه ..
حاتم بسرعه : طيب اي عمليه .. ؟؟ اهو شنو فيه بـ الضبط ؟؟
أبو خالد : عندهـ 3 شرايين متقفله ..
الشباب ناظروا بعض "شرايين متقفله .. يعني المشكله بـ القلب".. شافوا أبو فارس
كانت عيونه مدمعه .. كانت تنزل دموعه ويمسحها ...
خالد بهدوء واهو رايح فيها من داخله : يعني فتح صدر كامل ؟؟؟
أبو خاالد خذا نفس وقال : ربك كريم إن شاء الله .. { ناظرهم وقال } جدكم محتاج
للدعاء ذا الحين ..
الشباب دمعت عيونهم .. يعني ممكن يفقدونه لو تضاعفت الحاله بـ اي وقت قبل
العمليه ..
حاتم واهو يكبت عصبيته : وليش مايسوون العمليه ذا الحين ؟؟؟
أبو خالد : تستقر حالته أول .. ويضبطون السكر والضغط بعدين يعملونها ..
سكتوا الشباب .. وسام ’ ياسر ’ سعود ’ فيصل ’ فارس .. هذيل يبكون من غير
صوت .. بدر يناظر للأرض من غير اي حركه وإلا أي كلمه .. حاتم ولا واضح عليه
شيء غير الأخلاق الزفت ذا الحين .. خالد وتركي وحمد ثابتيين لكن السكوت أرحم
لهم .. جلسوا كلهم ..
جا لهم فواز ..
أبو خالد يوقف له ويمشي له بسرعه : شـ صار ؟؟
فواز واهو ماسك نفسه عشانه دكتور : العمليه بعد ربع ساعه بـ الكثير ..
أبو تركي يجي له بسرعه قال : مو بعد 3 ساعات ؟؟
فواز : قدرنا نضبط السكر والضغط والحمدلله .. ونبي نبدا ذا الحين .. لإنو ممكن
مانقدر نضطبها بعدين ..
أبو فارس إللي جلس على الكرسي يبكي بـ صوت .. " من النوع إللي قلبه مايتحمل ..
دمعته على طول تنزل "
أبو سعود راح له ومعاهـ أبو راشد وتركي وخالد وحاتم وحمد ..
فواز يروح لـ أبو فارس ويجلس عندهـ : ياخوي .. كثير إللي مثل حالته والحمدلله
عدوا وهذا اهم عايشين وبخير ونعمه ..
وسام واهو يبكي : يعني مافي خطر ؟؟؟
فواز : بـ إذن الله مافي أي خطر .. قام من عندهم قال : دعواتكم ..
أبو خالد : إن شاء الله يطلع بـ سلامه ..
كلهم : آمين ..
فواز يحط إيدهـ على كتف أبو خالد قال : هذا إللي نبيه وبس .. بـ الإذن .. ومشى من
عندهم متوجه لـ غرفة العمليات ..
أبو خالد يناظرهـ ليما اختفى من نظرهـ إلا موبايله يدق .. ناظر كانت جوهرهـ رد :
هلا ..
جوهرهـ : سُلطان .. كييف عمي ؟؟؟
أبو خالد : بخير والحمدلله .. طلع عندهـ 3 شراييين متوقفه وذا الحين موعد عمليته ..
جوهرهـ تعرف كثير عاملين هـ العمليه قالت : الحمدلله إنها على كذا .. وبعدين كثير
إللي عاملين هـ العمليه .. ووضعها مو خطر بـ إذن الله ..
أبو خاالد عارف هـ الكلام .. لكن اهو متأثر من شكل الأولاد واخوهـ عبدالله والواحد
مو عار ربي شـ كاتب قال : إن شاء الله .. ماقلتي أمي كيفها ؟؟
أم خالد : الحمدلله .. توضت وهذا إهي تصلي ..
أبو خالد : إنتي عندها ؟؟
أم خالد : إيوا .. بغرفتها ..
أبو خالد : الله يعافيك خليك عندها ليما تتأكدين إنها نايمه ..
أم خالد : مايحتاج توصيني ..
ابو خالد : فيك الخير ..
أم خالد : طيب الأولاد عندكم ؟؟
أبو خالد : كلهم عندنا ..
أم خالد : طيب ما اطول عليك .. إذا طلع عمي من العمليات إن شاء الله طمني ..
أبو خالد : إن شاء الله ..
أم خالد : مع السلامه ..
ابو خالد : مع السلامه ..
أبو خالد يكلم الشباب : شباب يلا كل واحد على بيته ..
الشباب ناظروهـ وسكتوا .. مايبون يطلعون من هنا ولا يقدرون يناقشون سُلطان ..
أبو خالد : زوجاتكم كل وحدهـ بروحها بـ البيت ولا يدرون ليش تأخرتوا ..
خالد : أـنا وضعي عادي ..
أبو خالد ناظرهـ وقال : كيف عادي ..؟؟
خالد : الجوري عندها خبر إن جدي تعبان ..
أبو خالد : ومنو قال لها ..؟؟
خالد : لما طلعنا من الجامع لـ هنا إتصلت فيها وقلت إني بـ أتأخر شوي لإن جدي
شوي تعبان وبـ المستشفى ..
أبو خالد : طيب كلمها وطمنها ..
خالد : خلاص كلمتها ..
بدر يحاول يروق الجو قال : ماعليك هذا ماشي على السراط المستقيم .. { ناظر خالد }
والله إن الجوري عرفت تربيك عدل ..
ضحكوا ..
أبو خالد : وإنت يـ ابو تربيه ما راح تروح للبيت عشان أمك وخواتك ؟؟
بدر : لا .. { كمل بـ سرعه } سوري إني قلت لا .. لكن لا .. ءءءء .. قصددي ..
بـ أطمن على جدي بعدين لاحق على البيت ,, وبعدين إذا غيوض بـ البيت لا تخاف ..
أبو خالد تبسم له على طريقته بـ الكلام .. كيف إسلوبه مو اسلوب واحد عمرهـ 26
سنه .. اسلوبه خفيف على الشخص إللي يتكلم معاهـ .. يعني لو بيسولف وقته كله
الواحد ما راح يطفش من سوالفه لإن أسلوبه يشد الواحد غصب ..
بدر تبسم لـ خاله واهو يبلع العافيه .. مايدري شنو إللي يدور بـ راس خاله .. لكن
متأكد إنه يفكر في شيء يخصه ..
أبو خالد : والمتزوجين ؟؟
حمد ماناظرهم .. فيصل واهو واضح إنه كان يبكي حرك راسه بـ معنى لا ..
فارس نفس الشيء رفض ييطلع ..
أبو خالد : حمد .. متى وصلت من السفر ؟؟
الرياجيل ناظروا حمد .. إللي نسوا لا يسألونه ..
حمد ناظر خاله وقال : أمس بـ الليل ..
أبو خالد : وين زوجتك ؟؟
حمد : بـ البيت ..
أبو خالد : ولا تدري إنك هنا ..؟؟
حمد : تعرف إني طالع اصلي وتعرف إني بـ اطول شوي برا ..
أبوخالد : إنت قايل لها بتتأخر .؟؟؟
حمد : إيوا .. { كذاب }
أبو خالد سكت عنهم .. ناظر ساعته وكانت الساعه 7 الصباح .. طلع موبايله وإتصل
فـ أبو راكان .." من حقه يعرف .. والمفروض عرف أول ماطاح أبوهـ .. لكن أبو
خالد ماحب يخوفه "
أبو راكان رد على طول : هلا سُلطان ..
أبو خالد : هلا سعد .. كيفك ؟؟
أبو راكان : بخير وعافيه والحمدلله .. إنت كيفك ..؟؟ وكيف أبوي وامي ..؟؟
أبو خالد : بخير والحمدلله .. { كمل بـ أسلوب حلو عشان مايخاف } بسألك ؟؟
أبو راكان : أمرني ..
أبو خالد : مايامر عليك عدو .. تعرف أحد عملوا له عملية فتح 3 شرآييين ؟؟
أبو راكان : كثيــر .. لكن ليش ؟
أبو خالد : وكيف يصير وضعهم بعد العمليه ..؟؟
أبو رااكان : هه .. نسيت سُلطان .. ترا عمي محمد مسويها قبل 8 سنوات والحمدلله
وضعها من أفضل شيء ..
أبو خالد عارف لكن يبيه يتأكد قال : الحمدلله ...
أبو راكان : ليش تسأل ؟؟
أبو خالد بنفس صوته العادي : ابد الله يسلمك .. الفجر طاح علينا أبوي وخذيناهـ
للمستشفى وطلع 3 شرآيين متوقفه والحمدلله ذا الحين اهو بـ غرفة العمليات ..
أبو راكان : وكيف وضعه ذا الحين ؟؟
أبو خالد : قدروا يضبطون السكر والضغط ووننتظر ليما تنتهي العلميه إن شاء الله ..
أبو راكان : إن شاء الله يقوم بـ السلامه .. طمني عليه ..
أبو خالد : أكيد ..
أبو رااكان : أجل مع السلامه ..
ابو خالد : بحفظه ..
حمد مو قادر يتحمل اكثر .. تعبان مرهـ ..
أبو سعود : أبو حمد روح للبيت ريح ؟؟
حمد : لا مايحتاج ..
تركي : يارجُل روح ونام ليما وقت صلاة الظهر وتعال هنا مرهـ ثانيه ..
حمد : ما راح أطلع من هنا قبل لا يطلع أحد ويطمنا على جدي بعدين اروح اريح ..
سكتوا عنه ..
شوي إلا موبايل فارس يدق وكانت أمل ..
فارس : هلا ..
أمل : هلا فارس .. ويينك ؟؟
فارس : طالع مشوار وبرجع بعد شوي إن شاء الله .. إنتي نامي ..
امل : أوكي .. باي ..
فارس : باي ..
أبو راشد : فيصل إتصل فـ زوجتك وطمنها عليك ..
فيصل ما إتصل لإنو صوته واضح إنه يبكي .. إكتفى بـ مسج يخبرها فيه إنه بيتأخر
شوي ..
وإبتدت إتصالات الحريم .. العنود ’ غيوض ’ الماسه ’ لولوهـ إللي كان ابو فارس
عندها .. من إتصال لـ إتصال .. وكلهم نفس العذر .. طالع مشوار وراجع بعد شوي ..
بدر وبعد ماقفلت أمه لإنها أخر وحدهـ إتصلت جلس يضحك ..
ناظروهـ كلهم ..
بدر واهو يضحك : مو كأنهم متفقات إتصال ورا الثاني .. ونفس السالفه ..
ضحكوا .. الولد هذا رآيق يفكر بـ شيء غير الموضوع إللي اهم جالسين له ..
بـ المدرسه .. كانوا وسن ووتين ماخذين راحتهم أم خالد ماداومت .. ولا يدرون ليش ..
وتين تمشي مع وسن للإدارهـ .. لإنو ام خالد عاطيه وسن أوراق تسلمها للنائببه ..
دخلوا الممرر إللي يوصل للإدراهـ وغرفة النائبه .. وسن وإهي تطلع المفتاح وتفتح
باب الإدارهـ ..
دخلوا البنات الإدارهـ وردوا الباب .. وجلسوا .. وتين على كرسي جوهرهـ .. ووسن
على نص جلسه على الطاوله يعني تصر عاطيه نص ووجهها لـ وتين ..
وتين : ههههههههههههههههههههههه .. والله وناسه الإدارهـ ..
وسن : ههههههههههههه .. أقول لا تصدقين نفسك وتوقعين على أوراق ..
وتين : ههههههههههههههههههههههههه هههه .. تصدقين .. ممكن تصير .. وتين قاعدهـ
تحوس بـ المكتب والأوراق إللي عليه وتفتح بـ الأدارج من غير لا تفتح ولا ورقه ..
مرت النائبه من الغرفه وحصلتها مردودهـ .. توقعت إنو جوهرهـ جايه ..
دقت الباب ..
وتين عدلت جلستها ولبست نظارتها وضخمت صوتها : تفضل ..
وسن ما*** نفسها .. هذي من جد مصدقه حالها ..
النائبه إستغربت الصوت .. ودخلت وإنصدمت .. وتين ووسن إللي بـ الإدارهـ ..
وتين شافت مصدومه قالت بنفس ضخامة الصوت : خير بغيتي شيء إستاذهـ مرام .
؟؟
النائبه حطت إيدها على خصرها وقالت وإهي تتبسم : منو إللي مفروض يسأل هـ
السؤال ؟؟
وتيين يقال إنها مشغوله تكتب بـ ورق : إستاذهـ وسن شوفيها شـ تبي .. أـنا مشغوله ..
وسن والنائبه : ههههههههههههههههههههههههه ههههههههههههههههه
ووتين رفعت نظرها لـهم وبكل جديه مصدقه حالها مديرهـ : خير في شيء يضحك ؟؟
النائبه توقف عندهم : الله يسلمك لا تغوصين كثير بـ الإدارهـ لإنها متعبه ..
وتين : والله معاي موافقه من أستاذهـ جوهرهـ على إستلام الإدارهـ بوقت غيابها ..
النائبه : صحيح وسن قالت لي أمك إنها عاطيتك أوراق لي وينها ؟؟
وسن تذكرت وخذتها من الطاوله وعطتها لـ النائبه ..
وتين : تفضلي إجلسي ..
جلست النائبه وإهي تضحك على هبال هـ البنت ..
وتين وإهي تعطي النائبه ورقه كاتبتها بـ خط إيدها : خذي هذي الورقه وانشريها بـ
المدرسه ..
النائبه : شـ حقه ؟؟
وتين وإهي تسكر القلم وتلف بـ الكرسي : هذا قرار فصل المدرسات كلهم ..
والطالبات ياخذون إجازهـ ..
النائبه : ههههههههههههههههههههههههه ههههههههههههههههههههههههه هههههههههههه
وسن : وناسه ..
وتين : أـفأ عليك .. لو بس استلم الكرسي من جد كان المدرسه وناسه وبقوهـ ..
النائبه : إيوا .. عشان بس المدرسه من جد تصير دجه ولا منها فايدهـ وساعتها تتقفل
..
وتين : لا ياروحي .. المهم يوافق .. م _ سُلطان .. ثم ما احد يقدر يتكلم ..
النائبه : طيب خذي الموافقه منه ..
وتين : آخخ .. لو مو خالتي جوهرهـ إللي على الكرسي كان أـنا من زمان عليه ..
وسن : ههههههههههههههههههههههههه ه .. وين الشهادهـ إللي يتنزلك على هـ الكرسي
..
وتين : عشان خالتي جوهرهـ ماخذتها من الخارج .. عادي الله يخلي الفلوس إللي
تسوي كل شيء ..
النائبه : يعني تدفعين عشان تشترين شهادهـ ..
وتين : واسوي إللي براسي ..
وسن : من جد فاضيه ..
وتين : تدرون منو ناقص جلستنا هذي ..؟؟
النائبه : خالك سُلطان عشان يعلمك اللعب بـ الكرسي عدل ..
وسن : ههههههههههههههههههههههههه ههههههههه
وتين : أعوذ بـ الله .. ياختي خلينا نلعب شوي .. لا اقصد هنادي ..
وسن : إيوا عشان تصرقعين من جد ..
وتين : الله ..
النائبه وإهي توقف : بـ انهي الأوراق إللي تبيها استاذهـ جوهرهـ عشان تاخذينها معاك
ياوسن ..
وتين : مايحتاج عطينيها هنا واـنا اوقعها لك ..
النائبه ووسن : ههههههههههههههههههههههههه ههههههههههههههههههههههههه ه
النائبه : هذي مصدقه نفسها من جد ..
وتين وإهي ترفع راسها من الورق : قلتي شيء ..؟؟
النائبه يقال إنها خايفه : لا طال عمرك ..
وتين : أجل إنصرفي لـ مكتبك ..
النائبه ووسن : ههههههههههههههههههههههههه ههههههههههههههههههههههههه هههههه
عطتها النائبه ورقتها إللي قالت إنها فصل المدرسات وقالت مثل هـ الكلام ينكتب بـ
الكمبيوتر وينطبع .. وتوقع عليه المديرهـ ومسؤول المدرسه للإعتماد الكُلي ..
وتين : حلو إنك نبهتيني .. على نهاية الدوام كل شيء منتهي إن شاء الله .. { كملت بـ
هبال } وأول المفصولات إستاذة الإحياء ..
النائبه وإهي تمشي عشان تطلع : ههههههههههههههههههههههههه هههههههه .. ولا
تنسين استاذة الرياضيات ..
وتين : وذكرتيني النائبه معاهم ..
النائبه قبل لاتطلع وإهي تضحك : لا تطولون بـ المكتب .. وعشان لا احد يدخل عليكم
قفلوا الباب .. ولا تحركون شيء بـ الأوراق ..
وسن : أوكي ..
طلعت النائبه ووسن ققفلت الباب عشان البنات مايجون لهم ..
وسن وإهي تتمدد على الكنبه ..
وتين : ماذا بك ..؟؟
وسن : ولا شيء ...
وتين : متى نمتي أمس ؟؟
وسن : 2 بـ الليل ..
وتين : ياوسخه مانمتي بعد ماقفلت منك ..؟؟
وسن : ماجا لي نوم .. يعني شـ اسوي ..!!
وتين : وليش ماجا لك نوم وإنتي صاحيه مبكر ..؟؟
وسن : علمي علمك ..
وتين وإهي تغمز : وإلا تفكرين بـ ...؟؟
وسن تلونت خدودها شوي وسكتت ..
وتين : أـها .. قولي كذا من اول .. طيب كلميه وإخلصي ..
وسن : صعب .. مع إني مشتاقه له موووت ..
وتين وإهي تفكر : يعرف رقم المدرسه ..؟؟
وسن : ما اتوقع ..
وتين وإهي ترفع السماعه قالت : كم رقمه بسرعه ..؟؟
وسن تقوم لها قالت : خير شـ راح تسوين ..؟؟
وتين : مو قلتي مشتاقه له مووت .. يعني خاطرك تسمعين صوته .. راح ندق عليه
وإذا رد إشبعي من آلو إللي بيقولها ولا تتكلمين وقفلي .. وبكذا ترتاحين شوي ..
وسن فكرت شوي ثم قالت : بيعرف إن الرقم من المنطقه الشرقيه وخصوصاً الخبر ..
وتين : وخير .. إحنا نتصل ذا الحين .. ووإذا رجع يدق ما راح نرد .. وراح ينسى
السالفه على طوول .. وإلا أـنا ارد عليه إذا دق واقول سوري اخوي كنت غلطانه ..
وسن اعجبتها السالفه وباست وتين على خدها وضحكت وتين ..
وتين : يلا كم ؟؟
وسن تدق الرقم ..
وفتحوا السبيكر ..
كانت الساعه 11 .. دق الدقه الأولى والثانيه ..
عند راكان كان مشغول بـ الأوراق إللي عندهـ .. دق موبايله .. رفعه ناظر الرقم .. هذا
من الخبر .. خير منو إللي بيدق من رقم تليفون علي .. ولا رد ..
وسن بـ إحباط : ما رد ..!!
وتين : شـ ورانا .. ندق مرهـ وإثنين وثـلاث .. عادي ..
دقوا مرهـ ثانيه ..
ورجع يدق عند راكان .. خير هذا إلا ارد يعني ..
رد بعد الدقه الخامسه : آلووو ..
وسن كانت علبة الأقلام معاهـ ومن سمعت صوته طاحت العلبه على الأرض ..
وتين من غير لا تحس : وتبن ياهبلا ..
وسن طقتها عشان تسكت .. وتين إنتبهت وسكتت ..
راكان إستغرب الصوت : آلوووو ..
وسن شوي وتطيح ورا علبة الأقلام ..
وتين ما*** نفسها لا تضحك وتأشر لـ وسن تمسك نفسها وإلا بـ تقفل ..
وسن تأشر لها يعني لا خلاص ..
راكان مرهـ ثالثه : وبعديــــــــــــــــــن ؟؟
وسن اشرت على قلبها يعني متعذب .. وبنبرته هذي يعذبها زود ..
وتين تضحك بصوت خفيف .. وقفلت الخط ..
وسن : ليييييييييييييييييييييييي يييييش؟؟؟
وتين وإهي تضحك : كان كلمتي افضل لك ..
رجع التليفون يدق .. نطوا الثنتين .. وسن بترد ووتين نفس الشيء ..
وسن تناظر الشاشه قالت وإهي ماتقدر تتكلم من الفرحه : ياربي رقمه .. وربي رقمه
..
وتين تناظر شكلها قالت : مشكله إلللي يعشقون ولا أحد عاطيهم وجه ..
وسن تطقها : الولد يدق ..
وتين : طيب آوووش .. وسن حطت إيدينها على فمها عشان ماتطلع صوت بـ الغلط ..
وتين فتحت السبيكر قالت : آلوو ..
راكان إستغرب هذا صوت بنت موكبيرهـ قال : إختي إنتم متصلين فيني ؟؟
وتين : إيوا اخوي .. غلطت بـ الرقم .. سوري ..
راكان ماخشت مزاجه سالفة الغلط هذا قال : أوكي .. ثاني مرهـ تأكدي من الأرقام ..
وسن هنا إنفقعت ضحك ..
وتين : خير ؟؟؟
راكان : أقول .. تأكدي من الأرقام عشان ماتزعجون خلق الله ..
وتين : تصدق إني بقص إصعبي إللي دق رقمك ..
راكان وكأن السالفه عجبته قال : يكون احسن .. عشان ثاني مرهـ ماتدقين على أحد ..
وتين : لا تصدق نفسك عاد ..
راكان : تدرين شكل ما في أحد معطيك وجه .. ولما غلطتي في رقمي وماصدقتي إني
ادق فيك لصقتي لي ..
وتين وصلت حدها قالت : من حلاتك أموت عليك ..
راكان :إنتي وحدهـ فاضيه .. وأـنا مو فاضي حق تفاهات بنات ..
وتين : أـنا تفاهات بنات .؟؟
راكان : بنت ترا أـنا مو فاضي لك ..
وتين : لا تُكفى .. ترا بموت إذا مافضيت لي ..
رااكان عصب منها وقفل بـ وجهها ..
وتين تتوعد : طيب ياركينوهـ .. ورجعت دقت عليه ..
راكان شاف رقمها وتأفف ..
دقت مرتين و3 و4 و5 .. راكان طفش .. يبي يركز بـ الشغل وإهي تدق .. خير من
متى المعرفه ..
رد بقوهـ : خير ؟؟؟
وتين بكل روقان : مالت عليك بس ..
راكان : خير ..؟؟
وتين : أبد في لك أمانه عندي وإلا تسمعها ..!!
راكان : إيوا هذا إسلوب جديد بـ تكوين العلاقات بين البنات واالأولاد ..!!
وتين : آووو .. شكلك خبرهـ ؟؟
راكان : بنات السعوديه كلهم .. عندك شيء ..؟؟
وتين : وربي داعيه عليها أمها إللي تكون معاك علاقه ..
راكان : يعني إنتي أمك داعيه عليك ..؟؟
وتين : هيه إنت .. لا تحسب إني ميته عليك .. ياعل ربي ....
وسن بسرعه : لااااا ..
وتين اشرت لها تنكتم ..
راكان : أـها .. عندك شلة بنات .. ومنو الشاطرهـ إللي تطيح لها واحد ..
وتين : ماعندي إلا بنت خالي .. ومانفكر بـ تفكيرك الغبي .. المنحط ..
راكان : ماعليك زود ..
وتين إنقهرت منه .. قالت : تبي الأمانه ... من شخص يهمك مرهـ مرهـ مرهـ .. {
تقلد صوت وسن }
راكان يقلد تقليدها للصوت قال بنفس نبرتها ودلعها : ياي على إللي يهمني مرهـ مرهـ
مرهـ ..
وتين وإهي تضحك طاقه الميانه البنت : هههههههههههههههههه .. تعرف تقلد بنات ..
أخاف خالـ .. .ءء ..
راكان : أخاف خال... من إنتي ؟
وتين إنخبصت قالت : أمانتك إسمعها ذا الحين .. { وقفلت بـ وجهه .. هذي الأمانه عند
وتين .. }
وتين على الكرسي ومتشققه ضحك على شكل راكان ذا الحين ..
وسن : ليش ؟؟
وتين : هههههههههههههههههههههههه .. مثل ماقفل بـ وجهي أقفل بـ وجهه ..
وسن ضحكت على هبال وتين ..
راكان ناظر الشاشه .. هذي من جد بزر .. ثم جلس يضحك من قلب على عبط
هـ البنت .. تدق مرهـ ثانيه عشان تقفل بـ وجهه نفس ماقفل بـ وجهها .. رجع
لـ شغله .. واهو ولا يعرف عن إللي صاير بـ جدهـ ..
بعد 4 ساعات من الإنتظار .. طلع لهم فواز ومعاهـ دكتور ثاني ..
قاموا كلهم سوأ .. الدكتور يناظر عددهم كثير مرهـ لكن عرف ابو خالد إللي سلم عليه
سلام حار مرهـ ..
ابو خالد واهو يرد على الدكتور ..
الدكتور : لا الحمدلله العمليه نجحت .. وبيبقى بـ العنايه 4 أـيام وبعدها يطلع بـ غرفة
تنومين 3 أـسابيع تحت الملاحظه .. ولازم بـ الفترهـ هذي مايتعرض لـ اي إجهاد وإلا
أي خبر ممكن يدهور حالته .. يعني قد ماتقدرون حاولوا تريحونه على الآخر الفترهـ
هذي بس .. مثل ما إنتم عارفين إحننا فاحتين الصدر كله ..
أبو خالد : يعني وضعه ذا الحين مُستقر ؟؟؟
الدكتور واهو يتبسم لـ أبو خالد : الحمدلله وضعه ذا الحين مُستقر .. لكن إلا ناخذ
إحتياطات ..
أبو تركي : أكيد ..
الدكتور يناظرهم ويتبسم قال : فيكم الخير ودكتور فواز فيه الخير ..
أبو خالد : مشكور وماتقصر ..
الدكتور يصافح أبو خالد : هذا واجبي .. وإذا إإحتجتوني أـنا بغرفتي .. بـ الإذن ..
مشى من عندهم ...
أبو خالد : الحمدلله يارب ..
كلهم : الحمدلله ..
أبو خالد : يلا كل واحد على بيته ..
ناظروهـ ..
ابو خالد : كبيرنا والحمدلله نجحت عمليته وتطمنا عليه ولانقدر نشوفه ذا الحين ..
يعني كل واحد لـ بيته .. والعصر حياكم هنا ..
فواز : صادق سُلطان .. روحوا إرتاحوا وتعالوا العصر ..
ابو خالد يكلم فواز : ما راح تطلع إنت { وكأنه حاس فيه }
فواز عارف إن سُلطان فاهمه عدل : لا اليوم جالس هنا ..
أبو خالد تبسم له وقال : طيب على الأقل ريح بـ غرفتك شوي ..
فواز : إن شاء الله ..
أبو خالد : نشوفك العصر على خير إن شاء الله .. مع السلامه ..
فواز : مع السلامه ..
طلعوا كلهم سوأ .. إتصل أبو خالد في ابو راكان وفي جوهرهـ عشان تطمن امه وكلم
أمه بـ نفسه عشان تطمن ..
مابقى على صلاة الظهر شيء .. كلها ربع ساعه ويأذن .. توجهوا أول للجامع وصلوا
وكل واحد طلع لـ بيته .. عاد شوفوا إستلام الحريم بـ الاسئله .. لإن مايدري من
الحريم إلا جوهرهـ وأم سعد والجوري وبس .. والباقين حسبالهم الرياجيل عندهم
مشوار مثل ماقالوا وبعدها طلعوا للشركه .. مايدرون بـ إللي صار كله ..
كانوا البنات كلهم لسا واصلين من الدوامات .. دخل أبو خالد ومعاهـ خالد وحاتم ووسام
عند أمه وحصل جوهرهـ والجوري إللي من الصباح وإهي عندهم .. طبعاً خالد كان
مخبر الجوري إنهم أول شيء راح يمر على جدته .. ولا توقع إنها تكون عندهـ ..
وكانت لابسه عباتها وغطاها .. سلمموا على أم سعد وبعدين سلمت أم خالد عليهم ..
وصافح حاتم ووسام الجوري .. وسلمت على عمها ..
أبو خالد قالهم كل إللي قاله الدكتور .. وام سعد كانت مطمنه مرهـ .. لإن أبو خالد حتى
إذا في شيء مو كويس .. مستحيل يكذب عليها .. سولفوا شوي إلا وسن تدخل عليهم
.. قالت وإهي واقفه عند الباب : ياسـلااااااااااااام .. ولا واحد منكم بـ دوامه وأـنا بس
إللي ادوام ..!!
وسام بهبال : يؤ .. نسيت إن اليوم مدرسه ..
وسن : لا ياشيخ .. { ناظرت أبوها واخوانها } وين العمل إنتم ..؟؟ وين المستشفى
إنتي ..؟؟ وين المدرسه إنتي ؟؟
حاتم : وربي إنك رايقه ..
وسام : شـ عليها معبيه نوم ..
وسن وإهي تجلس بعد ماسلمت عليهم : وين نوم .. وإحنا من حصه لـ حصه .. يرحم
والدينك ..
وسام يبي يقهرها : إحلفي مانمتي عشان امي ماهي بـ المدرسه اليوم ..؟
وسن : ياربي .. اساساً مستحيل أـنام .. ما اقدر .. أـنا بـ الصف بـ المقدمه ..
خالد : هههههههههههههههه .. يعني مكشوف كل شيء تسوينه ..!!
وسن : هههههههههه .. إيوا .. كل شيء كل شيء ..
حاتم : ويجي فـ بالك تسوين شيء ؟
وسن : آمممم .. ممكن ليش لا ..
وسام : مثلاً تهربين من المدرسه .. !!
وسن نطت عيونها قالت : مستحيـــــــــــــــل ..
وسام : شوي شوي لا تطلع عيونك .. ترا كلها نطه من المدرسه للشارع يعني بسيطه
المسأله ..
وسن وإهي تعدل جلستها : طيب سبق وعملتها إنت ؟؟
وسام يساسرها : بيني وبينك .. مرهـ كانت السنه إللي طافت لكن الخبر على طوول
للحكومه وخذيت عقابي والحمدلله ..
وسن : ههههههههههههههههههههههههه هههههههههههههههههههههههه .. أستغربت من
جلست أبوها وامها وجدتها ماتكلموا ..
وسن وإهي تطلع من شنطتها ورقه : يُمه هذي من النائبه ..
جوهرهـ : طيب ياحلوهـ إطلعي لـ غرفتك بدلي ملابسك وبـ طريقك نزليها على
المكتب إللي بـ غرفتي وتعالي لنا الغدأ جاهز ..
وسن وإهي توقف : أوكي .. وطلعت من عندهم .. ورقت للدور الثاني ودخلت جناح
أبوها وامها .. ونزلت الورقه وطلعت لـ غرفتها ... وكان موبايلها يدق .. ناظرت
وكانت وتين ..
وسن : ماصار لنا 10 دقايق عن بعض ..
وتين : مادريتي ياهبلا ؟؟؟
وسن : شنو ؟؟
وتين : ما احد قال لك ؟؟
وسن : عن إيش ..
وتين تغير صوتها : جدي تعبان بـ المستشفى ..
وسن سكتت شوي ثم قالت : وتينوهـ مو وقتك كلش ..!!
وتين : وربي { شوي وتصيح } أمي ذا الحين تصيح .. وأبوي واخواني يحاولون فيها
ومارضت تهدأ ..
وسن جلست على سريرها وبكل خوف قالت : شـ فيه طيب ؟؟؟
وتين : ما أدري بـ الضبط .. لكن عملوا له عملية قلب .. ويقولون حالته أوكي ذا الحين
..
وسن : شوفي بـ اشوف الموضوع وارجع لك ..
وتين : أوكي .. باي ..
عند أبو خالد كانوا جالسين .. دق موبايله وكان أبو سعود ..
أبو خالد : هلا ناصر ...
أبو سعود : سُلطان .. تعال شوف العنود ماهي راضيه تهدأ وأـنا ما اقدر اتكلم معاها
أكثر ..
أبو خالد يعرف العنود عدل : طيب جاي .. وقفل ..
وطلع من عندهم .. بيشوف خواته .. العنود ’ غيوض ’ الماسه .. اكيد قالبين الدنيا ولا
يقدر عليهم إلا اهو ..
وسن دخلت عليهم وإهي مابعد فسخت ملابس المدرسه وطالع شكلها يجنن جامعه
شعرها كله من فوق وتاركته نازل براحته والخصل إللي على عيونها عاطيتها منظر
..
أم خالد : ما شاء الله .. شـ سالفتك اليوم ؟؟
وسن : ولا شيء ..
أم خالد : لييش مابدلتي ..؟؟
وسن وإهي تجلس : مو مبدله قبل لا تقولون جدي شـ فيه بـ الضبط ...؟؟
وسام : ما شاء الله على الوكاله إللي وصلت لك الخبر ..
وسن : شـ فيه ؟؟
وسام : وإللي وصل لك الخبر مايعرف ..؟؟
وسن : لو يعرف ماسألتكم ..!!
الجوري : حبيبتي وسن جدي الحمدلله ذا الحين بخير وعافيه .. بعد ما إنتهت عمليته
ونجحت ..
وسن : طيب العمليه لـ إيش ؟؟
خالد : 3 شرآيين متقفله عندهـ .. وعملوا العمليه والحمدلله وضعه ذا الحين أوكي ..
وسن سكتت شوي وقالت : طيب من متى واهو بـ المستشفى ؟؟
أم خالد : من قبل صلاة الفجر بـ ساعه ..
وسن : كل هـ الوقت ولا قلتوا لي ..
حاتم : بناته ماعرفوا إلا من شوي .. يعني ماحبينا نبلغ أحد .. عشان لا احد يخاف ..
وسن : متى يطلع ..؟؟
وسام : ياخذ بليسك ماطاف على عمليته ساعتين وإنتي تقولين متى يطلع . . هيه ترا
عمليته فتح صدر كامل ..
وسن إنصدمت قالت ببطء : فتح صدر كامل ..؟؟
خالد : والحمدلله عدت على خير .. وبعدين كثير إللي عملوا نفس هـ العمليه ..
وسام : إيوا .. تعرفين جد راكان وزياد .. عامل نفس هـ العمليه من أكثر من 7 سنوات
ولا فيه شيء والحمدلله ..
وسن قالت بهدوء : الحمدلله ..
قامت من عندهم .. طلعت وإتصلت تخبر وتين وإهي مصدومه .. فتح صدر كامل ..
ءء .. يعني السالفه كبيرهـ .. لكن الحمدلله على كل حال ..
أبو خالد يدخل بيت ناصر أبو سعود ... وحصلهم بـ الصاله ومعاهم حمد إللي مافكر
يروح للبيت .. نسى كل شيء مع سالفة جدهـ ..
أم سعود جالسه على كنبه تاخذ 3 أشخاص .. العنود جالسه على أخر الكنبه ومسندهـ
راسها على طرف الكنب ومغطيته بـ إيدها وتبكي .. أبو سعود جالس بـ جبنها عند
إرجولها .. لإنو إرجولها على الكنب شبه نايمه . . وسعود وياسر وحمد بجنب بعض
على كنبه وحدهـ .. لما شافوا أبو خالد دخل لهم واهم يوقفون ..
ابو خالد يمشي ويناظر العنود كيف جلس مكان أبو سعود وقال : العنود ..
العنود بكت زود ..
أبو خالد ييناظرها كيف ملتمه على حالها .. قال : لا حوول .. إنتي إللي يشوف حالتك
يقول أبد الرجال بيموت .. ياعنود أبوي مافيه إلا العافيه .. حاله وعدت ووالحمدلله ..
بدل ما إنتي جالسه كذا تبيكين .. قومي إحمدي ربك إللي قومه لنا بـ السلامه ... إنتي
وحدهـ كبيرهـ .. ما إنتي ناقصه علم عشان تسوين كذا .. وبعدين كثير إللي مروا
بنفس حالة ابوي والحمدلله ربي عافاهم .. والله إن أمي أرحم منك .. أبوي طايح بين
إيدينها ولا سوت إللي إنتي سويتيه .. هذا ماله داعي .. وبعدين كلنا العصر إن شاء الله
راح نروح له .. وبتشوفين مافيه إلا العافيه .. وهذا إللي نبيه .. قومي الله يرضالي
عليك ..
العنود كأنها ساكته شوي ..
أبو خالد يشوف وتين جايه له وسلمت عليه ...
أبو خالد يوقفها من جلستها هذي إللي كأنها نايمه : صليتي الظهر ..؟؟
العنود حركت راسها بـ معنى لا ..
أبو خالد : طيب الله يحفظك قومي إتوضي وصلي وإحمدي الله على إنها جت على كذا
..
العنود تمسح دموعها وقامت من عندهم ..
سعود : كيفها جدتي ؟؟
أبو خالد : لا الحمدلله بخير .. ومطنمه مرهـ ..
أبو سعود : الحمدلله ..
بعد ثلث ساعه جت لهم العنود وإهي هاديه مرهـ ...
ابو خالد : هذا كببرك ولا تعرفين تمسكين نفسك ..
أم سعود : هذا أبوي ..
أبو خالد : وابوي .. والحمدلله على كل حال ..
أم سعود : الحمدلله ..
أبو خالد واهو يوقف : يلا اشوفكم العصر .. بس من غير اي إنفعالات ..
أم سعود حركت راسها بـ معنى أوكي ..
أبو سعود : وين إجلس تغدأ ..
أبو خالد : الله يخليك .. باقي لي أشوف الماسه وغيوض وموضي وعبدالله .. وبعدين
ارجع للبيت اتغدأ وانام لي لو نص ساعه ..
أبو سعود : الله يكون بـ عونك .. تبي أحد من الأولاد معاك ؟؟
ابو خالد يناظرهم : وين .. ؟؟؟ خلهم عندكم .. يلا مع السلامه .. وطلع من عندهم ..
ومثل ماقال مر على الماسه إللي كأنها هاديه شوي .. وغيوض إللي تمسح بـ الدموع
وبس .. وعبدالله وموضي إللي هادين .. موضي عارفه كيف تضبط وضعها .. وطلع
لـ بيته ..
أم سعود وإهي جالسه : أبوي كيف خلود ؟؟
حمد إللي تذكرها قال : بخير يُمه .. وقف وقال : بروح للبيت ..
أبو سعود : لا تجي العصر للمستشفى .. إرتاح وجدك مافيه إلا العافيه ..
ام سعود : حبيبي إذا تعبان إرتاح ..
حمد : يصير خير .. وسلم عليهم وطلع ..
زياد يدق على راكان ومافي رد .. وتليفون البيت مايعرفه .. راح لـ غرفة الحارس ..
راكان كان نايم على سريرهـ بـ العرض .. وكان لابس برمودا من غير بلوزهـ ..
وماخذ راحته بـ النومه .. وهـ الولد إذا نام مافي أمل يصحى .. يعني إذا نام سحب
نومه لو ينفجر عندهـ قنابل مو قنبله مايحس .. والموبايل يدق ولا حياة لمن تنادي ..
زياد واهو يدخل للبيت .. وأول مرهـ يدخل القسم الخاص بـ عائلة راكان على كلامه
إذا صار له عائله .. مانع الكل يدخل بيته قبل 'دنيته كلها' .. ناظر الدور الأول فخم
وبقوهـ .. رقى للدور الثاني ونفس الشيء كأنه داخل لـ قصر مكتمل من كل شيء ..
ناظر الدور الثاني الواحد يضيع ففيه .. مشى ولا يدري وين يروح .. مر على كذا
غرف او أجنحه مقفله مايدري شـ نهي .. وصل لـ ممر أنيق مرهـ .. وإللي يشوفه
يقول هذا بتنزف فيه بنت ملك .. مو يمشي فيه احد عادي .. مشى الممر .. ووصل لـ
باب لو بيسعر قيمة الباب بيكون غالي مرهـ .. تردد يفتح وإلا لا .. هذا شكله مو باب
جناح عادي .. فتحه بـ صعوبه وإنذهل من إللي داخله .. المكان بارد وريحة عطر
راكان منتشرهـ بـ الجناح وموسيقى رايقه تتردد بـ المكان بـ كل هدوء .. صور رااكان
بكل مكان .. وفي صور لـ وسن لما كانت صغيرهـ "مجنون هـ الولد" كانت غرفه
كبيرهـ مرهـ مرهـ مرهـ ... في جهه منها تليفزيون كبير مرهـ وكأن كل إللي بـ الدوله
هذي بيتابع معاهـ .. بجنبه إستريوا كبير وله سماعتين كبيرهـ كل سماعه بـ زاويه ..
وفي مكان جلسة إثنين رايقه مرهـ .. وفي جهه ثانيه كنب مرتب ترتيب آنيق .. وبـ
جهه كبيرهـ كان السرير إللي نايم عليه راكان .. شـ يقول عن السرير .. شيء لا
يوصف .. إنهبل .. هذا كله عامله راكان وبـ خاطرهـ " ما آلومك لما ماتبي أحد يدخل
بيتك .. ءء .. إلا قصرك " وفي مثل الباب المفتوح مغطى بـ تعليقات حلوهـ مرهـ ..
وشكل المكان هذا غرفة التبديل والحمام .. نور الغرفه كان خفيف ورآيق .. زياد شوي
ويناام .. كل شيء يشوفه يغريه للنوم .. اللاب كان مرمي على السرير وأخوهـ ولا
حاس بـ شيء .. ما احد يلومه .. أحد يحصل مثل هـ المكان وينام فيه ويفكر يصحى ..
شاف أخوهـ كيف ماخذ راحته بـ النومه .. من غير بلوزهـ .. ضحك بينه وبين نفسه
لو يعمل مقلب على إنو وسن .. شـ رآح يسوي .. خاف ينصدم من ردت فعل أخوهـ ..
وناظر الغرفه .. كيف كبيرهـ مرهـ .. وجامعه لكل شيء .. بدل مايحط غرفة جلوس
وما ادري إيه .. كلها موجودهـ بـ نفس الغرفه .. التي في .. الإستريوا .. غرفة التبديل
كيف بيكون شكلها .. ذبحه الفضول ..
بعد التعليقات بـ خفيف عشان ماتطلع صوت.. ودخل وماحصل غرفة تبديل .. حصل
مكتب صغير شوي وفي مكتبه ماخذهـ جهة جدار كامل معبيه كُتب .. لو بيحلف ما قرأ
راكاان منها ولا كتاب .. وإلا يمكن يقرأ واهم مايعرفون .. ناظر المكتب .. عليه
أرواق حوسه .. وبكت التدخين موجود على الطاوله .. إنصدم .. راكان يدخن .. من
متى ؟؟؟ وليش ؟؟؟؟؟ قرب للمكتب .. ورفع البكت وكان موجود في سيجارتين بس .
. يعني مستخدمه .. صدمة عمرهـ .. أخوهـ الكبير يدخن .. ناظر الأوراق .. فيها
كتابات كثيرهـ .. والأوراق كثيرهـ .. جلس على الكرسي المتحرك .. قلب بـ الأوراق
.. كلها كاتابات تخص راكان .. كلها عن حبه .. واهو يحوس بـ الأوراق .. حصل
ورقه الخط فيها غريب .. وواضح إنه خط بنت .. لإن الورقه مدلعه .. ومكشخه ..
هذي حركات بنت .. ما حب يقرأ الكلام لكن شدهـ إسم وسن أخر الورقه ... " هذي
من وسن .. والله ياراكان إنت ووسن عليكم حركات .. الواحد مايردي من وين
تجيبونها " نزل الورقه .. ومشى من المكتب .. وحصل مثل الشباك الكبير بـ الجدار ..
ممتد من فوق لـ تحت كأنه باب زجاجي .. فتحه بـ خفيف وحصلها بلكونه .. فيها
كرسيين وطاوله .. وتطل على الحديقه .. ولها توصيله للحديقه يعني إذا يبي ينزل
ينزل من عندها .. وشكل الجلسه مرهـ يرووق الواحد .. دخل وقفل الباب .. وشاف
نفس باب المكتب إللي اهو تعليقات بدل الباب .. وطل عليه وحصل غرفة تبديل
ووإللي بعدهـ شكله دورات مياهـ .. رجع لـ قصر راكان إللي نايم فيه .. وقرب من
السرير ونادا بكل هدوء عشان مايتخرع ..
راكان طبعاً يسمع أحد ينادي عليه لكن حسباله يحلم ..
زياد : راكان .. راكان ..
راكان : هممممم ..
زياد إنبسط .. طلع من راكان صوت : قووم أـنا زياد وعندك بـ بيتك { عارف بتجي له
خناقه محترمه لكن كل شيء يهون .. }
راكان من سمع أـنا عندك بـ البيت صحى على طول وجلس وناظر زياد ..
زياد واهو يرفع إيدينه : قبل لا تقول شيء .. صحصح آبيك بـ سالفه مهمه .. إهي إللي
تركتني أجي لك البيت لإنك ماترد على الإتصالات ..
راكان إستغرب ورفع موبايله حصل 40 إتصال و5 مسجات .. : أوكي إجلس بـ
الصاله على ما اجي لك ..
زياد : ليش تطولها وإهي قصيرهـ ..؟؟
راكان يناظرهـ قال : ماتشوف لبسي كيف ..؟؟
زياد ضحك وقال : لا تتأخر ..
راكان نزل من السرير ودخل لـ دورات المياهـ .. وبعدها طلع ولبس له تي شيرت ..
ودخل غرفته وحط له عطر وطلع للصاله عند زياد ..
زياد واهو يشوفه ينزل : ياخي عليك نوم مو طبيعي ..
راكان : نومي عادي ..
زياد : لو بـ أحلف مافي أحد مثل نومك ..
راكان : أحلى شيء بهـ الدنيا النوم ..
زياد : بـ الله ماتطفش ؟؟
راكان : لاتنسى أواصل يومين 3 أـيام وإذا نمت نمت مرهـ وحدهـ ..
زياد : إيوا ما أدري شنو إللي يتركك تواصل يومين 3 أـيام ..؟؟
راكان واهو يغير السالفه : ماعلينا . . منو سمح لك تدخل للبيت ؟؟
ززياد بـ خاطرهـ " مايبي أحد يدخل لـ عالمه .. يبي كل شيء خاص .. غامض ما احد
يعرف شيء " : أبد .. شفت إنو السالفه طولت وأـنا اتصل ولا أحد يرد .. وجيت
للحارس وقالي إنك هنا .. ودخلت ودخت في بيتك ..
راكان نفس الشيء يغير الموضوع : شـ بغيت ؟؟ { الأخلاق زفت }
زياد : أبد بطلع للخبر .. تطلع معاي ؟؟؟
راكان : جاي لي .. و35 إتصال منك .. وداخل لـ بيتي من غير لا أسمح لك ..
ومصحيني من نومي .. وشيء مهم .. وأخر شيء تروح للخبر معاي .. ياخي لا .. ما
آبي أروح ..
زياد إستغرب كلامه قال : طيب شـ فيك .. أخلاقك مقفله ؟؟
راكان : شـ عرفني عنك .. عامل هـ الحوسه كلها واخر شيء سالفه سخيفه ..!!
زياد بخاطرهـ " الخبر صارت عندك ياراكان سالفه سخيفه .. أـنا متأكد من شفت بكت
التدخين وإنت وراك مصيبه" قال : لا ماهي سخيفه !!
راكان : لا ياشيخ .. ؟؟
زياد : إيه .. لإن جدي بـ المستشفى ..
راكان بكل برود : وبعدين ؟؟
زياد شوي ويتوطى فـ بطنه .. هذا أكيد الإحساس عندهـ ميت .. مستحيل هذا رااكان
.. وإلا احد يعرف إن جدهـ بـ المستشفى ويقول وبعدين ؟؟ قاال بكل هدوء : شنو إللي
وبعدين ؟؟ { ياحياتي بيتأكد من كلام أخوهـ }
راكان : ووإذا صار بـ المستشفى .. فـ الله يشفيه .. ترا روحتي ما راح تشافيه ..
زياد : يعني مايهمك إذا جدك مريض وإلا لا ؟؟؟
راكان : إذا مريض الله يشافيه .. وإذا لا .. الله يزيدهـ بـ العافيه زود ..
زياد شوي وينهبل .. قال : هيه جدي تعبان بـ المستشفى ..!!
راكان : طيب ..؟؟
زياد : شنو إللي طيب ..؟؟
راكان : والله ولدهـ إللي اهو أبوي وابوك .. ما تعنى له .. واهو أبوهـ .. يعني أـنا إللي
حفيدهـ .. بسوي شيء .. أبوي ما تحرك فيه شيء واهو أبوهـ .. جدي على عيني
وعلى راسي .. واحترمه لكن امشي مشوار واـنا وضعي كذا .. اسمح لي .. روح إنت
.. وإذا علي إتصال يكفي ..
زياد عصب : إنت .. ترا جدي فاتحين صدرهـ .. عمليه 3 شرآيين متقفله ..
راكان كأنه إنصدم .. قال : وابوي بيروح ؟؟
زياد : بعد اسبوع ..
راكان واهو يسند نفسه للكنب قال : أبوي ولدهـ ولا راح يروح إلا بعد أسبوع .. هذا
شـ معناهـ .. لا تقولين أـنا عملية فتح صدر .. أـنا يمكن علاقتي معاهم أفضل من
علاقة أبوي فيهم .. روح قول هـ الكلام لـ أبوك ..
زياد إستغرب هذا شـ فيه اليوم .. وإلا إذا صحى من النوم كذا .. : يعني ما راح تروح
؟؟
راكان سكت شوي وقال : متى بـ تحرك ؟؟
زياد : ذا الحين ..
راكان : ومتى ترجع .؟؟
زياد : بعد مايطلع جدي من العنايه .. يعني بعد 4 أـيام ..
راكان : وجدي .. شـ يفكني من كلامه { يقصد جدهـ أبو أمه }
زياد : راكان .. علي أـنا ..؟؟!! إنت ماتحب احد يتحكم فيك .. وقفت على جدي ..؟؟!!
راكان : إيه وقفت على جدي ..!!
زياد : ياخي إنت كنت تطلع ولا تهتم في أحد ..!!
راكان وبـ خاطرهـ " ماتعرف إن جدك صار مثل خالتك منيرهـ .. إلا يتركونا نقطع
علاقتنا في عماني وعماتي غصب " ..
زيياد : راكان فيه شيء ؟؟
راكان واهو يوقف : ولا شيء ..
زياد إستغرب مزاج أخوهـ .. أكيد صاير شيء مقفل أخلاق كذا قال : وين بتروح ؟؟
راكان : ببدل واخذ لي كم تبديله عشان 3 أـيام ..
زياد : أوكي أـنا بـ السيارهـ ..
راكان طلع الدرج من غير لا يرد " مصيبه إللي تتحاذف عليه الأمور الصعبه ورا
بعض وفجأهـ .. وتفكيرهـ مشتت ولا يعرف كيف يحلها .. ومايدري شنو يواجه وشنو
يترك .. هذي حالة راكان .. خالته منيرهـ ’ جدته ’ خالته وضحى ’ جدهـ ’ أمه .. كلهم
يعملون المستحيل عشان يقطع علاقته بـ عمانه .. يذكر المرهـ إللي قبل الاخيرهـ لما
رجع من عند عمانه أـيام طلعة النعيريه .. إستلمه جدهـ خنايق .. مع إنو زياد كان
طالع معاهـ إلا إنه خذاهـ على جنب وخانقه ..
جدهـ : الدعوى على كيف عمانك متى ماحبوك إتصلوا فيك ..؟؟
راكان واهو يهدي نفسه غصب : جدي عماني اهم اهلي واي وقت يبوني اـنا جاهز
لهم ..
جدهـ : هذولي مايبون مصلحتك .. شوف ساحبينك من شغلك عشان تمشيه مالها داعي
.. وإنت مشيت وراهم ولا تدري وين مصلحتك ..
راكان : كل هـ الدنيا مايبون مصلحتي عدأ عماني اهم إللي صح يخافون على
مصلحتي وبعدين أـنا ماني صغير عشان تتحكممون فيني مثل ماتحبون .. أـنا رجال ..
ولي كلمتي ..
جدهـ إنقهر قال واهو يمشي يعني مافي مجال للرد : إسمع أخر مرهـ اسمح لك تروح
لهم أكثر من يوم واحد وترا كثير عليهم بعد
راكان كان بيرد إلا جدهـ طالع من المكتب .. صحى من تذكرهـ وكان بغرفته يرتب
أغراضه ضرب الجدار بكل قهر .. كل مايتذكر هـ الموقف .. واضح غرض جدهـ
إللي يبي يوصل له .. وشكل بناته قدروا يأثرون عليه .. منو بيحس فيه .. جدهـ صار
مع خالته وامه وجدته ضدهـ .. أبوهـ ماعندهـ كلمه .. كل هذا عشان ياخذ بنت خالته
.. طيب مايبيها .. الزواج مو بـ الغصب .. نفسه كارهه لكل شيء .. حتى من بعد إللي
صار بينه وبين وسن بـ النعيريه ولا عاد فكر في موضوع الزواج .. يحس كل شيء
ضدهـ .. كل هذا يصير عشانه أخذ بنت عمه .. ليش جدهـ وخالاته وامه وجدته أنانين
كذا .. ولا يبون إلا مصلحتهم .. اهو الطرف المهم بـ الموضوع اهو إللي الموضوع
يدور حوله .. يعني ماله حق يختار شريكة حياته بكل راحه وبعيش معاها بـ سعادهـ
إلا يقدمون مصالحهم على مصلحته .. عشان فلوسه ماتطلع لـ برا .. اهو مايبي لا
فلوس ولا شيء .. مايبي إلا يعيش متهني ومبسوط مع إللي اختارها قلبه .. وين
إختارها قلبه واهو مايدري عنها .. وإهي كارهته .. ومتغيرهـ عليه مرهـ .. ولافكرت
تتصل فيه ولا حتى تمسج له .. ماييبي يشتكي لـ أحد ولا يبي يوضح لـ احد حتى
أخوهـ زياد .. مافي أحد يخفف عليه .. لو باقي علاقته مع وسن كان شكى لها بعد
سالفة جدهـ وطلع إللي بخاطرهـ لها .. وعرفت إنه مايبي إلا إهي ويتأكد إنها ماتبي إلا
اهو .. مهما وقفوا بينهم أهلهم كلهم .. لكن يتوقع إن هذي مجرد أحلام مايحلم فيها
غيرهـ واهو الوحيد الخسران بهذا كله .. لا تهنى بقرب بنت عم ولا قرب جد وخالات
وام وجدهـ .. لا كسب حُب حبيبه ولا حُب أهل أمه .. داخله قهر مو طبيعي .. يحس
تفكيرهـ مشتت ,, مايقدر يركز فـ شيء نهائياً .. " سكر شنطته الصغيرهـ .. ولبس
ملابسه وبعدين ثوبه وسكر ازاريرهـ من غير مزاج .. 'ينعرف الشخص إللي ماله
خلق شيء .. الشخص إللي عايش بهمومه والناس بعيد عنه وعايشين حياتهم .. ' خذا
عطرهـ ومسك غترته وحطها على كتفه والطاقيه لابسها والعقال بـ إيدهـ .. خذا بكت
السيجاير .. وماحصل فيه إلا 2 بس .. رماهـ بـ الغرفه .. اول محل يقابلونه بياخذ له
لو الكل يعرف .. الموضوع بـ النسبه له خارب خارب .. واهم إللي بدوا .. ولا علي
من أحد .. ويتحملون إللي بيجي لهم .. خذا شنطته ونزل وطلع من القصر كله وركب
مع زياد ..
زياد شاف شكله كيف .. واضح إللي مشغول تفكيرهـ في شيء كبير مرهـ ولا تكلم ..
لما طلعوا من الفيلا كلها ..
راكان : أول بقاله ممكن ..
زياد سكت ومر على أول بقاله .. ونزل راكان .. وخذا له كم شيء ياكلونه ويشربونه
.. وخذا 3 بكت سيجاير .. هذا الولد من جد مجنون .. مماعندهـ مانع ينهي هذيل كلهم
في 3 ساعات .. المهم يشغل نفسه في شيء ..
زياد يناظر الكيسه معبيه 'من إلـى' .. رااكان طلع من الكيسه البكيتات .. وخذا واحد
والـ2 الباقيه نزلها على جنب .. زياد ساكت ..
راكان من غير لا يناظر زياد : ممكن تشغل لنا شيء نسمعه ..
زياد شغل له سي دي وما إنتبه له شنو ..
راكان : ممكن أدخن وإلا ممنوع عندك .؟؟
زياد شوي ويتوطى فـ بطن اخوهـ على عدم مبالاته هذي قال : خذ راحتك ..
رااكان شغل ورجع راسه لـ ورا سكر عيونه .. زياد يناظر أخوهـ .. حتى منظر وجهه
ما اهتم فيه .. طالع له شعر بـ دقنه .. وواضح إن صاحبه مو فاضي كلش .. واضح إن
تفكيرهـ يشغله شيء خطير وطول الوقت واهو يفكر ..
بـ الخبر .. فـ بيت حمد .. على الساعه 2 الظهر .. دخل للبيت حصله هادي مرهـ ولا
كأن أحد فيه ..
فسخ شماغه وم*** بـ إيدهـ ورقى الدرج بـ خطى ثقيله مرهـ .. تعبان حيل .. مافيه
طاقه مرهـ .. شاف الدور إللي فوق هادي نفس إللي تحت .. مشى لـ جناحه وقبل لا
يفتحه لف للجناح الثاني وكان الباب مسكر .. فتح باب جناحه ورد الباب وجلس
بـ غرفة النوم .. على السرير .. مافيه حيل شيء .. رمى شماغه على السرير والعقال
والطاقيه .. وفتح أزارير ثوبه .. وجلس واهو منزل راسه لـ تحت وشابك اصابيع
إيدينه في بعض .. يفكر .. في حياته مع خلود .. من قبل الملكه واهم كذا وبعد الزواج
زادت تعقيد أكثر .. أمس بـعد ماوصلوا وبعد إللي صار بينهم وعلى اساس يبدون
صفحه جديدهـ .. لكن واهم نايمين على السرير .. كانت إهي عاطيته ظهرها ومتغطيه
إلـى أكتافها .. واهو يناظرها وإهي عاطيته ظهرها .. كان حاس فيها ولاقدر ينام ..
وإهي ملتزمه الصمت لكن واضح إنها تبكي وكاتمه صوت بكاها ..
دخل إيدهـ من الغطأ وحضنها من تحت الصدر وقال بكل رقه : شـ فيك ؟؟
خلود تنزل دموعها من غير صوت .. تحس إنها ضعيفه عند هـ الشخص .. ماتبي
الأمور توصل بينهم للشيء هذا .. إهي مفكرهـ تنفصل عنه .. لكن بعد هذا الشيء ..
الف شيء وشيء يتغير ..
حمد واهو يرفع راسه ويقرب لها مرهـ وهمس بـ إذنها : تعبانه ؟؟
خلود حركت راسها بمعنى لا ..
حمد : طيب شـ فيك ؟؟
خلود حركت راسها بمعنى ولا شيء .. وطلع صوتها بـ البكى ..
حمد واهو يمسح بـ إيدهـ على شعرها : غلطت عليك بـ شيء ؟؟
ردها البكى وبس ..
إحتار معاها .. اهو ماسوا معاها شيء غلط .. هذا حقه وإهي كانت مقتنعه .. شـ إللي
حاسها كذا .. مايدري .. بس تبكي ليلها كله ولا نامت .. واهو نفس الشيء مانام ..
حس إنو أذان الفجر قريب طبع بوسه على خدها وقال بكل رقه : آتمنى أعرف
شـ إللي وصلنا للحاله هذي .. إنتي كارهتني واـنا محتار معاك .. بكت بصوت عالي ..
خاطرهـ يعرف شـ فيها .. شـ إللي عفس أبو مشاعرها له إلـى كرهـ .. نزل من السرير
واهو متعذب من شكلها إللي واضح إنها عاجزهـ عن شيء وإلا كان راددته وصارخت
.. دخل للحمام خذا له شاور وطلع ولبس .. وقبل لا يطلع نزل المفتاح على الطاوله
وقال : هذا مفتاح الجناح إللي بـ أخر الدور الثاني .. إذا كنت تبين تجلسين فيه عشان
ترتاحين خذيه واجلسي فيه .. ما انتظر منها رد لإنه طلع على طول وحالته مايعلم فيها
إلا رب العباد .. ناظر جناحه فاضي .. أكيد تركته وطلعت للجناح الثانيي .. يموت
ويعرف شـ إللي غيرها كذا .. وعلى الكل .. مو اهو وبس .. يحس إنه تايه بهـ الدنيا ..
من فين يحصلها .. أول زواج له ومن بنت خالته وحالتهم كذا .. وصعب ينفصلون
عن بعض .. وصعب يجيب عليها وحدهـ ثانيه .. كل هذا عشان مايجرح خالته .. اهو
شـ ذنبه فـ هذا كله ..؟؟ مايدري ..!! إللي عليه يعيش كذا طول عمرهـ .. مع وحدهـ
تكرهه .. حتى لما صار إللي بينهم أمس جلست تبكي والدليل على كرهها طلعتها من
جناحهم لـ جناح لها بروحها .. شنو هـ الحاله ياربي ..؟؟!! مافيه يتحمل أكثر ..
خلاص .. يوم من صاروا قريبين من بعض وصاروا أزواج من جد إنقلبت البنت بعد
هذا كله .. اهو متأكد إنها كانت تحمل له بعض الحب من بعد خطوبتهم .. لكن فيه
شيء قلب كيانها كله .. تعبان نفسياً وجسدياً وعاطفياً .. مايدري وين يروح وين يرتاح
.. ممكن الراحه الجسديه مع النوم تجي .. الراحه النفسيه والعاطفيه وهذي الإثنيين
مستحيل يحصل الراحه فيها .. لإنها شيئ صعب وصعب مرهـ ومن المستحيل .. يبي
ينام وقت كافي يريحه .. قفل موبايله وحط تليفون الغرفه على الصامت وسكر باب
الجناح من غير لا يقفله .. وفسخ ملابسه ولبس له بيجاما نوم ,, وقفل النور كله ورمى
حاله على السرير .. يببي يرتاح من كل شيء .. لو ينام أسبوع قدام عادي عندهـ ..
كافي إنه يوم ونص مانام .. وغير هذا نفسيته تعبانه .. وتعب جدهـ فجأهـ ..! وراح
بسابع نومه .. لكن مايدري إذا بيتهنى بنومه وإلا لا ..؟؟؟
بسيارة زياد .. كان صوت محمد عبدهـ 'أعترف لك' يسمع له زياد وراكان من غير اي
صوت منهم .. وهدوء مو طبيعي بينهم إلا إنو صوت محمد عبدهـ بهـ الأغنيه ..
لاهي نار ولاهي ماء
لاهي غيمه ولا ضما
إن حكت غنت سنابل من رضاهـ
والسكوت إن صار نيران الغضا
يارضاها وقف وناظر شوي
شف غلاها إيش سوأ بـ شخص حاير
كيف حيوا لا لقاها
وإن لقاها مابقى في إيدينه شيء
غير إنه يحتريها
آهـ ’ آهـ ’ آهـ ’ آآهـ .. من قلبي نصحته
بس عيا ينتصح نبضه يبيها
آهـ ’ آهـ ’ آهـ ’ آآهـ .. منه ليه عزم
ليه عزم يترك الكون ويجيها
ماعرفت القى لهذا القلب حل
الجواب اقفى بـ ضله وارتحل
مابقى لي غير إنتي ياغريبه
يارحيل العمر فيني ياحبيبه
دق موبايل راكان ناظر الشاشه وكان تركي ..
زياد : ليش ماترد ؟؟
راكان من غير لا يناظرهـ ويعطيه الموبايل : رد إنت .. وقول إنو أـنا اسوق ..
زياد كأنه طفل ولاهو وقته كلش : استغفر الله .. أكذب ؟؟ .. بعدين ربي يحطني
بـ النار ..
رااكان خذا الموبايل وقفل بوجه تركي { هـ الولد مزاجي درجه اولى }
زياد إنصدم قال : هيه .. شـ سويت ؟؟
رااكان : ما آبيك تكذب لإن الكذب حرام وربي يطيحك بـ النار ..
تركي رجع يدق ..
زياد خذا الموبايل من راكان ورد : هلا والله ..
تركي إستغرب : خير شـ طلعك لي .. أـنا داق على راكان موعليك ..
زياد : اعوذ بـ الله يـ الأخلاق الزفت إللي عندكم .. أـنا ما أدري ليش من عائلتنا كلها
بس 3 وإلا 4 إللي اخلاقهم زفت ..!!
تركي : هههههههههههههههههههههههه .. أستهبل عليك ياراجل ..
زياد واهو يضحك : أئول كدا من زمان ..
تركي : شـ عندهـ قالب مصري ؟؟؟
زياد : فهم حالك ..!!
تركي يسمع .. سولفي للناس عني قولي إني
ماعرفت اختار من قلبي يحبه ..
تركي : شـ عندهم الأخوان ؟؟
زياد يستهبل : الحب ذبحني ياخوي ..
تركي : منهي بس ؟؟
زياد : ما أقدر اقول ..!!
تركي مصدق : ليش ؟؟؟
زياد يقال إنه مستحي : ياخي أستحي ...
تركي : ههههههههههههههههههههههههه هههههههههههههههههههههه
زياد : كيف جدي ياولد ؟؟
تركي: الحمدلله بخير .. إلا اقول وين اخوك المختفي ..؟؟
زياد يناظر راكان : يسوق ..
تركي : قول قسم ..!!
زياد : قسم ..
تركي : طيب وبعدين ؟؟
زياد : في إيش ؟؟
تركي : وين اخوك ..؟؟
زياد : وربي يسوق إحنا جايين لكم ..
تركي : وينكم بـ الضبط ؟؟
زياد : باقي لنا نص ساعه على الخبر بـ الضبط ..
تركي : طيب أول وين راح تروحون ؟؟
زياد : أكيد عند جدتي ..
تركي : حلو .. راح ننتظركم هناك ..
زياد بهبال : يـ الله على التلزق إللي أـنا ما احبه .. ياخي ما آبيكم .. ما آبي إلا جدتي
وعماني وعماتي وبس ..
تركي : بس أـنا آبي اخوك المختفي ..
زياد يستهبل : حُبه ذبحك ..؟؟
تركي : تصدق ما أـنام الليل بسبب حُبه ..
زياد : حتى اهو ماينام بسبب حُبك ..
تركي يقال إنه مبسوط : قول قسم .. يحبني ..؟؟
زياد : إلا يموت عليك ..
تركي : الله يريح قلبك ..
زياد من قلب : آآآآميـــــــن ..
تركي واهو يصارخ : ياهووووووووهـ .. شـ عندهم ؟؟
زياد : هههههههههههههههههههههه .. أقلب وجهك ترا إنت ماتنعطى وجه ..
تركي : والله إذا رققمك تكلم ..
زياد : صح نسيت إنه رقم اخي العزيز ..
تركي : طيب إسكت تقول عجوز ماصدقت أحد يكلمها .. آبي اسمع أعترف لك ..
زياد : لا ياشيخ لا يكون مضيع قناة طلبات الأغاني ..؟؟
تركي : زياد إنكتم ..
زياد :إن شاء الله ..
تركي : عفيه على الشاطر .. وكمل يسمع أعترف لك ..
أعترف لك إني فعلاً ماعرفتك
ماقدرت اوصل مع قلبي لـ حل ومافهمتك
تجمعين الضد في كل الأمور
مرهـ رضا ومرهـ مثل نور
تشبهين أـيام أوقات الخريف
وتمطرين أحيان أحساسك زهور
صدقيني صرت من بعدك أخاف
واعترف إن الخلاف واسع طريقه
وإننا مانلتقي في أي شيء
فينا إختلاف للأسف هذي الحقيقه
يارضاها وقف وناظر شوي
شف غلاها إيش سوأ بـ شخص حاير
كيف حيوا لا لقاها
وإن لقاها مابقى في إيدينه شيء
غير إنه يحتريها
تركي : آخخ ... من جد عذاب هـ الأغنيه ..
زياد : هاها جانا الثاني ؟؟
تركي واهو يضحك : ليش ؟؟
زياد : والله إنت وولد خالك .. ما أقول إلا الحمدلله على نعمة العقل ..
تركي : ويحصلك ربع عقلنا أساساً !!!
زياد : ولا آبي منه شيء ..
تركي : لإنه ما يحصل لك .. المهم .. يعني خييييك يسوق ؟
زياد : يس ..
تركي : أجل سلم على خيك واقلب وجهك ..
زياد : ومن قال ..
تركي واهو يضحك : باي ..
زياد يضحك : بايات .. { لف لـ راكان قال } يسلم عليك ..
راكان : يسلمه .. وسكت ..
بعد نص ساعه .. وصلوا لـ بيت أبو خالد وكانوا الشباب كلهم بـ إستقبالهم .. لإن الجد
مابعد فاق من التخدير .. يوم بـ أكمله تخدير عشانها عملية فتح صدر .. حمد ما كان
عندهم .. والباقين موجودين ..
أم راشد تتصل فـ خلود جهازها مغلق .. ولا تدري عنههم من وصلوا .. اساساً إللي
خبرها أبو راشد لإنه شايف حمد بـ المستشفى ..
خلود كانت بـ جناحها وتبكي من غير صوت .. داخلها قهر .. تحس إنها مُقيدهـ
بهـ الشخص لما يصير قريب منها .. ولا تبي تجلس معاهـ أكثر من كذا .. تبي تطلع
Like
من هـ البيت .. تبي تطلع من المدينه كلها .. تبعد ترتاح شوي .. تبعد عن الكل حتى
أهلها .. فكرت أهلها أكيد بيعرفون إنها رجعت من شهر العسل وإهي هـ اليومين مالها
خلق تقابل أحد نهائياً .. لا أهل ولا غيرهـ .. بس تبي تجلس بروحها .. قامت وطلعت
من الجناح ومرت على جناح حمد حصلته مقفل .. قالت إلا تخبرهـ عشان مايجوون
لها أهلها .. دخلت للجناح وإنتشرت ريحة عطر حمد القويه لها .. شمت الريحه شـ قد
حلوهـ وقويه وتحس إنها ترووق الواحد غصب .. ريحة عطرهـ تولد داخلها شيء
حلو .. حصلت النور مقفل تاكدت إنه نايم من ريحة العطرالقويه والنورالمقفل والغرفه
الباردهـ .. طلعت من الجناح وسكرت الباب .. ونزلت لـ تحت ودخلت للمطبخ
وحصلت الخدم فيه .. ناظروها مستغربين شكلها .. هذي مو شكل بنوته حلوهـ لسا
متزوجه .. طلعت لـ جناحها .. كل شيء بهـ البيت يرفع ضغطها ويقهرها .. فتحت
موبايلها وحصلت إتصالات من امها وصاحباتها .. إتصلت على رقم وسن .. ردت
وسن : آلوو ..
خلود : هلا وسن كيفك ؟؟
وسن إستغربت صوتها مرهـ متغير قالت : عال العال والحمدلله .. إنتي كيفك ؟؟
خلود : تمام .. بـ اطلب منك خدمه .. لكن وسن بـ ذمه لا أحد يعرف ..
وسن : اكيد قلبي أمريني ..
خلود : مايامر عليك عدو .. آبي رقم حمد ..
وسن تنحت شوي .. خير زوجها ومن زمان متملكين .. وحتى إذا ماخذوا أرقام بعض
بـ الملكه .. اهم من عائله وحدهـ .. وصار لهم شهر وكم يوم متزوجين وجالسين سوأ
.. قالت : ها ؟؟
خلود ماهي رايقه كلش قالت : رقم حمد ..؟؟
وسن بلعت سؤالها غصب قالت : أوكي بـ ادزهـ لك ..
خلود : اوكي .. لا احد يعرف إني متصله فيك أسساساً ..
وسن إستغربت زود قالت : أوكي ..
خلود : باي ..
وسن : باي .. ودزت لها رقم حمد ... كل أرقامهم معروفه لـ بعض 'البنات , الأولاد ,
الرياجيل , الحريم' .. يعني الوضع عندهم عادي .. شمعنى خلود مو عندها رقم
زوجها .. شـنو هـ الزواج ..؟؟؟؟!!!!
خلود فكرت .. ليش تسجل رقمه عندها وتمسج له يقول لـ أهلها إنها مشغوله شوي هـ
اليومين .. مسحت مسج وسن كله .. ومسجت حق أمها مسج يغطي وضعهم " يُمه
حبيبتي .. وصلنا أمس بـ الليل متأخر شوي .. اعذريني مشغوله هـ اليومين .. وراح
ازورك لما افضى .. أشتقت لك " ودزته وقفلت موبايلها .. لما وصل المسج لـ أم راشد
فتحته وإتصلت على طول عليها لكن تحطمت لإنها حصلته مغلق .. هذي
شـ سالفتها .. ردت لها مسج " حبيبة امك إذا فتحتي موبايلك إتصلي فيني .. آبي اسمع
صوتك .. إذا شوفتك ما راح تصير إلا بعد كم يوم "
بعد 4 أـيام طلع الجد من العنايه لـ جناح تنويم كبير مرهـ .. وكانوا الرياجيل مجتمعين
عندهـ .. 'أبو خالد , أبو فارس , أبو تركي , أبو سعود , أبو راشد' من نص ساعه
واهم موجودين .. طبعاً اليوم موعد الحريم والبنات يزورون الأبو الكبير .. لإنو
الأوقات الثانيه يكونون فيه زوار رياجيل معارف لـ جدهم .. ولا يقدرون الحريم
يدخلون .. دخلوا الحريم سوأ مع كل البنات عدأ خلود إللي ماجت لهم .. الجناح صار
زحمه من البنات والرياجيل .. وجالسين سواليف عاديه ليما قال أبو خالد : يُبه ترا أـنا
بعد يومين مسافر أسبوع وراجع إن شاء الله ..
أبو سعد : الله يحفظك .. ولا تنسى الموضوع ..!!
أبو خالد مسك أعصابه ولما كان بيتكلم تكلم أبو فارس : يُبه الله يطول بـ عمرك اترك
سُلطان وأـنا أسوي إللي تبيه ..
أبو سعد ماهو سامع لـ أحد : كنت آبيكم كلكم تسوون هـ الشيء .. لكن ذا الحين خص
سُلطان إللي يسويه .. إنت متعودين عليك على طول .. { ناظر أبو تركي , وأبو سعود
, وأبو راشد } وهـ الرياجيل قلت لهم وسكتوا .. هذا لـ مصلحتنا كلنا ..
أبو خالد : اي مصلحه الله يطول بـ عمرك..؟؟
أبو سعد : انتم شكلكم تكبرون ولا تفهمون ..
كل إللي بـ الجناح يسمع للنقاش إللي بين الكبار ولا يعرفون الموضوع .. لكن واضح
من أشكالهم إنه شيء كبيـر مرهـ ..
الرياجيل يشوفون كيف أبو خالد ماسك نفسه ..
ابو تركي يهدديي الوضع : مالك إلا إللي يرضيك ياعمي بس إنت هد ولا تنفعل ..
أبو سعد : انتم إللي تخلوني انفعل ..
أبو خالد : والله يُبه اهم ماعلينا صحتك ..
أبو سعد وحصلها فرصه : إذا صحيح كلامك ريحني وسوو إللي قلت لك عليه ...
دق موبايل أبو خالد باس راس ابوهـ وقال : بـ الإذن ..
ابو سعد قبل لا يطلع ابو خالد قال : سُلطان ..؟؟
سُلطان لف له وقال : أمرني ..
أبو سعد : لاتنسى المووضووع ..!!
أبو خالد : يصير خير ومشى عنهم ..
الكل يبي يعرف شـ إللي بينهم .. وتارك سُلطان منقلب حاله ..
أم سعود بـ لقافتها : شـ إللي يصير ؟؟
أبو فارس بطبعه الطيب : بس أمور بـ العمل ..
أم سعود سكتت .. شوي إلا يدق موبايل جوهرهـ وكان سُلطان وردت عليه .. ولما
قفلت سلمت على عمها ..
أبو سعد : وين بتروحين ؟؟
أم خالد : عمي سُلطان بيسافر ذا الحين بروح له البيت أضبط شنطته ..
أبو سعد إستغرب : قالي سفرهـ بعد يومين ..!!
أم خالد : أكيد تغير شيء بـ الموضوع . . بـ الإذن .. وطلعت من عندهم ..
البنات مو قادرين ياخذون راحتهم الأولاد فيه ومعاهم راكان وزياد .. وسن وقفت
ومعاهم وتين وهنادي وهديل وريناد وديما وروزان والجوري ..
وسام يناظرهم : وين ؟؟
وسن : بنطلع ..
وسام : اتوقع أبوي متصل فـ أمي مو فيك إنتي ..
بدر : ياليل على الناس إللي يضيقون حالهم بين إثنين ..
وسام : سم ..!!؟
بدر : الله يسلمك أقصد الشله إللي وقفت .. يعني خير يروحون يلصقون لـ خالي
سُلطان ..
ياسر : من جد ناس حشريه ..
وسن : بنطلع لـ بيت خالد والجوري مو لـ بيتنا ..
وسام : يـ الله يعني إذا ماصار التلصق في ابوي وامي راح يكون بـ الجوري وخالد ..
الجوري: أـنا إللي طالبه منهم يجون معاي ..
هنادي : ههههههههههههههه .. لقط لقط ..
وسام : طيب خالد متصل فيني يقول إنه بـ البيت ..{ نصاب }
الجوري : اساساً خالد عندهـ مشوار .. ولو بـ البيت إتصل فيني ..
بدر : لا ماهو خالد مضيع رقمك واتصل في زوجته الثانيه ..
كلهم : ههههههههههههههههههههههههه هههههههه
وسام : سخيف ..
بدر : شـ عرفني عنك .. ثاني مرهـ إذا بتكذب إكذب شيء محبوك مو تقط الكذبه ولا
تدري إن المصدر المكذوب عليه هنا ..
وسام : طيب ..
وتين : ترا مطولينها وإهي قصيرهـ ..!!
الجوري : يلا تعالوا معاي ..
ريناد : خالد يمكن بـ البيت ..؟
بدر خاق المسكين على النعومه والذوق ..
الجوري: لا مو في البيت .. { ناظرت ساعتها وقالت } بعدين خالد مو راجع قبل
ساعتين ..
وسام : أبوك يـ التوقيت ..
بدر : ما شاء الله على أخوك مايمشي إلا يوقت لـ زوجته ..
ياسر : هذا فايدة إللي يتزوج دكتورهـ ..
بدر يسأل الجوري : الإخت دكتورهـ ؟؟ { كأنه مو بـ العائله }
الجوري ناظرته .. هذا من جدهـ مايعرف .. وسن قالت : بدر من جدك ماتعرف ؟؟
بدر : واـنا شـ عرفني .. العائله هذي تخطب فجأهـ وتتزوج فجأهـ وبسرعه ما احد
يتخيلها ولا نلحق نعرف عن العروس شيء إلا جاي لنا زواج إللي بعدهـ ..
الجوري وإهي تضحك : إيوا دكتورهـ ..
هنادي : شوف إذا جالك أولاد لا تروح إلا للجوري ..
بدر : ما شاء الله أطفال بعد .. حلو { صارخ } أـنا أشوف الوسخ خالد كل شوي والثاني
وليد تعبان وليد تعبان ,, واثاري الرجُل طايح له على شيء .. والمكسين وليد يعطون
فيه من هـ الأدويه ليما شوي وينفقع ..
كلهم : ههههههههههههههههههههههههه ههههههههههههههههههههههههه ه
الجوري : لا حرام عليك ..
بدر : ياي .. إنتي وربي لو أشوفك وقبل لا أعرف إنك دكتورهـ قلت هذي مستحيل
تكون دكتورهـ ..
هنادي : ههههههههههههههههههههههه .. النعومه زايدهـ عندها ..
بدر : وينها عنك ..
كلهم : ههههههههههههههههههههههههه
وسام يطقه على كتفه : يـ الأخو .. حدك .. مويعني زوجها موو فيه تقعد تتكلم على
كيفك ..
بدر : ياليل .. ترا ماقلت شيء غلط ... { يكلم الجوري } دكتورهـ الجوري .. يعني
تحبين أقول لك دكتورهـ وإلا الجوري كذا ..؟؟
الجوري في خاطرها من جد هـ الولد خفيف دم قالت : الجوري عادي ..
بدر : لازم الجوري .. يعني ماينفع جوري حاف ..؟؟
الجوري: هههههههههههههه .. شوي شوي إسمي تمسحه ..
بدر: ههههههههههههههه .. ذكيه إسم الله عليك .. طب .. بـ أي مستشفى إنتي ؟
هنادي : هههههههههههههههههههههه .. لسا ماتزوجت عشان تفتح لـ أولادك ملف ..
بدر : ههههههههههه .. قصدك بـ اخذ وليد ولد خالي حبيبي وبـ اطيح عندها يمكن
يحصل لي دكتورهـ كذا وإلا كذا ..
كلهم : ههههههههههههههههههههههههه ه
أم تركي : تبي دكتورهـ ؟؟؟
بدر : ههههههههههههههههههههههههه هه .. عادي ..
أم سعود : إذا تبي دكتورهـ جبت لي بنت ودخلتها طب ..
بدر : هههههههههههههههههههههههه ... ومتى أتزوجها إن شاء الله .. { لف يستهبل
على الجوري } طيب ماعندكم خوات .. شوفي دكتورات مو اي شيء ثاني ..؟؟
الجوري : ماعندي لا دكتورات ولا غيرهـ ..
بدر : اخس يـا خالد ماخذ وحدهـ ماعندها خوات .. والله ياخالد هذا فله ..
وتين : خير إن شاء الله بدر .. جالس اسأله في البنت .. والله لو إنها بتشتغل عندك ..؟
بدر : إي ماعليه زوجت خالد وتشتغل عندي ..
زياد : ترا ليلكم طويل إذا بتسمعون لـ سواليفه ..
ديما تناظر زياد قالت : يعني طردهـ ؟؟
زياد استحى قال : لا مو على كذا .. بس بدر إذا احد عطاهـ وجه خلاص إنسي إنه
ينتهي بـ سرعه ...
بدر : ياخي إسكت شوي .. من زمان ماسولفت مع بنات عائلتي ..
وتين : تبي تسولف تعال واجلس عندنا ..
بدر : والله ؟؟
وتين : يس ...
وسام : واـنا معاهـ ..
ياسر: حلال عليكم وحرام علي ..
وسن : السالفه عزيمه ؟؟
بدر : يـ الله منك .. يعني إلا تخربين .. طيب ماتبين تجلسين لا تجين للعزيمه على
قولتك ..
وتين : أساساً إذا وسن مو فيها مافي عزيمه ..
بدر: هاها .. مو ذنبي إذا إنتم صديقات .. إنسي ..
هنادي: منو بعد بيجي ..؟؟
وسن والجوري ووتين راحوا عند جدهم يسولفون معاهـ ومع عمانهم شوي ..
زياد : والله يـ السحبه عليكم ..
بدر : عاد هذيل شايفات انفسهم ما ادري على إيش ..
ياسر: من جد .. كل وحدهـ تكلمك من غير نفس ..
البنات يسمعون لهم وساكتين ..
وسن متضايقه شوي لإن راكان بـ الجلسه ولإنه ما يناظر فيها إلا لما دخلوا بـ نفس
الوقت .. التقوا فـ بعض وناظرها وناظرته وواضح إنه متغير ولف نظرهـ عنها ..
إهي تحطمت وبقوهـ ..
وسن تساسر الجوري : مو متحمله أـنا واهو بـ مكان واحد ..
الجوري ماعرفت عن شيء لكن واضح من شكلهم إن بينهم شيء كبير قالت : أوكي
بنطلع .. { مشت إهي ووسن ووتين بعد ماسلمواعلى الجد .. الجوري ووتين ووسن
واهم يمرون من بين جلسة البنات والشباب والحريم وعلى أساس متوجهين للباب
بيطلعون قالت الجوري } : بنات يلا .. وسلمت على الحريم وطلعت إهي ووسن
ووتين .. وباقي البنات سلموا على جدهم وطلعوا ..
الماسه تتكلم مع حمد إللي لسا واصل لهم : حبيبي وينها خلود ؟؟
حمد بكل هدوء : بـ البيت ..
الماسه : ليش ماجت لنا ولا زارت جدها ؟؟؟
حمد : تعرفين يايُمه لسا راجعين من السفر .. وحوسه وترتيب وتبي تستقر أول بعدين
تتفضى للزيارات .. { نصاب الترتيب قايمين فيه الخدم .. ولايدري إذا إهي ميته وإلا
عايشه .. من إللي صار بينهم ولا قابلوا بعض }
بدر : بعدي والله .. سلمت إيدين إللي ربتها { يبي يتقرب من خالته }
أم سعود :يعني عاجبتك تربية الماسه ؟.؟؟
بدر بكل ثقه : اكيد .. أحد يحصل نفس تربيتها { كلهم نفس التربيه }
أم سعود : طيب ترا باقي عندها 2 ماتزوجوا .. خذ لك وحدهـ وعش مع تربيتها ..
بدر : والله الكل يحصل له الشرف ..
زياد : قول إن وراك شيء ..
بدر : ههههههههههههههههههههههههه ه .. حرام الواحد يمدح خالته ..؟؟؟
زياد : لا ..
بدر : هههههههههه .. طيب خلاص ..
الماسه : ياحبيبي إنت .. ماعليك منهم ..
بدر : ياقلببي إنتي .. أكيد ماعلي منهم إذا كلامي فيك إنتي ..
الماسه : يالبى قلبك والله .. عمري إنت ..
بدر خق على لسان خالته قال : والله مالوم فهد لما يجلس لك ليل ونهار ..
كلهم : ههههههههههههههههههههههههه هههههههههه
الماسه : ياناس هـ الولد غير .. ياحُبي له ياناس ..
بدر : واـنا أحبك أكثر ..
الماسه : فديتك والله ياروحي ..
بدر شـ أقول بس .. ؟؟ إنتي إللي يجلس معاك يصير ولا شيء ..
أم سعود : أمش .. شـ عندهـ .. ؟؟؟خلاص .. الماسه زوجتك وحدهـ من بناتها ..
الماسه تضحك من قلب قالت : واحد يحصل له نفس بدر ويقول لا ..
بدر : واـنا يحصل لي تكونين أم لـ زوجتي واقول لا ..
أم سعود : ذا الحين الكلام هذا كله .. لـ الماسه وإلا لبنت من بناتها ..؟؟
بدر : لـ خالتي فديتها .. { يلف يدور } وينها جدتي أبوس راسها واشكرها على البنت
إللي جابتها ..
الكل صارخ ..
أم سعود : لا بـ الله إنحرق كرت عزام وحمد ...
الماسه : ياحلوك وبس .. { تقصد بدر }
بدر : ياحلوك إنتي ..
أم سعود : بدر ترا بناتها نفس الإسلوب ..
بدر : أكيد الأم حلوهـ ولسانها عسل وكلها رهيبه .. كيف بيصيرون بناتها ..
الشباب صارخوا ..
ام سعود وإهي تضحك : إسأل حمد ..
حمد يناظرهم قال : شـ دخلني ؟؟ { الولد مفهي }
أم تركي : إنت ماخذ بنتها ؟؟
حمد تذكر وقال : إيوا .. صح خالتي الماسه غير .. كل شييء حلو ..
أم عبدالرحمن : ذا الحين المااسه تشوف حالها ..
الماسه : ههههههههههههههههههههههههه ههه .. ليش أشوف حالي وهذا شيء حقيقي
فيني ..
أم سعود : لا تنفخين نفسك .. ترا ماتجين بـ جنب لسان جوهرهـ ..
الماسه : عاد هذا شيء مستحيل ..
وسام : شـ فيها أمي ..؟؟
أم سعود : إسم الله علينا مافيها شيء .. إلا إنها إهي إللي جايبه راس سُلطان ..
وسام : في هذي صدقتي ..
كلهم : ههههههههههههههههههههههههه هههههههههههههههههههه
أم سعود : هذا إللي ياخذ من بنات الماسه وبنت جوهرهـ ربي رازقه بـ جنه في الدنيا
..
بدر يناظر راكان : اخس عليه إللي عايش جنة الدنيا ..
راكان تبسم له .. وفي خاطرهـ " كلامهم صح .. لسان أم خالد معسول .. ووسن
ماخذهـ هـ الشيء من أمها .. مابعمرهـ طفش ولا ندم على إنه تعذب عشان ياخذها ..
لكن شيء قلب موضوعهم ولا يدري شنو ؟؟ "
أم سعود : عاد رااكان حاله خاصه ..
راكان ضحك وقال : لا حاله خاصه ولا حاقه ..
أم سعود : شـ عندهـ المصري ..؟؟
بدر : هههههههههههههه .. الحب يقلب الواحد لـ مصري ..
كلهم : ههههههههههههههههههههههههه ههه
في جناح أبو خالد كانت جوهرهـ تضبط اغراض أبو خالد .. وابو خالد يرتب أووراق
ويتأكد إذا مو ناقص شيء .. قفل شنطة العمل وجا لها وإهي كانت ترتب أخر
الأغراض .. لما إنتهت قفلت الشنطه .. وقالت وإهي تتبسم : إنتهينا ..
ناظرها كيف تتبسم وتبسم لها قال : الله يريحك مثل ماريحتيني ..
جوهرهـ وإهي ترفع إيدينها : وياك يارب .. { لفت له قالت } بطول هناك ؟؟
أبو خالد : أسبوع إحتمال ..
جوهرهـ : إذا إنت قلت أسبوع راح أتأكد إنها أسبوعين ..
أبو خالد : هههههههههههههههه .. لا بحاول إنهي اشغالي كلها بـ اسبوع ..
جوهرهـ : متى طيرانك بـ الـ ضبط ؟؟
ناظر ساعته وقال : بعد ساعه .. نزل الشنطه وجوهرهـ شايله شنطة العمل .. ووصل
للباب إللي يطل للحوش .. طلع الشنطه عند الباب عشان يجي السايق ياخذها .. ورجع
لـ جوهرهـ .. حصلها واقفه وتكلم وحدهـ من الخدامات .. لما شافته جاي رجعت له ..
وخذا الشنطه منها وقال : لا أوصيك على أمي وابوي ..
أم خالد : لا تشيل هم .. كأنك إنت إللي موجود ..
أبو خالد : متأكد إن مافي فرق بيني وبينك ..
أم خالد : هههههههههههههه .. شناوي عليه ..؟؟
أبو خالد : هههههههههههههههه .. { حست إن ضحكته من غير نفس }
جوهرهـ وإهي تمشي معاهـ قالت : فيك شيء ؟؟
أبو خالد ناظرها وقال : تعرفين مشاكل العمل ماتنتهي .. وسفري جا فجأهـ ..
جوهرهـ : ربي يعينك ويوفقك ..
ابوخالد : آمين ..
جوهرهـ وإهي تتبسم : ويرجعك بـ السلامه ..
أبو خالد يرد لها الإبتسامه : إن شاء الله ..
جوهرهـ وإهي تفتح الباب : يلا الطيارهـ تنتظرك ..
أبو خالد : هههههههههههههههههههههه .. سلم عليها وقال : مع السلامه ..
جوهرهـ وإهي تتبسم له : ربي يحفظك .. شافته واهو يمشي للسايق إللي ينتظرهـ ..
تحس روحها بتطلع مع كل سفر له .. تفقدهـ بشكل مو طبيعي .. إرتاحت شوي إنو ما
راح يطول نفس كل سفر له .. رجعت لـ غرفتها وجلست شوي .. تهدي من حزنها
لـ سفرهـ ..
الجــزء >> 22 <<
نهاية الأسبوع جا لهم سعد واهله كلهم .. زوجته وبناته ونايف ولدهـ .. وكان عزيمته
في بيت أبو تركي والكل موجود عدأ سُلطان إللي مسافر .. خلود كانت في نفس اليوم
زايرهـ أهلها وجت معاهم للعزيمه .. يعني ماجت مع حمد .. طبعاً هذا يوم الأربعاء ..
ويوم الجمعه راح يرجع سعد للرياض مع أهله ..
عدأ شهر واسبوعين على أبطالنا .. حمد وخلود نفس الوضع مايقابلون بعض ..
سُلطان رجع من السفر .. وطلع أبوهم من المستشفى من أسبوع .. وعملوا عزيمه
كبيرهـ شوي .. وونهاية الأسبوع كان الجمعه في بيت أبو راشد وكانوا الرياجيل
مجتمعين بـ المجلس كلهم والشباب ,,والأسبوع إللي بعدهـ زواج سعود وهديل ..
أبو سعد بعد مارجع من عند الحريم والبنات .. يعني بعد ماسلم عليهم .. قال : ما شاء
الله على البنات كبروا ..
أبو خالد : الله يحفظهم لنا ..
كلهم : آمين ..
بدر : جدي الله يهديك .. توك تشوف البنات .. ترا من زمان واهن كبرانات { هـ الولد
أهبل من جد }
أبو سعد : هذا عشان كل واحد يشوف نفسه ويشوف نصيبه ..
أبو فارس : مابقى كثير يُبه .. فارس وفيصل وخالد وحمد خلاص كلهم تزوجوا ..
وسعود الأسبوع الجاي إن شاءالله ..
ابوسعد : كلهم كبار .. ولازم يشوفون نصيبهم .. { ناظر سُلطان وقال } شـ سويت بـ
الموضوع .؟؟؟
سُلطان إللي ماتوقع السؤال كلش .. اساساً كان ناسي الموضوع قال : يُبه الله يحفظك
لنا والله مالها داعي .. ولا آبي وإللي عندنا الحمدلله ...
أبو سعد : بس أـنا آبي ..
أبو خالد : يُبه ....
أبو سعد يقاطعه : أـنا ماعندي غير هـ الكلام .. تبي تضايقني ياسُلطان ؟؟؟
الشباب مايدرون شـ السالفه ..!!
سُلطان : ما أحد يقدر يضايقك ..
أبو سعد : أجل توكل على الله ..
أبو فارس : يُبه أـنا قريب راح ....
أبو سعد يقاطعه : أـنا ضامنك إنت .. لإنك ماشي على هـ الشيء من زمان .. ولا
وقفت على شيء واحد .. بس أـنا آبي سُلطان يستعجل ..
سُلطان اول مرهـ ينغصب على موضوع قال : يُبه والله مايصير ..
أبو سعد : كلامي ماهو مسموع لك ؟؟
سُلطان : محشوم . . لكن أـنا ما آبي .. يُبه إفهمني ..
أبو سعود : ياعمي لا تضغط عليه ..
أبو سعد : إيه عشانكم كبرتوا وزوجتوا عيالكم خلاص صار كلامي ماينسمع .. مالي
خاطر عندكم .. شيء اتمناهـ يكوون لكم وشيء ماهو صعب وانتم ماتبون .. هذي
أخرتها ياعيالي ..؟؟!!
سُلطان : يصير خير يُبه ..
أبو سعد بقوهـ : ما بي يصير خير .. آبي كلامي يصير .. { يعرف إن أبو خالد إذا قال
يصير خير يعني الموضوع مطول عندهـ }
المجلس هدوء ... أبو خالد سكت شوي وقال : مالك إلا إللي يرضيك ..
أبو سعد : يابوي هذا لـ مصلحتكم .. وآبيك تستعجل بـ الموضوع ..
سُلطان يحس إنه مُقيد قال : إن شاء الله .. ننتهي من زواج سعود ونشوف فواز
وبعدين يحلها إن شاء الله ..
أبو سعد : ولليش مايكون إنت قبل فواز ..؟؟
أبو خالد لولا الخوف من الله وإحترامه لـ ابوهـ كان نط في بطنه قال : يُبه فواز أحق ..
وبعدين أـنا بعدهـ ..
الرياجيل يشوفون كيف سُلطان مغصوب على موضوع وهذا أول مرهـ في حياته كلها
..
ابو سعد : الله يبارك لي فيكم ..
أبو خالد سكت ...
الشباب مستغربين شنو الموضوع ؟؟؟
أبو سعد يشوف التسألات على وجيه الأولاد قال : سُلطان يبي يتزوج ...
الشباب الصدمه واضحه على وجيههم .. وأكثر شيء أولاد سُلطان .. "خالد , حاتم ,
وسام" أمهم مابعمرها قصرت معاهـ وإللي واضح على ابوهم وامهم إنهم عاايشين
مبسطوين ولا يفكرون في غير بعض . . شـ إللي قلب الشيء هذا ..
وسام : طيب أبوي متزوج !!
أبو سعد : والشرع محلل أربع ..
وسام : محلل أربع إذا صارت زوجته فيها شيء .. وأمي الحمدلله مافيها شيء ..
أبو سعد : بس أبوك إلا يصير له غيركم يـ الأربعه ..
وسام : قلتها أربعه .. يعني الحمدلله .. شيبي أكثر من كذا ؟؟ وأمي ماقصرت ..
أبو سعد : أمك بعدك إنت ووسن ماتجيب أحد .. وأبوك إلا يتزوج يجي له عيال ..
الشباب مقهورين من جد . . حاتم وخالد ماسكين نفسهم غصب .. وسام شوي
ويصارخ من القهر قال : بس عندهـ أـنا وخالد وحاتم ووليد ووسن .. يعني خلاص ..
أبو سعد : شيء إنت ماتعرفه لاتتكلم فيه ..
وسام وصل حدهـ : إلا بـ أتكلم .. أمي إللي بيجي عليها وحدهـ مو وحدهـ ماتعني لي
شيء ..
أبو سعد : أـنا طلبت منهم كلهم وإللي يبي رضاي بيسوي هـ الشيء ؟؟
وسام : ولا في غير أبوي .. ؟؟
أبو سعد : الباقين طلبت وكيفهم ...
وسام وصلت معاهـ ولا مهمه أحد قال : ياسلام وامي إللي تطيح فيها .. وإلا عماتي لا
.. يعني عشان أمي ماهي بنتك وعماتي بناتك وخايف على مصلحتهم ..
كلام وسام صحيح ووقوي مرهـ ..
أبو خالد عصب : وسام ..
وسام : والله ظلم .. وطلع من المجلس كله ..
أبو سعد : يابوك إتركه .. مردهـ يكبر ويفهم ..
الشباب في خاطرهم شيفهم .. ؟؟ هذا دمار بيت ..
خالد : ومتى الزواج إن شاء الله ؟؟
أبو خالد : مابعد صار شيء .. ولا خطبت ..
أبو سعد : بيصير إن شاء الله ..{ ملزم الشايب }
خالد : وعمي عبدالله لايكون الرابعه بعد ؟؟
أبو فارس واهو يضحك : الحمدلله أـنا من قبل وأـنا حاط لي 3 والرابعه واصله إن
شاء الله ..
أبو راشد : ترا أـنا طالع من الموضوع ..
أبو تركي : أـنا نفس الشيء ..
أبوسعود : عمي كلامه لـ أولادهـ مو أزواج بناته ..
الشباب يناظرون .. يعني إللي كلاها من جد جوهرهـ ..
بدر يستهبل واهو مرعوب من داخله من أوامر جدهـ إللي ماطلعت إلا بعد العمليه :
طيب الشباب مالهم 2 وإلا 3 يعني نفس كلامككم الشرع واربع ..؟؟
خالد : والله الكل يحمد ربه على وحدهـ .. ليش يجمع في الحريم ..؟
تركي : وإذا ما اعجبتني ما اجيب وحدهـ ثانيه عليها ؟؟
خالد : إذا مو عاجبتك ليش تاخذها اساساً ..؟؟
تركي : طيب .. مثلاً إنصدمت فيها بعد الزواج ..
خالد : والله إنت إللي تختار بـ نفسك .. يعني هذا راجع لـ إختيارك .. مو راجع للبنت
المكسينه إللي كل شوي والثاني الشرع محلل أربع ..
فارس : بس من جد الشرع محلل أربع ..
خالد : هذا بـ النسبه لكم ..
فيصل : وبـ النسبه لك إنت ..؟
خالد : الواحد مايختار إلا واهو متأكد من إختيارهـ سوأ مريضه وإلا لا .. مو أمك وإلا
الغير إللي يختار لك وإنت بعد الزواج تجي وتظلم البنت ..
بدر : لا تحاولون مع هذا ..
ياسر: لإن كلامه مُقنع ..
بعد العشاء كل واحد رجع لـ بيته .. وإلا سُلطان يقول لـ جوهرهـ وإلا يوصل لها
الخبر من برا واهو مايبي يوصل لها الخبر من برا .. دخل الجناح وحصل جوهرهـ
مبدله ملابسها وجالسه تقرأ لها شيء بـ موبايلها .. شافته وقامت له وسلمت عليه
وجلسوا يسولفون ..
في بيت حمد .. كان جالس بـ الصاله إللي فوق مشغل التي في ونظرهـ عليه لكن
تفكيرهـ في خلود واهو متأكد إنها راجعه للبيت من زمان .. صار لـ زواجهم 3 شهور
وأسبوعين واهم على هـ الحاله .. أول شهر خنايق من جد .. ولما رجعوا من شهر
العسل وقرب منها المرهـ الأولى والأخيرهـ واهم مثل الأغراب .. يذكر إنه مايشوفها
إلا مرهـ كل أسبوع هذا إذا صار كويس .. يعني مرهـ كل فترهـ .. إهي بجناحها واهو
بجناحه ويطلع وقت الدوام وحلو إن عندهم أصحاب وإستراحه يجلس فيها وإلا كان
من زمان ميت من الوحدهـ إللي يحسها بهـ البيت .. قبل فـ بيت أهله على طول يجتمع
مع أهله .. على طول يجلسون سوأ .. ياكلون سوأ .. صحيح وتين ماتنشاف وعلى
طول جالسه عند وسن لكن تعتبر بجنب خلود ولا شيء .. يعني وتين ارحم بمليون
مرهـ .. من يطلع من الدوام يرجع للبيت ويتغدأ بروحه ويرجع يطلع للدوام مرهـ ثانيه
.. ولا يرجع لإنه يتعشا برا البيت بـ أي مكان لكن بعيد عن أهله كلهم عشان ما احد
يعرف وضعهم .. ويطلع للإستراحه يجلس فيها إلـى الساعه 12 وشوي وبعدها يرجع
لللبيت ينام .. وحلو إن خلود ماتطلع لـ أهلها إلا كل خميس عشان تطلع معاهم للي
عندهـ الجمعه ولا يجون مع بعض لإنو مستحيل إهي تركب معاهـ وإلا اهو ياخذها
معاهـ .. هذا إللي يعرفه عن خلود لإنه مايدري عنها باقي الأيام إلا يوم الخميس
مايدري إذا تاكل وإلا لا .. مايدري إذا تطلع مجمعات وإلا لا .. بس اهو متأكد إنها
ماراح تموت من شيء .. إهي تعرف مصلحتها عدل .. ولا يبي يسأل عنها نهائياً ..
حس بـ صوت مشي .. رفع نظرهـ .. ونظراته كانت بنظرات خلود إللي جايه تمشي
من تحت للدور الثاني وكانت كاشخه من جد .. لابسه تيور جينز للركبه وجزمه ربط
.. وبدي أبيض .. وتاركه شعرها على أكتافها وطالع شكلها روعه ..
زمااااااااااااااااااااااا ااااااااااان ماشافها .. في بيت واحد ولا يتقابلون .. متزوجين وكل
واحد بـ جناحه .. وقفت تناظرهـ .. توقعت إنه بـ الإستراحه إلـى الأن .. اهو كان
جالس ويناظرها .. كيف ملامحها حلوهـ .. كيف اليوم صايرهـ أحلى من أول .. " هذا
عشانه من زمان ماشافها " .. ومغيرهـ لون شعرها .. كله لون بني فاتح من غير
تخصيل .. متى غيرت مايدري .. اهو يتذكر كان في خصل ثلجي ..
خلود بـ إرتباك : ماعرفت إنك هنا ..
حمد كان ساكت ويناظر بس وبعد ماسمع صوتها تتكلم .. أشتاق للقوهـ إللي بـ صوتها
قال : جيت من شوي .. { قال يبي يعرف لا يكون أحد يعرف عن وضعهم } مع منو
جيتي ؟؟
خلود : السايق ..
3 شهور وأسبوعين وحالهم مو حال متزوجين ولا حال أصدقا ولا حال أي إثنين
عاقلين .. ريحة عطرهـ تنعشها .. تحس إنها عايشه بدنيا حلوهـ .. كل هذا سحر
عطرهـ ..
خلود واقفه .. حمد بـ النسبه لها متغير عن أول .. في شيء غريب .. تحاول تركز
تشوف .. واضح إنه ولا يمر بمشاكل .. يعني الولد عايش حياته .. لكن من داخله
يتقطع .. ما أحد يرضى بـ علاقتهم .. لاعدو ولا صديق ..
خلود : أمي تسسلم عليك ..
حمد : ربي يسلمها .. بروح لها بكرهـ إن شاء الله ..
خلود تبي تريحه عشان مايكذب بـ شيء بكرهـ عند أمها وإهي قايله شيء ثاني قالت :
آمممم ....
إستغرب البنت مترددهـ .. قال : شـ فيه ؟؟
خلود : إذا رحت لـ أمي بكرهـ .. ترا اهم لما يسألون عن وضعنا أقول الحمدلله
مرتاحين .. وتسألوا ليش مايجي ياخذك .. قلت لهم اهو يكون مشغول والسايق موجود
.. لكن مع هذا يحسون إن فيه شيء ..
حمد مستغرب كلامها قال : يعني ؟؟
خلود : بكرهـ إذا كنت بـ تروح لها حدد لي الوقت وراح أجي مع السايق لـ بيت أهلي
وإنت تجي على سيارتك وندخل سوأ ..
حمد يصدق الكلام إللي يسمعه منها وإلا يكذبه ..!! هذي من جدها ..؟؟ حتى ماتبي
تركب معاهـ لـ مشوار واحد والمشكله البيوت قريبه من بعض .. يعني بيسوون
هـ الشيء عند أهلهم بس .. هذي من جد عايفته مو كارهته وبس .. شـ يسوي بـ
عمرهـ .. يطلقها مايقدر .. يتزوج عليها مايقدر .. اساساً نفسه كارهه الزواج بعد
زواجه منها .. يبي يرتاح من خلود كلها .. هذي إللي أصغر منه بـ 4 سنوات مكرهته
في كل شيء .. ماصار يطيق حاله .. يحس إنها عرفت تقلب كيانه كله .. وإذا بيستمر
معاها زود على هـ الحال .. الموت ارحم له .. كل خلق الله تتزوج عشان ترتاح واهو
العذاب والنكد معاهـ طول العمر .. لاتهنى في ملكه ولا زواج .. شـ يسوي بـ عمرهـ ..
مايدري شـ سبب كرهها له .. شـ إللي قلب كيانها كله .. قبل متقبلته وذا الحين عايفته
.. اهو مابعمرهـ تكلم عليها بـ شيء .. تاركها بـ كيفها .. ليما فجأهـ إنفجرت بـ وجهه ..
تحب أحد ثاني مايدري .. لكن لو تحب أحد ثاني ما وافقت عليه لما خطبها .. وكانوا
يقولون إن خلود مبسوطه وتقول خذيت حمد .. خذيت إللي تمنيته وتمناني .. ما آبي
غيرهـ شيء .. يبي يصرخ بوجهها .. هذا صحيح ..؟؟ في حياتها أحد غيرهـ .؟؟؟ شـ
إللي وصلها للوضع هذا إنها تعيفه ولا تتقبله كلش ؟؟ قام من مكانه ومر من جنبها
وقال واهو واقف يناظرها وريحة عطرهـ تحييها من جديد : بكرهـ تذكرت عندي
موعد مهم .. إتركيها وقت ثاني .. ومشى عنها لـ جناحه .. وإهي متخدرهـ مكانها من
ريحة عطرهـ وقُربه منها .. هـ الولد بيجننها .. يمر من ببجنبها ويقرب لها ويعذبها
زود ويمشي تاركها تدور أي تصرف منه يهديها .. يهدي مشاعرها إللي تفجرت داخلها
من قُربه منها ..
حمد واهو جالس على الكرسي إللي بـ غرفته كذب عليها.. ماعندهـ موعد بكرهـ ..
مايبي يروح لـ خالته إذا السالفه عندها وصلت للشيء هذا إنهم يروحون لـ نفس
المشوار وكل واحد بـ سيارهـ .. يحس حاله مخنوق وبقوهـ .. خذا مفتاح سيارته وطلع
من جناحه وحمد ربه إنها دخلت لـ جناحها وإلا كان شافته واهو بهـ الحاله .. حرك
السيارهـ للإستراحه ... يبي يرتاح فيها .. يبي يبعد عن بيت يجمعه فيها .. عايفته ..
شيبي فيها .. ؟؟؟ ليش متمسك فيها إلـى ذا الحين .. ؟؟؟ خالته مو عذر .. يقدر يوضح
لها أفعال بنتها وينتهي الموضوع .. شوي وينهبل .. شـ يبي فيها .. ؟؟
بجناح سُلطان كانوا يسولفون .. طبعاً أبو خالد صريح مرهـ مع جوهرهـ يعني مابينهم
حواجز في كل شيء ..
سُلطان واهو يناظر بعيد قال : في شيء مهم بقوله لك ..
جوهرهـ حاسه إنو سُلطان من وقت واهو مو طبيعي قالت : آمرني ..
سُلطان ناظر فيها قال : مايامر عليك عدو .. أبوي .. طالب مني أتزوج ..
جوهرهـ هذا الشييء إللي ماتوقعته .. توقعت كل شيء إلا هـ الخبر .. مو خبر إلا
مصيبه بـ النسبه لها .. تحاول تصدق قالت : يعني كيف ؟؟؟ { تنحت الحرمه }
سُلطان واهو يمسك إيدها قال : أبوي مو طالب وبس .. يقول إذا تبي رضاي تزوج ..
جوهرهـ وإهي مقهورهـ لكن ماوضحت له .. ماتبي تبكي عندهـ قالت : أ.. { ضبطت
صوتها } أـنا قصرت معاك بـ شيء ؟؟
سُلطان : لو بحلف لك .. مافي مثلك إثنين بهـ الدنيا .. مستحيل أحد يحصل مثلك ..
إنتي غير كل خلق الله ..
جوهرهـ وعيونها مدمعه : طيب .. ليش ؟؟
سُلطان : لو علي مافكرت في غيرك .. لكن أبوي .. أبوي ياجوهرهـ .. شـ اسوي ..
إذا مو متحمله زواجي ما راح أتزوج ..!!
جوهرهـ : وعمي ؟؟
سُلطان : إنتي المهم .. إنتي إللي بتتضررين مو أبوي ولا أـنا ..
جوهرهـ : طيب ليش عمي يبيك تتزوج ؟؟
سُلطان واهو يضغط على إيدها : يبي يجي لي اولاد ..
جوهرهـ شوي وتنهبل : وخالد وحاتم ووسام وليد ووسن .. وينهم هذيل .. يعني مو
أولادك ؟؟
سُلطان : أبوي يبي يجي لي أكثر من كذا ..
جوهرهـ سكتت .. ماتدري شـ تقول .. .؟؟ إذا قالت لاتتزوج راح يغضب أبو زوجها
من زوجها وهذا مايهون عليها .. وإذا قالت تزوج يعني بيجي له أولاد من غيرها يعني
ممكن يروح للجديدهـ ويتركها .. وبكذا تصير دمرت بيتها بـ نفسها .. قامت من
الكرسي تبي تبعد شوي من نظراته .. تبي تبكي براحتها عشان ماتضيق عليه ..
م***ا من إيدها وقال : وين ؟؟
جوهرهـ وإهي عاطيته جنبها ولافه وجهها بعيد عنه يعني مايشوف وجهها قالت : مو
بعيد ..
سُلطان بكل آلم : بس أـنا آبيك معاي ذا الحين ..
جوهرهـ لفت له وجهها وإنفجرت بكا .. خذاها بـ حضنه .. مايدري يهدي فيها وإلا في
حاله .. جوهرهـ تبعد عنه قالت وإهي تمسح دموعها : إسمع كلام عمي ..
فتح عيونه .. هذي من جدها أتزوج عليها .. مستحيل .. ما اقدر أتقبل غيرها .. قال :
إنتي صاحيه ..؟؟
جوهرهـ : مو الموضوع يخصني أـنا .؟؟
سُلطان واهو يحضنها ويشد عليها : أـنا وإنتي واحد ..
جوهرهـ وإهي بـ حضنه : تزوج وارضي عمي ..
سُلطان يحاول يخفف : من هنا لـ وقت مانحصل لـ فواز زوجه إن شاء الله أبوي تغير
كلامه ..
جوهرهـ سكتت .. تتمنى عمها يتغير كلامه .. إهي من بعد وسام ووسن ماقدرت تحمل
لإنها كل ماتحمل .. الحممل مايستمر ويصير لها إجهاض .. والدكتور قايل لها مافي
أمل لـ حملها .. وسُلطان من وقتها يقول : 3 أولاد وبنت شـ آبي أكثر من كذا ..
الحمدلله .. وإهي مقتنعه بـ كلامه .. وقبل 6 سنوات ويغصبه أبوهـ يتزوج أم وليد
وتزوجها وطلق وجابت وليد .. واهو خذا وليد والأم تزوجت وتوفت إهي وزوجها ..
والمرهـ هذي إلا غصب يتزوج .. إهي بين احضانه وتحاول تمسك دموعها لـ وقتها
من جد .. ذا الحين على إيش تبكي مجرد فكرهـ .. متى ما صارت حقيقه تنزل دموعها
على كيفها .. ماتبي توجع راسها بـ شيء ماصار وممكن يتغير بين دقيقتين ..
كملوا ليلتهم .. قالها إن أبوهـ طلب منهم كلهم .. ومايدري إذا أزواج خواته راح
يتزوجون وإلا لا .. لكن الأكيد أخوهـ عبدالله راح يتزوج .. اساساً ابو سعد ماهمه بـ
الموضوع إلا سُلطان ..
دخل للإستراحه وحصل حاتم جالس إستغرب قال : خير ؟؟
حمد : ولا شيء ..
حاتم عرف إن فيه شيء بينهم وإلا كان ماجا للإستراحه ..
حمد : إنت ليش جالس إلى ذا الحين ؟؟
حاتم : ما آبي أرجع للبيت ذا الحين ..
حمد : وسام وين ؟؟؟
حاتم : داخل ..
حمد إستغرب قال : بـ الغرفه ؟؟
حاتم : إيوا .. جالس يكلم ..
حمد عارف إن سبب حاتم إللي تاركه بـ الإستراحه اهو زواج أبوهـ على أمه ..
ولايبي يوضح لـ أحد .. حمد جلس بعيد شوي عن حاتم لكن بـ نفس الجلسه .. وكل
واحد يفكر .. حاتم في زواج أبوهـ على أمه .. وحمد في خلود وكرهها له .. بعد ربع
ساعه طلع لهم وسام واهو يسمع لـ أغنية محمد عبدهـ "جرح المودهـ"
وكان المقطع ..
أول الليل اهوجس واخر الليل انوحي
حاتم من قلب قال : إي والله { خاش جو مع المقطع وقال كذا من غير لا ينتبه }
وسام : ههههههههههه .. يحب الأخو ؟؟
حاتم ناظرهـ وتبسم وقال : الله لايقوله ..
وسام : لو ماتحب كان مافكرت تقول كذا .. وخصوصاً بهـ المقطع .. !!
حاتم : ههههههههههههههههههههههه .. أساساً الأغنيه كلها تعجبني وخصوصاً هـ
المقطع ..
وسام : إي ماهو عشانك عاشق تحب هـ المقطع ..
حمد : لا إنسى إنو حاتم يعشق ..
وسام : ليش ماله قلب ..؟؟
حمد : صعب تتخيل إنو حاتم يعشق .. وإلا حتى يفكر يحب .. ما ادري صعب تدخخل
مزاجي ..
وسام : اهو نفس تفكيري لكن أقول إلا ممكن يعشق ..
حمد : إستبعد هـ الشيء ..
وسام : أوكي بـ اشوف راي الشباب نفسنا وإلا لا ..
حاتم : لا ياشيخ إنت واهو .. يعني على كيفكم السالفه إذا اعشق وإلا لا ..؟؟
وسام : مو من قبل كنت مستصعب الموضوع .. لكن ذا الحين وبعد كلامك عن المقطع
تأكدت إنك تعشق ..
حاتم : ردد ياليل ما أطولك ..
وسام : ليش شـ فيك غير عن باقي الشباب .. هذا اهم واحد ورا الثاني ..
حاتم : والله كيفهم ..
حمد : مو قلت لك إستبعد ..
وسام : نشوف ..
حمد : شوف حاتم يعرف يتمكن من حاله .. يعني يعرف يضبط مشاعرهـ ومستحيل
يسلمها لـ أحد .. ومثبت حاله على علاقه عاديه ..
وسام : يعني ؟؟
حمد : إيوا ..
حاتم : قولوا إللي تبون ..
وسام : نشوف بكرهـ إن شاء الله ..
وسام واهو يوقف : بروح للبيت .. حمد ماعندك زوجه وبيت ؟؟
حمد تبسم له وقال : إلا بس اليوم دور الإستراحه ..
وسام : ههههههههههههههههههه .. أجل شغال الشرع محلل أربع وسالفة العدل مم***
معاك هـ اليومين ..؟؟ ههههههههههههههههههههههههه
حمد وحاتم إللي ضحكوا من قلب ..
حمد واهو باقي يضحك : ههههههههههههههههههه .. مرهـ ما*** معاي هـ اليومين ..
وسام : ههههههههههههههه .. طيب إنتبه لاتمسك مع جدي يزوجك عشان يشوف
أولادك ماهو إللي عندهم 4 أولاد ما اعجبهم مو عاد إنت من 3 شهور متزوج ولا في
خبر ..
حمد وحاتم : ههههههههههههههههههههههههه ههههههههههههههههه
حمد واهو يضحك : من جد الواحد يخاف منهم ..
وسام : إنتبه .. حاتم مو رايح ؟؟
حاتم : جالس شوي ..
وسام : أجل باي ..
حمد وحاتم : باي .. وطلع وسام من عندهم ..
جلس حاتم يقلب من قناهـ لـ قناهـ ولا عاجبه شيء .. وحمد جالس يناظر واهو
تفكيرهـ ماهو معاهـ ..
" طيب إذا دفعت لك مبلغ كبير مرهـ راح تتزوج ؟؟ "
أبو سعود : هههههههههههههههههه .. يعني تشترين جلوسي من غير زواج بـ فلوس
..؟؟
أم سعود : والله ما آبي اخرب بيتي على حساب طلبات ابوي .. صحيح أبوي على
عيني وراسي لكن مسألة إنه يخرب بيتنا .. سوري .. أـنا وقتها أقول لا ..
أبوسعود تضايق قال : تصدقين إللي مضايقني بـ الموضوع إن عمي مسكت معاهـ
على سُلطان بـ الذات .. يبي له اولاد غير إللي عندهـ ..
أم سعود : يرفض ..
أبو سعود : وإذا كان الخيار إللي مطروح لـ سُلطان يسمع كلام عمي ويتزوج وإلا
عمي يغضب عليه ..
أم سعود إنصدمت قالت : مستحيل أبوي يقول كذا ..
أبو سعود : قال وخلص ..
أم سعود : طيب شـ قال ؟؟
أبو سعود : والله إن عبدالله قال إتترك سُلطان وأـنا إللي بـ اتزوج .. قال لا إنت
متعودين عليك وكل شوي والثاني طالع بـ وحدهـ .. سُلطان إللي آبيه يتزوج ..
أم سعود : شـ قال سُلطان ؟؟
أبو سعود : في الأول كان رافض على أساس إن عمي يقتنع ولما سافر ورجع حسبالنا
إن عمي نسى فعلاً وإلا غير كلامه .. لكن إنصدمنا على العشاء لما قال
شـ سويت بـ الموضوع ..؟؟
أم سعود : طيب .. شـ قال ؟؟
أبو سعود : لما شاف إن عمي مصمم على كلامه ولا يبي نقاش فيه قال إللي تبيه
يصير ..
أم سعود إنصدمت : وشهوووو .. يعني وافق يتزوج على زوجته ؟؟؟؟؟؟؟
أبو سعود واهو متضايق من جد لـ حالة سلُطان : ربي يعينه اهو وزوجته ..
أم سعود : الله يكون بـ عونها جوهرهـ ..
أبو سعود : إللي بيضيع فيها جوهرهـ .. لو تشوفين أشكال الشباب لما عرفوا ..!
أم سعود فاتحه عيونها على الأخر : عرفوا بعد ؟؟
أبو سعود : عمي إللي بلغهم وبكل وناسه بعد ..
أم سعود : شـ قالوا خالد وحاتم ووسام ؟؟
أبو سعود : وسام إللي تكلم ولا إهتم في أحد .. لا كبير ولا صغير .. لا جدهـ ولا
سُلطان ..
أم سعود : أعرف إن خالد وحاتم متضايقين لكن عشانه جدهم ساكتين غصب ..
أبو سعود : واضح عليهم .. حتى ماجلسوا كثير ..ولا كانوا يسولفون بعد ..
أم سعود : ياقلبي عليهم .. وسُلطان ؟؟
أبو سعود : ممشي الموضوع عادي . . لكن أكيد إنه من داخله محروق .. تعرفين
أخوك ما أحد يعرف شـ إللي عندهـ ..
أم سعود : الله يعينهم من جد ..
أبو سعود : عاد عمي قال إنتم ياناصر وصالح وفهد تزوجوا ..
أم سعود : أـنا قلت أدفع لك ..
ابو سعود وكأنه جاد : كم ؟؟
أم سعود ماتوقعتت زوجها للدرجه هذي : شيك عليه توقيعي وبـ إسمك وإنت إللي
تكتب المبلغ إللي تبيه ..
أبو سعود : واـنا ما آبي غيرك أحد ..
أم سعود : ههههههههههههه .. تصدق أقول الرجُل قلب مصري شـ عندهـ ..؟؟
أبو سعود : ههههههههههههههههههههههههه ههههههه ..
أم سعود وإهي خايفه : بـ تسويها ؟؟
أبو سعود : مجنون أـنا .. ماسويتها وأـنا بـ أول عمري .. اسويها ذا الحين ..
أم سعود : ياقلبي إنت ..
أبو سعود : والله إنتي إللي كل شيء بـ النسبه لي .. وإبتدأ مشوار المتزوجين ~_^
أم راشد كانت تسمع السالفه من فهد ..
الماسه وعيونها مدمعه : ياقلبي عليك ياسُلطان ..
فهد : من جد الله يعينه ..
الماسه وإهي تبكي : وربي حرام سُلطان يتعبونه كذا .. اهو ناقص العمل من جهه
وسواليف الزواج من جهه ثانيه .. سُلطان مايبي غير جوهرهـ .. اساساً مايتقبل غيرها
... ليش أبوي يسوي كذا .؟؟
فهد : يلا ياقلبي .. عاد عمي حكم وخلاص علينا التنفيذ .. وإللي ربي كاتبه بيصير ..
سوأ زواج وإلا مافي ..
الماسه وإهي تمسح دموعها لكن تنزل قالت : من جد ..
فهد : إنتي كذا .. اجل جوهرهـ كيف ذا الحين .؟؟
الماسه وإهي تبكي زود : عرفت عنن الخبر ؟؟
فهد : أكيد سُلطان خبرها ..
الماسه : ياحياتي عليها .. ذا الحين أكيد مقهورهـ .. ورببيي ما آلومها ..
فهد : حبيبتي خلاص لا تقلبينها بكا ونكد .. وربي يعينهم ..
الماسه وإهي تمسح دموعها : آمين يارب ..
حاتم : ترا يمدحون فوزيه الدريع ..!!
حمد واهو يضحك ويرمي عليه مفتاح السيارهـ قال : شـ قالوا لك غرقان فـ الحب
وحبيبتي ماهي عاطيتني وجه .. وإلا اهلها مو راضيني يزوجنا لـ بعض ..؟؟
حاتم : ههههههههههههههههههههههه ,, إسأل حالك .. كل من تزوج وصار بينه وبين
زوجته أي مشكله أول مكان يتوجهون له ويجلسون فيه الإستراحه .. إنت وفيصل
وفارس وعزام والبقيه بـ الطريق ..
حمد : ههههههههههههههههههههههههه ه .. ويمدحونها للي يحبون ومابعدوا تزوجوا ..!!
حاتم : هههههههههههههههههههههه .. اكيد تقصد حالك ..
حمد : ههههههههه .. الحمدلله متزوج وخالص ..
حاتم : الإستراحه ماتستقبل إلا المشاكل الزوجيه ..
حمد : الواحد يتزوج عشان يرتاح والراحه بـ وادي واهو بـ وادي ..
حاتم : يارجُل كل خلق الله على هـ الحال .. مشاكل شيء طبيعي بـ الحياة الزوجيه ..
ولا تنسى ماصار لكم أكثثر من 4 شهور متزوجين ومابعد فهمتوا بعض .. والمشاكل
الزوجيه معروف تجي بـ اول الزواج لإنكم تجهلون بعض ..
حمد : أخس عليه .. والله إنك تغطي على فوزيه الدريع وعلى بدر صالح ..
حاتم : ههههههههههههههههههههههههه هه .. عاد بدر حاله خاصه ..
حمد : ههههههههههههههههههههههههه .. من جد .. { تكلم بـ حزن شوي } حاتم ..
حاتم ناظرهـ وقال : هلا ..
حمد : ما آبي أحد يعرف إني نايم هنا ..
حاتم : بتنام هنا ؟؟
حمد : إيوا ..
حاتم يستهبل : ربي عاطيك بيت شـ كبرهـ .. نام بـ الحديقه ..
حمد : الدنيا بـ وسعها ضايقه فيني ..
حاتم : أـفأ .. حمد لاتكبر الموضوع ..
حمد : اساساً اهو كبير خلقه ..
حاتم سكت ...
حمد : خاطري اسافر خارج السعوديه .. لكن ما آبيهم يلاحظون إني مسافر فترهـ اريح
فيها ..
حاتم : متى تبي بس ..؟؟
حمد : أي وقت .. بس اطلع من هنا .. اريح تفكيري شوي وارجع ..
حاتم : اوكي ..
حمد : حاتم .. شراح تسسوي ..؟؟
حاتم : ماعليك أـنا ادبرها مع ابوي .. على أساس إنها عمل خاص .. لكن زوجتك لا
تطلع شيء ثم ننكشف ..
حمد : من ناحيتها لا تشيل هم ..
حاتم : كم تبي بـ الضبط ؟؟
حمد في خاطرهـ .. كان كل العمر فـ اهو افضل شيء .. قال : إللي يجي ..
حاتم : أسبوع وإلا إسبوعين وإلا أكثر ؟؟
حمد : أسبوعين ..
حاتم : أوكي .. ابلغك بكرهـ إن شاء الله ..
حمد : قصدك تأكد لي ؟..
حاتم واهو يوقف ويضحك : من ذا الحين تأكد ..
حمد ضحك وقال: أوكي ..
حاتم : طيب أـنا بروح للبيت .. باي ..
حمد : باي .. وطلع من عندهـ .. تذكر شيء مهم وإتصل في حاتم ..
حاتم واهو يتكلم : خير .. ترا مالحقت أوصل البيت وأكيد أبوي نايم ولا أقول له إلا
بكرهـ ..
حمد : ههههههههههههههه .. مو على كذا ..
حاتم : أجل ؟؟
حمد : نسينا .. زواج أخي العزيز الأسبوع الجاي ..
حاتم : آفف .. صح .. طيب زواجه يوم الجمعه ؟؟
حمد : إيوا ..
حاتم : أوكي .. يكفي لك أسبوع .. يعني 7 أـيام ..؟؟
حمد : أكيد .. سعود صعب اترك زواجه واهو أخوي الكبير ..
حاتم : أوكي .. يصير إذا حصلت لك طيران بكرهـ .. ترجع يوم الخميس وإلا الجمعه
؟؟
حمد : أـنا اشوف من هناك حجز ..
حاتم : أوكي ..
حمد : باي ..
حاتم : باي ..
تمدد حمد على الأرض .. يبي ينام حتى لو بـ مكان مافي لا غطا ولا شيء .. المهم
يرتاح .. يكفي إنها دمرته ..
اليوم الثاني .. حاتم خذا الموافقه لـ حمد من أبوهـ .. لإن الإجازهـ بـ إيد سُلطان لإنه
المسؤول عن الكل بـ الشركه .. حاتم دبرها إنو في شيء راح يشوفه هناك وإذا
أعجبهم راح يدشون مشروع واحد إللي اهم الشباب بس .. طبعاً أبو خالد بلع
الموضوع بـ كيفه ..
في ببيت حمد .. كان بجناحه يضبط شنطته .. ولما إنتهى .. طلع من الجناح ونزل
الشنطه عشان ياخذها السايق للسيارهـ .. وإلا اهو راح يوقف سيارته عند المطار ..
رجع لـ فوق .. وتردد بعدين دق جناح خلود ..
خلود كانت لابسه بيجاما نوم ولسا ماخذهـ شاور ولا مشطت شعرها .. يعني مبلل
وحوسه شوي لكن طالع حلو عليها .. فتحت الباب وإنصدمت .. حمد إللي يدق عليها
.. وإستحت من شكلها .. حمد تصنم .. هذي تبيه يتعذب حتى واهو بعيد عنها في فترة
راحته .. خلود خقت على شكله .. كان لابس بنطلون جينز أسود .. وتي شيرت بيج ..
وجسمه فضيع ..
حمد : ء .. جاي اقول لك إنو طيراني بعد شوي ..
خلود إنصدمت قالت : بـ ... بتسافر ؟؟
حمد : إيوا ..
خلود خافت قالت : ليش ؟؟ ء سوري ..
حمد : لا عادي ..
خلود بحزن واضح عليها وتحاول تخفيه : بـ تطول ؟؟
حمد : يوم زواج سعود إن شاء الله وأـنا هنا .. إذا حابه تروحين بيت أهللك ليما ارجع
روحي ..
خلود : لا بجلس هنا ..
حمد إستغرب قال : إللي يريحك ..
خلود تبيه يطول معاها قالت : رايح أحد معاك ؟؟
حمد حاس فيها قال : بس أـنا ..
خلود : عمل وإلا ؟؟؟
حمد : الإثنين ..
خلود سكرت عيونها .. يعني يتهرب .. يعني يدور راحته في بلد ثاني بعيد عنها ..
خلود : توصل بـ السلامه ..
حمد : الله يسلمك .. يلا باي .. ومشى عنها بكل قوة رجُل ومن داخله محطم .. مقهور
.. متعذب .. متألم .. وإهي تناظرهـ وسكرت الباب بقوهـ .. وسندت ظهرها عليه
وبكت من قلب .. سمع صوت الباب ووقف شوي .. وجا له صوت بكاها إللي طالع
من قلب .. كان ناوي يرجع لها ياخذها بـ حضنه .. مشتاق لهـ الشيء ومحتاج أحد
يحتويه .. جالس لحاله وبـ همومه وعذابه ولا احد عارف .. لو تجي له وتقول نبدأ
حياة جديدهـ من غير لا تعتذر راح يبدأ معاها .. يبي احد يفهمه يساعدهـ على همومه
وعذابه وإهي تزوده عليه .. يبي يتهنى بـ حضنها وهذا شيء مستحيل .. تبكي !! ليش
تبكي وإهي عايفتني ..؟؟ جمد قلبه وكمل طريقه لـ تحت .. للمطار للديرهـ إللي يدور
فيها الراحه شوي لو إنه متأكد الراحه بعيدهـ عنه .. مقرر إذا وصل للدوله إللي
بيسافرلها راح يطمن أهله ويقفل موبايله لـ وقت مايرجع .. مايبي أحد يذكرهـ
بـ شيء ..
يوم الأربعاء كانوا كل البنات بـ المجمع ومعاهم ياسر ووسام .. طبعاً بدر معاهم لكن
رايح يتمشى بـ روحه .. وإلا ياسر ووسام مرافقين لـ وتين ووسن وهنادي وهديل
وريناد وديما ووزان .. وباقي الحريم يتسوقون ..
البنات يتمشون .. وسام وياسر وراهم ويسولفون سوأ ويضحكون .. ويمرون من
بجنب السيكورتي قالت وتين وإهي واضح إنها منفعله وخايفه : لو سمحت أخوي ..
البنات وقفوا معاها ووسام وياسر وقفوا وراهم ويسولفون ولا يدرون شـ السالففه . .
جا لها السيكورتي قال : نعم ..
وتين : أخوي شوف هذيل { وتأشر على وسام وياسر } قاعدين يتحرشون فينا من أول