الفصل 4
وسام يناظر الموبايل مصدوم ,, اهو حس بـ شيء يضغط ع نفسه ولا يقدر يتنفس ع طوول جا فـ باله وسن وأتصل فيها .. ولما ردت تأكد إنو فيها شيء مضايقها .. لكن مارضت تعطيه فرصه ..
حاتم واهو يكلمه : يـ أبو الشباب ماعندك نيه تطلع من المجلس ؟؟
وسام مو منتبه له : شـ قلت ؟؟
حاتم : خير شـ فيك ؟؟
وسام : وسن .
حاتم أخترع قال بسرعه : شـ فيها ؟؟
وسام واهو متضايق : في شيء مضايقها ولا عطتني فرصه وقالت بتنام ونتقابل بكرهـ ع الفطور .. وقفلت ..
خالد : غريب
حاتم : طيب خلنا نروح نشوفها امكن مابعد نامت
وطلعوا من المجلس للدور الثاني .. ووصلوا لـ جناحها حصلوهـ مقفل .. ومو بـ العادهـ تقفله .. طق خالد الباب ونادا عليها .. ولا ردت .. قال : يمكن جد نامت
وسام مو قلقان : ما أدريي
حاتم يحاول يخفف عليه : يارجال إن شاء الله مافيها شيء .. روح نام وبكرهـ إن شاء الله يصير خير
خالد : لا تحاتي يلا تصبحون ع خير
كلهم : تلاقي خير
وراح كل واحد لـ جناحه ..
"ها شـ قلتي ؟؟"
أم خالد تفكر : طيب .. الوافي والنعم فيه لكن ولد أخوك شـ راح تقول له ..؟؟
أبو خالد : إنتي عارفتني ماعطيت كلمه لـ أحد وولد أخوي ماتكلم رسمي بعد هذيك المرهـ .. وأـنا ماغصبتها ع شيء .. إهي وافقت من نفسها ..
أم خالد أنصدمت : وافقت ؟؟
أبو خالد : إييه وافقت وإللي فهمته من كلامها إنو إذا إنتي وإلا أحد من أخوانها معترض ع هـ الشيء .. خلاص يتكنسل كل شيء ..
أم خالد : أهم ماعلينا مصلحتها وهذي حياتها وربي يوفقها ويستر عليها ..
أبو خالد متأكد زوجته ما راح ترفض : آمين يارب ..
أم خالد : ماقلت لك .. عزام خطب ريم بنت فهد وردوا لهم إنهم موافقين وبعد يومين خطبة الرياجيل الرسميه ..
أبو خالد مبسوط خبرين حلوهـ بـ نفس اليوم : الله يوفقهم .. عزام رجال وريم تستاهل كل خير ..
أم خالد : اللهم آمين ..
فيصل منهبل : خير يعني ماهي موافقه ؟؟
أم فارس : ياقلبي إهي ماقالت ماهم موافقين لكن حسيت كذا ..
فيصل : يُمه لا يكون البنت مخطوبه ؟؟
أم فارس : لا ..
فيصل : طيب يمكن واحد من عيال عمي سُلطان يبيها لإنها بنت خالتهم ..
أم فارس : لا حووول .. لا أـنا سأله جوهرهـ تقول ماهي معطاهـ أحد ولا فكر فيها أحد من عيال خالتها ..
فيصل : طيب .. إللي مو موافق البنت وإلا الأم ؟؟
أم فارس : الأم ماهي مقتنعه شكلها وإلا البنت ما أدري عنها ماكلمتها .. والشهادهـ لله قلت لها كل شيء عنك ..
فيصل وصلت معاهـ الولد مرتاح لها من تكلمت أمه عنها ولا يبي غيرهـا وتجي أمها ترفض كذا والمشكله مافيه شيء ينعاب رجال ونعم التربيه : يصير خير .. وطلع لـ غرفته ..
أم فارس تدعي لـ ولدهـا : يارب تكتبها من نصيبه ولا تحرق قلبه عليها ..
يوم الثلاثاء الصباح .. قبل لا ينزل أبو خالد تحت مر ع غرفة بنته وطق الباب وفتحت له
وسن وإهي تبوس أبوها : أهلين يبه حياك تفضل
أبوها واهو يتبسم لها : هلا فيك يابابا .. كيفك اليوم ؟؟
وسسن : بشوفتك تمام التمام
أبوها : إن شاء الله ع طوول .. بابا إنتي إلـى الآن ع موافقتك وإلا غيرتي رآيك لإني مابعد عطيتهم كلمه ..
وسن : ياروحي إنت .. أـنا قلت لك موافقه .. { وقالت تريح ابوها }وبعدين أـنا مرتاحه له
أبوها يستهبل : ترا أسمه الوافي
وسن بضحكة حيا : لو أسمه سُلطان مانسيته
أبوها يحضنها واهو يضحك : ههههههههههه .. حبيبة أبوك .. أخر كلامك ..
وسن : نعم طال عمرك ..
أبوها : يعني أرد لهم خبر ..
وسن : يبه المفروض رديت لهم من خطبوا منك .. إنت أبوي واكيد تعرف تختار لي الصح ..
أبوها : صدقيني الوافي ونعم الرجال .. وبـ إذن الله ماراح تندمين فـ يوم إنك وافقتي عليه .. الله يوفقك يبه .. فطرتي وإلا لا ؟؟
وسن : ما أفطر إلا الجمعه الحلوهـ
أبوها : أجل نزلنا .. ونزلوا واهو حاضن بنته من الجنب وإهي حاطه إيدها ورا ظهرهـ ..
تحت بـ غرفة الطعام ..
وسام : غريبه أبوي ووسن وين ؟؟
أم خالد : بينزلون ذا الحين ..
إلا هذا سُلطان داخل واهو حاضن بنته : السلام عليكم ..
الكل يناظرون متعودين ع حركات ابوهم مع وسن لكن أول مرهـ بـ الصباح : وعليكم السلام .. جلسوا وسموا بـ الله وافطروا .. وسن انتهت من الفطور وقامت لـ غرفتها عشان تنام لإنها طوول الليل النوم مجافيها من التفكير ..
أبو خالد : ترا وسن وافقت ع الوافي ..
أخوانها أنصدموا .. صحيح يتمنون تاخذهـ لكن كانوا عارفين أختهم لـ راكان وراكان لها .. ومستحيل توافق ع غيرهـ
وسام شرق بـ لقمته وجلس يكح ..
خالد : وافقت وافقت ..
أبو خالد : إيه وافقت ..
خالد : مامداها تفكر .. واساساً ماتعرف عنه شيء .. ولا سألتنا عنه ..
أبو خالد : من بعد ماطلعت من عندكم البارح واـنا مكلمها وعطتني الموافقه ع طوول ..
حاتم : طيب يمكن تغير رآيها ..
أبو خالد : قبل لا أنزلكم مريت عليها وتكلمت معاها وقالت إنها مرتاحه له من تكلمت عنه ..
وسام : ــــــــــــــــــ
أم خالد : بعدين شـ فيه الوافي ونعم الرجال .. يكفي إنه نفسكم ..
أبو خالد : مو هذا إللي تبونه إنتم كلكم .. أنها توافق عليه .. وخلاص هذا إهي وافقت .. والله يوفقها معاهـ .. وقام طالع للشركه .. وأم خالد طلعت فوق لـ بنتها ..
حاتم يعرف أخته عدل : غريب ..
خالد : من جد
وسام : لا غريب ولا شيءء .. { وكمل ورمى القنبله } راكان ترا قبل أسبوع خطب بنت خالته إذا أنتو ماتعرفون ..
هنا من جد أنصدموا .. يعني أختهم ماوافقت ع الوافي إلا وإهي عندها خبر إنو راكان خطب غيرهـا .. راكان ؟؟ مستحيل .. يصدقون .. يعني المصيبه والصدمه من راكان مو من وسن ..
حاتم فاتح عيونه ع الأخر : فـ ذمتك ؟؟
وسام : وإللي خلقني .. أتصل فيني نايفف وقالي .. وقال إنو زواجه بعد شهرين ..
خالد : وسن عرفت ؟؟
وسام : ماقلت إلا لـ وسن ووتين بسس..
حاتم : متى خبرتها ؟؟؟
وسام : قبل يومين .. سكتوا شوي ثم تكلم حاتم ..
حاتم واهو منفعل : مستحيييييييل .. راكان أـنا أعرفه زين .. مستحيل يسويها ..
خالد : ترا إللي تتكلم عنه راكان وراكان إحنا نعرفه .. وإذا كان كلامك صحيح .. صدقني حتى قبل لا ينوي يخطب بيقول لنا .. راكان لا يغرك ضحكه وهباله معانا تراهـ بـ التعامل أفضل من أبوهـ إللي اهو عمنا .. أطلع من مخي إنت واخوهـ هذا إللي ينقل سوالف بس ..
وسام :
وسام : حتى نايف حذرني ما أقول لـ أحد عشان الخبر مايوصل لـ الكبار ويحوسون عمي كيف يخطب لـ ولدهـ وله أسبوع ومن غير لا يعرفون ..حاتم : بـ حريقه اهو وإللي معاهـ ..
حاتم وخالد يناظرون بعض مو مصدقين .. وطلعوا للشركه ..
وتين مصدومه : نعم ؟؟
وسن : مثل ماسمعتي ..
وتين : حبي وسن ترا ياسر ع طووول كان يقولي إني ما أسمع عدل .. وذا الحين تأكدت ..
وسن : أستغفرالله ياربي .. وتين أـنا وافقت ع إللي تقدم لي ..
وتين : مجنونه إنتي .؟؟
وسن : الحمدلله يمكن بهذا القرار أكون أثبت لـ نفسي إني عاقل بدل الجنون إللي كنت عايشه فيه ..
وتين بـ خوف ع بنت خالها وصديقتها الروح بـ الروح : فكرتي عدل قبل لا تقررين ..
وسن : ياحبني لك .. التفكير إنتهى وقته .. شـ حصلت من التفكير غير إني مهمشه بـ حيات غيري ..
وتين عصبت : ياكل تبن الحقير مايسترجي يهمشك .. { وكملت بقوهـ }إنتي ناسيه إنتي بنت منو .. ردي علي بنت منو ؟؟
وسن : مو ناسيه .. لكن غيري إللي نسى { تقصد راكان }
وتين : قلعته .. قدرهـ بنت خالته المتخلفه ..
وسن : الله يوفقهم .. هذا إللي نقدر نقوله ..
وتين ودها تطلع لـ بنت خالها وتتوطى فـ بطنها وترجع .. ع إللي سواهـ فيها إلا إنها مستهينه بـ الموضوع ولا كأنه غدر فيها : تتكلمين جد ؟؟
وسن شوي وتصيحح قالت بهمس : يس ,,
وتين من سمعتها تقطع قلبها عليها : حياتي إنتي .. بـ الكثير ربع ساعه وأكون عندك إن شاء الله ..
وسن بنفس وضعها : أوكي .. وقفلوا ..
نزلت وتين ركض لـ أمها ..
وتين : يُمه يُمه ..
أمها : خير إن شاء الله شـ عندك ؟
وتين : بروح لـ وسن ..
أمها : لسا ما صارت الساعه 9 الصباح ..
وتين : تُكفين يـ الغاليه .. وسن محتاجتني ..
أمها بخوف : عسى ماشر .. فيها شيء .. { وعصبت } تكلمي .
وتين : الوافي ولد ابو الوافي مو جاي يخطبها أمس ..
أمها بـ حماس : أبوك وأخوانك قالوا لي ..
وتين : وافقت ..
أمها مابعد أستوعبت : طيب .. ءءءءء .. { بـ صدمه } وشهوووو ؟؟؟؟؟؟
وتين : وافقت عليه ..
أمها : وراكان ؟؟
وتين بـ قهر وطنازهـ : ولد أخوك هذا إللي مسوي فيها متيم بـ وسن .. واهو أكذب خلق الله .. أـنا ماعمري كرهت احد لكن ذا الحين أكرهـ ما أشوف راكان .. ما آلومه طالع ع خالاته الحقيرات نفسه .. وبعدين اهو الخسران .. وسن مستواها آرقى من مستوى الحقير هذا ..
العنود أنصدمت من تصريح بنتها وقالت بعصبيه : أحترمي نفسك .. كلش ولا راكان ..
وتين بضحكة إستهزأ : ههههـآآي .. راكان الغفله .. ما أححد يلومني وهذا قليل ع إللي سواهـ بـ وسن ..
العنود بعصبيه : وش مسووي .؟؟ ..
وتين رمت القنبله : خاطب بنت خالته التافهه .. قبل أسبوع
هنا أنصدمت العنود : نصاااااااااااابه ..
وتين : هذا كلام أخوهـ الصغير ..
العنود بعدم تصديق : كذااااااااااااااااااااااا ب ..
وتين : كيفك .. ماعاد يهم وسن أساساً لإنه مايستاهل .. وطلعت من عند أمها مقهورهـ من ولد خالها هـ الحقير بـ نظرها .. ولو بـ إيدها تحصل أحد يوديها الرياض تتوطى فـ بطنه وتعطيه كم كلمه قاعدهـ تقرقع بـ قلبها وترجع .. لكن وين .. مستحيل يصير هـ الشيء .. صحيح جت فـ بالها فكرهـ تتصل فيه وتشرشح فيه وتقفل بـ وجهه بعدين تراجعت عشان مايصدق نفسه إنو وسن باقي تحبه .. { العنود تقلب الموضوع براسها .. مستحيل هذا راكان يعني يخدعني ويقابلها وأـنا راضيه ويروح بعدها ع طول يخطب غيرها .. أـنا مايهمني نفسي .. أهم شيء وسن شـ صار لها لما عرفت .. ؟؟ يخدها يستهبل عليها .. ع باله من البنات إللي يعرفونهم بـ النت وإلا المجمعات .. هذي بنت عمه .. ويلك مني ياراكان .. }
بـ الشركه بدر واهو يدخل ع حاتم ..
بدر : جيت بـ أدخل عند خالي قالي السكرتير إنو الوافي صاحب شركه الـ(ــــ) داخل عند خالي وإنو خالي طالب منه مايدخل أحد نهائياً ..
حاتم : هذا أبو نسب أكيد مايبي أحد يدخل عليهم ..
بدر : ههههههههههههههههههههه .. مصدق نفسه إنه أبو نسب ..
حاتم رافع حاجب : ليش مايصدق نفسه ؟؟
بدر متأكد : لإنو ما راح يصير .. نفسه نفس اي واحد ترفضه بنت سُلطان وبيكمل عليه سُلطان وبيكرشه من الشركه كلها ..
حاتم واهو مندمج بـ الأوراق : لا .. الواافي صار نسيب وخلص ..
بدر متنح : نعم
حاتم : ينعم بحالك .. مثل ماسمعت ..
بدر : يعني وافقتوا خلاص ..؟؟
حاتم يصحح له : قصدك وسن وافقت
بدر : تتكلم جد ..
حاتم : وليش أستهبل عليك ..
بدر : طيب .. اهو شـ يسوي هنا ؟؟
حاتم : أكيد ياخذ الموافقه ويتفقون ع كل شيء ..
بدر بعدم تصديق : يعني خلاص
حاتم : الله يوفقهم ..
بدر طلع من عند حاتم وبدل لا يروح لـ مكتبه دخل ع مكتب أخوهـ تركي .. وحصل الأخوان الكبار مجتمعين ويسولفون { تركي وفارس وسعود وحمد } : خالي قاعد يتجول بـ الشركه يعني بيدخل عليكم ذا الحين أطلعوا قبل لا يعلمكم أماكنكم عدل ..
الشباب ارتبشوا هذا سُلطان إللي يتجول بـ الشركه مو أي واحد من ابأئهم .. قاموا واتجهوا للباب بيطلعون ..
بدر : ههههههههههههههههههههههههه ههههههههههههههه.. والله إنكم خوافين
فارس معصب : تستهبل إنت ووجهك ؟؟
سعود : فارق من هنا أحسن لك ..
بدر : ههههههههههههههههههههههههه هههههههههههه ..
حمد : الحمدلله الولد مستخف
بدر رجع لـ وضعه وبكل جديه : والله شكلي بـ أستخف من إللي سمعته ..
تركي : خير شـ إللي سمعته ..؟؟
بدر : أبد كنت رايح لـ مكتب خالي سُلطان وقالي السكرتير إنو الوافي عندهـ وأبو خالد مايبي أحد يدخل عليهم ..
سعود : حمدلله هذا إللي مخليك بـ تستخف ؟؟
تركي : من جد حمدلله .. عادي جاي أكيد بينهم صفقه وإلا شيء يخص الشغل أكيد ..
بدر : لا ياحلوين انتظروا ليما يجيكم الخبر إللي من جد بتستخفون منه
حمد : حشى .. السي ان ان ... مو بدر بن صالح ..
فارس : ههههههههههههههههههه .. صادق
بدر : أقول بتسمعون وإلا دورا أحد يقولكم لإنو مافي أحد يعرف بهـ الشيء إلا أـنا ..
تركي : شعندك ؟؟
بدر : ورحت لـ مكتب حاتم بما إنو خالد مايجي هنا إلا من وقت لـ وقت عشان يدرس المشاريع الجديدهـ ..
سعود : طيب ما أحد قالك تذكرنا خالد شـنو وظيفته هنا
حمد وفارس : ههههههههههههههههههههههههه
تركي : لحظه .. كمل يابدر ..
بدر : الله يخليك .. وقلت له إنو الوافي هنا ,, وخالي مايبي أحد يدخل عليهم .. قال حاتم : أكيد هذا أبو نسب والوالد مايبي يدخل احد عليهم .. قلت وأـنا أستهبل هههههههههههه مصدق نفسه إنه أبو نسب قالي حاتم وليش مايصدق نفسه { تركي وسعود وفارس وحمد شدهم الكلام } قلت واـنا أستهبل نفسه نفس إللي قبله رفض من بنت سُلطان وكرشه من سُلطان ولا يعتبون الشارع إللي فيه الشركه .. قالي حاتم .. الوافي صار نسيب وخلص .. الصراحه أـنا ماصدقت مع إنو حاتم بـ العادهـ جدي .. لكن قالي إنو البنت وافقت واكيد جاي ياخذ الموافقه ويتفقون ع كل شيء ..
تركي : تستهبل ؟؟
سعود : هذا طول عمرهـ نصاب
فارس : قول شيء يدخل العقل
حمد : لا شوفوهـ شكله صادق لإنو باين عليه الصدمه ..
بدر : وإللي خلقني هذا كلامه .. البنت وافقت واهو عند خالي يتفقون ..
تركي بينهبل : وراكان ؟؟؟؟؟؟؟؟؟؟؟؟؟
بدر : علمي علمك
فارس : ما أتوقع
بدر : شـ إللي ماتتوقعه .. البنت وافقت والموافقه وصلت له خلاص
سعود : لحظه بجيب لكم الخبر الأكيد ويطلع جواله ..
حمد : من وين ؟؟
سعود : وتين تعرف كل شيء . . بتصل فيها بسألها
حمد : الحمدلله .. تلاقيها نايمه ذا الحين
سعود : إذا كان ماعندها خبر بتكون نايمه .. وإذا عندها خبر بترد ع طوول
تركي : الصراحه أول مرهـ أخت تنفع بـ شيء
الشباب : ههههههههههههههههههههههههه
سعود : حرام عليك .. بعرف ليش ماتهضمها ؟؟
فارس : ماتعرف تركي وتفكيرهـ .. مايحب البنات إللي ع طووول يزورون غيرهم .. يعني يبي كل شيء بـ المعقول ..
تركي بطبعه واهو يأشر ع فارس : صح عليك ..
إلا لما ردت وتين والصوت واضح إنو فيه شيء .. سعود يأشر لهم يعني فيه إنّ : هلا بـ أوخيتي
وتين : أهلين بـ خيو
سعود : شـ عندهم النفس زفت ؟؟
وتين : أبد عند وسن
سعود واهو يغمز للشباب : وإذا عند وسن تصير النفس زفت خبري نفسك تصير ولا أحلى
وتين : بس .. وسن وافقت ع الوافي ..
سعود أنصدم يعني الكلام صحيح : طيب ووو... { سكت }
وتين فهمت عليه : بقول لك بس ما أحد من الكبار يعرف ..
سعود : أكيد
الشباب يناظرون شكل سعود واهو يتغير من الصدمات إللي يسمعها : ـــــــــــ
وتين : وتلومها لما وافقت
سعود ثواني واهو ساكت وقال : الله يلوم إللي يلومها .. وإن شاء الله ماهي خسرانه ع موافقتها ع الوافي .. باركي لها بـ النيابه .. { الشباب انهبلوا يعني صحيح سحبت ع راكان ووافقت ع الوافي وبـ الأخص تركي إللي يفكر كيف صديق عمرهـ بيتقبل الخبر واهو يعشقها }
وتين شوي وتصيح : سعود وربي مقهورهـ منه .. وإللي قاهرني زود وسن ماهي معبرهـ الموضوع .. ولا كأنه أحد خانها .. لكن الأكيد إنها تكابر وهذا مو من صالحها ..
سعود بحنيه : ماعليه ياقلبي خليك عندها وحاولي تسهلين الموضوع عليها لا تكبرينه .. وادعي لها بـ التوفيق ..
وتين : ماشي
سعود : يلا مثل ماوصيتك .. سلام ..
وتين : سلام .. ووقفلت ..
تركي بعصبيه مخفيه : شـ السالفه ؟؟
سعود : ماتنلام بعد إللي سمعته .. وربي ما آلومها لما وافقت
تركي بدأ يطلع من طورهـ : شـ السالفه ؟؟
سعود فـ نفسه إهي خربانه خربانه خل يقولهم عن ولد خالهم : راكان قبل أسبوع خطب بنت خالته ..
فارس : نعم
حمد : من جدك ؟
تركي : أكيد تستهبلسعود قالهم سالفة نايف كلها وإنو مايعرف بـ السالفه إلا وسن ووتين ووسام ..
تركي : طييييييييييير مستحيل ..
سعود : كلام اخوهـ ,, وأتوقع أخوانها عندهم خبر عن السالفه ..
فارس: راكان ..؟؟ من غير مانعرف
حمد : اتركنا إحنا ماعلينا .. المشكله فـ بنت خالي المسكينه إللي معروف إنهم لـ بعض وومعروف إنهم ــــــ { سكت مايقدر يقول إنهم يحبون بعض } ..
بدر بكل قوهـ : هذي بنت سُلطان ماهي مسكينه . .{ وبحمية الأخو } الدنيا ماوقفت ع راكان .. الحمدلله هذا إهي وافقت ع الوافي والوافي والنعم فيه ..
تركي : ماني مصدق .. يخطب ولا يخبرنا والمشكله صار له أسبوع
سعود : لا وابشرك .. زواجه حددوهـ بعد شهرين
أنصدموا .. وتركي عصب من جد : خير إن شاء الله
فارس بطبعه العاقل : يارجال الله يوفقه .. وأكيد عذرهـ معه
تركي : ماتجي ع رااكان صدقني ..
بدر يكلم تركي : تتصل فيه تسأله وإلا أتصل أـنا ..
تركي : خلني شوي واتصل فيه .. واعرف السالفه من جد ..
فـ أكبر وأفخم مكتب بـ الشركه .. طلع الوافي والدنيا ماهي سايعته من وناسته .. إللي يبيه صار .. وسن بنت سُلطان الـ (ــــ) وافقت عليه شيبي أكثر من كذا .. اتصل فـ أبوهـ وخبرهـ وابوهـ أستانس له من قلب وقاله يتصل فـ أبو خالد ويتفقون ع الملكه ,, واتصل فـ أخوهـ إللي من وناسته لـ أخوهـ شوي ويقوم يرقص ..
"سلام حاتم وينك بـ مكتبك ؟؟"
حاتم رافع حاجب ع جدية فيصل : وعليكم السلام .. إيه بغيت شيء ؟؟
فيصل : بجي لك ذا الحين
حاتم : حياك تعال .. وقفل وبعدهـ بـ خمس دقايق دخل فيصل عليه وجلس ..
حاتم : صاير شيء ؟؟
فيصل : بتكلم بصراحه
حاتم : واـنا ما آبي غيرهـا .. قول شـ عندك .؟؟
فيصل : أمي اتصلت فـ خالتك تخطب لي بنتها .. لكن خالتك الواضح من كلامها إنها ماهي مواففقه .. وأـنا ما آبيها ترفض .. أـنا الصراحه أرتحت للبنت ولا آبي غيرهـا .. دبر لي صرفه مع خالتك هذي ..
حاتم : هههههههههههههههه .. شكلك طايح وما أحد سمى عليك
فييصل بكل صراحه لإنو ما أحد بيساعدهـ غير حاتم : وبقوووووووووووهـ .. تُكفى شف لي حل ..
حاتم ثواني واهو يفكر بعدين قال : طيب البنت رافضه وإلا لا ؟؟
فيصل : هذا إللي ذابحني الأم شكلها بترد من غير لا تاخذ شوور البنت ..
حاتم يفكر ثم قال : شوف إذا ضمنا موافقة البنت خلاص أترك خالتي ع أمي ..
فيصل : هذا البلا .. كيف نضمن موافقتها ؟؟
حاتم : ماراح يجيبها لك إلا بنت سُلطان ..
فيصل : والله ونعم الأخت ..
حاتم : أـنا بكلمها لك ذا الحين عشان تكلم البنت وتشوف رآيها وترد لنا ..
فيصل متحمس وبقوهـ : الله يوفقك ويسلمك ..
حاتم يدق رقم وسن واهو يتبسم : هلا حبيبتي
وسن : هلا قلبي
حاتم : كيفك ؟؟
وسن : من أسمع صوتك أصير بخير .. إنت شو عامل ..
حاتم واهو يتبسم : نفس جملتك ..
وسن : هههههههههههههـآآي .. حياتي شكل عندك أحد ..
حاتم : إيوا .. ومكلمك آبي منك خدمه
وسن بحبها الكبير لـ أخوها : أمرني حياتي ..
حاتم : تسلمين .. فيصل ولد عمي بيخطب مشاعل بنت خالتي وخالتي الواضح من كلامها ماهي راضيه .. فـ إللي آبيه منك تشوفين رآي البنت قبل لا نعطي خبر لـ أمي تتفاهم معاها ..
وسن : مالها حق ترفض وإهي ماتعرف شيء عن الولد وفيصل والنعم فيه .. ذا الحين أتصل فيها واشوف ردها وارجع لك ..
حاتم :أوكي .. باي
وسن : بيباي ..
الجـزء >> 7 <<
" أـنا بتزوج "
أبو خالد : الثالثه ؟؟
أبو فارس : إيه .. الشرع محلل أربع وهذا من حقي ..
أبو خالد :ما قلنا شيء .. لكن حريمك الثنتين وعيالك وبناتك إللي توهم صغار
أبو فارس : حريمي معززات مكرمات فـ بيوتهم وعيالهم كبار والبنات قلتها صغار .. واـنا ما راح اسوي شيء حرام وإلا عيب
أبو تركي : ماهو حرام ولا عيب .. لكن بعد هـ العمر ؟؟
أبو فارس : الزواج ماله عمر محدد والحريم بـ أعدل بينهن
أبو سعود : يمكن تطيح فـ وحدهـ ماهي مثل الطيبات إللي عندك وتبتلش فيها ..
أبو فارس : ماهو عبدالله بن فارس إللي تغيرهـ وإلا تغير حياته حرمه .. واـنا لقيتها .. وحدهـ ملتزمه أهلها أهل دين وأخلاق وهذا إللي آبيه ..
أبو خالد : دامك مختار .. أجل الله يوفقك ..
أبو تركي : ومتى بتقول لـ أهلك ؟؟
أبو فارس : اليوم إن شاء الله .. وقبل بـ أمر ع الوالد والوالدهـ وبخبرهم
أبو سعود وابو تركي : الله يوفقك
أبو فارس : آمين ..
مشاعل بصوتها الناعم : أهلين وسن
وسن بنعومتها ودللعها ورقتها : أهلين مشاعل .. كيفك قلبي ؟؟
مشاعل : بخير الله يسلمك .. إنتي شخبارك ؟؟
وسن : نحمد الله .. { دخلت لها بقوهـ } ماقلتي لي عن فيصل ولد عمي يـ النحيسه
مشاعل بحيا : سوري { وكملت بحزن } أمي ماهي راضيه عليه ..
وسن :طيب ليش ؟؟
مشاعل : ما قالت لي السبب ..
وسن : طيب .. إنتي شـ رآيك فيه
مشاعل مستحيه : ـــــــــــــ
وسن : ياهووووووووووهـ ترا أـنا ع الموبايل إذا ماتدرين
مشاعل بضحكه خفيفه : الصراحه
وسن : ما آبي غيرها ..
مشاعل : أـنا شفته مرهـ عندكم ولا نسيت شكله لكن مر الوقت عادي .. ولما أمه اتصلت فـ أمي تفاجأت وأمه قالت لـ أمي إنو الولد مايبي غيري .. وأـنا أستانست .. الوحدهـ مننا شتبي غير إنو شريك حياتها يكون مايبي غيرها .. { كملت بصوت وحدهـ مدمعه واصله بتبكي } لكن أمي قهرتني تقول لا .. { مشاعل بنت حساسه مرهـ وناعمه وتجنن }
وسن ماتبي أحد يتكلم عن الحب وسيرته وذا الحين مشاعل فاتحه مواضيع وفتحت معااها جروح ,, وسن تبلع غصتها : يعني إنتي موافقه عليه
مشاعل بـ إحباط : شـ فايدة موافقتي وأمي رافضه
وسن : خالتي أتركيها ع أمي .. الولد من جد شاريك .. واهو إللي طالب من حاتم إني أتصل فيك
مشاعل من جد حبته وبحيا : ربي يحفظظه
وسن تستهبل : أقول طيري إنتي ورومانسيتك إللي لو تحتفظين فيها ليما ليلة الدخله يكون أفضل ..
مشاعل هنا وجهها الوان
وسن : ههههههههههههههههههههههههه ههـآآي .. فديتهم إللي يخجلون .. يلا بيباي حبي
مشاعل : باي قلبي وقفلت ...
أبو سعد واهو يدخل الشركه .. ويدخل مخصوص مكتب رئيس شركاتهم إللي اهو ولدهـ سُلطان .. السكرتير يوقف أحترام لـ أبو سعد إللي كان ماسك الشغل وسلمه بعد ماكبر لـ ولدهـ سُلطان إللي من جد عقليته ممتازهـ وولو يراهنون مافي أحد مثل ذكائه وعقلانيته بـ كل شيء : تفضل طال عمرك .. ويفتح الباب لـ أبو سعد
أبو خالد واهو يشوف أبوهـ يدخل من الباب قام له بكل أحترام ومشى له ليما وصله وباس راسه وإيدهـ تفضل الله يطولي بـ عمرك
أبو سعد : يابوك لا يكون قطعتك عن شغلك
أبو خالد متأكد أبوهـ ماجا للشركه إلا وراهـ شيء : كل شيء يتأجل عشانك ..
ابو سعد : الله يخليك لي
أبو خالد : ويخليك لي .. إلا وهذا القهوجي يدق الباب ويأذن له أبو خالد بـ الدخول و دخل معاهـ القهوهـ لإنو السكرتير طالبها لهم .. بعد ماتقهوى أبو سعد .. وطلع القهوجي
أأبو سعد : يابوك طلبتك
أبو خالد : أـفأ يـ أبو سعد إنت ماتطلب إنت تأمر ع طول وأـنا علي أنفذ حتى من غيرلا أتكلم ..
أبو سعد : الله يبارك لك فـ عيالك .. يابوك أـنا جايك بطلب من ناس واـنا عطيتهم كلمه لإنك رفضت لا توافق لهم .. وآبيك الحين توافقني
أبو خالد :أمرني الله يطول ليي بعمرك ..
أبو سعد : أبو الوافي كلمني وطلبني إني أقنعك عشان تملك لـ ولدهـ ع بنتك بكرهـ لإنه بيسافر يوم الخميس الصباح ولا راح يرجع من غير شر إلا قبل عرس ولدهـ بـ أسبوع .. واهو يبيك توافق ع الملكه واـنا عطيته كلمه قبل لا يقولي طلبه ولما شفت طلبه شفته سهل .. ليش منت مملك لهم ..؟؟
أبو خالد هذا إللي مايبيه إنهم يدخلون أبوهـ بينهم واهو عطى أبوهـ كلمه .: يبه الله يطولي بعمرك .. البنت توها صغيرهـ ... وإهي وافقت عليه خلاص .. وأـنا ضد إني أملك لـ أحد يصير لنا قبل الزواج بـ فترهـ طويله . . هذي الدنيا ما أحد يضمنها ماندري وش كاتب لنا ربي ..
أبو سعد : إللي كاتبه الله بيصير .. توكل ع ربك وملك لهم ..
أبو خالد مايبي يحط بنته فـ موقف صعب ماهو ضامن شـ مخبي لها الزمن ولا يقدر يرد أبوهـ : أبشر بـ إللي تبيه يايبه ويبوس راسه .
أبو سعد : الله يرضالي عليك ويخليك ..
أبو خالد : هذي الدعوهـ تكفيني ..
أبو سعد واهو يقوم : يلا .. اشوفك إن شاء الله شوي .. مع السلامه
أبو خالد : بخفظه ..
أبو خالد جلس ع كرسيه وقال للسكرتير يتصل فـ أبو الوافي ويحول له الإتصال .. وحول له الإتصال واتفقوا إنو الملكه بكرهـ الأربعاء ..
حاتم : طيب شرآيها ؟؟
وسن : الصراحه ؟؟
حاتم : وسن أكيد هـ الأمور ماتنوخذ إلا بـ الصراحه .. قولي وماعليك ..
وسن : البنت مقتنعه فيه .. وتعرف إنو الولد شاريها .. لكن تقول شـ فايدة إقتناعي وأمي مو راضيه ..
حاتم أستانس : حلو .. وإذا ع خالتي ,, امي موجوودهـ الله يطول بعمرها .. بستئذن الحين وبجي لك نتفاهم مع أمي ..
وسن : أوكي أنطرك .. بيباي ..
حاتم : باي ..
فيصل ع نار : ها ,, موافقه ..؟؟
حاتم واهو يوقف : البنت موافقه وإذا ع خالتي أتركها لـ أمي ..
فيصل واهو شوي يبوس راس حاتم : الله لا يحرمني منكم ياعائلة عمي سُلطان ..
حاتم : ههههههههههههههههه .. يلا بـ الأئذن وادع من قلب ..
فيصل : من عرفتها وأـنا أدعي ..
حاتم : شكلك يأس وبقوهـ .. وطلع من عندهـ بيستئذن ويروح يتفاهم مع أمه .. مهما كان هذا فيصل ولد عمه ومثل أخوهـ .. ولازم خالته تفهم إنهم كلهم سوأ مافي فرق بينهم وإن فيصل ألف وحدهـ تتمناهـ ..
"ماهقيتها منك؟؟ "
راكان : ههههههههههههههههههههه .. شـ مسوي لك بعد ؟؟
تركي : أسأل نفسك يـ الخاين ؟؟
راكان : أـفأ .. خاين مرهـ وحدهـ
تركي : تخطب من ورانا وتحدد الزواج بعد شهرين ولا تقول لنا ؟؟
راكان : ههههههههههههههههه .. يالله فال زين ..
تركي عصب : تستهبل إنت وو جهك ؟؟
راكان مو فاهم شيء : أي خطبه ياروحي واي تحديد زواج ؟؟
تركي بينهبل : خطبتك قبل أسبوع لـ بنت خالتك وتحديد الزواج بعد شهرين
راكاان بجد : تركي .. الكل يعرف من آتمنى من زمان وإنها دنيتي ,, وإنت الوحيد إللي تعرف شـ إللي بيني وبينها بـ الضبط .. مستحيل أرتبط فـ غيرها .. يحرمون علي البنات كلهم إذا ماكنت هي زوجتي { يقصد وسن } ..
تركي أنهبل من جد : أسألك بـ الله ماخطبت بنت خالتك ولا غيرها ؟؟
راكان : يارجال قلت لك يحرمون علي كل بنات حوا إذا ماكانت وسن زوجتي ..
تركي بينه وبين نفسه خلاص ياركان أجل بيحرمون عليك البنات كلهم لإنو وسن صارت من نصيب غيرك .. بيموت ويذبح نايف إللي خرب بين أثنين يحبون بعض بيموت قهر ع ولد خاله إللي متيم فـ بنت عمه ولا حصلت له وبنت خاله إللي تحب وانكذب عليها إنو حبيبها فضل غيرها عليها والله يستر لا عرفت الحقيقه ..
راكان : يـ أبو الشباب وين رحت ؟؟
تركي بكل جديه : شوف بقولك شيء بس آبيك تكون محكم عقلك مو قلبك ..
راكان وكأنه حاس بـ شيء يخص وسن : قل تراك خوفتني ..
تركي قاله كل السالفه من مكالمة نايف لـ وسام إلـى موافقة وسن ع الوافي ..{ راكان شـ أقول عنه .. مع كل كلمه قلبه يتقطع مليون قطعه ,, والدنيا فيه تضيق ,, حلم حياته راح .. اهو كان ناوي يخطبها بعد اسبوعين ويجي اخوهـ الصغير وبكل سهوله ويخرب عليه واكيد بتدبير من أهله .. دنيته راحت خسر كل شيء وسن إللي يعشق تراب رجولها خلاص صارت لـ غيرهـ } ..
تركي بكل عقلانيه : ياخوك لا تسوي شيء وكل أمرك لـ ربك .. وإللي كاتبه ربي بيصير .. والبنت ماتنلام من إللي وصل لها وإلا أحد مايصدق أخوك .. وإهي ماوافقت إلا لما وصل لها خبر خطبتك الكذب وإلا إهي من قبل كانت ترفض ..
راكان بكل ألم وحزن : متأكد مثل ما أـنا متأكد من نفسي إنها كانت تبيني مثل ما أـنا آبيها ..
{ قال بصراخ } شيبوووووون فيني يخربون علي حياتي .. ياخي غير وسن ما آبي عيني ماتشوف إلا وسن وقلبي ماينبض إلا لها .. وفوق هذا أـنا كنت كلي لها ..
تركي حزنان ع صديق عمرهـ : ياخوك هونها وتهون
راكان بصوت متأثر : كيف أهونها وإهي بتكون ملك لـ غيري .. آهـ يـ القهر .. ماجربت إللي أـنا جربته ..
تركي : والله إني حاس بـ إللي إنت فيه .. لكن خلاص مابـ اليد حيله .. راحت بـ نصيبها ..
راكان بقوهـ : لااااا .. ما راحت وماراح تكون لـ غيري لو توصل للقتل .. { قال بعصبيه } وسن لي أـنا وبس ..
تركي يحاول يهديه لا يرتكب جريمه فـ اخوهـ إللي وصل الخبر وفـ الوافي إللي ماله ذنب : خلاص إنت رجال وحكم عقلك ..
راكان بـحزن يقطع القلب : ردوا عليهم ؟؟!!
تركي : إللي فهمته إنو الولد كان هنا من شوي ياخذ الموافقه من خالي ..
راكان بكل هدوء يخفي وراهـ بركان من القهر والغيرهـ : ترجع ترفضه
تركي فتح عيونه ع الآخر : صاحي أنت ؟؟
راكان بصوت عالي وبعصبيه : مجنون إن تركتها تروح { كمل بـ هدوء وآلم } لـ غيري ..
تركي حاس بـ ولد خاله وصديقه لكن مايقدر يأيدهـ ع إللي بـ راسه وبكل حكمه : راكان الله يرضالي عليك .. الواحد ماياخذ إلا نصيبه فـ هـ الدنيا وخلاص البنت جا لها نصيبها اليوم ,, وإحنا ماندري شـ إللي مكتوب لنا بكرهـ .. إنت بس وكل أمرك لـ ربك .. وربك إن شاء الله ماينسى خلقه ..
راكان سكت شوي ثم تكلم : الله كريم ..
تركي : أجل أنتبه ع نفسك .. ومثل ماوصيتك .. تامرني شيء قبل لا أقفل ؟؟
راكان : سلامتك يـ الغالي ..
تركي : يسلمك .. سلام
راكان : سلام .. قفل راكان واهو شايف إنو ماهو قد الثقه إللي زرعتها وسن بداخلها له إن تركها تروح لـ غيرهـ لو يدفعه هذا الشيء تقليل إحترامه عند الباقين .. أهم شيء وسن ماتكون لـ غيرهـ .. مايتخيل مجرد تخيل إنها تصير حليله لـ غيرهـ بيجن جنونه ع هـ إنها بتكون حليله لـ غيرهـ . . من كانت صغيرهـ واهو يحلم فيها وكبروا وكبر حبهم معاهم .. اهو يعرف إن وسن عندها خبر عن رفض أهله لـها .. وإهي متمسكه فيه ولا همها أحد .. واهو مايهمه تقبلوها وإلا ماتقبولها دام القلب مختارها والنفس كارهه غيرها .. يحس إنه مو قادر يفكر عقله قفل والنفسيه زفت والملامح ماتتفسر .. دنيته بتروح لـ غيرهـ واهو جالس ,, وكل هذا من تخاطيط أهله .. يحس إنه بحلم كل شيء وبـ لحظه ضاع منه .. مستحيييييييل وسن لا .. يصدق وإلا يكذب ..؟؟ ولو يشوف أخوهـ وإلا أحد من إللي كاررهين وسن ممكن يكفر فيه .. طلع من مكتبه واهو مو شايف أحد قباله ودخل مكتب زياد .. وسكر الباب ..
عند تركي .. مو قادر يكمل شغل .. الفكر مشغول بـ راكان ومصيبته إللي مايدري شـ سوى بنفسه ذا الحين .. خذا موبايله وتصل فـ خالد ولا يرد .. أكيد عندهـ إجتماع مع ناس كبار ولا يقدر يرد .. واتصل فـ حاتم ..
حاتم واهو يدخل السيارهـ لبيتهم : هلا تركي ..
تركي يخفي إللي فيه : هلا حاتم .. كيفك ؟؟
حاتم متأكد إنو تركي وصل له خبر موافقة أخته ومتصل يتأكد : تمام والحمدلله .. إنت كيفك ..؟؟
تركي : نحمد ربي .. مبروك موافقة وسن ..
حاتم : يبارك فيك وعقبالك إن شاء الله ..
تركي سكت شوي ومامدهـ يتكلم إلا حاتم متكلم : أعرف بتسأل ليش وافقت وراكان وخطبته منها ..
تركي : أعرف هـ السالفه .. لكن إللي ماتعرفه إنو راكان ماخطب ونايف أخوهـ لما أتصل يخبر وسام عن خطيبته كانت تخطيط من أهله ..
حاتم أنصدم .. : تتكلم من جد
تركي : توني مقفل من راكان ..
حاتم : راكان عرف ؟؟
تركي : للآسف
حاتم وبخوف ع ولد عمه وجنونه إللي ممكن يسويه لإنه يعرف شـ قد متمسك فـ وسن : شـ قال ؟؟
تركي : شوي ويستخف هذا إذا ما استخف إلا الآن ..
حاتم سكت ثواني بعدين قال : الواحد ماياخذ إلا نصيبه
تركي عارف تفكير حاتم : صادق .. أـنا حبيت أبين لك إن راكان ماخطب ع خطبة اختكم ..
حاتم بـعقلانيته : ولو ياتركي مايحتاج تعلمنا عن أخونا راكان .. إحنا نعرفه زين ..
تركي : بلغ خالد لإني اتصلت فيه ولا رد ..
حاتم : خالد عندهـ إجتماع وأكيد حاط موبايله ع الصامت .. ولا تشيل هم ..
تركي بتردد : الوافي خبرهـ خالي بـ الموافقه ؟
حاتم : إيه واتصل فيني ابوي وقالي إنو الملكه بكرهـ بـ الليل
تركي أنصدم 'الله يكون بـ عونك ياراكان مالك امل نهائياً' : خالي وافق ؟؟؟
حاتم : شفت عاد .. مدخلين جدي وسيط عشان ابوي يوافق وقدروا ..
تركي : أجل الله يعينهم ..
حاتم : هههههههههههههههههه .. أكيد ناويهم بـ نيه ..
تركي: ماهو سُلطان إذا مارجع لهم الحركه .. وإلا ينغصب ع شيء مايبيه ..
حاتم : الله يعين
تركي : آمين .. توصي شيء ؟
حاتم : سلامتك ..
تركي : سلام ..
حاتم : سلام ..
"حبيبتي خلاص"
وسن بكل آلم : آهـ ياوتين ..خلاص بصير ملك لـ غير راكان بكرهـ
وتين : إذا ماتبين مو غصب ..
وسن تكابر : وشو إذا ما آبي .. أـنا عطيت كلمتي وخلاص .. وراكان الله يوفقه فـ منى بنت خالته ..
وتين عصبت : لا تكابرين وتغطين ع نفسك .. قولي اهو الخسران وخلاص .. إرتاحي ..
وسن شوي وتصيح وبـ ضحكة طنازهـ ع كلام وتين : خسران ؟؟ متأكدهـ ما أحد خسر نفسي .. { وبصراخ } وإلا أـنا ينكذب علي ؟؟ شايفني من البنات إللي يتعرف الواحد عليهم بسهولهم ويتركهم بسهوله يخدعني يغدر فيني ..؟؟ وين كلامه وين وعودهـ لي وإلا كلها إستهبال فـ إستهبال { وبصوت اعلى } ويــــن؟؟؟ أـنا الخسرانه
Like
. شوفي كيف يفكر فيني ذا الحين .. أكيد يقول إني هبلا ممصدقه كلامه .. وتين .. { وبصوت وحدهـ متعذبه } راكان إللي اعرفه غير عن راكان إللي أسمع فيه ذا الحين .. وربي إنو غير ..وانهارت تبكي بكا يقطع القلب .. وتين تأثرت معاها وحضنتها وجلست تهديها .. لكن وين تهدي وحدهـ تحب وإللي تحبه تركها وإهي راحت بـ نصيبها ياصعبه من شعور ..
زياد يناظرهـ بخوف : خير صاير شيء ؟؟؟؟؟
راكان بـ حزن : خلاص يازياد أـنا انتهيت
زياد أخترع مايدري شـ السالفه : خييييييييير شـ صاير .. ؟؟ تكلم
راكان : راحت لـ غيري يازياد راحت خلاص .. وافقت ع إللي تقدم لها ..
زياد مو فاهم شيء : منهي إللي راحت .. أـنا غبي ما أفهم ع طووول .. كلمني ع قد غبائي ..
راكان بـ صوت واحد شايف من الدنيا العذاب ليما قال يالله الحمد وبهمس : وسن
زياد أنصدم وصدمته خلته مايتكلم ..
راكان واهو منزل راسه : هذا إنت يـ إللي ماتعني لك شيء أنصدمت ولا تكلمت { وبصوت عالي واهو يضرب ع صدرهـ مكان قلبه } أجل هذا شـ يقول شـ يقول ياخوي ؟؟
زياد باقي مصدوم أخوهـ قاله قبل كم يوم إنه بيخطبها من غير لايعرفون أهله وبعدين بيحطهم امام الأمر الواقع .. وذا الحين داخل عليه يقوله إنها صارت لـ غيرهـ وإهي معروف إنها له .. كيف تصير هذي ؟؟ كيف العقل يتقبل هـ الكلام ؟؟ زياد واهو يأمل نفسه : مستحيل .. من قالك هـ الكلام .. لاتقولي خالتي ثم وقتها والله لـ أقلعك من مكتبي .. لإنك لو صدقتها بتكون رجال بـ الإسم ..
راكان ناظرهـ وواضح عليه الحزن : تركي قالي ..
زياد هنا سكت ,, ثم قال بكل ثقه : يمكن ماعطتهم موافقه لسا وقاعدهـ تفكر بـ الموضوع ..
راكان عصب : أقولك البنت وافقت وخالي رد عليهم من شوي .. تقولي ماعطتهم موافقه ..
زياد : وإنت ؟؟؟؟؟؟؟؟؟؟؟
راكان : ذا الحين ما آلومها لو كرهتني لإنك ماتدري شـ إللي خلاها توافق وإهي المفروض لي..
زياد بخوف : وشهو ؟؟
راكان بضحكه فيها آلم : ههههه .. الله يسلمك بس أخوك اتصل فـ ولد عمك وسام وقاله إني خاطب من أسبوع بنت خالتك المصون وزواجي بعد شهرين ووسام قال لـ أخته ,, وكل هذا تدبير من أهلك كلهم .. شفت لما أققول إني ما آلومها لما تكرهني وتكرهـ اليوم إللي خلاها بنت عمي ..
زياد : لااااااااااااااااااا .. مستحيل .. كل هذا يروح بسهوله ..
راكان متضايق مرهـ ولاهو ناقص كلام أخوهـ إللي يحرق من جد : زياد أـنا خلاص مالي داعي .. وسن كانت لي وذا الحين لـ غيري والله ما أتحمل { بصوت عالي }هذا ظلم ظلم .. حرام أظلم البنت تفكر فيني كل هـ الوقت ويجي أخوك الحقير ويخرب .. شـ تقول عني الحين أكيد كذاب وخاين .. زياد وسن لي أـنا .. أـنا ماني قادر اتحمل العذاب إللي عايشه الحين وكيف بتحمل لما تكون ملك وحلال لـ غيري والله وقتها الموت أرحم لي ..
زياد متقطع قلبه ع حال أخوهـ : هونها ياخوي وتهون إن شاء الله ..
راكان : كيف تهون .. وهذا {يأشر ع نفسه } مايتحمل بعدها ..
زياد : قل لا إله إلا الله يارجال ..
راكان يرفع راسه واهو ياخذ نفس : لا إله إلا الله ..
زياد : وش بتسوي الحين ؟؟
راكان بهمس : أـنا ووسن مخلوقين لـ بعض فاهم لـ بعض ..
زياد يصحيه من الوهم إللي عايش فيه .. صحيح تصعب عليه حالة أخوهـ لكن خلاص إللي صار صار : هذاك أول .. الحين البنت صارت لـ غيرك
راكان مايبي يرد عشان مايفجر المكان إللي اهو فيه من عصبيته وكلامه : ــــــــــ
زياد يكمل : البنت لو ماوصل لها كلام أخوك كان بقت لك .. لكن سبحان الله نصيب . . والواحد مننا لازم يرضى بنصيبه .. وإهي رضت فيه وإنت لازم ترضى .. وادعى لها بـ التوفيق ..
راكان يناظرهـ بيأس .. زياد يقوي قلبه زيادهـ صحيح الكلام قوي ع راكان لإنه يعشق لكن لازم يصحى ع نفسه : هذا إللي لازم يصير .. اترك عنك القلب وفكر بـ العقل
راكان : البنت بعد إللي وصل لها شايفتني مستهين فيها ..
زياد : شيء وصار خلاص
راكان : صاحي أنت ؟
زياد : اجل وش بتسوي ..؟؟ لا تسوي لي فيها فلم وتوقف فـ طريق البنت .. خلاص البنت اختارت والله يوفقها ..
راكان : بتصل فيها
زياد : أكيد إنك انهبلت
راكان : إذا ماكلمتها صح بنهبل
زياد : إذا بتشوف إنك بترتاح بهذا الإتصال اتصل فيها .. وإذا بتعذب نفسك وتعذبها أقولها لك لا تتصل ..
راكان مستحيل يسمع لـ أحد فـ موضوع وسن طلع موبايله واتصل فـ تركي ..
تركي : هلا رااكان ..
راكان : هلا فيك .. { قال بجد } طلبتك ..
تركي : طلبك جاك .. قلي بس وش تبي ..
راكان : تسلم .. آبي رقم وسن ..
تركي : نعم ؟؟
راكان : إللي سمعته
تركي : تستهبل ؟؟
راكان : أتكلم من جد .. أـنا ما أعرف لها رقم .. وآبي تجيب لي أي رقم يوصلني لها من خواتك ..
تركي : راكان .. إنت مستوعب إللي قاعد تقوله ؟؟
راكان : إيه
تركي : لا والله ماضنتي
راكان : تركي { كمل يضحك ع تركي }البنت اختارت واـنا بتصل فيها لإن عندي كلام بقوله لها قبل لا تحرم علي من جد .. وآبيك تخدمني ..
تركي كأنه إقتنع بكلام راكان لإنه واثق فـ راكان سكت ثواني ثم قال : خلاص شوي واتصل فيك .. لكن بجيب لك رقم غرفتها مو جوالها لإنو الجوال مستحيل أجيبه لك .. { تركي مايبي راكان يوصل لـ رقم جوال وسن عشان مايتواصل معاها أتصالات ومسجات وإهي خلاص صارت لـ غيرهـ }
راكان فهم رفض تركي عن رقم الجوال : خلاص . . وقفلوا ..
عند وسن ووتين بعد ماهدت وسن .. ردت ع الموبايل : هلا حتومي ..
حاتم : يلا وسن تعالي أـنا تحت ..
وسن : أوكي .. { كلمت وتين } أـنا نازله شوي وراجعه .. أجلسي حوسي بـ الغرفه ليما ارجع .. وطلعت ..
أم خالد : خير حبيبي فيك شيء ؟؟
حاتم يبوس راسها : سلامتك ياقلبي .. بس أشتقت لك قلت أطلع واجي أشوفك ..
أم خالد : ياعمري تشتاق لك العافيه ..
وسن : ياسلام واـنا مالي نصيب من هـ الكلام ..؟؟
حاتم ناظرها وعرف إنها كانت تبكي قال يستهبل : الله يخلي لك الوافي إللي بيشبعك كلام حلو وغمز لها
أم خالد : ههههههههههههههههههههههههه هههه
وسن حست بمغص فـ بطنها مو طبيعي من جا طاري الوافي هذا واهو ذكر إسمه بس .. قالت تخفي آلمها : ياحياتي .. يُمه لا تصدقينه أكيد جاي وراهـ شيء ..
حاتم : يُمه شـرآيك في فيصل ولد عمي؟؟
أم خالد : حبيبي كلكم واحد لإن تربيتكم وحدهـ وأخلاقكم وحدهـ والله والنعم فيه ..
حاتم : طيب : خالتي بدور ما أتصلت فيك ؟؟
أم خالد أستغربت سؤاله : إلا بس ليش ؟؟
وسن :طيب ماقالت لك شيء يخص فيصل؟؟
أم خالد تتذكر : لا .. بس شـ السالفه ؟؟
حاتم : أبد فيصل يبي مشاعل بنت خالتي وخطبتها عمتي موضي من خالتي والواضح إنها رافضه وفيصل مايبي غيرها .. يُمه تُكفين شوفي الموضوع الولد يبيك تتدخلين وتحاولين فـ خالتي .. وترا الولد قال إذا ماصارت له ماراح ياخذ غيرها ..
أم خالد : غريبه بدور ترفض .. ليش ؟؟
وسن : وأـنا كلمت مشاعل وسألتها قالت إنو إهي موافقه لكن شـ الفايده إذا أمها رافضه ..
أم خالد : قول لـ فيصل يريح باله مشاعل بـ إذن الله له .. واـنا راح أقنعها ..
حاتم يبوس راسها : الله يخليك لنا .. بس لا تعرف خالتي إن فيصل مدخلك بـ الموضوع ..
وسن: حتى لا تعرف إنو مشاعل قالت لنا ..
أم خالد : ماعليكم أـنا أعرف أخليها تتكلم من نفسها .. روح يُمه لـ شغلك وراح يجي لك تليفون يبرد خاطر فيصل ..
حاتم : تسلمين .. أجل يلا سلام
أم خالد ووسن : بحفظه .. أم خالد خذت موبايلها تتصل فـ أختها بدور .. وتتفاهم معاها .. ووسن طلعت لـ وتين بـ جناحها ..
"نعم؟؟"
تركي : هديل بلا أستعباط وعطيني رقم التليفون إللي بغرفة وسن .. من غير لا احد يعرفف..
هديل : تركي ليش ؟؟
تركي عصب : وبعدين تراها بنت خالي واخاف عليها مثل ما أخاف عليك إنتي وهنادي يعني مثل أختي .. عطييني واخلصي علي ..
هديل خافت بعد تعصيبته : طيب .. سجل .. وسجل الرقم ..
تركي : عندها أحد ذا الحين ؟؟
هديل : أكيد وتين ..
تركي : استغفر الله ياربي .. هـ البنت وبعدين معاها ..؟؟ شوفي اتصلي بعد خمس دقايق ع وتين واشغليها واهذري معاها ..
هديل بدلاخه : ع تليفون وسن ؟
تركي : لااااااااااا .. ع جوالها .. لا يكون من رجتها ناسيه جوالها فـ بيتهم ؟؟
هديل : لا تخاف وتين ماتمشي من غير جوالها ..
تركي : يمكن أفضل شيء فيها .. مثل ماقلت لك .. خمس دقايق وكلميها لو تاخذين معاها ساعتين عادي ...
هديل ماهي فاهمه شيء : خلاص ..
تركي : ولا أحد يعرف إني ماخذ رقم من عندك .. حتى الهايته هذيك ..
هديل : طيب ..
تركي : تبين شيء قبل أقفل ..؟؟
هديل فـ خاطرها حلو إنك تذكرت تسألني إذا آبي شيء من أتصلت وإنت أوامر بـ أوامر : سلامة عمرك ..
تركي : يسلمك .. سلام ..
هديل : سلام ..
أبو راكان يكلم زوجته : ترا أبو خالد أتصل فيني يعزمنا ع ملكة بنته بكرهـ
أم راكان : وسن ؟؟
أبو راكان : ليه عندهـ غيرها ؟؟ أـنا ما اخبر إلا هي
أم راكان : صح ماعندهـ غيرها .. من أخذهـا ؟؟
أبو راكان : الوافي ,,
أم راكان مصدومه : ولد التاجر إللي انتقل للخارج ..؟؟
أبو راكان : إيه ..
أم راكان : طيب وش قلت له ..
أبو راكان بلامبلاة : قلت إذا كنت فاضي جيت وأـنا برسل العيال له ..
أم راكان : من ؟؟ راكان؟؟
ابو راكان : إيه وزياد ..
أم راكان بـ أستسلام أول مرهـ بحياتها : إللي تشوفه .. طيب عزم أبوي ؟؟
أبو راكان : إيه كلمه .. يله أـنا بطلع مشوار تبين شيء ؟؟
أم راكان : لا ..
أبو راكان: سلام وقفل
أم راكان ع طوول أتصلت فـ اختها منيرهـ : وش أبشرك فيه ؟؟
منيرهـ عارفه إنو أختها ماعندها شيء : قولي ..
أم راكان : بنت سلطان بكرهـ ملكتها ..
منيرهـ : من بنت سلطان ؟؟
أم راكان : وسن بنت سلطان بن فارس الـ(ـــ) بنت جوهرهـ ..
منيرهـ أنقهرت : هذي منك يامريم .. توافقين يتزوجها .. ولا بعد يحدد الملكه .. وين كلامك إن راكان ماراح ياخذ إلا بنتي .. ؟؟
أم راكان : واـنا عند كلامي ..
منيرهـ انفكت بـ الكلام : إذا تزوج بنت جوهرهـ مستحيل يحط عليها أحد دام أمها كل ماتزوج زوجها عليها وحدهـ طلق ورجع لها واهو افضل من أول معاها .. شكلها ساحرته وأـنا مستحيل أخلي راكان يتزوج بنتها عشان تسحرهـ ..
أم راكان : أنتي اصبري وراك مستعجله خليني أكمل كلامي ..
منيرهـ ماهي طايقه كلمه : قولي ..
أم راكان : وسن ملكتها بكرهـ ع الوافي
منيرهـ نست راكان من سمعت الوافي : تقولينه صادقه ..
أم راكان : تو أبوها متصل في سعد يعزمه وأكيد إنه عزم أبوي ..
منيرهـ : ول عليها حظ يكسر الصخر . . أجل بزر كنا مستخسرين فيها راكان والحين بتملك ع الوافي ولد التاجر الكبير ..
أم راكان :لا وماسك شركات أبوهـ إللي هنا وابوهـ بـ الخارج ..
منيرهـ { الحريم ولقوا من يحشون فيه لا والمصيبه إنها وسن }: ماكنه كبير عليها ؟؟
أم راكان : كبير بـ المرهـ فرق بينهم 15 سنه { إللي يسمعها يقول حاضرهـ ولادة الوافي هههههههههـآآي }
منيرهـ : آخ يـ القهر .. { كملت وقلبها مليان كرهـ }جعلها ماتتهنى فيه .. تاجر وش كبرهـ ياخذ وسينوهـ هـ البزر ..
أم راكان : لا ماهوب حسافه فيها ترا مستوى الوافي أنزل شوي من مستوى سلطان وعائلته .. ويحمد ربه عليهم ..
منيرهـ : بس مافي فرق كثير ..
أم راكان : بس إسم سلطان واهله اشهر منهم ..
منيرهـ : بتروحين تحضرين ؟؟
أم راكان : وش ادور عندهم ؟؟
منيرهـ : ياغبيه بنروح كلنا عشان نشوفها ونقهرها لإنها ماخذت راكان إللي تتمناهـ ..
أم راكان تقلب الموضوع براسها : أشوف
منيرهـ : أقول بنروح يعني بنروح .. مستحيل أفوت شوفة وسينوهـ وابرد حرتي بقهري لها ..
أم راكان : خلاص بقول لـ سعد والبنات ..
منيرهـ : خلاص واـنا بقول للي عندي .. سلام
أم راكان :سلام ..
بجناح وسن تليفون غرفتها يدق ولاردت ووتين لها عشر دقايق تكلم بـ الموبايل ووسن جالسه تفكر ببكرهـ إللي ماتدري شـ تسوي فيه .. إهي متأكدهـ إبوها مجهز كل شيء لها .. وما راح ينقص شيء ... لكن فرحتها لو تكون ملكتها ع راكان إللي عشقته مو واحد ماتعرف عنه شيء غير إنهم يمدحون فيه .. ماتتمنى إلا إنها تقابل راكان وتسأله سؤال واحد بس .. وبعدها بترتاح مهما كان الجواب .. " ليش سويت فيني كذا ؟؟!! " ألف إستفهام وتعجب حول إللي سواهـ راكان .. ماهي مصدقه راكان يسوي كذا ؟؟ رجع دق التليفون وهـ المرهـ بـ إلحاح .. إهي مقفله جوالها من ساعه ماتبي أي إتصال .. وذا الحين يجي تليفون الغرفه يدق .. ردت بصوتها المعتاد لكن هـ المرهـ فيه الشيء الكثير من الحزن والآلم : آلو ,,
راكان من سمع صوتها ولمس الحزن والآلم إللي فيه لعن فـ أخوهـ وإللي سواهـ : ــــــ
وسن مرهـ ثانيه : آلوو ,,
راكان عارف لو ماتكلم مستحيل ترد مرهـ ثانيه ع التليفون قال بصوته الرجولي المميز إللي واضح عليه الشوق والآلم والحزن والعذاب : وسن ,,
وسن هنا متأكدهـ إنها تحلم من كثر ماتفكر بـ راكان قامت تتخيل صوته بـ التليفون وانقلبت عندها المواجع .. ماردت لإنها ع بالها تحلم مابعد تأكدت إنو فعلاً راكان : ـــــــــ
راكان بكل عذاب : وسن ردي علي ,,
وسسن تأكدت إنه راكان قالت بهمس : رااكان ؟
راكان ع العذاب إللي فيه إلا إنه من سمع اسمه من صوتها ونبرة الحزن إللي فيه قال واهو مسكر عيونه وبكل رقه وحنيه : دنيته ,,
وسن من سمعت هـ الكلمه وحنيته ورقته إللي متعودهـ عليها منه تذكرت كل شيء جمعهم سوأ كلامهم وعودهم وأخر شيء صار بينهم لما كانت تطلب منه رقم حسابه جلست تبكي : ـــــــــ
راكان مو أفضل من حالتها وعارف إنها تبكي : دنيتي لا تبكين كل شيء يهون بس دموعك لا تنزل ..
وسن من بين دموعها : ليش ياركان .. ليش سويت فيني كذا ؟؟ آبي أعرف { وزاد بكاها } ليش ؟؟؟؟ جاوبني ..
راكان متقطع قلبه من حالها وحاله مو أفضل من حالها : تذكرين إللي بينا ؟؟
وسن بكل حزن : واـنا أقدر أنساهـ ..
راكان : أحلف بـ إيش عشان تصدقيني بـ إللي بـقوله ؟؟
وسن تمسح دموعها لإنو جا وقت الجد : من غير ماتحلف قول وأـنا بصدقك { مهما كابرت ع الناس كلهم وقالت إنها صارت تكرهه وإنو مايهمها يصير هذا الشيء مستحيل لإنه ببساطه راكان إللي عشقته من وإهي صغيرهـ } ..
راكان رفع راسه وخذا نفس وتكلم واهو عارف إللي بيقوله يمكن ينهي وسن : كل إللي قاله نايف لـ وسام كذب ..
وسن صدمة عمرها لو قايل لها إن الكلام صحيح وربي بيكون أهون عندها من إللي راح تعيشه بعدين بتصير لغيرهـ وإهي تعرف إنه مو لـ أي أحد يعني كل شيء انتهى للأبد ياوسن صارخت بصوتها : لاااااااااااا .. قول إن الكلام صحيح .. قول إنك خطبت وخلصت .. وجلست تبكي ..
راكان بعد صراخها وبكاها خلاص ماهو قادر يتحمل قال بكل حنيه : حبيبتي طلبتك لا تبكين ..
وسن أول مرهـ تسمع كلمة حبيبتي منه لكن شـ راح تسوي هـ الكلمه ذا الحين خلاص ماعاد فيه أمل قالت وصوته زين ينسمع من البكا : اعذرني ما أقدر ..
قال واهو ع وشك ينهبل : ما أقدر أتكلم معاك وإنتي كذا .. لا تبكين .. لا تزيدين عذابي عذاب ياروح راكان ..
وسن من سمعته قال هـ الكلام مسحت دموعها قالت : ثواني بس ..
راكان وكأنه ارتاح شوي : لك الوقت كله ..
وسن رجعت تبكي . . راكان ناقص عشان تزيدهـ : أفهم من هذا إنك تبين تعذيبي ؟؟
وسن : لا تقول كذا .. أرضى أتعذب أـنا وإنت تعيش مرتاح ..
راكان يحاول يضبط صوته : طيب .. متى تهدين عشان اتكلم ؟؟
وسن : خلاص هديت ..
راكان بكل رقه : شوفي اشربي موي وغسلي وجهك وارجعي لي ..
وسن تسمع كلامه من غير لا تراددهـ : أوكي ثواني ..
راكان : أوكي ,,
شوي إلا وسن راجعه له : إيوا ..
راكان : كيفك الحين ؟؟
وسن : من أسمع صوتك أصير بخير
راكان : دوم
وسن وإهي مدمعه : وين دوم .. وأـنا خلاص ..
راكان بيموت من إللي داخله قال بكل صراحه : ترفضينه
وسن هنا من جد أنهبلت قالت بهمس تخفي وراهـ موجه من البكا : ما أقدر
راكان: لسا ماصار { وبكل آلم وزين إنها طلعت } زوجك رسمي يعني تقدرين ترفضين ..
وسن هنا رمت القنبله إللي بتفجر راكان من جد قالت وإهي تبكي : بكرهـ الملكه
راكان كان مكلمها واهومتأمل لكن بعد القنبله إللي فجرتها فيه وسن خلاص تحطم كل إللي كان حاطه فـ باله انهدم قال بصوت آليم : نعم
وسن بنفس حالته : إللي سمعته
راكان بكل عصبيه : ترفضينه ..
وسن : صعب
راكان بيوصل معاها لـ حل : ليش صعب ,, وإنتي حتى ماتعرفين عنه شيء ؟؟
وسن تمسح دموعها بـ إيدها : راكان قدر وضعي .. الرفض مو عشاني لا وربي .. أـنا ما أقدر أرفض عشان أبوي .. صعب أحط أبوي بموقف صعب وخصوصاً مع أصحابه ..
راكان شوي ويصارخ : يعني خلاص ؟؟
وسن ودموعها تنزل وتمسحها ع طول : راكان إحنا ربي كتب لنا بهـ الدنيا نحب بعض لكن ماكتب لنا نجتمع سوأ .. أـنا بصير ملك لـ شخص ماأعرف عنه شيء بكرهـ وإنت شوف حياتك .. هذا المكتوب لنا ..
راكان مسكر عيونه ويتكلم بصعوبه : أـنا وإنتي انخلقنا لـ بعض ..
وسن تضغط ع نفسها عشان ماتضعف : هذاك أول .. { وبكت وكملت } خلاص ياراكان كل شيء إنتهى ..
راكان من بين عذابه : شفتيني مو قد ثقتك صح ..؟؟ وسن بسرعه : لا تقول كذا .. أـنا ثقتي فيك ولا شيء يهزها مهما كان وصار ..
راكان بحزن شوي ويبكي : وسن ..
وسن متعذبه : روحها ..
راكان واهو يتكلم بصعوبه من العذاب إللي بداخله : آهـ ,, تعبان ياوسن ,, وربي تعبان .. مالي عيشه بهـ الدنيا وإنتي لـ غيري .. صعب واـنا أتخيل مجرد تخيل إنك ملك لـ غيري .. أـنا كنت عايش ع أمل إنك لي لكن فـ لحظه يتغير كل شيء { وهنا نزلت دموعه } تصيرين لـ غيـري ..
وسن جلست تبكي وإهي عارفه إنه يبكي وبعد ثواني : حبيبي ..
راكان بيموت موقادر يرد عليها إهي كذا تزيد عذابه
وسن بصوت يقطع القلب : حبيبي كلمني ..
راكان : آمري ,,
وسن خلاص إلا تنهي كل شيء إهي عارفه إللي راح تقوله مو شيء سهل إلا مصيبه : آبيك تحضر بكرهـ ..
راكان لو إهي قدامه ما يدري شـ راح يسوي فيها قال : ناويه تموتيني ؟؟
وسن قالت بسرعه : يومي قبل يومك إن شاء الله ..
راكان عصب : لا تقولين كذا ..
وسن بتغير مزاجه قالت بدلع تستهبل : ولا تزعل أـنا وإنت بيوم واحد ..
راكان هذي ناويه تذبحه معذبته وفوق هذا تدلع وتستهبل : ههههههههههه ,, تستهبلين بعد ..
وسن مرتاحه بما إنه ضحك : دوم هـ الضحكه ,, وبعدين ليش مانستهبل ... ترا الدنيا ماتسوى ..
راكان متبسم : إلا إنتي ..
وسن ماتبي ترجع تبكي : آبي أطلب منك طلب ..
راكان : الروح ترخص لك ..
وسن : يسلمو ,, إحنا الأثنين نعرف بـ الضبط شنو أـنا أعني لك وإنت شنو تعني لي .. فـ إللي آبيه منك .. أسمك يشهد ع ورقة زواجي بكرهـ ..
راكان ماتوقع هـ الشيء : وإذا قلت لا وقلبت الدنيا ع روسهم كلهم من خطيب الغفله إلـى أصغرهم ..؟؟
وسن : متأكدهـ إنك ماراح تقولها لإن إنت عن ألف رجال ومستحيل تغلط بحقي وحق عائلتك وحق نفسك فوق كل شيء وعارف إن كل شيء مكتوب لنا من قبل لا نطلع للدنيا ..{ عرفت كيف تجيبها بنت سُلطان مهما كان ماتبي راكان يتأثر ع إللي بيصير عشان كذا قالت هـ الكلام تحرك رجولته }
بعد هـ الكلام قال راكان : تامرين أمر ..
وسن : يسلمو ..
راكان يستهبل : أخيراً جا دوري أطلب منك ..
وسن : ههههههههههههههـآي , , آمر ..
راكان : ممكن إذا سمحتي وتكرمتي تغنين لي قبل لا اقفل ..
وسن ماتوقعت هـ الطلب لكن مهما كان هذا راكان وآخر مكالمه بينهم قالت تستهبل : لا يكون مضيع رقم موضي واـنا ما أدري ..؟؟
هنا راكان جلس يضحك من قلب : ههههههههههههههههههههههههه ههههههههههههه
وسن ضحكة معاهـ : هههههههههههههههههههههـآآي ,,
راكان : فديتك والله ..
وسن أستحت ولا ردت : ــــــ
راكان : بتغنين وإلا أروح للي مضيع رقمها ؟؟
وسن : مابقى إلا إهي .. أكيد بـ أغني .. لكن شنو حاب تسمع .. ماهو إحنا فـ برنامج فنان ع التليفون ..
راكان : ههههههههههههههههههههه .. لا ياشيخه
وسن : ههههههــآآي ,, وربي ياشيخ ..
راكان بيموت عليها قال : أي شيء ع ذوقك ..
وسن تفكر : مهما كانت .؟؟
راكان : أكيد إذا من ذوقك راح تكون حلوهـ ..
وسن سكتت شوي ثم بدت تغني بصوتها الحلو إللي من يسمعه خلاص يذوب غصب
صدق أنتهينا لكن الحب باقي
ماهو بـ إيدينا لو أنكتب يوم الفراق
يمكن تلاقي واـنا يمكن الأقي
شيءً يصبرنا ع جرح الأعماقي
نبعد وفينا نار شووق وتلاقي
صعبه علينا نلتقي بليل عشاق
وادري حبيبي إن قلبك يشاقي
أدري حبيبي والله كيف تشتاق
عند هـ المقطع بدأ يغني معاها راكان ووأول مرهـ تسمعه وطلع كلام زياد صحيح لما قال إنو صوته حلو
إن كان لي عندك غلا بـ الفراقي
عيشني بـ ذكرى فـ ذيك الأوراق
أكيد عندي لك غلا بـ الفراقي
بـ أشتاق لك والله وأشتاق وأشتاق
لكن الحب باقي ماهو بـ إيدينا لو أنكتب يوم الفراق
وسن سكتت بعد هـ الأغنيه لإنو خلاص فراقهم صار .. وراكان نفس الشيء ساكت قالت وسن : آبيك تشوف حياتك ..
راكان بكل هدوء : من غيرك لا
وسن تحاول فيه : إللي خلقني خلق غيري وهذا قدرنا .. إحنا مو صغار .. وإذا ربي كاتب لنا نجتمع بـ نجتمع حتى لو بعد مليون سنه ..
راكان : قلتها لـ تركي واقولها لك .. يحرمون علي كل بنات حوا إذا مو إنتي زوجتي .. القلب مختارك إنتي وبس والنفس عايفه غيرك ..
وسن : راكان لاا..
قاطعها راكان واهو متعذب خلاص إلا يودعها مهما كان يعشق تراب ارجولها وإهي تعشقه المكتوب إلا نرضى فيه حتى إذا مو عاجبنا : لا تحاولين وانتبهي لـ نفسك { وكمل بـ آلم } أـحبك ..
وسن دموعها تنزل : راكان ..
مهما استهبلوا وضحكوا العذاب إللي بداخلهم أكبر من أي ضحك واستهبال هـ القلبين إنحكم عليهم الفراق خلاص : دنيته ..
وسن من بين بكاها : مهما صار بـ الدنيا ومهما سمعت عني تأكد { وبهمس من بين دموعها } أـحبك إنت ومستحيل غيرك بهـ الدنيا يسمع هـ الكلمه .. { صحيح تعدت الخطوط الحمرا لكن ليش تكذب عليه وتخبي واهو متأكد من هـ الشيء فـ خاطرها خاربه خاربه أخر شيء راح يكون بينهم لإنها من بكرهـ بتحرم عليه واهو بيحرم عليها .. وبنشوف إذا وسن بتبقى ع كلمتها وإنها مستحيل تطلع هـ الكلمه لـ غير راكان وإلا بتتغير مع الوافي وبتنسى أيام راكان وراكان بـ نفسه }
راكان حس بـ العذاب يزداد عليه : تامريني بـ شيء قبل لا أقفل ؟؟
وسن قلبها يتقطع قطعه قطعه كأنهم مشغلين داخل قلبها نار : أنتبه لـ نفسك ولا تزعل هذا مكتوب لنا ومالنا إلا الرضى ..
راكان : وإنتي أنتبهي لـ نفسك .. { وبحزن العالم } أمنتك الله ..
وسن دموعها تنزل : يحفظك ربي .. وقفلوا اثنينهم خلاص ما راح يصير بينهم أي تواصل .. بعدها انهارت ع سريرها تبكي بكا من قلب .. راكان ربي عالم بحالته كان يكلمها واهو بسيارته ولما قفل منها رمى جواله بـ أقوى ماعندهـ ع مكان الجلوس إللي بجنبه لكن الحمدلله ماصار له شيء إلا هذا جواله يدق ودق مرهـ ثانيه ومرهـ ثالثه ضبط أعصابه وحاول يخفي صوته ومشاعرهـ لـ نفسه لإنو ما أحد بـيفيدهـ بـ شيء : هلا زياد
زياد : كل هذا جوالك مشغول وبعدين ماترد ؟؟
راكان : كنت أكلم واحد من الشباب زمان عنه { نصاب }
زياد عارف إنه يكلم وسن : أـها .. طيب وينك إنت ؟؟
راكان : بـ السيارهـ ..
زياد : أحياناً أحس فيك ذكا واحياناً أحسك أغباء خلق الله أعذرني ع المصارحه .. عارف إنك بـ السيارهـ لكن وين سيارتك ..؟؟
راكان ماله خلق يضحك بس مجامله : ههههههههه ,, فـ مواقف الشركه ,,
زياد : أبوي قالي أقولك { سكت شوي عارف الكلام صعب ع راكان } بنروح بكرهـ للخبر ..
راكان عارف إن أخوهـ مايبي يبلغه عن الملكه : أكيد بنروح
زياد : ليش إنت بتروح ؟؟
راكان : أكيد بنت عمي وبحضر ملكتها ..
زياد ارتاح : الله يريح قلبك .. سلام
راكان يضحك بينه وبين نفسه ويني وين راحة القلب ودنيتي راحت مني خلاص : سلام
عند حاتم : هلا يُمه
أم خالد : يُمه بلغ فيصل إنو خالتك اقتنعت لكن إهي بتبلغ أمه بنفسها ..
حاتم مبسوط من قلب لـ ولد عمه : الله يبشرك بـ الخير يُمه ,, طيب ليش كانت ماهي مقتنعه ..
أم خالد : يُمه فهمه إن أعتراض خالتك مو ع فيصل كـ شخص ,, بـ العكس إهي تمدح فيه .. لكن خالتك ماتبي بنتها تطلع من عندها ع بالها لسا نونو
حاتم : هههههههههه ,, ياحليلها خالتي . . وقدرتي تقنعينها ما شاء الله عليك ..
ام خالد : قلت لها هذي سنة الحياة وهذي إهي وسن بتملك بكرهـ وإهي أصغرمن بنتك .. لا توقفين بنصيبها واحمدي ربك إنه من نفس المكان إللي انتي فيه مو من برا .. والحمدلله اقتنعت ..
حاتم : تسلمين يُمه الله يخليك لنا ..
أم خالد : ولا يحرمني منكم ,, يلا روح فرح فيصل ,, تبي شيء حبيبي ؟؟
حاتم : سلامتك ياقلبي ..
أم خاللد :: يسلمك حبيبي ,, باي ,,
حاتم : باي ,, واتصل فـ فيصل إللي شوي ويقلب المكتب من الوناسه أم مشاعل وافقت عليه ..
"ليش يابابا ماتبين ملكه بـ الفندق ؟؟"
وسن شوي وتبكي : يبه إنت تهمك راحتي صح ؟؟
أبوها واهو يكلمها تليفون : أكيد ياروح أبوك
وسن : خلاص راحتي إنو الملكه تكون فـ بيتنا ومختصرهـ بس عائلتنا وعائلتهم ,,
أبوها محتار من بنته إللي راسها يابس وبقوهـ : حبيبة ابوك هذي مرهـ بـ العمر ,, ليش تحرمين نفسك منها .. شـ تبين الناس يقولون ؟؟
وسن : إذا أـنا وناستي لما تكون الملكه فـ بيتنا شـ علي من كلام الناس .. أـنا راضيه خلاص ..
أبوها : بس اـنا حجزت وخلصت ..
وسن وبدت تبكي : يبه أـنا آبيها بـ البيت ,, آلغي الحجز وإذا ع عائلتنا قولهم إني أـنا إللي آبيها بـ البيت ..
أبوها : أخر كلام يايبه .؟؟
وسن : إيوا ..
أبوها : إللي تبينه بيصير .. أهم شيء راحتك ..
وسن : الله لا يحرمني منك ..
أبوها : ولامنك ياقلبي .. تبين شيء ثاني ؟؟
وسن : سلامتك ..
أبوها : الله يسلمك .. مع السلامه ,,
وسن : مع السلامه ..
وتين كانت ساكته ولما قفلت قالت : صاحيه إنتي ؟؟
وسن : يس ,,
وتين : آبي سبب مقنع عشان تخلين الملكه بـ البيت ..
وسن : أـنا راحتي فـ كذا وإلا هذا سبب مو مقنع ..
وتين سكتت عنها لإنها لو بتتكلم معاها بـ شيء ثاني ما راح تتحمل عناد بنت خالها وكلامها إللي طالعه فيه وبـ تتوطى ببطنها ..
طبعاً راحت العصر مع أبوها وامها للمستشفى يفحصون فحص الزواج وعشان أبوها معروف مرهـ طلعوا لها النتايج ع طوول ..
ع الساعه 11 بـ الليل جوهرهـ واولادها عند ووسن بجناحها ويحاولون فيها ترضى بـ الحفله تكون بـ الفندق ..
أمها : حبيبتي إحنا مالنا خاطر عندك ؟؟
وسن : أكيد لكم ..
أمها : خلاص وافقي ع الحفله بـ الفندق إذا من جد لنا خاطر ..
وسن : يُمه أـنا قلت راحتي بـ البيت
خالد : نبي سبب مقنع ؟؟
وسن : راحتي مو سبب مقنع ؟؟
حاتم : لا تنسين كلام الناس عن عائلتنا وعن أبوي بـ الأخص شـ راح يقولون .. فكري عدل قبل لا تعاندين وتردين ..
وسن ساكته .. أمها أرتفع ضغطها من بنتها .. ماهي راضيه تقتنع قالت تكلم أخوانها : لا تحاولون خلاص مافي أمل وطلعت من عندها يقال إنها زعلانه
وسام : ياقلبي يرضيك تزعلين أمي ..؟؟
وسن ساكته ..
حاتم يناظرها : إذا غيرتي رآيك فـ الوافي قولي لي وإحنا ننهي كل شيء ولا كأن شيء صار ..
وسسن تناظرهـ بعيون دامعه وكأنها تقول خلاص فات الفوت نزلت راسها وجلست تحركه بمعنى لا
خالد : طيب حتى الملكه مختصرهـ ترا الزواج بعد سنه وإنتي بنت سُلطان بن فارس الـ(ـــ)
ولا تنسين جدي بيجي بكرهـ ..
وسن منزله راسها .. خالد ووسام شافوا مامنها أمل وسكتوا ..
حاتم قام وتقدم لها ورفع راسها قال وبحنيته إللي بس لـ وسن وامه : ليش الدموع ؟؟
وسن ساكته .. حاتم عارف إنه وصل لها خبر إن راكان ماخطب قال : وصل لك خبر
رفعت عيونها وناطرته تسأله .. قال : عرفتي إن راكان الكلام إللي وصلنا عنه إنه كذب صح ؟؟
وسن دموعها تنزل .. خالد ووسام أنهبلوا .. عرفت إنه كذب ..
حاتم وبحنيه : دامك تبينه واهو يبيك افصخي خطوبتك من الوافي ووافقي ع رااكان إذا تقدم لك ..
وسن من بين دموعها وبهمس: صعب
حاتم : مافي شيء صعب قدام راحتك ..
وسن : مستحيل .. أبوي عطاهم كلمه برضا مني ومستحيل انزل كلمة أبوي الأرض واخليها كلمتين .. أدوس ع قلبي لكن ابوي ما أحطه بهـ الموقف .. وانهارت تبكي بقوهـ ..
حاتم حضنها وجلس يهدي فيها .. وسام مايتحمل يشوفها تبكي وطلع من الغرفه ع طوول مهما كان هذي توأمه ,, وخالد وقف وراح لها بـ حضن حاتم وجلس يمسح ع راسها ويهدي فيها : خلاص ياقلبي .. تعوذي من الشيطان ..
وسن من النوع إللي إذا في موضوع أثر عليها نفسيتها تجلس تستفرغ وتكرهـ ريحة الأكل لإنو السالفه عندها نفسيه .. حست معدتها تقلب عليها راحت للحمام تستفرغ ..
خالد : لا حوووووووول .. الله يكون بعونها ..
حاتم : من جد الله يكون بعونها ويخفف عليها ..
بعدها بخمس دقايق رجعت لهم ووجهها شاحب
خالد راح يجيب لها موي بارد وعطاها .. كانت جالسه بجنب حاتم .. جلس بحنبها خالد وفتح لها الموي وعطاها تشرب لكن كانت ترجف شوي وماهي قادرهـ تضبط حركاتها .. خذا الموي حاتم وجلس يشربها .. خالد بحنان الأخو : كيفك ذا الحين ؟؟
وسن بصوت يرجف خفيف : تمام ,,
حاتم يوقف واهو يمد لها إيدهـ : قومي معاي ..
خذت إيدهـ وقامت معاهـ من غير لا تسأل وين .. خذاها لـ سريرها وغطاها وطفا النور إلا نور خفيف بجنب سريرها وقال لها : إنسي كل شيء ذا الحين وتعوذي من الشيطان وسمي بـ الرحمـن ونامي .. وراح يجلس عند خالد بغرفة جلوسها عشان يكوونون حولها إذا تأزمت حالتها .. جا لهم وسام واهو حالته حاله ع توأمه : وينها ؟؟
حاتم : حطيتها ع سريرها عشان تنام ..
وسام : طيب كيف نفسيتها ؟؟
حاتم : مثل ما إهي إلا إنها جلست تستفرغ ..
وسام طلعت عيونه : جت لها الحاله ؟؟
حاتم يحرك راسه بمعنى إيوا ..
وسام : ياربي ع هـ البنت ..
خالد : الله يصبرها بس ..
كلهم : آمين ..
يوم الأربعـاء .. هذا اليوم بـ النسبه لـ ناس أنولادهم من جديد وبـ النسبه لـ أشخاص ثانين يعتبر يوم موتهم .. طبعاً البعض فرحان والبعض حزنان ..
فـ بيت أبو خالد .. دخلت وسن ع أبوها بـ غرفته بعد مادقت الباب ..
أبو خالد يشوفها جايته : هلا بحبيبة أبوها ..
وسن تجي له وإهي تتبسم وتبوسه ع راسه: هلا بحبيب بنته ..
أبوها : ههههههههه .. كيفك يبه ؟؟
وسن : بخير من أشوفك ..
أبوها : ع طول يارب ..
وسن : يبه أـنا موافقه الملكه تكون بـ الفندق ..
أبوها فرحان : مرتاحه للحفله تكون بـ الفندق ..
وسن : إيوا ..
أبوها : الله يريحك يبه دايم .. ويبوسها ع راسها ويحضنها .. الله يوفقك ..
وسن : أجمعين يارب .. أـنا بروح أتصل فـ البنات وعماتي عشان يجون لي من وقت ..
أبوها : الله وياك ياقلبي .. وطلعت من عند ابوها ,, وراحت تخبر أمها واخوانها إللي استانسوا من جد ..
فـ بيت أبو سعود ..
أم سعود : هذي إللي بترفع ضغطي ..
حمد : عسى ماشر .. منهي ؟
أم سعود : من غيرها بنت خالك العنيدهـ
حمد : من ؟؟ وسن ؟؟
أم سعود : فيه غيرها ..
سعود : طيب ليش رافعه ضغطك ؟؟
أم سعود : ماتبي حفلة الملكه بـ الفندق تبيها بـ البيت ومختصرهـ بعد
العيال ناظروا فـ بعض أستغربوا من تصرفها هذا ..
حمد : غريبه .. طيب خلي خالي يتولى آمرهـا ..
أم سعود : جوهرهـ متصله فيني البارح ومنقهرهـ منها تقول حاولنا فيها وراسها يابس وابوها يقول إللي يريحها بنسويه لها حتى إذا مو عاجبنا ..
سعود : رافضه نهائياً ؟؟ يعني مافي أمل ..
أمل : هذي وسن قالت شيء خلاص ..
حمد : المشكله إنو خطيبها من برا العائله لو إنه من عيالنا ممكن مقتنع لكن هذا الوافي وابوهـ شـ راح يقولون ؟؟
ياسر : إللي اعرفه إنها ماهي مغصوبه عشان تسوي كذا ..
سعود : إيه ماهي مغصوبه ..
وتين لسا جايه وإهي تغني سكتت وقالت : شـ السالفه ..؟؟
ياسر : من غيرها وسن وسالفة حفلة ملكتها ..
وتين بكل برود : طيب شـ فيها ؟؟
ياسر : أبد .. ليش رافضه لا تصير بـ الفندق ؟؟
وتين : كح كح ,, وربي إنك مغبر ..
أمل : جتنا السي آن آن .. شعندك ؟؟
سعود وحمد وياسر : هههههههههههههههههههههه
وتين تناظرها بنص عين : سلامتكم . . بس سالفتكم قديمه ..
أم سعود منقهرهـ من بنتها إللي مأيدهـ وسن : أسكتي عني أنتي ..
وتين تضحك : هههههههههههههههـآآي ,, فديتهم الزعلانين
سعود : لا تحاولين فيها . . واصله حدها خلاص ..
وتين : ياربي منكم مكبرين الموضوع .. البنت لسا مكلمتني تقول{ وتقلد رقة وسن } أتصلت فـ موبايل عمتي العنود ماترد .. خبريهم إنو الحفله راح تكون بـ الفندق ..
أم سعود عصبت من جد : بـ الله عليك
وتين بكل برأهـ : وربي ,,
أم سعود خاطرها تتوطى فـ بطن بنتها ع برودها : شايفتني مرتفع ضغطي ولك ساعه تهذرين هنا وتوك تقولين ..
العيال : ههههههههههههههههههههههههه
أمل : من جد ماعندك سالفه ..
سعود : شـ إللي خلاها تقتنع ؟؟
وتين : أبد بعد ماكلمها خالي وكانت رافضه كلمتها أمها وبقت رافضه وجلسوا لها حبايبها { قصدها اخوانها } جلسه ماهي طبيعيه .. وتعبت شوي ولما صحت الصبااح خبرت خالي إنها موافقه ع الحفله بـ الفندق ..
أم سعود بخوف ع بنت أخوها : كيفها ذا الحين ؟؟
وتين : لا تزقح والحمدلله .. وتبينا نجي لهم من بكير ..
ياسر : حلو إنو حبايبها قدروا عليها وغمز لها { راح تفكيرهـ بعيد }
وتين وأمل : ههههههههههههههههههههههههه هههههههههـآآي
حمد : خير شـ عندكم تضحكون ؟؟
أمل : أبد الله يسلمك .. حبايبها اهم أخوانها ..
سعود : قولي أخوانها مو حبايبها ..
وتين : إلا وسن واخوانها .. غير عن الكل ..
أمل : ماعليك هذيل فاصللين عن العالم .. من جد غير عن الكل ..
ياسر : ياحلاتهم إللي كذا { قال يدق بـ الكلام } مو ياحظي وحدهـ مصرقعه
وتين : ههههههههههههههههههههههههه هـآي .. وأحلى مصرقعه بعد
العيال وامهم : هههههههههههههههه
ياسر : واثقه الأخت ..
وتين ترد له : يحق لي دام أخواني سعودي وحمودي ..
سعود وحمد روسهم كبرت .. قال سعود : ياقلب سعود والله ..
وتين : هههههههههه ,, { كملت تكلم ياسر } سمعت الأخو إللي الواحد يفتخر فيه ..
ياسر : أقول قومي فارقي بس
حمد يقال إنه مايرضى عليها : أقول حدك عاد ..
أمل : الله يخلف عليك ياياسر ماعندك أحد
ياسر يقال إنه حزين : آهـ وينهم لا يجون ويغنوني عنكم ..؟؟
أم سعود : ههههههههههههههههههههه .. ودك ...
ياسر : أفضل من مقابل وجه هـ المصرقعه ..
حمد : ههههههههههه ,, ياخذ بليسك وراك مستعجل ؟؟ إحنا أكبر منك ومابعد تكلمنا ..
أم سعود : أخلص من زواج أمل واتفضى للأخو الكبير { قصدها سعود } وبعدها ع طول إنت وبعدين ياسر وبعدين وتين ..
وتين : لا تحاولين .. سوري أـنا مشغوله ..
العيال جلسوا يضحكون ع طريقتها بـ الكلام ..
أم سعود : أـها بس .. أـنا ما أسمع لهـ الكلام .. وقامت عنهم .. وجلسوا يضحكون ..
طبعاً الملكه راح تكون فـ بيت أبو خالد بعد المغرب والحفله بتكون بـ الفندق .. أنتشر الخبر بـ العائله وع أساس بيجتمعون من العصر فـ بيت أبو خالد ومن بعد صلاة العشاء بيتوجهون للفندق .. الكل عرف بهذا الترتيب وجاهزين ومتحمسين للحفله لإنو الحريم بيحصلون كيفهم بـ الحفله من رقص ..
الجــزء >> 8 <<
قبل أذان المغرب رجعوا من المشغل البنات وامهاتهم كاشخين ع الأخر ..
وصلوا عائلة أبو راكان لكن الحريم جلسوا ببيتهم يتجهزون عشان الحفله إللي بـ الفندق ..
أم سعود : وين راحت وسن ؟؟
هنادي وإهي لا بسه بنطلون جينز أسود وبدي احمر ماسك ع الرقبه : بـ غرفتها تبدل ..
أم سعود : ووتين ؟؟
هنادي : أكيد معاها ..
أم سعود تتظنز : وليش مارحتي تلبسين ..؟؟
هنادي : هذا لبسي ..
أم فارس : نعم ؟؟
أم سعود : ع كثر الملابس إللي عندك ما راح تلبسين إلا هذا ..
هنادي مقتنعه بـرآيها : عادي
أم سعود بخناق : قومي للبيت بدلي .. الحفله كبيرهـ وفيها ناس كثير مو عائلتنا وبس ..