عشقت هواك - الفصل السادس - بقلم جنى | روايتك

*❴📖❵↵* *عشقت.هواك.tt* ♥️🌗 *❴🔢❵☟الـــبـــــــــــ❴6️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ كنت عم اتصل ب عمران ورماح مراقبني اكتر مني اصايل:كيفك عمران عمران:تمام اصايل: دبرت شغل عمران:لا والله وخجلان اتصل فيكي اصايل:امجد معك عمران:اي اصايل: ازا حابين ترجعوا ماعندي مشكلة بس ع اتفاقنا اول عمران:طيب انتي وين اصايل:قريب من البساتين عمران: مسافة الطريق بس اصايل:ماشي سكرت واطلعت فيه رماح:قلتلك بتعجبيني اصايل:ما حكيت مع دكتور رماح:اجليها لبكرى امانة اصايل:اسامحك رماح:ما بقبل اتراجع بالشرط تاخديه معنوياً اصايل:ازا متبرع فيه ليش لا بقلبي:معقول... خايفة يكون احساس مؤقت هو مو صغير بس كمان بحسو متسرع فجأة خطب وفجأة ترك كيف رح يتلقو الخبر ماما وغياث حسيت بتوتر كبير اجو كالعادة ع الموتور وسلمو على رماح وكأنو صحاب من مية سنة امجد:ليكون المتريسة زعلانة مننا اصايل:لا ما ازعلت عمران: خلينا نحكيلك الصراحة اصايل: ليش في شي عمران:اي اجانا شغل وانحط سعر مناسب وعجبنا كتير حكيت معك لتزيدي الراتب لحتى ما اخسر التعامل معك بس انتي رفضتي وبنفس الساعة صاحب الشغل اتصل وحكى لقى غيرنا ومابقى أقدرت ارجع اتصل اخجلت منك اصايل:فيكن تبلشو من اليوم امجد:ع اتفاقنا اصايل:انت شو رايك عمران: نحن بعناها اصايل:لكن بتاخدو الي عندي لا تخافوا مارح انقص من الراتب بس بدي تعملو اجواء بناطور جارنا عمران:تكرمي الف طلب من هالطلب امجد:رايحين وراجعين اصايل:ماشي كنت خجلانة أتطلع برماح رماح:شو اتفاقكن اصايل:عن لسلاح بوقتها غليت التسعيرة اتبرعوا من عندهن رماح: وشو بدك بناطور جارك اصاايل:هني مستلمينو من زمان وبعتلي اكتر من مرة انهن بيزعجوه بس بيستاهل هو والناطور رماح:والله مانك قليلة وازا علقت بس اعطيني إشارة حاكم زمان عن المشاكل اصايل:بس المشاكل مو عضلات تكسير لواح طاقة تكسير التمديد رماح:يااا احلى واحلى😂 اصايل:منيح ما رح تنطر اليوم رماح:يكتر خيرك يارب اصايل:بدك تضل هون رماح: بدي اوصل العمال اصايل:ماشي بشوفك رماح:قول وفعل ولا بدك استدعى اصايل:لا بجي بكرى اتريس عليك رماح:ع حسابك اصايل:.. كنت خجلانة منو كتير وحاسة كل الوضع مارح يزبط وبالاخص ازا بلش يتحكم فيني كنت مخربطة لدرجة وقلبي موو معي ابدا ...... انتبه انو الطاقية لساها بأيدو رماح:منيح انها ضلت معي لبسها ورجع للبستان ومبسوط لدرجة. بقلبو:من زمان احرق الشنتة بلي فيها لازم الواحد يجدد كلشي بحياتو حتى لتياب وصل العمال و رجع للبيت كانو عم يتعشوا اتطلع فيه ابوه نظرات غريبة لهيك اضطر يسلم عليه ابو رماح:منيح سلمت رماح:كيف صرت جراح جراح:لا احسن بعدين جرح صغير انتو عم تكبرو الموضوع اخلاص:مابدك تتعشى وقت شاف ما الو مكان وكمان مو محسوب حسابو رماح:اتعشيت اتهنوا انتو اخد باكيت الدخان وطلع لبرى ودغري اجت على بالو اصايل واتنفس براحة رماح:دخيل قلبها رح اعوضك وبدي تعوضيني عن الي فقدتو مع هالعيلة والله ريحة الاكل بتشهي دايخ من جوعي يا ترى ازا انجرحت رح يهتموا فيني هيك... بعد ما خلصو عشى فات للغرفة يريح وماكان بيعرف انو هلكان غمض وراح فيها ........... كنت خلال الاسبوع كلو مترددة وحاسة بأي لحظة رح اتصل ب رماح واحكيلو غيرت رايي اتصالو بيوترني بس اكيد مشان الشغل اصايل: الو رماح:كيفك اصايل اصايل:تمام رماح: بكرى منيح اصايل:ما افهمت رماح:مشان الخطبة شبكي اصايل: خطبة دغري رماح:لا اكيد انا هلا بدي احكي مع بابا انتي بتعرفيني وانا بعرفك يعني كمان انتي خبري اهلك اخوكي العاقل اهم شي وخبري امك اصايل:بس...يعني مو كانو مستعجل انت رماح:وقولي متسرع كنت ناطر بالثواني اليوم خلصت شغلة مهمة كتير كتير وما سدءت احكي معك اصايل:طيب لكن خليني اخبر اهلي... كان جواتي معركة طبول حرب بقلبي: شو بدي اللبس ....اكيد مو هدول لتياب ...وكمان مستحيل غيرهن موو زابطة والله ااااوف بس لشو كل هالإجراءات. انزلت لعند العيلة كانو مجتمعين وكنت عم رتب الحديث ويمكن غياث شايف توتري غياث:في شي اصايل اصايل:اي في ماما:لا تخوفيني اصايل:لا ماتخافي يعني...مابعرف .. خجلانة احكي موفق:ليكون جاييكي عريس غياث: عنجد اصايل اصايل:انت بتعرفو غياث:لا تقولي رماح اصايل:ليش شبو غياث:انتي شايفيتو مناسب اصايل:كيف يعني غياث:هو شغيل عندك زابطة؟ ماما:ازا ابن عالم وناس ليش لا موفق:وشو وضعوا متل وضعك غياث:بقلك شغيل عندها وقت ضحك موفق زادت دقاات قلبي ماما:ليش عم تضحك موفق: لا لا اتزكرت شغلة غياث:وليش هلا اتزكرتها موفق:لانو وقت بنتي انخطبت ومتل هيك نحن حالنا ميسورة وهو اندبوري طلع فايت على طمعة لا تزعلي بكون طمعان بلي عندك غياث:انا كمان بحس انو في ان بالموضوع وهون اتاكدت كانو فاقدين الامل انو حدا يتطلع فيني واكيد ناطريني اموت ويورتوني ماما:احكيني انا مين هو وشو وضعوا اصايل:غياث بيعرفوا غياث:انتي بتعرفيه اكتر مني اي هو محترم وشغيل بس يعني رح يقبل تضلي تشتغلي ولا رح يستلم بدالك موفق:وهون حطنا الجمال ماما:طيب حبيبتي الله يقدملك الي فيه الخير ايمتى ما اجو اهلا وسهلا ارجعت للغرفة سامعة صوت ضحكات موفق وماسكة موبايلي وكل شوي اكتب(انا حاسة انك متسرع رماح....شو رايك يتأجل الموضوع) ضليت اكتب وأمسح بس ما بعتت شي وبنفس الوقت ما اقدرت ارتاح ........ وببيت اهلو مجرد ما حكالو رماح: انا بدي اتقدم لبنت ابو رماح: روح لحالك رماح:...ليش ابو رماح:وعم تسألنني ليش ما بتعرف يعني رماح:ازا مشان لينا ابو رماح:سكر ع الموضوع لو جراح الي بدو يخطب براسي بروح وبخطبلو انت لا رماح:بصير اروح لحالي؟ ابو رماح:بصير ما بصير مو شغلي رماح: ... بقلبو:صرنا حاكين مع المخلوقة ليكون خبرت اهلها مسك موبايلو متوتر ومقهور كان عم يكتب(لا تخبريهن اصايل خلينا نأجل الموضوع شوي.....لا تزعلي مني) ضل يكتب ويقرا ويحس انو مو مناسب الحكي وبالاخير مسح كلشي وبقي قاعد بين اهلو هني يحكو ويتناقشو وهو ساكت . كل شوي يمسح على شعرو وحس انو متسرع بالخطبة بقلبو:لحالي ما بتزبط وازا اخدت عمي رح يقولو ليش وين ابوه....اوووف منك بابا ليش هيك ما بتتناقش كان يتطلع بوجوه الكل وقت اتطلع بناهدة دغري بعدت نظرها عنو. بقلبو:نيالك بكرى رح يركض بجوازة ابنك...بحياتو ما دلل امي....على عيوني جوازتك منو... لو مات بدل امي ابتسم لجنانو ورجع استغفر رماح:يارب سامحني ........... اول ما اصحيت رجعتلي نفس دقة القلب القوية كنت متخيلة كلشي الا انو انخطب واقدم قهوة لا لا مابعرف ليش وافقتي اصايل ليش اتجلست وبلشت صراع نفسي بعد مدة من التوتر فاتت ماما لعندي كتير مبسوطة ماما: شو متوترة يا عروس اصايل:لا تقولي عروس ماما:ليش شبكي شو بينقصك اصايل:كتيير شوفي شكلي شوفي لبسي ماما:اي انزلي واشتري فستان اصايل:لااا شو عم تقولي انتي ماما:لا تزعلي مني عقلك مولدن لساتو اصايل:انا ما حلوة ماما الفستان بشع عليي ماما:انتي لسى متزكرة حكي نائلة المجنونة اصايل:كان بشع المراة حكت الحق انا حرقت الصورة بس ما عم تنحرق من ذاكرتي ماما:بفترتها كنتي مريضة وشحوب وجهك كان لاسباب اصايل: واطلعت بشعة كتير كتير بشعة كنت ماما:هاد الشب مو شافك اصايل:شافني بس بحس انو في شي غلط انا مو بنت عادية فيني نقص ماما:نقص شو ملامحك بتجنن اصايل:هي لاني بنتك القرد بعين امو غزال ماما: حبيبتي مافي بنت بشعة في بنت مهزوزة ثقتها بنفسها .اصايل:مو من حالها انهزت انتي بتقولي انو كنت مريضة بوقتها ليش ما عزلتيني عن الناس ليش خليتي نائلة تشوف بشاعتي كلامها ما بروح من بالي ياريتها احتفظت فيه لنفسها انكسر شي كبير جواتي ما بيتصلح بيوم ويومين ماما:الماضي راح ليكك متل الوردة اصايل:لا تضحكيني مبارح جوزك سمع مسرحية شو تفسير ضحكتو هي البشعة مين قبلان فيها واكيد خبرك وابدا رأيو انو فايت على طمعة الرجال. ماما:طيب ليش وافقتي اصايل:.... ماما:هو حلو اصايل:بيضل احلى مني ماما:والحل يعني مدامك رافضة ليش وافقتي اصايل:شبعرفني كنت...كنت متسرعة ماما:اعتذري منو اصايل:بس انا بحبو وافقت لانو من زمان ناطر مني جواب خفت يتركني....هو رح يتجوز وينسى وانا.... ماما: انا رح اتركك تستوعبي وتفهمي وتتأكدي انك صبية حلوة وبتجنني مو لانك بنتي والله لانو هيك انتي اصايل:... وقت اندق الباب مسحت دموعي كان غياث وهلا صاحي من نومو غياث:شو اجتماع صباحي ماما:احكي معها انت غياث:ليش عم تبكي اصايل: إنا وحدة مجنونة منيح غياث:هي مابدها تنين يحكو فيها ماما:اختك بدها ومابدها غياث:تعا ولا تيجي اصايل:اي هيك تماماً غياث:خوف مثلاً اصايل:كنت خايفة عادي بس ضحكات عمك موفق حولت الخوف لرعب غياث:ازا رماح بزات نفسو عاجبيتو شو بدك بعد انتي حلوة وبطولك ورشاقتك وملامحك وذكائك بتنافسي ملكات الجمال انا سافرت وشفت كتير مو لانك اختي بشوفك حلوة انتي حلوة اصايل:بس كمان حسيت انو رماح داخل على طمعة لا تنكر غياث:رماح ما رح يخليكي تشتغلي عقلو شرقي لدرجة انا لهيك شكيت بالموضوع ابدا ما شكيت لسبب تاني اصايل:.... غياث: معنا وقت شو رأيك ننزل للسوق واختارلك شي حلو بناسبك وبناسب هالمناسبة اصايل: يعني بلاقي غياث:انا معك ولوو انا سيد مين اشترى تياب طمني نوعاً بعد ما دعموني بكلامهن يعني لولا حكي غياث ولاا يمكن اهدا واستوعب كيف وافقت وانا أساساً مو جاهزة ......... بالسوق كان هو الي يختار وبعد ما جننتوا اعتمدت على بنطلون بناتي اسود وبلوزة بيضا بتجنن ومع انو مليان اكسسوارات اختارات سنسال ناعم وبلاك بنفس موديل السنسال كان واضح عليها انها طايرة من الفرحة وهو مبسوط مشانها الوقت انقضى بسرعة كبيرة وصار الوقت للتجهز ...... الحلقة الثالثة والستون بقلمي:مايا الحجازي ‏"لا أعلم إلى متى سأظل بكل هذا التناقض. تارةً كأن السماء صدري، وتارةً كأن براكين الأرض دمي، وتارةً اخرى منطفئ كأن الكون بأكمله لا يعني لي شيء"#مقتبس اول ما اللبستهن واتأملت شكلي على لمرايا كتير انبسطت فتحت الباب لانو ناطريتني امي اصايل:حلو ماما: اي هيك هااا والتسريحة اعتمدتي اصايل:خليه مفرود احسن ماما:هلا بناديلك غياث مدام هاد زوقو بالتياب رح يختار لك تسريحة حلوة اجى دغري وزاد خجلي منو غياث:صرعتينا شقفة مرابع وهيك اصايل:حلو غياث:انتي الحلوة بلا عليكي شقفة قماش بدها تحليكي اصايل:شو مشان شعري غياث: مع اني ما اشتغلت حلاق نسواني بس رح اختارلك تسريحة اصايل:عزبتك معي اليوم غياث:امري لله المهم تكوني مبسوطة ومو بس مبسوطة وأثقة بحالك انا انصدمت ما بفكرك هيك اصايل:... غياث:خلص خلص مابدنا نعكر مزاجك ........... محاولة اخيرة منو قبل يجهز حالو للروحة . رماح:ما بتغير رأيك بابا ابو رماح:شوفلك غيري رماح:يعني انا مين الي غيرك ابو رماح:حطيتني بموقف سخيف مرة فشرت تحطني بموقف تاني رماح:هدول الجماعة غير ابو رماح:كيف رح يوافقوا عليك مابعرف رماح:مو حلوة اروح لحالي ابو رماح:خود جراح معك رماح:انا كرامة للعروس واهلها ابو رماح:بحضر العرس لا تخاف...ع فكرة خالتك اترجتني كتير بس هالمرة فشرت تروح بشفاعتها على اد ما بتكرهها على اد ما بتعزك رماح:اعتذرلك منها ابو رماح:لا التهي بحالك واتركنا بحالنا رماح:... رجع للغرفة ومبين عليه الزعل اخلاص:خدنا نحن معك رماح:مو ناقصكن انا كوثر:اي اخي امانة تاخدنا اخلاص:😂بدنا نشوف ازا لابسة بدلة رسمية ولا فستان رماح:بلا تختفي من خلقتي انتي وياها سكر وراهن الباب ولبس بنطلون اسود وقميص أبيض كان شخصية بهيك تياب وبعد ما خلص اتعطر واجى جراح ومعو باقة ورد جوري قدملو اياها جراح:مني الك وانت هنيك بس تفوت بتقدمها للعروس رماح: كيف بدي اروح لحالي جراح: إنا بخجل من هالمواقف الصراحة رماح:مو زابطة اروح لحالي جراح: خود خالتي سهيلة وجوزها رماح:لا لا مابدي اتزكر كلامها وكيف شايفة حالها وما بيعجبها العجب جراح: بتروح بسيارتهن 😂 تخطب بنتهن رماح:... قعد لانو لسى في وقت وجراح معجب فيه كتير جراح:خليني اصورك طبعا ما اهتم لساتو قاعد وبايدو الموبايل وبلش يصورو والبنات عملن جلسة تصوير مع باقة الورد الجوري ورماح بعالم تاني... ......... بعد ساعة من الانتظار اتأكدت انو رماح مارح يجي كنت بموقف محرج نظرات الكل زادت الاحباط بس هو ما خبرني انو ما رح يجي او شو الي منعو يجي اخدت منديل ومسحت الحمرا الي اقنعني غياث انها حلوة كتير فكيت لبلاك بتردد ماما:معنا وقت منستنى موفق: ما حكالك اي ساعة ليكون مخربط. اطلع غياث بالساعة غياث:لو بدو يجي اجى موفق:هو مواعدك اليوم اصايل:... ماما:خلص بقى ابصر شو ظروفوا بقلبي:انوو ظروف هي لو شو ما يكون ما بسمح يحطني بهيك موقف قدام اهلي اتأملت لبسي ووقفت وانسحبت ل غرفتي بهدوء عكس الضجيج الي جواتي ودقات قلبي الخيفانة اتحولت لدقات قهر ما شلحت قعدت على طرف التخت على امل يحكو اجى.... اصايل:وانتي جاهزة تستقبليه وانتي بقمة القهر لك اصايل ليش ما اجيت رماح.... غمضت بقهر اول ما اسمعت صوت ضحكات موفق مسكت السنسال وشديتو اصايل:ومفكرة حالي متل بقية البنات اللبست لاول مرة هيك لبس وحطيت اكسسوارات سخيفة كان لازم أجيت رماح....انا محبطة منك كتير ....انا ما أتوقعت مابدك تيجي وبعد ما اتشجعت وأخيراً رح اعيش شعور البنت الي عم تنخطب وديتني لجهنم ولايمكن ارجع اعيد هالتجربة . بقلبي:تخيلتيه ماسك باقة الورد وجاي يقدملك اياها كنت مقهورة حتى من تيابي ولازم احرقهن استوعبت الوقت لو بدو يجي اجى فتت للحمام فتحت المي ووقفت تحت الدوش وفرطت من الضحك على حالي على هالموقف وثواني اتحول الضحك للبكى اضحك وابكي بنفس الوقت كنت بحالة صعبة كتير ياريتني متت ولا انحطيت بهالموقف مو بس لحالي اهلي سدءو انو جاييني عريس وطلع كلو كزب. .... لانو اخبار رماح عند جمال وكيف بدو يخطب اصايل وهو معجب فيها .. كان قاعد وبكل ثقة بعت الفيديو الي موثق الحدث لرماح طبعا طول لحتى وصل بس بالاخير استلمو رماح وزاد توتر جمال لانو بيعرف ردة فعلو ووقت صارو السهمين باللون الازرق سكر المحادثة ولساتو عم يتخيل شوو ممكن يعمل فيه مافي خمس دقايق كان الباب عم يخبط مو اي دقات شبه تكسير رماح:افتاح جمال لا اطلع بروحك اخد نفس عميق ودغري راح للباب وصوت التخبيط زاد توترو بس دغري بيخفيه فتح الباب وفات رماح متل بحالة لا توصف من العصبية ضرب الباب ضرب رماح:انت كيف بتعمل معي هيك جمال: زابط يعني رماح: جمال كيف بتعمل معي هيك جمال:هيك رماح:يا ابن الد....لك جرجرتني بوساختك انت بتعرف انو ما دخلني انت خططت وجبتها للبيت شو كان بدك مني امنع حالي لك قلتلك ماني معصوم بس ليش لحتى تصور جمال:مو انا الكاميرا مسكوا وبحركة وحدة لزقوا بالحيط رماح:ليش مصور ليش جمال: حبيت رماح:لا ما حبيت جمال:بتعرف ازا بنشرو ع هديك المواقع بجيبلي عملة ليوم العملة رماح:يعني مارح تمسحو جمال:فوق مابدي اشهرك...بعدين كل ما اتزكر كيف تستشرف عليي وانو انا لحالي بالمستنقع عايش عم اتفرج عليه اطلعت خبرة بس عجبتها كتير ل مهجة لليوم بتحكيلي زبطلي موعد تاني رماح: أنا بستاهل منك هالشي جمال:بس الكاميرا جايبة الموقع بحرفية رماح:بدك تمسحوا جمال:بفكر بالموضوع رماح:بدك تمسحوا وهاد امر مو رجاء جمال:لحقت تشوفو 😂ما لحقت رماح: شو بدي اشوف حرام عليك جمال جمال:انت زلمة ما بتتعيب شبك رماح:صور حالك ما دخلني بس تيجي تصورني لك ....والله ما عم سدء جمال:روح ريح حالك بدي اعملك فنجان قهوة ومنتفاهم كان تعبان لدرجة رماح ومبين عليه هالشي ..... قعد لانو مو قدران يضل متحمل على رجليه كل شوي يخفف على حالو ويمسح على وشو لحتى اجى جمال طبعا مو واثق يشرب عندو لو كاسة مي جمال:روقت رماح: لا جمال: انا قلت عجبو الي صار رماح: وبعدين جمال: روق خليني اضحك عليك شوي 😂. رماح:ماني قدران جمال مو متحمل الفكرة انا اوثقت فيك التجأتلك اريح حالي عندك وهيك يصير فيني جمال: شو هالشياكة ولوو يخرب بيتك ناوي تلوع قلوب العذارى رماح: جمال امسحوا جمال:😂والله حلو ليش مستعر فيه والله ازا بشوفو ابوك ليقول خلفت اسد غمض ب قهر ونفسو صعب كان عم يحاول يهدي حالو قبل يرتكب فيه جريمة.. جمال:او اتخيل افرجيه ل جراح خليه يتفاجئ بقدراتك رماح:انت ناوي تفرجيه لجراح جمال:شو عليه ع اساس ما بيتفرج رماح:ليك أنا بلشت افقد صوابي مستحيل تتوقع ردة فعلي جمال:منمزح ولوو رماح:انت سميت بدني جمال وعم تتعامل معي مرة جد ومرة مزح هالطريقة عم تستنزف كل طاقة تحملي جمال:... وقبل ينطق بولا حرف ضربو بوكس رماه على الكنباية واخد منو الموبايل لتصير شاشتو متل الرمل وما اتشفى منو رجع سحبو على الارض وما خلى مكان ما ضربوا عليه بزق قبل يطلع وطبش وراه الباب بقلبو: ولو بدي انفضح المهم ضربتك وبنص بيتك طبعاً موبايل جمال لساتو معو ماشي وبطريقو للبيت وعم يحذف المقطع ومتوتر لابعد الحدود فات للبيت والظاهر الطريقة الي طلع فيها من البيت كانت كافية لتخلي الكل يراقبو كيف فات للبيت وطبش باب الغرفة قعد وفك زرار القميص وحاول يريح حالو ويستوعب شو ممكن يصير لانو الكاميرا اكيد لساتها محتفظة بالفيديو وهو متخيل الفضيحة ومو جاهز لهاليوم ابدا ناسي اصايل والخطبة ناسي العالم كلو ومركز بالتخبيص الي صار. ....... الحلقة الرابعة والستون بقلمي:مايا الحجازي الساعة ١١ بالليل موفق:تصبحوا على خير طلع للغرفة لساتهن عم يتطلعوا ببعض غياث: سدءنا ام غياث:بتقصد كزب عليها غياث:ما بعرف بس الي بعرفو اصايل خجلانة مننا موفق زودها ام غياث:شو اعملو يعني غياث:قوليلو بنتي خط احمر مشاعرها بتهمني ام غياث:كانت بغرفتها غياث: صوت ضحكو عبى المكان ما اقتنعت انو اتزكر موقف ام غياث: اطلع شوفها غياث غياث:ليش ما تطلعي انتي ام غياث: بترجاك ما بتحمل اشوفها منهارة متل الصبح غياث:الله لا يوفقك يلي ببالي طلع متردد حاسس باحراج اصايل من الموقف دق الباب وفتح بهدوء كانت قاعدة على طرف التخت لابسة بيجامة ورابطة شعرها وابتسمتلو بس وين بدها تخبي عيونها عنو انكسر خاطرو عليها عم تقوي حالها بحالها قعد حدها والا يبتسملها غياث:حكى معك اصايل:لا. ....ولو حكى ما بقى تزبط غياث:زعلانة اصايل:ع شو دخلك فكرتو مقتنع ...يمكن راجع حالو ع اخر نفس يمكن خير الي صح غياث:اكيد خير اوعك تفكري انو الي صار مو منيح اصايل:انا خجلانة منكن اللبستو ونطرتو غياث:بتصير عادي ليش ابكيتي اصايل: مزيج من الضحك والبكي صار بدي اوقف خفت على حالي اجن مو حرزانة القصة غياث:طيب صارحيني ابكيتي لانك بتحبيه وما اجى اصايل:مابعرف شو ظروفوا ابكيت مو لاني بحبو ابكيت لانو استصغرت حالي اليوم كتير غياث:بس انتي بتحبيه لا تنكري اصايل:ما اتوقعت حدا يعجب فيني...😂 مع انو ما طلع معجب. غياث:ما جاوبتي بتحبيه اصايل:حرام الحب صح غياث: حرام لانو خلاكي بالحالة هي اصايل:😭كتير منهارة انا. قربها منو ليحسسها انو هو بجنبها غياث:لا تبكي ماحدا مستاهل اصايل:معك حق بس بابا الي بيستاهل ابكي عليه. ...... لساتو قلبي عم يرجف لو غياث بجنبي وحسسني انو الي صار عادي بس عقلي رافض الموقف ومن ذاكرتي بدي ينمحى هاليوم انا اليوم مكسورة اكتر من اي وقت مضى. ...... وقت صحي واستوعب كيف نام مع صراع كبير جواتو رفض وندم وقهر وزعل غمض بتعب من جديد كان لساتو جراح اخد قسط راحة اتزكر اصايل وكيف عملة جمال معو خلتو ينشل عن التفكير وحتى ما حكي معها ولا اعتذر رماح: اكيد حطيتها بموقف محرج....ومو بس هيك بتكون هي اخدا على خاطرها هالنومة مارح تنفعني لازم اروح واحكي معها واعتذر منها اتجلس منيح من تعبو رجع حط راسو على ركبتيه وغمض جراح:اصحيت نفخ نفسو بتعب جراح:ليش نايم بهدول لتياب رماح:مابعرف كيف نمت حتى جراح:ليش ما بتحكيلي شو صار ليش اطلعت من البيت معصب ليش ما رحت لبيت الجماعة رماح:لا تفتح مواجعي جراح:هي اتراجعت رماح:وساختي ورا الموضوع جراح: شو عامل انا بعرفك معدل رماح:لكن ما بتعرفني جراح:جمال الو علاقة رماح:وقعني بشر اعمالو وانا ما قصرت جراح: مو حرزانة اكيد انت عم تضخم الامور رماح:... راح غسل ورجع جهز حالو لروحة البستان جراح:بدك تضل تشتغل رماح:مابعرف جراح:انا بقول نبدا بمشروع جديد خاص فينا رماح:اليوم ع الاكيد منحكي طلع من البيت ومو متوقع ابدا ردة فعلها....ومو واثق تيجي للبستان حتى جاب العمال وبلشو بالشغل وهو ناطر على نار وعم يخطط يروحلها للبيت ازا ما اجت وبارقة امل انو سمع صوت زمور السيارة واتأكد عنجد أنها وصلت وقف وراقبها كيف نزلت من السيارة وكأنو مو متأثرة ب يلي صار لهيك اطمن شوي بقي مراقب الاستراحة لوقت الي طلعت وكالعادة معها العصاي وراحت للبير ودغري لحقها ولساتو بنفس التوتر كانت عم تتفقد وحدة الطاقة وقت شافتو ابتسمتلو اصايل:اهلين رماح... منيح اجيت خلي حدا من لمرابعين يعمل تنظيف لكل الالواح رماح:انا اسف مشان مبارح اصايل:ليش شو كان في مبارح رماح:صار معي ظرف حتى ما اقدرت اتواصل معك اصايل:وليش مهتم كتير خلص شي صار رماح:يعني الي صار عادي اصايل:ولو ما كان عادي خلص يوم وانتهى انت شبك رماح:يعني ما ازعلتي اصايل:شو بأثر زعلي رماح:انا اليوم جاهز اصايل:ليك هي شغلة وحدة ياريت تستوعبها انا وقت حيكتلك موافقة كان القرار بالنسبة صعب واليوم انا مو موافقة ويمكن خير النا الي صار رماح:عن انو خير بتحكي اصايل: اكيد الي صار لصالحنا نحن لتنين انا هي قناعتي والله يقدملك الي فيه خير رماح: يعني مابقى بدك نرتبط اصايل:رماح ....انا ما بحب اعيش التجربة مرتين انت حكيتيلي ما بتحب تترجى كتير وانو حكيتني بالموضوع وبتحس انو رافضة او عم اتهرب منك ويمكن في حدا بحياتي رماح:وشو معنى هالكلام اصايل: كتير تشرفت بمعرفتك رماح:لا تكوني مولدنة اصايل: الصراحة مابقى اعرفت مين فينا لمولدن رماح:اصايل الي صار خارج عن ارادتي اصايل: ابوك تعب رماح:لا اصايل:اخواتك رماح:كمان لا اصايل:انت رماح:ليش عم تحكيني بهالطريقة اصايل:ماتت امك من جديد رماح:يعني ممنوع يكون عندي عذر اصايل: عادي احكيلي انا عنجد عندي فضول اعرف شو صار معك شو منعك تيجي... وتحطني بموقف محرج مو بس قدام اهلي حتى قدام حالي انا بالزور لحتى اتقبلت اجهز حالي ما كنت لحالي كل اهلي جاهزين وناطرين بعد الموعد بعشر دقايق بلشت اتوتر وبلشت اصغر بنفس الوقت هيييييك لحتى فقدت الامل انك تيجي حابة اعرف ياريت تحكيلي سبب مقنع منعك تفتح معي خط وتحكيلي لا تتأملي لا تعيشي دور العروس رماح:بابا ما وافق يجي معي اصايل:اي كان فيك تحكيلي انو رافض كنت خبرت اهلي ويمكن يحكولي عادي منتشرف فيه رماح:انا اوقات مابعرف اتصرف اصايل:كان الاجراء صعب لهدرجة رماح: اليوم ع الاكيد بكون جاهز اصايل:ومين بدو ينطرك اليوم😂امي ولا اخي ولا انا رماح:ليش عم تسكريها بوشي اصايل:يعني صغرت حالي مرة بدك أعيدها مرة تانية قلتلك خير النا الي صار رماح:انتي اتشرفتي بمعرفتي ...يعني افهم منك اتقلعت من الشغل اصايل:متل ما بتحب افهمها رماح: شكراً...مع انك ارقى من انك تعامليني هالمعاملة بس كمان ما بلومك حقك...انا اكيد مبارح ما عشت شعورك بس سدءيني مبارح كان صعب عليي كمان وعشت شعور الضياع كنت كل شوي استوعب مين انا وليش عم يصير معي هيك وكل ما اوصل للواقع كأنو حدا وقعني من اعلى قمة اصايل:.... رماح:اتشرفت فيكي اكتر اصايل:مشان لحساب رماح:مسامحك و ياريت تسامحيني كمان انتي طالع مفتاح السيارة كان رافض البعد بس مجبور رماح: اتفضلي اصايل:يسلمو اخدتو منو ودغري لف ظهرو ومشي بقلبو:وكأني ارجعت ضيعت حالي من جديد لف ليشوفها واقفة بنفس المكان صعبانة عليه كتير رجع ابتسم بس مو متل كل الابتسامات كانت ابتسامة القهر على حالو وعليها ....... شديت على المفتاح بكل قوتي حسيت قلبي رح يوقف اخدت نفس حاولت اهدي حالي واستوعب كيف بلش يبعد رماح ويختفي أصايل:وكأنو مجبورة اعيش شعور الوداع الاخير اكتر من مرة *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖