الفصل الخامس
*❴📖❵↵* *عشقت.هواك.tt* ♥️🌗
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
➖➖➖➖➖➖➖➖➖
غياث: شبكي وليه
سكرت الباب بقوة واتخنصرت
اصايل:كيف بتستغل البنت انت
غياث:انو بنت هي
اصايل:لا تعمل فيها غشيم اجت للبستان تبكي
غياث:وتبكي بعدين انتي شو دخلك لا تدخلي
اصايل:لك غياث البنت منهارة وانت السبب
غياث:مو انا مين ضربها على ايدها
اصايل:انت كنت تتسلى
غياث:وهي وافقت
اصايل:يعني انت ظلمتها
غياث: عقلها وين كان وهي سدءت انو بدي اتجوزها
اصايل: بسيطة يا غياث رح اخبر ماما
بوقتها طلع الدم لراسو مسكها بقبضة ايدو وفتح عيونو وهددها
غياث: اوعك تهدديني اصايل ومن هالحكاية اطلعي ماني صغير لحتى تيجي تسأليني وتعملي فيها الفهيمة هالمرة صارت تاني مرة لا تلوميني وهلا روحي لغرفتك وساوي حالك ميتة من وجعك
نترها نتر وطلع من الغرفة تاركها مصدومة من تهديدو
رماح:غياث
انتبهلو
رماح: شبك ولوو
ضيفو كاسة شاي
غياث:شبني
جمال:😂اجى عبالو السهر
غياث:ياريتو وين نام ابوه
رماح:برى البيت
غياث:وما حبلت فيه امو اقوالك رماح لازم تنكتب وتتصدر للعالم
رماح:ما الك قبول بالدنيا جمال اسعى لاخرتك
جمال: فشرت يا ابو القبول انت
مع انو كنت بدي افرجيك على وردة وهي ترقص
رماح:اي فرجيه لانو متصدرة الواجهة انت اصلا لو فيك شرف مابتيجي بعد عملتك السودة
جمال:عملتي😉عملتك رماح عيرتلك ع الساعة
رماح:شو مفكرني معصوم عن الغلط
جمال:لا مانك معصوم بس استشرفت عليي كتير
غياث:فرجيني وردة
أعطاه الموبايل وابتسم بإعجاب
جمال:عجبتك
رماح: بتخزي
غياث:هي الي كانت مع رماح
جمال:لا وحدة تانية بس كمان على كيفك بتعرفها انت
غياث: مين
رماح:خلصنا بقى جمال فكني من هالسيرة
جمال:كانت تشتغل هون
غياث: مو متزكر شو شكلا
جمال: اسمها مهجة...وقتلت حالها على موعد مع الافندي
غياث:معناتو زبطتك
جمال:😂جاوبو ليش سكتت
رماح:بدك تنقلع ولا شو
جمال:ولا شو
مسكو من ايدو ولفها ورا ظهرو
جمال:ااااخ رماح ايدي
رماح:يا نجس زودتها
صار يحجز بيناتهن
غياث:خلص رماح اتركوا بعدين انت جاي تجاكر فيه نشرت عرضو للزلمة
جمال:ااخ يا رماح انكسرت ايدي انكسرت
رماح:بتسكر تمك ع الاخير والله بكسرها
جمال:معاد فيني ااااخ
غياث:لك اتركوا
قوى اكتر وبعدين تركو بعد ما خلا جمال يتلوى من وجعو
جمال:الله لا يوفقك على هالعزم
غياث:😂مبين انت تشتوش
رماح:رفيق النسوان شو بدك تترجى منو
غياث:حلوين دخيل عينهن
جمال:انت ولي جاي يتطمن عنك
غياث:الصراحة مبين جاي تطمن انت جننتوا
رماح:...
بقلبو غياث: السهرة معهن بتجنن
جننو للزلمة هاد جمال للفضايح وحدة بوحدة
جمال بقلبو:لو يعرف انو موثقة عملتو
رماح بقلبو:يارب ما يجي جراح هاد مبين بايعها ازا دري جراح كيف رح يكون موقفي قدامو حسبي الله ونعم الوكيل فيك يا جمال وقعتني بشر اعمالك.
........
الحلقة الستون
بقلمي:مايا الحجازي
تاني يوم عند طلوع الضو جهز حالو
تارك جمال نايم وغياث لساتو على موبايلو ما مل
غياث:رايح
رماح: اي
ترك موبايلو وراح يتمشى معو
رماح:بدك ترجع
غياث:ليجي اخوك
رماح:عجبتك السهرة معنا
غياث:كنت مفكر بعد طارق والشباب مستحيل اصاحب حدا مع انو مابعرف شو صلة القرابة بينك وبين جمال
رماح:جيران بس
غياث:انا عندي نظرة ثاقبة جمال بغار منك
رماح:على شو دخلك
غياث:نظراتو الك بتبين الغيرة لو كان مبتسم يمكن فيك شي او عندك شي متمني يكون عندو منو
رماح:الله وكيلك على شوي بشحد
غياث:بالسهرة قلت حكي حقو مصاري
رماح:شو هو
غياث:انو ماعندو قبول
رماح:ازا انا عندي قبول لهيك قلعتني من الشغل
غياث:بعد ما اخدت واعطيت معك حسيت حالي بعرفك من زمان
رماح: بشوفك المسا
غياث:الله معك
كمل وهو عم يفكر بشو ممكن يكون جمال غيران منو ما وصل ل جواب شافي
وصل للحارة وكرمال ما يشوف ابوه دق الشباك على اخواتو اكتر من مرة لترد بخوف اخلاص
اخلاص:مين
رماح:افتحيلي الباب
كانت شبه مغمضة
اخلاص:ليش جاي متل الحرمية
رماح:لا تقولي اني ارجعت
اخلاص:حزورة اخي
ما رد عليها اضطر ياخد تياب من الشنتة وانصدم من الي فيها
بقلبو:هاد جمال بدو يجيب اخرتي
فات اتحمم وجهز حالو على الاربع وعشرين وحط تيابو الي شلحهن بالشنتة وطلع
اخلاص:وين رايح اخي
رماح:على بلاد الله الواسعة
اخلاص:بدك تسافر
رماح:هو صاحلنا يلا بخاطرك
وقت سكر الباب وراه ارتاح بطريقو لبيت خالتو سهيلة وقف تكسي كان بعالم تاني ماعم يفكر بشغلة وحدة بكتير شغلات وصل بعد ربع ساعة حاسب الشوفير ونزل دق الباب بقوة واول ما سمع صوتها ابتسم
سهيلة:يلا يلا
رجع دق بقوة ليجننها واول ما فتحت شهقت بصدمة
سهيلة:هاد انت
رماح:هيك بتستقبلي ابن اختك لك سهيلة
قولي اتفضل
سهيلة:اهلا وسهلا نورت
كانت اكبر منو بتلت سنين رفيقة الطفولة البعيدة بس رماح ك حجم بحطها بجيبتو الصغيرة
سهيلة:انت محبوب الملايين والا ما بتيجي وسهيلة عم تغلي القهوة
رماح:دخيل سهيلة وقهوة سهيلة وين المحروس
سهيلة:نايم سهر ع التيكتوك للفجر
رماح:😂المهم يشتريلك دهب باتعابو ع التيكتوك
سهيلة:وين بتحب تقعد
رماح: بالمطبخ بلا ما نزعج محروسك
قعدو بالمطبخ ودغري صبت قهوة الو والها
سهيلة:طمني عنك يا الله شو حاولت اتواصل معك وابوك ما رضي يعطيني رقمك
رماح:اتركيه بحالو
سهيلة:عنجد حامل ناهدة
رماح:عقبالك يا سهيلة
سهيلة:لا تفتح جروحاتي رماح
رماح:انتي زعلانة ع حالك ولا من حبل مرت ابي
سهيلة:بزعل على حالي وكمان مو هاين عليي فيكن
رماح:😂لك مو انا الحبلان
سهيلة:ليك ولاه انت متغير كتير
رماح:مبين عليي التعب مو
سهيلة:تعب شو صاير قليل ادب
رماح:بدل ما تحترميني
سهيلة:بدو يجنني انا خالتك مو انت خالي
رماح:بدك اضحك على حالي اي اخت امي بس ما بتزبط احكيلك خالتي
سهبلة:ليكك حكيتها
رماح: مابعرف بحسك اختي لكبيرة😂
سهيلة:امري لله رح اسايرك وين ايامك شو عم تشتغل
رماح:انسرقت يا سهيلة خليها لله
سهيلة:يوه مين سرقك
رماح:والله مابعرف حتى ما معي اشتري تياب
سهيلة: شوفي بالشنتة لكن
رماح:اوووف بقايا رماح
سهيلة:ولي عليك يا ابن اختي عم تنفخ كل نفخة بتطبخ طبخة طيب شو عم تشتغل
رماح:ناطور بالبساتين.
سهيلة:انت بتعرف ليش بدي اشوفك اجيت مرتين واتقلعت تقليع اخلاص حكتلي عن معاملة ابوك بالاخص الك
رماح:ما حدا خبرني انك اجيتي
سهيلة:امنتهن ما يحكن بعرفك رح تعمل مشكلة معو
رماح:كان الموضوع ضروري
سهيلة:وامك وصتني ما احكيه الا الك
رماح:امي
سهيلة:الله يرحمها
رماح:طيب شو القصة
سهيلة:امك حكت قدام ابوك وفهمت الكل انها سامحت اهلها بورتتها بس بالحقيقة هي اخدت حصتها بس ما بدها حدا يعرف
رماح:وليش خبت الموضوع
سهيلة: ابوك السبب مهتاتو الها ومسباتو وهي كانت متأكدة مارح يخليها تتصرف بحصتها
رماح:والخلاصة
سهيلة:رح اعطيكن حصتها بيع وشرى
رماح:معقول الي عم اسمعوا
سهيلة:يعني مابقى تحتاج لا شغل ولا عمل وبتفتح مشروع ع المرتاح
رماح:وحدة وحدة خليني استوعب شو حكيتي
.........
كنت محاربة غياث وما اهتميت لوجودو على الفطور
ماما:شو حبيبي عاجبيتك الروحة للبستان
غياث: نوعاً ما شو وين عمي موفق
ماما:تعبت مرتو وراح يتطمن عليها
غياث:انا بحاجة مصاري ماما
ماما:ليش عم تحكيني الي
غياث: بهون عليكي اشحد من بنتك
اصايل:بلش بدور المظلوم
غياث:شكلك مابدك تاخدي كلامي جد
ماما: شو ناوي تعمل
غياث:بدي اخد حصتي وبس مو ناوي اعمل شي
ماما:شو اصايل
اصايل:بس رح ياخد وقت الموضوع وانت عندك سفر
غياث:بلحق لا تشيلي هم سفرتي
اصايل:خلص رح احكي مع المحامي
غياث:انا بحكي معو
اصايل: انا بغرفتي شو بصير معك خبرني
غياث:..
كنت متأكدة انو مو عاجبوا ابدا بس مسايرني
....
لساتهن على طاولة الاكل
غياث:يعني بنتك ما بتدقر جلي وترتيب
ام غياث:انا بحب اشتغل
غياث:وهي كيف بتقبل
ام غياث:خليها على راحتها بعدين هي ما بتعرف تقلي بيضة وفوتتها للمطبخ شبه دمار تكسير وفوضة
غياث:وكيف رح تأسس عيلة ويصير عندا اولاد ماما انتي امها واقرب الناس الها لازم تقعدي مع بنتك وتفهميها تترك الشغل وتتعلملها شغلة تنفع أنوثتها
ام غياث:شو بدي اعلمها اول ما كبرت قعدت معها بتعرف قبل احكيلا اي شي حكتلي اتركيني بحالي انا هيك معجبة بحالي كتير
غياث:شفتي بالحفلة كيف كانت متل العين المقلوعة لبسها مو متل البنات ما بصير امي
ام غياث:بكرى بتندم
غياث:انتي بدك اياها تندم
ام غياث:انت ما بتعرف بنتي اكتر مني اصايل ثقتها بنفسها مهزوزة
غياث:وشو السبب دخلك
ام غياث:من لما كانت صغيرة كانت تسمع تعليقات سلبية على سمارها وتصرفاتها
غياث:وهاد دعمك الها
ام غياث: انا بشوفها احلى بنت بالعالم
غياث:لازم هي تشوف حالها هيك مو بس انتي
ام غياث:ازا خايف عليها كتير احكي معها انت
غياث:والله؟هاد الي طلع معك ليش انا وياها طايقين بعض
ام غياث:حكيتها كتير ردة فعلها على كلامي بتكون حادة وانا مليت
غياث:متل مابدك المهم حياتك الزوجية تضل مستقرة
ام غياث:ليكون عم تتمسخر
شبع وقام عن السفرة
غياث:لا امي ما بتمسخر بحكي جد دايمة
طلع ل غرفتو لانو منطفي من السهر
حكى مع المحامي والمسا موعدهن
.........
سهيلة:انشالله مروح
رماح: راجعلك بس بدي اشتري تياب
سهيلة: ناطرتك ع لفطور
رماح:ماشي بكون صحي محروسك
سهيلة:خلص ولاه اسمو جوز خالتك
رماح:😂لحتى اعترف فيكي خالة
سهيلة:اختي مخلفة قمة بقلة الاحترام
رماح:ورتانو وراته
سهيلة:رح اجهز الفطور
طلع ودغري لمحل تياب اشترى تشكيلة جديدة
كان بدو يجدد كلشي بحياتو
رجع لعند خالتو الي تفحصت شو اشترى
سهيلة:ولي على عيونك من شوي شحدت
رماح:معي تسليك مو تفكري بنك
سهيلة:وزوءك حلو يا ضرسان
رماح:ازا انا حلو كيف بدو يكون زوءي
سهيلة: تواضع ولاه
رماح:ما صحي محروس والله طول
سهيلة:لبعد الظهر
رماح:والجولات منيحة الي عم يفوتها😂
سهيلة:بتابعو
رماح:بستعار فيه😂 بس جراح متابعو استني ليصير مشهور غير يجيبلو فانزات جراح
سهيلة:وانت والله بيطلع منك
رماح:ما بتزبط يا مشحرة ازا ما اهلكت ما بستطعم بالاكل وحتى باللبس
سهيلة:انت بدك ترباية من اول وجديد
رماح:حطي الفطور خلصينا خرج الواحد يجي بلا اكل لعندك
سهيلة:لعمى بهدلني بنص بيتي
جننها من الاخير ع لفطور تراقب اكلو وكل شوي تضحك عليه
سهيلة:وين عم تروح بالاكل
رماح:رايح عضل مشان وقت انزل حمولة ما اتعب من اول نقلة
سهيلة: وصحيح تركت انت وخطيبتك
رماح:مو خطيبتي مين فهمك اني خطبت كلها على بعضها فاتحة وتركت
سهيلة:وما عزمتني شو انقهرت منك
رماح:لك روحتنا كانت مبهدلة بعرفك نفسيتك حامضة مو خرج
سهيلة:يعليك كيف صاير هيك
رماح:انتي التانية سايقة بحكاية انك خالتي😂
سهيلة:ليكون حابب ولاه
رماح:هاد الحكي الحلو طيب كيف اكتشفتي
سهيلة:مبين صاير فيك وشه
رماح:يعني الي بيحب بيجن
سهيلة:اوعك تكون مو حلوة
رماح:شو علاقتك انتي حلوة مو حلوة المهم بعيوني بتجنن
سهيلة: الواحد بجيبها حلوة مشان مستقبل ولادو
رماح:الواحد بجيبها بنت حسب ونسب وأصيلة مشان تصونو هي شغلة الجمال والنعومة ما بتعجبني
سهيلة:شو عدا ما بدا
رماح: صاير عندي مبادئ جديدة
سهيلة:يعني مافي حلوة بنت حسب ونسب وأصيلة
رماح:حبيت ومشي الحال
سهيلة:اوعك تكون سمرة
رماح:من بياضك يا شق اللفت لازم كليوم تصلي وتحمدي ربنا انك اتجوزتي
سهيلة:شبني والله بيضة
رماح:ازا مشرطة عيونك بالكحلة تعالي اقنعيني بياضك طبيعي
سهيلة:شوية مو كتير
رماح:وقت كنتي صغيرة كانو حاطين صورتك ببيت جدي مشان يخوفو لولاد
هو يكركر ضحك وهي وقفت تربيه
رماح:بمزح معك وليه
سهيلة:الله يرحمك يا اختي تيجي تشوف ابنها
رماح:يخزي العين عني صلي على النبي .
سهيلة:اللهم صل على سيدنا محمد صاير متل النسوان مرافق داية يعني
رماح:شو عرفك
سهيلة:كنت تمزح معي عنجد
رماح:اي ماشالله بياضك ناصع
سهيلة: بدو يجنني هالولد لك ليش متغير هيك
رماح:عم تغلطي سهيلة شو هي ولد
سهيلة:مين مصاحب بلا هالايام
رماح: مصاحب حالي الك عندي
سهيلة:اوقات بستغرب كيف متحملك ابوك
رماح:حتى انتي عليي
سهيلة:ردودك تدرس
رماح:بعجبك دايمة ع لفطور تاني مرة اسخي بحط السكر ازا ما كان الشاي متل العسل مو طيب
سهيلة:انسيت انك عامل
رماح:جددي القهوة وازا حابة اجلي الجليات ماني مستعجل.
كان مرتاح نفسياً لشغلة الورتة
بقلبو:ازا بهديك الايام كانت الارض ما بتسوى اليوم حقها بلاوي ياريت تزبط مابدي اقبر الفقر بس بدي اعيش بكرامة حاجتي تحت رحمة صحاب الشغل
رجعت بعد نص ساعة ومعها القهوة
رماح:وشو الإجراءات اللازمة
سهيلة:مافي اجراء الامور جاهزة بس تعال انت واخواتك وبتنازللكن عن الحصة
رماح:يعني بدك تقسميها
سهيلة: الاحسن تتقسم لانو النفوس بتتغير وانا مابدي اشوفكن متفرقين
رماح:معك حق
سهيلة:وتسطفلو بدكن تبيعو بدكن تستثمروها انتو حرين وانتو اولى بحق امكن
رماح:خلص يوم الاحد منكون عندك
سهيلة: بتشرف فيكن وبكسبكن
رماح: احسن سهيلة بالعالم
سهيلة:يخليلي اياك.
......
،
الحلقة الحادية والستون
بقلمي: مايا الحجازي.
اول ما لمح رماح فايت للبستان حاول يخبي ايدو بس شكلو رماح منتبه انها ملفوفة بشاش طبي
رماح: شبها ايدك شو صاير معك
جراح:جرح بسيط
مراد: انو بسيط الله ستر نزف كتير
رماح:كيف صار هيك
مراد:وقعت على ايدو ال
جراح: خلص انت التاني المهم اني بخير
رماح:شو حكى الدكتور
جراح: اعطاني أدوية وبعد يومين بدي اراجع المركز
رماح: تاني مرة انتبه كبير الجرح
كان عم يتفقد ايدو
جراح:جرح عادي ولوو
رماح:الحمد الله ع سلامتك اخي ايمتى صار هالشي
مراد: الصبح
رماح:خلص روح ريح
جراح: والشغل
رماح:انا بستلم بدالك
جراح:ما بكفيك شغلك
رماح:شو بدك انت روح ريح مراد بيستلم عنك
جراح:والمتريسة
رماح:مبينة وضع صحي انت كتير تعبان
جراح:اي والله كتير
رماح:...
....
طلع هو يوصلو بعد ما وصى مراد بالشغل كان حاسس بوجع اخوه ومقهور انو ما كان معو
رماح:فيها وجع.
جراح:بحس الوجع متل النبضات
رماح:واصل للعصب يعني
جراح:لا بس الجرح شوي غميق
رماح:سلامتك ارتاح وانا بحكي مع اصايل ورح تعذرك
جراح:شكلك كنت بمشوار
رماح:رحت لعند خالتك
جراح: منيح كتير
رماح:اشتريت تياب
جراح:اي شفت مبروكين
رماح:حرقت الشنتة بلي فيها
جراح:المهم ارتاحت نفسيتك
رماح:انت بتعرف انو طلعلنا ورتة من اهل امي
جراح:😂كم متر
رماح:انو متر احكي بالدونم
جراح: عنجد بتحكي
رماح: وموقع الارض عليه طلب
جراح:يه ليكون مزحة
رماح:والله عنجد بس لا تخبر حدا يوم الاحد رح تتنازل خالتي سهيلة عن حصة ماما النا
جراح:بس اخلاص وكوثر تحت السن القانوني
رماح: مابعرف بهيك امور هي حكت الكل
جراح:معقول لك رماح
رماح:والله مو مسدء متلك وما رح اسدء الا ليتسجلو باسمنا
جراح:..
رماح:لسى في وجع
جراح:مو كتير
رماح بقلبو:ياريتها ايدي ولا ايدك مبين التعب عليه شكلو نازف كتير
رماح: طيب مدامك انجرحت ليش ما رجعوك للبيت
جراح: مابعرف ليش لازم
رماح: انت متلي حمار شغل ما بتفكر بحالك
جراح: حاسس حالي دايخ كمان
انقبص قلبو بخوف
رماح: عنجد جراح انت اكلت شي
جراح:لا
رماح:كمان بقر الي كانو معك
نزل عند محل حلويات
طبعا جراح بعالم تاني مافي حيل لشي
جابلو حلويات
جراح: لشو الحلو
رماح:منيح الك
جراح:اجو بوقتهن ميت من جوعي
كان طول الطريق يراقب اخوه الي مستند بتعب وصلو للبيت ومشي بجنب اخوه كان خايف عليه كتير وبالبيت حتى ابوه خاف عليه لدرجة اتمدد بتعب .
ابو رماح:شبها ايدك
جراح:عادي جرح صغير
اخلاص: صغير وهيك ايدك مضمدة
كوثر:سلامتك اخي.
قعدن حدو ومسكن ايدو السليمة
ابو رماح:لا بقى تشتغل كل هالشغل مو عاجبني
لساه رماح واقف وشايف كيف خايفين عليه
بقلبو:شكلنا مصابين بفوبيا الفقدان
جراح:منيح انا والله منيح
كوثر:تاني مرة دير بالك ع حالك
اخلاص:انتبه اخي والله انا ما بتحمل يصيبك شي
ابو رماح:فيها وجع ايدك
جراح:انا ماني موجوع اطمنوا بس تعبان
ابو رماح:لكن اتركوه يرتاح
اخلاص:نحن هون ازا بدك كاسة مي اطلبها مننا
ابتسم لاخواتو بغرض يطمنهن
طلعو كلهن بقي بس رماح عندو
رماح:نام انا برجع العمال
جراح:ماشي
رماح:وصفلك دوا الدكتور
جراح:بس ما صرفتو
رماح:هات الراشيته انا بجيبها
جراح:...
شلح الجاكيت وأعطاه الراشيته وقبل يطالع مصاري منعو
رماح:لك انا بعطيك قلبي ازا لزم الامر بدي ابخل عليك بشوية مصاري
جراح:انت مو ناقصك
رماح:ما بطول عليك
.......
وبالفيلا كانت الامور ماشية وتنازل اصايل خلا غياث يتنفس بطمأنية وراحة
وهيك بكون ارتاح نفسياً وباقي بس يتنزلو بالطابو بأسمو.
بعدها جهز حالو وطلع للبساتين ليشوف الحصة الي صارت ملكو
وبلش يعمل تقييم للارض واديش ممكن يكون سعرها بهالايام وناوي ع البيع.
......
كنت خايفة ابتسامة غياث مو طبيعية هو بيعرف انو مستحيل اظلموا خوفي يكون بدو يبيع وهيك مابقى فيني اتدخل هو حر التصرف
وقت اتزكرت بابا سالو دموعي غصب عني
اتزكرت وقت كان يتمشى بين الشجر وابتسامتو ما تفارق وشو
ابو غياث:شايفة يا اصايل هالارض مع الشجر والسما اديشهن حلوين
اصايل: مو احلى منك
ابو غياث:هي الارض مستعد اتخلى عن روحي وما اتخلى عنها
اصايل: لهدرجة بتحبها
ابو غياث:هي الارض الها تاريخ يا بنتي اورثتها عن جدودي بتعرفي بهديك الايام كانت الارض ما تسوى متل هلأ ورغم هيك ما فرطوا فيها وكم جيل توارثوها لحتى اورثتها هي بمثابة هوية ثابتة فيكي تتخلي عن هويتك
اصايل:مستحيل
ابو غياث: لهيك لا تتخلي عنها ابدا هي الارض متل الام الحنونة بتعطيكي بدون مقابل
اصايل:بس عم نتعب ونسقي ونهتم فيها
ابو غياث:كرمهاا بيفوق كرمك بكتير انتي عم تعتني فيها لمصلحتك بس هي عم تعطيكي بدون مصلحة
اصايل:ابو غياث بلشت اغار من الأرض ها
نزلو دموعي بغزارة اكتر انهرت وقت اتزكرت كيف قربني منو واطلع عليي بكل حب وحنية
ابو غياث:انتي ما بيغلى عليكي غالي انتي اصايل قول وفعل
اصايل:الله لا يحرمني منك بس ليش سميتني اصايل ما بحبو
ابو غياث:معنى اسمك كتير حلو
اصايل:لو سميتني ريم او مها لك حيلا اسم
ابو غياث:اسمك احلى اسم بالعالم
اصايل:مارح تقنعني فيه ابدا.
(وقت الي ارجعت للواقع كنت رافضة حياة بدونو انا اصلا مو مسدءة انو مات وتركنا وبلشت ابكي بصوت مسموع)
اصايل:من بعدك فقدت كلشي بابا انا اليوم بدونك مكسورة ماحدا عم يفهمني متلك
وقت رن الموبايل بملل شفت مين
كان رماح
فصلت وكتبتلو:في شي ضروري
ورجع اتصل اوووف
رديت بعد ما اشربت مي
رماح:كيفك
اصايل:تمام
رماح:شبو صوتك
اصايل:شوي تعبانة
رماح:سلامتك...انا بدي اشوفك
اصايل:اكيد مو اليوم
رماح: الموضوع مهم ضروري وما بيتأجل
اصايل:خوفتني
رماح:انا عند التقاطع ناطرك لا تتأخري
مع انو كنت تعبانة كتير بس اكيد في شي
بتياب البيت اطلعت بس اللبست الطاقية ونزلتها منيح لحتى اغطي عيوني طنشت الكل حتى رجعة غياث من مشوارو
غياث:وين اصايل
اصايل:فتلة شوي مالة
يمكن الي اكدلو اني بتياب البيت لهيك ما اهتم كنت ماشية بسرعة وسط
......
وقت لمح السيارة ارتاح كتير
صفطتها ونزلت استغرب انها ببيجامة هالشي عم يأكدلو اديشها بسيطة ما رضي يسلم عليها وقفو لتنين بمقدمة السيارة وارتكو
اصايل: شغلت بالي
رماح:مابعرف كأنو اليوم ما شفتك
اصايل:انت جبتني مشان هيك
رماح:ما اقدرت....حسيت اليوم بدونك ما حلو
اصايل:اوف منك فكرت ابصر شو صاير
رماح:ما استفدتيني
اصايل:مو وقتو هالحكي
رماح:طيب اشلحي الطاقية
هو شالها عن راسها واتأكد انها كانت تبكي مو بس من صوتها من عيونها
رماح:ليش كنتي عم تبكي
اصايل:مابعرف
رماح:احكيلي
اصايل:تراكمات
رماح:بس اكيد في سبب خلى التراكمات تطلع اليوم
اصايل:انت بدك تبكيني.
رماح:ازا بترتاحي ابكي
اصايل:ما عم استوعب موت بابا
رماح:بعد كل هالوقت
اصاايل:انا رافضة اعيش حياة مافيها صوتو طلتو عليي
رماح: ليش اليوم تزكرتيه
اصايل: اشتقتلو كتير
كانو دموعها عم يذرفو بغزارة
رماح:بفهمك اكيد شعورك مريت فيه بس مستحيل ابكي
اصايل:انت اقوى مني
رماح:مو قوة كل حدا فينا عندو طاقة تحمل
اصايل:فوق طاقتي موتوا
رماح:انتي هيك بتفكري هي طاقتك انتي بتتحملي غيابو
اصايل:لا لا ما بتحمل
رماح:ولو رفضتي انت عندك قدرة تعيشي بدونو في كتير اولاد طلعو على الدنيا بدون اب وبدون ام حتى يعني انتي بالنسبة لغيرك حالك احسن من حالهن امك موجودة وانتي مو بعمر صغير
اصايل:لانك ببساطة مابتعرف شو كان بالنسبة الي خمس سنين ما كانوا كم يوم.... اتصبح فيه انزل معو للبستان اقضي يومي حكي معو أسئلة كتيرة استكشاف هو ما كان بس ابي كان كل الكون بحس انو انا مو واعية على الايام من بعدو كأنو حلم .
رماح:بس هو واقع
قرب منها كتير ومسحلها دموعها بحركة صغيرة خلاها تطلع بعيونو بعد ما كانت نظراتها تائهة اتأملها منيح
رماح:انتي كتير حساسة
اصايل:...
رماح: لاول مرة بحسد ميت... اديشو محظوظ ابوكي صاحبة قلب رقيق واحساس مرهف بتحبو ومخبيتو بقلبها ورافضة يكون بعالم بعيد عنها
اصايل:بس هاد الشي طبيعي
رماح:مو كل الناس متلك وبيحسوا متلك وبحبو متلك ..بتمنى يكون عندي بنت تحبني متل ما بتحبي ابوكي
اصايل:مو نصيحة ابدا فكرة انو يجيب الواحد ويعرض ابنو لكل هالمصاعب....صعب كتير
رماح: احكيلك شي وبتمنى تاخدي كلامي جد
اصايل: احكي
رماح:انتي محتاجة حدا جنبك انا بعرف انو عندك ام واخ بس الي متأكد منو انتي محتاجة حدا يكون محور حياتك
اصايل:انت
رماح:هي ازا معبي عينك
اصايل: خطبة وزواج
رماح:اي
اصايل:هيك متل ما انا
رماح:ليش شبكي هيك.... انا ما برتاح لاي حدا بسهولة جواتي طمأنية وانا بجنبك مو عادية اشرحلك اياها اكتر
اصايل:اي
رماح:متل وقت تكوني ببلد غريب وفجأة تلتقي بحدا بتعرفيه شو رح يكون شعورك
اصايل:انت هيك شعورك تجاهي
رماح:ما حكيتيلي كيف بكون شعورك
اصايل:ازا هالحدا بحبو اكيد أمان
رماح:اصايل ... انا ما بحب اضل اترجى كتير حكينا بالموضوع وبحس انك رافضة او عم تتهربي في حدا بحياتك.
لتفوت بموجة ضحك مو طبيعية
اصايل:حدا مين هاد
رماح:يعني انتي مابدك
اصايل:..
رماح:ما بتحبيني
اصايل:طيب خليني افكر بالموضوع
رماح:وخايف تنسي تفكري
اصايل:...
رماح:رح اتركك تفكري بس انا مابقى افتح معك الموضوع بس تقرري بتعرفي رقمي واحكيني
اصايل:خلص يعني ازا انت عندك رغبة ترتبط فيني احكي مع اهلي
رماح:اي هاد الحكي الي بينسمع الاسبوع الجاي منيح
اصايل:انت جبتني مشان هيك
رماح: مشان الشغل بس الي صار اهم
اصايل:شو صاير
رماح:جراح تعبان وبدو يغيب عن الشغل
اصايل:انت استلم عنو بكرى انا هلا بشوف مين ينطر
رماح:وقت تقرري بتعجبيني بيتدبرو
اصايل:تشارط
رماح:موافق من شو ل شو
اصايل: مابعرف انت قول
رماح:ازا دبرتيهن بعطيكي
اصايل:اي كمل
رماح:شو خطر عبالك
اصايل:مابعرف انت شو في ببالك
رماح:بعطيكي قلبي
اصايل: يعني بدك نروح بنصاص الليالي نطالع قلبك.
رماح: انا بدي اعطيكي اياه معنوياً
لصايل:ما دخلني بدك تعطيني اياه
رماح:يلا اتصلي وشوفي وانا بشوف دكتور شاطر يطالع قلبي بدون وجع
اصايل:جهز حالك لكن
بقلبو: دخيل قلبك من شوي كانت تبكي وهلا مافي احلى منها وروقت كمان
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*