ادمنت تلاوتها - الفصل 8 - مكتملة | روايتك

*#ادمنت_تلاوتها🥺🖤* *#بقلم|| بت~الخرطوم🖤* *#الحلقه {8}🥺🖤* ♥︎★•••••••••••••••••••••••••••••★♥︎* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ مها: اسامه دا منو دا مهد:(وهى بتلبس فى اسدال الصلاة) الاتقدم لى امبارح مها: ماشاء الله سمح سماحه عاد ي بت مبالغه مهد: وقال شنو مها: هلا مهد مهد: برد ليهو بعد اصلى (و طوالى كبرت لى صلاة العصر بعد انتهت ردت ليهو) مهد: كيفك كان متصل طوالى رد ليها اسامه: بخير الحمدلله انتى كيف مهد بخير والله كنته دايره اقول ليك(و حكت ليهو) اسامه: كل شئ ولا زعل الوالده و انا موافق كلمى ابوك بي الحاجات الدايرنها وخليهو يلاقينى عشان نشتريهم ويجيبهم ليك و ح اعقد عليك بعد شهر و الدعوة ح تكون غدا كدا كيف معاكم مهد: شكرا على تفهمك موقفى وانا موافقه وعلى م اظن يكون عندهم مشكله لكين بوريهم بي كلامك اسامه: العفو ي مهد بعده كلمت ابوى بي كلامو وقال لى خير وامي فرحت فرح وقعدت تزقرت تانى 🤣🤍 المهم اتصلت على صحباتى ووريتهم و قالو لى اول الحاضرين ان شاء الله و بدو لى دخان طوالى وطبعا صحباتى م قصرو معاي شئ عروكات وشئ ماسكات ح نعمل جرتك بسيط و حيكون نسوان بس زي م عارفين انتو المهم الشهر مره بي سرعه وماشاء الله امي وخالتى وعماتى بقوني دبدوبه 🤭💗 يوم الجمعه الصباح طلعت و معاي ضحى وزيرتى و مها مشينا الكوفير عملو لي جلست فيشال وحمام مغربي ورسمو لى وبعد صلاة الجمعه اسامه رسل لي رسال "مبروك لينا تم عقد قراننا وربنا يقدرني اسعد واشيلك فوق راسى ي مهد انتى بقيتى امانه فى رقبتى وعمرى م ح اخذل الضهر الانكسر وربك ولا ح اكسر اليد الاكلتك ولا البطن الشالتك وربنا يخليك لى ي من ادمنت تلاوتها 💗🤍" بعد قريت كلامو دا بقيت ببكئ صراحه كلامو اثر فينى شديد وشكلو كان بسمع لى تلاوتى لمن اقرا فى الحوش بعده وقفت البكئ عملو لى مكياج مع انو كنته رافضه بس مها كانت ح تدقنى فى الكوفير مها: انتى لو هبله ورينى يعنى ح يشوفك منو م راجلك قال تعالى [وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ] فهمتى 😤 مهد: خلاص ي هنايه براحه على اعصابك ح اتمكيج 😅 مها: كلبه 😒 المهم مكيجوني كنته ماشاء الله على جميله جدا ولبست توب الجرتك وبخرونى خمسه دقايق و العريس وصل والبنات يزقرتو دخل لى كنته مغطيه بي القرمصيص اسامه: ي الله احفظها و ي ارض احفظى م عليكى خت يدو فى راسى حصنى وانا قلت ابادر وتكون بدايه موفقه قمت حصنتو بعدها سلم لى فى راسى وغطانى بالقرمصيص راجعه مسك يدي ونزلنا تحت الزقاريت والصفافير والتبشيرات ركبنا العربيه يتبع.... ــــــــــــــــــــــــــــــــــــــــــــــــــــــــــــــــــــ•••••••••••••••••••••••••••••••••••••••••••••••••••••••••••••••••••••••••••••••••••••••••••• *☆يتبــــــــــــــــــــــــــــــــــــــــــــع☆* Šhâhâd ♡?