الفصل 5
#ادمنت_تلاوتها🥺🖤*
*#بقلم|| بت~الخرطوم🖤*
*#الحلقه {5}🥺🖤*
♥︎★•••••••••••••••••••••••••••••★♥︎*
خليل(دا ابوهو): دا يوم السعد الغير لينا اسامه كدا والله البت بت حلال
اسامه: اوووو... الوالد ياااخ والله مشتاقين ي ابوي 🤍(وسلم ليهو فى راسو)
خليل: والله بت حلال البت دي اخبارك شنو ودي شنو الغيبه الطويله دي وارح اقعد احكي لينا البت دي منو دي الغيرتك كدا لمن عملت لي لحيه
اسامه: 🤣🤣🤣🤣 كدي براحه براحه بحكي ليكم اي شئ كدي تعال اقعد اول و ي روان جيبي لي ابوى دا مويه
روان: حاضر (مشت جابت لى ابوه مويه و جاءت ادتو و شرب) اه احكى لينا ي اسامه شوقتنا اول شئ اسمها منو؟
اسامه: اسمها مهد و.....(حكى ليهم من سمع صوتها لحد اخر يوم ايهو فى الخرطوم) بالجد ادمنت تلاوتها وانا كل يوم بدعى فى صلاتى تكون من نصيبي
رياض: ربنا يعرسها ليك ي اخوي
اسامه: امين ي رب
موده: قوم ي ولد استريح شويه على بال م بحهز الغداء عشان ناكل
اسامه: طيب
*فى السودان*
```بعد مرور خمسه شهور```
عبد العظيم: مهد.. ي مهد
مهد: نعم ي ابوى
عبد العظيم: ي بتى انتى بعد دا بقيتى كبيره و اتخرجتى وربنا رزقك بي شغال صراحه فى واحد اتقدم ليك وانا اديتو كلمه و قالو يشوفو رايك
مهد: والله ي ابوي انا م عارفه لكين مدام انت اديتهم كلمه انا م ح اكسر كلامك ابدا لكين انا ح استخير و اذا م طلعت خير صدقنى بعد فتره ح نفركش
عبد العظيم: ربنا يكبر بي عقلك و اذا م طلعت خير بعدين فركشى الخطوبه
مهد: امين ي رب بس صدقنى ح تفركش براه بدون انا اكون سبب فيها
بعده انتهى الحوار وابوه اداهم الموافقه وجو خطبوه فعلا و اسامه رجع من ماليزيا
فى يوم من الايام اسامه كان بقرا فى قراءن فجاء سمع صوت الزقاريت قام طلع برا لقى عثمان قاعد فى الشارع وفرحان مشى ليهو وسالو
اسامه: ماشاء الله خير ان شاء الله ي عثمان
عثمان: لا لا خير ي اسامه اختي خطبوها
اسامه: ياتو واحده فيهم الكبيره ولا الصغيره
عثمان: الكبيره
اسامه لمن سمع كدا زعل شديد من نفسو وقال ليه انا م مشيت من بدرى مع انو م كان ناقصنى شئ ولو نقص كان ممكن ابوى يكمل لى انا بالجد غبي.... بس كلو لي خير
اسامه: ربنا يسعده ان شاء الله
عثمان: امين ي رب
وبعده دخل اليوم داك اسامه بكى فى مصلايتو و دعى ربو كتير انو تكون ليهو هو وان شاء الله تفركش
يتبع....
ــــــــــــــــــــــــــــــــــــــــــــــــــــــــــــــــــــ••••••••••••••••••••••••••••••••••••••••••••••••••••••••••••••••••••••••••••••••••••••••••••
*☆يتبــــــــــــــــــــــــــــــــــــــــــــع☆*
Šhâhâd ♡?