يتتبع
غازي:كانت فترة شينة علينا كلنا ومرت والحمدلله
جواد تغير وجهه منحرج بكل ماتعنيه الكلمة من كلام غازي وتصرفه اللي كبّر غازي بعينه كثير كثير
غازي:وبعدين اللي تبي تقوله وصل وحتى لجسّار وبتّال وصل
جواد همس بغصة بلعها:بس
غازي:وش فيكم تبسبسون لي اليوم كلكم!!
جواد طالعه مو فاهم
غازي زفر:وراك شي؟
فيصل اتسعت عيونه:غازي!!
جواد باستغراب منهم:لااا
غازي قرب منه:تكتم السر؟
جواد باستغراب:ابشر
فيصل:غازي!!
غازي:الحقوني انتم الاثنين
.
.........****..........
أم جـلاجـل
.
بتال اعتدل بوقفته وهو يدف يوسف عنه وبصراخ:ياأخي فارقني فااااارق ماتحس!!ماتفهم!!اشغلتني الله يشغلك بنفسك فارقني!!
الجد بادي اتسعت عيونه وهو يطالع بتال وصرخ بحدة وهو يوقف:بتااااال!!
يوسف اكتسى وجهه اللون الأحمر باحراج وضيق من اللي صار بسببه وهو يبعد بخطواته عن بتّال
نشمي تنهد بضيق وهو عارف نوايا يوسف الزينة رغم حركاته اللي تغث اللي حوله دايم
بتال التفت يطالع جده وسط تكشيرته وبعصبية؛نعم!!
الجد بادي اتسعت عيونه وهو يسمع النبرة وبحدة:اعقب وانا ولد ابوي!!
بتال زفر وهو يصد بوجهه عنهم وبهمس:استغفر الله العظيم
الجد بادي بعصبية:علامك عطيتنا قفاك هاه!!
بتال التفت بسرعة:السموحة ياجد ماقصدت
الجد بادي بعصبيته:اوص لاتوجس شين ابد اوص!!ياخسارة التعب ياخسارة!!يوك عليك ياعادل يوك!!حتى لو انك ربيت الدم مايغدي ما ابدن ابدن!!
بتال قطب جبينه باستغراب من اللي يسمعه
يوسف اتسعت عيونه بصدمة وهو يطالع الجد بادي
نشمي انقلب وجهه:يبه!!
الجد بادي انتبه للي يقوله وبعصبيته:استغفر الله بس استغفر الله
بتال كشر بوجهه وهو يطالع خاله وجده
الجد بادي وهو يأشر بعكازه على يوسف وعينه على بتال:انا خابرن انه بلوتن صقعا وابلشك مير انه الضعيف مستانس انه بالبر ماعليه ملامة ماعمره كشت وشو له تخنفر عليه
بتال بتكشيرته:وش فيه دمي ياجد؟
نشمي تغير وجهه
الجد بادي انقلب وجهه للحظة من السؤال واحتدت ملامحه وهو يطالعه
بتال بحدة:قولي ياجد وش اللي ماتبوني اعرفه عن فاهد؟وش اللي مسويه فاهد ومخليكم تتنافضون بمكانكم ماتبوني اعرفه وشو،،صرخ،،وشووووو!!!!
.
،،عذبة وعباير يجهزون غداهم اللي عبارة عن كبسة لحم،،
،،حلايا تحفر قدامهم بمسافة،،
،،راشد وبخوت يجمعون حطب زيادة للنار احتياط،،
بخوت واقفة عند الشجرة وهي تطالعه:انزل يسد ماكسرت،،
راشد جالس على غصن الشجرة يكسر ويرمي عالارض عندها طالع الحطب:لا مايكفي هاذي كبسة لحم يبي لها واجد
بخوت سكتت شوي وهي تطالعه وسط ترددها واستجمعت شجاعتها:راشد
راشد وهو مستمر ماطالعها:ياهلا
بخوت:جسّار
راشد التفت له غصب يطالعها
بخوت انحرجت وهي تنزل راسها وسكتت
راشد نزل ووقف عندها:اسألي يابخوت ولاتستحين وانا اخوك هذا حقك وش اللي تبين تعرفينه ابشري وانا حاضر
بخوت رفعت عينها تطالعه وبوسط رجفة تخفيها:وش هو من علم؟
راشد:سؤالك صعب وبالحيل
بخوت قطبت جبينها
راشد:اخاف امدحه وتقولين ايه عشانه ولد خالك واخاف اذمه وأظلمه واظلمك معه
بخوت تطالعه ساكتة
راشد:اذا قلت بتسمعين لي؟
بخوت:سعود مدحه مير اني اريد واحدن من قريب
راشد تنهد:اسمعي يابخوت،،كشر بوجهه،،جسار غثيث وسامح ونشبة اللهم ياكافي
بخوت مكشرة بوجهها مثله من اللي يقوله
راشد ابتسم
بخوت رمشت بسرعة
راشد:لكن قلبه ابيض ويقطع من عمره ويعطيك لاصار يغليك يكره يشوف احد من اهله متضايق ويقعد يتسيمج فوق راْسه ويغثه الى ماينجلد منه وهو يضحك مايزعل وحتى وان زعل مايطول زعله بريال اقرب مطعم يراضيه والأهم من ذا كله يخاف ربه والصلاة،،زفر،،يصلي ماهو مايصلي لكن لازم تفوته ركعة من ثقل نومه
بخوت سكتت بتفكير
راشد:شي ثاني؟؟
بخوت برجفة صوتها:أنا ارعيت التهاويل ياراشد ارعيتها وبالحيل ومحدن يوجس انه يحصل بروحه هاللون
راشد طالعها
بخوت:وأذل(اخاف)وأموت من الذلة لااوحيت طاري الجيزة مااريد أذوق التهاويل من اول وتالي
راشد:يمكن يابخوت الله ارسل لك جسار حتى طول عمرك تضحكين عن التهاويل اللي شفتيها!!
بخوت اتسعت عيونها
راشد:يمكن هو اللي تكملين حياتك معه ويكرمك ويعوضك عن اللي راح
بخوت تطالعه ساكتة
راشد:وبعدين من قال الرجال مثل بعضهم!!اااه يمكن رجال هالديرة ايه لكن،،هز راْسه يمين ويسار،،حنا!!لا والف لااا
بخوت:مير
راشد قاطعها:عاد العلم عندك عرفتي الرجال،،يقلدها،،وش هو من علم والباقي اختيارك،،انحنى وهو يجمع الحطب،،
بخوت تطالعه بحيرة وتردد
راشد فز وهو يسمع صراخها
بخوت التفتت تطالع وراها لجهتهم وهي تسمع صراخها ثم ابتسمت وهي تطالعها
عباير فزت واقفة من عند النار وجرت بصرخة وحدة وهي تطالع كلب من بعيد متجه لهم
عذبة انفض قلبها من صرخة عباير ووقفت وبفجعة:بسم الله الرحمن الرحيم،،جور وراها،،يابنت وش فيك؟!!
حلايا انفجرت تضحك وهي تطالع عباير اللي ابتعدت عنهم
عباير بنفس الصرخة وسرعة جريها متجهة للسيارة
راشد رمى الحطب وجرى
بخوت بصوت عالي:اقف اقف
راشد وقف وهو يلتفت لها بفجعة:ابشوف وش فيها!!
بخوت:هاذي هي لا لمحت كلب كبها عنك
عباير دخلت السيارة وقفلت الأبواب عليها وهي تجلس بين المقاعد وتغطي اذانيها وسط دموعها المنسابة
.
الجد بادي بتكشيرته:ماعمل شي
بتال بحدة:لكن الأكيد ماعمل خير ابد
يوسف شد ع قبضته وهو يسمع كلامه
الجد بادي بتكشيرته:مابه شي غـيـر الصلاة عالنبي
بتال وهو يحاول يسيطر على نفسه ويحس برجفة صوته واضحة لهم رغم انه العكس مايرجف صوته ابد:وبالصلاة عالنبي وش مسوي فاهد ياجد؟
الجد بادي:لموا غرضانكم مامن كشتة،،مشى للسيارة،،
بتال اسرع بخطواته ووقف قباله:وش مسوي فاهد ياجد؟
الجد بادي يطالعه بتكشيرة
بتال بحدة:وإلا اقولك ماابي اعرف وش مسوي يكفيني ماعرفت ابي اعرف ليش ماسألت عني ليش قاطعتني ماهو انا وحيد بنتك!!ليش انا اللي جيتك وانت ماعمرك دورت علي!!
الجد بادي طالعه بغبنة:ووشلون تريدني اراعي وليد الرجل اللي تسبب بعييلي كل ابوهم!!
بتال قطب جبينه باستغراب من هالكلام الجديد
نشمي بنرفزة:يبه يكفيه مااوحاه منك يكفيه!!
الجد بادي مد عكازه لنشمي وعينه على بتال:راع هاللي يحامي عنك راعه
بتال طالع خاله لثواني ثم طالع جده:وش فيه خالي
الجد بادي:راح عمره كله بسبايب هالفاهد راااح
نشمي صرخ بغبنته:يبه!!!
الجد بادي بدون اهتمام لنشمي او بتال من حرقة قلبه على عياله:اخذ منه عذبة وجوزها متعب اللي متهني بأمان الله وحاس الدنيا كل ابوها
بتال يطالعه ساكت وهو يحس ببرودة سرت بأطرافه وبنفسه:باقي!!للحين باقي!!
الجد بادي بغبنته:نشمي وغدا يم ديار الغُرب ولاعوّد ومتعب واخذ عذبة وزاهية وانهد بييتها وكلن يخبر زاهية وقليبها اللي يغدي فدا دون متعب وانقلب الغلا لنارن يوم خبرت زاهية بعلم عذبة وعملت العملة الشينة بها
بتال انخطف وجهه وهو يفهم اخيرا سالفة حرق عمته
الجد بادي:وغدا متعب بين نارين يكب سعود وخيّاته ولا يكب عذبة ووليدها وبدّا(اختار)سعود وخياته على عذبة ووليدها وظل طول عمره وهو معتل قليبه من ظليمته الى منه مات وزاهية ماتت وراه من الغبنة اللي توحيها ماملت عينه ابدن حتى وهي تحوفه حوف
يوسف نزل راْسه بخجل منهم وهو يشوف فعايل ابوه فيهم
بتال بلع ريقه وشد ع قبضته يخفي هالرجفة اللي سرت بجسمه وهو اخيرا يعرف حجم الكارثة مو بس ابوه وامه الوضع اكبر فيه ناس اكثر ومصايب اكثر
الجد بادي بغبنة:وعقب عملته الشينة بجميلة هج الله لايرده واللي ماعود لذالحين الوكاد انه مات وكوده مات الله لايغفر له جعل ذنب عييلي نارن بقبره
يوسف قشعر جسمه من الدعوة وانقلب وجهه وهو يشوف كمية الحقد بعيون بادي لابوه كيف لو عرف انه ولده
نشمي بفجعة من الدعوة:استغفر الله العظيم!!يبه!!
الجد بادي:ليته ظلى(بقى)على غزته للشبريّة بجوف جميلة(يقصد طعن فاهد لجميلة)
نشمي اتسعت عيونه بصدمة وصرخ:يبه!!!
الجد بادي التفت يطالعه بحدة:اوحيك هذاني دونك!!
بتال يحاول قد مايقدر يتصنع الهدوء عكس الانهيارات اللي تجتاح مشاعره من الداخل وهو يشوف شتات اهله من حوله والسبب ابوه وبكل هدوء:وش مسوي زيادة ياجد وش!!
يوسف عقد حواجبه وهو يطالعه باستغراب من هدوءه كيف ماتحركت فيه شعرة للحين بعد ماعرف عمق المشكلة كلها!!
بتال بصوت اهتز للحظة:ادري انه اخذ امي من ابوي بالقوة وادري انه مايبيني وحاول يذبح امي وادري انه رمى تهمته الشينة على ابوي والحين وعرفت وش مسوي بخوالي لكن أنا!!ليش مادورت علي جاوبني ليش؟
الجد بادي بكره ارتسم على ملامح وجهه
بتال انقبض قلبه وهو يطالع هالنظرات
الجد بادي:وش اريد بوجهن لاراعيته اوحيت اوجاعن سرت بقليبي وعلتني(امرضته)
بتال انخطف وجهه وهو يذكر الكلام جدته انه يشبه ابوه
يوسف اتسعت عيونه وهو ينتبه فعلا ان بتال يشبه ابوه
نشمي بغبنة وهو يطالع وجه بتال مسك يد ابوه وسحبه وراه للسيارة
بتال بشرود أفكاره وهو يستوعب كل يوم امه تطالعه وتذكر فاهد واللي سواه فيها وابوه يطالعه ويذكر فاهد واللي سواه طالع قفا جده بادي وهمس بصوت ماينسمع:اااه وانت كل يوم تطالعني وتذكر عيالك بسبتي!!،،ضاقت انفاسه وهو يتخيل حجم الالم اللي كل يوم يمر فيه ابوه وامه وجده فتح ازارير ثوبه وهو يزفر وعطاهم ظهره وهو يمشي،،
يوسف يطالعه باستغراب وهو يمشي وراه
الجد بادي سحب يده وبصراخ:علامك انت علي علامك!!
نشمي بصراخ من غبنته:يسد مااوحاه يسددد!!!
الجد بادي:لا مايسد كبّه يخبر يوم انه هج سويد الوجه ليته هج عن شينه بجميلة لحاله!!
نشمي صرخ:يبه!!!
الجد بادي:ليته غاز الشبرية بجميلة وطاس ياعله مطس الأولين وفاكنا من شره
نشمي مسك ابوه من يده وهو يسلم عليها وبترجي:تكفى يبه تكفى!! يسد يسد والله يسد ماعلمته يسد!!
الجد بادي سحب يده من نشمي وهو يزفر:علامك علي!!
نشمي:يبه اوجست اللي تريد خلاص مالك بد بشين مالك به
الجد بادي بغبنة:الا لي بد وكبه يخبر شين ابوه كبّه!!
بتال بصدمته مو قادر يستوعب انه بكل يوم يسبب هالوجع لاهله
يوسف يمشي ورا بتال:بتال!!
بتال مارد عليه وهو ماانتبه لوجوده من الاساس
يوسف رفع صوته:بتال؟
الجد بادي ونشمي التفتوا لهم
بتال التفت يطالعه بشروده وانتبه لنفسه وبابتسامة وسط وجهه الشاحب:ااه جدي يقول مامن كشتة،،التفت يطالع هو وين ويلم ضياعه اللي واضح عليه ولمح مكان النار ورجع لها ووقف عندها وانحنى وهو يجمع الاغراض اللي حولها،،
يوسف مشى وراه وانحنى جنبه وهو يساعده
نشمي طالع ابوه وبغبنة:ارعيت!!اوجست يمك يسد يسد ماهو لزومن يخبر باقي العلم!!
الجد بادي زفر بغبنته وهو يفتح باب السيارة وجلس مكان الراكب وهو يقفل الباب وراه وخرج راْسه يطالعه
نشمي جلس مكان السواق وشغل السيارة
بتال تطيح الاغراض من رجفة يديه غصبا عنه ويرجع يجمعها
يوسف اخذ الاغراض من يده:كبهن عنك انا بأولهمن اغدا يم السيارة
بتال سحب من يد يوسف الاغراض:شغلي واعرفه،،جمع الاغراض وهو يروح ويرجع مابين مكان الاغراض والسيارة وسط نظراتهم عليه واصراره محد يساعده ابد وبعد ماانتهى تلثم بشماغه زين وهو يحاول يخفي ملامح وجهه عنهم،،
يوسف طلع بالحوض من جهة الجد بادي وهو واقف ومد يده لبتّال
بتال وقف على مسافة بسيطة من السيارة وطالع يوسف وهو يرفع يده ويمدها يأشر على يمينه:من هينا الطريق صح؟
يوسف قطب جبينه باستغراب:طريق وش؟!!
بتال:الـديــرة!!
الجد بادي مقطب جبينه:ايه منيّا(من هينا)!!
بتال بابتسامة:اجل تيسروا انا اعرف طريقي
الجد بادي اتسعت عيونه:وش توجس ياولد!!اطلع بس ولاتكثر خثاريدك(خرابيط)
نشمي تنهد وهو يسمعه
يوسف انحنى اكثر وشوي ويده تدخل في وجه بتال بإصرار:اطلع
بتال دف يد يوسف عن وجهه وسط تقطيبة جبينه
نشمي:اجل حنا نحتريك عند الخط ماهو ببعيد
الجد بادي بحدة:وشو!!!
بتال هز راْسه:ان شاء الله ان شاء الله
نشمي:كود انك ابطيت عودنا يمك وتليناك معنا بالددسن غصب
الجد بادي بحدة:وش هالعلم!!
بتال زفر:على خير على خير
نشمي حرك بسرعة قبل ابوه ينزل
يوسف اختل توازنه وجلس بسرعة وعينه على بتال اللي واقف بمكانه ماتحرك
نشمي:كبّه يبه كبّه العلوم اللي اوجستها ماهي بهينة كبه على هواه كبّه
بتال عطاهم ظهره صد بنفسه عنهم وانحنى شبه جلس وهو يمسك راْسه بيديه وبوجهه كاتم من الهم وسط لمعة عيونه:ياوسع وجهك يابتال ياوسعه!!
.
.
<اللهم صل وسلم على نبينا محمد>
.
.
أميرالز and أزميرالد like this.
لامارا غير متواجد حالياً رد مع اقتباس
قديم 25-07-20, 01:24 PM #57
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـخـامـس والخـمـسـيـن،،
سبحان الله وبحمده سبحان الله العظيم
.
.
<كشتة راشد وخواته>
،،ع سفرة الغدا،،
راشد جالس عالسفرة:عباير انزلي الغدا
عباير داخل السيارة قافلة الأبواب والقزاز ماردت
راشد:طيب نزلي القزاز شوي!!
عباير ماردت
راشد:لايكون انخنقت،،بيوقف،،
بخوت مسكته من يده قبل يوقف:كبها عنك هاذي هي والله ان ماتطب الوادي وهي ارعته
عذبة زفرت وهي تاخذ غطا القدر وتحط لها شوي من الغدا
راشد مد يده:عنك يمه
عذبة:خلني عنك وتغدوا انتم،،وقفت وهي تدق قزاز السيارة،،
عباير طالعتها:اغدي ياعمة مااريد شي
عذبة:افتحي لي
عباير طالعتها ساكتة ماتبي تردها
عذبة:والله والله مابه شي ابد
عباير فتحت الباب شوي
عذبة دخلت لها الغطا:عاد ماحسبنا حساب الكلب انه بيروعك ولاتتغدين معنا
عباير كشرت وهي تحس الكلام اهانة
عذبة:تغدي وانا عمتك تغدي
عباير فتحت الباب وهي تنزل بتكشيرة:يبطي الكلب يردني عن غدانا يبطي!!
عذبة مسكت الغطا زين وبابتسامة:ياحياك ياحياك ياهلا
راشد:اوه الكلب
عباير صرخت وهي ترجع السيارة وتقفل الباب عليها
راشد تغير وجهه
بخوت تتلفت تدور عالكلب
حلايا ضحكت
عذبة:راشددد!!!
راشد:والله ماانتبهت يمه!!نسيت
بخوت ابتسمت
عذبة:حسبي الله على عدوك وش ينزلها الحين!!
.
بتال هايم على وجهه بهالبر ضايع وسط أفكاره وشلون بيتصرف وشلون بيتجرأ ويقابلهم وش بيقول وشلون يبدأ اعتذاره حاضره يفرق عن قبل بكثير ماكان يدري بكمية الإحباط اللي تحتويهم وهم يطالعونه وحتى يوم عرف الحين مو قادر يستوعب هالحقيقة الموجعة كيف كان يضحك بوجه أمه بدون اَي احساس وياترا ضحكاته أدمت قلبها كيف بيقدر يحط عينه بعين ابوه وهو الذنب اللي شوه سمعته واثبت هالاتهام عليه بجيته للدنيا بلع غصته من سوداوية هالافكار اللي شاغلته وقف وهو يرفع راْسه يطالع السما وتأمل وسعها للحظة وأخذ نفس بكل مافيه وهو يحاول يهدأ حتى تهدأ أفكاره اللي تعصف به لاشياء ماانتبه لها للحين كمل طريقه يمشي وعينه عالارض ضحك بخفة وهالضحكة كلها سخرية من نفسه وهو يتفادى الحصى اللي بطريقه همس لنفسه يلومها:خايف لاتتعور!!وهم!!كم لهم مقابلين وجهك ويبكون من وراك!!،،عض شفته وهو يحس بنغزات بصدره زفر وهو يتعوذ من الشيطان كمل طريقه وهو يفكر وشلون يرد هالمعروف الثقيل اللي عليه قطب جبينه وهو ينزل نظره لجيبه اليمين بعد ماوصل لمسامعه صوت الرسايل اللي انهلت على جواله ورا بعض وهو متعود مافيه إرسال دخل يده بجيبه وهو يطالع الطريق حوله والتفت يمين ويسار مايشوف سيارات طريق خاااالي ميل فمه وسط تفكيره باستغراب وهو مايشوفهم اتسعت عيونه وهو ينتبه لنفسه ثم ضحك بخفة بسخرية من نفسه:ولك وجه تبيهم ينتظرونك!!،،زفر وهو يمشي بهالطريق ولايدري هو وينه اصلا،،
.
.........****..........
..بيت عادل..
،،غرفة امجاد ورهايف،،
رهايف دخلت للغرفة وقفلت الباب بقوة وراها
امجاد فزت من النوم بفجعة:بسم الله،،ركزت وهي تطالع رهايف،،وش فيك!!
رهايف تطالعها وبوسط انفاسها:وش فيك نايمة للحين ماعندك دوام!!
امجاد زفرت وهي تكبح نفسها:استغفر الله بس،،رجعت تمددت وهي تعطيها ظهرها،،
رهايف وهي تنزل عبايتها:ماتبين تسألين وش فيني
امجاد وهي تغمض عيونها اكثر:ابي انام
رهايف وهي تتمدد عالسرير ووجهها جهة امجاد:اعرف ان الاخوات يشيلون هم بعض!!
امجاد زفرت وهي تجلس:ماراح تتركيني انام صح!!
رهايف جلست:دامك صحيتي اسألي طيب!!حسي فيني شوي
امجاد:قولي وش فيك وش سر هالدخلة اللي طيرتيني عشانها؟
رهايف بقلق:صار لي يومين أعيش بكابوس!!رعب يامجودتي رعب
امجاد:خير اللهم اجعله خير!!
رهايف:اشوف نفسي بأسطبل
امجاد:طيب حلو!!وين المشكلة؟!
رهايف:المشكلة اني بساحة التدريب واجري واصرخ ولااحد حولي يساعدني!!
امجاد:وانتي ليش تجرين!!وش اللي جابرك!!
رهايف:أها!!سألتي ليش اجري!!وانا وش اقولك باسطبل صحصحي معي الله يصحصحك
امجاد زفرت وهي تتحمل سماجتها عالصبح
رهايف:اكيد اني مااجري كذا!!شايفتني مهبولة!!
امجاد تطالعها بنظرات تاكيد لكلامها
رهايف:قولي طلعي اللي بقلبك!!
امجاد:تكفين خلصي حلمك وريحيني ابي انام
رهايف:طيب طيب اعرفك ماعندك صبر!!
امجاد تطالعها بغبنة
رهايف:وانا اجري والخيول تجري وراي وكلها سودا وأجري وهي تجري وأجري وهي تجري قطعت أنفاسي!!
امجاد:ماشاء الله عليك وانتي اسرع منها!!
رهايف:وش فيك تدققين على كل شي!!تراه حلم لاتكرهيني فيه وابطل اقولك الباقي!!
امجاد:صدق!!
رهايف كملت قبل توقفها امجاد:المهم من بين هالخيول اللي تجري فيه خيل واحد بس ابيض
امجاد صدع راسها وهي خمنت باقي الحلم:عساه جواد
رهايف كشرت:قل اعوذ برب الفلق اكيد لا المهم صرت انا وسط هالخيول بدموعي وانا للحين اجري وهالخيل سبقني وسبقهم وصار يجري على ورا وهو يناظرني!!
امجاد ضحكت بخفة وهي مالها نفس:يجري على ورا!!ويناظرك!!
رهايف:اصبري اسمعي وش قال!!
امجاد:وتكلم!!
رهايف:قال تبين مساعدة!!
امجاد:وساعدك؟
رهايف:صاحية انتي!!خيل يتكلم اقولك طبيعي انخرش منه!!والله لو ايش مااطلب مساعدة منه!!
امجاد:وبعدين
رهايف:سبقتهم اكيد والتفت وراي وانا تجري مابقي غير هالخيل الابيض كلهم اختفوا واسمعه يناديني رهايف يارهايف وأحاول اسرع واسمع صوته يقرب يارهااايف،،سكتت،،
امجاد تطالعها:وبعدين؟
رهايف:بس صحيت
امجاد:بس!!!!
رهايف:ايه
امجاد وهي تتمدد:استغفر الله العظيم بس استغفر الله
رهايف:لحظة لحظة خلص الحلم بس تفسيره صار صدق!!
امجاد طالعتها وهي متمددة:بسرعة خلصيني
رهايف:تخيلي نفس الحلم ساحة التدريب الحوش اللي بيننا وبين جد والخيل الابيض جواد
امجاد تطالعها بتكشيرة
رهايف:وهو يناديني وانا ينفض قلبي وأجري وهو يجري وراي ويناديني وتخيلي عاد من استقبلني
امجاد:الخيول السودا!!
رهايف بابتسامة:صح عليك!!اخواني
امجاد:اخمدي لاتتوطاك الخيول السودا لاسمعوك كلامك اخمدي
رهايف:مااقدر انام جدتي تنتظرني
امجاد:روحي لها طيب وخليني أنام
رهايف:والخيل الابيض!!
امجاد:جعله يأخذك لبيته ويفكنا ياشيخة
رهايف بزعل:والله تبكين ان رحت
امجاد:بأفرش الغرفة ورد الى سريرك وأقول تفضل خذها
رهايف بقهر وهي توقف:احسن لي اروح لجدتي لك كم يوم ولونك يغمق اكثر!!
امجاد عضت شفتها وهي ماتبي تغلط عليها
رهايف انغبنت وهي ماتسمع ردها:ان شاء الله تشوفين كوابيس كوابيس قولي امين،،مشت،،
.
،،سوق الخضرة،،
غازي اشترى كل الخضار من المستأجرين وتنازل عن ايجار العربيات هالشهر وزادهم فوقها مبلغ وحاول يرضي الكل بدون اَي غلط او اخذ حق لاحد
جواد يطالع كمية الخضار بصدمة
فيصل يطالعهم:وش بنسوي فيها!!!
غازي دخل يده بجيبه وهو يقفل جواله اللي يرن وعينه عليهم:بنبيعها وش بنسوي فيها يعني!!
جواد:نعم!!
فيصل سكت
غازي طالع جواد بتكشيرة:وش اللي نعم!!مو انت جاي معي تساعدني
جواد:ايه بس مو أبيع!!
غازي دخل يده بجيبه وقفل جواله اللي رن من جديد:وش عندك؟مو عاقبوك تأديبي وانت فاضي!!استفيد من وقتك
جواد:ابيع خضرة!!
غازي مد له اكياس النايلون بوسع عيونه:وش فيها!!
جواد مد يده ياخذ الأكياس وهو يجادله:مافيها شي والنعم لكن من جدك تبينا نبيع
غازي بدون اهتمام له رفع صوته:قرب ياولد قرب الكيلوين بريااااال قرب على ريال
جواد اتسعت عيونه
فيصل:تبيع بخسارة!!
جواد:صدق فيصل!!ماانت بصاحي!!
غازي رد وسط رنة جواله:تبون تخلصون ولا تتنقعون بسوق الخضرة
فيصل رفع صوته وهو يوقف ورا العربية:قرب الكيلوين بريال قرررررب
غازي وهو واقف قبال العربيات صرخ:وقرررررب
جواد فز من صرخته وهو يطالعهم مصدوم
غازي بصوت عالي:الزين عندنا قرب والسعر يحبه قلبك بريااااال الكيلوين بريااااال قرررررب
فيصل وقفوا عنده زباين وبدا يبيع
غازي قطب جبينه وهو يطالع جواد الواقف:وش موقفك!!شف شغلك!!
جواد يطالعه وهو يزفر من أسلوبه معه لكن هذا طبع عمه فطبيعي يكون مثله
غازي زفر بطفش من الجوال وهو يدخل يده بجيبه ولمح الاسم وهو يرد بعصبية:اعطيك مشغول يعني مشغول!!صبر شويات بس ماتعرف!!
بتال بصوت متغير عليه وبربكة:اااه طيب سلام
غازي تكلم بسرعة وهو متعود لو قاله هالكلام بيتكلم بتال عليه مثل العادة لكن هالمرة فيه شي غريب بصوته وبشك:لحظة لحظة لحظة
بتال مارد وهو يكتم عبرته لاتفضحه
غازي:وش صاير
بتال بلع ريقه وضحك بخفة:وش فيك خفت!!
غازي:لاتكذب علي!!
بتال رغم انه يمشي بالشمس من فترة همس بغصته اللي وضحت وجدًا بصوته:بموت من البرد الشمس مااشرقت للحين ياغازي
غازي رمى الأكياس من يده وجرى وهو يدري انه ينتظره
جواد اتسعت عيونه وترك اللي بيده ولحقه
فيصل جرى وراهم وترك كل شي
غازي يجري متجه للسيارة وبوسط انفاسه:وينك؟
بتال ضحك:مدري
غازي وقف وبعصبية:وش ماتدري!!وينك فيه!!
بتال:يهمك؟
غازي وقف عند سيارته وبعصبيته:وش اللي تقوله الحين!!وينك اخلص علي!!
بتال من كثر ضياعه مو قادر يفكر حتى يعرف مكانه:والله مدري ياغازي
غازي زفر وهو يركب سيارته دخل مفتاحه وشغلها وبابه مفتوح:اجل خلك بمكانك لاتحرك دقايق وانا عندك،،قفل الجوال ثم قفل الباب ،،
جواد وقف عنده وهو يلهث
فيصل وقف جنب جواد وبوسط انفاسه بفجعة:وش فيه؟!!
غازي:خلصوا اموركم شغلة بدوامي وراجع،،حرك وتركهم وراه،،
.
..بيت مسفر..
ابو غازي دخل للمجلس وابتسم وهو يطالع خويه الجالس:السلام عليكم ماشاء الله ماشاء الله وش هالجلسة!!ولاتعلموني من بدري!!
ابو صايل وقف وهو يرسم ابتسامة على وجهه:ياحي عادل ياحيّه
ابو غازي سلم عليه وبابتسامته:اشوفك خايني ورايح لمسفر
ابو صايل ضحك وهو ماسك يد ابو غازي وجلس
ابو غازي جلس جنبه
ابو صايل بضحكته:الظاهر اني بأخونك واجد
ابو غازي قطب جبينه مافهمه
ابو جواد بابتسامة احراج وهو ياخذ ثلاجة القهوة ويصب لهم:حيهم ياحيهم تو مانور المكان
،،بـعـد ماصب لهم وأخذوا اخبار بعض،،
ابو صايل نزل فنجاله:الصراحة انا جاي اليوم ياابو جواد طالبن بنتك حليلتن لي على سنة الله ورسوله
ابو غازي انصدم من الطلب وغم هدوء ملامحه وتقهوى وعينه بفنجاله ماطالعهم
ابو جواد:حياك الله ياابو صايل ازين الناس وأحسنهم من جانا ويبي بنتنا ياحيّه
،،وبدوا يتكلمون بالتفاصيل وسط صمت ابو غازي اللي يسمعهم بهدوء،،
.
.........****..........
ام جـلاجـل
.
..بيت بادي..
راشد وقف بالسيارة عند الباب
حلايا اللي جالسة بحضن عذبة قامت وهي تقرب من راشد باسته ع جبينه ثم حاوطت رقبته بيديها
راشد اللي انخنق من ضمتها لكن ابتسم من حرمانها البريئة
حلايا باست خده وهي ضامته وبابتسامتها:انت ازين الحلوين
راشد ضحك
بخوت ميلت فمها بابتسامة
عباير:كل ذا عشان بس كشتنا!!يمه منك!!
راشد:احلى من جسار؟
عذبة طالعته بصدمة من سؤاله
بخوت تطالعهم بفضول وهي تنتظر ردها
حلايا:تل ابوتم(كـل ابوكم)حلوين
راشد ضحك:وش هالردود الدبلوماسية يابنت طالعه عليه والله!!
بخوت مدت يديها وهي تسحب حلايا من عندهم:ادني يمي
حلايا مشت معها بسحبتها وجلست بحضنها
بخوت فتحت الباب وخرجت حلايا وخرجت:يكثر خيركم ياراشد
راشد:يسلمك ماسويت شي يااختي
بخوت مشت للبيت ودخلت
عباير فتحت الباب:اغناكم الله ياعمة
عذبة:الله يسلمكم ماسوينا شي يابنتي
عباير خرجت
راشد خرج من السيارة:عباير
عباير وقفت وهي تطالعه:سم
راشد:عسى مازعلتي مني؟
عباير باستغراب:على وش؟!!
راشد:على سالفة الكلب بس ها لاتلوميني كل طلعتي مع عيال يعني اذا زعلتك تـرا والله مااقصد
عباير بابتسامة:يااخوي انت مامن غيظ الله لايورده يمنا(لايجيبه)اعمل على ماتريد محدن يزعل من راشد الطيب
راشد ذاب قلبه من سمع يااخوي منها وزادت مشاعر حبه الأخوية الجديدة اكثر وهو يسمع كلامها اللطيف انحنى وهو يمد يده ورا راسها ويقربه منها ويلوي جبي
رهايف وقفت ع باب المطبخ كاشخة تنورة بيج كلوش لتحت الركبة وفوقها شيفون بنفس اللون وبلوزة سودا هاي نك قماش حرير وباكمام طويلة رافعة شعرها ذيل حصان بمكياجها الخفيف كحل اسود ومسكرة وقلوس وكعب عالي اسود وعبايتها بيدها اليمين وجوالها باليسار تنحنحت وبهدوء:السلام عليكم
امجاد ببجامتها تجهز خليط كيكتها التفتت باستغراب لهدوء صوتها واتسعت عيونها:وعليكم السلااااام والرحمة!!
رهايف دخلت وهي تاخذ لها علبة موية من الثلاجة وتشرب
امجاد مثبتة عينها عليها تطالعها بشك
رهايف بعد ماشربت:الحمدلله،،طالعتها،� �وش فيه؟
امجاد بضحكة:هالمرة مابتهربين من الخيل الابيض صح!!
رهايف كشرت بوجهها:غلطان اللي يقولك احلامه!!
امجاد:وليش هالكشخة كلها!!
رهايف:يمه منك يعني مااكشخ!!
امجاد:لانلعب على بعض رهايفوه
رهايف:بروح لجدتي واستسمح منها
امجاد اتسعت عيونها:مارحتي للحين!!
رهايف باستغراب:ليش؟!
امجاد:كلهم مجتمعين
رهايف وهي تطالعها:حلو حلو ألحق عالقهوة والاعتذار سريع سريع
امجاد؛ابوي عندها ترا
رهايف تغير وجهها
امجاد بضحكة:كاشخة وبتستقبلها احلى كشخة هناك،،انفجرت تضحك،،
رهايف وهي تلبس عبايتها بسرعة وتجري للصالة حتى تخرج من الباب الخلفي:ووجع ووجع بس تضحكين مالت عليك!!،،مشت بتخرج،،يوووه ماتعطرت
امجاد مشت وراها ثم تكتفت وهي تكي بكتفها اليمين ع مدخل الصالة وبضحكة وهي مبسوطة:فوق كشختك بيتستقبلك ابوي ويعطرك
رهايف اخذت معطر الصالة وبخت على نفسها بسرعة
امجاد اتسعت عيونها:ولد ولد انا قايلته واحد من اخواني مو اخت ابدا
رهايف وهي تلف طرحتها:اوص اوص الحاجة تبرر الوسيلة
امجاد هزت راسها وهي ترجع للمطبخ
رهايف:اكخشي اكشخي وتعالي
امجاد بدون لاتطالعها:الحمدلله دايم كاشخة ماني بمثلك
رهايف خرجت وهي تجري وتدعي بينها وبين نفسها ابوها مايشوفها وقفت ع مدخل بيت جدها وهي تطالع عمها اللي خارج وعالباب قبالها اتسعت عيونها وهي تسمع صوت ابوها
ابو غازي بعصبيته ورا ابو جواد:هين يارهايف هين انا اعلمك
ابو جواد عطاها ظهره بسرعة وهو يغطي الباب:عادل!!
ابو غازي قطب جبينه:وش فيك؟!!
رهايف نزلت كعبها بسرعة وهي تشيله بيديها وجرت بكل سرعتها لبيت عمها وهي تشوف بابه الرئيسي ينفتح
ابو جواد بربكة:بغيتك بسالفة؟
ابو غازي طالعه بشك:هذاني وراك حتى تعلمني باللي تبيه!!
ابو جواد:ايه ايه صح
ابو غازي:مسفر علامك؟
ابو جواد:وش رايك نتقهوى على مايجي ابوي
ابو غازي باستغراب:ماهو انت اللي تقول نحتريه!!وش فيك يامسفر!!
رهايف وصلت بيت عمها اتسعت عيونها وهي تقابله عالباب خارج
جواد واقف عالباب ماسكه بيده بيقفله يطالعها باستغراب من وجودها وبهالمنظر:وش فيك!!
رهايف بصدمتها:وش جايبك توقعت اقابلك عند جدي!!
جواد جاوبها باستغراب وهو يقفل الباب:بيتنا!!!
رهايف حطت يدها عالباب مضطرة:لاتقفل
ابو جواد:مافيني شي!!بس
ابو غازي اتسعت عيونه وهو يدفه عن وجهه وبصراخ:رهاااايفوه!!
رهايف قشعر جسمها وهي تلتفت تطالعه
ابو جواد:تعوذ من ابليس ياعادل تعود
ابو غازي انحنى وهو يرفع طرف ثوبه وجرى لها
رهايف تجمدت مكانها وهي تطالعه
جواد اتسعت عيونه وهو يطالع عمه مصدوم مسكها من يدها وسحبها لداخل البيت وهو يقفل الباب بقوة
{اللهم اصرف عنا الوباء والبلاء،اللهم طمئن قلوبنا،اللهم احفظنا بحفظك وبعينك التي لاتنام،اللهم انا نستودعك أنفسنا واهلنا وبلادنا وسائر بلاد المسلمين يالله}
.
.
<اللهم صل وسلم على نبينا محمد>
.
.
أميرالز and أزميرالد like this.
لامارا غير متواجد حالياً رد مع اقتباس
قديم 25-07-20, 01:25 PM #58
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـسـادس والـخـمـسـيـن،،
لاحول ولاقوة الا بالله العلي العظيم ،استغفرك ربي وأتوب اليك..
.
.
..بيت الجد نشمي..
الجدة منيرة:علامها ابطت؟
حصة وهي تطالع امها:يمه ليش تقولين لعادل والله ان مايرحمها
الجدة منيرة:لا لا ماهو بمسوي لها شي
ام غازي:تستاهل من متى تنادينها وماجاتك!!
ام جواد تطالعها باستغراب:وسمية!!وش فيك صايرة مثل عادل!!
ام غازي:الغلط غلط ياعواطف مافيها مثل عادل!!
الجدة منيرة وهي تطالع حصة:وينها بنتك؟
حصة:ريما نزلت عند شذى
ام غازي:كيف أمورها بالدراسة عـسـى تمام
حصة:ليتها تقعد معي مثل ماتقدر على كتبها
ام غازي ضحكت:والله ياحصة البني ادم مايرضيه شي حنا نبي اللي عندنا يمسكون كتبهم وانتي تبينهم يتركونها
حص:عاد ماهو بالترك الترك لا وسطية شوي هم اذا تركوا الكتب قعدوا يقرون وانا بس احط بهالفواكه والقهوة وهم مادروا عني
ام غازي:خليهم على راحتهم الحمدلله دام ماضروا نفسهم ولاضروا احد
الجدة منيرة وقفت وهي مو مرتاحة
حصة وهي تطالعها:يمه!!
الجدة منيرة:بأمغط رجيلاتي بالحوش
حصة بنص عين:علينا يمه قولي تبين تصلحين غلطك
الجدة منيرة ضغطت حصة على رجلها بالعكاز
حصة وهي تمسح المكان:اااه يممممههه
الجدة منيرة:كفي لسانش عني حصيص وتراني مانسيت عملتش مع الضعوف اللي لفونا!!
.
..بيت عادل..
فيصل نازل عالدرج بخطوات سريعة وهو كل شوي يقفل المكالمة بطفش واضح على ملامح وجهه
امجاد واقفة عالباب ببنطلون رمادي وبلوزة عودي رافعة شعرها كله لابسة عبايتها المفتوحة وطرحتها ع أكتافها وشنطتها السودا الصغيرة ع كتفها اليمين شايلة حافظة الكيكة وقدامها ثلاجتين قهوة وشاهي نزلت الحافظة وابتسمت وهي تطالع فيصل:فيصل
فيصل زفر بطفش:وين اوديه؟
امجاد بابتسامة وهي تقفل عبايتها:بيت جدي
فيصل قفل المكالمة وقفل جواله مرة وحدة
امجاد باستغراب:مين؟!!
فيصل:واحد غثيث ماعليك
امجاد:ماخلصنا!!
فيصل:امجاد قلت لك خلاص لاتخليني اندم اني قلت لك!!
امجاد زفرت وهي تلف طرحتها:روح روح بس عندي وعندك خير
فيصل شال الثلاجات والقهوة وخرج
امجاد اخذت جوالها اللي عالطاولة وهي تفتح شنطتها طالعت عدد المكالمات كشرت بوجهها؛اعطيها حظر وارتاح احسن لي
.
..بيت مسفر..
ابو غازي يدق الباب بقوة:افتحي يارهايف افتحي!!
رهايف ورا الباب مرعوبة وهي تسمع صراخه
جواد جنبها يطالعها:وش مسوية هالمرة؟
رهايف:كله منك ليش دخلتني كان انجلدت وانا برا اقل من مااطلع له الحين!!
جواد اتسعت عيونه:لا والله،،فتح القفل،،
رهايف مسكت يده وهي تهز راسها بلا:تكفى تكفى
جواد:وش مسوية طيب عشان أساعدك!!
رهايف:اقولك انت أشغله عني بس،،جرت وتركته،،
جواد:بنت بنت!!
ابو جواد يهديه:عادل!!البنت عذرها معها اكيد تعبانة ولا رهايف هبة ريّح ماتتاخر على احد
ابو غازي بعصبية:كل شي عندي يهون كل شي الا امي وابوي لا والف لا يامسفر مافيها هداوة،،صرخ،،رهايف وبلاا
جواد اخذ نفس وهو يفتح الباب اتسعت عيونه وهو يرسم ابتسامة:عمي!!!
ابو غازي دفه عن وجهه وهو يدخل:شغلك بعدين انت اذلف عني،،تلفت وهو يصرخ،،رهاااايف
شذى وقفت عندهم من الصراخ:عمي!!
ابو غازي بحدة:وينها رهايف
شذى ماتدري عن السالفة:شفتها تجري للباب بتخرج
ابو جواد اتسعت عيونه وهو يشوفها تجري من قدامه
جواد اتسعت عيونه وهو يسمع كلام شذى ولف عنهم وهو يسرع بخطواته ومر من عند ابوه
ابو غازي لف وهو يجري خارج من الباب ومر من عند ابو جواد وجواد قدامه يهرول
رهايف تجري متجهة لبيت جدها
ابو غازي اللي شافها صرخ:رهااااايف
رهايف صرخت وهي تجري وتسمع صوته وراها وطاح جوالها منها وكملت طريقها
ابو غازي:جواد انثبر مالك شغل!!
جواد وقف وهو ماله كلمة عليها للحين
ابو غازي مر من جنبه
رهايف اتسعت عيونها وهي تشوف جدتها:جددددةةةة!!!
الجدة منيرة انصدمت وهي تشوف اللي يصير
رهايف وقفت ورا جدتها
الجدة منيرة بعصبية:اعقب ياعادل اعقب!!
.
.........****..........
أم جـلاجـل
.
..بيت الشلة..
جسّار وهو متجه للباب:طيب طيب جاي،،فتح الباب وانصدم من وجوده،،غازي!!!،،انصدم اكثر من اللي معه،،طلق!!
غازي التفت يمينه وهو يطالع ناصر:مشكور مشكور يكثر خيرك
جسّار كشر بوجهه وهو يطالعه
طلق:ماسويت الا الواجب اترخصكم
جسّار اتسعت عيونه باستغراب منه
طلق:بحفظ الله،،مشى،،
جسّار قشعر جسمه وهو يطالعه مصدوم
غازي مسك جسار من تيشيرته وهو يصرخ بوجهه:وينه ياجسار وينه؟
جسّار يفك نفسه:قل اعوذ بالله من الشيطان ياابن الحلال تعوذ
غازي تركه وبحدة:اعوذ منه الف وينه تكلم
جسّار:قبال المستوصف بالجهة الثانية من الخط بتشوف ناره بعد كيلوين
غازي اتسعت عيونه وصرخ:تركته!!
جسّار:طردني!!
غازي:وتتركه!!
جسّار:ماتركته الا بعد ماتاكدت من اموره!!ماني بقليل عقل اتركه كذا!!
غازي زفر:استغفر الله وين قلت؟
جسّار مد لغازي مفتاح سيارته بعد ماوصف له المكان بالضبط
غازي:خل مفتاحك معك جاي مشي مثلا!!،،مشى،،
جسّار زفر وهو يهز راْسه:خيرًا تعمل شرًا تلقى!!،،قفل الباب،،استغفر الله العظيم
.
..بيت مفلح..
عذبة جالسة بالحوش
ثريا قبالها بابتسامة وفرحة بزيارة احد لهم:ياحيها ياحي الضيفة ياحيها
هيفاء نزلت الدلة والفناجيل ومدت صحن التمر المتواضع عند عذبة
ثريا اخذت الدلة والفناجيل بسرعة وهي تصب الفنجال وتمده لها:حياش الله ياحياش
عذبة:يسلمك ويجمل حالك
هيفا واقفة لفت بتمشي
ثريا:وين غادية اقعدي اقعدي
عذبة تطالع هيفا بتمعن
ثريا بابتسامة:حي ضيفتنا اَي والله
هيفاء جلست وهي تشتت نظرها مو متعودة على احد
عذبة باحراج:انا ام الولد اللي ساعده زوجك
هيفا حطت عينها عليها بسرعة
ثريا اتسعت ابتسامتها
عذبة:جزاكم الله خير وبيض الله وجهكم عساكم الخير ومن اهل الخير دايم
ثريا:حياش الله ماعمل الا الواجب الحمدلله على سلامته الحمدلله هذا اللي توجيه ياخية
.
،،عند المشب برا البيت،،
مفلح يتقهوى ساكت وهو يكبح نفسه لايتكلم
راشد نزل فنجاله بعد ماخلص قهوته وهو يوقف:كثر خيرك ياعم
مفلح فز واقف:يارجل مسرعك وين غادي!!
راشد ابتسم:كثر خيرك وجمل الله حالك ياعم
مفلح:تعشى ولاحقن خير
راشد:أغناك الله ياعم أغناك الله،،بابتسامته،،ناد لي الأهل ياعم لاهنت
مفلح:ان شاء الله ان شاء الله،،مشى،،
راشد وقف عند سيارته وهو يفتح الشنطة وبدا ينزل منها كراتين(تمر وخضار وفواكه وعصير)
مفلح وقف ع الباب وهو يرجّع طريقه ووقف واتسعت عيونه وهو يشوف الاغراض:وش ذا ياولد!!
راشد بابتسامته:شي بسيط ياعم
مفلح:خذه ياولد هذه مامن قصورن مستورة والحمدلله!!
راشد اتجه له وهو يسلم على راسه:هذا شي بسيط ياعم واعتبرني ولدك
مفلح يطالعه بشك:دام توجس انك ولدي اجل علمني
راشد قطب جبينه:سم ياعم
مفلح:اصدقني هو انت الرجل اللي ارعيته بيت فالح صحيح؟
راشد كشر بوجهه للحظة
مفلح:اقصد يم البير اللي جوا البيت؟
راشد اخذ نفس:ايه ياعم انا
مفلح كشر بوجهه وبحدة:يوم اني صادفتك ذاك الليلة لافين منين؟
راشد:لاقلت لك من وين بتصدق اني جيت غصب عني؟
مفلح طالعه ساكت للحظة مايبي يظلمه
راشد:جيتك من
مفلح قاطعه:كثر الله خيرك كلفت على روحك
راشد ابتسم:مامن كلافة ياعم مامن كلافة
مفلح:عاد لاتقطعنا ياولدي دامك غديت ولدنا
راشد:ابشر ياعم ابشر مامن قطيعة ان شاء الله
مفلح:عاد اعلمهم يزهمون اهلك
راشد سلم على راسه:استودعتك الله ياعم
مفلح مشى باتجاه البيت
راشد ركب السيارة وشغلها وهو ينتظر امه
عذبة خرجت من بيت مفلح وركبت السيارة
راشد حرك وهو يوقف عند مفلح
مفلح واقف على باب البيت يوادعهم:حياكم الله ياحياكم
راشد:فمان الله ياعم فمان الله
مفلح:بحفظ الكريم ياولدي بحفظ الكريم
راشد بعد مابتعد عنهم التفت لامه:ها يمه؟
عذبة التفتت له كلها:ها انت قولي وش وراك؟
راشد:وش رايك بالبنت؟
عذبة:والله الواضح مسكينة والباقي الله يعلم به
راشد:يعني أتوكل؟
عذبة قطبت جبينها للحظة ثم اتسعت عيونها وسط ابتسامة:نويت!!
راشد:أعجبتك؟
عذبة بابتسامتها:مايهمني انا عليك فيك والله وتختار من وراي ياراشد
راشد وقف بالسيارة على جنب وهو يسلم على راسها ويدها:سامحيني يمه سامحيني
عذبة:وش هالكلام ياراشد الا افرح لك وادعي ربي يسعدك تعال قولي وين شفتها اكيد انت البلا ولا هي واضح مسكينة
راشد حرك السيارة وهو يتحاشى نظرات امه:مايهم وين شفتها المهم انها أعجبتك يمه
عذبة:انت اللي بتاخذها يمه وش يهم انها تعجبني!!
راشد:خلاص يمه احد كلمي جدي بعد جسّار يخطب لي
عذبة:جعلها زواجة الهنا ياعيني مبروك ياراشد مبروك الله يجعلها من نصيبك كان فيه خير لكم ياولدي
راشد:من نصيبي ان شاء الله من نصيبي
.
..السيارة..
جسّار جالس بمكان الراكب
سعود يسوق وهو ساكت
جسّار التفت له:هاه ياسعود قول اللي عندك
سعود وقف بالسيارة
جسّار يلتفت للمكان اللي يلفه الظلام:لايكون بتذبحني!!
سعود طالعه بصدمة
جسّار ضحك وهو يطالع صدمته:امزح امزح وش فيك!!،،اتسعت عيونه،،لايكون صدق بتذبحني!!
سعود التفت له:ايه كيف عرفت!!
جسّار انقلب وجهه
سعود فتح الباب ونزل ووقف عند السيارة من جهة جسّار وهو يثبت جبينه عالقزاز ويطالعه:بتندر(تنزل)ولا أندّرك؟!!
جسّار فتح الباب بشويش
سعود رجع بخطواته لورا مع فتحة جسّار للباب وهو لازال مثبت جبينه عالقزاز
جسّار بلع ريقه وهو ينزل:تعوذ من الشيطان ياسعود وش فيك!!
سعود عطاه ظهره وهو مايحب يمزح مع احد وبنفس نبرة جسّار:امزح امزح وش فيك
جسّار كشر بوجهه:ياشين مزحك والله لاعاد تمزح مرة ثانية
سعود وهو ينزل العزبة:من زين الوجس اللي اوجسته!!
جسّار يطالعه بتكشيرة:وش فيها أخلاقك اليوم!!ماااش ماانت بسعود الحبيّب!!
سعود جلس وهو يجهز مكان النار:لان العلم اللي باوجسه يمك شين وشين بالحيل ياجسار يمكن انك تهون عقبه
جسّار قطب جبينه:عن بخوت؟
سعود بدون لايطالعه:ايه
جسّار كشر بوجهه:انا عند كلمتي ياسعود قابل بها وبنتها اذا عندك كلام زين بأجلس واسمعك غيره لا،،لف بيمشي،،
سعود بعصبية وهو يوقف:بتوحي العلم كله ياجسار كود لاخبرت به عقب ماتوجس كذبتوا علي!!
.
غازي وقف بالسيارة وهو يشوف النار على مسافة قباله نزل يمشي ووقف قباله وهو يطالعه جالس ورا النار
بتال متلثم جالس عند النار وهو ضام ركبه لصدره ومحاوطهن بيديه متكتف ومتكي بطرف دقنه على ركبته وفوقه بطانيته يطالع النار بهدوء
غازي قطب جبينه وهو متعود بمثل هالمكان وبالوضع عادةً عيون بتال تطالع لفوق تتأمل السما واللي فيها ويطرب نفسه ويطربهم معه بهجينياته كشر بوجهه وهو يكره هالهدوء اللي حوله تقدم خطوة
بتال رفع عينه وانتبه له اعتدل بجلسته بصدمة من وجوده:جيت!!
غازي ابتسم وهو يجلس قباله وبينهم النار:وكيف تترك الشمس الظلام ياخذ راحته ولاتجليه(تطرده)!!
بتال رفع عينه وانتبه له اعتدل بجلسته بصدمة من وجوده:جيت!!
غازي ابتسم وهو يجلس قباله وبينهم النار:وكيف تترك الشمس الظلام ياخذ راحته ولاتجليه(تطرده)!!
بتال ابتسم وهو يثني ركبه ويحاوطهن بيديه:عاد الود ودي اضيفك بس انت شايف الوضع مامعي غير بطانيتي
غازي بسخرية وسط ابتسامته:ومن متى الكرم!!
بتال ضحك بخفة:فعلاا!!
غازي اختفت ابتسامته وهو يطالعه بشك
بتال شال نظراته عن غازي وهو يشوف الشك بعيرنه وطالع عالنار
غازي ابتسم:الجو يبي له قهوة
بتال بضيق:الحال مرّ مايبي له زيادة مرارة
غازي بجدية:ومرارة الحال ماتطيب الا بمرارة القهوة وصاحب تشتكي له
بتال يطالعه ساكت
غازي وقف:ابرجع لجسار اجيب العزبة،،ابتسم،،وبعدها بتذوق احلى مرارة بالحياة اهم شي لاتتحرك خلك هينا
بتال ضحك:وانا لمين اقدر اروح ياغازي!!
.
.........****..........
..بيت الجد نشمي..
،،الصالة،،
،،عالقهوة،،
الجد نشمي يطالع ابو غازي بحدة
الجدة منيرة بعصبية:محدن يوجس يمك طواري ابدن ابد!!امهبول عز الله امهبول ماانت بعقلك!!
رهايف جالسة جنب جدتها وهي شبه متخبية تسرق نظرات لـه وتشيلها عيونها بسرعة اول ماتلتقي عيونه بعيونها
ابو غازي جالس قبال امه بعصبيته:ماني مهبول مير هي اللي بها صمخ ماتوحي شين ابد!!
الجدة منيرة:نعنبوا حيك ياعويدل مرسلتك واسطة يمّها
رهايف التفتت تطالع جدتها بصدمة
الجدة منيرة:واغدي وارعيها متروعة!!!روع الله عدوك اَي والله
ابو غازي بتكشيرة:وش واسطته!!!تحمد ربها مانتفت اذانيها!!
الجدة منيرة:اوص اوص ياعادل لااسمع لك حس اوص
ابو غازي اتسعت عيونه وبحدة:يمه تسكتيني عشان هالبزر
رهايف رفعت نفسها شوي وهي تشوف جدتها معها
الجدة منيرة:انت احمد ربك مانتفت اذنك عشان هالبزر
ابو غازي طالع ابوه:يبه!!!
الجد نشمي:تستاهل
ابو غازي بصدمة:يبه!!
رهايف كتمت ضحكتها وهي تشوف وضع ابوها نفس وضعهم مع ابوه وامه
الجد نشمي:اجل واحدن خاط الشيب بلحيته ورأسه يطارد ورا بنيته تقل عاملتن شين يروع!!الحمدلله ماانهبلت البنية!!
الجد منيرة:وهو الضعوف باقي بهم عقل!!كل ابوهم من أكبرهم لا أصغرهم غدت عقولهم من فعايله!!
رهايف ميلت راسها وهي تفكر بهالكلام مدح او ذم
ابو غازي:ايه ايه كبري راسها وانفخيه علي ثمن تغتاظين علي
الجدة منيرة:وانا من متى اغتاظ على عيالك!!والله انهم دوا دوا مير الشكوى لله!!
ابو غازي بتكشيرة:وش تقصدين يمه انا علة!!
الجدة منيرة اتسعت عيونها:الله اكبر عليك تقولني شين ماقلته!!
ابو غازي وقف وبزعل:هاذي هي عندك وانا اروح لمسفر احسن لي،،مشى،،
الجدة منيرة:عادل
ابو غازي التفت لها
الجدة منيرة:ماتقول لها،،وهي ترفع يدها وتقفل قبضتها ماعدا السبابة والإبهام اللي قربتهم من بعض،،هه سمعت؟
ابو غازي زفر:سمعت سمعت،،مشى،،
رهايف برد قلبها وهي تسمع تاكيد ابوها وتدري مايكرو كلام لامه وابوه زفرت براحة
الجد نشمي:ازعلتيه بالحيل يامنيرة
الجدة منيرة بنرفزة:كبّه يغتاظ مطيور مايقّر ابدن عوذا!!
رهايف بتكشيرة:جدة!!تراه ابوي لاتغلطين!!
الجدة منيرة طالعته:صحيح!!وراك هاجّة عنه!!
رهايف اتسعت عيونها:متى!!
الجدة منيرة انجلطت:الله اكبر عليك!!
رهايف:ماهربت الموضوع سوء تفاهم بسيط احتاج لحل مؤقت بس
الجدة منيرة صدعت منها:لاتخثردين(تتفلسف)علي امرضتيني
رهايف:يمه بالظلم متى امرضتك!!
الجد نشمي ابتسم
رهايف:وتهاوشين ابوي وهو مثلك!!
الجدة منيرة قرصتها ع رجلها
رهايف وهي تمسح على رجلها:ااااه
الجدة منيرة:يمه منش ومن لسانش!!
رهايف طالعتها بتكشيرة:جدة اثبتي على لهجة وحدة جننتيني!!
الجدة منيرة:وانتي وش لش علومي وانا اخبر بها!!
رهايف:انا يالله افكك شفرات كلامنا العادي مافيني على كلامك والله تكفين ياجدة مافيني عالصداع!!
الجدة منيرة:مير انتي وجعانة دايم مامن جــديــد!!
رهايف:طالعة عليك والله
الجد نشمي ضحك
الجدة منيرة ضربتها:بنت!!
رهايف:الحق دايم يزعل!!وانا كل عمري عندك يعني وجعانة مثلك!!
الجدة منيرة:اهب يابنت اعقبي ماتستحين!!
رهايف وهي تتقهوى وتاخذ قطعة من بوكس الحلا اللي قدامها:وش هالحلا الجديد!!،،اكلت منه اتسعت عيونها،،مكسرات!!!
الجد نشمي:اَي بالله يارهايف شين جــديــد!!تهولت وانا اوحيها توصي حصة
الجدة منيرة وهي تتقهوى وتتصنع عدم الاهتمام:اشتهيته
رهايف اتسعت عيونها:وضروسك اللي غثيتينا فيها!!
الجدة منيرة بعصبية:انتي ماتستحين صدق!!وبعدين معك ازهم ابوك!!
رهايف ابتسمت وبنص عين:مقبولة الرشوة ياام عادل مقبولة بس ماعرفتك والله!!
الجدة منيرة بعصبية:اعقبي من متى انا أرشي احد!!
رهايف بابتسامة وشوفة نفس:راسلة ابوي واسطة والحلا اللي احبه ولاتقدرين عليه من ضروسك
الجدة منيرة مكشرة وهي تطالعها
رهايف:يعني خلاص وش اقول بعد ذا الدلع مااقدر مااقدر ابد ولو انه قليل بعد ذاك الضرب
الجد نشمي قطب جبينه:وش ضربه!!
رهايف وهي تأكل من الحلا:حادث عرضي ياجد بس ماعليك سلمنا لاتخاف،،طالعت جدتها وهي تغمز منها،،احلى من يرشي ويرسل واسطات والله ماعليه مقبولة منك مقبولة يامنّور
الجدة منيرة اتسعت عيونها:يالله من فـضـلـك والصبر على هالوغدة!!
.
..عند الحريم..
،،البنات اخذين لهم زاوية وهم يتهامسون،،
ريما:خليك بالسيف(الأمان)واسكتي
شذى:انا لو من منك البسها مصيبة،،ارتفعت حواجبها،،وليش تسكتين!!ارفعي الأسعار وكبدّيها افدح المشاكل
امجاد كشرت بوجهها
سهام:واااع بس ناقصك رهايف اسكتي واللي يعافيك اسكتي
امجاد:اقولك رجعتني عندها بالشركة مانزلت اسمي باي مدرسة
سهام:عشان يشوفك بالدخلة والخرجة!!
امجاد:بالضبط!!لا وتقول لاتشتغلين ارتاحي ومتى ماتبين تروحين البيت روحي وحتى اذا ماتبين تداومين عادي لاتداومين راتبك مابينقص غير الفطور والغدا!!
سهام:يمه تخوف
شذى بابتسامة وسط نبرة صوتها المسموعة للكل:يااااحظككك!!
،،الكل التفت عليهم،،
البنات ضحكوا يصرفون
سهام قرصت شذى وهي تهمس وسط ابتسامتها:ووجعوه شذى
ريما وهي تعدل نظرتها بربكة:ايه وبعدين
امجاد بابتسامة والعيون عليهم للحين:وبس والله
عذاري دخلت:السلام عليكم
شذى بابتسامة وهي تلتفت لسهام:قومي بسرعة بسرعة
سهام كشرت بوجهها
شذى بابتسامتها:بنت زوجك وصلت قومي استقبليها زين
سهام وقفت وهي ترسم ابتسامة وتطالع عذاري:يااهلا!!
شذى انصدمت ماتوقعت تسويها
ريما زفرت وهي تهز راسها وتوقف
عذاري سلمت عليهم بابتسامة وسحبت سهام معها وهي تجلس قبال البنات وبنظرات موجهة لأمجاد
امجاد عقدت حواجبها باستغراب
عذاري جلست وجنبها جلست سهام وهي تصد بوجهها عن امجاد
امجاد اتسعت عيونها مصدومة منها زفرت:هه!!
شذى طالعت امجاد:بسم الله وش فيها!!
امجاد:لاحظتي!!
شذى:هو انا لحالي الكل انتبه
امجاد زفرت وهي تطنشها وتلتفت لشذى:اتركيها ياشيخة،،كملت سوالفها مع شذى وريما،،
عذاري التفت وهي تاخذ القهوة من سهام واخذت نظرة سريعة لأمجاد وانغبنت وهي تشوفها تضحك ولاهمها
.
..بيت الشعر..
جواد جالس على جواله وقدامه القهوة
فيصل جالس جنب رامي بعيد عن جواد بيموت من الطفش
رامي يقرأ كتابه
فيصل:تكفى واللي يرحم والديك فكه اعتقه العب معي ياولد!!وش ذا طفشت وانا انتظرك!!
رامي وعينه بكتابه:عشر صفحات وأخلص العب قيم على مااخلص
فيصل:العب مع من!!كلهم طردوني من قروباتهم العب معي تكفى!!
رامي:عالعشر وأبشر
فيصل كشر بوجهه:غلطان اللي يكلمك!!اصلا وش احصل من وراك هذا انت بس على جوالك،،وقف وهو يتجه للتلفزيون وقف عنده وشغله وجلس وهو يشغل الاكس بوكس بوسط تكشيرة وجهه وبنفسه،،حسبي الله عليك يازيدوه قلبت الكل
جواد جلس جنب فيصل وبينهم مسافة بسيطة
فيصل التفت له باستغراب
جواد:ابي العب
فيصل رمى اليد عليه:العب لحالك
جواد ارتفع حاجبه:خايف؟
فيصل:اخر شي أكون خايف!!
جواد:طيب؟
فيصل:مااحب العب مع ناس ثقيلين عالقلب
جواد ضحك:نفس الشعور والله
فيصل كشر بوجهه
جواد:وبما اننا ثقيلين على بعض ومافيه غيرنا والوضع طفش وش رايك نلعب؟
فيصل يطالعه بتفكير
جواد:الا اذا صدق صدق خايف!!
فيصل:قلت لك ماني خايف!!ماتفهم
جواد سحب اليد ورماها بحضنه:اثبت طيب
فيصل وهو يعتدل بجلسته ويرفع اليد بيلعب:بس عشان طفشان ولا كلامك مايهمني ابد
جواد وهو يختار فريقه:اقول فيصل
فيصل وعينه عالتلفزيون:نعم
جواد:رهايف وش تحب؟
فيصل التفت له بتكشيرة:هذا اللي تبيه انت!!
.
..بيت مسفر..
ابو غازي جالس قباله وطفش من سكوته وبنرفزة:وثم يامسفر وثم تراها مختفرتن معي علامك انت بعد!!
ابو جواد:انا بغيتك بسالفة سهام وخالد
ابو غازي زفر وهو يطالعه:وش فيها؟
ابو جواد باحراج:والله العذر يااخوك كل شي صار بين الحريم مادريت غير والرجال يتصل
ابو غازي:هذا شي بينكم مالي فيه يامسفر
ابو جواد اتسعت عيونه:بس
ابو غازي قاطعه:دام البنت موافقة وقابله فيه من كل عقلها وقلبها تم والله يوفقهم
ابو جواد يطالعه ساكت
ابو غازي:خالد والنعم فيه وبيصونها ويقدرها مابه شك لكن سهام يامسفر سهام
ابو جواد:داري ياعادل داري
ابو غازي:فهمها قبل كل شي ماتجي بكرة وتزعل لاشفت الحال ماهو بعلى كيفها
ابو جواد:هي اللي غطت الناس كلمة بدون لاترد الراي لا لي ولا لامها
ابو غازي اتسعت عيونه وبحدة:وشو!!!
ابو جواد زفر:اللي سمعته
ابو غازي:أعقلوا من عيال كلن يسرح ويمرح بكيفه دام هاذي سالفتها اجل علمها من الحين يامسفر زواجها من خالد ماهو بلعبة ولاتكسر ظهرك بين الرجال بكرة دام هاذي اولها وحرّص عليها وانا اقول اعقلهن سهام طلعت مثلهن!!
ابو جواد:ابشر ابشر
ابو غازي:ولا انا اعلمها عنك احسن
ابو جواد بسرعة:لا لا انا اعرف لبنتي وطبايعها
ابو غازي:اسمع يامسفر خالد اصيل وراعي جمايل بكرة لاشافت البنت شي ماهو بعلى رايها لاتسوي شين يضر وانت خوين له قبل تكون نسيبه
ابو جواد:وهذا اللي مخوفني ياعادل استعجلت وبالحيل
ابس وانساب الماء لبرا البركة بغزارة
بخوت اتسعت عيونها وهي تفهم انه يبي يحبسها بالبركة تعلقت بالجدار وهي تحاول تطلع لكن مع الخوف والتوتر تفلت يدها غصب عنها
غيث ابتسم بشر وهو يوقف ويتجه للسلم
مرزوق وقف عنده وهو يمسك يده وسط تكشيرة على وجهه وبشك:وش ناوين تعمل ياغيث؟
غيث دف يده:ماني بعاملن شي!!
مرزوق وهو يطالع شره:اوجست يمي نروعهن ياغيث
غيث بحواجبه المرتفعة:وهذاني اروعهن!!
مرزوق وهو فهم نيته بحدة:ادحر هالبلا ياغيث!!
عباير وهي تطالع هوشتهم دعست على رجل هليّل بكل قوتها
هليّل ارتخت يديه للحظة
عباير دفته عنها بكل قوتها وجرت مبتعدة عنهم
بخوت صرخت براحة وهي تطالعها تبتعد:هجي هجي ياعباير،،قوى قلبها وارتاح وهي تطمنت شوي على اختها استجمعت قوتها وهي ترفع نفسها مع مساعدة الموية لها قبل يقل اكثر وتعلقت بجدار البركة وتسلقته وجلست على طرفه،،
غيث صرخ بغبنة:هلييييل!!!
هليّل جرى ورا عباير وهو يدخل يده بجيبه
مرزوق وقف محتار وهو مصدوم من الاتفاق العكسي بينهم كان اتفاقهم معه يخوفونهم بس لكن غيث وهليّل طلعوا أسوأ من تفكيره بمليون مرة تقدم بخطواته وهو يطالع هليّل المتهور اللي يجري ورا عباير وبنفس الوقت بخوت اللي عالبركة وراه وينتظرها غيث ايهن تحتاج مساعدة اكثر وقرر يلحق هليّل اللي يدري ان معه سلاح واكيد ومليون بالمية بلحظة يذبحها جرى بكل سرعته وراهم
غيث اتسعت عيونه وهو يطالع مرزوق اللي يجري ورا هليل
هليّل ورا عباير وبيده سلاحه وبصراخ:اقفي يابنت!!
عباير تجري وهي تبكي
مرزوق يجري وراهم وهو يحس نفسه انقطع ولا هو قادر يوصلهم
هليّل لحق عباير ومسكها
عباير انتفض جسمها وهي بين يديه وغمضت عيونها وهي ترفسه وببكاها:كبني ياعديم المروة كبني!!
هليّل ثبت السلاح على راسها
عباير وقفت حركة وسط الشلال اللي انهمر من عيونها بقلة حيلة
مرزوق اتسعت عيونه وهو يطالعها قفا هليّل ويشوف سواد عبايتها بين يديه زاد سرعة جريه
هليّل ضربها بكل قوته على راسها بطرف سلاحه وأفقدها وعيها ومسكها من يدها وهي تتدلى مابين يده والأرض مو حاسة بشي نهائيا
هليّل التفت وعلى وجهه ابتسامة عريضة واختفت هالابتسامة وهو يطالع نظرة الشر اللي على وجه مرزوق اللي يجري باتجاهه
مرزوق صرخ بغبنة:يالخسيس!!،،ماحس بنفسه الا وهو يرتفع مابين السما والأرض،،
غيث اللي صدم مرزوق بالوايت اللي كان شغال قدام عينه وقف به وسط شحوب وجهه وهو يسمع صوت اصطدام جسم مرزوق بالتندة فوق راْسه
هليّل يطالع اللي يصير بوسع عيونه مصدوم
مرزوق استقر عالارض وهو ينتفض بدون صوت وسط نظرات هليّل وغيث اللي نزل من الوايت وهو مثبت عينه عليه بصدمة من اللي سواه
مرزوق هدت حركته لحد ماوقفت نهائيا بدون اَي بوادر تصرف لمساعدة منهم
هليّل برعب:وش عاللي عملته ياغيث!!وشو!!
غيث مثبت عينه على مرزوق مو قادر يستوعب اللي سواه للحين
هليّل بوجهه الشاحب:عز الله مابيرحمنا ضبعان انا مالي بدّ باللي انعمل ابدن ابدن
غيث رفع عينه عليه وهو ينتبه لكلامه:وشو!!!
هليّل برعبه:هذا ضبعان وانت خابره وخابرن علومه!!
غيث بحدة:ماعملنا شي ابدن ياهليّل!!
هليّل اتسعت عيونه وهو يسمع كلامه
بخوت وقفت عندهم وهي تنحني للأرض تاخذ حجر ورمته على غيث اللي قبالها وهي كل همها اختها وبصراخ:كبوها ياعلكم ماتربحون
غيث ضرب بظهره الحجر والتفت يطالعها وسط عيونه اللي تنطق بغيظه وشره
بخوت وعينها على عباير اللي بيد هليّل:فكها من يديك النجسة ياالنجس!!
هليّل ترك عباير وهو يحس بنفسه
عباير طاحت عالارض
بخوت تجمدت مكانها وهي تطالع المرتمي عالارض وسط دمه
غيث بوسط هالغيظ والحقد المرتسم على ملامح وجهه:كله من وراش ومن ورا فعولش غدا هاللون!!
بخوت خافت وهي تطالع الحقد الواضح عليه لفت عنه وجرت وسط انفاسه المتقطعة من الرعب قبل الجري
غيث جرى وراها ولحقها ومسكها وهو يحاوطها بيديه
بخوت صرخت وهي تضربه بكل قوتها الباقية
غيث دفها بكل قوته عالارض
بخوت طاحت عالارض وسط دموعها ووقفت بسرعة وهي مرعوبة بتجري
غيث مسكها من يدها وهو يضربها كف من كل قلبه
بخوت سال الدم من فمها من قوة كفه
غيث:اندرتي قدري وسط الناس من علومش!!
بخوت تسحب يدها منه لكن ماسكه بقوة بدون لايفلتها
غيث دفها عالارض
بخوت طاحت عالارض وحاولت هالمرة تكون اسرع وتهرب وعلى رفعتها لجسمها ماحست الا برجله تضرب جنبها الأيمن وارتمت عالارض
غيث بغبنته يشوتها ورا بعض على كل مكان بجسمها وبصراخه الهستيري:ماعاد لي كلمة ولااحدن يوحي لي وجس من وراش!!كذبتيني بين القوم وانتي مالش ومال علوم القوم مردش مرة!!انا تندرني من محلي مرة!!غيث غيث ولد الشيخ يبدّون عليه مرة!!(يقصد انه صدقوا حرمة عليه وهو رجال وطاح قدره وسطهم)،،صرخ وهو مستمر يشوتها من غيظه،،
هليّل برعب:كبها ياغيث ذبحتها!!
غيث وقف وهو ياخذ نفسه وهو يصد عنها
بخوت ترجف بمكانها عالارض وعطته ظهرها وهي تسحب ع بطنها الارض وسط رجفتها تبعد عنه
غيث طالعها وضحك بغبنة:وثمن ادعيتيني اعمل هاللون بخويي!!كله من وراش انتي،،صرخ،،من وراش!!،،مشى وراها بسرعة وانحنى وهو يمسكها من رجلها،،
بخوت انهارت بعد ماكانت تبكي عالصامت وصرخت وهي ترفسه برجولها
هليّل صرخ وهو يطالعه:اوجست نروعهم ياغيث
غيث مااهتم لهليل وكلامه ابد وهو مستمر بادي يسويه سحبها له يقربها وهو يقلبها ع ظهرها وسط مقاومتها الضعيفة له من تعبها
هليّل عطاهم ظهره وجرى وهو متجه لسيارتهم اللي موقفينها من البداية بعيد حتى ماينتبهون لهم بخوت وعباير وركبها ومشى وتركه
غيث جلس على بطن بخوت
بخوت بضعفها الشديد ونهاية حلولها وقوتها ترجته:تكفى تكفى كبني عليك وجه الله ارحمني ياغيث ارحمني
غيث ابتسم وسط حقده بدون اهتمام لرجاها:والله ثم والله اني لاختلص(اخذ حقي)منش على كل ماعملتيه بي يالدنية
بخوت ببكاها:غيث تكفى ياغيث
غيث مد يديه لرقبتها ومسك طرف قمصيها وشقّه و......
.
.
،،بالزواج،،
،،سعود وطلق وناصر يشتغلون يساعدون اهل الزواج بتقديم الضيافة،،
ناصر وقف عند طلق بوجهه المتغير ماعاد يقدر يكتم اكثر وهو يهمس له:طلق
طلق اللي يقهوي التفت له وقطب جبينه وهو يطالع وجهه:علامك؟!!
ناصر:ارعيت عالخط وانا غادين بالقدور لهني بنات متعب غاديات بالوايت
طلق باستغراب:وثمن؟!!
ناصر:وعقبهن بشوين غيث وهليل بالددسن
طلق كشر بوجهه بشك
ناصر:ويتبعهم مرزوق بسيارته
طلق اتجه للمشب بوسط المجلس وهو يتأكد شكه وانحنى وهو ينزل الدلة ثم اعتدل بوقفته بوسط تكشيرته:متى هالعلم؟
ناصر: ارعيتهم الصبح
طلق اتسعت عيونه وبصوت عالي:امهبول!!
،،الكل التفت له،،
طلق ضحك وهو يصرف الموضوع للي انتبهوا له:وش هالعلوم الله يصلحك
ناصر ضحك وهو يجاريه
طلق من بين اسنانه وسط ابتسامته وهو يغلي:وذالحين تعلمني!!ذالحين الغدا!!
ناصر بتوتر وهو يمشي:غدينا الله يستر غدينا
طلق مشى وراه
ناصر وقف وهو يطالع سعود قباله
سعود ينفض ثوبه المعدوم بضيقة مرتسمة على ملامح وجهه
طلق وقف ورا ناصر وهو يهمس:اركد لاتهول بنا وحنا لذالحين مابه شي
سعود انتبه لهم وابتسم:من العجلة اللي بي حصل بي هاللون
طلق تقدم وبابتسامته:مامن خلاف دامك بخير مامن خلاف
هليّل وقف قبالهم وهو مرتبك
سعود طالعه باستغراب
طلق ابتسم براحة وهو يطالعه:وينك به ابطيت؟!!
هليّل:غديت يم المزرعة اتفقدها وعودت هذاني
ناصر بسرعة:وين غيث؟
طلق اتسعت عيونه بقهر من غباء ناصر
سعود زفر ومشى متجه لبيتهم يبدل وهو يتركهم
طلق طالع هليّل:وينه غيث؟
هليّل بكذب:ذالحين يلفي ذالحين
غيث وقف جنب هليّل بابتسامة
هليّل يطالعه بصدمة
طلق يطالعه:وينك به!!
غيث:قضيت مشوار وعودت
طلق قطب جبينه وهو ينتبه لأثر جرح ورا اذنه
ناصر باستغراب:ومرزوق؟!
غيث باستغراب:علامه؟
ناصر:ارعيته يتبعكم!!
هليّل يسمع الكلام بوجهه المخطوف وهو ملتزم الصمت تماما
غيث:ويوم انه يتبعنا وش علينا منه!!
طلق وهو يخفي شكه التفت لناصر:ارعيت!!روعتنا عالفاضي!!،،مشى ولحقه ناصر،،
هليّل يطالع غيث بصدمة
غيث مشى وراهم
هليّل مشى وراه وهو مو عارف وضعه ومرعوب
غيث همس من بين اسنانه لهليل وعينه على طلق وناصر:انكعم ولاتوجس شين ابد،،التفت يطالعه وبحدة،،حنا بالعرس من الصبح ولاندري عن شين ابد اوحيت!!
.
.
..بيت بادي..
سعود دخل البيت وهو ينادي:عباير بنت ياعباير،،قفل الباب وراه وهو ينزل ثوبه عقد حواجبه وهو مايسمع رد ولا وحدة منهم مسك ثوبه بيده وهو متجه لغرفته،،بخوت يابخوت،،دخل لغرفته وهو ياخذ من ثيابه وخرج،،عباير بنت ياعباير،،استغفر بينه وبين نفسه وهو يتجه لغرفة بخوت الأقرب له وسط خطواته السريعة مستعجل فتح الباب،،بخوت،،عقد حواجبه باستغراب وهو يترك الباب مفتوح ويتجه لغرفة عباير ويفتح الباب،،عباير،،وباستغرابه، ،وين غدن!!امداهن يغدن يم الغدا!!،،رجع لغرفته وسط شكه وخواته ابدا مايحضرون غدا اَي مناسبة ممنوعات من جدهم دخل وهو ياخذ الثوب الملون الوحيد المكوي وهو يكره الثياب الملونة ولبسه بتكشيرة وهو يتوعدهن وكيف كسروا كلمة جده حط شماغه على كتفه وهو يخرج من البيت واتجه لبيت خالته ام مزون وقف عالباب وهو يدق عليه ومن ورا الباب وصله الصوت،،
مزون:من؟
سعود:عينتي عباير وبخوت؟
مزون سكتت
سعود استغرب سكوتها:بنت!!ويـن غديتي به!!يابنت!!
ام مزون من ورا الباب:هـلا ياسعود
سعود:وشلونش ياخالة
ام مزون:بخير ياعلك دايم بخير ياولدي
سعود:ماعينتي بخوت وعباير ياخالة بالعزومة؟
ام مزون:لا ياسعود وثمن وشلون يغدن وانت خابرن علم جدك لهن!!
سعود بدا يدخل قلبه القلق:متوكدة ياخالة؟!!
ام مزون:اَي بالله متوكدة
سعود:مالفن يم مزون وتقهون مثل مايعملن دايم؟
ام مزون:لا بالله مالفن
سعود زفر وسط قلقله:خير خير مشكورة ياخالة رايتش بيضا،،لف بيمشي،،
ام مزون:ولد ياسعود
سعود وقف:سمي ياخالة؟
ام مزون:بغدي يم الجماعة(اهل الزواج)بلكن عيني زلت عنهن
سعود زفر براحة:ياعلش للعافية ياخالة اجل احتريش يم البيت،،وراحت ام مزون ورجعت وهي ترد له الخبر بعدم وجودهم انهبل وهو يعرف خواته مستحيل يجي الظهر وهم برا حتى لو عشان الحلال اللي يعتبر اثمن مايملكونه رجع للبيت وجلس بالعشة الخارجية وهو يلف شماغه على راسه ويصبر نفسه اكيد راحوا يردون للبير وبيرجعون اكيد،،
.
.
<اللهم صل وسلم على نبينا محمد>
.
.
أميرالز and أزميرالد like this.
لامارا غير متواجد حالياً رد مع اقتباس
الـجـزء الـثـامـن والـخـمـسـيـن،،
لااله الا الله وحده لاشريك له له الملك وله الحمد وهو على كل شي قدير..
.
.
عباير صحت من الشمس اللي ضاربة وجهها جلست وهي تحس بكل جزء بجسمها يوجعها نزلت طرحتها وهي تحس بشي لازق ماتحملته ثم مسحت جبينها بيدها ورجعت تطالعها وتشوف اثر خفيف لدمها اتسعت عيونها وهي تحس هالمرة بنفسها واللي صار معها فزت واقفة بسرعة وهي تتلفت حولها وسط رجفة قلبها من الخوف وقفت ووقف قلبها ونفسها معها من الرعب وهي تطالع الآدمي المرتمي عالارض قدامها امتلت عيونها دمـوع وهي تطالعه ظلت واقفة مثبتة عيونها عليه بخوف تحس بنبضات قلبها تضرب ببداية حنجرتها وسط مغص سيطر على معدتها استجمعت شجاعتها ومشت وسط نظراتها المثبتة عليه ومرت من جنبه بسرعة وهي تبعد بخطواتها عنه ونادت بصوت يتهيأ لها مسموع لكن فعليًا كانت تهمس:بخوت بخوت،،تلفتت حولها ووقفت وهي تلمحها مرتمية عالارض قدامها بمسافة جرت لها وهي تهل دموعها المحبوسة ووقفت بصدمة شلت حركتها طاحت عالارض ماشالتها رجولها من كثر صدمتها وهي تطالع حالة اختها،،
بخوت مرتمية عالارض ع ظهرها تطالع السما بدون اَي تعبير وسط عيونها الحمرا من كثر البكا وجسم متشددة عضلاته من اللي مرت فيه بملابس مقطّعة كاشفة عن اجزاء مختلفة بجسمها بجروح مفتوحة بكل ملامح وجهها كدمات مغطية يديها ورجولها وبطنها المكشوفة
عباير تشاهق وهي تسحب نفسها عالارض وهي تكذب الحقيقة اللي وصلت لها من منظر اختها وقفت سحب لنفسها وهي جنب بخوت وتحديدا عن يمينها وبدموعها وانهيارها الصامت مدت يدها اليمين للجهة المقابلة(يسار بخوت)وهي تمسك طرف القميص وبيدها اليسار تمسك الطرف اللي من جهتها وشدتهم بمحاولة يائسة منها تستر اختها وانفجرت تبكي بصوت من حرقة قلبها:ااااه ااااه يابخوت اااه ياويل قلبي عليش يابخوت ااااه
بخوت انسابت دموعها من جديد وهي تسمع بكى اختها رغم ملامحه الجامدة بدون اَي تعبير
عباير تركت القميص وهي تضم اختها بحضنها وسط بكاها ع اختها
.
.
العم مصلح مر من عند سعود وهو راجع من حلاله ومتجه لبيته وقف وهو يطالعه:سعود!!
سعود وقف وسط ابتسامة مجاملة مرتسمة على وجهه رغم التوتر الواضح عليه:هـلا هـلا ياحيّه،،مشى له وسلم على راسه،،حياك ياعم مصلح حياك
العم مصلح باستغراب:علامك قاعدن في ذَا!!وراك ماغديت يم العرب تتغدا؟!!
سعود:ذالحين لافين من يمهم مير اني أغير ثوبي ومعود يمهم
العم مصلح:زينٍ على زين اجل غدينا مع بعضنا
سعود باحراج:مير اني احتري خواتي يعودن
العم مصلح قطب جبينه باستغراب:من العرب؟
سعود بقلق:ماهن يم العرب ولااخبر وين غدن يمّه
العم مصلح انخطف وجهه:ماعودن لذالحين!!ياعقيل الله!!
سعود باستغراب:ارعيتهن ياعم!!
العم مصلح:اَي بالله غدن يمي وهن مروحات(مروا)وفضّوا الما اللي بالوايت بخزان الحلال وغدن يم بركة***
سعود اتسعت عيونه:مير هذيك مقطعة(بعيدة)وش يريدن بها!!
العم مصلح:اللي مروعني ذالحين ماهو بغديتهن ياعمك
سعود قطب جبينه باستغراب:خير ياعم
العم مصلح:ارعيت ددسن يتورى لي(يشابه)ددسن لمناور
سعود اتسعت عيونه
العم مصلح:مير اني كذبت روحي واوجست اكذاب يامصلح اكذاب
سعود جرى للددسن
العم مصلح جرى وراه:احترني ياولد اغدي معك احترني
.
.
عباير ضامة بخوت وسط بكاها تركتها وهي تطالع وجه اختها وتمسح دم بخوت ودموعها عن وجهها بطرف كم عبايتها وهي تشاهق:بخوت بخوت
بخوت هادية وجدا وبملامح خالية من اَي مشاعر حتى دموعها وقفت ماعاد تنزل
عباير نزلتها عالارض بشويش وهي تتكلم بصوتها المقطوع من بكاها:ابنغدي للبيت ذالحين ابنغدي،،وقفت بسرعة ومشت بتتجه للوايت وقفت برعب وهي تسمع شهقة وراها،،
بخوت شهقت شهقة بصوت عالي معها ارتخى كل جسمها المشدود من الصدمة
عباير ماالتفت تطالعها من كثر رعبها كملت طريقها تجري برجفة رجولها اللي قللت من سرعتها ركبت بالوايت وشغلته وبكل اسف مااشتغل معها نزلت وجرت لقدام بدون لاترجع لبخوت وتتطمن عليها وهي مرعوبة من اللي ببالها جرت بكل مافيها لقدام تبي اَي احد اَي احد مين ماكان اهم شي يساعدهم
.
.
<عالغدا،،بالزواج>
,,على صحن واحد الشلة جالسة,,
غيث يتغدى بهدوء وهو ساكت
هليّل جالس عالصحن حاط يده بالصحن ومو قادر يرفعها ويحط اللقمة بفمه وواضح عليه التوتر
ناصر يطالعه بشك وهو يتغدا
طلق يطالع غيث الهادي بشك فيه اكثر من هليّل المتوتر
هليّل وقف:جاد الله عليكم،،مشى،،
ناصر وقف ومشى وراه بسرعة
غيث منتبه لطلق ونظراته من البداية وعينه عالصحن وبدون لايطالعه:اوجس اللي بصدرك ياطلق؟
طلق طالعه بشكه:تريد اوجس اللي بصدري هنيا!!
غيث رفع عينه لطلق وبثقة:الحمدلله الطيب طيبي والخير فعولي!!مامن شين اذل منه كود لاتوجسه هنيا!!
طلق سكت وهو يسمع هالرد ويطالعه بتردد وممكن يكون تسرع
غيث:اوجس ماتريد؟
طلق:مامن شي مامن شي لاتشغل روحك
غيث كما يتغدى بهدوءه
هليّل غسل يده وخرج من الزواج بسرعة وهو خايف لايفضحهم كل ماناظره احد شك بنفسه وتوقعه يدري
ناصر يمشي وراه وحط يده على كتف هليّل
هليّل اللي ماانتبه لناصر ابدا من مصيبته التفت له بفجعته:مالي بد بشين ابد!!ماعملت،،سكت وهو ينتبه لنفسه ويطالع ناصر بوسط انفاسه ووجهه المرعوب،،
ناصر تأكد ان فيه مصيبة:وشو اللي مالك بد به ياهليّل!!
هليّل بربكته الواضحة:مامن شي مامن شي،،مشى،،
ناصر مسك هليّل يوقفه:هليّل علمني العلم علمني!!
هليّل سحب يده ومشى وتركه
ناصر زفر وهو يطالعه بعدم راحة
.
.
سعود يسوق بسرعة جنونية وصوت منبه السرعة غطى السيارة
العم مصلح وهو يردد بهمس:ياالله انها عليك!!يالله استرها معهن يالله الرجا بك زين ورجانا خيبة يالله يامزين النوايا زينها يالله عسانا على باطل يالله
سعود وقف بالسيارة والبركة ماتبعد عنه الشي الكثير نزل من السيارة وهو مقطب جبينه يطالع زول من بعيد متجه له اتسعت عيونه بعد مادقق وعرف هالزول جرى لها بكل سرعته وسط خوف وقلق من اللي ينتظره
عباير وقفت عنده بعد ماتقابلوا وسط وجهها الأحمر من كثر بكاها وهي تمسك يديه
سعود بصراخ بفجعته من شكلها:علامش!!
عباير بشهقاتها:بخوت بخوت ياسعود بخوت
سعود دفها وراه وهو يجري بكل مافيه للبركة ورغم قرب البركة الا انه يحسها تبعد عنه اكثر وأكثر انخطف وجهه وهو يشوف المرتمي عالارض وتركه وهو يكمل طريقه وقف وهو يحس قلبه هوى بين رجوله وهو يطالع منظرها همس بصدمته:بخوت!!،،تقدم لها وسط ثقل رجوله وهو يالله يرفعها ويكذب نفسه من الحقيقة المرة الواضحة بلع عبرته وهو ياخذ نفس يحاول يستجمع فيه كل قوته رغم شدة الموقف اللي هو به وانحنى وهو يفك شماغه عن راْسه ويغطي فيه جسم اخته وفلتت منه عبرته وتمردت دمعته على خده وهو يحاول يغطيها بشماغه اللي كل ماغطى جسمها من جهة انكشف من جهة ثانية ولاقدر يمسك عبرته اكثر وانتحب بانكسار بصوت واضح وهو يحاوطها بحضنه يغطيها،،ياوجد قلبي عليش ياخيتي ياوجده!!
.
.
>>اليوم الثاني>>
،،مستشفى المحافظة،،
ضبعان داخل وهو يسرع بخطواته ووراه فارس(20سنة)ومجموعة من عيال عبري اثنين مع ضبعان والباقين منهم ينتظرونه برا المستشفى متجه لغرفتها يبيها وبعيونه اللي تتطاير من شره وقف عند باب الغرفة وهو يطالعهم
سعود جالس عالكراسي بهم مرتسم على وجهه جنب غرفة بخوت بشروده يروح ويجي مع الشرطة من امس بدون لاينطق حرف من صدمته
العم مصلح جالس جنبه وهو يحاول يساعدهم لكن بدون فايدة
الشرطي المكلف بالحراسة وقف قبالهم وبحدة:خير!!
ضبعان بصراخ:اغد يم الصريمة اللي جوا وحضر بها قدامي ذالحين توحي!!
سعود رفع عينه وهو يطالع ضبعان اللي يصارخ بهدوء
الشرطي:ممنوع احد يقابل البنت لحد ماتتكلم
فارس بصراخ:اغد يمّها خلها تحضّر وتوجس الصحيح!!اجل اخوي مغيب(غيبوبة)من ورا فعلتها وفوقها يرمونه بالباطل!!كود انها من اولها من هالسلّت(بنات الشوارع)وتطشها على الضعيف اخوي تعقب!!خلها تغدي يمّنا ذالحين اوحيت!!
سعود وقف وبهدوءه:اختي مااوجست شين لذالحين مااوجست شي توحون؟
فارس مسكه من ياقته ثوبه يخنقه
سعود مارد عليه
فارس بصراخه:انكعم باللي مابك خير!!كابهن يزوجون وتطشون تهايمكم عالضعوف!!
العم مصلح فك سعود من يدين فارس ودفه وبعصبية:عيب عليك!!استح على وجهك،،طالع ضبعان،،علامك تراعيه يتجنى ومنكعم عنه!!
ضبعان بحدة:ماعمل شين خطا نريد حقنا!!ولدنا وشو له مغيب!!وشوله عملت به هاللون وهي توجس ماناشها(مالمسها)!!
العم مصلح بعصبية:البنات اوجسن مايخبرن من اللي عمل بولدكم هاللون!!وثمن كود لك حق بتاخذه الشرطة لك!!هذاك اول يوم انك تاخذ حقك بيدك ماهو بذالحين!!
الشرطي واقف عالباب ماتحرك ابد وبحدة:اذا لك حق ياعم مثل ماقال لك العم مصلح بتاخذه
ضبعان:كود مابكم رجلن يقضب بناتكم السلت ويربيهن انا براسي ارابيهن!!
سعود عض شفته بغبنة وهو يطالعه
العم مصلح بحدة:اقضب لسانك ياضبعان بناتنا مربيات واللي غدر بهن يلقى جزاه وحسيبه الله دنيا وآخرة
ضبعان ضحك:وكودهن مربيات علامه جدهن مالفى يحماهن!!
سعود اتسعت عيونه بصدمة وهو مادرا ان جده رجع من مكة
ضبعان بحدة:مفارقهن الربية الزينة وهن هاذي علومهن!!
سعود صرخ بقهر:مربيات غصبن عنك وعن اشكالك!!
فارس:تعقب باللي مابك رجولة!!
ضبعان رفع يده لفارس يسكته:وثمن بأحتري الى منه يضيع حق ولدنا!!،،وبحدة،،اغدوا وتلّوها يمي
فارس والاثنين اللي معه هجموا عالغرفة وقامت قيامة بالمستشفى وهو يمنعونهم عنهم
..داخل الغرفة..
عباير جالسة عالكرسي وهي تطالعها وسط جو كئيب يلف المكان اللي يجيب الكآبة من الاساس
بخوت تطالع السقف بهدوء
عباير فزت واقفة وهي تعطي ظهرها لبخوت وعينها عالباب وهي تسمع أصوات هوشة الرجال برا وسط رجفة عظامها من الخوف
،،انفتح الباب بقوة ووصل لهم صوت الرجال بشكل اوضح،،
بخوت ماعندها اَي بوادر اهتمام للي يصير حولها ابد
عباير مرعوبة وهي تطالع الباب التفتت حولها تدور اَي شي تحمي نفسها وأختها معها طالعت المغذي الملف قدامها نزلته من الحامل وهي تمسكه بيدها وسط قلبها اللي بيخرج من الخوف
،،دخلوا ثنتين مستغلين انشغال الرجال وقفلت وحدة منهم الباب،،
عباير بلعت ريقها وهي تطالعهم
غيثة رفعت الغطا عن وجهها وسط عيونها الحمرا وهي تطالعهم بحقد
عباير ضمت الحامل لصدرها وهي ترجف تدري جيتهم ماوراها خير
نايفة وهي تترك الباب بعد ماقفلته وتوقف جنب غيثة
غيثة بقهر:كود انكن سلت عايبات ماوراك والي أطشن سواد وجيهكن يم اخوي الضعيف ليش!!
نايفة بدموعها:اوجسن الصحيح كود ظل خوف من الله بقلوبكن يامال الصريمة!!
عباير تطالعهم وسط دموعها
غيثة مشت لها وضربت عباير كف ع وجهها وهي تدفها بنفس الوقت وبصراخ:طسي عني،،وهي تمسك بخوت وبصراخ،،اعقبي كسرتي ظهر ابوي ووطيتي قدره بين القوم اعقبي
عباير ابتعدت لخطوات ورجعت بسرعة وهي تفك بخوت من غيثة وبدموعها:كبيها كبيها
نايفة مسكت عباير من شعرها وشدتها وهي تبعدها عنهم
غيثة تضرب بخوت:ياللي ماتخافين ربش اتجنين عالخلق ومحدن يمش ولااحدن غدا لش اهبي اهبي
عباير تفك نفسها ولاهي قادرة من يدين نايفة وهي تبكي:كبنا يالظلومات!!كبيني!!
نايفة وهي تضرب بعباير وسط دموعها؛اعقبي اندرتي دميعة امي اندر الله ارواحكـ(ش)ـن بهالليلة ياسويدات الوجه
ممرضة دخلت وهي تشوف هوشة الرجال وساعدت عباير وخرجت هالثنتين برا
.
.
>>وانتهى اليوم مع تكذيب شهادة عباير بوجود هليّل وغيث بنفس المكان خاصة مع بوادر العداوة بينهم وشهادة ناصر وطلق ان غيث وهليل كانوا معهم طول اليوم وماانحجزوا هالاثنين ابدا بالشرطة بعد التشكيك بسلامة عقل بخوت من هدوءها الغريب بعد الصدمة وعدم الأخذ بشهادة مصلح لعدم ثبوته من السيارة واللي بداخلها وتعلقت تهمة صدم مرزوق ببخوت كانتقام من اللي سواه فيها مع تعهد من عيال عبري مايتعرضون لبخوت واهلها ابدا>>
.
.
>>بعد يومين>>
سعود بوجهه المتجهم الحاقد يسوق السيارة راجع لأكثر شي يكرهه بهاللحظة راجع للديرة راجع لبيتهم وهو وصله خبر عشا مناور ببراءة ولده من هالتهمة الشنيعة
عباير جالسة ورا وعينها مثبتة على بخوت
بخوت هادية جدا مثل وضعها بالأيام اللي راحت مانطقت ولا كلمة الا بوقت اعترافها للشرطة بصاحب الفعل الشنيع
،،دخلوا للديرة،،
سعود شد عالدريكسون وهو يهدي سرعته وسط نظرات اهل الديرة اللي يمر من عندهم
بخوت تطالع الرجال اللي يطالعونها ضمت نفسها وهي تنزل راسها بين رجولها وتبكي
عباير برجفة صوتها:بخوت؟علامش!!
بخوت ضمت نفسها اكثر وهي تحس بنظراتهم تكشف جسمها وتتحسسها وينعاد نفس ذاك الشعور الشين اللي مرت فيه نظراتهم تحرقها تخترق كل خلية بجسمها ارتمت عالمقعدة بكل مافيها من ضعف وهي تدفن وجهها بالمقعدة وانهارت تبكي
عباير بكت وهي تمسح على راسها:حسيبهم الله حسيبهم الله
سعود حبس عبرته وهو يسمع بكى خواته وكره نفسه وهو مايقدر يسوي شي واسرع بالسيارة وهو يضرب عالبوري بكل قوته حتى اللي ماانتبه ينتبه ويبعد عنه قبل مايوصله وقف بالسيارة قبال البيت ونزل وهو يفتح الباب من جهة بخوت مد يده لها:يالله يابخوت
بخوت ماردت عليه
عباير طالعته
سعود فهم قصدها حتى هو مابتقدر تلمسه او تطالعه يظل من الرجال ونظراته تخترقها زفر وهو يتركهم ويوقف عند الباب البيت يطالعهم
عباير نزلت وهي تساعد بخوت وتسندها
سعود فتح لهم الباب وهو يبعد شوي
بخوت وعباير دخلوا
سعود دخل وراهم وقفل الباب عقد حواجبه وهو يطالعهم يوقفون اسرع لقدام شوي واتسعت عيونه وهو يطالع جده اللي ورا المشب يتقهوى بهدوء وقف قدام خواته وبرجفة صوت وهو يشكي لجده بقهر من قلة حيلته:ياجد طشوا علينا ظليمة!!ياجد ليتهم عروها(اتهموهما بشرفها كلام)!!،،نزلت دمعته بقهر،،ياجد عراها صحيح الله لايبيحه وحاموا عنه وطشوها بغيره،،بحرقة قلبه،،وأخذوا عهدن ماانوشه ابد(يلمسون غيث)
الجد بادي اللي جالس ورا المشب يتقهوى بهدوء وهو يسمعه نزل فنجاله وووقف وهو يتجه له ووقف قباله
سعود بغصة تعتصر قلبه واضحة على ملامح وجهه:مصدقني ياجد لو انه كل ابوهم كذبوني مصدقني
الجد بادي وقف قباله وارتسم الغيظ المدفون بقلبه على وجهه وهو يرفع عكازه ويضرب سعود بكل قوته على واسع وبحدة:ياسويد الوجه عديم المروة!!
سعود ارتمى عالارض من قوة الضربة وسط صراخ خواته اللي اعتلى المكان>>تتمة الاحداث سبق عرفناها بالبارتات (158،157،156)>>
..بالليل..
،،غرفة بخوت،،
عباير نايمة عند بخوت
بخوت فزت من نومها جالسة وهي تسمع فتحة الباب وتجمدت ووقف شعر جسمها وعينها عالباب وبرعب وبدون اَي تصرف منها تطالع الباب مرعوبة
سعود دخل
بخوت انخطف وجهها وهي تطالعه
سعود قفل الباب وراه بشويش وهو يتجه لها ويجلس قبالها ويطالعها
بخوت هلت دموعها عالصامت وهي تسحب نفسها لورا
سعود مد يديه وثبتها
بخوت انتفض جسمها بين يديه
سعود حس بنفضتها وبحدة:انا اخوش!!
عباير فزت من نومها من صوته وطالعته بفجعة
سعود بحدته:سعود اخوش اللي ماعمره طولت يده يمش!!
بخوت طالعته وهي منهارة بدون اَي صوت
عباير:كبها ياسعود تموت بين يديك كبها!!
سعود بعيون تلتمع من دمعه من القهر:اوجسي يمي يابخوت
بخوت بلعت غصتها وهي تطالعه
سعود:غيث؟وكاد هو؟هالدني محدن غيره؟
بخوت هزت راْسه بايه وسط صوت بكاها اللي اعتلى
سعود:اريد اوحيها؟
بخوت بصراخ وسط دموعها:هو هو غيث غيث ياسعود غيييثثث
سعود احتضن وجهها بين كفوفه ومسح دموعها باطراف أصابعه:لاتصيحين ياأخت سعود وسعود حي لاتصيحين
بخوت انهارت بصوت وهي تبكي:ااااه ياسعود ااااه
سعود باس جبينها وهو يبلع حرقة قلبه اللي بتفضحه قدامها وطالعها وهو محتضن وجهها:والله يااخت سعود ان تنقشع هالظليمة عنش وانا اخوش والله
بخوت منهارة بشهقاتها بين كفوفه
سعود وهو يمسح دموعها بيديه وبرجفة صوته وهو يطالع دموعها:والله ان توحين علمه يسري بينهم على سواته الشينة والله،،تركها وهو يوقف،،
عباير اتسعت عيونها وهي تمسك يده وببكاها:لا ياسعود لا لاتعمل بروحك شي تكفى طلبتك
سعود ضمها له وهو يودعها:تحرصي على روحش وعلى اختش ياعباير قوي قليبش الضعيف حتى تقوى شوكتش وتحرزين عاللي محدن يحرز عليه
عباير تدفه عنها وهي تبكي:لا مااريد مااريد ياسعود مااريد
سعود ضامها له مثبتها وهو يدمي قلبه من يسمع بكاها
عباير بدموعها:تكفى ياسعود تكفى لااا
سعود تركها وهو يدخل يده بجيبه ويخرج خنجر منه ويحطه بيدها:هذا لش وللزمن النوبة الجاية كود بها جاية ابشري بالسلاح وانا اخوش
عباير زادت دموعها
سعود باسها على جبينها:وادعتش الله ياعين سعود،،طالع بخوت وهو يتأمل حالتها اللي كاسرة ظهره ومقطعه قلبه خرج بسرعة من الغرفة قبل تفضحه دموعه قدامهم،،
.
.
،،مكان الشلة المعتاد،،
طلق يتقهوى وهو ساكت
هليّل يتقهوى براحة واضحة على وجهه وهو يسولف ويضحك
غيث يتقهوى وهو مرتسمة على وجهه اعرض ابتسامة ممكن تتحملها عضلات وجهه من فرط وناسته
طلق نزل فنجاله وهو يطالعهم بجدية:تخبرون ان بعد العلم اللي انعمل بنا اليوم انه اخر مابينا
غيث اختفت ابتسامته وكشر بوجهه
هليّل قطب جبينه:عوذا!!علامك!!
طلق:صحيح شهدنا معكم مير لو يحلفوني بالله مرتن ثانية اني لأهل السبحة(يقول كل شي)
غيث بحدة:طلق!!!
طلق بنفس نبرة غيث:اوجس يمي الصحيح كود تريدوني أصمل معكم وثمن ماني بناصر يلين قلبي واعود عالعشرة!!،،بغبنة،،يكفي سالفة البير واللي عينته من وراها!!
غيث بحدة:كود توحي للي يوجسون اكذاب وتكذّب اخوياك ذا به علمن ثاني!!
طلق ضحك بقهر؛مير البلا اني ارعيت اكذاب اخوياي بعويناتي محدن اوجس يمي طاري!!
غيث:اللي اوحيته اكذاب ياطلق
طلق يطالعه بتكذيب
غيث:وذا العلم الوكاد حنا ماعينّاهم لا من قريّب ولا بعيد
طلق وقف وبصراخ:اكذاب!!ناصر اراعكم وأنتم تتبعونهن ويتبعكم مرزوق وياويل حالي كود اللي انعمل ببخوت من راسك ياغيث
هليّل شحب وجهه وهو يطالعه
غيث وقف وبصراخ:اعقب اعقب!!تطشني بالشينة!!
طلق بصراخ:عاد اوجس يمي الصحيح وين غديت به انت وهليّل اوجسه!!
سعود وقف قبال غيث وهو مصوب عليه
غيث اتسعت عيونه وهو يطالعه مصدوم
طلق بصدمة:سعود تعوذ من الشيطان ياسعود!!
هليّل وقف وهو يرجف:سسععوودد!!
سعود جاوب على سؤال طلق بحدة:مد يده على شين مايحلّ له،،رماه،،
غيث صابته الرصاصة بصدره وارتمى عالارض ينزف بغزارة
طلق صرخ بفجعة:غيث!!
هليّل هرب
سعود رمى هليل بكتفه
هليّل كتم المه وهو يجري
سعود صرخ بتهديد:الثانية برجلك!!
هليّل وقف وهو يسمع كلامه
طلق وهو يطالع اللي صار بصدمة:سعود اوحني ياسعود
سعود صوب عليه:طسّ عن وجهي لاتعيّن قسمك!!
طلق:مير
سعود صرخ:طسّ!!
طلق مشى قدام سعود وتركهم وراه
سعود بحدة لهليل وهو مصوب عليه:حط هالنجس بصندوق(البدي)الددسن
هليّل:مير اني
سعود قاطعه بحدة:توجس هه ماتفطن غير وانت جنب خويك،،وبعد مانفذ هليّل كلامه اتجه سعود لمركز الشرطة،،
.
.
<<بعد ثلاث شهور>>
،،سعود لازال مسجون بتهمة الشروع بالقتل وبالنسبة لغيث نجى من تصويبة سعود وبعد شهر خرج من المستشفى سليم معافى،،
،،مجلس الشيخ مناور،،
الجد بادي بحدة:خير وش تريد مني!!
مناور بتكشيرة:غيث لان راْسه يابادي لان ونوا يتنازل
العم مصلح بفرحة:صحيح!!الله يكتب أجرك ياولدي الله يكتب اجرك
الجد بادي طالع غيث بكره:وانا مارجيت من وراه يتنازل ابدن!!ولا طاردت وراه!!خل خيره له مانبيه!!
العم مصلح اتسعت عيونه بصدمة وهو يشهق وبقهر:خاف ربك يابادي تضيع شباب الصبي!!خاف ربك!!
مناور زفر:لفت يمك الغنيمة وتشوتها!!
العم مصلح وهو يطنش بادي:ماعليكم منه انا ابوه وجده وواليه
الجد بادي اتسعت عيونه:مصلح!!
العم مصلح بدون اهتمام لبادي:ابشروا على ماتريدون أمروني وتم ولفاكم لمطاكم
غيث اللي ملتزم الصمت من بدت هالجلسة طالع بادي بابتسامة رضا:ماظنتي بتريدون اللي أريده!!
الجد بادي بتقطيبة جبينه:ايه!!وش اللي تريده!!
غيث بغروره وكبره:والله انكم ماانتم بقدري بين القوم مير اني نويت استر على بنتكم!!
الجد بادي بوسع عيونه:تعقب!!،،وهو يرفع عكازه بيضربه،،
العم مصلح وهو يمسك عكازه يمنعه عن غيث
الجد بادي بعصبيته:اعقب الدني!!تساومني على سواتك الشينة!!
غيث رفع صوته بإصرار:سنة حليلتن لي وهالسنة يظلي بها سعود بالسجن وثمن أكبها لاقضت هالسنة وعود ولدكم يمكم!!
الجد بادي وهو يدف العم مصلح عنه وبصراخ:تخسي وتعقب
العم مصلح وهو يمنع بادي:تعوذ يارجل تعوذ من ابليس!!
الجد بادي بصراخ:هذا هو ابليس بعينه وعلمه قدامي!!تعقب ثم تعقب تلمس شعرة منها يالخسيس ياللي مابك مروة تعقب!!
غيث وقف:هي سنة بنتك وولدك يعودون سالمين يم بيتك هذا اللي تريده وأريده انا معك هذا هو ماغيره،،مشى وسط ابتسامة انتصار معتلية وجهه،،
>
>
سعود بهم مرتسم على ملامح وجهه:وسعود ظل فوق الثلاث اللي قضاهن سنة ولا له علمن باللي انعمل بخيّته من وراه
جسّار يطالعه بصدمة
سعود بحسرة:وفوق الغبينة ضيم وظلايم تجنى سعود على خيّته بدال ماانه يجبر قليبها!!
جسّار بلع ريقه ولا هو قادر يبلله من كثر مايحسه ناشف
سعود زفر وسط وجع قلبه من كل هالذكريات الأليمة وعينه مثبتة عالنار:عقب ماخبرت العلم وخوافيه يحق لك تعيي عن هالجيزة ومحدن بيلومك ابدن ولايوجس يمك شي
جسّار زفر بصوت وصل لمسامع سعود
سعود رفع عينه لجسّار بعد ماسمع هالزفرة وهو متقبل لاي كلام بينرمي عليه
جسّار بوسط ضيقة ملت صدره وارتسمت على ملامح وجهه:ياقو قلبك ياسعود!!!
سعود قطب جبينه باستغراب
جسّار:ورب النعمة لو انه انا كان لاأصبحت قصاصي!!
سعود بصوت اهتز للحظة وهو اخيرا تكلم لااحد عن اللي صار لهم:لاأرعيت اختك تذل من زولك بتشد على روحك وتكعهما بتصبر على شوفته من شان لا تلفتت حولها تراعيك وماتهول بعمرها!!
جسّار ماعاد تحمل هالكلام وقف وهو يزفر ويمسح على صدره من كثر الضيقة ومشى للسيارة
سعود يطالعه:جسّار
جسّار وقف والتفت له يطالعه
سعود:كود انك ناوين تهون مـ
جسّار قاطعه:قلت لجدك من الاول انا قابل بها وببنتها ولاتظن هاللي سمعته بيخليني اهون الا زين ان ماقابلت هالخسيس وذبحته بمكانه
سعود بوسع عيونه:لا لا ياجسار لا!!
جسّار باستغراب وسط تقطيبة جبينه:وليش!!المفروض حنا اللي ناخذ حقنا دامه يلعب على كيفه للحين!!
سعود:اوحني ياجسار كود هذا علمك أنسى اللي اوحيته وكب بخوت عنك
جسّار بصدمة:ليش!!
سعود بخوف يخفيه عن جسّار وهو منزل عينه ساكت
جسّار قطب جبينه للحظة اتسعت عيونه وهو يفهم قصده وبحدة:يخسي!!والله مايقرب حتى ظلها!!
سعود:جسّار بخوت لالمحت ظل رجال ماتت من خوفها تعبت وهي تعود يمي ويم جدي وتوها اللي بدت تاخذ على راشد لاتعمل شي وثمن بخوت تغدي منّا للقبر !!
جسّار يطالعه بكره لهالوضع وهو يفهم انه طلب مو مجرد فضفضة
سعود:كود الله تمم لكم على خير ياجسار
جسّار قاطعه بابتسامة:بأحطها بعيوني ياسعود لاتشيل هم
سعود:من طيب اصلك خابرك ياجسار خابرك مير اني عنيت بخوت
جسّار قطب جبينه باهتمام
سعود:كل شين جايز منها لاتحط بخاطرك من وراها تراها بتتعبك
جسّار زفر:ابشر ابشر
سعود:وتحرص زين وانا اخوك
جسّار يطالعه باستغراب من هالكلام
سعود وقف وهو يبتسم ويمد يده:ونوجس ياعلكم مبروكين؟
جسّار اتسعت ابتسامته ونسي كل شي وهو يتجه لسعود ويمد يده يصافح سعود وبنفس اللهجة:ياعلنا مبروكين ياسعود
.
.
<اللهم صل وسلم على نبينا محمد>
.
.
أميرالز likes this.
لامارا غير متواجد حالياً رد مع اقتباس
اكتشاف المزيد
سلات هدايا
إضافة رد
صفحة 6 من 10 « الأولى < 4 5 6 7 8 > الأخيرة »
« الموضوع السابق | الموضوع التالي »
أدوات الموضوع
مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
انواع عرض الموضوع
العرض العادي العرض العادي
العرض المتطور الانتقال إلى العرض المتطور
العرض الشجري الانتقال إلى العرض الشجري
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة
قوانين المنتدى
الانتقال السريع
منتدى الروايات الطويلة المنقولة الخليجية المكتملة
الساعة الآن 03:58 AM
-- Rewity_Orginal_1
الاتصال بنا - روايتي - الأرشيف - الأعلى
Powered by vBulletin®
Copyright