يتبع
ثريا وقفت:انا اعمدها تريّح انت،،لفت بتمشي،،
مفلح بحدة:اقفي ياثريا
ثريا لفت تطالعه:علامك بسم الله!!
مفلح قطب جبينه وهو يأشر بمركوعه قدامه:اقعدي اقعدي
ثريا بتكشيرة:ذالحين ماتوجس ماارعيت هيفا!!
مفلح بحدة:قبل هيفا علميني وش اللي غادين بكم البارح ولااوجستيه يمي!!
ثريا تكتفت:امورن لاتشغل روحك بها وجست حريّم!!
مفلح:ووجس الحريّم يرّوع البنت هاللون!!
ثريا:ماهو يروع الا يهوّل وتحل به الصرايم
مفلح:كبي هالهرج عنش وعلميني وش اللي غادين بكم البنت ومنصرعة من الصياح تقل احدن من اهلها متوفي!!
ثريا بنفسها:ليته احدن متوفي
مفلح:وثمن يوم ارعتني تلقفتني(مسكتني)تحبحب راسي وهي تصيح وغدت داخل وهي مااوجست شين ابد!!
ثريا:مير انت خابرن انها ماتوجس شين ابد يامفلح
مفلح:وش اللي غدا بكم
ثريا تنهدت:انا يوم ارعيت الرجل معك ذلّيت(خفت)أعلمك
مفلح بغبنة:انا موجسة اَي بالله ان وراش بلا علميني وش وراك،،بحدة..اوجسي؟
ثريا:يوم انك اوجست انك فازعن له عجزت اعلمك انه قليل اصلن يرتكب البيوت ومابها غير اناثيها(يدها البيوت ومافيها الا حريم)
مفلح فز واقف على حيله وبصراخ:ولد ابوي انا!!اعقبي!!تراعيني اعاون الخسيس اللي غدا يمكن ومنكعمة!!
ثريا:وش تريديني اوجس يمك وانا اراعيك تحوفه!!
هيفاء خرجت من داخل البيت ووقفت عالباب وهي تطالعهم وتقارن أشياء بين ماضيها وحاضرها بعد ليلة بكاها الطويلة على فراق حمدان الحقيقي
ثريا:وثمن انا ماارعيته زين زين مير انه الزول(الهيئة)كانه هو
مفلح مسك يدها وهو يشدها بقوة؛اَي بالله هو مابه احدن البارح بالوادي غيره!!،،تركها،،واغبنتك يامفلح اااه ياغبنتي،،انحنى وهو يأخذ مركوعه وفروته وبيمشي،،هين يابادي اجل هاذي توالي علوم اعييلك(عيالك)
هيفاء بهدوء وهي متجهة له:ماهو بهو ياعم الظليمة شينة
مفلح التفت وهو موسع عيونه مو مصدق مصدر الصوت
ثريا التفتت لها تطالعها بصدمة:بسم الله الرحمن الرحيم
هيفاء وقفت قبال عمها ورفعت نفسها ع اطراف رجولها وهي تسلم على راسه
مفلح يطالعها ماتحرك
هيفاء نزلت نفسها وعيونها بالأرض باحراج من نظراتهم:الرجل ماهو بهو لاتظلمه ياعم
ثريا اتسعت ابتسامتها وزغرطت وهي تتجه لها فاتحة يديها:يافرحة قلبك يامفلح ياكبر فرحتك الليلة،،ضمتها،،
هيفاء ابتسمت وهي تشوف فرحة عمتها الطيبة اللي اول الحسنات بعد فراق اهلها من اول
مفلح جمع هالصدمة وهو ياخذ نفس وبوسط هالنفس:اجل من هو ذا الرجل اللي توجسه عمتش ياهيفاء
ثريا بنرفزة وهي تترك هيفاء:اهب يامفلح اهب والقليب الاسويد اللي معك!!
مفلح طالعها بحدة
هيفاء تكلمت بسرعة:الرجل اللي ارعته عمتي ماهو بالرجل اللي فزعت يمه ياعم
مفلح:أجل؟
هيفاء:لاعلمتك ماتوجس يمي اكذاب؟(مايكذبها)
مفلح طالعها للحظات ساكت ومر بخاطره ايام كان قلبه قاسي عليها بكل معنى الكلمة مصدق لكلام اهل الديرة انها السبب باللي صار لاخوه وهي بنت تسع سنين وشلون تقدر على هالشي زفر طالع ثريا وبنبرة عالية:اهبي يالكذوب
هيفاء ابتسمت وهي تشوف جوابه
مفلح:إتبلين الرجل وهو مسكينٍ مابه شدّة(حيل)على البيوت!!اي والله موجسة من اول عميّا عميّا(عمياء)!!
ثريا توسعت عيونها:الله اكبر عليك من رجل!!هماني موجستن كانه هو!!
مفلح بحدة:لذالحين إتبلين الرجل اعقبي!!
ثريا بغبنة:حسيبك الله يامفلح اَي والله حسيبك،،لفت عنه ومشت للبيت،،
مفلح التقت عينه بعين هيفاء وباحراج:اغدي يم عمتش عاونيها بغريضاتها،،مشى وهو يحط الفروة ع كتفه،،وانا غادين بالوادي اتنشط ومعود(يتمشى)
هيفاء ظلت واقفة تطالعه وهو يبعد اسرعت بخطواتها وراه وهي تاخذ الفروة من على كتفه وتمشي جنبه
مفلح وقف وهو يطالعها باستغراب
هيفاء وبابتسامة هادية:ابي اتنشط مثلك ياعم ماحنا مبعدين صحيح؟
.
.........****..........
..بيت عادل..
،،غرفة امجاد ورهايف،،
امجاد دخلت الغرفة ووقفت وهي تطالعها باستغراب كملت طريقها للداخل وهي تقفل الباب وراه:وش عندك؟؟
رهايف واقفة قبال التسريحة بلينقز بيج وبلوزة كت سودا رافعة شعرها ذيل حصان مكحلة عينها بكحلها الأسود وحاطة مسكرة وتحط روجها الوردي الخفيف نزلت الروج عالتسريحة ولفت تطالع امجاد وهي تعدل بلوزتها:ها أوكيه؟
امجاد:ايه وبعدين؟!!
رهايف بابتسامة:وش وبعدين!!،،اشرت على نفسها بيدها اليمين من فوق لتحت،،مافهمتي؟!!
امجاد زفرت وهي توقف قدام الدولاب تطلع لها لبس:فكينا من المشاكل الله يعافيك
رهايف شهقت وهي تمشي لها:حرام عليك لاتظلميني!!كيف تفهمين نوايا الزوجة الصالحة بهالطريقة!!كيف!!
امجاد قفلت الدولاب وهي معها لبسها ومتجهة للحمام:والله لأني اختك واعرفك والله يكفيك شر هالنوايا يالزوجة الصالحة
رهايف وهي تجلس ع كرسي التسريحة تربط حبل الصندل ع رجلها وبابتسامة:الله يسامح اللي فاهمتني
امجاد لفت عليها وطالعتها:رهايفوه فكي الرجال من شرك توه طالع من السجن!!والله ان يفرغ كل اللي بقلبه فيك متى تعقلين
رهايف وهي توقف وتطالع التسريحة تشيك على نفسها مرة اخيرة وتبعد خصل غرتها اللي وصلت اطرافها لعيونها باطراف أصابعها:وش أقوله اذا شفته الحمدلله على سلامتك ولا قليل بحقك محتارة الصدق
امجاد بنرفزة:تدرين عاد قولي له الثانية عشان تشوفني حقك صح،،دخلت للحمام وقفلته وراها بقوة،،
.
،،الصالة،،
..عالقهوة..
ام غازي جالسة بينهم كل مامدت يدها سألها واحد منهم زفرت بطفش:خلاص رضيت عليتوا قلبي خلوني اتهنى بقهوتي!!
بتال عن يسارها:يالحب انتي بس قولي وش تبين وابشري
جسّار عن يمينها:صح لسانك
بتال بابتسامة:صح بدنك
ام غازي زفرت وهي تهز راسها بيأس منهم
فيصل متجه لهم من المطبخ وبيده صحن فيه شوية كبدة وفوقها نص خبزة ويأكل من الكبدة
جسّار فز وأخذه من يده وضربه ع قفاه بقوة
فيصل وهو يحرك رقبته وبصراخ:ااااه ليش رجعت!!
جسّار اتسعت عيونه
بتال وقف وضرب فيصل ع رقبته
فيصل ينط مكانه من الم الضربة بنفس المكان وهو يعض ع شفته
بتال:استح اخوك اللي اكبر منك!!
جسّار زفر وهو يصد عنه:اتركه مرفوع عنه القلم
فيصل بصراخ:ليه مجنون!!ولا نايم!!
جسّار جلس بمكانه وهو يحط الصحن عند امه وبابتسامة وهو يقطع الخبزة لها:سمي يالغالية جعله بالعافية
بتال ارتفعت حواجبه ومسكه من تيشيرته وشده وبنبرة هادية:هيه هيه وش فيك!!وش صاير!!ليش تنافخ!!ترا كله صحن كبدة!!
ام غازي اخذت الخبز كله من يد جسار وحطته ع صحن الكبدة:تعال يافيصل وكل فطورك
فيصل دف يدين بتال عنه وبعصبية:ماتعرف تمسك يدك انت وياه!!
بتال اتسعت عيونه
جسّار طالع فيصل وهو رافت حواجبه باستغراب من الأسلوب
ام غازي:خلاص يافيصل!!
فيصل:لا مو بخلاص!!
بتال تقدم وهو ناوي يجلده
جسّار فز واقف بسرعة وهو يوقف بينهم يرجع بتال وراه ووجهه ع فيصل:اذا على صحن الكبدة اجيب لك غيره!!ليش الزعل ذا كله!!
فيصل بنفس صراخه:ليته ع صحن الكبدة!!انتم ماتحترموني!!ممسوح الاحترام من قاموسكم لي!!تراني رجال رجااااال متى تفهمون
بتال دف جسار وبعصبية وهو يضرب فيصل ع قفا رقبته
فيصل تقدم خطوة من ضربته
بتال:ايش!!ماسمعت!!عيد؟!!
فيصل طالعه وعيونه كلها تنطق قهر:رجال غصبا عليك!!
جسّار رجع لمكانه وهو يوقف بينهم:خلاص درينا انك رجال!!رح لغرفتك
فيصل:بزر عندك تمشيني على كيفك!!ماني بخايف منه واذا مااحترمتوني حتى
ام غازي قاطعته بحدة:فيصل!!
فيصل طالع امه:نعم
ام غازي بحدة:امسك لسانك عيب عليك
فيصل بصراخ:ومو عيب اللي يسوونه بحقي!!
بتال رفع رجله اليمين وشات فيصل برجله اللي فيها العملية
فيصل جلس وهو يمسك رجله ويحبس دموعه من المه
ام غازي صرخت وهي تروح له:فيصل!!
بتال بحدة:نافخ علي بكيفك لكن امي لا!!
ام غازي ضربت بتال على كتفه وهي مارة:ياويلك من الله يابتال،،جلست عنده وهي تطالع فيصل وتمسك رجله،،
فيصل دف يد امه بشويش
بتال انحنى بييضربه
جسّار مسكه ورجعه ورا وهو يطالعه بحدة
ام غازي:ماني بموجعتك ابي اشوف رجلك
فيصل:مايحتاج،،ضغط على نفسه ووقف،،شوفيهم وراك ولا واحد فيهم كلف على عمره يشوفني،،طالع بتال بغبنة،،كيف يشوفني وهو قاصد يضربني فيها من الاساس!!
بتال اتسعت عيونه
فيصل مشى وهو يعرج
ام غازي وقفت وهي تطالعهم:مايسوى على صحن كبدة تذبحونه!!،،مشت تاخذ لفيصل ثلج،،
جسّار طالع بتال:ماتحسهم صاروا حساسين شوي ولا حنا صدق عديمين احساس!!
بتال بنرفزة:هالبزر ينافخ على روسنا كنّا اصغر عياله وتقول حساسين!!
جسّار هز راسه:طيب صدق تراه كبر شوي احترام
بتال ارتفع حاجبه:وش كبر ماكبر!!طول عمرنا وهذا طبعنا يجي هالنتفة يزعل ونراضيه!!يخسي يرضى من نفسه ويجي
جسار:طيب خف عليه شوي ترا حنا أبعدنا عنه
بتال:والمطلوب!!
جسّار زفر بيأس من بتال:سلامتك خلك كذا جلف للابد
بتال:اقول والله من اليوم اطالع وجهك وضربت براسي الكبدة صدق
جسّار كشر بوجهه:منيو وجهي منيو!!
بتال:رح بس رح ضبط لنا صحن
جسّار:والله مـ
ابو غازي داخل للبيت بخطوات سريعة وبصراخ: جساااار بتااااال
جسّار يروح ويجي مكانه من الرعب من صراخ ابوه:وصل وصل وصل
بتال براحة:ايه هاالمرة كل هوشة بتجي بوجهك
ابو غازي بصراخ:اهب عليكم من عيال اهب عليكم مابكم خير اَي والله!!اعقبوا مامن احد فزع!!
.
..بيت مسفر..
،،اهل البيت مجتمعين وكيف لا وهالجمعة غير عن كل جمعة،،
سهام تسرق نظرات لجوالها بابتسامة وهي تحاول تتحكم بتعابير وجهها قد ماتقدر
جواد جالس جنبها بابتسامة باهتة من تعبه
ام جواد جالسة جنبه وهي ماسكة يده وحاطتها على رجلها وهي تبلع غصتها:حسبي الله عليهم الله حسيبهم الله لايسامحهم ربي يجازيهم بالمثل ياعيني
ابو جواد زفر:خلاص ياعواطف نبي ننسى وانتي تذكرين الله يصلحك!!
ام جواد طالعته:بقلبي يامسفر بقلبي مثل النار!!اجل يسوون كذا بولدي!!ظلم ظلم حسبي الله عليهم!!
جواد ميل فمه بابتسامة جانبية وهو يسمع كلامها وبنفسه:اااه كذا حست عمتي وسمية!!
شذى قطبت جبينها باستغراب وهي تشوف ابتسامته اللي ماطولت
جواد:يمه الحمدلله مرت على خير والحمدلله فترة بسيطة وبعدها ارجع لدوامي
ام جواد بغبنة:وش بسيطة بس ها وش بسيطة
ابو جواد بحدة:عواطف!!
ام جواد صدت وهي تستغفر
رهايف داخلة وبيدها صحن حلى مرتب وتنزل نقابها وطرحتها وبابتسامة:السلام عليكم
جواد زفر بضحكة خفيفة وهو يصد بوجهه عنها للجهة الثانية
شذى ابتسمت:هـلا هـلا
ابو جواد اللي ظهره الباب التفت وبابتسامة:وعليكم السلام والرحمة!!ياهلا ياهلا حيالله رهايف
رهايف سلمت عليه وسلمت على عمتها وقفت عنده وهي استغربت شكله شوي لكن عذرته بسبب اللي مر فيه مدت يدها:الحمدلله على سلامتك جواد
جواد وقف وصافحها وسحبها له وهو يضغط على يدها
رهايف تقدمت مع سحبتها وسط تغير ملامح وجهها
جواد سلم عليها خد بخد
رهايف بعدت بسرعة وهي تحس بخوف غريب منه سحبت يدها
جواد ماسك يدها والتفت لابوه:يبه ابي اكلم رهايف بموضوع
رهايف اتسعت عيونها
ابو جواد بشك:كلمها قدامي وش موضوعك
جواد:خاص بيني وبينها
رهايف سحبت يدها منه بقوة وهي ترجع خطوة لورا:اَي موضوع تبي تقوله قوله لأبوي،،التفتت تطالع عمها،،وقدرك محشوم ياعمي
ابو جواد:سلمتي يابنتي سلمتي ماقلتي الا الصح سلم من رباك
رهايف:الله يسلمك استأذنكم انا،،مشت،،
ابو جواد طالع جواد الواقف بمكانه للحين:وش فيك!!ماتترك هالحركات!!خوفت البنت!!وبعدين وش مواضيعه الخاصة!!لاانقفل عليكم باب قل مواضيع خاصة
شذى وقفت بتمشي وهي تحس ماله داعي تكون موجودة بهالموقف
جواد مشى من عندهم
ابو جواد تنهد وهو يطالعه مستغرب من تصرفاته:استغفر الله العظيم
جواد خرج من البيت جرى وهو يشوفها قباله بمسافة
رهايف وهي تمشي بسرعة وبنفسها:يمه ياعيونه يمه تخوف!!
جواد وقف عندها وهو يمسكها من يدها ويلفها له بقوة
رهايف لفت عليه وبخوف:يمه
جواد كشر بوجهه:وش شايفة عشان تخافين كل ذا الخوف!!،،ابتسم،،لايكون خايفة ذا الخوف لأني انسجنت!!
رهايف سحبت يدها وهي تحس بنبضات قلبها السريعة:وش ذا الكلام!!وبعدين انت مالك ذنب باللي صار!!
جواد ضحك:جاية تتشمتين وفوقها تلعبين علي بهالكلام!!
رهايف كشرت بوجهها
جواد بابتسامة:وش فيك ساكتة!!ولا انصدمتي اني عرفت اللي بقلبك!!تفضلي وصار اللي تبينه!!مو هذا اللي تبينه!!
رهايف طالعته ساكتة
جواد صرخ:انطقي!!
رهايف ضحكت وصفقت بابتسامة:واخيرا!!الحمدلله ربي فوق كل ظالم واخيرا اخيرا الحمدلله الحمدلله تستاهل ياجواد تستاهل وقليل بحقك عاللي سويته باخواني
جواد عض شفته وهو يغلي من قهره
رهايف اختفت ابتسامتها:هذا اللي تبي تسمعه؟
جواد قطب جبينه
رهايف:اسفة بس مااستانست باللي صار لك!!بالعكس اوجعني قلبي وانا اشوف حالة اهلنا!!الصراحة انا نسيت شي مهم انك لو تطيح مابتتوجع لحالك بيتوجع عمي وعمتي وأخواتك وبعدهم على طول جدي وابوي وحتى اخواني
جواد انصعق من كلمتها وكأنها نبهته على شي ناسيه او باالاصح يتناساه
رهايف مشت وتركته
جواد جلس وابتسم وهو يفهم اخيرا ليش جاه عمه وبعده بتال مسك راْسه من فداحة الموقف بعينه
.
.
راسٍ إلـيـا جـتـه الـنوايـب يـحـمِ..
مـاهـو بـحـاجـة الـعـزاوي إلـى غـاب..
الـضـيـق لـو انـه يـخـصـك يـعـمِ..
عـلـى بـنـي عـمـك وربـعـك والاصـحـاب..
مـهـمـا حـصـل بـيـنـي وبـيـن ابـن عـمـي..
والله مـاتـفـرح بـنـا الاجـنـاب..
الـلـي إلـيـا مـن طـحـت مـاهـي تـسـمي..
وعـلـى الـقـطـيـعـة بـيـنـا تـفـتـح الـبـاب..
هـذا ولـد عـمـي ولـحـمـي ودمـي
الـدم يـرضـي دون تـرضـيـه الاسـبـاب..
يـانـفـس عـن هـرجـات الانـذال زمـي..
حـتـى ولـو تـجـنـيـن شـرهـات وعـتـاب..
الـطـيـب لامـن طـبـت بـعيـال عـمـي..
والـعـيـب لامـن قـالـوا الـنـاس مـاطـاب..
.
.
<اللهم صل وسلم على نبينا محمد>
.
.
أميرالز and أزميرالد like this.
لامارا غير متواجد حالياً رد مع اقتباس
قديم 24-07-20, 05:14 PM #53
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـواحـد والـخـمـسـيـن،،
(اذكر الله اجر لي ولك😊❤)
.
...........****..........
الـلـيـل
...........****..........
..بيت عادل..
،،غرفة فيصل،،
فيصل يلعب اكس بوكس وهو ماد رجله يريحها
بتّال دخل ووقف عالباب
فيصل طالعه وكشر بوجهه وكما لعبه عادي
بتال:ليش مانزلت عند الرجال؟
فيصل وعينه عالتلفزيون:رجلي توجعني ومعروف من مين
بتال زفر وهو يدخل للغرفة ويقفل الباب وراه وتكتف وهو يطالعه
فيصل مطنشه
بتال للحين مثبت نظره عليه وساكت
فيصل خاف وهو يوقف اللعبة والتفت يطالعه:نعم
بتال:اسف يافيصل حقك علي
فيصل اتسعت عيونه مصدوم
بتال:بعد انت مايصير طوالة لسانك وتبينا نسكت لك!!
فيصل مو مصدقه للحين وخايف منه:تبي تضرب اضرب ولاتقولي كذا!!
بتال:الحين مو زعلت مني!!ولا انت تسوقها علي!!
فيصل:يعني من جدك تتكلم!!
بتال يطالعه ساكت
فيصل انبسط وهو يشوف صدقه وأخفى ابتسامته وهو يبي يطول زعله:يعني حتى انتم مايصير تتعاملون معي كذا كل ماشفتوني ارسلتوني وفوقها ضربة!!
بتال:نضربك من حب وكل تعاملنا بهالبيت ضرب وهالولد محبة ماهو بعداوة ابد
فيصل:بس انا ماابي هالطريقة معي
بتال اخذ نفس يكتم غيظه خصوصا ان ضميره يأنبه عالضربة ومكانها تكتف:اوك المرك الجاية ابشر يحاول اتحكم بنفسي بس انت تحكم بلسانك
فيصل بابتسامة:والاحترام
بتال زفر:مااوعدك بحاول
فيصل:مافيه حبة راس منا ولا منا
بتال قطب جبينه:انتبه بعد اللي قلته لاتجيك محطة(ضربة)منا ولا منا
فيصل وهو يمد يديه قدامه بابتسامة:خلاص خلاص اهم شي انك فهمتني
بتال:انتبه لاياخذك حماسك وتصدق نفسك وماتدري بعمرك الا وانت بوسط المشب
فيصل اختفت ابتسامته
بتال مشى له ووقف جنبه وهو يرفع يده
فيصل نزل راْسه بردة فعل طبيعية من ضربهم له
بتال حاوط رقبة فيصل بيده وبابتسامة:والله وكبر اخوي الصغير وصرنا نحسب حساب لمشاعره الرقيقة
فيصل بلع ريقه وندم عاللي قاله كله
.
..بيت نشمي..
،،غرفة راشد،،
راشد فتح عيونه وغمضها بانزعاج من النور اللي يحسه قوي حرك راْسه يطالع لفوق وطاحت الكمادة اللي على جبهته قطب جبينه باستغراب وهو يطالع امه:يمه!!!
عذبة جالسة على كرسي جنب سريره تبدل الكمادات له ودموعها تهل بين فترة وفترة وهي تطالع حالته مسحت على راْسه وهي تسمي عليه:بِسْم الله عليك ياقلب امك بِسْم الله عليك
راشد طالعها باستغراب:وش جابك هينا؟
عذبة بابتسامة تكبح فيها دموعها:ماعليه ياعيني انت الحين عندي ووسط اهلك لاتشيل هم وانا امك وارتاح
راشد انخطف وجهه وهو يفز جالس ويطالع امه ويمسك يدها وبفجعة؛سووا لك شي؟؟ضروك يمه ضروك؟؟!
عذبة وقفت وهي تمسك يديه:بِسْم الله عليك يمه بِسْم الله محد جاني ياراشد محد تعوذ من الشيطان يايمه تعوذ
راشد بفجعة:يمه والله والله شفته يمه شفته بعيني يطير ماهو ادمي يطير يمه يطير والله يطير
عذبة بدموعها:بِسْم الله عليك ياعيني بِسْم الله الله يحفظك لي بِسْم الله
راشد سحب يمينه من يديها ومدها لها:مسكني يمه والله مسكني وسحبني معه يمه
عذبة مسكت يده وهي تسحبه لحضنها وتضمه:مصدقتك يمه مصدقتك انت بس اهدا لاتخاف يمه بسم الله عليك
راشد فك نفسه من حضنها وهو يحسها مكذبته:يمه اقولك شفته بعيوني ورب البيت شفته!!
عذبة:مصدقتك ياعيني والله مصدقتك
راشد قام من سريره وهو يرمي لحافه بعيد:بزر انا تكذبين علي!!عيونك يمه تقول شي ثاني
عذبة وقفت:ومن متى ياراشد أكذبك انا من متى!!
راشد بغبنة:ليش ماتصدقيني ليش يمه!!اسألي العيال كلهم شافوه معي شا،،سكت وهو يستوعب ان محد قابل هالحمدان غيره،،
عذبة ببكاها:يايمه لاتوجعني عليك اكثر يايمه تكفى والله مصدقتك والله
راشد طالع امه بصدمة من اللي بباله:يمه كيف جيت للبيت؟متى جيت عندك!!
عذبة وهي تطالع وجـهـه المخطوف:جابك سعود ياراشد والله هو اللي جابك للبيت،،تقدمت له،،يمه راشد
راشد رجع خطوة لورا وهو مرعوب:لا يمه لا لاتلمسيني يمكن اللي يهددون حمدان يسوون لك شي لاتلمسيني
عذبة انهارت وهي تشوفه بهالحالة لأول مرة وبفجعتها:يمه ياقلبي يارب لاتختربني فيه يارب بِسْم الله عليك يايمه بِسْم الله
راشد وهو ماسمع كلام امه ومن الأساس مو منتبه لها ولا لخوفها الواضح عليه يدور بمكانه وهو ماسك راْسه يفكر بربكة وضياع افكار واضح وجدا عليه:ميت من15سنة!!كيف كيف!!انا لازم أتأكد بنفسي ماراح اصدق الا اذا شفت قبره بنفسي،،مشى،،
عذبة اتسعت عيونه وهي تمشي وراه ومسكته على بداية الدرج:وش قبره!!راشد يمه تعوذ من الشيطان يايمه تعوذ
راشد سحب يده:يمه لازم اشوف حمدان واكلمه لازم يمه،،نزل الدرج بخطوات سريعة،،
عذبة وراها بصراخها:يبه يمه الحقوا ولدي تكفووون
راشد التفت يطالعها وبحدة:يمه وش فيك!!انا باتفاهم مع حمدان واشوف لي حل بهالموضوع
عذبة مسكته:طيب انا بأجي معك ماني بقاربة هالحمدان بس ابي أجي معك
راشد سحب يده:لا يمه لا،،مشى يهرول بخطواته متجه لباب البيت،،
جسّار واقف على باب بيت جده بيدخل للبيت جاي من بيت الشعر انفجع وهو يسمع صراخ عمته وفتح الباب بقوة وانصدم براشد قدامه وانصدم من شكله:راشد؟!!
راشد مر من جنبه:ابعد عن طريقي
عذبة:لا ياجسار لاتتركه امسكه تكفى
جسّار مشى وراه:طيب قولي وين رايح
عذبة تمشي وراهم وبوسط بكاها تهمس بحسرة عليه:يمه ولدي ياربي احفظه لي يارب يمه يايمه ولدي راح
راشد يمشي بسرعة مارد عليه
جسّار اسرع بخطواته ومسكه وظل ماسكه يوقفه:راشد
راشد سحب يده بقوة وبصراخ:مالك كلمة علي
جسّار:وانا مارديتك سألتك بس!!
راشد بصراخ:كيفي اروح وين ماابي ومكان ماابي!!
ابو غازي خرج من بيت الشعر وقفل الباب وراه ووقف وبحدة:راشد!!
راشد التفت يطالع خاله بتكشيرة على وجهه عكس ملامحه هدوءه المعتاد:خير
ابو غازي ارتفعت حواجبه
بتال وفيصل خارجين من بيتهم باتجاه بيت الشعر ووقفوا يطالعونهم
ابو غازي مشى له بخطوات سريعة:وين رايح ماتشوف خوف امك!!،،وقف قباله،،وش صابك!!
عذبة تطالعهم وسط دموعها وهي مرعوبة عليه ومن كثر رعبها ماتبي تقول شي ويعاند اكثر
راشد بعصبية:مافيني شي رايح اخلص لي شغلة وراجع
ابو غازي:وهالشغلة عند رجل متوفي من 15سنة ياراشد!!
راشد بصراخ بوجه خاله:مامات وش اللي مات!!مجنون انا مجنون!!مين اللي اكلت معه وسولفت معه وساعدته وساعدني!!ها يعني اكذب نفسي واصدقك!!
ابو غازي ضربه كف بكل قوته
راشد طالعه بحدة
ابو غازي استغرب نظرته للحظة وكمل بنفس حدته:الرجل ميت وكل اهله ميتين ومن فترة ياراشد اصحى وحس بنفسك اللي شفته وعشته شي يبي له شيخ يطلعك منه
راشد بغيظ:وش قصدك انهبلت!!
بتال انحنى
راشد بصراخ بوجه خاله:مامات وش اللي مات!!مجنون انا مجنون!!مين اللي اكلت معه وسولفت معه وساعدته وساعدني!!ها يعني اكذب نفسي واصدقك!!
ابو غازي ضربه كف بكل قوته
راشد طالعه بحدة
ابو غازي استغرب نظرته للحظة وكمل بنفس حدته:الرجل ميت وكل اهله ميتين ومن فترة ياراشد اصحى وحس بنفسك اللي شفته وعشته شي يبي له شيخ يطلعك منه
راشد بغيظ:وش قصدك انهبلت!!
بتال انحنى وهمس لفيصل:ادخل بيت الشعر ولاتخلي ابن امه يخرج منه
فيصل مشى بسرعة وهو يعرج
ابو غازي وهو يحاول يكتم غيظه:من اللي قال انهبلت!!يخسي ويعقب من يقوله اقطع لسانه من اخره!!
راشد زفر
ابو غازي:الديرة اللي رحت لها ماهي بزينة لازم شيخ يقرا عليك بس نتطمن
راشد:تم لكن على شرط
ابو غازي قطب جبينه:اللي هو!!!
راشد بغبنته:بالاول اشوف هالحمدان واذا كان مثل ماتقولون بروح الشيخ كل يوم بنفسي
.
..بيت عادل..
،،غرفة امجاد ورهايف،،
رهايف نايمة ع سريرها من الظهر ماتحركت
امجاد دخلت وهي لابسة بنطلون وبلوزة ووقفت قدام الدولاب تخرج لها فستان التفتت لها وهي تشوف ظهرها وباستغراب منها:رهايف بنت رهايف
رهايف وهي تضم اللحاف عليها بقوة:اوووف
امجاد ميلت فمها باستغراب:واوووف!!!،،مشت لها وسحبت اللحاف،،رهايفوه ووش مسوية؟!!
رهايف مغمضة عيونها:ماسويت شي
امجاد اتسعت عيونها:مررررة واضح من حالتك!!
رهايف جلست وبغبنة:تخيلي فرصة وجت الين عندي وضاعت اااه يالقهر ااااه
امجاد:وش الفرصة!!،،بضحكة،،اااه ماقدرتي تقولين له شي
رهايف زفرت:امجاد تدرين صايرة اكره نفسي والله
امجاد باستغراب:وليش ان شاء الله؟!!
رهايف:احس موقفي منه يتغير
امجاد تطالعها ساكتة
رهايف بقهر من نفسها:امس بدل ماأستانس عليه وانبسط احس اني حزنت عليه
امجاد:عادي جدا ليش هالقهر اللي تقولين عنه!!
رهايف تطالعها بفضول
امجاد:الكافر وهو كافر ترحمينه ويحز بخاطرك لادخل للسجن ظلم وشلون لاصار منك وفيك!!
رهايف:بـــــس أنـا
امجاد قاطعتها:رهايف تبين الصدق وبدون زعل
رهايف بتردد:أسمعك
امجاد:انتي بديتي تميلين له
رهايف اتسعت عيونها:نـعـم!!!
امجاد بجدية:بتسمعيني للاخير ولاامشي؟
رهايف:وهالشي مو عيب ولا حرام هو زوجك بالنهاية واذا ربي تمم على خير بتكونون مع بعض طول العمر وانا اقول لك جواد مافيه عيب هو صح قاسي وكل العايلة كذا واتوقع هو ارحمهم لكن وبما انك بديتيها غلط حاولي تستغلين هالفرصة وتبدين صح مثل بنت ملكت وتتعرف على خطيبها
رهايف:واخواني؟!!
امجاد:اخواني عمرهم ماشكوا لك ولاطلبوا منك مساعدة وش بيفرق اصلا اذا تدخلتي بموضوعهم بيشكرونك مثلا!!والله عن نفسي اتوقع العكس صراحةً
رهايف سكتت وهي كلها حيرة
امجاد:اقول بماانك نايمة من اليوم اكيد مارديتي من اللي وصل العصر
رهايف باستغراب:مين؟
امجاد وهي ترفع وتنزل حواجبها بوسط ابتسامتها وكلها حماس:خطيبة جسّار واهلها
.
..بيت عادل..
،،غرفة الضيوف،،
..العشا خاص لعائلة نشمي وضيوفهم عايلة بادي،،
..البنات جالسين بزاوية وحدة كلهم ماعدا امجاد مو موجودة..
حصة جالسة جنب ام جواد ومثبتة عينها عليها بقهر خصوصًا بعد الخبر اللي سمعتها
ام غازي جالسة جنب ضيفتها بابتسامة مرسومة على وجهها
بخوت جالسة عن يمينها وهي مو مرتاحة للوضع ابدا وتعد الدقايق دقيقة دقيقة بانتظار سعود يعطيهم خير مشيتهم من هالمكان
عباير جالسة عن يمين بخوت وجنبها الجدة منيرة
الجدة منيرة فاتحة تحقيق مع عباير تسألها عن اهل الديرة بيت بيت
عباير طفشت زفرت:مالي علمن باحد اوجسته يمش ياام عادل
الجدة منيرة:علامش كم مرتن اوجس يمش ازهميني مثل البنيات جدة جدة
عباير:السموحة مير اني تعلمت مااوجس كلمة يم احدن واقعد بها تالي
الجدة منيرة قطبت جبينها:اهبي من بنية قنقش محدن يقواه
بخوت انحنت وهي تهمس لعباير:وينها حلايا؟
امجاد داخلة بالحلى وبابتسامة:الصغيرة قالت تبي سعود وأخذها جسّار معه
بخوت طالعت عباير بخوف بعد ماكانت تطالع امجاد وسمعت كلامها
عباير بابتسامة:مشكورة ماقصرتي،،همست لبخوت،،علامش!!ماهو بكل الرجال مثل رجال ديرة بقعا!!
بخوت بهمس:متى بنغدي يم الديرة؟
عباير همست وبنرفزة:وياعلها بصرايم تصرمها وش تريدين بها!!ماوراها غير التهاويل
حصة قاطعتهم:وش فيكم تسولفون لحالكم!!مو عاجبتكم جلستنا!!
عباير كشرت بوجهها
ام غازي طالعت حصة بصدمة
بخوت طالعتها وهي تبتسم:عساها دايمة بحسكم وشلون مانريد هالجلسة!!
حصة:ايييه ع بالي الا اشوف اسمائكم بخوت وعباير وحلايا اللي مسميكم شكله يبيع جملة،،ضحكت،،
الجدة منيرة بنرفزة:حصة!!
بخوت كشرت بوجهها وسكتت
عباير زفرت بابتسامة وهي تحط فنجالها عالطاولة قدامها:عاد وصلنا لمربط الفرس ياحبي للي ينشد عن شين بهاللون!!حتى ماتتبعني ملامة!!
حصة كشرت بوجهها
بخوت مسكتها من يدها وهي تهمس:عباير
عباير سحبت يدها من بخوت وهي تحط رجل على رجل:ابدعي لش من شان خويطر عجيزش اللي قاعدتن جنبي،،وهي تطالعها من فوق لتحت،،ولا انتي الشكوى لله
حصة اتسعت عيونها:نعم!!
رهايف تحمست وهي تطالع الهوشة اللي تطبخ بشويش
عباير بتطنيش لها؛مير الله يسلمش هذا جدي الله يطول بعميره يوم امي لفت،،وهي تأشر على بخوت،،بهالقمر اوجست يم جدي يسميها وسماها بخوت عاد يوجس انه يريد كل بختن زين بهالديرة يغدي يمّها بروحها
بخوت اخذت نفس وهي تذكر حظها اللي عكس مايبيه جدها
حصة ارتفع حاجبها وهي تطالع بخوت من فوق لتحت
عباير:وثمن يوم امي لفت،،رجعت شعرها اللي ع جنبها الأيمن بطرف اصابع يديها لورا ظهرها بغرور وسط ابتسامة،،بهالزين كله
حصة زفرت بضحكة خفيفة كلها سخرية
عباير:اوجست يم جدي يسميني وسماني عباير عاد خاطري تنشديني ليش سماني عباير
حصة وهي تتكتف:ماهو بلازم أعرف
عباير ضحكت:الا بالله لزومن تعرفين جدي غدا بامي يم المستشفى أوحى مرتن يزهمونها عبرة
حصة كشرت بوجهها وهي وصلت لمقصد عباير
عباير:وجدي لاضرب ضربتن وحدة وثم يسري علمها بين الخلق وتغدي الضربة ماهي عبرتن وحدة الا،،اتسعت ابتسامتها،،عباير لهم جميع!!
حصة عضت شفتها بغبنة
عباير تنهدت وهي تنحني وتاخذ فنجالها وتريح بجلستها:والحمدلله هذاني قدامه اسمن على مسمى
حصة وقفت وهي تبي تتهاوش معها
ام غازي طالعتها بحدة
حصة شدت على قبضتها وهي تطالعها وتذكر ان وسمية نبهتها ماتقول شي ابد
عباير:عاد حلايا سبحان الخالق من اسمها حلايا كلها كاملة الأوصاف
رهايف وقفت وهي تصفر وتصفق:واااااو وااااو ياشيخة يسلم فمك والله
عباير اغترت بنفسها اكثر وهي تتقهوى
حصة بعصبية:رهايف وووجععع!!!
.
..بيت الشعر..
،،الجلسة مابها احد غريب عليهم نشمي وعياله وعيالهم>>مسفر وعادل وجسّار وفيصل>>وبادي وسعود،،
،،الهدوء مغطي المكان،،
الجد بادي جالس وهو ساكت ماينطق حرف
الجد نشمي جالس جنبه التفت لأبو جواد اللي عن يساره:وينه جواد؟
ابو جواد:قال انه بيجي
ابو غازي جالس جنب ابو جواد:اتركه يبه اكيد يبي يرتاح شوي
سعود جالس جنب جسّار وهمس له:وشلونه راشد؟
جسّار:ان شاء الله طيب ان شاء الله
سعود:صدق ياولد؟
جسّار:ماعليك ذيب راشد ماتعرفه!!
سعود بشك:والله مدري عنك،،سكت بتردد كيف يفاتحه بالموضوع،،ابي اوجس يمك علمن مير اني متحير وشلون أعلمك
جسّار اعتدل بجلسته:خير عـسـى ماشر
سعود:الصحيح ياجسار
جواد فتح باب بيت الشعر بثوب ابيض وشماغ لافه على راسه:السلام عليكم
،،الكل رد السلام وسط صدمة من اللي معه،،
جواد دخل وبيده سلاح
الجد نشمي اعتدل بجلسته:ولد!!وش فيك!!!
جواد مارد على جده واتجه لعمه وهو يجلس قباله بالضبط وينزل السلاح عالارض بينهم ورفع عينه يطالعه بجدية
الجد بادي وقف وهو يشوف اللي يصير:سعود
سعود وقف
حلايا اللي جالسة بينه وبين جسار وقفت على طول وهي تشوفه يوقف
الجد بادي:غدينا يم ديارنا
سعود:ابشر،،مسك يد حلايا بياخذها معه،،
الجد نشمي وهو يوقف:اصبر ياولد
سعود وقف
الجد نشمي:علامك مطيور يابن الحلال احتر العشا
الجد بادي بجلافة:يكثر خيرك مير إنا مستعجلين
الجد نشمي:على وش!!ماوراك شي يارجل!!
الجد بادي:حنا غدينا بالصبي(راشد)يمكم وحنا نراعي حويله(حالته)ماش وحطيناه عندكم وثمن لزمتوا بالقهوة وقعدنا من شان خاطركم غيره مالنا به يكثر خيرك
الجد نشمي مسك يده وضغط عليها:يابادي اخز ابليس واقعد
الجد بادي سحب يده:مشكور مرتن ثانية يكثر خيرك
الجد نشمي تنهد:على ماتريد على ماتريد
الجد بادي طالع سعود:علامك ياولد وش تحتري!!
سعود:ابشر ابشر،،مشى وهو ماسك يد حلايا،،
حلايا تمشي معه
سعود التفت لفيصل اللي عن يساره:فيصل لاهنت
فيصل بيوقف:ابشر
جسّار وقف وهو يأسر لفيصل يظل جالس:امرني ياسعود هـلا
سعود:بس عنيته يغدي بحلايا يم البنات حتى سعدت يمّنا بنسري
جسّار:ابشر ابشر،،مد يده لحلايا،،
حلايا اللي فردت يديها
جسّار ضحك:يمه منك!!
سعود باحراج:حلايا!!!
حلايا طالعته عن طرف:اوزس(اوجس)يم زسار مااوزست يمك سي(شي)
جسّار تقطع من وناسته على اسمه من فمها وانحنى وهو يشيلها:الله يقطع زسار اذا ماشالك ياشيخة،،خرج وهو شايلها،،
سعود خرج وراه
جسّار دار فيها
حلايا صرخت وهي متعلقة برقبته
جسّار نزلها وهو يضحك
حلايا طالعته بزعل
جسّار:ياربي ماتوقعتك خوافة ياورعة
حلايا:ماني بحايفة
جسّار بعباطته يقلد صرختها
حلايا تطالعه وهي مبوزة
جسّار بضحكة:ايه ماتخافين مرررة!!
حلايا جرت له وهي ترفع يدها بتضربه
جسّار هرب وبصوت عالي:ياااوك جاكم الموت ياعرب!!
حلايا ضحكت وهي تجري وراه
سعود اخذ نفس بهم وهو يطالعه مايدري وشلون يقوله
الجد بادي خرج شهق وهو يشوفه واقف وبحدة:سعود!!
سعود مشى للسيارة بسرعة:غديت غديت
>>ببيت الشعر
ابو غازي يطالعه بشك زفر:خير ياجواد؟
جواد:الخير عندك وبين يديك ياعم
ابو غازي ميل فمه وهو ينزل عينه للسلاح ثم طالعه:قول ياجواد وش عندك؟
جواد اخذ نفس:تدري ياعم اني منعت الوظايف عن جسّار وبتّال بطريقتي؟
ابو غازي ميل فمه بابتسامة خفيفة:ايه ادري
جواد:وليش ماتكلمت معي؟ليش ماعاتبتني؟!!
ابو غازي:رزقهم بيجيهم لو تبني حولهم سور الصين مرتين بيجيهم غصبًا عنك ماتقدر ترده!!
جواد اخذ نفس وهو يشد ع قبضتيه:ياعم انا اللي صوبت الراعي بذاك الوقت ماهو ببتال
ابو غازي قطب جبينه باستغراب من اعترافه بهالوقت
جواد:وانا السبب باللي صار لك من ورا السالفة
ابو غازي:داري لكن وش المقصد من ذا الكلام كله؟
جواد:خذ حقك
ابو جواد اتسعت عيونه بصدمة
ابو غازي:اخذ حقي!!
جواد:ادري ان اللي صار ماعاد بهو منمسح من ملفك ولا بيرجع امور كنت تبيها ومنعوها عنك(يقصد أشياء بدوامه)لكن خذ حقك بالطريقة اللي تناسبك حتى لو ترميني مثل مارميته
ابو غازي مد يده للسلاح وأخذه وتفحصه بنظراته وهو بين يديه:وش اللي ذكرك هالسالفة بعد هالسنين ياجواد؟
جواد سكت
ابو غازي رفع عينه لجواد:لايكون اللي صار معك حرك شي فيك!!
جواد:ايه حرك وحرك الكثير اهم شي ماانام الليلة وبقلبي هالندم راضي باللي تبيه ولا هالشعور يظل ساكن فيني
ابو غازي وهو يقلب السلاح يمين ويسار تنهد:تقول اخذ حقي بالطريقة اللي أشوفها؟
جواد بدون تردد:ايه
ابو غازي ثبت السلاح على كتف جواد:هينا صوبته صح؟
الجد نشمي بحدة:عادل!!
جواد وهو يطالعه بدون خوف:ايه
ابو غازي:اجل سم(قول بسم الله)
جواد بلع ريقه وهو شاد ع قبضته يخفي رجفة يديه
ابو غازي.بسم الله
جواد غمض عيونه
ابو غازي طالعه وهو يكتم ضحكته وضربه بطرف السلاح بخفة على راسه
جواد قطب جبينه وهو يفتح عيونه:اااه
ابو غازي وهو يخفي ضحكته:خبل انت خبل!!وش هالكلام اللي مابه سنع!!
جواد يطالعه مستغرب
ابو غازي:من اول اقول انك أحسن عيالنا وأعقلهم طلعت ثور مثلهم ابد ماابعدت عن عيال عمك
جواد:بس
ابو غازي قاطعه وبنص عين:الظاهر والله اعلم انك ناوي تحطني بالمكان اللي جيت منه!!
جواد اتسعت عيونه وبسرعة:اعوذ بالله الله لايقوله والله ان نيتي زينة ماابي شي لك مو زين ابد ياعم
ابو جواد يطالع جواد بصدمة
ابو غازي وهو يطالعه ابتسم:ادري ادري ياجواد
جواد طالعه:ياعم
ابو غازي:مافي ابو يعاقب بعقله يرمي ولده!!واللي فات مات وانت ولد اليوم ودامك صدق ندمان ارجع لإخوانك بتتعب لكن اصبر عليهم وانا عمك اصبر
جواد:الخاطر كيفه؟
ابو غازي:وسيعٍ من اول من قبل لاتجي
جواد رفع نفسه وهو يجلس على ركبه وسلم على راسه:الله يبرد ع قلبك ياعم مشكور مشكور،،بتردد،،فيه شي اقول شي ياعم
ابو غازي عقد حواجبه:خير؟
.
..بالسيارة..
،،المكان هادي بدون اَي صوت من حركوا،،
راشد مكان الراكب صاد بوجهه ساكت
بتال يسوق:راشد
راشد وهو صاد بوجهه:ماني مجنون يابتال عقلي براسي للحين
بتال ماالتفت له:محد قاله ابد
راشد:تكلمت معه يابتال
بتال:صدقت
راشد:ساعدته وقت ماكانوا يطاردونه
بتال:صادق
راشد:وصلته معي للدوام
بتال:صادق
راشد بغصة من صدمته بنفسه:اكلت ببيته،،عض شفته وهو يبلع غصته،،ولعبت مع بنته
بتال:صدقت
راشد التفت له وبصراخ:وش صادق!!يقولك ميت من15سنة تأخذني على قد عقلي انت!!
بتال وقف بالسيارة ع جنب والتفت له:لاوالله ماتكذب اَي والله صادق!!
راشد صرخ بقهر منه:بتاااال!!!
بتال:لو كل العالم تكذبك وتأخذك على قد عقلك وتسلك لك انا لا مصدقك ورب الكعبة مصدقك
راشد يطالعه وهو يبلغ غصته اللي تزيد كل شوي وبرجفة صوته الواضحة:ليش؟!
بتال:نسيت اني انسحبت معك بذيك الليلة!!
راشد:بس
بتال قاطعه:السحبة بذاك اليوم ماهي تهيأت ابد والدليل جروحنا بعدها،،حرك بالسيارة وعينه عالطريق،،
راشد بفرحة ان فيه احد مصدقه:شفته يابتال
بتال:اكيد شفته
راشد:بدون رجوله
بتال:عيونك ماتكذب مو سحبونا!!!
راشد:سحبني من مكان وحطني بمكان ثاني
بتال:الله اكبر عليه ابن الكلب روعك ليتني معك!!
راشد ابتسم وهو يتكي براسه عالقزاز وهو يصد بوجهه عنه:رجعنا للبيت يابتال
بتال التفت له:ليش!!!
راشد اخذ نفس:رجعنا للبيت
بتال:على كيفك هو!!!الحين اقتنعت انك ملبوس ماانت بصاحي كل شوي راي!!
راشد ضحك
بتال:وتضحك!!
راشد بابتسامة:شكلي ملبوس تصدق وشلون اترك امي وانا اشوف حالتها ديِور بس ارجع
بتال ابتسم وهو يلف يرجع طريقه:تصدق عاد بيمسكها عليك جسّار لحد ماتشيب
راشد وهو يسند راْسه عالمقعدة وهو يغمض عيونه:مايقدر
بتال ضحك:صاااادق خواااف من يومه
راشد بابتسامة وهو مغمض عيونه:يبي لي أشوف له طريقة اخوفه فيها
بتال اعتلى ضحكه وهو يتخيل جسّار مرعوب
.
.........****..........
يوم جديد
.........****..........
أم جـلاجـل .
..بيت بادي..
الجد بادي متلثم بشماغه ومتكي براسه ع قزاز السيارة بوسط غفوته
سعود وقف بالسيارة عند باب البيت على وقت صلاة الفجر
الجد بادي صحى بوقفة السيارة واعتدل بجلسته وهو يفك شماغه:ظلك مع خياتك لامـن توكد من قفلة الباب
سعود:على امرك ياجد ابشر
الجد بادي نزل وهو يتجه للمسجد عقد حواجبه وهو يطالع السيارة اللي واقفة عند المسجد دخل للحمام الوحيد اللي جنب المسجد ومخصص للوضوء توضى واتجه للمسجد وفتح الباب ودخل وهو يمد يده لمفتاح اللمبات وقفت حركته وهو يطالع اللمبات شغالة بجهة من المسجد وزاد استغرابه وهو يطالع الرجال المتمدد بزاوية المسجد ومتلثم بشماغه نايم كمّل طريقه باتجاه المنبر ولا صحاه وقف وهو يعطيه ظهره ومتجه للقبلة رفع صوته بالأذان:الله أكبر الله اكبر
المتلثم فز من نومته جالس وهو يلتفت بجسمه كله يطالعه بصدمة من وجوده خنقته العبرة وهو يتأمل ظهره وشلون انحنى وشلون صار يستند على عكاز بعد ماكان فارد طوله بهيبة بلع غصته وهو ياخذ نفس ويزفره ووقف وهو يفك لثمة شماغه رسم ابتسامة على وجهه وهو ينتظره ينتهي من الاذان
الجد بادي واخيرا وصل لاخر الآذان
المتلثم شد ع قبضته وهو يحس بتوتر يجتاحه من لحظة اللقى بعد فراق عمر
الجد بادي لف وهو يهلل ويكبر سكت وسط اتساع عيونه بصدمة وهو يطالعه قباله
نشمي بابتسامةصبحت بالخير ياوجه الخير
الجد بادي طالعه مكذب نفسه يمكن يتهيأ له لكن لااا ماوصل لمرحلة التهيؤات للحين بكامل صحته طالعه يتأكد نفس الوجه نفس الابتسامة نفس الهدوء اللي واضح على وجدًا على هيأته دقق نظره اكثر كشخص تغير اَيه تغير كبر وغزا راْسه الشيب اخذ نفس وبهدوء:ياصباح النور،،لف عنه وعطاه ظهره وهو يكبر ويصلي تحية المسجد،،
نشمي انصدم من ردة فعله الهادية الخالية من اَي مشاعر عكس توقعاته دخل قلبه الخوف من هالهدوء الغريب وهو حتى ماسلم عليه اخذ نفس وزفره خرج واتجه للحمام الوحيد حتى يتوضا وبعد الصلاة يصير خير .
>>بعد الصلاة>>
.
..بيت مناور..
مناور دخل للبيت ووقف وهو يطالع بناته اللي يتعاونون بتجهيز الفطور:السلام عليكم
،،البنات اتجهوا يسلمون على ابوهم وحدة وحدة وبعد السلام،،
مناور جلس عالفطور:بنت ياشريفة
شريفة جالسة عالفطور:سم يبه
مناور:اغدي يم غيث وهدية وازهميهم عالفطور
شريفة وهي توقف:ابشر يبه ابشر
غيثة بلعت لقمتها بسرعة وهي تأشر بيدها لشريفة
شريفة وقفت تطالعها باستغراب
غيثة:اقعدي اقعدي لاتغدين يمهم تريحي وانا اختش تريحي
مناور بنرفزة وهو يطالعها:اعقبي!!وانتي وش عليش حتى تردينها!!
نايفة بقهر:وهذا الصحيح يبه علامك خنفرت علينا!!
مناور بعصبية:انتم الثنتين تنكعمن ماتوجسن غير اكذاب!!
غيثة بغبنة:ماعمرنا اوجسنا اكذاب يمك يبه مير انه هدية توجس لانوينا نغدي يمهم نرسل يمها مراسيل كود تريد تقلطنا ولا لا!!
مناور بحدة:وشو!!!
ام غيث وهي خارجة من المطبخ متجهة لهم:اللي اوحيته!!،،جلست عالفطور،،
مناور كشّر بوجهه وهو يطالعها:مير اني اخذت عهدٍ مااوحي لكن شين ابد ماغير،،التفت يطالعها،،نوفة
نوفة اللي تنزل الخبز انصدمت وطالعته
مناور:علامش تراعيني ماتوجسين شي!!
نايفة:هذا العلم يبه
مناور بحدة وهو يكبح نفسه لايمد يده عليها:اوجست يمش انكعمي!!اوجسي يانوفة!!
نوفة:صحيح يبه صحيح
مناور قطب جبينه:هدية أعملت هاللون؟!!
نوفة:ايه يبه
مناور ضـحـك
،،الكل يطالعه مصدوم،،
مناور وهو يطالع شريفة:اغدي يمها اغدي واوجسي اني احتريها بالفطور ولاتوخر علي
.
الجد بادي يمشي متجه لبيته
نشمي يمشي وراه مايدري وش يقول او وش بسوي وهو حتى ماترك له فرصة يرد
الجد بادي بحدة:هين ياسعود هين هاذي آخرتها لاصلاة جماعة ولا حتى تبعتنا باخر ركعة اعقب من ولد مابه خير تف عليه تف ولاحتى غدا يتسنن(سنة)هين هين ياولد زاهية هين ان ماعزفتك(كرهتك)الربادة ماني ببادي هين هين
نشمي اتسعت عيونه وهو يسمع تهديد ابوه
الجد بادي قطب جبينه باستغراب وهو يشوف دخان النار المتصاعد من العشة اسرع بخطواته
نشمي لحقه
الجد بادي وقف وهو يطالع العشة
سعود وهو لاف شماغه يجهز القهوة ابتسم وهو يوقف ويضرب يديه ببعض ينفضها:حياك ياجد وحي الضيوف بهالساعة!!
الجد بادي قطب جبينه للحظة وهو يطالع الجالس باستغراب ثم ابتسم:حي الله الضيف ياحيه
نشمي تغيّر وجهه وهو يطالعه
يوسف وهو يوقف بابتسامة:الله يسلمك،،انصدم للحظة هو يطالع نشمي ماتوقع يقابله ثم كملها،،يبه!! الجد بادي التفت لنشمي يطالعه ينتظر تفسير
نشمي قشعر جسمه وبوسع عيونه:يوسف!!!
.
..........****..........
..بيت الجد نشمي..
،،غرفة راشد،،
راشد جالس ع كرسي مكتبه وممدد رجوله فوق المكتب وعينه بجواله
بتّال متمدد ع سرير راشد ع ظهره وهو رافع الايباد يلعب
راشد كشّر بوجهه وهو ينزل رجوله من فوق المكتب ويلف بالكرسي عليه:هــيــه انت متى ناوي تروح بيتكم؟
بتّال وقف اللعبة ونزّل الايباد ع بطنه وباستغراب:جاك النوم؟
راشد ارتفعت حواجبه:لاوالله!!!
بتال باستغراب:وش فيك؟!
راشد؛مين اللي مسنتر عندي ومطفشني ماتركني انام!!
بتّال:وش فيك صاير ماتتحمل!!
راشد اتسعت عيونه:أنـا؟
بتّال قطب جبينه وبشك:لايكون لمحت شي
راشد اخذ نفس:استغفر الله العظيم
بتّال باستعباط:اسف اسف لاتزعل علينا ويجوني اخوياك
راشد كشّر بوجهه من كلامه وهو يزفر بقلة صبر ويطالع بتّال اللي على سريره من فوق لتحت:وانت ماتحس فيه شي غلط ابدا؟!!
بتّال جلس وهو مقطب جبينه:صدق!!وش؟
راشد زفر:كمل لعب كمل الله يستر عليك!!
بتّال وقف وهو يمددجسمه:ااااه يازين سريرك والله اتعب وانا اقولك يريح!!
راشد:خذه لك وفكني من وجهك
بتّال ابتسم:والله
راشد كشّر بوجهه وهو طفش منه:امزح امزح تكفى رح
بتّال بابتسامة:هيّا والله مااردك كريم كريم الله يحفظك لعمتي ياشيخ
بتّال جلس عالسرير:يازينه ماشاء الله يازينه،،رفع اللحاف بيتمدد،،
راشد اتسعت عيونه وهو يشوف انه صدق بينام وبنبرة اقرب للترجي:بتاااال!!
بتّال طالعه:نـعـم؟
راشد:عمي اكيد ينتظرك
بتّال تمدد:تطمن يدري اني معك
راشد قفلت اخلاقه يبي ينام وقف واتجه له وهو يسحب اللحاف من عليه
بتّال باستغراب:وش فيه!!
راشد بعصبية:قم
بتّال:ليش!!،،اتسعت عيونه،،شفت شي؟!!
راشد:ايه على راسك بس قم وخلصني
بتّال كشّر بوجهه:ماني بجسار تلعب علي،،تمدد،،
راشد:قم بتّال
بتّال وهو يعطيه ظهره:انت قلت لي اخذه!!
راشد زفر ومسكه من رجله وسحبه وطيحه عالارض
بتّال مسك راْسه بألم
راشد:برا برا ماتحس ماتستحي ابي انام ياأخي ناموا عليك جن!!
.
..الصالة..
،،عالفطور،،
>>الجد والجدة وعذبة وابو جواد ورهايف>>
عذبة عينها ع المدخل تنتظر على اعصابها
الجدة منيرة زفرت:يابنت الحلال معه بتّال أفطري بس
الجد نشمي زفر:كبيها عنك يعني ماانتي خابرتها
الجدة منيرة طالعت رهايف اللي جنبها بشك:وانتي وش وراك؟
رهايف التفتت وراها:مافيه شي!!
الجدة منيرة قرصتها من جنبها
رهايف وهي تمسح على المكان:اااه ياجدة!!
الجدة منيرة:هاتي العلم؟
رهايف مسكت يد جدتها بين يديها وهي تمسح عليها وتبوسها وبابتسامة:منيرة منّورتي
،،الكل طالعها،،
رهايف احتضنت ذراع جدتها وهي تحط راسها على كتف جدتها:ام عادل الحلو اللي احلى واحد بالكون ولاقبله احد بالحلى غير امه
الجدة منيرة بنص عين:ايه هذا انتي واخوانك لابغيتم شي جيتوني بهاللسان اللي مامثله
رهايف جلست ع ركبها وهي تبوس خدودها
الجدة منيرة وهي تدفها:اذلفي عني ذبحتيني الله اكبر عليش
رهايف ميلت راسها وهي محاوطة رقبة جدتها بين يديها:قولي تم
الجدة منيرة:مامن تم الا الى سمعت وش تبين؟
رهايف:ابيك واسطة
الجدة منيرة:ابوك يعيي عن كل شي
رهايف:مو ابوي!!
الجدة منيرة قطبت جبينها:اجل عند مين!! رهايف:عند
بتّال دخل وهو يقاطعها ويرفع يده:سلامون علاكم ياقوم،،سلم عليهم جلس جنب عمته،، عذبة وهي تقرب له الفطور بسرعة:ها يابتال؟
بتّال:جوعان ياعمة ويديني توجعني
عذبة اخذت لقمة وأكلته
رهايف اتسعت عيونها:الله أكبر عليك!!
بتّال وهو ياكل:اوص اوص وش دخلك انتي
عذبة تطالعه بقلق
بتّال طالع عمته:لو ماادري انه كان تعبان البارح كان قلت اهب وش ذَا البعير شاتني ياعمة برا الغرفة
عذبة:ماقال شي؟وش يوجعه؟
بتّال:يقول يبي ينام تعبان
عذبة:قال شي عـ
بتّال قاطعها:عمة والله راشد مافيه الا العافية هي بس فجعة والله لايسامح اللي يلومه
عذبة:بس يابتال
بتّال مسك يدها:والله ياعمة والله مافيه الا العافية اول ماحط راْسه عالمخدة خمد(نام)لاتشيلين هم
الجدة منيرة:عذبة انتي براسك لو شفتي ماشاف ماظنتي بيبقى بك عقل
بتّال:عمة اول مايصحى بتشوفين راشد نفسه ماتغير بيغثك هو ووجهه
عذبة سكتت
بتّال ضغط على يدها:والله ياعمة والله مافيه شي والله اقولك سحبني من السرير وطحت على راسي،،قرب راْسه منها،،حتى شوفي اهب ياولدك ذَا ماتقولين تعبان
عذبة وهي تمسح على راْسه:بِسْم الله عليك بـس اذكر الله يابتال
الجدة منيرة لفت تطالع رهايف:اخلصي انتي مين تبيني اتوسط لك عنده
بتّال قطب جبينه:وش واسطته
رهايف طالعته:شي خاص
بتّال طالعها بشك:وش هالشي الخاص
الجدة منيرة:مالك شغل خصوصيات توكل بيتكم الفطور نفسه هو هو مسويته امك
بتّال بوسع عيونه:تطرديني ياجدةومن متى تعرفين خصوصيات!!
الجدة منيرة:واطرد ابوك معك تيسر يالله
رهايف وهي ترفع حواجبها وتنزلها له بوسط ابتسامة
بتّال اشر على رهايف:تطرديني عشانها
رهايف بشوفة نفس:مواضيع خاصة
بتّال زفر بضحكة خفيفة
الجدة منيرة:وليش مااطردك تيسر تيسر أعجل علينا بس
بتّال وقف:هين هين يالعجوز هالخبلة اللي جنبك لاتزوجت بتسحب عليك مابتلقين غيري هين
الجدة منيرة رفعت عكاز نشمي بتضربه:عيب عليك استح!!
بتّال:ايه عجيز المشكلة اني احبك يالعجوز لكن هين هالنتفة بتروح وترجعين لي هين هين
الجدة منيرة:رح بس رح يالله
بتّال:بروح بروح،،مشى،،
الجدة منيرة التفتت وهي تمسك رهايف من اذنها وتشدها:عسى الموضوع يستاهل طردته يارهايف
.
..بيت عادل..
ابو غازي وهو يمرر نظره عالحلا اللي يحبه وقدّامه واللي ابدا مو بوقته على ذَا الصباح والورد اللي قبال ام غازي:ايه ياجسار وش عندك؟
جسّار جالس قبالهم وبجديته:يبه يمه اذا ماتبوني أتزوجها ابشروا تم على امركم لا رحت هالمرة للديرة اعتذرت من الناس
ام غازي وهي تاخذ الباقة وتوقف:مشكور عالورد ياجسار ورايي تعرفه،،مشت،،
جسّار اتسعت عيونه وهو يشوف امه تتركه بمواجهة ابوه لحاله اخذ نفس وهو يطالع ابوه
ابو غازي زفر وهو ينحني للفناجيل وياخذ فنجال ويمده لجسار
جسّار فز
جواد زفر وبعصبية:استغفر الله العظيم اسكتي بس اسكتي وع من خيالك المعفن ذا اكرمينا بسكوتك بس
رهايف:ليش تسكتني طيب وانا اقولك الصدق
جواد بنرفزة:رهايف اوص لااسمع صوتك اوص
رهايف همست:طيب طيب
جواد:وبعدين معك!!!
.........****..........
الليل
.........****..........
أم جـلاجـل
.
..بيت بادي..
،،العشّة الخارجية،،
الجد بادي جالس قبال المشب ينادي بصوت عالي:سعود ولد ياسعود!!
سعود متجه للعشة رافع صوته بخطوات سريعة:ابشر ياابو نشمي لافيك لافيك
الجد بادي يطالعه بتقطيبة جبينه:علامك ابطيت!!
سعود:العيال لفوا واوجست اعاونهم بعدتهم
الجد بادي تنحنح:ايه ووينه بتال؟
سعود:يوجس يعاون عمته ويلفي
الجد بادي باستغراب:اخوك لفى؟
سعود بابتسامة:ايه ايه
الجد بادي:وشلونه؟
سعود براحة:صحيح وجهه ماش مير الحمدلله اشوا
الجد بادي:لزمت لامه تلفي؟
سعود بابتسامة:وهاذي يريد لها نشده!!(مايحتاج تسال)
الجد بادي:كفو ولدي كفو
سعود:كفوك الطيب تربيتك ياجد
الجد بادي:علّم خواتك بضيفتهن وأعجل علينا حتى تولم القهوة وازهم خالك وولده الاطخم معه
سعود:ابشر ياجد ابشر،،دخل للبيت،،
الجد بادي قرب من المشب وهو يسحب الدلة ماتحمل ينتظر سعود
،،راشد وجسار وقفوا عنده ووراهم عذبة وسلموا عليه،،
الجد بادي:حيهم حيهم
جسّار وراشد جلسوا
عذبة من بعيد وهي تضم عبايتها تقفلها:وشلونك ياعم بادي
الجد بادي:بخير بخير يامال الخير اللي لفانا ياحياالله بعذبة ياحياها
عذبة:كرمت ياعم كرمت وسلمت الله يبقيك
الجد بادي:اغدي يم البنيات داخل ارعيهن يحترنك
عذبة:يسلمهن ربي وياعلي دونهن
الجد بادي:اغدي اغدي
عذبة اتجهت للبيت
الجد بادي طالع راشد:هاه ياولدي كيف غديت ذالحين؟
راشد انصدم من الكلمة وتوقعها زلة:بخير ونعمة الحمدلله
الجد بادي هز راْسه:ياعله خيرت دايم على ماتريد،،طالع جسّار بابتسامة،،وشلونك يالنسيب؟
جسّار مات من الفرحة وهو يسمع الكلام ووضح عليه:بخير بخير جعلك بخير ياجد
الجد بادي التفت يطالع للباب:علامهم ابطوا علينا!!
عذبة دخلت للبيت ومرت من عند البترة متجهة لداخل البيت وسط ابتسامة مرتسمة على وجهها وهي تمر ببالها ذكريات حلوة بكل تفاصيلها فزت وهي توقف من اللي طلع بوجهها من ورا نهاية البترة:بسم الله الرحمن الرحيم،،اتسعت عيونها وهي تكذب نفسها من اللي تطالعه قدامها،،
نشمي صد بوجهه اول ماطلعت بوجهه وبدون اَي شعور التفت يطالعها وهو يسمع صوتها بصدمة وبهمس وصل لمسامعها:عذبة
عذبة رجف قلبها وواصلت الرجفة تسوي بجسمها واستقرت بوضوح على يديها وتأكدت من وجوده ورجعت مشاعر نستها من سنين وكملت حياتها وهي ناسيتها رجعت بلحظة مانطق اسمها غرقت عيونها دموع وهي تنطق عتاب وغبنة منه عليهم وعلى عمرهم اللي ضاع بسبب أنانيته
نشمي بجرأة وهو لأول مرة يتكلم معها رغم حبهم لبعض وبرجفة صوته:عذبة أنا
يوسف وقف وراه وهو يتثاوب: يبه علامك واقفن لحالك
عذبة اتسعت عيونها وهي سمعت منه بس كلمة يبه تبددت هالمشاعر بلحظة مثل مارجعت بلحظة من نطق هالشخص كلمة يبه رجعها لعالمها ومكانها الصح احتدت نظرتها وهي تستجمع مشاعرها السلبية كلها تخلى عنها وتركها وش ترتجي منه مرت من جنبه بخطوات سريعة
نشمي التفت وعيونه تلاحق زولها يدري انها فهمت غلط دف يوسف من قدامه وهو يلحقها:عذبة ياعذبة
عذبة وقفت وبدون لاتلتفت له وبحدة:استح على وجهك غازين راسك الشيب وتوجس يم مرة غريبة عنك عيبن عليك يارجل عيب،،مشت،،
نشمي ضاقت فيه الدنيا وهو ماله من هالحب العذري الطاهر نصيب زفر وعيونه مثبتة عليها يلاحق حبه من بعيد لبعيد بسكوت
.
يـاعـذول الـمـحـبـة حـط نـفـسـك مـكـانـي..
قـبـل لا تـحـكـم وتـظـلـم بـليّـا دلـيـل..
يـاحـبـيـب(ن)تـخـلـى عـن غـلاع ونـسـانـي..
اشـرح أسـبـاب صـدك قـبـل تـبـدأ تـشـيـل..
لاتـلـوم الـزمـان الـلـي بـكـفـك رمـانـي..
لـوم قـلـب(ن)طـوا حـبـه ويـبـغـى الـرحـيل..
.
.
يوسف يطالع نشمي باستغراب من تصرفاته
نشمي رجع يجر خطواته بخيبة ماانكتب له نصيب من قبل ليش يتأمل الحين
يوسف طالعه بتقطيبة جبينه:علامك ياخال
نشمي طالعه بحدة:ذالحين ياخال!!،،مر من جنبه وهو يكبح نفسه عنه،،
يوسف مشى وراه
سعود مشى وراهم وهو سمع كل شي يطالع قفى يوسف بشك من هالغريب وشك من خاله اللي مايعرفه للحين وووش وراه
.
،،الكل جلس حول المشب بعد ماسلموا على بعضهم يتقهوون،،
،،المكان مخيم عليه الصمت خصوصا بوجود الضيوف،،
بتال وقف ع مدخل العشة وبابتسامة وهو يرفع يده:السلام عليكم
الجد بادي فز واقف وهو ينزل فنجاله وبابتسامة:ياهلا ياهلا ياحيّه ياحي بتال
نشمي قطب جبينه وهو يطالع ابوه باستغراب شديد من هالاستقبال الحار
بتال سلم على راس جده ويده
الجد بادي ضمه له وهو يسلم عليه:ياحيّه ياحيّه اي والله
بتال بابتسامة عريضة:تشوقت لي ياجد!!
الجد بادي تركه وهو يمسك يد بتال ويحتضنها ويطالع نشمي بابتسامة:اي بالله متشوق أريدك تراعي الضيف اللي لفانا
بتال باستغراب وسط ابتسامته:من هو ياجد؟!!
الجد بادي وعينه على نشمي بابتسامة :ولد يانشمي راعه راع وليد جميلة
نشمي اتسعت عيونه بصدمة:جميلة من خيتي!!مِن مَن؟
يوسف يطالع بتال بصدمة
الجد بادي كشر بوجهه وهو يمسك لسانه لايتلفظ قدام بتال:من اللي انت خابره!!
يوسف وقف وبصدمة وهو يأشر على بتال:انت ولد لفاهد!!!
.
.
<اللهم صل وسلم على نبينا محمد>
أميرالز and أزميرالد like this.
لامارا غير متواجد حالياً رد مع اقتباس
قديم 25-07-20, 01:21 PM #55
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـثـالـث والـخـمـسـيـن،،
لااله الا انت سبحانك اني كنت من الظالمين،،سبحانك اللهم وبحمدك أشهد ان لااله الا انت استغفرك وأتوب اليك
.
.
...داخل بيت بادي..
،،غرفة بخوت،،
حلايا تنط بمكانها بحماس وهي تطالع قفاها
بخوت واقفة عند الدولاب تخرج لحلايا ملابس
حلايا:اعزلي اعزلي(اعجلي)يابحووت
بخوت وهي تقفل الدولاب بعد ماخرجت لبسها:طيب طيب هذاني طلعتها لش،،جلست وبيدها تنورة بيضا وبلوزة سودا رقبة وهي تحطها بحضنها وقربت حلايا وبدت تلبسها وبابتسامة،،علامش طايرة وش معجلش!!
حلايا بابتسامة:سعود أوزس زسّار لفى
بخوت تغير وجهها للحظة ثم حافظت على ابتسامتها:وش تريدين به!!عندش سعود
حلايا وسط ابتسامتها:زسّار احسن يازينه
عباير وقفت عالباب وضحكت وهي تسمع رد حلايا
بخوت اتسعت عيونها:وش توجسين!!،،طالعت عباير وبنرفزة،،وانتي إتضحكين يمّها!!
حلايا بوناسة:زسّار اوزس لالفى يم الديرة بيلفي ومأه أتيه(معه عطيّة>>هدية)
بخوت:هذا اللي مآخذه عقلش العطية ولا هو ماتريدينه،،خلصت تلبيس،،
حلايا كشرت بوجهها وبزعل وسط كلامها المكسّر:اريد زسار لو انه مامأه أتيه،،مشت،،
بخوت اتسعت عيونها:ادني امشط شعرش
حلايا رجعت لها واخذت المشط من يدها:زسار يمسته،،شردت،،
بخوت وقفت وجرت وراها:امسكها ياعباير!!
عباير تركتها تمر من جنبها وطالعت بخوت اللي تجري ومسكتها من يدها توقفها:بخوت
بخوت طالعتها بعصبية:الله يقطع شرش غدت يمهم بهاللون!!
عباير:مامن احدن اخبر بالخليقة وقليباتهم كثر الوغدان يابخوت
بخوت:وثمن!!
عباير:ثمن لاتظلمين روحش من شان واحدن لاهي بعمره ومتهني وانتي لذالحين معششة(ساكنة)بتهاويله
بخوت بتكشيرة:وكوده غدا مثله!!
عباير:اصابع يدياتش ماهن مثل بعيضهن!!،،مشت وهي تترك بخوت بتردد من القرار اللي اخذته،،
.
.........****..........
..بيت عادل..
رهايف تتقهوى وهي شاقة وجهها الابتسامة
امجاد تطالعها بشك من وضعها
ام غازي مميلة فمها وهي تطالعها:بنت يارهايف
رهايف نزلت فنجالها وبابتسامة:هـلا يمه هـلا بعيني هـلا
امجاد:الله الله المزاج عال العال!!
رهايف تنهدت:اَي والله عال العال
امجاد:روقينا معك
رهايف نزلت فنجالها:أبسألك عن شي
امجاد:قولي
رهايف:عمرك سمعتي اللي تغني الحياة بقى لونها بمبي
ام غازي ضحكت
رهايف باستغراب:وش فيك يمه!!
امجاد:ايه ووسن شفتي اللون البمبي ذا؟!
رهايف طالعت امها بتردد
ام غازي بابتسامة:كملي كملي خرابيطك ماني بقايلة شي
رهايف:اليوم شفت معنى هالكلام
امجاد بفضول:ايه
رهايف:كنت بموت اليوم بس يوم سحبني جواد من قدام السيارة صرت اشوف الحياة بمبي صدق،،طالعت امجاد،،حتى انتي ذالحين اشوفك وردية
ام غازي توسعت عيونها:رهايفوه وش هالكلام!!
رهايف تنهدت:يازين الوردي
ام غازي بحدة:رهااايف!!
رهايف:عادي يمه مشيت مو منتبهة وربي ستر
ام غازي:بسس!!
رهايف:وش تبيني اقول!!
ام غازي زفرت:استغفر الله العظيم منكم بتذبحيني انتي واخوانك،،صدت بوجهها عن رهايف،،
امجاد:قولي الحمدلله اللي نجاك بدل خرابيط البمبي ذي حقتك
رهايف قربت من امها:يابمبية حياتي
ام غازي صادة ماردت
رهايف:يمممههه
ام غازي التفتت لها وبنرفزة:وصمة خير!!
رهايف باستها ع خدها وهي مقربة وجهها من وجه امها:يمه الحين الحياة تصير رمادي وع ماهي بحلوة
امجاد:خفي علينا ياملونة انتي!!
ام غازي بتكشيرة:خلاص ابعدي عني بس
رهايف ناشبة لها:يمه تكفين شيلي عقدة حواجبك لاصدق ينقلب الرمادي اسود
ام غازي طالعتها باستغراب:وش سالفتك مع الألوان اليوم!!
رهايف:الصدق يمه بعد اللي صار لي قررت اقلب حياتي ألوان
امجاد ضحكت:الحمدلله والشكر
رهايف طالعت امجاد من فوق لتحت بتفكير:زي امجاد الحين رغم حياتي البمبية أشوفها مكس اصفر مع كحلي
امجاد بضحكة:والله!!!ليش ان شاء الله تشوفيني كذا اتحفينا ياعلبة الالوان
رهايف:هو انتي كذا كحلية مودك كآبة بس ماوصلتي للسواد للحين ومن داومتي دخلتي الأصفر صرتي كذا امم فيه ريحة داوني منتشرة حولك انتعشتي شوي بس باقي الكحلي فيه منه هه شوية يمكن من ضغط دوامك
امجاد انفجرت تضحك
ام غازي كتمت ضحكتها
امجاد:طيب وامي؟
ام غازي باهتمام تحاول تخفيه وهي تصب لنفسها قهوة
رهايف بابتسامة واسعة:مايبي لها واضحة امي
ام غازي طالعتها
امجاد بابتسامة:وش ابيض؟
رهايف:ها هاه توقعت تقولينه بس لااااا ماهو ابيض ابدا،،طالعت امها،،امي اممم امي عندها لون نازف
امجاد:قولي احمر واتركي الفلسفة!!
رهايف طالعتها بتكشيرة:لا مو احمر احمر قاني
امجاد:لااله الا الله!!قاني مرة وحدة!!
رهايف:لانها للحين مانزفت
ام غازي بفجعة:اعوذ بالله منك
رهايف:لحظة يمه لاتستعجلين!!اقصد انتي احمر قاني يطبخ بشويش ينتظر اَي شي عشان يقلب احمر ناري يقوم الدنيا
ام غازي:اقول اوص بس اوص اكرمينا بسكوتك فلسفتك اليوم زايدة بالحيل
امجاد بابتسامة:وابوي؟!!
ام غازي:أسكتت عني فاضيات وتقابلن!!
رهايف:ابشر بالأحمر ابشر نسكت لك
امجاد بترجي:يمه تكفين الله يخليك قلتيها فاضيات خل نسمع وش لون ابوي
ام غازي:وانتي عاجبتك فضاوة اختك!!
امجاد طالعت رهايف
رهايف:مافي حرف ينقال لحد مايرضى الأحمر الذباح مااقدر على زعله والله
امجاد:يممممههه الله يخليك تكفين
ام غازي زفرت:لاحول ولاقوة الا بالله قولي يارهايف قولي
رهايف بحماس:ابوي عبارة عن قالب من خارجه اسود وداخله مجموعة ألوان
ام غازي ضحكت:عاد بالأسود صدقتي لكن بباقي الالوان ماظنتي
رهايف بزعل:وش قصدك يمه!!ادري انه اقشر وعلى طول معصب ويصارخ ويده تحكه لازم يجلد احد كل يوم،،زفرت،،شكلي غلطانة يمه ابوي صدق لونه اسود ولاهو باي سواد!!سواد الليل بوسط البر بدون اَي نور
ابو غازي وقف عندهم وهو من قبل سمع كلام رهايف الاخير وبحدته:الحقيني يارهايف حتى تشوفين السواد زين زين
رهايف بفجعة وهي تمسك يد امها:يبه امزح ترا يعني كل اللي قلته كلام وحدة فاااضية ماعندها سالفة
ابو غازي بحدة:الحقيني وانتي ساكتة السواد ينتظرك،،مشى،،
.
..بيت مسفر..
ام جواد تتقهوى
سهام مدت بوكس الحلا:سمي يمه
ام جواد ماردت عليها
سهام نزلته وسط زفرتها
شذى بابتسامة:تدرين يمه
ام جواد:قولي بوكس الحلا اول شي
شذى وقفت وهي تسحب البوكس وتفتحه وتمده لها
ام جواد اخذت قطعة
سهام تضايقت من امها وصبت لنفسها قهوة
ام جواد:قولي وش وراك الله يستر منكم بس
شذى بابتسامة وهي تجلس وتحط بحضنها البوكس المفتوح وتاخذ قطعة ورمتها بفمها:اليوم جواد ماعرفته يمه!!جواد ماهو بجواد اخوي
سهام تطالعها باستغراب
ام جواد باهتمام:ليش؟وش فيه؟،،بخوف،،لايكون اخوك صاير له شي!!
شذى ضحكت:ايه مو صاير له شي وبس يمه،،اخذت قطعة ورمتها بكبرها داخل فمها وبابتسامة،،الا شي وااااه ياكبره من شي
ام جواد ضربتها ع كتفها:تكلمي وش فيه اخوك
جواد دخل وباستغراب:وش فيني؟!!
شذى بلعت الحلا ووقف بحلقها سحبت فنجالها وشربته وللحين تحس بالقطعة واقفة مانزلت
جواد بنذالته مد له فنجال صبه لها بهاللحظة
شذى اخذته وشربته ورجعت اللي شربته وهي تصرخ صرخة وسط لمعة عيونها:ااااااححححح ححححااااررر
ام جواد بعصبية:جواد!!!
جواد طالع شذى وبتهديد:عشان تمسكين لسانك عن اللي مالك شغل فيه وتحسبين كلامك زين قبل تنطقينه
شذى وهي تطالعه وسط دموعها:اصلا وع عليك وعليها
جواد:يازينه من وع المهم مايطلع حرف،،مشى،،
ام جواد:وين رايح!!
جواد:بيت جدي من اليوم قهوتي معهم،،مشى،،
،،الكل مستغرب منه،،
ام جواد طالعت شذى:وش صاير تكلمي
شذى وقفت بوجهها المتغير وبقهر:مو صاير شي الله لايوفقهم الا مع بعض هالخايسين،،مشت،،
.
..سوق الخضار..
،،وقت تقفيل السوق،،
فيصل داخل للسوق متجه للعربات اللي مأجرها يشيك عليها كعادته اللي انقطعت بعد إصابته عقد حواجبه وهو يشوف تجمهر عمال حول عرباته اسرع بخطواته وهو يطالع اللي يصير
يزيد بصراخ:ادفع اللي عليك لاتشوف شي مايسرك!!
علي ووراه كم شخص وبصراخ يماثل صراخ يزيد:دفعت اللي علي ومو بملزوم ادفع لك رشوة حتى تسكت عني!!
يزيد:هييييه انت ان مادفعتها مو بس اقفل رزقك والله ان اسفرك برا البلد
علي بتحدي:ماتقدر تسوي شي لو سويت شي فضحتك عند إدارة السوق
يزيد:تخسي يالـ**
علي:عيّب مثل ماتبي وعلى ماتحب لكن فكر تلعب معنا هالمرة وحنا جاهزين لكل لعبة منك
يزيد بغبنة وهو يكلم اللي وراه:خذوه العربيات باللي فيها
،،عمال يزيد هجموا على علي واللي معه وبدت الهوشة،،
فيصل بوجهه المصدوم يطالع اللي يصير صرخ وهو يوقفهم قبل ينفضح هو بعد وتصير مصيبته مصايب:بــس!!!
يزيد طالع فيصل وانصدم من وجوده وبربكة:فيصل
فيصل وهو يدف عمال يزيد عن العربيات:بس بس بس
يزيد وقف عماله وهو يطالع فيصل المعصب
فيصل بعصبية وهو يطالع علي اللي عن يساره:خير خير وش فيه؟!!
علي بابتسامة:أستاذ فيصل
يزيد:اوووص انت مالك كلمة!!
فيصل طالع يزيد اللي عن يمينه:وش فيك متهجم عليهم كذا!!
يزيد:مادفعوا اللي عليهم
علي بصراخ:كذب دفعناه
يزيد بحدة:مادفعوا كامل المبلغ!!وبكرة إدارة السوق ماعندها تفاهم تجر عربياتنا برا السوق
فيصل طالع علي وبحدته:مايصير ياعلي اتفاقنا خمسة آلاف وحنا نتكفل بالإدارة!!
علي: :ابدا!!ماهو بصحيح الإيجار خمسة الإيجار تسعة آلاف ريال
فيصل اتسعت عيونه والتفت يطالع يزيد اللي عن يمينه بصدمة
يزيد انخطف وجهه
علي بحدة:وفوقها لاتاخرنا يوم يقفل العربية ويسحبها باللي فيها مايصير هالكلام مايصير
فيصل تنهد:ياعلي
علي قاطعه:كنا معك تمام التمام وبرضا من جهتنا وجهتك لكن من صار اللي يعقّب(يشيك)وراك هاليزيد وأمورنا مو تمام ابدا يااستاذ فيصل
فيصل طالع يزيد:وش اللي يصير!!وش تسعة!!
يزيد بلعثمة:فيصل تصدقه!!
فيصل:ايه أصدقه وش ردك انت!!
يزيد:اللي حولنا يأخذون منهم عشرة واثنعش وانت خمسة!!
فيصل زفر وهو يكتم غيظه وطالع علي:معليش ياعلي حقك علي امسحها بوجهي
يزيد صرخ:فيصل!!
فيصل عطاه نظره حادة ورجع عينه على علي:ولك علينا ننزل الإيجار من خمسة لثلاثة
يزيد اتسعت عيونه
علي:سلمت يااستاذ فيصل سلمت
فيصل بابتسامة:الله يسلمك قفلوا هالموضوع والله يرزقكم ويرزقنا،،طالع يزيد وهو يهمس من بين اسنانه،،تعال وراااي،،مشى،،
يزيد طالع علي بقهر
علي ابتسم وهو يطالع يزيد من فوق لتحت بسخرية
يزيد طالع عماله وبعصبية:خلاص روحوا بكرة اتصل عليكم
.
..بيت عادل..
،،المقلط،،
ابو غازي دخل للمقلط
رهايف دخلت وراه وسط توترها
ابو غازي جلس
رهايف واقفة وهي تطالعه
ابو غازي قطب جبينه وبنبرة عالية:وش فيك واقفة اجلسي!!!
رهايف جلست قباله وهي مستغربة بعد مااختفى توترها من تصرفات ابوها الغريبة
ابو غازي يطالعها:بنت يارهايف
رهايف:هـلا يبه امرني
ابو غازي:جواد خطبك
رهايف رمشت تستوعب كلامه:هاه!!
ابو غازي:اللي سمعتيه جواد خطبك
رهايف انفجرت تضحك
ابو غازي كشر بوجهه
رهايف بضحكة:بسم الله عليك يبه وش فيك!!
ابو غازي وهو يكتم غيظه:انا ادري بسواتك الشينة يارهايف
رهايف اختفت ضحكتها وتغير وجهها وهي تبلع ريقها
ابو غازي:من الاول متاكد ان هالسالفة من تحت راسك وجواد ماله دخل فيها
رهايف نزلت عينها بالأرض وهي تتفادى نظراته
ابو غازي وهو واضح يكتم عصبيته:ولا ابي اسأل ليش وكيف ومتى لاني ملاحظ الكذبة ومامشت ابد ابد بس ابي طرفها
رهايف وهي تضم يديها تخفي رجفتها:وش كذبته يبه!!
ابو غازي:جواد قال لي كل شي يارهايف كلللل شششييي
رهايف تجمد الدم بعروقها
ابو غازي:احمدي ربك انه حلفني بالله ماالمس شعرة منك
رهايف طالعته وهي مو قادرة حتى تبلع ريقها من الرعب
ابو غازي:ماعلينا من اللي صار علي الحين ابي اسمع رايك
رهايف اخذت نفس:رايي بايش!!
ابو غازي:جواد خطبك مني
رهايف:طيب يبه احنا مملكين!!
ابو غازي:جواد خطبك رسمي يبي يسمع ردك اذا تبينه واذا ماتبينه بيطلق
رهايف اتسعت عيونها وبصدمة:وعادي يبه اتطلق عندك!!
ابو غازي اخذ نفس وهو يذكر وعده لجواد مايضغط عليها ابد:هاذي حياتك وانتي حرة
رهايف سكتت
ابو غازي:وبعدين؟
رهايف:ولاقبلين يبه بالنهاية وين بألقى احسن من ولد عمي
ابو غازي يطالعها بشك
رهايف:وش فيك يبه؟
ابو غازي بتهديد:والله يارهايف ان طلع هاللي تسوينه وحدة من حركاتك اللي تسوينـ
رهايف وقفت وهي تسلم على راس ابوها وبتشديد:يبه انا قلت لك رايي وين بلاقي احسن من ولد عمي
ابو غازي زفر وهو يوقف:الله يوفقك يابنتي الله يوفقك ويكتب لك الخير
رهايف وقفت:يبه وين رايح والعشا
ابو غازي وهو يمشي:وين أتعشى وهو مقلقني اتصالات
رهايف عقدت حواجبها وهي تمشي وراه:مين؟
ابو غازي:من هو يعني!!زوجك
رهايف قشعر جسمها من هالكلمة الغريبة عليها
ابو غازي:انا عند جدك لاتحسبوني بالعشا،،مشى،،
.
يزيد يمشي وراه وبعصبية:ليش نقصت عليه يافيصل ليش؟الكل يتعامل من عشرة وفوق ماغير انت!!
فيصل التفت له وبصراخ:وانا وش علي منهم!!
يزيد بقهر منه:وشلون بتسدد قيمتها وانت بهالغباء!!
فيصل كشر بوجهه
يزيد:اذا بتقعد على هالمبلغ مابتستفيد شي ابد
فيصل بنرفزة منه:وانا ماطلبت منك استشارة!!
يزيد انصدم:نعم!!
فيصل:وبعدين دامك تاخذ من هالمساكين من وراي،،مد يده،،جيب اللي اخذته
يزيد كشر بوجهه:حق تعبي وفرفرتي وراهم!!
فيصل:وجيب فلوسي اللي مخبيهم عندك كلها
يزيد بحدة:انا وابوي واحد
فيصل بحدة:لا مو بواحد وانا تسلفت من ابوك وبنهاية الشهر يعرفني مايعرفك!!
يزيد بتكشيرته:وش قصدك تتهمني بالسرقة!!
فيصل ميل فمه بابتسامة سخرية:اللي على راسه بطحة يتحسسها!!
يزيد اتسعت عيونه:هذا اخر قولك يافيصل!!!
فيصل:محد قلك تلعب من وراي يايزيد وانت خنت الأمانة اللي وصيتك عليها
يزيد بقهر:هذا جزاتي اللي اخاف على مصلحتك
فيصل بحدة:مصلحتي ماتشوه سمعتي وتتصرف من وراي انت بهالطريقة قطعت رزقي وماهي بأول مرة تسويها فيني واعدل وراك!!
يزيد صرخ؛ابي مصلحتك!!
فيصل:وينها هالمصلحة وانت تاخذ ثلاث آلاف ريال شهريًا من كل عربة يعني تسع آلاف ريال ربحك من وراي وش تسمي هالحركة وش!!
يزيد:ماني بمحتاج فلوسك!!
فيصل:جيب اللي اخذته!!وماهي بلس رجع الفلوس لاصحابها يايزيد
يزيد بعناد:مالك ولا شي عندي وهذا تعقيبي وراك تعبي كل ليلة وانا اشوف عربياتك وحالتها
فيصل:حقك بتاخذه كامل ورجع فلوس الناس يايزيد
يزيد:مـالـك ولاشـي عـنـدي،،لف ومشى،،
فيصل لحقه ولكمه:خذ فلوسي كلها حلال عليك لكن حقهم بترجعن وغصبا عنك
يزيد بوسع عيونه:تضربني يافيصل!!
فيصل بصراخ:ايه واكسر راسك بعد
يزيد بصراخ:ترخصني عشان هالـ***
فيصل:احسن منك عالاقل مااخذوا شي ماهو بلهم
يزيد بتهديد وهو كله قهر:والله لاخليك تندم يافيصل والله
فيصل:وش بتسوي يعني تقول لأبوي يالله معي وانا اللي بأقوله بنفسي
يزيد ابتسم:لاااا ماهو ابوك
فيصل كشر بوجهه
يزيد:ابوك بيوقف معك بروح له وهو اللي ينتظر اَي فرصة عشان يلقى وراك شي ويقطعك ووقتها خل علي واللي معه ينفعونك،،مشى،،
.
..بيت الجد نشمي..
جواد واقف على باب بيت جده الكبير رايح جاي ينتظر عمه بتوتر ابتسم وهو يزفر ويطالع عمه اللي متجه له
ابو غازي يمشي متجه لبيت ابوه
جواد اسرع بخطواته لعمه ووقف قباله وهو يسلم على راسه
ابو غازي وقف وبابتسامة:سلمت سلمت،،مشى مكمل طريقه،،
جواد يمشي جنبه وكل شوي يلتفت له
ابو غازي فتح الباب
جواد:ياعم؟
ابو غازي التفت له باستغراب:خير!!
جواد اتسعت عيونه:نسيت!!
ابو غازي قطب جبينه وبنرفزة:يعني لو به علمن شين تجّلى يمك بوجهي!!
جواد:عمي تكفى فكني من سوالف جدي!!
ابو غازي يخاصمه:البنت لك من اول وشو له وين اذنك ياجحا،،دخل وقفل الباب بقوة وراه بوجه جواد،،
جواد ابتسم:يازين هالقفلة والله مثل العسل
.
.........****..........
أم جـلاجـل
.
..السيارة..
مناور يسوق ووجهه كاسيه السواد من الهم اللي هو فيه
ام غيث جالسة بمكان الراكب وهي صادة بوجهها وسط دموعها اللي تهل وفاضحها صوت شهقات اللي يخرج منها بين فترة وفترة
هدية متمددة ورا وهي تتصنع النوم وقلبها موجعها على عمتها وهي تشوف حالتها
مناور ماعاد يتحمل وانفجر بصراخ:على وش تصيحين هاه!!
ام غيث ماردت
مناور:هاذي صنايع يديه ياصيفة وهدية ماعملت شي خطا ولدش الخسيس اللي مابه مروة يمد يده على حريّم ماهو بكفو وتف عليه وسبعين الف تف تكسيه من راْسه لمطاه
ام غيث ماردت وبلغت غبنتها واكتفت دموعها تهل
هدية جلست وبصراخ من غبنتها:وليش ياعم هو ولدها لحالها!!ماهو بولدك معها!!وين غديت عنه يوم فعايله ماتراعى!!تلوم عمتي ذالحين وناسين روحك!!ياسبحان الله والعلوم اللي تهول
مناور وقف بالسيارة والتفت لها وبحدة:انكعمي ولا ورب البيت لا هالشق اللي براسش يصب من اول(يضربها وينفتح جرحها)
هدية:مثل ماتوقع الملامة على عمتي حتى انت ياعم تقع عليك!!وشو له تجازي عمتي بالشين والزين تنساها منه!!هاذي الظليمة والله بعينها
مناور ضربها كف بغبنة:اوجست يمش انكعمي
هدية بعناد ولا عليها:وثمن ياعم تراني ماكبيت غيث عقب سواته غير من شان خاطرها ماتهون دميعاتها على قليبي وهي اللي قامت بس عقب امي وابيي
مناور بغبنة:وانا وين غديت عقب مااوجستي يم الشرطة عنه!!وجهي غدا مثل هالليل اللي سارين به وسط الرجال مابي حيلة اراعيهم وهم يشهدون له
هدية:لاتطش الملامة يمي مير ان الروح وحدة ومن خاف سلِم
مناور حرك وهو يغلي منها:هذا انتن يالحريم حرام بكن الجميلة
هدية:من يعمل الجمايل ويريد من وراها جزا زين يعملها لربه
مناور اتسعت عيونه
هدية وهي تتمدد:ياعمة لاتصيحين بكرة ان شاء الله وهو يمش
.
..بيت بادي..
جسّار وراشد يطالعون يوسف باستغراب من ردة فعله وهو غريب عنهم تماما
سعود قطب جبينه بشك
نشمي شحب وجهه وهو يطالع يوسف بصدمة من اللي قاله
بتال يطالع يوسف وهو مستغرب سؤاله:اَي ولد فاهد!!
الجد بادي يطالعه وسط ملامحه المحتدة وعيونه بتخرج من مكانها:وانت وش خبرك به!!هااااه!!
بتال يطالع جده باستغراب من ردة فعله الحادة وقدام الكل
نشمي فز واقف:يبه يوسف خابرن العلم كله من اوله لتاليه
الجد بادي يطالعهم بشك
نشمي سحب يوسف من يده وبابتسامة:ولد يايوسف راع ولد عمرك راعه
يوسف مثبت عينه على بتال وهو مصدوم ان له اخو وبهالعمر ماكان يحس بوحدة من قبل ابوه وخاله ماتركوه يحس بها ابد لكن شعور ان يكون لك اخ شعور غريب ماقدر يستوعبه وظل يطالعه بجمود ملامح أربكت بتال
بتال توتر من نظراته الغريبة لدرجة شك بنفسه ونزل راْسه يطالع ملابسه عقد حواجبه باستغراب ثم رفع نظره ليوسف وثبته عليه وهو يكشر بوجهه
يوسف انبسط بوجود اخ رغم انه مو محتاج لأخ لكن وجود احد بالحياة يشاركه نفس الاسم سعادة لأول مرة يحس فيها اليوم اخذ نفس وهو يبتسم لجمال هالشعور اللي ملى صدره
بتال اختفت تكشيرته من ابتسامة يوسف وهو