1/2
الـجـزء الـثـانـي والاربـعـيـن،،
لاحول ولاقوة الا بالله العلي العظيم،سبحان الله وبحمده سبحان الله العظيم
.
..........****..........
أم جـلاجــل
.
..قرية عيال عبري..
جسّار يسوق السيارة بسرعة جنونية اتسعت عيونها وهو يشوف المجلس المفتوح قدّامه ومسك فرامل بالسيارة وتردد صوت سحبة الفرامل بالسيارة بالقرية ،،تصميم بيوت قرية عيال عبري مختلف تماما عن ام جـلاجــل اللي حالها مثل حال اي قرية اول ماتدخل للديرة قدامك على طول مشب نار كبير حجمه وعنده كم زولية(سجادة)ملفوفة على بعد مسافة بسيطة عن المشب وزولية وحدة بس مفروشة عنده والبيوت تلف هالمشب بشكل دائري بحيث أبواب الـبيوت تفتح مباشرة على هالمجلس المفتوح،،
جسّار وقف بالسيارة ونزل بهدوء وهو يلتفت حوله مصدوم من الرجال اللي خرجوا من البيوت وهم مصوبين أسلحتهم عليه بتكشيرة معتلية وجيههم رفع صوته وبحدته:انا ابي وادي السيل ماابي شي منكم ولاناوي أذية
ضبعان وقف من ورا نار المشب العالية اللي تاكل بعضها من شدة اشتعالها بظهره المنحني وهو يستند بخطواته ع مركوعه واتجه لجسار وهو يمر من المشب ويوقف قدّامه واستند بيديه هالمركوع وبجلافة صوت وبهيبة تكتسيه:ويوم انك توجس ماانت ناوي اذية وراه دخلت على محارمنا بالقوة!!
جسّار بسرعة:انا ماني من دياركم ولا لي شغل باللي يصير بينكم كل اللي ابيه المسيل ابي الحق على اخوي تكفى طلبتك
ضبعان تنهد وهو يرفع يده ويأشر بمعنى نزلوا السلاح ورجع يده لمكانها وعينه على جسّار:ياولدي لايغرك طواري الديار الشينة ماحنا بمعتدين على احد من غير وجّهْه(حق)ثمن كل ماصب المسيل غدينا يمّه نلحق من نلحق ونصلي عاللي مالحقناه
جسّار زادت نبضات قلبه اكثر وتوتر وهو يسمع كلامه
ضبعان:الحصيلة اليوم اثنين ياولد اثنين والله يلطف بهم ويرحم حالهم،،عطاه ظهره ومشى،،
جسّار مشى وراه بسرعة
ضبعان عدا المشب ووقف والمشب على يمينه بشي بسيط وقدامه على مسافة شخصين ممدين بشكل طولي بنفس الاتجاه وبينهم مسافة كم خطوة ومغطينهم ببطانيات بالكامل
جسّار تباطت انفاسه وهو يطالعهم من بعيد مو واضحة له الوجيه زفر بصوت عالي وهو يحس بجبل فوق صدره كاتم على انفاسه اللي بالقوة يسحبها
ضبعان التفت له عن جنب وهو يطالعه عن طرف:راع اي واحدن اخوك والله يعينك على مصابك ويجبره
جسّار تقدم بخطوات يجرها من زود الثقل اللي يحسه برجوله وهو يسمع صوت انفاسه البطيئة من الخوف يتمنى بتال يكون منهم وبنفس الوقت مايتمناه منهم وهو يشوف هدوء حركتهم اللي ماتدل عالحياة بشكل يخوف وقف عند الشخص الاول وهو ينحني شبه جالس وطالع يد الشخص الممتدة من برا البطانية ومد يده اللي ترجف بشكل واضح حتى يشوف نبضه ورغم انه أعلن عن حالات وفيات قبل لكن هالمرة غير غير ابد وكيف ماتكون غير واحتمال يكون المتوفى اخوه لامس يده وارتعب قلبه وهو مايحس اي نبض ابد رفع يده بسرعة وسحب البطانية عن وجهه بسرعة برعب نزل راسه بين رجوله براحة وهو متطمن انه ماهو ببتال بلع غصته ثم رفع راسه وهو ياخذ نفس وغطى المتوفي قدّامه ووقف وعينه مثبتة عالشخص الثاني الممتد قدّامه بكم خطوة شد ع قبضته وهو يحس بالتوتر والخوف اهلكه وكبره سنين مشى وهو يجر خطواته ويستعد للتجربة من جديد وقف عند هالشخص وانحنى شبه جالس عند راسه وعقد حواجبه وهو يشوف طرف شعره واضح سحب البطانية عن وجهه بخوف وانقبض قلبه وهو يشوفه ورفع البطانية وهو بنفس وضعه ورماها بكل قوته بعيد وهو يمسك يده يفحص نبضه وسط رجفته الواضحة لكل اللي حوله زفر وهو يجلس عالارض ماتحمل يظل شبه جالس من اللي مر فيه دخل يده داخل كم ثوبه وهو يطالعه بعيون امتلت دموع ومدها وهو يمسح الطين اللي على وجه اللي قدامه بطرف ثوبه وسط دموعه اللي طاحت وزفر:اااه يابتال!!،،واستمر بمسح الطين عن وجهه وسط دموعه اللي يبلعها وهو يحمد ربه بينه وبين نفسه على سلامته،،
بتال بوجه مو واضحة ملامحه مغطيه الطين كله مرتمي عالارض بهدوء حركة غريبة عليه ومغطى ببطانيات فوقه حتى تدفيه
ضبعان من وراه ابتسم:ماتوقعته خيّك(اخوك)توقعته المتوفي الله يصبر اهله الحمدلله على سلامته قرت عينك به الصحيح ماأحويلنا شين ابد لامستاصف ولاغيره والخط مايعاون بعد الغيث وأوجسنا الصبح نفزع به ومن اصبح افلح
جسّار ماانتبه للي يقوله الرجال او بالاصح مااهتم ابد للي ينقال كل عينه على بتال مو مصدق انه لقاه وحي بعد
فارس دخل وهو يدف ناصر قدّامه بطرف سلاحه
ناصر يمشي قدّامه بهدوء وعينه بالارض
فارس بحدة:امش امش!،،دفه بقوة برجله،،الخوان خوان
ناصر تقدم بخطواته ووقف ورا ضبعان
ضبعان التفت لمصدر الصوت وطالع ناصر واختفت ابتسامته وبحدة:وش غادي به يمنا يافارس!!
فارس بغبنة:هالخسيس غادي ومعه،،انتبه لجسار ومشى له بخطوات سريعة وهو يوقف عنده ويشوته برجله بكل قوته،،
جسّار ماانتبه لهم ولاهموه ابد ماحس الا بالضربة ع جنبه وانخطف وجهه من قوة الالم وهو يحط يديه ع مكان الضربة
فارس بصراخ وسط غبنته:وهالخسيس اللي غدا يم الديرة رفيقن له
.
..........****..........
..بيت عادل..
،،الصالة،،
امجاد جالسة قبال ابوها تقهويه وهي متوترة بعد اللي سمعته
رهايف جالسة وهي تطالع ابوها تنتظر تفسير منه
ابو غازي يتقهوى بهدوء
امجاد بخوف:يبه اللي قلته صدق؟؟ماراح نشوف بتال ابدًا؟!
ابو غازي مارد
رهايف بنرفزة:يبه رد علينا صدق راح يحرمنا ذا الشايب من بتال؟!
ابو غازي نزل فنجاله:صدق يارهايف صدق
رهايف بعصبية:مو بكيفه!!بتال اخونا وش يحرمنا منه!!وبعدين بتال عقله براسه محد له كلمة عليه!!هو يقرر من يقابل ومن يترك!!
ابو غازي بهدوء:رهايف بتال وضعه غير بتال كان أمانة عندنا والحين جا جده وبياخذه معه
رهايف وقفت وبعصبية:مو على كيفه!!لعبة هو يتركه متى مايبي ويأخذه متى ما روق!!وبعدين يبه انت ليش ساكت له؟!!
امجاد بنرفزة وغيظ تكتمه:ليش يبه رميت الخبر لامي وكأنك تبيها تتصرف مكانك ليش؟!!
ابو غازي بهدوء:امك هي اللي بتقدر على بادي وهي اللي عاشت مع ام بتال باخر أيامها ووصية امه كانت يتربى مع اهل امه ومحد يربيه من أهل ابوه
>
>
..بيت عادل المتواضع..
،،جميلة عازمة نشمي وعياله بعوايلهم عالقهوة عندها،،
نشمي باستغراب من وجود مسفر بنفس المكان معهم ماعدا زامل برا:عسى ماشر يابنيتي عسى مابش خلاف اليوم
جميلة بوجه مكتسيه التعب وهي متنقبة لوجود مسفر:ياعم انا مليمتكم(جامعتكم)الليلة حتى تشهدون ،،الكل يطالعها باستغراب،،
عادل متربع وبحضنه بتّال صاحب الثلاث سنوات وغازي متكي ع طرف رجله قطب جبينه:خير ياجميلة؟عسى مابه صريمة؟!!
جميلة طالعت عادل بنظرة قاسية كلها كره ولاردت عليه
عادل ارتفعت حواجبه بصدمة منها هي تغيرت عليه بعد سالفة حرق عذبة اللي سببتها بس هو ماله ذنب باللي صار بينهم لكن من ذيك الليلة جميلة تغيرت وكأنها قطعت علاقتها فيه للأبد
جميلة وعينها على نشمي:كود غدا يوم وأصبح صبحكم وانا مالي حس وسطكم عليكم وجه الله وبالله هالحشاشة(تقصد بتّال)مايربى بينكم
،،الكل انصعق من طلبها،،
وسمية جالسة وبحضنها جسّار بزاوية الغرفة وتحديد عند الباب طالعتها مصدومة اكثر من الكل
عادل اهتز قلبه من فجعته وهو يسمع طلبها
نشمي:استغفر الله وش هالعلوم!!وثمن محد مربي ولدش غيرش يامرة كبي هالعلوم عنش!!
جميلة بحدة:مااريده يربى بينكم ولا يربى بيدين عادل ابد
عادل بردت عظامه وهو يطالعها بصدمة:ليش!!وش اعمل به حتى ماتريديني أربيه!!
جميلة طالعته وبحضنها:مااريد لامن كبر وراعيته عملت به شين لأجل انه ابوه فاهد مثل ماعمل بي فاهد كل ماراعني!!
عادل بكسرة قلبه:انا غديت مثل فاهد عندش ياجميلة!!
جميلة طالعت نشمي ولااهتمت لكلام عادل ابد:أوحني ياعم نشمي كود غدا مثل مااوجست وليدي يربى يم اهلي ولاتخبرون يمه درب
نشمي:استغفر الله حرام عليش تمنعينا منه ياجميلة
جميلة:عند ربي أنشدك عن أمانتي
نشمي فز بفجعة:اعوذ بالله
عادل قوم بتّال عن حضنه ودفها لها
بتّال اتجه لامه وجلس على رجولها
جميلة ماضمته لها ابدا وظلت تطالع عادل مستغربة حركته وهو يموت على بتّال اكثر من كل عياله
عادل بحدة وغصة ملت قلبه بخيبة من عدم ثقتها فيه وأخفاها عن الكل:تم ياجميلة تم
جميلة طالعته بتكشيرة
عادل:اعاهدش بالله قدام نفسي وثمن قدامهم بتّال يربى يم اهلش ومايخبر دربن يمنا وانا اللي باغدي به يمهم
جميلة برسمية:راعي جمايل وخيرك مغطيها الضعوف قبلنا ماقصرت عساها بميزانك عند ربك
عادل بهدوء وهو يتقبل طعناتها:وكود اهلش عيّوا عنه وعجزت بهم لاياخذونه معهم اغـ
جميلة قاطعته بسرعة:مالك به بـد!!
عادل شد قبضتيه وهو يكتم حسرته:يم من اغدي به؟
جميلة:تغدي به يم ام غازي ياعادل
وسمية انصدمت
عادل طالع وسمية:تريدين يربى عندش ياأم غازي؟
وسمية سكتت مصدومة وكل الأنظار عليها
جميلة تطالعها تنتظر ردها
وسمية بدموع ملت عيونها وهي اخيرا احد ياخذ رايها بشي:لامااريده!!ولااريد له شوف ببيتي
،،الكل يطالعها بصدمة،،
جميلة ابتسمت بهدوء عكس الكل وهي تسمع ردها
عادل طالع جميلة:وعيت عنه ام غازي وين اغدي به؟
جميلة:طشه بام جـلاجــل بياخذونه اهلها محدن كابه(تاركه)يدوج(يدور او يهيم على وجهه)وسط الديرة بليّا احدن معه
وسمية بغبنة منها:وشلون تطشينه وهو مايعرف يعمل شين بروحه
جميلة بهدوء:هماش ماتريدينه!!كود يراعيه ابوي ويرحم هالضعيف!!
وسمية بغبنة منها:هالولد ماعاد بولدش من دخل بيتي وشلون تغدين به وتطشينه يم أبوس اللي مارحمش وانتي بنيته!!
جميلة ابتسمت: وليدي أمانتي عندش كود عيا ابوي عنه واعملي به ماتريدين اخبرش وأخبر قليبش مايخبر القساة ولايخبر يمها درب
وسمية وقفت وهي شايلة جسّار وببكاها:اجل اوحي العلم وشهودش يوحونه كود ابوش عيّا عنه فاني باخذه واحطه ببيتي مير والله لأخذ قهري منكم منه لأرد كل غبنة ومر بحياتي به وأعلمكم ان الله حق،،مشت عنهم،،
>
>
ابو غازي يتقهوى ساكت
رهايف طالعت هدوء ابوها وحست بغبنة وقهر ومشت طالعة الدرج لغرفتها
امجاد بتوتر:يبه مابتروح لامي وتهديها وتتفاهم مع جد بتّال يمكن يسمع لك؟
ابو غازي:محد له كلمة على امك لاصار الموضوع يخص عيالها
.
..بيت الشعر..
ام غازي بحدة:وش تبي منا ياابو نشمي؟
الجد بادي التفت يطالعها وبهدوء:جاي اخذ الأمانة اللي موصى عليها والشرط مالكم به بد!!
ام غازي بنفس الحدة:والأمانة تنازلت عنها من سنين وغدت يمي ومن نصيبي!!
الجد بادي:وجزاش الله خيرن على خير ورايتش بيضا ماقصرتي مير انا الحين غادين اخذه واراعيه على عيني
ام غازي:مالك به بد!!ذالحين توالي العمر طرت عليك الأمانة!!عقب وش!!عقب ماربيت وتعبت وشقيت به!!عقب ماغدا من اصابع يديني وعروق قلبي!!غادين تاخذه!!معصي ماتاخذه لو على رقبتي!!
الجد بادي اتسعت عيونه منها:اعقبي!!تعصّيني يامرة!!
ام غازي بصراخ:تاخذ ولدي وتقطعني منه وتريدني اضحك لك!!لا لا ماهو انا اللي احدن يتل وليدي من عويناتي واسكت عنه!!
الجد بادي بعصبية:الولد مالش به وكود تريدين جزية عن عملتش باليتيم اطلبي وابشري ياوسمية!!
ام غازي بعصبية:ماابي جزا عن شي جزاي هو ولدي يظلي على مراعاتي وعلى مااريد!! رهايف دخلت وهي لابسة عبايتها وبوسط انفاسها من ورا امها وبعصبية:هيه انت!!كنت جد بتّال ولا ابوه مايهمني!!مالك حق تحرمه من اهله وهو حر يختار اللي يبيه ويسويه واذا سويت اللي براسك انا باشتكيك للشرطة!!
الجد نشمي بحدة:رهايف انكعمي وبلا!!!
رهايف فزت وتخبت ورا امها:بتّال حر يسوي اللي يبيه هو محد يجبره على شي مايبيه!!
الجد بادي قطب جبينه وهو كله غضب
ام غازي بتحدي:مثل ماسمعتوها كان احرمتوني منه باشتكيكم كلكم لكن ماهو للشرطة للمحكمة!!
الجد بادي يطالعها بغضب
الجد نشمي بصدمة منها:انهبلتي ياوسمية!!
الجد بادي بغضب:تم ماني بمانعش عنه مثل ماتريدين
رهايف ابتسمت بفرحة
ام غازي قطبت جبينها من موافقته مستغربة
الجد بادي:مير على شرط
ام غازي بتكشيرة:اللي هو؟
الجد بادي:لاخلص الولد من العشة اللي تريدها امه يحق لش تراعينه متى مابغيتي وش قولش؟
عذبة تضايقت من شرطه خصوصا وان هالعشة هي مكان اللقى بين عادل وجميلة
ام غازي اخذت نفس وهي تكره هالعشة:تم مير مايحق لك بعدها تمنعني عنه
الجد بادي بابتسامة:عهدن ماامنعه منش ابد،،وقف،،غدينا ياسعود قضينا مانزلنا لاجله
سعود جالس وهو يطالع الارض بتفكير وهو شاد قبضتيه متردد
الجد بادي دخل قلبه الخوف وبتشديد على كلامه:غدينا ياسعود!!
سعود اخذ نفس وطالع راشد اللي جالس قباله:مااريد اغدي مكان قبل اتخبّر اخوي
الجد بادي اتسعت عيونه وبحدة:وش توجس ياولد!!!
..........****..........
..قرية عيال عبري..
ضبعان امتلى وجهه غضب وهو يطالع ناصر:هالرجل معك صحيح؟؟
ناصر سكت
فارس بغبنة:اي بالله معه ياجد واكيد انه خسيس مثله!!ماراعيت وشلون غدا يم الديرة ماحشم اَهلها!!
ضبعان رفع يده لفارس يسكته
فارس سكت وهو يغلي
ضبعان بحدة:ولد ياناصر
ناصر بهدوء:سم ياعم
ضبعان:ارعيت بك شين ماهو باهل هالديرة القشرا أوجس يمي الصحيح هالرجل منكم؟!! فارس بغبنة:توحي له ياجد توحي له عقب ماعملوا بنا!!عقب ماعمل هو بنا!!
ضبعان بحدة:انكعم يافارس انكعم!!
فارس بغبنة:ماني بمنكعم وانا ارعيك ترخي له مسمعك(يسمع منه)!!
ضبعان صرخ:فااارررس!!!
فارس بنفس عصبيته وغبنته:كود نسيت ماعملوا بنا مانسيت!!
ضبعان بتهديد:هالنوبة ان أوحيت حسّن(صوت)منك قصيت عمرك يافارس!!
فارس عض شفته بقهر وسط عدم رضا بقية الموجودين مثل فارس وهم يطالعونهم بسكوت
ضبعان طالع ناصر وبهدوء:ناصر
ناصر:سم ياعم
ضبعان:ماني بناشدن راعي الشينة بأنشد راعي الجميلة
فارس قطب جبينه ماهو فاهم
ضبعان:ابنشد ناصر اللي مااحترى جزية عن فعوله ماهو بناصر ولد ام جـلاجــل
>
>
قبل اربع سنوات
>
>
ناصر يسوق بسيارته وهو يتثاوب خارج من الديرة يوصل ملفات لمستشفى المحافظة ويرجع للمستوصف اللي به دوامه قبل الدوام خارج قبل صلاة الفجر حتى يوصل بدري ويسلمها لاي احد من الموظفين عقد حواجبه وهو يشوف على نهاية نور السيارة على الطريق بغير مصدوم هدا سرعته وهو يوقف بسيارته قبال هالبعير نزل وهو يوقف عند البعير وانحنى شبه جالس وهو يتفحص البعير بعيونه تلفت حوله باستغراب وهو مايشوف اثر لسيارة وبشك واستبعاد للفكرة اللي بباله مشى على جنب الطريق ولا لمح شي تنهد براحة طالع البعير بورطة وشلون يسحبه عن الطريق وهو مامعه شي زفر وهو كل اللي بيده يبلغ المركز اللي بالمحافظة رجع وركب للسيارة وكمل طريقه ومسك فرامل وهو يطالعه ويسمي ويتعوذ من الشيطان قطب جبينه وهو يطالعه يستند عالمركوع ويجر خطواته وهو يغطي وجهه الدم نزل بسرعة:عسى ماشر ياعم
ضبعان وهو يمسك يده وبرجفة من المه:افزع ياولدي يم الصبي لايقضي يم ابوه تكفى
ناصر:ابشر ابشر
ضبعان جلس وهو ياشر بيده للجهة المعاكسة لطريق ناصر وهو يكتم المه وسط انفاسه المتعبة:ارعه عقب البعير بمد(بمسافة)
ناصر:ابشر ابشر
،،المستشفى،،
ضبعان صحى بعد فترة من وصوله للمستشفى وبعد ماتطمن على حفيده فارس سأل عن اللي وصله وبلغوه انه مشى بعد ماتطمن عليهم
>
>
ضبعان:ناصر هالرجل منكم؟
ناصر:لا ياعم ماهو من اهلها لاهو ولا اخوه
ضبعان تنهد والتفت لجسار
جسّار ماسك مكان الضربة وهو للحين دايخ من المه
ضبعان:ياولد خذ خيك واغدا عن ديارنا الله يسهل عليكم
فارس:ياجد!!!
جسّار طالعهم بتقطيبة جبينه ماهو فاهم هالكره اللي بينهم لبعض:وناصر؟
ضبعان:مالك بـد به
ناصر نزل راسه وهو راضي باللي يصير له بدون اعتراض
جسّار كشّر بوجهه وهو يميل فمه
346
.
~
فارس بعصبية:وذالحين يغدي يمهم ويلعمهم العلم ويغدون يمنا بشرهم ماهو بغريبن عنهم!!
جسّار وقف:ياعم مااظنك ترضى ترد الجميل لخويك بهالطريقة؟
ضبعان طالعه وهو يخفي تردده عنهم
فارس بحدة وهو يطالعه:انكعم لاتكلموا القوم مايدخلون الغرب
جسّار بابتسامة:عشت والله بيض الله وجهك تكرم ضيفك كذا!!
ضبعان بحدة وهو يطالع فارس:ماودي يحصل شين مايسرك!!
فارس سكت بغبنة وهو مستحيل يطول بسكوته
ضبعان طالع جسّار:خذ اخوك واغدا لاتدخل بأمورن مالكم بها
جسّار بإصرار:وناصر؟
فارس انفجر:كود تريده يغدي معك تحضّر راس الصرايم واخوها مكانه!!
جسّار قطب جبينه مو فاهم عن مين يتكلم
ناصر بحدة:اوجست لكم سعود واخته مالهم ذنب وانت لو انك بمحله عملت هاللون وأردى!!
فارس:اعقب!!ماهو بانت اللي تعلمني باللي اعمله!!حق اخوي مايروح عنكم يااهل ام جـلاجــل لو تنطبق السما على الارض!!
ناصر وهو يمرر نظره عليهم:كل أبوكم خابرين ماعمل سعود وأخته بغيث!!
فارس بصراخ:وانا باسلم على راسه واتجزاه بالخير وهو قا،،ماحس الا بضربه ع قفاه خلته يسكت،،
ضبعان بحدة:اوجست انكعم!!،،طالع جسّار وبنفس الحدة،،كود ماتريد تغدي الحين مامن غدية لك ابد!!
جسّار اخذ نفس:باخرج ياعم باخرج الشكوى لله،،انحنى وهو يحاول يشيل بتال على ظهره وبعد ماشاله على ظهره وكتم الام جنبه ومشى وهو يمر من عندهم وبعد كم خطوة عنهم وقف والتفت لضبعان،،ياعم وناصر،،وبتكرار لنفس جملته قاصد،،والله مااقدر اترك راعي الجميلة
ضبعان كشّر بوجهه:خذ ماتحرز(تقدر)عليه انت مرتن وحدة
جسّار طالعه وهو يرفع بتال على ظهره زين:وعـــد؟
ضبعان قطب جبينه من سؤاله
جسّار مرر نظره عالموجودين وبتقليد لهم:اوحيتوه؟،،طالع فارس وبتكشيرة،،سمعت وش قال جدك؟
ضبعان:كلمتي ماتثنى يارجل!!
جسّار رجع طريقه لعندهم ووقف قبال ضبعان بمسافة وبنفس الوقت صار عن يمينه ناصر ويساره بمسافة فارس:لاوصلت عند السيارة مالك كلمة علي وكلمتك ماتثنى؟
ضبعان بحدة وهو يشوفه يشكك بكلامه:كل القوم شهودن علي!!
جسّار التفت لناصر كله وجهه بوجه ناصر وهمس:تعلق
ناصر عقد حواجبه
جسّار من بين اسنانه وبنرفزة:بسرعة ترا شايل ادمي تخدرت يديني من ثقله!!
ناصر يطالعه مو عارف كيف يتعلق فيه واخيرا ناصر حاوط رقبة جسّار بيد وكتف بتال بيده الثانية وهو يثبت بتال على ظهر جسّار وتعلق برجوله بوسط جسّار
ضبعان انصدم وهو يشوف اشكالهم والكل مثله
جسّار انخطف وجهه ونزل شوي من قوة الأوزان اللي شايلها ولف بصعوبة وخطوات بطيئة
فارس عض شفته بقهر وهو يشوف ناصر بيخرج من قريتهم
جسّار وهو يرفع نفسه ويسند طوله والسيارة قدّامه اخذ نفس وجرى وهو يصرخ من الثقل اللي مو قادر يتحمله
ضبعان انفجر يضحك
جسّار طاح فيهم قدام السيارة بكم خطوة وماعاد فيه حيل ابدا وهو يتالم بصوت:اااه اااه
ضبعان بضحكته:انشهد انك صاين الجميلة صدق اغدا برفيقك ياولد مسموح
...........****..........
..بيت الشعر..
،،عايلة بادي كلها مجتمعة،،
الجد بادي بحدة وهو يطالع سعود اللي قباله:وش هاللي اوحيته ياسعود؟
سعود بعناده:اوجسته من اول اريد اتخبّر اخوي!!
عباير وبخوت وحلايا جالسات عن يسار بادي ساكتات وهم يشوفون الجو المشحون
الجد بادي بصراخ:خوت عليك بقعا!!وش اخو اللي تطارد وراه عقب هالعمر!!
سعود:العازة وكسرت الذراع ياجد رصتني(حدتني)عالعضيد اللي ماتريده
الجد بادي:عشت بلياه وبتقضي الباقي بلياه!!
سعود بحدة وهو يشد ع قبضتيه:ولاجاروا علي وانا بينهم ياجدي؟!!وش الحيلة؟وش الدبرة؟
الجد بادي:وانا وين غديت عنك ياسعود!!
سعود:ماغديت محل ابد مير انه اخوي ووصلة ابوي ومحدن بيرد الصرايم معي غيره!!
الجد بادي بغبنة:هذا اخر قولك؟
سعود سكت وهو يطالع جده
الجد بادي طالع بخوت وعباير اللي عن يساره وبحدته:وانتن؟!!
بخوت فزت من حدته وسكتت
عباير:اللي يريده سعود
الجد بادي عض شفته بغبنة وهو يطالع بخوت
بخوت نزلت عينها وهي تتجنب نظراته
الجد بادي وقف وبغبنة:اجل آخرتها غديتوا عيالن لمتعب ماانتم عيالن لزاهية!!
عباير حزت بخاطرها الكلمة ونزلت نظرها للأرض
سعود وقف:حنا عيالن لمتعب وزاهية مابها هروجن وأقوال ياجد
الجد بادي ضحك بقهر:ايه ايه صحيح والمريّة بدّيتوا(فضلتوا)اخوكم اللي تو تخبرونه على جدكم!!
سعود زفر بضيقته:ياجد لاتوجس هاللون
الجد بادي رفع يده يسكته:احتريكم بالموتر لاتخبرتم اخوكم،،خرج،،
سعود طالع خواته بتردد وهو حاز بخاطره يكسر جده بهالشكل
عباير وعينها بالارض:كود ان هالخي(الاخو)يستاهل نزعل جدي لخويطره!!
.
الجد بادي وهو يمشي باستعجال وكله غبنة وقف وهو يسمعه يناديه
الجد نشمي من وراه:بادي ولد يابادي
الجد بادي وقف والتفت له وبغبنة:خير وانت مايعقبني وراك خير حتى عيال زاهية كبوني عشان ولدكم!!
الجد نشمي زفر:خاف الله يابادي بهالعييل مالهم حيلة باللي غدا بهم من ورا روسنا!!
الجد بادي بجرح قلبه:وانا من يرد لي عييلي يانشمي!!وانت عييلك يتكافنونك(يحيطونك)من يمينك ويسراك!!
الجد نشمي تنهد:اوجس ماتريد ويحق لك هذاني بأوحي لك يابادي
الجد بادي بعتاب:وش عقبه يانشمي وش عقبه!!
الجد نشمي:ابشر ابشر عليم الله اوجستها يمك كثير ابشر مير ماأوحيتني ابد
الجد بادي وهو يبلع غصته:ابطيت يانشمي ابطيت ذاك البطا اللي ماوراه!!احتريتك بكبار الصرايم وتلفت يمين ويسار اوجست بخويطري مسموح يانشمي مسموح كودك ظهرت وشديت ظهري بهالصرايم اللي تجلت مير ماارعيت لك اثر غير مقعدك قبالي مابه احد يشكي بطاك!!،،عطاه ظهره ومشى،،
نـاديـت لـك يـاخـوي الـروح يـامـن هـلـي..
يـوم الـمـشـاعـر بـلـجـات الـهـمـوم إخـصـمـا..
يـانـشـمـي الـنـار بـضـلـوعـي سـنـاهـا جـلـي..
ولابـقـى مـن شـقـى فـي جـدبـها مـانـمـى..
الـغـالـي الـلـي عـلـى عـرش الـغـلا مـعـتـلـي..
عـرش الـسـمـو مـالـه إلا الـلـي بـطـيـبـه سـمـا..
قـلّـه بـصـدري سـحـابـة ضـيـق مـاتـنـجـلـي..
إلا بـشـوفـة خـلـي الـبـال عـذب الـلـمـى..
.
.
.
<اللهم صل وسلم على نبينا محمد>
.
.
.
أميرالز and أزميرالد like this.
لامارا غير متواجد حالياً رد مع اقتباس
قديم 24-07-20, 04:49 PM #45
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـثـالـث والاربـعـيـن،،
سبحانك اللهم وبحمدك استغفرك وأتوب اليك
.
.
..بيت نشمي..
،،غرفة عذبة،،
عذبة جالسة ع طرف السرير وهي تطالع راشد ساكتة
راشد واقف وهو متكي بظهره عالباب متكتف يطالع امه ساكت ينتظرها تتكلم
عذبة بتوترها من ردة فعله:ياكم مرة حاولت اقولك وخفت ياراشد خفت وبالحيل بعد
راشد باستغراب:تخافين!!مني انا؟!!
عذبة:ماخفت منك انت ياراشد ابد لكن خفت تتركني وراك
راشد باستغراب مو فاهم:وش هالكلام يمه؟!!
عذبة:كل مااشوفك تطارد ورا عيال خالك وعيونك تتمنى الإخوان قلبي يفز اخاف تدري عنهم وتتركني اذا عرفتهم ومالي الحق امنعك عن اخوانك دامك تبيهم
راشد ضحك
عذبة قطبت جبينها من ضحكته:وش فيك تضحك!!طول
اقولك وخفت ياراشد خفت وبالحيل بعد
راشد باستغراب:تخافين!!مني انا؟!!
عذبة:ماخفت منك انت ياراشد ابد لكن خفت تتركني وراك
راشد باستغراب مو فاهم:وش هالكلام يمه؟!!
عذبة:كل مااشوفك تطارد ورا عيال خالك وعيونك تتمنى الإخوان قلبي يفز اخاف تدري عنهم وتتركني اذا عرفتهم ومالي الحق امنعك عن اخوانك دامك تبيهم
راشد ضحك
عذبة قطبت جبينها من ضحكته:وش فيك تضحك!!طول عمرك وانت تتمناهم وميت على اخوان ولا نسيت!!
راشد زفر:يمه الله يهديك ويعني اذا بغيت اخوان!!هذا شي مايعني ابد اني افضل احد عليك!!
عذبة تطالعه بهدوء وسط زحمة افكارها
راشد تقدم لعندها وباس راسها وهو يجلس جنبها ومسك يديها:يمه كل شي يتعوض الا الام والأب يمه وانا عشت وانا اشوفك امي وأبوي كل دنيتي وحتى لو تمنيت اخوان هذا مايعني ابد اني ابدلك باحد ثاني ياروح راشد
عذبة:راشد يايمه
راشد قاطعها:يمه
عذبة سكتت وهي تطالعه
راشد:الصدق ماتوقعتك تغارين
عذبة انصدمت ووضح عليها:أغار؟!!
راشد وهو يتربع عالسرير:يعني ماتوقعت اني لهالدرجة مهم!!مهم لحد الغيرة!!
عذبة وهي تماشي سماجته:ايه وبعدين؟
راشد:عشان كذا يمه ابي ادور لك عريس
عذبة:نــعــم!!!
راشد:يصونك ويدلعك قدامي عشان احس بالغيرة وافهم هالشعور
عذبة دفته من على كتفه بشويش:قم قم اطلع برا قم
راشد وهو يضحك بمكانه:ليش يمه!!اصارحك انا ليش الزعل بس
عذبة تدفه:اطلع اطلع بس
راشد وقف:افا!!اثاريك مستعجلة!!ابشري الحين ادور العريس بس مثل ماتعرفين يمه مااقدر اعطيك اي احد انتي غالية عندي كثير
عذبة وقفت ومشت له وسط خجلها وهي ترفع يديها بتضربه:ياقليل الحيا
راشد رجع بخطواته مبتعد عنها وهو ماد يديه قدّامه ويضحك:يمه اضحك معك ليش زعلتي!!لايكون تبين عريس صدق!!،،انفجر يضحك،، عذبة تضربه وهي تطالعه بتكشيرة:مالحقت خير بعد ماذلفت مع عيال خالك يارشود!!
...........****..........
~بالسيارة~
ناصر يسوق
جسّار جالس ورا بين المقعدتين وهو يطالعه بقلق وكل شوي يفحص نبضه
بتال متمدد عالمقعدة اللي ورا ع جنبه بدون حركة
ناصر:الحمدلله على سلامته وقدامه العافية
جسّار بهمس وبدون لايطالعه:الله يسلمك
ناصر:دام المطر وقف ماكمل لنص الليلة فان شاء الله نفزع به الصبح بلكن السيول اللي بالخط خافة
جسّار ساكت ماتكلم
ناصر:مشكور على معاملته معي ماقصرت بيض الله وجهك
جسّار زفر:مايحتاج هالكلام ماسويت شي ماقصرت معي بالاول ولقيت اخوي كثر الله خيرك
ناصر بتردده:مير انه اللي حصل بهاك الديرة
جسّار قاطعه:مايهمني
ناصر انصدم
جسّار:ولا لي دخل فيه شي بينكم ولاابي اعرفه او حتى مهتم بمعرفته كل اللي يهمني الحين بتال بتال وبس
...........****..........
..بيت عادل..
ام غازي جالسة قباله ساكتة
ابو غازي طالعها:وسمية
ام غازي وهي تمد يدها عالحلا وبدون لاتطالعه:مايقدر يمنعنا عنه ياعادل
ابو غازي:مير إنش خابرة
ام غازي قاطعته:انت خابر العشة
ابو غازي تغيّر وجهه
ام غازي:شرط بتال يبنيها من جديد
ابو غازي اعتدل بجلسته:مامنها رجا!!عقب سواة فاهد بها!!
ام غازي كشرت بوجهها:وهذا اللي مشقيك(شاغلك)!!
ابو غازي تنحنح:ماقصدت ياوسمية انتي خابرة المغزى
ام غازي هزت راسها بايه وسط ابتسامة وهي ماتطالعه
ابو غازي مد طرف سبابته اليمين وهو يلمس طرف ركبتها:وسمية!!
ام غازي سحبت نفسها لورا شوي وهي تسحب صحنها وقهوتها ولاتطالعه
ابو غازي:يابنت الحلال انتي خابرة القليب وعـ
امجاد دخلت عندهم وقاطعتهم:يمه عشا جدي وجدتي خلص
ابو غازي زفر بضيق وهو وده يخلص كلامه
ام غازي:قولي لرهايف توديه لهم
امجاد:يمه رهايف راحت لبيت عمي
ام غازي باستغراب:ليش!!
امجاد بربكة:عمتي تقول تبيها بشغلة ضروري
ابو غازي مو عاجبه روحاتها الكثيرة وبتهديد:امجاد قولي لأختك لابغت تروح مرة ثانية لبيت عنك تكلمني بالاول احسن لها ولك معها
ام غازي:روحي وانا امك ودي عشا جدك روحي
.
..بيت الشعر..
راشد دخل للبيت ووقف ع بداية المجلس وهو يتنحنح ومنزل عينه بالارض:السلام عليكم
سعود جالس على يمين المجلس عن يمينه بخوت وحلايا جنبها وعن يساره عباير وقف وهو يتبسم:وعليكم السلام والرحمة حياك حياك اقلط
وقفوا البنات بلحظة ماوقف سعود
راشد دخل وهو يحس بحرارة ملت أطرافه من زود إحراجه وعينه عالارض وقف قبال سعود بمسافة
سعود ابتسم وهو يطالع راشد ويمد يده على بخوت:هاذي اكبر خواتك بخوت
بخوت تسارعت انفاسها مرعوبة من دخل عليهم وتخفي رجفتها اللي واضحة لحلايا وعباير ونساها سعود من فرحته باخوه
راشد مارفع عينه وهو يحس بنبضات قلبه تزيد بسرعته
سعود مد يده وسحبه يقربه منهم
راشد تقدم مع سحبة سعود واخذ نفس وهو يرفع عينه لها ومد يده بتوتره
بخوت ماعاد قدرت توقف وجلست وهي وجهها ينقلب لسواد من خوفها
راشد انخطف وجهه وهو يشوف ردة فعلها ورجع بخطواته لورا مفجوع منها
سعود تذكرها وانصدم وجلس عندها بخوفه:بخوت!!
حلايا تطالعهم بوجهها المقلوب وهي تحبس دموعها
عباير وقفت بين راشد وسعود وبخوت وصارت مغطية عليهم مدت يدها:انا عباير اختك الصغيرة
راشد للحين بربكته يطالعها مو مستوعب اللي يصير
عباير مدت يدها اكثر له وبتكشيرة:لايعمن عويناتك قصري ترا لساني يغطي الديرة كل ابوها
راشد صافحها وهو مايدري وش يقول او وش يسوي:وانا راشد
عباير وهي ماسكة يده للحين:خابرة اوجسه يمنا سعود مثل مااوحيت انا عباير وهالوغيدة حلايا زينة بيتنا وهاللي متروعة بخوت مير لاتروع منها هاذي وخيتك بها روعة من الرجال اصبر عليها لامن إتعودك
راشد هز راسه بايه
عباير شدت على يده وبعصبية:علامك منكعم!!
راشد فز بصدمة من عصبيتها فجاة
عباير:اوجس لك عباير
راشد:والنعم والسبعة انعام
عباير تركت يده وهي تميل فمها وتتكتف:ايه ايه اشوا مير انك لاتغدي إتروع مثلها!!ونبلش بك بعد!!
راشد يطالعها مصدوم من اسلوبها وهو ساكت
عباير رفعت طرحتها على راسها وطالعت سعود:احتريكم يم جدي اعجلوا علينا لاتبطون،،طالعت راشد،،وانت لاغديت يم الديرة اتخبرك زين فمان الله،،مشت،،
.
رهايف بعبايتها الكتف ومتلثمة متجهة لبيت عمها وهي تتحلطم وتدعي عليه بينها وبين نفسها شايلة حافظة بين يديها انتبهت لجدها اللي يمشي لجهتها وهو يطالعها بنظرات حادة ماشافتها منه من زمان بلعت ريقها وهي تكمل طريقها تسترجع بينها وبين نفسها وش سوت
الجد نشمي بحدة:رهايف
رهايف أسرعت بخطواتها لبيت عمها
الجد نشمي:إقفي!!
رهايف جرت
الجد نشمي جرى:اعقبي اقلش اقفي!!
رهايف كانت متجهة لباب البيت الرئيسي لبيت عمها لكن غيرت رايها وهي تتجه للباب الخلفي لبيت عمها اللي مفتوح عادةً
الجد هدت خطواته وهو يجري وراها:ان ماوقفتي ماهو باحسن لعمرش
رهايف زادت سرعتها ودخلت لبيت عمها وهي تقفل الباب وراها بكل قوتها
جواد بوجهها عالكنبة يقلب بجواله اعتدل بجلسته وبابتسامة:جيتي بدري!!ومررررة
رهايف سحبت لثمتها وبوجهها المخطوف:انا بوجهك!!
جواد عقد حواجبه:وش مسوية بعد؟!!
.
~بالسيارة~
سعود وهو يسوق:عسى ماتوخرنا عليك؟
الجد بادي مارد
سعود كشّر بوجهه وهو يشوفه يتجاهله
حلايا جالسة بالوسط بين بخوت اللي ورا سعود وعباير اللي ورا جدها وببحة صوتها ماطابت للحين:سعود
سعود ابتسم:ياعيونه
حلايا:الرزل(الرجل)الحلو احونا
الجد بادي ارتسمت على وجهه تكشيرة
بخوت بتعب انحنت وهمست لها:اوووص
سعود سكت مارد
عباير وهي متكية بفكها على كف يدها اللي متكية بها على طرف الباب:ايه اخوش الجديد
الجد بادي اتسعت عيونه وهو يعتدل بجلسته
سعود بحدة:عباير
عباير وهي تنزل يدها وتطالعهم:ليش!!اوجست اكذاب!!هماه خينا؟!
الجد بادي بحدة:انكعمي ياعباير!!
عباير:ماني بمنكعمة ابد!!راشد خينا والصحيح ارعيته ولد حلالن عالنية مير انه لاغدا يمنا مثل مااوجس سعود بتسنعه ياجد
الجد بادي طالع سعود:وش هالعلوم؟!!يغدي يمنا!!
سعود:والله مااوجست يمه شين ياجد!!
عباير:اجل وين يغدي!!يم مناور واخوياه!!
الجد بادي بعصبية:وانتي وش يخصش به!!يالله من افضالك والمحبة اللي انطلقت بقليبش له
عباير:اي بالله انه وجيهن يرد العافية ويبرد القليب!!
الجد بادي ضرب بمركوعه لقدامه وهو يصرخ بعصبية:اقف اقف ياولد اقف
عباير وهي تلف طرحتها زين ببرود
سعود:ياجد تعوذ من ابليس
الجد بادي صرخ:اقف!!!
.
..بيت مسفر..
،،عايلة مسفر كلها موجودة،،
رهايف واقفة قباله وهي ودها الارض تنشق وتبلعها من الفضيحة قدّامهم كلهم
الجد نشمي بحدة وهو يطالعها:وراش ماتوحين لي وانا ازهمش
رهايف سكتت
ابو جواد:يبه يمكن ماسمعتك لاتظلم المسكينة
الجد نشمي زفر وهو للحين يغلي
شذى:يووه ياجدي اكيد كانت تجري تعرفها تخاف من الظلام
سهام اتسعت عيونها بتكذيب
جواد يطالعهم بابتسامة وهو حاط بصحنه مكرونة من اللي جابتها رهايف ويأكل
رهايف:ياجد تعرفني اقرا قصص الجن وشفتك بالظلام عاد توقعتك واحد منهم
الجد نشمي بغبنة:اهبي ياكذبش ماكثر الله ببيوتنا غير اللمبات وينه الظلمي اللي توجسينه
ابو جواد عض شفته وهو يطالعها
ام جواد:وش مزعلك ياعم هاذي هي قدامك قول لها وش تبي منها
الجد نشمي يطالعها وثم طالعهم اخذ نفس وهو يكتم غيظه وهو مايقدر يخاصمها على تصرفها عند بادي قدامهم وبتكشيرة:ابيها تغني ذيك القصيدة اللي يقراها الراديو هي تقول تعرفها
،،الكل مو مستوعب السبب،،
رهايف رمشت تطالعه وطلعت الكلمة بدون شعور:بــــس!!!
ابو جواد:قولي يبه انا وأبشر ماعليك منهم
رهايف زفرت:الحمدلله وانا احسب عشان ذاك الشيبة الجني يوم لحقته وهاوشته عـ
الجد نشمي وقف ومسكها باذنها
رهايف:اااه اااه ياجد اااه
الجد نشمي وهو ماسكها بحدة:تبونها بشي؟
جواد بسرعة:لا مانبيها
رهايف اتسعت عيونها من كلامه
الجد نشمي مشى وسحبها وراه من اذنها
ابو جواد قام ولحقه:يبه اتركها حرام عليك
رهايف وجهها احمر وهي تحبس دموعها من الم اذنها
الجد نشمي:كبها عنك وتوكل
جواد وقف عنده وهو يمسك يد جده ويفكنا عنها ويده الثانية ماسك فيها يد رهايف
الجد نشمي قطب جبينه وترك اذنها مع فكة جواد ليده
جواد وهو يرجع رهايف وراه:اذا مارجعت لبيتهم عمي بيذبحني وتعرف ياجد هي تخاف من الظلام
الجد نشمي يطالعها
رهايف وهي تتخبى ورا جواد:والله لو اشوفه مرة ثانية لاأقول نفس الكلام حتى لو تذبحني ياجدي
الجد نشمي اتسعت عيونه
رهايف جرت خارجة اول ماخلصت كلامها وهي تسحب جواد وراها
.
~السيارة~
سعود وقف بالسيارة مثل ماطلب جده ونزل ووقف عندهم وهو متوتر لاقصى حد
الجد بادي:وش هالعلوم الجديدة اللي اوحيها!!ماهو اني كبيتكم ترعونه اكبه يطب بيتي!!
عباير قباله وبحدة:كلن اخذ جزاه ياجد والحمدلله على دبرته!!اقنع ياجد ترا القنع زين وبالحيل بعد
الجد بادي بحدة:انكعمي!!يابنت تعلميني!!
عباير:كود ترعي اللي مغيب عن عويناتك نعلمك ماضر احدن العلم على كبر!!
الجد بادي ضربها كف
سعود وقف بينهم:ياجد الكل يراعيك ذالحين تجي الشرطة وتقوم بنا صريمة!!
الجد بادي:خلها تقوم!!اللي اوحيه اكبر صريمة!!
عباير بعناد:راشد مااخطا الخطا منكم انتم وشو له تجازونا بفعولكم وشو له!!
الجد بادي صرخ:انكعمي!!
عباير:ابوي وكبه هو وامه على ماتريدون!!وامي لاهنى لها بال وهي ترعي ابوي كل يوم بضيقة وحتى الرضاوة اللي معوضة بها ويوجسون بها أهل الديرة لذالحين ماملت عينها وهي تراعيه والقلوب عقب ماتوسطتها المحبة توسطتها العداوة وغدا كلن يريد الفرقى مير ماصخت الفويه توجسه!!وقضى عمرك وانت ماغير تطارد وراهم تراضي بذا وذا وهم نفوسهم عايفة!!
الجد بادي بعصبية:من الاولة لو انهم اوجسوه على وجهة وغدا متعب واخذ عذبة على ماعلمنا ماهج نشمي ولا تذللت زاهية ولاانعمل بعذبة هاللون!!
عباير بعصبية:ووش علينا منكم فعولكم تلحقكم ماتلحقنا!!و ترده عنا وهو حتى ابوي مايخبره ابد!!
الجد بادي عض شفته وهو يذكر كلام رهايف اللي يشابه كلام عباير رغم اختلاف الاشخاص
>
عند السيارة..
رهايف:هيه انت ماني بقايلة لك ياعم ولا جد وانت جاي الين بيتنا تبي تفرق بين اهلي اسمعني زين خلك طيب مثل الجدان اللي متعودة عليهم
الجد بادي قطب جبينه يطالعها من فوق لتحت
رهايف:انا مااعرف وش صاير بينك وبين جدي بس اللي بينكم بينكم مالنا شغل فيه بتال ماله ذنب تحرمه منا ولالنا ذنب تحرمنا منه حلوا زعلكم بينكم وش ذنبنا تحاسبونا على شي مالنا ذنب فيه
الجد بادي وهو يصد بوجهه:قضيتي؟
رهايف قطبت جبينها
الجد بادي فتح باب السيارة بيركب:تيسيري يم اهلش يابنية ولاتوجسين بامورن مالش بها!!تيسري
رهايف انقهرت منه:بدل هالكلام اللي جاي لعندنا تقوله ومامنه فايدة اكسب اجر لآخرتك وصل الرحم ترا اجره عظيم ماتدري وش وضعك بعد شوي!!
>
الجد بادي وهو يكتم غيظه:وتاليتها ياعباير وش اللي تريدينه؟
عباير طالعته مصدومة
سعود يطالع جده اللي هدت عصبيته بصدمة
عباير:ابدن اريد نعامله بالحق دامه ماعمل شي شين ولاهو براعي صرايم
الجد بادي لف عنها وهو يفتح السيارة ويركب ويقفل الباب بقوة وسط صمته
سعود وعباير ظلوا واقفين
الجد بادي بحدة:علامكم لذالحين ماركبتوا اعجلوا علي ولا أعجبتكم هالديار!!
.
رهايف تمشي بخطوات بطيئة وهي ماسكة يده وحابسة دموعها وتبلع غصتها تبي هالغصة تختفي قبل ترجع البيت وبهمس بينها وبين نفسها:ليش يزعل وانا اقول الصدق!!يبي يفرقنا ويبيني أقول حاضر واسكت!!مو على كيفهم هالشياب!!
جواد يمشي جنبها وهو مدخل يده الثانية بجيبه:لسانك وش طوله وزعلانة!!والله لو واحد منا يتوطى فينا ابوي قبل جدي!!
رهايف وهي تمسح انفها بطرف طرحتها وبغرور:اكيد طبعا انا غير غير!!وشلون تقارني فيكم!!
جواد خرج يده من جيبه ومعه منديل وبقرف:خذي بس امسحي يالغير انتي!!
رهايف رفعت حاجبها وهي تطالعه من فوق لتحت وتدف المنديل بيدها بعيد:وليش لاحقني ان شاء الله!!
جواد رفع يده اللي ماسكتها:والله ماهو بكيفي لاحقك!!
رهايف تركت يده وهي تدفها بقوة وتلتفت عليه كلها وهي تتكتف قباله:وانت ماتصدق ع الله تلحقني!!
جواد يطالعها:انتي اللي ساحبتني معك!!انا بس رحمتك من جدي وانتي اللي تحمستي!!
رهايف:طيب انا تحمست على قولتك ومن القهر ماحسيت وانا اسحبك وراي،،تقدمت له بخطواتها وبنص عين،،وانت ليش متحمس معي ولاحقني!!
جواد:لاني احبك
رهايف انصدمت ورجعت بخطواتها لورا وهي تطالعه وسط نبضات قلبها السريعة بصدمة من اللي سمعته
جواد تقدم وبهدوء:وأموت فيك
رهايف قشعر جسمها ومسحت على نفسها تحاول تبعد القشعرة عنها وسط تكشيرة على وجهها
جواد انفجر يضحك وهو يطالعها
رهايف وهي تستوعب طقطقته عليها وبتكشيرة:ووجعوه انمغصت يكفيني اختك تزيدني انت!!
جواد بابتسامة وهو ينحني لها
رهايف رجعت بنفسها لورا وهي بنفس مكانها
جواد:وليش يعني مااحبك!لهالدرجة ماتستاهلين حبي!!
رهايف رفعت رجلها لورا بخطوة واسعة وهي تبعد عنه واعتدلت بوقفتها وهي تعدل طرحتها:لا ياقلبي انا كل من عرفني تربعت بقلبه والحب بدون رهايف مو حب!!بـ
جواد تقدم لها بسرعة وهو ينحني لها من جديد وبابتسامة:انتي متربعة وخالصة!!
رهايف تطالعه برفعة حاجب مكذبته
جواد:واي والله الحب بدونك مو حب
رهايف حطت يدها على جبينه بجرأة:ترا انا مو دانة!!
جواد مسك يدها ونزلها على خده ويده فوق يدها وعيونه بعيونها:ولاتسوى شي عندك
رهايف ميلت فمها بابتسامة وهي تمسكه من تيشيرته من عند رقبته وتزمه ونزلته بكل قوتها لتحت وهي تجلس على طرف كتفه اليمين وتضغط بجسمها عليه تنزله وسط ضحكتها
جواد جلس على ركبه وانحنى شبه ساجد بصدمة من حركتها وهو يفك يدها عن تشيرته
رهايف تضحك:والحين؟باقي تحبني!!
جواد رفع يده اليمين وهو يرجعها لورا يبي يمسكها
رهايف تبعد عن يده وبعض الأحيان تضربها بشويش تدفها عنها بوناسة:بشّر باقي الحب؟ولا صخونة وطبت
جواد واخيرا مسك طرف عبايتها من على كتفها واحكم مسكته وثبتها ع كتفه وهو يرفع نفسه
رهايف اتسعت عيونها وطلعت منها صرخة بصوت مكتوم وهي تترك تيشيرته من ع رقبته بسرعة وترفع يدها لشعره وتمسك فيه ويدها الثانية مسكته من عند كتفه بقوة وهي تثبت نفسها بوقت مارتفعت معه
جواد مال راسه من سحبة شعره وتألم وهو يتربع بسرعة ويمسك يدها اللي شادته من شعره ويفكها عنه وحاوط كتوفها بيده الثانية وسحبها لحضنه وهو يثبتها حتى ماتتعور ونزلها على رجوله وصارت بحضنه
رهايف انفجعت وهي تستوعب وين موجودة
جواد وهو ياخذ انفاسه صرخ بعصبية:ماتوبين انتي!!
رهايف التقت عيونها بعيونه بلعت ريقها وهي تطالعه بهدوء
جواد طالعها واتسعت عيونه وهو يستوعب وضعهم
شذى وقفت على مسافة بسيطة عنهم وانصدمت وهي تشوفهم وبصدمتها:سلامٌ قولا من رب رحيم!!
جواد دف رهايف من عليه بقوة اول ماانتبه لشذى
رهايف طارت من حضنه واخذت قلبتين ووقفت بسرعة وكملت طريقها لبيتهم جري بدون لاتطالعهم
.
...........****..........
يوم جديد
...........****..........
،،العصر،،
.
أم جـلاجــل
.
..بيت بادي..
،،العشة الخارجية،،
،،جسّار وراشد وسعود جالسين فيها،،
جسّار وهو يدور مو قادر يجلس
سعود يقهوي راشد:ياابن الحلال تريّح اصبخه جدي يوجس زينة له الصبخة(خلطة تنحط عالراس سدر واشياء ثانية)
جسّار طالعه وبعصبية:بالله فكني ياسعود وش خبصته!!ذا زين ماطلعت روحه بالسيل!!وجدك ذا وش يحس فيه جايني على شروق الشمس يطردني من بيتي!!
سعود بحدة:لاتخطي ياجسار!!
راشد رفع صوته:استهدوا بالله!!ماهي ناقصة هوشة عندكم بعد!!
جسّار بنرفزة وهو يطالع سعود:وش قصده يوم يقول انسى هالبيت!!وانسى هالرجل!!وش ذا الكلام!!
سعود:اصبر ياجسار اصبر مثلي مثلك
جسّار بغبنة:ماصدقت تشرق الشمس واطلع به لأقرب مستشفى افتح الباب وانصدم فيه يطردني من بيتي!!
راشد مسكه من يده:ارتاح وتعوذ من الشيطان
جسّار سحب يده بقوة وبغبنة:والله ياراشد لو شفت اللي صار له وعشته ماتقول هالكلام!!
.
..بيت الشلة..
،،نشمي وابو غازي وابو جواد وبادي جالسين وعندهم الدلة والتمر ومحد تقهوى منها والكل ساكت،،
ابو جواد قام وسحب الدلة وهو يصب ومد الفنجال الاول لبادي
الجد بادي طالع ابو جواد ومد يده واخذ الفنجال منه
الجد نشمي واخيرا قرر يتكلم وهو يشوف هالقبول منه:مايغدي هاللون ياابو نشمي؟
الجد بادي تقهوى ونزل فنجاله:عملت له صبخة مابه خلاف
ابو غازي بعصبية:وش صبخته!!والله لو ان به جلطة مادرينا!!
الجد بادي:الصبخة زينة دوا لكل علتن تطري عليك!!اراعيكم انت وأخوك مثل الثيران من الصبخات ماغدا بكم شي!!
الجد نشمي وهو يرفع فنجاله لفمه بعد ماصب له ابو جواد وبهدوء:زين زين
ابو غازي اتسعت عيونه:يبه!!!
الجد بادي:الصبخة زينة لراسه وهو بلع من السيل لامنه اوجس واللي خلقه!!
الجد نشمي يجاريه:وراسه امتلى ما ومامثل الصبخة لرووس تسحب الما كله صدق عمك ياولد
ابو غازي انجلط من ابوه
ابو جواد يطالع ابوه مصدوم من موافقته لبادي
الجد بادي:ثمن ولدك راعه بالغريفة مابه خلاف!!هذا هو يجر مواله(يقصد شخيره)وثمن لو به علة والله ان وليدك مايقّر(يرتاح) للصبح به بالبيت!!
ابو غازي بعصبيته:يبه!!!انا بآخذ ولدي وانتم تقهووا على ماتريدون!!
الجد بادي بحدة وهو ينزل فنجاله:اقضب ارضك ياعادل!!
ابو غازي مااهتم له ابد وقف وهو بيتجه لغرفة بتال وقف بمكانه وهو يطالعه بصدمة
بتال بنفس لبسه اليابس بعد مانشف وهو مليان طين لكن ع راسه قطعة قماش حمرا تلفه وهي اللي ماسكة الصبخة ع راسه خارج من الغرفة وكأنه مغيب عن وعيه
ابو غازي تقدم له بسرعة وهو يوقف عنده:ابوك يابتال عسى مافيه شي يوجعك
بتال مر من عند ابوه ولاكأنه نطق له حرف وجلس عند صينية القهوة وهو يتربع وسحب صحن التمر وحطه بحضنه وبدا ياكل
،،الكل يطالعه باستغراب،،
بتال خلص صحن التمر ورجعه مكانه وهو ساكت مانطق حرف عطاهم ظهره وهو يمدد رجوله وتمدد بجسمه وهو يثني يديه ويحطها تحت راسه ويستند عليها وكمل نومته بهدوء
ابو غازي اتجه له وهو ينحني شبه جالس ويطالعه ويهمس:ولد يابتال
ابو جواد وقف واتجه لهم وانحنى شبه جالس جنب ابو غازي
ابو غازي حركه:بتال!!
بتال ارتفعت منه صوت عالي لاخذ نفسه وهو يكمل نومته
الجد بادي طالع ابو غازي بتكشيرة:ارعيته!!اوجست لك ماازين من الصبخة!!مير مابك مسمع!!
ابو جواد:تبارك الرحمن!! ابو غازي بحدة وهو يطالع بادي:حتى لو انه مافيه شي اخذه للمستشفى اخذه
الجد نشمي زفر وهو يوقف:غدينا يم ديارنا
ابو غازي بينفجر من غبنته من ابوه:الله يسر لك مير اني ماني بغادين يم ديرة وولدي بهالحالة!!
الجد نشمي يطالعه بحدة
الجد بادي قطع النقاش قبل يبدا وبهدوء:تريحوا الليلة بهاالبيت مع ولدكم
،،الكل انصدم منه،،
الجد بادي وقف وبنفس هدوءه وهو يطالع نشمي:تصبحون على خير،،مشى وهو تارك الكل بحيرة من تصرفه الغريب،،
.
.
...........****..........
..بيت عادل..
،،غرفة فيصل،،
،،رهايف جالسة عالبلايستيشن مع فيصل تلعب،،
رهايف واقفة وهي تتقدم شوي وترجع شوي من حماسها مع اللعبة
فيصل جالس عالارض ماد رجله اليمين:اخلصي دوري من مسكتيه ماتركتيه!!
امجاد وقفت ع باب الغرفة وبنرفزة:رهايفوه مصخت عاد شذى من زمان تنتظر!!
رهايف:قولي لها مشغولة نتقابل بكرة
امجاد اتسعت عيونها:مو الحين بعد!!الله والشغل اللي عندك روحي لها
رهايف بعصبية وعينها بالتلفزيون:يوووه امجاد القيم حامي نار نار وانتي تشتتيني!!
امجاد بشك:لايكون متهاوشات!!
رهايف:اعوذ بالله منك
امجاد:طيب يالله شوفي البنت وش ذا الإحساس الميت اللي عندك!!
رهايف:بكرة بكرة
امجاد زفرت:طيب،،لفت بتخرج،،
شذى دخلت للغرفة وهي بعبايتها
امجاد انصدمت للحظة من وجودها ثم كشرت:بكيفكم ان شاء الله تتذابحون،،خرجت،،
شذى وهي تتكتف:بتجين ولا اشهّر فيك وفـ
رهايف رمت اليد من يدها وهي تنط عندها وتمسك يدها وبهمس وهي تضغط على يدها:اوص اوص
امجاد طلعت الدرج متجهة لجناح غازي وقفت عالباب وهي تدق:رورو
عذاري ماردت
امجاد:عُذعُذ افتحي يالله
عذاري فتحت الباب بقوة وهي تسحب امجاد بسرعة لداخل الغرفة وتقفل الباب وراها:امجاد وش رايك بابوي؟؟
.
،،غرفة رهايف،،
رهايف وهي تطالعها بحدة:خير وش تبين؟
شذى:بسم الله وش فيك معصبة علي؟!!
رهايف:ترا الوضع طبيعي لايروح بالك بعيد
شذى بابتسامة تكتم ضحكتها:وانا قلت شي!!
رهايف:تكفي الابتسامة والله مايحتاج تقولين
شذى:هو يعني صراحةً يعني صراحةً
رهايف وهي تتكتف:ايه
شذى:انا خايفة عليك
رهايف عقدت حواجبها:بسم الله وش فيه
شذى:انتبهي يارهايف انتبهي وانا اختك
رهايف بفجعة:وش فيه طيب؟!!
شذى:بانبهك وانتي. بكيفك
رهايف:شذيوه انطقي
شذى:مو عشانه اخوي بس يعني جواد وسيم ودكتور وجنتل
رهايف ضحكت بصوت عالي
شذى:وش فيك!!
رهايف وهي تهز راسها بابتسامة:ماشاء الله فتحتي عيوني ماكنت ملاحظة صراحةً!!
شذى كشرت
رهايف:هو يعني صراحةً وسامة شرقية خالصة مغري مغري لااله الا الله بسم الله علي منه الله يثبتني بس
شذى بنرفزة:ووجعوه رهايف!!اعترف غثيث وثقيل دم ويعل قلبك بلعانته بس حبيب لاهله
رهايفسكتت وهي تشوفها زعلانة
شذى:اذا ماتبينه قولي وانا بأساعدك
رهايف ميلت فمها
شذى:ولو انه بعد اللي شفته امس مااظن ماتبون بعض
رهايف بحدة:ووجعوه شذى وش شفتي هاه!!ترا كلها طحت بمكان غلط وانتي جيتي بالوقت الغلط
شذى؛ايه صح وفهمت غلط،،ضحكت،،
رهايف وقفت وبعصبية:ماكذبتي يوم قلتي ثقيل دم سبحان الله طالعة عليه ديزل يالله برا برا يالديزل
شذى وهي تلف طرحتها وبتخرج من الغرفة:الحين صرت ديزل!!،،تنهدت،،الله يرحم ايام العسل
رهايف:والله بس ناقصك السحبة ياحياة الفهد يالله يالله بس
شذى وقفت عالباب وهي تلتفت لرهايف:ااااه صح ماهو انتي مايحلى بعينك الا الديزل الأصلي ولا انا وش تبين فيني،،جرت وهي تشوف رهايف تجري لها،،
.
..بيت خالد..
ابو صايل خرج جواله من جيبه وهو يتقهوى مع زوجته الصامتة كالعادة ابتسم بفرح وهو يشوف اسمها:ياهلا والله ياهلا بشمعة البيت
عذاري قاطعت ابوها وبزعلها:اشوف ماسألت عن هالشمعة!!عادي تحترق
ابو صايل زفر:عذاري!!
عذاري:حاضر يبه وتم على امرك مثل ماتبي
ابو صايل ابتسم
عذاري:لكن انا اللي اختار العروس يبه
ابو صايل:وتم من عندي تم
...........****..........
آخــر الـلـيـل
...........****..........
أم جلاجل
.
..بيت الشلة..
،،ابو غازي وبتال وجسّار بغرفتهم والجد نشمي وابو جواد وراشد بغرفة راشد،،
ابو غازي متلثم بشماغه وبتال بالوسط بينه وبين جسّار
بتال يأن بصوت واضح وهو نايم
ابو غازي فز من نومته وهو يوقف ويفتح النور ويفك لثمته وهو يرجع ويجلس عند بتال:بسم الله بسم الله ولد بتال وش فيك؟،،بحدة،،جسّار
جسّار فزّ من نومته مفجوع:وش فيه
ابو غازي وهو يوقف وينحني يرفع بتال وبحدة:فزعنا به غلطت يوم سمعت لعمك قم
جسّار:بأكلم راشد يشغل السيارة ويقربها،،اتجه لغرفة راشد ورجع يساعد ابوه،،
بتال وهو يسحب نفسه منهم بتعبه وسط نومه ويتمدد بفراشه
ابو غازي اتسعت عيونه:وش فيه
ابو جواد وقف عالباب وسط اثار النوم على وجهه:عسى ماشر
جسّار انحنى وهو يرفع بتال:يالله بتال ساعدني حتى نشوف وش فيك
ياشيخ هالمرة عملت اللي تريده ماهو بسكيتي من سواد الوجه اللي انعمل من وراه
غيث كشّر بوجهه
الشيخ مناور احتدت نظرته:سعود!!
سعود شهق:مااوجست غير الصحيح!!علامك شايشن(معصب)علي وانا فرحانن لكم!!،،مد يده لغيث،،
غيث صافح سعود وهو يضغط على يده بقوة يحذره وعيونه اخترقت سعود بنظراته الحادة
سعود ابتسم برواق:عاد لزومن علينا لزوم نبارك لك ونهنيك وانت عندنا غير ياعله مبروك ياغيث مبروكن عليك والف مبروك منك المال ومنها العيال مير مامن عيالن بيلفونك مثل حلايا هي الزين والصلاح كله الله يعينها المسيكينة اللي أخذتك ويفك عوقها لا لفوا يمها عيالك بصرايمهم مايبعدون عنك ابدن
غيث بصراخ:احشم روحك ياسعود
سعود وهو يترك يده:الحشيمة لاهلها،،لف عنه ببرود،،
.
.
<الصور المرفقة للتوضيح❤>
<اللهم صل وسلم على نبينا محمد>
.
.
أميرالز likes this.
لامارا غير متواجد حالياً رد مع اقتباس
،الـجـزء الـخـامـس والاربـعـيـن،،
اللهم صل وسلم على نبينا محمد لاحول ولاقوة الا بالله
.
.
غيث بحدة:واللي مايحشمنا مانحشمه ولا له قدرن بينّا طس ماتلحقك حشيمة من يمنا ابدن والمكان يتعذرك ياسعود طس الله لايردك
سعود وهو يجلس وببرود:مير اني ماني بلافين لخاطرك ابد لافين لعزومة الشيخ اللي غدت يم أهل ام جـلاجــل كل ابوهم،،طالع مناور،،ولّا به علمن ثاني ياشيخ؟
غيث طالع ابوه وهو يغلي
الشيخ مناور:حياك الله حياك الله محدن يرد ضيفن للشيخ مناور ابدن
غيث طالع ابوه بحدة:يبه!!
الشيخ مناور طالعه بحدة وبهمس:اقعد ياغيث
ابو هليل وهو يضيع سالفة الهوشة:الكروة لااااإله الا الله يالكروة ماظنتي احدن عمل مثلها بالديرة ابدن ابدن كروة غيث قماشة يسد ثوبين لافين به من أوساط الحسا وغترته معه والسيف والخنجر من ديار نجد نجد العذية والتمر من مزارع القصيم لااله الا الله ماهو بتمرن من زينه تحسبه عسل يذوب بفمك ذوب من حلاه والحظيظ اللي يفوز بها الليلة
غيث رغم انه يغلي من داخله:وابشروا محل الكروة كروتين فوقها(يعني ثلاث)
الشيخ مناور طالعه بابتسامة:حقن علينا حق ،،اعتلت الأصوات بالمدح له ولابوه ودعوات بالخير لهم،،
ابوهليل:ياعله دايم ووافر يااهل العطية الجزلة ماهو بغريبن عليكم يااهل الجود والكرم
الشيخ مناور:ولد ياهليّل
هليل وقف:سم ياعم
الشيخ مناور:قلط الكروات قلطهن
هليل:على امرك،،مشى،،
ابوهليل:اللي يفوز مرة يكب اللي بعدها لغيره اوحيتوا العلم،،مشى لبداية المجلس وانحنى للحطب اللي بزاويته واخذ عود من الحطب وهو يخط عالارض خط البداية
راشد همس:مين بيبدأ؟
جسّار بغبنته:شف عاد انا بأساعدك بس عشان اكسر خشم هالشايب اللي مايستحي على وجهه هو واللي يسمعونه وساكتين له فوقها
بتال تنهد:انا مااضمن لكم شي وضعي للحين هـه
راشد:خلاص انا ببدا اول،،وقف واتجه للخط وصف مع الواقفين،،
ابو هليل:هالنوبة الكروة ماهو انك تقضب الشارة وتحصل عليها لا هالنوبة ملزمون تعود يمنا حتى تغدي لك ها عملتوا العلم حتى محدن يغتاظ علينا،،طالعهم وهو يرفع سلاحه،،
جسّار:وش ذا صعبة!!
بتال ميل فمه بابتسامة:سهلة سهلة وأسهل منها مافيه
جسّار قطب جبينه وهو يطالعه
بتال:يبي لها شوية تفكير بس
جسّار:قولي طيب!!
بتال هز راسه بلا
جسّار كشّر بوجهه:اناني
بتال بابتسامته:اعتمد على نفسك!!
جسّار بتكشيرة:اصلا ماني بمحتاج ثيابهم ذي بس عشان راشد
بتال:شد حيلك اجل دامها لخاطر راشد
راشد وهو يربط ثوبه لوسطه باستعجال يستعد وعينه عالشارة وفكره وشلون يحافظ عليها لحتى مايرجع لنقطة البداية
ابو هليل اطلق الطلقة وهو يسمي ،،وانطلقوا الواقفين يجرون وكانت الكروة الاولى من نصيب راشد رغم صعوبة المحاولة الا انه ظفر فيها،،
راشد جالس على بداية المجلس وبيده الشارة بأنفاسه السريعة اللي مو راضية تهدا
ابو هليل وقف عنده وهو يبتسم:ماشاء الله ماشاء الله مبروك مبروك ياعله مبروك عليك الكروة،،مد يده لراشد،،
راشد ارتفعت حواجبه باستغراب منه ومع ذلك حط يده بيد ابو هليل
ابو هليل ساعد راشد يوقف
راشد وقف وترك يد ابو هليل وهو ينفض نفسه
ابو هليل بهمس لراشد وعينه عاللي يتجمعون عند الخط الممسوح من اللي جروا فوقه:اغدا للشيخ كروتك يمّه وتشكره زين أوحيت
راشد ارتفعت حواجبه من اللي يسمعه
ابو هليل:اغدا علامك واقف وش تحتري!!
راشد زفر واتجه للشيخ
بتال التفت لجسار:قم انت انا الاخير
جسّار طالعه عن طرف:ترا حتى انا تعبان راجع من شفت
بتال:اتعبتك الجلسة ورا المكتب قم بس قم بالله
جسّار وقف وهو يستغفر بينه وبين نفسه
الشيخ مناور وقف وعلى وجهه ابتسامة
راشد تقدم له بخطواته ووقف قباله
الشيخ مناور وهو يمد يده ويسلم عليه:مبروك ياولدي مبروك عساها بالعافية عليك
راشد ترك يده بدون لايرد
الشيخ مناور قطب جبينه وترك الموضوع وهو يشوف هليل داخل المجلس
هليل شايل اغراض الكروة ووراه واحد شايل السيوف وقف جنب الشيخ وهو يمد له اغراض الكروة:تفضل ياشيخ
الشيخ مناور:عطها لراعيها يستاهل
راشد اخذ الكروة بدون اي كلمة واتجه بها لسعود ووقف قباله وهو ينحني ويحطها قدّامه:سم ياسعود
سعود بابتسامة:سلمت وسم عداك،،اشر بيده جنبه،،
راشد جلس جنبه بهدوء
الشيخ مناور قطب جبينه من اللي يصير
غيث احتدت نظرته وهو يطالعهم ،،بهالوقت بدت المنافسة عالكروة الثانية وللاسف خسر جسار،،
جسّار متجه لمكانه جنب بتال يجر خطواته وهو صاد بوجهه عن راشد اللي عن يمينه وهو يحس باحراج وجالس عن يمين بتال يتخبى من نظرات راشد اللي أحرقته
بتال بشماتة وهو يمد له شماغه اللي نزلها عن راسه:خذ امسح باقي دموعك مابتكفي شماغك ترا
جسّار سحب شماغه اللي على رجول بتال وبنفس الوقت سحب شماغ بتال:قم قم بس
بتال التفت لراشد بنظرة سريعة وهو يوقف وسمى بنفسه وهو يقطب جبينه من نظرات تهديده وزفر وهو يطالع لقدامه ويوقف عالخط والتفت وهو يشوف هليل وطلق واقفين عالخط معه ابتسم وهو يطالعهم:منورين والله!!
طلق كشّر بوجهه
هليل طنشه وهو يطالع لقدام
ابو هليل اطلق من سلاحه
،،الكل جرى بعد ماسمع الطلقة،،
بتال الوحيد اللي ماجرى وسط استغراب الكل عدا الخط بكم خطوة ووقف يطالع اللي يجرون بمكانه
طلق هو اللي اول من اخذ الشارة وبعد مقاومة لكل الي حوله ابتسم وهو يلتفت لوراه ومحد قدر يلحقه منهم
بتال وقف قباله وهو يمدد نفسه ويستعد وسط ابتسامة
طلق طالع لقدامه وانصدم وهو يشوفه قدّامه بمسافة بسيطة
بتال جرى له
طلق هدا سرعته بحيرة من الوضع حاول يتفاداه
بتال استغل ربكته ومسكه وهو يسحب الشارة منه بنفس الوقت وجرى قدّامه بدون لايعطيك فرصة يتصرف وعدّا الخط وهو يبطي خطواته ويطالع جسّار وهو يرفع اكتافه لبساطة الموضوع
جسّار يطالعه بحقد
طلق جالس عالارض يطالع بتال بغبنة وسط انفاسه السريعة
بتال اتجه للشيخ واخذ الكروة وسط ابتسامة مجاملة ثم اتجه لراشد وانحنى وهو يحطها قدامه:تفضل حلال عليك ياولد العمة
راشد ابتسم:مشكور مشكور
بتال اتجه وجلس بمكانه جنب جسّار
جسّار:طول عمرك حسود ليش ماقلتي لي!!
بتال:عندك عقل تفكر فيه مو ذنبي انك غبي!!
جسّار:هين هين والله
بتال قاطعه وعينه عليهم:جسّار
جسّار التفت يطالع اللي يطالعه
سعود وقف وهو يتنحنح وعدل بشته ع كتوفه وهو مرتسمة على وجهه ابتسامة عريضة
راشد وقف معه وهو شايل بيديه أقمشة الثياب والاشمغة وع كتفه اليمين معلق السيفين وع كتفه اليسار الحزامين اللي تتدلى منه الخنجرين والتمر عند رجولهم
سعود التفت عليه ووجهه بوجه راشد وطالع التمر اللي عند رجولهم:عـــز الله بيتغنم الحلال الليلة ياراشد
غيث كشّر بوجهه
سعود:علف شي شي فوق العادة(يقصد التمر)،،وهو يسحب الأقمشة ويرميها فوق كراتين التمر،،وبيتذرا(يدفى)عن البرد بالشتا(يقصد الأقمشة يغطي بها الشبوك)،،مد يده وهو ياخذ السيوف ويحط سيف ع كتفه والسيف الثاني ع كتف راشد وبتهديد،،وهالسيف حتى تجز(تقص)روسن كبرت بالحيل وعجزت تلاقي لها والي
،،الكل احتدت نظرته لهم وهم مستغربين التعامل بين الاثنين،،
بتال ميل فمه بابتسامة عاجبه اللي يصير
جسّار يراقب الوضع بهدوء وسط تفكير بهالعداوة اللي عجز يلقى لها تفسير
راشد بابتسامة:ابشر أعين وأعاون ياسعود ابشر
سعود اخذ أحزمة الخناجر من ع كتف راشد اليسار حط حزام ع كتفه والحزام الثاني فتحه وهو ينحني لوسط راشد ويلبسه الحزام:احتزمت بك يالعضيد احتزمت،،اعتدل بوقفته وهو يحط يديه ع كتوفه،،ياهلا ومرحبا ياهلا
راشد بابتسامته:انا عضيدك لاجفتك الليالي ابشر وانا اخوك ابشر ابشر بعزك يااخوي
سعود التفت يمرر نظره عليهم بتحذير:راشد
راشد:سم ياسعود
سعود وهو للحين يطالعهم:غدينا وانا اخوك غدينا
.
...........****..........
الليل
...........****..........
.
..بيت بادي..
الجد بادي واقف عالباب وبعصبية:ياسعود علامك ابطيت!!
حلايا وقفت عند جدها بابتسامة بفستان ابيض كت لتحت ركبتها وجزمة باللون الابيض وطوق ورد مثبت خصل شعرها اللي ع وجهها لورا وروج احمر يزين شفايفها مسكت فستانها بيديها وهي ترفعه وتدور بوناسة وفرحتها زايدة لانها حاطة روح اللي من الممنوعات عليها
الجد بادي ابتسم:ياماشاء الله ياماشاء الله وش هالزين ياتبارك الله،،مسكها وهو ينحني يبوس خدودها،،اويل حالي عالزين كله ياماشاء الله،،اتسعت عيونه وهو يشوف روجها ومسحه بأطراف اصابعه،،اويلش ياحلوة البيت اويلش
حلايا تحرك راسها ماتبيه يمسحه:لا لا
الجد بادي:تراعيش بخوت والله ان ماتدعيش تغدين للجواز
عباير بجلابيتها السماوية الكت بموديلها الواسع الطويل وشعرها اللي رافعته كله مجرد خصل مبعثرة ع جوانب وجهها وذهبها المعتاد بناجر بيدها اليسار تزيّن نقش يدها اللي ماوضح لونه زين وساعة اللون الذهبي بيدها اليمين والعقد العريض اللي يزين رقبتها ومكياجها الناعم متجهة لهم خارجة من المطبخ بخطوات سريعة وبيدها المبخرة:كبها ياجد كبها عنك بخوت هي اللي مولمتها
الجد بادي وهو يعتدل بوقفته باستغراب:متوكدة؟!!
عباير وهي توقف عنده تبخره:ايه متوكدة
الجد بادي قطب جبينه وهو يطالع الحنا وأكمام جلابيتها:وش هاللون ياعباير؟!!
عباير وهي تطالع نفسها باستغراب:علامي!!
الجد بادي وهو يضربها بخفة على عضدها:ذا؟
عباير وهي تغمز له وبابتسامة:محدن يعلم وش يعدي بهالديرة من علوم!!
الجد بادي تنحنح:اقضبي اباليسش عن الخلق بلكن تنقطع طواريهم الشينة
عباير وهي تهز راسها:ابشر ابشر
سعود خرج من غرفته وهو يعاجل بخطواته لهم ويعدل نسفة شماغه:سم ياجد،،اتسعت ابتسامته،،ماشاء الله ماشاء الله ووش هالزين،،سلم على عباير،،الحافظ الله الحافظ الله
عباير بغرور:الحمدلله كاملة كاملة الله يحفظني
سعود اللي انحنى لحلايا واخذها بحضنه وهو يعتدل بوقفته:مير انا عانين(قاصد)حلايا واوجست مااكسر خويطرش،،يبوس حلايا،،ياحلوة الخد اي بالله انش حلوة البيت
عباير بتكشيرة وهي تمد يدها وتسحب حلايا من يده تنزلها وتقول المبخرة اللي بيدها الثانية له:تبخر تبخر الناقة ماارعت عرجة رقبتها تبخر تبخر
سعود ابتسم وهو يطالع زعلها:الحمدلله انش خابرة روحش ياناقتنا
عباير اتسعت عيونها وطالعت جدها:ها ياجد أوحيت أوحيت!!وثمن تخنفر علي لااوجست يمهم شي
سعود ضحك بخفة وهو يسحب المبخرة من يدها:اغدي يم المطبخ تجرّعي من الما كود يبرد قليبش
الجد بادي بحدة:سعوود!!
حلايا تدف عباير بشوفة نفس:يالله يالله
سعود انفجر يضحك:عشتي عشتي
عباير بغبنة:ياجد!!!
الجد بادي بتهديد:سعود عز الله بتغتاظ كود اوجست هرجة
سعود وهو يمد لعباير المبخرة:خلاص خلاص
عباير سحبت المبخرة منه بقوة وهي تحط من كسر البخور اللي بيدها بالمبخرة وتنحني لحلايا تبخر شعرها:انت تحمد ربك اني خيتك وانت توجس هاللون يمي
سعود التفت لجده:ها أوحيت!!
الجد بادي بنرفزة:لااله الا الله علامك اليوم ياسعود!!اعقل يارجل اعقل!!
بخوت متجهة لهم بكامل زينتها على غير العادة فستان ابيض مخصر ع جسمها ميدي بأكمام طويلة وحزام باللون الاسود يلتف ع خصرها النحيف سادلة شعرها الطويل الناعم على ظهرها بمكياج ناعم زاد جمالها جمال
سعود بابتسامة:أقبلت أقبلت الزين كل ابوه ياهلا ياهلا
عباير وهي تطالع سعود عن طرف ووجهها لبخوت:ايه الكلام لخلق وخلق،،طالعت بخوت وبابتسامة،،مير اشبعي به مااريده لقيت لي معواضن يازينه
سعود كشّر بوجهه من جحدتها له
الجد بادي بحدة:عباير!!
بخوت اخذت المبخرة وهي تتبخر وبهدوء:ابطينا ياعباير
سعود:الف من ذكره لااله الا الله والله اللي يراعيش يحسبش العروس
بخوت كشرت بوجهها
عباير بحدة:اعوذ بالله وش هالعلم!!الله لايجعله!!
الجد بادي بعصبية:وليه الله لايجعله!!الا الله يجعله ونغيظ قلوبن رايدة يمنا الصرايم!! عباير:انا ماودي الجيزة انا ودي غيث
سعود بحدة:معصي والله لو ماظل بهالديرة غيره معصي
بخوت تتبخر بهدوء
الجد بادي زفر والتفت لبخوت:ماشاء الله ماشاء الله صدق سعود مااوجس اكذاب وانا جدش
بخوت:ملزومة ياجد ملزومة
الجد بادي قطب جبينه:بوش!!
بخوت:نذرن نذرته ياجد واليوم وقته
.
..بيت الشلة..
ابو غازي جالس بتكشيرة معتلية وجهه وهو يتقهوى وقباله جسّار وراشد وبتال مصلبين معطينه ظهورهم ووجيههم عالجدار
راشد بينهم همس:تكفون بموت واحد منكم يشوف لنا حل
بتال متكي بجبينه عالجدار نايم
جسّار:حتى جدي سوا انسحاب تكتيكي تبيني اتكلم مهبول انت!!والله مالي شغل لاتكلمني بشي
الجد نشمي خرج من الغرفة وهو على وجهه ابتسامة فرح من سنين مادخل الديرة واليوم فوق جلسته بالديرة بيحضر عرس وبيشوف اهلها
ابو غازي قطب جبينه وهو يطالع ابوه:على وين؟
الجد نشمي:يم العرس
ابو غازي:وانت مطاوعه يبه!!
ابو جواد خرج من الغرفة:ووش المانع؟!
ابو غازي بنرفزة:يبه وشلون متطمن له انت هاه وشلون!!عني وراه بلا!!
الجد نشمي ببرود:وش ورا اللي حصل ياعادل!!
ابو غازي:يبه!!
الجد نشمي طالع الشباب:للحين هذا مكانكم
راشد لف بسرعة:تعبت ياجد والله تعبت
ابو غازي بحدة:اعقب وش هالضعف اللي بك!!
جسّار لف:والله يبه حتى انا مثله الرحمة ياابو غازي زينة
ابو جواد:خلاص ياعادل فكها شوي وش فيك معصب!!
ابو غازي بحدة وهو يوقف ويطالعهم:الظاهر جيتكم للديرة الشهبا ذي ريحتكم ونستكم اول وش يصير بكم!!
بتّال لف وهو يتثاوب:امحق راحة يبه الا والله قرادة
ابو غازي بحدته وهو يطالع ابوه:ملزم تروح؟
الجد نشمي اتسعت عيونه:ماني مشاورك!!
ابو غازي:زين زين دامك بتحضره بأحضر معك لكن محد يردني بشي سمعتوا،،مشى بخطوات سريعة للغرفة،،
الجد نشمي تنهد:الله يستر منك وعليك بالراس اليابس
ابو غازي وقف والتفت عليهم يطالعهم عن طرف:بتّال تريح
بتّال اتسعت عيونه:بس يبه
ابو غازي قاطعه بحدة:توك طالعن من السيل خاف ربك بعمرك!!
بتّال:يبه
ابو غازي:انثبر مكانك ولايكثر
جسّار:يبه وانا ماابي اروح ميت من التعب
ابو غازي لف بجسمه عليهم وبابتسامة:لا والله!!واترك الدشير مع بعضهم وارجع والاقي مصيبة تنتظرني!!حلفت عليك والتعب اللي ذابحك!!قدامي انت اول واحد
جسّار بترجي:يبه والله تعبان!!
ابو غازي طالعه وهو ساكت
جسّار:طيب طيب فهمت خلاص!!
...........****..........
..بيت عادل..
،،غرفة فيصل،،
رهايف دخلت للغرفة ووقفت وهي تتكتف:وبعدين معك خلصني ماصارت ترا!!
فيصل جالس عالارض قبال التلفزيون يلعب بالاكس بوكس:اطلبي وانا بدفع ماني بفاضي الحين
رهايف اتسعت عيونها:خف علي ياولد الراجحي انت!!
فيصل:يوووه رهايف فكيني قلت لك اطلبي وبعدها يصير خير
رهايف:ومن وين لك الفلوس،،قطبت جبينها،،لايكون تلعبها علي!!لااااا مو على كيفك تصرفها علي
فيصل وقف لعب والتفت لها:الحمدلله وجه نعمة ماني بمثلك
رهايف ضحكت:والله!!وجه نعمة اجل!!،،عقدت حواجبها وهي تطالع الاكس بوكس وتدخل عنده،،حق مين ذَا؟
فيصل:حقي يعني حق مين
رهايف انحنت الجهاز وهي تتفحصه
فيصل سحبه من يديه:تخربينه علي!!
رهايف اعتدلت بوقفتها وهي تتكتف:هذا اخر إصدار وابوي لو تموت مايعطيك الا مصروفك،،بشك،،من وين لك فلوسه فيصل؟
فيصل:ابد سارقهن
رهايف اتسعت عيونها
فيصل:من وين يعني!!ارزاق حتى الرزق بتحاسبيني عليه!!
رهايف ميلت فمها بشك وهي تطالعه
فيصل:وش فيك!!لايكون صدق بتحاسبيني!!
رهايف زفرت:بتروح بس؟
فيصل:ايه وش تبين غيره؟
رهايف:ماابي شي
فيصل طلع من الغرفة
رهايف مشت وراه:لحظة لحظة والفلوس
فيصل:مايحتاج معي،،مشى،،
رهايف وقفت بمكانها وهي كلها شك
.
..جناح غازي..
عذاري جالسة قبالها تطالعها بصدمة:بـــــس انا قلت لابوي!!
امجاد اتسعت عيونها:وانا ماقلت لك موافقة قلت افكر وارد لك!!
عذاري:ماتوقعتك ترفضين!!
امجاد:وليش يعني!!من حقي اخذ القرار اللي يريحني وهاذي حياتي!!
عذاري:ماقلت شي بس محد تقدم لك وتوقعتك تقبلين بابوي .
~
امجاد كشرت بوجهها:انا مو ميتة عالزواج الحمدلله وحتى لو محد تقدم لي قبله مو معناه اني بوافق على طول!!
عذاري تنهدت:ماقصدت امجاد والله ماقصدت انا ابيك انتي لانك فاهمة وضع امي وبنفس الوقت تفهميني ونعرف بعض وانتي اولى من اي وحدة غريبة مااعرفها ولاتعرفني
امجاد زفرت:وانا صعب علي اقبل بإنسان كنت اشوفه مثل ابوي والآن اشوفه مثل ابوي
عذاري:تكفين امجاد فكري شوي لاتستعجلين تكفين
امجاد تنهدت:اجازف بكل شي عذاري الا حياتي
عذاري:وانا اضمن لك بيسعدك ومايزعلك ابد وبيحطك بعيونه
امجاد:وانتي ياعذاري؟
عذاري قطبت جبينها:وش فيني انا؟!!
امجاد:وش يفكني منك بكرة اذا غرتي وصرتي تدورين الزلة
عذاري:مستحيل اسوي هالشي ممكن اسويه بغيرك لكن فيك لا ياامجاد!!
امجاد تنهدت:الله يوفق ابوك ويرزقه ببنت الحلال اللي تسعده
عذاري احتدت ملامحها:هذا اخر كلامك!!هذا ردّك الاخير!!
امجاد:قلتها وباعيدها لك أجازف بكل شي الا حياتي
عذاري وقفت واتجهت للباب وفتحته وعينها على امجاد وبحدة:مشكورة
امجاد وقفت بهدوء ومشت لعندها وبابتسامة:عفوا ماسويت شي،،خرجت،،
عذاري قفلت الباب ورا امجاد بكل قوتها
امجاد فزت والتفتت تطالع وراها همست:يمه وتبيني اتزوج ابوك!!
.
..بيت مسفر..
ام جواد بتموت بمكانها من الرعب واتسعت عيونها وهي راحت عن بالها الفكرة ورفعت جوالها تتصل
شذى على اعصابها وهي جالسة عند امها تخاف تدري باللي درت فيه:يمه على مين تتصلين؟
ام جواد والجوال على اذنها:عالمستشفى
شذى اتسعت عيونها
ام جواد:اكيد عندهم خبر وش ذَا العملية اللي ماخلص منها للحين؟!!
شذى قامت من مكانها وسحبت الجوال وقفلته
ام جواد بحدة:وش فيك!!
شذى وهي تجلس وتسحب الثلاجة تصب لها قهوة:يمه العمليات اكيد زحمة وابوي مو موجود واكيد هو اللي أكلها مضغوط اتركيه لاتزعجينه
ام جواد بشك:شذى
شذى بابتسامة:نـعـم
ام جواد:وش وراك؟
شذى التفتت وراها:الكنبة
ام جواد بعصبية:بلا عباطة وش اللي تعرفينه ومخبيته علي؟!
سهام دخلت وهي تمد جوالها لامها:يمه جواد يبيك
شذى اتسعت عيونها:جواد!!،،فزت وسحبت الجوال،،جواد وش صار معك؟صدق اللي سمعته؟والله انهبلت وانا انتظر تتصل؟
ام جواد سحبت الجواد منها بقوة وهي انرعبت من سمعت كلام شذى:وش صاير معك؟والله ماني بمرتاحة من تأخرت اليوم
جواد بهدوء:ولا شي يمه ماتعرفين شذى يعني اكيد فاهمة الموضوع غلط
ام جواد:حلفتك بالله وش فيك وش صاير معك
جواد:مو صاير معي شي يمه والله كل الموضوع ام زميل لي صار معه خطأ وتوفى المريض والحين انا معه بالشرطة انتظر
ام جواد بفجعة:يمه ياقلبي أمنتك ياجواد مو انت!!مو صاير معك شي
جواد:افا يمه انا أخطي!!هونيها يمه وادعي له الله يستر عليه ويفرجها عنه
ام جواد:امين امين الله يسترها معه ويكفيه شر كل من فيه شر
جواد تنهد من كل قلبه وهو يبلع غصته:امين امين يمه الله يسمع منك
ام جواد:متى جاي للبيت؟
جواد:مااقدر اتركه يمه ماله احد
ام جواد:الله يعينيه الله يعينيه
جواد:ابوي مارجع للحين؟
ام جواد:بيرجعون الليلة ان شاء الله هذا على كلامه اول
جواد:يرجع بالسلامة ان شاء الله وارتاحي يمه لاتنتظريني الليلة ببقى معه
ام جواد:الله يكتب اجرك الله يكتبه
جواد قفل
ام جواد طالعت شذى وهي تضربها:وش اللي سمعتيه هاه!!تفاولين على اخوك!!
شذى وهي تتألم وبعدت عن امها:اسفة اسفة يمه والله توبة
ام جواد بعصبية:زميله زميله مو بهو!!
شذى قطبت جبينها بشك وهي تطالع امها
ام جواد بنفس عصبيتها:اللي مسوي الخطا زميله مو بجواد هذا انتي ظالمة اخوك دايم ماتشوفين الخير اللي يسويه لك
شذى:طيب يمه قلت لك اسفة اذا رجع بابوس راْسه خلاص رضيتي!!
ام جواد:غصبن عليك وانا اسحبك له اذا مارحتي له ووجع!!
.
..بيت الجد نشمي..
،،الجدة منيرة وحصة وام غازي وعذبة جالسين عالقهوة،،
الجدة منيرة قدامها فنجالها اللي مالمسته وهي كل شوي تطالع جوالها تنتظر خبر منهم عن بتّال وهي الوحيدة اللي تدري باللي صار له منهم
عذبة تتقهوى:يمه مين اللي تنتظرين اتصاله شاغلك هالجوال حتى عن قهوتك!!
حصة بابتسامة وبنص عين:ايييه لنا الله حتى انتي يمه تشتاقين!!
الجدة منيرة وهي تطالعها بتكشيرة:ورا ماتطسين يم بيتش وتمنعيني منش ومن لسانش
ام غازي ابتسمت
عذبة كتمت ضحكتها:تستاهلين ليش اللقافة؟
الجدة منيرة:وانتي مثلها مليقيفة!!
عذبة اتسعت عيونها:انا يمه!!
حصة:احسن ذوقي ماذقت
الجدة منيرة:وش عليش مني ومن اللي احتريه هاه!!
عذبة زفرت:يمه هاذي جزاتي ماابي اشوفك مشغول بالك!!
الجدة منيرة:ماطلبتش تنشغلين بي كبيني عنش!!
حصة:الا والله انك مشغولة وبتموتين من القلق على ذَا العصبية
الجدة منيرة:انكعمي ياحصة ولا طسّي يم بيتش
حصة:يمه!!
الجدة منيرة:اوووص
ام غازي سحبت فنجال الجدة وصبت القهوة الباردة بفنجال ثاني:محد له كلمة على عمتي
الجدة منيرة طالعتها بتكشيرة
ام غازي صبت قهوة جديدة بالفنجال وهي تمده للجدة:سمي ياعمة
الجدة منيرة طالعتها وزفرت وهي تاخذ الفنجال:يسم ربي عدوينش ياوسمية
ام غازي:امين ياعمة امين ياعل اللي تحترينه بنعمة ومايلحقش مالحقني بذيك الليلة من طواري
الجدة منيرة ابتسمت وهي تذكر ذيك الليلة وبكل اسف ان الليلة وذيك الليلة تخص نفس الشخص:الشكوى لله ياوسمية الشكوى لله
ام غازي ابتسمت وهي تشوف ابتسامتها:تخبرينها ياعمة تخبرين؟
الجدة منيرة:وشلون مااخبرها ياوسمية وشلون!
ام غازي:وتخبرين وش اوجستي يمي!
الجدة منيرة ضحكت وهي يهدا بالها:مير اني عطيتش ذاك الكف على وجيهش اللي متنقع بدميعاته
ام غازي بابتسامة:واوجستي يمي مامن احدن تودعتيه ربش يغدي يم بقعا!!
>
>
وسمية ضامته بحضنها وهي تبكي:تكفى ياعادل تكفى لاتغدي به يمهم تكفى
عادل واقف قبالها بوجه ماسيه السواد من الضيقة عاللي ناوي يسويه وبحدة:لاتحديني اعمل بك شين مااريده ياوسمية هاتيه
بتّال هادي باستغرابه يطالعهم مو فاهم اللي يصير وليش امه تبكي
وسمية ضمت بتّال ابو الست سنوات بحضنها:لاياعادل لا
عادل انحنى وهو يمسك يد بتّال يسحبه منها بالقوة
وسمية تعلقت فيه وبصراخ:بيذبحونه والله ان يكبه جده ويذبحونه حرام عليك ياعادل حرام
الجد نشمي اللي ساكن معهم بنفس البيت وجا لهم على صوت الصراخ
الجدة منيرة تسرع بخطواتها وراه
الحد نشمي وقف عندهم واتسعت عيونه وبحدة:عادل!!
عادل اعتدل بوقفته والتفت لابوه
الجد نشمي بصراخ:لا عــز الله مابك عقل!!وش تعمل انت مهبول!!
عادل:محد يوجس يمي شي ابد
الجد نشمي:اجل تبينا مراعية وانت تذبحهم ونكبك!! عادل:انا اللي بتحاسب عالامانة ولا واحدن منكم بيتحاسب عليها غيري
الجد نشمي:محد اوجس شي مير انه ماهو بهاللون!!
عادل:اغدي به يمّه وهو على مايريد
وسمية وهي ضامة بتّال:جده عيّا عنه طول هالسنين اللي غدت وش يبي به ذالحين!!والله ان يكبه للصرايم ياعادل!!
عادل:هالمرة بيقبل به ياوسمية غصب يقبل به،،طالع بتّال،،بتّال
بتّال فز:نـعـم يبه
عادل:تعال
وسمية ضمته:لا ياعادل هو ولدي انا ماهو بولدهم لاتاخذه مني حرام عليك
عادل بدون اهتمام لترجيها له:وسمية ان ماتركتيه علي الحرام ماتشوفين عيالك
وسمية بردت عظامها
الجدة نشمي صرخ:عادل!!وش ذَا اللي توجسه انخبلت!!
عادل بحدته:تخيري ياوسمية تخيري
وسمية عضت شفتها بغبنة وسط دموعها:حسيبك الله ياعادل حسيبك الله
عادل مد يده لبتّال اللي بحضن وسمية:يالله يابتال
الجد نشمي زفر بقلة حيلة وهو يدري ان كلامه مابيغير راي ولده
بتّال مد يده ليد ابوه ووقف وهو يشوف امه ترتخي يدينها وتتركه
وسمية تطالع عادل بنظرات او تحرق احترقت عادل وشوهته
عادل خرج وهو يسحب بتّال وراه
وسمية ماتحملت تجلس وهي خايفة من المصيبة اللي بتصير له وقفت ولحقته
الجدة منيرة مسكت يدها وبتكشيرة:وين غادية؟
وسمية وهي تسحب يدها وبخوفها الواضح:أرد ولدي هذا اللي غادية يمّه!!
الجدة منيرة:وحلف رجلش والله ان يسويها ياوسمية ولاضرب يمش حساب
وسمية:خليه يعمل اللي يريده ولاتصيب بتّال صريمة ياعمة
الجدة منيرة ضربتها كف وبحدة:ماأردى منه غيرش!!
~تكملة البارت بالصورة~
وسمية تطالعها بدموعها
الجدة منيرة زفرت:اقضبي بيتش وراعي عييلش وكبي قنقش اللي ماله سنع
وسمية:مير انه
الجدة منيرة قاطعتها:قليبه مايصخى به(يتركه)للصرايم ياوسمية!!وثمن مامن احد تودعتيه ربش يغدي يم بقعا وانا عمتش
>
>
الجدة منيرة زفرت:صحيح صحيح
ام غازي:تقهوي ياعمة تقهوي وعيّني من الله خير دامش ودعني اللي مقلقش ربش فانه بخير بخير ياعمة
.
فيصل واقف بسيارته بمواقف السوبر ماركت وهو متكي بظهره عالسيارة وكل شوي يطالع جواله وهو يتأفف من تأخيره
يزيد وقف قباله بالسيارة وبابتسامة وهو يرفع صوته:مررررحبا بالحبييييب
فيصل اعتدل بوقفته ومشى لعنده وهو ينحني ويتكي باكواعه على الباب مكان الراكب وبتكشيرة:وش فيك تأخرت؟
يزيد:ابد اكمل الامور،،مد له الفلوس،،
فيصل مد يده وسحب الفلوس منه وبتكشيرته:لاتتاخر مرة ثانية
يزيد بنرفزة:مو انت ماترضى تجمع من احد شي
فيصل:هذا اللي ناقص!!
يزيد:اصلا احسن انا ماتجمع
فيصل ارتفع حاجبه
يزيد:لان لو انت اللي تجمع منهم كان محد دفع منهم شي!!
فيصل عض شفته وهو يكتم غيظه وضرب على تندة
ابو جواد وقف عندهم ومسك ابو غازي اللي اقرب له من يده بقوة
ابو غازي التفت عليه وهو يترك جسّار ومقطب جبينه وهو يطالع وجـهـه:وش فيك يامسفر؟
ابو جواد بقلقه:طلبتك ياعادل طلبتك
الجد نشمي وقفوه يطالعهم
ابو غازي قشعر جسمه وبحدة:انطق يامسفر علامك!!
ابو جواد:جواد ياعادل جواد بالسجن
ابو غازي تغيّر وجـهـه:علمني بـالـسـيـارة مشينا الحين مشينا
ابو جواد سبقهم للسيارة ووراه الجد نشمي
ابو غازي التفت لجسار وبحدة:بكرة وانت عندي سمعت
جسّار بلع ريقه وهو يشوف نظرة ابوه وهز راْسه:ان شاء الله ان شاء الله
ابو غازي مشى وراهم يلحقهم
الجد بادي رفع صوته بوسط ابتسامته:عاد حياكم الله عالمعواض بوقته مبروك ماعملتوا وعساه هني(يقصد العشا)تصبحون على خير،،مشى ومشوا وراه سعود وراشد وجسّار،،
.
..بيت مناور..
بخوت واقفة قبالها رسمت ابتسامة على وجهها وسط انفاسها السريعة وهي ترفع أطراف الثوب بيديها:خابرته ياأم غيث؟خابرته؟
ام غيث عضت شفتها بغبنة للحظة ثم ابتسمت وبسخرية:لذالحين خاطرش يريده!!عزّاه ياغيث كلن يريدك
بخوت انفجرت تضحك قبالها بصوت عالي
ام غيث كشرت بوجهها
بخوت بابتسامة:مَن اللي يريده؟!!،،اشرت على نفسها،،أنا؟!!،،لفت بنظرها عالموجودين حولها،،كل ابوهم خابرين البير وغطاه!!
ام غيث بحدة:تعقبين
بخوت بصرخة:محد يعقب غيرش!!كل ابوهم خابريني ماهو ماني برايدته الا عايفته العوف اللي ماوراه وانتي براسش خابرة اني من اولها وانا اتهجج بروحي عنه!!
ام غيث بحدة:ايه من سواد وجهش
بخوت:تعقبين كلن يدري ببخوت وطبايعها حتى عقب ماعينت الظليمة من وراكم لذالحين بخوت على ماهي عليه،،سحبت الثوب من عليها بقوة وهي تمد بوجه ام غيث،،اوجس يمش تخبرينه تخبرين؟
>
>
قبل اربع سنوات
>
>
بخوت جالسة قبال المشب بقميص بني بأكمامه الطويلة بشعرها اللي رافعته كله ولافته بوجه شاحب مرتسمة عليه بقايا اثار كدمات قديمة ضامة رجولها لصدرها وتطالع النار كيف تاكل بعضها بهدوء غريب يحتويها كلها
حلايا بنت الشهر بمهدها على يمين بخوت عالارض اعتلى صوت بكاها المكان
بخوت مااهتمت لها ابد رفعت عينها للباب اللي يدق وقفت وهي تجر خطواتها للباب فتحت الباب بشويش ماحست الا بدقة قوية للباب رجعتها لورا وانفتح الباب كله
ام غيث داخلة وهي شايلة شنطة وبابتسامة وهي تزغرط بأعلى صوت:ياسعدش ياصيفة ياسعدش،،زغرطت،،
بخوت انرعبت وهي تطالعها وقفلت الباب بكل قوة وهي ترجف
ام غيث التفت لها وبابتسامة سخرية:علامش ذلّيتي(خفتي)!!مايريد لش شوف!!كبي عنش هالذلة اللي على غير سنع وانتي محدن يحرز(يقدر)عليش!!
بخوت برجفتها:ويوم انه مايريدني علامش غادية يمي وانا ماني بمرتن له
ام غيث:جيت اوجس يمش العلم
بخوت قطبت جبينها
ام غيث بابتسامة:غيث وخطب هدية
بخوت تطالعها ساكتة
ام غيث:هدية اللي انتي خابرة مير انه يحتريها تقضي من هالمدرسة وثمن تغدي حليلتن له
بخوت سكتت وهي مالها شغل فيهم ولاتبي تعرف عنه شي
ام غيث:وانا لفيت بروحي اوجس العلم يمش محدن غيري كود إنش للحين بقليبش شين له
بخوت وهي تضم يديها تخفي رجفتها وتقاطعها:مابقلبي شين له ابدن ابدن
ام غيث ضحكت:ايه ايه والمريّة(الدليل)،،رفعت الشنطة،،انش كابّتن(تاركة)غرضانش من غديتي من يمنا!!
بخوت وهي تهز راسها بلا:مااريد شي ماني برايدة شين ابدن ابدن
ام غيث ابتسمت برضا:زين زين،،جلست عند المشب وفتحت الشنطة،،وهالغريضات ولمهن غيث
بخوت قشعر جسمها وهي تسمع اسمه ورجعت بخطواتها لورا من خوفها منه
ام غيث وهي تسحب من ملابس بخوت وترميها بالمشب:وانا لفيت يمش اوكد العلم كود ظل شي بخويطرش لذالحين
بخوت اتسعت عيونها وهي تشوفها ماسكة طرحة زواجها السودا المطرزة بالخطوط ذهبية جرت لها بسرعة وهي تمسك الطرحة وتسحبها منها وبعصبية:كبيها ماهي لكم ولا منكم كبيها،،اخذتها وهي تحضنها،،
ام غيث وقفت ومدت يدها وسحبتها بقوة من بخوت وبعصبية:هاتيها اوجس لش
بخوت:تركت امي لي ماهي بمنكم كبيها
ام غيث اخذتها ورمتها بالمشب
بخوت تطالع الطرحة وهي تحترق ونزلت دموعها بقهر من هالعايلة اللي ذوقتها المر
ام غيث ببرود وهي تجلس عند الشنطة ورفعت كحل بخوت اللي ماعمرها استخدمته وهي تطالعه بسخرية ورمته:ايه الله يكتب لك العوض ياعيني،،وهي تطالع بخوت عن طرف،،مامن زين مير انه الشكوى لله،،سحبت الثوب الكحلي اللي كان فستان بخوت بزواجها واللي اختارته هي لخاطر ولدها مو حبا ببخوت وتنهدت وهي تطالع حلايا اللي للحين تبكي وهي ماكلفت نفسها تشوفها حتى ورمته لعند حلايا ووقفت وهي تطالع بخوت وبتكشيرة،،لاغدا الوقت باكر ونشدتك هالبنية عن عرسش لاتوجسين يمها اكذاب ادعيها تراعي هالثوب اللي محدن لبس مثله قبلش بهالديرة وعلميها بثمنه اللي تنافضوا الرجال يوم اوحوه،،بتشديد على كلامها،،وأدعيها تراعي ان ابوها ماقصر بش بشين ابد
بخوت عضت شفتها وهي تطالعها بقهر
ام غيث بتكشيرة وتهديد:واياش ثم اياش يطري براسش يوم طاري انش تعودين يم غيث يابخوت
بخوت تجمدت من الخوف وهي تطالعها
ام غيث وهي تمشي لها وبتهديد:كود نويتيها بيوم هالبنية مابتراعينها طول عمرش،،مشت،،
بخوت وهي مرعوبة انها ترجع لغيث التفتت لحلايا اللي تبكي وهي تعرف غيث وطبايعه مابيتركها وبياخذ هالبنت عذر حتى يرجعها له وهي مستحيل ترضى بهالشي اتجهت لها وشالتها ورفعتها وهي ناوية ترميها بالمشب بكره لها ولكل شي يربطها بغيث ماحست الا بسحبة من شعرها ترجعها ورا
عباير بعبايتها راجعة من برا بصراخ:انخبلتي!!!
بخوت بتطنيش لعباير وهي مصرة ترميها بالمشب
عباير سحبت حلايا من يدين بخوت بالقوة وبصراخ وهي تضم حلايا لها:اي بالله انخبلتي!!طار عقلش!!
بخوت بصراخ وهي تسحبها:هاتيها ياعباير هاتيها
عباير دفت بخوت بكل قوتها عنها
بخوت طاحت وسط دموعها
عباير بصراخ:وثمن؟لاعطيتش اياها وثم؟بتطشينها بالنار!!مهبولة!!
بخوت بشهقاتها:يغدي يمي ياعباير يغدي يمي وانا مااقواه والله مااقواه
عباير بغبنة منها وعليها بحدة:ولاطشيتيها كبش!!هاذي علومش!!الردي ردي يابخوت مامنه رجى!!
بخوت برعب واضح:بيردني يمه اوجسه ياعباير يمي مايكبني اوجسه
عباير بغبنة:ونطشها بالنار كود ماتعودين يمه!!وش عملت بش هالضعيفة حتى تعملين بها هاللون!!!
بخوت وقفت وبترجي وسط دموعها:طلبتش اقلعيها عنّا اقلعي هالصريمة عني تكفين مااريدها تكفين
عباير ابتسمت بقهر:ابشري ابشري اقلعها عنش بسيطة اقلعها بغدي بها يمهم واوجس مانريدها هاكم وغدكم اعملوا به على ماتريدون وش علمش؟
بخوت طالعتها بتفكير وهي عاشت بذاك المكان الشين اللي بنظرها جحيم
عباير لفت عنها وهي متجهة للباب
بخوت نزلت عينها اللي طاحت ع ثوب زواجها واحتدت نظرتها بغبنة وانحنت للثوب وشالته بيمينها وجرت لعباير ومسكتها من كتفها وهي تلفها عليها واخذت حلايا من يدين عباير وتلفها بالثوب وسط دموعها اللي احرقت خدها وهي تهمس:نذرن علي لااعرضه عليش بأزهى ايامش نذر
>
>
ام غيث بتكشيرة:وشلون مااخبـ
بخوت ضربتها بالثوب بوجهها:هاك
ام غيث احتدت نظرتها
بخوت رفعت صوتها:انا غديت يمش الليلة حتى أرده يمش
ام غيث بحدة:صدقتن عليش ياللي ماتخبرين السنع
بخوت انحنت وهي تاخذ الثوب واتجهت للمشب البيت ورمته قدام الكل
ام غيث عضت شفتها بغبنة
بخوت وهي تلفت لها تطالعها وبابتسامة:والصدقة عودت يم اهلها ومالكم شين عندنا وهالثوب اللي يتنافضون الرجال لااوحوا طواري ثمنه أكلته النار اللي حطبها من ازهد الأثمان
ام غيث بغبنة:والله من الغيرة اللي اكلت قلبش اعرس بعدش وانتي محدن دق بابش
بخوت بسخرية وهي تهز راسها:صحيح صحيح الغيرة هولت بي!!ولفيتش وانا طايرن عقلي!!
ام غيث كشرت بوجهها
بخوت بابتسامة وثقة:الجيزة ماني بعاجزتن عنها لاردتها مير اني ذالتن ينخبل وليدش لاأوحى العلم ويفضحش وسط العربان
ام غيث احتدت نظرتها بغبنة وهي تدري انها تقول الحقيقة
بخوت طالعت عباير:غدينا يم البيت ياعباير غدينا قبل انوي الجيزة صحيح وينخبل ولدها ويبلشون به غدينا
.
بتّال راجع للبيت وبـيـده اليمين كيس يحركه بحركة دائرية ويده اليسار بجيب بنطلونه الاسود الواسع بعد مااخذ اللي يبيه من سيارة راشد الي يشوفها بقالة متحركة يهمهم أسرع بخطواته وهو يمر من بيت مناور اللي يضوي الديرة كلها بأنواره وأصوات مزعجة بالنسبة له غطت المكان هدا بخطواته وهو يشوفها قدّامه وطالعها بشك من وجودها بهالمكان ولوحدها
حلايا واقفة ع زاوية بيت الشيخ منزلة نظرها للأرض وكأنها تنتظر احد
بتّال ابتسم وهو عرفها اختفت ابتسامته وهو يوقف ويطالع اللي قدامها باستغراب
هليّل منحني قبالها شبه جالس يطالعها بابتسامة:وشلونش ياحلايا؟
حلايا مكشرة بوجهها ورجعت خطوة لورا
هليّل:ماتريدين إتخبرين ابوش وتسلمين عليه؟
حلايا هزت راسها بلا
هليّل مد يده لها:تراعينه احسن لش بيدعيش تشرين اللي تريدين من الدكان
حلايا وهي ترجع يديها ورا ظهرها وبتكشيرة:مااريد ابو
هليّل زفر ومسكها من يدها
حلايا انقلب وجهها وسحبت يدها منه بس قوته أكبر منها بكثير
عباير خرجت من بيت الشيخ وهي تدورها بقلق كيف اختفت من قدامها بثانية عقدت حواجبها وهي تشوف واقف وطالعت اللي يطالعه واتسعت عيونها بصدمة
بتّال جرى له
عباير جرت وراه
بتّال وقف عندهم وضرب هليّل بالكيس بوجهه
هليّل انصدم من الضربة وجلس وهو يحط يده ع وجـهـه ويمسحه
عباير وقفت عندهم ورفعت رجلها اليمين وهي تشوت هليّل من جنبه:اعقب يالموذي!!
بتّال التفت يمينه يطالعها بوسع عيونه بصدمة من اللي سوته
هليّل مسك جنبه وهو يكتم اهات المه
طلق شايل بـيـده كيس البن المطحون انصدم وهو يطالعها واقفة جنبه
حلايا بدموع محبوسة:بعاير
عباير بصرخة فز معها بتّال وهو يبعد بخطواته عنها شوي:وصريمة!!علامش واقفتن بمحلش ادني يمي!!
حلايا مشت بهرولة لعباير وهي تحتضن رجول عباير وتدفن وجهها بعبايتها
هليّل وقف وهو يطالع عباير بحدة واسرع الكم خطوة اللي بينهم وسدد لها ضربة بكل قوته
بتّال مسك يد هليّل بنظرات حادة اخترقته وهو يوقف بينهم وصارت عباير وراه ودفه وبحدته:اجمع بقايا كرامتك واذلف احسن لك
هليّل بحدة:انت محدن اوجس يمك شي طس عني،،طالع عباير،،هاتي البنية ابوها يريدها
بخوت وقفت عندهم وانخطف وجهها وهي تسمع اخر كلام هليّل وسحبت حلايا من يدها وضمتها لها بخوف احد ياخذها
عباير بحدة:ابو هالبنية بادي عندكم شين اوجسوه يمه
بتّال بحدة:سمعت!!تقلع الحين يالله تقلع ولايكثر
طلق وقف جنب هليّل وهو ينزل الكيس جنبه وبحدة:وانت وش لك بالسالفة محدن اوجس يمك شي!!،،طالع عباير،،والاناثي(الحريم)ماي وجسن شي لانطقوا الرجال!!
بتّال بسخرية:والرجال تعرف تدق أبواب البيوت وتكلم اَهلها ماهو بهالطريقة يارجال!!
طلق ميّل فمه بسخرية مثله:ايه ايه هذولا الرجال ماهو باللي يغدون يم البيوت يوايقون(يسرقون النظر)ولا مرادهم علومن ثانية
عباير انغبنت وهي تدري انه يقصدها
بتّال ضـحـك
طلق قطب جبينه
عباير طالعته باستغراب
بتّال بابتسامة:والله كلن يرى الناس بعين طبعه دام طبعك توايق وتدور علومن ثانية فالسموحة منك مالي بعلومك الشينة خبر
عباير وهي تمرر نظرها عليهم وبحدة:ايه لاتلومهم مامن شرهة عليهم
طلق عض شفته بغبنة
هليّل تقدم خطوة وبقهره:كود إنش صادقة ادني من وراه
بتّال التفت لها وعطاها نظره بمعنى اسكتي ورجع نظره عليهم
عباير كشرت بوجهها وهي تصد عنهم
بتّال:ووش عليك منها!!،،مد وجـهـه له،،تفضل تكفى ابدا انت تكفى
طلق احتدت نظرته
هليّل شد ع قبضته يستعد
طلق مسك يد هليّل
هليّل التفت له بحدة
طلق:الليلة فرح مانريد شين يهدم هالفرحة زود
هليّل رص ع اسنانه بغبنة:غيث يريد حلايا
بتّال:يعرف بيت اهلها،،وجه الكلام لعباير وبخوت وعينه على طلق وهليّل،،قدامي لبيتكم
عباير عدت من جنبهم وهي تتنهد بصوت عالي قاصدة تغيظهم
طلق انغبن منها ومن عنادها
بتّال انفقع قلبه من حركاتها
بخوت اللي ضامة حلايا عدت بخطوات سريعة وهي ماتطالعهم حتى وسبقت عباير بالطريق
بتال مر وهو يطالعهم بنظرات كلها استحقار للي سووه
هليّل سحب يده من طلق بقوة وطالعه بحدة:تمنعني عنها!!لذالحين رايدها!!وعلى خيتي!!معصي ياطلق معصي تغيظ شامة معصي!!
طلق بحدة:احشم عمرك ياهليّل!!وثمن لانويت اخذ فوق اختك اخذت ولااحدن رادني مير اخز ابليس واطرده عنا!!
هليّل زفر وهو يصد بوجهه عنه ويتعوذ ثم طالعه وبتهديد:والله ثم والله ياطلق كود قليبي اروح شكّه(شك فيه)انت خابرن علومي مايحتاج اوجس يمك شي
طلق كشّر بوجهه
هليّل طالع مكان ضربتها ومسح عليه:وهي مصختها واجدن واجد،،رفع عينه يطالعه،،وانا اخذن حقي منها قريب قريب
.
..بيت غيث..
الشيخ مناور وهو يكتم غيظه من غيث ويتناسى اللي صار قبل شوي فتح باب بيت غيث وبابتسامة:حياك بيمينك وسم سم
غيث دخل وعينه بالارض وراسه بينفجر من كثر تفكيره كيف بخوت بتتزوج من بعده
الشيخ مناور انتبه لسرحانه ورفع صوته:سم!!
غيث انتبه على نفسه وزفر:بِسْم الله
هدية داخل غرفتها حست برجفة وهي تسمع اصواتهم اخذت نفس وهي تهدي هالرجفة صحيح فرحتها ناقصة بعد اللي صار بينها وبينه لكن مايمنع تفرح وهالليلة ليلتها
الشيخ مناور وهو يمشي لداخل البيت:حياك حياك
غيث وقف:يبه
الشيخ مناور معطيه قفاه كشّر بوجهه ولاالتفت عليه:وش بغيت؟
غيث:يبه انا ناوين اغدي بحلايا يمي
الشيخ مناور التفت له وهو موسع عيونه:وشو؟!!
غيث:حلايا ماتخبرني يبه ولاارعتني تهولت!!
الشيخ مناور بحدة:مير انها إتهول من كل الخليقة ماغير اَهلها!!وثمن نسيت وجسك يم بادي!!،،بصراخ،،نسيت الوعد قدام الديرة!!مالي بها بـد هي بنتكم مااشقتني ولا لي بها عازة!!نسيت نسيت!!
غيث:يبه بذاك الحين مااعلم الامور زين
الشيخ مناور اتسعت عيونه من العذر
غيث:وثمن هي بنيتي وأريدها تراعي ابوها وإتطبّع طبوعه
الشيخ مناور بحدة:امحق ابو وامحق طبوع!!
غيث بزعل:يبه!!
الشيخ مناور بحدة:معصي ياغيث معصي انا خابرن وشو له هالعلم كله مير انكعم وانشغل بروحك ياغيث
غيث بعصبية:بنتي يبه بنتي ومحدن يمنعني عنها!!
الشيخ مناور بحدة:ياعلك ماتنبت قل امين!!اقطع هالعلوم الشينة واغد رحل كلمتك وحدة ماتثنى!!
غيث:وبنتي أبيعها لخاطر اغدي رجل!!مايحصل هاللون!!
هدية خرجت من غرفتها وبحدة:هالبنت لاغدت يم البيت انا مالي محل به
الشيخ مناور التفت لها وبحدة:عودي يم الغرفة ياهدية عودي
هدية بحدتها:ماني معودة وتخير ياغيث ياأنا ياهي بهالبيت
.
..بيت بادي..
،،العشة الخارجية،،
..شابين النار ودلتهم فوقها الكل ملتزم الصمت،،
الجد بادي مرتسمة ابتسامة عريضة على وجـهـه وهو اللي حلف عليهم يقهويهم ومحد منهم يساعده
جسّار قباله وعينه عالنار بوسط المشب وهو يطالعها بهدوء يفكر باللي سواه
سعود جنب جده ساكت بهم يفكر بردة فعل بخوت وجسّار
راشد جنب جسّار وبينهم المسند يطالع جسّار بشك منه وهو يشوف هدوءه الغريب التقت عينه بعين الجد بادي
الجد بادي كشّر بوجهه وتنحنح وهو يطرد تكشيرته وهو يشوف هالمناسبة تستاهل رواق مايحتاج له كدر وهو يكمل شغله بابتسامة وسط همهمته
راشد رمش باستغراب انه ماقاله شي
بخوت مرت من عندهم بخطوات سريعة وهي ضامة حلايا ودخلت للبيت
سعود عقد حواجبه
عباير تمشي بخطوات سريعة
الجد بادي:بنت ياعباير
عباير وقفت ووطت صوتها:سم ياجد
جسّار صد بوجهه وهو مو مرتاح
الجد بادي:وش العلم؟
عباير:كل خير ياجد
الجد بادي:صحيح؟
عباير:مااوجس اكذابن ابد!!
الجد بادي زفر وهو يهز راْسه:زين زين
عباير دخلت للبيت
سعود وقف بوسط قلقه:اترخص
الجد بادي:اقعد ياسعود
سعود:انا غادين
الجد بادي قاطعه وهو يطالعه:مامن خلاف اقعد لو به بلا ماهي بمنكعمة وانت خابر مير اقعد
بتّال وقف وبابتسامة وهو مستغرب جمعتهم:السلام عليكم
سعود جلس وهو مو مرتاح
بتّال وقف عند جده وانحنى وهو يسلم على راْسه
الجد بادي:سلمت سلمت
بتّال مد يده ومسك الدلة
الجد بادي ابعد الدلة عنه؛انا اوجست محدن يحط يده بها رح تريّح مع الربع
بتّال تنهد وهو يشوف اصراره واتجه لراشد وجسّار وسحب المسند اللي بينهم وجلس مكانه وهو يحشر نفسه بينهم
راشد وجسّار افسحوا له مكان وهم يطالعونه بنظرات ويبلعون كلامهم
الجد بادي بعد ماصب القهوة بدلته لف يغسل الفناجيل:ياولد
سعود:سم ياجد
الجد بادي:ماهو بأنت عنيت اللي طلب
جسّار طالعه:سم
بتّال التفت بسرعة لجسار بصدمة:وش طلبته؟!!
الجد بادي مسك الفناجيل ورفع عينه يطالعه بحدة: العلم اللي اوجسته من شوين وش طاريه؟
،،الكل التفت يطالع جسّار،،
جسّار:مثل ماسمعت ياعم انا ابيها زوجة لي على سنة الله ورسوله
الجد بادي:كم لك؟
جسّار:29
الجد بادي:وهي فوقهن بثلاث ومعها بنية
جسّار:انا قابل بها وببنتها هي بتصير زوجتي وبنتها بنتي
الجد بادي بابتسامة:على بركة الله تم تم
سعود يطالع جسّار وهو يزفر ارتاح شوي من همه
بتّال يطالع جسّار منجلط من اللي يسمعه
الجد بادي وهو ينزل الفناجيل على طرف المشب:القهوة ياسعود
سعود فز وهو يسحب الدلة والفناجيل:ابشر ياجد
الجد بادي بابتسامة:بعلمكم بعلمن والفطين اللي يحلّه
بتّال:اسلم
الجد بادي:الأولين يوجسون الواحد لاانجز(انجرح)اصيبعه يقعد فوق هالاصيبع ابليس وثمن كل من مرّ به من خلق الله إقذعه(رماه بحجر)يتعوذ منه علموني ذالحين وش تالية الإصبع؟
سعود ضـحـك بخفة
راشد:أجاوبك؟
الجد بادي قطب جبينه:ووشو له احجويك(اقولك لغز)!!
راشد:الإصبع غيث والجرح
الجد بادي تنحنح يقاطعه:وابليس؟
راشد سكت مايبي يقول
بتّال:انت ،،كلهم طالعوه،،
الجد بادي هز راْسه بموافقة لكلامه:وثمّن؟
بتّال:واللي يرمون اصحاب الجرح
الجد بادي ابتسم:وتالية الإصبع؟
سعود:نجزه من قاعته
الجد بادي ضحك وهو ياكد بهالضحكة قصده:صحيح صحيح مااخطيتم عساكم ماتخطونه،،مرر نظره عليهم وهو يشوف شبابهم ويقارنه بنفسه وقت شبابه زفر وسط ابتسامته وهو يجرها قاصدهم،،تـو مـاشـافـت غـزيـر الـزيـن عـيـنـي..
طـارت الـغـدفـة وشـفـت الـلـي تـحـتـهـا..
بتّال قاطعه وهو يجرها:
نـاطـحـتـنـي والـجـدايـل سـبـحـتـيـنـي..
يـاصـبـاح الـخـيـر يـاشـوف طـخـمـتـهـا..
بـس عـذروب الـحـبـيـب شـارتـيـنـي..
مـع سـواد عـيـونـها طـول رقـبـتـها..
الجد بادي قاطعه بنص عين:بنت مَن ياولد هاللي غربلتك؟
بتّال اتسعت عيونه:والله محد جريتها وراك!!
الجد بادي ضـحـك وهو يكمل:يـاحـلـي الـلـي رقـت يـم الـبـطـيـنـي..
قـادت الـغـزلان والـريـم تـبـعـتـهـا..
،،مرر نظره عليهم بابتسامته،،قريب قريب كل واحدن تتله(تسحبه)ريمه من رقيبته
.
...........****..........
يوم جديد
...........****..........
.
أم جـلاجــل
.
عباير وقفت بـالـسـيـارة قبال شبك الحلال لابسة فروة جدها اللي اقصر من طولها بشي بسيط باللون البني وهي تتثاوب وميتة من النوم وهي تدعي بينها وبين نفسها عالغنم والراعي اللي حرمها نومة الصباح نزلت من السيارة وقفلت الباب وراها وهي تضم الفروة عليها بعد ماحست بلفحة الهوا البارد مشت باتجاه الشبك عقدت حواجبها وهي توقف وتطالع الغنم اللي تتحرك داخل الشبك حركة مي طبيعية اخذت نفس وهي تتعوذ من الشيطان قشعر جسمها وهي تسمع نباح كلب وراها وجرت الشبك وهي تصرخ ودخلت له وهي تقفل باب الشبك وراها مرعوبة
الكلب ينبح على باب الشبك
عباير رجعت بخطواتها لورا وهي بتموت مكانها من الخوف وعيونها عليه لصقت فيها وحدة من الغنم من وراها بدون ماتنتبه لها وفزت بصراخ وهي تجري لاخر الشبك وجلست عالارض وهي تبكي وسط نباح الكلب اللي اخذ عقلها من الخوف وغطت أذانيها وسط دموعها:وصريمة تصرمك طس عني يامال الناقة اللي تعقطك(تضربه)
.
...........****..........
..بيت مسفر..
،،غرفة النوم،،
ام جواد جالسة عالسرير بوجهها اللي للحين ماخف من اثار البكا وحتى وهي وقفت بكا مكتسي ملامحها السواد من الهم
ابو جواد دخل للغرفة وهو يجر خطواته بتعب مخفي صدمته عن الكل باللي صار وهو يتصنع الشدة
ام جواد فزت له وهي تطالعه:بشر يامسفر بشر؟
ابو جواد زفر:مافيه فايدة ياعواطف مافيه
ام جواد قطبت جبينها وبعصبية:وش هالكلام!!
ابو جواد:مانطق حرف تعبت ماقال شي ابد ماقال
ام جواد:وبتخليه!!بيضيع الولد وبتسكت يامسفر!!
ابو جواد نزلّ ثوبه وهو يجلس عالسرير:ماني تاركة ياعواطف بالعقل!!،،تمدد،،يصير خير يصير خير ان شاء الله ابي تريّح شوي
ام جواد طالعته بقهر وهي تحس ببرود موقفه اتجهت للدولاب وهي تفتحه واخذت عبايتها وقفلته بقوة
ابو جواد باستغراب:وين؟
ام جواد:اذا انت بترتاح ارتاح انا مااقدر ارتاح وولدي بالسجن
ابو جواد بحدة:وش هالكلام ياعواطف!!
ام جواد برجفة صوتها:مااقدر مااقدر يامسفر اجلس وجواد بيروح منا مااقدر ماقدر يامسفر اقعد
ابو جواد جلس وبعصبية:يعني انا الحين مرتاح برايك وهو بهالحالة!!والله لو انه عدّوي ماتريحت وانتي عارفتني ياعواطف
ام جواد رجعت عبايتها للدولاب وهي تحبس دموعها
ابو جواد تنهد:ماني بتاركه ياعواطف هذا ولدي مثلي مثلك تعالي تعالي بـس يابنت الحلال وان شاء الله تنحل تعالي
.
..بيت نشمي..
،،عالفطور،،
الجد نشمي باستغراب:وشلون ماقال شي!!
ابو غازي وهو مو عاجبه اللي يصير:يقول سوا اللي عليه والرجال هذا يومه
الجد نشمي شهق وهو موسع عيونه:وش ذا العلم!!
ابو غازي:مثل ماسمعت
الجد نشمي زفر:والدبرة ذالحين!!
ابو غازي وقف:ان شاء الله خير يبه ان شاء الله خير
الجد نشمي:اقعد تقهوى!!
ابو غازي:دائمة دايمة بس اني مين من التعب وابي ارتاح،،انحنى وهو يسلم على راسه امه وابوه ومشى،،
الجدة منيرة زفرت:ايه دارت الدنيا صحيح!!
الجد نشمي التفت لها بحدة:اقطعي الطريا لاحدن يوحيش!!
.
..بيت عادل..
ام غازي جالسة على كنبة مفردة بمدخل الباب الرئيسي تنتظره وقفت وهي تعرف صوت خطواته ثبتت عينها ع الباب
ابو غازي فتح الباب ودخل ابتسم وهو يطالعها:السلام عليكم
ام غازي بابتسامة وهي تتقدم له:وعليكم السلام والرحمة،،سلمت عليه ووقفت جنبه،،
ابو غازي مسك يدها بيده وهو يمشي وبابتسامة حب هادية:الله يكثر هالأيام كود أراعيش تحتريني ياوسمية
ام غازي:مير اني كل عمري وانا احتريك ياعادل واقفتن على بابك احتريك
ابو غازي وقف والتفت يطالعها وهو يفكر
ام غازي وهي تضيع الموضوع:وش عملت بالسالفة؟بشر؟
ابو غازي تنهد وهو يمشي وللحين يدها بيده:سواة الله خير
ام غازي:ونعم بالله بـــــس وش صار عليه
ابو غازي:احتري مسفر يراعي المستشفى عنده بلكن يرد انا خبر
ام غازي هزت راسها:الله يفرجها عليه
ابو غازي:روحي وشوفي امه
ام غازي:ماني رايحة!!
ابو غازي ترك يدها وبحدة:وليش ان شاء الله؟!!ولا زانت لك الايام والحين دورك!!
ام غازي احتدت نظرتها:ماني من الشماتين ياعادل والله ماحبهم!!والنية القشرا كبها عنك!!انا عنيت الوقت مايصلح ذالحين دام توك معوّد فاخوك مثلك وعيب اجيهم بهالوقت وانا خابرتن حالتهم
ابو غازي ندم على تسرعه وزفر:وسمية الشـ
ام غازي قاطعته بزعلها:الشيطان سبوق!!هذا العدر ماعاد ينفع معي ياعادل لانك تحرز إتدركه(تمسكه)مير انت تعودت ترمي اللي بلسانك ولاعليك من احد،،مشت،،
ابو غازي رفع صوته:جسّار خطب ياوسمية
ام غازي وقفت وهي تطالعه بصدمة
ابو غازي:لاتراعيني بهاللون احتريه يغدي يمنا وأراعي مصيبته اللي ابلش روحه بها وابلشنا معه
.
...........****..........
أم جـلاجــل
.
..بيت بادي..
الجد بادي يفطر بتكشيرة على وجـهـه وهو كل شوي يسرق نظرات له ويستغفر وسط تنهيدة بصوت مسموع
سعود يطالع جده وهو مميل فمه مو عاجبته تصرفات جده ويقطع من الخبزة(مطبوخة عالحطب)ويحط عند راشد اللي على يمينه
راشد جالس قبال بادي وبينهم الفطور(الخبزة بالوسط وحولها زبدية اللبن وزبدية سمن وزبدية زبدة)ويتحاشى نظرات بادي
حلايا جالسة بين سعود وراشد وهي تطالع جدها بتكشيرة وبنبرة عالية:جدي
الجد بادي طالعها وبابتسامة:ياحلوة جدها
حلايا بعصبية:ليس تلاعي الحلو كديا(ليش تراعي الحلو كذيا)
راشد ابتسم
سعود انبسط وبنفسه:حيلش به ياحلوة الخد
الجد بادي وسع عيونه:اخو نشمي!!وش هالعلوم!!
راشد انحنى وباس حلايا على خدها ووقف وبابتسامته:جاد الله عليكم
سعود وقف:وين!!
حلايا تطالع جدها بحدة
الجد بادي تنحنح وهو يكمل فطوره عادي
راشد باحراج:والله يادوب ألحق عالمدرسة
سعود:اليوم سبت مامن داوم!!
راشد:يوووه اقصد اصحي الشباب اكيد ناموا عن شفتاتهم ونومهم اللهم ياكافي!!
سعود تنهد وهو يشوفه يصرفه:على خير بس تعال تقهوى شوي
راشد:مااوعدك لكن حياك عندنا ياسعود ننتظرك انت وجدي بادي
الجد بادي مارد واكتفى بسكوته
سعود:تسلم تسلم ان شاء الله على خير
راشد:فمان الله،،مشى ووقف وهو يشوفها،،
عباير دخلت للبيت وقفلت الباب وراها بقوة وهي ترفع نقابها وتنزل طرحتها بوجهها اللي واضح عليه اثار بكاها وبزعل بصوت عالي:هذا اللي أعينه من وراكم
الجد بادي لف بجسمه عليهم وهو جالس مكانه يطالعهم
سعود اتجه لها بخطوات سريعة وبخوفه:علامش وش غادين بش؟!
بخوت نزلت القهوة والشاهي عند جدها