الفصل 15
اسبحان الله وبحمده سبحان الله العظيم،،اللهم صل وسلم على نبينا محمد،،
.
.
الجد بادي ضربه ع كتفه بمركوعه بكل قوته وبحدة:انكعم ياسعود انكعم
سعود سكت وهو يعرف طباع جده
الجد بادي بغبنته:هاذي تالية الوصاة ياسعود!!وين طاس وكاب خواتك؟هاه؟!
سعود رفع عينه لجده وبهدوء:ياجد انا فزعة يم المستشفى بعباير معتلّة
الجد بادي اتسعت عيونه
سعود:وانت خابرن بخوت وروعتها
الجد بادي:علامها عباير وش غادين بها؟!!
سعود:مرارة ياجد بس الحمدلله خلصت العلة وداووها،،مر من جنب جده متجه لبخوت اللي ورا جده بكم خطوة،،
الجد بادي طالع جسّار اللي قباله:وحلايا ياولد؟
جسّار:الحمدلله أمورها طيبة بس ننتظر تصحى ونقيم أمورها اكثر
سعود جلس جنب بخوت وهو يطالعها بحزن على حالها
بخوت جالسة ضامة نغسها وسط دموع منهارة وهي للحين تلمح زول غيث مرعوبة رغم انه تركهم
سعود مد يديه لكتوفها ولمسها بهدوء
بخوت فزت مع شهقة انفلتت غصب عنها
سعود:بسم الله عليش ياعين اخوش
بخوت التفتت له وبوسط شهقاتها وهي تعاتبه:غيث لفى ياسعود لفى مرتن ثانية وانت كبيتني له
سعود:ياعلّي للعلل كود كبيتش للخسيس ياعين سعود
بخوت مدت يدها له:جرني من يدي وقبلها ضربني وانت ابطيت مافزعت لأختك ياسعود
سعود رفع يدها له وباسها وبغصة:السموحة يابخوت السموحة
بخوت رفعت يدها وضربته ع كتفه وهي تبكي:وين غديت وكبيتني له،،وبشهقاتها الواضحة وهي تضربه،،وينك وين غديت تحتري يجرني معه مرتن ثانية ويعمل اللي يبي على هواه
سعود ضمها لحضنه وهو يخبيها عن اللي يطالعونهم ولو عليه يخبيها بقلبه عن سواد الايام اللي ماعادت تثمر جمايلها بعين بخوت
الجد بادي بحدة:بنت يابخوت
بخوت فزت بحضن وسعود وصحاها جدها وهي تفر واقفة بعد ماتركت سعود وجرت لجسار وهي تمسك يده بدون شعور منها وبخوف واضح للكل:حلايا؟حلايا؟
الجد بادي اتسعت عيونه من اللي يشوفه
سعود وقف واسرع بخطواته لها قبل يعصب جده
جسّار بهدوء وهو يسحب يده من يدها وهي قباله بالضبط مابينهم مسافة:طيبة طيبة
الجد بادي كان اسرع من سعود تقدم لبخوت خطوة وهو يمد يده لها ويمسكها من يدها ويسحبها بقوة ويبعدها عن جسّار ويدفها لوراه وهو يترك يدها واعطى ظهره لجسار اللي بينهم كم خطوة وعينه ع بخوت وبحدته:اعقبي يامرة!!
جسّار توقع يضربها مثل ماضرب سعود وبسرعة تكلم:حصل خير حصل خير
الجد بادي التفت له وبحدته:اعقب وانت فتحت سموعك(اذانيك)يوم اني أطريت للخسيس انك رجلها!!معصي!!
جسّار انصدم من الهجوم عليه ووضح على ملامح وجهه
بتال اللي كان يتأمل الموقف بهدوء وسط نبضات قلبه المتوترة وهو يشوف جده لأول مرة بحياته ووصلت له شخصية جده وفهمها من اول لحظة وقف فيها قدامه
سعود وقف جنب جده وهو يسحب بخوت ورا ظهره ويخبيها عن جده:ياجد الرجال نيته زينة وهالهر
الجد بادي قاطع سعود وهو يطالعه:عجيييب والله ياولد متعب عجيييب اراعيك الحين تخبر النوايا!!
سعود زفر:ياجد ماهو بهاللون الله يهديك!!
جسّار وهو يكتم غيظه:ياعم انا ماقصدت شي ولا مديت عيني لشي ابد
بتال انفجر يضحك بصوت ،،الكل التفت له يطالعه باستغراب،،
الجد بادي طالعه مقطب جبينه
بتال رفع يده:معليش بس والله الوضع فعلا يناسبه مقولة المضحك المبكي
الجد بادي بحدة وهو يطالعه:وضحكت من سرك بلا!!
بتال ميل فمه بابتسامة
الجد بادي بتكشيرته:مستانس وانت تراعي صرايم غيرك!!
بتال:استغفر الله!!اعوذ بالله من الشماتة!!ماني بشامت ابد!!
الجد بادي:ويوم انك متطير علامة علينا!!وش عليك منا؟!!
بتال:مامي بشامت لكن الوضع الحين مايبي له محاسبة كثر مايبي له تطمن!!
الجد بادي بنرفزة:مدخلن عصّه بشين مايخصه صدق!!هذا هو انت!!طس طس الله لايردك من مليقيف!!
بتال كشّر بوجهه:هالمليقيف اللي ماهو بعاجبك
سعود قاطع بتال بسرعة:هذا اللي فزع بعباير ياجد
الجد بادي طارت عيونه وهو يلتفت لسعود:وشو!!!
بتال تضايق من سعود اللي قاطعه واخذ نفس وهو يكبح نفسه خصوصا ان الوقت مايسمح ابد
سعود:اللي اوحيته ياجد
الجد بادي بغبنة:اخس ياسعود اخس!!هاذي تواليها!!خياتك يفزعون بهن الرجال وانت طاس!!اعقب ياسعود اعقب!!
بتال بقهر منه ولاقدر يسكت:وشو له تخسيه!!
الجد بادي طالعه بتكشيرة
سعود عض ع طرف شفته السفلية
بتال بغبنته:سعود ماترك اخته شغلي مسعف وانا ساعدته ليش تظلمه!!
الجد بادي بحدة:وانت وش عليك!!محدن اوجس يمك شي!!طس عنا الله يشغلك بعمرك!!
جسّار تقدم بخطواته لبتّال وهو يوقف قدّامه وبتال صار وراه:انا شغلي انتهى والمريضة باْذن الله بخير الحمدلله على سلامتها ماتشوفون شر،،لف عـلـى بتال وهو يأشر له بعيونه بمعنى امش،،
بتال يطالع جده بحدة
الجد يطالع بتال بنفس حدته
جسّار دف بتال قدّامه:امس وراك توقيع ووراي نوم يالله يالله
بتال وهو يطالعهم ويرجع بخطواته لورا
جسّار دفه بقوة:امششش!!!
بتال عطاهم ظهره وهو يسرع بخطواته وسط زعله
الجد بادي التفت لسعود يطالعه وبتكشيرته:ياحيف عليك ياسعود ياحيف!!
سعود ساكت
الجد بادي تنهد:المفروض تعلمنا من الاولة
سعود رفع عينه لجده من صدمته باللي سمعه ضربته الكلمة بأعماق قلبه وتغير وجهه
الجد بادي صدّ عنه:ماعاد نتواثقك ابد ياسعود،،بيمشي،،
سعود بقهر:الادمي لا تكالبت(ارتمت)عليه الصرايم يبي يدن تضرب معه وتعاونه!!
الجد بادي التفت بسرعة يطالعه وبحدة:سعود!!
سعود بجدية وسط حدته:ياجد ابي اعرف اخوي من ابوي وين غادين به؟!
.
..بيت مفلح..
مفلح يقلب بالراديو وهو متمدد بظل جدار البيت ومكشر كعادته
ثريًا وقفت عنده وهي لابسة عبايتها وبيدها سطل احةمر حتى تحلب من الغنم فيه تكلمت وهي ترفع طرف عبايتها بيدها وتنفضها:غدينا؟
مفلح:تريحي مامن غدية يم الحلال اليوم
ثريا توسعت عيونها بصدمة منه:علامك؟عسى ماشر؟
مفلح:مامن خلاف مير صدري ضايق
ثريا:اغد يم الحلال واحلب عني وعلّف(يحط اكل للغنم)ارع الضيقة اللي بصدرك تطير
مفلح كشّر بوجهه وهو ينزل الراديو جنبه ويجلس:اهبي هذا اللي مهممش!!الحلب والعلف!!
ثريا تخصرت من جهة اليمين:اي بالله انت إتبطّح بطرف الشبك على ذا الراديو ياعله للصريمة وانا ماغير اطرد أحلب وأرضع البهم وتالي اعلفهن وتلومني لامن اوجس هاللون!!
مفلح:اهبي الله اكبر عليش مايصمر بعينش شين ابد
ثريا بسخرية:من كثر ماتعمل بي من خير قمت اضيعهن!!تف تف عليك عين الحسود إبها عود
مفلح زفر:والله مدري وش الخير اللي عاملته بعمرك وربي مجازيش بي ولا وين تلقين احزن يصبر عليش مثلي
ثريا ضحكت:ورا مانقول وش الشينة اللي عملتها حتى ربي يجازيني بك!!
مفلح فزّ واقف وهو يسحب مركوعه اللي عن يساره بيده
ثريا شردت للبيت اول ماشافته يوقف
مفلح يجري وراها وهو يحاول يضربها لو بطرف المركوع:اعقبي من مـرة والله لاأودبش وانا ولد ابوي
ثريا دخلت للبيت واتجهت لغرفتهم
هيفاء خرجت من المطبخ بوجه عمها اللي رافع مركوعه وملامحه محتدة وارتسمت الصدمة على وجهه وهي تضم يديها
مفلح هدت ملامح وجهه وهو يطالعها قباله ونزل مركوعه بسرعة ورجعه ورا ظهره وهو يبتسم:قضيتي المواعين وانا عمش؟
هيفاء تجمعت بعيونها دموعها وهي تطالعه
مفلح مد يده لها:يابنيتي
هيفاء جلست مكانها وهي ترفع يديها لرأسها تحميه وتبكي
مفلح اتسعت عيونه ورجع بخطواته لورا مبتعد عنها:والله ماني نايش(يلمسها)ياهيفاء والله
هيفاء تهتز بدون صوت من بكاها
مفلح صرخ وهو يسرع بخطواته خارج من البيت:ثريا افزعي ياثريا البنت فطست(ماتت)
.
..بيت مناور..
غيث دخل وهو يغلي ووقف عند خواته اللي جالسات بالصالة وبملامح وجـهـه المحتدة:وين امي؟
نايفة:تعال تريّح امي بتبطي تعجن المرقوق
غيث تركها بدون اي رد واتجه للمطبخ ودخل:يمه انا ابي بخوت رديها لي رديها يمه دبريها بدبرتش
هدية جالسة عالارض بالمطبخ تفرد عجين المرقوق طالعته بقهر
غيث توسعت عيونه وهو يطالعها صدّ بوجهه عنها وبعصبية:وراش منكعمة!!علامش مااوجستي شين حتى ادري بش!!،،لف عنها بيخرج،،
هدية بجرأة من قهرها وهي تحط يديها بغضارة فيها موية جنبها تغسل العجين عن يديها:اقف ياولد العم
غيث اتسعت عيونه منها
هدية وهي تنفض يديها:المرة وماهي بحليلتن لك!!والشرع محرمها عليك!!واهلها ومايدانون لك شوفة!!وكود ماانت متفطن اعلمك وافطنك المرة عايفتك وماتبي توحي حتى طرياك!!
غيث التفت لها وبصراخ:تعقبين!!محدن اوجس لش هرجة انكعمي وانشغلي بعمرش عني!!
هدية:مير انك العمر اوله وآخره وهذاني منشغلة بك
غيث بعصبية:هدية!!
،،البنات تجمعوا عندهم،،
شريفة وهي تلف غيث وتعطي ظهره لهدية وبحدة:عيب انتخي يارجل!!
غيث دف شريفة عنه وبحدته:علميها تكف روحها عني والمرة اللي مرخصة عمرها محدن بيناظرها لو ان بها زين الخليقة كل ابوهم،،مشى،،
،،انقلبت وجيه الموجودين من كلامه،،
هدية سحبت الغضارة ومشت وراه وحذفته بها وباللي فيها
غيث شهق بخفة من الضربة اللي جته وامتلى ظهره موية والتفت وهو يطالعها
هدية بحدة:المفروض تحب يدك وجه وقفا ان وحدتن مثلي ترضى بك على شين فعولك!!
غيث رفع يده بيضربها
هدية مسكت يده بقوة:اللي قدام عيونك هدية ماهي بخوت
غيث سحب يده وضربها
،،اعتلت الصدمة وجيه البنات،،
غيث من بين اسنانه:واللي جرى لبخوت يجري عليش ياهدية كود ماطاح اللي براسش
ام غيث مشت له وضربته كف
غيث طالعها:يمه!!
ام غيث بحدة وهي تسحب هدية وراها:معصي ياغيث معصي مايجرى عليها يجري عليك انت وحط هالعلم برأسك أوحيت!!
.
..........****..........
الـلـيـل
.........****..........
>>بعد صلاة العشا>>
.
..بيت عادل..
ابو غازي راجع من المسجد دخل وهو يطالعها:السلام عليكم
رهايف متربعة عالارض ع جوالها وقفت ومشت له وسلمت على راْسه:هلا يبه
ابو غازي قطب جبينه:وين امك وامجاد؟
رهايف:امي وأمجاد يتجهزون بيروحون لحفلة
ابو غازي:حفلة بوقت دوامات!!
رهايف وهي ترجع لمكانها وتطالع جوالها:هم احرار كيفهم
ابو غازي:وينه فيصل ماله صوت
رهايف:ماسكه غازي
ابو غازي اتسعت عيونه:غازي ماراح لعمله؟
رهايف:يقول بيحرك بكرة قبل طلعت الشمس
ابو غازي:وزوجته؟
رهايف:شكلهم متلاسنين عصافير الحب ولا واحد يسال عن الثاني
ابو غازي:وش تقولين!!
رهايف انتبهت:يوووه يبه تعرف حاستي السادسة
ابو غازي بحدة:ماهي بحاسة والله الا لقافة!!اتركي اللقافة عنك ولاتفاولين على اخوك واهله!!
رهايف:ابشر
ابو غازي:قومي جهزي القهوة بدل هالقعدة اللي مامنها سنع
رهايف:ان شاء الله
ابو غازي:الروح ولاارجع الا القهوة جاهزة بالمجلس
رهايف:مطول؟
ابو غازي طالعها ساكت
رهايف وهي توقف:ابشر على هالخشم ياابو غازي
.
..بيت مسفر..
،،غرفة جواد،،
جواد من رجع من دوامه نام ولا خرج ابدا كعادته
شذى فتحت الباب بقوة وفتحت النور على طول:جواد
جواد فز من نومه:وش فيه؟وش الحالة؟
شذى:ابدد والله عمي ينتظرك تحت
جواد رمى المخدة عليها:ووجع شذى متى تبطلين؟!!
شذى:بتنزل ولا أقوله يعتذر الدكتور عن استقبال الحالة
..........****..........
ام جـلاجــل .
بتال خرج من المسجد صحيح كله تعب وارهاق ولا ارتاح بنومته او بالاصح غفواته يمشي وراه بكم خطوة بهدوء وهو مثبت عينه عليه
الجد بادي وقف
بتال وقف
الجد بادي التفت له وبحدة:ماسدك شيانتك بالصبح تقضيها بالليل!!
بتال:انا ودي بقهوة
الجد بادي:وش موجسين لك عني!!راعي قهاوي!!
بتال:سعود قال لي متى مابغيت المشب حياك تقهوى على كيفك
الجد بادي:البيت بيت ماهو ببيت سعود!!
بتال:وانت وسعود واحد ولاترد له كلمة صحيح ياجد
الجد بادي كشر بوجهه وهو يتنحنح:جدجد(حشرة)يمشي عليك توالي الليول امري لله ماغير الليلة بس أوحيت العلم؟
بتال بابتسامة:افا وترد ضيفك!!
الجد بادي:الظاهر انك ماتبي قهوة حتى ذالحين
بتال:خلاص خلاص نتقهوى الليي وبعدها نشوف
الجد بادي:هي الليلة وماغيرها أوحيت؟
.
..المستشفى..
،،غرف الطوارئ،،
سعود متلثم بشماغه وهو جالس عالكرسي جنب سريرها متكتف ومنزل راْسه يأخذ له غفوة
عباير متمددة عالسرير من صحت صادة بوجهها عنه ولاتكلمه التفتت وطالعته بتردد مدت يدها ليد السرير تتمسك فيه تبي تقوم رفعت نفسها شوي وآلمتها الخياطة وزفرت بصوت مسموع وهي ترجع تمدد
سعود صحى من نومته وطالعها ووهو يوقف:وش بغيتي امري ياعيني
عباير:ماني بعين احد ابي بخوت
سعود زفر:ان شاء الله ان شاء الله لاتخنفرين،،خرج،،
.
،،طوارئ الأطفال،،
بخوت متكية برأسها ع طرف السرير محتضنة يدين حلايا بين يديها
الممرضة دخلت:ام حلايا؟
بخوت صحت وطالعتها
الممرضة:والدها ينتظرك برا
بخوت انخطف وجهها ومسكت يد الممرضة بقوة وبخوف:لاتخلينه يدخل تكفين لايدخل
،،اللي بالغرفة يطالعونها باستغراب،،
الممرضة انصدمت منها:ان شاء الله ان شاء الله انتي بس اهدي اهدي شوي،،خرجت
بخوت وهي واقفة مو قادرة تجلس وعينها عالباب برعب
الممرضة ثواني ورجعت:يقول اسمه سعود
بخوت انحنت عالارض شبه جالسة وهي تحس بوجع برجولها وبهمس:ان شاء الله ان شاء الله
.
..بيت عادل..
،،المجلس،،
جواد ببرمودة بينك هادي وتيشيرت ابيض جالس جنب عمه يتقهوى وهو يخفي ضحكته قد مابقدر
ابو غازي وهو كل شوي يتنحنح وهو يطالع لبسه وواقفة بحلقه الكلمة
جواد رِن جواله رفع نفسه وهو يدخل يده بجيبه وخرجه وقفل المكالمة بعد ماطالع الاسم بتكشيرة ونزله قدامه عالارض بعد ماصمته
ابو غازي:رد رد وانا عمك تريّح بين اهلك
جواد:لا لا ماهو بمشكلة امر ياعم وش بغيت؟
ابو غازي:اصبر اصبر
رهايف دخلت ببجامتها المرقعة بنطلون اديداس اسود وتيشيرت لتحت ركبتها باللون الزيتي وشعرها المرفوع اي كلام وفيه نفشة بسيطة من قدام وبيدها جوالها وكتبها:سم يـ،،وبتقطيع من صدمتها بوجوده،،بـ.ـه!!
جواد طالعها من فوق لتحت وهو يميل فمه بابتسامة
ابو غازي:تعالي وش فيك تصنمتي!!محد غريب تعالي سلمي على جواد
رهايف وهي تجر خطواتها
جواد وقف بابتسامة وهو يمد يده
رهايف ضربت يدها بيده وهي تسلم وضغطت على يده بقوة وبعدت
جواد ماترك يدها وسحبها وهو يسلم خد بخد
رهايف ماتحركت من صدمتها ماتوقعت هالحركة منه
جواد هو اللي سلم وسط ابتسامته وهو يشوفها جامدة
رهايف سحبت يدها بسرعة منه وبعدت عنه وهي توقف قبال ابوها بالضبط
ابو غازي طالعها مقطب جبينه:وش فيك ناشبة بحلقي ابعدي عني
جواد يطالعها بابتسامة وهو يجلس
رهايف أبعدت عن ابوها كم خطوة
ابو غازي:متى اختبارك قلتي لي؟
رهايف:بعد بكرة يبه
ابو غازي:ولقيت لكِ من يشرح هذا هو جنبي
جواد استأنس وهو يطالعها
رهايف بنرفزة:يبه!!
ابو غازي:ماهو انتي تبين مدرسة ماعرفتي لدروسك!!تقولين هالمرة راسبة راسبة!!ماهو بذا كلامك!!
رهايف:قلتها يبه مدرسة!!
ابو غازي:وانا وفرت قروشي هذا هو يشرح لك وببلاش
جواد مد يده وبابتسامة:جيبي كتابك اشوف
رهايف ضربت الكتاب بيده ولفت عنهم
ابو غازي:وين؟!!
رهايف بنرفزتها:رايحة اجيب موية
ابو غازي رفع لها علبة الموية اللي كانت بالتبسي قدامه:خذي
رهايف اخذت الموية من يد ابوها وهي ساكتة
جواد وهو يأشر بيده عالمكان جنبه بابتسامة:تعالي
ابو غازي:وش تنتظرين روحي له!!
رهايف جلست جنب جواد لكن بينهم مسافة بسيطة وتكتفت وعلى وجهها تكشيرة
جواد وهو يطالع الكتاب ويقلب فيه:وش اللي ماانتي فاهمته؟
ابو غازي وقف
رهايف اتسعت عيونها وهي تطالعه يوقف
ابو غازي:شوي وراجع
رهايف:تقهوى يبه ماتقهويت!!
ابو غازي:ابي امر جدك اسلم عليه قبل يرقد وراجع
رهايف تطالعه وهي زامة شفايفها
ابو غازي طالع جواد:انجز اروح وارجع وأنتم منجزين
رهايف بلعت ريقها
جواد:ابشر ياعم
ابو غازي خرج
جواد يقلب بالكتاب ساكت
رهايف عينها عالكتاب ماحركتها ابد
جواد:تصدقين
رهايف توترت ولاطالعته
جواد:اول مادخلتي قلت وش يبي عمي بميزان(عامل البقالة)مناديه للبيت،،انفجر يضحك،،
رهايف كشرت بوجهها وطار التوتر وبابتسامة:وانا اول مادخلت قلت وش طالبة الابتدائي اللي طالع لها شنب!!
جواد اختفت ضحكته
رهايف طالعته بابتسامة:وش فيك سكت ترا تضحك!!
جواد زفر وهو يطالع الكتاب:وين اللي ماانتي فاهمته؟
رهايف سحبت الكتاب من يده وهي تسحب نفسها تبعد عنه شوي:ابي اقولك شي مهم
جواد عقد حواجبه
رهايف:بما اني صرت حرمك المصون احب اقولك على اخر قرارتي
جواد:اللي هو!!
رهايف بابتسامة:دخلت معهد لتعليم القيادة
جواد:طيب؟!
رهايف اختفت ابتسامتها:يعني باأسوق!!
جواد استأنس وهو يشوف صدمتها:على راحتك ماني رادك
رهايف انجلطت وهي توقعت يكون مثل ابوها وإخوانها ممنوع عندهم:اقولك باسوق!!
جواد:وأوديك بنفسي طول فترة التدريب وش رايك؟
رهايف عقدت حواجبها
جواد:ويارب عساك تأخذين الرخصة
رهايف سكتت وسط استغرابها
جواد:يمكن انك تسوقين وربي يكتب لك شي وارتاح
رهايف كشرت وهي توقف وبعصبية:ووجع يومك قبلي ان شاء الله
جواد بابتسامة:وش فيك زعلتي!!حب لاخيك ماتحب لنفسك!!
رهايف بقهر وهي واقفة تطالعه:بس عمري ماتمنيت لك الموت!!
جواد بسخرية:والله؟!!
رهايف بتكشيرة:صدق مااطيقك ولااتحملك لكن مااتمنى لك الموت وعساك لاتصدقني!!
جواد ارتفعت حواجبه بوسط ابتسامة وهو مكذبها
رهايف:بس والله والله مو عشان سواد عيونك عشان عمي وعمتي والبنات،،مشت بخطوات سريعة خارجة من المجلس متجهة لداخل البيت،،
جواد زفر وهو يطالعها تبتعدماعاد يدري وشلون يتصرف معها على كثر مايتنرفز منها مو قادر يكرها وقف ومشى خارج من المجلس متجه لبيتهم
.
..بيت مفلح..
مفلح من الصباح وهو برا البيت خلص شغله وجلس برا مادخل بوجه كله هم خايف يدخل وتخاف منه هيفاء وترجع مثل قبل
ثريا فتحت باب البيت بشويش وانحنت وهي للحين داخل البيت وشالت الدلة والفناجيل والتمر اللي بصحن واحد وخرجت فيها لعنده وجلست قدامه وهي ساكتة
مفلح زفر بدون لايطالعها:وشلون غدت؟
ثريا وهي تصب له فنجال وتمده:ماعليها انت خابرن لاتروعت وشلون تغدي
مفلح رفع يده بمعنى مايبي:خابر خابر مير ماودي اروعها وانتي خابرة
ثريا زفرت وهي تنزل الفنجال:تعود تعود اصبر يامفلح ثم اللي غدا بالمسيكينة ماهو بشين هين،،مدت له الفنجال من جديد،،تقهوى يامفلح تقهوى ماهي بمتعافية لاعييت عن قهوتك تقهوى
مفلح اخذ الفنجال وعينه عليه:الله يعين الله يعين
ثريا قربت له صحن التمر:عندي شورن زوين
مفلح طالعها ساكت
ثريا:وش رايك ننزل به؟(نسكن فيه)
مفلح اتسعت عيونه:وشو!!،،نزل الفنجال وهو يعتدل بجلسته،،هي اتهول ويطير عقلها لامرينا من عنده وناويتن ننزل به!!
ثريا:انا اوجسته بلكن تعود مثل اول
مفلح:ماشرتي بزينٍ ابد اقطعي الطريا ياثريا
ثريا كشرت بوجهها:ورا ماتغدي بها يوم انك معيي!!
مفلح بعصبية:هاذي والله اللي ماتوحي ابد!!صمخا انتي صمخا!!اوجس لش البنت اتهول لامرينا من عنده توجسين اغدي بها يمه!!ماانتي بعقلش والله!!
ثريا:اوجسه من محبة ماهو من عداوة يامفلح كود البنت تطيب ونرتاح وترتاح هي معنا
مفلح زفر:كبي هالشور عنش ولاعاد تطرينه ابد
ثريا:زين زين مير انت لاتروع وثمّن هي تروع
..........****..........
أم جـلاجـل
.
..المستشفى..
،،عند عباير،،
عباير خارجة من الحمام وهي تتخطى بشويش ومستندة عالباب
سعود واقف عند الباب يطالعها
عباير بتكشيرة:وينها بخوت؟
سعود:غدت يم حلايا،،مد يده لها حتى يساعدها،،
عباير ضربت يده:احرز الحمدلله ماني بعازتك
سعود زفر وهو يعض طرف لسانه بغبنة ومشى قدامها ووجهه عليها وهو يرجع خطوة خطوة لورا معها
عباير مشت وهي تكابر ومدت يديها له تلامس جسمه تتسند عليه وهي توقف وتاخذ نفس
سعود زفر:كبي القنق عنش،،مد يده،،هاك
عباير بعناد:مامن بعد
سعود انحنى وشالها
عباير حبست دموعها وهي تكره ضعفها
سعود:كبي القنق الى متى وانتي مغتاظة علي؟
عباير بصوت مهتز:صبرت على كل شين غدا يمي من اهل الديرة مير ماانفقعت مرارتي غير من وراك
سعود بهدوء وهو ينزلها عالسرير:اثر الخطا موكّل بغلاة اهله
عباير:وأثر خطاك شين ياسعود
سعود:وسعود درا بخطاه وتعذّر
عباير:والمرة الثانية وش بيعمل سعود؟يعمل مثل جده!!مير وقتها ماهو بغادين بي فقعت مرارة الا بالله اغدي لقبري من الغبينة!!
سعود جلس ع طرف السرير:تريّحي مامن مرتن ثانية اوجسته ياعباير علامك ياعين سعود
عباير:مير انه عين سعود رمدت(صابتها رمد)من سواته
سعود باسها ع جبينها:امري اللي تبينه يحصل حقك على راسي ولا هالغيظ من يمش والله انه نار شابة بصدري
عباير:وانت خابرن غلاتك مير انه درسن لك حتى ماتعودها
سعود:ابشري ابشري مااتعودها ولاهالغيظ اللي قطعني منش
.
..بيت الشلة..
راشد يتقهوى
جسّار قباله يتقهوى ويرشف بصوت
راشد رفع عينه له ساكت
جسّار شفط القهوة بقوة وكح
راشد من قلبه:أحـسـن!!
جسّار:أهب يالحقود
راشد:تستاهل تقهوى مثل الاوادم واحمد ربك عالنعمة
جسّار:خلصت امورك
راشد عقد حواجبه
جسّار:وش فيك!!نسيت ان انتدابك بيخلص!!
راشد اتسعت عيونه وهو ينزل فنجاله:اَي والله نسيت!!
جسّار قرب راْسه:حب حب
راشد دف راْسه:انقلع بس!!والحل مع الجدار الحين!!
جسّار باستغراب:اَي جدار ،،راشد قاله السالفة،،
جسّار سحب نفسه لورا مبتعد عن راشد
راشد ارتفعت حواجبه:ماشاء الله عليك ذيب ذيب!!
جسّار:حتى الذيابة تخاف وبعدين من خاف سلم!!
راشد:اصلا مارجيت من وراك شي!!
جسّار وهو يقرب منه ويهمس:انا عندي حل لك
راشد طالعه باستغراب:اللي هو؟
جسّار بحماس:روح مع سعود لأكثر مكان مسكون بهالديرة اكيد بتحصلهم هناك وتفاهم معهم
راشد يطالعه بنظرات وده يكفخه بالفنجال اللي بيده
جسّار بنفس حماسه:ايه ايه خذ معك شيخ،،قطب جبينه،،بس وين بتحصل شيخ زين
راشد:وليش اروح لهم وهم وراك!!
جسّار:ها؟!!
راشد وهو يأشر بطرف دقنه بهدوء لقدام:طالعهم وراك يتقهوون!!
جسّار وقف بهدوء وجرى لغرفته
راشد ابتسم
جسّار صرخ من الغرفة:تعال شغلت القران بالغرفة تعال
.
..بيت بادي..
الجد بادي واقف قبال بيته التفت لبتال اللي وراه وطالعه وهو يأشر بمركوعه عالمشب اللي بالعشة:هذا المشب
بتال قاطعه وهو يأشر عالاغراض:وهاذي عدة القهوة والمساند اعرف مكان كل شي اعرفه
الجد بادي تنحنح:دامك خابر كل شي لاقضيت رد كل شين لمحله
بتال:ماانت متقهوي معي!!
الجد بادي:انت تحمد ربك لولا انك ضيف سعود كان به علمن ثاني،،مشى ودخل للبيت،،
بتال كشر بوجهه وبنفسه:وش ذَا النفس!!الله يعني بس،،اتجه العشّة وبدا يشب الحطب بالمشب،،
الجد بادي جالس بحوش بيته يقلب بالراديو ووصلت له ريحة الحطب اللي من زمان عنها وحن قلبها لجلسة العشّة برا زفر وهو يشغل نفسه بالراديو لايطلع عنده
بتال بالعشة شب ناره وبدا يلقم(يجهز)دلته زفر بيأس وهو كل شوي يلتفت للباب ينتظره يجي عنده طالع للموية اللي غلت وتنهد وهو يرضى بالواقع ويصب الموية بالدلة وجرها وهو يطرب نفسه:
يـاالـلـي تـرد الـخـبر..
طـول غـيـابـك عـلـى عـيـنٍ جـفـاهـا الـمـنـام.. طـاغـن عـلـي السـهـر..
بـيـن الـجـفـن والـجـفـن مـامـر يـومـن سـلام..
يـطـلـع عـلـي الـفـجـر..
وأنـا عـيـونـي تـهـل الـدمـع هـل الغـمـام..
مـالـلـتـمـادي عـذر..
والـصـمـت يـنـهـش مـعـالـيـق الـهـوى والـغـرام..
يـاالـلـي تـرد الـخـبر..
طـول غـيـابـك عـلـى عـيـنٍ جـفـاهـا الـمـنـام.
لا يـا
الجد بادي واقف عالباب ومستند ع عكازه وقاطعه بصوته الثخين:
لايـا شـبـيـه الـبـدر..
بتال سكت وهو يلتفت له ويرسم ابتسامة على وجهه بفرح
الجد بادي:
لايـا شـبـيـه الـبـدر.. اَي والله انـي عـلـيـك أنـوح نـوح الـحـمـام..
بتال وقف وهو يرفع الدلة من فوق الحطب وياخذ الفناجيل بيده وتحرك من مكانه وهو يترك الجلسة بصدر المشب لجده
الجد بادي مشى بيجلس بنفس المكان اللي كان جالس به بتال وبصوته الثخين وهو يجلس بمكانه:يـاخـشـف ريـمٍ عفر..
بتال وهو يصب له فنجال ويمده له رد عليه:يـاأبـو عـيـونٍ لـيـا لـدّت يـضـيع الـكـلام..
الجد بادي بابتسامة وهو يأخذ الفنجال:يـاالـلـي تـرد الـخـبر..طـول غـيـابـك عـلـى عـيـنٍ جـفـاهـا الـمـنـام..
بتال اتجه للجهة اللي قبال جده وجلس قباله وبينهم المشب وعينه عالدلة وهو يصب له فنجال ثم اختفت ابتسامته ورفع عينه لجده وبجدية ارتسمت على ملامح وجههه وهو يترك جزء الجد بادي بابتسامة وهو يأخذ الفنجال:يـاالـلـي تـرد الـخـبر..طـول غـيـابـك عـلـى عـيـنٍ جـفـاهـا الـمـنـام..
بتال اتجه للجهة اللي قبال جده وجلس قباله وبينهم المشب وعينه عالدلة وهو يصب له فنجال ثم اختفت ابتسامته ورفع عينه لجده وبجدية ارتسمت على ملامح وجههه وهو يترك جزء من هالقصيدة ويتجه لجزء معين ويجره:لـيـه الـزعـل والـكـبـر،،نزل فنجاله وكأنه يرفض يضيّف نفسه ببيت جده،،
الجد بادي اختفت ابتسامته وهو يطالع اللي يصير وقطب جبينه وهو يراجع نفسه
بتال مستمر بلحنه:حـرام هـاللي بـي تـسـويـه والله حـرام!!
الجد بادي وهو يتأمل بتال للحظة وسط صمته اتسعت عيونه لثواني وهو ينتبه لشامته اللي فوق حاجبه اليسار نفس المكان بالضبط طالع تفاصيله وهو يحس بنفس الإحساس يوم يطالعها أوجعه قلبه واخذ نفس وزفره بصوت وهو يكبح عبرته وجرها:
آه واجـرح كـبـدي يــوم تـلّـو خـطـاهـم..
لـيـه مـاخـبـرونـي..
اه وافـجـع قـلبـي يــوم قـفـى وراهـم..
لـيـه مـاخـبـرونـي..
لـيـه سـاعـة خـذو قـلـبـي وهـو فـي يـديـنـي..
لـيـه مـاخـبـرونـي..
بتال قاطعه وهو يرد عليه:
لـيـه الـجـفـا وانـت تـدري بـالـغـلا والـهـيـام..
أنـا انـتـظـرتـك عـمـر..
وأشـوف عـمـري تـهـاوى مـاوصـلـت الـمـرام..
الجد بادي رد عليه:
تـركـونـي وراحـوا
بتال عقد حواجبه مستغرب من الجواب
الجد بادي:تـركـونـي وراحـوا هـاجـروا وتـركـونـي..
لـيـه مـاخـبـرونـي..
،،اهتز صوته للحظة وهو يذكر بنته،،
كـل مـاأذكـر غـلاهـم فـاض مـحـجـر عـيـونـي..
لـيـه مـاخـبـرونـي..
اقـهـرونـي
بتال قطب جبينه وهو يسمعه يترك جزء كبير من القصيدة
الجد بادي:
اقـهـرونـي عـسـى الله مـايـهـون قـهـرهـم..
لـيـه مـاخـبـرونـي..
بتال سكت ماتجرأ ينطق كلمة بعد هالعتاب الموجه له وفضل يقوله عالحقيقة الصباح
الجد بادي وقف
بتال:تقهوى ياجد!!
الجد بادي أوجعته الكلمة على كثر مااستانس فيها وكأنه لأول مرة يسمعها وفعلا هو يسمعها منه لأول مرة بعد اللي عرفه وبهدوء:لاقضيت من قهوتك رد كل شين محله واغد يم البيت
بتال تنهد:ان شاء الله على امرك
الجد بادي مشى ووقف على باب بيته والتفت يطالع لبتّال وبهدوءه:مير انك لاتبطي برا وانت لحالك
بتال عقد حواجبه باستغراب وهمس:ان شاء الله
الجد بادي دخل لبيته واتجه لغرفته دخل لها وخرج منها وبيده فراش وفرشه عالارض بوسط الحوش وجلس عليه وهو يتلثم بشماغه ثم تمدد على جنبه اليمين وهو يسند راْسه فوق يديه وغمض عيونه وتمردت دمعة وسالت من عينه وطاحت ع يده بمشاعر ندم وخوف وفرح وتردد كلها اجتمعت بهاللحظة
.
.
<اللهم صل وسلم على نبينا محمد>
.
.
أميرالز likes this.
لامارا غير متواجد حالياً رد مع اقتباس
إضافة رد
صفحة 4 من 10 « الأولى < 2 3 4 5 6 > الأخيرة »
« الموضوع السابق | الموضوع التالي »
أدوات الموضوع
مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
انواع عرض الموضوع
العرض العادي العرض العادي
العرض المتطور الانتقال إلى العرض المتطور
العرض الشجري الانتقال إلى العرض الشجري
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة
قوانين المنتدى
الانتقال السريع
منتدى الروايات الطويلة المنقولة الخليجية المكتملة
الساعة الآن 03:24 AM
-- Rewity_Orginal_1
الاتصال بنا - روايتي - الأرشيف - الأعلى
Powered by vBulletin®
Copyright ©2000 - 2026, vBulletin Solutions, Inc.
قبل صلاة الفجر بساعة>>
ناصر نايم بمجلس البيت المفتوح صحى من دقة الباب واستغرب لان العادة المجلس مفتوح واخوانه مايحتاج يدقون الباب وقف وبنوم:طيب طيب،،فتح الباب وانصدم وهو يشوفه،،هلا هلا ياعم حياك
الجد بادي تنحنح:مير اني غادين يمك محدن طرا لي بهالديرة الغبرا بيقضي لي حاجتي غيّرك
>
>
..بيت بادي..
ناصر يدق باب البيت بقوة ورا بعض بدون لايريح بين دقاته وبصراخ من ورا الباب:ياعم بادي ياعم بادي الحق ياعم بادي فك لي ياعم
الجد بادي فتح الباب بتكشيرة وجهه وبحدة:وش باغين ياوجه الشين؟
ناصر بوجهه المخطوف:سعود سعود
الجد بادي وهو يخفي قلقه:علامه؟
ناصر:سعود ذبح غيث
الجد بادي انقلب وجهه لسواد من الفجعة
ناصر مسك يده يسحبه وبفجعة واصلة لاقصى حدودها:غدينا ياعم غدينا نراعي لنا دبرة
>
>
الجد بادي بحدة:ولو اني خابرن ان مابك طب مثلهم مير انك اشوا منهم وتظلي راعي الفزعة الاولة
ناصر ابتسم:ابشر ياعم ابشر على امرك
.
..بيت الشلة..
بتال صحى بالآذان ووقف وهو يترنح للحين دايخ من النومة ماتوازن حس بثقل غريب بخطواته لكن طنش الموضوع بحكم انه توه صاحي دعس على احد بوسـط هالظلام ورفع رجله بسرعة وهو يسمعه يتالم وعقد حواجبه وهو يحس بثقل رجوله فعلا اسرع بخطواته لمفتاح النور اللي ماكان بعيد عنه كلها كم خطوة ووصله وفتح النور بسرعة ونزل عينه لرجوله وقطب جبينه وهو يطالعهم ،،راشد نايم بين بتال وجسّار ومربوطه رجله اليمين برجل جسّار ورجله اليسار برجل بتال،،
بتال زفر وهو يهمس:الحمدلله والشكر!!
جسّار صاحب النوم الثقيل ماحس بشي ابدا رغم السحبة البسيطة له
راشد اللي دعس عليه بتال ماصحى فيه نهائيًّا
بتال طالع راشد باستغراب ماصحى بدعسته وهو صاحب النوم الخفيف جدا يفز من اقل حركة بالغرفة توتر وانحنى شبه جالس عنده يصحيه وبصوت هادي اقرب للهمس:راشد
راشد نايم
بتال مد يده يلمسه بخفة ويصحيه:راشد
راشد كشّر بوجهه وفيه الصيحة:يرحم ابوك ابي انام اتركني
بتال تنهد ثم يكشر بوجهه:ووجع هذا جزاي اشيل همك
راشد وهو يقلب لجنبه بسرعة ويسحب رجله بقوة
بتال اختل توازنه من سحبة راشد لرجله معه واتسعت عيونه
راشد وهو يحط يده على عيونه:اخلص من العلم جسّار تطلع لي انت!!
بتال وقف بسرعة وسحب رجله بقوة
راشد توجع:اااه
بتال بتكشيرته:قم صَل بس
.
..........****..........
..بيت نشمي..
الجد نشمي وهو راجع لبيته من المسجد بعد صلاة الفجر بشوي يستغفر ويذكر ربه دخل للبيت وهو يرفع صوته:لاإله إلا الله أصبحنا وأصبح الملك لله
ابو غازي داخل وراه بأنفاسه السريعة
الجد نشمي التفت له باستغراب:علامك ياولد
ابو غازي وهو يسرع بخطواته لداخل البيت:امي توجس عذبة مريضة
الجد نشمي فز قلبه ومشى وراه:اللهم اجعله خير ياربي خير
.
..بيت عادل..
رهايف عالسرير نايمة ع كتابها
امجاد وقفت عندها وتصحيها بشويش:رهايف رهايف
رهايف ماردت رن جوالها اللي عندها على نفس السرير فوق كتابها بشي بسيط رفعت راسها بنوم وطالعته وهي تسحبه وحطته ع أذنها:هممممم
امجاد بنرفزة:قومي صلي اول!!بعدين شوفي جوالك!!،،فتحت دولابها وهي تخرج لها لَبْس،،
جواد بابتسامة:صباح الخير
رهايف صحصحت من النوم وجلست وهي تطالع الرقم عضت شفتها بقهر
جواد:وينك؟ولا مافيه صباح النور حبيبي
رهايف وهي ترفع يدها وتهمس:الله يأخذك
جواد:سمعتك تدعين علي!!وين كلامك امس!!
رهايف زفرت:نعم خير وش تبي
جواد:كلي خير ادري والله
رهايف ابتسمت بسخرية
جواد:اتصلت اسأل عن فطوري ولا عشان انشغلت كم يوم نسيتي!!
رهايف:وسم ان شاء الله
جواد:انتظرك،،قفل،،
رهايف قامت من السرير وهي تتوضأ وتتحلطم ولولا خوفها من ابوها عرفت وش تسوي فيه لكن امتثلت لأمره ونزلت للمطبخ دخلت وشافت امها اتجهت لها وهي تسلم على راسها:صباح الخير
ام غازي تطالعها باستغراب:وش مصحيك
رهايف وهي تتجه للثلاجة:العلة من غيره!!
ام غازي عقدت حواجبها:فيصل؟
رهايف زفرت وهي تحوس بالثلاجة:ليته فيصل
ام غازي بنفس الاستغراب:مين؟
امجاد دخلت للمطبخ واتجهت للجهة اللي قبالهم تجهز الفتة:ومين غيره يمه زوج المستقبل
ام غازي طالعت رهايف بوسع عيونها:صدق!!!ماشاء الله والسناعة ذي وينها عنّا!!
رهايف واقفة ع طرف المطبخ بنفس جهة امها وبينهم كم خطوة وهي تجهز السندويشات بقهر:الله ياخذه عني ويفكني منه
ام غازي التفتت لها بعصبية:بنت!!
رهايف طنشت ولفت تطالع امجاد باستغراب:لايكون بتداومين كذا؟!
ام غازي طالعت امجاد وهي تزفر من رهايف:وش فيها!!مرتبة هذا زينها!!
رهايف وهي تحط تشغل الغلاية وتزفر وتحشي الساندويش بالخيار:هذا زينها عندك يمه وربي يأخذونها بنات سادس طقطقة على ذا اللبس
امجاد:كيفهم ع اساس بقابلهم طول اليوم الحين!!كلها مقصف!!
رهايف وهي تفتت الشيبس بالساندويش:كيفك قلت لك انا
ام غازي:بنت وش تسوين انتي؟
رهايف انصدمت:نسيت انها له!!وسم ان شاء الله!!
ام غازي بتهديد:والله يارهايف ماتركتي هالكلام الشين ان بيوم ماتدرين الا وضروسك طايحة بيدك اول ماتخلصين كلمتك!!
رهايف حطتها بالصحن:والله مااسوي غيرها كيفه جعله ينمغص
ام غازي بحدة:الثالثة ثابتة!!
رهايف بتكشيرة:طيب طيب،،حطت الصحن بالتبسي وهي تسحب الكوب تصلح له شاهي،،
امجاد وهي تجهز الفطور مع امها
ام غازي اتجهت لها وسحبت من يد امجاد:روحي جهزي الكاسات والفناجيل الحين تعلق الريحة بك
امجاد:يمه
ام غازي قاطعتها:روحي ولاكلمة
رهايف قبالهم معطيتهم ظهرها وهي تحط الكوب بالتبسي:لك الله يارهايف لك الله
امجاد بعباطة:وثم جواد لك الله وثم جواد
رهايف التفت لها وبتكشيرة وصوت عالي:ووعـ
ام غازي التفتت تطالعه وهي ساكتة
رهايف بلعت الكلمة وهي تاخذ التبسي:اروح اشوف احد يوديه له،،بقهر وهي ترفع التبسي وتطالع لفوق،،عساه مداخيل الـ
ام غازي قاطعتها:ايه
رهايف طالعت امها وبحقد على جواد:مداخيل الهنا
.
..........****..........
ام جـلاجــل
.
..بيت ابو ياسر..
راشد واقف عالباب ويده بيد ابو ياسر:اعذرنا ياابو ياسر ماقدرت على شي
ابو ياسر وهو يضغط على يده:جزاك الله خير رايتك بيضا ماقصرت
راشد:والله لو علي
ابو ياسر قاطعه وهو يوقف مع راشد برا البيت عالباب:خابره خابر مايحتاج تعلمني مير كثر الله خيرك وجمل حالك ماقصرت أعجل أعجل لاتبطي عن دوامك
راشد تنهد بابتسامة وهو ماقدر يفيده بشي:فمان الله،،مشى متجه لسيارته بتفكير من حلمه اللي صحاه بالليل التفت له،،اقول ياابو ياسر
ابو ياسر اللي دخل بيته وسمع صوت راشد رجع طريقه لبرا البيت ووقف عالباب:ياهلا
راشد:بغيت أسألك عن شي
ابو ياسر:ابشر سم وش بغيت تنشدني عنه
.
مفلح يمشي ونبضات قلبه وصلت للمليون على عكس مظهره الهادي التفت وراه وبحدة:علامشن إتهودعن(بطيئات بالمشي)!!اعجلن علي وانتن على هوينكن!!اطلعت الشمس وانتن لذا الحين ماقسمتن الطريق!!اعجلن الحلال مات!!
ثريا بعبايتها ومتلثمة بطرحتها شايلة بيديها اغراض وبنرفزة:ايه يوجسه من بـيـده امريكيعه!!،،التفت لهيفاء،،ولا ياهيفا؟
هيفاء وراها بطرحتها الطويلة اللي فوق قميصها اللي باللون الكحلي السادة ونقابها وبيدها اغراض مثل عمتها سكتت وهي حتى لو بترد مابتقدر
مفلح بحدة:كبي هيفا عنش واعجلن علي ووجع!!،،مشى قدامهم ثم وقف عند بيت وهو يجلس على يسار بابه اللي عن يمينه وهو يستظل بظل جداره،،
ثريا تطالعه باستغراب ووقفت وهي تتوسع عيونها بعد ماعرفت البيت اللي وراه وأسرعت بخطواتها وهي توقف عنده:وش ناوين
مفلح قاطعها بنظراته الحادة وهو يوجه كلامه لهيفاء:يابنت افزعي يم البيت وهاتي لنا من ما البير
هيفاء وقفت جنب ثريا وهي تنزل الاغراض واعتدلت بوقفتها وتجمدت كل خلية بجسمها من الخخوف وهي تطالع البيت،،
مفلح بصوت عالي:هيفاء
هيفاء فزت من صوته وطالعته بوسط عيونها اللي امتلت دموع
مفلح بحدة:لاتراعيني بهاللون اغدي يم البيت واغسسلي الدلو وهاتي لنا من البير اخبره فايض
هيفاء هزت راسها بلا وسط رجفة يديها الواضحة لهم
ثريا:انا افزع واجيب لك ابشر يامفلح
مفلح طالعها بحدة:اقعدي يامرة
ثريا طالعته وبلعت ريقها وهي تعرف زوجها زين ثم التفتت لهيفاء اللي جنبها:اغدي يمه يم البيت
هيفاء مسكت يدها وهي تطالعها بدموعها الخفيفة وتهز راسها بلا
ثريا ضمت يدها بين يديها:مامن خلاف وانا عمتش الحافظ الله تيسري ياعيني تيسري
مفلح بحدة وتهديد:ورب البيت ماغديتي ان ترقدين الليلة بوسط بير البيت اوحيتي
.
..المستوصف..
بتال بداومه وهو مشغول باله ماشاف جده بالصلاة وسعود مايرد على اتصالاته ابد زفر وهو يتصل ووصله الرد:هلا والله
غازي:اخلص بتال مشغول
بتال:لااله الا الله يالله صباح خير
غازي:اكلمك وانا بالخط مو الحين مشغول مشغول والله،،قفل،،
جسّار دخل عنده وهو يسحب خطواته ويديه بجيوب لابكوته بابتسامة:سلام عليكم
بتال:السلام السلام عليكم واذا تبي الأجر كامل السلام عليكم ورحمة الله وبركاته
جسّار بابتسامة:وعليكم السلام ورحمة الله وبركاته
بتال تنهد:استغفر الله بس من ذا الوجه
جسار وهو يجلس قباله ويخرج يديه من لابكوته ويتكي بها عالطاولة اللي بينهم ويحتضن وجهه بين كفوفه وبعباطته:وجهن اذا شفته تذكرت شيئين الحظ الأوفر والحياة السعيدة
بتال ضحك:صدقت والله حظ اوفر لاذلفت عني وحياة سعيدة لافارقتني
جسّار رجع ظهره عالكرسي وهو يتريح بجلسته وتكتف بزعل:وش فيك أخلاقك شاينة!!
بتال:على طاري الشيانة
جسّار قاطعه:لاتتكلم علي حذرتك انا
بتال:عاد اذا تشوف نفسك شين الشكوى لله!!
جسّار كشّر بوجهه
بتال ضحك:خلني اضحك ياجسير محد مرتاح وانا اخوك
جسّار قطب جبينه:وش فيك؟
بتال:المهم الحين راشد وش سويت له البارح؟
جسّار:ابد الاحتياط واجب
بتال هز راسه بيأس منه:وش صار معه مافضيت اخذ أخباره البارح
جسّار:ابد اخر أخباره قشع جدار المدرسة
بتال اتسعت عيونه:وشو؟
جسّار:وبس والله
بتال زفر بضيقة:الوضع معه مايمزح
جسّار:والمصيبة يعاند ماتعودت على راشد كذا
بتال:اصبر عليه اللي هو فيه مو هين شي ثاني؟
جسّار بتفكير:سألني شي غريب
بتال باستغراب:اللي هو؟
جسّار:سأل اذا انت شاك بشي خطير تشويه او تتركه
بتال حس بصداع:وعسى قلت له يسويه
جسّار ابتسم:تعرفني احب أغامر
بتال وهو يمسك راسه يحس بمصيبة جاية:الله لايكثر نصايحك قل امين
جسّار:ليش!!!
بتال وهو ياشر بيده لجسار بمعنى اطلع:قم قم بس قم عن وجهي لااهفك!!
جسّار وقف وبتكشيرة:والله احسن من نصايحك اللي تجيب اجل الواحد
بتال:رح بس رح عني
جسّار زفر:رايح رايح يامنفسن انت،،دخل يديه بجيوب لابكوته وبجدية،،وانت؟
بتال باستغراب:وش فيني انا!!
جسّار:سلامتك ابد مافيه شي،،مشى،،
بتال:جسّار
جسّار التفت له
بتال:بوقته بوقته
جسّار ابتسم:داري،،مشى،،
.
..المستشفى..
سعود جالس جنب جده بالانتظار ومتكتف عينه بالارض ولا طالع جده
الجد بادي:وشلونهن خواتك؟
سعود بدون لايطالعه:ماعليهن
الجد بادي:علامك عالرجال قبيل؟!
سعود سكت
الجد بادي:انت خابر انها ديرتن بقعا ومابه احدن غيره اتواثقه ولولا العازة ماغديت يمه
سعود تنهد:مير ياجد هو
الجد بادي:لاتلوم ناصر وانت خابر البلا!!ناصر ضعيّف ووراه ضعيف ولولا اللي وراه ماانكعم وانا جدك
سعود سكت
الجد بادي:ولاتلوم جدك وانت خابرن لسانه
سعود طالعه بزعله:أوجعت قليبي ياجد أوجعته
الجد بادي:ظهري انكسر ياسعود مرة وثانية وثالثة ومااقوى له كسرتن من جديد وهالمرة كسرته تهد ياسعود والله ان تهدني!! سعود:وليه ماتواثقني ياجد لـيـه!!
الجد بادي ضحك بخفة:وانت تراعي كل ماقيل صدق!!انا وين اغدي بلياك،،وبود،،ياالساري
سعود ابتسم بخفة وهو نسى هاللقب اللي يحبه
الجد بادي:احب سعود واغليه كود انه سِعِدي ولا ساري الليل
سعود ضحك وهو مايتحمل مجاملات جده اللي مو متعود عليها:مااريد وجس سِعِدي وانت خابر
الجد بادي:مير اني مااريد ازهمك الا بها
سعود:سعود من فيك تكفي لاقيلت
الجد بادي بنص عين:اخبرك ماتريد الا يالساري ولو عليك تسري ولانراعيك
سعود ضحك:الظليمة شينة ياابو نشمي
الجد بادي:هـه أرعيت تكعّمني بهالزهم(يسكته بابو نشمي لانه يحب ينادونه بها)
سعود ضحك بصوت
الجد بادي بغيظه:محد يقولك مثلك مثلها ام لسان طويل
سعود بابتسامة:هماك توجسه وارثينه عنك!!ولا العلم يغدي لامن لفى يمك!!
الجد بادي وقف بزعل وهو يمد مركوعه بتهديد بوجه سعود:ابوك يابادي الوغد لفاك بعلومه!!
سعود ضحك:يفداك الوغد ياابو نشمي يفداك
الجد بادي زفر بابتسامة وهو من زمان عن هالكلام اللطيف بينه وبين حفيده تسند ع مركوعه:متى بيغدن خواتك من هالمثقول(المستشفى)؟
سعود:كلهن اليوم
الجد بادي:اجل اغد يمهن وراع وش يبن من غريضات وانت معهن ثم عوّد
سعود قطب جبينه وهو يطالعه
الجد بادي:انا بظلي عندهن الى منك تعود
.
راشد واقف بسيارته ورا البيت له ساعة بعد مالفه من برا كم مرة وتأكد انه نفس البيت اللي وصفه ابو ياسر له واستغرب انه مافيه اي علامة تدل انه ساكنة احد بالضبط مثل مابلغه ابو ياسر لـكـن هو بس يبي يشوف وش سالفة هالحلم اللي يتكرر معه جالس بسيارته وساند ظهره وراسه عالمقعدة وهو يفكر بجرأة اللي بيسويه وهو مو من اصحاب هالتصرفات زفر وهو للحين يشاور نفسه اعتدل بجلسته وهو ياخذ نفس تلثم بشماغه وهو يفتح باب سيارته وينزل وقفلها وقف عند جدار البيت وتلفت ماحوله احد رفع ثوبه لوسطه وهو يربطه زين وطلع على كبوت سيارته ونط وتعلق بالجدار ومن على الجدار نط لداخل البيت
.
..بيت فالح..
ثريا بقلق:تكفى يامفلح البنت ابطت مالها حس
مفلح يتقهوى وهو قلقان اكثر منها لكن يخفيه:بتبطي اكيد من متى ماغدت لبيت أهلها
ثريا:تكفى ابغدي وراها ماني بموجستن يمها شي بس اتوكد تكفى
مفلح بحدة:انكعمي يامرة محدن بيديم لها منا كود يقوى قلبها وتعلمنا باللي غدا بهالبيت واهله
.
هيفاء عدت الحوش الصغير جدا بجرأة غريبة عليها ووقفت عالباب من داخل البيت ثابتة بمكانها وعينها عالبيت وللحين تعصف فيها ذكرياتها تشوف البيت تأكله النيران وهي محصورة فيه ماتقدر تخرج جلست بمكانها وهي تهل دموعها غطت أذانيها اللي ترن فيها صراخ أهلها اللي يحترقون وظلت فترة وهي تبكي بمكانها تبكي عليهم وعلى نفسها اللي ماتقبلت اللي صار للحين هدت واخذت نفس ووقفت وهي تتلفت بالمكان تطالعه وهي تمسح عيونها حتى تمعن النظر فيه حست بغصة وهي تكبحها طالعت جدرانه اللي حتى اللون الاسود اللي كان مغطيها من الحريق بهت دموعها انهمرت من جديد وهي تبلع شهقاتها وتكتمها طالعت التصدعات اللي ماكانت موجودة وانحرق قلبها وهي تستوعب الوقت اللي عدا وهي كانت عايشة بخوف وظلم حتى من اقرب الناس لها اخذت نفس وهي تخطي لداخل البيت اكثر برجفة تحتويها وتحس بخطواتها ثقيلة مافي اثقل منها وتسحبها بالقوة اتجهت للمكان اللي كان السبب بنجاتها بير البيت جرت خطواتها اللي تثقل اكثر واكثر وهي تحس بضيقة اكثر وقفت بمكانها وانشلت عن الحركة من كثر الخوف وهي تشوف اللي واقف عالبير
راشد معطيها ظهره واقف ع البير هو نفسه اللي يتكرر بحلمه يطالع داخله لكن كان بير عادي مافيه اي شي غريب زفر بضيق وهو مالقى الجواب اللي يتمناه التفت قشعر جسمه وانصدم من اللي واقفة قدامه:بسم الله الرحمن الرحيم
هيفاء فزّ قلبها من الخوف من وصلها صوته وتردد صدى صوت صراخها البيت بعد ماكانت ماتنطق حرف!!
.
ثريا جالسة على اعصابها وهي تطالع البيت شوي ثم تلتفت تطالع مفلح شوي وبعد فترة ماعاد تحملت وبقلق:يامفلح ابطت يامفلح مابي صبر عالمقعد هني!! مفلح يتقهوى نزّل فنجاله وبعصبية:علامش علامش ابلشتيني طارت القهوة بعلباي(شرق بالقهوة)!!انكعمي كبيني اتقهوى على هواي
،،وصل لهم صوت صراخ هيفاء،،
مفلح فزّ من مكانه قبل لاتقوم ثريا حتى
.
..المستشفى..
طلق داخل بفجعته يتلفت حوله وقلبه بيخرج من مكانه من خوفه عليها وبعد ماسأل وعرف وين هي موجودة اتجه لها وهو بيموت من قلقه عليها وبجرأة فتح الباب ودخل وبخوفه:عباير
عباير عالسرير نايمة وفزت من نومتها وهي تجلس بفتحة الباب وانصدمت من وجوده
طلق دخل بخطوات سريعة
عباير بدون لاتنتبه لنفسها سحبت علبة الموية اللي عالدرج على يمينها وورمتها عليه بكل حيلها وبصوت عالي:اعقب!!
طلق ضربته علبة الموية بصدره لكن مااهتم ابد ووقف جنب السرير عندها وبخوفه:ياعله ابهم اللي مايخافون الله لعله بهم
عباير وهي تسحب الشرشف وتغطي نفسها لكن بانت أطراف رجولها اللي مو مغطيها شي وتحركت بسرعة وهي تثني رجولها حتى يغطيها الشرشف كامل وتألمت من جرحها بصوت خفيف:اااه
طلق:ياعله بي دونش ياعباير
عباير وهي احتدت نظرتها تحت الشرشف وبحدة:امين الله يجعله بك امين!!طس عني ياللي ماتستحي لافضحك بوسط المستشفى ذالحين!!طس!!
طلق انتبه لنفسه وابتعد عن السرير مسافة وهو يصد بوجهه رغم ربكته الواضحة:ارتعت ياعباير ارتعت
عباير بغبنة:ياعلك مرتاع طول عمرك ولايهدا لك بال اي والله طس عني!!ذالحين توجس اني طشيت روحي عليك وأنك ضعيف!!وانا اللي نصيتك!!
طلق اتسعت عيونه:انا اوجس هاللون عنش!!
عباير ضحكت:ايــه!!اوجستها من اول!!واوجست اني اتبّلاكم وانت الضعيف اللي ماوراك!!واني ماوراي والين يردني عنك!!
طلق عض شفته بقهر من نفسه وندم
عباير:وشلون ماانت موجس هاللون!!ها؟!!
طلق:اتخبرين ياعباير اني ماعلمت بعلومه الشينة!!
>
>
قـبـل سـت سـنـيـن
>
>
..مجلس الشيخ..
،،الكل مجتمع والضيق والقلق مرتسم على وجيههم،،
ابو هليل عن يمين مناور بمسافة بسيطة وبغبنة:ماينفع ذا العلم ياشيخ!!الى متى وحنّا ننكعم عن عيال عبري
الشيخ مناور:يكفي ماانعمل بعييلنا(شباب)كود تنحل راْس براس
ابو هليّل بعصبية:وين تنحل راْس براس هذول عيال عبري عبري يامناور يعملون مايريدون ولايضربون بال يم احدن ابد!!
الشيخ مناور رفع صوته وبحدة:هلال!!
الجد بادي بطرف المجلس زفر:الصحيح أوحيت علمن شين من وقت العلم الاول
الشيخ مناور قطب جبينه:وشو ياعم بادي؟
الجد بادي:وهالعلم كذبته انا مير ان العلم انعاد واوحيته مرتن ثانية وكذبته وواجهت به وكذبّه مير عقب الثالثة مابها كذبن ابد
الشيخ مناور بقلق:وش هالعلم ياعم!!
الجد بادي:اللي دل عيال عبري عالبيرة(جمع بير)اللي إردموها(دفنوها)هو غيث
الشيخ مناور انخطف وجهه والتفت يطالع غيث
غيث جالس عن يسار ابوه وبصدمة:ماهو بانا مااوحيت عن هالعلم ابد!! ابو هليّل بحدة:وش هالعلوم ياعم بادي مايصلح تطش التهايم وهي جليلة!!
الجد بادي بحدة:هليل معه ياهلال بالبير الاول
ابو هليل انخطف وجهه
هليل جالس جنب غيث وقف وبحدة:كذب يوجس اكذاب انا ماعملت شين ابد
الشيخ مناور بحدة:لاتوجس هالعلم ياعم وانت ماتوكدت!!
الجد بادي بحدة:محدن منهم يخبر ابيرتنا وهم ماينزلون عندنا لهم شين ولنا شي!!مير اردموا البيرة الوفرة بالاول!!وهالعلوم يبي له احدن من الديرة يعلمهم بها!!وثمن انا ماطشيت التهايم من اول مرة اوحيتوني كل أبوكم اوجست اني متوكد ثلاث!!الاولة ارعوا غيث وهليّل كاتين بوادي الخميّر ويتبعهم ددسن به شلة من عيال عبري!!وكل أبوكم تخبرون وادي الخمير محدن يغدي يمه غير للبير!!وهذاك البير هو اول العمايل!!
ابو هليل عض شفته بغبنة وهو يشد ع قبضتيه وعيونه تطاير وهو يطالع بادي
الشيخ مناور يطالعه بتكشيرة مرتسمة على وجهه
الجد بادي:والمرة الثانية ارعوا غيث وهو معهم بالددسن
ابو هليل قاطعه:راعوه وهو غادين يمها مير انهم ماارعوه يردم شين ياابو نشمي!!
الجد بادي طالع غيث بحدة:ونشدته!!
الشيخ مناور التفت لغيث يطالعه بصدمة
غيث بحدة:اوجست لك خذوني معهم حتى اتقهوى بالشعيب ماخبرت انهم ناوين يعملون هاللون!!
الجد بادي بحدته وهو يطالعه:والثالثة أرعوك وانت تعاونهم بردم البير ياغيث
غيث تجمد من اللي يسمعه
ابو هليل بعصبية:من اللي اوجس هالعلم من هو هالكذوب اللي غادين يمنا بشره!!ناوين يشتتنا!!
الجد بادي التفت لسعود اللي عن يمينه:ولد ياسعود
سعود فزّ:على امرك،،مشى دقايق وهو راجع ووراه خواته،،
،،بخوت وقفت قدام جدها وعباير وراها ولاصقة فيها،،
الجد بادي وهو يطالع هلال بحدة:كل القوم تكذب الا بنياتي مايوجسن اكذاب لو هو على حد السيف ياهلال!!
ابو هليل كشّر بوجهه بينفجر
الجد بادي:بنت ياعباير
عباير فزت وبخجلها المعتاد ماتعودت توقف بهالموقف وبهمس:سم ياجد
الجد بادي بحدة:سمعيني حسش يابنت هالوجهة ماهي بوجهة حيا!!
عباير برجفة صوت واضحة:تامر ياجد
الجد بادي:اوجسي اللي ارعيتيه؟
عباير:الليلة اللي تسبق العلم الشين الاول ارعيت غيث وهليّل بالوايت ويتبعهم ددسن به زيلان عيال عبري
الشيخ مناور بردت عظامه من سواد الوجه اللي يحس به
هليل بغبنة:ماحصل ماغديت يمه ابد!!
غيث وقف وبعصبيته:اكذاب اكذاب
عباير غمضت عيونها بفجعة وتخبت ورا بخوت
بخوت مسكت يدها وهي تضغط عليها تهديها
الشيخ مناور صرخ وهو يطالع غيث وهليّل:بــس!!انكعموا!!لااوح� � لكم حسّن ابد انكعموا!!
غيث عض شفته وهو يسكت
الشيخ مناور طالع عباير وبملامحه المحتدة:وثم يابنت الناس؟
بخوت بثقة:وثم ياشيخ ارعيناه يتقهوى معهم صحيح مير انهم يردمون البير على نظره
غيث امتلى حقد اكثر واكثر وهو يطالعها
بخوت بقهر عالابيار اللي راحت منفعتها:وتاليتها ارعيناه بردمه معهم
ابو هليل بعصبية وهو يوقف:وين المرية؟هاتي مرية توكد اللي توجسينه
عباير مدت يدها وهي تأشر بطرف إصبعها على راس غيث
غيث لاف شماغه على راسه
عباير:خله يشيل الشماغ وراع الجرح بيمين راسه فوق اذنه من الحصاة اللي جدعته بها يوم انهم هجوا يوم لمحوا زيلان الرجال
غيث اتسعت عيونه بصدمة
الشيخ مناور فزّ واقف بسرعة وسحب الشماغ من على راس غيث واتسعت عيونه وهو يشوف صدق كلامها الواضح
غيث:كذب يبه كذب هذا من الصندقة عند الشبك صكت راسي تكذب يبه تكذب
بخوت:ماتكذب عباير ابد والمرية الثانية ثوبك انشق يوم طحت بعد ضربة الحصاة ولونه اشهب(درجات الرمادي)وانشق من يسارك
غيث يطالعها بغبنة وصراخ:اكذاب اكذاب حسيبش الله يالظلوم حسيبش الله
الشيخ مناور عض شفته وهو يذكر انه شاف ثوبه المقطوع بنفس اليوم اللي دروا فيه بهدم االبير
طلق جالس قبال سعود وجده بالجهة اللي قبالهم وقف وبدفاع عن صاحبه وهو يتحاشى يطالع نظراتهم:مير مااوجستي صحيح هالنوبة!!
غيث هدت انفاسه وهو يطالع طلق
الجد بادي قطب جبينه وهو يعتدل بجلسته
سعود شد ع قبضته بغيظ وهو يطالع طلق
طلق:الليلة اللي هدم بها بير الصليخات غيث معي يم محل سمرتنا واللي براسه مثل مااوجسه وشقة الثوب من السيم(قطعة حديد صغيرة بارزة يربطون فيها الاشياء ببعض)اللي بطرف الشبك يوم نتخير الذبيحة!!
عباير اتسعت عيونها وهي تسمعه يكذبهم
غيث ارتاح وهو يسمع طلق
ابو هليل طالع بخوت وعباير بحدة:وانتن وش غادي بكن يم البيرة؟ها؟!!
هليل بابتسامة:مير اللي تطش روحها عالضعيف وش نوجس بها!!تنصاه ومبلشته وماوراها والين يردها عنه وش يعمل بها!!
طلق التفت يطالع هليل بصدمة من اللي يسمعه
غيث ابتسم
عباير غرقت عيونها دموع وهي تسمع اللي ينقال عنها والمصيبة طلق ساكت ماتحرك وكأنه يأكد اللي ينقال عنها
ناصر كشّر بوجهه بعدم رضا عاللي يسمعه
سعود وقف وبصراخ:اعقب!!
الجد بادي يأس من طلق وامه مابيرد وفضل أصحابه على عباير وهو أعطاه فرصة طويلة بنظره حتى يرد رفع يده لسعود يسكته:هالتهايم مردودن عليها ياهليّل،،طالع طلق،،ولد ياطلق
طلق طالعه بصدمته من سكوته الغريب ولارد على هليل
الجد بادي بحدة:ومن اللي أطرا ان عباير لطلق!!
عباير التفتت لجدها وهي تحس براحة بسيطة رغم القهر الي باقي للحين
طلق اتسعت عيونه
الجد بادي:مادق بابي رجلن منهم واوجس انه يبيها لولده(يقصد أهل طلق)!!
طلق انخطف وجهه
الجد بادي:وكود مشغلكم قول الحريم اللي محيرينها(محجوزة له)لطلق فانه وجس حريّم لايجيب ولايودي مالنا به عازة!!
هليل اختفت ابتسامته والتفت يطالع طلق وهو يدري ان طلق يموت بدون عباير
طلق اوجعه قلبه وحس بغصة
الجد بادي:وبنيتي كل أبوكم خابرينها ماتخبر الديرة زين تضيّع لو تبعد فتّة(شبر)وشلون توجس انها اتوبعه وانتم راعين سمرات تالي الليول!!
ابو هليل بحدة:وكود انها تضيع وشلون درت بهالعمايل كلها؟!!
بخوت:الاولة غدت مع عمي مصلح تعاونه ولاقضيت غرضاني اعود لها وثمن عودت لها
العم مصلح:ذَاك الليلة تعبت بالحيل حطيتها وثمن عودت ببيتي عجزت اقضي أمور حلالي وخبرت بخوت تغدي يمها
غيث تغير وجهه
بخوت بحدة وهي تطالع غيث وبقهر من اللي انقال عن عباير:والثانية غدينا يم عزبة سعود بالبر نولمها وارعانا هو براسه(تقصد غيث)
طلق وهو يحس بينفجر من غيظه:والتالية مثل مااوجست مالش علم بها لاتمورقينها يابخوت!!
الجد بادي وقف وبحدة:محدن ببيتي يوجس اكذاب ياطلق،،طالع مناور،،العلم وعندك وانت على ماتهوى!!،،مشى خارج وخرجوا وراه سعود والبنات،،
>
>
عباير بحدة:وانا مااشقاني تعلم ولا ماتعلم طس طس لاألمهم حولك!!طس حسيبك الله!!
طلق توجع من الكلمة وانعادت مشاعر كرهها له من جديد مشى للباب بخطواته السريعة ثم وقف والتف
طلق:مااعذروني وهم خابرين العلم كله!!والله مااعذرهم على طعونهم!!
ناصر بحدة:يسدّهم(يكفيهم)ماانعمل بهم ياطلق!!
طلق:وقليبي اللي يعملون به مايريدون!!
ناصر بغبنة:قليبك تخيرهم وبداهم عليها ياطلق!!
طلق ضحك بغبنة:انا مالي سلطتن عليها وهي لو مايحصل لها غيري تموت ولاتقربني مير اني عليم الله ماأكب قليبي يتمزع(يتقطع) بلحاله!!
.
،،السيارة،،
سعود يسوق وهو كل شوي يسرق نظرات لجده بشك
الجد بادي صاد بوجهه وهو يطالع الطريق وساكت سرحان بوسط تفكيره
سعود اخذ نفس وطالع للمراية قدّامه يشوف خواته وراه وابتسم وهو يشوفهم
عباير رغم آلامها الا انها فرحانة الاول مرة تخرج من هالديرة ابتسامتها على وجهها بوناسة
بخوت تطالع حلايا اللي بحضنها يكفيها انها طيبة
حلايا واضح على ملامحها التعب لكن مبسوطة انهم طالعين من الديرة وهالمرة اول مرة تخرج من الديرة بحياتها وتطالع الطريق بوناسة مثل عباير
الجد بادي بدون لايلتفت:ولد ياسعود
سعود طالع جده براحة:سم ياجد
الجد بادي:ولمت اللي علمتك؟
سعود مد يده للدرج اللي قدام جده وفتحه
الجد بادي طالع السلاح اللي بالدرج
سعود:على مااوجست ياجد
الجد بادي قفل الدرج:زين زين .
..بيت فالح..
مفلح جالس قبالهم يطالعها وهو للحين مو واثق من اللي سمعه طالع هيفاء:يوجس الصحيح يابنت؟
هيفاء بحضن ثريا طالعت عمها عن طرف وهي تهز راسه بايع
مفلح:ماناشك(مالمسك)؟ابدن ابدن؟!!
ثريا متربعة مدت رجلها وهي تضربه بشويش ع ركبته:وبلا!!تفاول على بنيتي،،باستها على راسها،،حافظش الرحمن ياروحي
مفلح بعصبية وهو يرفع مركوعه:انكعمي لااهد سنونش بهالمركوع،،طالع هيفاء،،وش ارعيتيه يعمل بالبير؟
هيفاء ماردت
مفلح بعصبيته:اوجسي يابنت!!اقبيل(قبل شوي)موحينش تصاعكين(صرخت)عجزانة توجسين!!
ثريا بعصبية:روعتها!!ماتراعي هي وين به!!اصبر الى من يعود قليبها!!اهب يامفلح ياشينك!!ياخسارة الفزعة لك!!ليته هابدك وفاكنا منك!!مير انه ولد حلال يخاف ربه!!ليتني محطتك مكانه كود يعود عقلك بمكانه
مفلح ضربها بالمركوع ع كتفها
ثريا توجعت وهي تمسك كتفها:اهب ياالشين ماتخاف ربك!!
مفلح بعصبية:انكعمي لااجز لسانش من قاعته!!
.
،،السيارة،،
راشد يسوق بسرعة جنونية وهو يمسح الدم اللي براسه بشماغه وخرج جواله من جيبه وهو يطالع اتصالاته رد ببرود:نـعـم
بتال اللي احرق جوال راشد باتصالاته وهو يلف المستوصف مو قادر يجلس من توتره وبصراخ اول ماسمع صوته وبغبنته؛ونعامة ترفسك ياااارب قل امين!!
راشد زفر:خير وش فيه،،انخطف وجهه وبفجعة،،امي رجعوها للمستشفى؟!!
بتال:متصل بك اقولك عمتي مافيها شي كلمتني وقالت امسكه عندك لايجي
راشد:وانا مااقدر مااروح لها!!
بتال بعصبية:داري ياوجه التيس داري بس اني اقولك اترك الطفقة عنك وسق على هونك اتصلت بك ولارديت عليها!!
راشد:ماانتبهت للجوال فاضي له انا!!
بتال بحدة:وصلك الخبر اتصل فيها وتأكد بنفسك وسوق على هونك لاتفجع عمتي فيك
راشد تنهد وهو يهدي:ان شاء الله ان شاء الله
بتال سكت وهو ذابحه الفضول يبي يعرف وين راح وش سوا
راشد:تبي شي
بتال تنهد:ماابي منك شي،،قفل بوجهه وهو واقف على باب غرفة مكتب جسّار وحذف علبة الموية اللي بيده ع جسّار بكل قوته،،
جسّار اللي يكمل ملفات عنده ضربته العلبة بجبهته وتألم وهو يمسك مكان الضربة ويطالع بتال:وش سويت!!!
بتال بغبنة:لاعاد تقول اخبار لأحد ياالنكبة سمعت،،مشى بخطوات سريعة وخرج لبرا المستوصف ووقف عالمدخل وطالع الأجواء الممطرة قدامه اخذ نفس عميق يبيه يوصل لاخر أفكاره الثقيلة ويمسحها،،
...........****..........
الـعـصـر
...........****..........
،،جسّار وبتال خرجوا من دواماتهم قبل الصلاة بساعة لكن مع الجو ووضع الطريق ماوصلوا الا ع وقت الصلاة،،
جسّار من ركب السيارة مانطق حرف وهو صاد بوجهه ماتكلم ولاقابله بعد الموقف
بتال يسوق وهو مطنش الوضع بينهم وقف عند البيت وبصوت وسط نفسه:واخيرررااا!!
جسّار نزل ورفع يديه فوق راسه وجرى للبيت
بتال نزل ولحقه وقف عالباب وهو يلتفت للي يكلمه
واحد من الشباب وبوسط انفاسه وهو يلهث وغرقانة ملابسه من المطر:نريد عون بعض الحلال بدرب السيل
بتال:ابشر
الشاب:بأغدي اعلم اللي قدام بلكن يفزعون
بتال:لاحقك الحين رح رح
الشاب كمل طريقه يجري
بتال رفع صوته وهو يلتفت للبيت:جساااار
جسّار طالعه ع مدخل غرفته:خيييير
بتال:امش الناس محتاجين فزعة اخلص
...........****..........
..عند باب البيت الكبير..
راشد واقف عالباب بسيارته وهو معلق عالبوري ومسبب ازعاج ومافيه صبر يبي يشوف امه ويتطمن عليها رغم انه كلمها وطيبة لكن ماارتاح قلبه يبي يشوفها بنفسه ويتأكد التفتت للي يدق شباك الراكب باستغراب واتسعت عيونه بصدمة وهو يفتح باب سيارته وينزل ويتجه وبابتسامة رسمها على وجهه رغم باله المشغول:ياحياه ياحياك الله ارحب ارحب
سعود بابتسامة وسط استغرابه من وجوده وهو يسلم عليه:والله عرفت الموتر مير كذبت روحي!!
راشد وهو يسلم عليه:حياك الله حياك الله
الجد بادي بحدة من ورا سعود:انت من أهل البيت ياولد؟
راشد اتجه له وسلم على راسه
الجد بادي سلامه جدا بارد لراشد
راشد:الله يحييك افضل تفضل ياعم
الجد بادي بحدة:من أهل البيت ياولد اوجس؟
راشد:ايه من أهل البيت حياك الله ياعم تفضل
الجد بادي:اغد يم عربك وازهم لي شايب البيت
.
جواد خارج من دوامه متجه للبيت رفع جواله لاذنه بعد ماكبر بوجهه منزعج من الرنة ماله خلق لشي:شذى قولي للسواق يجيب لك اللي تبين مافيني
رهايف وهي تبكي:جواد
جواد ارتفع حاجبه وهو يسمع صوت رهايف طالع الاسم يتأكد وفعلًا اسم شذى وبهدوء:وش فيه؟
رهايف وهي تشاهق:شذى صدمت فينا؟
جواد اتسعت عيونه بصدمة
رهايف ببكاها:تكفى تعال!!
.
..بيت نشمي..
،،الكل يتقهوى بالصالة،،
عذبة بصوتها المبحوح:الله يهديك يمه خوفتيهم عالفاضي!!
الجدة منيرة:فز قليبي وانا اراعيك ماتوجسين لي كلمة بغيت افطس مكاني!!
حصة:يمه نسيتي ان عذبة لامرضت لازم هالطيحة واذا ماطاحت هالطيحة اعرفي ان فيها بلا!!
الجدة منيرة بعصبية:عوذا منش ومن لسانش!الحمدلله محدن من عييلش غدا عليش!!
حصة بصدمة من هالهجوم:وش قلت!!
الجدة منيرة:واشيب قليبي عَلى وسمية كل عييلها غدوا يمش!!هذا طول السنتهم من وراش!! ابو غازي تنحنحت وهو يبي يقطع هالللهجة
عذبة تنهدت:صدقت يمه حصة ماغلطت عارفة وضعي مااتحمل الزكمة وهي زكمة وش عاد وهي نزلة
حصة بابتسامة:عاد بقليبي شي خاطري اقوله
الجدة منيرة وهي ترفع عكازها:اقطعي الشيانة من لسانش وتخنفرين على جسّار الضعيف وهو مثلش!!
ابو جواد يسمعهم بابتسامة معتلية وجهه
حصة بزعل:يمه ياشينك دايم تحامين عن عيال عيالك وعلينا اللهم ياكافي
الجدة منيرة:انكعمي محد شيب راسي غيرش والله والله ياسواياش انتي وزاهية للحين توجع قليبي
حصة كشرت بوجهها
ابو غازي وابو جواد اتجهت أنظارهم لعذبة
عذبة ابتسمت بمجاملة وهي تسمع ضحكت ابوها
الجد نشمي ابتسم:مير ماهن غاديات يروعنش هاك الايام يامنيرة!!يموزحنش ويلعبن معش!!
الجدة منيرة:الحمدلله مثبت العقل ولا كان الحين اغدي وسط الطرقات منفصخ(طار)عقلي!!
حصة بحدة:يمه وش هالطواري الشينة امنعيني الله يجيرش
الجدة منيرة ضربتها بطرف العكاز:انكعمي تعلميني وش اللي اعمل!!
،،الكل التفت لمدخل الصالة بعد ماسمعوا قفلة الباب القوية،،
راشد دخل وهو يجري وبوسط انفاسه السريعة وهو يثبت نظره على امه وبخوف من كل قلبه:عساه فيني ولافيك ياروح راشد
عذبة انصدمت من وجوده وهي منبهة على جسّار وبتال لايجي ابد
راشد جلس عندها وباس ع راسها ويدها وضمها له وهو يطمن قلبه عليها:ياروح راشد ربي يحفظك لراشد
عذبة ابتسمت وهي تمسح ع ظهره:بسم الله عليك بسم الله
الجدة منيرة التفتت تطالع حصة:هه ناظري مو بالناس لسانش يلوط اذانش!!(يوصل اذنها من طوله)
حصة:يووه يمه عاد مالقيتي تقارنين الا براشد الرهيف!!
راشد ترك امه واتجه يسلم عالموجودين وابتدأ بجده
الجدة منيرة بعصبية:وترادد!!لذالحين ترادد!!ليتش تغدين مثل فيصلوه الافدغ(غبي)مرده مايرادد مثلش
ابو جواد بضحكة:اسكتي ياحصة خلاص لاتجيك كلمة وراشد بيقولها لجسار ثم عاد وش يفكك من لسانه
راشد وعينه ع جده:ياجد فيه ضيف بنتظرك برا
الجد نشمي بعصبية وهو يوقف:وليش ماقلطته؟!!
راشد:عيّا ياجدي يقول ازهم شايب البيت
الجد نشمي قطب جبينه:تعرفه؟
راشد:مااعرفه لكن اعرف الولد اللي جاي معه وهم من أهل ام جلاجل
الجد نشمي فزّ قلبه للحظة لكن طرد هالفكرة وهو يعرف طباعه زفر وهو خارج:جهزوا القهوة لاتبطون
حصة وقفت:تامر يبه
الجد نشمي خرج ووراه ابو غازي وابو جواد وراشد ومشى باتجاه بوابة البيت وكله تفكير من هالضيف اللي متعني وجاي له من ام جـلاجــل فتح الباب وانصدم من وجوده وكله يأس ان هاللحظة ممكن تحصل بيوم اخر شي توقعه يشوفه قدّامه
الجد بادي واقف على الباب ومثبت عينه عليه بوجه جدي جدا مستند ع عكازه بيديه الثنتين وهو ينتظره يفتح له
سعود واقف جنبه بهدوء وهو مايدري بالموضوع ولايعرف هالناس اللي قدامه
ابو غازي كشّر بوجهه وهو يطالعه
ابو جواد انصدم من وجوده:عّم بادي!!!
راشد قطب جبينه باستغراب منهم وهو يشوف وجيههم اللي تغيرت
الجد نشمي اختفت صدمته وارتسمت ابتسامة وهو تنعاد ذكريات الجيرة والمودة والاحترام والصحبة بذاكرته وودف الباب بكل قوته وبكل فرحة وهو يفتح يديه متجه له:حياك الله ياحي الله بادي أسفرت وأنورت يااخوي!!
سعود ابتسم والتفت يطالع جده
الجد بادي رفع يده اليمين بوجه نشمي يوقفه وبتكشيرة:على هونك على هونك
الجد نشمي وقف وهو تختفي ابتسامته
ابو غازي عض شفته وهو يكتم غيظه مايحق له يتدخل بهالموقف وبالأصح ماجات وقت تدخله للحين
الجد بادي بحدة:ماغديت يمك مسامح يانشمي غادين يمك اتخبّر العلم اللي ناوين تعمله هالمرة؟!
...........****..........
أم جـلاجــل .
..بيت مفلح..
مفلح بعصبية:أعجلي يامرة انتي وبنتش السيل مفترع(ببداية)الوادي اعجلن علي!!الله لايعجل باجالنا!!
ثريا وهي ترمي الاغـراض المهمة بكيس بيدها بسرعة:نازلن بنا يم بيت بوسط الوادي ويتروع لالمح المطر!!وثم ماانت بميتن قبل يومك لاتروع!!وهذاني طايرتن بيدي ورجولي وانت تهرج فوق راسي ماتدعيني(تتركني)اعمل شي!!
مفلح:لا غدا بش السيل يم الوادي حينها تصايحين افزع والله ماافزع لش ياثريا كود يفزع لش لسانش!!
هيفاء شايلة شنطتها على ظهرها ومرت من قدّامهم وهي تجري خارجة
مفلح وثريا طالعوها بصدمة منها وتركوا ناقشهم وخرجوا وراها
.
..عند الحلال..
،،انقسموا الشباب دفعات اللي به قوة واضحة كان من ضمن الدفعة اللي تشيل الحلال وتسلمه للشباب اللي واقفين على طرف الجرف اللي يحطونه بالسيارات الموجودة ويحركون ويوصلونه للمكان المتفق عليه وكان عدد المساعدين لابأس فيه وشالوا عدد من حلال اهل القرية لابأس فيه بعد بفضل تعاونهم اللي متعودين عليه،،
،،بتال كان من ضمن اللي يشيلون ويسلمون وجسّار من ضمن اللي يستلمون ويحطون بالسيارة،،
،،وبوسط شغلهم والكل حيله مهدود خصوصا ان هاذي المنطقة ثاني منطقة يغطونها،،
الشاب صرخ:كبوا الحلال كبوه السيل غادين يمكم ياوجه الله كبوه كبوه!!
،،الشباب الواقفين ع طرف الجرف ساعدوا الشباب اللي بالوادي يطلعون عن مجرى السيل،،
طلق ع طرف الجرف:قضينا قضينا مابقي شي
جسّار واقف فوق بأعلى الجرف وهو يطالع اللي ع طرف الجرف تحت ومرر نظره يطالع بداية السيل اللي يجري بالوادي ثم طالع بتال وبتوتر وهو يرفع صوته:بتاااال
بتال مشى لعند الجرف والتفت وراه وانتبه لصغير ماعز باقية بالشبك ورجع لها
جسّار صرخ بغبنة منه:بتال!!
بتال شال الصغير وجرى وهو راجع بطريقه ورفعه لطلق اللي اقرب له
هليل سحب جسّار اللي واقف جنبه وبقلقه:اطلع بالسيارة طلق اخبر منك بالجرف اطلع حتى نهج عن السيل اعجل لاتوخرنا يالله
جسّار سحب يده من هليل وبحدة:مالك شغل فيني رح ماطلبتك تساعدني!!
ناصر واقف عندهم:تعوذ من الشيطان ياابن الحلال ماهو بوقت خنفرة ذالحين!!
طلق اخذ الصغير من بتال وحطه جنبه
هليل ترك جسّار ونزل لعند طلق واخذ الصغير ورجع طريقه لاعلى الجرف وحطه بالسيارة وركب وحرك وابتعد شوي عن الجرف ووقف وهو بقى داخلها مانزل
غيث بالوادي مد يده لطلق
طلق مسك يده ولاقدر يرفعه من التعب
بتال ساعد طلق برفعته لغيث
غيث طلع لأعلى الجرف وهو ينفض نفسه واتجه لجسار وناصر
طلق مد يده لبتّال
بتال مسك يده بابتسامة وسط انفاسه السريعة من التعب:قواك الله ماتقصر
طلق ابتسم له للحظة واختفت ابتسامته واتسعت عيونه وهو يشوف السيل وصل عندهم ونزل يده الثانية ومسك بتال وهو يسحبه بكل قوته يحاول يرفعه
بتال مسك يدين طلق بقوة وهو يحس بقوة السيل اللي تسحبه غصب عنه
جسّار جرى بينزل لعندهم
غيث مسكه يوقفه وبصراخ:مهبول ناوين عليهم يالاثنين!!تهد الجرف بهم!!
ناصر مر من جنبهم ونزل للجرف
جسّار دفه بقوة عنه وهو ينزل الجرف المايل بخطواته السريعة وشوي ويطيح
طلق جلس وهو يثبت رجوله قدّ مايقدر عالجرف لاينسحب معه وماسك بتال بيديه الثنتين وصرخ وهو يحاول يسحبه لفوق
بتال انهارت قوته ويأس وهو يشوف قدرة طلق اللي منهارة مثله وتركه وهو يستسلم لقدره مايبي ياخذ ذنب طلق معه
طلق مسكه بقوة وسط صدمته من بتال وانسحب معه
ناصر مسك طلق عالنهاية وساعده وخرجه
بتال سحبه السيل معه
جسّار وصل لطرف الجرف ومسك راسه بيديه بفجعة على اخوه وهو يشوفه يغرق لحظة ويرتفع لحظة بوسط السيل اللي يتلاعب فيه بطريقته وعلى هواه وصرخ:بتاااااال!!!!
.
.
<اللهم صل وسلم على نبينا محمد>
.
.
أميرالز and أزميرالد like this.
لامارا غير متواجد حالياً رد مع اقتباس
قديم 24-07-20, 04:42 PM #43
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـواحد والأربعين،،
لااله الا الله وحده لاشريك له له الملك وله الحمد وهو على كل شي قدير،اللهم صل وسلم على حبيبك ونبيك محمد عليه افضل الصلاة وأتم التسليم،،
.
.
...........****.........
..عند جواد ورهايف..
،،قدر المرور الخطا على شذى وحجزوا عالسيارة وتم الاتفاق بين الطرفين بالتراضي وشذى تتحمل تكلفة التصليح وطبعا جواد هو المسؤول عن كل شي،، جواد يسوق بسيارته وهو ضاغط عالدريكسون بيديه بينفجر من غيظه
شذى متمددة ورا ونايمة
رهايف جالسة مكان الراكب متربعة ورابطة حزام الأمان وهي تكتم شهقاتها اللي واضحة بهزة جسمها
جواد تأفف من هالوضع وبنبرة عالية:وبعدين معك انتي!!
رهايف فزت والتفتت له وهي تطالعه وبصدمة:وش فيك؟!!
جواد بنرفزة:الى متى وانتي تبكين؟!!خلاص ربي سلم!!
رهايف برجفة صوت وهي تتصنع القوة؛ايه لو انه انت اللي صايرة الصدمة من جهتك مااسمع ذا الكلام منك!!بس فيك حيل تسولف ماشاء الله!!ماتنلام ماصار لك حادث مثلي!!
جواد زفر:استغفر الله العظيم
رهايف:الف!!!
جواد عض شفته وهو يكتم غيظه عنها
رهايف وهي تتحلطم:بغيت اموت ويخاصمني!!والله لو هو مايترك احد مايقول له اللي صار معه!!
جواد بعصبية:واللي يرحم امك اللي يسمعك يقول شي كبير صاير معك!!كلها دقة بسيطة من قدام وش ذا الدراما اللي عايشة فيها!!
رهايف بقهر منه:وأختك اللي داخت علي من الفجعة وقف قلبي حسبتها ماتت!!وانت بس تخاصم!!حس فيني،،وهي تحط يدها على صدرها تتوجع،،يمه يذبح الموقف كل مااذكره يذبح يذبح بغيت اموت!!
جواد:والله اتوقع كل ذي الدراما ماهو خوف من الحادث كثر ماهو خوف من عمي!!
رهايف اتسعت عيونها وهي تتذكر ابوها وشهقت وهي تلف عليه كلها وتمسك ذراعه وبرعب:ابوي يدري؟قلت له؟!!
جواد سحب يده منها وبتكشيرة:ماقلت له ناقص صداع انا!!ادري بيلحقني كلام من وراك!!
رهايف زفرت براحة وهي تعتدل بجلستها وبكت غصب عنها
جواد بنبرة اقرب للصراخ:وش فيك الحين؟!!
رهايف وهي تمسح دموعها:لا بس ابي اقول شكرا وادري بأندم اني قلتها لك
جواد زفر وهو يعض لسانه يبي يرد لكن مقدر اللي مرت فيه
رهايف انحنت لتحت عند مكان رجولها وهي ترفع كيس شفاف داخله سجادة لحضنها
جواد اللي انتبه للكيس اللي معها من لحظة ماوصل لهم بمكان الحادث مااعطاه اي اهمية بلحظتها لكن استغرب من اللي تسويه ويسرق نظرات لها وهو ساكت
رهايف خرجت السجادة الملفوفة بشكل اسطواني من الكيس وفتحتها وهي داخلها قصديرتين طولية
جواد التفت لها هالمرة وعقد حواجبه مستغرب منها وهو يطالعها
رهايف اخذت قصديرة وفتحتها وبداخلها ساندويشة
جواد انصدم من اللي يشوفه
رهايف اكلت منها وهي تبلع دموعها مع لقمتها والتفتت تطالعه:مااحب الشاورما باردة،،مدت الساندويشة له،،تبي؟
.
.
على غروب الشمس...
بتال بقواه المنهارة فعليا من مقاومته لهالسيل صاحب الكفة الأقوى اللي يرفعه وينزله على اختلاف قوته من جهة للثانية حاول وحاول يمسك باي شي يقدر يلمحه بطرف شجرة او طرف شبك بمجرى هالسيل لكن كل مامسك شي مايثبته بالعكس ينجرف معه من قوة هالسيل واخيرا مسك بجذع شجرة وحاوطه بيديه لكن ماقدر يحاوط الجذع العريض كله ومع ذلك تمسك فيه بكل قوته ويغطيه السيل دقايق ويتركه ياخذ نفسه لدقيقة وانصعق وهو يشوف كمية السيل اللي متجه له وأيقن هالمرة بموته وشد يديه ورجوله حول هالجذع بكل قوته الباقية باخر اماله وبلحظة ماضربه السيل الجارف ارتفعت صرخة استنجاد من كل قلبه بيأس:ياااارب رحمتـ،،وانقطعت دعوته من السيل اللي ضربه بكل قوة وثواني وسحبه السيل معه من جديد،،
.
جسّار يجري وسط السيارات الواقفة برعبه الواضح على وجهه وهو يترجاهم يساعدونه لكن بدون فايدة
غيث زفر بضيق:غدينا يم الديرة غدينا
جسّار بصراخ وسط فجعته:وش تغدي مدري ماتغدي محد يتحرك الى ماتشوفون بتال وينه!!
هليّل بهدوء:مير وكل امرك لله من اصبّح افلح وانا اخوك
جسّار لكمه ع وجهه بعيونه اللي تلتمع من دموعه
طلق مسكه ورجعه ورا عن هليل
هليل مسك مكان الضربة وهو يزفر:ماعليه عاذرك ومعوض خير مامن ملامة تلحقك الله يجبر كسرك
جسّار انفجر يهجم عليه
ناصر تحرك لعندهم ومسكه مع طلق
غيث تحرك لعندهم ووقف قبال جسّار وبحدة:مااوجس اكذاب يارجل!!
ناصر ماسك جسار صرخ:غيث!!
غيث بنفس حدته:كود ربي كاتب له حياة بنعينه(يحصلونه)الصبح،،طالع ناصر،،وانت خابرن الدفاع مابه حيلة لهاالديار بهالوقت!!وياكم مرتن غدوا غيره وماعينا احد!!
جسّار بصراخ:محد طلب فزعة من وراك!!
طلق:يوجسون الصحيح ياجسار
جسّار طالعه بصدمة
طلق:حتى لو بغينا فزعة الخط لامن عيّن سيل قطعنا ايام عن كل شين حويلنا!!
جسّار بردت عظامه وجلس من طوله ماتحمل يوقف من الصدمة
ناصر مسكه:بسم الله عليك
طلق:حتى الجوال يبطي وهو ماعيّن شي(مالقط ارسال)مير لاغدا الصبح فزعنا يااهل الديرة بلكن نعينه كود مالحقناه!!
...........****..........
الجد بادي واقف قبالهم ومتكي ع عكازه وبحدة:اصدقني يانشمي وش تريد من عملتك؟!!
الجد نشمي واقف قباله وهو مرجع يديه ورا ظهره وبتكشيرة خفيفة على وجهه وبهدوء: وش العملة اللي توجسها يابادي ياكثرهن بعيونك!!
الجد بادي ميل فمه بابتسامة ساخرة من كلامه:عاد مامن لوم صدقت!!ياشين فعولك وياكثرهن!!
الجد نشمي وهو يكتم غيظه:غادين يمي بشرك يابادي!!ماارعيتك من عمر ويوم غديت يمي توجس عمايل!!
الجد بادي دخل يده بجيبه وخرج السلاح من جيبه وهو يرفعه بوجه نشمي ببرود
الجد نشمي اتسعت عيونه
ابو غازي تقدم بخطواته بملامحه المحتدة المرتسمة على وجهه
ابو جواد انصدم ووضح على وجهه
راشد يطالعهم بصدمة
سعود ورا جده يطالعهم بهدوء وجاهز لاي ردة فعل ممكن تحصل بهالموقف
الجد نشمي رفع يده وهو يوقف ابو غازي
ابو غازي وقف جنب ابوه
الجد نشمي بحدة:وش اللي حادك تمده بوجهي؟!!
الجد بادي بابتسامة:العمايل اللي تنشد عنهن!!
الجد نشمي:نصيتك كم مرتن ناوين الوصل يعود مير عنادك صدّني(يرفض)عنك يابادي
الجد بادي بحدة:وش المغزى يانشمي؟
الجد نشمي:مامن مغزى ومامن عمايل مير انت ناصيني بشرك!!
الجد بادي رفع السلاح ورمى طلقة بالهواء
،،البنات بالسيارة فزوا وسط صرخة فلتت من حلايا اللي انرعبت من اللي تشوفه،،
،،عيال نشمي انصدموا وتقدموا لعنده،، ابو غازي وقف قدام ابوه وهو يطالع الجد بادي بحدة
الجد نشمي بتكشيرة:انت بوسط مدينة ماانت باك جـلاجــل يابادي!!
الجد بادي بحدة:المرة الجاية بين عويناتك يانشمي علمني وش ناوين من ورا هالعملة!!ولاقضيت على بنياتي والحين غادين يم عييلهن(احفاده)!!
الجد نشمي بحدة:بنياتك يابادي يومهن ومكتوب مالي به بد!!والولد إعمله يم الديرة الغبرا وش نعمل به!!
الجد بادي ضحك وهو ينزل سلاحه
الجد نشمي بنفس التكشيرة يطالعه
الجد بادي بابتسامة:وعساك باغيني اصدق هالاكذاب!!
الجد نشمي:الولد باغين هالعمل بهالديرة وش اعمل به يابادي!!
الجد بادي صرخ:تمنعه!!!باغيني اصدق انك عجزت عنه(ماقدر عليه)!!
الجد نشمي:وهذا اللي حصل يابادي عجزت عنه!!
الجد بادي بعصبية:امهبول يانشمي امهبول!!تغدي به يم الديرة!!ماانت بصاحي عزالله!!
ابو غازي ضحك بسخرية
الجد بادي طالعه وبصراخ:انكعم ياعادل!!
ابو غازي بابتسامة:مير انت غديت به مرة ولا نسيت!!
الجد بادي:هذاك اول اول!!واول تحول ياعادل!!
ابو غازي اختفت ابتسامته وهو يطالعه بحدة
الجد نشمي:العلم يابادي ان عالولد راسه يابس مثلك ومثل من رباه عجزنا عنه وهو اللي تخير دربه ولااحدن منا له سلطتن(كلمة او راي)عليه!!
الجد بادي بغضب:يوم ان مالك سلطة عليه كان اوجست له العلم كله يانشمي!!
الجد نشمي:وانت تظن انه بيوحي مني شي!!
الجد بادي بحدة:دام هاذي علومك اوح العلم اللي يجمد على الشارب يانشمي من اليوم مالك به بـد أوحيت يانشمي!!
الجد نشمي اتسعت عيونه
الجد بادي بحدة:لاانت ولااحدن من يمك أوحيت!!
ابو غازي بصراخ:معصي!!مالك كلمتن علينا!!!
عذبة خرجت من ورا الباب وتقدمت وهي توقف قدّامهم وعينها على بادي وبحدة:لارديت العمر اللي قضى من راشد واخوانه وعرفوا بعضهم يحصل اللي تريده ياعم بادي
.
............****..........
الليل
...........****..........
أم جـلاجــل
.
جسّار جالس وهو ثاني ركبتيه لصدره ومحاوطهن بيديه ع طرف الجرف بعد ماوقف المطر الغزير يطالع السيل اللي مايشوفه بوضوح بوسط هالظلام اللي يغطي المكان جالس بيأسه بعد ماجرب كل شي يقدر عليه من محاولات اتصال محاولات عبور للخط اللي جرف سيارته وسلم منه بصعوبة بعد مساعدة ناصر له تمردت من عينه دمعة احرقت خده بعد ماانحرقت من غبنته وتحولت بدمعة كلها عجز ويأس من اللي هو فيه واقتنع بالقضاء والقدر وتقبله
ناصر واقف وراه:جسّار
جسّار برجفة صوته:توكل محد طلب منك شي
ناصر انحنى له شبه راكع وهو يمسكه من يده ويسحبه:قم
جسّار سحب يده بقوة منه
ناصر:هالمسيل يصب يم واديهم
جسّار طالعه بلمعة عيونه وهو ساكت
ناصر:غدينا يمهم كود يعاونونا ندوره!!،،طلع الجرف،،
جسّار فزّ وجرى وراه وسبقه للسيارة وركب مكان السواق
ناصر وقف مكان السواق عند جسّار:اندر(انزل)ماتخبر الخط ويـنـه
جسّار تحرك من مكانه داخل السيارة وجلس مكان الراكب
ناصر ركب السيارة وحرك واتجه لطريق مهجور ومن كثر ماهو مهجور الحصى مغطيه ويتطاير بقوة من سرعة ناصر ويضرب بالسيارة من ورا ويفزز قلب ناصر اللي يتظاهر بالقوة اتجه لقرية ماتبعد عنهم كثير بس خمسين كيلو وقف قدام خط صغير بين جبلين يكفي سيارة وحدة تمر قفل نور السيارة وبهدوء:لاتندر الى من أوجس لك اندر أوحيت؟
جسّار:بس
ناصر:جسّار كود تبي تخبر اخوك حي ولا ميت اقضب مقعدة السيارة ياجسار،،ضغط ع دواسة البنزين بكل قوته واسرع بالسيارة وهو يضغط بيديه عالدريكسون من توتره وعدا هالممر ودخل لأرضهم وهو يخفي رجفته عن جسّار،،
،،وبعد ماكان المكان يغطيه الظلام فجأة انفتح نور سيارة واقفة على الطريق بنفس خطهم ونزلوا منها مجموعة شباب بيد كل واحد منهم رشاش،،
ناصر مسك فرامل قبل لايصدم واحد منهم
جسّار يطالع الوضع باستغراب
ناصر طالعهم بحدة وبدون لايلتفت لجسار:مثل مااوجست لك لاتندر ابد لو يذبحوني
فارس(من الشباب الواقفين)عقد حواجبه وهو يدقق نظره لداخل السيارة
ناصر فتح باب السيارة ونزل وهو يمشي لهم ويوقف قدام سيارته
فارس ابتسم وهو يرفع فوهة رشاشه الموجهة للسيارة لفوق:الله!!!نويصر!!!وش غادين بك يمنا ياولد ام جـلاجــل!!
ن