الفصل 11
*ـ روايه لم تكن حبيبتي*❤💐⊁.↻))
الحلقة 11
🔴🔴🔴🔴🔴🔴🔴🔴🔴
🔴🔴🔵🔵
رواية لم تكن حبيبتي الحلقة الحادية عشر
كرم بصدمة و في صوته بحة : أمل
نظرت له امل بصدمة شديدة و لكنها تداركت الوضع و غيرت صوتها و لهجتها 180 درجة كي لا يتعرف عليها
و قالت بتمثيل : عفواً ؟ مين امل ؟
كرم : انا اسف واضح اني تلخبطت
امل : ولا يهمك
و ذهبت من امامه و هو استمر بالنظر لاثرها
نظرت خلفها وجدته اختفى شدت كريم بسرعة و رمت اللعبة الي بايده و حملته و طلعت جري لبرا و لكن كريم كان يبكي و يصرخ بطريقة ملفتة وضعته بالعربية و طلعت
امل بخوف و توتر شديد : بس يحبيبي هشتريلك لعبة احسن منها بس لازم نروح من هنا
كريم بعياط : عايز لعبتييي يا ماما
امل بتوتر : طيب يحبيبي هنروح مول تاني المكان ده وحش جدا و فيه خطا..فين
كريم بخوف : خلاص يماما تعالي نروح
امل بحب : حبيبي هنروح البيت و اوعدك هشتريلك لعب كتير بس لازم نروح دلوقتي
في الفيلا
رعد : يلا عشن تاكلي
شمس : مش عايزة
رعد : مش هكرر كلامي يلا
و امسك الملعقة و رفعها
رعد : يلااا
شمس : بعرف اكل لوحدي على فكرة
رعد بابتسامة : لا انا هأكلك انتي تعبانة
و بدأ يطعمها و هي تنظر له بسرحان
شمس : طب انت مش هتاكل ؟
رعد : لأ
شمس : ما ينفعش انت من الصبح ما اكلتش حاجة
رعد : مش مهم يحبيبتي ما تخافيش هبقى اكل بعدين
كانت بتبصله بعشق و مسكت الملعقة من يده و اخذت من الاكل شوية و رفعتها ليه
شمس بابتسامة : خلاص هناكل بالدور مرة انا و مرة انت ايه رايك
ابتسم رعد و قال : هو احنا في الحضانة ينتي .. لازم تاكلي انتي الاول و انا هاكل بعدين
شمس بدلع : يعني هتكسف ايدي ؟
رعد بحب : لا طبعا ما ينفعش
و اكل من ايدها
رعد : خلاص بقا ما توجعيش دماغي هتاكلي كل ده حالا
و بدأ يطعمها بكل حب
بعد شوية
شمس : انا شبعت
رعد بابتسامة : طيب يحببتي ارتاحي شوية
و شال الصنية من قدامها و عدل لها المخدة وقرب منها و باسها على خدها و خرج
اما هي وضعت يدها مكان البوسة و بتبص لاثره بسعادة
عند منار كانت قاعدة بتبص قدامها بسرحان و بتفكر بمالك و كلامه الي قالهولها
اتى فيصل و قعد جنبها
فيصل : ليه الزعل ده يبنتي مهي شمس بقت كويسة
منار بدات الدموع تتجمع بعيونها و قالت : عارف يا اونكل لما شوفتها عيانة حسيت قلبي اتخلع من مكانه … انا مش متخيلة انها ممكن تسيبني بيوم من الايام مستحيل استحمل .،. شمس هي الحاجة الوحيدة الي طلعت بيها من الدنيا … دي اقرب شخص ليا … خوفت اخسرها .. انا مش بعرف اعمل حاجة من غيرها
فيصل : انا عارف انك بتحبيها اوي و بتعتبريها زي اختك و اعز .. و هي كمان بتحبك اوي …عايزك يبنتي تفضلي جنبها و تساعديها … انتو الاتنين اتظلمتو اوي بالبيت ده …. لما بشوفكم مع بعض بحس انكو ساندين بعض
منار : عارف يا اونكل انا كل ما افكر بمستقبلنا بحس اني مش هكمل مع مالك … ولا شمس هتكمل مع رعد … عشان احنا مختلفين جدا …و مالك و رعد ما بيقدروش يعني ايه ست و لا بيعرفو حاجة عن احترامها … احنا من حقنا نحب و نتحب … انا من يوما اتجوزت و انا بتوجع كل يوم و شمس نفس الحالة … ما تزعلش مننا يا اونكل عشان مقدرناش نوفي بعهدنا ليك
فيصل بحزن : انا الي لازم اطلب منكم ما تزعلوش مني … حملتكم فوق طاقتكم … مش عايز اشوفكم مكسورين ..كل وحدة زي الوردة بشوفها بتدبل قدامي … انا عايزك انتي و شمس تفكرو بمصلحتكم و اولادي مصيرهم يتربو …ما تزعلوش مني يحببتي
منار : احنا ما نقدرش نزعل منك يا اونكل بالعكس انت الي مهونها علينا .. هروح اطمن على شمس ..زمانه رعد خرج من عندها
في بيت سمير والد هدى
سمير بجنون : هتفضلي قاعدة كدة كتير
هند : عايز مني ايه ؟
سمير بغضب : قومي شوفي حياتك ذاكري او اشتغلي اعملي اي حاجة بدنيتك … هتضيعي شبابك و انتي قاعدة بتاكلي بنفسك كدة كل يوم
فردوس بدموع : ما توجعيش قلبي عليكي يا بنتي …قومي يا حببتي … احنا هنروح المستشفى و نطمن عليكي
هدى بجنون : انا مش مجنونة … انا مش مريضة افهموني بقااا …. انا مشكلتي اني بكرهكم و مش بحب حد …. شمس سرقت مني كل حاجة ….. حتى مالك سابني …. و انتو كلكو بتكرهوني …. محدش بيحبني …. اعمل ايييه عشان ترتاحو ؟؟ امو..ت نفسي ؟؟؟ و لا اق.تل حد ؟؟ هتبقو مبسوطين كدة
سمير بغضب : لااااا كدة كتير …البت راحت منها خالص يا فردوس … انا هوديها المستشفى و الي يحصل يحصل
هنادي بدموع ( اختها الكبيرة ) : يا بابا حرام عليك …هدى لسا متطلقة جديد يعني لسا زعلانة و اكيد تعبت
سمير : ما حدش يبرر تصرفاتها … انا الغلطان الي اتساهلت معاها من زمان …دلوقتي خلاص هتروح المستشفى و تتعالج
جلست هدى على سريرها و قالت بدموع : يمكن فعلا انا عيانة … يمكن انا مريضة بجد … انا ليه بكرهكم انا ليه بكره نفسي ليييييه … ليه بكره شمس …. ليه بكره الكل انا ليييه كدة …نفسي ابقى بني ادمة طبيعية
سمير بجمود : اجهزي عشان نروح للدكتور و ما تحاوليش تعملي اي حاجة عشان هتروحي يعني هتروحي
عند امل دخلت شقتها و الدمعة بعينها
كريم : مامي هو انتي زعلتي مني ؟ انا اسف خلاث مش عايز لعبة
امل بدموع : لا يا حبيبي ما زعلتش منك و هجبلك لعب كتير بس انا تعبانة شوية النهاردة
الدادة : مالك يا بنتي شكلك تعبانة اوي
امل بدموع : دادة عايدة خودي كريم غيريله و نيميه ..انا عايزة اقعد لوحدي شوية
دلفت اوضتها و قعدت تعيط بشهقات عالية و متتالية
بعد وقت
امسكت تلفونها و اتصلت بشمس
شمس : الو
امل بدموع : شمس ازيك يحببتي
شمس بخضة : مالك يا ايمي في ايه
امل ببكاء : النهاردة خبطت بكرم ….شوفته قدامي ..جات عيني بعينه و عرفني بس انا مثلت اني وحدة تانية
شمس بصدمة : معقول يكون شك فيكي
امل : منا عشان كدة كلمتك .. انتي اتكلمي معاه و حاولي تشتتيه .. اقنعيه انه بيتهيأله
شمس بحزن : امل ممكن اسألك سؤال
امل : اتفضلي يحببتي
شمس : حسيتي بايه لما شوفتيه
بدأت امل تبكي بحرقة و قالت بدموع : حسيت اني نفسي افضل معاه … حسيت اني عايزة اسيب كل الدنيا و احضنه …نفسي اقوله اني بحبه اوي … وحشني اوي يا شمس … لما شوفته تمنيت الزمن يوقف …نفسي اقوله ان عنده ابن بيحلم باليوم الي يشوفه فيه .. وحشني اوي مش قادرة ابعد عنه اكتر من كدة يا شمس … بنفس الوقت خايفة اروحلة و يضيع كل الي بعمله ع الفاضي
شمس بهدوء : كفاية يا حببتي … مصيره يعرف كل حاجة … اكيد هترجعو لبعض و تعيشو احلى حياة مع بعض …كرم بيعشقك يا امل … انا عمري ما شوفت حد وفي كدة
امل بدموع : خمس سنين بحلم باليوم الي هروحله و اقوله اني لسا عايسة و بحبه … قلبي واجعني اوي يا شمس … حاسة اني مش عايزة من الدنيا غير حضنه و بس … شمس انا بتقطع كل يوم من شوقي ليه …. ليه الدنيا بتعمل فيا كدة …. حتى اخواتي وحشوني …مش سهل عليا ابقى كدة
شمس بدموع : امل انتي لازم تهدي شوية … ما تاخديش قرارات بلحظة ضعف تندمك عمرك الي جاي كله …. امل الخ.طر لسا موجود …. ما تضيعيش كل الشغل ده ع الفاضي …. بلاش تخسري اغلى ناس على قلبك
امل بدموع : عندك حق … المهم يا شمس حاولي تتكلمي مع كرم شوية ….صحيح انتي عاملة ايه لسا تعبانة ؟؟
شمس : انا كويسة يحببتي و كام يوم و هقوم … ما تقلقيش انا هلاقي طريقة اكلمه بيها بس المهم انتي ما تفكريش كتير و ركزي على هدفك
امل : اوك يحببتي …كريم كان عايز يشوفك و يكلمك ..اول ما هلاقي فرصة هقابلك لانه هيجنني عايز يطمن عليكي تكونيش مراته يختي
شمس بضحك : ابن الايه وحشني اوي … خلاص كام يوم كدة ارتاح شوية و بعدها ازوركم
بعد شوية
قفلت المكالمة مع امل
فجأة رن موبايلها مرة تانية
شمس : الو
كرم بتعب : ازيك يا شمس عاملة ايه ؟
شمس بتوتر : انا كويسة انت مال صوتك ؟
كرم بهدوء : انتي فاضية ؟ عايز اتكلم معاكي شوية
شمس بهدوء ايضا : اه فاضية يكرم اتكلم مالك قولي في ايه
كرم ببحة : مخنوق اوي يا شمس …قولت اتكلم معاكي شوية لانك ممكن تفهميني … خايف اكلم رعد عشان عارف انه هيتأثر اوي
شمس : مالك يا كرم قول في ايه
كرم و هو يقاوم دموعه : انا شوفت بنت النهاردة … نسخة من امل طبق الاصل …حسيتها هية … بس يمكن كنت اتخيل …لما جات عيني بعينها حسيت ان دي حببتي امل … للحظة افتكرتها هي و انها عايشة … شمس انا مش قادر اعيش من غيرها ..قوليلي اعمل ايه
شمس بدموع : مش عارفة اقولك ايه بصراحة بس خلي املك بربنا كبير … حاول تتقرب من ربنا …حاول تنساها يا كرم …..ما تفكرش كتير عشان التهيؤات دي هتتحول مع الوقت لمرض
كرم و هو يبتلع غصة في حلقه و الدموع تخونه : شمس انتي مش هتقدري تحسي بالي انا بيه … انا تعديت مرحلة المرض …. انا بقيت اشوفها بوشوش كل العالم …. مش قادر يا شمس …. فكرت كتير اوي بالان..تحار بس خايف من عقاب ربنا
شمس بصدمة و رعب : اوعاااا … اوعا يا كرم تعمل حاجة تغضب ربنا …صدقني ربنا شايلك الاحسن ما تعملش حاجة تخسرك الدنيا و الاخرة …كرم انت انسان كويس اكيد ربنا شايلك حاجة كبيرة هتفرح قلبك و تسر خاطرك
بعد حديث طويل بينهم قفلت الخط و اتصلت بامل تاني
شمس : ما تقلقيش يا امل هو ما شكش بحاجة .. قلبي واجعني اوي عليه .. انتي وحشتيه اوي و هو تعبان اوي بسبب بعدك يا امل
امل بدموع : هانت يا شمس كلها فترة و هظهر تاني و هرجعله و هعوضه عن كل حاجة
شمس : انا سجلت المكالمة كاملة هبعتهالك حالا
امل : ماشي يحببتي
قاطع حديثها دخول رعد
رعد : ااا..انا مكنتش اعرف انك بتتكلمي بالموبايل
سمعته امل و انتفضت بشوق فهذا صوت اخيها الذي كان كل حياتها
قفلت شمس الخط بسرعة
شمس بهدوء : كنت بكلم صاحبتي .. بس خلاص اصلا كانت هتقفل قبل ما تيجي
رعد : طيب كويس
و اتجه الى الجهة الاخرى من السرير
شمس باستغراب : ايه يعم رايح فين
رعد بهدوء : ايه مش شايفة يعني .. هنام
شمس بصدمة : لا يراجل ؟!
رعد : مالك يا بنتي هو انا بقولك هاكلك ؟ عادي راجل و هينام عند مراته فيها ايه دي ؟
شمس : لا منار هتنام عندي انت روح للسنيورة بتاعتك
رعد : منار ليها جوزها هتنام عنده انتي اتلمي و نامي
شمس بسخرية : لا منا خوفت اوي بصراحة
قرب منها بهدوء وباسها بلطف و قال : يلا نامي يحياتي
شمس بسرحان : هاا
مر اسبوع كامل
شمس حالتها الصحية تحسنت جدا و بقت تقدر تتحرك عادي و طوال الاسبوع و رعد بينام عندها … كانت دايما مبسوطة باهتمامه بيها و حبه الواضح جدا بس لسا في حاجز في علاقتهم و مش عارفة هتعمل ايه
بس رعد مبسوط جدا انه معاها و طوال الاسبوع ما كانش بيسبها … كان بيحاول يشتغل بالبيت عشان ما يسيبهاش لوحدها
منار بتحاول تثقل على مالك على قد ما تقدر و مالك بيحاول يكسب قلبها باي طريقة
ليلى باعجاب شديد : كل العز ده ليكي يا بت .. باينها باضتلك بالقفص
شمس : اتلمي يا ليلى … فلوس الدنيا كلها مش بتسوى جوزك الي بيحبك و بيعمل المستحيل عشان ترضي عنه
ليلى : سيبك مني دلوقتي .. انتي عاملة ايه مع المز جوزك
شمس : عادي مفيش جديد
ليلى بخبث : اممم مافيش حاجة كدة ولا كدة ؟ .. جوزك باين عليه جامد و مذاكر اوي
شمس بصدمة : حاجة ايه ؟
ليلى : يعني ما فيش بيبي في الطريق
شمس : لا يختي اطمني ..انا لسا على حطة ايدك … لا و خودي الكبيرة بقا جوزي خاطب وحدة عليا و هيتجوزها
ضربت يدها على صدها بصدمة و قالت : يخرابي .. ده هو لسا مدخلش عليكي ؟؟ و كمان هيتجوز ؟ يا لهوتي .. و انتي قاعدة زي الهبلة ما تتلحلحي شوية و تعمليلك حس
شمس بضيق : خلاص يا ليلى امنا مش طايقة نفسي
دلفت منار و معها العصير
منار : اتفضلي العصير الي بتحبيه … شمس قالتلي انك بتحبي عصير البرتقال … عملتهولك بايدي
ليلى اخذت العصير وقالت : تعالي شوفي سلفتك الهبلة يا منار … قال ايه لغاية دلوقتي جوزها ما قربلهاش و فوق كل ده هيتجوز عليها
نظرت الى شمس و قالت : بصي يختي لسلفتك وشها منور ازاي .. جوزها بيموت عليها و شكلها كدة بتتوحم … و انتي خليكي بخيبتك
كحت منار باحراج
شمس بسخرية : امممم و النبي بتتوحم ؟ يهبلة دي حالها من حالي و انيل دي الي جوزها اتجوز عليها هدى
ليلى بصدمة : يا انهار اسود هو انتي مرات مالك ؟
منار بضحكة غبية : اه
ليلى : يا خرابيييي انتو اكيد هتشلوني .. اقوم اروح لجوزي و عيالي قبل ما اتنقط منكم
شمس : لا استني اتغدي معانا و بعدين تبقى تروحي
ليلى : بس لو مكنتشيش تحلفي يا شمس .. امري لله هقعد اتغدا
ضحكت منار و شمس عليها
منار بضحك : اتفضلو الغدا جاهز
على طاولة الغداء
ليلى : ليه بس تتعبو نفسكو و الله خيركم سابق
فيصل : ده اقل واجب يا بنتي اهلا وسهلا
ليلى : بقولك يا جوز اختي
نظر لها رعد باستغراب
ليلى : ما تعملك همة كدة و تخلينا نشوفلك عيال .. اصل شمس بتحب الاولاد اوي
نظرت شمس لاختها و هي بتبرقلها بينما رعد ينظر لشمس بتلاعب
رعد : ان شاء الله عن قريب ما تقلقيش
ليلى : يا رب
نظرت لمالك و قالت : وانت يا اخويا ناوي تخلف امته ؟؟ ع الستين ما تخلفلك عيلين تلاته تشد ضهرك بيهم
بدأ يكح مالك و يضحك و قال : ولا يهمك الليلة هيكونو بالبيت
نظرت له منار برفعة حاجب بينما ليلى ابتلعت ريقها بخوف من نظرات شمس
رعد بجدية : مالك بكرا هنروح ع الساعة 5 مش لازم نوصل قبل كدة
مالك باستغراب : ليه يعني
رعد : هقولك بعدين
سمس : هتروحو فين ؟
رعد : احتفال لشركات الديب بمناسبة اطلاق قناة فضائية تابعة ليهم
شمس : اممم
منار : و هتروحو لوحدكم
مالك : لا طبعا كل واحد و مراته
شمس : امم طيب هطلع ارتاح انا …ابقي قوليلي يمنار حصل ايه بالحفل لما ترجعي
رعد بهدوء : ليه تقولك منتي هتروحي
شمس ببرود : بس ما تنساش انك خاطب .. و خطيبتك من مستواك ابقى روح معاها
رعد بخبث : لا بس انا حابب مراتي الي تروح معايا
شمس بحدة : انا لسا تعبانة و مش رايحة لمكان
ليلى بغضب : بت يا شمس اتلمي و اسمعي كلام جوزك يا خايبة ده بدل ما تطفشيها
رعد بضحك : والله اختك عارفة مصلحتك اكتر منك
في اليوم التالي
وصلو قاعة الاحتفال
دلف مالك و رعد و كل واحد ماسك ايد مراته
شمس و منار كانو لابسن نفس الفساتين بالزبط حتى اللون نفسه
بعد شوية تقدمت داليا من رعد و شمس
داليا بحنق : مش قولت هتيجي لوحدك
رعد بهدوء : اممم و انا حر حبيت اجيب مراتي معايا عندك مانع ؟؟
داليا بقهر : لا طبعا
و وقفت جنبه و هي غير راضية عن هذا التصرف
تقدم رجل اربعيني (رجل اعمال مشهور جدا) و معه زوجته
رأفت : رعد بيه ازيك
و سلم عليه
رعد برسمية: ازيك يا رأفت بيه .. الف مبروك
رأفت و نظر الى شمس باعجاب و قال : انا كويس جدا ..ربنا يبارك فيك
كريستين : ازيك يا رعد بيه وحشتنا جدا زمان اوي ما شوفناك
رعد : الحمدلله.. معلش دايما مشغول
كرستين : ومين الحلوة دي
رعد بهدوء : شمس هانم مراتي
كرستين بصدمة : و كمان اتجوزت .. الف مبروك
و مدت ايدها لشمس التي سلمت عليها بابتسامة صفرا
رأفت باعجاب شديد و هو ينظر لشمس من اعلى لاسفل : اهلا يا شمس هانم
و مد لها يده
نظرت ليده بصدمة و رفعت نظرها له مرة اخرى
حط رعد ايده بايد رأفت وقال بغيرة : ما بتسلمش على رجالة
سحب رأفت يده و قال : و شمس هانم اتجوزتها عن حب يا رعد ولا ايه .. عشان داليا و كدة
رعد نظر لشمس و قال : طبعا شمس هانم الحب الاول و الاخير
بينما رأفت ينظر لها باعجاب شديد
تقدم رجل اعمال اخر و سلم على رعد الذي انشغل بالحديث معه
كان ينظر رأفت لشمس من فوق لتحت باعجاب و كانه بيخطط لشيء و يشرب من الكاس
تضايقت شمس جدا من نظراته و ادارت وجهها للجهة الاخرى
التفت رعد الى رأفت الذي ينظر لشمس سرعان ما اشتعل بركان من الغيرة و الغضب
احاطت يده بخصرها تحت اعين رأفت نظرت شمس لرعد باستغراب بينما هو قال لها بخفوت : يلا يا حببتي من هنا
عند مالك
منار : هو انت ليه بتحضر الحفلات دي
مالك : شغل
منار : يعني انت ناوي تشتغل معاهم
مالك : امم يمكن
منار : طب هو مين صاحب الشركات دي
مالك : رأفت الديب …ليه الاسئلة الكتيرة دي
منار بهدوء : منا زهقانة اعمل ايه يعني
مالك : طب تعالي نقعد مع رعد و شمس
منار : يلا
جلسو جمعيا على نفس الطاولة
كرم : ازيك يا شمس ؟ ان شاء الله تحسنتي ؟
نظر رعد لكرم باستغراب و ضيق
شمس بهدوء : انا كويسة جدا ميرسي
كرم : الحمدلله على سلامتك .. ابقى رجعيلنا رعد للشغل انا شايل كل حاجة لوحدي
رعد : و مالك راح فين
كرم بغمزة : اخوك في حد واخدله مخه .. ده مش معانا خالص
مالك بضحك : لا يشيخ ……
يتبع…
🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩