عشاء مع الجن
*قصة عشاء مع الجن
اسمي جاسر بلوجر مشهور في يوم كنت قاعد زهقان وبفكر في فكره جديده علشان أنشط الصفحة عندي ، كنت قاعد مع محمد ودا منبع الأفكار ودراعي اليمين ، ومالك ودا المصور بتاعي ، اتكلم محمد وقال في هدوء .
ـ ايه رايك يا جاسر نروح مدينة الجن ؟!.
مدينة جن ايه يا محمد اللي بتقول عليها دي ؟! ، وانت ايه رايك يا مالك؟! ..
ـ والله انا رأي يا جاسر أن انت متمشيش وراء محمد علشان محمد هيودينا في داهيه حرفيا!!.
ـ انا اللي هوديك في داهيه يا مالك تصدق انك خواف وجبان يا مالك ؟!.
ـ خواف ايه بس انت عبيط هوا في مكان اصلا اسمه مدينة الجن يا محمد ؟؟!.
طيب ما توصلوا علي النبي كده واسكت يا مالك شويه لحد ما نسمع من محمد ونفهم الكلام الاول ؟!.
ـ ماشي يا جاسر انا معاك للاخر!.
احكي يا محمد ؟!.
ـ بصوا يا جماعه دي مدينة مهجورة بالقرب من جبل طخم في أحد البلدان العربية اللي جمبنا ، أهل المدينة بيقولوا أن المدينة دي محدش بيقدر يدخلها واللي بيدخل المدينة دي مش بيخرج ولو خرج بيخرج منها مجزوب وبيقولوا كمان ان في يوم 14، 15، 16 في الشهر العربي بيكون في وليمه للجن وحفل ، الحفل دا أهل القرية اللي جنبهم مسمين الحفل دا { حفل الملك الاعظم} وفي ناس بتقول {حفل اندماج الارواح} ..
حلو وبعدين يا محمد كمل ؟!.
ـ انا بقول أن دي هتكون تجربه شيقه جدا دا غير الأرباح الكثيره اللي هتاجي من توثيق الرحله دي ؟!.
خلص محمد كلامه وانا فعلا اقتنعت بالكلام ومالك اقتنع بالكلام ، وفعلا بدأنا نحضر نفسنا للسفر ، وبعد اسبوعين كنا في البلد دي أظن أن الكل عرف البلد دي وعرف الجبل المشهور اللي فيها ، وصلنا هناك وبدأنا نشوف حد يوصلنا للقرية اللي كان اسمها قرية الجن ، بس الغريب بقي أن كل ما نوقف تاكسي اول ما يسمع اسم قرية الجن يهرب من غير ما يرد علينا حتي .
فضلنا لساعات طويله جدا بنحاول نوقف تاكسي لحد ما لقينا واحد وافق أنه يودينا للقرية اللي جنبها والي بتبعد عنها حوالي نصف ساعة مشي بس ، وصلنا القرية وكانت الشمس بتغرب ، القرية قديمه جدا والناس اللي فيها تحسهم مش طبيعيين خالص ، حاولنا أن احنا نلاقي مكان ننام فيه أو فندق بس مكنش في الكلام دا .
فضلنا ندور لحد ما لقينا واحد اسمه بدر ، بدر وافق أن احنا ننام عنده النهاردة والصبح بدري نفطر ونمشي نسيب القرية كان عرض مغري جداً الصراحة ، وافقنا ودخلنا بيت بدر بدر كان كريم جدا معانا الصراحة وقدم لينا الأكل ، واحنا بناكل اتكلم بدر وقال ، الا هوا انتوا جين القرية عندنا ليه ؟!.
اتكلمت انا بهدوء وكان محمد ومالك بياكله وقولت ليه احنا جايين علشان نروح قرية الجن ، اول ما قولت قرية الجن لقيت بدر وشه اتغير وخاف وبلع ريقه بصعوبة شديدة وقال بعصبية ، ق ق ق قر قر قري قرية جن ايه أنتوا بجد عايزين تروحه المكان الملعون دا .
هزيت راسي وانا بقول ليه بضحك ايوا يا بدر انت بتخاف ولا ايه ؟!.
اتكلم بدر وهوا موطي صوته وقال المكان دا ملعون ومحدش دخل المكان وخرج منه !!.
أستغربت من بدر وقولت ليه ليه يا بدر هوا ايه اللي بيحصل هناك ، اتكلم بدر وقال بصوت كله خوف ، ملك الجن السفلي هناك وفي حفلات وموائد عشاء بتحصل هناك مخيف جدا ، اتكلمت برعب وانا بقول مخيفه ازاي ؟!
رد بدر وقال ، أنا بسمع أنهم هناك بيعمله عشاء علي جثث القرابين البشرية اللي بتقدم ليهم ، ولسه بدر بيكلم كلامه لقينا صوت جرس ضخم بيضرب في القرية ، اتحرك بدر بخوف وبدأ يصرخ ويقول في خدمة الاسياد في خدمة الاسياد ، خفت وقتها انا ومالك ومحمد ، كان بدر وقتها دخل اوضه في البيت وخرج منها وكان شايل في أيده كيس اسود ضخم كان بينزل منه دماء ، جري بدر فتح باب البيت وحط الكيس دا قدام البيت وقفل الباب بسرعه .
كان بدر خايف جدا ومرعوب جدا وكان عمال يقول في خدمة الاسياد في خدمة الاسياد في خدمة الاسياد كنت أنا ومحمد ومالك مرعوبين جدا لدرجة أن كل واحد فينا كان متخشب في مكانه ، بدأ بدر يقفل الشبابيك كلها ، وقعد قدامنا وهوا بيهز نفسه وبيقول في خدمة الاسياد في خدمة الاسياد في خدمة الاسياد ، وفي لحظه لقينا صوت قرع الجرس وقف ، وفي ثواني معدودة لينا هواء شديد جدا ضرب البيت كله لدرجة أن الشبابيك كلها اتفتح والزجاج بتاعها اتكسر.
وقتها بدأ بدر يقول وهوا بيصرخ انا خادمك المطيع انا خادمك المطيع بدأت تطلع اصوات صرخات رهيبه في قلب البيت مع اصوات الصرخات دي والهواء الشديد انوار المشاعل طفت علشان نغرق في الظلام ، بدأت الأرض تهتز بقوه وبدأت نقاط احنا مش عارفين هيا ايه بدأت تملأ المكان وغرقتنا كلنا .
كان بدر لسه بيقول انا خادمك المطيع انا خادمك المطيع ، بدأت تظهر نجمه خماسيه في الحيطه ، وبدأت تشتعل ، وظهر كلام غريب كان مكتوب علي الحيط بالدماء ، كان مكتوب موعدكم الليلة القادمة ليلة الأضحية العظيمه .
وفي لحظه ظهر كان ضخم ليه قرون كبيرة جدا ورأسه شبه الكبش وكان ليه نابين ضخمين جدا دا غير لون جلده الاحمر وكان بيمشي علي أيده ورجله اتحرك الكان دا في اتجاه بدر ، وقرب منه وفصل رأس بدر عن جسده بدأت شلالات دم تخرج من بدر ، حاولنا نصرخ بس صوتنا مش بيخرج ، قرب الكائن دا مننا وقال صوت كان شبه فحيح الثعابين،.
موعدكم الليلة القادمة ، مو مووووووعدكم الليله القادمة ، وقرب مني ومسك ايدي ورسم عليها نجمه خماسيه وكان مكتوب فيها عشاء ، وقرب من مالك ورسم نفس النجمه وكان مكتوب فيها عشاء ، وقرب من محمد ورسم نفس النجمه بس المفاجأة أنها كان مكتوب فيها قربان .....
موعدكم الليلة القادمة ، مو مووووووعدكم الليله القادمة ، وقرب مني ومسك ايدي ورسم عليها نجمه خماسيه وكان مكتوب فيها عشاء ، وقرب من مالك ورسم نفس النجمه وكان مكتوب فيها عشاء ، وقرب من محمد ورسم نفس النجمه بس المفاجأة أنها كان مكتوب فيها قربان .
صمت حل علي المكان وملامح الصدمة بانت علي وجه محمد علشان في لحظه يختفي المخلوق دا مع هواء شديد جدا يسكع الباب والشبابيك ، ويختفي صوت الجرس الضخم ، من الرعب والفزع كنا كلنا بنرتعش وجسمنا متخشب ، اتكلم مالك يعصبيه وقال .
ـ منك لله يا محمد انت السبب في أن حنا ناجي المكان الملعون دا .
أهدأ يا مالك متخليش الخوف يتملك منك احنا الصبح هنمشي نرجع بلدنا ع طول .
ـ نرجع اه يا سلام سلم ومالك بتقولها بي هدوء شديد كده ليه ولا كان احنا في محافظة ثانيه ، احنا في الجحيم يا جاسر عارف يعني ايه ا ح ن ا ف ي ا ل ج ح ي م يا جاسر .
كنت بحاول اهدي مالك اللي كان في حالة صدمة نفسية كبيرة جدا وكان مرعوب بس الغريب بقي أن محمد كام في حالة ذهول وكان ساكن مش بيتكلم خالص ما الا ان دموعه عماله تنزل ، حاولت اني اكون متماسك شويه مع اني كنت هموت من الخوف والفزع .
وقفت يعد ما استجمعت الباقي من قوتي وقولت بصوت مهزوز يلا احنا هنهرب دلوقتي ، قربت من مالك اللي كان لسه عمال بيعيط وبدأت اني اهدي فيه لحد ما هدي ودخل في حالة هدوء وعدم كلام ، رحت لمحمد اللي كان لسه علي الارض وعمال بيعيط وبدأت اني ارفعه واخليه يمشي معايا وهوا كان مستسلم للأمر.
وقبل ما نخرج من باب المنزل لقينا ظهرت مخلوقات غريبه كان فيهم الطول والقصير وكان جلدهم تحس أنه محروق وليهم أكثر من عين وفي منهم اللي ليه قرون وفي منهم اللي ليه اجنحه وكان لونهم يا اسود يا اما احمر ، دا غير العيون اللي شبه القطط والثعابين واسنتهم اللي مشقوقه بالطول .
حاولنا نهرب من المنزل وقبل ما نوصل لباب المنزل لقينا مخلوق منهم مد أيده وسحب محمد من رجله ، مع سحبت محمد بدأ محمد يصرخ بصوت عالي جدا وبدأت اصوات طبول تدق في المكان ممزوجة بصرخات مدوية جدا جدا ، اتسحب محمد لي غرفه وفي لحظات كان باب الغرفة مقفول وراء محمد اتسمرت في مكان من الخوف والفزع .
بس مالك حاول يخرج من المنزل ويسيبنا واول ما مالك فتح باب المنزل لقي في وجه مخلوق ضخم جدا ولونه اخضر وليه عين واحده في نصف رأسه وكانت شبه عيون الافاعي ، اول ما مالك شاف المنظر دا صرخ ومع صرخت مالك لقيت نفسي بتسحب لنفس الغرفه اللي فيها محمد ومالك كمان اتسحب ورانا .
الغرفه مظلمه جدا وكانت سخنه جدا لدرجة أن حسيت أن جلد جسمي بيقع ، بدأت شموع تولع وتنور الغرفه شمعه وراء شمعه وراء شمعه ومع كل شمعه بتشتعل كان في صوت قرع طبول مصحوب بيها ، دا غير أن مع كل شمعه بتولع كانت الرؤية بتتضح أكثر ف أكثر علشان نتصدم لما نلاقي الشموع لما اشتعلت كونت نجمه خماسيه وكان في وسطها محمد متكتف بسلاسل ونفس الكائن اللي ظهر ورسم النجوم علينا .
اتكلم بصوت ضخم واجش وقال ، موعدكم الليلة القادمة ، مو مووووووعدكم الليله القادمة، ومره ثانيه دق الجرس علشان يختفي الكائن دا هوا ومحمد والاقي نفسي انا ومالك في غرفة ظلمه غرقانه دم ، بدانا نخرج من المنزل علشان نتفاجاء انا أهل القرية كلها قدام المنزل وكانوا بيبصوا لينا بصات غضب ممزوجة بكسره وحزن .
حاولنا نخرج بره القرية بس القريه كان ليها مدخلين ببس واحد بيطلع ع المدينة والثاني بيودي لقرية الجن ، حاولنا نهرب ونخرج من الطريق اللي بيودي للمدينة بس كل ما نحاول نمشي في الطريق يظهر قدامنا سور ضخم جدا ارتفاعه عالي جدا ، بداء مالك يبكي وانا بدأت دموعي تنزل من عيني واتكلم راجل من أهل القرية وقال في حزن { مفيش مفر من حفل اندماج الارواح وحضور قربان مناسك الملك الاعظم } .
بدأت ابكي بشكل هستيري جدا ومع بكائي الشمس طلعت ، علشان الناس تبدات تعطف علينا باكل وشرب لحد ما الليل ليل ولقيت نفسي انا ومالك في شوارع القرية وفي مشاعل بدأت تولع قدامنا ومن خلفنا كان في مخلوقات ضخمه ليها عين واحده بتتحرك ورانا كنا بنمشي في اتجاه مدينة الجن بدأنا نمشي وسط طبول مزعجة وانا عمال ابكي ومالك منهار من البكاء وبيقول انا مش عايز اموت انا مش عايز اموت ، فضلنا نمشي لحد ما خرجنا بره القريه وظهرة قدامنا قرية الجن....
بدأت ابكي بشكل هستيري جدا ومع بكائي الشمس طلعت ، علشان الناس تبدات تعطف علينا باكل وشرب لحد ما الليل ليل ولقيت نفسي انا ومالك في شوارع القرية وفي مشاعل بدأت تولع قدامنا ومن خلفنا كان في مخلوقات ضخمه ليها عين واحده بتتحرك ورانا كنا بنمشي في اتجاه مدينة الجن بدأنا نمشي وسط طبول مزعجة وانا عمال ابكي ومالك منهار من البكاء وبيقول انا مش عايز اموت انا مش عايز اموت ، فضلنا نمشي لحد ما خرجنا بره القريه وظهرة قدامنا قرية الجن.
القرية كانت موحشة جدا كانت الشمس موجودة مع أن احنا في الليل بس المرعب اكثر أن الشمس كان لونها شبه الدماء وكان في سحاب اسود في السماء دا غير أن الأرض كانت متشقلبه السماء تحتنا والأرض فوق ، البيوت كلها معلقه في الهواء وكان لونها اسود ، كان في كائنات غريبه جدا واشكالهم مرعبه جدا جدا هجين بين بشر وبين حيوانات .
بدأنا نمشي وسط القرية وانا الدموع بتنزل مني غصب عني ومالك في حاله أشبه بصدمه لا يمتلك إلا الدموع اللي بتنهمر من عينه ، كنا بنمشي في وسط ممر من المخلوقات دي وكان مع كل خطوه لينه صوت دقت طبل كانت بتخلع القلب من مكانه ، احنا كنا بنمشي للمجهول ، كنا بنتحرك في اتجاه جبل ضخم جدا كان في نار مشتعلة في الجبل دا وكانت النار مكونه شكل نجمة خماسيه ملتهبة ، وكان في اعلي الجبل دا كرسي ضخم جدا وكان في شخص قاعد علي الكرسي دا .
كنا بنمشي وخلفنا المخلوقات دي عماله ترقص وتصرخ صرخات عاليه من الفرح ، فضلنا كده لحد ما وصلنا مدخل الجبل علشان المشهد يتغير كله وتلاقي نفسنا في قلب متاهة كانت الأرض من تحتنا عباره عن نار ، الحيطان كانت سوداء وكانت بتنزل منها دماء ، دا غير رموز وارقام غريبة وطلاسم ، فضلنا نمشي لحد ما وصلنا لقاعة ضخمه مليانه مخلوقات مرعبه جدا ، وكان في وليمة عشاء ضخمه جدا جدا .
المخلوقات قاعده في صمت رهيب جدا ، دخلنا وقعدنا علي وليمة العشاء دي علشان في لحظه يظهر في وسط القاعة صخره ضخمه سوداء عليها خربشة مخالب ضخمه وكانت أشبه بمدبح أو مكان القرابين ، ظهر في اللحظة دي نفس المخلوق اللي رسم علينا النجوم ظهر وكان ماسك محمد ، محمد اللي كان باين عليه اثار التعذيب .
جسمه كله مليان جروح كثيره وبينزف ومكتوب علي جسمه طلاسم ، وكمان مكتوب حولين رقبته كلها قربان ورقم 666 كنا فاقدين النطق خالص ، مش قادرين نتكلم ولا نتحرك ، وظهر من وراء الكائن دا شخص ، ل لالالالالالالا دا هيثم ، از ازاااااااااي يعني يكون دا هيثم افتكرت كلام هيثم معانا.
فلاش باك.....
هيثم : انتوا ايه اللي جابكم عندي في قريتي ؟!.
جاسر : جينا علشان نصور جبل الجن .
هيثم : وانت متخيل بقي انك لو دخلت قرية الجن هتعرف تخرج منها ؟؟!.
محمد : ايوا هنعرف انت ليه بتتكلم معانا كده اصلا انت مين ؟؟!.
هيثم : انا حاكم القريه دي شيخها الاعظم والخادم الأمين !!!.
مالك : خادم ايه وكلام ايه بلا قرف يعني هوا دا كرم الضيافة والترحيب ؟!...
جاسر : معلش يا مالك ناس معندهاش زوق خالص !!.
ضحك هيثم وابتسم ابتسامه خبث وقال .
هيثم : حقكم عليا انا اسف انتوا ضيوفي وانا كنت خايف عليكم !!.
محمد : لا متخافش يا حبيبي تسلم .
هيثم : وتعبيرا عن اسفي انتوا معزومين بكره عندي علي العشاء .
ميل محمد عليا وهمس في ودني وقال اشمعنا بكره هوا بخيل ولا ايه ؟!. سكت وقبل ما ارد عليه لقيت هيثم اتكلم .
هيثم : لاء مش بخل بس دي العادات عندنا !!! ، وانتوا ضيوف بدر النهاردة وبدر اللي هيضايفكم عنده .
جينا نتحرك مع بدر علشان نمشي بس قبل ما نمشي لقينا هيثم خرج من جيبه حفنة تراب ونفخ التراب في وشنا ، صرخنا وقتها كلنا وكنا هنضربه بس هوا كان واقف عادي بيضحك وبيقول مع دقات جرس الهلاك يتم اختيار القربان وخادم النجمه الأمين ....
قريب هيثم من محمد وكان واقف جنبه المخلوق الضخم دا وزبح محمد ، محمد كان بينزف دماء كثيره جدا وكان عمال يطلع في الروح زي الدبيحه ، حاولت أصرخ بس صوتي مش بيخرج ، حاسس اني متجمد في مكاني ، مالك كان فاتح فمه ومصدم وبينزل في دموع .
قرب المخلوق من جثة محمد وفصل الرأس عن الجسد ، مع مشهد فصل الرأس بدأت الكائنات انها تهلل من الفرح وأصوات الطبول علي في القاعة كلها خرج هيثم من جيبه خنجر وقطع قطعتين من لحم محمد وقرب منا ورمي في كل طبق جزء وامرانا ناكل .
كنا بناكل غصب عنا في حاجه بتجبرنا ناكل غصب عناكنا بناكل والدموع منهمر مننا وفي لحظه بدأت المخلوقات دي تنهش في جثة محمد ، في اللحظة دي ظهر المخلوق الضخم دا وقال بصوت أجش لقد تم اندماج الارواح الان ، وانتم لي خدام مخلصين ، يجب عليكم تقديم 4 قرابين في الشهر القمري .
بدأت النجوم اللي مرسومه علينا تشتعل الالم كان صعب جدا كان نار بتحرق في أيدي انا ومالك لدرجة أن من الالم وقعنا علي الارض وانا بنصرخ والمره دي صوتنا كان طالع ، بدأ الالم يروح منا بصيت علي ايدي علشان اشوف النجمه اتغيرت واتكتب فيها خادم مخلص .
وفي لحظات. غبت عن الوعي علشان الاقي نفسي في مصر بس المره دي مش بلوجر انا مبعوث الموت انا طباخ الجن جامع القرابين ، فل تحذر لانك أنت يا من قرأت قصتي وعرفت سري فسوف آتيك لاصنع منك حساء للجن ولتكن انت القربان الاخير علي وليمتي العظيمة لانك مدعو علي عشاء مع الجن ..