الفصل 6
ومر اول يوم في الجامعة بسلام علي الجميع.عادت كلاً من نور وسلمي الي المنزل تقريباً في نفس الوقت ولكن نور قد سبقت سلمي ببضع دقائق,دخلت سلمي المنزل وجدت نور جالسة علي اريكة تتحدث في هاتفها المحمول قائلة:يا بنتي معلش بكره هتتعرفي علي ناس جديدة مانا كمان ماكلمتش اي حد الا بنتين بس والله العيال شكلها رخمة وتحسيهم لازقين علي وشهم امير مش فاهمة في ايه....بس في شوية دكاترة ايه عس...ل جايين من امريكا بقي.......طيب تمام خلاص روقي كده بقي....ماشي سلام,واضعة الهاتف علي اريكة وهي تنظرلسلمي قائلة:وانتي يا موكوسة ماتعرفتيش علي حد انتي كمان؟,سلمي:الناس باردة لاقصي الحدود عيال متنكين وشايفين نفسهم اوي...ليه انتي كمان متعرفتيش علي حد؟,نور بسخرية:كلمت بنتين بس يا حسرة....مريم كمان مكلمتش اي حد بس هي اصلا مابتعرفش تتكلم مع حد ماتعرفهوش في حالها اوي,سلمي بسخرية:اها فعلاً,نور:صحيح انتي هتعملي ايه في موضوع آدم فكرتي؟؟,سلمي باسمة:انتي شاغلة نفسك اوي بالموضوع ليه؟,نور:يا بنتي آدم بجد مايتعوضش تبقي هبلة لو سيبتيه من ايدك شوفي رغم ان مريم صاحبتي الانتيم من واحنا في كي جي وهي مش عاجبها الموضوع بتاعكو مش عارفة ليه؟ بس تمام يعني ورغم كل ده بقولك ماتسبيش آدم....انتي حرة يا سلمي بس انا لو مكانك هاعمل كده...معلش يا سلمي انتي مالكيش حد هنا خااااالص اها انتي صاحبتي وقاعدين سوا لكن لازم يجي يوم وهتتجوزي معلش لتاني مرة ظروفك مش اي حد هيقبل بيها اذا ماكنش مستحيل وآدم عارفها ورغم كده متمسك بيكي افضلي انتي كمان متمسكة به,سلمي بابتسامة:عندك حق,نور:طب يلا بي ناكل لحسن هموت من الجوع,مرت بضع ساعات ورن هاتف نور لتنظر في الهاتف فتجد اسم آدم هو المتصل,تعجبت ونظرت لسلمي قائلة:آدم!!غريبة دي,دق قلب سلمي بشدة ولمعت عينيها فرحاً وسرعان ما قالت لنور:طب ردي ردي,ابتسمت نور قائلة:اما اشوف اخرتها معاكو,امسكت بالهاتف و سرعان ماابتسمت لسلمي ابتسامة عريضة وهي تقول:احنا الحمد لله كويسين اخبارك ايه؟,آدم:تمام الحمد لله...انا دلوقتي مقرب عليكو هدي البواب حاجات يطلعهالكو,نور:ليه كده بس تتعب نفسك احنا عندنا كل حاجة والله,آدم: بطلي هبل ممكن؟,ضحكت نور قائلة:ماشي تُشكر يا كبير,آدم:ايوه كده يلا بقي علشان قربت انزل من التاكس سَلمي علي سلمي...يلا سلام,نور بابتسامة وهي تشير لسلمي علي الهاتف قائلة:حاضر يلا سلام,لتضع الهاتف علي المنضدة قائلة:بيسلم عليكي,ابتسمت سلمي رغماَ عنها قائلة:هو قالك كده؟!,نور:ايوه يا بنتي يعني انا هضحك عليكي وقالي كمان انه جايبلنا حاجات هيخلي البواب يطلعها,سلمي:امممممم بيعمل كده ليه؟,نور:عادي يعني ماهو لازم يوجب معانا وبعدين انا صاحبة اخته من الاف السنين طبيعي يكون زي اخويا يعني وبطلي تفكري في كل خطوة آدم بيعملها لانه كده مع كل الناس مش انتي بس يعني...انا بعرفك يعني علشان ماتتعابيش من التفكير,سلمي:حاضر؛رن جرس الباب لتفتح نور فتجد عم سعيد حارس العمارة ممسكاً بحقائب كثيرة قائلاً:اتفضلي في واحد جاب دول وقالي اطلعهملك,نور وهي تمد يدها لتمسك بالحقائب قائلة:شكرا يا عم سعيد,اغلقت الباب وسرعان ما اتجهت ناحية سلمي الجالسة علي احدي الارائك تنظر لنور قائلة:تعالي بقي واريني جايب ايه,افرغت الفتاتان كل الحقائب التي كانت تمتلئ بالطعام وتبقت حقيبة واحدة,امسكتها نور قائلة باندهاش:ايه ده بصي مكتوب علي الشنطة خاص بسلمي ههههههههه ايه ده,امسكت سلمي الحقيبة من نور بسرعة وهي تقول:هاتي لما اشوف فيها ايه وماتبوصيش هاااا,نور:يلا يا ماما افتحي بقي خلينا نشوف,فتحت سلمي الحقيبة التي كان بداخلها صندوق هدايا علي هيئة قلب كبير فصاحت نور قائلة:ايوه بقي هو ده الكلام يلا افتحي افتحي,فتحت سلمي الصندوق فسرعان ما امسكت ما بداخله قائلة:طرحة!!!معناها ايه دي بقي؟؟!!!,نور:استني فيه ورقة شوفي مكتوب فيها ايه,امسكت سلمي الورقة وعيناها متلئلئتان من السعادة وبدأت بالقراءة بصوتٍ عالٍ بدأت وعيناها تلمعان وتدمعان في أنٍ واحد بدأت قائلة:سلمي انا فكرت كتير اوي قبل ماكتبلك الجواب ده كنت متردد اكتبه ولا لاً لاني مش هقدر اقولهولك في وشك,قعدت كتير اكتبهولك كنت محتاج كل الكلام الحلو لان الحلوين لازم يسمعوا كلام حلو,مش لاقي كلام بجد يعبر عن اللي جوايا ماشي انا معرفكيش من زمان طبعاً ومش منطقي ابداً حد يحب حد من النظرة الأولي لكن انا حاسيت اول ماشوفتك باني مرتاح واعرفك من زمان كنت مبسوط لما اتكلمنا وكان نفسي نتكلم اكتر واكتر واعرف كل حاجة عنك,مانكرش اني في الاول بحاول اتقرب منك علشان كنتي صعبانة عليا ونفسي اسعدك بس بعد كده اتغير شعوري ده خالص بقيت بحب اشوفك حتي لو مش هنتكلم تصدقيني اني مبسوط دلوقتي وانا بكتبلك وهبقي مبسوط وانتي بتقريه,انا قولتهالك وهقولهالك تاني انا هفضل معاكي غصب عنك رضيتي رفضتي انتي ليا وانا ليكي وهفضل معاكي لغاية لما تعيشي العيشة اللي تخاليكي مبسوطة و تنسي كل اللي حصل معاكي,وانا كمان انسي حاجات حصتلي محدش يعرف عنها ولا هيعرف عنها غيرك وشوية ناس قليلين مش وقتها اني احكيهالك.انا شايفة كل حاجة فيكي حلوة الا حاجة واحدة وهي انك تلبسي الايشارب اللي في البوكس ده ممكن تكون حاجة تافهة بالنسبة لك او باالنسبة لاي حد بس انا نفسي كل حاجة فيكي تبقي كاملة بجد انتي حرة سواء تلبسيه او لا دي حاجة ترجعلك لكن لو لبستيه حقيقي هتبقي قمر وقمري انا لوحدي كمان حافظي علي نفسك من كل الناس هنا غير في بلدك هنا في كتير اوي وحشين,والكلية اكيد هتقابلي فيها ناس وحشين ابعدي عنهم وافضلي بنقاءك وطيبتك دي .اهم جملة في الجواب دايماً بتبقي الاخيرة وهي انا حبيتك في ساعة وهفضل احبك سنين
.... ♥بمجرد ما انهت سلمي قراءة الخطاب وعيناها تمتلئان بالدموع اسرعت نور قائلة:احيييييه آدم طلع جامد اوي بجد هو ازاي قال الكلام ده؟!!.......ايه ده ايه ده انتي بتعيطي؟,سلمي وقد بدأت في البكاء قائلة:انا مش مصدقة اللي بقيت فيه حاسة اني بحلم,نور وقد دمعت عينيها قائلة:طب انتي بتعيطي ليه ده قالك كلام حلو اوي ايه اللي مضايقك دلوقتي بقي؟,سلمي وقد استفاضت بالحديث واخرجت مابداخلها بدأت بالحديث قائلة:انا حاسة اني بقيت واحدة تانية باعيش عيشة تانية مع ناس تانية بشوراع تانية لابسة هدوم تانية....انا مش زعلانة اني بعدت عن اهلي حقيقي مش بيجوا في بالي ولا بيوحشوني خالص مش بفكر فيهم اصلا الا لما افتكر اللي حصلي وقد ايه هم فعلا مش بيحبوني...عارفة امي كانت بتشتغل ايه كانت بتشتغل دادة عند نانسي من وهي صغيرة ايام ما كانو في الشرقية بتعامل معاها وانا لسه شيفاها بنت الست اللي امي خدامة عندها واني اقل منها مع انها بتتعامل معايا عادي خالص زيي زيكم.... نانسي يوم عزا طنط هدي الله يرحمها قالتلي ان ابويا مات تصدقي اني مزعلتش عليه الا ساعة ما قلتلي بس وعارفة اني مش فارقة معاهم انهم مش لاقيني دلوقتي ولا يعرفوا انا هربت ولا اتقتلت ولا اتخطفت ولا حصل فيا ايه,كل اللي كانو بيفكروا فيه انهم يخلصوا مني ويجوزوني لراجل قد ابويا حيوان مش راجل ايه الفايدة من انه يتجوز واحدة قد بنته الا الغسيل والطبيخ والتنضيف وطبعاً اهم حاجة عنده الفايدة الكبري اللي انتي عارفاها....انا بتمني من وانا صغيرة اني اعيش بره القرية والفلاحيين واعيش عيشة حلوة اتعامل مع ناس راقية بيعرفوا يتعاملوا مع البني آدمين,مش هتصدقي الراحة اللي كنت فيها لحظة ماسمعت صوت القطر وهو طالع شوفت البلد من ورايا بتختفي....هتصدقيني اني انا كمان ارتحت لآدم زي ماهو ارتحلي حسيته نضيف من جواه وبيعاملي من غير مايحسسني بكده وانا كمان نفسي اكمل معاه زي ماهو عايز ونفسي اعيش معاه عيشة حلوة بعيد عن كل اللي حصل معايا وانساه خالص....امسحه مش انساه........عرفتي بقي بعيط ليه؟,نور بحزن:يااااااا كل ده جواكي وساكتة؟!....انتي جبل بجد,وقد احتضنت نور سلمي بقوة قائلة وهي تبكي:صدقيني انا واثقة ان آدم طالما قال كلمة هيعمل بيها وعمره ماهيتخلي عنك واللي شوفتيه مش قليل انتي تستاهلي تعيش بقي ....انا كمان عمري ماهتخلي عنك والله وهفضل معاكي زي مانتي فضلتي معايا وواقفة جمبي في اصعب وقت عيشته...هقولك حاجة اول مرة اقولهالك...ماما هدي يوم لما اتوفت لما دخلت معها الاوضة وكنا لوحدنا قالتلي ان الفلوس بتاعتنا اللي في البنك نصها ليا ونصها ليكي واني اعملك زي اختي واكتر وانا عمري ما هعمل غير كده,سلمي باندهاش:انتي بتقولي ايه؟!ازاي؟!طب ليه دول بتوعك انتي انا ماليش....,نور:طنط هدي قالت كده يبقي هو كده....ويلا بقي بطلي رغي عايزين نتعشي.في منزل اخر كان آدم جالساً علي حاسوبه الشخصي بينما رن جرس المنزل اتجه احد اصدقاء آدم ليفتح الباب وبعد ثواني نادي علي آدم قائلاً:آدم تعالي حد عايزك,توجه آدم سريعاً فأول من جاء بباله سلمي ولكن اندهش من الشخص الذي جاء لزيارته ولكنه اتجه ببطء ناحية الباب قائلاً:اهلاً...خير...
**************************************************
\
اتجه آدم ببطء ناحية الباب قائلاً:اهلاً...خير...,مازن بخبث:مش تقولي اتفضل الأول؟!,آدم بعدم اهتمام:وانا مش عايزك تتفضل يا اخي انا حر,مازن ببرود:مش مهم...انا بس كنت جاي اصلحك واعتذر لك هتقبل اعتذاري صح؟؟,نظر آدم لمازن باستخفاف قائلاً:تعتذر؟؟!! لا مالوش لزوم انا اصلاً مش زعلان,مازن:اذا كان كده يبقي تدخلني او تنزل معايا شوية,آدم بعدم اهتمام:انا كنت داخل انام دلوقتي الصراحة لو نفع في يوم تاني,مازن:ماشي يا عم المجتهد علي تليفونات بقي,آدم:تمام,أغلق الباب وهو يشتعل غضباً ويسأل نفسه لماذا أتي هذا اللئيم ليعتذر؟؟!! ولماذا اختار هذا التوقيت بالتحديد؟؟!!,في منزل بعيد أخر لم نذهب له من قبل كانت الحاجة سعاد علي فراشها تتألم من شدة المرض جالس بجانبها ابنها الأكبر يعد لها الدواء قائلاً:بالشفا يا اما وان شاء الله تبقي احسن,سعاد:هو انا هبقي احسن الا لما اختك ترجع يا محمد ,محمد بغضب:انسي بنتك دي خالص يارب تكون ماتت دي لو لسه عايشة وشوفتها هشرب من دماها....تسيب الراجل مقتول وتهرب,سعاد بحزن:انت ازاي تقول عن اختك انها قتلته؟!,محمد: انا ماقولتش انها قتلته بس ليه تهرب وتسيب البلد,سعاد بأسي:ومين قالك انها هربت مش يمكن تكون مخطوفة ولا حصلها حاجة....حرام عليك احنا مش ناقصين يا ابني كفاية ابوك اللي مات من قهرته عليها عايزني انا كمان اموت علشان انت عايز تموتها؟!عايز تموت اختك؟!.محمد:ما العيال في مدرستها شافوها كانت بتروح تمتحن ولابسة نقاب يبقي اتخطفت بقي ولا هربت؟! والملف بتاعها اتسحب ازاي برده اللي خطفها هو اللي سحبه؟؟!!خلاص يا امي انسي الموضوع ده دلوقتي انتي تعبانة ومش حمل كلام خدي الدوا يلا علشان تنامي وتستريحي,سعاد:كفاية اللي حصلها بسببنا كلنا انت وابوك والحاج عثمان الله يرحمه وانا كمان عشان سكتت ووافقت علي اللي حصل,محمد:يعني انتي لو كنت رفضتي كان ابويا الله يرحمه هيسمع كلامك مثلا؟!!,سعاد:لو ابوك كان وافق عثمان ماكنش هيوافق...قعد يزن يزن لحد ما بقت قدامه ولا عرف يعمل حاجة فجأة ضغطه وطي واترمي علي السرير جمبها.....انا نفسي اشوفها ولا حتي اسمع صوتها قلبي محروق عليها اوي يا محمد,محمد ببرود:هترجع...يعني هتكون راحت فين..مسيرها ترجع.وفي منزل رابع كانت تجلس نانسي ووالدتها علي الطاولة لتناول طعام العشاء وتبادل بعض الأحاديث,بدأت نانسي الكلام قائلة بهدوء:مامي عمر عايز يقابل بابي هو و انكل علشان يحددوا ميعاد الخطوبة,ماهي:خطوبة ايه دلوقتي انتي لسه بادئه دراسة يستني شوية لحد الامتحانات تتخطبوا والسنة الجاية تتجوزوا هو ده الصح انما تفضلوا سنتين بحالهم مخطوبين كتير...كتير يا نانسي,نانسي:مامي احنا بقالنا كتير نعرف بعض مش هتفرق بقي نتخطب السنة دي من السنة اللي جايه,ماهي:انتي قولتيها اهو مش فارقة يبقي نعمل الصح وانا شايفة الصح السنة اللي جايه وبابي كمان هيقول كده مفيش داعي نشغلوا بحاجة زي دي,نانسي:حاجة زي دي ايه يا مامي؟علي فكرة دي حاجة مهمة مش تافهة زي ماحضرتك شايفة,ماهي:نانسي الكلام خلص,صمتت نانسي ويملئها الغضب من طريقة والدتها الجافة وانهائها للنقاش بطريقة جافة ايضاً.وفي الصباح توجهت سلمي للجامعة وقد تعودت بعض الشئ علي الطريق إليها؛وصلت لمكتبة الكلية لشراء بعض الكتب الدراسية,وقفت سلمي امام شباك المكتبة وهي تقول :لو سمحت عايزة كتاب الانجلش دكتورعلاء سنة اولي,فوجدت شخصاً يوجه لها الحديث قائلاً:سلمي ازيك؟,التفتت سلمي لمصدر الصوت لتجده مازن فابتسمت له قائلة:تمام الحمدلله,مازن بخبث:ما شوفتكيش امبارح خالص ماجتيش ولا ايه؟,سلمي:لا جيت بس يمكن من الزحمة ما شوفتنيش انتي عامل ايه؟,مازن بابتسامة:الحمدلله ماشي العيشة هنا صعبة اوي عن اسكندرية زحمة اوي وحر بصراحة البحر وحشني اوي,ضحكت سلمي قائلة:ليه انتي جيت امتي؟,مازن:جيت من الأسبوع اللي فات كنت بتفسح مع صحابي شوية قبل الدراسة,سلمي:انتي تعرف حد من صحابك دخلوا الكلية معاك هنا؟,مازن:اها كتير بنات وولاد هبقي اعرف عليهم,سلمي بابتسامة:ان شاء الله,مازن بابتسامة خبث:لو احتاجتي اي حاجة قوليلي سواء في الكلية او اي حاجة,سلمي:ان شاء الله.رحل مازن وسلمي تنظر له بتعجب لماذا يقول عنه الجميع انه غير محبوب؟!فقد اظهر معي عكس ذلك ولكنها ظلت حذرة لانهم يعرفونه جيداً.في محافظة اخري كان رجل الاعمال الشاب عمر جالس في مكتبه وامامه اوراق متناثرة علي مكتبه كالعادة ومُمسك بيده هاتفه المحمول يتحدث مع احد موظفي الشركة وانهي المكالمة سريعاً واتجه لمكتب والده وسأل سكرتيرته قائلاً:عادل بيه فاضي؟,السكرتيرة:اها اتفضل.توجه عمر لداخل المكتب فوجد والده جالساً علي احد الأرائك ممسكاً بيده سيجارة فسرعان ما رأي عمر فاعتدل في جلسته قائلاً:تعالي ايه الاخبار؟صحيت مالقتكش امك قالتلي انك نزلت الشركة استغربت ايه اللي غير حالك؟!,عمر:صباح الخير يا احلي بابا في الدنيا,نظر عادل بيه له بتعجب قائلاً:خير بتلف وتدور عايز ايه؟,ابتسم عمر قائلاً:بابا انا كنت عايز حضرتك تكلم مكرم بيه علشان تحددوا ميعاد خطوبتي انا ونانسي,نظر عادل بابتسامة قائلاً:علشان كده نزلت الشركة بدري.......ماشي يا سيدي هكلمه انا اصلاً كنت هكلمه بكره علشان شوية شغل...روح انتي بقي علي مكتبك وانسي المضوع وكله هيتم ان شاء الله,ابتسم عمر قائلاً:ربنا يخليك يا بابا.نذهب لمنزل الفتيات فنجد نور مستلقية علي سريرها ممسكة بيدها اليمني خصلة من شعرها تلعب بها وفي اليد اليسري هاتفها المحمول وهي تقول:يا سلام المفروض اني اصدق يعني؟,محمود:والله العظيم بتكلم جد انا قاعد اشتغل ليل نهار علشان اجيب الشقة لوحدي من غير مساعدة بابا علشان كده ماردتش عليكي لما كلمتيني الصبح كنت بلف علي العمال في المصنع وسايب الموبيل في المكتب لسه زعلانة بعد كل ده؟,نور بدلال:انت عبيط صح؟!,محمود:طب ليه الغلط دلوقتي بقي بتشتمي ليه,نور بدلال:مش بشتم ده انا بقولك انت عبيط متعرفش اني عمري ما بزعل منك اصلاً...بس تفضل ماشي مضبوط والا..,محمود:والنبي بلاش تقلبي كنتي حلوة وكيوت ليه بقي البوقين دول وبعدين يا ستي متقلقيش محدش يبقي بيحب نور الشريرة دي ويبص بره,نور مازحة:ولا جوه وحياتك....يلا سلام بقي علشان الحق اعمل اكل قبل ما سلمي تيجي,محمود:طب ماتستنيها تعملوا مع بعض هي جوزك ولا ايه؟,نور:بطل لماضة عادي يعني عملالها اكله بتحبها وحابة افاجئها وبعدين ايه اللي مضايقك؟!,محمود مازحاً:اصلها اخداكي مني يا قلبي,نور باستخفاف:لا يا حبيبي ما تخفش هي صحبتي انما انتي جوزي,ضحك محمود بصوتٍ عالٍ قائلة:اوبا ايه الكلام الجامد ده كتشير عليا والله يا اوختشي,ضحكت نور قائلة:شوفت بقي.....انا بقول كفاية كده عليك واروح علشان اعمل الأكل للبت الغلبانة,محمود:ماشي يا روح محمود يلا سلام,نور وهي تقبل الهاتف قائلة:سلام.في فيلا حسين النحاس كانت مريم تجلس في غرفتها تتصفح احد المجلات بينما رن هاتفها لتنظر للشاشة فتجد علا فامسكت بالهاتف وردت قائلة:لولو حبيبتي عاملة ايه؟,علا:الحمد لله ماشية الكلية ظريفة شوية بس وانتي؟,مريم:انا بقي مش عارفة ايه اللي رماني الرمية السودا دي بجد حقوق ايه وزفت ايه,ضحكت علا قائلة:معلش يا بنتي في الاول كل الكليات بتبقي صعبة ربنا يعينك...نور عاملة ايه في القاهرة بقي؟,مريم:كويسة مبسوطة في الكلية,علا:اومال هي قاعدة فين هناك؟,مريم:قاعدة في شقتهم القديمة مع سلمي اللي كانت قاعدة معاها هنا في اسكندرية...
************************************************
\
مريم:قاعدة في شقتهم القديمة مع سلمي اللي كانت قاعدة معاها هنا في اسكندرية.علا:اها صحيح ايه حكايتها بقي لما سألتك ساعة لما كنت بكلمك كنتي قاعدة معاهم ومعرفتيش تتكلمي,مريم بخبث:دي بنت كده من الشرقية هربت من اهلها وآدم قابلها في القطر وجابها تقعد مع نور وطنط هدي الله يرحمها علي ماتلاقي مكان,علا بتعجب:هربت من اهلها ليه طيب؟,مريم:مش عارفة والله بس اكيد عاملة عاملة ومش راضية ...تقول,علا:ايه البلاوي دي ونور راضية ازاي تقعدها معاها كده؟!,مريم:والله مش عارفة بس انتي عارفة نور طيبة بهبل...البنت صعبت عليها بكلمتين ودمعتين,علا:طب وآدم يعرف هي هربت ليه؟,مريم:مش عارفة بس المصيبة بقي انه مُعجب بيها يا ستي مُعجب بواحدة مالهاش اهل شوفتي المصيبة اللي انا فيها,علا:هي مامتك عرفت؟,مريم:لا طبعاً دي لو عرفت هتبهدل الدنيا....ماما هتجوزه هايدي يعني هتجوزه هايدي,علا:طب هتعملي ايه؟,مريم بخبث:انا هعمل كتير بس مش دلوقتي اسيبها شوية تتهني وبعدين هوريها,ضحكت علا قائلة:مانا عارفاكي مابتسكوتيش....طبعاً انا في الخدمة اي حاجة كدزة ولا كدزة انتي عارفاني احب الخدمة قد عنيا,ضحكت مريم قائلة:طبعاً يا لولو صحبتش الطشيفولة الشريرة......بقولك ايه سلام بقي علشان اروح اتغدي وهبقي اكلمك بعدين,علا:تمام...سلام.دخلت سلمي من باب المنزل مجهدة وهي تقول:الله الله علي الريحة...عملتي الاكل لوحدك.نور باسمة:اها عملتلك اللي بتحبيه؛نظرت سلمي للطاولة قائلة:الله عاملالي مكرونة باشاميل وكفتة وكمان بطاطس محمرة مقرمشة لا كده كتير عليا...تعالي في حضني بقي,احتضنت سلمي نور بشدة قائلة:امبارح آدم يعملي مفاجأة وانتي انهاردة انا مش مصدقة بجد,نور وهي تنظر في عين سلميقائلة:علشان انتي طيبة ولازم تبقي مبسوطة دايماً.....يلا بقي الاكل سخن جداً.سوف نُسرع بالزمن لمدة عامين كاملين,فنجد انفسنا في احد افخم فنادق الاسكندرية لنحضر احد افخم حفلات الزفاف في مصر,دخل العروسين وانبهر الحضور بجمال العروس الفائق واناقة العريس الواضحة,مالت العروس ناحية اذن العريس قائلة:عمر انا مكسوفة اوي الناس كلها بتبوصلي,عمر بابتسامة:هو في قمر كده يتكسف...هما بيبوصليك مستغربين من حلاوتها يا روحي,نانسي بدلال:يا سلام,عمر:انا عمري ضحكت عليكي؟!,نانسي مازحة:بصراحة كتير,اصدقاء العروس واقفات ورائها جميعهن مرتديات نفس الفستان ماعدا سلمي مرتدية فوق شعرها ايشارب خفيف من نفس لون الفستان الوردي,مر بعض الوقت ثم اتجه العروسان للرقص سوياً ومن حولهم جميع اصدقائهم,محمود:شكلهم حلو اوي بجد,نور بابتسامة:جداً....بجد انا مبسوطة اوي علشانهم ربنا يخليهم لبعض,محمود ناظراً في عين نور:وربنا يخلينا لبعض احنا كمان...كلها كام شهر ونتخطب وبعدها بكام شهر نتجوز بقي,نور بابتسامة:ان شاء الله,محمود:خلصي انتي بس امتحانات واوديكي تشوفي الشقة هتعجبك اوي باصه علي الكورنيش عدل تصحي من النوم تلاقي البحر قدامك,نور:ربنا يخليك ليا واقدر اسعدك زي مانت علي طول مفرحني. ننتقل إلي ثنائي أخر؛كريم:عقبالنا يا حبيبة قلبي,مريم:ان شاء الله بجد شكلهم حلو اوي ولايقين علي بعض اوي,كريم:احنا هيبقي شكلنا احلي منهم يا روحي في فرحنا,مريم بدلال:يا بكاش هو انت علي طول كده,كريم:علي طول ايه؟! بحبك؟...اعمل ايه اول ما ببوص في عينيك بلاقي الكلام الحلو بيطلع علي طول والله,مريم بابتسامة:شوفت بقي عيني ليها تأثير ازاي؟,كريم:عنيكي هزت ضابط يا قادرة,ضحكت مريم قائلة:صحيح الشغل عامل ايه؟,كريم:والله يا مريم تعبان اوي المنطقة الجديدة دي فيها شغل كتير اوي كل يوم مشكلة وقرف,مريم وهي تضع رأسها علي كتف كريم و تحتضنه قائلة:معلش يا حبيبي...كله هيبقي كويس,ننتقل إلي ثنائي مختلف تماماً ؛مازن:ايه يا اوزعة مش هتشهلي بقي وتتخطبي؟,علا باستخفاف:لا يا اخويا انا anti خطوبة باحضر افراح وبس يا خفيف......وبعدين ماتتشطر انت الاول مش انت الولد.مازن:لا يا ختي مفيش ولد بيخطب وهو بيدرس لكن في مليون بنت بتتخطب وهي بتدرس عادي ماهي نانسي اتخطبت وهي بتدرس واول ماخلصت اتجوزت اهو ومريم اتخطبت وهي بتدرس بردو ونور هتتخطب وسلمي هانم هتتخطب لسي آدم,علا بابتسامة خبث:مش هيحصل يا حبيبي...ده بُعدها,ننتقل إلي الثنائي الأروع؛آدم:متزعليش مني اني مش بسأل عليكي ولا بخرجك انا بجد تعبان اوي والله رجلي من ساعة اللي حصل وهي تعباني جداً بمشي بعرُج زي ماشوفتيني كده,سلمي بابتسامة:انا عمري مازعل منك يا آدم..اهم حاجة عندي انك تبقي كويس..انا اللي المفروض اسأل عنك...انا مش عارفة هو عايز ايه بعد كل ده اصلاُ ما اخوه خلاص خد جزاؤه وبقاله سنتين مسجون ولساله خمسة سنين كده كده هيقعدهم في السجن استفاد ايه بقي لما اتهجم عليك وضربك بالشكل ده؟!,آدم:عايز ينتقم لأخوه مني...مفكرني انا اللي سجنته..أحمد هو اللي جني علي نفسه مش اي حد تاني..هو اللي قتل ريم وكان لازم يتحمل تمن غلطته دي,سلمي:ربنا يبعدهم عنك يا آدم,آدم:صحيح انتي هترجعي القاهرة امته؟,سلمي:كمان يومين تلاتة كده ان شاء الله...بكره هنروح انا وعلا ننقل حاجات بتاعة علا من شقتهم القديمة علشان بيعزلوا وبعدين هسافر تاني يوم عندي مزاكرة,آدم:انتي لسه بتزاكري مع مازن ده؟!,سلمي:ساعات في الكلية...مش كتير,آدم:للمرة المليون يا سلمي ابعدي عنه ده تعبان تعبان,سلمي بابتسامة:ماتخفش يا حبيبي انا معرفاه حدوده,آدم بابتسامة:شوفتي نانسي وعمر شكلهم حلو اوي ازاي,سلمي:اهااا بجد حلويين اوي بس الفرح شكله كبير اوي وصارفين فيه كتير جداً,آدم بابتسامة:فرحنا هيبقي اكبر واحلي وانتي هتبقي احلي عروسة في الدنيا وانا هبقي اكتر عريس فرحان يوم فرحه,سلمي:يارب يا حبيبي.مرت بضع ساعات واقترب الحفل من الانتهاء,وقفت الفتيات بجانب بعضهن البعض وأمامهن نانسي العروس الجميل ببضع خطوات؛تحمل باقة الورد لتمسكها وتحركها يميناً ويساراً وللأمام وللخلف حتي استدرات للحضور ممسكة بالباقة في يدها اليسري والميكرفون في يدها اليمني وتقول:ميرسي اوي لكل اللي حضر فرحي انهارده وعايزة اشكر صحابي اللي ماسبونيش ولا لحظة....احلي صحاب في الدنيا....وانا انهارده ههدي البوكيه بتاعي لاغلي صاحبة علي قلبي اللي عمري ماهحب حد زيها..ريم الله يرحمها...ظلت تكمل نانسي كلامها والدموع في اعين الحضور وبالأخص اصدقائها,نانسي:كان نفسي تبقي معايا اوي يا ريم كلنا كان نفسنا تبقي معانا لكن انتي اكيد حاسة بينا واكيد دلوقتي مبسوطة بيا زيي تمام...الورد ده ليكي يا احلي صاحبة في الدنيا...انا عملت بوكيه زي ده بالضبط وحطيته امبارح علي قبر ريم وده كمان هوديهولها.انتهي الحفل وتوجه العروسين لمطار القاهرة لقضاء شهر العسل في دبي,اما الاصدقاء رحل كلاٍ منهم الي منزله,دخل آدم ومريم المنزل ليجلسا سوياً في حجرة آدم الذي كان يريد التحدث مع مريم قليلاً,بدأ آدم الحديث قائلاً:انا كنت عايز اكلمك في موضوع,مريم بابتسامة:خير يا حبيبي,آدم:كنت عايز اعرف لو فيه مشاكل مابينك انتي وكريم ولا كله تمام؟,مريم:اشمعنه بتقول كده؟هو كلمك في حاجة؟,آدم:لا ماكلمنيش بس ملاحظ انك بتطلعي غلك في سلمي فقولت ان كريم مزهقك فبتطلعي فيها الكبت اللي عندك,مريم بغضب:آدم من الأخر انا ما بحبهاش اها ومش طايقاها اها وعمري ماهقبلها مرات اخويا اها لكن عمري ما اصغر نفسي وانزل مستوايا ليها بصراحة,آدم:مريم الزمي حدودك وانتي بتتكلمي عنها هي معملتلكيش حاجة وكفاية اوي بقي مش مكفيكي اخر مرة لما احرجتيها قدامنا كلنا والبنت بردو ماكلمتكيش علشان متضايقكيش ...من الاخر كده يا مريم اطلعي منها علشان مش هتستفادي ااااااي حاجة....,نظرت له مريم بغضبٍ بالغ وسرعان ماتجهت لغرفتها وظلت تمشي ذهاباً واياباً حتي توجهت مرة اخري لغرفة آدم ببطء ودقت بابه ليأذن لها بالدخول وهي تتصنع الهدوء والطيبة وجلست بجانبه ووضعت رأسها علي كتفه قائلة:آدم انا بعمل كل ده علشان بحبك وانت اخويا الوحيد وبتمنالك الخير,آدم:سلمي هي الخير ليا يا مريم.
**************************************************
\
\
آدم:سلمي هي الخير ليا يا مريم.مريم بخيبة أمل:انت شايف كده؟!!,آدم:اها وشايف كده جداً,مريم:انت مقتنع بكلامك ده؟!!!,آدم:مريم انا مستحمل الكلام علشان انتي اختي والصغيرة كمان لكن عيب اللي انتي بتتكلمي فيه...انتي شايفاني عيل قدامك ولا ايه؟!!....اختي ونتكلم مع بعض في كل حاجة لكن تتدخلي في حاجة زي دي ماسمحش...اتفقنا؟,مريم بخبث:اتفقنا.توجهت مريم لغرفتها وسرعان ما غرقت في نومٍ عميق,وفي الصباح استيقظت العروس الجميل نانسي لتنظر بجانبها فتجد الفراش خالي فتتوجه بنظرها ناحية الساعة وجدتها الواحدة ظهراً,استعدلت جلستها وظلت تفرك في عينيها من شدة النعاس حتي وجدت يداً تلمس يدها وتزيلها من علي اعينها لتجد عمر مبتسماً يقول:صباح كل حاجة حلوة,نانسي بابتسامة:صباح الخير,عمر بتصنع الحزن:خير؟! وهيجي منين الخير,نانسي بقلق:ليه يا حبيبي ايه اللي حصل؟!,عمر:طول ماعينك دي قدامي مش هيجي خير يا حبيبتي....تعبت كل لما اصحي والاقيكي نايمة جمبي افضل ابص عليكي لغاية لما ضيعت نص الوقت ومعرفتش انام يرضيكي كده؟,نانسي مبتسمة بخجل:لا ميرضينيش بصراحة سوري يا حبيبي,عمر:سوري؟! سوري علي ايه ولا ايه ولا ايه؟,مش كفاية اننا جينا ادلقنا علي السرير من غير حتي ما ناكل ولا حتي نستمتع بالمنظر التحفة اللي حوالين الاوتيل,نانسي:ماهو قدامك شهر يا حبيبي هتفضل تتفرج عليه لحد ماتشبع منه,عمر مبتسماً:هشبع منه لكن انا مش هشبع منك انتي يا قشطة,نانسي بدلال:قصدك ايه بقي؟,عمر:مانتي حدقة اهو اومال عامله نفسك ام عبده البوابة ليه؟,ضحكت نانسي بصوتٍ عالٍ فسرعان ما قال عمر:ايوه هو ده اللي انا عايزه بداية حلوة.وفي نفس الوقت كانت سلمي قد استيقظت من نومها وارتدت ملابسها وواقفة امام مدخل البناية منتظرة علا للذهاب معاً لمنزل علا القديم كما اتفقتا,بعد حوالي خمس دقائق وقفت سيارة امام البناية واخرجت علا رأسها من نافذتها لتنادي علي سلمي قائلة:سلمي يلا,توجهت سلمي وهي لا تري من يقود السيارة حتي ركبت في المقعد الخلفي قائلة:السلام عليكم,لتجد مازن يرد عليها قائلاً:وعليكم السلام...اتأخرنا عليكي؟,ابتسمت سلمي بتعجب قائلة:لا خالص مابقاليش كتير اصلاً,علا:طب تمام يلا بينا.وفي غرفة آدم كان جالساً علي حاسوبه الشخصي حتي جاءته مريم مبتسمة فنظر لها بتعجب وهي يقول مازحاً:خير يا سوسة شكلك عايزة حاجة,هزت مريم رأسها إيجاباً وهي تُظهر الطيبة,فابتسم آدم قائلاً:خير يا سوسة,مريم بتصنع الطيبة البالغة:علا كالمتني وعايزنا نروحلها علشان عربية مازن مش هتكفي الحاجة اللي هينقلوها فعايزين عربية كمان فقالتلي علشان عربيتك كبيرة...هتيجي معايا صح؟,آدم بمحاولة استفهام:هي قالتلك ان مازن معاها؟,مريم بخبث:لا يا بني هي لوحدها و سلمي ومازن مع بعض...ليه؟,آدم وهو يغلق حاسوبه:طب روحي البسي,توجهت مريم لغرفتها والابتسامة الخبيثة علي شفتيها.وقف مازن بالسيارة امام احد المحلات قائلاً:يلا انزلي بس ماتنسيش تجيبي الشنطة كبيرة علشان تاخد الحاجة ومتتقطعش,علا:حاضر,نزلت علا من السيارة وسرعان مانظر مازن لسلمي من خلال المرآة فقال مازحاً:ماتيجي تقعدي قدام الناس تقول عليا ايه سواق,ابتسمت سلمي قائلة:لالا هاجي اهو,ركبت سلمي بجانب مازن الذي بعد بضع ثواني سار بالسيارة فتعجبت سلمي قائلة:احانا مش هنستني علا؟!,مازن:لا ماهي مريم جايلاها يادوب نلحق نطلع نفتح الشقة ونهويها لحد مايجوا,قلقت سلمي من هذا الكلام وظلت تفكر في قرار عدم الصعود معه بمفردها ولكنه قطع تفكيرها قائلاً:خدي اشربي الجو نار...ده عصير بابا جايبه من المانيا طعمه غريب بس هيعجبك,امسكت سلمي الزجاجة قائلة:ايوه بجد انا هموت من الحر,وشربتها بأكملها وفي الاخير قالت:طعمها غريب بس مزز وحلو,مازن بخبث:اها اها مش بقولك..ظل مازن يتجول في الشوراع حول منزلهم القديم حتي شعر بان سلمي وصلت للمرحلة المطلوبة بدأت رأسها تسقط يميناً ويساراً وبدأ لسنها يثقل في الكلام فتوجه بالسيارة للوقوف امام البناية ووجه لها كلامه قائلاً:يلا نطلع ولا ايه؟!,سلمي بطريقة شبه غير مفهومة:لا انا تعبانة مش قادرة..وهي تضع رأسها علي كتف مازن في نفس اللحظة التي وصلت فيها مريم وآدم الذي أوقف سيارته في وجه سيارة مازن؛ظل ينظر جيداً ليتأكد مما يراه,هل هو حقيقة امام خيال؟!,هل بالفعل من تجلس بجانب هذا الحقير هي سلمي؟!,وسرعان ماقالت مريم بتصنع المفاجأة:ايه ده ؟انت شايف,صاح آدم قائلاً:شايف متنيل شايف اسكتي بقي,خرج آدم من سيارته في نفس اللحظة التي كانت فيها سلمي تتسند علي ذراع مازن وتقول:تعبانة مش قادرة امشي,فتوجه لهم آدم قائلاً:طب ماتخليه يشيلك احسن بدل التعب ده كله,وقع صوت آدم علي مسامع سلمي كالصاعقة واستدرات اعينها وظلت تحاول تحريك لسانها الذي ثقل ولم يقدر علي النطق للحظات بينما قال مازن:لا انت فاهم غلط خالص,آدم:ايه الست هانم جالها ضربة شمس!!!,سلمي بطريقة شبه غير مفهومة وكلامات متقطعة:آدم..انا تعبانة..مش قادرة اقف...صدقني..انا...,سقطت سلمي أرضاً فسرعان ما حملها آدم ووضعها بسيارته وتوجه لاقرب مشفي.كشف عليها الطبيب ووجه كلامه قائلاً للجميع آدم ومازن ومريم وعلا:الآنسة أخدت جرعة كبيرة من مخدر شديد جدا بيتاخد كمنوم.نظر آدم بحزن لسلمي المستلقية علي الفراش ووجه كلامه للطبيب قائلاً:طب يا دكتور هي هتفوق امته؟,الطبيب:كمان ساعتين ان شاء الله.خرج الطبيب من الغرفة,نظر آدم لمازن الواقف يتصنع الطيبة والحزن علي حال سلمي وتوجه له قائلاً بلهجة تحذير شديدة للغاية:مازن...لو ما شلتهاش من دماغك انا هشيلك من علي وش الدنيا..دي اخر مرة هقول الكلام ده,مازن:انا معملتش حاجة انت بتكلمني انا ليه؟,آدم بغضب:اومال اكلم مين مش انت اللي كنت قاعد جمبها في العربية واكيد انت اللي شربتها الهباب ده!!,مازن:لا مش انا,آدم:مازن بطل لعب عيال,مازن بكل ثقة وحسم وهو يشير لمريم قائلاً:مريم هي اللي...استدارت عين مريم وسرعان ما قالت:انت بتقول ايه؟,وانا مالي,آدم بصوتٍ مرتفع الي حدٍ كبير:لاااااا هتقعدوا تشقطوني لبعض مش هينفع,نظرت له مريم التي كانت تتصنع الاستعطاف وهي تقول:آدم معقولة تصدقه يعني انا هعمل كده ليه,آدم بكل حدة:اولا وطي صوتك علشان البنت تعبانة من اللي انتو هببتوه فيها ثانيا ً والأهم انتي اللي عملتي كده يا مريم انتي والقذر ده ...وهو يشير بنظره لمازن الذي من جانبه كان صامتٍ لا يتحدث..واستكمل آدم قائلاً:طبعاً علشان ينتقم مني...بص يا بتاع انت اقسم بربي لو ما بعدتش عني انا وسلمي واختي هتشوف ايام اسود من شعر راسك انت فاهم؟؟,وهويمسك بذراع مازن بشدة,ثم نظر لمريم قائلاُ بغضبٍ شديد:وانتي بقي حسبنا مش هنا.مرت ساعتين بعد رحيل مازن وعلا من المشفي بينما آدم جالس علي كرسي بجانب سرير سلمي التي لاتزال نائمة اما مريم فكانت تجلس علي أريكة مقابلة للسرير تفكر فيما سوف يحدث بينها وبين آدم في المنزل,بينما آدم ينظر لسلمي المُستلقية علي سريرها نظرت له بعينٍ متعبة فسريعاً ما رأها وابتسم قائلاً:حمدلله علي سلامتك,نظرت سلمي للغرفة من حولها ولمريم وقالت بتعجب:هو ايه اللي حصل؟!,نظر آدم لمريم بغضب التي من جانبها حاولت ان تتلاشي نظراته؛ثم وجه نظره لسلمي وقال بحنان:تعبتي شوية واغمي عليكي وانتي مع علا,تذكرت سلمي بعض تفاصيل ما حدث وادركت الي حدٍ كبير ماحدث ودمعت عينيها قائلة:اها افتكرت,آدم محاولاً حل ماحدث:انا آسف بجد....الموضوع ده مستحيل يتكرر تاني..وهو يتنظر لمريم التي قامت من جلسته متوجهة لباب الغرفة قائلة:انا هروح الكافتيريا علشان جوعت,نظرت سلمي لآدم مستفهمة ماحدث فقال لها بأسف:مريم ومازن اتفقوا عليكي علشان يوقعونا في بعض لكن مازن طلع اهبل واعترف عليهم.سلمي بعينٍ دامعة:انا مش عارفة هي بنتعمل معايا كده ليه معقول بتكرهني اوي كده,آدم:انتي مستحيل حد يكرهك يا سلمي...بس هي...صمت آدم ولم يعرف ماذا يقول في مثل هذا الموقف واكتفي بكلمات قليلة..اكمل آدم هارباً من الحديث في هذا الموضوع :انسي اللي حصل من مريم من أول ماعرفتيها وأوعدك انها هتبدأ معاكي صفحة جديدة هتبقي كويسة ان شاء الله...اتفقنا؟,سلمي بهدوء:انا معنديش مانع والله يا آدم يعني انا بحب المشاكل مثلا؟انا نفسي نبقي صحاب لكن هي بتكرهني,آدم بحنان:قولنا محدش يعرف يكرهك..خلينا ننسي اللي حصل بقي يا علشان خاطر آدم حبيبك لو بتحبيه بجد,سلمي بهدوء:حاضر,آدم:طب يلا بقي قومي البسي علشان اروحك...
************************************************