الفصل 4
نور مازحة:تلاقيهم بيتعركوا زي العاده عيال نكدية والنبي انا خايفة يعكننوا علينا اللمة الحلوة دي..وعلي الجانب الأخر كانت ريم تصيح داخل سيارة أحمد قائلة:بجد انا زهقت مش معقول بصراحة كل شوية الاقيك بتكلم واحدة وبعدي لكن اسمع صوتها وانا بكلمك ده اللي مينفعش.....والدموع تملئ عينيها وهي تنظر خارج السيارة قائلة بعد عدة دقائق:أحمد احنا مينفعش نكمل ودي اخر مرة بجد..قال احمد بنبرة اسف:...ليه بس كده انتي دايماً بتقولي كده و ......لتقطع ريم كلامه قائلة:ماهو علشان دايماً دي انت ماعونتش بتفكر غير في نفسك وبس لكن انا طظ فيا...... احمد انت بتشتغل في شركة كبيرة ومستقبلك مضمون لكن انا لسه في رابعة كلية والظروف ماشاء الله مساعداني اوي ان انا اشتغل بعد الكلية..المفروض ان اللي بيتخرج من صيدلة ده ياهي يفتح صيدلة وعايزله مش اقل من مليون جنيه يااما الف وادوخ السبع دوخات علي شركة ادوية اشتغل فيها وبردو مش هعرف علشان ماليش واسطة يا اما استسلم وفي الاخر اروح اقف في صيدلية ليل نهار وفي الاخر اخد في الشهر 200 ولا300 جنيه بالكتير اوي والمفروض ان انا بيهم هصرف علي نفسي وعلي جهازي زي اي بنت...بابا وماما الله يرحمهم الفلوس اللي سابوها هتخلص اكيد في يوم من الايام وانا المفروض ان اعمل المستحيل علشان اعيش ووسط كل ده اجي اكلمك اسمع واحدة بتقولك خلص بقي يا احمد..انت انسان معندكش دم ولا احساس ولا بتعرف تحب...لينظر لها احمد بغضب ممسكاً يدها بشدة قائلاً:انا ساكتلك من الصبح لكن كلمة زيادة والله العظيم يا ريم لتشوفي الوش التاني اللي ماحبش انك تشوفيه علشان هتكرهيني وهتكرهي اليوم اللي شوفتي وشي فيه وبلاش تمثلي دور المظلومة والفقيرة ابوكي وامك سايبنلك ملايين في البنوك هنا وهناك بطلي الاستغلاب ده بقي وقصري في الكلام انتي فاهمة..ازاحت ريم يده بقوة ونظرت خارج السيارة صامتة تتمني ان تمر ايام هذه الرحلة علي خير,وصلا ريم واحمد قبل وقت الانطلاق بخمس دقائق ليذهبان ويُصافحا اصدقائهم لتري صيديقاتها الحزن في عينيها ولكن لم تتحدث واحدة منهم معها بكلمة واحدة لانهن توقعنا ما قد حدث,صعد الجميع للحافلة جلس جميع الشباب بالخلف كالعادة وجلست الفتيات امامهن سلمي بجانب نور ومريم بجانب نانسي وريم,وجهت نور كلامها لسلمي قائلة:بصي انتي هتبقي فري زي ماتفقنا وهتلبسي اللي جبناه ومتقوليليش اصله قصير اصله ضيق والهبل بتاعك ده انتي فاهمة.ابتسمت سلمي قائلة:ماشي بس هي ريم شكلها معيطة ليه؟.نظرت نور لريم ثم لسلمي قائلة:مش عارفة بس بخبرتي اكيد متعاركة هي واحمد اصله بتاع بنات وكل شوية تلاقيه بيكلم بنت خارج مع بنت ومطنشها.سلمي بتعجب:طب وهي ايه اللي مصبرها علي كده ماتسيبه؟.ابتسمت نور وقالت:انتي مش عارفة حاجة اصل ريم مامتها وباباها ماتو من سنة ومالهاش اخوات وهي داخلة سنة رابعة صيدلة فعلي طول تقول انا خايفة فلوس بابا وماما تخلص ومعرفش اصرف علي نفسي علشان كده هي متمسكة بأحمد لأنه دايماً يوعدها بانه هيبقي كويس وعمره ماهيتجوز غيرها والهري ده وهي ياعيني بتصدق او تقريباً بتعمل نفسها بتصدق علشان تعدي وتتجوزه وتضمن انها تكون عايشة مع حد وبيصرف عليها فهمتي بقي؟.رفعت سلمي احد حاجبيها قائلة:دي طلعت مظلومة اوي معاه و طلع هو كمان زبالة سوري يعني.لتضحك نور قائلة:لا عادي انا نفسي بقوله في وشه انت زبالة؛ وعلي المقعد المقابل كانت تجلس ريم وسط نانسي ومريم جالسة حزينة لا تريد التحدث فيمادار بيها وبين أحمد تشتعل غضباً من تصرفاته بينما هو جالس وسط اصدقائه يضحك ولا يفكر فيها ولا فيما دار بينهما لتقطع نانسي حزن ريم قائلة بمرح:ايه يا ست ريم مش هتقومي ترقصي زي كل مرة عايزين نشوفك بعد ماتخنتي الاتنين تلاته كيلو دول..ابتسمت ريم ابتسامة خفيفة دون رد فتوجهت مريم بكلامها قائلة:ريم..انتو اتعاركتوا صح؟.هزت ريم رأسها بالإيجاب والدموع في عينيها وقالت:خلاص سوري يا جماعة بليز مانفتحش الموضوع ده تاني لان خلاص احنا مش هنكمل.نظرت الفتاتان لها بتعجب وفي نفس الوقت:ليه؟؟!! نظرت ريم لاسفل قائلة:هبقي احكيلكم بعد كده بس دلوقتي لازم تبقوا عارفين ان الموضوع خلص فبليز مانفتحهوش اوك؟ لتنظر لها نانسي ومريم بتعجب وحيرة قائلتان:ماشي اوك.وفي المقعد الاخير كان احمد نائماً بعد ضحكه وحديثه مع آدم وعمر ومحمود,وظلا هما الاثنين يتحدثتان سوياً ووسط الحديث وجه عمر اصبعه الي مقعد سلمي ونور وهو يغمز بعينه قائلاً لآدم:ماشية..ليرفع آدم احد حاجبيه قائلاً:هي ايه دي اللي ماشية؟! ابتسم عمر قائلاُ:عيب عليك صاحبي من كي جي وان اعرف بتفكر في ايه من قبل ماتفكر يا معلم هارشك انا..ليقول آدم باستخفاف:هارش ايه بقي يا حدأ,قال عمر وهو ينظر ناحية نور وسلمي:بس بجد اختارت صح البنت شكلها محترمة ومؤدبة...اصلك مابتعرفش تخبي بصراحة كده العبيط يفهم.تعجب آدم قائلاً بسرعة:مش فاهم يعني كلكو خدتو بالكم؟؟!!.حرك عمر كفه يميناً ويساراً بمعني(تقريباً) ثم اكمل:بس اتقل شوية ومتكلمهاش قدامنا وبعدين انا ملاحظ ان مريم افشة من الموضوع مش عارف ليه ممكن تكون مش بتحبها او حاجة من دي فخود بالك يا كبير..ليسرح آدم قائلاً:انا عارف هي ليه افشة بس انا هخاليها تفك..توجه احد اصدقاء آدم لقائد الحافلة وفي يده(فلاشة)رافعاً اياها ناظراً لاصدقائه وهو يقول:علي الله يطمر بس,تعالت الضحكات والشكر لكريم,طالب بكلية الشرطة في الحادي والعشرين من عمره قوام ممشوق رياضي بدرجة كبيرة جداً وسيم للغاية شعر طوله متوسط ناعم الي حداً ما عينان خضراوتان خفيف الظل بشكل ملحوظ محبوب من الفتيات قبل الشباب...........
\
\
نظرت الفتيات جميعهن ناحية كريم وبالطبع كانت نانسي أول من نظرت ناحيته فهي دائماً وابداً مازحة وخصوصاً في موضوع الشباب فسريعاً ما قالت:قمر يخربيتك الولا ده اول مرة اشوفه يبقي اكيد من صحاب آدم.نظرت لها مريم باستعلاء قائلة:اكيد يا مامي آدم وصحابه قمرات بس تصدقوا انا كمان اول مرة اشوف الولد ده.لتبتسم نانسي بابتسامة مازحة قائلة:طب ماتيلا.مريم:يلا ايه!انتي مجنونة.ريم:والله ماحد غيرك... مجنون اطئصي واعرفي عنه كل حاجة من آدم بصراحة الواد مايتسابش ولا ايه يا نونه.نانسي وهي تهز رأسها بعنف فوق وتحت قائلة:اهااااااا مايتسابش تبقي مجنونة والله لو سبتيه.تعالت اصوات الاغاني فسريعاً ما نهضت الفتيات والشباب ليرقصن وبالطبع سلمي جالسة لم تقف,نظرت لها نور فرأتها شاردة الذهن ناظرة خارج الحافلة فصاحت فيها قائلة:بت ماتقومي يلا.ابتسمت سلمي قائلة:لا مش بعرف ارقص اصلاً.نور:هو في حد قالك ارقصي قومي اقفي حتي انتي الوحيدة اللي قاعدة كده انتي طالعة رحلة الأرافة دي رحلة شرم وهي تهز كتِفاها وتقول:اقفي سقفي ويعدين نشوف موضوع انك ترقصي ده بعدين يلااااا وهي تجذبها لتنهض سلمي وتقف وسط الفتيات وتدور بعينيها ناحية الشباب لتري آدم هو الأخر من المتفرجين لا يرقص مع اصدقائه,كونت الفتيات حلقة كبيرة في منتصف الحافلة ليرقصن علي انغام الاغاني دخلت نانسي الحلقة وسريعاً ماتعالت التشجيعات والتهليلات من الفتيات وسريعاً ما نظر الشباب وعرفوا ان نانسي مكرم هي من سترقص فتوجهوا للحلقة سريعاً,رفعت نانسي يدها قائلة:ايشارب يا جماعة...وانا اللي هرقص يبقي انا اللي اختار الاغنية.ضحك كريم قائلاً:وسيادتك عايزة ايه؟.نانسي وهي تغمز لصديقاتها قائلة:اكيد شيك شاك شوك.سريعاً ما تعالت انغام الاغنية ومعها تعالت تهليلات الجميع وبالطبع تعالت هزات نانسي التي ظلت ترقص داخل الحلقة بمفردها ولكنها ملت فسحبت أول فتاة تقع عليها عينها وكانت سلمي,موقف محرج ظلت سلمي ونانسي يتجاذبتان طويلاً حتي تعالت صيحات نور ومريم وريم باسم سلمي ومن ثم صيحات الجميع اضطرت سلمي بالفعل للمسك بايدي نانسي والتمايل ببطء يكاد لا يُري انها ترقص,فامسكت نانسي بخصر سلمي وهزته قائلة:ارقصي مش اترعشي يا بنتي؛سلمي نظرت عكس ناحية آدم لانها رأته ينظر لها بغضب ومر الوقت وسريعاً ما وجد الأصدقاء انفسهم امام الفندق نزل الجميع وحمل كلاً منهم حقيبته وتوجه الجميع لغرفته,توجه الشباب لغرفتهم والفتيات لغرفتهن,ريم وهي أول من دخل للغرفة تجري علي الشرفة قائلة:تحفة بجد المنظر من هنا جامد كده انا مش هنام هفضل قاعدة اتفرج علي البحر.لتضرب نانسي كتفها بكتف سلمي قائلة:بس طلعتي سوسة يا سو و قاعدة تقولي مش بعرف مش بعرف ده انتي اول ما هزيتي الكل سابني وبصلك.نور:انا دايماً بقول كده ياماما تحت السواهي دواهي.سلمي:لعلمكو انتو رخمين وعلي فكرة بقي انا مش سوسة ولا حاجة الحكاية كلها ان انا مكونتش اعرفكم اوي يعني فكونت بتكسف اتعامل بطبيعتي انما انا اصلاً اصلاً فرفوشة عادي يعني,ريم:فرفوشة ايه هو في فرفوشة جاية شرم تلبس اللي انتي لابساه ده ..ده انتي زي مايكون راحة تزوري جدك يا بنتي.سلمي:اومال عايزاني البس زيك ده من رابع المستحيلات علي فكرة,مريم:وماله لبسها ماكولنا لابسين زي بعض ولعلمك نور مستحلفالك هتلبسي الهدوم اللي انتي جايباها في الشنطة يعني هتلبسيها مش تفضلي ماسكالي في طقمين من بتوعك دول,نانسي:ايوه يا سو علشان تقفشيلك عيل في الرحلة دي...ولا انتي مظبطة من ورايا..اعترفي.سلمي:لا ريحي نفسك..وهي تنظر لمريم لتجدها قد ظهر علي وجهها الغضب سريعاً,مر الوقت ومر أول يوم من الرحلة بدون أحداث تُذكر,استيقظ أحمد علي صياح آدم في اليوم التالي قائلاً:ماتتلموا بقي وقوموا انتو جايين هنا تناموا الشط مليان بنات الله يحرقكوا هيخلصوا.احمد:انا قايم طالاما فيها بنات,اتجه آدم ليُقظ كريم قائلاً:ضابط ايه ده يا ربي قوم يا بني ده انت بالشكل ده هتضيع البلد وتسيب المجرمين يدخلوا بيوت الناس قوم يا لا .كريم بنصف عين:حاضر قايم اهو غور بقي.وفي الغرفة المجاورة كانت سلمي تحاول جاهدة إيقاظ الباقيات ولكنها فشلت فاتجهت للشرفة لتستنشق الهواء وتنظر للبحر الواسع ولتعطي نفسها وقت لتفكر في آدم واخته مريم التي لاطالما وقفت عقبة أمام إعجاب سلمي البسيط بآدم ,لتجد يد ممسكة بها من الخلف نظرت فزعة قائلة:خضتيني اوي.نانسي:ليه هو انتي في صحرا علي العموم سوري يا ستي هااا واقفة بتعملي ايه لوحدك كده بتفكري في مين يا توتا.سلمي فكرت الف مرة أتتحدث مع نانسي عن آدم ام لا؟ ولكنها قررت الكتمان فغيرت مجري الحديث قائلة:انا كنت عايزة اتكلم معاكي في موضوع كده بس مش....نانسي:هاااا قولي نفسي من زمان تتكلمي معايا.سلمي:انتي عارفة انا جيت هنا اسكندريه ازاي وليه؟.نانسي:اها مريم حكتلي..ليه؟؟.سلمي:كنت عايزة اطلب منك طلب بخصوص الموضوع ده..ممكن؟.نانسي:ايه هو؟.سلمي:ان ماما ماتعرفش ان انا هنا وتتعاملي معاها كأنك ماشوفتنيش وكأن مفيش أي حاجة حصلت بجد انا مش عايزة ارجع هناك أبداً توعديني متقوليلهاش؟.نانسي وهي تحتضن سلمي:اوعدك...سلمي انتي طيبة اوووووي.اتجهتا لداخل الغرفة واستيقظت باقي الفتيات ليرتدي الجميع ملابسه ويتجهوا للشاطئ.جلست سلمي علي الشاطئ ولكنها قررت عدم النزول للمياه وهذا كان المتوقع منها بالتأكيد ولكن أصدقائها تحايلوا عليها كثيراً ولكن بدون فائدة ففقدوا الأمل بها واتجهوا للمياه ,رأها آدم من بعيد جالسة بمفردها قرر التوجه لها والتحدث معها فهو يريد استغلال اي موقف ليُقيم اي حديث معها...ظل يمشي ببطئ متوجهاً اليها حتي رأته فاستعدلت جلستها وأسقطت عينيها ثانية علي المحمول حتي اقترب منها قائلاً:صباح الخير,نظرت بطرف عينها قائلة:صباح الخير,شعر وكأن قلبه يريد التحدث بكل ما به ولكنه شعر انه اذا قام بهذا ستقول عليه كاذب وهذا غير صحيح فقرر التحدث في اي موضوع مازحاً:ايه منزلتيش الميه ليه بتخافي؟ولا ايه؟ ابتسمت قائلة:شوية بس مش ده السبب,تعجب قائلاً:اومال..هههههه عندك برد؟!.قائلة:لا الحمد لله بس اتكسفت البس مايوه وسط الناس دي كلها..وهي ناظرة لاسفل.ابتسم دون ان تراه قائلاً:اهااا جدعة طب ماتيجي نتمشي علي البحر شوية بدل مانتي قاعدة كده قربتي تبقي انتي والكرسي حاجة واحدة.ضحكت وهي تقول:تمام يلا..ابتعدا تماماً عن اصدقائهم ومن معهم في الرحلة..آدم:تيجي نلعب؟.سلمي:نلعب ايه؟.آدم:الصراحة بس من غير اسئلة محرجة ابوس ايدك.ابتسمت سلمي قائلة:انت تعرف عني كده؟! بس بلاش انت بقي تسأل اسئلة مش اللي هي تمام؟.آدم: تمام يلا ابدئي.سلمي ناظرة لأعلي وهي تفكر قائلة:عايزالك سؤال يلفكك حوالين نفسك .آدم:طب ليه الشر ده بس ماتخليكي طيبة.سلمي:خلاص تمام هسأل..بص يا سيدي ايه اكتر حاجة بتخوفك في الدنيا دي كلها؟ آدم:امممم اني اخسر حد بحبه..سواء مشكلة من ناحيته من ناحيتي مابتبقاش فارقة او يسافر بعيد او يتوفي بس الاصعب انه يكون عايش ومش عايش في حياتي فهمتي؟.سلمي:تقريباً اها طيب يلا أسأل انت بقي.آدم:بصي احنا بنلعب واي سؤال مش هنزعل منه صح؟.سلمي:اها طبعاً.آدم:فاكرة لما حكتيلي عنك وعن السبب اللي خالاكي تهربي؟ سلمي بتعجب:فاكرة..ليه؟.آدم وهو ناظر لاسفل:اممم الراجل اللي كنتي متجوزاه ده...صمت قليلاً ثم قال:يعني اتجوزتوا و.....,سلمي:لا.رفع آدم نظره متعجباً قائلاً:لا ايه؟!! انتي فاهمتي اصلاً؟َ!َ.سلمي ناظرة للبحر قائلة:اها وبقولك لا متجوزناش وهي تنظر له مبتسمة باستخفاف قائلة:حاجة تانية؟.آدم:انا آسف شكلك اتضايقتي بس صدقيني انا مش قصدي اني ازعلك خاااالص بس الموضوع ده كان شاغلني مش اكتر.نظرت سلمي متعجبة:شاغلك؟؟؟ليه بقي؟.آدم:خلاص انسي انسي.سلمي:هو ايه اللي انسي بص يا آدم انت عملت معايا حاجات مستحيل حد يعملها مع حد وكمان متعرفنيش فاكيد دي حاجة منساهاش بس معلش تتكلم معايا في حاجة زي دي مش لطيف منك...عن اذنك.آدم:سلمي انا آسف جدااااااااااااااااً.سلمي:م اشي,ثم اتجهت لمكان جلوسها فوجدت صديقتها فجلست وسطهم قائلة:اتبسطوا؟.نور:ايه يا بنتي روحتي فين انا استغربت لما طلعت من المية وملقتكيش.سلمي:مفيش روحت اتمشي شوية بدل مانا قاعدة.نانسي:علي فكرة انتي عبيطة الميه تحفة ماتغيري رأيك يا بنتي.سلمي:لا مش عايزة.نور وقد اقتربت من سلمي قائلة:في ايه مش عجباني؟.
*************************************
\
نور وقد اقتربت من سلمي قائلة:في ايه مش عجباني؟؛سلمي:ولا حاجة متضايقة شوية.نور:احيييييه متضايقة من ايه دلوقتي؟.سلمي:لما نكون لوحدنا هحكيلك.نور:خلاص ماشي.حضر عمر واحمد ليخبرا الفتيات انهم يريدوا القيام بسهرة في المساء ورحبت الفتيات بتلك الفكرة بشدة الا فتاة واحدة ريم التي ظلت صامتة حتي نهاية الحديث ثم اقترب منها احمد قائلاً:ريم ممكن ثانية؟.نهضت ريم وابتعدت مع احمد قليلاً عن مك...ان جلوس الفتيات لتنظر له بغضب قائلة:خير في حاجة؟!.احمد:ريم انا آسف ودي هتكون....,ريم مقلدة طريقة عمر قائلة:آسف ودي هتكون اخر مرة وانا بحبك وانتي مش زي كل اللي بعرفهم..احمد الكلام ده اتكرر مليون مرة تلف وترمرم وتجيلي بالشويتين دول واصدقك لكن بصراحة كرامتي متستحملش اكتر من كده يعني ايه كل ما اكلمك اسمع صوت واحدة شكل كفاية يا اخي انت ما بتحسش؟؟!!!.احمد:لا بحس وبحس اوي ريم انتي مش عارفة انا امبارح معرفتش انام صدقيني وكنت هجيلك الاوضة اتأسفلك لكن اتكسفت بصراحة اجيلكو متأخر.ريم بنظرة استخفاف:وانت من امته بتتكسف!!.احمد ممسكاً يد ريم:بحبك والله بحبك واديني فرصة فرصة واحدة بس وهتعرفي اني بموت فيكي وافردي الوش الخشب ده بقي.ريم بغضب:لا يا احمد انسي الكلام ده.احمد مُخرجاً علبة من يده ثم اعاطها لريم وهو يفتحها قائلاُ:مش هتفرديه حتي بعد ده؟!.ريم ناظرة له بغضب قائلة:طبعاً مفكرني هاخده واضحك واقولك بحبك وماقدرش استغني عنك لا يا احمد انسي خلاص روح لف علي واحدة تانية ولا ليه مانت بالفعل بتلف علي مليون واحدة غيري مش هفرق معاك اصلاً...سلام.لم ينطق احمد بكلمة واحدة تُشعر ريم بانه يحبها رحلت ودموعها تسقط بغزارة من شدة الحزن لانها علمت انه بالفعل لا يحبها وانها لم تكون سوي فتاة يتسلي معها ويمضي معها بعض اوقاته,صعدت الغرفة دون ان تذهب لصديقاتها ثم وضعت رأسها علي السرير ونامت.نانسي مُستلقية علي كرسي ناظرة للبحر تقول:تعرفي يا بت يا ميو الولا اللي اسمه كريم ده شكله جامد جداً باين عليه من لبسه وطريقته انه ابن حد مهم قاعدة اقولك شهلي شهلي انتي اللي عبيطة.مريم:طلعي الفكرة دي من دماغك خااالص ده صاحب اخويا يعني خط احمر.نور:ماهو علشان صاحب اخوكي يبقي مش خط احمر يا هبلة.نانسي:وبعدين انا هعرفك كل حاجة اكمن دي اول مرة ليكي يا بطة...ياختي بجد انا مش مصدقة ان صاحبتي انااااااا تبقي كده.نور:بنات بنات نتلم احنا في شرم مش في السلوم اوكي؟.نانسي:اومال سلمي ماتت ولا ايه؟.سلمي:لا لسه عايشة وقاعدة علي قلبك ارتاحي.نانسي:اومال صوتك العذب غايب عن الجلسة ليه؟.سلمي:علشان ماليش في قلة الأدب بتاعتك دي.نانسي:دي شكلها ماشفتش لا هي اكيد ماشفتش وما سمعتش كمان...قلة أدب ايه يا حبيبتي!!بوعي البنية تشهل مع الولا ابقي قليلة الأدب؟!.سلمي:اها وبطلي بقي.نور:هو ان جايه هنا بيبي سيتر ولا ايه نتلم قولنا..هااااا بقي قولولي هعمل ايه؟مريم:في ايه؟!,نور:اوف بقي انتو نايمين كده علي طول قولنا عيد ميلاد محمود بعد مانرجع اسكندرية بيومين.نانسي:واااو انا اقولك بصي في محل تحفة في ستيفانو بتاع ساعات جبت لعمر منه حتة ساعة تحفففة عجبتوه جدا.نور:اتحفيني بكام؟.نانسي:مش غالية اوي يعني ب2000 وحاجة تقريباً.نور:مش بقولكو جاية تهزر 2000 عفريت لم ينطاطوكي انتي وعمر بتاعك ده وبالمرة محمود....2000 ايه يا حبيبتي بس انتي متخيلة 2000 دول يفتحوا بيت يا ماما الله يحرقك...بجد يا جماعة بقي حد يقولي اعمل ايه بعيد عن الزفتة دي.سلمي:انا لقيتهالك انتي هاتيله برفان شيك في حدود 300 او 400 جنيه وبارك الله فيما رزق.نهضت نور مسرعة ناحية سلمي لتقبلها قائلة:والله يا بت يا سو انتي تربيتي.نانسي:مانتو بيئة زي بعض 300 او 400 جنيه!! وشيك ازاي ده؟!!.مريم:نانو يا حبيبتي خليكي في حالك انت حاجة خاصة انت اللي شيك بزيادة يا روحي.نانسي:ميرسي يا قلبي ايوه جيتيلي بقي انا بتكلم بجد علي فكرة كريم ده مايتعوضش اسمعي كلام اختك لولا عمر كنت جريت وراه بس عمر وقعني يا اوختشي وماحد سمي عليا.مريم:انسي وبطلي زن لاني مش هقتنع برأيك اساساً,نانسي:لعلمك انتي اللي خسرانة....صحيح يا عيال نتيجتكو امته؟.نور:والله يا ختي علي كلامهم كمان يومين لكن الله اعلم يعني احتمال نتنكد هنا او في الطريق لاسكندرية علي حسب,مريم:اتكلمي عن نفسك انا مقفلة 4 مواد اكيد وسلمي 5.نانسي:ليييه هو انتو كام مادة اصلاً؟!,سلمي:7 مواد.نانسي:اهااا ماشاء الله ربنا ينجحكو قولولي بقي ماتكلمناش في الموضوع ده قبل كده ناويين علي ايه بقي؟.نور:انتي عارفة انا فاشلة هادخل بيزنس ومنها علي بنك خالي عدل,نانسي:و مؤدبتنا؟ ,مريم:انا محتارة مابين سياسةواقتصاد او حقوق الحقيقة علشان حابة المجالين دول.نانسي:وسلمي؟ ,سلمي:ان شاء الله إعلام بس يا رب الاقي شغل بقي...,نانسي:ليكي عليا يا سو تتخرجي من هنا واخلي عمر يتصرفلك علشانه يعرف ناس كتييييييير هيعرف يشغلك ماتقلاقيش بس ادعي بقي.سلمي:ياااااارب....صحيح اومال فين ريم كل ده؟!.نانسي:تلاقي احمد صالحها زي كل مرة وبيلفوا مع بعض....واخذت تدور برأسها في المكان حتي تلمحهم ولكنها لم تنجح فقرروا الصعود للغرفة للراحة قليلاً حتي ميعاد الغداء,دخلت نور الغرفة ولكنها تعجبت لان الباب كان مفتوح بالفعل,دخلت ببطئ تخشي من وجود احد بالغرفة حتي وجدت ريم جالسة علي الأرض واضعة رأسها بين قدماها وتبكي بشدة وبعض الاغراض ملقاة علي الارض بعشوائية فصاحت نور:ريم في ايه؟َ!,جرت الفتيات نحو ريم صامتين من شدة بكائها واخيراً نطقت بكلمة وهي(أحمد)
.**********************************************
\
\
جرت الفتيات نحو ريم صامتين من شدة بكائها ثم اخيراً نطقت:احمد.فقالت مريم:ماله احنا بنحسبكوا اتصالحتوا؟!؛نور:ايوه احنا شوفناكوا وانتوا ماشيين مع بعض هو ايه اللي حصل؟,صمتت ريم بضع ثوانٍ ثم نظرت لهن وقصت عليهن ما حدث علي الشاطئ بالتفصيل مُكملة:وطالعت انام.. بعد شوية صغيرين لاقيت الباب بيخبط رحت افتح لقيت العين السحرية بايظة وفاضلت اقول مين محدش بيرد ففتحت الباب لقيته هو قولتله عا...يز ايه مسك الباب ومسك ايدي جامد ورزع الباب وخبطني جامد ناحية الحيطة دخل الاوضة قعد علي السرير وقالي لو انتي مفكرة انك انتي اللي هتلوي دراعي تبقي هبلة قولتله ولا الوي دراعك ولا بتاع واتفضل اطلع ولسه بكمل قام وقف ومسك ايدي جامد وضربني علي وشي ورماني علي الارض وقالي كل اللي اخدتيه مني هاخدوه منك يا زبالة وطلع برا الاوضة وساب الباب مفتوح لحد مانتو جيتوا.نانسي:الزبالة ناوي علي ايه ده.سلمي:ميقدرش يعمل حاجة اصلاً هما كلمتين تهديد وخلصت.نور:بس احنا بردو لازم ناخد بالنا ليعمل حاجة,ريم وهي تبكي بشدة:انا زهقت اوي عايزة اموت انا كرهته اكتر ماكونت بحبه...هو بيعمل معايا كده ليه؟!انا عملت فيه ايه اصلا؟!يارب خودني وريحني خودني عند بابا وماما من بعدهم محدش بيحبني,مريم وهي تضع رأس ريم علي صدرها قائلة:بطلي هبل بقي ايه الكلام ده كله ده واحد زبالة اصلاً ومش كلام علي فكرة انتي اللي كونتي غلطانة من الاول انك امنتيله و.....,نانسي:مريم بس مش وقته الكلام ده ....اهم حاجة تقومي تريحي دلوقتي يا ريما لحد الغدا تلاقيه هو قاعد ولا في بال اللي جابوه حاجة.وفي الحجرة المجاورة كان كريم يجلس علي السرير امام محمود وآدم وعمرينظرون لبعضهم البعض وبين الحين والأخر ينظرون لأحمد الجالس علي اريكة وفي يده سيجارة والغضب يملئ عينيه كل دقيقتين يلفُظ باسوء الالفاظ ملقباً ريم بها حتي خرج آدم عن صمته قائلاً:ماكفاية يا بني بقي كده ميصحش دي بنت بردو وعيب تتكلم عنها كده وهي معملتش حاجة انت اللي عملت فيها وغلطت في حقها بصراحة,احمد وهو يتجاهل النظر لآدم قائلاً:آدم لو سمحت ماتدخلش سيبني دلوقتي خاااالص لحد مالقيلها طريقة تتربي بيها,محمود:طريقة ايه؟!! ايه الجنان ده؟!! واحدة وكنت تعرفها وفركشتوا ايه الجديد مانت عرفت مليون واحدة وسيبتهم.احمد:ايوووووه ان اللي سيبتهم مش هما اللي سابوني يا محمود دي بنت.....,كريم:بنت ايه؟قولنا كفايه بقي اهدي شوية وطنش,ارتاح الجميع حتي ميعاد الغداء توجه الجميع للمطعم ماعدا ريم ظلت جالسة في الحجرة وطلبت من المطعم ان يُحضر لها الطعام في الغرفة بينما احمد توجه للمطعم لانه يعلم انها لن تذهب,جلس وسط الجميع بكل برود ولامبالاة وكأن شيئاً لم يكن.جلس الشباب علي طاولة واحدة بينما الفتيات جلست علي طاولة اخري بعيدة الي حداً ما منها,ظللن ينظرن لاحمد وبروده لم تستطيع نانسي الصمت كثيراً فسريعاً ما قالت بغضب:ده مش بني آدم... بارد وغلس وما بيحسش سايب البنت مقهورة وهو قاعد يطفح.سلمي: ع فكرة هو اصلا شكله بارد فطبيعي انه يعمل كده بيلعب بيها وبغيرها باين عليه الصياعة اصلا غير كل الشباب الباقيين محترمين.نظرت نور لسلمي مبتسمة ابتسامة خفية وهي تغمز لها فتجاهلتلها سلمي مكملة حديثها قائلة:علشان كده لازم نطلع ريم من اللي هي فيه ده لازم تواجه الحقيقة وبعدين هي قالت انها كرهته ده في مصلحتها انه مش هيجي في بالها اساساً.مريم:بس هو قال انه هياخد منها كل اللي اداهولها فهي اكيد خايفة من اللي هيعمله وهو اصلاً زبالة ممكن نتوقع منه اي حاجة انا شخصياً خايفة يعملنا حاجة.نانسي:حيلك حيلك احمد مين ده اللي يعمل حاجة انتي ناسية ولا ايه يوم ما هزءتوه ومن يومها وهو ارنب معانا.. لكن ريم هي اللي هبلة خلتوه يركب ويدلدل رجليه بس هي اكيد اللي حصل ده هيخليها تفوق صعبانة عليا بجد مالهاش حد خالص باباها ومامتها ماتو ومالهاش اخوات ولا حتي قرايب ينفعوا كان هو املها الوحيد.نور:الحمدلله انه بان علي حقيقته قدامها بدري بدل ما كانت تحصل مصايب بعد كده.نهض الجميع بعد الانتهاء من تناول طعامهم واتجهوا للغرف لتبديل ملابسهم والاتجاه لسهرة ليلية في الصحراء ؛ذهبت معهم ريم وقد اظهرت علي وجهها عدم الاهتمام بما حدث بينها وبين احمد الذي كان يشتعل غضباً من تصرفها الغير متوقع فكان علي يقين انها لن تحضر ولكنها آتت وظلت تتحدث وتضحك مع الجميع بعد نصيحة صديقتها لها بانه من الضروري نسينانه كما فعل هو الأخر,التف الجميع حول شعلة من النار مع بعض انغام الموسيقي و قد ظلت بعض الفتيات السائحات ترقصن وتسارعت بعض فتيات الرحلة للرقص معهن ظلت تُلح نانسي ونور وريم علي سلمي ومريم التي كانتا تتهربان بحجة الكسوف ولكن في الاخير نهضتا ورقصتا وتجمع الشباب ايضاً واتجهوا لحلقة الرقص الكبيرة التي كانت بداخلها فتاة سائحة ترقص بجرأة شديدة ظل الشباب يدفع بعضهم البعض للرقص معها وقد انتهي الامرعلي آدم وكريم معاً كلاً منهم لم يوافق الدخول بمفرده رقصت الفتاة معهما وهي سعيدة وعلي الجانب الأخر كانت سلمي تشتعل غيرة علي آدم لا تعلم لماذا؟؟!! وهذا اغضبها أكثر وأكثر ولكن سرعان ما اضحكتها نور بقولها:البتش ايه وزة وهي تدفع بسلمي قائلة:يلا انتي كمان يا وزة خدي فرصتك وظلت سلمي تبتعد ولكن نانسي هي الأخري ظلت تدفع بمريم قائلة:يلا بقي الولا واقف اهو يلا...
**********************************************
\
نانسي هي الأخري ظلت تدفع بمريم قائلة:يلا بقي الولا واقف اهو يلا,وجدت فجأة سلمي ومريم نفسيهما في وجه بعضيهما فضحكتا وكان هذا مع انتهاء الاغنية وخروج الفتاة السائحة من الحلقة,وقفتا الفتاتان امام الشابان يبتسم كلاً منهم للأخر حتي بدأت انغام الاغنية القادمة وسريعاً ما اتجه الشابان للرقص ناحية الفتاتان واخذ آدم يرقص وهو يلتف حول سلمي التي كانت في قمة الخجل من الموقف ولكنها كانت ايضاً في قمة السعادة التي رأها هو الأخر في عينيها وكان سعيد بهذا للغاية وعلي الجانب الأخر كان كريم يرقص مع مريم التي كانت ترقص بجرأة لحداً كبير لوجود اخيها وايضاُ لجاذبية كريم الكبيرة وطريقته الخاصة في جذب اي فتاة له في وقت قليل,انتهت الرقصة علي انغام الموسيقي التي اسرعت في نهايتها مما جعل آدم يمسك بيد سلمي ويُدورها ثم ضمها اليه وانتهت الاغنية علي تصفيقات الجميع وصيحاتهم العالية باسم آدم وسلمي التي لم تشعر بمثل شعورها هذه اللحظة من قبل,شعور لم تقدر علي وصفه لصديقاتها اللاتي ظللن طوال الليل يُلححن عليها بالكلام عن هذا الشعور ولكنها فشلت في وصفه وكل ما قالته هو:احساس تحفة كأني كنت طايرة انا وهو ومحدش حوالينا ببساطة حسيت بالأمان لأول مرة في حياتي.وقد أظهرت مريم عدم الغضب مما حدث بقولها لصديقاتها بدون سمع سلمي:الموضوع ماعدتش يفرق معايا آدم وقع وهو حر,وامام الجميع ظلت تصف كريم وملامحه الجذابة التي خطفتها بسرعة ورقصه الأنيق وهدوء صوته وهو يتكلم ولكنها كانت تريد الكلام اكثر علي حد قولها فقالت بمزاح:كلمتين ونص قالي أول مرة ارقص حاسس أني هاخدك وأقع وانا ضحكت طبعاً وقولتله لا انت شاطر مش هنقع ماتخفش,ضحكت نانسي بضحكة عالية باستهزاء قائلة:أول مرة يرقص ايه يا بنتي ده باين جداً عليه انه ابن مليونير يعني كل يوم في بارتي شكل معقولة مارقصش ولا مرة!!!علي مين يا عبده, ظلت الفتيات تتحدثن وتضحكن ثم قامت كلاً منهم لتعيد ترتيب حقيبة سفرها استعداداً للرحيل عصر اليوم التالي,وفي الغرفة المجاورة كان الجميع قد نام باستثناء آدم وعمر اللذان كانا يجلسان في الشرفة يتحدثان بصوت خافت؛ ظل آدم طوال الحديث يتكلم عن اعجابه بشخصية سلمي وانه يريد اسعادها,قاطعه عمر قائلاً:هو انا ممكن اسال حاجة؟هي تقرب لنور ايه ؟ وانت فجأة عرفتها ازاي؟,آدم:مش عارف بالضبط مش عارف اي حاجة غير انها عجباني بحب اشوفها حتي من غير ماسمع صوتها ولا نتكلم سوا.عمر:يبقي بتحبها يا كبير,آدم بنظرة استهزاء:كبير؟!! انا بقول ايه من الصبح يعني هيكون كل اللي بحكيه ده وبحبها زي بنت اختي انت متخلف قوم...قوم نام يا عمر وسيبني لوحدي.ظل آدم جالس وحيد يفكر في سلمي وفي طريقة لبدء علاقة حقيقية معها حتي غلبه النعاس واتجه لسريره وغرق في نوم عميق حتي صباح اليوم التالي ,استيقظ علي صوت كريم الذي وقف فوق سريره وصاح بأعلي صوته قائلاً:قوموا يا غجر قوموا علشان تحضروا الشنط وعلشان الفطار واتجه لكل فرد منهم يضربه علي رأسه ليُقظه نهض الجميع بعد نجاح طريقة كريم في ايقاظهم وعلي النقيض في الغرفة المجاورة نهض الجميع وظلت نور غارقة في نومها لم يُقظها الا صوت نانسي تقول:بتقولي ايه محمود عمل حادثة,نهضت نور فزعة قائلة:بتقولي ايه؟ّمحمود ماله؟ اخذتها نانسي من يدها واتجهت للحمام وغسلت لها وجهها قائلة:مفيش يا بيبي كنت بصحيكي هااااا ايه رأيك عجبتك؟!,رفعت نور احد حاجبيها قائلة:لا والله انتي يا نانسي...حرام عليكي يا كلبة؛وهي تضرب نانسي علي ظهرها مُتجهتين لارتداء ملابسهن.انتهي الجميع من تناول طعام الافطار ووضعوا حقائبهم وامتعتهم في الحافلة واتجهوا لسوق المدينة للتسوق وشراء الهدايا للاصدقاء,ولكن ريم ظلت جالسة بمفردها علي شاطئ البحر ترغب في الجلوس وحيدة صامتة ولكن أحمد لم يكن يرغب في ذلك؛قجأة بينما هي جالسة مغمضة عينيها آتي أحمد بخفة ليجلس علي المقعد المجاور مقترباً منها الي حدا كبير قائلاً:وحشتيني.فزعت ريم وانتفضت من مكانها قائلة:حرام عليك يا اخي.أحمد بهدوء زائف:ايه يا حبيبتي وحشتيني قولت اجي اطمن عليكي...واشوفك لسه زعلانة من اللي حصل امبارح ولا زي العادة وحشتك,ريم وهي تنظر له باشمئزاز:وحشتك؟!وحشتك عقربة,أحمد وقد تبدل وجهه من الهدوء المزيف للغضب البالغ قائلاً:بصي بقي يا ريم انتي اللي اخترتي عداوتي واللي يعادي احمد الزيات يبقي اخرته وحشة,ريم باستهزاء:ايه هتقتلني!,أحمد:والله مش بعيد...مانتي عارفة اللي فيها مابيهمنيش ولا حتي ابويا...ولا انتي ناسية اللي حصل!!,ريم باستخفاف:لا طبعاً مش ناسية...مش ناسية انك قاتل,أحمد بتوعد:واللي يقتل مرة...يقتل الف مرة.....بوقك اذا اتفتح بكلمة من اسراي اللي معاكي مش هيكون كويس ليكي خالص يا ريم...خااااالص,نظرت ريم للجهة الأخري وهي تأخذ نفس عميق ولم ترد بكلمة واحدة,وفي طريق عودة الفتيات للفندق لتناول طعام الغداء رن هاتف مريم لتنظر في الشاشة فتجد اسم صديقتها علا لتجيب قائلة:لولوعاملة ايه؟,علا بصوتِ عالٍ متوتر:النتيجة ظهرت دلوقتي وجبتهالك.مريم بلهفة وتوتر شديديان قائلة:ايه؟! بجد!! طب جبت كام؟,نظرت نور وسلمي ونانسي وريم بلهفة لمريم المتوترة منتظرين سماع النتيجة.اجابت علا بصوتاً فَرِح:92% يا مريم مبروك.مريم بصوتاً متقتطع:بجد!! الحمدلله الله يبارك فيكي طب و...قاطعتها سلمي ونور قائلتين في نفس اللحظة:عملتي ايه؟؟.مريم بفرح:جبت 92.اسرعت سلمي باخراج هاتفها لتستعلم عن النتيجة وهي تقول بدون توقف:يارب يارب يارب,واقفة بجانبها نور التي كانت تنظر للهاتف بلهفة منتظرة لتري نتيجتها هي وسلمي,اكملت مريم حديثها مع علا قائلة:انتي عملتي ايه طيب؟ومازن عمل ايه؟,علا بحزن ممتزج بالفرح قائلة:انا جبت 91 ومازن جاب 97,مريم بنبرة حزن:مبروك يا لولو وانتي زعلانة ولا ايه هو 91 دي وحشة مش انتي كنتي عايزة تدخلي تربية وتعقدي العيال هتجبيها يا بنتي ولا انتي غيرانة من اخوكي الدحيح ده.ضحكت علا قائلة:اسكتي ده زاكر لحد ما المزاكرة طلعت من عنيه لكن صحيح قوليلي هو متخانق معاكو؟!,مريم:مش وقته هبقي احكيلك اللي....قاطعت حديثها سلمي التي صاحت قائلة:ايه ده بجد!! يارب الحمدلله.نانسي بلهفة:جبتي كام يا بنتي؟,سلمي وهي ترتعش:98...98 مش مصدقة,نور بصوت يملئه القلق:طب هاتي البتاع ده بقي اشوف خيبتي.هنأت نانسي ومريم سلمي وانهت مريم حديثها مع علا وهي تقول:الحمد لله اخيراً النتيجة ظهرت الحمدلله ياااااه,نانسي:مبروك يا بنات عقبال الهبلة اللي بقالها سنة بتطلع نتيجتها كأنها محشورة في ثقب الاوزون....بس بجد شطورة يا بت انتي وهي كده كل واحدة هتدخل الكلية اللي هي عايزاها,نور بصوت عالٍ:احيييه ايه ده؟؟!!
\
\