الفصل الثاني
*❴📖❵↵* *عشقت.هواك.tt* ♥️🌗
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*```
➖➖➖➖➖➖➖➖➖
هربت لانو الحكي الي اسمعتوا صدمني كنت مقهورة ومابعرف على شو ولا على مين ومابعرف ليش دقات قلبي قوية
بقلبي:غياث والخدامة....من ايمتى...يعني...يعني هديك المرة عنجد كان بغرفتها
بالسيارة ما اتحملت حسيت بالخذلان من كل الدنيا بسرعة اطلعت للبستان ما اقدرت أتجاوز الموقف وما اقدرت انسى ولا كلمة صفطت السيارة وقعدت بين الشجر استوعب شو الي اسمعتوا ومن ايمتى عم تصير كل هالقذارة ببيتنا بس ع الاكيد استغل غياب ماما معقول غياث وهو مسافر كان عايش هيك عيشة😣 حطيت راسي على ركبتي ولساتني تحت تأثير الصدمة
........
رجليه وصلوه للبستان شعور سيء عم يعيشو صراع جواتو بين قلبو وعقلو وبين غريزتو الي انتصرت على المبائ والحب الي بحبو لاصايل واول ما شافها بين الشجر راح لعندها وقت حست انو في حدا قريب منها رفعت راسها وتبادلوا النظرات
اصايل:ليش اجيت
رماح:مابعرف ..
قعد بجنبها نفس قعدتها
رماح: وقت الي بضيع بلاقي حالي هون
اصايل:ليش ما نمت
رماح:...
نزل راسو والندم مسيطر عليه
رماح: الواحد لو يموت اريحلو
أصايل:مافي شي مستاهل نعيش مشانو
رماح:في بس نحن لا عارفين نعيش ولا عارفين ليس متمسكين بالدنيا
اصايل:شعور سيء جواتي
رماح:يعني متلي
اصايل:صاير معك شي
رماح:انتي شو صاير معك
اصايل:اوقات الواحد لازم يضل غشيم
المعرفة والاكتشاف ما بكون منيح على طول
رماح:لازم الواحد يخلي مسافة امان بينو وبين كل العالم رغم انو مابعرف شو صاير معك
اصايل:احكيلي انت مبين مو منيح
رماح:اوقات بتيجي من كل الدنيا حتى من حالك
اصايل:...
وقت اجى جراح سكتوا لتنين
جراح:وانا أسأل ليش منور البستان
اصايل:..
رماح:..
جراح:ليش هيك منظركن
شو صاير معكن
وقفت اصايل
اصايل:حاسب لمرابعين وجيب غدا
طلعت دغري من البستان
جراح:شوفي رماح شبها المتريسة
رماح:اتركني بحالي
جراح:شبك
مد حالو على لتراب وغمض بقي بحيرة من أمرو
جراح:رماح شوفي قلبك رح يطلع من صدرك شبك ليش متوتر اخي
رماح:...
حط ايدو على عيونو وزاد القهر جوات جراح بدون ما يعرف شو السبب
رماح:اخوك مو منيح جراح بس هيك
قعد جنبو ومسحلو على شعرو
جراح:مشان التقليعة
رماح: ندمان يا الله الندم جواتي عم يحرقني
جراح:طول بالك اخي الله رح يعوضك
رماح:ما بستاهل العوض
جراح:ليش ندمان
رماح: ندمان على كل لحظة مرت بعمري ملعون هالعمر يا جراح
جراح:طيب احكيلي شبك والله قهرتني ليش نبضك هيك اخي فيك شي
رماح:انقباض قلبي من وساختي عم تفهم
جراح:طيب روق مو مستاهلة
رماح:اتركني لحالي
تركوا غصب عنو وهو متعاطف معاه بكل الاحوال ولو شو ما يكون عامل.
...........
وقت ارجعت للبيت ارجعت لاواجه غياث
اتاكدت انها مو بغرفتها ضليت واقفة قريب من باب غرفتو لحتى انفتح واول ما فتحت شذى وشافتني دغري سكرت الباب .
اسمعتوا يحكيلا
غياث:في حدا
شذى:الست اصايل برى وشافتني
ضليت بمكاني لوقت الي فتح الباب وطل الافندي
غياث: اهلين اصايل
اصايل:وبكل وقاحة عم ترحب فيني
غياث:انتي افهمتي الموضوع غلط
اصايل :انت كلك على بعضك غلط
غياث:ليش عم تغلطي
اصايل:قذارتك لهون وصلت
غياث: لشو الغلط عم قلك
اصايل:ليش متخبية جوى خجلانة مني مو خجلانة من عملتها
غياث:خلص بقى ضبي حالك بغرفتك شو مفكرة حالك رح تخوفيني
اصايل: رايحة اضب حالي بس انا مو اختك ولا حتى بقربك لغرفتي ممنوع تفوت عم تفهم
فتت للغرفة وطبشت الباب
.....
بقلبو:مو وقت هالفضيحة
فتحلها الباب
غياث:ضبي اغراضك
شذى:ليش
غياث: اعملي متل ما عم قلك لحتى تهدا هي ازا هديت
شذى:🥺انا كنت حاسة انو رح انفضح
غياث:خلص لا تزوديها عليي انا بحالي مو عرفان شو بدي ابررلها ضبي اغراضك شذى وروحي
شذى:😭
نزلت تبكي وهو فات للغرفة يستوعب كيف انكشف قدام اختو.
.........
:
الحلقة السابعة والخمسون
بقلمي: مايا الحجازي
بالبيت وبعد ما انصرفت مهجة
اتزكر وقاحتها حتى بعد ما كانت مع رماح
جمال:شو وقحة لك مهجة لنشوف الابداع الي صار
فتح على المقاطع المصورة من خلال الكاميرا الي بالغرفة وابتسم بخباثة من اول الفيديو
بعد المشاهدة
جمال:ياترى شو ردة فعلو ازا عرف انو موثق الي صار😂لعمى شو ندل لك جمال كيف سمحت لحالك تصور رفيقك اي بس اتاريه مو سهل بنوب وهي صادتك مهجة وحققت مرادها
غرق بضحكتوا الخبيثة وضل يعيد بالفيديو
.........
بعد ما عتمت العين ودعوا جراح لانو البساتين مافيها حدا
جراح:بدك شي قبل امشي
رماح: بتحرق تيابي الي عند جمال
جراح:انت مجنون
رماح:بترجاك تحرقهن الشنتة متل ما هي ولع فيها
جراح:طيب انا ازا صحلي برجعلك
رماح:روح نام شو بدك فيني
جراح:اترك الشغل
رماح:لك وين بدي اروح اصلا اجت الشغلة لصالحي
جراح:دير بالك على حالك
رماح:امانة لا تنسى
جراح:لشو تحرقهن خلص اعطيني هني
رماح:لاااا بدك تحرقهن
جراح: خلص روق لا تعصب
تركوا ورجع للبيت صفط عند بيت اهلو وراح لبيت جمال وبعد دقات متتالية فتحلو
جراح:شحالك جمول
جمال:قهلا قهلا
جراح:هات تياب رماح
جمال:لك هاد متل عقل النعامة يعني كل شوي برأي
جراح:مابعرف هو كان عندك صح
جمال:تركتوا بالبيت ورحت لعند علي
جراح:جيب الشنتة خلصني لانو بدي ارميها بالزبالة
جمال:😂
لحتى يجاكر رماح حط الشرشف الي فرشو على التخت مع لتياب لم تيابو الي كانو بالارض كمان وسكرها واعطاها ل جراح
اخدها منو ورجع للبيت لحشها عند الباب اول ما فتحتلو اخلاص ودغري للحمام اتحمم ودق الباب على ابوه
بقلبو:مراهق ليحبس حالو معها ليل مع نهار
وقت فتحلو عدل وقفتو
جراح:بدي احكي معك
ابو رماح:شو الموضوع
جراح:برى منحكي
سبقو لبرى منظر رماح ما عم يطلع من راسو
قعد بجنبو ابوه وابتسملو
ابو رماح:مبين عم تتعب
جراح:بس انا عم ارتاح باخر لنهار
ابو رماح:بدك تتواسطلو
جراح:خليه يرجع للبيت برحمة الغوالي رح نصير حكايا بالحارة
ابو رماح:خلص خليه يرجع بكرى
جراح:هو مو صغير ليتقلع انا اليوم شفتو ضعيف...كان مو رماح اخي الي عم تعملو فيه حرام
ابو رماح: كرمالك بس
جراح:ليش مو معتبرو ابنك
ابو رماح:ابني وبيتطلع فيني باستحقار
جراح:بدك تحاسبو على نظراتو هو هيك من يوم يومو
ابو رماح: خليه يرجع بكرى .
جراح:تاني مرة بدك تقلعو قلعنا كلنا منساند بعض
ابو رماح:كلكن بكفة وهو بكفة هي مو شنتة تيابو
جراح:اي شايفلك لفت العالم
ابو رماح:كيف شغلو وعم يقبض
جراح: بطل الشغل من زمان
ابو رماح:فوت ارتاح
بقلبو:ارتاح وهداك مرمي بالبساتين بالفلا
فات ل غرفتهن واتمدد ب تعب
اتصل ب رماح ودغري رد عليه
جراح:بكرى بترجع للبيت منيح
رماح:شو عم يلعب فيني لعب
جراح:خلص رماح لا تكبرها
رماح: أكبرها؟؟انا اللتعن سلافي وبتقلي أكبرها
اخي مليت انقلع ارجع شو انا ابن يومين مليييت جراح مليت كتير
جراح:مو حلوة تضل برى البيت اقل مافيها بتريح بدك تضل من مكان لمكان
رماح:ليك انا أتعبت من هالسيرة بكرى بشوفك
كان متنعم بالراحة بس نفسيتو مو مرتاحة لانو بيعرف اخوه ما رح يرتاح
جراح:الله يحميه ويحنن بابا عليه
.......
وقت وصل غياث لعندو ضل بمكانو ما حرك ساكن
غياث:انا قلت مو هون
رماح:هون وين بدي اروح
غياث:...
قعد مهموم غياث اضرب منو
اتنفسو سوى
رماح:ليش اجيت
غياث:في احلى من الهواء الطلق
رماح:اي الموت
غياث: احسن انت مكتئب
رماح:انوو مكتئب قول محترق ملتعن
غياث:شو صاير معك يا زلمة
رماح:ولا مرة فكرت يصير فيني هيك...من بعد امي اتشردت
غياث:بهالعمر ولوو
رماح:اي بهالعمر واتخيل حتى بهالعمر تعب لسنين انسرق مني
غياث:مين سرقو
رماح:مابعرف ... وكمان مافيني اتهم حدا يمكن يكون اقرب الناس الي بس وين الدليل انو اخدهن
غياث:كتار يعني
رماح:يمكن المبلغ بالنسبة الك سخيف بس بالنسبة الي تعب كنت كل اخر شهر اصمدهن وفجأة فقدتهن ما لقيتهن
غياث:طيب اسأل
رماح:مين أسأل خلص راحو
غياث:طول بالك مبارح ما كنت هيك ايمتى صارت السرقة
رماح: مابعرف بس انا مو منيح
غياث:مبين عليك خود روق ماحدا بينفعك بالنهاية
بقلبو:ياريت اموت مع انو ما اتهنيت بحياتي بس كان عندي امل يتغير وضعي يوم الك ويوم عليك على هالمبدأ ماشي بس كل الايام عليي واليوم الي معي طول ... كتير طول وكأنو بلشت افقد شغفي بالحياة .
............
كنت بغرفتي وسامعة صوت ماما وموفق
اتنفست ب تعب والله مو مستوعبة الي صار
فاتت ماما لعندي
ماما:اصايل وين شذى
اصايل: اسألي ابنك مو هو جابها
ماما:اي مو هون
اصايل: مابعرف
ماما:شبكي انتي
اصايل: منيحة شبني
ماما: اتعشيتي
اصايل:مالي نفس لشي
ماما: تصبحي على خير
بعتت ل رماح رسالة
اصايل:غياث عندك
ليجي الرد دغري
رماح:اي عندي ...بس ليش بتسألي
اصايل:بطمن مو اكتر
رماح:محتاجك اصايل
اصايل:بكرى بشوفك
رماح:انا كتير بحبك والله
اصايل: شو لزوم هالحكي
رماح:ماعم تفارقي بالي بعز حزني وقت اتزكرك هم وبينزاح عن قلبي
اصايل:طيب هلا انت منيح
رماح:منيح لاني بحكي معك
اصايل: بشوفك بكرى
رماح:يارب يجي بكرى
اصايل: تصبح على خير
رماح:وانتي من اهل الخير
كنت خجلانة من كلامو اووف بس شو عم يصير وكيف كانت حياتي من قبل اتعرف عليه وشو عم يصير معو وانا متلك محتاجة الك وبس كل همومي بتتقلص وقت تكون جنبي
.....
الحلقة الثامنة والخمسون
بقلمي: مايا الحجازي
تاني يوم وصل جراح وشاف غياث منسدح ونايم نومة عميقة واخوه على اضرب
ابتسم وقت خطرلو يعمل فيهن دك مرتب
اشر لمراد واجى لعندو
سحب الروسية والموبايلات الي مرميين على الارض وخبوهن
حكو سوى:لساتكن نايمين
اتجلس غياث بس رماح زبط نومتو
جراح:رماح انتو حدا سارقكن
غياث:نمنا وجه الصبح يا زلمة لك وين موبايلي
جراح: قوم لك رماح
اتجلس وهو يستوعب
رماح:لك شوفي
غياث:ع اساس مابدك تنام
رماح:غلبني النوم وين موبايلي
جراح: هاد الي هامكن لسلاح وينو
فز دغري من مكانو وقت شاف طرف الروسية تحت جاكيتو مسكو
رماح:هرو ركبي من الخوف
غياث: هات موبايلي يخرب بيتكن
جراح: انت بموبايلك بشتري المشروع سامحنا معلم
غياث:هاتو ما بسامح ابي فيه
مراد: بيقولوا صاحب المال شقيان وهون لمعلم عم يثبتلنا
جراح:خود مفتاح السيارة وصلو بعض
رماح:انا بقيان هون
غياث:هات برجعها بدك تمشي رماح
رماح:لا روح
راح ومراد رجع لشغلو
جراح:لا تكبرها رماح
رماح: برجع معك المسا انا هلكان ومنطفي
جراح:نام بالاستراحة اريحلك
رماح:وهو هيك
اخد جاكيتو وراح وجراح لساتو زعلان عليه
ورماح نام دغري ميت من النعس
.........
كنت متل لولاد لصغار مجهزة تيابي لجداد بكل الاحوال رماح حاببني يعني شايفني حلوة
معقول لك اصايل شب متل رماح يعجب فيكي
اتزكرت بطفولتي كيف كلها تحكي لامي اني بشعة وانو ما بشبه البنات وانو غياث احلى مني وهو الشب لدرجة اعتزلت كل الدنيا وحتى بالمدرسة كنت من الطالبات الي الانسات تحط حطاتها مني وعطول يميزن بين الطالبات المجتهدات اي ماكانن بس شاطرات وحلوين وملامحهن بتجنن ولا وقت بلشت اكبر واتحسر على حالي كل رفقاتي لبس ومكياج وانوثة الا انا اوووف اصايل انسي الماضي انسيه
كنت مترددة بس جهزت حالي اللبست بنطلون جينز غامق وبلوزة رماديه وجاكيت نصي بلون البنطلون ربطت شعري وحطيت الطاقية على راسي واخدت لوازم الطلعة الدخان وموبايلي والمصاري وانزلت لتحت شوفة وضاح هزت بدني
اصايل:مسالخير
ردو كلهن
اصايل:في بيتنا ضيوف
وضاح: عقبالك بكرى مسافر اجيت اودع عمي
اصايل:ايه تروح وترجع بسلامة بدك شي ماما
ماما: بهيك وقت رايحة
اصايل:اي لازم اشيك ع الوضع غياث وين
ماما:بسابع نومة مع انو اتعودت على شذى
اصايل: احكي مع غياث هو دبرها
دغري وقف وضاح
موفق:وين بكير
وضاح:شفتك بخير
ماما:مشان العشى ارجعي بكير
اصايل:منيح خبرتيني ميتة من جوعي
ماما:لكن لا تتأخري
اصايل:واصلة راجعة
اطلعت لبرى واستغربت ناطرني ابو صلعة بلعت الضحكة بس اتزكرت حكيات رماح عنو
وضاح:شو كيف الامور بالبستان
اصايل:ماشي الحال
وضاح:دبرتي نواطير
اصايل:وانت شو عرفك انو عم دور على نواطير
وضاح:من ..من عمي
اصايل:...
فوتني بالحيط بس متأكدة موفق مو دريان معقول غياث حكالو ولا شو القصة
وضاح: بخاطرك
اطلعت دغري للبستان وشايلة هم شوفة رماح كتير
.........
كان ناطر جراح الي راح يجيب غدا كان ميت من جوعوا
بوصلة اصايل عرضت ابتسامتوا اول ما نزلت من السيارة اتمايز لبسها ومشيتها وانو لابسة شبه نص كم زنودها مبينين وقرب منها ليسلم عليها بس فشلتو وحطت ايديها بجياب البنطلون
رماح:هيك السلام صار
اصايل:معك انت اي....نمت؟
رماح: شو بهمك انتي
اصايل: مشان سهرة اليوم
رماح:ليش بدك تسهري معي
ابتسمت بسخرية
اصايل: متأكد من كلامك
رماح:خدينا بحلمك بمزح غياث شكى مني يعني
اصايل: ما شفتو ليشكي
رماح:بس علق لا تخبي
اصايل:اي قال بتحكي كتير
رماح:اتاريه بيفهم😉
اصايل:شو قصدك
رماح:مافكرتو هيك وبدك الصراحة الحكي معو مكسب
اصايل:وهو شايف انو الحكي معك مكسب
رماح:اسأليه
اصايل:وين المتريس
رماح:راح يجيب الغدا
اصايل:ما جاوبتني نمت؟
رماح:يعني كل ما اغفى حدا يزعجني
اصايل:ليش نمت هون
رماح:قلتلك محتاجك بس انتي تجاهلتيني عينك عينك
اصايل:احكي شوفي عندك
رماح:هون بدك نحكي
بجية جراح استغل انها عم تطلع ب جراح وبقي يتأمل كلشي فيها ومعجب بكل التفاصيل
جراح:حماتك بتحبك والله
اصايل: حاسب حسابي
جراح: ولو مو حاسب رماح مابدو
رماح:هاا كيف زبطت معك هي
جراح:😂
اصايل:عم تتخانقوا ع الاكل
رماح:مستعد ما اتغدا بس مو يقرر عني
غرقت بضحتها وجراح أخدها على جنب
بقلبو:الله لا يوفقك عاملني مسخرة قدامها
رماح: شو حكالك
اصايل:😂لا مو عليك وانت صغير
ضرب جبينو من عمايل جراح
جراح: يلا حولو ع الغدا
اصايل:انا هات حصتي وحصة رماح بدنا نتغدا تحت الشجر
جراح:خلص بلالكن هالاكل
اصايل:ريحة الاكل بتدوخ هات لقلك
وقت اطلع فيه جراح اتحلفلو
جراح:منمزح ولوو.
اصايل: شايفك رماح ليش عم تتحلفلو
جراح:مو متل لولاد لصغار تتخانقوا على الاكل ها
طبعا هي غرقت بضحتها على وقفة رماح ونظراتو لاخوه
سحبتو من ايدو ومشي غصب عنو وراها وقعدو تحت فيّ الشجر
اصايل:ما حكالي شي عنك خبرني انو جايب سندويش اكتر من عدد العمال
رماح:لا بقى تاخدي وتعطي معو
اصايل:ليش بقى هو اخوك
رماح:لانو اخي وانتي عاجبك حكيو
اصايل:جراح من عالم تاني مو متلك يا نكدي
رماح: ....
جابلهن مراد الشاي وبلشو بالاكل وعلى ضحكات اصايل نفسو مفتوحة على الاكل لدرجة
.......
كنت مبسوطة كتير الاكل بهيك وقت ومع رماح الو نكهة غير شكل بعد ما خلصنا ارتكيت على جذع الشجرة
اصايل:الجوع كافر
ضيفني سيكارة
اصايل:دغري ع الدخان
رماح: متعود هيك
اصايل:اي هات ما عندك
رماح:خجلان احكيلك
اصايل:شو القصة ولوو
رماح:انا مقلع من بيت اهلي
اصايل:ليش؟..اكيد في سبب
رماح:سبب شووو بلا عليكي سارقهن مثلا
اصايل:لا بقصد من دون سبب مستحيل اكيد صاير شي
رماح:قبل بيوم دهنت البيت ومافي اي شي ليلتها نمت بالبستان وتاني يوم رحت لارتاح وبابا قلعني اول ما فتت بالاول حكالي انت واخوك بس بابا خبر جراح التقليعة بس الي
اصايل:مابعرف...بس مافي دخان بلا نار
رماح:يعني انتي متأكدة انو اخلاقي زفت مو
اصايل:لا ابدا يمكن غلطان مع مرتو يعني مسمعها حكي او
رماح:الله وكيلك ما صار هيك شي اتحايدتها من هداك اليوم
اصايل:بكون لساتوو متدايق منك
رماح:انتي بتشوفيني انسان سيء
اصايل:وقت اخدت واعطيت معك اكتشفت فيك جانب مو مبين على ملامحك اول انطباع اخدتو عنك انك عصبي وشايف حالك بس بعدين بلشت اكتشف فيك شغلات كتييرة لا تزعل مني رماح انا اول مرة زرتك فيها نظراتك ونفسيتك مع اخواتك خلتني استغرب منك وقلت بحالي الله يعينهن عليك
رماح:هيك طبعي حاولت ما اقدرت
اصايل:طيب ليكك معي بتضحك وبتمزح يعني فرق كبير بين معاملتك معي ومع اهلك
رماح: لانك مو حدا عادي بحياتي قلتلك بحس وقت اكون معك كأني مع حالي كتير عفوية انتي
اصايل:اخواتك مو هيك
رماح:خلينا متفقين انتي مو متل البقية انا معك بنفصل عن الواقع كلو
اصايل:بس هيك بدك تحكيلي
رماح:....
حسيتو ما ارتاح ابدا وكأنو زاد همو
رماح:بس
اصايل:رح يراجع حالو ابوك ويرجعك
رماح:هي مو اول تقليعة
اصايل:ما بحقلو يعني
رماح:كتير بحمد ربي انو ما اتجوزت تخيلي يكون عندي عيلة ويقلعني ويقلعهن
اصايل:وقت تتجوز رح يغير كل معاملتو معك
رماح:بخيالي ما بتزبط
اتفاجئت اول ما شفت شذى جاية لعندي وحتى رماح استغرب
رماح: مين هي
اصايل:هي...الي بتشتغل عنا
رحت لشوف شو بدها كانت واقفة متل الي عاملة جريمة
شذى:كيفك ست اصايل
اصايل:شو جابك لهون انتي
وقت سالو دموعها دايقتني حسيت انو غياث ضاحك عليها
شذى: خجلانة منك والله
اصايل:طيب ليش عم تبكي
شذى:انا والله ما اغلطت ...السيد غياث هو الي هيك بدو
اصايل:وانتي
شذى:لا والله انا مو متل ما بتفكري بس هو ضل يقنع فيني لدجة حكالي بدي نكتب كتابنا
اصايل:وسدءتيه
شذى:ياريتني تركت الشغل قبل ما اخبص معو
اصايل:طيب ليش جاية لعندي انا ماني امو ولا حتى مسؤولة عنو
شذى: انا مابدي تفكريني رخيصة وبس
اصايل:لهيك تركتي الشغل
شذى: هو قلعني
انصدمت وما اتوقعت
اصايل: عنجد بتحكي
شذى:مابدي ارجع للشغل بس اجيت لحتى تعرفي اني مو متل ما بتفكري
اصايل:وما حكى معك
شذى: اتصلت فيه كتير بس بعدها صار يعطيني مشغول الخط
اصايل:...
شذى:انتي سدءتيني
اصايل:بس انا مافيني اعملك شي
شذى:المهم انك تسدءيني
اصايل:وهلا وين بدك تروحي
شذى:بدي اشوف شغل جديد
اصايل:طيب ليش عم تبكي
شذى:لازم احكي معك بس كأنك مو مسدءيتني
اصايل:طيب اسبقيني للاستراحة
ارجعت لعند رماح
اصايل:اسفة بس بدي اشوف شوفي عندا
رماح: ولا يهمك
الحقتها لشوف شو القصة
لساتها عم تبكي
اصايل:بالاول روقي واحكيلي ليش عم تبكي
شذى:ما اتوقعت يقلعني
اصايل:شو اتوقعتي يكون بحبك
شذى: متأكدة ما حبني بس...بس كتير اتعلقت فيه وحبيتوا
اصايل:هو وعدك بشي
شذى:اي حكالي رح نكتب كتابنا بس عندو شوية مشاكل وهو عم يمر بظروف صعبة وانو بدو اضل جنبو واخفف عنو
اصايل:بس انتي مو صغيرة وهي الوعود ع الاكيد بتكون فالصو
شذى:كتير واعية كنت بس اسلوبو خلاني اتعلق فيه ما بخفيكي أسمعت عن مصايب متل هي بس ما اتوقعت أوقع بنفس هالمصيبة
اصايل:وشو بيطلع بأيدي اعملك
شذى: خليه يحكي معي لازم يسمعني
اصايل:بجرب احكي معو
شذى:صار لازم امشي
اصايل:وين بدك تروحي
شذى: لنفس المكتب
اصايل:هاتي رقمك وانا بحكي معك
كنت مقهورة عليها لدرجة ومقهورة من غياث كتير
.........
الحلقة التاسعة والخمسون
المسا جهز مكان السهرة لساتها اصايل بالبستان وهو مرتاح نفسياً لانها سمعتوا
بقلبو:احكيلك شو خبصت...لا رماح مو ضروري تنشر وساختك الله لا يوفقك يا جمال
كان حاسب حساب غياث يجي يسهر معو
بجية جراح جاهز ليرجع
جراح:شو عم تفرش للسهرة
رماح:عندك مانع
جراح:ع حساب ترجع معي
رماح:الدنيا عتمت بلش دوامي
جراح:احتمال اجي اسهر
رماح:نام اخي انت تعبان
جراح:بالمناسبة
كان عم يتفقد حواليه ترك من ايدو رماح واهتم
جراح:اليوم كنتوا بتجننو سوى
رماح بأبتسامة:بلا جد
جراح:غرت عليها مني
رماح:مابعرف بس ادايقت من قربك منها اي هي متريسة بس ما عجبني الوضع
جراح:هههه يلا لكن لروح شوف المتريسة😉
ما غاب إلا وجاية اصايل لعندو والا يبتسملها ابتسامة خاصة
اصايل: بكير ع الدوام
رماح:ماحدا طايقني
اصايل:😂لك ما قلعتك انا مشان لا تمل
رماح:هلأ بييجي وكالة نيوز😉
اصايل:😂بسيطة عم تتمسخر على اخي
رماح:شاكك يكون مصاحب داية
اصايل:ليش بقى
رماح:بيرغي كتير
اصايل:😂 حسابك بعدين
رماح: دخيل هالضحكة
اصايل: بشوفك بكرى
رماح: عطول اهربي
طنشتوا وراحت رجع يفكر بمصايبو.
.........
بشقة جمال كان واقف قبال لمرايا وعم يتغزل بجمالو
جمال:دخيل هالشبوبية لا تحط ببالك هي ال...مهجة بلا نظر دخيل هالدقن كمان
خلص علبة البافان على حالو وطلع من البيت وللبستان مشتاق ل رماح وحابب يشوفوا
وصل وعند البير سمع صوت حكي واستغرب كان غياث
جمال:مسالخير
طبعا مارد رماح بس رماه نظرات حادة
غياث:مسالنور
جمال:كيف اللوز
رماح:ب....
جمال:طول بالك ليكك بتجنن...كيفك سيد غياث
غياث:تمام انت كمان ناطور
جمال:قول زير النساء شو هي ناطور
غياث بأستهزاء:انت زير النساء
رماح: مسيح رجلين بيعجبك
جمال:دخيل اللوز الحردان
غياث:شكلو رماح مو طايقك
جمال:فوق ما اعطيتك شرشف جديد
غياث بدون ما بعرف الموضوع فرط من الضحك
رماح:انت مو ناوي ع الخير
غياث:وحلوو الشرشف
جمال:عرايسي😂😂
رماح:بدك تخرس ولا اقوم اشرشفك
اطلقوا ضحكة وحدة ورماح لساتو معصب
غياث:شو قصة الشرشف
جمال:هو مفرش مو شرشف كيف كانت النومة عليه
لساتو عم يكركر ضحك
رماح:مو طايقك جمال ليش اجيت
جمال:اشتقت....شكلو زابطة الامور
واشر على غياث
غياث:بدك ازبطك
جمال:حواليك نسوان حلوين
غياث:شو بتحكي انت نسوان ما نسوان عيب
وغمز رماح لهيك ابتسملو
غياث:احكيلك كلمة رماح
رماح:شريف مكة شخصياً معك
جمال:اه عليي هالحكي
غياث:انت حواليك نسوان
جمال: أسأل رماح😉
رماح: اسمعني بطلع بروحك لا تستفزني
غياث:بتخبي عليي لك رماح صرلي يومين معو ما جابلي سيرة النسوان
جمال:احييي 😂
رماح:اسمع لو شو ما حكيت انت بتعرف كيف صار
جمال:ليش صار 😂
رماح: لعمى ضربك ما ابرد دمك
جمال:يا مهجة الفؤاد خفي على ابو الشباب
غياث:يا فهموني شو السيرة يا سكرو ع الموضوع
جمال: شو رماح نسكر
رماح: اي سكر تمك ع الاخير
غياث:انت احكيلنا عن النسوان شكلك خبرة
جمال:وانت بتعجبهن
غياث:لمين ...لاخواتك مثلاً
جمال:لشو الغلط
غياث:ما اعرفت مين بدي اعجب😉
جمال:حتى لو ما عندي اخوات خلص بعتبرها مسبة بقصد عن الصبايا الي بسهر معهن
(حكى لانو واثق من انو غياث نسونجي)
غياث:وين بتسهر
جمال:بشقة بحارتنا بس على كيفك الاجواء أسأل رماح
غياث:حلوين صحيح ؟
رماح:انت سايق معو بالسيرة
غياث:مبين في شي شرشف ونسوان وانت معصب ماسك عليك شي ولا مصورك
رماح:هاد الي كان ناقص
غياث:انت احكيلي مبين رماح مابدو يحكي
جمال:😉شو رماح احكي
رماح:ياريتو ابوك ليلتها نام برى البيت ولا حبلت امك فيك
جمال:مقهووور
غياث: اي احكيلي انت او روح من خلقتي
جمال:اي انا بسهر بس رماح اشرف من انو يسهر هالسهرات مع انو مرغوب هنيك بس يشوفنو طل بسوحن
غياث:وفري مع النسوان
جمال:وشو عرفني قدامي شريف
غياث: وبعيدة الشقة
جمال:لا قريبة لحشة حجر
غياث:خلص النا موعد
جمال:اي هيك هي الناس الي بتفهم مو بدو جاها لحتى يتلحلح بعمرك اسمعت شب ما بحب هالشغلات
غياث:اي بس بكون من تحت لتحت
جمال: ياعيني عليك جواهر عم تحكي
نفخ كل نفسو
رماح:الله لا كان جابك.
..........
كان غياث عم يتزكر بالبيت شو صار
وقت دفشت الباب عليه ونقزتو كان جاهز ليروح للبستان
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖