الفصل الثالث والأخير
*
*❴📖❵↵* *القلب.السابع.tt* 💙🖇️
*❴🔢❵☟الـــبـــــــــــ❴3️⃣والاخير❵ــــــــــــارت☟*
➖➖➖➖➖➖➖➖➖
*
➖➖➖➖➖➖➖➖➖
#القلب_السابع_(انتهت)
الجزء الثامن.............
يوسف. انتي متأكدة!!
جنات. اي متأكدة احكي ليش؟!!
يوسف. قبل ما أعرفك سمعت عنك كتير انو بتحكي مع شباب وممضيتيها من واحد لواحد
(بصوت متقع) جنات. شششو ممين قلك هالحكي
(ببرود) يوسف. كل الجامعة بتعرف هالحكي مفكرة حالك شاطرة لما تضحكي عالشباب وتعلقيهون فيكي
جنات. يعني الي بفهمو انت ما حبيتني
يوسف. هههههههه شو شايفتيني مجنون لحتى حبك بعد كل هالحكي كنت عم بتسلا مو اكتر
(حبست دموعها بغضب) جنات. وليش ما كملت تسلايتك؟؟
(تطلع فيها بعدم أكتراث) يوسف. لانك بنت عمي ما بحب أأذي الي ألي
(ببرود)يالله انبلش سباق
(زورتو)جنات. لاء ما بدي
يوسف. يعني زعلتي؟!!
قلتلك ماني حابب أجرحك بس أنتي اصريتي تعرفي ليش تركتك
جنات. لاء ما زعلت بس ما الي نفس روح لاقي حدا تاني
يوسف. قولي خايفة من الخسارة
(نزلت عن فرسها وجرتو عالأسطبل) جنات. افهمها متل ما بدك انا رايحة
يوسف. اوف ياه تسطفلي
تركتو وراحت لمحل مو متجمعين الكل وقعدت عالحرف الي تحت العريشة
جنات. مرحبا
ابو نهاد. اهلين بنتي
حست حالا اختنقت من هالكلمة هههه قال بنتي حاولت تكتم غضبها بأبتسامة مسطنعة
جنات. كيفك عمو
ابو نهاد. هلق صرت أحسن
ام نهاد. ما بتعرفي يا جوجو شو مبسوط عمك لخطبتكون انتي ويوسف فرحان اكتر من يوسف نفسو
(بأبتسامة) جنات. شكراً
(أجى يوسف رتب خصل شعرو بأيديه وقعد جنب جنات عالحرف)
أزهار. احم احم مافي مكان فاضي غير هون
(قرب من جنات اكتر ليجاكر اختو قربها منو ومسك ايدها) يوسف. حسد ولا ديقة عين وهي جكارة فيكي
رامي. احم نحنا هون احترم اني اخوها
يوسف. ما دخلكون انت وياها خطيبتي وانا حر فيها
انصدمت اول ما قرب عليها كانت عم تتغلغل فيها ريحة عطرو حمر وجها وقلبا صار يدق بسرعة بلعت ريقها كانت عم تحكي بكلمات مقطعة وصوت واطي
جنات. يوسف بعد عني شبك مين عطاك الصلاحية لتقرب مني
(بصوت واطي) يوسف. هههه لا تفضحينا
جنات. عم قلك بعد عني
يوسف. وادا ما بعدت شو بتعملي
جنات. انا بفرجيك يا يوسف رح بتشوف
رامي. شو عم تتوشوشو انت وياها
جنات. يوسف..يوسف صرصور صرصور على أيدك
يوسف. شوووووو
(تركها وصار ينط ) يوسف. وينوووو
جنات.ما بعرف يمكن صار عالأرض
(بصوت واطي). يا ربي جاي عبالي اضحك ما عم اتحمل منظرك عم بمزح معك
(زورها وقعد بعيد عنها) يوسف. هيك لكن ماشي يا جنات
.............................................
كانت بغرفتها بالمزرعة عم تفكر كيف بدا تنتقم من الكل بس بالأول لازم تكسب ثقتهون وبعدين تبلش بتنفيذ خطتها كانت عم تطلع عليهون من الشباك كيف عم يضحكو وتوعدتلون تهجرهون هالضحكة عن قريب
سكرت شباك غرفتها مشان يختفي صوت ضحكهون عن سمعها كانت عم تخطط لشي كبير كتير
مسكت موبايلا ودقت لأسماء
جنات. الو مرحبا أسماء
أسماء. اهلين يا خانوم
جنات. أسماء بدي اطلب منك طلب بس هالمرة غير كل مرة
أسماء. طلب شو؟!
جنات. بتتذكري يوسف الي طلع ابن عمي
أسماء. اي بتذكرو بسس
(قاطعتها) جنات. كمان المبلغ رح يكون غير كل مرة
أسماء. انا تحت أمرك
جنات. سمعيني للاخر واحفظي الي رح قلك ياه كتير منيح..........
أسماء. خايفة كتير ما توقعت هيك فكرت معلومات عنو او شي تاني
جنات. مافي داعي للخوف ادا بدك تكسبي لازم تشتغلي معي
أسماء. متل ما بدك
جنات. يالله اسماء بحكي معك بعدين بخاف حدا يسمعني
أسماء. ماشي يا خانوم سلام
جنات. سلام
سكرت موبايلا زبطت شعرا وتطلعت بمرايتها نظرة حقد
جنات. متل ما خسرتوني امي 15 سنة رح خسركون ابنكون العمر كلو
طلعت من غرفتها بقوة ونزلت عالصالون
جنات. شو عم تعملو
ام نهاد. عم نجهز الغدا
جنات. ساعدكون بشي؟
ام نهاد. اي طلعي نادي ليوسف هو بغرفتو يمكن نايم
(صفنت شوي) جنات. اي يالله ماشي
ام نهاد. بتعرفي وين غرفتو مو هيك اول وحدة بالطابق التاني عاليمين
جنات. اي اي بعرف
طلعت من المطبخ متلبكة كيف بدا تطلع عغرفتو بس حمدت ربا انو قالتلا وين دقت الباب ودخلت
جنات. يوسف ..يوسف انت هون !!
تطلعت عتختو ما لقتو نايم مسكت الصورة الي جمب التحت
جنات. حدا بيحط هيك صورة جمب التخت
طلع من الحمام لقاها بغرفتو وماسكة صورتو
يوسف. بسسسس
جنات. يا امي تضرب نقزتني
(اخد الصورة منها) يوسف. بعرف كتير حلو
جنات. واثق من حالك
يوسف. طبعاً لكن ليش عم تتطلعي عليي
جنات. هههههه كنت عم قول بيني وبين حالي ما بتصحى بالليل مرعوب من هالصورة؟!
يوسف. ههههه شو حاطط صورتك لاصحى مرعوب!
(لوت تما) جنات. ما جاي لأتخانق معك امك قالتلي ناديلك لتتغدا
يوسف. حبيبتي قولي انك اشتقتيلي وجيتي لتشوفيني ما فيها شي
جنات. لا حول ولا قوة الا بالله
اجت لتتركو وتطلع مسكها من معصم ايدها قرب منها كتير طبع بوسة عخدها
حطت ايدا عخدا وبصوت متقطع
جنات. ششو عملت
يوسف. من بوسة خليتك تدوخي تأكدي انو فيني خليكي تجني ازا بدي(غمزها). رح الحقك بس لا تطولي كتير وانتي حاطة ايدك عخدك هلق بيشتلقو عليكي
بعد ما طلع
جنات. غبي..غبي لهالدرجة مسترخصني الله ياخدك يا حقير
طلعت من غرفتو وراحت عالصالون كان الكل متجمعين عطاولة السفرة
ام نهاد. تعي بنتي تعي قعدي جمب خطيبك
جنات. يالله جاية
قعدت جمبو وحاولت تتجاهل نظرات الكل
ام نهاد. شبك بنتي ليش ما عم تاكلي
جنات. آااه لا ما فيني شي رح أكل
(ابتسمت) كتير بحب الشاكرية عفكرة
ام نهاد. تمام بتتفقي انتي ويوسف
جنات. ان شاء الله
(بعقلو) يوسف. اتصنعي القوة رح خليكي تهدسي بأسمي وانتي نايمة
بعد ما خلصو الكل أكل طلعو الشباب والصبايا وقعدو تحت عريشة العنب نبيلة كانت عم تراقبهون من بعيد وخايفة من جنات كتير لانو بتعرف انو مو بهالسهولة بتصفا وبتسامح
بعد شوي اجا لعندون ابو نهاد
ابو نهاد. مرحبا شباب
يوسف. هلا بالحجي
ابو نهاد. اي شو هالقعدة الحلوة والله مو ناقصكون غير نهاد
يوسف. الله يرجعو بالسلامة
ابو نهاد. آمين
ما بدي انزعلكون هالقعدة بس بدي جنات ورامي شوي
رامي. لا شو هالحكي أمرك عمي هلق منلحقك
بالصالون.....
ابو نهاد. اي عمي كيف وضعكون
رامي. الحمدلله بخير
ابو نهاد. انا وابوكون الله يرحمو كنا شراكة النص بالنص وهي الأوراق الي بتثبت أملاك ابوكون وطبعاً هي من حقكون رح نوكل محامي ونقسمها بيناتكون بالعدل
جنات. عمو نحنا ما بدنا شي لو بدنا كان وكلنا محامي من زمان اخدلنا كل حقنا
ابو نهاد. لاء ما بيصير انا بدي ريح ضميري حاجتني عذاب كل هالسنين
رامي. بس نحنا مسامحينك
ابو نهاد. انا ماني مسامح حالي كيف رميتكون بالميتم وكذبت عليكون بموضوع امكون
جنات. الله يوفقك لا تفتح سيرة الماضي
(قاطعها) ابو نهاد. انا صدقاً ندمت من تاني أسبوع ما كنت عم بقدر نام الليل من الندم والتفكير فيكون حتى والله العظيم كنت رح رجعكون عبيتي معززين مكرمين
جنات. هههههه وليش ما رجعتنا
ابو نهاد. مديرة الميتم قالتلي انو في عيلة تانية اتبنتكون بس ما توقعت يكونو بيت أخي لانو كان مسافر وما خبرني انو رجع بعد التدقيق عرفت انكون عندو بس ما رضي يرجعكون لعندي
(بقلبها) جنات. ما قصر
جنات. عندكون ولا عندو واحد المهم ما ضلينا بالميتم
(زورها وتابع حكيو) رامي. اي عمي هلق شو بدك منا
ابو نهاد. ما بدي منكون شي اخدت موعد من المحامي اسبوع الجاي ليفرغلكون الأملاك بأسمكون
.............................................
طلعت من الغرفة عم تبكي بهستيريا دقت الباب عغرفة يوسف ودخلت
يوسف. جنات شبك شوفي؟!!
جنات. لحقني يوسف لحقني
يوسف. لك شوفي قطعتيلي قلبي؟!!......
وفي عز انكساري لن تراني إلا شامخاً ،ولو كان جوفي يتفجر لن تسمع إلا سلام.
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء التاسع والأخيير.............
طلعت من الغرفة عم تبكي بهستيريا دقت الباب عغرفة يوسف ودخلت
يوسف. جنات شبك شوفي؟!!
جنات. لحقني يوسف لحقني
يوسف. لك شوفي قطعتيلي قلبي؟!!
كانت عم تتنشوق وعم ينزلو دموعها
يوسف. حدا صرلو شي احكي
(مسحت دموعها وهزت راسها) جنات. لاء
يوسف. لكن شو في
جنات. رح يفضحوني بكل الجامعة رح يخربو سمعتي
يوسف. لك مينن هدول احكي عالسوا
جنات. رح احكي رح أحكي بس وعدني يضل الحكي بيناتنا
يوسف. خلص بوعدك بس احكي
جنات. واحد كنت أطلع معو عم يهددني ينشر صور ومحادثات وسخة الي بكل الجامعة
(تطلع عليها بغضب ومد ايدو بأتجاها) يوسف. الهاتف خليني شوف
جنات. اتفضل
(اخد منها الهاتف وبعد ما شاف الي في حمرو عيونو) يوسف. ما توقعت توصل وساختك لهون
جنات. صدقني يوسف
(قاطعها) يوسف. هووس ما بدي اسمع منك ولا حرف
جنات. لاء بدك تسمعني
والله العظيم مو الي كلو تطبيق
(بعصبية)يوسف. وحضرتك ليه لتحكي معو
جنات. لا والله وانت شو دخلك فيني روح اسأل حالك يا ترى مع كم بنت حاكي حضرتك؟؟
ولا بس انتو الي بيحقلكون!!
يوسف. خلص بس وجعتيلي راسي شو بدك هلق؟!
جنات. هو طلب مني مبلغ كبير شوي وعأساس يحذف كل شي بس الصراحة خايفة يستغلني اكتر ما بعرف ليه ما عم صدقو
يوسف. لك انتي من كل عقلك رح ينشرهن بالجامعة هاد عم يستغلك مو اكتر
جنات. ما بعرف ما بعرف لازم نتخلص من موبايلو بأسرع وقت انا خايفة كتير ما خبرت رامي لأنو رح يعصب ومالي غيرك يساعدني بحل
يوسف. طيب طولي بالك هو ايمتى بدو المصاري؟؟
جنات. اتفقت معو يوم الخميس عالساعة 12 الضهر اعطي ياهن ويحل عني
يوسف. طيب كتير منيح انا الي رح سلمو المصاري ومنتفاهم معو عرواق
جنات. يوسف بترجاك ما بدي مشاكل خلص انا بعطي ياهن احسن ما تعمل معو مشاكل انا خبرتك لتنصحني شو اعمل
يوسف. خلص مسحي دموعك قلنالك عرواق
جنات. طيب خبرني شو رح تعمل
يوسف. ما رح احكي شي رح ساعدك بس على شرط
جنات. شرط شو؟!!
يوسف. بتتذكري الشرط الي حطيتي اول خطبتنا بأني اضحك على هديك البنت وخليها تتعلق فيني وبعدين اتركها بس لانو ما بتحبك(قاطعتو) جنات. انساه
يوسف. تمام هلق انتي عيني
جنات. طيب انا رح اوثق فيك شكراً الك كتير عنجد
يوسف. شقد المبلغ ووين المكان
جنات. ورا الجامعة بساحة الرقص والمبلغ مليون
طلعت من عند يوسف مبسوطة شالت قناع البراءة عن وشا فاتت عغرفتها لقت الدبدوب الي عطاها ياه يوسف مسكتو وصارت تهزو
جنات. نهايتك قربت يوسف...قربت كتير صار لازم نودعك
...........................................
بعد أسبوع الكل كان عم يضب غراضو ومستعدين للرجعة عبيوتن كان أسبوع حلو عالكل وانبسطو في كتير وصار وقت الرجعة عشغلون وجامعاتون
قبل ما تروح جنات عالجامعة دخلت عالمخفر كان في زيارة لأمها هالمرة رح تشوفها من دون سياج بس ما خبرت حدا حبت تروح لحالها
كانت واقفة وعم تستنا أمها لتجي متوترة كتير ودقات قلبا فوق الألف بعد شوي اجو الشرطة دخلوها عغرفة منفردة وامها كانت ناطرتا
قربت منها وضمتها وصارت تبوس راسها كانو دموعها عم يشرو ومو مصدقة انها مع امها ومافي حواجز بيناتون
يارا. طولي بالك بنتي حاج تبكي
(صارت تتلمس شعر أمها) جنات. معد اقدر يالله شقد صرلي ما ضميتك هيك
يارا. طولي بالك كل شي رح يعدي
جنات. ان شاء الله امي ان شاء الله
يارا. طمنيني كيفك شو اخبارك وليش ما جبتي اخوكي وخالتك معك
(بتوتر)جنات. حبيت احكي معك لحالنا
يارا. خير ان شاء الله بنتي في شي
جنات. اليوم رح اخدلك حقك من بيت عمي بدي انتقم منهون واحد واحد واليوم دور يوسف
(عكفت حواجبها مستغربة من حكي بنتا) يارا. حق شو عم تحكي؟!!
جنات. كيف يعني حق شو مو هنن الي حرمونا منك واوهمونا بانك متي مو هنن الي رمونا بالميتم وكانو رح يحرمونا من ورتة ابي بس ما بعرف ليش صحي ضميرهون
(حطت ايدا عتم جنات) يارا. الله يوفقك الماضي راح ولما اطلع من هون رح سكر اخر صفحة منو بدي افتح كتاب جديد فهمتي عليي بدي ياه يكون نضيف ما بدي انتقام ولا غيرو
جنات. امي الله يوفقك سمعيني
يارا. جنات بنتي حبيبتي مقدرة الي عشتي بس هاد ما بيعني انو نرجع نفتح الكتاب صفحة صفحة وننبش على مين اذانا للنتقم منو قلتلك بدي ارمي لهالكتاب
بعدين انتي الي بدك تنتقمي من يوسف مو هو الي جابكون لعندي برجليه مو هو الي دور عليكون وتعب للقاكون وهي بيت عمك ندمو
جنات. كذب امي ...كلو كذب
يارا. برضايي عليكي لا تعملي شي تندمي عليه
(هزت راسا) جنات. امرك
يارا. هي خلص وقت الزيارة وما لحقنا نحكي شي
ودعت امها وطلعت من المخفر عم تبكي بعد ساعة عالتمام رح يخطفو يوسف كانت الفكرة لحالها عم توترها وتزيد دقات قلبها
بعد ما خلصت جامعة راحت عبيتها
جنات. مرحبا ماما
نبيلة. اهلين بنتي
جنات. شبك ليه حاستك مو عبعضك
نبيلة. الصراحة مرت عمك حكت معي سألتني عن يوسف صرلو 5 ساعات ما الو اثر وهاتفو خارج التغطية
(بتوتر)جنات. طولي بالك شو يوسف صغير بيكون هاتفو مخلص شحن
نبيلة. ان شاء الله بس ما بعرف ليش ماني مطمنة
(ربتت على كتفها عم تهديها وقلبها شاعل نار من جوا) جنات. لا تخافي ماما ان شاء الله خير
نبيلة. ان شاء الله
طلعت عغرفتها خبطت الباب بقوة رمت حالها عالتخت وصارت تبكي ما عم تعرف ليش
جنات. لك ليش ليش عم تبكي؟!
مو هيك كان بدك ما كان بدك تحرقي ليش خايفة عليه لك مو انتي الي رميتي بأيدك عالموت خلصنا بقا
مسكت الدبدوب الي جبلا ياه ضمتو لقلبا بقوة وضلت عم تبكي
جنات. لك خلص حاج تصرخ حاج ما بيصير تحبو ما بيصير
صارت تتقلب بتختا وقلبها كأنو نار وعم يحرقها اول ما غفيت قامت مفزوعة عم تصرخ من كابوس شافتو
جنات. يا رب ما يكونو قتلو يا رب ما يكون صرلو شي يا رب يا رب
كانت اسماء لساتا بالأجازة دقتلا وقالتلا تحكي مع ولادا يتركو يوسف فوراً
قاعدة بتختا وعم تاكل اضفيرها من خوفها على يوسف ما توقعت تخاف عليه لهالدرجة
تذكرت ضحكتو عصبيتو تذكرت كيف كان يدايقها ويستفزها لما كان يناديلها جعفر وهي صغيرة كانت عم تتذكر كل تفصيل منو ودموعها عم يشرو باللحظة الي قتلتو فيها نزرع حبو بقلبا وقتلت قلبها معو امها ما قتلت ابوها بس هي قتلت حبيبها
...................بعد 6 أشهر...............
قامت من تختا غسلت وشها وتطلعت عملامحها الدبلانة بالمراية 6 شهور وكانت كل يوم عم تذبل اكتر من اليوم الي قبلو لحتى انطفت شمعتها بالبيت
بس اليوم لازم يتغير كل شي للأفضل لازم يكون يوم مميز لألها اولاً لانو رح تطلع امها من السجن وتانياً لانو اليوم رح تكون خطبة اخوها رامي
دقت الباب عليها ودخلت
نبيلة. كيفها بنتي اليوم
جنات. الحمدلله تمام
نبيلة. يالله جهزيلي حالك بعد ساعة رح نروح نستقبل أمك
(بأبتسامة ناعمة) جنات. يالله رح قوم
نبيلة. ماشي لا تطولي عنا الف شغلة
بعد ما نزلت نبيلة......._شو كيفها طمنيني
(لوت تما) نبيلة. مو زيادة ما عاجبني وضعها
_والله جننتني رح جن على ما اعرف شبها بس لو افهم ليش منعزلة لحالها
(سكتت شوي)نبيلة. الصراحة!!
_اي!
نبيلة. من يوم الي انخطفت هيك صار فيها
_طيب بتسمحيلي اطلع شوفها
نبيلة. بسس
_بعرف هي طلبت ما تشوفني بس عطيني فرصة
نبيلة. طيب رح اوثق فيك
طلع عالدرج ودقات قلبو عم تزيد كل ما قرب عغرفتها كان متوتر كتير صرلو زمان ما شافها صوتها بأدانو كل مالو عم يعلا
جنات. ليلى بتشكرك كتير على وقفتك معي عنجد انتي احسن انسانة مرقت عليي
ليلى. ولو نحنا رفقات وما بيهون عليي شوفك زعلانة
جنات. بس انا جرحتك كتير انتي عنجد جوهرة وبحياتي ما رح لاقي متلك
ليلى. حاج تحكي هيك لا تخليني ابكي ترا واقفة عنقرة
(سكتت شوي)جنات. كيفك اليوم؟
ليلى. هههههه كيف بدك ياني كون انا عم موت جنات حاسة روحي عم تطلع عم تنسلب مني شوي شوي
جنات. يا روحي حاسة بأحساسك يقطع الحب شو بيذل
ليلى. ههههه انتي عم تحكي هيك كل هالشي يوسف عمل فيكي
جنات. اي كل هالشي يوسف عمل فيني جنني كل يوم عم شوفو طالع من عنا عم حبو بجنون لك انا عم بعشقو كل يوم بتفرج عصورو اخخخ لك انا الي بعمري ما امنت بالحب يصير فيني هيك
ليلى. ههههه طيب ليش عم تعذبي وتعذبي حالك طولي بالك انتي عالاقل لسا عندك فرصة ترجعي
جنات. مبالك ادا عرف الي عملتو رح يحبني مبالك انو رح ياخدني بالاحضان ما بقدر ليلى تأنيب الضمير عم ياكلني فهمانة شو يعني انا السبب بخطفو وكيف لو يعرف اني قبلت الخطبة لانتقم منو ومن عيلتو لك انا عم موت كل ما بتذكر شو كنت مخططة اعمل لك ليش ما قتلتيني لما وافقت عالخطبة ليش؟؟
ليلى. ههههه ليش بوقتا كنتي عاقلة عكلن حاولي تعترفيلو بالحقيقة لترتاحي
جنات. مستحيل ما عم بقدر المحو لاعترفلو بالحقيقة هههه
ليلى. هبولة نسيتيني همي
(تغيرت ملامحها) جنات. رح تجي اليوم عالخطبة
(صارت تشهق)ليلى. مستحيل كيف بدك ياني شوف حلم حياتي مع حدا تاني!
جنات. يا ريت فيني وقف جمبك اليوم يا ريت ما اتركك ابكي يمكن ترتاحي
(بصوت مبحوح )ليلى. ولا يهمك سلميلي على خالتو نبيلة ويارا وباركيلون عني
كان واقف وعم يسمع كل شي دق الباب ودخل بحالة ذهول كانت متربعة عالتخت لابسة بجامتها ومبين الارهاق ععيونها
(بصوت مبحوح) جنات. يوسفف
يوسف. هههههه اي يوسف ليش مستغربة كأنك شفتي عفريت
جنات. أأ لا مو هيك استغربت من جيتك
يوسف. وليه لحتى تستغربي ما عم تقلك خالتك انو كل يوم بجي وبطمن عليكي
جنات. شو بدك؟!!
(لزقها بالحيط وقرب منها)يوسف. جاي لانتقم منك ومن عمايلك ولا بس انتي الي بيحقلك تنتقمي
(شمت ريحة عطرو وصارو دموعها يشرو لأول مرة بتبين ضعفها لما يقرب منها كانت مشتاقتلو كتير) جنات. انت سمعت كل شي كتير منيح انتقم مني لارتاح من تأنيب الضمير الي عم يخنقني
يوسف. لك انتي شيطانة ..شيطانة
(مسكت قميصو بتوسل) جنات. لك انا بحبك بحبك لك لو سمعت حكيي مع ليلى من اولو كان لازم تعرف اني بعشقك بجنون
يوسف. انتي قتلتيني ما حبيتيني بيوم الي عرفت في انو انتي السبب انتي الي طعنتيني بضهري بالوقت الي كنت حابب ساعدك في هو نفس اليوم الي قتلتيني في
جنات. وهو نفس اليوم الي حبيتك في صدقني
يوسف. لك حاج تقوليها حاج انتي غدرتيني مرتين بالمرة الأولى خليتيني اترك اعز رفيق عندي كرمالك ههههه ما كنت عم صدق حقيقتك لما خبرني مجد فكرتو عم يفتري عليكي كنت مجنونك
(دموعها عم ينزلو) جنات. يعني ما كنت عم تضحك علي
(شلح المحبس من ايدو) يوسف. مو حابب انزع فرحتي بيوم خطبة اختي بس هادا ما ضللو لزوم بخاطرك
بعد ما طلع صارت تبكي مو عرفانة حالها تزعل على اول حب بحياتها ولا تفرح على حبو الها مسحت دموعها وجهزت حالها لأستقبال امها
الكل لاحظ التوتر الي باين عليها بس ما حدا حب يخرب اللقاء مع يارا كانو واقفين وعم يستنوها حتى يوسف كان موجود عم يراقب الوضع بصمت لحتى طلعت وارتسمت الأبتسامة عوجوه الكل
قربو منها كلايتهون وصارو يحضنوها ويوسف لساتو عم يتفرج عليهون واكتفى بالصمت عم يراقبهون ويلاقي الفوارق بين يارا ونبيلة نسختين عن بعض وكأنون واحد الي بيختلف بس لون الشعر بس يارا مبين عليها التعب والكبر اكتر
يارا. توأمي ما بتعرفي شو اشتقتلك
نبيلة. يالله ما عم صدق عيوني لك حاسة حالي بحلم
يارا. واخيراً رح نرجع واحد انا وياكي
يوسف. الحمدلله عسلامتك
يارا. الله يسلمك صهري كيفك انت وجنات
(ارتسمت ابتسامة عوشو) يوسف. الحمدلله بخير
نبيلة. كأنو اخدتي مكاني هاد صهري انا
يارا. بالله شو عكيفك لانو
يوسف. هههه كأنو عم تتخانقو علي
نبيلة. لاء نحنا عطول منتخانق
ام نهاد. هههه رجعنا للماضي بلشت غار منكون الحمدلله عالسلامة يارا
يارا. الله يسلمك فرح عنجد اشتقتلك هههه
.......................................
كانو عم يرقصو سلو وعيونو مركزين فيها عم يجن بفستانها السماوي
جنات. ليش طلبت نرقص(ضل ساكت سحب المحبس من ايدها وسلت عالأرض سمعت طنتو عالأرض عيونها دمعو كانت عم تحس وكأنو صار انفجار بالصالة )
يوسف. معد في داعي لألو
(حبست دموعها وكتمت شهقاتها) جنات. بعرف انت ما خبرت امي بالحقيقة مشان ما تخربلنا اللقاء
يوسف. منيح انك بتعرفي
(كانت بدا تتهرب منو ومن نظراتو لحتى تطلق هالبراكين الي جواتا)جنات. معلش نوقف رقص!
يوسف. ليش بدك تتهربي مني؟
(صارو دموعها يشرو) جنات. اي بدي اهرب منك حسيت حالي عم اختنق عم تنسحب روحي لما سحبت الخاتم من ايدي ارتحت هيك
(ببرود) يوسف. لا تبكي ليش عم تتهربي من الواقع علاقة قائمة عالغش والكذب من الطبيعي انو تنتهي
(كتمت شهقاتها)جنات. يعني نحنا انتهينا قصتنا انتهت خلص!!
يوسف. مو نحنا الي انتهينا
(طالع من جيبتو علبة صغيرة فتحها وصوبها بأتجاها) علاقة الكذب هي انتهت وهلق بدي نبدا علاقة جديدة علاقة صادقة من دون اوهام ومن دون غش
(حطت ايدها ععيونها وارتسمت ضحكتها قربت منو وضمتو بقوة) جنات. لاء ما عم صدق ههههه يا ربي انا بحلم
يوسف. لاء هاد الواقع الوحيد الي عم نعيش في
(لبسها المحبس). بحبك بعشقك من لما كنت ناديلك جعفر
جنات. غلييظظ بس بموت فيك اصلاً ما عرفت طعم الحب غير معك ليك شلقت علينا العالم حتى أزهار ورامي
يوسف. مو شايفتيهون شقد مبسوطين وعم يضحكولنا
(اتطلعت عالباب شافت خيال عرفت انو ليلى ورا الباب بس ليش اجت ليش؟؟)
(تبدلت ملامحها وبان عليها الحزن)جنات. ليلى!!
يوسف. لا تزعلي مافي نهاية منصفة للكل بهالحياة
(سكت شوي وصفن بعيونها)بتعرفي شو جاي عبالي
جنات. شوو!
يوسف. جاي عبالي قرب منك اكتر جاي عبالي شم ريحة شعرك هلق لو بستك شو رح يصير؟
جنات. يا ويلك اصلاً لازم انتقم منك على الي عملتو قال ننهي علاقتنا
يوسف. خلصنا انتقام مو هيك!
(قربت منو وضمتو) جنات. ماشي بوعدك كل شي رح يتغير رح صون حبك لأخر العمر لانك القلب ونبضو
(غمزها) يوسف. شو كان رقمي
جنات. كنت السابع بس هلق الأول والسابع والأخير فهمت!
يوسف. وانتي حاج تطلعي فيني ولا بقى تلبسي هاد الفستان لانو كتير حلو عليكي فهمتي
جنات. بلشنا غيرة من هلق؟!!
..................................
جنات. حتى لو نهيتوها بس قصتنا ما انتهت بالوقت الي فكرت في اني وصلت للنهاية بديت من جديد نبيلة ويارا قاعدين عنفس الطاولة ومبين انو كانو عم يتخانقو بس بنفس الوقت مبسوطين فينا رامي وأزهار كانو طايرين من الفرحة اما عن ليلى ما انصفها القدر لا تسألوني ليش بس مافي كمال بهالكون ونحنا مافي داعي نحكي عنا.........النهاية
ولا يليق بيوسفي الجمال إلا جنات النعيم....
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖