الفصل الثاني
*❴📖❵↵* *القلب.السابع.tt* 💙🖇️
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*`
➖➖➖➖➖➖➖➖➖
#القلب_السابع_
..........
طلعت من محاضرتها مستعجلة كانت بدا تمرق لعند خالتها عالشركة عّم تمشي بخطوات سريعة وشعرا عّم يطير مع الهوا وبنفس الوقت كان يوسف متوجه لسيارته طالع سيارتو من المصف بنفس الوقت الي كانت عّم تمشي بسيارتها فجأة اصطدم فيها
حطت أيديها على عيونا وصارت تصرخ نزل من سيارتو بسرعة وتوجه لعندا فتح باب سيارتها ومسك أيدها
يوسف. انسة صرلك شي
(حست الصوت مألوف عليها شالت أيدها عن عيونها وتطلعت عليه كانت الدمعة عالقة بعينها)
جنات. هاد انت؟!
(تطلع فيها بقهر) يوسف. إنتي!
(حاول يضهر عملامحو الجدية) يوسف. بنت عمي صرلك شي فيكي شي؟
(مسحت الدمعة العالقة ععينها) جنات. انا بخير فيك تروح يااا ابن عمي ههه
(قبل ما يمشي قاطعتو) جنات. يوسف
(حس بضعف لما تطلع بعيونها الي عم يلمعو بالدموع)يوسف. شو في؟!
(تطلعت بعيونو بقوة) جنات. بدي ياك تعرف اني انا بكرهك ولو رامي سامح انا مستحيل اقدر سامحكون
يوسف. ههههههههه وانا بكرهك اكتر اكتر من ما بتتصوري بكتير لدرجة كل ما بلمحك عم بكرهك اكتر
جنات. شعور متبادل
((يوسف))
توجه لسيارتو من دون ما يعير لكلامها اي اهتمام بس من جوا كان في براكين عم تشتعل وتحرقو وتحرق روحو شوي شوي كان كل ما يقول بكرهك مرة جواتو عم يقول بحبك ألف مرة وشو صعب نصارع هالكلمتين بنفس الوقت
((جنات))
سكرت باب سيارتها حطت ايديها عالدركسيون وعيونا عم يقدحو شرار متل قلبا الي عم يحترق تماماً مشت بسيارتها وتوجهت عالشركة وطول الطريق عم تحكي حالها نفس الكلمة: ليش زعلانة ليش؟!!
نزلت من سيارتها ومشت بكبرياء لوصلت عمكتب خالتها دقت الباب ودخلت
جنات. مرحبا ماما
(رتبت الأوراق الي بأيدا وحطتون عجنب) نبيلة. هلا شو ايمتا خلصتي محاضرات
جنات. من شوي شو عاملة اليوم
نبيلة. عندي ضغط شغل كتير البضاعة قربو يصلو ولازم يكون كل شي تمام
جنات. انا عم تابع الشغل اول بأول مافي داعي تضغطي عحالك
نبيلة. بعرف بعرف بس انتي كمان عندك جامعتك وما بحبك تلتهي كتير بالشركة بكرا لما تتخرجي وعد ما بقا اشتغل شي
جنات. ههههه ماشي
(تطلعت بعيونها) نبيلة. شبك بنتي ليه حاستك مو عبعضك اليوم
(بأبتسامة عريضة) جنات. لا ماما مافي شي
عفكرة شفت يوسف اليوم كان طالع من المصف وخبط بسيارتي
نبيلة. صرلك شي؟!
جنات. لا لا تخافي ما فيني شي متل الحصان
نبيلة. الحمدلله طمنتيني بالمناسبة اليوم بيت عمك جايين يتعرفو عليكون
(تغيرت ملامحها) جنات. منيح اتذكرو
طلعت من مكتب خالتها معصبة وراحت عمكتبها صارت تلهي حالها بالشغل لحتى تنساهون وبعد ما خلصت شغلها راحت هي وخالتها عالبيت
اول ما سمعت انو بيت عما اجو طلعت بسرعة عغرفتها لحتى ما تشوف وجهون بعد شوي اندق باب غرفتها
جنات. ادخل
نبيلة. وصلو بيت عمك ما بدك تنزلي
جنات. لاء ما بدي
نبيلة. جنات ما بيصير لازم تنزلي طلبو يشوفوكي انتي ورامي
جنات. خالتي لو سمحتي ماني طايقة شوف خلقتهون انتي حاسة فيني
نبيلة. بس
(قاطعتها)جنات. لا بس ولا شي قوليلون اني مريضة تعبانة مو بالبيت ايا شي ماما بترجاكي
(بحزن) نبيلة. لا حول ولا قوة الا بالله الله يريح بالك يا بنتي
بعد ما تركتها فتحت شباك غرفتها وتنفست بعمق مستغربة من خالتها واخوها كيف قدرو يسامحوهن سمعت دقة باب غرفتها
جنات. ادخل ماما كم مرة بدي قلك خلص ما بدي انزل لاقيلون شي حجة ازا كتير مهتمة لأمرون
يوسف. ليش انتي مو مهتمة لأمرنا
(دارت وشا عالباب بأستغراب) جنات. انت؟!!
يوسف. ليش مستغربة
جنات. شو عم تعمل بغرفتي طلاع لبرا
يوسف. مو قبل ما تنزلي معي
جنات. ههههه واثق بحالك كتير طيب وادا قلتلك اني ما رح انزل شو رح تعمل
(قرب منها ومسك ايدها عم يشم ريحة عطرا وعم يتصنع القوة بصعوبة ) يوسف. مو عكيفك
(ببرود) جنات. فلت ايدي وانقلع لبرا
يوسف. ادا ما نزلتي لحالك رح شيلك
جنات. لك الله ياخدكون شو بدكون مني
يوسف. شو بتنزلي
(بنشافة) جنات. لنشوف شو أخرتا معكون
(بمكر) يوسف. ما بتمشي غير هيك عكلن بطلب منك طلب حاولي تحكي مع بابا بهدوء وآدب بابا مريض قلب مو متحمل يالله
نزلت قدامو وكان قلبا عم يدق بسرعة بارمة بوزا وعم تمشي بكبريائها الي بيشوفها ما بيصدق الضعف الي بقلبا عم تحاول تتصنع القوة قد ما بتقدر
دخلت عالصالون وهية رافعة راسا لفوق
جنات. السلام عليكم
الكل. وعليكم السلام
(قعدت جمب خالتها بهدوء عم تحاول تتجاهل نظرات الكل عما ومرت عما وولادون)
ابو نهاد. كيفك عمي
جنات. بخير
(تطلع فيها بقهر) ابو نهاد. عمي انا جاي لهون لأطلب منكون تسامحوني انا غلطت بحقكون كلايتكون ومع الأسف ما كنت حاسس بهالشي صدقاً مافي يوم الا بتذكركون في مافي يوم الا بحس بالندم عم ياكلني شوي شوي صرت خايف من الموت بأي لحظة وانتو مو مسامحيني
رامي. الله يسامحك عمي بعيد الشر عنك الله يطول بعمركابو نهاد. من يوم يومك قلبك طيب وبتسامح دغري انا تعبت كتير لحتى لقيتكون والفضل كلو ليوسف (تطلع بجنات)شو عمي ما بدك تسامحيني
(تطلعت في بطرف عينا ومرق شريط حياتا كامل قدام عيونا عم تتأملو وتتذكر ظلمو عم تتطلع بولاد عما وتتذكر حقارتون لما يتمسخرو عليها لما ما يقبلو يلعبو معها تطلعت بمرت عما تذكرت كرها وكيف كانت تقسا عليهون كانت بدا تقلو ماني مسامحتك)
ابو نهاد. بترجاكي بنتي سامحيني ما بدي موت وانا شايل همكون نحنا كلايتنا جينا لنعتذر منكون يوسف وأزهار ومرت عمك كلايتنا منعتذر مو هيك
الكل أيدو واعتذرلا
(هزت راسا والدمعة عالقة بعيونها) جنات. الله يسامحكون
تطلعت ععما ومرتو وبعدين عولاد عما يوسف واختو أزهار تركتهون وطلعت من الغرفة عم تبكي مستغربة من حالها كيف وليش مرقت من جمب يوسف الي كان عم يراقب دموعها بصمت
طلعت من الفيلا ودخلت عالاسطبل ضمت فرسها وصارت تبكي وتشكيلو عالظلم الي مرت في هي واخوها ضلت تبكي لحتى حست بقرقعة الباب مسحت دموعها وراقبت الباب لتشوف مين رح يدخل
لما ما حدا دخل قربت لعند الباب ما لقت حدا بس شافت بيت عما وهنن عم يطلعو من الفيلا شافت كيف الكل عم يودعهون لما عرفت انون مشو طلعت من الاسطبل
(حطت ايدا عكتفا) نبيلة. لازم تعطيهون فرصة
(ضحكت بمسخرة) جنات. ههه انا ما تخيلت اني اقدر سامحهون
نبيلة. شفت الندم بعيونون
جنات. كلو كذب عم يمثلو كتير منيح شو نسيتي كيف رمونا بالميتم
(طبطبت عكتفا) نبيلة. ما رح ناقشك بس متأكدة رح يجي يوم ويصفا قلبك
...........................................
عم تمشي الأيام ببطئ عليها عم تتجاهل يوسف وتحاول تتقرب من دكتورها بيت عما عم يروحو ويجو لعندون وهي على حالها كل مالها عم تكرهون اكتر وشو صعب الكره لما يكون من قريب
كانت لابسة فستان رسمي للركبة سادة لونو رمادي ورافعة شعرا ذيل الحصان عم تتفتل بالشركة وتراقب حركة العمال بيطلعو عليها برهبة بسبب قوة شخصيتا مع انو لساتا بأول العشرين رافعة راسا لفوق وعم تمشي بثقة خلصت فتلتها المعتادة ورجعت عمكتبها
كان قاعد عكرسيها داير وشو عالشباك وعاطيها ضهرو فاتت بأستغراب وتأكدت انو هية بمكتبها
جنات. مين في هون
(برم الكرسي لعندا) يوسف. اهلين أنسة جنات ممكن واحد قهوة سادة
(برمت بوزا) جنات. بتأمر بشي تاني
يوسف. اي كاسة مي بطريقك
(رفعت حاجبها وزورتو) جنات. لا مصدق حالك كتير خير شو عم تعمل بمكتبي
(قام من عالكرسي وقرب لعندا بثقة) يوسف. هالكرسي مو مريح لازم تبدلي
جنات. لاااا
من الأخر شو بدك
يوسف. ليكي انا ما أجيت لأتخانق معك انا جاي لأخدك مشوار
(غمزها). شفتي ما أحسني
جنات. ليك ادا ما عندك شي مهم تقولو فيك تطلع لبرا لأنو هادا مكان شغل وبرفض عزيمتك
يوسف. اخوكي عم يستنا بالسيارة يالله في شي مهم لازم نحكي في لحقيني
تركها وطلع برا المكتب وهي من الفضول ما بقى تتحمل لبست جاكيتا اخدت شنتايتا وطلعت
تطلع عليها بمكر لما شافا أجت حاولت تتجاهل نظراتو وطلعت بالسيارة
جنات. خير شو هو الشي الضروري
يوسف. رح أخدكون عالمخفر
رامي وجنات. شووووو
يوسف. ههههههه شبكون ليه هيك استغربتو مافي شي بيخوف بس بدي أخدكون لتشوفو حدا
رامي. مين هالحدا؟!
(صفن شوي بعدين تابع حكيو) يوسف. بعرف هالشي رح يكون صدمة لألكون ويمكن ما رح تصدقو
جنات. قطعتلنا قلبنا احكي بقى
يوسف. انا أخدكون لتشوفو أمكون......#يتبع
أوقدتُ ناري عساها أن تحرقَ وغفوتُ لحظةً فكنتُ انا المُحترقَ.
#القلب_
الجزءالسادس.............
يوسف. انا أخدكون لتشوفو أمكون
(بصوت متقطع) جنات. شششوو؟!
رامي. ههههه ششو عم تخبص ماما ماتت من زمان
(تغيرت ملامحو وبان عليه الجدية) يوسف. بعرف بابا غلط لما قال انو امكون ماتت كان بدو يموتها بعيونكون متل ما قتلت عمي
رامي. هههههه لا انتو اكيد مجانين لك ما كفاكون الي عملتو فينا
يوسف. ابن عمي بعرف بابا غلط بأول حياتو
رامي. لك لا تقلي ابن عمي لك بعد كل شي عملتو معنا سامحناكون بس ما توقعت توصل حقارتكون لهون لك انتو شووو؟!!
يوسف. مقدر انكون تحت الصدمة
جنات. خلص خراس خراس بيكفي
رامي. حاج تخبص والله العظيم اذا كنت عم تكذب لحتى اقلب الدنيا فوق راسك
دور السيارة وتجاهل حكي ابن عمو
ما حست بحركة السيارة كانت ساكنة عقلا ساكن وروحها ساكنة دموعا مغرقين عيونها بس ما عم تحس بشي الناس كلون جمبها جماد عم تمشي متل الرجل الآلي من دون أحساس ما بتعرف شو صار معها او كيف وصلت لهون فجأة وعت على صوت ناعم فيقها من غفوتها ومن جمودها الي كانت في
يارا. جنات رامي يا ربي ما عم صدق مستحيل
(بصوت عالي وعيونو متل الجمر) رامي. لك شو لسا بدك منا بعد ما دمرتينا ودمرتي حياتنا
يارا. صدقوني انا ما عملت شي يا ربي دخيلك ما عم صدق لك كيف هيك صار كيف؟
رامي. لك حاج تقتلينا بزيادة حاج
يارا. سامحوني بترجاكون سامحوني على ذنب ما انا عملتو بنتي بترجاكي احكي شي بترجاكي سامحيني رامي سامحني
جنات. لك على شو بدي سامحك
مين انتي اصلاً انتي الي قتلتينا قبل ما تقتلي بابا؟
يارا. ما قتلتو والله العظيم ما قتلتو هو قتل حالو هو
(بصوت مبحوح) رامي. شششو عم تقولي
(بصوت متقطع والدموع مغرقين عيونها) يارا. بعد زواجو ترجاني كتير لسامحو وانا ما قبلت قلي بقتل حالي ادا ما سامحتيني بس ما صدقتو لمرة دقلي كان شربان كتير قلي هلق رح أشرب السم وموت لترتاحي مني
(دموعا صارو يشرو). قلي ما رح سامحك قلي رح انتقم منك رحت عبيتو مشان لحقو بس كان خالص ما توقعتو ينتقم مني بهالطريقة ما توقعتو يزت تهمة موتو عليي قبل ما يقتل حالو
كان حاكي مع الشرطة ولما لقو ميت وانا ببيتو القو القبض عليي وفكروني انا الي سممتو
(حط ايدو عتمو) رامي. ما انتي الي قتلتي؟!!
كيف بدنا نسامحك كيف؟
(هزت راسا) يارا. وحياتكون عندي ما قتلتو هو الي انتحر بس مافي ولا دليل يبين برائتي
صدقوني الجريمة الوحيدة الي ارتكبتها اني حبيت ابوكون بجنون لك كيف بدي اقتلو ويتم ولادي كيف؟؟!
(فاقت من شرودها فجأة) جنات. خلينا نسامحك بترجاكي عطينا دليل نسامحك
يارا. محبتكون لألي هي الدليل
جنات. امييي لاء يا ربي
سامحيني يا امي سا محيني سامحيني
تطلعت على اما من ورا الشبك مسكت ايديها وصارت تبوسهون وتبكي كانت مو متغيرة كتير بس مبلش يبين عليها الكبر شوي كان مبين عجسما الأرهاق والتعب بس ملامحها ما تغيرو طلتها نفسا شعرا الأشقر وعيونا الزرق الوساع
كتير بتشبه اختا نبيلة بس نبيلة شعرا بني
رامي. خلص جنات بيكفي حاج تبكي
جنات. سامحها رامي سامحها هي الوحيدة الي بتستحق نسامحها
رامي. مسامحها والله العظيم مسامحها ورح وكلا اكبر محامي بالبلد مسحي دموعك بيكفي
يارا. ههههه لاء يا امي بعد 6 شهور بتخلص محكوميتي ومافي محامي بيطالعني بأقل من هالوقت ما بدي منكون شي بس ديرو بالكون عبعض
يوسف كان عم يراقبهون وعيونو مدمعين من هالمشهد طول هالوقت كانو مفكرين انو هي الي قتلت قاسم وطول هالوقت عم يظلموها حس بالضعف لما خلص وقت الزيارة وشاف دموع جنات اخدهون وراح عالسيارة وبهالوقت جنات ما وقفت بكي وصلهون عالفيلا وراح
متل العادة جنات بتروح لعند فرسها اول ما بتدايق هي بطبيعتها غامضة كتير وما بتحب تحكي لحدا غير لفرسها
بعد ما حكى رامي لخالتو الي صار تأثرت كتير كانت بين مصدقة ومو مصدقة ما عم تصدق انو كل هالوقت بيت سلفا كانو عم يكذبو عليها ويوهموها انو اختها ماتت كانت عايشة برا البلد بوقت الحادثة يعني ما كانت موجودة وقدرت تصدق هالوهم بسهولة
مسحت دموعها وكانت بدا تلحق جنات وتطمن عليها مسكها رامي من معصم ايدها
رامي. اتركيها خالتي اتركيها
(عم تتنشوق) نبيلة. لك بعرف هي مو منيحة مو منيحة
رامي. خالتي بترجاكي لا تزوديها عليي تركيها هي هيك بترتاح ما حلك تعرفيها هلق شوفيها بعد ساعتين بترجعلنا قوية ومتل ما منعرفها
(مسحت دمعتها) نبيلة. قصدك بتتصنع القوة
(قرب من خالتو وضمها) رامي. طولي بالك كل شي رح يمرق
بوعدك كل شي رح يصير أحسن
(رفعت راسا مسحت دموعا وتطلعت بعيونو ) نبيلة. كيفها كيف صارت توأمي
(ابتسم) رامي. عحالها متل ما تركناها بس كبرانة شوي
نبيلة. الله يطالعها بالسلامة انظلمت كتير
(هز براسو) رامي. آمين
فعلاً متل ما قال رامي طلعت بعد ساعتين بأبتسامتها وولا كأنو صاير معها شي قوية كتير كانت ورح بتضل هيك قد ما كانت البركانين جواتا شاعلة ما بيبان عليها من برا ما بتشوف غير القوة، السلام والحياةجنات. مرحبا ماما كيفك
(ضمتها من ورا). بشو سارح القمر
(مسحت دمعتها)نبيلة. رح بتضلي تقوليلي ماما بعد ما بينت أمك
جنات. عم تبكي؟؟
الأم مو بس الي بتخلف الأم الي بتربي
(بأبتسامة)نبيلة. ههههه الله يخليلي ياكون
جنات. اي ها بدي ياكي عطول عم تضحكي
نبيلة. جنات
(اندارت لعندا) جنات. اي ماما
نبيلة. خلص مو وقتو هلق
جنات. بالله تحكي
(تغيرت ملامحها)نبيلة. بيت عمك حكو معي وطلبوكي لأبنهون يوسف
جنات. شششو ش شو عم تحكي؟
نبيلة. ههه استغربت من وقاحتهون هلق بحكي معهون وبقلون مانك موافقة بس حبيت خبرك
(قاطعتها) جنات. لا لا خليني فكر
نبيلة. بعد كل شي عملو معكون وبدك تفكري
طلعت جنات عغرفتها مستغربة كتير يوسف طلبها كيف ما عم تصدق كان في الف فكرة براسا ما عم تلاقي مبرر لشي مبسوطة كتير ودقات قلبا فوق الالف
مسكت موبايلا وبعتت رسالة لرفيقتها ليلى تجي لعندا دغري
بعد نص ساعة اجت ليلى......
ليلى. مرحبا كيفك
جنات. هلا عاش من شافك
ليلى. شو شايفتك مبسوطة قطعتيلي قلبي عالهاتف لما قلتيلي اجي ضروري
جنات. ههههه هاتي البشارة
ليلى. بشارة شو لا تقوليلي دكتورنا وقع
(برمت بوزا) جنات. لك لا ايمت ما بدي بوقعو بس مو من اولوياتي
ليلى. لكن شو قطعتيلي قلبي
جنات. ههههههه جاييني عريس
ليلى. شوووووو عم تمزحي اكيد مين هالعريس وكيف احكي بسرعة
جنات. هههههه طولي بالك عليي العريس هو يوسف
ليلى. اي لااا ومبسوطة لك يوسف الي بتكرهي وما بطيقي سيرتو
لك فهميني شو عم يصير مو هو تركك كيف هيك؟؟
جنات. لك ما قلتلك طلع ابن عمي يمكن حاسين بالذنب تجاهنا وحبو يغسلو ذنوبون
(بفضول) ليلى. شو رح تعملي اكيد ما رح تتجوزي واحد بتكرهي مو هيك
(رفعت حواجبها) جنات. لا اكيد ما رح اتجوزو رح ضل ماطل بالخطبة لحتى احرقهون واحد واحد
ليلى. يعني بفهم منك رح توافقي
جنات. الموضوع مو متل مو مفكرة هنن اساءولنا وغلطو بحقنا كتير فرصة من ذهب واجت لعندي اصلاً بكون غبية ادا ما وافقت
ليلى. ششو قصدك
جنات. قصدي رح وافق لحتى كون قريبة منون وانتقم منون واحد واحد رح احرق قلوبهون وعيشهون بكابوس
ليلى. لا انتي اكيد صاير بعقلك شي
جنات. نعمم!!
(علت صوتها) ليلى. مريضة ما رح اسمحلك تدمري حياتك مشان ولا شي
(ببرود) جنات. وانتي من ايمتا كنتي تسمحيلي او لاء طول حياتك بتمشي معي عالغلط من تم ساكت ولا بحياتك أثرتي عليي بشي انتي مجرد هامش بحياتي فهمتي
(وقفت تطلعت عليها بقوة وهددتها بأصبعتا) ليلى. جنات وحياتك عندي ادا رح تكملي بهالمسرحية رح أنسى انك كنتي بيوم من الايام رفيقتي
(بصوت عالي) جنات. بالناقص انقلعي برا بيتي لا تعمليلي فيها شريفة مكة انا كاشفتك من زمان مرافقتيني مشان اخي رامي
(حبست دموعا حطت ايدا عتما وحاولت تكتم شهقاتا كانت عم تحكي بصعوبة وصوت مقطع)ليلى. لما تتذكري الايام الحلوة بيناتنا لما تتذكري ضحكنا وبهادلي لألك لما تغلطي لما تتذكري الحلوة والمرة لما توقعي اتذكري انو انتهينا ولا تحاولي ترجعي ابداً
دارت وشا وصارت تركض ما تخيلت بيوم تسمع هالحكي من رفيقة عمرا
بعد ما طلعت رفيقتها كان في نار عم تحرقها من جوا اخدت مفتاح سيارتها وطلعت
طلعت بسيارتها مخنوقة كتير ضلت عم تمشي بهالطرقات لوصلت عالبحيرة فتحت شباك السيارة وصار الهوا يطير شعرها البني بأنسياب تطلعت عالنجوم المعبيين السما تماماً متل اغلاطها ما بينعدو
................................................
تاني بوم الصبح فاقت عم تتمطمط كانت مدايقة ومو مرتاحة فاتت لعندا أمها
نبيلة. صباحو كنت جاية لفيقك
(فركت عيونها)جنات. صباحو ماما
نبيلة. جنات !!
جنات. نعم ماما
نبيلة. شبها ليلى ليه طلعت من عندك مبارح عم تبكي
جنات. ما فيها شي ماما انسي
المهم ادا حكو معك بيت عمي قوليلون اني موافقة
نبيلة. شووو عم تحكي؟!!
جنات. قوليلون اني موافقة وين الغريب
نبيلة. اكيد عم تمزحي ما رح اسمحلك
جنات. ماما
نبيلة. لك انتي نسيتي الي عملو فيكون
جنات. ما نسيت وحياتك عندي ما نسيت بس بترجاكي احترمي رغبتي وكل شي بوقتو حلو
نبيلة. بنتي بترجاكي لا تخبصي
جنات. ماما انا ماني عم خبص انا موافقة على يوسف!!
بعد يومين كان كتب كتابها على ابن عمها يوسف لبست فستان احمر طويل وفردت شعرا عكتافها الكل كان مستغرب مو موافقتها على يوسف مع العلم انو خطبوها قبلو كتير وما كانت ترضا
الكل كانو متجمعين عندهون بالفيلا الرجال بغرفة والنسوان بغرفة بعد كتب الكتاب دخل يوسف لعند جنات
اول ما شافها حس بالضعف اول مرة بيشوفها بهالجمال كانت حلوة كتير جمال عيونها بيسحر وبيخليك تدوب فيهن كل ما عم يقرب منها دقات قلبو عم تزيد عم يحاول يتصنع القوة بصعوبة
يوسف. مرحبا
جنات. اهلين
الكل. ان شاء الله الف مبروك
جنات ويوسف. الله يبارك فيكون
ام نهاد. عقبال فرحتنا بعرسكون
يوسف. ان شاء الله امي
(قرب من جنات شوي) يوسف. طالعة كتير حلوة
(تطلعت في بثقة) جنات. بعرف(بصوت واطي) يوسف. ههههه لا واثقة من حالك
جنات. اكيد طبعاً
يوسف. شو رأيك نطلع نتمشا برا شوي
جنات. اي منطلع
طلعو عحديقة الفيلا وصارو يتمشو.......
ضلو ساكتين حتى جنات قطعت هالصمت
جنات. مستغربة من خطبتك الي شوي
يوسف. ههههه وليش بقى
جنات. يعني من بعد ما تركتني ما توقعت ترجع ابداً فكرت انو هالعلاقة خلصت
يوسف. انا تركت بسمة وخلصت علاقتي معها ألها
جنات. يعني بفهم منك انك تركتني لانك اكتشفت اني جنات مو بسمة وبدك تكمل معي بصفحة جديدة
(مسك ايديها التنتين تطلع بعيونها ورفع حواجبو) يوسف. ما رح نفتح صفحة جديدة لنكمل نحنا انتهينا......#يتبع
وعندما تنهالُ على رأسي الهموم وتتآكلني المشاكل عندما تتخبطُ رأسي بالصراعات لا تتوقع مني أن أسقط إلا على حافة القبر.
#القلب_السابع_بقلم_رومانتيكا
الجزء السابع...........
مسك ايديها التنتين تطلع بعيونها ورفع حواجبو) يوسف. ما رح نفتح صفحة جديدة لنكمل نحنا انتهينا
جنات. هههه ششو قصدك وخطبتنا
(فرك راسو) يوسف. خطبتنا هي اعتبريها خدمة لألي مقابل كذبك
جنات. ششو قصدك
(بأبتسامة مكر) يوسف. قصدي واضح مافي داعي تغشمي حالك بابا صرلو فترة عم ينق عليي اتزوج وهو مريض بالقلب ما حبيت زعلو
جنات. لحظة يعني انت ما كنت تحبني
يوسف. والله فهميها متل ما بدك رح تساعديني او لاء؟؟
جنات. بساعدك بس على شرط
يوسف. شو هو شرطك؟؟
(قربت من ادنو وبصوت واطي) جنات. شرطي هو.......
(حمر وجهو) يوسف. مستحيل وافق طبعاً انتي أكيد مجنونة
جنات. والله انا هاد شرطي الوحيد فكر وردلي خبر عم بنتظرك
تركها وراح عم يقول بينو وبين حالو هي مستحيل تكون وحدة عاقلة اكيد في بعقلا شي
واقفة مكانها شافتو كيف انسحب بس كانت متأكدة انو رح يرجع متل ما راح رجعت لعند اهلا وبيت عما كان يوسف معهون لما شافها صار يزور فيها
كانو تنيناتون صافنين ببعض حتى حكى ابو نهاد
ابو نهاد. كيفك عمي
جنات. بخير الحمدلله
ابو نهاد. كيف الشغل والجامعة عم تقدري توفقي بيناتون
جنات. اي الحمدلله
ابو نهاد. سمعت انو عندكون عطلة بالجامعة اسبوع
(بنشافة) جنات. صحيح
ابو نهاد. لكن بدك تسمحيلنا نبيلة بدنا نسرق جنات بهالأسبوع بدنا نروح عبيت المزرعة
(تطلعت بخالتها) جنات. ما بترك خالتي لحالها
ابو نهاد. لا اكيد خالتك بتاخد استراحة من الشغل ورامي كمان رح نطلع كلايتنا
(تطلعت بخالتي عم بسألها بعيوني)
(بأبتسامة ناعمة) نبيلة. متل ما بدكون
ابو نهاد. اي كتير منيح جهزو حالكون بكرا لكن يالله نحنا بدنا نمشي
يالله ام نهاد يالله يا ولاد
(تطلع بيوسف). يوسف ودع خطيبتك ولحقنا
بعد ما راحو.......
(تطلع فيها وزورها) يوسف. اتفضلي هي هدية الخطبة
(بنشافة) جنات. ما كان في داعي
يوسف. مافي شي من واجبك يالله منشوفكون بكرا
الكل. الله معك
(دارت وشا واجت لتطلع عغرفتها وقفها صوت خالتها) نبيلة. جنات
(التفتت لعندا) جنات. نعم
نبيلة. معلش نحكي شوي
جنات. اكيد ماما خلينا نقعد برا
رامي. بفهم انو هي تقليعة خاطركون انا رايح
(غمزتو) جنات. افهمها متل ما بدك
(تطلعت عليها بحب) نبيلة. بنتي هي صار كل شي متل ما بدك اعترضت كتير بس بعدين قلت بتركك عراحتك بس هلق بدك تفهميني شو الي عم يصير ليش وافقتي بدي افهم كل شي!!
جنات. ماما... ليش لحتى ما وافق يوسف محترم وشخصيتو حلوة وحلو ومعو مصاري يعني عريس لقطة
نبيلة. مانو اول واحد جنات اجاكي كتير بهالمواصفات من قبل
جنات. ماما بس يوسف ابن عمي
(هزت راسا) نبيلة. ما هو لأنو ابن عمك انا مستغربة حبيبتي جنات ادا ما بدك ياه فينا ننهي كل شي
(حطت ايدا عأيدا امها) جنات. حبيبتي يا ماما بعرف انو بتهمك سعادتي بس يوسف انا مقتنعة في وصدقيني انا هون سعادتي
نبيلة. وبيت عمك مستحيل تكوني نسيتي 15 سنة من عمرك برفة عين
جنات. ماما انا ما نسيت شي صدقيني بس انا بحبو ليوسف لا تنسي انو هو زميلي بالجامعة من قبل ما اعرف انو ابن عمي
نبيلة. الله يوفقك ريحيلي بالي انتي أكيد مقتنعة في وبتحبي
جنات. اكيد ماما اكيد انا كتير بحبو ليوسف ريحي بالك
(بأبتسامة ناعمة)نبيلة. الله يوفقك يا بنتي ويخترلك بهالطريق سعادة ما تفارقك ابداً
جنات. يعني رضيت ست الكل
(هزت براسا) نبيلة. انا شو بدي غير سعادتكون
جنات. يالله ماما انا رح موت من النعس تصبحي عخير
نبيلة. الله معك
مسكت هدية يوسف وطلعت عغرفتها كان طوق الماس ناعم وعليه حرف اسمها حطتو بعلبتو ومسكت دبدوبها وصارت تقرصو من خدودو
جنات. انت غبي غبي كتير يوسف بكرا بتشوف رح خليك تندم علحظة الي عرفتني فيها
غفيت وهي عم تحكي مع دبدوبها وما حست الا عصوت ناعم عم يفيقها
نبيلة. يالله جنات بنتي يالله قومي
جنات. يالله ماما قايمة
نبيلة. ساعة زمان رح يجو بيت عمك جهزي حالك وضبي الغراض الي بدك تاخديهون معك
جنات. اوك ماشي
بعد ساعتين.....
الرجال كانو عم ينزلو الغراض من السيارات والنسوان دخلو عالمزرعة
أزهار. جنات عجبتك المزرعة
(بأبتسامة) جنات. كتير حلوة
أزهار. شو رأيك نطلع نتمشى برا بما انو الجو حلو
جنات. اي منطلع ليش لاء ماما رح روح مع بنت عمي ما رح نطول
نبيلة. انتبهو عحالكون
جنات. ماشي
ام نهاد. لا تبعدو كتير
أزهار. ماشي ماما
جنات. يالله ازهار انا سابقتك
............................................
ام نهاد. هههههه ما احلا الشباب
نبيلة. معك حق
ام نهاد. نبيلة كل ما بتكبري بتحلوي وبتزدادي شباب
نبيلة. ههههه شكراً
ام نهاد. مضى وقت طويل عن ايامنا وأيام هي المزرعة كنا عيلة وحدة بوجود بيت عمي
نبيلة. معك حق شو كانت حلوة هديك الأيام رغم صعوبتها وبعد موت بيت عمي اتفرقت العيلة
ام نهاد. مع الأسف ما ضل شي متل ما كان هاد الي مات وهاد الي انتحر وهاد الي انسجن
نبيلة. حتى انتي تغيرتي كأنو(ابتسمت بحزن) ام نهاد. معك حق لما صفينا لحالنا كان الندم عم ياكلنا كنت غار منكون انتي ويارا لانكون خوات كنت حس حالي غريبة بيناتكون
نبيلة. انتي الي وصلتي لهون نحنا بعمرنا ما عاملناكي عأنك غريبة
(ابتسمت وهزت براسا) ام نهاد. يا ريت كنت اعرف من قبل انا غلطت كتير
نبيلة. طولي بالك كل شي بيتصلح
.................................................
اول ما طلعت جنات من المزرعة شافها يوسف عم يراقبها من بعيد ولساتو عم يفكر بالحكي الي قالتلو ياه مبارح
ازهار لبست طاقيتا وطلعت تركض ورا جنات كان شعرا الكيرلي عم يطير مع الهوا
أزهار. ههههه ليه سبقتيني
جنات. مشان تتباردي
أزهار. اي كيفك بنت عمي
جنات. الحمدلله بخير
أزهار. كيف دراستك
جنات. يعني ماشي حال صحيح انتي شو عم تدرسي
أزهار. عم بدرس طب عام سنة تانية
جنات. ههههه متل ما تركتك شطورة واو اليوم الجو كتير حلو
أزهار. اي والله حلو كتير بتعرفي انتي مانك متغيرة ابداً
جنات. ههههه بس انتي ويوسف كتير متغيرين حتى ما توقعت ابداً يكون يوسف ابن عمي
أزهار. بس لو افهم كيف حبيتي لهالغليظ ما عم افهم
(بأستغراب) جنات. حبيتو!!
أزهار. ههههه لا تخبي يوسف حكالنا كل شي
(حاولت تفير الموضوع)جنات. ازهار عندك فرس؟
أزهار. اي عندي ليش؟
جنات. امشي نروح نجيبو ونجيب فرسي ونرجع نتسابق
(قربت من شجرة التوت) أزهار. ما بدي بدي أكل توت
جنات. تسطفلي انا رح شوف سيمو
بعد ما راحت جنات ضلت واقفة تحت الشجرة ضبت شعرا بأيدا وصارت ترفع حالها وتقطف توت فجأة حست حدا غمضلا عيونا
أزهار. يوسف بلا غلاظتك ما شايفني عم أكل
(شال ايدو عن عيونها وتطلع فيها مستغرب من الصوت) رامي. أأنتي !!
اسف اسف فكرتك اختي والله
(ماسكة حبة التوت وبدا تحطا بتما صفنت في لثواني) أزهار. هادا انت هههه فكرتك يوسف
ولا يهمك حصل خير
(صافن بعيونها الوساع)رامي. كنت جاي اسأل جنات وين حاطة شنتتها قالتلي خالتي انو هي هون
أزهار. اها هي راحت من شوي كانت بدا تشوف فرسها
رامي. مو مشكلة بعدين بشوفا شو عم تعملي
(بخجل) أزهار. عم قطف توت وأكل
رامي. فيني شاركك؟
أزهار. اكيد طبعاً
...............................................
طالعت فرسها وأجت لتطلع من الأسطبل فجأة وقفها صوتو
يوسف. توقعت لاقيكي هون
جنات. أنت!!
شو بدك
يوسف. بدي نحكي
جنات. اتفضل عم أسمعك
(هز راسو) يوسف. اكيد مو هون رح طالع فرسي ونطلع
طالع فرسو ومشو جمب بعض
يوسف. فكرت بخصوص مبارح
(ركبت عفرسها) جنات. وشو طلع معك
يوسف. تمام موافق بس انا كمان عندي شروطي
جنات. وشو هي شروطك بالله
يوسف. اول شرط انا خطبتك مشان بابا يعني بدي تحترمي بابا وتعاملي منيح
جنات. مقدور عليه غيرو
يوسف. بدي ولا مخلوق يعرف بيلي بيناتنا
جنات. طيب هيك تمام اتفقنا
يوسف. نتسابق!!
جنات. ليش لاء
بس بدي اسألك سؤال
يوسف. سألي شو في عندك
جنات. يوسف هلق انت لما تركتني بس لانو كذبت عليك وقلتلك اسمي بسمة ولا في شي تاني
(تطلع بعيونها) يوسف. لاء طبعاً
جنات. لكن ليش؟!!
يوسف. ماني حابب أجرحك مشان هيك ما بقدر قول
جنات. ما رح تجرحني بس عندي فضول أعرف ليش
يوسف. انتي متأكدة!!
جنات. اي متأكدة أحكي ليش؟!.......#يتبع
قصدتُ الحياة متأملاً بداية ،فرمتني في جوفِ الزمانِ حكاية، يأستُ وها أنا انتظر النهاية😔👌🏻
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*