الفصل الاول
*❴📖❵↵* *القلب.السابع.tt* 💙🖇️
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
➖➖➖➖➖➖➖➖➖
#القلب_السابع_
الجزء الأول..............
قاسم. يالله حبيبتي بدك شي
(زبطتلو الكرافة ونفضتلو الغبرة عن جاكيتو) يارا. لا حبيبي انتبه عحالك ان شاء الله تروح وترجعلنا بالسلامة
قاسم. بتعرفي كان جاي عبالي أخدك معي بس ما بيمشي الحال مشان الولاد ومدارسهون
يارا. ولا يهمك حبيبي خيرا بغيرا
(بمرح). ما بدي وصيك ها يا ويلك تطلع عالبنات بغيابي
(هزلا راسو) قاسم. أمرك
حبيبتي
يارا. اممم
(تغيرت معالم وشو) قاسم. فيكي تسامحيني
يارا. هههههه على شو بدي سامحك
(بحزن) قاسم. انا عطريق سفر وما بتعرفي شو بيصير معي انتي بتعرفي اني كتير بحبك صحيح
(لوت تما) يارا. شو لزومو هالحكي هلق شو اول مرة بتسافر
(بمرح) قاسم. مشان خوفك عليي
يارا. غليييظ بتعرفني بخاف من كل شي وخصوصي عليك يعني انت خط احمر فهمت وبحرق الدنيا كرمالك
(قرصلا خدودا) قاسم. ههههه ماشي حبيبتي الغيورة بتعرفي ادا استنيت كمان شوي شو بصير؟
يارا. شو بيصير؟!
قاسم. بيروح عليي موعد الطيارة
يارا. ههههه يالله لكن تعو يا ولاد ودعو أبوكن
ودعو يارا وولادا قاسم الي سافر مشان يحضر عرس رفيقو ويشتري بضاعة لمحلو بنفس الوقت يارا كانت بتعشقو لقاسم بجنون لحد ما حدا بيتخيلو بس كانت حاسة بالبرود والروتين الي مبلش يدخل علاقتهون
عشت ولادا ونيمتهون بس ما اجاها نوم ابداً كانت عم تفكر كيف تغير حياتون وبنفس الوقت قاسم ما كان جمبا كانت حاسة بشعور غريب ومو مطمنة بعد ما اطمنت انو قاسم وصل بخير وسلامة قدرت ترتاح وتشيل الشكوك من راسا ونامت براحة
بعد يومين من سفر قاسم ....
فاقت الصبح بكير عم تصرخ عكابوس حطت ايدا عقلبا وتنهدت تنهيدة طويلة حاسة بسكاكين بقلبا ما عم تخليها تنام تطلعت عالساعة جمبا كانت ستة فتحت موبايلا وحاولت تلهي حالها بالفيسبوك طلعت معها صورتو هو ورفيقو بنفس اللبس الي اختارتلو ياه ابتسمت ابتسامة عريضة وارتاح قلبها
بسرعة اتبدلت ابتسامتها لما قرأت شو مكتوب بالبوست
يارا. الف مبروك يا رفيقي...
العمى بس امجد متزوج ليش ما قلي انو رايح ععرس امجد العمى عالوقاحة من شو بتشكي مرتو
ولما دخلت عبروفايل امجد ونبشت فيه حطت ايدا عتما بقهر واكتشفت انو لازم تقول من شو بتشكي هية مو مرت امجد
................................................
................................................
جنات. وهي هي القصة الي غيرت كل حياتي
ليلى. يعني طلع رايح ععرسو
(هزتلا راسا) جنات. صحيح
ليلى. العمى ما احقرو لك شو ذنبا
(عكفت حواجبها)جنات. ما قلتلك ذنبها انو حبتو بجنون كلون حقرا
(بشغف) ليلى. اي وبعدين شو صار وشو عملت
(ببرود)جنات. امم ليكي شايفة هداك الي ورانا
(بتوسل) ليلى. شو بدك في حبابة كملي وقصة مين هي
جنات. خلص بعدين بحكيلك
(بصوت اعلى). ليكي شو شايف حالو وبينفش بخيلو قدام الكل
(قاطعهون)يوسف. عفواً عمتحكي عليي
(بأبتسامة) جنات. في حدا غيرك عم ينفش بخيلو هون
يوسف. اها يعني انتي شايفة انو ما بيحقلي
جنات. طبعاً وادا حابب اثبتلك هالشي خلينا نتحدا
(مسكت ايد رفيقتا بتوسل وبصوت واطي) ليلى. جنات بليز خلينا نمشي
(بصوت اعلى) جنات. اي شو رأيك
يوسف. طبعاً موافق مع اني متأكد انك رح تندمي
(هزت راسا) جنات. هلق منشوف
..............بعد نص ساعة.............
يوسف. هههههه سبقتك براڤو أجدل قلتلك لا تتحديني
(بمرح) جنات. عفكرة هادا مو عدل غشاش خيلك بلش ركض قبلنا والكل بيعرف مافي متل سيمو بالركض
يوسف. ههههه يي شوفي وين صرنا كأنو بعدنا كتير
(نزلت عن خيلها وتطلعت عليه بتحدي) جنات.خسرتني وانا ما بخسر
يوسف. لا واثقة من حالك شو أسمك؟
(بأبتسامة) جنات. طبعاً واثقة أسمي بسمة وأنت
يوسف. يوسف اتشرفنا يالله خلينا نرجع
(تفشكلت رجلها ووقعت وهي عم تطلع عالخيل) جنات. أخخخ أجري
يوسف. صرلك شي
جنات. أخخ رح موت
(مسك معصم رجلها بخوف) يوسف. عم يوجعك ؟!!
جنات. ههههههه عم بضحك عليك 1/1 تعادلنا
(عكف حواجبو وطلع عخيلو من دون ما يعيرها أهتمام) يوسف. ظريفة كتير
طلعت عخيلها وصارو يركضو لوصلو لعند مو متجمعين الكل رجعو خيولهون عالأسطبل وشلحو الطواقي وكل واحد راح لعند رفقاتو
مجد. شو ابشرو مين فاز
(لوا تمو) يوسف. ولو يا رفيقي بتعرف حدا بيسبق أجدل
مجد. هههههه قدا شريك
جنات. عفكرة اصلاً في غش باللعب واليوم سيمو كان كتير تعبان
(بصوت واطي)ليلى. قلتلك بلالك ياها
تجاهلت حكي رفيقتها تركو الشباب وضلو عم يمشو مع بعض لوصلو عشط البحر طالعت دفترها وكتبت عراس الصفحة ((القلب السابع))
15/8/2018
اللقاء الأول.....
ليلى. شو عم تكتبي
جنات. رقم سبعة
ليلى. شو هو؟!
(بعدم اكتراث)جنات. يوسف رح يصير رقم سبعة
ليلى. شو رح يصير؟
جنات. متلو متل غيرو
(مسكت ايدها بتوسل) ليلى. جنات لا تخبصي انتي عرفانة مين يوسف
(لوت تما) جنات. وانتي عرفانة مين انا؟!
ليلى. لكك انتي عنجد مجنونة(مشت لعند البحر شوي وتنفست بعمق متجاهلة حكي ليلى) جنات. أوووه الجو شو حلو اليوم متمنية ما تخلص هالرحلة
ليلى. اي طنشي لقلك لك طالبة جامعية بتتصرف تصرفاتك شو خليتي للمراهقات الله يهديكي بس
جنات. آمين
ليلى. لأي رقم ناوة توصلي
جنات. خلص بوعدك عالرقم 77 بوقف هالشغلة
نفس الحكي بكل مرة جنات مصرة تعيد نفس السيناريو وتسجل أرقام لبطولاتها وليلى مصرة تبهدلها بكل رقم لأنو رفيقتها المقربة وبتعتبرها متل اختا ضلو قاعدين مع بعض شوي عشط البحر وبعدين راحو لعند رفقاتون لانو صار موعد انتهاء الرحلة الكل كانو متجمعين عند الباص
وقفو جنات وليلى جمب بعض وعم يستنو دورون ليطلعو
جنات. اووف لو اني جاي بسيارتي كان أشرفلي
ليلى. وكيف كان طالعتي سيمو
جنات. اووف ما بعرف
ليلى. ليكي هالدكتور بيشل ما صرلو زمان متخرج
جنات. واوو بيشل خلص ذكريني في بعد يوسف
(زورتها) ليلى. مو الحق عليكي ما لك حق خلي مع يوسف
جنات. بتعرفي مبادئي ما بحب العب عتنين بنفس الوقت ليكي هلق لا تقعدي جمبي رح روح اقعد جمب يوسف بلكي باخد رقمو
ليلى. لنشوف أخرتها معك
جنات. اوك باي
طلعت عالباص أخر الشي وصارت تدور عكرسي يوسف لحتى لقتو وانبسطت انو قاعد لحالو
جنات. معلش اقعد جمبك
(تطلع عليها بعدم اكتراث ورفع حاجبو لفوق) يوسف. لاقي مكان تاني هلق جاي رفيقي
(زورتو ) جنات. شكراً يا محترم
تابعت مشيها وهي معصبة ما بالعادة حدا يقلا لاء بالعكس هي متعودة انو الشباب هنن الي يعزموها وهي تدلل عليهون قعدت جمب ليلى وبارمة بوزا
(تطلعت فيها بأبتسامة عريضة) ليلى. بتستاهلي الله لا يقيمك
جنات. لانو واحد غبي
ليلى. ههههه بردي عقلبك
جنات. مصيرو انو يوقع متلو متل غيرو مافي حدا بيعسر عليي
ليلى. بكرا منشوف
غمضت عيونا وركت راسا عكتف رفيقتا لوصل الباص كانت هلكانة من التعب جرت جسما النحيل بصعوبة نزلت فرسها وفاتت عالفيلا
جنات. ماما..لساتك فايقة
نبيلة. ما بتغمضلي عين لأطمن انك صرتي بالبيت
(قربت لعند أما وباست راسا) جنات. الله يخليلنا ياكي يا ست الكل وينو أخي
نبيلة. نايم بغرفتو وانتي كمان اكيد بتكوني تعبانة طلعي نامي
جنات. اوك ماما تصبحي عخير
(طبطبت عكتفا) نبيلة. وانتي بخير
............................................
............................................
شركة السلام للأستيراد والتصدير تعد من أكبر الشركات بالدولة مستلمتا مدام نبيلة بعد ما مات زوجا وخلفلا هالشركة الضخمة متميزة بشخصيتا القوية وتصرفاتها الموزونة وقوة بديهتها الي ساهم بنمو هالشركة وتطورها بشكل ملحوظ
كانت تستعين ببنتا الأنسة جنات الي تميزت ببرستيجا الخاص متل أما تماماً رغم صغر سنها إلا انها قادرة تفرض أحترامها وين ما راحت ابنا رامي بعيد عن الشركة بيدرس طب سنة خامسة وملتهي بدراستو
م. طيب فيك تجبلي عنوانهون وتجبلي معلومات عن نبيلة وعيلتها أكتر من هيك
(غمزو) مروان. ولوو بسس
(سكتو) م. فهمت عليك لا تخاف حقك واصلك
(سكت شوي) مروان. طيب ممكن اعرف ليش مهتم لأمرون
م. هههه ليش يعني طبعاً لانون من اكبر المنافسين لشركتنا
مروان. طيب بتأمرني بشي تاني
م. الله معك
لف كرسي عالشباك وصار يراقب حركة السيارات كان واثق تماماً انو مو همو المنافسة طبعاً كان بالو بشي تاني اكبر واهم من هيك بكتير تنهد تنهيدة طويلة وغمض عيونو
................................................
...............................................
فاقت الصبح بكير غسلت وشا وراحت عالأسطبل لعند سيمو لبست خوذتها وركبت عفرسها وصارت تركض لوصلت عالبحيرة هيك كانت متعودة تعمل كل يوم تعطي وقت لنفسا بعيد عن ضجة الكل نسمات الهوا عم تطير شعرا البني حاسة برعشة برد بجسما غمضت عيونا وتنفست بعمق فجأة حست بخربشة فوق راسها وقبل ما تدير وشا حست بحدا مسكها من ايدا؟!.....#يتبع
وضحكتُ كلما سمعتُ بحب، ولكن كيف لي بأن أقنع كامل البشرية بأنك ما دمتَ حياً فالقلب سينبض سواءً أحببت ام لم تحبَ قط.
#القلب_السابع_بقلم_رومانتيكا
الجزء الثاني...........
(دارت وشا بأستغراب) جنات. هادا انت؟!!
شو عم تعمل هون
يوسف. هههههه عرفتك من فرسك بس ما توقعت لاقيكي هون ابداً
جنات. لساتني مستغربة شو هالصدفة عنجد
ما قلتلي شو عم تعمل هون
يوسف. شايفة هيك كل يوم بطلع بعمل رياضة بكير انتي شو عم تعملي
جنات. انا كل يوم بطلع انا وسيمو بكير ومنجي لهون عهي البحرة بعشق هاد الوقت من النهار كتير بتشعر كأنو عايش بهالدنيي بهدوء لحالك
يوسف. اممم صحيح
(بأستغراب) جنات. بس غريب اول مرة بشوفك هون
(كان صافن بعيونا العسليات بتلبك) يوسف. آااه ههه اي انا مافي مكان محدد بركض في يعني ما بجي لهون كتير بس اكيد شايفتيني شي مرة
جنات. اها عم قول لانو كل يوم بجي لهون ، ممكن كون شايفتك شي مرة وما عرفتك
يوسف. ما حاسة بشي غريب يعني طلعتي بجامعتي وساكنين بنفس المنطقة وما كنا نعرف بعض
جنات. ههههه بيصير بأي سنة جامعة انت؟
يوسف. سنة رابعة
وانتي؟
جنات. سنة تانية
(بمرح) يوسف. الله يوفقك ،كأني دايقتك
جنات. لاا بالعكس
يوسف. هههههه لأنو من شوي قلتي بتحبي الهدوء وشكلي خربتلك الجو
جنات. بما انك جيت خلينا نركض مع بعض حلوة الرياضة الصبح
يوسف. فكرة حلوة منتسلا مع بعض
جنات. لكن رح رجع سيمو ومنركض
(هزلا براسو) يوسف. بجي معك
بعد ساعة.....
جنات. آااه تعبت شقد صرلنا عم نركض
(تطلع عالساعة) يوسف. ساعة عالزبط
جنات. واوو عنجد ما حسيت بالوقت
يوسف. هههههه ولا انا
جنات. طيب يوسف انا بدي فوت عالبيت ادوش وارتاح شوي بين ما يصير وقت محاضراتي
يوسف. اوك ادا بتحبي منروح مع بعض عالجامعة
(تطلعت عساعتا) جنات. لا مع الاسف ما بيمشي الحال لانو اليوم محاضراتي متأخرة
يوسف. اهااا طيب بشوفك بالجامعة
(سكت شوي بعدين تابع حكيو). عفكرة انا ماني شايف حالي
(بأستغراب) جنات. شوو؟!
ايي بعتذر مبارح قلت عنك شايف حالك بس لو ما شفتك اليوم كان لساتا الفكرة براسي
يوسف. وليش بقا؟!
(تطلعت بعيونو بحقد وقبل ما تحكي تابع حكي) يوسف. هههههه قلتلك انو جاي رفيقي لانتقم منك لانك قلتي اني شايف حالي كمان بعتذر
جنات. اوك بقبل اعتذارك يالله بشوفك
يوسف. لحظة بقدر اخد رقم موبايلك
(اتطلعت في بمكر) جنات. طبعاً اتفضل 07**
ياالله سلام
يوسف. الله معك
فاتت عبيتا تدوشت ورمت حالها عالتخت وصارت تضحك مع حالها
جنات. ههههههه من كل عقلو عأساس انا شايلتو من ارضو
.................بالجامعة...............
جنات. ههههههه غليظ غليظ غليييظظظظ
ليلى. هههههه قال عم لطف جو مشان ما تملو من المحاضرة
جنات. علي مربي شايفها بشي مكان وحب يطبقها علينا
ليلى. هههههههه يا ربي فرطت
(قاطعهون) يوسف. مرحبا بنات
(بأبتسامة مسطنعة)جنات. اهلين يوسف
يوسف. ضحكونا معكون ليه عم تضحكو
(بمرح)جنات. ههههه هاد الدكتور بالمحاضرة عمل حالو انو ايدو انجرحت وكل الطلاب انشغلو فيه بالأخير قال عم لطف جو مشان ما تملو
يوسف. هههههه فعلاً غليظ
مجد. شريك عم دور عليك وانت هون تعا معي بسرعة
(قبل ما يحكي يوسف شي اخدو وراح) جنات. هههههه لسا هادا على اغلظ
ليلى. هههههه شكلو غطس
جنات. عم يغطس
(بأستغراب)ليلى. بس كأنو اخد عليكي وش بسرعة يعني هي تاني مرة بيشوفك فيها ومبارح كنتو عم تتشاحنو كيف هيك؟
(رفعت حواجبها) جنات. ههههه قصدك التالتة
ليلى. يا خاينة ولهلق ما قلتيلي
جنات. ما هلق شفتك اسمعي قدامو اسمي بسمة فهمتي
ليلى. الله يعيني عليكي شقد بدي احفظ اسماء
جنات. بس بتعرفي حاسة بمتعة كبيرة ههههه يالله مو طبيعي كلون متل بعض بالأول بيكونو ملاك بيجننو وبعدين بتنصدمي انك بتعرفي شخص تاني بس للأمانة ها هاد مو متل غيرو يعني مانو ممل
ليلى. خبيرة ما شاء الله
(حطت ايدا عتم ليلى وصارت تشبر بأيدا التانية)جنات. عنك ليلى خانوم باخد المحاضرة التربوية والاخلاقية عنك يا بنتي ما بيصير تلعبي بمشاعر الناس انتي بتحبي حدا يلعب بمشاعرك...بتحبي يا ليلى...بتحبي!
ليلى. ههههههه فعلاً انك هبلة مو الحق عليكي الحق على يلي بيعطيك محاضرات ببلاش
جنات. حبيبتي هدول ما عندون مشاعر لحتى العب عليها فهمتي
ليلى. لك كم مرة بدي قلك مو كل أصابعك متل بعض
جنات. طيب أحكيلك قصة
(زورتها) ليلى. مو لحتى تكمليلي قصة مبارح
(ضحكت بهستيريا مخيفة)جنات. ههههههههه بدك تعرفي شو صار بقصة مبارح
(هزتلا براسا) ليلى. ايييي
جنات. بعد ما شافت منشور رفيقو ونبشت ببروفايلو كانت بين مصدقة ومو مصدقة بعد شوي بيوصلها رسائل من بنت حماها بتفتحون وبيكونو صور عرسو كان لابس نفس الكرافة الي هدتو ياها بعيد زواجو الاول قلا بعمري ما رح حب غيرك ههههههه بس شافت الأبتسامة معبية وشو حست بالقهر حست ببركان عم يشعل بقلبا
تذكرت لما قالتلو بحرق الي بيقرب عليك بس بركانها حرقهون تنيناتون ببعض وحرقونا معهون
(بأستغراب) ليلى. مين هنن
(بضحكة قهر) جنات. ههههههه أمي
(بحزن عرفيقة عمرا) ليلى. شو عملتجنات. قتلتو لما كان عمري 10 سنين
(حطت ايدا عتما وغاب صوتا) ليلى. ششوو؟!
جنات. هههههه ما اكون مكانها لحتى احرقهون كلون بقلب بعض هو وأهلو الي زوجو ودمرو حياتنا
ليلى انصدمت من حكي رفيقتها مع انو صرلا بتعرف جنات اربع سنين بس اول مرة بتسمع قصتها كانت بدا تسألها شو صار بأمك ونبيلة مين بتكون بس لما شافت القهر بعيونها سكتت
...................................................
...................................................
طلعت من محاضرتا رافعة راسا وعم تمشي بخطوات موزونة واثقة من حالا كتير وما عم تطلع بحدا بركازتا بتخليك تشعر وكأنا سيدة ثلاثينية الطباع نادرة بنظرتها الحادة وبكل شي فيها
بس لما بتشوف ضحكتا مع رفقاتا بتغير رأيك وكأنا مراهقة بنت ال14
شخصيتا غريبة كتير ،جذابة كتير لدرجة بتتمنى تعيش معها اكتر وقت ممكن لتكتشفها اكتر كان عم يراقبها ويراقب خطواتا لوصلت سيارتها أشرت بأيدا لرفقاتا ومشيت
مجد. شووو شريك كأنك وقعت
(غمزو). شو القصة
يوسف. ههههههه وقعة ماكنة
مجد. يوسف الي ما بيعجبو العجب عم يقول وقعة ماكنة
يوسف. ههههه هالبنت غريبة غير كل البنات وانا هادا طلبي
مجد. لااا هي بدا حلوان واخيراً لقيت فتاة أحلامك
يوسف. خلي يمشي الحال وألك احلا حلوان
مجد. طيب شو ناطر قلا انك معجب فيها
يوسف. شو بدا تقول عني البنت ما صرلي بعرفها غير يومين واعجبت فيها
مجد. اممم بهي معك حق
................................................
................................................
لما وصلت عالفيلا .....
جنات. مرحبا ماما مرحبا رامي
نبيلة. اهلين بنتي يالله غسلي وتعي تغدي
جنات. كلو ماما صحة وهنا انا تغديت مع رفقاتي رامي بعد ما تخلص أكل بدي أحكي معك
نبيلة. شو عم تحيكو من وراي انتو الجوز
جنات. امي لا تخافي مافي شي هالمرة
نبيلة. هههه الله يستر
جنات. اسماء لحقيني بكاسة عصير عغرفتي
اسماء. حاضر يا خانوم
اخدت كاسة العصير ولحقت جنات
اسماء. اتفضلي يا خانوم
(اخدت كاسة العصير منا) جنات. قعدي اسماء
رح اعطيكي هاد الرقم وبدي كل شي معلومات عنو ما بدي وصيكي متل العادة لاء وهالمرة اكتر شوي كمان الي بعرفو انو اسمو يوسف بدي اعرف عنو كل شي بالتفصيل شو بيحب وشو بيكره حتى
(هزتلا براسا)اسماء. أمرك بس
جنات. بس شو
اسماء. مدام نبيلة صارت تشك فيني
(قاطعتها) جنات. انا بحلا مع أمي
اسماء. متل ما بدك
بعد ما طلعت أسماء فتحت جنات شباك غرفتها وصار يطير الهوا شعرها البني بأنسياب تنفست بعمق وبراحة كبيرة كل تفكيرها حالياً كيف بدا تخلي يوسف يحبها وهي مستغرقة بتفكيرها اجا رامي من وراها ونقزها
جنات. يا امي
هادا انت😒
رامي. شو نقزتي
جنات. بالله شو رأيك عكلن دكتورنا شو صار معك
رامي. بشو؟؟
(عكفت حواجبا) جنات. شبنا بالموضوع الي حكينا في من كم يوم مشان ليلى
رامي. اممم لا اختي لا لا ما عجبتني
(بأستغراب) جنات. لككك ليشش والله ليلى مافي منها هي رفيقتي وبعرفها كتير منيح
رامي. ما حبيتا ما حسيت هي البنت الي رح تكون نصي التاني
(هزت براسا) جنات. لكك من كل عقلك في شي أسمو حب خلص المهم انو البنت منيحة ومع الوقت رح تتعود عليها الحب وهم اخي وهم انت اوهم نفسك بأنو بتحبا وهاد هو الحب
(بتعجب) رامي. عم تشبهي الحب بالوهم برأيك هاد هو الحب؟؟
(هزت راسا لتحت) جنات. ايي
رامي. ما رح ناقشك لانو بعرف الي مريتي في بعمر صغير الا ما يجي يوم وتعرفي شو يعني حب
بس بتعرفي شو ؟
صاير عم خاف عليكي من حالك
(ابتسمت بمسخرة) جنات. ههههه لا أخي خاف عحالك لانو صدقني بالوقت الي رح تأمن بالشي الي أسمو حب رح تخسر كل شي وكل ما حبيت أكتر رح تكون فرصتك بالخسارة أكتر
(قرصها من خدودا وابتسم عحركات أيديها وهي عم تشرحلو) رامي. ههههه ما عم بعرفك بتعطي دروس بالحب كمان
(رفعت حواجبها) جنات. رح يجي يوم وتصدقوني كلكون
.............................................
بعد يومين كان ملف حياة يوسف كلو عند جنات عطتا ياه اسماء وطلعت اول ما فتحت الملف شافت شي غريب خلاها تركز وتقرا المكتوب اكتر من مرة
جنات. لاااا مو معقول!!......#يتبع
وما الحبُ إلا وهمٍ نؤمنُ به بشدة ،وكُلما لعبنا الدور أكثر زادت فرصتنا بالخسارة أكثر.
#القلب_السابع_بقلم_رومانتيكا
الجزء الثالث.........
جنات. لا مو معقول!
يوسف الازهر لك هادا من عيلتي شو هالصدفة كيف لكن ما بعرفو يا ترى مين بيكون يوسف؟
قبل ما تقرأ ملفو نادت لأسماء
اسماء. خير يا خانوم
جنات. ليكي شو بدي قلك لما قرأت ملفو تبين انو من نفس عيلتي يا ترى مين بيكون يوسف
اسماء. الصراحة ما بعرف بس تبين انو عيلة الازهر الها قسمين قسم عيلتكون والقسم التاني من اصول تانية يعني يوسف يمكن من العيلة التانية
(بأستغراب)جنات. اها ممكن طيب اسماء شكراً
اسماء. اهلاً يا خانوم
بعد ما طلعت اسماء كانت بين مصدقة ومو مصدقة بس حتى لو كان من عيلتها ما بيهما فتحت ملفو وعرفت كل شي عنو فهمت شو بيحب وشو بيكره عرفت انو صاحب شركة كبيرة بالبلد وانو شخص عملي كتير وما بيعجبو شو ما كان
سكرت الملف وراحت عغرفة امها دقت الباب ودخلت لعندا كانت قاعدة عالمكتب وجمبا اللاب توب
جنات. كيفا ست الكل
نبيلة. عاش مين شافك جنات خانوم
جنات. ههههه الله يسامحك شو امي شو عم تعملي
(أشرتلا بأيدا) نبيلة. قربي بنتي عطيني رأيك عم شوف البضاعة عالنت برأيك ايا أحسن
(قربت لعند اما وتطلعت عشاشة اللاب توب) جنات. برأيي هي احسن بالنسبة للسعر وللسوق بتعرفي امي هي كتير مرغوبة بالسوق لانو مناسبة لجميع الطبقات
(طبطبت عكتفا) نبيلة. ذكية متل امك
جنات. هههههه لكن بعجبك بس ليش اليوم ما رحتي عالشركة
نبيلة. مافي شي مهم قلت بقضي النهار بالبيت
جنات. أميي
(عيونا بالاب توب) نبيلة. اممم
جنات. بتعرفي حدا من عيلتنا اسمو يوسف
نبيلة. هههههه حبيبتي العيلة كبيرة كتير شبعرفني يمكن في عشرة وبتعرفي نحنا مانا خلطة معهون
جنات. اممم معك حق
(قاطعتا) نبيلة. لا تقوليلي عشقانة
(بمرح) جنات. هههههه لا يو شو عشقانة ما بتعرفيني بكره الرجال
نبيلة. وليش بقا
(تغيرت معالم وشا) جنات. ليش يعني الي دمر حياتنا انا واخي رجال والي خان امي رجال وكل كوارث البشرية هنن سببها
(بحزن) نبيلة. طيب ليش ما بتحقدي عأمك الي قتلت ابوكي وانتحرت ونست انو عندا ولاد ليش ما بتحقدي عمرت عمك الي وزت براس عمك ليزتكون بميتم بحجة امكون الي قتلت اخو بما انو هيك لازم تحقدي عكل البشر
جنات. امي الله يخليكي شيلينا من سيرتهون بكرهون كلون الله لا يسامح كل حدا دمرلنا حياتنا انا وأخي تركو بقلبي جرح غميق مستحيل يترمم لولاكي كنا انا ورامي صفيانين بالشارع
نبيلة كانت حاسة بقهر كبير عبنتا الي شايفة الوجع بعيونها والجرح الي عم ياكل روحها ومو قدرانة تعملا شي من 15 سنة لهلق هالجرح عحالو وولا كأنو مضا عليه زمن
............................................
...........................................
دق الباب ودخل لعندو عالمكتب كان عم يقلب بأوراق قدامو ولما شاف مروان ترك الأوراق وركز معو
م. اهلين مروان
مروان. متل ما أمرتني يا بيك جمعت كل المعلومات عن مدام نبيلة وبنتا
(ركز معو) م. طيب هات لنشوف شو في عندك
مروان. بعد التدقيق والتفحيص تبين انو جنات ما بتكون بنتا لنبيلة بتكون بنت اختا
(هزلو براسو ليتابع) م. اي
مروان. جنات الأزهر بنت قاسم الأزهر عايشة عند بيت عما وخالتها بنفس الوقت الي هي نبيلة ما بيجيبو ولاد مشان هيك اتبنوها هي واخوها والي اكتشفتو انو في مشاكل بينون وبين عيلتهون بتدرس بجامعة ال...
م. شو هالحكي معقول بتدرس بجامعتي
مروان. صحيح بس شايفك ما استغربت انها من نفس عيلتك
م. لانو ببساطة بعرف عكلن بدي صور لهالعيلة وبدي عنوان بيتون
مروان. اهااا متل ما بتأمر
م. عفكرة صايرة تحركاتك كتير بطيئة
مروان. ما بدي حدا يشك فيني
م. طيب انصرف
مروان. أمرك
.................................................
.................................................
كانت قاعدة بغرفتها الساعة ستة الصبح رافعة شعرا كعكة وقداما عالتخت كتبها الي منثورين بشكل عشوائي عم تدرس لانو تاني يوم عندا امتحان كتير مهم بالنسبة الها فينا نقول عنو مصيري من التوتر ما عم تقدر تستوعب شي فجأة رن موبايلا تطلعت عالأسم كان يوسف
جنات. اوووف حدا بيتصل بالتاني الساعة ستة الصبح يلعن ساعة الي عطيتو رقمي
(سحبت نفس وفتحت الخط كانت بتعرف انو يوسف)جنات. الو مين معي
يوسف. انا يوسف صباحو
(بمكر) جنات. صباحو يوسف أسفة ما كنت مسيڤة رقمك
يوسف. اهااا مو مشكلة بس طلعت أعمل رياضة وما شفتك اليوم فقلت لأطمن عليكي
جنات. اطمن انا بخير بس رح جن
يوسف. ههههه خير ليش رح تجني
جنات. عم أدرس عندي امتحان مصيري بكرا ادا نجحت رح اترفع عالسنة التانية بس حاسة حالي ما عم بفهم شي اووف رح يطق راسي
يوسف. هههه طيب خليني شوفك وبشرحلك كل شي صعبان عليكي شو رأيك
جنات. اي فكرة حلوة ليش لاء يالله منلتقى عند البحيرة لكن
يوسف. اوك ماشي
سكرت مع يوسف وقامت لبست فستان أبيض منقط بأسود للركبة رفعت شعرها البني ذيل الحصان ولبست شنتايتها وطلعتكان عم يراقبها من بعيد عم يراقب خطواتا السريعة وحركة ايديها كل شي فيها كان عم يعجبو وشعرا الي كان عم يطير مع الهوا عم يسلبلو عقلو ويخلي يدوب بجمالا قربت منو وشلحت شنتايتا
جنات. صباحو
(كان صافن بعيونا بأعجاب ووعي لما اشرتلو بأيدا) جنات. وين صافن؟!
يوسف. صباحو لا ماني صافن
(شلحت كندرتا وقعدت عالخشب الي جنب البحيرة) جنات. ليش واقف
(قعد قبالا)يوسف. غريب ما جبتي سيمو
جنات. اوف تعبانة كتير طول الليل مو نايمة تكاسلت جيبو
(تطلع بعيونا العسليات الي عم يلمعو مع الشمس) يوسف. لهالدرجة
جنات. ههههه اي والله يالله خلينا نبلش بدي لحق نام ساعة زمان قبل ما تبلش محاضراتي
فتحت الكتاب وصارت تأشرلو وتشرحلو عالشغلات الي ما فهتمتها وهو عم يراقبها بصمت اخد الدفتر منها وصار يشرحلا بكل شي ما فهمتو كانت طريقتو بالشرح جذابة نوعاً ما بتخليك تركز بكل حواسك ومستحيل ما تدخل المعلومة لعقلك مبين عملامحو الجدية والاتزان
بعد نص ساعة..........
يوسف. بتمنى كون قدرت وصلك الفكرة بشكل صح
(تطلعت بعيونو الخضر) جنات. فظيع عنجد فظيع لازم تكون استاز
(تطلع فيها وغمزها) يوسف. لكن بعجبك
جنات. يا ربي تعبت ولسا ما خلصت النص
يوسف. مناخد بريك ادا بتحبي
(زتت الكتاب من ايدا ونامت عضهرا عيونا معلقين بالسما) جنات. اي والله تعبت
قاعد عجنب وعم يراقبها كيف عم تقاوم التعب والنعس لحتى استسلمتلو وغفيت عم يراقب شعرا الي قاعد جمبا قرب منها شوي وشم ريحة شعرا ريحة هادية كتير ولطيفة كتير بتعكس شخصيتا رجع مكانو وضل يراقبها من بعيد لحتى صحيت حركت راسا وتأففت مزعوجة من خصلات شعرا الي ععيونا كان عم يضحك عمنظرها
فتحت عيونا وتجلست بثقل
جنات. يي انا غفيت
يوسف. ههههه اي انا برأيي تروحي تنامي وبكملك الي ما فهمتي بالجامعة
جنات. اوك يوسف بتشكرك سلام
(بأبتسامة رقيقة) يوسف. الله معك بسمة
راحت عبيتا كملت نومتها وبعد ساعتين لبست وراحت عالجامعة من دون ما تحس صارت تدور بعيونها عيوسف فجأة اجت ليلى من وراها
ليلى. عم تدوري عليي
(حطت ايدا عقلبا) جنات. شو عاملتلكون انا
ليلى. عاملتيلنا انا ومين؟!!
جنات. انتي ورامي
(ابتسمت أبتسامة ناعمة اول ما انذكر اسم رامي) ليلى. رامي كيفو رامي
(برمت بوزا) جنات. بخير
ليلى. ليكي كان يوسف عم يسألني عنك قال هو عم ينتظرك عند المدرج
جنات. عنجد يالله بشوفك بعدين
صارت تركض لوصلت عند المدرج ولما شافت يوسف ابتسمت شلحت شنتايتا وقعدت جمبو
جنات. مرحبا
يوسف. اهلين بسمة يالله نكمل
فتحت الكتاب وكملا شرح لحتى خلصت وتشكرت يوسف على مساعدتو لألها
جنات. بتشكرك يوسف من كل قلبي
يوسف. اهلاً ولو بس لا تنسي تطمنيني عالنتيجة مع اني واثق منها ما بدي تشوفي حالك بس عنجد انتي طالبة ذكية كتير ومتأكد انك رح تنجحي بعملك
(بأبتسامة ناعمة) جنات. اكيد رح خبرك النتيجة وبتشكرك وبتشكر دعمك لألي
بعد أسبوع كان نتائج الامتحان طلعت من محاضرتا طايرة من الفرح اول ما شافت يوسف قربت لعندو والضحة معبية وشا
جنات. نجحت نجحت يوسف انا نجحت
يوسف. ههههه الف مبروك لكن وجبت العزيمة
جنات. ههههه اي تكرم
راحو عالكفتيريا ويوسف طالع كيس وعطا لجنات
يوسف. هي هدية النجاح بتمنا تعجبك
جنات. ههههه كيف عرفت اني ناجحة
يوسف. كنت واثق انك رح تنجحي بس بدي منك ما تفتحي الهدية لحتى تروحي عالبيت وتكوني لحالك
(بمرح)جنات. لااا بعدين بيدبحني الفضول
(تطلع فيها نظرة ما عرفت تفسر معناها) يوسف. ما دخلني بسمة
(تطلعت بعيونو بتعجب) جنات. شوو
يوسف. الصراحة انا لا تفهميني غلط
(ضحكت عتلبكو) جنات. ههههه شبك!
(كان شابك ايديه ببعض) يوسف. الصراحة معد فيي خبي بقلبي أكتر من اول يوم شفتك في بالرحلة اعجبت فيكي وصرت كل ما شوفك حس بقلبي عم يرقص من جوا ليكي انتي ما عم تخليني نام الليل من التفكير لك انا بحبك بسمة عنجد انا بحبك
(تطلعت فيه بتلبك مع انو مرقت بهالشي كتير قبل هيك بس اول مرة بتحس بهالشعور) جنات. انا ما بعرف شو بدي قلك
يوسف. لا تقولي شي ليكي انا ما عم بتسلا مشاعري لألك صادقة اول مرة بعيش هيك شي عم تفهمي عليي وبتمنى لو كان شاغل لو جزء صغير من تفكيرك
(تطلعت بعيونو الخضر لثواني)جنات. ما بعرف بحس حالي مبسوطة ومرتاحة لما كون معك بس ما بقدر حدد مشاعري لسا
(حط ايدو عأيدا وابتسم برضا من حكيا) يوسف. عطيني فرصة لاثبتلك اني بحبك عنجد
(ابتسمت بخجل وهزتلو راسا اخدت الكيس ومشيت قبل ما يحكي شي كانت بتعرف تماماً كيف تخلي اي حدا يعشقها لحد الجنون) جنات. سلام
(قاطعها) يوسف. فيني شوفك بكرا برا الجامعة
(تطلعت في لثواني وتابعت مشيا) جنات. صعب
.....................................
.....................................
ليلى. شو هاد؟!
جنات. كيس
ليلى. شايفتو انو كيس بس شو في
جنات. هدية من يوسف بمناسبة النجاح
(برمت بوزا) ليلى. لكن يا عمي العز للرز والبرغل شنق حالوجنات. ههههه شنقي حالك لكن قلي ما افتحها لحتى كون روح عالبيت وكون لحالي
(ضحكت ليلى بهستيريا)
جنات. لك ليه عم تضحكي وضريب مو الحق عليكي الحق على يلي بيحكيلك
ليلى. هههههه يا ربي طقو خواصري تخيلي تخيلي
جنات. لك شو بدي اتخيل صرلك ساعة بتقولي اتخيلي
ليلى. يا ربي تخيلي يكون حاططلك ضبع صغير ولما تكوني بالغرفة لحالك وتفتحي ياكلك متل هديك القصة الي كانت تحكيلنا ياها ستي ما قلك قفلي عحالك الباب
(لوت تما) جنات. غليظة اغلظ من الدكتور رأفت اصلاً غيرانة وكيف ما تعرفي انو قلي بيحبني اليوم أخخ يا قلبي
ليلى. ههههه ضحكتيني كل واحد بتقوليلو قلبك ما شاء الله كم قلب صار عندك ؟؟
وكيف لو يعرف انك عم تضحكي عليه وتلعبي بمشاعرو
جنات. كتيير
ليلى. يعني هلق ناوة تبلشي مع الدكتور الي شفناه بالرحلة
جنات. ما دخلك
قاعدة بالشركة ورا مكتبها وعم تفكر بحيلة مشان تحكي مع يوسف بس ما عم تلاقي ولا حجة مناسبة ألها تنفست بعمق وغمضت عيونا صرلو أسبوع ما دقلا ولا حكا معها حتى ما كانت تشوفو بالجامعة الا من بعيد صرلو فترة غاطط مسكت موبايلا وقررت تكسر كيانها وتحكي معو فتحت عمحادثتو وقبل ما تكتب شي وصلت الرسالة الي كسرت كل ذرة من كيانها!....#يتبع
#القلب_السابع_
الجزء الرابع...........
عادت الرسالة اكتر من مرة ما عم تصدق الي جواتا ما بتعرف ليش دموعا خانوها معقول لأنا بتحبو او لأنو شعرت بخدش لكرامتها مخربطة كتير وما بتعرف شو بدا طفت الموبايل وحبست راسا بين أيديها وصارت تتذكر الي صار معها
................قبل شهر..................
اول ما رجعت عبيتا راحت بسرعة عغرفتها فتحت الكيس الي عطاها ياه يوسف كان دبدوب أبيض حامل باقة ورد صغيرة وبأيدو علبة اول ما فتحتها صار يقول بحبك صورتو وبعتت الصورة ليوسف
(مسج يوسف)يوسف. ان شاء الله عجبك
جنات. كتير حلو يسلم ايديك
(بمكر) يوسف. شو بيقول
جنات. بحبك
يوسف. واخيراً ما عم صدق وانا بحبك😍
جنات. ههههه قصدي الدبدوب بيقول بحبك
يوسف. وانتي شو بتقولي؟؟
جنات. انااا؟!!
يوسف. اي انتي شو؟
جنات. يمكن ما تصدقني او يمكن تحسني عم بالغ من اول ما عرفتك ملكت قلبي وصار ينبض بأسمك
يوسف. يعني انا شو؟؟
جنات. انت!
انت قلبي ونبضو
سكرت مع يوسف وصارت تنط عالتخت من الفرح حاسة حالا رح تطير متل الفراشة
جنات. ههههههه واخيراً مافي حدا بيعسر علييي ولا حدا
(كان متكتف وعم يتفرج عليها) رامي. شبك شبك شو جنيتي
جنات. مبسوطة مبسوطة كتير
رامي. خير ان شاء الله ابسطينا معك
جنات. هههههه انجحت بالامتحان ورح اترفع
رامي. يا خاينة ولهلق ما خبرتينا انا وخالتك عم تتهربي من الحلوان ما هيك
جنات. هههه خلص الكون احلا حلوان
...............................................
..............................................
رجعت فتحت الرسالة وقرأت الي جواتا مرة تانية ورجعت تعيد فيها يا ترى مين ممكن يكون صاحب هالرسالة أحمد ولا أسامة ولا زاهر ولا منيب ولا مين؟!!
بس الي كانت متأكدة منو انو واحد من الي ضحكت عليهون
محتوى الرسالة( ما جاي عبالي هددك بس صدقاً ادا ما بعدتي عن يوسف رح افضحك قدام كل الجامعة في سؤال عم يدور ببالي صرلو فترة يا ترى كم قلب صار عندك؟؟)
سكرت الموبايل بعصبية
جنات. يا ترى انا ليش زعلانة ليش ما بدي انهي علاقتي معو؟؟
خلصنا انا ما بحبو وحتى لو عرف حقيقتي ما بيهمني
طيب وادا عرف؟؟
ويعرف ليش لخاف اوووف الله يلعنكون كلكون حقرا
اخدت شنتتها وطلعت من المكتب كانت متوترة كتير وما بتعرف شو السبب
...........................................
..........................................
قاعد بمكتبو صافن عم ينفخ بالسكاير وكل ما تخلص وحدة يشغل الي بعدا لما اندق الباب طفاها بالمنفضة وشبك ايديه ببعض
م. أدخل
مروان. مرحبا معلم
م. لكك هادا انت؟!!
لك وين كنت شو صرلك
مروان. بعتذر معلم شغلتلك بالك بس صابني حادث وكنت بالمشفى ما صرلي شي طالع
م. الحمدلله عسلامتك ما كنت بعرف
مروان. الله يسلمك بس لا تخاف ما نسيتك
(قرب منو وعطاه ظرف). هي الصور
م. طيب بتشكرك فيك تروح
فتح الظرف لما طلع مروان من المكتب تطلع عصورة نبيلة وبعدا عصورة جنات وقف مكانو ودقق بالصورة كتير منيح
يوسف. بسمة شششو الي عم يصير هي جنات يعني بنت عمي
(بصوت عالي). غبي غبي غبي هي الي خسرت رفيق عمرك كرمالا هي الي كذبت أخوك كرمالا طلعت كذابة مخادعة
(شال المنفضة من قدامو ورماها عالأرض بعصبية)
بعد ما رما كل شي قدامو قعد عالكرسي وحبس راسو بين ايديه
ما عم يصدق الوهم الي كان عايش في
بحياتك تخيلت تحب وهم؟؟
شي مو موجود سراب رح تفكرو حقيقة واول نبضة قلب ،يمكن تحبو بجنون وتعشق تفاصيل صوتو رح تتخيلو كأنو معك بكل ثانية!
هو حلم حلو كتير رح تتمنى ما تصحى منو، رح يسحرك أكتر وأكتر لحتى تخسر كل حياتك كرمالو.
بس بالنهاية شو؟!!
رح تصحى..تأكد انك رح تصحى والسراب ما رح يبقى كتير...
.................................................
.................................................
نزلت من سيارتها وتوجهت عالفيلا فتحت الباب ودخلت
جنات. مرحبا ماما
نبيلة. اهلين حبيبتي بدلي تيابك وتعي بسرعة
جنات. ما جاي عبالي أتغدا رح روح نام شوي
(قربت منها) نبيلة. شبك حبيبتي ليش صرلك فترة مانك عبعضك
جنات. لا أمي مافي شي
نبيلة. عكلن منحكي بعدين بس هلق في حدا بدو يشوفك
(بأستغراب) جنات. يشوفني انا
مين؟؟
(طبطبت عكتفا) نبيلة. انتي واخوكي بس ما رح اقدر احكي شي خلينا نفوت وبتتفاهمو جوا اخوكي معو
راحت بدلت تيابا بسرعة وراحت عغرفة الضيوف والفضول عم ياكلها يا ترى مين بدو يشوفها ما كانت شايفة غير ضهرو دخلت وسلمت
جنات. مرحبا
(لف وشو عليها وتطلع بمكر) يوسف. اهلين جنات بنت عمي
(بصوت متقطع) جنات. ااانت!!
(هز راسو) يوسف. كيفك بسمة قصدي جنات؟
رامي. بتعرفو بعض
(بخباثة) يوسف. معي بالجامعة
جنات. انت!!
انت ابن عمي
ابن الي كان بدو يرمينا بالشارع الي أكل حقنا وقال ما ألنا عندو شي كنت بكرهك ولما عرفت انك ابن عمي كرهتك اكتر انقلع لبرا انقلع
(مسكها من ايدها) رامي. جنات شبك شو صرلك خلينا نشوف شو في عندو
جنات. لكك بس(حط ايدو عتما) رامي. خلص قعدي خلينا نشوف شوفي عندو
(قعدت جمب اخوها وبرمت بوزا) جنات. اتفضل شو في عندك
(اتجاهل نظراتا وتطلع برامي) يوسف. انا جاي اليوم لهون مو لحتى استفزكون او ازعجكون انا بعترف انو ابي غلط معكون
(مسك ايد اختو وشد عليها مشان ما تحكي شي) رامي. والمطلوب؟!!
يوسف. انا صرلي فترة عم دور عليكون لحتى قدرت اوصللكون انتو الكون حق عنا ورح رجعلكون ياه وعالليرة
نبيلة. وابوك وامك!!
يوسف. مرت عمي ابي عم يقاوم المرض وهو الي طلب مني هالطلب
(كانت عم تتماسك حالا) جنات. هلق لتذكرتو انو النا حق عندكون بعد 15 سنة لتذكرتو
يوسف. ما بدي احكي بأغلاط اهلنا ونحنا بالنهاية ولاد عم وانا جاييكون اليوم مو لحتى اعمل عداوة معكون
رامي. الصراحة ما توقعت جيتك كنا صغار لما ابوك قرر بأنو بيتكون ما بيوسعنا وما بتذكرك منيح ماني حابب كتير احكي بالماضي ومتل ما قلت منضل ولاد عم
عانقو بعض يوسف ورامي وبعدين تركهون وراح اما جنات لساتا مصدومة من الي صار بين مصدقة ومو مصدقة بعد ما فاقت من صدمتها مسكت ايد رامي وشدتها بقوة
جنات. كيف كيف سامحتو؟؟
رامي. جنات
(قاطعتو بصوت عالي) جنات. انسيت؟!!
بهالسهولة انسيت الي عملو فينا ؟
نسيت لما كانو يعايرونا بأمك الي قتلت ابوك نسيت لما كانو ولاد عمك يتمسخرو علينا وما يقبلو يلعبو معنا بس لأنو نحنا ولاد يارا؟!
نسيت لما مرت عمك كانت تضربنا وما تخلي ولادا يقربو علينا ولا عمك الي رمانا بالميتم؟!!
احكي رامي احكي
(والدمعة عالقة بعينو) رامي. ما نسيت شي وحياتك عندي ما نسيت
(مسحلا دموعا ومسك ايديها التنتين). رح ناخد حقنا وحياتك رح ناخدو
تركت أخوها وراحت عغرفتها وصلها أشعار واول ما فتحتو كانت رسالة من يوسف((بعتذر منك بسمة او جنات ما بعرف شو بدي قلك ما رح بقدر كفي بهالعلاقة او الأصح بهالوهم الي عيشتيني في مستحيل يمشي الحال اعتبريني منعطف من منعطفات حياتك اعتبريني غلطة عمر او الي بدك ياه بتمنالك حياة حلوة ...(يوسف).....))
نبيلة بغرفتها عم تبكي من بعيد من دون ما حدا يحس عليها عم يشرو دموعا وبصعوبة عم تحاول تكتم شهقاتها وهيك مر اليوم بصعوبة عكل ابطالنا
يوسف الي انخذل من قلبو الي نبض بوهم وشي مو موجود.......
جنات يلي كانت عم تعيش بصراع بين كرامتها الي انخدشت قدام يوسف بعد ما بانت قدامو اللعبة كاملة وبين الماضي الي كسر روحها......
رامي الي تذكر الماضي الي حرقو وحرق أختو من دون شفقة.....
ونبيلة الي عم تنزف عجرح ولاد روحها الي ما ولدتهون.......
ولكن سواء كان هاليوم حلو او لاء رح يمرق عالكل ورح يحمل كل شي معو جروحو وآهاتو ، أحزانو وأفراحو ما رح يضل غير الأثر الروحي رح يولد يوم جديد وما منعرف شو مخبيلنا وشو مخبي لأبطالنا
((جنات))
فاقت الصبح بكير لبست وطلعت من الفيلا دخلت عالأسطبل واخدت فرسها ركبت عليه وصارت تركض نسمات الهوا كانت عم تطير شعرا البني وتتغلغل جواتو حاملة جروحها وعم تركض فيها وكل ما عم تأن الآه بقلبا عم تزيد السرعة أكتر.
((يوسف))
كان عم يراقبها من بعيد عم يتمالك حالو بصعوبة قلبو كان عم يصرخ لما شافا عيونا متل السحر ما بتقدر تنساهون طول ما انت عايش وحبا متل الجمر الي عم يكوي روحو
مرض ...
مستحيل تشفا منو يا بتضل طول حياتك عم بتعاني او بيتمرد عليك شوي شوي لحتى يقتلك عالبطيئ
شافا لما نزلت من على فرسها حبست جسما النحيل بين أيديها نفسو يروح لعندا نفسو يصرحلا بعشقو الي عم ياكل روحو بس في قاعدة بالحياة بتقول كل ما حبيت أكتر بيكون الجرح أعمق لملم جروحو ورجع عبيتو مكسور الخاطر، القلب والروح.
.......................................
لما راحت عالجامعة وقفتها ليلى كانت عم تتغالظ عليها بمرح حتى حست بأنو رفيقتها مو عبعضا
ليلى. جنات شبك شو صاير معك
جنات. خلصت الحكاية
(بتعجب) ليلى. حكاية شو؟!
(ابتسمت بقهر) جنات. ههههه حكايتنا انا ويوسف
ليلى. تركتي؟
(بقهر)جنات. هو الي تركني
ليلى. لهيك مزعوجة
جنات. ماني مزعوجة ...ماني مزعوجة بس دائماً انا الي بترك بس هالمرة صار العكس
(عكفت حواجبها بقهر عرفيقتها) ليلى. انتي منيحة
جنات. منيحة منيحة اصلاً مليت منو ليكي بدي شوف هداك الدكتور
(مسكتها من معصم أيدا) ليلى. لا تروحي
سحبت أيدا وراحت من دون ما تسمعها ...
لما شافها عم تحكي مع الدكتور والابتسامة عوشا كان في نار شاعلة جواتو عم يقول بقلبو معقول ما تركت فيكي أثر ولا صغير حتى لك كيف كيف بتقدري تكوني هيك
(دعس عقلبو ومشي قال بصوت عالي). خاينة مخادعة...
ما بتستحقي تعرفي انو امك لساتا عايشة....#يتبع
عيناكِ كسحرٌ قوي وحبكِ كجمرٌ يكوي ولستِ إلا مرضٌ تغلغل داخلي، أسأعاني منكِ ما دمتُ حياً أم ستقتلينَ قلبً جُنَ بكِ؟!
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*