نـوح الـحـمـام - الفصل 54 - بقلم ضــوء الــقــمــر - مكتملة | روايتك

رواية نوح الحمام الفصل 54 اسمع زياديقول لا الباب الي قدام محد معانا بس انا وعوق..! ركبت قدام وقبل تسكرالباب قالت الحين شنطتس يا امي معاي..! بنلحقتس فيها انا وريم مع المصوره..!؟ فاضيه يا ام ابراهيم اول مره احس ان دمتس ثقيل ..! انا ابي امي يلحقوني فيها ماهو شنطه ومصوره..!؟ مشتاقه احبب عيونها واشم شعرها ياطول ليلي طولاه..! حرك زياد السياره وهو يسولف ما سكت من طلعنا من شارع بيتنا..! وانا ما ادري وش يقول كنه بالع رادو..! ما اسمعه الا يتحمد ربي اني صرت من نصيبه..! واني اجمل ما شافت عيونه ولا اشوف شي غير انوار الشوارع من تحت الغطوه..! وصلنا الفندق ونزل زياد وفتح لي باب السياره.. وها المره صرت امشي وراه بدال ما هو ماسك يدي..! يعني الحين محتاجه احد يمسكني لا اضيع ماهو يوم كنت في بيت امي..! طلعنا للجناح الي حاجزه زياد.., ودخلت وانا امشي مثل الي مخدره احس نفسي بطيح ما ادري نوم ما ادري ارهاق ما ادري رعب او خوف على امي ..! الجناح كان صالون استقبال وشكل وراها باب ثاني يمكن غرفة نوم.. صالة الاستقبال صغيره فيها كنبات اثنين فرديه والثالثه مزدوجه بينهم طاوله..!؟ ما يمدي جلست الا جوال زياديدق رد عليه قال خلاص بطلع لكم نزل بشته على الكنبه.. وطلع اقل من دقيقه الا وراه حريم..! دخلوا رفعت راسي على صوت خالتي ام ابراهيم وريم والمصوره معهم..! ريم معاها شنطتي ودخلت للباب الثاني وخالتي ام ابراهيم وقفت جنبي ودنقت علي قالت عوق..!؟ وش فيتس بسم الله عليتس..! ما ادري كيف قلت سلامتس..! ام ابراهيم\ هذي المصوره بتصوركم زياد طلع شوي ويرجع .. وريم معاها شنطتس بترتب اغراضتس داخل عوق بحزن\ خاله لا تتركين امي.., امي ما تعودت ترقد با الحالها.., ام ابراهيم\ لاتشيلين هم الليله كلنا بننام عندها.. انتي لا تفكرين الا بنفستس وبس .. وانا امتس خلاص الحين انتي حرمة برقبة رجال لا تخيبين ظن وضحى فيتس .., طلعت ريم من الغرفه وجات جنبي.. ريم بهمس \ نزلت شنطتس وفتحتها ما طلعت شي منهاعيب الرجال برا واقف مع جزاع..! بسرعة المصوره تصور وتضف وجها ننتظرها تحت..! عوق بترجي\ريم تكفون امي لا تخلونها اختفت من عيوني ما شفتها يوم جيت امشي وين راحت ريم بتهكم \يعني وين بتروح اكيد واقفه على روس الشغالات على شان ترتيب العشا..! يا حبتس ياعوق لنكد اقول تعوذي الشيطان ..., اردفت ريم بضحك\يا ربي لا تعاقبني شفت زياد قبل شوي والله ان شوفته تمزع التسبدتبارك الله.., ماهو الي عندي لا وبعد امه ما كلتني عليه تبيني عقب كل صلاة اسجد سجود شكر على ان ولدها اخذني ..., الحمدلله اني احب جزاع والحمدلله ان الحب اعمى وجزوعي معميني غلاه... عوق بضيق بطفش\ياربي ياريم انتي وجزاع الي كنه شبه مع كل دواء.., الحين اسألتس عن امي وش جاب طاري جزاع .., ام ابراهيم بحده \امتس طيبه ما عليها يا بنتي وحنا افتضحنا با الرجال واقف برا..! وريم ماهي صاحيه من مرض جزاع لين يصقع راسها بحرمه علشان يمكن تصحى ..! ريم بغضب مصطنع\ياويلي يمه اعوذ بالله .., ام ابراهيم\اقول عن القرقره امشي قدامي .., ورجعت ام ابراهيم سلمت على راسي ام ابراهيم بحنان \استودعتك الله الذي لا تضيع ودائعه.., نفس الكلمه البارحه يوم نمت عند امي حطت يدها على قلبي وقالتها.. طلعوا ودخل بعدهم زياد..! لبس بشته الاسود الي مناقض لبياض بشرته..! وبدت المصوره تاخذ صور.., انا وزياد كلنا ملينا من التصوير انا قلبي ما كلني على امي .., وزياد ما ادري وش فيه شكله طفش مني..! كل ما قالت المصوره حط ايدك هنا والا ناظر من الزوايه هذي قعدت اتأفف.. قال خلاص بسرعه خلصينا شالت عدتها المصوره وطلعت وبقيت بس انا وزياد با الحالنا مره ثانيه.., زياد \ خوذي راحتك عوق شوفي غرفة النوم وراك كان بتغيرين لبسك..! قلت بقلبي جاك الموت يا تارك الصلاة..!؟ وش بغير لبسي الحين انا ادري عن ريم المرجوجه وش الي اختارته وحطته بشنطتي..؟! زياد يبتسم\انا بنزل دقايق وراجع لك على طول ما راح اتأخر ..! هزيت راسي وانا ساكته يعني وين ابي اطير بترجع تلقاني تأخرت والا استعجلت ..! هو طلع وانا اخذت عباتي وطرحتي ودخلت لغرفه النوم السرير كبير مره ومنثور عليه ورد اول مره ادخل فندق بحياتي ..! اول شي دورت ساعه ابي اعرف الساعه كم لقيت الحمدلله ساعه جداريه .. ها الليل معيي ينتهي وانا ظر الساعه الا توها ماو صلت احدعشر ونص ياربي سترك متى يصبح علينا الصبح... يا ها اليله لو انتس ليلة امتحان ومذاكره كان مريتي بثواني..؟؟!!! -------------------------------------- يـﮯتبع.